Wb/nia/Manu Pollito Tito

So sambua manö-manögu. Ono manu. Töinia Pollito Tito. Pollito Tito toröi ba zimbua kandra, ba zi sambua banua.

Pollito Tito andre lö alawa ba lö göi arawa-arawa. Lö esolo, ba lö göi angao sibai. Lö atua-tua, ba lö göi bodo sibai. Pollito Tito ono manu si to'ölö manö.

Ba zi samuza inötö, ba zi hulö wongi, Pollito Tito manga ba naha nawu. Omasi sibai ia wemanga roti difaga nifagule mentega. Ba simane sito'ölö sambua galasi kofi.

Pollito Tito mombaso turia

Me i'a roti ba lö olifu ia ibaso göi duria nifa'anö ba zura fanuria (surat kabar). Tetuzu hörönia ba zi sambua duria. Högö duria andrö, Adudu Mbanua!

Me ibaso duria nisura da'ö ba tesao wa'ata'unia. Tohafa ia irege atoru gönia roti bakha ba galasi kofi.

"He So'ya, adudu mbanua... !" Mu'ao ia ebua sibai linia.

"Ufatunö duria da'a khö niha fefu ena'ö larongo."

Turia da'a ifa'ohe'ö khö nawönia ba zura elektronik. Saribu ndra awönia bakha ba gu'ö. Aefa da'ö, ilau fagohi, ilau ia ba newali. Ba zi sara lala nitörönia ba mbanua andrö ba ilau mu'ao-ao. I'ombakha'ö wa adudu mbanua.

Siföföna nifalukhaisinia ya'ia Gallina Martina. Galina andre manu sihene. Awena mangawuli ia moroi ba harimbale.

"Ya'ahuwu, Pollito Tito!” I'owai Pollito Tito Gallina Martina. “Hezo numalö'ö, hulö fagaösö-gaösö'ö? Haniha zolohi ya'ugö?”

“Adudu mbanua!” imanö Pollito Tito

“Ha? Hadia sindruhu? Hakhö örongo?” isofu Gallina Martina.

“Ubaso ba duria nisura ba gu'ö, ba internet!” imanö Pollito Tito.

“He le, alai! Sindruhu duria da'a! ” imanö Gallina Martina. “Aine, talau moloi!”

La'aliokö gahera wofanö, latörö lala numalö ba mbaŵa.

Me'ofeta ira ba mbaŵa falukha ira bebe sotöi Pato Renato. Me tohare Pollito Tito ba Gallina Martina, Pato Renato molangi-langi susuene.

"Hallo Tito, hallo Martina. Hezo möi ami? Hana wa hulö ata'u sibai ami, hadia zalua?" Isofu Pato Renato.

"Adudu mbanua! Adudu mbanua!" latema linia Pollito Tito ba Gallina Martina.

“Ha, sindruhu da'ö ba?" isofu Pato Renato

"U'ila moroi ba internet!" itema li Pollito Tito.

"Alai... na moroi ba internet, sindruhu sa'ae da'ö." Pato Renato mangaösö ia möi yaŵa ba zinga mbaŵa. Fao ia khö Pollito faoma Gallina.

Pollito Tito, Gallina Martina, Pato Renato fagohi

La'osisi lala numalö ba kandra aso. Me ofeta ira ba so Ignacio el Ganso, ya'ia aso (angsa). Me tohare ira, ibaso-baso Ganso puisi khö marafadi Palomita Rita. Tokea Ganso ba ibato wobaso puisi.

"Hezo möi ami? Hana wa mohae-hae ami?" isofu Ganso.

"Adudu mbanua!" fendronga lira wanema li Ganso.

"Hadia? He So'aya sindruhu duria da'a," Faduhu dödö Ganso.

"Aine, iada'a tenga inötönia wobaso puisi. Tabu mofanö ita," imanö Pollito Tito.

Falukha khö Ignasio el Ganso ba Palomita Rita

Ifahökö ia Ganso. Ifangafo gafinia göi Palomita Rita. Mofanö ira. Pollito Tito, Gallina Martina, Pato Renato, Ignacio el Ganso, dan Palomita Rita lafata'i gahera lalau fagohi, latörö lala numalö ba kota. Ba dalu lala falukha ira khö nasu gatua sotöi Zorro Berto. No modaodao Zorro Berto ba zi sambua kafe, no ibokai laptopnia, ilau manura-nura me onekhe ia göi wangehaogö manö-manö.

Me irongo we'ao-ao ndra Pollito Tito, möi ia baulu ba ifolombase ira. "Halo, hezo möi ami. Hana wa a'oi afusi mbawami hadia zata'u ami?" Isofu khöra Zorro Berto.

"Adudu mbanua! Adudu mbanua! Endronga lira wanema li Zorro Berto.

"Hadia sindruhu da'ö?" isofu khöra Zorro.

"Sindruhu! Mabaso ba internet!"

"He le, na simanö, migo'ödo, u'ila hezo naha si tola tabini'ö ita," iföfögö gama-gamania Zorro, ibe'e bakha ba tasinia. Ba mofanö ira. Ifatörö ira ba lala numalö ba kabu. Latörö lala nifataba saekhu ba zisambua dögi. Ogömi-gömi dögi andrö ba tebalu ira na adudu mbanua.

“Mi'ae bakha. Mi'ae bakha fefu. Da'a nahiada fefu. Na adudu mbanua ba lö hada-hada'ia khöda," imanö khöra Zorro Berto.

Möi ira fefu bakha ba dögi lago'ö Zorro Berto, asu gatua andrö.

Ifemöi bakha fefu ndra gaurifö andrö asugatua, Zorro Berto.

Sarawongi ba bakha ba dögi so ira. Ofeta moluo, ba zihulöwongi, lö hadöi nini-nini dögi. Hezo Pollito Tito ba awönia fefu?

Samösa lö sangila hadia zalua. Oroma Zorro Berto no mudao-dao ia mbörö geu sesolo. No iboho-boho mbawa me no abuso dalunia.

"Alai gurifö si lö uto, si lö mangila wetahögö," imanö Zorro Berto.

No abuso Zorro Berto.

Ifuli ibokai laptopnia Zorro, itohugö zui manö-manönia. Lö olifu ia ibe'e wanofu ba gahe zurania: hadia zitola mihalö si sökhi ba nidunö-dunö andre? Böi aösö-aösö mifarisayoi gofu hadia ia zi so ba gu'ö he. "Erönusi ua. Faigi hadia faya ma sindruhu nisura andrö?"

Nifa'anö: Apolonius Lase

Nitöngöni

Omuso dödögu na öfazaewe nidunö-dunö andre ba media sosial ma Internet. Hiza i be'e fao gumbu heza tehalö ia. Be ba gahe zura: Moroi ba Wikibuku Nias. Nifa'anö Apolonius Lase. Aila ita ba niha na lö öbe'e gumbunia, me öhalö töiu zi tenga töiu.

Fabaliŵa lala

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö