Jump to content

Wb/nia/Halöŵö Zinenge/2/Folau Eheha niʼamoniʼö

From Wikimedia Incubator
< Wb‎ | nia‎ | Halöŵö Zinenge‎ | 2
Wb > nia > Halöŵö Zinenge > 2 > Folau Eheha niʼamoniʼö
FAZA 2

1 I. Ba me luo wendrakose (si 50) ba no owulo ira fefu, ha sambua naha. [1]

2 Ba iʼozumagö so zihöngö, si otarai mbanua si yaŵa, hulö na itörö angi sabölö-bölö, ba ifönui nomo andrö, maʼasambua, ba zi dadao ira. [2]

3 Ba oroma khöra dalinga wandru, si fabali-bali, alitö wamaigira, ba idozigö ira, ahono ba högöra. [3]

4 Ba fahöna khöra Geheha niʼamoniʼö, ba labörötaigö lalau li böʼö, si mane nibeʼe Geheha khöra fanötöi. [4]

5 Ba so zi fatewu gana ba Yeruzalema, niha Yehuda, niha sangataʼufi Lowalangi, soroi fefu soi ba guli danö.

6 Ba me so zihöngö andrö, ba aekhu niha sato ba tobali dödöra, me larongo wehedera ba li khöra, dozi ira.

7 Ba tobali dödöra, dozi ira, ahöli-höli dödöra ba lamane: Hiza, tenga banua Galilaia ira, dozi sihede andrö? [5]

8 Ba he wisa wa tarongo lida, dozi ita, li ba danöda, ba zi tumbu ita?

9 Yaʼita Dawa Waretia ba Dawa Media ba Dawa Gelama, awö zi so ba Mezofotamia, ba ba Yudaia ba ba Gafadokia, ba Wondro ba ba Azia, [6]

10 ba Werigia ba ba Wambilia, ba danö Miserayi ba ba danö Libia, tánö ba Girene, awö zi fatewu gana ba Roma, niha Yehuda, awö zi no möi banuara,

11 Dawa Gereta ba Dawa Ara, ba tarongo, lalau lida, wangombakha segebua andrö, nilau Lowalangi.

12 Ba tobali dödöra, dozi ira, lö laʼila watahögö, faoma lamane khö nawöra: He wisa daʼö dania?

13 Ba so zangaohangaoha ösa, lamane: Si mabu agu sami. [7]


(Halöŵö Zinenge 2:1-13)


Famotokhi ba gahe

[edit | edit source]
  1. (Moz. III. 23, 15)
  2. (Yoh. 3, 8. F. 3, 1. 11; 5, 12)
  3. (Mat. 3, 11)
  4. (Mar. 16, 17. F. 4, 31; 11, 15; 10, 46)
  5. (Yoh. 7, 52)
  6. (Fet. I. 1, 1)
  7. (Kor. I. 14, 21 b. t.)


Faza 2: Folau Eheha niʼamoniʼö (1-13) | Huhuo Wetero andrö (14-41) | Amuata niha Keriso si föföna (42-47)


Fabaliŵa lala

[edit source]

Fanolo ba wanura: Lala wanuraFama'oli nösiNgawalö templatNgawalö kategori

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö