Wb/nia/Mataio/14/Labunu Yohane andrö, samayagö idanö
(A. 14, 1—12: Mar. 6, 14—31: Luk. 9, 7—9)
1 I. Me luo daʼö irongo duria Yesu andrö Herode, razo ba zi sagörö niʼoʼöfa tanö andrö.
2 Ba imane ba genoninia: Yohane daʼö, samayagö idanö; no maoso daʼö moroi ba ngai zi mate, andrö so khönia waʼabölö andrö.[1]
3 Noa sa ifaraʼuʼö Yohane andrö Herode, no ifaböböʼö ba no ifabeʼeʼö ba gurunga, börö Herodia andrö, foʼomo dalifusönia [Filifo].[2]
4 Noa sa iŵaʼö khönia Yohane; Lö tola so ia khöu.[3]
5 Ba ibunu enaʼö Yohane Herode, ba ataʼu ia niha sato, me ba dödöra samaʼeleʼö Yohane andrö.[4]
6 Ba me baŵa waʼatumbu khö Herode, ba manari nono Herodia andrö khöra ba daʼö, ba omasi Herode.
7 Andrö ifabuʼu khönia, fahölu ia, ibeʼe khönia hadia ia niʼandrönia.
8 Ba me no isofu khö ninania ua; ba imane: Beʼe khögu ba daʼe, ba wiga yaŵa, högö Yohane andrö, samayagö idanö.
9 Ba abu dödö razo, ba ba wahölusa no mege ba ba domenia andrö, ba iʼoroiʼö labeʼe.
10 Ba ifatenge, ifaʼeŵaʼö mbagi Yohane ba gurunga.
11 Ba laʼohe högönia, ba wiga, ba labeʼe khö nono alawe andrö, ba iʼohe khö ninania.
12 Ba so ndra nifahaönia, lahalö mbotonia ba lakoʼo; ba möi ira mangombakha daʼö khö Yesu.
(A. 14, 13—21: Mar. 6, 31—44: Luk. 9, 11—17: Yoh. 6, 1—14)
13 Ba me irongo Yesu, ba iheta ia ba daʼö, moloyo ia, isaŵa danö si mate, ba zi ha yaʼia; ba me larongo niha sato, ba laʼoʼö ia, latörö tanö, moroi ba mbanua misa.
Famotokhi ba gahe[edit | edit source]
Fabaliŵa lala[edit source]
Sura Ni'amoni'ö: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö
Fanolo ba wanura: Lala wanura • Fama'oli nösi • Ngawalö templat • Ngawalö kategori
Kategori: Amaedola • Budaya • Cerpen • Fangi'ila • Fondrino • Hendri-hendri • Hoho • Hikaya • Kamus Nias-Jerman • Kese-Kese • Maena • Manö-manö • Manö-manö Nono Niha • Uso dödö • Novela • Seni • Sinanö • Sinunö • Sura Ni'amoni'ö • Taromali Ero Migu • Turia Somuso Dödö
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Halöŵö si fakhai: Wikipedia • Wikikamus • Wikiyunior