Wb/nia/Hendri-Hendri ba Wame'e ma Wanema Tahö

From Wikimedia Incubator
< Wb‎ | niaWb > nia > Hendri-Hendri ba Wame'e ma Wanema Tahö
1. Sowatö
Andrö sibai wa lö sumange,
yomo ba mbanua ba zowatö,
andrö sibai wa lö böwö,
no bohou me mofanö,
mbawaulu dalinga mbatö.

1. Tome
Falö'ö-lö'ö zowanua,
falö'ö-lö'ö zowatö,
ba no anönö tou mbatö,
lö lala gahe zanörö,
turiami höngö-höngö,
furi zatua zi sagötö.

2. Sowatö
Namö sa meföna,
yomo mbanua ba zowatö,
hatö hohou si fadölö,
isawö manu faföfö.

2. Tome
Alöta molö zusua,
yomo mbanua ba zowatö,
he döfi zimatu lökhö,
lö ogo'ö lö mamalö.

3. Sowatö
Te'owai guaza,
ba te'owai böhö,
ba ha ono-ono gaotalö,
tandraŵa wokökö-kökö,
ba mbanua talifusö,
irugi zi tenga bö'ö.

3. Tome
Andrö sibai magamö-gamö,
ya'aga banua dome,
no teturia tefaholi,
siŵa nga'ötö duami,
lö irai afeto li,
ba numönö si möi khömi.

4. Sowatö
Homombo löu ana'a,
homombo löu firö 
ilili-lili mazingö,
I'olembai duho tawö,
silage yaŵa ba mbalö,
ihagaini tou mbatö,
no möi nönö wa'ausuö,
nomo niwau talifusö.

4. Tome
Ono geu numana,
moroi tou mbanua dome,
ba ono geu ko'o,
ba möiga matendro'ö,
raya ba geu falaso danö,
lumöma na'ilau lökhö.

5. Sowatö
Hana wa'ö lili-lili,
ya'ugö ono zalaŵa,
wa öfasui mbörö lali,
gafoa ba zanaere hili,
zamehu na ilau angi.

5. Tome
Andrö sibai magamö-gamö,
ya'aga mbanua dome,
no teturia tefao höli,
gafoa ba galo'oa hili,
mafohu mbulu ladari,
mesökhi aya gosali,
tendroma zalaŵa hadi.




Sura Ni'amoni'ö: Mataio | Mareko | Luka | Yohane | Halöŵö Zinenge | Roma | Korindro I | Korindro II | Galatia | Nefeso | Filifi | Kolose | Tesalonika I | Tesalonika II | Timoteo I | Timoteo II | Tito | Filemo | Heberaio | Yakobo | Fetero I | Fetero II | Yohane I | Yohane II | Yohane III | Yuda | Fama'ele'ö

Fanolo wanura: Lala wanura | Fama'oli nösi | Ngawalö templat | Ngawalö kategori
Kategori: Amaedola | Budaya | Cerpen | Fangi'ila (Ilmu Pengetahuan) | Hendri-hendri | Hoho | Hikaya | Kamus Nias-Jerman | Kese-Kese | Lala wondrino (Resep) | Maena | Manö-manö | Manö-manö Nono Niha | Uso dödö (Entertainment) | Novela | Sejarah | Seni | Sinanö | Sinunö | Sura Ni'amoni'ö | Taromali Ero Migu | Turia Somuso Dödö

Fanolo wofanö: Olayama | Angombakhata | Bawagöli zato | Monganga afo | Nahia wamakori | Nga'örö spesial | Ngawalö wanolo | Sangai halöŵö | Safuria tebulö | Wikibuku | Wikikamus | Wikipedia | Wikiyunior