Wb/nia/Efeso/5/Famarou ba wangohahau

Add links
From Wikimedia Incubator
< Wb‎ | nia‎ | Efeso‎ | 5
Wb > nia > Efeso > 5 > Famarou ba wangohahau

I. 1 Ba mi'o'ö khö Lowalangi, si mane iraono omasiö.[1] 2 Ba mitörö lala wa'omasi andrö, si mane fangomasi'ö Keriso ya'ita, awö wa no ibe'e ia salahida, ame'ela ba sumange, samohua khö Lowalangi.[2] 3 Ba fohorö, ba hadia ia ngawalö wa'ara'i-ra'iö fefu, ba fa'omasi gana'a, ba böi na i terongo ba khömi, si manö zoadu ba ni'amoni'ö.[3] 4 Ba fehede si lö sökhi, ba faya-faya, ba fawudesa si lö boto, si lö moadu; si sökhinia, na fangandrö saoha gölö.[4] 5 Da'ö sa ya'aboto ba dödömi: lö mo'urakha ba mbanua Keriso, ba mbanua Lowalangi andrö, zohorö, ba sira'i-ra'iö, ba somasi ana'a, ha niha ia, si no same'e adu.[5] 6 Böi yamufaelungu ami niha, fehede si lö boto; da'ö sa mbörö wa mofönu Lowalangi ba ndraono si lö mamondrongo li.[6] 7 Andrö böi awöra ami. 8 Noa sa sogömi-gömi ami föna, ba iada'e, ba no haga ami ba khö Zo'aya; lala ndraono haga mitörö, [7] 9 Bua-bua haga sa, ba ya'ia ngawalö wa'asökhi dödöda, khö nawöda, awö wa'atulö dödö, awö wa'aduhu.[8] 10 Ba mitimba tödömi, hadia zomasi Zo'aya,[9] ba böi fao ami ba wama'ua bua-bua wa'ogömi-gömi andrö, si lö boto, mi'otu'ö na i göi.[10] 12 Hadia nilaura sa, ba zi tobini, ba aila ita na i tatötöi. 13 Ba fefu da'ö, hadia ia, ba ni'otu'ö ba haga, ba ni'oroma'ö; fefu, hadia ia sa, zoroma, ba haga da'ö.[11] 14 Andrö so ba zura: "Faoso, ya'ugö, si no mörö, fazaŵa'ö moroi ba ngai zi mate, ba ihagaini ndra'ugö Keriso."[12] 15 Ba mifaigi sibai, he wisa wanörömi lalami; böi si mane sambö era-era, si mane satua-tua a'ine.[13] 16 Mi'oguna'ö ginötö andrö, me no si lö sökhi-sökhi mbaŵa da'e.[14] 17 Andrö böi sambö era-era ami, ya'aboto ba dödömi hadia zomasi Zo'aya.[15] 18 Ba böi mibusi ami agu, tobali famakuyu da'ö; yafahöna khömi Geheha;[16] 19 milau-lau khö nawömi zinunö, ba lailö, ba manö-manö nibe'e Geheha, mifalailö tödömi, ba mi'anunö, khö Zo'aya.[17] 20 Böi mifamalö-malö wangandrö saoha gölö, khö Lowalangi Ama, nitemada khönia fefu, ba döi Zo'aya ya'ita, Yesu Keriso.[18] 21 Faoma mi'o'ö li nawömi, ba wa'ata'uda Keriso.[19]


(Efeso 5:1-21)


Famotokhi ba gahe[edit | edit source]

  1. ↑ Mat 5:48; Luk 6:36
  2. ↑ Faigi 4:1,2; Yoh 13:34; Gal 2:20; Heb 9:14
  3. ↑ Kol 3:5,6; KorI 6:18 b.t.
  4. ↑ Faigi 4:29
  5. ↑ KorI 6:9,10; Mat 6:24
  6. ↑ Faigi 4:14; KorI 15:33; Mat 7:15
  7. ↑ FetI 2:9; Fil 2:15; Yoh 12:35,36
  8. ↑ Gal 5:22
  9. ↑ Rom 12:2
  10. ↑ KorII 6:14
  11. ↑ Yoh 3:20; Kor 1:4,5
  12. ↑ Yes 60:1,2; Rom 13:11
  13. ↑ Mat 10:16; Yak 3:13
  14. ↑ Kol 4:5
  15. ↑ Faigi 5:10
  16. ↑ Amaed 20:1; 23:20,29
  17. ↑ Kol 3:16; Sin 96:1
  18. ↑ Kol 3:17; TesI 5:18
  19. ↑ Mat 20:26; FetI 5:5


Faza 4: Famarou ba gera'era si bohou (17-32)

Faza 5: Famarou ba wangohahau (1-21) | Amuata si sökhi zi faronga (22-33)

Faza 6: Amuata si sökhi zatua ba iraono (1-4)


Fabaliŵa lala[edit source]

Fanolo ba wanura: Lala wanura • Fama'oli nösi • Ngawalö templat • Ngawalö kategori

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö

Retrieved from "https://incubator.wikimedia.org/w/index.php?title=Wb/nia/Efeso/5/Famarou_ba_wangohahau&oldid=5686536"