Wb/nia/Mareko/6/Famatenge ndra sinenge

From Wikimedia Incubator
< Wb‎ | nia‎ | Mareko

II. 7 Ba humede ia ba zi felendrua,[1] ibörötaigö ifatenge ira, daru-darua, itehe khöra wamofanö bekhu si ra'iö. 8 Ba i'oroi'ö khöra, böi la'ohe hadia ia ba lala, ha si'o. Böi la'ohe roti, böi la'ohe mbola ba böi kefe ba mböbö talu[2] 9 (ba mobadagahe sa) ba böi dua görö mbarura.

Fanikha zaitun ni'oguna'ö ba gö. Fanikha da'ö tola göi mufa'anö ia tobali fanikha ba wombayoini sofökhö.

10 Ba imane khöra: Ba zi möi ami yomo, ba da'ö mi'iagö, irege mofanö ami ba da'ö. 11 Ba na so mbanua, si lö mama'amöi yomo ya'ami ba si lö mamondrongo limi, ba miheta ami ba da'ö, mi'anotogö gawu-gawu ba gahemi, ba wamaduhu'ö khöra.

12 Ba mofanö ira mangombakha, lamane: Mifalalini gera-era! Ba oya lafofanö mbekhu ba ato zofökhö labayoini fanikha, lafadöhö wökhö.[3] [4]


(Mareko 6:7-13)

Famotokhi ba gahe[edit | edit source]

  1. Ayati 7-13: Mat 10:1,9-15; Luk 9:1-6; 10:4-12
  2. Mat 10:10
  3. Yak 5:14
  4. Labayoini fanikha: fanikha da'a nifera'ö moroi ba mbua zinanö nifotöi zaitun ba li Indonesia ma töi ilmiahnia Olea europaea. Oya tesöndra ia ba danö si fasui nasi Mediterania. Oya guna wanikha andre, ba gotaluania ba ginötö Yesu la'oguna'ö ia ba wamadöhö zokho awö ngawalö wökhö.
    Simane nisura ba ayati 12-13, fombayoini niha sofökhö faoma fanikha andre no tobali sambua moroi ba duho halöŵö nitou'ö Yesu ba danga ndra nifahaönia. Baero wanuriagö famalalini era-era, möi göi ira ba wondrara dödö zofökhö ba ba wamadöhö fökhöra faoma fombayoini fanikha.
    Halöŵö fombayoini andre no tetohugö wolau ya'ia irugi ma'ökhö bakha ba agama niha Keriso. Bakha ba Gereja Katolik, fombayoini niha sofökhö faoma fanikha zaitun andre no tobali sambua sakramen nifotöi Sakramen fomboyoini niha sofökhö. Si to'ölönia ha ere zolau da'a.


Faza 6: Famahaö ba Nazareta (1-6) | Famatenge ndra sinenge (7-13) | Famunu Yohane (14-29) | Fame'e gö zi lima ngahönö (30-44) | Fofanö ba dete mbaŵa (45-52) | Famadöhö fökhö (53-56)



Sura Ni'amoni'ö: Mataio | Mareko | Luka | Yohane | Halöŵö Zinenge | Roma | Korindro I | Korindro II | Galatia | Nefeso | Filifi | Kolose | Tesalonika I | Tesalonika II | Timoteo I | Timoteo II | Tito | Filemo | Heberaio | Yakobo | Fetero I | Fetero II | Yohane I | Yohane II | Yohane III | Yuda | Fama'ele'ö

Fanolo wanura: Lala wanura | Fama'oli nösi | Ngawalö templat | Ngawalö kategori
Kategori: Amaedola | Budaya | Cerpen | Fangi'ila (Ilmu Pengetahuan) | Hendri-hendri | Hoho | Hikaya | Kamus Nias-Jerman | Kese-Kese | Lala wondrino (Resep) | Maena | Manö-manö | Manö-manö Nono Niha | Uso dödö (Entertainment) | Novela | Sejarah | Seni | Sinanö | Sinunö | Sura Ni'amoni'ö | Taromali Ero Migu | Turia Somuso Dödö

Fanolo wofanö: Olayama | Angombakhata | Bawagöli zato | Monganga afo | Nahia wamakori | Nga'örö spesial | Ngawalö wanolo | Sangai halöŵö | Safuria tebulö | Wikibuku | Wikikamus | Wikipedia | Wikiyunior