Wb/nia/Mareko/2/Fogaoni Mataio andrö

II. 14 Ba me itörö, ba i'ila Lewi, ono Galifaio, si dadao ba naha wanema beo. Ba imane khönia: O'ö ndra'o. Ba maoso ia, i'o'ö.

15 Ba me manga ia ba nomo da'ö, ba ato zanema beo^[1] ba sebua horö, si manga awö Yesu ba awö nifahaönia; ato sa ira zolo'ö ya'ia.

16 Ba me la'ila sangila amakhoita, farizaio,^[2] manga ia awö zanema beo ba awö zebua horö, ba lamane ba nifahaönia: Hadia, awö zanema beo ba awö zebua horö manga ia?

17 Ba me irongo Yesu, ba imane khöra: Tenga ba zabölö moguna zame'e dalu-dalu, ba zofökhö moguna ia. Tenga ba wogoani satulö möi ndra'o, no ba wogaoni si so horö möido.

(Mareko 2:14-17)

Famotokhi ba gahe[edit | edit source]

↑ Sanema beo eluahania sohalöŵö ba gödo wamatörö nifotöi kantor pajak. Beo ni'owuloi andrö möi khö ndra niha Romawi samatörö niha Yahudi me luo da'ö, andrö wa lafökhösi tödö ira niha Yahudi zangowuloi beo andrö. Ba dödöra mangowuloi beo khö zamaki ya'ira no horö.
↑ Sangila amakhoita ba farizaio no dombua orahua niha ba agama Yahudi ba ginötö Yesu. Sangila amakhoita andrö no sogonekhe ba wangi'ila huku (me luo da'ö huku nisura bakha ba Zura Ni'amoni'ö) ba börö da'ö mohalöŵö ira ba gödo wamazökhi zura simane sura wangowalu, sura wowöli tanö btn. Farizaio no göi sogonekhe ba wangi'ila Zura Ni'amoni'ö, bahiza ohitö dödöra töra-töra ba wamo'eluaha Taromali ba wa'auri si ero ma'ökhö.

Faza 2: Famadöhö zi mate dambai (1-13) | Fogaoni Mataio andrö (14-17) | Ha wa lö mamoni ndra nifahaönia (18-22) | Ladödöni lai wakhe ba luo sabato ira nifahaö (23-28)

[1] Sanema beo eluahania sohalöŵö ba gödo wamatörö nifotöi kantor pajak. Beo ni'owuloi andrö möi khö ndra niha Romawi samatörö niha Yahudi me luo da'ö, andrö wa lafökhösi tödö ira niha Yahudi zangowuloi beo andrö. Ba dödöra mangowuloi beo khö zamaki ya'ira no horö.

[2] Sangila amakhoita ba farizaio no dombua orahua niha ba agama Yahudi ba ginötö Yesu. Sangila amakhoita andrö no sogonekhe ba wangi'ila huku (me luo da'ö huku nisura bakha ba Zura Ni'amoni'ö) ba börö da'ö mohalöŵö ira ba gödo wamazökhi zura simane sura wangowalu, sura wowöli tanö btn. Farizaio no göi sogonekhe ba wangi'ila Zura Ni'amoni'ö, bahiza ohitö dödöra töra-töra ba wamo'eluaha Taromali ba wa'auri si ero ma'ökhö.

[1]

[2]