Wb/nia/Manu Silatao, Luo, ba Mala'ika

Luo, umbu haga ba guli danö awö planet tanöbö'ö, fa'ebuania te so ma to tölu ngafulu kali moroi ba zoroma ba höröda na tafaigi moroi ba gulidanö. No ide-ide wamaigida me nahiania aröu sibai.

Hiza, Luo andre monukha hulö razo ia, ifake dakula mane nifake duhenöri. Awöda'ö, ifa'aso So'aya 15.000 mala'ika sifao khö Luo ero ma'ökhö.

Ero ahatö aekhu Luo, na no manaere ia ahatö ba gaekhula, ba laheta nukha ba dakula Luo ba labe'e yawa ba zinga dadaoma Zo'aya.

So datölu mala'ika zifao-fao khö Luo nituyu ba wo hönagö mbaru ba takula duhenöri andrö. Ba daotu malaika nifataro ba wamonukha Luo.

Na inötö tumbu Luo moroi ba gatumbukha ba ibörögö ifadege ia tanö ba gaekhula, fofo Zorugo nifotöi Phoenix so'alitö muhombo ira tanö föna Luo. Ba fatua lö muhombo ira ba labasöi ua gafira faoma idanö nasi ba latefe'ö khö Luo ena'ö lö akhozi ira ba haga Luo sa'usö ana'a.

Erena simanö, ba a'oi akhozi gafi wofo zorugo andrö ero göna ira fa'aukhu haga Luo. Ba aefa da'ö, lafuli zui la'ungugö ira ba nasi sebua afu mangawuli zui gafira sakhozi.

Andrö dania laŵa'ö-ŵa'ö wa manu silatao ma manu gadao andrö sinenge zokhö, barö gafinia so sagörö mbu safusi bu wofo zorugo andrö. Na alömö Luo manaere tanö ba gaekhula, ba bu gadao andrö tebö'öni. Ba melahalö nukha ba takula Luo moroi ba dadaoma Zo'aya ba faudu da'ö maoso zilatao manu andrö, ilau miwo, ba ifangafo-ngafo gafinia. So tölu kali miwö gadao andrö ba so geluahania.

Femiwo siföföna eluahania mangombakha wa so wemaoso niha sino mate ba zi sagörö ulidanö dania. Na femiwo sidua, eluahania: "He Keriso, Same'e Haga, faigi ndra'aga ba amualagö haga-Mö ba gulidanö. Femiwo sitölu, ya'ia ba we'ao: "Keriso andrö sauri Ia. samönui ba samalawu fefu gofu hada'ia."

Simanö wemiwo gadao ba wamaondragö haga, ba mamosumange somböi, ba manuariagö fa'omusö dödö khö niha fefu. Yaduhu.

Nifa'anö: Apolonius Lase

Nitöngöni

Omuso dödögu na öfazaewe nidunö-dunö andre ba media sosial ma Internet. Hiza i be'e fao gumbu heza tehalö ia. Be ba gahe zura: Moroi ba Wikibuku Nias. Nifa'anö Apolonius Lase. Aila ita ba niha na lö öbe'e gumbunia, me öhalö töiu zi tenga töiu.

Fabaliŵa lala

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö