Wb/nia/Mareko/9/Famadöhö fökhö zaniri

From Wikimedia Incubator
< Wb‎ | nia‎ | Mareko

II. 14 Ba me larugi nifahaö,[1] ba ato niha samasui ya'ira, la'ila, awö zangila amakhoita, si fahuhuo khöra. 15 Ba i'anema'ö tobali dödö niha sato andrö fefu, me la'ila ia ba lahurufai ia, wangowai ya'ia.

16 Ba isofu khöra: Hadia huhuomi khöra?

17 Ba itema linia si samösa ba zato andrö, imane: He samahaö, no u'ohe khöu nonogu, si so bekhu si lö hede. 18 Ba na ira'u ia, ba idödöni ba fawukhö gilo ba ifatangi mboha ba ariri manö ia. Ba no uŵa'ö ba nifahaömö, ena'ö lafofanö, ba tebai.

19 Ba itema lira, imane: Alai ndra'o ami, niha si lö mamati! Ha wa'ara tö na sodo khömi? Ha wa'ara utaha ba khömi? Mi'ohe ia khögu.

20 Ba la'ohe khönia.

Ba me i'ila ia, ba i'anema'ö idödöni nösinia bekhu andrö, akandro, alau ia tou ba danö, ifagaölö ia ba fawukhö gilo.

21 Ba isofu khö namania Yesu: Ha wa'ara sa'ae göna-göna ia si manö?

22 Ba imane: I'otarai iraono ia. No asese itibo'ö ba galitö göi ba ba nidanö, ba wamunu ya'ia; ba na ö'ila hadia ia, ba hakhösi tödö ndra'aga, tologa.

23 Ba imane khönia Yesu: Ba niŵa'öu andrö: "Na ö'ila", — fefu hadia ia i'ila ilau samati.[2]

24 Ba i'anema'ö mu'ao nama nono andrö, imane: Mamati ndra'o, tolodo ba wa ambö famati andrö![3]

25 Ba me i'ila Yesu lahurufai niha sato andrö, ba itenaŵa mbekhu si ra'iö andrö, imane khönia: Uŵa'ö khöu, bekhu si lö hede, safiso, heta'ögö khönia ba böi sa'ae fuli'ö khönia.

26 Ba iheta ia, mu'ao-ao ia ba idödöni sibai nösinia. Ba tobali hulö zi mate, ba ato zanguma'ö: No mate ia. 27 Ba ira'u danga Yesu, ifazizio, ba maoso ia.

28 Ba me möi ia yomo, ba lasofu khönia nifahaönia, ba zi ha ya'ira: Hana wa tebai ndra'aga, ba wamofanö ya'ia? Ba imane khöra: Lö famofanö zi sambalö andrö, na tenga fangandrö.


(Mareko 9:14-29)


Famotokhi ba gahe[edit | edit source]

  1. Ayati 14-29: Mat 17:14-21; Luk 9:37-43
  2. KorI 12:10
  3. Luk 17:5,6


Faza 9: Famolakhöminia (1-13) | Famadöhö fökhö zaniri (14-29) | I'ombakha'ö wamakaonia dania (30-32) | Famarou ba walöfayaŵa (33-37) | Famarou ba ba wamologötödö (38-40) | Famarou ba wangositengagö ya'ira samösa ba ba walöfa'udu-udu (41-50)



Sura Ni'amoni'ö: Mataio | Mareko | Luka | Yohane | Halöŵö Zinenge | Roma | Korindro I | Korindro II | Galatia | Nefeso | Filifi | Kolose | Tesalonika I | Tesalonika II | Timoteo I | Timoteo II | Tito | Filemo | Heberaio | Yakobo | Fetero I | Fetero II | Yohane I | Yohane II | Yohane III | Yuda | Fama'ele'ö

Fanolo wanura: Lala wanura | Fama'oli nösi | Ngawalö templat | Ngawalö kategori
Kategori: Amaedola | Budaya | Cerpen | Fangi'ila (Ilmu Pengetahuan) | Fondrara Dödö (Entertainment) | Fondrino Gö (Resep) | Hendri-hendri | Hoho | Hikaya | Kamus Nias-Jerman | Kese-Kese | Maena | Manö-manö | Manö-manö Nono Niha | Novela | Sejarah | Seni | Sinanö | Sinunö | Sura Ni'amoni'ö | Turia Somuso Dödö

Fanolo wofanö: Olayama | Angombakhata | Bawagöli zato | Monganga afo | Nahia wamakori | Nga'örö spesial | Ngawalö wanolo | Sangai halöŵö | Safuria tebulö | Wikibuku | Wikikamus | Wikipedia | Wikiyunior