Wb/nia/Mataio/17/Ifadöhö wökhö zaniri Yesu

FAZA 17

(A. 17, 14—21: Mar. 9, 14—29: Luk. 9, 37—43)

14 II. Ba me larugi niha sato, ba iʼondrasi ia niha, ituhi danö fönania, imane:

15 He Tua, hakhösi tödö nonogu andrö, maniri, mofökhö sibai; asese saʼae alau ia ba galitö ba asese göi ba nidanö.

16 Ba no uʼohe ia khö ndra nifahaömö, ba tebai lafadöhö.

17 Ba itema linia Yesu, imane: He yaʼami, niha si lö famati, si no tefuyu tödö! ha waʼaragu na khömi enaʼö? ha waʼara utaha wolaumi andrö? Miʼohe ia khögu ba daʼe.

18 Ba itenaŵa ia Yesu, ba aheta khönia mbekhu andrö, ba döhö wökhö nono andrö, iʼotarai daʼö sibai.

19 Aefa daʼö, ba möi ndra nifahaö khö Yesu, ba zi ha yaʼira, lamane: Hana ndraʼaga, wa tebai mafofanö ia?

20 Ba imane khöra: Ba waʼambö wamatimi andrö. Si ndruhu sa niŵaʼögu khömi, na so khömi wamati, sezai bua lada, ba miŵaʼö ba hili andrö: Fawuʼaʼö ba daʼe, faʼeseʼö ba daʼö! ba ifawuʼa ia; ba lö hadia ia zi tebai khömi.

21 Ba lö aheta zi sambalö andrö, na tenga ba wangandrö ba ba wamoni.

(Mataio 17:14-21)

Famotokhi ba gahe

Faza 17: Famolakhömi Yesu (17:1-13) | Ifadöhö wökhö zaniri Yesu (17:14-21) | Ifaʼeleʼö wamakao yaʼia (17:22-23) | Fameʼe bobotolö (17:24-27)

Fabaliŵa lala

Fanolo ba wanura: Lala wanura • Fama'oli nösi • Ngawalö templat • Ngawalö kategori

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö