Wb/nia/Luka/15/Amaedola mbiri-biri selungu ba hua suku
1 I. Ba oi laʼondrasi ia sanema beo ba sebua horõ, ba wamondrondrongo huhuonia.[1]
2 Ba kumõkõkõkõ warizaio ba sangila amakhoita, lamane: Ifaʼamõi khõnia zebua horõ daʼõ ba orudu manga ia khõra. [2]
3 Ba ilau khõra gamaedola andre, imane:
4 Ha niha ba khõmi zi so biribiri, otu ngaʼeu, ba na elungu zageu, hadia lõ irõi ba danõ si mate zi siw̃a wulu a siw̃a, ba iʼoʼõ zi sageu andrõ, irege isõndra?[3]
5 Ba na no isõndra, ba iʼangalisigõ, omuso dõdõnia,[4] 6 ba na irugi yomo, ba ikaoni zi fahuwu khõnia, awõ zi fahatõ omo khõnia, imane khõra: Akha omuso dõdõmi, awõgu, me no usõndra mbiribirigu andrõ, si no elungu andrõ?
7 Uw̃aʼõ khõmi, si manõ gõi waʼomuso dõdõ ba zorugo, ba niha, samalalini eraʼera, he ha samõsa, moroi ba waʼomuso dõdõ ba zi siw̃a wulu a siw̃a, si lõ moguna famalalini eraʼera.[5]
8 Ba heza so ndra alawe, si so hua suku, fulu ngaʼõrõ, ba na aekhu zagõrõ khõnia, hadia, lõ itunu wandru, ba lõ ibõzini nomo, ba lõ iforege wangalui, irege isõndra?
9 Ba na no isõndra, ba ikaoni ndra alawe si fahuwu khõnia, awõ zi fahatõ omo khõnia ba imane: Akha omuso dõdõmi, awõgu, me no usõndra hua suku andrõ, si no aechu.
10 Uw̃aʼõ khõmi, si manõ waʼomuso dõdõ ba zanehe malaʼika andrõ, ba zorugo, ba niha, samalalini eraʼera, he ha samõsa.
(Luka 15 : 1 – 10)
== Famotokhi ba gahe ==