Wb/nia/Luka/22/Fangandrö ba kabu Gezemane

From Wikimedia Incubator
< Wb‎ | nia‎ | Luka‎ | 22
Wb > nia > Luka > 22 > Fangandrö ba kabu Gezemane

39 V. Ba mõi ia baero, isaw̃a gahe hili wanikha, no toʼõlõ ia ba zi manõ.

40 Ba laʼoʼõ ia nifahaõnia. Ba me no irugi, ba imane khõra: Miʼangandrõ, fa bõi itõrõ ami fanandraigõ.

41 Ba iheta ia khõra, ikhamõ tebutebu kara waʼarõu, ba ibalõduhini tou danõ, mangandrõ, imane:

42 He Ama, enaʼõ na õfataluʼiʼõ khõgu mako andrõ, ba bõi yaʼitõrõ zomasi ndraʼo, ha somasi ndraʼugõ.[1]

43 Ba toʼele khõnia malaʼika, moroi ba zorugo, sangabõlõʼõ yaʼia. [2]

44 Ba tobali fasõndra ia ba iforege wangandrõ. Ba tobali hulõ mbõibõi ndro mbõbõinia, atoru ba danõ.[3]

45 Ba maoso ia, ibato wangandrõ andrõ iʼondrasi ndra nifahaõnia, ba hiza, no mõrõ ira, ba waʼabu dõdõ.

46 Ba imane khõra: Hadia wa mõrõ ami? Mifaoso! miʼangandrõ, fa bõi itõrõ ami fanandraigõ.[4] [5]


(Luka 22 : 39 – 46)

Famotokhi ba gahe[edit | edit source]

  1. Yoh. 6, 38
  2. Dan. 10, 18. 19. Heb. 2, 7
  3. Heb. 5, 7
  4. A. 22, 47—53: Mat. 26, 47—56:
  5. Mar. 14, 43—50: Joh. 18, 2. 3. 10. 11