Wb/nia/Luka/12/Fa'omasi gana'a ba fa'abu dödö ba mbalazo

From Wikimedia Incubator
< Wb‎ | nia‎ | Luka‎ | 12
Wb > nia > Luka > 12 > Fa'omasi gana'a ba fa'abu dödö ba mbalazo

13 II. Ba so zamõsa, awõ niha sato andrõ, imane khõnia: He samahaõ, w̃aʼõ khõ gaʼagu, enaʼõ mafaosa gõndrõita zatua.

14 Ba imane khõnia: He le! ha niha zamataro yaʼo sanguhuku, ba ma samaosa ondrõita ba khõmi?

15 Ba imane khõra: Mifaigi, miʼangelamaisi waʼomasi ganaʼa fefu, alakha lõ fahõna, fa irugi aurifa si so andrõ.[1]

16 Ba iw̃aʼõ khõra gamaedola, imane: So niha soʼanaʼa, ba no abõlõ mbua nowinia.

17 Ba iʼeraʼera tõdõnia, imane: He uwisa, me lõ khõgu nahia ba wangirõʼõ bua nowigu?

18 Ba imane: Daʼõ ulau: Ududugõ halasagu, ba segebua moroi ba daʼõ ufazõkhi, ba daʼõ uʼowuloi fefu mbua zinanõgu ba hadia ia zi so khõgu.

19 Ba umane ba dõdõgu: No fahõna khõu mbalazo, jaʼugõ tõdõgu, ha me uga fakhe lõ ahori; honogõʼõ, lau manga ba badubadu hadia ia ba omusoiʼõgõ!

20 Ba imane khõnia Lowalangi: He sambõ eraʼera! bongī andre lahalõ nosou, ba nihõnamõ andrõ, ba ha õkhõ mõi?[2]

21 Si manõ lala zangozaragõ khõnia anaʼa, si lõ anaʼa ba khõ Lowalangi.[3] [4]

22 Ba imane ba nifahaõnia: Andrõ uw̃aʼõ khõmi, bõi miʼabusi tõdõ noso, hadia mbalazomi, ba bõi miʼabusi tõdõ mboto, hadia nukhami.

23 No ebua noso, moroi ba mbalazo, ba no ebua mboto, moroi ba nukha.

24 Mitõngõni gaga, lõʼõ sa manaroeu ira ba lõ mamasi, lõ khõra lou ba lõ halasa, ba ibalazoi ira Lowalangi; tenga no arõu tohude ami moroi ba wofo? 25 Ba ha niha ba khõmi zangila mondrouʼõ faʼanau nosonia samba siʼu, na iʼabusi tõdõ?

26 Ba na tebai gõi ami ba wondrege zideʼide, ba hana wa miʼabusi tõdõ dánõ bõʼõ?

27 Mitõngõni ladari mbõhõ andrõ, lõʼõ sa managu ba lõ manoso; uw̃aʼõ khõmi, lõʼõ gõi manõ nukha Zelomo ba lakhõminia andrõ fefu, si mane nukha zi sara daʼõ.

28 Ba na imanõ Lowalangi wamonukha duʼu ba danõ, si so maʼõkhṍ, nitiboʼõ ba galitõ mahemolu, ba tenga mendrua manõ imanõ khõmi, sambõ famati?

29 Ba yaʼami, ba bõi miʼalui hadia niʼa, hadia nibadu, ba bõi fawuka dõdõmi.

30 Niha guli danõ andre sa zangalui daʼõ fefu, ba Amami andrõ, ba no iʼila, wa soguna khõmi daʼõ.

31 Ba miʼalui mbanuania, ba tebeʼe nõnõnõnõ khõmi daʼõ.

32 Bõi miʼataʼufi, yaʼami, rorogõfõ gubalo, si lõ atoto; noa sa faʼomasi Nama, khõmi dania mbanua andrõ. [5]

33 Miʼamawa zi so khõmi, ba mibeʼe ameʼela ba zi numana. Miʼasogõ khõmi mbola si tebai obou, awõ girõgirõ si lõ ahorihori, ba zorugo, si tebai irugi sanagõ ba si lõ ifakiko hama. [6]

34 Ba zi so girõgirõmi sa, ba daʼõ gõi so dõdõmi dania.[7]

Luka 12 : 13 – 34)

Famotokhi ba gahe[edit | edit source]

  1. Tim. I. 6, 7—10. Amaed. 23, 4
  2. Sin. 39, 7. Job. 27, 8
  3. Tim. I. 6, 17. Sin. 73, 25 b. t.
  4. A. 12, 22—31: Mat. 6, 25—31
  5. F. 22, 29. Yes. 41, 10. 14
  6. F. 16, 9: 18, 22. Mat. 6, 19. Heb. 10, 34
  7. Tim. I. 6, 19