Wb/nia/Mataio/12/Latandraŵaisi Yesu farizaio, ba ibuʼa ba hulunia

This page may meet the criteria for speedy deletion. The given reason is: The content of this subpage has been moved to the page, the corresponding chapter of the book. This subpage was created before the better system was figured out at the beginning of the test

If you disagree with its speedy deletion, please explain why on this page. If this page obviously does not meet the criteria for speedy deletion, or you intend to fix it, please remove this notice, but do not remove this notice from pages that you have created yourself.

Administrators, remember to check incoming links and the page history (last edit) before deletion.

FAZA 12

22 III. Aefa daʼö, ba laʼohe khönia zobekhu, sauʼa ba si lö hede, ba ifadöhö, tobali muhede zi lö hede andrö ba iʼila niha.

23 Ba tobali dödö niha sato fefu ba lamane: Hadia, tenga maʼuwu Dawido andrö daʼö?

24 Ba lamane farizaio, me larongo daʼö: Lö ifofanö mbekhu daʼö, na tenga moroi khö Mbelesebu, salaŵa mbekhu andrö.

25 Ba me no iʼila geraʼerara, ba imane khöra: Dozi öri adudu, na no fabali dödö; ba dozi banua ba dozi omo, ba lö fakhai, na no fabali dödö.

26 Ba na ifofanö Zatana Satana, ba noa saʼae fabali dödönia, ba he wisa waʼaro mbanuania?

27 Ba na moroi khö Mbelesebu, wa ufofanö mbekhu ba ha khö moroi, wa lafofanö iraonomi? Andrö yaʼira dania zanguhuku yaʼami.

28 Ba na moroi khö Geheha Lowalangi, wa ufofanö mbekhu, ba noa saʼae iʼondrasi ami banua Lowalangi andrö.

29 Ba he wisa niha weʼamöi yomo ba nomo zabölö, ba worabu gama-gamania, na lö ihönagö iböbö zabölö andrö? ba awena iʼosindraʼui hadia ia ba nomonia.

30 Si lö fao khögu, ba no si faʼudu khögu, ba si lö mangozara, awögu, ba samazaewe.

31 Andrö uŵaʼö khömi: Fefu hadia ia horö ba fefu hadia ia wanandraŵa, ba teʼefaʼö ba niha; ba fanandraŵaisi Eheha andrö, ba lö teʼefaʼö.

32 Ba na so zamöbögö hadia ia khö Nono Niha ba teʼefaʼö khönia; ba na so zamöbögö hadia ia khö Geheha niʼamoniʼö, ba lö teʼefaʼö khönia, he ba götö daʼe, ba he ba götö dania.

33 Sökhi döla geu mibeʼe, ba si sökhi mbuania, ba na löʼö, ba sobou döla geu mibeʼe, ba sobou mbuania. Ba mbua sa aboto ba dödöda döla geu.

34 He yaʼami, ono gulö! he moroi miʼila miŵaʼö zi sökhi, me no si lö sökhi ami? Hadia sa zi no fahöna ba dödö, daʼö zalua ba mbewe.

35 Isaoʼö baero zi sökhi niha si sökhi, moroi ba girö-girö si sökhi andrö; ba niha si lö sökhi, ba isaoʼö baero zi lö sökhi andrö.

36 Ba uŵaʼö khömi, tezofuzofu dania, na luo wanguhuku, fefu ngawalö wehede si lö guna, nilau niha.

37 Moroi ba wehedemö sa satulö ndraʼugö dania, ba moroi ba wehedemö teʼetuʼö hukumö.

(A. 12, 38—42: Luk. 11, 16. 29—32)

(Mataio 12:22-37)

Fabaliŵa lala

Fanolo ba wanura: Lala wanura • Fama'oli nösi • Ngawalö templat • Ngawalö kategori

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö