Wb/mnc/manju gisun/dulimbai jergi/ujui kicen
ᡤᠣᠯᠮᡳᠨ ᡧᠠᠩᡤᡳᠶᠠᠨ ᠠᠯᡳᠨ
ᡧᡠ ᡶᡳᠶᡝᠯᡝᠨ
ᡤᠣᠯᠮᡳᠨ ᡧᠠᠩᡤᡳᠶᠠᠨ ᠠᠯᡳᠨ ᡩᡝᠨ ᠵᡠᠸᡝ ᡨᠠᠩᡤᡡ ᠪᠠ᠈ ᡧᡠᡵᡩᡝᠮᡝ ᠮᡳᠩᡤᠠᠨ ᠪᠠ᠉ ᡨᡝᡵᡝ ᠠᠯᡳᠨ ᡳ ᠨᡳᠩᡤᡠ ᡩᡝ ᡨᠠᠮᡠᠨ ᡳ ᡤᡝᠪᡠᠩᡤᡝ ᠣᠮᠣ ᠪᡳ᠈ ᡧᡠᡵᡩᡝᠮᡝ ᠵᠠᡴᡡᠨᠵᡠ ᠪᠠ᠉ ᡨᡝᡵᡝ ᠠᠯᡳᠨ ᠴᡳ ᡨᡠᠴᡳᡴᡝᠩᡤᡝ ᠶᠠᠯᡠ᠈ ᡥᡡᠨᡨᡠᠩ᠈ ᠠᡳᡥᡠ ᠰᡝᡵᡝ ᡳᠯᠠᠨ ᡤᡳᠶᠠᠩ᠉ ᠶᠠᠯᡠ ᡤᡳᠶᠠᠩ ᠠᠯᡳᠨ ᡳ ᠵᡠᠯᡝᡵᡤᡳᠴᡳ ᡨᡠᠴᡳᡶᡳ ᠸᠠᠰᡳᡥᡡᠨ ᡝᠶᡝᡶᡳ ᠯᡳᠶᠣᠣᡩᡠᠩ ᡳ ᠵᡠᠯᡝᡵᡤᡳ ᠮᡝᡩᡝᡵᡳ ᡩᡝ ᡩᠣᠰᡳᡴᠠᠪᡳ᠉ ᡥᡡᠨᡨᡠᠩ ᡤᡳᠶᠠᠩ ᠠᠯᡳᠨ ᡳ ᠠᠮᠠᡵᡤᡳᠴᡳ ᡨᡠᠴᡳᡶᡳ ᠠᠮᠠᠰᡳ ᡝᠶᡝᡶᡳ ᠠᠮᠠᡵᡤᡳ ᠮᡝᡩᡝᡵᡳ ᡩᡝ ᡩᠣᠰᡳᡴᠠᠪᡳ᠉ ᠠᡳᡥᡠ ᠪᡳᡵᠠ ᠸᡝᠰᡳᡥᡠᠨ ᡝᠶᡝᡶᡳ᠈ ᡩᡝᡵᡤᡳ ᠮᡝᡩᡝᡵᡳ ᡩᡝ ᡩᠣᠰᡳᡴᠠᠪᡳ᠉ ᡝᡵᡝ ᡳᠯᠠᠨ ᡤᡳᠶᠠᠩ ᡩᡝ ᠪᠣᠣᠪᠠᡳ ᡨᠠᠨᠠ᠈ ᡤᡝᠩᡤᡳᠶᡝᠨ ᠨᡳᠴᡠᡥᡝ ᡨᡠᠴᡳᠮᠪᡳ᠉ ᡧᠠᠩᡤᡳᠶᠠᠨ ᠠᠯᡳᠨ ᡝᡩᡠᠨ ᠮᠠᠩᡤᠠ᠈ ᠪᠠ ᡧᠠᡥᡡᡵᡠᠨ ᠣᡶᡳ᠉ ᠵᡠᠸᠠᡵᡳ ᡝᡵᡳᠨ ᠣᡥᠣ ᠮᠠᠩᡤᡳ᠈ ᡧᡠᡵᡩᡝᠮᡝ ᠠᠯᡳᠨ ᡳ ᡤᡠᡵᡤᡠ ᡤᡝᠮᡠ ᡧᠠᠩᡤᡳᠶᠠᠨ ᠠᠯᡳᠨ ᡩᡝ ᡤᡝᠨᡝᡶᡳ ᠪᡳᠮᠪᡳ᠉ ᡧᡠᠨ ᡩᡝᡴᡩᡝᡵᡝ ᡝᡵᡤᡳ ᡠᡶᡠᡥᡠ ᠸᡝᡥᡝ ᠨᠣᡥᠣ ᡧᠠᠩᡤᡳᠶᠠᠨ ᠠᠯᡳᠨ ᡨᡝᡵᡝ ᡳᠨᡠ᠉
(『ᠮᠠᠨᠵᡠ ᡳ ᠶᠠᡵᡤᡳᠶᠠᠨ ᡴᠣᠣᠯᡳ᠈ ᡠᠵᡠᡳ ᡩᡝᠪᡨᡝᠯᡳᠨ』)
ᡩᠣᠨᠵᡳᠮᡝ ᡥᡡᠯᠠᠮᠪᡳ
ᡳᠴᡝ ᡤᡳᠪᠰᡠᠨ
ᡠᡳᡴᡳ ᠪᡠᠯᡝᡴᡠ ᠪᡳᡨᡥᡝ ᡩᡝ ᡝᠰᡝ ᡤᡳᠪᠰᡠᠨ ᠪᡝ ᠪᠠᡳᡴᡳ᠉
… ᠨᠣᡥᠣ
ᡠᡵᡝᠪᡠᠰᡠ
ᡧᠠᠩᡤᡳᠶᠠᠨ ᠠᠯᡳᠨ ᠴᡳ ᡨᡠᠴᡳᡴᡝᠩᡤᡝ ᡳᠯᠠᠨ ᡠᠯᠠ ᠶᠠ ᠮᡝᡩᡝᡵᡳ ᡩᡝ ᡩᠣᠰᡳᡴᠠᠪᡳ᠉
ᡨᡝᡵᡝ ᡳᠯᠠᠨ ᡠᠯᠠ ᡩᡝ ᠠᡳ ᠵᠠᡴᠠ ᡨᡠᠴᡳᠮᠪᡳ᠉
ᠠᡳᠨᡠ ᡤᡠᡵᡤᡠ ᡤᡝᠮᡠ ᡧᠠᠩᡤᡳᠶᠠᠨ ᠠᠯᡳᠨ ᡩᡝ ᡤᡝᠨᡝᠮᠪᡳ᠉
ᡨᡝᡵᡝ ᠠᠯᡳᠨ ( ) ᠨᡳᠩᡤᡠ ( ) ᡨᠠᠮᡠᠨ ᡳ ______(ᡤᡝᠪᡠ) ᠣᠮᠣ ᠪᡳ᠉
ᡨᡝᡵᡝ ᠠᠯᡳᠨ ᠴᡳ ______(ᡨᡠᠴᡳᠮᠪᡳ) ᠶᠠᠯᡠ᠈ ᡥᡡᠨᡨᡠᠩ᠈ ᠠᡳᡥᡠ ______(ᠰᡝᠮᠪᡳ) ᡳᠯᠠᠨ ᡤᡳᠶᠠᠩ᠉
ᡥᡡᠨᡨᡠᠩ ᡤᡳᠶᠠᠩ ᠠᠯᡳᠨ ( ) ᠠᠮᠠᡵᡤᡳᠴᡳ ______(ᡨᡠᠴᡳᠮᠪᡳ) ᠠᠮᠠᠰᡳ ______(ᡝᠶᡝᠮᠪᡳ) ᠠᠮᠠᡵᡤᡳ ᠮᡝᡩᡝᡵᡳ ( ) ᡩᠣᠰᡳᡴᠠᠪᡳ᠉
ᡧᡠᡵᡩᡝᠮᡝ ᠠᠯᡳᠨ ( ) ᡤᡠᡵᡤᡠ ᡤᡝᠮᡠ ᡧᠠᠩᡤᡳᠶᠠᠨ ᠠᠯᡳᠨ ( ) ᡤᡝᠨᡝᡶᡳ ᠪᡳᠮᠪᡳ᠉