Wb/nia/Mareko Sebua Okhöta
Ba zi sambua soi, si so ba danö saröu, so samösa zogale sotöi Mareko. Okhöta ba sinöndra Mareko andre ebua sibai irege tebai sa’ae mu’raii wa'oya. Andrö dania lakaoni döinia Mareko Sebua Okhöta. Tola muwa’ö, fa’uri Mareko lö fo’amböta, sohahau tödö ia. Ba hiza'i, lö irai itehege möi zinumana mangandrö tolo khönia. Iduhö mbawandruhönia ba niha sinumana, sindruhu walö hadöi khönia fa’ahakhö dödö.
Samuza inötö ba mangifi ia. “Hönagö’ö Mareko sebua Okhöta, base’ö, Lowalangi samösa möi fatome Ia khöu!”
Ba zihulö wongi mahemolunia, maoso Mareko, ba ikaoni wo’omonia. I’andrö ena’ö ihönagö gö soya. Itötöwui fefu golayama faoma nukha biludu nifolare ana’a. Ero mbawandruhö ifataro ndra sohalöŵö ena’ö böi möi ndra niha sinumana fao manga ba gowasa nilaunia andrö.
Mareko Sebua Okhöta modadao ia ba dadaomania, ibase’ö wa’atohare dome fondrege nifosumenge möi ba nomonia. Bahiza, numalö manö ginötö ba lö manö nasa tohare dome andrö simane niŵa’ö ba wangifina. Ba me larongo ira niha sinumana wa so gowasa ba nomo Mareko ba owulo ira lahatö’ö ira ba nomo Mareko, ma’atö so ni'oro'ö ni be buala khö zinumana. Ba mela’ila da’ö ira sohalöŵö ba lafofanö ndra niha sinumanö andrö.
Bagotalua ndra niha sinumana andrö so samösa ndramatua si no atua ba samake baru sare’a-re’a, lö mofanö ia ba idölö manö ia ahatö mbawandruhö tanö ba nahia gowasa. Ba me i’ila da’ö Mareko moroi ba zandrela ba mu’ao ia khö zohalöŵö. “Hadia nobalunö ami wa mitehe ndra matua saböu da’ö möi ba nomogu? Mi aliokö, mifofanö ia!”
I’anemai’ö lagogohe danga niha satua andrö ba lalulugö ia mofanö, lafatörö ia ba lala furi nomo Mareko. So samösa ndra alawe satu si sökhi dödö sangila niha satua andrö ba muhed ia. “Aine ama, fao khögu datalau manga.”
Ba i’ohe niha satua andrö ira alawe ba zisambua naha ba nomonia si fa’ero ba nomo Mareko. Ibe’e gönia. Ba tenga hada’ö i’ohe niha satua andrö ba mbate’e ena’ö tola molombase ia ba ileagö ia. Bahiza, lö alua falulu manga Mareko khö Zo’aya nibase-base’ö nia.
Ba dalu mbongi, ba mangifi ndra’alawe sanolo niha satua sinumana andrö. So samösa niha sanoko bawandruhö mbate’enia. “Hadia niha satua sinumana andrö mörö ba nomomö?”
“Ya’ia,” itema li ira alawe si sökhi tödö.
“Ba mbanua sitambai so samösa niha danö sawena mo’ono ono matua. Ba ono sibohou tumbu andrö, na no ebua-bua ia, ba tobali sangokhögö fefu harato Mareko Sebua Okhöta
Mahemolunia, niha satua andrö mofanö. Ba ifatunö khö Mareko ira alawe andrö hadia wangifinia.
Me irongo da’ö Mareko, ba möi Mareko i’ondrasi nomo niha danö sibohou tumbu ono andrö.
Be’e khögu nonomö ba da usou ia tobali onogu. U’ebua’ö ia ufahaö ia, ba namatedo dania ya’ia zangokhögö haratogu.”
Fehede Mareko andrö ba no fabö’ö moroi hada’ia zi so ba dödönia. I’ohe nono andrö ba ifazaumba bakha salju. “Agö da’a ba akha abe’e ndra’ugö. Simanö lala nitöröu ena’ö tola tobali sangokhögö haratogu!”
Ofeta talu mbongi, ba so zimalu Kalici ba isöndra nono side-ide andrö ni ko’o bakha ba salju. I’ohe ba nomo ba irorogö.
Mondröfi wa’ara, numalö manö ginötö. Samuza luo, möi malu Mareko fao khönia zimalu tanöbö’ö. I’ila samösa nonomatua sibohou ebua, ba me irongo hezo moroi ia, ba i’ila wa onomatua da’ö ono niha sinumana niko’onia ba salju.
I’andrö khö nono matua andrö ena’ö möi fatome ba nomonia ba ifaogö zura khö wo’omonia ena’ö ibe’e langu, simane folalangusi nasu, ba gö nono matua sitohare fatome andrö.
Möi nonomatua andrö ba nomo Mareko. Ba dalu lala, falukha ia khö niha sinumana sangandrö-ngandrö sadako. Isaisi nono matua andrö, ihalö zura moroi khö Mareko, ba ibaso hadia nösinia. Ba wa’alio ifabö’öni nösi zura. Ba zura andrö i’andrö Mareko ena’ö latema’ö nono matua zolohe sura andrö fao owasa ba lafangowalu ia khö nono Mareko.
Itema zura andrö fo’omo Mareko. Itema’ö nonomatua solohe sura andrö fao owasa ba ifangowalu nononia khö nonomatua simane oroisa Mareko ba zura.
Me mangawuli Mareko, ba ilau mofönu. Imane khö nonomatua sino tobali umönia, “Bongi andre ba ae ba nahia wamarö tuo nifarö khögu. Ifaigi-faigi sohalöŵö.”
Omasi ifa’ala numönönia, ifowe’e zohalöŵö ena’ö lafazaumba numönönia bakha ba galitö wamarö tuo. Ba zilö mudöna-döna, mofökhö numönönia. Lö alua möi ia ba naha wamarö tuo simane nifaretakö Mareko. Me lö alua möi ia ba lö lala, isalahani ia Mareko. Me tohare Mareko ba naha wamarö tuo, i’anemai’ö latako ia ira sohalöŵö nifawe’enia. Lawai umönönia zitohare. Lafazaumba Mareko bakha ba hola-hola galitö.
Niha sobou tödö, si lö fangesa ba simate lua-luania.
Nitöngöni
[edit | edit source]Omuso dödögu na öfazaewe nidunö-dunö andre ba media sosial ma Internet. Hiza i be'e fao gumbu heza tehalö ia. Be ba gahe zura: Moroi ba Wikibuku Nias. Nifa'anö Apolonius Lase. Aila ita ba niha na lö öbe'e gumbunia, me öhalö töiu zi tenga töiu.
Fabaliŵa lala
[edit | edit source]Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö