Wb/nia/Luka/21/Fama'ele'ö wa'atua danö

From Wikimedia Incubator
< Wb‎ | nia‎ | Luka‎ | 21
Wb > nia > Luka > 21 > Fama'ele'ö wa'atua danö

25 III. Ba so dania dandra ba luo ba ba mbaw̃a ba ba ndrõfi, ba faʼatosasa niha ba goeli danõ, ba waʼabu dõdõ ba weʼuguʼugu nasi ba ba ndrulu. [1]

26 Tekiko niha ba waʼataʼu börö wangiwa dödö bazalua si gõna uli danõ andre dania, humeuheu sa wa’abölö ba mbanua si yaw̃a dania.

27 Ba laʼila dania Nono Niha, si so moroi sa ba lawuo, si no aʼoi so faʼabõlõ, awõ lakhõmi.[2]

28 Ba na iborõgõ daʼõ, ba mifaoso, ba mifaõga mbawami, me no ahatõ wangefaʼõ yaʼami andrõ.[3]

29 Ba iw̃aʼõ khõra gamaedola, imane: Mifaigi marafala andrõ, awõ ngawalõ geu fefu;

30 na no mokiokio ia, ba miʼila manõ tõdõmi, na mifaigi, wa no ahatõ mbaw̃a waʼaukhu zino.

31 Si manõ gõi ami, na miʼila itõrõ daʼõ, ba yaʼaboto ba dõdõmi, no ahatõ mbanua Lowalangi andrõ.

32 Si ndruhu niw̃aʼõgu khõmi, lõ fakhamõ atua niha si sagõtõ andre, ba no ahori itõrõ.

33 Atua mbanua si yaw̃a ba atua danõ, ba lõʼõ manõ awuʼa daroma ligu andre. [4]

(Luka 21 : 25 – 33)

Famotokhi ba gahe[edit | edit source]

  1. Hes. 38, 19. 20. Hos. 10, 8
  2. Mat. 26, 64
  3. Tes. II. 1, 7 b. t. Yak. 5, 8
  4. F. 16, 17