Wb/nia/Mataio/10/Ifobawa lala khöra

From Wikimedia Incubator
< Wb‎ | nia‎ | Mataio‎ | 10
Wb > nia > Mataio > 10 > Ifobawa lala khöra
FAZA 10

2 II. Daʼe döi zinenge andrö, si felendrua: Si föföna Zimoni, nifotöi Fetero ba Andrea, talifusönia; ba Yakobo, ono Zebedaio ba talifusönia Yohane, [1]

3 ba Filifo ba Batolomaio, ba Toma ba Mataio, sanema beo andrö, ba Yakobo, ono Galifaio ba Lebaio,

4 ba Simoni selote, ba Yuda, banua Kariota, si manga mbölinia dania.

5 Si felendrua andrö nifatenge yesu ba iŵaʼö li khöra, imane: Böi misaŵa lala niha baero ba böi miʼae ba mbanua Ndrawa Zamaria andrö. 6 Ba mbiri-biri sisuna andrö, maʼuwu Gizeraëli miʼaeʼe. [2]

7 Miʼaeʼe ba miʼangombakha, mimane: No ahatö mbanua zorugo andrö. [3]

8 Mifadöhö wökhö zofökhö, ba misusugi zi mate, ba mifadöhö mbou auri ba mifofanö mbekhu. Lö nibeʼemi böli, ba böi göi mihalö mböli. [4]

9 Böi miʼohe ganaʼa ba böi göi firö ba böi göi kefe, ba mböbö talumi. [5]

10 Böi mamola ami ba lala, böi dombua mbarumi, böi mobadagahe ami ba böi maniʼo, noa sa si nangea labeʼe gö ba zohalöŵö. [6]

11 Ba ba zi möi ami ba mbanua sebua, ba ma ba mbanua sideʼide, ba mizofu-zofu ha niha zi nangea ba daʼö, ba ba daʼö miʼiagö, irege mofanö ami.

12 Ba na möi ami yomo ba nomo, ba miʼowai ira. [7]

13 Ba na si nangea nomo andrö, ba yafalukha ia waʼohahau dödö andrö khömi. Ba na tenga si nangea ia, ba yamangawuli khömi waʼohahau dödö andrö khömi.

14 Ba na so zi lö mamaʼamöi yomo yaʼami ba si lö mamondrongo limi, ba miheta ami ba nomo andrö ba ba mbanua andrö, miʼanotogö gawu-gawu ba gahemi. [8]

15 Si ndruhu niŵaʼögu khömi, önaʼöna na zi göna mbanua Zodoma ba banua Gomora andrö, na luo wanguhuku, moroi ba zi göna mbanua andrö. [9]

16 Hiza, ufatenge ami, hulö mbiri-biri, ba hunö nasu gatua. Andrö yaʼonekhe ami, si mane ulö ba yaʼatulö ami, si mane marafadi. [10]

(A. 10, 17—22: Mar. 13, 9—13)

17 Ba miʼangelamaisi niha; laʼohe sa dania ami ba rafe, ba ba zekola khöra, labözibözi dania ami. [11]

18 Ba ba gumandru ba ba razo teʼohe ami, börö ndraʼo, ba wamaduhuʼö khöra ba ba niha baero. [12]

19 Ba na labeʼe ba dangara ami, ba böi miʼabusi tödö he miwisa ba hadia niŵaʼömi; tebeʼe sa khömi dania, ba daʼö sibai, hadia niŵaʼömi. [13]

20 Tenga sa yaʼami zihede, Eheha Namami andrö zihede, na humede ami.

21 Ibeʼe dania nibunu dalifusönia niha, ba ibeʼe nibunu nononia ama, ba maoso ndraono, udu ndra amara, labunu.

22 Ba dozi ira dania faʼudu khömi, börö döigu. Ba sanau ölö, irugi gamozua, daʼö niʼorifi. [14]

23 Ba na lagohi ami ba mbanua si sambua, ba miʼoloi, misa ŵa mbanua böʼö. Si ndruhu niŵaʼögu khömi: Lö fakhamö mi dozigö mbanua Ndraono Gizeraëli irege so Nono Niha.

24 Tenga sebua moroi khö zamahaö nifahaö, ba tenga sebua moroi khö zokhö yaʼia zawuyu. [15]

25 Abönö saʼae khö nifahaö, na tobali faoma ira zamahaö yaʼia, ba na faoma ira zokhö zawuyu. Na no labeʼe töi zokhö omo Mbelesebu, ba tenga mendrua manö lamanö göi ba zoroiyomonia? [16]

(A. 10, 26—33: Luk. 12, 2—9)


(Mataio 10:2-25)


Famotokhi ba gahe[edit | edit source]

  1. (Hal. zin. 1, 13),
  2. (F. 15, 24. Hal. zin. 13, 46)
  3. (F. 4, 17. Luk. 10, 9)
  4. (Mar. 16, 17 b. t. Hal. zin. 8, 20)
  5. (Luk. 22, 35)
  6. (Luk. 10, 7. Kor. I. 9, 7. 14. Tim. I. 5, 18)
  7. (Luk. 10, 5. 6)
  8. (Hal. zin. 13, 51; 18, 6)
  9. (F. 11, 24)
  10. (Luk. 10, 2. Hal. zin. 23, 6)
  11. (F. 24, 9. Luk. 21, 12. Hal. zin. 5, 40)
  12. (Hal. zin. 25, 23)
  13. (Luk. 12, 11. 12)
  14. (Luk. 21, 16. 17. Yoh. 15, 18—21. F. 24, 13)
  15. (Yoh. 13, 16; 15, 20)
  16. (F. 12, 24)


Faza 10: Ifatenge zinengenia, si felendrua, Yesu (10:1) | Ifobawa lala khöra (10:2-25) | Ifarou dödöra (10:26-42)

Fabaliŵa lala[edit source]

Fanolo ba wanura: Lala wanuraFama'oli nösiNgawalö templatNgawalö kategori

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö