Wb/min/Resep: Lapek Bugih

Lapek Bugih

Bahan Kulik:

• 500 gram tapuang katan
• 4 bungkuih santan 65 ml
• 1/2 sendok teh garam

Bahan inti:

• 350 gram sampala karambia agak mudo dan putiah
• 250 gram gulo pasia
• 1/2 sendok teh garam
• 1 halai daun pandan
• 100 gram kacang tanah

Bahan santan kental:

• 3 bungkui santan 65 ml
• 50 ml aia putiah
• garam sacukuiknyo

Pambungkuih:

• daun pisang mudo/pucuak

Caro mambuek:

1. Sangrai kacang tanah sampai kuliknyo manggalupeh
2. Tumbuak kasa kacang tanah
3. Kamudian buek isi, campuakan karambia, gulo pasia kamudian aduak sampai marato
4. Masak inti kiro-kiro 7 minik kamudian campuakan jo kacang tanah tumbuak sudah tu dibantuak bulek-bulek
5. Barikuiknyo buek kuliknyo, tuangkan santan kental dan campua jo aia lalu aduak rato
6. Dalam wadah lain, masuakkan tapuang katan kamudian campua jo santan sampai adonan bisa di bantuak
7. Sadiokan minyak goreng barasiah untuak di polehkan ka daun pisang, poleh sampai marato kamudian masuakkan adonan lalu ratokan sampai picak
8. kamudian masuakkan inti ka dalam adonan kulik jo agia sasendok santan kental
9. lipek adonan nan alah siap
10. Kukuih adonan lapek kurang labiah 30 minik sampai masak jo api sadang
11. Lapek bugih siap di idangkan.