Jump to content

Wb/mnc/manju gisun/leolen gisuren/ningguci fiyelen

From Wikimedia Incubator
leolen gisuren > ningguci fiyelen

leolen gisuren - sunjaci fiyelen 論語 - 雍也第六

1. fudzi hendume, yung be, julefi forobume niyalma be dasabuci ombi. 1. 子曰 雍也可使南面
............................................................................... ...............................................................................
2. jung gung , dzi sang be dzi be fonjire jakade, fudzi hendume, ombi, kemungge, jung gung hendume, ginggun be ebufi, kemungge be yabume, irgen de enggeleci, inu ojorakūn. kemungge be tebumbime, kemungge be yabuci, jaci kemungge akūn. fudzi hendume, yung -ni gisun inu. 2. 仲弓問子桑伯子 子曰 可也簡 仲弓曰 居敬而行簡 以臨其民 不亦可乎 居簡而行簡 無乃大簡乎 子曰 雍之言然
............................................................................... ...............................................................................
3. ai gung, šabisa be, we tacire de amuran seme fonjiha de, kungdzi jabume, yan hūi serengge, tacire de amuran bihe, jali be guriburakū, endebuku be juwederakū, kesi akū jalgan goholon ofi akū oho, te oci akū, tacire de amurangge be donjire unde. 3. 哀公問弟子孰為好學 孔子對曰 有顏回者好學 不遷怒 不貳過 不幸短命死矣 今也則亡 未聞好學者也
............................................................................... ...............................................................................
4. dzi hūwa be, ci gurun de takūrara jakade, žan dzi terei emei jalin jeku baiha manggi, fudzi hendume, mucengge -i bu. nonggire be baihade, hendume, calungga i bu sehe. žan dzi, ini cisui jeku be sunja baksangga buhe. fudzi hendume, cy -i ci gurun de genere de, tarhūn morin yaluhabi, weihuken furdehe etuhebi, bi donjici, ambasa saisa hafirahūn de aisilambidere, bayan de siraburakū sehebi. 4. 子華使於齊 冉子為其母請粟 子曰 與之釜 請益 曰 與之庾 冉子與之粟五秉 子曰 赤之適齊也 乘肥馬 衣輕裘 吾聞之也 君子周急不繼富
............................................................................... ...............................................................................
5. yuwan sy, wailan ofi, buhe uyun tanggū jeku be, marara de, fudzi hendume, ume, erebe, sini adaki falan, gašan, falga de bucina. 5. 原思為之宰 與之粟九百 辭 子曰 毋 以與爾鄰裏鄉黨乎
............................................................................... ...............................................................................
6. fudzi jung gung be leolehengge, kuri ihan -i tukšan, fulgiyan bime uihe tondo gese, udu baitalarakū oki sehe seme, alin bira -i enduri, terebe hatambiheo sehe. 6. 子謂仲弓曰 犁牛之子骍且角 雖欲勿用 山川其舍諸
............................................................................... ...............................................................................
7. fudzi hendume, hūi ini mujilen ilan biya otolo gosin de jurcerakū, tereci gūwa oci, inenggi biya de isinjire dabala. 7. 子曰 回也其心三月不違仁 其余則日月至焉而已矣
............................................................................... ...............................................................................
8. gi k'ang dzi, jung io be, dasan de danabuci ombio seme fonjiha de, fudzi hendume, io kengse kai, dasan de danara de, ai ojorakū, fonjime, ts'y be, dasan de danabuci ombio. hendume, ts'y hafu kai, dasan de danara de, ai ojorakū. fonjime, kio be, dasan de danabuci ombio. hendume, kio mutengge kai, dasan de danara de, ai ojorakū. 8. 季康子問仲由可使從政也與 子曰 由也果 於從政乎何有 賜也可使從政也與 賜也達 於從政乎何有 求也可使從政也與 求也藝 於從政乎何有
............................................................................... ...............................................................................
9. gi halangga, min dzi kiyan be mi -i bade wailan oso seme takūrara de, min dzi kiyan hendume, mini jalin de saikan marame gisure, aikabade mimbe dahūnjirengge bici, bi urunakū wen mukei bade genembi. 9. 季氏使閔子騫為費宰 閔子騫曰 善為我辭焉 如有復我者 則吾必在汶上矣
............................................................................... ...............................................................................
10. be nio nimeku bahara jakade, fudzi tuwanafi, fa deri terei gala be jafafi, hendume, akū ojorongge, jalgan kai, ere niyalma, geli ere nimeku baha ni, ere niyalma, geli ere nimeku baha ni. 10. 伯牛有疾 子問之 自牖執其手 曰 亡之 命矣夫 斯人也而有斯疾也 斯人也而有斯疾也
............................................................................... ...............................................................................
11. fudzi hendume, hūi, yala mergen kai, emu šoro de jeme, emu fiyoose de omime, hoilashūn boo de tehebi, niyalma tere jobošoro de hamirakū bime, hūi, terei sebjen be halarakū, hūi, yala mergen kai. 11. 子曰 賢哉回也 一簞食 一瓢飲 在陋巷 人不堪其憂 回也不改其樂 賢哉 回也
............................................................................... ...............................................................................
12. žan kio hendume, fudzi -i doro be buyerakūngge waka, hūsun haminarakū ofi dere. fudzi hendume, hūsun hamijarakū serengge, jugūn -i andala aldasilarangge be, si te jijufi ilinjahabi. 12. 冉求曰 非不說子之道 力不足也 子曰 力不足者 中道而廢 今女畫
............................................................................... ...............................................................................
13. fudzi, dzi hiya -i baru hendume, si ambasa saisai bithei niyalma oso, ume buya niyalmai bithei niyalma ojoro. 13. 子謂子夏曰 女為君子儒 無為小人儒
............................................................................... ...............................................................................
14. dzi io, u ceng hoton de wailan oho manggi, fudzi hendume, si niyalma bahabio, hendume, tan tai miyei ming sere niyalma bi, yabure de dokolome yaburakū, siden -i baita waka oci, yan mini boode jiderakū. 14. 子遊為武城宰 子曰 女得人焉爾乎 有淡臺滅明者 行不由徑 非公事 未嘗至於偃之室也
............................................................................... ...............................................................................
15. fudzi hendume, meng jy fan tukiyecerakū, burulara de fiyanjilaha. duka be dosire hamime, ini morin be šusihalafi henduhengge, gelhun akū tutahangge waka, morin ojorakū ofi kai sehebi. 15. 子曰 孟之反不伐 奔而殿 將入門 策其馬曰 非敢後也 馬不進也
............................................................................... ...............................................................................
16. fudzi hendume, jalbarire hafan tu -i gese anggalinggū sung gurun -i coo -i gese saikan akū ohode, te -i jalan de guwerengge mangga dere. 16. 子曰 不有祝鮀之佞而有宋朝之美 難乎免於今之世矣
............................................................................... ...............................................................................
17. fudzi hendume, we, duka be yaburakū tucime mutembi, ere doro be ainu yaburakū ni. 17. 子曰 誰能出不由戶 何莫由斯道也 ............................................................................... ...............................................................................
18. fudzi hendume, gulu, šu ci dabanaci, albatu. šu, gulu ci dabanaci, miyamišakū. šu, gulu teheren teheren oho manggi, teni ambasa saisa ombi. 18. 子曰 質勝文則野 文勝質則史 文質彬彬 然後君子
............................................................................... ...............................................................................
19. fudzi hendume, niyalma -i banjinjihangge, sijirhūn. miosihon -i banjirengge, jabšan de guwehengge dabala. 19. 子曰 人之生也直 罔之生也幸而免
............................................................................... ...............................................................................
20. fudzi hendume, sarangge, amurangge de isirakū, amurangge, sebjelerengge de isirakū. 20. 子曰 知之者不如好之者 好之者不如樂之者
............................................................................... ...............................................................................
21. fudzi hendume, dulimbai niyalma ci wesihun oci, wesihun babe alaci ombi, dulimbai niyalma ci fusihūn oci, wesihun babe alaci ojorakū. 21. 子曰 中人以上 可以語上也 中人以下 不可以語上也
............................................................................... ...............................................................................
22. fan cy, mergen be fonjire jakade, fudzi hendume, irgen -i jurgan be kicere, hutu enduri be ginggulembime aldangga obure oci, mergengge seci ombi. gosin be fonjiha de, hendume, gosingga niyalma mangga be nendere, bahara be amala obure oci, gosingga seci ombi. 22. 樊遲問知 子曰 務民之義 敬鬼神而遠之 可謂知矣 問仁 仁者先難而後獲 可謂仁矣
............................................................................... ...............................................................................
23. fudzi hendume, mergengge urse, muke be buyembi, gosingga urse, alin be buyembi, mergengge urse aššangga, gosingga urse cibsengge, mergengge urse sebjengge, gosingga urse jalafungga. 23. 子曰 知者樂水 仁者樂山 知者動 仁者靜 知者樂 仁者壽
............................................................................... ...............................................................................
24. fudzi hendume, ci gurun emgeri kūbulika de, lu gurun de adanaci ombi, lu gurun emgeri kūbulika de, doro de adanaci ombi. 24. 子曰 齊一變 至於魯 魯一變 至於道
............................................................................... ...............................................................................
25. fudzi hendume, hošonggongge, hošonggo akū oci, hošonggo nio, hošonggo nio. 25. 子曰 觚不觚 觚哉 觚哉
............................................................................... ...............................................................................
26. dzai o fonjime, gosingga niyalma de, hūcin de niyalma bi seme alaha de, ere dahambio. fudzi hendume, ainahai tuttu uttu. ambasa saisa be unggici ombi, tuhebuci ojorakū, holtoci ombi, geodebuci ojorakū. 26. 宰我問曰 仁者雖告之曰井有仁焉 其從之也 子曰 何為其然也 君子可逝也 不可陷也 可欺也 不可罔也
............................................................................... ...............................................................................
27. fudzi hendume, ambasa saisa šu be ambula tacifi, dorolon -i šošoro oci, inu jurcerakū ombikai. 27. 子曰 君子博學於文 約之以禮 亦可以弗畔矣夫
............................................................................... ...............................................................................
28. fudzi -i nan dzi de acanaha be, dzi lu yebelerakū. fudzi gashūme hendume, bi waka oci, abka ubiyakini, abka ubiyakini. 28. 子見南子 子路不說 夫子矢之曰 予所否者 天厭之 天厭之
............................................................................... ...............................................................................
29. fudzi hendume, an dulimba -i erdemu ohonggo, yala ten de isinahabi kai, irgen de komso ofi goidaha dere. 29. 子曰 中庸之為德也 其至矣乎 民鮮久矣
............................................................................... ...............................................................................
30. dzi gung hendume, aikabade irgen de neigen isibume, geren de tusa obume muteci, antaka, gosingga seci ombio. fudzi hendume, ainahai gosingga teile ni, urunakū enduringge dere, yoo han šūn han seme, hono ede jobohobi. gosingga serengge, beye ilire be buyeci, niyalma be ilibumbi, beye hafure be buyeci, niyalma be hafumbumbi, hanciki be gajifi duibuleme muteci, inu gosingga doro seci ombikai. 30. 子貢曰 如有博施於民而能濟眾 何如 可謂仁乎 子曰 何事於仁 必也聖乎 堯舜其猶病諸 夫仁者 己欲立而立人 己欲達而達人 能近取譬 可謂仁之方也已
............................................................................... ...............................................................................