Wb/nia/Fanörö Tödö Luo Wa'atumbu Nono Nihadanö
Meföna, so samösa nonomatua sotöi Almanzo, toröi ia ba zisambua banua sitoföfö nahia niha zohalöwö ba danö, ba New York, Amerika. Da'ö ira zi toroi ba nomora, ya'ia da'ö Almanzo, amania, inania, ga'ania onomatua sotöi Royal, darua ga'ania ono alawe sotöi Eliza Jane ba Alice.
Ba zisamuza sihulö wongi, me inötö mbaŵa wa'okafu, fatua i'a gönia bubu sami sibai Almanzo, iwa'ö khönia amania, "Ma'ökhö andre ngaluo wa'atumbumö, Nogu." Almanzo samösa atöngö ia luo wa'atumbu nia. Itohugö wehede amania, "So zambua mbuala khöu ba guda." Me'irongo da'ö Almanzo, igösö ifandrai wemanga gönia bubu.
Meno awai manga ia, Almanzo ba amania möi ira ba guda geu. Bakha ba guda geu da'ö, so kalo mbagi khö nono zawi Almanzo sotöi Star ba Bright. Amania Almanzo samösa zamazökhi kalo mbagi saro ba saoha da'ö. Imane amania khö Almanzo, "He Nogu, iada'a ibönö ndröfiu sa'e ba wamahaö ono zawi da'ö ba wohalöŵö.
Maoso Almanzo ba i'ohe kalo mbagi side-ide da'ö ba nahia wangöhöna, so namania ba zingania. Ono zawi nia si dua nga'eu so ira bakha gandra si to'ölö nahiara. Me la'ila Almanzo, omuso dödö nono zawi si dua da'ö ba lafelai Almanzo. Lö la'ila wa fa'atohare Almanzo ba zi samuza andre ya'ia da'ö ba wamahaö ya'ira mohalöwö simane sito'ölö khö zawi si no ibiha fa'atua.
Almazo ba amania la'ohe baera nono zawi si dua rozi da'ö ba golayama si so esi, sito'ölö alua na bawa wa'okafu ba danö Amerika. Ilului amania wamasa kalo mbagi da'ö ba mbagi nono zawi Almanzo.
Me no aefa ifesugö tali ba dandru nono zawi sotöi Star, ba mohede nama Almanzo imane, "Lau, nogu, faduhu dödögu wa'ö'ila hewisa lala ba wamasa kalo mbagi da'a." Me'irongo wehede namania da'ö, aboto ba dödö Almanzo wa ibiha ndröfinia ba tola i'ohalöwöigö samösa halöwö nifaduhusi tödö khönia.
Nitöngöni
[edit | edit source]Omuso dödögu na öfazaewe nidunö-dunö andre ba media sosial ma Internet. Hiza i be'e fao gumbu heza tehalö ia. Be ba gahe zura: Moroi ba Wikibuku Nias. Nifa'anö ???. Aila ita ba niha na lö öbe'e gumbunia, me öhalö töiu zi tenga töiu.
Fabaliŵa lala
[edit | edit source]Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö