Wb/nia/Luka/19/Amaedola gana'a nibe'e nifalali

From Wikimedia Incubator
< Wb‎ | nia‎ | Luka‎ | 19
Wb > nia > Luka > 19 > Amaedola gana'a nibe'e nifalali

11  II. Ba me no larongo daʼõ, ba ilau na gamaedola, me no ahatõ ia ba Yeruzalema, ba me lawai iʼanemaʼõ toʼele mbanua Lowalangi andrõ.[1] 12 Imane saʼae: So zofanõ, salaw̃a, isaw̃a danõ sarõu, enaʼõ tobali tuhe nõri ia ba daʼõ, ba mangawuli. 13 Ba humede ia ba zawuyunia, dafulu, ibeʼe khõra zi fulu balaki, ba imane khõra: Milau ba waniaga, irege mangawulido. 14 Ba no fatiu dõdõ mbanuania khõnia, ba lafatenge zinenge, soloʼõ yaʼia, lamane: Lõ edõnaga salaw̃ama daʼõ.[2] 15 Ba me mangawuli ia, me no tobali tohe nõri ia si yefo, ba ifakaoniʼõ zawuyunia andrõ, nibeʼenia anaʼa andrõ, enaʼõ irongo, he lawisa wolau. 16  Ba so zi fõfõna, imane: He Tua, fulu balaki hare zi samba fondruyu andrõ khõu. 17 Ba imane khõnia: Lau, sawuyu si sõchi! Me lõ si farõi ndraʼugõ ba zi lõ oyaʼoya, ba yaso barõ mbawau zi fulu banua. 18 Ba so wanete daʼõ, imane: Si sambua fondruyu andrõ khõu, Tua, ba no mohare, lima balaki. 19 Ba imane gõi ba daʼõ: Ba yaʼugõ gõi, yaso barõ mbawau zi lima banua. 20 Ba so zi samõsa, imane: Yaʼe zi sambua fondruyu khõu, Tua, no uʼirõʼõ ba zaefu tanga. 21 Noa sa ataʼudo ndraʼugõ, me no sabeʼe huku ndraʼugõ, me õhalõ zi tenga nibeʼeu, ba me õbasi zi tenga nitarumõ. 22 Imane khõnia: Moroi ba mbeweu uhuku ndraʼugõ, sawuyu si lõ sõkhi. Hadia, no õʼila sabeʼe huku ndraʼodo, mangaido si tenga nibeʼegu, ba mamasido si tenga nitarugu? [3]. 23 Ba hana wa lõ õbeʼe ba zamalali ganaʼagu andrõ? Ba yaʼo, na sodo, ba uhalõ fabaya hare, enaʼõ. 24 Ba imane ba zi so ba daʼõ: Mihalõ khõnia zi samba fondruju andrõ, ba mibeʼe ba zi so si fulu balaki. 25 Ba lamane khõnia: He Tua, ba no fulu balaki khõnia. 26 Uw̃aʼõ khõmi, dozi ba zi ho so, ba tebeʼe, ba khõ zi lõʼõ, ba lahalõ gõi zi ho so khõnia.[4] . 27 Ba si fatiu tõdõ andrõ khõgu, si lõ edõna salaw̃ara ndraʼodo, ba miʼohe ba daʼe, ba mibunu ira fõnagu. 28 Ba me no iw̃aʼõ daʼõ, ba mofanõ ia, isaw̃a misi yaw̃a Yeruzalema.[5] [6] [7]


(Luka 19 : 11 – 28)

Famotokhi ba gahe[edit | edit source]

  1. F. 17, 20)
  2. Yoh. 1, 11
  3. Mat. 12, 37
  4. F. 8, 18
  5. A. 19, 29—40
  6. Mat. 21, 1—11: Mar. 11, 1—10
  7. Yoh. 12, 1. 12