Wb/nia/Hoho ba we'amöi tome ba wangowalu

From Wikimedia Incubator
< Wb‎ | niaWb > nia > Hoho ba we'amöi tome ba wangowalu
Oya mbanua matörö
Awena möiga andre
Zame ö ba gadi sumange
Sesai huli ndrawa Ase

Ba no muhede luo
No iŵa'ö iano:
Ya'e lalau sì fahatö
Zalio örugi zao ötö.

Nangea hili Masöla
mbanua ba zowatö
Nangea hili firö 
hili tugela ganöwö
Nahada na atua danö

Nangea banua Duha
Mbanua ba zowatö
Nangea banua Gözö
Si a'a danö, me ibago Silawo

Andrö magamö-gamö
Andrö makhölömi
Me sìŵa götö duami
Lö irai afeto li.

Andrö magamö-gamö
Mbanua ba zowatö
Andrö wa marugi
Mbanua Duha Lowalangi.

Andrö möiga waigi
Andrö moiga wauzei
Me miwo zilatao langi

Nangea hili Masöla
Mbanua ba zowatö
Nangea hili firö
Alo ezai löfö-löfö
Ba gahenia hili bö'ö

Sirao namau Amagu Tuha zowato
Hiawalangi ndra'ugö
Ehehau ni'ogasö folosö zilötö danö

Nangea Sirao namau Amagu Tuha zowato
Ba Loumewöna ndra'ugö
Ehehau rate firö, fanada niha ba danö

Falö'ö-lö'ö sumange
Mbanua ba zowatö
Falö'ö-lö'ö böwö
Aganönö yöu tahö dete Mba'u nitötö

Awai hohou Lahusa
Wamaola zowatö
Awai hohou Noyo
Me mamaola Zila'o

Awai hohou Lahusa
Wamaola zowatö
Awai gete-gete nasi
Me mamaola Mburuti

No tatema nafo
Ba danga zowatö
Tenga tawuo manö
Sowulu rai fa'a'usö

Fanema li:

Hulö tumbu luo
Moroi tou dome
Hiza, tohare ba Mbawö
Zatöngö sì sambua danö

Tuha börö zebua
Moroi tou dome
He wa möi'ö fagohe
Khö Duha side'ide?

No akhömi danö
Föna ba zowatö
Awena moluo mbanua
Me tohulu börö danö

Oya dome föna
Iwa talifuso
Awena dome andre
Si hulö luo me tohare

Oya dome föna
Awena dome andre
Solohe sura sihede

Tesao nowo Hagöri
Wa'aso dome
Tesao nowo tanö
He wa ösao'ö
Ba gala-ala nidanö?

Ba namö sa me föna
Mbanua ba zowatö
Lö ya ma'ökhö,
No alau gawu,
Raya namö furi zi sìŵa nga'ötö

Mitari mihuhugö
Ono geto sì'alu!
Boi minini-nini
Si numana tödö!


Umbu[edit | edit source]

Elio Modigliani, Un Viaggio a Nias, 1890, nga'örö 699-701



Sura Ni'amoni'ö: Mataio | Mareko | Luka | Yohane | Halöŵö Zinenge | Roma | Korindro I | Korindro II | Galatia | Nefeso | Filifi | Kolose | Tesalonika I | Tesalonika II | Timoteo I | Timoteo II | Tito | Filemo | Heberaio | Yakobo | Fetero I | Fetero II | Yohane I | Yohane II | Yohane III | Yuda | Fama'ele'ö

Fanolo wanura: Lala wanura | Fama'oli nösi | Ngawalö templat | Ngawalö kategori
Kategori: Amaedola | Budaya | Cerpen | Fangi'ila (Ilmu Pengetahuan) | Hendri-hendri | Hoho | Hikaya | Kamus Nias-Jerman | Kese-Kese | Lala wondrino (Resep) | Maena | Manö-manö | Manö-manö Nono Niha | Uso dödö (Entertainment) | Novela | Sejarah | Seni | Sinanö | Sinunö | Sura Ni'amoni'ö | Taromali Ero Migu | Turia Somuso Dödö

Fanolo wofanö: Olayama | Angombakhata | Bawagöli zato | Monganga afo | Nahia wamakori | Nga'örö spesial | Ngawalö wanolo | Sangai halöŵö | Safuria tebulö | Wikibuku | Wikikamus | Wikipedia | Wikiyunior