Wb/nia/Bu Ana'a Biri-biri

Bongi da'ö ba ilau ia baero ba gödo Medea, ba fagohi ia ba nidanö ba nahia ndra Argonot mörö ba tete Argo. "He Jason," ngöngönia, "no so ba dödö namagu ba wamunu ya'ugö awö wanunu köfamö bongi. Sögö lau ofanö ba oloi."

Ba isusugi ndra Argonot Jason ba lada'i-da'i wangalukha. La'aröu'ö ira ba labini'ö ira furi go'o si so ba ngöfi nidanö.

"Go'ö ndra'o," fehede Medea. Ba i'ohe Jason lumalö ba gatua sogömi-gömi. So sambua geu sebua sibai ba da'ö. Ba ndrahania, ba no mananaŵa mbu ana'a biri-biri ni'alui-alui Jason. Bahiza, so sambua gulö sebua sohörö ana'a, si lö irai mamöi si toröi ba geu andrö. Me i'ila Jason awö Medea ba ihahagö ira.

Ba ihatö'ö ia Medea khö gulö andrö ba ilau manunö. Ba hiza, ibörögö iduhö hörönia ulö ba mörö ia. Sögö i'anöisi geu da'ö Jason, ba ihalö mbu ana'a biri-biri si no mananaŵa. Ba lafuli ira bakha ba gatua Medea lumalö ba göfa Argo. "No usöndra mbu ana'a biri-biri," fo'ao Jason khö ndra Argonot. "Sögö talau mofanö moroi ba da'a."

Ba manaoka Jason awö Medea yaŵa ba göfa, ba la'alio'ö wangalukha ira Argonot i'oroi ungo nidanö lumalö ba nasi. Bahiza, i'ila ira samösa wazuri razo ba ifatunö woloira khö razo. Mofönu sibai Razo Aestes khö Razo me no i'okhögö mbu an'a biri-biri. Ifaretakö göfania sabölö ba wolohi ya'ira. "Sögö ta'alui ira, ba tahalö mangawuli mbu ana'a biri-biri nihalöra," fo'ao razo.

Ba lakhamö göfa Agro mege no, ba lalau fasuwö ba da'ö. Ara ginötö ni'oguna'ö ndra Agro ba wangalani Razo Aestes irege tola mangawuli ira ba Iolcus.

Ba i'ohe mbu ana'a biri-biri khö Razo Pelias Jason ba i'andrö dadaomania. Lö itötöna Pelias wa auri nasa Jason, ba maniasa ia. Ba hiza tebai ilulu khö Jason dadaoma wa'arazonia.

Ba ihalö Medea Jason tobali ngambatönia. No sa ondroita nibe'e khö Medea dadaoma Korinth ba tobali göi razo Jason ba da'ö, ba si sökhi wamatöröra.

Nifa'anö Tiru Zendrato. Tehalö nidunö-dunö andre moroi ba mitologi Yunani.

Nitöngöni

Omuso dödögu na öfazaewe nidunö-dunö andre ba media sosial ma Internet. Hiza i be'e fao gumbu heza tehalö ia. Be ba gahe zura: Moroi ba Wikibuku Nias. Nifa'anö ???. Aila ita ba niha na lö öbe'e gumbunia, me öhalö töiu zi tenga töiu.

Fabaliŵa lala

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö