Wb/nia/Bo'ole ba Bebe

Simane si no ta'ila, ilu'i-lu'i nomonia bo'ole. Gofu hewisa wolaunia, tebai iröi nomonia. Molo'ö nidunö-dunö, alua zimanö me i'elifi ia Yupiter börö me areu ia, no i'agö-agö manö nomo ba lö möi ia ba wangowalu Yupiter, heŵa'ae no laforege wogaoni ya'ia.

Bo'ole sebua sibai moroi ba Tanzania

Ara furi hö, ibörögö maniasa dödö mbo'ole. Mena na no möi ia ba wangowalu andrö. Ero i'ila ha wa'asökhi wehombo-hombo wofo ba hawa'aoha manaoka-naoka gawelu ba aurifö tanöbö'ö tobali abu sibai dödönia.

Omasi göi ia wamaigiö ulidanö, hiza sa ia faoma omonia ba hulunia awö tanga ba ahenia si no adogo-dogo, arakhagö tebai idöni mbotonia.

Samuza ma'ökhö falukha ia mato hadauga mbebe. Ba izara-zara khöra gabu dödönia.

"Tola matolo ndra'ugö wamaigi ulidanö," laŵa'ö ira bebe. "Aro'ö wangusu ndraha andre ba ma'ohe'ö wehombo yaŵa ba mbanua irege tola öfaigi fefu mbanua tou ba danö. Awai i lö tola lö'ö öhonogö ndra'ugö. Na lö'ö ba aekhu ö tou."

Omuso sibai dödö mbo'ole. I'anema'ö i'abölö'ö wangusu ndraha andrö, ba bebe sidarua mangusu madombua balö. Lalau muhombo lumalö ba lawuo.

Fatutu göi itörö wehombo buru'u. Me i'ila ndra bo'ole ba bebe ahöli sibai dödönia ba mu'ao ia imane, "Silötolalö'ö razo ndra bo'ole da'a!"

"Hana ba... " ibokai mbawania bo'ole.

I'anema'ö aefa mbawania moroi ba ndraha ba atoru ia tou, aekhu ba dete sambua gara same amumu oi dölania.

Fabaliŵa lala

Fanolo ba wanura: Lala wanura • Fama'oli nösi • Ngawalö templat • Ngawalö kategori

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö