Wb/nia/Mareko/2/Famadöhö zi mate dambai

From Wikimedia Incubator
< Wb‎ | nia‎ | Mareko
I. 1 Ba lö ara si'ai, ba ifuli möi ia ba Gafanauma, ba terongo, wa no so ia yomo. 2 Ba ato zowulo khönia niha, tobali ambö nahara, he baolayama, ba ituriagö khöra daroma li.

3 Ba la'ohe khönia zi mate dambai;[1] daöfa zangosa'ö.[2] 4 Ba me lö lalara khönia, ba wa'ato niha, ba labokai zagö, ba zi so ia. Ba me no latöla'ö, ba ladada gaso andrö,[3] naha zi mate dambai andrö.

5 Ba me i'ila wamatira Yesu, ba imane khö zi mate dambai andrö: No te'efa'ö khöu horöu, onogu.

Ba maoso ia, i'anema'ö ifazaŵa gasonia ba möi baero, oi anehe ira; tobali ahöli-höli dödöra fefu, lasuno Lowalangi, lamane: Lö irai ta'ila zi manö!

6 Ba so zangila amakhoita ösa,[4] sidadao ba da'ö, ba lamane dödöra: 7 Hadia, wa imanö da'ö? Mangaoha-ngaoha! Ha niha zangila mangefa'ö horö, baero zi ha samösa andrö, Lowalangi?

8 Ba i'anema'ö i'ila Yesu tödönia, wa no si manö gera-era dödöra, ba imane khöra: Hadia wa si manö gera-era dödömi? 9 He zaoha ira, fanguma'ö khö zi mate dambai andrö: No te'efa'ö khöu horöu? ba ma fanguma'ö: Faoso, fazaŵa gasomö ba ofanö? 10 Ba ena'ö mi'ila, tola i'efa'ö horö ba guli danö Ono Niha, ba imane khö zi mate dambai andrö: 11 Da'ö niŵa'ögu khöu: faoso, fazaŵa gasomö ba fuli'ö khömi!

12 Ba maoso ia, i'anema'ö ifazaŵa gasonia ba möi baero, oi anehe ira; tobali ahöli-höli dödöra fefu, lasuno Lowalangi, lamane: Lö irai ta'ila zi manö!

13 Ba ifuli möi ia baero ba zinga mbaŵa,[5] ba la'ondrasi ia niha sato fefu, ba ifahaö ira.


(Mareko 2:1-13)


Famotokhi ba gahe[edit | edit source]

  1. Si mate dambai eluahania si tebai mowaö-waö sa'ae börö wökhö (li Indonesia lumpuh)
  2. Mangosa'ö eluahania mamahea samösa niha (li Indonesia mengusung)
  3. Gaso eluahania nahia wemörö si hulö dufo bahiza awe'e-we'e ia me no labe bakha gafasi ena'ö ami dödö zimörö yaŵania me ombuyu ia. Lö ta'ila sibai na gaso ni'ohera me luo no. Abua wolohe-lohe gaso. Börö da'ö te tufo nidadara andrö moroi ba zagö.
  4. Sangila amakhoita eluahania ya'ira sohalöŵö ba wamazökhi sura simane sura wangowalu, famalali kefe, fowöli tanö btn. Ba li Indonesia lafotöi ira ere zura ni'amoni'ö (li Indonesia ahli taurat), bahiza abölö fakhili halöŵöra ba halöŵö ndra nifotöi pengacara ma advokat ba li Indonesia, ya'ira sogonekhe ba wangi'ila huku.
  5. Baŵa eluahania idanö sowulo si hulö asi (li Indonesia danau)


Faza 2: Famadöhö zi mate dambai (1-13) | Fogaoni Mataio andrö (14-17) | Ha wa lö mamoni ndra nifahaönia (18-22) | Ladödöni lai wakhe ba luo sabato ira nifahaö (23-28)



Sura Ni'amoni'ö: Mataio | Mareko | Luka | Yohane | Halöŵö Zinenge | Roma | Korindro I | Korindro II | Galatia | Nefeso | Filifi | Kolose | Tesalonika I | Tesalonika II | Timoteo I | Timoteo II | Tito | Filemo | Heberaio | Yakobo | Fetero I | Fetero II | Yohane I | Yohane II | Yohane III | Yuda | Fama'ele'ö

Fanolo wanura: Lala wanura | Fama'oli nösi | Ngawalö templat | Ngawalö kategori
Kategori: Amaedola | Budaya | Cerpen | Fangi'ila (Ilmu Pengetahuan) | Hendri-hendri | Hoho | Hikaya | Kamus Nias-Jerman | Kese-Kese | Lala wondrino (Resep) | Maena | Manö-manö | Manö-manö Nono Niha | Uso dödö (Entertainment) | Novela | Sejarah | Seni | Sinanö | Sinunö | Sura Ni'amoni'ö | Taromali Ero Migu | Turia Somuso Dödö

Fanolo wofanö: Olayama | Angombakhata | Bawagöli zato | Monganga afo | Nahia wamakori | Nga'örö spesial | Ngawalö wanolo | Sangai halöŵö | Safuria tebulö | Wikibuku | Wikikamus | Wikipedia | Wikiyunior