Wb/nia/Mataio/11/Faʼebua Yohane

FAZA 11

7 II. Ba me no mofanö daʼö, ba ibörötaigö Yesu, imane ba niha sato, ba khö Yohane andrö: Hadia nifaigimi, wa möi baero ami ba danö si mate? Hadia, sukhu, nifaheuheu nangi?

8 Ma hadia, wa möi baero ami? Hadia, ba wamaigi niha sonukha sombuyu-mbuyu? Hiza, ba nomo razo so zonukha sombuyu-mbuyu.

9 Ma hadia, wa möi baero ami? Hadia, ba wamaigi samaʼeleʼö? Si ndruhu niŵaʼögu khömi, si töra samaʼeleʼö. ^[1]

10 yaʼia zi so ba zura: ”Hiza, ufowaöwaö fönau zinengegu, sangehao lalamö fönau.” ^[2]

11 Si ndruhu niŵaʼögu khömi, lö irai so zebua moroi khö Yohane andrö, samayagö idanö, ba niʼadonogö ndra alawe, ba fondrege zideʼide ba mbanua zorugo andrö ba no ebua moroi khönia.

12 Ba iʼotarai luo Yohane andrö, samayagö idanö, irugi daʼe, ba teforege wangalui banua zorugo andrö, ba samorege andrö, daʼö zondraʼu yaʼia khöra. ^[3]

13 Noa sa mamaʼeleʼö zamaʼeleʼö andrö fefu, awö goroisa, irugi Yohane,

14 ba na edöna ami, ba yaʼia Geliya andrö, niŵaʼö si so.

15 Si so tögi dalinga, ba yamufondrondrongo! ^[4]

16 Ba ha khö ufaudugö niha andre? Amaedola ndraono ira, sidadao ba kade,

17 siʼao ba nawöra, lamane: No malau zigu khömi, ba lö solaya ami, no meʼe ndraʼaga, ba lö sabu dödömi.

18 Noa sa so Yohane andrö, lö manga ba lö mamadu-madu hadia ia, ba lamane: Sobekhu. ^[5]

19 Ba no so Nono Niha, mangamanga ba mamadu-madu hadia ia, ba lamane: Hiza niha soluʼaluʼa, samadu-madu agu, si fahuwu ba zanema beo andrö ba ba zebua horö; ba tobali sa famuʼa ba hulu waʼatuatua andrö nifazökhi dangania. ^[6]

(Mataio 11:7-19)

Famotokhi ba gahe[edit | edit source]

↑ (Luk. 1, 76)
↑ (Mal. 3, 1. Mar. 1, 2)
↑ (Luk. 16, 16)
↑ (F. 13, 9)
↑ (F. 3, 4)
↑ (F. 9, 10. yoh. 2, 2)

Halöŵö si fakhai: Wikikamus | Wikipedia | Wikiyunior

[1] (Luk. 1, 76)

[2] (Mal. 3, 1. Mar. 1, 2)

[3] (Luk. 16, 16)

[4] (F. 13, 9)

[5] (F. 3, 4)

[6] (F. 9, 10. yoh. 2, 2)

[1]

[2]

[3]

[4]

[5]

[6]