Wb/nia/Hikaya Alexander Moroi ba Makedonia

Me föna, so samösa Razo sotöi Alexander moroi ba Makedonia. Me no ara sibai ginötö föna, ba lö la'ila sibai hikayania andre ira tuada yaŵa.

No samösa razo fondrege zebua ia ba gotalua razo sato. Lö hadöi si tola mangalani ya'ia. Omasi sibai ia fasuwö-suwö. Fefu zaradadu ni'ohenia ba wasuwöta a'oi sagabölö manö. Gofu hezo möi Alexander fasuwö, hasambalö si möna ia. Me sabölö ia, arakhagö fefu razo ba gulidanö möi barö mbawania.

Samuza ma'ökhö, falukha ia sambua soi si faehu moroi ba soi bö'ö. Heŵa'ae mena'ö sabölö ia, bahiza mangera ia ba wolau khöra. Hiza, i'ila hörönia niha samu'i sibai si töragö moroi ba wa'amu'i gutundru'u sabölö ba gatua. Dozi ira ba la'a nawöra. So zi ha sambua hörö yaŵa ba gangango, so göi zi tölu ono hörö. So zi ha sambua ahe, ba so göi zi tölu ahe ba mane wa'alio nono wana wa'abölönia fagohi. Gogi ba Magogi döi mbanua andrö.

Bahiza, lö sa iwuwu ia furi Alexander. Isuwö ira ba ilau khöra. Samösa lö sangila wa'ara ginötö wasuwöta andrö. Irege lua-luania fabali toyo ba moloi bakha ira ba mbanua da'ö. Ba igohi ira Alexander ofeta bakha ba gatua, ba mbaho sabakha, ba ba mbotohili si tebai mu'amaedolagö faoma fehede ma gambara hadia ia.

Ba labini'ö ira moroi ba wogohi Alexander. Hadia göi sa nifalua Alexander ba Makedonia? Ibalia'ö hili ba womba'a ya'ira, ba iduhö lalara faoma hili tanöbö'ö. Ibe'e dorofe yaŵa ba detenia, ba ilau mangawuli ba gödonia aefa da'ö.

Me ibözi angi dorofe andrö, ba alua li sihulö garimbanua so'ugu ebua ba mbanua. Me larongo li da'ö, ba mu'ao mbanua Gogi ba Magogi me no toba'a ira, "Sindruhu wa Alexander moroi ba Makedonia da'ö."

Molo'ö wanutunö, ofeta iada'a ba so manö mbanua Gogi ba Magogi, ba no sata'u ira khö Alexander. Bahiza, ba mbanua safuria dania, awena tola aefa ira moroi ba wönu si göna khöra.

Ni'fa'anö Tiru Zendratö. Tehalö nidunö-dunö andre moroi ba Rusia.

Nitöngöni

Omuso dödögu na öfazaewe nidunö-dunö andre ba media sosial ma Internet. Hiza i be'e fao gumbu heza tehalö ia. Be ba gahe zura: Moroi ba Wikibuku Nias. Nifa'anö ???. Aila ita ba niha na lö öbe'e gumbunia, me öhalö töiu zi tenga töiu.

Fabaliŵa lala

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö