Wb/nia/Mataio/15/Oroisa niha, si lö guna

From Wikimedia Incubator
< Wb‎ | nia‎ | Mataio

templatestyles src="Wb/nia/Main Page/styles.css"/>

FAZA 15

(A. 15, 1—20: Mar. 7, 1—23)

1 I. Me luo daʼö möi khö Yesu warizaio ba sangila amakhoita, banua Yeruzalema, lamane:

2 Hana wa lasawö niŵaʼö ndra tua ira nifahaömö? Löʼö sa mombanö ira, na laʼā göra.[1]

3 Ba itema li, imane khöra: Ba hana ami göi, wa misawö goroisa Lowalangi, ba nifakhoimi andrö?

4 Noa sa iʼoroiʼö Lowalangi, imane: ”Fosumange namau, awö ninau ba: ”si mate zangelifi amania ba ma inania.”[2]

5 Ba yaʼami, ba mimane: Na so zangumaʼö khö namania, ba ma khö ninania: Tebeʼe sumange [Lowalangi] zinemau khögu enaʼö, ba alakha lö ifusumange namania, awö ninania.

6 Ba no miwuʼai goroisa Lowalangi andrö, ba nifakhoimi andrö.

7 He yaʼami, samini tödö! Si ndruhu wamaʼeleʼö Yesaya ba khömi andrö, me imane:

8 ”Lafosumange ndraʼo bewera niha andrö, ba tödöra, ba no aröu khögu.

9 Zayazaya gölöra wamosumangera yaʼo, me no nifakhoi niha wamahaöra andrö.”

10 Ba ikaoni khönia niha sato, ba imane khöra: Mifondrondrongo ba yaʼaboto ba dödömi!

11 Tenga daʼö zanaʼunöi niha si möi bakha ba mbawania, ha si möi baero, si oroi mbawania daʼö zanaʼunöi niha.[3]

12 Ba so ndra nifahaö, lamane khönia: Hadia, öʼila wa no fatuwu ba warizaio, me larongo niŵaʼöu andrö?

13 Ba itema li, imane: Fefu zinanö, si tenga nitanö Namagu andrö ba zorugo, ba ladeha dania.[4]

14 Miböhöi ira; niha sauʼa ira, samasao sauʼa, ba na ifasao nawönia sauʼa sauʼá, ba faoma aekhu ira ba gohokoho.[5]

15 Ba itema linia Fetero, imane khönia: Ombakhaʼö khöma geluaha gamaedola andrö.

16 Ba imane: Hadia, löʼö na saboto ba dödömi göi?

17 Hadia, lö miʼila, wa isaŵa mbetuʼa fefu zi möi bakha ba mbawa, awö wa ifuli möi baero ba dögitögi?

18 Ba hadia ia zi otarai mbawa, ba ba dödö iʼotarai, ba daʼö zanaʼunöi niha.[6]

19 Moroi ba dödö sa iʼotarai eraʼera si lö sökhi, ba fangeʼe, ba fohoröni donga zodonga ba fohorö böʼö ba fanagö ba famöbögö si lö duhu ba fanandraŵa.[7]

20 Yaʼia wanaʼunöi niha. Ba lö itaʼunöi niha, na manga lö mombanö.

(A. 15, 21—31: Mar. 7, 24—31)


(Mataio 15:1-20)


Famotokhi ba gahe[edit | edit source]

  1. (Luk. 11, 38)
  2. (Moz. II. 20, 12; 21, 17. Amaed. 23, 22)
  3. (Hal. zin. 10, 15. Rom. 14, 14)
  4. (Hal. zin. 5, 38)
  5. (F. 23, 16. Luk. 6, 39. Rom. 2, 19)
  6. (Yak. 3, 6)
  7. (Moz. I. 6, 5. Rom. 7, 18)



Sura Ni'amoni'ö: Mataio | Mareko | Luka | Yohane | Halöŵö Zinenge | Roma | Korindro I | Korindro II | Galatia | Nefeso | Filifi | Kolose | Tesalonika I | Tesalonika II | Timoteo I | Timoteo II | Tito | Filemo | Heberaio | Yakobo | Fetero I | Fetero II | Yohane I | Yohane II | Yohane III | Yuda | Fama'ele'ö

Fanolo wanura: Lala wanura | Fama'oli nösi | Ngawalö templat | Ngawalö kategori
Kategori: Amaedola | Budaya | Cerpen | Fangi'ila (Ilmu Pengetahuan) | Hendri-hendri | Hoho | Hikaya | Kamus Nias-Jerman | Kese-Kese | Lala wondrino (Resep) | Maena | Manö-manö | Manö-manö Nono Niha | Uso dödö (Entertainment) | Novela | Sejarah | Seni | Sinanö | Sinunö | Sura Ni'amoni'ö | Taromali Ero Migu | Turia Somuso Dödö

Fanolo wofanö: Olayama | Angombakhata | Bawagöli zato | Monganga afo | Nahia wamakori | Nga'örö spesial | Ngawalö wanolo | Sangai halöŵö | Safuria tebulö | Wikibuku | Wikikamus | Wikipedia | Wikiyunior