Wb/bo/བེ་རི་འཇིགས་མེད། དགའ་ལྡན་ཁྲི་པ།

From Wikimedia Incubator
< Wb‎ | bo
Wb > bo > བེ་རི་འཇིགས་མེད། དགའ་ལྡན་ཁྲི་པ།

དགའ་ལྡན་ཁྲི་རབས་རིམ་བྱུང་གི་རྣམ་ཐར་ཛམྦུའི་གསེར་གྱི་ཕྲེང་བ་ཞེས་བྱ་བ་བཞུགས་སོ།།

མཆོད་བརྗོད།

དཔལ་ལྡན་དཔལ་སྟུག་ཡོངས་ཀྱི་མཁྱེན་རབ་དཔལ་གྱི་དུམ་བུ་མངར་མོའི་དྲི་བསུང་འགོག་མེད་ཤེས་བྱའི་མཁའ་མཐར་ལ་གཏུགས་ཟབ་ཡངས་དགོངས་པའི་ཀློང་དུ་སྤོས་ཀྱི་རྫིང་བུའི་ཟོལ་དུ་འཁྱིལ།། ལི་ཁྲིའི་ཆུ་གཏེར་བརྩེ་ཆེན་ལྷོ་རླུང་བསིལ་པོས་ཉེར་བསྐུལ་བསླབ་གསུམ་བསམ་འཕེལ་ནོར་བུ་དང་འགྲོགས་གསུང་གི་ལེགས་བཤད་དག་ནི་ཆུ་འཛིན་ཟོལ་གྱིས་མཁའ་ཡི་འགྲམ་པའི་ཁྱོན་ཀུན་བསྟིབས།།རླབས་ཆེན་འཕྲིན་ལས་གུར་ཀུམ་གསར་པས་ས་ཁྱོན་འགྲམ་པའི་ཐིག་ལེ་སྣུམ་པོར་བྱས་པའི་གྲགས་སྙན་ཨུཏྤལ་སྔོན་པོ་ཕྱོགས་ཀྱི་མཛེས་མའི་རྣ་ལུང་འཆང་བས་མཁསརྒུའི་ཡིད་ཀྱི་བརྟན་པ་འཕྲོག།།བློ་ཆེན་རྒྱལ་བའི་རིང་ལུགས་བཟང་པོས་ཁ་བའི་མེ་ཏོག་རྒོད་པའི་ཞིང་ཁམས་བཀྲ་ཤིས་དཔལ་གྱི་རེ་ཁ་བཀོད་པ་གྲགས་པའི་སྙན་པ་འཆང་བའི་མགོན་དེས་ཤིས་པ་སྒྲུབས།། རྣམ་དཔྱོད་དར་བབ་མཛེས་མའི་ལུས།།ལུང་རིགས་རིན་ཆེན་འཕྱང་འཕྲུལ་རྒོད།།མཁས་རྒུའི་བརྟན་པ་འཕྲོག་པའི་དཔལ།།རྒྱལ་ཚབ་དམ་པས་དགེ་ལེགས་སྩོལ།། འཛམ་གླིང་མཁ༷ས་གྲུབ༷་བྱེ་བའི་གཙུག་ཏོར་རྩེར།།དགེ༷་ལེ༷གས་དཔལ༷་གྱི་གོམ་པའི་འགྲོས་བསྟུན་ནས།།འཇམ་མགོན་ལུགས་བཟ༷ང་བླ་ན་འདེག་པའི་མགོན།།སྨྲ་བའི་སེངྒེ་དགེ་ལེགས་དཔལ་བཟང་རྒྱལ།། དགེ་ལེགས་ག་བུར་ཟེགས་མའི་ཆར་རྒྱུན་གྱིས།།བསིལ་ལྗོངས་རྫོགས་ལྡན་མ་དྲོས་རོལ་པའི་མཚོ།།བརྟས་མཛད་འཕགས་མཆོག་ཕྱག་ན་པདྨོའི་ཚལ།།འདབ་བརྒྱད་སྙིང་གི་ཟེའུ་འབྲུར་རྒོད་གྱུར་ཅིག། མཐིང་མདོག་ཟུར་ཕུད་དབྱིངས་སུ་སྦས་པའི་རྡོ་རྗེ་རྣོན་པོའི་སྒྱུ་འཕྲུལ་ཞེས།།རྒྱལ་བ་གཉིས་པའི་ཚད་མའི་ལུང་གི་སྐྱེ་བ་ལྔ་པའི་སྒྲ་དབྱངས་ཀྱིས།།བསྔགས་པའི་དབྱངས་སྙན་གང་ལ་བུས་པ་འཇམ་དབྱངས་གཙང་པ་བདུན་བརྒྱུད་ཅེས།།གསེར་མདོག་ཅོད་པན་འཆང་བའི་ཁྲི་ཆེན་དམ་པ་དེ་ཀོ་ཕྱག་གི་ཡུལ།། ཐུབ་ཆེན་མེས་པོའི་རལ་ཀླུང་སྟུག་པོ་དཔྱོད་འཇོག་སྦར་མོས་བཙིར་པ་ལས་འཕྱངས་གངྒ་མཛའ་མོའི་རླབས་ཀྱི་མགྲིན་པར་དམ་པོར་ཁྱུད།།དཔལ་སྟུག་ཕྱོགས་ཀྱི་རི་དྭགས་མིག་ཅན་དག་གི་དགོངས་ཀློང་མངོན་པར་རབ་མཐོ་འོ་འཛིན་ཕོན་པོ་དག་ལ་རྩེན་དང་ལྷན་གཅིག་ཏུ།།འཕགས་བོད་མཁས་རྒུའི་ཞབས་སྟེགས་ལ་ཆགས་མཚམས་སྤྲིན་གསར་པའི་དྲ་བ་འཆང་བ་ཆུ་ཤེལ་གསར་པའི་དཀྱིལ་འཁོར་ལ།།ལྷུན་པོའི་སྤོ་ལ་གསེར་རི་ཇི་བཞིན་མངོན་པར་བསྟར་བ་གཅིག་གིས་ལྷག་པའི་བཅུ་ཕྲག་བཅུ་ཡི་ཞབས་སེན་ཅོད་པན་གཙུག་ན་བཀུར།། གང་གི་མཚན་སྙན་ཨུཏྤལ་དཀར་པོ་རྣ་བའི་སྐྱེད་ཚལ་བཞད་ཙམ་གྱིས།།གཡོལ་མེད་འཕྲིན་ལས་སྦྲང་རྩིའི་ཕོན་པོ་རྒྱ་མཚོའི་རླབས་དང་ཉེར་འགྲོགས་ཏེ།།སྐལ་བཟང་བུང་བའི་ཡིད་ཀྱི་དགའ་སྟེར་རྒྱལ་ཀུན་ཡུམ་གཅིག་ཏཱ་རེ་མར།།གུས་པས་འདུད་དོ་བརྩེ་བས་སྐྱོངས་ཤིག་ཚེ་རབས་ཕྲེང་བ་ཐམས་ཅད་དུ།། ཟུར་མིག་ཀྱོ་བ་རྣོན་པོ་ཡིས།།རྒྱལ་རྣམས་དབྱིངས་ནས་འཆིངས་དང་ལྷན།།རིག་བྱེད་རྒྱ་མཚོའི་རླབས་གཡོ་བ།།སྒྲ་ལྡན་སྒེག་མོས་ཤིས་པ་སྒྲུབས།། སྲས་བཅས་རྒྱལ་བ་ཡོངས་ཀྱི་དགོངས་པའི་འཐིལ།།འཇམ་དཔལ་སྙིང་པོའི་རིང་ལུགས་གཙང་མའི་སྲོལ།།འཛིན་སྐྱོང་སྤེལ་པའི་རླབས་ཆེན་མཛད་པ་ཅན།།དེ་ཀོ་བཀའ་དྲིན་མི་དྲན་ཤེས་ལྡན་སུ།། ངེས་དོན་སྐྱེས་ཆེན་དམ་པ་དེ་དག་གི།གསང་བ་གསུམ་གྱི་མཛད་པ་འཕྲིན་དག།ཇི་བཞིན་བརྗོད་ལ་སྲས་བཅས་རྒྱལ་བ་ཀུན།།སྨྲ་བའི་འབབ་སྟེགས་ངལ་བའི་ཁུར་གྱིས་དུབ།། རི་བོང་ཅན་ལ་སྐར་ཚོགས་དང་ནི་ལྷུན་པོའི་སྤོ་ལ་གསེར་རི་བཞིན།།ཡབ་རྗེ་ཕྱོགས་ལས་རྣམ་པར་རྒྱལ་བའི་མི་འཇིགས་གདོང་ལྔས་བཏེགས་པའི་ཁྲིར།།དབང་བསྒྱུར་ཁྲི་ཆེན་རིམ་བྱོན་དག་གི་ཕུལ་བྱུང་རྣམ་པར་ཐར་བའི་ཚུལ།།ཕལ་བའི་བློ་གྲོས་ཁབ་མིག་དོག་པོས་ཆ་ཡི་ཆ་ཙམ་གཞལ་ནུས་ཅི།། དེ་ལྟ་ན་འང་ཐུན་མོང་གདུལ་བྱའི་ངོར།།ངོ་མཚར་རྣམ་ཐར་གཙང་མའི་ཆ་ཤས་ཙམ།།སྐལ་བཟང་རྣ་བའི་དགའ་སྟོན་སྐྲུན་པ་ལ།།གཟུ་གནས་དཔྱོད་ལྡན་མཁས་པ་སུ་ཡིས་བཤུངས།། དམ་པའི་ངང་ཚུལ་སྟོན་ཀའི་ཟླ་བ་ལ།།ལྷན་སྐྱེས་རི་བོང་མཚན་མ་བཀྲ་བའི་ཚུལ།།ཀུན་རྟོག་པིར་རྩེ་འཁྱོག་པོའི་འདུ་བྱེད་ཀྱིས།།རང་བཟོས་ནག་ནོག་བསྲེས་པ་འདི་ན་མེད།། མང་ཐོས་ནོར་གྱི་ཆ་ཤས་མ་བསགས་པར།།རྩོལ་མེད་རྟོགས་པའི་ཁང་བཟང་མཐོན་པོའི་རྩེར།།གྲུབ་པའི་རྒྱལ་མཚན་འཛུགས་མཁས་འ་རུ་ཌའི།།རྟོགས་པ་བརྗོད་པ་ཟོག་པོའི་མཆོད་སྤྲིན་ཙམ།། རྣམ་དག་བསླབ་པའི་ས་གཞིར་མི་བརྟེན་ཅིང༌།།ཐོས་བསམ་སྒོམ་པའི་ཆུ་ལུད་མི་དགོས་པར།།རིམ་གཉིས་རལ་པའི་སྙེ་མ་འཕྱང་བ་དག།འབྲས་ལྡན་ཞིང་དུ་བསྔགས་པ་སྒྲོ་བཏགས་ཉིད།། གཞི་མེད་གློག་འོད་འཁྱུག་པའི་གནམ་མཐོངས་དབྱིངས།།ཕྱོགས་ལྷུང་སྤྲིན་ནག་སྟུག་པོའི་བང་རིམ་ལས།།གཅམ་བུའི་ཟོལ་བསྟོད་སྒྲ་བརྒྱ་རྒོད་པ་ཡང༌།།ཕན་བདེའི་ལོ་ཏོག་འཇོམས་པའི་གཤེད་མ་ཙམ།། དེ་ཕྱིར་དང་པོ་ཐོས་པའི་ལམ་ནས་མཁས་པའི་ཁྲི་ལ་དབང་བསྒྱུར་ཅིང༌།།བར་དུ་ཐོས་དོན་བསམ་པས་དྲངས་པའི་བཙུན་པའི་རྣམ་ཐར་བདག་གིར་སྐྱོང༌།།ཐ་མར་རིམ་གཉིས་རྣལ་འབྱོར་གོམས་པས་མཁས་བཙུན་བཟང་པོའི་མཛད་པ་གཙང༌།།དེ་ཀོ་བསྔགས་པའི་ཁྲི་ལ་བསུས་ན་རྒྱལ་བ་དགྱེས་པའི་མཆོད་སྤྲིན་དངོས།། དེ་སླད་རིང་ནས་སྐྱེས་ཆེན་འདི་དག་གིས།།དམ་པའི་རྣམ་ཐར་བདག་གིར་སྐྱོང་པ་དང༌།།འཁྲུངས་རབས་ཁྲི་ཕེབས་ལོ་ཚིགས་བཅས་པ་ལ།།ཧོལ་རྒྱུག་མ་བྱས་ཞིབ་མོའི་ལུགས་སུ་དཔྱོད།། ལྷ་ཡི་མིག་དང་ཤ་ཡི་སྤྱན་རས་ཀྱིས།།གཞལ་བྱའི་གནས་གསུམ་གཟིགས་པ་མི་ལྡན་ཡང༌།།ཆུ་བུར་མིག་འདིས་དེབ་ཐེར་སྟོང་ཕྲག་གི།མ་འདྲེས་རྣམ་པར་གསལ་བའི་གཞིན་རས་མཐོང༌།། དེ་སླད་འདི་ན་རྒྱལ་བས་ལུང་བསྟན་རྒྱལ་བ་གཉིས་པའི་གདན་ས་ཆེ།།དགའ་ལྡན་རྣམ་པར་རྒྱལ་བའི་གླིང་ཞེས་མཚན་གྱི་སྙན་པ་རྒོད་པའི་ཞིང༌།།མི་འཇིགས་སེངྒེའི་ཁྲི་འཕང་མཐོན་པོར་ཞབས་ཀྱི་པདྨོ་ཉེར་བཀོད་པའི།།ཁྲི་རབས་ཛམུྦའི་གསེར་གྱི་ཕྲེང་བ་སྐལ་བཟང་མགྲིན་པའི་རྒྱན་དུ་འཕྱང༌།། འགལ་འདུ་ཆུ་རིས་བཀྲ་བའི་སྨིག་རྒྱུ་ཡིས།།ཐོས་ཉུང་རི་དྭགས་བསླུ་བའི་གྱ་གྱུའི་གཏམ།།མ་ཡིན་འདི་ནི་ཆར་ལྡན་ལྷོ་སྤྲིན་དང༌།།འགྲོགས་པའི་ངེས་དོན་སྤྲིན་གྱི་མེ་ཏོག་དངོས།། བློ་གྲོས་ཁབ་ཀྱི་བུ་ག་ལས།།ཤེས་བྱའི་གནམ་གྱི་མཐོངས་ཡངས་པོ།།གཞལ་འདོད་བྱིས་པའི་རོལ་རྩེད་ནི།།སླུ་བྲིད་ལྟད་མོའི་དགའ་སྟོན་ཙམ།། ན་ཚོད་རྒད་པོའི་གྲལ་མགོར་མཛེས་ན་ཡང༌།།བློ་གྲོས་བྱིས་པའི་གྲལ་མཐར་གཉིད་པ་ཡིས།།ཟེར་སྒྲོས་རྒན་པོའི་རྨི་ལམ་སྒྱུ་མའི་འཕྲུལ།།བདེན་པར་བདར་བའི་གཏམ་དང་འདི་མི་འཚུངས།། སྔོན་དང་དེང་གི་མཁས་བླུན་དུ་མ་ཡིས།།ཁྲི་རབས་བསྒྲིགས་པའི་གཏམ་ཚོགས་རྒྱ་མཚོ་ལས།།དངོས་དོན་ཆུ་དང་འོ་མ་འབྱེད་པའི་འཕྲུལ།།རབ་དཀར་ངང་པའི་རྒྱལ་པོ་འདི་ཉིད་ཙམ།། གཟུ་གནས་བློ་ལྡན་དོན་གཉེར་བའི།།ལང་ཚོའི་རྣམ་དཔྱོད་དར་བ་ཡི།།ངེས་དོན་མཁས་པའི་སྐྱེ་བོ་དག།འདི་ཀོ་གཟིགས་མོ་མཛོད་ཅིག་དང༌།། འདི་ཡི་རྗོད་བྱེད་ཚིག་ཕྲེང་ལ།།དཎྜིའི་ལུགས་ཀྱི་སྙན་ཆ་རྫོགས།།བརྗོད་བྱ་དོན་གྱི་སྲད་བུ་ལ།།སྡེ་བཞིའི་དཔལ་གྱི་ཁོར་ལག་ཡངས།། དེ་སླད་གཟུ་གནས་དཔྱོད་ལྡན་མཁས་པ་དག།པདྨོའི་མཚོ་ལ་འཁོར་ལོའི་ལག་ལྡན་དང༌།།མངོན་དགའི་ཚལ་ལ་བུང་བའི་འཕྲོ་འདུ་བཞིན།།ལེགས་བཤད་གཏམ་གྱི་དགའ་སྟོན་འདི་རོལ་ཅིག།


དགའ་ལྡན་ཁྲི་ཐོག་དང་པོ་རྗེ་ཙོང་ཁ་པ་ཆེན་པོ། ཕྱོགས་དུས་རྒྱལ་བ་ཀུན་གྱི་མཁྱེན་བརྩེ་ནུས་པའི་ཡོན་ཏན་གཅིག་ཏུ་བསྡུས་པ་རང་ཅག་རྣམས་ཀྱི་འདྲེན་པ་བླ་ན་མ་མཆིས་པ་གངས་རིའི་ཁྲོད་ཀྱི་ཤིང་རྟ་ཆེན་པོ་ཡབ་གཅིག་རྒྱལ་བ་གཉིས་པ་འཇམ་མགོན་ཆོས་ཀྱི་རྒྱལ་པོ་ཙོང་ཁ་པ་ཆེན་པོ་འདི་ཉིད་ཀྱི་རྨད་དུ་བྱུང་བའི་རྣམ་པར་ཐར་པ་རྒྱ་མཚོ་ལྟ་བུ་ལས་ཆུ་ཐིགས་ཙམ་ཞིག་བརྗོད་པར་འདོད་དེ། དེ་ཡང༌། དང་པོ་རྒྱལ་བའི་མདོ་རྒྱུད་དུ་མ་དང༌། འཕགས་བོད་མཁས་གྲུབ་དུ་མའི་ལུང་གིས་ཡང་ཡང་བསྔགས་པའི་ཚུལ་ནི། འཇམ་དཔལ་རྩ་རྒྱུད་ལས། ཁྱེད་ཉིད་བྱིས་པའི་གཟུགས་ཀྱིས་ནི། །སངས་རྒྱས་མཛད་པ་བྱེད་པར་འགྱུར། །དེ་ཚེ་དགོན་ཆེན་རབ་དགའ་བ། ཁ་བ་ཅན་ན་ཡོད་པ་ཡིན། ཞེས་དང༌། མདོ་སྡེ་གདམས་ངག་འབོགས་པའི་རྒྱལ་པོ་བསྟན་པ་དྭངས་སྙིགས་འབྱེད་པའི་ལེའུ་ལས། མ་འོང་སྙྙིགས་མའི་དུས་སུ་ནི། །འབྲི་དང་ལྡན་པའི་ས་མཚམས་སུ། །དགའ་ཞེས་བྱ་བའི་དགོན་པ་འདེབས། །བློ་བཟང་ཞེས་བྱ་མིང་ཅན་འབྱུང༌། །ཞེས་དང༌། དཔལ་ལྡན་ཟླ་བ་གྲགས་པས། མཐའ་འཁོབ་ཁ་བའི་ཡུལ་ལྗོངས་སུ། །བློ་བཟང་ཞེས་བྱ་སྐྱེས་བུ་ཡིས། །ཟླ་མེད་སྟོན་པའི་བསྟན་པ་དང༌། །ང་ཡི་ལུགས་བཟང་སྤེལ་བར་བྱེད། །ཅེས་དང༌། སློབ་དཔོན་པདྨའི་སྐུུལ་བྱང་ལས། །ཤར་ཕྱོགས་རྒྱ་ནག་ཡུལ་དང་ཉེ་བའི་ཆར། །ཤཱཀྱའི་དགེ་སློང་བློ་བཟང་ཞེས་བྱ་འབྱུང༌། །ཞེས་དང༌། མདོ་སྔགས་བསྟན་འཛིན་བློ་བཟང་གྲགས་པ་ཞེས། །མི་རབས་བརྒྱད་དུ་མདོ་སྔགས་རྒྱས་པར་སྟོན། །ཞེས་དང༌། བཀའ་ཐང་བསྡུས་པར། ཐུབ་པས་ལུང་བསྟན་མདོ་ཁམས་སྒང་ཞིག་ཏུ། །ཨ་ཏི་ཤ་ཡི་སྤྲུལ་པ་བློ་བཟང་གྲགས། །སྐྱེས་བུ་དེ་བྱོན་བོད་ལ་བདེ་སྐྱིད་འབྱུང༌། །ཞེས་དང༌། བཀའ་གདམས་ཕ་ཆོས་ལས། ཐ་མར་བསྟན་པའི་མེ་རོ་དག །གྲགས་པའི་མཚན་གྱིས་གསོ་བར་བྱེད། །དུ་མའི་ཕན་བདེ་སྒྲུབ་བྱེད་པའི། །དེ་ཡང་གནས་མཆོག་དམ་པ་ཡིན། །ཞེས་དང༌། མ་གཅིག་ལབ་ཀྱི་སྒྲོན་མའི་ལུང་སྟོན་དུ། ད་ལྟ་བྱང་ཆུབ་སེམས་དཔའ་སྙྙིང་སྟོབས་ཆེ། །སྙྙིགས་དུས་ལོག་སྤྱོད་བོད་དུ་བྱུང་བའི་ཚེ། །དགེ་སློང་ཚུལ་འཛིན་གྲགས་པའི་མཚན་ཐོགས་ཏེ། །གང་གི་ཞིང་དུ་སེང་གེའི་ང་རོར་གྲགས། ཞེས་དང༌། ། རྒྱལ་པོ་བཀའ་ཐང་ལས། དེས་ཕྱིར་འདུས་པ་ཉི་ཤུ་རྩ་ལྔ་ལ༔ ཤཱཀྱའི་ཞིང་ཁམས་འཕྲུལ་སྣང་གཙུག་ལག་ཁང་༔ སྨོན་ལམ་དག་པས་བྱང་སེམས་གཞན་དོན་མཛད༔ འདུས་པའི་ཕྱོགས་གྱུར་འཕགས་པ་འབྱུང་བར་འགྱུར༔ ཞེས་པ་དང༌། ཐང་ཡིག་ལུགས་གཅིག་ལས༔ དགའ་ལྡན་ཞེས་བྱའི་དགོན་གནས་དམ་པ་རུ༔ མཁས་པའི་མཆོག་གྱུར་མདོ་རྒྱུད་དོན་ལ་མཁས༔ རྡོ་རྗེ་འཆང་སྤྲུལ་གསང་སྔགས་བཀའ་ཡང་འབྱེད༔ འགྲོ་བའི་དེད་དཔོན་ལམ་སྟོན་ས་མཁན་ནི༔ བློ་དང་བཟང་གི་མཚན་ཅན་སྐྱེས་བུ་འབྱུང༔ གསང་མཚན་ལས་རབ་རྡོ་རྗེ་བདེ་བ་རྩལ༔ ཞེས་བློ་བཟང་གི་མཚན་སྒྲ་དང༌། རྗེའི་གསང་མཚན་དོན་ཡོད་རྡོ་རྗེ་ཞེས་པ་ཡིན་པས་གསལ་བར་བསྟན། པདྨ་བཀའ་ཆེམས་ལས། འཇམ་དབྱངས་སྤྲུལ་པ་གདུལ་བྱ་བསྟན་པའི་བདག༔ མདོ་སྔགས་བསྟན་འཛིན་བློ་བཟང་གྲགས་པ་ཞེས༔ མི་རབས་བརྒྱད་དུ་གསང་སྔགས་རྒྱས་པར་སྟོན༔ ཞིང་འདི་འདས་ནས་བྱམས་པའི་དྲུང་དུ་འགྲོ༔ དེ་ཡི་བརྒྱུད་འཛིན་ཚེ་གཅིག་སངས་རྒྱས་ཡིན༔ རང་བྱུང་བསྐལ་པ་ཆེན་པོ་ལ༔ དགྲ་བཅོམ་ཐོབ་པར་ཐེ་ཚོམ་མེད༔ ཅེས་པ་དང༌། ཆོས་རྗེ་མགོན་པོ་རིན་ཆེན་གྱིས་མཚོ་སྣ་ཟངས་ཡག་བྲག་ནས་བཏོན་པའི་ལུང་བྱང་ལས། འཇམ་དབྱངས་སྤྲུལ་པ་བློ་བཟང་ཞེས༔ བསྟན་པ་རྒྱས་བྱེད་ངོ་མཚར་ཅན༔ ཞེས་པ་དང༌། ཆོས་དབང་རིན་པོ་ཆེའི་གཏེར་བྱོན་ལས་ཀྱང༌། །འཇམ་དབྱངས་སྤྲུལ་པ་བློ་བཟང་གྲགས་པ་ཞེས༔ བསྟན་པ་རྒྱས་བྱེད་དེ་ནི་ངོ་མཚར་ཅན༔ ཞེས་པ་དང༌། གཞན་ཡང་གཏེར་ལུང་འགའ་ཞིག་ལས། ཨོ་རྒྱན་ང་ཡི་ཐུགས་སྤྲུལ་སྙྙིང་རྗེ་ཅན༔ བཻ་རོ་ཁྱོད་ཀྱི་འོད་ཟེར་ཆ་གཅིག་ལས༔ སྐུུ་ལུས་གཅིག་ལ་བཀོད་པ་མི་འདྲས་བརྒྱན༔ བཻ་རོ་ཙ་ནའི་སྐྱེ་བ་གཅིག༔ དབུས་ཕྱོགས་དགའ་ལྡན་ཞེས་བྱར་འབྱུང་༔ བྱང་སེམས་བློ་བཟང་ཞེས་པར་གྲགས༔ ཞེས་དང༌། རཎྟའི་སྤྱི་ལུང་ཆེན་མོ་ལས། འཇམ་དབྱངས་སྤྲུལ་པ་གསང་སྔགས་བསྟན་འཛིན༔༔བློ་གྲོས་སྟོབས་ཅན་གྲགས་པའི་མིང་ཅན་འབྱུང་༔ ༔ཞེས་དང༌། གྲུབ་ཆེན་ཉི་ཟླ་སངས་རྒྱས་ཀྱི་དག་སྣང་ལ། ཨོ་རྒྱན་ཆེན་པོ་དངོས་སུ་བྱོན་པར། བོད་ཡུལ་ན་བློ་བཟང་གྲགས་པ་འདི་སྐུད་ཆེ། ཁོང་སེམས་གར་བསྐྱེད། ཕྱི་མ་གར་གཤེགས་ཞུས་པས། སེམས་བསྐྱེད་ཐུབ་པའི་དྲུང་དུ་བསྐྱེད། །སྐྱེ་བ་ཀུན་ཏུ་འགྲོ་དོན་མཛད། །སྨོན་ལམ་གཅིག་གི་བྱེ་བྲག་གིས། །སེམས་དཔའ་དེ་ལ་སྨད་པར་བྱེད། ཀྱེ་མ་སེམས་ཅན་སྙྙིང་རེ་རྗེ། །འབྲེལ་ཚད་དོན་ལྡན་སྙྙིང་སྟོབས་ཅན། །སྡེ་སྣོད་འཛིན་པའི་འཁོར་གྱིས་བསྐོར། །སངས་རྒྱས་བསྟན་པ་བསྲུང་བསྐྱེད་བྱེད། །སྙྙིགས་མའི་དུས་སུ་ཨ་ལ་ལ། །གྲིབ་དང་གཟའ་གདོན་དག་ལ་འཛེམ། །ཚེ་ལ་བར་ཆད་ཡོང་ཉེ་བས། །གཙུག་ཏོར་རྣམ་རྒྱལ་ལ་སོགས་པའི། །བར་ཆད་བཟློག་པའི་ཆོ་གར་འབད། །བདེ་བ་ཅན་དུ་གཤེགས་རྒྱུ་ལ། །རེ་ཞིག་བྱམས་པའི་དྲུང་དུ་འགྲོ། །སེམས་དཔའ་གསེར་གྱི་མེ་ཏོག་གྲགས། །ཞེས་གསུངས། གྲུབ་ཆེན་ལས་ཀྱི་རྡོ་རྗེའི་རྣམ་ཐར་དུ་ཡང༌། ཡི་དམ་ལྷའི་ལུང་བསྟན་ལས། བཅོམ་ལྡན་འདས་མགོན་པོ་བྱམས་པའི་སྤྲུལ་པ་ཞིག་གི་གསུང་ཡིག་འཁྱེར་བའི་མི་བཞི་འོང་བར་ཡོད། དེའི་ཁྲོད་ནས་ཨེ་ཀ་ཛ་ྜྲི་བསྒྲུབ་པའི་ལས་ཅན་ཅིག་ཡོད། དེ་ལ་ཨེ་ཀ་ཛ་ྜྲིའི་ལུང་སྦྱིན། རྣམ་འཇོམས་ཀྱི་དབང་བསྐུུར་གསུང༌། སང་དེ་མི་བཞི་བྱུང༌། དགེ་བའི་བཤེས་གཉེན་བློ་བཟང་གྲགས་པའི་གསུང་ཡིག་ཡིན་པར་འདུག ཅེས་པ་དང༌། ཡང་གསང་བདག་གིས་གྲུབ་ཆེན་རང་ཉིད་ཀྱི་བུ་སློབ་ལུང་བསྟན་པ་ལས། བློ་བཟང་གྲགས་པ་འགྲན་ཟླ་ཀུན་དང་བྲལ། །ཤཱ༷འི་རྒྱལ་པོའི་དྲུང་དུ་སེམས་མཆོག་བསྐྱེད། །ཞིང་འདིར་མདོ་དང་སྔགས་ཀྱི་གཞུང་ལུགས་སྤེལ། །འདི་ནས་འཕོས་ཏེ་དགའ་ལྡན་གནས་སུ་འགྲོ། །འཇམ་དཔལ་སྙྙིང་པོ་བྱམས་པའི་སྲས་མཆོག་དེ། །མྱུར་དུ་སངས་རྒྱས་དེ་བཞིན་གཤེགས་པར་འགྱུར། །ཞེས་གསུངས་པ་དང༌། བཀའ་གདམས་གླེགས་བམ་རིན་པོ་ཆེ་ཕ་ཆོས་ཉི་ཤུ་རྩ་དྲུག་གི་ཡ་གྱལ་འབྲོམ་གྱིས་འབུལ་མོ་ཆེ་མཛད་པ་ལས་འཕྲོས་པའི་མ་འོངས་ལུང་བསྟན་དུ། བདག་གི་སྤྲུལ་པ་དམ་པ་གཅིག །རེས་འགའ་དགེ་སློང་ཉིད་དུ་སྤྲུལ། །དེས་ནི་གནས་དེ་སྐྱོང་བར་བྱེད། །རེས་འགའ་བྱིས་པའི་གཟུགས་སུ་འོང༌། །རེས་འགའ་དབུལ་ཕོངས་སྤྲང་པོའི་གཟུགས། །རེས་འགའ་བྱོལ་སོང་བྱ་ཁྱིའི་གཟུགས། །རེས་འགའ་གསོལ་འདེབས་དབྱངས་ཀྱི་གཟུགས། །རེས་འགའ་ཡིག་འབྲུ་གཟུགས་ཀྱི་གཟུགས། །གྲགས་པ་ཅན་གྱི་དགེ་སློང་ངོ།། །བསྟན་གནས་བར་དུ་ཡང་ཡང་འོང༌། དེ་ནི་བརྒྱུད་པ་ཉིད་དང་མཚུངས། །ཁྲིམས་ལྡན་དེ་ཡིས་བྱིན་བརླབས་ཤིང༌། །སྐྱེས་བུ་གསུམ་ནི་དོན་གཉེར་བའི། །བྱ་བ་མྱོང་བ་བརྒྱ་ཕྲག་ཙམ། །གནས་དེར་བསམ་གཏན་སྒོམ་པར་བྱེད། །དེ་ལའང་ཅུང་ཟད་ལྟ་བས་གནོད། །འདོད་ཡོན་བདུད་ཀྱི་གཡབ་མོ་འབྱུང༌། །བསམ་གཏན་ཆགས་སྡང་དག་ལ་འཆོར། །འོན་ཀྱང་སྤྲུལ་པས་བྱིན་བརླབས་པས། །ལྷ་དང་བཅས་པའི་མཆོད་པའི་གནས། །བཀུར་འོས་ཉིད་དུ་ངེས་པར་འགྱུར། །མདོར་ན་གནས་མཆོག་དེ་དག་ཏུ། །དང་པོ་བཞི་གྲྭ་ནས་བཟུང་སྟེ། །ཐ་མར་སྟོང་ཕྲག་ཕྱེད་དང་གསུམ། །བསླབ་པ་གསུམ་ལྡན་ཤཱཀྱའི་སྲས། །འགྲོ་བ་ཀུན་གྱི་མགོན་དུ་འགྱུར། །གནས་དེར་ཕྱོགས་དང་ཕྱོགས་མཚམས་ནས། །དགེ་འདུན་དཔག་མེད་འདུ་བར་འགྱུར། །སྤྱིར་ཡང་ལས་ཅན་ཕྱོགས་བཅུར་འགྲོ། །ཕྱི་ཡི་རྒྱ་མཚོ་དག་དང་མཚུངས། །ཆུ་བོ་བརྒྱ་ཡིས་གང་མི་ནུས། །ཇི་ཙམ་ཞིག་གི་དམའ་མི་ནུས། ། ཞེས་སོགས་འཕགས་བོད་མཁས་གྲུབ་དུ་མས་ལན་གཅིག་མིན་པ་ལུང་གིས་ཡང་ཡང་བསྟན་པར་མཛད་དོ། ། གཉིས་པ་གང་དུ་ཇི་ལྟར་འཁྲུངས་པའི་ཚུལ་ནི། འཕགས་མཆོག་འཇིག་རྟེན་མགོན་པོའི་ཞིང་ཁམས་གངས་ཅན་ཁ་བའི་ལྗོངས་ཀྱི་མདོ་སྨད་གཡར་མོ་ཐང་གི་སའི་སྙྙིང་པོ། ཙོང་ཁ་བདེ་ཁམས་བཅོ་བརྒྱད་ཀྱི་ཡུལ་གྲུའི་ཐིག་ལེ། ད་ལྟ་ཆོས་སྡེ་ཆེན་པོ་སྐུུ་འབུམ་བྱམས་པ་གླིང་ཆགས་པའི་གཞི་འདི་ཉིད་ཡིན་ལ། དེ་ཡང་ཡབ་ཀླུ་འབུམ་ད་ར་ཁ་ཆེ་དང༌། ཡུམ་ཤིང་བཟའ་ཨ་ཆོས་གཉིས་ཀྱི་སྲས་སུ་རབ་བྱུང་དྲུག་པའི་བགྲང་བྱ་སོ་གཅིག་པ་གསེར་འཕྱང་ཞེས་པ་མེ་བྱ་༡༣༥༧ལོའི་ཟླ་བ་བཅུ་པའི་ཚེས་བཅུའི་ཉིན་རིགས་གསུམ་རྣམ་འཕྲུལ་གཅིག་ཏུ་བསྡུས་པའི་ངོ་མཚར་རྨི་ལྟས་དུ་མ་དང་བཅས་སྐུུ་བལྟམས་པ་དང༌། ལྟེ་མཚལ་གང་དུ་འཐོར་བ་ལས་ཙན་དན་ལྗོན་པ་འཁྲུངས་པའི་ལོ་མ་འབུམ་ལ་རྒྱལ་བ་སེང་གེ་ང་རོའི་སྐུུ་རང་བྱོན་དུ་བྱུང་བ་མཆོག་དམན་ཀུན་གྱིས་མཐུན་སྣང་དུ་མཇལ་དུ་ཡོད་པ་བྱུང༌། གསུམ་པ། ཆུང་གཞོན་ནུ་ཉིད་ནས་རྒྱལ་བའི་བསྟན་པའི་སྒོར་ཞུགས་ཚུལ་ནི། དགུང་ལོ་གསུམ་པ་ནས་འཕགས་མཆོག་འཇིག་རྟེན་དབང་ཕྱུག་གསུམ་ལྡན་ངུར་སྨྲིག་འཆང་པའི་རྣམ་པ་ཆོས་རྗེ་རྒྱལ་དབང་ཀརྨ་རོལ་བའི་རྡོ་རྗེའི་དྲུང་ནས་དགེ་བསྙྙེན་གྱི་སྡོམ་པ་བཞེས། ཆོས་རྗེ་འདིས་རྒྱལ་བའི་བསྟན་ལ་རྒྱལ་བ་རང་ཉིད་དང་འདྲ་བའི་མཛད་པ་སྟོན་པར་འགྱུར་བའི་ལུང་བསྟན། དགུང་ལོ་བདུན་༡༣༦༣ནས་ཆོས་རྗེ་དོན་གྲུབ་རིན་ཆེན་གྱི་དྲུང་དུ་དཔལ་རྡོ་རྗེ་འཇིགས་བྱེད་ཀྱི་སྒོ་ནས་གསང་སྔགས་རྡོ་རྗེ་ཐེག་པའི་སྨིན་བྱེད་དབང་གི་སྒོར་བཅུག ཁྱིམ་ནས་ཁྱིམ་མེད་པར་རབ་ཏུ་བྱུང་བའི་མཚན་ལ་བློ་བཟང་གྲགས་པ་ཞེས་གསོལ་ཞིང༌། དེ་ཡང་སྔོན་ཆོས་རྗེ་དོན་རིན་པ་དབུས་གཙང་གཉིས་སུ་དམ་པའི་ཆོས་ཀྱི་སློབ་གཉེར་ལ་ཕེབས་ནས། སྣར་ཐང་བ་མཆིམས་བློ་བཟང་གྲགས་པ་དང་བླ་མ་ཡེ་ཤེས་དཔལ་བ་ལ་སོགས་པའི་མཁས་གྲུབ་སྐྱེས་ཆེན་དུ་མ་བསྟེན་ནས་མདོ་སྔགས་གཉིས་ཀར་མཁས་པའི་རྩེར་སོན། ཞ་ལུའི་གདན་སར་དམ་བཅའ་མཛད་པས་བུ་སྟོན་ཐམས་ཅད་མཁྱེན་པས་ཤར་ཕྱོགས་ཀྱི་རིག་པའི་དཔའ་བོ་ཞེས་བསྔགས་པ་མཛད་པ། གང་ཉིད་མཆིམས་བློ་བཟང་གྲགས་པས་ཁྱོད་ཉིད་རང་ཡུལ་དུ་ལོག་ནས་བསྟན་པ་སྤེལ་ན་གདུལ་བྱ་མང་བ་དང་འགྲོ་དོན་ཆེ་ཞིང༌། ལྷག་པར་རྒྱལ་བའི་ལུང་གིས་ཟིན་པའི་སློབ་མ་ཁྱད་པ་ཅན་རྒྱལ་བའི་བསྟན་ལ་རྒྱལ་བ་རང་ཉིད་དང་མཚུངས་པ་ཞིག་འོང་བས་དེ་ཁྱོད་ཀྱིས་ལེགས་པར་སྐྱོངས་ལ་རབ་ཏུ་བྱུང་བའི་མཚན་ལ་ངའི་མིང་དེ་ག་རང་བཏགས་དགོས་ཞེས་ལུང་གི་བསྐུུལ་བ་ལྟར་འདོགས་པ་ཡིན་ལ། རྒྱལ་བའི་མདོ་རྒྱུད་དུ་མའི་ལུང་གི་ཚིག་ཀྱང་མཚན་ཟུར་དང་མཐུན་པ་བྱུང་ངོ༌། ། དེ་ནས་མདོ་སྡེ་རྒྱན་ལ་སོགས་པའི་གཞུང་ཆེན་པོ་དག་ལ་གསན་བསམ་ཡང་རྒྱ་ཆེར་གནང༌། ཆོས་རྗེའི་དྲུང་དུ་ཕེབས་མ་ཐག་ནས་ཚེགས་མེད་པར་ཡིག་ཀློག་ལ་བྱང་བར་སྦྱངས། རབ་ཏུ་མ་བྱུང་བའི་སྔ་རོལ་ཏུ་དཔལ་རྡོ་རྗེ་འཇིགས་བྱེད་དང༌། འཁོར་ལོ་བདེ་མཆོག་དྲིལ་བུ་ལུགས་དང༌། ཀྱཻ་རྡོ་རྗེ་དང༌། ཕྱག་ན་རྡོ་རྗེ་ལ་སོགས་པའི་དཀྱིལ་འཁོར་དུ་བཅུག་ཅིང་དབང་བསྐུུར། གསང་མཚན་དུ་དོན་ཡོད་རྡོ་རྗེ་ཞེས་བཏགས་ཏེ་རྡོ་རྗེ་ཐེག་པའི་སྒོར་སྨིན་པར་མཛད། དབང་ཐོབ་པ་ནས་བཟུང་བདེ་མཆོག་ཀྱཻ་རྡོར། ཀུན་རིག གཤིན་རྗེའི་གཤེད་ལ་སོགས་པའི་དཀྱིལ་ཆོག་མང་པོ་ཐུགས་ལ་བཟུང༌། བདེ་མཆོག་དྲིལ་བུ་བའི་བདག་འཇུག་ལན་མང་དུ་བཞེས། ལྷའི་རྣལ་འབྱོར་དང་བཟླས་པའི་རིམ་པ་སོགས་ལ་གཅིག་ཏུ་གཞོལ། རྒྱུད་ནེ་དང་རྩ་བ་ཚང་གི་གདན་རབས་སུ། དབང་རྡོ་རྗེ་ཕྲེང་བ་ཡང་ཆོས་རྗེ་དོན་རིན་པ་ལས་གསན་པ་འདྲ་བ་ཞིག་གསུང་མོད། ཡོངས་གྲགས་ལ་འོག་ནས་འབྱུང་བ་ལྟར་འབྲི་གུང་སྤྱན་སྔ་བ་ལས་གསན་པར་གྲགས་སོ། །ཁྱད་པར་དུ་བླ་མའི་བཀའ་བཞིན་ཨ་ར་པ་ཙ་ནའི་བསྙྙེན་པ་གྲངས་མང་བར་མཛད་པས་གཟིམ་ཆུང་གི་ལོགས་ཀུན་ཏུ་ཨ་ར་པ་ཙ་ནའི་ཡི་གེ་མང་པོ་བྲིས་པ་ལྟ་བུ་དང༌། རལ་གྲིའི་ཕྱག་མཚན་གྱི་གུར་ཕིབས་པ་སོགས་རང་བྱོན་མང་དུ་ཕེབས། དེའི་ཕྱིར་གཟིམ་སྤྱིལ་དེ་ལ་ད་ལྟའི་བར་ཏུ་ཨ་ར་པ་ཙའི་སྒྲུབ་ཁང་ཞེས་ཀུན་གྱི་རྣ་བའི་རྒྱན་དུ་གྱུར། རྗེ་བདེ་ཁང་བས་མཛད་པའི་ཨ་ར་པ་ཙའི་མཆོད་རྟེན་གྱི་དཀར་ཆག་ལས། བསྙྙེན་སྒྲུབ་མཛད་སྐབས། བཞུགས་པའི་རྩྭ་སྤྱིལ་གྱི་ཕྱི་ནང་གི་ངོས་ཐམས་ཅད་ལྷག་པའི་ལྷའི་སྐུུ་དང་ཨ་ར་པ་ཙ་དང་རལ་གྲིས་བར་མཚམས་མེད་པར་གཏམས་པའི་གཟིགས་སྣང་ཡབ་སྲས་གཉིས་ཀ་ལ་བྱུང༌། ཞེས་གསུངས་འདུག དགུང་ལོ་བདུན་གྱི་སྐབས་ཤིག་ནས་ཕྱག་རྡོར་གཏུམ་པོ་ཕྱག་གཉིས་པའི་རྣམ་པ་ཅན་ཞིག་ཡུན་རིང་བའི་བར་དུ་ནུབ་རེ་བཞིན་མནལ་ལམ་དུ་གསལ་ལམ་མེར་འཆར་བ་དང༌། ཁྱད་པར་ཇོ་བོ་རྗེ་མནལ་ལམ་དུ་རྒྱུན་པར་མཇལ་བ་ཞིག་བྱུང༌། ཕྱིས་དབུས་སུ་ཕེབས་དུས་སྐུུ་འདྲ་གཟིགས་པ་ན་རྣམ་པ་ཇི་ལྟ་བར་འདུག་ཅེས་གསུངས། འཇམ་དབྱངས་དང་དབྱངས་ཅན་མ་ལ་སོགས་པའི་སྒོ་ནས་ཤེས་རབ་འཕེལ་བའི་ཐབས་མང་དུ་གནང༌། རྒྱུད་སྡེ་བཞིའི་རྒྱུད་རྒྱ་གཞུང་དཀྱིལ་ཆོག་མན་ངག་ཆོས་སྐོར་སོགས་མང་དུ་སྩལ། ཁྱད་པར་དུ་བར་ཆད་སྲུང་བའི་ལྷ་འཁོར་ཆེན། ཤེས་རབ་ཀྱི་ལྷ་ཨ་ར་པ་ཙ་ན། ཚེ་ཡི་ལྷ་ཚེ་དཔག་མེད་ཛེ་ཏ་རི། མཐུན་རྐྱེན་སྒྲུབ་པའི་ལྷ་རྣམ་སྲས། མི་དང་མི་མིན་གྱི་གནོད་པ་སེལ་བའི་ལྷ་མགོན་པོ་ཕྱག་དྲུག་པ་རྣམས་ཆོས་རྗེ་རང་གི་ལྷག་པའི་ལྷ་ཡིན། དེ་རྣམས་ཁྱོད་ལ་སྟེར་བ་ཡིན་པས་བསྙྙེན་སྒྲུབ་དང་གཏོར་མ་མ་ཆག་པ་གྱིས་གསུང༌། ཉིན་གཅིག་བྱིས་པའི་རྩེད་མོའི་རྣམ་པས་གོར་འཚེད་ཅིག་ལ་རྩེད་མོ་གནང་བས་ཁོའི་ལས་ལ་བར་བཅད་པས་ཁྲོས་ཏེ་གོར་ཐུར་གྱིས་བརྡེགས་པས་ཞལ་ལ་རྨ་ཞིག་བཏོད། རྡེག་མཁན་དེ་མ་འགྱངས་པར་ཁྲག་སྐྱུགས་ཏེ་ཤི། དེའི་རྐྱེན་གྱིས་རྗེ་དོན་རིན་པ་ཐུགས་ཁྲོས་པའི་ཚུལ་གྱིས་འགྲམ་ལྕག་བཏང་ནས་སྒོར་ཕུད། རེ་ཞིག་ན་ཉེ་གནས་ལ་ཁྱོད་སོང་ལ་གཞོན་ནུས་ཅི་བྱེད་ལྐོག་ཏུ་ལྟོས་གསུངས་པས། རྒྱབ་རིའི་རྩེར་དང་པོར་ཞལ་ས་ལ་གླན་ནས་བཤུམ། དེ་ནས་ཕྱག་གིས་ས་ལ་འབྲད་ཀྱིན་བཞུགས། མཐར་རྡོ་བ་མང་བོ་སྤུངས་ཏེ་གྲལ་བསྒྲིགས་པའི་ཚུལ་བྱས། །དེ་དག་ལ་ཕྱག་དབང་འཇོག་པའི་རྣམ་པ་དང༌། དབང་སྐུུར་བ་དང་ཆོས་འཆད་པའི་རྣམ་འགྱུར་མཛད་པ་མཐོང་བས་བླ་མ་ལ་ཞུས་པའི་ཚེ་ཤིན་ཏུ་དགྱེས་ཤིང་རྟེན་འབྲེལ་ལེགས་པར་དགོངས་ཞེས་ཀྱང་འབྱུང་ངོ༌། ། བཞི་པ་དབུས་འགྱུར་དམ་པའི་ཆོས་ཀྱི་ཞིང་སར་ཇི་ལྟར་ཕེབས་པའི་ཚུལ་ནི། དགུང་ལོ་བཅུ་དྲུག་༡༣༧༢པར་ཆོས་རྗེ་དོན་གྲུབ་རིན་ཆེན་གྱི་བཀའ་ལྟར་རྗེ་རང་གི་ཞང་པོ་གཉིས་དང་མཉམ་མདོ་སྨད་ཀྱི་ཚོང་འགྲུལ་མང་པོ་དང་ཐབས་གཅིག་ཏུ་དབུས་ལམ་དུ་ཞུགས། རིམ་བཞིན་མདོ་ཁམས་ཏྲེ་ཤོད་ཡུལ་གྱི་རིགས་དང་ཆོ་འབྲང་ཕུན་སུམ་ཚོགས་པ་ཤིང་ས་ལ་ལྟ་བུ། ཨ་སྡུག་ཏྲེ་པོ་ལྭ་ག་ཚང་ལ་རྟེན་འབྲེལ་གྱི་སླད་གནས་ཚང་གཡར་ནས་བཞུགས་ཞག་མཛད་པས། དུད་ཁྱིམ་དེས་བསོད་སྙྙོམས་དང་འབུལ་བ་སོགས། བསྙྙེན་བཀུར་ཕུན་སུམ་ཚོགས་པར་ཞུས་པས། རྟེན་འབྲེལ་ལེགས་དུད་ཁྱིམ་འདི་ཉིད་ད་ནས་མི་རབས་མང་པོའི་བར་རིགས་རུས་ཆོ་འབྲང་ཕུན་སུམ་ཚོགས་ཤིང༌། དཔལ་དང་འབྱོར་བའི་བསོད་ནམས་ཀྱིས་ནམ་ཡང་གུད་དུ་མེད་པར་འགྱུར་ལ། ཕྱིས་ནས་ངའི་རྗེས་སུ་འབྲངས་བའི་སྐུལ་ལྡན་ལས་འཕྲོ་ཅན་གྱི་སློབ་གཉེར་བ་ཇི་སྙྙེད་ཅིག་གནས་འདི་ནས་དབུས་ལམ་དུ་འོང་བས། ཁྱིམ་འདིས་དེ་དག་ལའང་གནས་གཡར་དང༌། བསོད་སྙྙོམས་ཀྱི་མཐུན་རྐྱེན་གང་ལེགས་སྦྱར་དགོས་པའི་ཞལ་བཀོད་གནང་བ་ལྟར། དུས་ཕྱིས་སུའང་ཁམས་དང་ཨ་མདོའི་ཁུལ་གྱི་སྟོད་གྲྭ་སའི་གྲྭ་རྒྱུན་རྣམས་དུད་ཁྱིམ་འདིར་བསོད་སྙྙོམས་སློང་སར་ཕེབས་པའི་སྲོལ་ཡོད་པར་སྣང༌། དེ་ནས་ཆབ་མདོར་སླེབས་པ་ན་གནས་དེར་བཞུགས་ཞག་མཛད་དེ་གནས་འདི་གནས་བརྟན་བ་ཀུ་ལས་བདག་གིར་མཛད་པའི་ཞིང་ཁྱད་པར་ཅན་ལགས་པས། མ་འོང་པ་ན་ཐུབ་བསྟན་དྲི་མ་མེད་པ་གསེར་སྦྱངས་བཙོ་མ་ལྟ་བུའི་གདན་ས་ཕུན་སུམ་ཚོགས་པ་ཞིག་ཆགས་པའི་ལུང་བསྟན་པ་ལྟར། ཕྱིས་བྱང་སེམས་ཤེས་རབ་བཟང་པོས་ཆབ་མདོ་བྱམས་པ་གླིང་གི་གདན་ས་ཕྱག་བཏབ་པ་སོགས་མདོ་དབུས་བར་གྱི་ས་ཁུལ་དུ་མར་བསྟན་པའི་བྱ་བ་རྒྱ་ཆེར་མཛད་བཞིན་ཕེབས། ཐོག་མར་འབྲི་གུང་དུ་ཕེབས་ཏེ། དེ་ནས་རིམ་གྱིས་ཕག་གྲུར་ཕེབས། ལྔ་པ་ཐ་སྙྙད་རིག་གནས་ལ་མང་དུ་ཐོས་པ་རྒྱ་མཚོའི་ཕ་རོལ་ཏུ་སོན་པའི་ཚུལ་ནི། མཉམ་མེད་བཀའ་བརྒྱུད་ཀྱི་བསྟན་པའི་བདག་པོ་དཔལ་ཕག་མོ་གྲུ་པའི་གདན་ས་བ་སྤྱན་སྔ་གྲགས་པ་བྱང་ཆུབ་ལས་བྱང་ཆུབ་སེམས་ཀྱི་མན་ངག་སོགས་ཆོས་ཚུལ་དུ་མ་གསན། ཚལ་པ་སྨན་པ་དཀོན་མཆོག་སྐྱབས་ལས་གསོ་དཔྱད་རྒྱུད་བཞི་ཆ་ལག་དང་བཅས་པ་ཟུར་སྦྱངས་མཛད་པས། དུས་ཕྱིས་ཚལ་བ་དཀོན་སྐྱབས་པས་དེང་སང་བོད་གངས་ཅན་ལྗོངས་སུ་གསོ་དཔྱད་ལ་བློ་བཟང་གྲགས་པ་ལྟ་བུའི་མཁས་པ་སུ་ཡང་མེད་ཚོད་ཅེས་གསུངས་སྐུད། ཕྱིས་ལོ་ཆེན་ནམ་མཁའ་བཟང་པོ་དང༌། ས་བཟང་མ་ཏི་པཎ་ཆེན་གཉིས་ལས་སྒྲ་ཀ་ཙན་དབྱངས་གསུམ་དང༌། ཐོན་མིའི་བརྡ་སྤྲོད། སྨྲ་སྒོ། སྡེབ་སྦྱོར། མངོན་བརྗོད། སྙྙན་ངག་མེ་ལོང་མ་སོགས་སྒྲ་རིག་པའི་གཞུང་ལུགས་ཆ་ལག་དང་བཅས་པར་མཁས་པ་སྦྱངས་པས་གངས་ཅན་པའི་གཙུག་ལག་སྨྲ་བ་ཀུན་གྱི་དབུས་ན་འགྲན་ཟླ་མེད་པའི་མཁས་པར་གྱུར་ཏེ་ཕྱིས་སྤྱན་སྔ་གྲགས་བྱང་པ་དང༌། རྟག་ཏུ་ངུའི་རྟོགས་བརྗོད་སོགས་ཀྱང་ལྗགས་རྩོམ་མཛད་པས་མཁས་རྒུའི་ཡིད་ཀྱི་བརྟན་པ་འཕྲོག རྟོགས་ལྡན་རྔོ་སྙྙག་པ་ཡེ་ཤེས་རྒྱལ་མཚན་ལས་དཔལ་དུས་ཀྱི་འཁོར་ལོའི་ཕྱི་ནང་གཞན་གྱི་ཟབ་འཁྲིད་ཞུས་པའི་ཞོར་ལ་དི༷ལ་འཁོར་གྱི་ཐིག་རྩ་དང༌། ཕྱི་དུས་ཀྱི་འཁོར་ལོ་ལས་འབྱུང་བའི་ཉི་ཟླ་གཟའ་འཛིན་སོགས་སྐུར་རྩིས་དང་ས་རིས་ཀུན་ཀྱང་ནང་བྱན་ཆུད་པར་བསླབས་ཏེ། མདོར་ན་དུས་ཕྱིས་ཐ་སྙྙད་རིག་པའི་གནས་ཀུན་ལ་གངས་རིའི་ཁྲོད་དུ་ས་པབྲསྤྱ༣་ཏ་དང་རྗེ་འདི་པ་ལས་མཁས་པ་མ་བྱུང་བ་གྲགས། དྲུག་པ་མདོ་སྔགས་གཞུང་ལུགས་རྒྱ་མཚོ་ལྟ་བུ་ལ་ཐོས་པ་ཇི་ལྟར་བྱས་པའི་ཚུལ་ནི། དགུང་ལོ་བཅུ་བདུན་༡༣༧༣པར་དབུས་ཀྱི་ཆོས་གྲྭ་ཆེན་པོ་སྙྙེ་ཐང་བདེ་བ་ཅན་དུ་ཕེབས་ཏེ། སྙྙེ་ཐང་བ་བཀྲིས་སེང་གེ་དང་གདན་ས་བ་དགེ་བསྐོས་པ། སློབ་དཔོན་ཡོན་ཏན་རྒྱ་མཚོ། སློབ་དཔོན་ཨོ་རྒྱན་དཔལ་བཞི་ལ་བདེ་བ་གཤེགས་པའི་གསུང་རབ་ཐམས་ཅད་ཀྱི་སྙྙིང་པོ་ཤེས་རབ་ཀྱི་ཕ་རོལ་ཏུ་ཕྱིན་པའི་སྐབས་དོན་མངོན་པར་རྟོགས་པའི་དོན་ལེགས་པར་བཤད་པ་བསྟན་བཅོས་མངོན་པར་རྟོགས་པའི་རྒྱན་རྩ་འགྲེལ་བཅས་གསན། ཡང་བླ་མ་འཇམ་རིན་པ་ལས་བྱམས་ཆོས་ལྷག་མ་བཞི་དང༌། རྗེ་རེད་མདའ་བ་ལས་བྱམས་ཆོས་ལྔ་ཀ་དང༌། དབུ་མ་རིགས་པའི་ཚོགས་དྲུག ཚད་མ་སྡེ་བདུན། འདུལ་བ་ལུང་སྡེ་བཞི་དང༌། མདོ་རྩ། མངོན་པ་མཛོད་དང༌། ཀུན་བཏུས་སོགས་དབུ་ཕར་འདུལ་མཛོད་ཚད་མ་བཅས་པའི་གཞུང་ཆེན་ཁག་ལ་འགྲན་དུ་མེད་པའི་མཁས་པར་གྱུར། རྗེ་རེད་མདའ་བ་ཆེན་པོ་དང་བུ་སྟོན་ཆོས་རྗེའི་དངོས་སློབ་དགེ་སློང་སྒྲ་ཚད་པ་རིན་ཆེན་རྣམ་རྒྱལ། མཁས་གྲུབ་ཁྱུང་པོ་རྣལ་འབྱོར། དཔལ་ལྡན་ས་སྐྱ་བའི་བླ་མ་དམ་པ་བསོད་ནམས་རྒྱལ་མཚན། རྟོགས་ལྡན་སྔོ་སྙྙག་པ་ཡེ་ཤེས་རྒྱལ་མཚན་སོགས་ལ་ཡི་དམ་གསང་བདེ་འཇིགས་གསུམ་དང་དཔལ་དུས་ཀྱི་འཁོར་ལོས་གཙོས་རབ་འབྱམས་རྒྱུད་སྡེ་རྒྱ་མཚོའི་གཞུང་ལུགས་ལ་གསན་བསམ་ཕུ་མཐར་སོན་པར་མཛད་ཅིང་དེ་དག་གི་དབང་ལུང་མན་ངག་ཆ་ལག་དང་བཅས་པ་བུམ་པ་གང་བྱོའི་ཚུལ་དུ་མནོས་ཏེ་རྒྱུད་སྡེ་རྒྱ་མཚོའི་མངའ་བདག་ཏུ་གྱུར། ཆོས་གྲྭ་ཆེན་པོ་བདེ་བ་ཅན་དང༌། རྩེད་ཐང༌། གསང་ཕུ་ནེའུ་ཐོག །ངོར་ཆོས་སྡེ་སོགས་སྐབས་དེ་དུས་དགེ་འདུན་གྱི་འདུས་སྡེ་མང་ཞིང་བཤད་སྒྲུབ་ཀྱི་བསྟན་པ་ཆེས་ཆེར་དར་བའི་གདན་ས་ཆེན་པོ་དག་ཏུ་དབུ་ཕར་འདུལ་མཛོད་སོགས་ཀྱི་གྲྭ་སྐོར་མཛད་པས་གདན་ས་དེ་དག་ཏུ་བཞུགས་པའི་རྩོད་མེད་མཁས་པ་ཀུན་གྱི་ཡིད་ཀྱི་བརྟན་པ་རང་དབང་མེད་པར་འཕྲོག་སྟེ་མཁས་པའི་སྙྙན་པ་ཕྱོགས་ཀྱི་བུ་མོའི་རྣ་བའི་རྒྱན་དུ་གྱུར། དགུང་ལོ་ཉེར་བཞི་༡༣༨༠པར་ཡར་ཀླུང་རྣམ་རྒྱལ་དགོན་དུ། བྱེ་རྫིང་མཁན་པོ་བཀའ་བཞི་པ་ཚུལ་ཁྲིམས་རིན་ཆེན་ལས་བསྙྙེན་པར་རྫོགས་པའི་སྡོམ་པ་བཞེས། རྟ་ཐུལ་དང་ཉེ་བར་འཁོར་ལྟར་བསླབས་པའི་བཅས་མཚམས་མིག་གི་འབྲས་བུ་ལྟར་བསྲུང་བའི་རྣམ་ཐར་རྨད་དུ་བྱུང་བ་ལྷུར་བླངས། ཇོ་བོ་བཀའ་གདམས་པའི་ཆོས་སྐོར་སྤྱན་སྔ་བ་ནས་བརྒྱུད་བཀའ་གདམས་ལམ་རིམ་དང༌། རྣལ་འབྱོར་དབང་ཕྱུག་དཔལ་ལྡན་དགོན་པ་བ་ལས་བརྒྱུད་པའི་བཀའ་གདམས་མན་ངག་པའི་ཆོས་རྒྱུན་ཀུན་གསང་བའི་བདག་པོ་མིའི་རྣམ་འཕྲུལ་ལྷོ་བྲག་གྲུབ་ཆེན་ནམ་མཁའ་རྒྱལ་མཚན་ལས་གསན། པོ་ཏོ་བ་ནས་བརྒྱུད་པའི་བཀའ་གདམས་གཞུང་པའི་ཆོས་རྒྱུན་ཡོངས་རྫོགས་བྲག་སྐོར་མཁན་ཆེན་ཆོས་སྐྱབས་བཟང་པོ་ལས་བུམ་པ་གང་བྱོས་ཀྱི་ཚུལ་དུ་གསན་ཏེ། བཀའ་གདམས་པའི་ཆོས་རྒྱུན་ཡོངས་རྫོགས་གཅིག་ཏུ་འདུས་པའི་བསྟན་པའི་བདག་པོར་གྱུར་པར་མ་ཟད། ཕྱིས་ཡང་དག་པར་རྫོགས་པའི་སངས་རྒྱས་ནས་ལྷོ་བྲག་གྲུབ་ཆེན་ནམ་མཁའ་རྒྱལ་མཚན་དང༌། བྲག་སྐོར་མཁན་ཆེན་ཆོས་སྐྱབས་བཟང་པོའི་བར་གྱིས་ཞལ་དངོས་སུ་གཟིགས་པར་མ་ཟད་ཇོ་བོ་ཆེན་པོས་རྗེའི་དབུ་ལ་ཕྱག་བཞག་སྟེ་བསྟན་པ་ལ་བྱ་བ་རྒྱ་ཆེན་པོར་མཛད་དང༌། དེའི་གྲོགས་བདག་གིས་བྱ་ཞེས་དབུགས་དབྱུང་བ་སོགས་མདོར་ན་རྒྱལ་བའི་མདོ་རྒྱུད་མཐའ་དག་གཞན་དྲིང་མེད་པའི་མཁས་པའི་ཕ་མཐར་སོན། བདུན་པ། དེ་ལྟར་མཁས་པའི་གོ་སར་བརསྙེས་ནས་ཚུལ་བཞིན་སྒྲུབ་པ་རྟོགས་པའི་ཡོན་ཏན་ཇི་ལྟར་བསྙྙེགས་པའི་ཚུལ་ནི་མདོ་རྒྱུད་དགོངས་འགྲེལ་དང་བཅས་པའི་གཞུང་ལུགས་ཀུན་ལ་དྲི་མ་མེད་པའི་རིགས་པས་ཡང་དང་ཡང་དུ་དཔྱད་པ་ལས་གཞུང་ལུགས་ཐམས་ཅད་གང་ཟག་གཅིག་འཚང་རྒྱ་བའི་ཉམས་ལེན་གྱི་གདམས་པར་ཤར་བ་ལྟར་སྒྲུབ་པ་ལ་སྦྱོར་བས་རྡོ་རྗེ་འཆང་དང༌། ས་ར་ཧ། འཇམ་དབྱངས། ཀླུ་སྒྲུབ་ཡབ་སྲས། བྱམས་མགོན། ཐོགས་མེད་སྐུུ་མཆེད་སོགས་རྒྱ་ཆེན་སྤྱོད་བརྒྱུད་དང༌། ཟབ་མོ་ལྟ་བརྒྱུད་ཉམས་ལེན་བྱིན་རླབས་བརྒྱུད་པ་སོགས་ཀྱི་ལྷ་དང་བླ་མ་མང་པོས་ཞལ་དངོས་སུ་གཟིགས་པ་དང༌། རྩ་ཤེས་རབ་བྱེད་བརྒྱད་པའི་བརྟེན་ནས་འབྱུང་བ་མེད་པ་ཡིན། ཞེས་པའི་ཐད་ཀྱི་འགྲེལ་བར་གཟིགས་ནས་སྟོང་པ་ཉིད་གསལ་ལེར་རྟོགས་པའི་ཚུལ་མཛད་པ་དང༌། ཏིང་ངེ་འཛིན་ཤིན་ཏུ་བརྟན་པོ་དང་ལྡན་པ་དང༌། མངོན་པར་ཤེས་པ་དང་རྫུ་འཕྲུལ་དུ་མ་མངའ་ཡང་ཕྱིས་འབྱུང་གདུལ་བྱའི་ཀུན་སྤྱོད་གཙང་བའི་ཆེད་སྦེད་པ་དང༌། བྱང་ཆུབ་ཀྱི་སེམས་རྩོད་མེད་དུ་གོམས་པ་སོགས་མདོར་ན་གསང་བ་བསམ་མི་ཁྱབ་པའི་གནས་སུ་དུས་གསུམ་བདེ་གཤེགས་ཀུན་ཀྱི་ཡབ་གཅིག་འཇམ་དཔལ་སྙྙིང་པོ་དང་མི་གཉིས་པས་གསང་བ་གསུམ་ཀྱི་ཡོན་ཏན་བརྗོད་པའི་ཡུལ་ལས་འགོངས་མོད་ཐུན་མོང་གདུལ་བྱའི་སྣང་ཚོད་ཀྱང་འདིའི་མངོན་པར་རྟོགས་པའི་ཡོན་ཏན་གྱི་ཚོད་གཞལ་བ་མ་ཡིན་ཏེ། ལྷོ་བྲག་གྲུབ་ཆེན་ལས་ཀྱི་རྡོ་རྗེས་འཇམ་དབྱངས་སུ་མཇལ་བ་དང༌། གསང་བདག་གི་གསུང་ལས། གསང་འཛིན་ལས་ཀྱི་རྡོ་རྗེ་ལ། །སྔོན་ནས་ཉེ་བར་འགྲེལ་བ་ཡི། །བློ་བཟང་གྲགས་པ་འདི་ཉིད་ནི། །སངས་རྒྱས་ཀུན་གྱི་སྤྲུལ་པ་སྟེ། །པཎ་ཆེན་རྐྱང་གི་ལུས་བཟུང་ནས། །མདོ་དང་སྔགས་ཀྱི་དོན་བཤད་ཅིང༌། །ངེས་པ་ཁོ་ནར་འཚང་རྒྱའོ། །རྒྱ་གར་རྒྱ་ནག་བལ་བོ་དང༌། དབུས་གཙང་མདོ་ཁམས་ཡུལ་ཕྱོགས་སུ། །སྐྱེ་བ་བཟུང་ཞིང་འགྲོ་ཀུན་རྣམས། །ཐར་བའི་ལམ་ལ་འཁྲིད་པར་མཛད། །འཇམ་བའི་དབྱངས་ནི་ལྟག་པའི་ལྷ། །དབྱངས་ཅན་མ་ནི་ལས་རྒྱ་སྟེ། །ངེས་པ་ཁོ་ནར་བྱང་ཆུབ་པོ། །འཕགས་པའི་སློབ་མ་འདུ་བར་བྱེད། །ལུས་འདི་བོར་ཚེ་དགའ་ལྡན་དུ། །བྱམས་པའི་དྲུང་འགྲོ་ཆོས་ཉན་འགྱུར། །འཇམ་དཔལ་སྙྙིང་པོ་ཞེས་བྱ་བ། །སེམས་ཅན་ཀུན་ལ་བརྩེ་བ་སྟེ། །དེ་ནི་ས་བཅུའི་མཐར་ཕྱིན་ཏོ། །ཞེས་དང༌། ཡང༌། བློ་བཟང་གྲགས་པ་འདི་ཚོགས་རྒྱ་ཆེན་པོ་བསགས་པ་མཐོང་ཐོས་རེག་གསུམ་གྱི་ཕན་ཡོན་འཐོབ་པའི་གང་ཟག་ཡིན། སོ་སོའི་སྐྱེ་བོའི་སྣང་ངོར་སྦྱོར་ལམ་པར་གྲགས། ཁོ་བོ་ལག་ན་རྡོ་རྗེས་ཀྱང་འདིའི་ཡོན་ཏན་གྱི་མཐའ་རྟོགས་པར་མི་ནུས་སོ། །ཞེས་གསུངས་པ་ལྟར་རོ། ། བརྒྱད་པ། དེ་ལྟར་མཁས་བཙུན་གྲུབ་པའི་གོ་འཕང་མཐོན་པོར་བརསྙེས་ནས་བདག་ཉིད་ཆེན་པོ་འདིས་བསྟན་པ་ལ་བྱ་བ་ཇི་ལྟར་བྱས་པའི་ཚུལ་ལས། འཆད་པའི་སྒོ་ནས་བསྟན་པ་ལ་བྱ་བ་ཇི་ལྟར་བྱས་ཚུལ་ནི། དགུང་གྲངས་སོ་གསུམ་༡༣༨༩ལ་ཕེབས་པའི་སྐབས་ཡར་ཀླུང་མོན་མཁར་བཀྲིས་གདོང་དུ་སློབ་མ་འགའ་ཞིག་གི་ཇི་ལྟར་གསོལ་བ་བཏབ་པ་བཞིན། དབུས་གཙང་གི་སྟོན་པ་དང་མཁས་པ་ཕལ་ཆེ་བ་ཚོགས་པའི་དབུས་སུ་བྱམས་ཆོས་སྡེ་ལྔ་དང༌། དབུ་མ་རིགས་པའི་ཚོགས་ལྔ། མངོན་པ་གོང་འོག་གཉིས། དབུ་མ་འཇུག་པ། བཞི་བརྒྱ་པ། སྤྱོད་འཇུག འདུལ་བ་མདོ་རྩ། ཚད་མ་རྣམ་འགྲེལ་བཅས་རྒྱ་གཞུང་ཆེན་པོ་བཅུ་བདུན་དུས་གཅིག་ཏུ་འཆད་ཅིང༌། དེ་ཡང་འཆད་བྱེད་གཞུང་གང་དང་གང་ཡིན་པ་དེ་དང་དེའི་ཚིག་དོན་རྣམས་མ་འདྲེས་ཤིང་མ་མཛིངས་པ་མ་ནོར་བ་གྲུབ་མཐའ་རང་རང་གི་འདོད་ཚུལ་དང་ཁས་ལེན་གྱི་ཁྱད་པ་མི་འདྲ་བ། དྲང་བ་དང་ངེས་པའི་དོན་གྱི་འབྱེད་ལུགས་སྔོན་བྱོན་རྒྱ་བོད་ཀྱི་མཁས་པ་རྣམས་ཀྱི་བཞེད་སྲོལ་མི་འདྲ་བ་ཡོད་ལུགས་དེ་དག་ལས་གང་འཐད་པའི་ཕྱོགས་རང་ལུགས་ལ་ཁས་ལེན་ཚུལ་གོ་བའམ་དོན་གྱི་སྙྙིང་པོ་རྣམ་པར་དག་པ་འཚོལ་དགོས་ལུགས། དེ་དག་ཐམས་ཅད་གཙོ་བོ་རང་བརྒྱུད་ལ་སྐུལ་ནས་ཉམས་སུ་ལེན་དགོས་ཚུལ་སོགས་ཞིབ་ཅིང་མཐའ་ཆོད་པའི་སྒོ་ནས་འདོམས་པར་མཛད་པས་ཆོས་ལན་གཅིག་གསུངས་པས་ཀྱང་གདུལ་བྱ་རྣམས་ཀྱི་རྒྱུད་ལ་རྨད་དུ་བྱུང་བའི་མྱོང་བ་ཐོན་པའི་ཁྱད་ཆོས་ལྡན་པས། སྐབས་དེའི་གསུང་ཆོས་སུ་འདུས་པའི་མདོ་དབུས་མཁས་པ་ཕལ་ཆེ་བའི་ཡིད་ཀྱི་བརྟན་པ་རང་དབང་མེད་པར་རྗེ་བླ་མ་རང་ལ་འགུགས་ཏེ་ཞབས་ཀྱི་རྡུལ་ཕྲན་དཔྲལ་བར་བླངས་ནས་སློབ་མར་གྱུར་པ་ལས་རྗེ་བླ་མའི་བསྟན་པ་འདི་ཉིད་ཐོག་མ་དར་བའི་རྨང་ཡང་འདི་ནས་བཙུགས་པར་སེམས། དེ་བཞིན་གནས་རསྙིང་དང༌། དབུས་སྟོད་བྱ་ཡུལ། སོས་རིགས་ལྔ་ལྷ་ཁང༌། དགའ་སྐྱོར་ཟུལ་གསུམ། རྭ་སྒྲེང༌། ལྷས་ཕུ་དགོན། འོན་བདེ་ཆེན་སྟེང༌། འོལ་དགའ་བྱམས་པ་གླིང༌། སེར་ར་ཆོས་སྡིང༌། དགའ་ལྡན་རྣམ་པར་རྒྱལ་པའི་གླིང་སོགས་སུ་མཁས་གྲུབ་གཉིས་ལྡན་གྱི་གདུལ་བྱ་ཤིན་ཏུ་མང་པོ་ལ་སྔ་ཕྱི་མདོ་སྔགས་ཀྱི་ཆོས་ཚུལ་རྒྱ་མཚོ་ལྟ་བུའི་བཀའ་ཆོས་དུ་མ་གནང་ངོ།། རྩོད་པའི་སྒོ་ནས་བསྟན་པ་ལ་བྱ་བ་བྱས་ཚུལ་ནི། གོང་དུ་བཤད་པ་ལྟར་ཆོས་གྲྭ་ཆེན་པོ་བདེ་བ་ཅན་སོགས་སུ་གཞུང་ཆེན་པོ་དག་གི་གྲྭ་སྐོར་ལ་ཕེབས་ཏེ་ལུང་རིགས་སྨྲ་བའི་མཁས་མང་སྟག་སེང་ཁ་འཐབ་པ་ལྟ་བུའི་ཁྲོད་དུ། ཁས་ལེན་གྱི་འཛིན་མཚམས་དང༌། ལུང་གི་རྒྱབ་རྟེན་དང༌། རིགས་པའི་ཕུལ་མཚམས། གོ་བའི་བབས་སོ། མཐོང་ཐོས་ཀྱི་མྱོང་བ་སོགས་ཀྱིས་རྗེ་གོ་རྒྱ་དང་དམ་བཅའ་གང་ཅིར་བ་སྤུའི་བུ་ག་ཙམ་ཡང་གཡོ་འགུལ་མི་ནུས་པས་གངས་ཅན་པའི་ཁྲོད་ན་ངག་གི་དབང་ཕྱུག་ཏུ་གྲགས་པ་ཀུན་གྱི་གཙུག་ན་རྩོད་པའི་དབང་ཕྱུག་ཏུ་གྱུར་ཏེ། རྒྱལ་བའི་བསྟན་པ་ལ་མ་རྟོགས་པ་དང་ལོག་པར་རྟོག་པ་དང་ཐེ་ཚོམ་གྱི་དྲི་མ་མཐའ་དག་སུན་ཕྱུང་ཏེ་དྲི་མ་མེད་པའི་རིགས་ལམ་ཉི་ཟླའི་དཀྱིལ་འཁོར་ལྟ་བུས་ཕས་ཀྱི་རྒོལ་བའི་སྙྙིང་གི་མུན་པ་བསལ་བར་མཛད་དེ། བོད་ཀྱི་རྩོད་མེད་མཁས་པ་མང་པོས་རྗེ་བླ་མར་འགྲན་པའམ་ཡང་ན་གཞུང་ཆེན་པོའི་དཀའ་གནད་ཀྱི་འཛིན་མཚམས་འགའ་རེའི་ཐད་དགོངས་པ་མི་མཐུན་པ་བྱུང་ནའང༌། རྗེས་གསང་ཕུ་སོགས་སུ་གྲྭ་སྐོར་མཛད་སྐབས་ཕྲ་ཞིབ་རིགས་པའི་རྣམ་དཔྱོད་ཀྱི་ཚུལ་ལ་ཞུམ་ཞིང་ཁུམས་ནས། རྗེ་བླ་མ་ཞལ་བཞུགས་པའི་རིང་ལ་སྐུུ་དངོས་ཀྱི་མདུན་སར་རྩོད་པའི་སུན་འབྱིན་འབུ་སྦྲང་མའི་སྐུད་ཙམ་ཡང་སྒྲོགས་མཁན་མ་བྱུང་ཞིང༌། གལ་ཏེ་བྱུང་ནའང་རྗེའི་བ་སྤུ་ཙམ་ཡང་གཡོ་འགུལ་མི་ནུས་ཏེ། གོང་ས་ལྔ་པ་ཆེན་པོས། ཕྲ་ཞིབ་དཔྱོད་ཚེ་འཇམ་དབྱངས་གཞོན་ནུ་ཡི། །ཕྱིར་རྒོལ་མཛད་ཀྱང་དགག་པ་ལེགས་ནུས་པའི། །བློ་བཟང་གྲགས་པས་འཕྲུལ་ལྡན་བསྟན་པ་འགའ། །རྒྱལ་བའི་རྗེས་སུ་ཞུགས་དགོངས་ལྷག་མ་བཞག །ཞེས་གསུངས་པ་ནི་སྙྙན་ཚིག་གི་དཔེར་བརྗོད་ཙམ་མ་ཡིན་པར་དོན་ལ་གནས་པའི་སྡོམ་ཚིག་གཙང་མ་ཞིག་ཀྱང་ཡིན་ནོ། ། རྩོམ་པའི་སྒོ་ནས་བསྟན་པ་ལ་བྱ་བ་བྱས་ཚུལ་ནི། དགུང་ལོ་ཉེར་ལྔ་༡༣༨༡པར་ཚལ་གུང་ཐང་གི་གཙུག་ལག་ཁང་དུ་ལེགས་བཤད་གསེར་གྱི་ཕྲེང་བ་རྩོམ་པའི་དབུ་བཙུགས་ཏེ། དགུང་ལོ་སོ་གཉིས་པར་མཇུག་རྫོགས་པ་མཛད། དགུང་ལོ་ཞེ་ལྔ་པ་༡༤༠༢རྭ་སྒྲེང་དུ་བྱང་ཆུབ་ལམ་རིན་ཆེན་མོ་མཛད། དགུང་ལོ་ཞེ་བརྒྱད་༡༤༠༥ པར་རྒྱ་སོག་ཕུར་སྔགས་རིམ་ཆེན་མོ་བརྩམས། དགུང་ལོ་ང་གཅིག་༡༤༠༨ སེ་ར་ཆོས་སྡིངས་སུ་དྲང་ངེས་ལེགས་བཤད་སྙྙིང་པོ་མཛད། དགུང་ལོ་ང་བཞི་༡༤༡༠ པར་བཤད་བརྒྱུད་ལྷ་མོ་བཞིས་ཞུས་པ་དང༌། ཡེ་ཤེས་རྡོ་རྗེ་ཀུན་ལས་བཏུས་ཀྱི་རྣམ་བཤད་བརྩམས། ང་ལྔ་༡༤༡༡ པར་རིམ་ལྔ་གསལ་སྒྲོན་བརྩམས། སེར་ར་ཆོས་སྡེངས་སུ་རྩ་ཤེར་རྣམ་བཤད་རིགས་པའི་རྒྱ་མཚོ། དགའ་ལྡན་རྣམ་པར་རྒྱལ་བའི་གླིང་དུ་འཇུག་པའི་རྣམ་བཤད་དགོངས་པ་རབ་གསལ་སོགས་མདོར་ན་སྙྙིགས་དུས་ཀྱི་གདུལ་བྱ་རྣམས་དབང་པོ་ཇེ་ཞན་ཇེ་ཞན་དུ་གྱུར་པ་ན་རྒྱས་པ་རྣམས་དོན་བསྡུ་བའི་སྒོ་ནས་འཆད་དགོས་པ་དང༌། མི་གསལ་བ་རྣམས་གསལ་བ་དང༌། གབ་པ་རྣམས་རྗེན་ཆེར་ཕྱུང་བ་དང༌། དཀྲུགས་པ་རྣམས་འཁྲིགས་སུ་སྡེབ་པ་དང༌། དྲང་ངེས་ཀྱི་ཁྱད་པ་ལ་སོགས་པ་གདུལ་བྱའི་དབང་པོ་དང་འཚམ་པའི་བསྟན་བཅོས་པོད་ཆེན་བཅོ་བརྒྱད་ད་ལྟར་མཐོང་ཆོས་སུ་ཡོད་པ་འདི་བཞིན་ལགས་ཏེ། ད་དུང་དེ་དག་ཏུ་མ་ཚུད་པའི་རྗེའི་གསུང་རྩོམ་མང་པོ་ཞིག་བྱང་རྭ་སྒྲེང་དགོན་པའི་ནང་ཡོད་པ་སྐྱབས་རྗེ་ཁྲི་བྱང་རིན་པོ་ཆེའི་རང་རྣམ་དུ་གསུང་འདུག་པས། དོ་སྣང་ཅན་ཚོས་གོ་སྐབས་དང་བསྟུན་ནས་རིག་གསར་རླུང་འཚུབ་ཀྱིས་ཁྱེར་ཡོད་མེད་གཟིགས་ཞིབ་གནང་རོགས་ཞེས་ཀྱང་འཕྲོས་གླེང་གི་ཚུལ་དུ་བསྐུུལ་ལ། དེ་ཡང་ལྷག་པའི་ལྷ་འཇམ་པའི་དབྱངས་ཀྱི་ཞལ་དངོས་སུ་གཟིགས་པ་དང༌། གསུང་གིས་གནང་བ་ཐོབ་པ། ཤེས་བྱ་རིག་པའི་གནས་ལྔ་ལ་མཁས་པའི་བསྟན་བཅོས་རྩོམ་པའི་རྒྱུ་ཕུན་སུམ་ཚོགས་པ་གསུམ་ག་ལྡན་པར་མ་ཟད་རྩོམ་པའི་ལེགས་བཤད་ཕལ་ཆེ་བ་ནི་འཇམ་པའི་དབྱངས་ཀྱི་གསུང་གིས་བསྐུུལ་བ་ཤ་སྟག་ཡིན་ཞེས་རྗེའི་རྣམ་ཐར་ཚད་ལྡན་རྣམས་ལས་གསལ་ལ། སྤྱིར་ཡང་མཛད་པ་ཀུན་ལས་གསུང་གི་མཛད་པ་ནི་རབ་ཏུ་ཕུལ་དུ་བྱུང་བ་རྗེའི་གསུང་གི་མཛད་པ་མཐའ་དག་དཔྱད་པ་གསུམ་གྱིས་དག་པའི་གསུང་རབ་ཚད་མ་རྣམས་དང་རྣམ་པར་ཀུན་ཏུ་མཚུངས་པས། དོན་འདི་ལ་དགོངས་ནས་འདུ་ནག་པ་དཔལ་ལྡན་བཟང་པོས། སྐུལ་བཟང་རྣ་བའི་རྒྱན་གྱི་ལེགས་བཤད་གསུང༌། ཞེས་གསུངས་པ་ནི་རང་བཞིན་རྗེན་པར་བརྗོད་པའི་བསྟོད་ཚིག་སྟེ། ད་དུང་ཆོས་བརྒྱུད་ཐ་དད་པའི་མཁས་པ་གཞན་དང་གཞན་གྱིས་རྗེའི་གསུང་རབ་ལ་བསྔགས་པ་བརྗོད་པ་མང་དུ་བྱུང་སྟེ་འོག་ཏུ་དཀྱུས་གཅིག་ཏུ་བཀོད་པར་འདོད་དོ། བསྟན་པའི་རྩ་བ་དམ་ཆོས་འདུལ་བའི་གཞུང་གི་ལག་ལེན་ཚུལ་བཞིན་བཀལ་ཏེ་བསྟན་པ་རྨང་ནས་གསོས་པའི་ཚུལ་ནི། རབ་ཏུ་བྱུང་བ་ནས་ཕྱི་དྲོའི་ཁ་ཟས་སྤངས་པ་དང༌། རུང་ཆུ་འདོན་པ་ཚུན་ཆད་རང་ཉིད་ཀྱིས་ལག་ལེན་ཚུལ་བཞིན་བསྟར་བར་མ་ཟད། དགུང་ལོ་ཞེ་དྲུག་པར་ཨར་བྱང་ཆུབ་ཡེ་ཤེས་ཀྱི་གདན་ས་གནམ་རྩེན་ལྡིང་དུ། རྗེ་རེད་མདའ་བ་ཆེན་པོ་དང༌། རྗེ་བླ་མ། ལོ་ཆེན་སྐྱབས་མཆོས་དཔལ་བ་སྟེ་རྣམ་པར་གསུམ་གདན་འཛོམས་ཤིང༌། སྡེ་སྣོད་འཛིན་པའི་དགེ་འདུན་དྲུག་བརྒྱ་ལྷག་དང་བཅས་པ་དབྱར་གནས་ལ་བཞུགས་པའི་རིང་འདུལ་བའི་ཕྱག་ལེན་ཕྲ་མོ་ཚུན་ཆད་ནས་བསྟན་པའི་རྩ་བ་སོ་སོར་ཐར་པའི་རྨང་ནས་གསོས་ཤིང༌། བསྟན་པ་ལ་དག་ཐེར་མཛད་པ་ནས་ད་ལྟའི་བར་བོད་རྒྱ་ཧོར་སོག་ཀུན་ཏུ་ཐུབ་པའི་བསྟན་པ་འདི་ཉིད་འཛིན་པའི་ཕྱི་སྐུལ་ལྡན་དང་བ་འདྲེན་པའི་མིག་རྒྱན་དང༌། ནང་འབྱོར་ལྡན་བསོད་ནམས་གསོག་པའི་ཞིང་ས་དམ་པ་འདི་བཞིན་བྱུང་བ་ཡིན་ལ། རང་ཅག་ཕྱིས་འབྱུང་གི་གདུལ་བྱ་རྣམས་ཀྱིས་རྗེའི་བཀའ་དྲིན་འདི་ཙམ་ཡང་གཞལ་དུ་མེད་དོ། །དེའི་ཕྱིར་ཆོས་འབྱུང་སྨྲ་བ་ཁ་ཅིག་གིས་རྗེའི་མཛད་ཆེན་བཞིའི་ནང་གི་ཡ་གྱལ་གཉལ་གྱི་ལུང་ར་ཆེན་པོའི་ཚབ་ཏུ་འདི་ཉིད་བགྲངས་བའང་ཡོད་དོ། ། གཙུག་ལག་ཁང་གི་ཞིག་གསོ་དང་གདན་ས་ཕྱག་བཏབ་ནས་བསྟན་པ་ལ་བྱ་བ་ཇི་ལྟར་བྱས་པའི་ཚུལ་ནི། དགུང་ལོ་སོ་དྲུག་པར་འཇམ་པའི་དབྱངས་ཀྱིས་ཞལ་གཟིགས་ཤིང་གསུང་གིས་བསྐུུལ་བ་ལྟར། འཇམ་དཀར་བ་སོགས་འཁོར་དག་པ་རྣམ་བརྒྱད་ཞབས་ཕྱིར་ཁྲིད་དེ་འོལ་ཁ་ཆོས་ལུང་དུ་བྱོན་ནས་ཕྱག་དང་མབྲསྤྱལ་སོགས་ཡན་ལག་བདུན་པའི་བསགས་སྦྱོང་མཛད། བླ་ཆེན་དགོངས་པ་རབ་གསལ་གྱི་སློབ་མ་གར་མི་ཡོན་ཏན་གཡུང་དྲུང་གིས་བཞེངས་པའི་རྫིང་ཕྱིའི་བྱམས་པའི་གཙུག་ལག་ཁང་རྟེན་དང་བརྟེན་པ་བཅས་པ་དུས་དབང་གིས་ཉམས་ཆག་ཏུ་ཕྱིན་པ་རྣམས་ཞིག་གསོ་ལེགས་པར་མཛད་དེ། འཇམ་པའི་དབྱངས་ཀྱིས་བསྐུུལ་བ་ལྟར་བྱམས་བསྟོད་ཚངས་པའི་ཅོད་པན་མ་ལྗགས་བརྩམས་གནང་བས་རྟེན་འབྲེལ་གྱི་གནད་སྨིན་པ་བྱུང༌། འདི་ཉིད་རྗེའི་མཛད་ཆེན་བཞིའི་ནང་གི་གཅིག་ཏུ་བགྲངས་པ་ཡིན་ནོ། དགུང་ལོ་ང་གསུམ་༡༤༠༩པར་དགའ་ལྡན་རྣམ་པར་རྒྱལ་བའི་གླིང་གི་གདན་ས་ཆེན་པོ་འདི་ཉིད་ཕྱག་བཏབ་སྟེ་དཔལ་མཉམ་མེད་རི་བོ་དགའ་ལྡན་པ་ཞེས་མཚན་སྙྙན་གྱི་བ་དན་ནམ་ཡང་ནུབ་པ་མེད་པ་འདི་ཉིད་ཀྱི་གཞི་ཚུགས་པ་ཡིན་ནོ། ལྷ་ལྡན་དུ་ཆོ་འཕྲུལ་སྨོན་ལམ་ཆེན་མོ་ཚུགས་ནས་བསྟན་པ་ལ་བྱ་བ་ཇི་ལྟར་བྱས་པའི་ཚུལ་ནི། དེ་ཡང་སྔོན་ཚེ་རྒྱ་གར་གྱི་གྲོང་ཁྱེར་མཉན་ཡོད་ཀྱི་གནས་སུ་སྟོན་པ་ཐུགས་རྗེ་ཅན་གྱིས་མུ་སྟེགས་ཀྱི་སྟོན་པ་རྫོགས་བྱེད་དང༌། ཀུན་ཏུ་རྒྱུ་གནག་ལྷས་ཀྱི་བུ་དང༌། སྨྲ་འདོད་ཀྱི་བུ་མོའི་བུ་ཡན་ལག་རྒྱལ་བ་ཅན་དང༌། མི་ཕམ་སྐྲའི་ལ་བ་ཅན་དང༌། ཀཀྱའི་བུ་ནོག་ཅན། གཅེར་བུ་བ་གཉེན་གྱི་བུ་སྟེ་མུ་སྟེགས་སྟོན་པ་སྡེ་དྲུག་འཁོར་ཚོགས་དང་བཅས་པ་ཆོ་འཕྲུལ་ཆེན་པོས་ཚར་བཅད་དེ་ཕམ་པར་མཛད་ནས་ཐུབ་པའི་རིང་ལུགས་རྣམ་པར་རྒྱལ་བའི་རྒྱལ་མཚན་ཕྱོགས་ཀུན་བསྒྲེངས་པ་ལ་མཉན་ཡོད་ཆོ་འཕྲུལ་ཆེན་པོ་ཞེས་ཡོངས་སུ་གྲགས་པ་ཉིད་ལ་སྔོན་འཕགས་ཡུལ་དུ་ཆོས་ཀྱི་རྒྱལ་བློན་དུ་མས་མཆོད་པ་བྱེད་པའི་སྲོལ་དར་བ་དང༌། དེ་བཞིན་རང་རེ་བོད་དུའང་མེས་དབོན་རྣམ་པའི་སྐབས་སུ་དུས་ཚིགས་འདིར་མཆོད་འབུལ་དང་སྨོན་ལམ་བྱེད་པའི་སྲོལ་མཆིས་ངེས་ཀྱང༌། དུས་ཀྱི་དར་རྒུད་ལ་བརྟེན་ནས་ཉམས་པ་དང༌། ལྷག་པར་རྣམ་པར་དཀར་བའི་མཆོད་སྦྱིན་གྱི་འདུ་འགོད་གཞི་རྒྱ་ཆེ་བའི་སྲོལ་ནི་མ་དར་བ་ལ། རྗེ་ཙོང་ཁ་པ་ཆེན་པོ་འདི་ཉིད་ཀྱིས་ཐུབ་བསྟན་སྤྱི་སྒོས་དར་རྒྱས་ཡུན་གནས་ཡོང་བ་དང༌། ཁ་བ་རི་པའི་གཙོས་པའི་ལུས་ཅན་ཀུན་གྱི་བདེ་ཐབས་སུ་ཐུགས་བསྐྱེད་རླབས་པོ་ཆེས་ཀུན་ནས་བསླངས་ཏེ། དགུང་གྲངས་ང་གསུམ་པར་༡༤༡༠ལྷ་ལྡན་དུ་ཆོ་འཕྲུལ་སྨོན་ལམ་ཆེན་མོའི་དུས་བཟང་བཙུགས་ཏེ་བསྟན་པའི་སྦྱིན་བདག་ཆེན་པོ་སྣེའུ་དཔོན་སོགས་མདོ་དབུས་ཁམས་གསུམ་གྱི་དད་ལྡན་འབྱོར་པ་ཅན་ཆུ་ཁའི་བྱེ་མ་ལྟ་བུས་མཐུན་རྐྱེན་ཕུན་སུམ་ཚོགས་པར་སྦྱར། རབ་བྱུང་འདུས་སྡེ་ནམ་མཁའི་སྐུར་ཚོགས་ལྟ་བུ་འདུས་པས་ཧོར་ཟླ་དང་པོའི་ཚེས་གཅིག་ནས་ཚེས་བཅོ་ལྔའི་བར་ཆོས་རྒྱལ་མེས་དབོན་ཚུན་ནས་བྱུང་མ་མྱོང་བའི་ཆོ་འཕྲུལ་སྨོན་ལམ་ཆེན་མོའི་འདུ་འགོད་རླབས་པོ་ཆེ་མཛད། ལྷག་པར་དུ་ཇོ་བོ་ཤཱཀྱ་མུ་ནེའི་དབུ་ལ་རིན་ཆེན་ས་ལེ་སྦྲམ་གྱི་དབུ་རྒྱན་དང༌། དངུལ་གྱི་ལྷུང་བཟེད་དང༌། གསེར་གྱི་ཁྲབྲསྤྱཆ། ཇོ་བོ་རང་བྱུང་ལྔ་ལྡན་དང༌། ར་མོ་ཆེའི་ཇོ་བོ་མི་བསྐྱོད་རྡོ་རྗེ་ལ་དངུལ་གྱི་པྲོག་ཞུ་ཕུལ་ནས་རྒྱལ་བའི་བསྟན་པ་རིན་པོ་ཆེ་ཡུན་དུ་གནས་པའི་ཐུགས་བསྐྱེད་རླབས་ཆེན་གནང་བ་ལ་བརྟེན་ནས་ད་ལྟའི་བར་དུ་ཐུབ་བསྟན་སྤྱི་དང༌། ཡང་སྒོས་འཇམ་མགོན་བླ་མའི་བསྟན་པ་གསེར་སྦྱངས་བཙོ་མ་ལྟ་བུ་འདི་ཉིད་བོད་རྒྱ་སོག་གསུམ་ཙམ་དུ་མ་ཟད་ད་ལྟ་ནི་སྐུད་དང་ཤ་མདོག་མི་གཅིག་པའི་ནུབ་ཕྱོགས་རྒྱལ་ཁབ་ཁག་ཚུན་ཆད་དུ་ས་དར་རྡོ་དར་དུ་བྱུང་བ་འདི་བཞིན་ལགས་ཏེ་འདིར་ཐུབ་པའི་ལུང་གིས་ཀྱང་བསྟན་པ་ཡིན་ཏེ། ང་ཡི་གཟུགས་སྐུུ་རྣམ་གཉིས་ལ། །དབུ་རྒྱན་མཆོད་པར་བྱེད་པ་འགྱུར། ཞེས་དང༌། རྒྱལ་པོའི་བཀའ་ཆེམས་ལས། དེ་ནས་ཁྱད་པར་བསྙྙེན་བཀུར་ཆེར་མཛད་པ། །དགེ་སློང་བྱང་སེམས་ཤར་ཕྱོགས་སྐུུ་འཁྲུངས་པ། །གསང་སྔགས་འཆང་ཞིང་རྣལ་འབྱོར་ཆེན་པོ་ནི། །སྙྙིང་པོའི་མཐའ་རྟེན་སྐྱེས་ཆེན་དམ་པ་ནི། །ཞལ་བཟང་བསྒྱུར་ཞིང་བསྙྙེན་བཀུར་དམ་པ་མཛད། །དེ་ལ་བསྙྙེན་བཀུར་ཆེར་བྱེད་དེ་དག་ནི། །འཕགས་པའི་གང་ཟག་དགེ་སྦྱོང་ཤ་སྟག་འབྱུང༌། །ཞེས་དང༌། ཤར་ཕྱོགས་རྒྱ་ནག་ཡུལ་དང་ཉེ་བའི་ཆར། །ཤཱཀྱའི་དགེ་སློང་བློ་བཟང་ཞེས་བྱ་འབྱུང༌། །རྒྱལ་བའི་སྲས་པོ་གྲགས་པའི་མཐའ་ཅན་དེས། །ཤཱཀྱའི་རྒྱལ་པོ་ལོངས་སྤྱོད་རྫོགས་སྐུུར་བསྒྱུར། དེ་ཕྱིར་འདུས་པ་ཉི་ཤུ་རྩ་ལྔ་པར། །ཤཱཀྱའི་ཞིང་ཁམས་འཕྲུལ་སྣང་གཙུག་ལག་ཁང༌། །སྨོན་ལམ་དག་པས་བྱང་སེམས་གཞན་དོན་མཛད། ཅེས་སོགས། ལུང་གི་ཡང་ཡང་བསྔགས་པར་མཛད་པའི་དོན་ནི་གཟུར་གནས་མཁས་པ་སུས་བལྟས་ན་གོ་སླ་བ་ཡིན་ནོ། ། དགུ་པ། མཛད་པ་དང་འཕྲིན་ལས་བཟང་པོའི་གདུགས་དཀར་ཡུག་གཅིག་གིས་ཡངས་པའི་ས་ཁྱོན་ཀུན་ལ་ཁྱབ་ཅིང༌། རྒྱ་བོད་ཀྱི་མི་དབང་ཆེ་རྒུ་ཀུན་གྱིས་དྲེགས་པའི་རལ་པ་སར་བསྙྙིལ་ཏེ་ཞབས་ཀྱི་རྡུལ་ཕྲན་སྤྱི་བོའི་རྒྱན་དུ་བླངས་པའི་ཚུལ་ནི། དེ་ཡང་སྡེ་བ་སྣེའུ་དཔོན་དང༌། སྤྱན་སྔ་བ་སོགས་སྲིད་ཀྱི་སྣ་བོར་གཏོགས་པའི་བོད་ཀྱི་ཆེ་རྒུ་མཐའ་དག་གི་ཞབས་རྡུལ་འཁོར་ལོའི་རེ་ཁཱ་སྤྱི་བོར་བཀོད། དགའ་ལྡན་རྣམ་པར་རྒྱལ་པའི་གླིང་གི་གདན་སར་མཐུན་འགྱུར་རྒྱ་ཆེར་འབུལ་བ་དང༌། སྡེ་པ་སྟག་རྩེ་བས་ཡོན་སྦྱར་ཏེ་དཔལ་གསང་བ་འདུས་པའི་རིམ་ལྔ་གསལ་སྒྲོན་དང་འགྲེལ་བ་བཞི་སྦྲགས་སོགས་ཀྱི་བཤད་འཁྲིད་རྒྱ་ཆེར་གནང༌། རྒྱུད་སྡེ་ལྷ་ཁང་གི་སྒྲུབ་མཆོད་སོགས་ཚོགས་ཁང་གཅིག་ཏུ་བྱས་ན་དབང་མ་ཐོབ་པ་རྣམས་ལ་དགག་བྱ་ཆེ་བར་དགོངས་ཏེ་གསང་སྔགས་སྒྲུབ་མཆོད་ཀྱི་ཚོགས་ཁང་ལོགས་སུ་བཞེངས་པའི་ནང་ཕ་རྒྱུད་འདུས་པ་དང༌། མ་རྒྱུད་བདེ་མཆོག་ཀྱཻ་རྡོར་སོགས་ཀྱི་བློས་བསླངས་དང༌། གཞན་ཡང་ཡི་དམ་སོ་སོའི་གསེར་ཟངས་ཀྱི་སྐུུ་རྨད་དུ་བྱུང་བ་ཤ་སྟག་བཞེངས་ཏེ་དཔལ་གསང་བ་འདུས་པའི་སྒྲུབ་མཆོད་ཀྱི་སྲོལ་གཏོད་པ་ནས་ད་ལྟའི་བར་དུ་དགའ་ལྡན་སྟག་རྩེ་སྒྲུབ་མཆོད་ཅེས་བསྟན་པའི་གསོས་སུ་སྨན་པའི་སྲོལ་བཟང་གནས་བཞིན་པ་མ་ཟད། འདི་ཉིད་ལ་དགའ་ལྡན་སྟག་རྩེ་སྒྲུབ་མཆོད་ཅེས་རྗེའི་མཛད་ཆེན་བཞིའི་ཡ་གྱལ་གཅིག་ཏུ་བགྲངས་པ་ཡིན་ནོ། །ཡང་ཤར་ཕྱོགས་མ་ཧཱ་ཙི་ནའི་ཡུལ་གྱི་མིང་རྒྱལ་རབས་ཀྱི་གོང་མ་ཡུང་ལོས་རྗེ་བླ་མའི་མཁས་བཙུན་བཟང་པོའི་མཛད་འཕྲིན་ཀྱི་རྣམ་པར་ཐར་པའི་ཚུལ་ཐོས་ནས་དད་པས་ཡིད་དབང་འཕྲོག་སྟེ། རྒྱ་ནག་ཏུ་གདན་དྲངས་པའི་ཕོ་ཉ་སྔ་ཕྱིར་འབུལ་བ་བཏོས་ཆེན་བཅས་མངགས་ནའང་དགག་བྱ་དང་དགོས་པའི་གནད་ལ་གཟིགས་ཏེ་སྐུུ་དངོས་ཕེབས་པ་མ་གནང་ཞིང༌། དེའི་ཚབ་ཏུ་བྱམས་ཆེན་ཆོས་རྗེ་ཤཱཀྱ་ཡེ་ཤེས་གཏོང་བས་འགྲོ་དོན་རྒྱ་ཆེར་འཕེལ། དགེ་ལྡན་པའི་གསེར་སྦྱངས་གཙང་མའི་རིང་ལུགས་ཤར་ཕྱོགས་རྒྱ་ནག་ཏུ་དར་བའི་དབུ་ཚུགས་པ་དང༌། བཀའ་དང་བསྟན་འགྱུར། དེ་བཞིན་རྗེ་ཡབ་སྲས་ཀྱི་གསུང་རབ་རྣམས་ཤིང་པར་དུ་སྐྲུན་པའི་མཛད་རྗེས་རླབས་ཆེན་བྱས་པ་ལས་གངས་རིའི་ཁྲོད་དུ་ཤིང་དཔར་གྱི་ལམ་སྲོལ་དར་བ་ནས་ད་ལྟའི་བར་འཛམ་གླིང་ཧྲིལ་བོའི་ཁྱོན་ལ་པར་ཤིང་གི་གྲངས་འབོར་བོད་ལས་མང་བ་གཞན་སུ་ལའང་མེད་པ་འདི་ཡང་རྗེ་ཙོང་ཁ་པ་ཆེན་པོའི་འཕྲིན་ལས་ཀྱི་ཟུར་ཆ་ཞིག་ཡིན་ནོ། ། བཅུ་པ། དེ་ལྟར་མཛད་པ་དང་འཕྲིན་ལས་བཟང་པོས་རྒྱལ་བའི་བསྟན་པ་སྤྱི་དང༌། ཡང་སྒོས་ཞྭ་སེར་བསྟན་པའི་ལུགས་བཟང་འདི་ཉིད་འགྲོ་བ་ཡོངས་ཀྱི་གསོས་སུ་རྒྱ་ཆེར་སྤེལ་ནས་ཞིང་འདིར་རགས་པའི་སྤྲུལ་སྐུུ་གདུལ་བྱའི་སྣང་ངོར་བསྡུས་ནས་དགའ་ལྡན་གནས་སུ་རྒྱལ་བ་མ་ཕམ་པའི་དྲུང་དུ་ཇི་ལྟར་བྱོན་པའི་ཚུལ་ནི། དེ་ཡང་རྒྱལ་བའི་བསྟན་ལ་རྒྱལ་བ་གཉིས་པ་ལྟར་ཕྱི་རུ་ཉན་ཐོས་སྤྱོད་པའི་ཞི་ཞིང་དུལ་བ་དང་ནང་དུ་རིམ་གཉིས་ཀྱི་རྣལ་འབྱོར་ལ་གོམས་པའི་གདེང་ཚད་དང་ལྡན་པའི་མདོ་སྔགས་ཟུང་འབྲེལ་གྱི་བསྟན་པ་འདི་བཞིན་རྒྱ་ཆེར་སྤེལ་ནས་སྲས་ཀྱི་ཐུ་བོ་རྒྱལ་ཚབ་དར་མ་རིན་ཆེན་ལ་དབུ་ཞྭ་བཞེས་འཕྲོ་ཅན་དང་གོས་བན་བཅས་རྟེན་སྐུལ་དུ་གནང་ནས་དོན་གྱི་རྒྱལ་ཚབ་ཏུ་དབང་བསྐུུར། རྗེ་འཇམ་དབྱངས་ཆོས་རྗེ་བཀྲིས་དཔལ་ལྡན་ལ་དགའ་ལྡན་འགོག་པ་རི་ནས་གཏེར་དུ་བླངས་པའི་ཆོས་དུང་གཡས་འཁྱིལ་ཞིག་གནང་ནས་གངས་ཅན་གྱི་ན་ལེན་དྲ་གཉིས་པ་ཆོས་སྡེ་ཆེན་པོ་དཔལ་ལྡན་འབྲས་དཀར་སྤུངས་པའི་གླིང་འདེབས་པའི་ཞལ་འཆེམས་དང༌། བྱམས་ཆེན་ཆོས་རྗེ་ཤཱཀྱ་ཡེ་ཤེས་ལ་ཤིང་སེ་བའི་ར་བས་བསྐོར་བའི་ཆོས་སྡེ་ཆེན་པོ་སེ་ར་ཐེག་ཆེན་གླིང་ཕྱག་འདེབས་པའི་ཞལ་ཏ་དང༌། པཎ་ཆེན་དགེ་འདུན་གྲུབ་པ་ལ་ཐང་གོས་བཞེས་འཕྲོ་ཅན་དང་བཅས་བཀའ་གདམས་གླེགས་བམ་དུ་ལུང་བསྟན་པ་ལྟར་གྱི་ཆོས་སྡེ་ཆེན་པོ་བཀྲིས་ལྷུན་པོ་དཔལ་གྱི་བདེ་ཆེན་ཕྱོགས་ཐམས་ཅད་ལས་རྣམ་པར་རྒྱལ་བ་ཕྱག་འདེབས་པའི་ཞལ་འཆེམས་དང༌། སྣ་ཐང་བ་རྗེ་ཤེས་རབ་སེང་གེ་ལ་གསང་སྔགས་རྒྱུད་སྡེ་བཀའ་སྲོལ་སྐྱོང་བའི་ཞལ་འཆེམས་གནང་བ་སོགས་ཕྱིས་ཀྱི་བསྟན་པ་རིན་པོ་ཆེ་ནམ་ཡང་མི་ནུབ་པར་བླ་ནས་བླ་ན་འདེབས་པའི་ཞལ་ཏ་དང་ཐུགས་སྨོན་རྒྱ་ཆེར་གནང་སྟེ་རབ་བྱུང་བདུན་པའི་ས་ཕག་དགུང་གྲངས་རེ་གསུམ་༡༤༡༩ཧོར་ཟླ་བཅུ་པའི་ཚེས་ཉེར་ལྔར་འབྲོག་རི་བོ་ཆེ་དགའ་ལྡན་རྣམ་པར་རྒྱལ་བའི་གླིང་དུ་མྱ་ངན་ལས་འདས་པའི་ཚུལ་བསྟན། རྗེས་འཛིན་སློབ་མ་རྣམས་ཀྱིས་ཡི་དམ་རྒྱུད་སྡེའི་སྒྲུབ་མཆོད་དང༌། སྤོས་དང་དཀར་མེ་ལ་སོགས་པའི་ཀུན་བཟང་མཆོད་སྤྲིན་རྒྱ་མཚོའི་བཀོད་པ་བློ་ཡུལ་ལས་འགོངས་པ་བྱས་པ་ནས་ད་ལྟའི་བར་དུ་དགའ་ལྡན་ལྔ་མཆོད་ཆེན་པོ་ཞེས་དུས་ཚིགས་འདིར་སྤོས་དང་དཀར་མེ་སོགས་ཀྱི་མཆོད་འབུལ་རྒྱ་ཆེན་བྱེད་པའི་ལམ་སྲོལ་བྱུང་བ་འདི་བཞིན་ལགས་སོ། །རྗེ་བླ་མའི་རགས་པའི་སྐུུའི་རྣམ་པ་ཡང་གཞོན་ནུ་ན་ཚོད་བཅུ་དྲུག་ལོན་པའི་རྣམ་པ་ཅན་གྱི་འོད་ཀྱི་གོང་བུར་གྱུར། མེ་ཏོག་གི་ཆར་དང་འཇའ་ཚོན་ལྷའི་རོལ་མོ་འཁྲོལ་བ་སོགས་ངོ་མཚར་བའི་ལྟས་བསམ་གྱིས་མི་ཁྱབ་པ་བྱུང༌། སློབ་མའི་ཚོགས་ལས་རྒྱལ་ཚབ་དང༌། འདུལ་འཛིན་གཉིས་ཀྱི་ཁུར་གཙོ་བོ་བླངས་ནས་སྐུུ་པུར་ཙན་དན་གྱི་སྒྲོམ་དུ་བཞུགས་སུ་གསོལ་ཏེ་དད་ལྡན་ཆེ་རྒུ་ཚོགས་ཀྱིས་ཕུལ་བའི་དངུལ་བྲེ་ཆེན་བཅོ་བརྒྱད་ཀྱིས་རིན་ཆེན་ཕྲ་རྒྱན་ཕུན་སུམ་ཚོགས་པའི་རྣམ་རྒྱལ་མཆོད་རྟེན་བཞེངས། དེའི་བུམ་པའི་ནང་དུ་སྐུུ་གདུང་རིན་པོ་ཆེ་ཅུང་ཟད་ཀྱང་མ་ཉམས་པ་སྣམ་སྦྱར་གྱིས་གཡོགས་ནས་ཡི་དམ་གྱི་ལྷར་བསྐྱེད། ཞལ་འབྲི་གུང་ཕྱོགས་སུ་གཟིགས་ཤིང་སྐུུ་རྒྱབ་གཙང་ཕྱོགས་སུ་གཏད་དེ་ལྷར་བཅས་འགྲོ་བ་ཡོངས་ཀྱི་བསོད་ནམས་ཀྱི་ཞིང་སར་དམ་པར་བཞུགས་སུ་གསོལ་བ་ནས་ཤར་ཕྱོགས་ཀླ་ཀློས་བཙན་འཛུལ་མ་བྱས་བར་དུ་འགྲོ་བ་རྣམས་ཀྱི་བསོད་ནམས་ཀྱི་ཞིང་སར་བཞུགས་པ་ལགས་སོ། ། བཅུ་གཅིག་པ། རྗེའི་བསྟན་པ་འཛིན་པའི་དངོས་སློབ་ཇི་ལྟར་བྱུང་བའི་ཚུལ་ནི། དེ་ཡང་རྗེ་ཐམས་ཅད་མཁྱེན་པ་ལ་ཆོས་འབྲེལ་ཞུས་པའི་སློབ་མ་ནམ་མཁའི་སྐུར་ཚོགས་དང་ས་གཞིའི་དྲེགས་པ་ལྟར་མང་བས་རེ་རེ་བཞིན་བརྗོད་ཀྱི་མི་ལངས་བར་མ་ཟད་མཁས་པ་དང་གྲུབ་པ་བརསྙེས་པའི་དངོས་སློབ་མཐའ་དག་ཀྱང་བརྗོད་པར་མི་ནུས་མོད། དེ་དག་ལས་མཛད་པ་དང་འཕྲིན་ལས་ཆེས་ཆེར་སྐྱོང་པའི་དངོས་སློབ་འགའ་ཞིག་རྗེའི་རྣམ་ཐར་ཚད་ལྡན་དག་ལས་འབྱུང་བ་རྣམས་ལས་རགས་ཙམ་བཀོད་ན། རྒྱལ་ཚབ་ཐམས་ཅད་མཁྱེན་པ་སོགས་སྲས་ཀྱི་ཐུ་བོ་གཉིས་སམ་གསུམ། རྗེ་རེད་མདའ་བ་སོགས་ཆོས་འབྲཻལ་གསན་མྱོང་བའི་བླ་མ་གསུམ། སྔ་ཚར་བཞི། ཕྱི་ཚར་བརྒྱད། འཕྲིན་ལས་ཆེ་བའི་བུ་ཆེན་ལྔ། བསྟན་པའི་སྒྲོན་མེ་བཅུ། བྱང་སེམས་གཞན་དོན་ནུས་པ་དྲུག །མི་དབང་གཙུག་ན་བཀུར་བའི་ཏི་ཤྲིའ་གཉིས། མང་ཐོས་དབོན་སྲས་གཉིས། སྦྱངས་པའི་ཡོན་ཏན་ཀྱིས་མཛེས་པ་གཉིས། རྣམ་དཔྱོད་ཕུལ་དུ་བྱུང་བའི་མཁས་པ་གཉིས། བསྟན་པ་ཕྱོགས་མཐར་སྤེལ་བའི་དར་ཆེན་དྲུག སྐུད་གཉིས་སྨྲ་བའི་ལོ་ཙཱ་གཉིས། སྡེ་བདག་གི་རིན་པོ་ཆེ་དྲུག། གསུང་རབ་མང་དུ་མཁྱེན་པ་བརྒྱད། མདོ་རོང་གི་མཁས་པ་བཞི། སྐྱེས་བུ་ཡ་མཚན་ཅན་གཉིས། སྤྱན་སྔ་བརྒྱད། ཁྲི་ལ་འཛེགས་པའི་ཟླ་མེད་བཞི། མཁས་ཆེན་བཞི། ཆེན་པོ་ལྔ། ཆོས་སྒོ་བ་གཉིས། བཀའ་བཅུ་བ་བཞི། བཀའ་བཞི་པ་བཅུ། ཇོ་ལྡན་བཞི། གནས་བརྟན་དྲུག། རྟོགས་ལྡན་ལྔ། གཞན་ཡང་ལྷ་གཟིགས་གྲགས་པ་རྒྱ་མཚོ་སོགས་རང་རྐྱ་འཕེར་བ་བརྒྱ་དང་བཞི་བཅུ་ཏེ། འདི་དག་ནི་ཡོངས་གྲགས་ཀྱི་བུ་སློབ་རགས་རིམ་གྱི་དབང་དུ་མཛད་པ་ཡིན་ལ། ཟང་ཟང་ནེ་རིང་པ་འཆི་མེད་རབ་རྒྱས་ཀྱིས་རྣམ་ཐར་གསེར་གྱི་མཆོད་སྡོང་དུ་གོང་དུ་སྨྲས་པ་དང་མ་སྨྲས་པའི་བུ་སློབ་དེ་དག་གི་ནང་ནས་ཆེས་མཆོག་ཏུ་གྱུར་པའི་སྐྱེས་ཆེན་བདུན་ཅུ་ལོངས་པ་ཙམ་ཞིག་སྡེ་ཚན་ཉི་ཤུར་བསྡུས་ཏེ། དེ་དག་གི་རྣམ་ཐར་ལོ་རྒྱུས་མདོར་བསྡུས་རེ་དང་བསྒྲགས་ནས་གསུང་འདུག་པ་ལས་འདིར་མཚན་བྱང་ཙམ་ཞིག་འགོད་ན། ལུང་བསྟན་རྣམ་དག་ཡོད་པའི་ཐུགས་སྲས་བུ་ཆེན་བདུན། སྔོན་དུས་བྱ་བྲལ་ཕེབས་དུས་ཕྱག་ཕྱི་བ་བློས་བཏང་བརྒྱད། སྐུུ་སྙྙུང་དུས་སྙྙུན་གཡོག་མཛད་ཅིང་སྐུུ་རིམ་རྐང་ཚུགས་མཛད་པའི་བུ་ཆེན་བརྒྱད། གདན་སའི་ལུགས་གཉིས་སྤེལ་བའི་བུ་ཆེན་མཁས་གྲུབ་བརྒྱད། ཡི་གེས་ཐུགས་ཟིན་པའི་བུ་ཆེན་གསུམ། འཕྲིན་ལས་རྩོད་པ་མེད་པའི་བུ་ཆེན་གསུམ། སྒྲུབ་པ་གཙོ་བོ་མཛད་པའི་བུ་ཆེན་རྟོགས་ལྡན་གྱི་མཚན་ཅན་བཞི། རི་སྒྲུབ་གཉིས། གཞུང་ལུགས་རབ་འབྱམས་མཁྱེན་པའི་མཁས་མཆོག་གཉིས། སྟོད་སྨད་ཀྱི་ཤེར་བཟང་རྣམ་གཉིས། བྱང་སེམས་རྣམ་གཉིས། སེམས་དཔའ་རྣམ་གཉིས། གྲགས་པ་རྣམ་གཉིས། བཀའ་བབས་ཀྱི་བུ་ཆེན་དྲུག། སྡེ་དཔོན་གྲུབ་ཐོབ་ཀྱི་བུ་ཆེན་རྩོད་མེད་གསུམ། རིགས་རུས་ཁུངས་བཙུན་གྱི་མཁས་གྲུབ་རྣམ་པར་གསུམ། རྒྱལ་ཚབ་བསྟན་འཛིན་གྱི་བུ་ཆེན་རིན་པོ་ཆེ་རྣམ་པ་གསུམ། སྡེ་དཔོན་ཐུགས་གྲོལ་གྱི་མཁས་པ་གཅིག བྱ་གཏང་སྦས་པའི་གྲུབ་ཐོབ་གཅིག མཁས་མཆོག་ཡོངས་གྲགས་ཀྱི་ཆོས་རྗེ་གཉིས། བྱ་བཏང་ཡོངས་གྲགས་ཀྱི་གྲུབ་ཐོབ་གཅིག་རྣམས་སོ། སྡེ་ཚན་དང་དབྱེ་སྒོ་དེ་དག་ཀྱང་རང་དགར་གྱིས་བསྒྲིགས་པ་མིན་པར་ལྷ་དང་བླ་མའི་ལུང་བསྟན། མཛད་པ་དང་འཕྲིན་ལས་ཡུལ་དང་དུས་སོགས་ལ་བརྟེན་ནས་རྗེའི་ཞལ་གཟིགས་དང་དག་སྣང་བྱུང་བའི་རྗེ་བླ་མའི་རྣམ་ཐར་མཛད་མཁན་ཚོས་བཀོད་པ་ལྟར་བསྒྲིགས་པར་ལགས་ཤིང༌། ཆོས་འབྲེལ་ཙམ་གསན་པའི་དབང་དུ་བྱས་ན་རོང་སྟོན་སྨྲ་བའི་སེང་གེ་དང༌། ངོར་ཆེན་ཀུན་དགའ་བཟང་པོ་གཉིས་ཀྱང་བགྲངས་དུ་རུང་ངོ།། བུ་ཆེན་དེ་དག་གི་མཚན་རེ་རེ་ནས་བགྲང་ན་མངས་སུ་དོགས་ནས་མ་བྲིས་ལ། ཤེས་པར་འདོད་ན་རྣམ་ཐར་གསེར་གྱི་མཆོད་སྡོང་དང༌། རྗེའི་རྣམ་ཐར་ཆེན་པོ་ཐུབ་བསྟན་མཛེས་རྒྱན་སོགས་སུ་གཟིགས་པར་བྱ་ཞིང༌། ད་དུང་རྗེའི་རྣམ་ཐར་ཡིད་ཀྱི་མཛེས་རྒྱན་དང༌། ཐུའུ་བཀྭན་ཆོས་ཀྱི་ཉི་མའི་གྲུབ་མཐའ་ཤེལ་ཀྱི་མེ་ལོང་སོགས་ལ་ཞིབ་ཏུ་གཟིགས་ཏེ་རྗེ་བླ་མའི་སློབ་མ་སྐྱེས་ཆེན་སུ་དང་སུ་ཞིག་བྱུང་ཡོད་པ་ཅིས་ཀྱང་ངེས་པར་གནང་དགོས། བཅུ་གཉིས་པ། རིགས་གསུམ་གཅིག་བསྡུས་འཇམ་མགོན་ཆོས་ཀྱི་རྒྱལ་པོ་ཙོང་ཁ་པ་ཆེན་པོ་འདི་ཉིད་ཀྱི་མཁས་བཙུན་བཟང་གསུམ་དང༌། ལྟ་སྒོམ་སྤྱོད་གསུམ། འཆད་རྩོད་རྩོམ་སོགས་ལ་གྲུབ་མཐའ་དང་ཆོས་བརྒྱུད་གཞན་དང་གཞན་གྱིས་བསྟོད་བསྔགས་དང་འགྱོད་བཤགས་ཇི་ལྟར་བྱས་པའི་ཚུལ་ནི། དེ་ཡང་རྒྱལ་བའི་མདོ་རྒྱུད་དུ་མ་ནས་ལུང་གིས་ཡང་ཡང་བསྟན་པའི་རྗེ་བླ་མ་འདི་ཉིད་ཀྱི་མཁས་བཙུན་བཟང་པོའི་ཡོན་ཏན་ལ་བརྟེན་ནས་སྐབས་དེའི་མདོ་དབུས་ཁམས་གསུམ་གྱི་མཁས་པ་དང་བཙུན་པ་ཕལ་ཆེར་བ་རྗེ་བླ་མའི་ཞབས་རྡུལ་གཙུག་ཏུ་ལེན་པ་དང༌། སྣེའུ་གདོང་གོང་མ་ཆེན་པོ་སོགས་དབུས་གཙང་གི་ཆེ་རྒུ་མཐའ་དག་གུས་འདུད་པ་ལྷུར་བླངས་ཏེ་རསྙེད་པ་དང་བཀུར་བསྟི་རྒྱ་ཆེར་ཞུས་པ་བཅས་ཀྱིས་དགེ་ལྡན་རིང་ལུགས་གཙང་མ་འདི་ཉིད་ཐོལ་བྱུང་དུ་སྟོན་ཀའི་ཟླ་བ་དང་དབྱར་གྱི་རྒྱ་མཚོ་ལྟར་རྒྱས་པ་ན། གྲུབ་མཐའ་དང་ཆོས་བརྒྱུད་གཞན་དང་གཞན་གྱི་སྐྱེས་ཆེན་དམ་པ་འགའ་ཞིག་གིས་རང་གི་ལྟ་གྲུབ་ལ་ཞེན་པ་དང༌། རྗེའི་དགོངས་པའི་ལྟ་གྲུབ་ཀྱི་རྣམ་བཞག་འགའ་ཞིག་ཐུགས་བློར་མ་ཤོང་ཡང་རྗེ་ཙོང་ཁ་པ་སྐུུ་གཞོན་པའི་སྐབས་གསང་ཕུ་སོགས་སུ་གྲྭ་སྐོར་མཛད་སྐབས་ཁས་ལེན་དང་འཛིན་མཚམས། ལུང་རིགས་ཀྱི་བརྟེན་སོ། གོ་བའི་བབས་སོ། གང་ཅིར་ཐུགས་རབ་ནམ་མཁའ་ལྟར་ཡངས་ཤིང་རྒྱ་མཚོ་ལྟར་ཟབ་པའི་ཚུལ་ཇི་བཞིན་ཤེས་སྟབས་རྗེ་བླ་མ་སྐུུ་དངོས་ཀྱི་གམ་དུ་རྩོད་པའི་སྤོབས་པ་མེད་པར་ལོག་ཏུ་དགག་ཡིག་སྤེལ་བ་དང་ངན་སྨྲས་བྱེད་པ་ཡང་འགའ་རེ་བྱུང་ཡང༌། དེ་དག་གི་ཁྲོད་ནས་བློ་གཟུར་བོར་གནས་པའི་སྐྱེས་ཆེན་མཁས་པ་མང་ཆེ་བས་རྗེ་བླ་མ་ལ་ནོངས་འགྱོད་དང་བསྟོད་བསྔགས་རྒྱ་ཆེར་ཕུལ་བར་མ་ཟད། དུས་ཕྱིས་སུའང་ཆོས་བརྒྱུད་གཞན་དང་གཞན་གྱི་རིང་ལུགས་འཛིན་པའི་རྩོད་མེད་མཁས་གྲུབ་མང་པོས་རྗེ་ཙོང་ཁ་པ་ཆེན་པོ་ལ་བསྟོད་བསྔགས་རྒྱ་ཆེར་ཕུལ་བ་ཡང་ཤིན་ཏུ་མང་བས་བརྗོད་པར་མི་ནུས་ལ་དེ་དག་ལས་འདིར་འགའ་ཞིག་བརྗོད་ན་གངས་རིའི་ཁྲོད་ཀྱི་མཁས་པའི་དབང་པོ་བོ་དོང་པབྲྤ༣་ཏ་ཕྱོགས་ལས་རྣམ་རྒྱལ་འཇིགས་མེད་གྲགས་པས། མཁས་པ་ངང་པའི་རྒྱལ་པོ་བློ་བཟང་མཆོག། གྲགས་པ་མགྲིན་པའི་རྫ་རྔ་སྒྲོགས་པ་ཅན། ། ལེགས་བཤད་སྨྲ་བའི་དབང་པོའི་ཞབས་དྲུང་དུ། ། འཇིགས་མེད་བུང་བ་གཞོན་ནུས་འདི་སྐུད་ཞུ། །

ཞེས་སྐབས་དེར་གངས་རིའི་ཁྲོད་དུ་ལུང་རིགས་ཀྱི་གད་རྒྱངས་མཐོན་པོ་སྒྲོག་པའི་སྨྲ་བའི་སེང་གེ་ཉག་གཅིག་ཏུ་འཆེས་པའི་པཎ་ཆེན་མཁས་པ་འདི་ལྟ་བུས་ཀྱང་རང་ཉིད་བུང་བ་དང་རྗེ་བླ་མ་ངང་པའི་རྒྱལ་པོའི་གནས་སུ་བཀོད་ནས་རྗེའི་རྣམ་པར་ཐར་པ་ལ་བསྟོད་པའི་སྙྙན་ཚིག་རྒྱ་ཆེར་ཕུལ་བ་དང༌། གྲུ་འཛིན་ཞིང་མགོན་མིའི་རྣམ་རོལ་རྗེ་ཀརྨ་པ་དེ་བཞིན་གཤེགས་པས་ཀྱང༌། 

མང་ཐོས་བློ་གྲོས་ཡངས་པའི་མཁར། ། ཏིང་འཛིན་བཟང་པོའི་དི༷ལ་འཁོར་རྫོགས། ། རྣམ་དཀར་གྲགས་པའི་འོད་འཕྲོ་བ། ། བཤེས་གཉེན་ཟླ་བ་གང་དེ་རྒྱལ། །ཞེས་སོགས་དང༌། དཔལ་ལྡན་ས་སྐྱ་བའི་མཁས་པ་སྐུད་གཉིས་སྨྲ་བ་སྟག་ཚང་ཤེས་རབ་རིན་ཆེན་གྱིས། བློ་ཿཆེན་རྒྱལ་བ་རྣམས་ཀྱི་སྤྱན་སྔ་རུ། ། བཟང་པོའི་སྨོན་ལམ་རླབས་ཆེན་གྲུབ་པའི་མཐུས། ། གྲགས་པའི་སྨྲ་ཆེན་ཐུབ་བསྟན་མགྲིན་པའི་དཔལ། ། བློ་བཟང་གྲགས་པའི་ཞབས་ལ་ཕྱག་མཚལ་ལོ། །ཞེས་པ་ནས། ཁྱོད་ལ་གཙོར་བྱས་ཧ་ཅང་མཆོག་འཛིན་གྱི། ། ཕྱོགས་ལྷུང་གདོན་གྱིས་ཐུབ་བསྟན་དཀྲུགས་པ་ཡང༌། ། དག་སྣང་ཕྱོགས་མེད་ཐུགས་མངའ་ཁྱོད་ཉིད་ཀྱིས། ། མྱུར་དུ་གསལ་ནས་བསྟན་འཛིན་མཐུན་གྱུར་ཅིག །ཞེས་པའི་བར་ཤོ་ལོ་ཀ་བཅུ་ཕྲག་ལྷག་གིས་རྗེ་བླ་མའི་མཁས་བཙུན་བཟང་གསུམ་དང༌། ལྟ་སྒོམ་སྤྱོད་གསུམ། འཆད་རྩོད་རྩོམ་གསུམ་བཅས་ལ་གཟུར་བོར་གནས་པའི་བསྔགས་བརྗོད་རྒྱ་ཆེར་ཕུལ་བ་དང༌། ས་བཟང་མ་ཏི་པཎ་ཆེན་གྱིས། ། ཐུབ་དབང་ཞིང་དུ་ཁྱོད་ཉིད་ཁོ་ནས་ནི། ། ཐུབ་བསྟན་གསལ་བའི་འཕྲིན་ལས་འདི་ལྟ་ན། ། ཐུབ་པའི་རྒྱལ་ཚབ་བདག་གིས་ཅི་བྱ་ཞེས། ། མི་ཕམ་མགོན་དེས་ཕྲག་དོག་མི་མཛད་དམ། །ཞེས་དང༌། ཀླུ་སྒྲུབ་ཡབ་སྲས་ཞིང་གཞན་གཤེགས་པ་ན། ། དབུ་མའི་ལམ་འདི་སྟོན་པ་གཞན་མེད་ཅེས། ། སྒྲོ་བསྐུུར་བྲག་རིའི་ཕུང་པོ་གཞོམ་སླད་དུ། ། མགོན་ཁྱོད་རྡོ་རྗེའི་མེ་ཆར་ལྟ་བུར་གྱུར། །ཞེས་དང༌། ། རྗེ་ཀ་རྨ་པ་མི་བསྐྱོད་རྡོ་རྗེས། བྱང་གི་ཕྱོགས་འདིར་རྒྱལ་བའི་བསྟན་པ་ལ། ། ཕལ་ཆེར་ལོག་པ་འབའ་ཞིག་སྤྱོད་བའི་སྐབས། ། འཁྲུལ་མེད་བྱི་དོར་མཛད་པའི་ཙོང་ཁ་པ། ། རི་བོ་དགའ་ལྡན་པ་ལ་བསྟོད་པ་བགྱི། །ཞེས་པ་ནས། དེ་ལྟར་དད་པས་མཆོད་བསྟོད་དགེ ། ཉིད་བསྟན་སྤེལ་པར་མཛད་རྣམས་ཀྱང༌། ། བུ་རམ་ཤིང་པའི་འཕྲིན་ལས་པའི། ། རིང་ལུགས་རྗེས་སུ་འཛིན་ཕྱིར་བསྔོ། ། ཞེས་བའི་བར་ཤོ་ལོ་ཀ་བཅུ་ཕྲག་འགའ་ཞིག་གིས་རྗེ་དང་རྗེའི་ལུགས་བཟང་འཛིན་པའི་རིང་ལུགས་ཀྱི་རྣམ་པར་ཐར་པ་རྨད་དུ་བྱུང་བའི་ཚུལ་ལ་སྒྲོ་བསྐུུར་དང་འཁྱོག་བརྗོད་མེད་པའི་བསྟོད་བསྔགས་རྒྱ་ཆེར་ཕུལ་བ་དང༌། ཡང་དེ་ཉིད་ཀྱིས། ། བོད་ཁ་བ་ཅན་གྱི་རྒྱལ་ཁམས་འདིར། ། རྟགས་ཙམ་གྱིས་འདུལ་བ་འཛིན་པའི་དུས། ། རྗེ་བློ་བཟང་གྲགས་པ་བྱ་བ་དེས། །ཞེས་པ་ནས། སྔོན་ཕྲག་དོག་གི་དྲི་མས་སྡང་ཞེན་སྐྱེས། ། དུས་དེ་རིང་འགྱོད་པས་འཐོལ་ཞིང་བཤགས། ། སྡིག་གྲོགས་ཀྱིས་ཟིན་པར་མ་ཤེས་པར། ། གཏི་མུག་གིས་བགྱིས་པ་ནོངས་ཤིང་འགྱོད། ། སྐྱེ་བ་ནས་ཚེ་རབས་རྗེས་འཛིན་མཛོད། །ཅེས་དང༌། རྗེ་ཀརྨ་པ་སྐུུ་ཕྲེང་དགུ་པ་དབང་ཕྱུག་རྡོ་རྗེས་ཀྱང༌། བཅས་དང་ཁ་ན་མ་ཐོའི་ཉེས་པ་ཡིན། ། ཅུང་ཟད་མ་གོས་འདུལ་བའི་སྲོལ་ཆེན་འཛིན། ། ཞི་དུལ་བག་ཡོད་འཕྲིན་ལས་བཞི་ལ་སྤྱོད། ། མཁས་བཙུན་བཟང་པོ་ཙོང་ཁ་པ་ལ་འདུད། །ཅེས་སོགས་དང༌། རྗེ་ཀརྨ་ཞྭ་དམར་པ་སྐུུ་ཕྲེང་བཞི་པ་ཆོས་ཀྱི་གྲགས་པས། དུས་ཕྱིས་བཀའ་ཕྱག་ས་སྐྱ་པ་སོགས་ཀྱི། ། བླ་མ་མཁས་གྲུབ་རྣམས་ལ་གཏུགས་པ་ལས། ། མཁས་པ་བློ་བཟང་གྲགས་པའི་དཔལ་ཞེས་པ། ། མདོ་སྔགས་བསྟན་པ་གསལ་བར་མཛད་པ་བྱུང༌། །ཞེས་སོགས་དང༌། ། རྒྱལ་བ་འབྲུག་ཆེན་པདྨ་དཀར་པོས། འགྲན་ཟླ་ཀུན་བྲལ་རྗེ་བཙུན་ཙོང་ཁ་པར། ། འགྲན་ཟླ་བྱེད་པའི་མཁས་པ་མང་འཆེས་ཀྱང༌། ། འགྲན་ཟླ་བྲལ་བ་ཁྱོད་ཉིད་གཅིག་པུ་ཞེས། ། འགྲན་ཟླ་མི་བྱེད་པདྨ་དཀར་པོས་བསྟོད། །ཞེས་སོགས་དང༌། འཇམ་མགོན་ཀོང་སྤྲུལ་ཡོན་ཏན་རྒྱ་མཚོས། ལུགས་དེ་གྲུབ་མཐའ་ཡོངས་ལ་ཁྱབ་མེད་ཀྱང༌། ། ཕྱིས་དུས་འཇམ་དབྱངས་རྣམ་འཕྲུལ་ཙོང་ཁ་པས། ། གཞུང་ལམ་གཙོར་བཏོན་བཀའ་གདམས་གསར་མར་གྲགས། ཞེས་དང༌། དེའི་ཐད་ཀྱི་རང་འགྲེལ་ལས། རྗེ་བཙུན་འཇམ་དཔལ་དབྱངས་ཀྱི་རྣམ་པར་འཕྲུལ་བ་མི་འཕྲོག་པའི་མཁྱེན་རབ་དང་ཐུགས་རྗེ་མངའ་བ་ཙོང་ཁ་པ་བློ་བཟང་གྲགས་པའི་དཔལ་ཞེས་སངས་རྒྱས་འཇིག་རྟེན་དུ་བྱོན་པ་ལྟ་བུ་དེས་བཀའ་གདམས་གཞུང་པའི་ལུགས་ཀྱི་བཤད་སྲོལ་གཙོ་བོར་བཏོད། ཅེས་དང༌། མདོར་ན་སངས་རྒྱས་ཀྱི་བསྟན་པའི་གཞུག་འདིར་ལུང་གི་བསྟན་པ་ལ་འདི་ཁོ་ན་བཀའ་དྲིན་ཆེ་བ་ཡིན་ནོ། །ཞེས་སོགས་དང༌། འབའ་མདའ་བ་ཐུབ་བསྟན་དགེ་ལེགས་རྒྱ་མཚོས། ཕར་ཕྱིན་དགོངས་དོན་རྒྱལ་བའི་དགོངས་པ་བཞིན། ། སྟོན་ཕྱིར་འཇམ་མགོན་ངུར་སྨྲིག་གར་བསྒྱུར་བ། ། སྨྲ་བའི་དབང་ཕྱུག་རྒྱལ་བ་བློ་བཟང་གྲགས། ། རྒྱལ་ཚབ་ཆེན་པོ་དར་མ་རིན་ཆེན་ཞབས། ། མཁས་གྲུབ་ཡོངས་ཀྱི་གཙུག་རྒྱན་དགེ་ལེགས་དཔལ། ། རྒྱལ་བ་ཡབ་སྲས་སྙྙིང་དབུས་པད་མཚོར་བཞུགས། །ཞེས་དང༌། སྟག་ལུང་ཡ་ཐང་རྡོ་རྗེ་གདན་གྱི་ཁྲི་འཛིན་གདན་རབས་བཅུ་བདུན་པ་སྟག་ལུང་ཞབས་དྲུང་ངག་དབང་རྣམ་རྒྱལ་གྱིས་མཛད་པའི་སྟག་ལུང་ཆོས་འབྱུང་ལས། མཁས་པའི་མཆོག་ཏུ་གྱུར་པ་རེད་འདའ་བ་གཞོན་ནུ་བློ་གྲོས་ཀྱི་སློབ་མ་རྒྱུ་འབྲས་ཀྱི་ཐེག་པ་གཉིས་ཀ་ལ་འགྲན་ཟླ་མེད་པའི་མཁྱེན་པ་དང༌། དམ་པའི་ཆོས་འདུལ་བའི་བཅས་མཚམས་ལས་གཞར་ཡང་མི་འདའ་བའི་རྣམ་ཐར་ཅན་སྙྙན་གྲགས་དང་འཕྲིན་ལས་ཀྱིས་སའི་སྟེང་ཐམས་ཅད་དུ་ཁྱབ་པ་ཤར་ཙོང་ཁ་པ་བློ་བཟང་གྲགས་པའི་དཔལ། །ཞེས་དང༌། འཇམ་པ་རྡོ་རྗེའི་བྱིན་རླབས་སྙྙིང་གར་ཞུགས་པ་འཇུ་མི་ཕམ་རྣམ་རྒྱལ་རྒྱལ་མཚན་གྱིས། ། སྣ་ཚོགས་གཞུང་ལུགས་སོ་སོའི་དགོངས་པའི་དོན། ། རང་བཟོའི་དྲི་མས་བཞར་ཡང་མ་མཆིས་པར། ། ཚུལ་བཞིན་འགྲེལ་བར་བྱེད་པ་ཁྱེད་དང་ནི། ། མཚུངས་པ་མེད་ན་ལྷག་པ་ལྟ་ཅི་ཞིག །ཅེས་དང༌། སྲས་བཅས་རྒྱལ་བའི་དགོངས་དོན་མ་ནོར་བ། ། སྟོང་དང་རྟེན་འབྱུང་ཟབ་མོའི་དེ་ཉིད་ལ། ། ཡིད་ཆེས་གཏིང་ནས་རསྙེད་པའི་སྒོ་གཅིག་པུ། ། ཁྱོད་ཀྱི་ལེགས་བཤད་རྣམས་ལས་གཞན་པ་གང༌། །ཞེས་དང༌། ། མཚུངས་མེད་རྒྱལ་བ་དགྱེས་པའི་ལམ་བཟང་ནས། ། གྲུབ་མཆོག་ནོར་བུའི་གླིང་དུ་བཤེགས་ཁྱོད་ཀྱི། ། ཞབས་སེན་ཨུསྒྲཎལ་ནོར་བུའི་ཕྲེང་བ་གང༌། ། གྲུབ་བརསྙེས་བྱེ་བའི་གཙུག་ཏོར་གཙུག་ན་མཛེས། །ཞེས་དང༌། གངས་རེིའི་ཁྲོད་ཀྱི་གཙུག་ལག་རིག་པའི་ཕྲེང་བ་འཛིན་པ་ཀུན་གྱི་གཙུག་ན་ཉ་གང་བའི་དི༷ལ་འཁོར་ལྟར་མཛེས་པ་ཀརྨ་སི་ཏུ་བསྟན་པའི་ཉིན་བྱེད་ཀྱིས། གང་གི་མང་ཐོས་མིང་ལ་ཤྲུ་ཏི་དང༌། ། སྐྱོན་མེད་བསམ་གཏན་མཆོག་གི་ཡོ་གི་སྟེ། ། རྣམ་དཔྱོད་རྒྱལ་བ་ཉིད་ལ་སྲ་པྲགྲཐྲ༣། ། མཐོན་པོའི་སར་གནས་མིསྒྲྣ་ཙིཏ་ཡང་ངོ།། །ཞེས་དང༌། ཕྱག་ཆེན་བསྟན་པའི་མཛེས་རྒྱན་གནས་ལྔ་རིག་པ་སྨྲ་བའི་མཁས་པ་འཇམ་དབྱངས་ཁ་ཆེ་པས། ཀ་ལ་པ་ན་འཇམ་དབྱངས་གྲགས་པ་ལྟར། ། ཁ་བ་ཅན་འདིར་ཐུབ་བསྟན་འཛིན་པ་ལ། ། ག་ན་གནས་ཀྱང་འགྲན་ཟླ་མ་མཆིས་པ། ། ང་ཡི་གཙུག་གི་རྒྱན་གྱུར་ཙོང་ཁ་པ། ། ཞེས་སོགས་ཚིག་དོན་ཕུན་སུམ་ཚོགས་པའི་བསྔགས་བརྗོད་གཟུར་གནས་མཁས་པའི་དགའ་སྟོན་དུ་འོས་པ་དུ་མར་མཐོང་སྟེ་ཞིབ་ཏུ་འདོད་ན་མཁས་པ་དེ་དག་གི་གསུང་འབུམ་ཁག་དང༌། རྗེའི་རྣམ་ཐར་ཆེན་མོ་སོགས་སུ་གཟིགས་དགོས་ཞིང༌། །འདིར་སྐུལ་དམན་འགའ་ཞིག་གི་ལོག་པར་རྟོག་པའི་མཐུ་ལྡོག་ཅིང་སྐུལ་བཟང་དད་ལྡན་སྐྱེ་བོ་དུ་མའི་བསོད་ནམས་ཀྱི་བགོ་སྐུལ་སྨིན་པའི་ཆེད་དུ་མདོར་ཙམ་འགོད་པར་ལགས་སོ། ། རྒྱལ་ཀུན་ཡེ་ཤེས་འཁོར་ལོའི་རྣམ་དཔྱོད་རྡུལ། ། ལི་ཁྲིའི་རྒྱ་མཚོར་སྦངས་པའི་རི་བོང་ཅན། ། དབང་ཕྱོགས་ས་འཛིན་ཕྲག་པ་ལས་འཕོས་པས། ། མཚམས་སྤྲིན་གསར་པས་གླིང་འདིར་ཤིས་པ་སྒྲུབ། ། མཁྱེན་པའི་འོད་ཞགས་ཤེས་བྱའི་གྲངས་དང་མཉམ། ། བརྩེ་བའི་སྤྱན་དུ༷ས་འགྲོ་བ་ཡོངས་ལ་ཁྱབ། ། ནུས་པའི་འཕྲིན་ལས་འཛམ་གླིང་ཡོངས་སུ་བརྡལ། ། རྒྱལ་བ་གཉིས་པར་བསྔགས་པ་དོན་དང་ལྡན། །ཞེས་ཀྱང་སྨྲས་སོ། །

དགའ་ལྡན་ཁྲི་ཐོག་གཉིས་པ་རྒྱལ་ཚབ་དར་མ་རིན་ཆེན་ནི། རབ་བྱུང་དྲུག་པའི་ཤིང་འབྲུག་༡༣༦༤ལོར་གཙང་ཉང་སྟོད་དུ་རི་ནང་བློན་པོ་རྦ་ཡི་རིགས་རྒྱུད་ཡབ་རྟ་དཔོན་དང༌། ཡུམ་ཇོ་མོ་ཤེས་རབ་གཉིས་ཀྱི་སྲས་སུ་སྐུུ་འཁྲུངས། དགུང་ལོ་བཅུ་པ་ནས་གནས་རསྙིང་མཁན་པོ་རིན་ཆེན་རྒྱལ་མཚན་ལས་རབ་ཏུ་བྱུང་བའི་མཚན་ལ་དར་མ་རིན་ཆེན་གསོལ། །གངས་ཅན་པ་ཀུན་དགའ་དཔལ་གྱི་དྲུང་ནས་ཡི་གེ་འབྲི་ཀློག་སོགས་ལ་བསླབས། དཀའ་བཞི་བ་རིན་ཆེན་རྡོ་རྗེ་དང༌། རྗེ་རེད་མདའབ་གཞོན་ནུ་བློ་གྲོས། ཉ་དབོན་པ་སོགས་ལས་བྱམས་ཆོས་དང༌། རིགས་ཚོགས། མངོན་པ་གོང་འོག ཚད་མ་སྡེ་བདུན། འདུལ་བ་སོགས་མདོ་ཕྱོགས་དང༌། བདེ་དགྱེས་གསང་འདུས་ཀྱཻ་རྡོར་སོགས་མདོ་སྔགས་ཀྱི་བཀའ་བསྟན་གཞུང་ལུགས་ཀུན་ལ་ཞིབ་ཏུ་བསླབས་པས་གཙང་ཕྱོགས་སུ་མཁས་པའི་མཚན་སྙྙན་འབར། རེད་མདའ་བའི་ཐུགས་སྲས་རབ་འབྱམས་སྨྲ་བའི་བཤེས་གཉེན་བདུན་ལས་རྩོད་པའི་ཁྱུ་མཆོག་དར་མ་རིན་ཆེན་ཞེས་བགྲངས་པ་བྱུང༌། དགུང་ལོ་ཉེར་ལྔ་པར་ཉ་དབོན་ཀུན་དགའ་བཟང་པོས་མཁན་པོ་དང༌། རྗེ་རེད་མདའ་བ་གཞོན་ནུ་བློ་གྲོས་ཀྱིས་ལས་སློབ། གངས་ཅན་པ་ཀུན་དགའ་དཔལ་གྱིས་གསང་སྟོན་མཛད་དེ་མཁན་སློབ་དགེ་འདུན་གྲངས་ཚང་གི་དབུས་སུ་བསྙྙེན་པར་རྫོགས། ས་སྐྱ་དང༌། གསང་ཕུར། རྩེད་ཐང་བཅས་སུ་སྔ་ཕྱིར་བཀའ་བཅུའི་གྲྭ་སྐོར་མཛད། རོང་སྟོན་སྨྲ་བའི་སེང་གེ་དང༌། གཡག་ཕྲུག་སངས་རྒྱས་འཕེལ་ལྟ་བུའི་གངས་ཅན་ལྗོངས་སུ་རྩོད་པའི་ཁྱུ་མཆོག་ཏུ་གྲགས་པ་དེ་དག་དང་གསུང་རབ་བཀའ་བསྟན་ཀྱི་བཀའ་གནད་བགྲོ་གླེང་མཛད་པས། རྨོངས་པ་དང་ཕྱོགས་ལྷུང་ཅན་དག་མགོ་འཐོམས་ཤིང་གཟུར་གནས་དཔྱོད་ལྡན་མཁས་པའི་སྐྱེས་ཆེན་ཀུན་གྱིས་དད་གདུང་ཡིད་རང་གི་མེ་ཏོག་འཐོར་བས་དབུས་གཙང་གཉིས་སུ་མཁས་པའི་མཚན་སྙྙན་གྱིས་ཡོངས་སུ་ཁྱབ། ལོ་རྒྱུས་ཐོག་དཀའ་བཅུའི་གྲྭ་སྐོར་འཇོག་པའི་སྲོལ་ཡང་འདི་ནས་དར་བར་བཤད། གསང་ཕུར་རོང་སྟོན་ཤཱ༷་རྒྱལ་མཚན་དང་ཐེག་གསུམ་རྣམ་བཞག་ལས་འཕྲོས་ཏེ་རྩོད་པའི་བགྲོ་གླེང་སྐོར། དེ་དུས་ཚོགས་སུ་ཡོད་པའི་མཁས་པ་ཚོས་ཡི་གེར་བཀོད་པའང་ཡོད་སྐུད། དེ་ནས། དབུས་སུ་གྲྭ་སྐོར་དུ་ཕེབས་པ་ན་རྗེ་ཙོང་ཁ་པ་ཆེན་པོའི་མཚན་སྙྙན་ཐོས་ཏེ་རྩོད་པའི་ཆེད་གཉལ་སྟོད་ར་གྲོང་དུ་བྱོན། རྗེ་ཙོང་ཁ་པ་ཆེན་པོས་སློབ་ཚོགས་བརྒྱ་ཕྲག་དུ་མར་བཀའ་ཆོས་གསུང་བཞིན་པ་དང་འཁེལ། ཐད་ཀར་རྗེ་བླ་མའི་སྐུུ་མདུན་དུ་བཅར་ཏེ། མདོ་སྔགས་ཀྱི་དཀའ་གནད་དུ་མ་ལས་བརྩམས་པའི་དྲི་བ་དུ་མ་ཕུལ་བ་ལ་རྗེ་བླ་མས། དཀའ་གནད་དོགས་སེལ་གྱི་ལན་ཐོགས་མེད་དུ་གནང་བར་མ་ཟད། ད་དུང་རྟོགས་ལྡན་ལ་སྐྱེ་འོས་པའི་དཀའ་གནད་དོགས་སློང་འགའ་ཞིག་གི་དྲི་བ་གནང་བར་ལན་གྱི་དཔག་པ་མ་བྱུང་བ་དང༌། ཆོས་ཀྱི་གྲགས་པའི་རིགས་ལམལ་བརྟེན་ནས་གསུང་རབ་དགོངས་འགྲེལ་དང་བཅས་ཐར་འདོད་སྐྱེས་བུའི་ལམ་དུ་འགལ་མེད་སྒྲུབ་ཚུལ་དང༌། རྗེ་བླ་མའི་མཁས་བཙུན་བཟང་པོའི་ཡོན་ཏན་གྱི་ཐུགས་ཡིད་དབང་མེད་དུ་འཕྲོག་སྟེ་ཞབས་ལ་གཏུགས་ནས་ཕྱག་བྱས། བླ་མ་རྗེ་བཙུན་རེད་མདའ་བ་ལ་གནང་བ་ཞུས་ཏེ་རྗེ་ཙོང་ཁ་པ་ཆེན་པོ་འདི་ལ་ལུས་དང་གྲིབ་མ་བཞིན་ཞབས་འབྲིང་དུ་ཐུགས་རྗེས་བཟུང་བའི་གསོལ་བ་བཏབ་པར་རྗེ་ཉིད་ཀྱིས་ཀྱང་ཞལ་བཞེས་མཛད། དེ་ནས་བཟུང་རྗེ་ཙོང་ཁ་པ་ཆེན་པོའི་དྲུང་ནས་མདོ་སྔགས་ཀྱི་བཀའ་ཆོས་མཐའ་ཡས་པ་གསན་པར་མ་ཟད། གསུང་ལས། ཇི་སྲིད་རྗེ་བཙུན་བླ་མ་མ་རསྙེད་བར། །དེ་སྲིད་སྲིད་པའི་རྩ་བ་གཅོད་བྱེད་པའི། །རྟེན་འབྱུང་མཐའ་དང་བྲལ་བའི་དབུ་མ་ནི། །ཕྱོགས་ཙམ་ཞིག་ཀྱང་རསྙེད་པ་མ་གྱུར་རམ། ཞེས་རྗེ་བླ་མ་དང་མཇལ་ནས་ཟབ་མོའི་ཆོས་ཀྱི་འབྲེལ་བ་མ་བྱུང་བར་དུ་དབུ་མའི་ལྟ་བའི་གནད་ལ་ཕྱོགས་ཙམ་ཡང་བློ་ཁ་མ་ཕྱོགས་པར་གསུངས། རྗེའི་དྲུང་ན་འཁོད་པའི་སློབ་མ་རྣམས་ལ་ཕར་ཚད་སོགས་ཀྱི་བཀའ་ཁྲིད་ཀྱང་རྒྱ་ཆེར་གནང༌། རྗེ་བླ་མས་ས་གླང་༡༤༠༩ལོར་རི་བོ་དགའ་ལྡན་རྣམ་པར་རྒྱལ་བའི་གླིང་ཕྱག་འདེབས་དུས་ཁ་འཛིན་གྱི་འགན་ཆ་ཚང་བླངས་ནས་ལེགས་གྲུབ་བྱུང༌། ལུང་དང་མངོན་པར་རྟོགས་པའི་ཡོན་ཏན་ཤིན་ཏུ་ཟབ་ཅིང་རྒྱ་ཆེ་བ་དང༌། ལས་དང་སྨོན་ལམ་གྱི་མཐུ་བཙན་པོས་དགེ་ལྡན་བསྟན་པ་འཛིན་ཅིང་སྤེལ་པའི་ཆེད་དུ་བསམ་བཞིན་སྐྱེ་བ་བཞེས་པར་དགོངས་ནས། རྗེ་བླ་མ་རང་ཉིད་ཞིང་གཞན་དུ་གཤེགས་ཁར། དགའ་ལྡན་འོད་གསལ་ལྷ་ཁང་དུ་བུ་སློབ་གཙོ་གྲས་ཐམས་ཅད་ཚོགས་པའི་དབུས་སུ། ན་བཟའ་བེར་ཐུལ། དབུ་ཞྭ་བཅས་རྗེ་འདི་ཉིད་ལ་གནང་སྟེ། དོན་དུ་རྗེ་རང་གི་རྒྱལ་ཚབ་ཏུ་དབང་བསྐུུར་བ་ལྟར། དགུང་ལོ་ང་དྲུག་པ་རབ་བྱུང་བདུན་པའི་ས་ཕག་༡༤༡༩ལོར་འདུལ་འཛིན་གྲགས་པ་རྒྱལ་མཚན་ཀྱིས་ཐོགས་དྲངས། རྗེའི་བུ་སློབ་ཀུན་གྱིས་དགའ་ལྡན་གསེར་ཁྲིར་གདན་དྲངས་ནས། མཁས་གྲུབ་ཆོས་ཀྱི་རྒྱལ་པོས། དཔལ་ལྡན་ཡོན་ཏན་ཚོགས་ཀྱི་བྱེད་པོ་ཡིས། །མི་འཇིགས་སེང་གེའི་ཁྲི་ལ་དབང་བསྐུུར་བའི། །རྒྱལ་བ་གཉིས་པའི་རྒྱལ་ཚབ་ཆོས་ཀྱི་རྗེ། །མི་ཕམ་བླ་མ་གཉིས་པ་རྒྱལ་གྱུར་ཅིག ཅེས་སོགས་ཀྱི་གསོལ་འདེབས་དང་བཅས། རྗེ་བླ་མའི་རྒྱལ་ཚབ་ཏུ་མངའ་གསོལ་བས། རྒྱལ་ཚབ་ཆོས་རྗེ་ཞེས་གྲགས་པ་བྱུང༌། དགེ་འདུན་གྱི་བཅས་ཁྲིམས་ཤིན་ཏུ་དམ་པར་མཛད། དབྱར་དགུན་གཉིས་སུ་དགའ་ལྡན་དུ་བཞུགས་ཏེ་གཙོ་བོར་བྱང་ཆུབ་ལམ་རིམ་དང་སྔགས་བསྐྱེད་རྫོགས་ཀྱི་བཀའ་འཁྲིད་གནང་ཞིང༌། སྐབས་འགར་མཚམས་དམ་པོར་མཛད་ནས་མདོ་སྔགས་ཀྱི་ལམ་རིམ་ལ་གོམས་པའི་བསམ་གཏན་ལྷུར་བཞེས་མཛད། དཔྱིད་སྟོན་གཉིས་སུ་སེར་འབྲས་དང༌། གསང་ཕུ། འོལ་ཁ། གནས་རསྙིང་སོགས་སུ་ཕེབས་ཏེ་སྙྙུང་མར་གནས་པ་དང་ཕྱོགས་ནས་ཕེབས་པའི་དགེ་འདུན་སྡེ་སྣོད་འཛིན་པ་རྣམས་ལ། བཀའ་ཆེན་བཞི་དང༌། དབུ་མ་རྩ་འཇུག དྲང་ངེས་རྣམ་འབྱེད་སོགས་མདོ་ཕྱོགས་ཀྱི་བཤད་པ་དང༌། ཡི་དམ་གསང་བདེ་འཇིགས་གསུམ་གྱི་བཤད་ཁྲིད་དང༌། ལུང་དང་མན་ངག་དབང་དང་རྗེས་གནང་སོགས་གནང་བ་མཛད། ལྷག་པར་ལྕགས་ཕག་༡༤༣༡ལོར་གནས་རསྙིང་དུ་སྙྙུང་མར་གནས་པ་དང་ཕྱོགས་ཕེབས་ཀྱི་སྡེ་སྣོད་འཛིན་པ་སྟོང་ཕྲག་ཚོགས་པར་གཞུང་ཆེན་པོ་རྣམས་ཀྱི་དཀའ་གནད་དོགས་གཅོད་དང༌། རྣམ་འགྲེལ་གྱི་ཞིབ་བཤད་རྒྱ་ཆེར་མཛད་དེ། སྔ་ཕྱི་མི་ལོ་བཅུ་གསུམ་རིང་འཆད་རྩོད་རྩོམ་པ་དང་མཁས་བཙུན་བཟང་པོའི་ཡོན་ཏན་ཤིན་ཏུ་ཟབ་པ་ལ་བརྟེན་ནས་རྗེའི་སློབ་མ་ཡོངས་ཀྱིས་རྗེ་བླ་མ་དངོས་དང་ཁྱད་མེད་ལྟ་བུར་བཀུར་བར་བྱེད། བཤད་སྒྲུབ་ལས་གསུམ་གྱིས་འཇམ་མགོན་རྒྱལ་བ་གཉིས་པའི་གསེར་ཁྲི་ཚུལ་བཞིན་སྐྱོང༌། དགུང་གྲངས་རེ་བརྒྱད་པ་རབ་བྱུང་བརྒྱད་པའི་ལྕགས་ཕག་༡༤༣༡ལོར། གསང་བའི་བདག་པོས་ལྷོ་བྲག་གྲུབ་ཆེན་པ་ལ་ལུང་གི་རྗེས་སུ་བསྟན་པ་བཞིན་མཁས་གྲུབ་ཆོས་རྗེ་དགའ་ལྡན་གསེར་ཁྲིར་མངའ་གསོལ་ནས་རང་ཉིད་རྒྱལ་ཁང་རྩེར་ཟུར་བཞུགས་མཛད། ཟབ་ལམ་རིམ་པ་གཉིས་ཀྱི་ཐུགས་དམ་ཉམས་བཞེས་ཀྱིས་རྩེ་གཅིག་སྒྲུབ་པ་ལ་བརྩོན་པར་མཛད། རྗེ་འདིའི་འཕྲལ་གྱི་མཛད་པའི་དབང་དུ་བྱས་ན་སྲིདཔའི་ཕུན་ཚོགས་ལ་སྙྙིང་པོ་ཏིལ་འབྲུ་ཙམ་ཡང་མི་འཛིན་པར་ལོངས་སྤྱོད་ཀྱི་ཡོ་ལངས་དང་འཇིག་རྟེན་མཐུན་འཇུག་ནམ་ཡང་མི་མཛད་པ། མཚམས་སུ་བཞུགས་དུས་བསྔོ་རྟེན་སོགས་མཚམས་ཁང་འགག་ཏུ་འབུལ་བའི་བརྡ་ལན་དུ་ཕྱག་མདུད་རེ་གནང་བ་ལས་སྐུུ་དྲུང་དུ་བཅར་དུ་མི་འཇུག སྐབས་ཤིག་ཤར་པ་རིན་ཆེན་རྒྱལ་མཚན་གྱིས། སྦྱིན་བདག་ཚོ་སྐུུ་མདུན་དུ་མ་བཏང་ན་ཡིད་མི་ཆེས་པ་འདུག་ཞུས་པས། རྗེ་འདིས་དབུ་ཞྭ་ཕུད་ནས་ངས་འཇིག་རྟེན་མཐུན་འཇུག་གི་ལས་ལབརྩོན་པའི་ལོང་འདུག་གམ། ངའི་མགོ་ལ་ལྟོས་དང་ཞེས་གསུངས་སྐུད། ལུང་གི་ཡོན་ཏན་གྱི་དབང་དུ་བྱས་ན་མདོ་སྔགས་བཀའ་བསྟན་ཀྱི་གཞུང་ལུགས་དུ་མ་ཐུགས་ཐོག་ནས་ཞལ་འདོན་གནང་བ་དང༌། གཞུང་དོན་གདམས་པ་ཤར་བ་དང༌། རྟོགས་པའི་ཡོན་ཏན་གྱིདབང་དུ་བྱས་ན་སྡོམ་པ་གསུམ་གྱི་བཅས་མཚམས་ལས་ཕྲ་མོ་ཙམ་ཡང་མ་གོས་པར་ཚུལ་ཁྲིམས་ཀྱི་དྲི་བསུང་མངར་མོ་རྒྱང་རིང་དུ་ལྡང་བ་དང༌། སེམས་ཅན་སྡུག་བསྔལ་གྱིས་མནར་བར་སྙྙིང་རྗེའི་སྤྱན་ཆབ་ངང་གིས་འབྱུང་བ། ཟབ་མོའི་ལྟ་བ་དང༌། རིམ་གཉིས་ཀྱི་རྟོགས་པའི་གདེང་ཐོབ་པ་སོགས་ཁུངས་ལྡན་གྱི་རྣམ་ཐར་དུ་མ་ལས་འབྱུང་བ་ལྟར་རོ། །སྣེའུ་པས་པོ་ཏ་ལར་གདན་དྲངས་པ་ལྟར་ཕེབས་ལམ་དུ། ཀོ་གྲུ་ནང་ལྷ་སའི་གཙང་ཆུ་བརྒལ་དུས་གྲུབ་ཐོབ་ལྕགས་ཟམ་པ་ཐང་སྟོང་རྒྱལ་པོ་བྱོན་ནས། སྐུུ་ཚེ་རིང་པོ་མེད་པས་ལྕགས་ཟམ་འོག་ལ་ཀོ་གྲུ་ཐོངས་གསུངས་ཀྱང༌། ཀོ་གྲུ་ལྕགས་ཟམ་གོང་དུ་ཆོད། ལྕགས་ཟམ་འོག་ཏུ་གྲིབ་ཆེ་གསུང་ནས་མ་བྱོན། ཀོ་གྲུ་ལས་ཚུར་ཕེབས་དུས། སྣེའུ་དཔོན་གྱིས་ཕུ་དུང་ཚ་ཕྱིས་མཛད་ནས་ཚུར་འཐེན་གྲབས་ཞུས་པར། སྡིག་ལག་དེ་ཕར་བསྡུས་གསུངས། དེ་ནས་པོ་ཏ་ལར་ཕེབས་ཏེ་མདོ་སྔགས་ཀྱི་ལམ་རིམ་གཉིས་ཀྱིས་མཚོན་པའི་ཆོས་ཀྱི་འཁོར་ལོ་རྒྱ་ཆེར་སྐོར། རྗེ་འདིས་ཆོས་འཁོར་རྒྱ་ཆེར་བསྐོར་བའི་མཐའ་མ་ཡང་འདི་ཉིད་ཡིན་ནོ། དེ་སྐབས་སྐུུ་ཅུང་ཟད་བསྙྙུན་བའི་ཚུལ་བསྟན་ཏེ་དགུང་ལོ་རེ་དགུ་རབ་བྱུང་བདུན་པའི་ཆུ་བྱི་༡༤༣༢ལོའི་བོད་ཟླ་ལྔ་པའི་ཚེས་བརྒྱད་ཉིན་མེ་ཏོག་གི་ཆར་འབབ་པ་སོགས་ཡ་མཚན་པའི་བལྟས་དུ་མ་དང་བཅས། གྲུ་འཛིན་གཉིས་པའི་ཁང་བཟང་པོ་ཏ་ལར་དགོངས་པ་གཞན་དོན་དུ་གཤེགས། མཁས་གྲུབ་ཆོས་ཀྱི་རྒྱལ་པོས་སྡེ་པ་སྣེའུ་པ་ལ་མངགས་དོན་བཞིན་སྐུུ་གདུང་པོ་ཏ་ལ་ནས་འབྲོག་རི་བོ་ཆེ་དགའ་ལྡན་རྣམ་པར་རྒྱལ་བའི་གླིང་དུ་གདན་དྲངས་པའི་སྐབས་ཀྱང་མེ་ཏོག་གི་ཆར་དང་འཇའ་ཁ་དོག་སྣ་ཚོགས་པས་ལྷ་ས་ནས་དགའ་ལྡན་བར་དུ་སྦྲེལ། ཞུགས་ལ་ཕུལ་བས་རིང་བསྲེལ་དུ་མ་བྱུང་ཞིང་དེང་སང་གི་བར་དུའང་རྒྱལ་ཚབ་རིང་བསྲེལ་ཞེས་འབྲེལ་ཡོད་དད་ལྡན་དུ་མའི་རྟེན་ཁྲོད་དུ་ཡོད་པར་བཤད། རྗེ་འདིའི་སྐུུ་རྟེནཇོ་ཁང་དུ་ཇོ་བོ་རིན་པོ་ཆེའི་གསེར་སྐུུ་ཆེན་མོ་དང༌། ཐུགས་རྟེན་དངུལ་གྱི་མཆོད་སྡོང༌། རྗེའི་གསེར་གདུང་ཆེན་མོའི་གཡས་ན་བྱིན་རླབས་ཀྱི་ཚན་ཁ་འབར་བཞིན་བཞུགས། རྗེ་འདིའི་སྐྱེ་རབས་སྔ་མ་སྤྲུལ་གཞི་འཕགས་མཆོག་སྤྱན་རས་གཟིགས་དང༌། དེའི་སྤྲུལ་པ་རིགས་ལྡན་པདྨ་དཀར་པོ་སོགས་ཡིན་པར་བཤད། གསུང་གི་ལེགས་བཤད་ནི་ཚད་མ་རྣམ་འགྲེལ། རྣམ་ངེས། རིག་ཐིགས་གསུམ་གྱི་དར་ཊིཀ་ཆེན་མོ། །ཚད་མ་མདོའི་དར་ཊིཀ། རྣམ་འགྲེལ་གྱི་ས་བཅད་ཆེན་པོ། རིགས་གཏེར་ྜྲིཀ། ཕར་ཕྱིན་རྣམ་བཤད་སྙྙིང་པོ་རྒྱན། དབུ་མ་རིན་ཆེན་ཕྲེང་བའི་ཊིཀྐ། རྒྱུད་བླ་མའི་ཊིཀྐ། བཞི་བརྒྱ་པའི་དར་ཊིཀྐ། སྤྱོད་འཇུག་དརཊིཀ། ཀུན་བཏུས་དར་ཊིཀ་སོགས་མདོ་སྔགས་ཀྱི་གཞུང་ཆེན་པོའི་དགོངས་འགྲེལ་གྱི་གསུང་འབུམ་པོད་ཆེན་བརྒྱད་ཙམ་དཔྱོད་ལྡན་མཁས་པའི་དགའ་སྟོན་དུ་འཕྲིན་ལས་ཀྱི་འོད་སྣང་འབར་བཞིན་བཞུགས། གསུང་སྐྱེས་སློབ་མ་ཡང་མཁས་གྲུབ་དགེ་ལེགས་དཔལ་བཟང་སོགས་རྗེའི་དངོས་སློབ་ཕལ་ཆེ་བ་དང༌། མཁས་པ་རིན་ཆེན་བཀྲིས། པཎ་ཆེན་བྱམས་པ་གླིང་པ། རིན་ཆེན་དཔལ། འདུལ་དཀར་བ་གྲགས་པ་དཔལ་ལྡན། བློ་གྲོས་མགོན་པོ་སོགས་སྐྱེས་ཆེན་དམ་པ་ཤིན་ཏུ་མང་པོ་བསྐྱངས།

དགའ་ལྡན་ཁྲི་ཐོག་གསུམ་པ་མཁས་གྲུབ་སྨྲ་བའི་སེང་གེ་དགེ་ལེགས་དཔལ་བཟང་པོ་ནི། ཡབ་བྱང་པའི་དཔོན་ཞལ་ངོའི་རིགས་ཀུན་དགའ་བཀྲ་ཤིས་དཔལ་བཟང་དང༌། ཡུམ་བུ་འདྲེན་རྒྱལ་མོ་གཉིས་ཀྱི་སྲས་སུ་རབ་བྱུང་དྲུག་པའི་ཤིང་གླང་༡༣༨༥ལོར་གཙང་ལ་སྟོད་ཆུ་འོག་ཏུ་འཁྲུངས། སྐུུ་ན་ཆུང་དུས་ནས་མཁས་གྲུབ་ལྷ་དབང་བློའི་རྣམ་འཕྲུལ་དུ་སྔོན་གནས་རྗེས་དྲན་གྱིས་ངོས་འཛིན་གནང་བས། མཁས་གྲུབ་དགེ་ལེགས་གྲགས། བ་སོ་ཆོས་ཀྱི་རྒྱལ་མཚན་དང༌། བསོད་ནམས་བཀྲིས་གཉིས་ཀྱང་རྗེ་འདི་ཉིད་དང་ཡབ་ཡུམ་གཅིག་པའི་སྐུུ་མཆེད་ཡིན་ནོ། སྔོན་གྱི་བག་ཆགས་སད་དེ་ཆུང་དུས་ནས་རིགས་ལམ་ལ་ཆགས་ཐོགས་མེད་པའི་མཁྱེན་རབ་རྒྱས། ཕྱག་དྲུག་པའི་རྗེས་གནང་ཞུས་ཏེ་བསྙྙེན་སྒྲུབ་གཏོར་འབུལ་ཆགས་མེད་མཛད་པས་མགོན་པོའི་བཞོན་པ་ཕག་གི་སྐུད་མཆོད་གཡོག་ཚོས་ཀྱང་ཐོས་སྐུད། དཔལ་ལྡན་ས་སྐྱ་བའི་ལམ་འབྲས་པ་ཡེ་ཤེས་དཔལ་དང༌། ཀུན་དགའ་རྒྱལ་མཚན། རྗེ་བཙུན་རེད་མདའ་བ་བཅས་ལ་བསྟེན་ནས། ཐ་སྙྙད་རིག་པ་དང་མདོ་སྔགས་གསུང་རབ་དགོངས་འགྲེལ་བཅས་པར་བསླབས་པས་རིགས་པའི་དབང་ཕྱུག་ཏུ་གྱུར། མཁས་གྲུབ་སེང་གེ་རྒྱལ་མཚན་དཔལ་བཟང་པོའི་དྲུང་ནས་དགེ་ཚུལ་གྱི་སྡོམ་པ་བཞེས་པའི་མཚན་ལ་སྔར་གྱི་མཁས་གྲུབ་དགེ་ལེགས་ཐོག་དཔལ་བཟང་པོ་ཞེས་པ་བསྣན་པས། མཁས་གྲུབ་དགེ་ལེགས་དཔལ་བཟང་པོ་ཞེས་གྲགས་པ་བྱུང༌། དགུང་ལོ་བཅུ་དྲུག་པར་གཙང་ངམ་རིང་དུ་བོ་དོང་པཎ་ཆེན་འཇིགས་མེད་གྲགས་པས་རིགས་གཏེར་དགག་པའི་གཞུང་བརྩམས་ཏེ་དམ་བཅའ་མཛད་པར་སུས་ཀྱང་རྒོལ་བར་མ་ནུས་པས་རྗེ་འདི་ཉིད་ཀྱིས་སྡེ་སྣོད་འཛིན་པ་མཁས་པ་སྟོང་ཕྲག་ཚོགས་པའི་དབུས་སུ་བོ་དོང་པ་ལ་བདེན་གཉིས་སྐོར་ལས་འཕྲོས་ཏེ་དྲི་མ་མེད་པའི་རིགས་པའི་ལམ་ནས་བརྒལ་བར་མཛད། མཐར་པཎ་ཆེན་ཕྱོགས་རྒྱལ་བས་མདོ་སྡེ་པའི་གྲུབ་མཐའི་ནང་འགལ་ཡིན་ཞེས་སྨྲ་དགོས་པར་བཟོས། སྐབས་དེར་རྩོད་པའི་དཀྱིལ་འཁོར་ནང་བཞུགས་པའི་མཁས་པ་ཚོས་ཟུར་བྲིས་སུ་ཕབ་པ་རྣམས་དུས་ཕྱིས་ཕྱོགས་བསྒྲིགས་ཏེ་ཚད་མ་སྡེ་བདུན་ཡིད་ཀྱི་མུན་སེལ་མཛད་པར་གྲགས། བོ་དོང་པཎ་ཆེན་ཡང་ཐུགས་ཡིད་དབང་མེད་དུ་འཕྲོག་སྟེ་མཁས་གྲུབ་རྗེ་ལ་བསྟོད་པ་བུང་བ་རྣམ་པར་རྩེན་པ་ཞེས་པ་མཛད་སྐུད་གྲགས་ཤིང༌། བསྟོད་པ་དེའི་ནང༌། རྟོག་གེ་རྣམ་ལྡན་མྱུར་འདྲ་རྣམས། །ཁྱོད་ཀྱི་མདུན་སར་བརྒལ་ལན་གྱི། །གཏམ་ལ་ཞུགས་ཚེ་མགྲིན་པ་ནང༌། །རང་སྲོག་གིས་འགག་མི་སྨྲ་ཐོབ། ཅེས་སོགས་བྲིས་འདུག་ལ། འདི་ཉིད་རྩོམ་པ་པོ་བོ་དོང་པཎ་ཆེན་ཡིན་མིན་ནི་མིཤེས། ངམ་རིང་གི་དབྱར་ཆོས་ཤིག་ཏུ་ཚོགས་སུ་མཁས་གྲུབ་གཡག་པ་ཡང་རྩོད་པ་ཕམ་པར་བྱས་ཞེས་ཟེར། སྐབས་དེ་ཙམ་ནས་གཙང་གི་ཁུལ་དུ་རྩོད་པའི་ཁྱུ་མཆོག་ཏུ་གྲགས། དགུང་ལོ་བཅོ་བརྒྱད་པ་ནས་འཇམ་དབྱངས་སྨྲ་སེང་གི་བསྟོད་པ་མཚན་དཔེས་རབ་རྒྱན་མ་རྩོམ་པས། རྩོམ་པའི་ཁྱུ་མཆོག་ཏུའང་གྲགས་པ་བྱུང༌། དགུང་ལོ་ཉེར་གཅིག་པ་རབ་བྱུང་བདུན་པའི་ཤིང་བྱ་༡༤༠༥ལོར་རྗེ་རེད་མདའ་བ་གཞོན་ནུ་བློ་གྲོས་ཀྱིས་མཁན་པོ་དང༌། ཆོས་རྗེ་དཔལ་འབྱོར་ཤེས་རབ་ཀྱིས་ལས་སློབ། མཉམ་མེད་བློ་གྲོས་མཚུངས་མེད་ཀྱིས་གསང་སྟོན་མཛད་ནས་བསྙྙེན་པར་རྫོགས་པའི་དགེ་སློང་གི་སྡོམ་པ་བཞེས། དགུང་ལོ་ཉེར་གསུམ་པར་མེ་ཕག་༡༤༠༧ལོར་དབུས་སུ་ཕེབས་ཏེ་རྗེ་ཙོང་ཁ་པ་ཆེན་པོ་སེ་ར་ཆོས་སྡིངས་སུ་བཞུགས་པ་དང་མཇལ། མདོ་སྔགས་ཀྱི་བཀའ་བའི་གནད་དུ་མའི་བཀའ་འདྲི་ཞུས་པས་རྗེ་བླ་མས་ལན་ཐོགས་མེད་དུ་གནང་བར་མ་ཟད། ད་དུང་རྟོགས་ལྡན་དོགས་པ་སྐྱེ་བའི་གནད་དུ་མའི་བཀའ་འདྲི་གནང་བ་དང་འབྲེལ་དོགས་གཅོད་ཀྱི་བཀའ་སློབ་ཟབ་རྒྱས་གནང་བས། རྩོད་པའི་སྤོབས་པ་ཡོངས་སུ་ཞི་ནས་དད་པའི་ཡིད་དབང་འཕྲོག་སྟེ་རྗེ་བླ་མའི་སློབ་མར་རྗེས་སུ་འཛིན་པར་སྐྱབས་འཇུག་ཞུས་པ་ལྟར་ཐུགས་དགྱེས་པའི་ངང་ཞལ་གྱིས་བཞེས། དཔལ་རྡོ་རྗེ་འཇིགས་བྱེད་ཀྱི་དབང་དང་འཇམ་དབྱངས་ཨ་ར་པ་ཙའི་རྗེས་གནང་བསྩལ། དེ་ནས་བཟུང་རྗེ་བླ་མའི་མདུན་ནས་མདོ་སྔགས་ཀྱི་གསུང་རབ་དགོངས་འགྲེལ་དང་བཅས་པའི་གཞུང་ལུགས་ཀུན་ལ་ཕུ་མཐའ་ཆོད་པའི་དོགས་གཅོད་ཞུས། ཡི་དམ་རྒྱུད་སྡེ་ཁག་གི་དབང་ལུང་མན་ངག་མཐའ་ཡས་པ་ཞུས། གཞན་ཡང་རྗེའི་དངོས་སློབ། རྒྱལ་ཚབ་ཆོས་རྗེ་དང༌། འདུལ་འཛིན་པ། འཇམ་དཀར་བ། རྟོགས་ལྡན་འཇམ་དཔལ་རྒྱ་མཚོ་སོགས་ལའང་མདོ་སྔགས་ཀྱི་ཆོས་ཚུལ་རྒྱ་ཆེར་ཞུས། རྗེ་ཙོང་ཁ་པའི་རིང་ལུགས་གཙང་མ་རང་ལུགས་སུ་བཞེད་དེ་འཆད་རྩོད་རྩོམ་པའི་མཛད་པ་རླབས་པོ་ཆེ་སྐྱོང་བས་དབུས་གཙང་གཉིས་སུ་མཁས་པའི་མཚན་སྙྙན་གྱིས་ཡོངས་སུ་བརྡལ། གཙང་ཉང་སྟོད་དུ་ཕེབས་ནས། ལི་ཡུལ་ལྕང་ར་ལ་གདན་ས་མཛད་པས་ལྕང་ར་ཆོས་མཛད་ཅེས་གྲགས། རྒྱལ་རྩེ་སྡེ་པ་རབ་བརྟན་ཀུན་བཟང་པས་མཐུན་རྐྱེན་སྦྱར་བ་ལ་བརྟེན་ནས་རྒྱལ་རྩེ་དཔལ་འཁོར་ཆོས་སྡེ་དགོན་ཕྱག་བཏབ་ནས་འཆད་མཉན་རྒྱ་ཆེར་སྤེལ། གཞན་ཡང༌། ནོར་བུ་དགའ་ལྡན་དང༌། བྲང་མོ་ཆེ་བ། ལེགས་གྲུབ་པ། ཤར་ཆེན་པ། ཞི་གནས་པ། གསེར་ཁང་གོང་འོག་གཉིས། ལྷ་ཁང་པ་སོགས་དགེ་ལྡན་རིང་ལུགས་འཛིན་པའི་ཆོས་སྡེ་དུ་མ་ཕྱག་བཏབ། དབུས་གཙང་ཁུལ་གྱི་སྡེ་སྣོད་འཛིན་པ་ཤིན་ཏུ་མང་པོ་ངང་གིས་འདུས་ནས་རྗེ་འདི་ཉིད་ཀྱི་ཞབས་ལ་བཏུགས། མདོ་སྔགས་ཀྱི་ཆོས་ཚུལ་རྒྱ་ཆེར་ཞུས། སྐབས་ཤིག་ཆོས་རྗེ་རོང་པོ་བ་ཤཱཀྱ་རྒྱལ་མཚན་གྱིས་ས་དགེ་ལྟ་བའི་ཁ་འཛིན་ལྟ་བུས་རྩོད་པའི་དཀྱིལ་འཁོར་བཤམ་དགོས་པའི་ཕྱག་བྲིས་སྔ་ཕྱིར་འབྱོར་བ་དང༌། སྡེ་བ་རབ་བརྟན་ཀུན་བཟང་རྩེ་བས་ཀྱང་རྩོད་པའི་དཀྱིལ་འཁོར་ཀྱི་གྲ་སྒྲིག་ཞུ་རྒྱུའི་ཆོ་གར་བརྩོན་པ་ལྟར། མཁས་གྲུབ་རྗེ་དགུང་ལོ་སོ་གཅིག་པ་ཤིང་ལུག༡༤༡༥ལོར། རྒྱལ་རྩེ་སྡེ་བས་གཙུག་ལག་ཁང་དུ་གྲ་སྒྲིག་ལེགས་པར་བྱས་ཤིང༌། གནས་རསྙིང་དང་ཞ་ལུ་སོགས་ནས་ཀྱང་ལུང་རིགས་ལ་མཁས་པའི་སྡེ་སྣོད་འཛིན་པ་ཤིན་ཏུ་མང་པོ་བར་དཔང་གི་ཚུལ་དུ་འབྱོར། རྩོད་མེད་ཡོངས་གྲགས་ཀྱི་མཁས་པ་ཆེན་པོ་གཉིས་ཀྱི་རྩོད་པའི་དཀྱིལ་འཁོར་དངོས་སུ་བཤམས་པའི་མཚན་སྙྙན་གང་སར་ཁྱབ། ལུག་ལོ་ཟླ་བ་བརྒྱད་པའི་ཚེས་བཅུའི་ཉིན་དངོས་སུ་རྩོད་པའི་མགོ་ཚུགས་ལ་ཉེ་བ་ན་རོང་པོ་ཆོས་རྗེས་ཨུ་ཚུགས་ཀྱིས་ཕྱི་གཤོལ་གནང་བ་དང༌། རྒྱལ་རྩེ་སྡེ་བས་ཐབས་མཁས་ཀྱིས་རྩོད་པའི་དོར་ཕྱིར་སྡུད་བྱེད་དགོས་པ་བྱུང༌། མཁས་གྲུབ་རྗེས། ཨོཾ་བདེ་ལེགས་སུ་གྱུར་ཅིག བློ་བཟང་གསུང་གི་ལེགས་བཤད་མེ་ཏོག་ཕྲེང༌། ཞེས་པ་ནས། བཟང་པོ་ལས་གཞན་སྨྲ་བའི་སེང་གེ་གང༌། ཞེས་པའི་བར་གྱི་རྩོད་པའི་གླེང་སློང་བ་ནས་ཕྱི་བཀྱེད་བྱས་པའི་བར་གྱིས་ངོ་སྤྲོད་དང་འབྲེལ་ཕྱོགས་ལས་རྣམ་པར་རྒྱལ་བའི་བསྒྲགས་གཏམ་སྙྙན་ངག་ཏུ་སྡེབ་ནས་རྒྱལ་རྩེ་ཆོས་སྡེའི་སྒོ་ཆེན་ལ་སྦྱར། ཆོས་རྗེ་ངོར་ཆེན་པས་དགག་བཞག་གི་གསུང་རྩོམ་འབྱོར་བའི་ལན་དུ་སྨྲ་བ་ངན་པ་འཐག་པར་བྱེད་པའི་གནམ་ལྕགས་ཀྱི་འཁོར་ལོ་ཞེས་པ་བརྩམས་ཏེ། རྟགས་བསལ་ཁྱབ་གསུམ་གྱིས་འཁོར་གསུམ་དང་དངོས་འགལ་ཕྲེང་བ་ལྟར་བསྒྲིགས་ནས་གནང་བར། དཔལ་ལྡན་ས་སྐྱ་བའི་ཁྲོད་དུ་སློབ་མ་འགས་དེ་དོན་ཁོང་ལ་ཞུས་པས། སྐྱོན་མེད་ལྕང་ར་ཆོས་མཛད་དང་ང་གཉིས་ཆོས་ཅན་མི་གཅིག་པས་ཡིན་གསུངས་པར། ངེད་ཀྱི་ངོར་བ་ཀུན་དགའ་བཟང་པོ་འདི། །ལྕང་ར་ཆོས་མཛད་པ་དང་རྩོད་པའི་ཚེ། །འཁོར་གསུམ་དངོས་འགལ་བརྒྱ་ཕྲག་བྱུང་ན་ཡང༌། །ཆོས་ཅན་མི་གཅིག་གསུང་ལ་གསོལ་བ་འདེབས། །ཞེས་པ་ད་ལྟའི་བར་དུ་གྲགས་པ་བཤད། དཔལ་འཁོར་ཆོས་སྡེའི་མཁན་ཐོག་དང་པོ་མཛད། དབྱར་གནས་ཀྱི་ལྗོངས་རྒྱུར་ཉང་སྟོད་རི་ནང་ཕེབས་ཏེ་སྤང་གཤོང་ཞིག་ཏུ་གསོལ་ཇ་མཛད་ནས་བཞུགས་པའི་སྐབས་གཞན་ཕྱོགས་ཀྱི་འཕྲུལ་ལས་གློ་བུར་དུ་གནམ་ནས་ཐོག་འབེབས་བྱུང་བ་དང་རྗེ་འདི་ཉིད་ཀྱིས་འཛུབ་རྩེས་འཁྲིད་ནས་རྒྱང་རིངགི་བྲག་རི་ཞིག་ལ་འཕངས། བ་སོ་ལྷུན་གྲུབ་བདེ་ཆེན་ཞིག་གསོ་སྐབས་སྨོན་འགྲོ་རྒྱལ་པོའི་ཆོ་འཕྲུལ་བསྟན་པར་འགུགས་ཞུགས་བྱས་ཏེ་འདུ་ཁང་གི་ཉེ་འཁོར་ཞིག་ཏུ་རྒྱལ་རྟེན་དང་བཅས་བསྐྲད། དུས་ཕྱིས་ས་ཕྱོགས་དེར་མི་དང་ཁྱི་སོགས་དྲན་པ་ཐོར་ཏེ་བརྒྱལ་བ་སོགས་ཡོང་སྐད། འཆད་རྩོད་རྩོམ་པའི་འཕྲིན་ལས་ཀྱི་འོད་སྣང་ཕྱོགས་བརྒྱར་འབར་ཏེ་བསྟན་འགྲོའི་དོན་རྒྱ་ཆེར་མཛད་པ་ན། སྡེ་པ་རབ་བརྟན་རྩེ་བས་དཔལ་འཁོར་ཆོས་སྡེར་སླར་ཡང་གདན་དྲངས་ཀྱང་མ་བྱོན་པར་རི་བོ་མདང་ཅན་དུ་བྱོན་ནས་ཐུགས་དམ་ཉམས་བཞེས་དང་སྐུལ་ལྡན་གྱི་སློབ་མ་ཤིན་ཏུ་མང་པོར་མདོ་སྔགས་ཀྱི་གཞུང་ལུགས་དུ་མའི་བཀའ་ཁྲིད་དང༌། གསུང་རབ་ཀྱི་དགོངས་པ་འགྲེལ་པའི་ལེགས་བཤད་དུ་མ་གསར་དུ་རྩོམ་པ་སོགས་ཀྱིས་དུས་འདའ་ནས་བཞུགས། དགུང་ལོ་ཞེ་བདུན་པ་རབ་བྱུང་བདུན་པའི་ལྕགས་ཕག་༡༤༣༡ལོར་རྒྱལ་ཚབ་ཆོས་རྗེ་གནས་རྙིང་དུ་བཀའ་ཆོས་གསུང་ནས་བཞུགས་པ་དང་མཇལ་སྐབས་རྗེ་བླ་མའི་གསེར་ཁྲི་ལ་ཕེབས་དགོས་ཀྱི་ཞལ་ཏ་གནང༌། དེ་ནས་དབུས་ཀྱི་ཆོས་སྡེ་ཆེན་པོ་དཔལ་ལྡན་འབྲས་སྤུངས་སུ་ཕེབས་པ་དང་གཞུང་ལུགས་བརྒྱ་ཕྲག་ལ་བློ་འོད་འཕྲོ་བའི་གངས་ཅན་མཁས་པའི་ཁྱུ་མཆོག་འཇམ་དབྱངས་ཆོས་རྗེ་བཀྲིས་དཔལ་ལྡན་པས་ཤིན་ཏུ་གུས་པས་སྣེ་འཁྲིད། གདན་ས་འབྲས་སྤུངས་པའི་སྡེ་སྣོད་འཛིན་པ་སྟོང་ཕྲག་དུ་མས་སེར་སྦྲེང་ཀྱིས་བསུ་བ་ཞུས། དེ་བཞིན་སེ་ར་ཕེབས་པར་རང་དང་གཞན་གྱི་གྲུབ་བའི་མཐའ་རྒྱ་མཚོ་ལྟ་བུའི་ཕ་རོལ་ཏུ་སོན་པ་མཚུངས་མེད་ཆོས་རྗེ་གུང་རུ་རྒྱལ་མཚན་བཟང་པོས་གཙོས་སེ་ར་བའི་དགེ་འདུན་སྟོང་ཕྲག་གིས་སེར་སྦྲེངས་ཀྱིས་བསུ་བ་ཞུས། དེ་ནས་འབྲོག་རི་བོ་ཆེ་དགའ་ལྡན་རྣམ་པར་རྒྱལ་བའི་གླིང་དུ་ཕེབས་པ་ན་ཤར་པ་རིན་ཆེན་རྒྱལ་མཚན་དང༌། ཧོར་སྟོན་ནམ་མཁའ་དཔལ་བ་སོགས། དགེ་ལྡན་པའི་གནས་བརྟན་བགྲེས་མགོ་ཚོས་གུས་ཞབས་དང་ཕེབས་བསུ་ལྷུར་ལེན་ཏེ་ལོ་དེ་རང་ལ་རི་བོ་དགའ་ལྡན་རྣམ་པར་རྒྱལ་བའི་གླིང་དུ་རྗེ་བླ་མའི་གསེར་ཁྲིར་མངའ་གསོལ། ཤིང་རྟ་ཆེན་པོ་གཉིས་ཀྱི་བཞེད་པ་ཕྱིན་ཅི་མ་ལོག་པའི་ལེགས་བཤད་ཞྭ་སེར་རིང་ལུགས་གཙང་མའི་སྲོལ་བཟང་གི་རྒྱལ་མཚན་འཆད་རྩོད་རྩོམ་གསུམ་གྱིས་བླ་ནས་བླ་ན་འདེགས། བདེ་གསང་འཇིགས་གསུམ་དང་དུས་ཀྱི་འཁོར་ལོ་སོགས་ཀྱི་དབང་ལུང་མན་ངག་རྒྱ་ཆེར་བསྩལ། དགའ་ལྡན་དུ་གྲྭ་ཚང་བཞི་བཙུགས་ནས་འཆད་མཉན་གྱི་སྲོལ་བཏོད། དུས་ཕྱིས་ཤར་བྱང་གཉིས་སུ་ཐིམ། རྗེ་ཙོང་ཁ་པ་ཞི་བར་གཤེགས་རྗེས་སུ་ཤུགས་དྲག་གདུང་བས་གསོལ་བ་ཡང་ཡང་བཏབ་པ་ལས་སྒྱུ་ལུས་ཀྱིས་ཞལ་གཟིགས་ནས་གསུང་གིས་དབུགས་དབྱུང་བ་ཡང་ཐེངས་ལྔ་བྱུང་བ་དེ་ལ་རྗེ་གཟིགས་པ་ལྔ་ལྡན་དུ་གྲགས། མགོན་པོ་ཕྱག་དྲུག་པ་དང༌། དཔལ་ལྡན་ས་སྐྱ་པའི་མགོན་པོ་ཆེ་ཆུང་གཉིས། པུ་ཊ་མིང་སྲིང༌། ཆོས་རྒྱལ་ཕྱི་ནང་གསང་གསུམ་ཡུམ་དང་བཅས་པས་ཞལ་གཟིགས་ཤིང་འཕྲིན་ལས་ཚུལ་བཞིན་སྒྲུབ་པའི་བྲན་དུ་འཁོར། རྗེབཙུན་ཆོས་ཀྱི་རྒྱལ་མཚན་གྱིས་མཛད་པའི་མཁས་གྲུབ་ཆོས་རྗེའི་གསང་བའི་རྣམ་ཐར་ལས་ཆ༡༢༠ཡང་ལན་ཅིག་མགོན་པོ་ཞལ་བཞི་པ་བྱོན་ནས། ས་སྐྱ་པ་རྣམས་ཀྱིས་བདག་ཉིན་མཚན་དུ་བསྒྲུབས་ནས་ཁྱོད་ལ་གཏོར་ཟོར་ནང་མར་འཕེན་གྱིན་འདུག །བླ་མའི་བཀའ་བསྒོ་ང་ཁོང་ཚོས་རྦད་པའི་སྣ་ལ་འོངས་ཁྱོད་ཀྱི་རྩར་སླེབ་པ་དང༌། ཨེ་ཙམ་བསྟན་པ་འཛིན་མཁན་གཅིག་འདུག་པ་འདི་མེད་ན་ཅི་ཙུག་བྱེད། ཀླུ་སྒྲུབ་ཀྱི་ལྟ་བ་ནས་ལེགས་པར་བརྒྱུད་པའི་རྗེ་བླ་མ་ཡབ་སྲས་ལ་གནོད་པ་བསྐྱལ་ནས་སུ་ལ་སྐྱོབ་སྙམ་ནས་ལོག་ཕྱིན། འོན་ཀྱང་མི་ཁྱོད་སོང་ནས་མ་སྡོད་པར་ཟོན་རེ་གྱིས་གསུང་ངོ༌། །ཡང་མགོན་པོ་ཞལ་བཞི་པ་བྱོན་ནས། ཐམས་ཅད་མཁྱེན་པ་བློ་བཟང་གྲགས་པ་འདི་བསྟན་པའི་སྲོག་ཤིང་དུ་འདུག་ཅིང་ཁྱད་པར་ཀླུ་སྒྲུབ་ཀྱི་ལྟ་བ་རྣམ་དག་འདི་མིན་པ་སུས་ཀྱང་ཤེས་པ་མི་འདུག་པས་འདི་ལ་འཁོར་གྱིན་ཡོད་ནའང་གཏོར་མ་རེ་ཡང་སྟེར་མ་ཉན་ཨ་རེ་ཚིག་པ་ཟ་རེ་བྱུང་གསུང་ངོ༌། །ཞེས་གསུངས་པ་ལས་ཀྱང་དཔོག་ནུས་པ་ཡིན་ནོ། །ཐེངས་ཤིག་དབྱངས་ཅན་མའི་ཞལ་གཟིགས་ནས་ད་ལྟར་གངས་རིའི་ལྗོངས་ན་ཁྱོད་ལས་སྙན་ངག་མཁས་པ་སུ་ཡང་མེད། འོན་ཀྱང་ཐུགས་རྒྱལ་གནང་མི་ཉན་ཞེས་ལུང་བསྟན། ལྟ་སྤྱོད་སྒོམ་གསུམ་གང་ལའང་རྗེ་བླ་མའི་བཞེད་པ་ལས་ཅུང་ཟད་ཙམ་ཡང་མི་འདའ་བར་མཛད་དེ། གཞན་ཕྱོགས་ཀྱི་སྨྲ་བ་ངན་པ་རྣམས་རྩོད་པས་ཕམ་པ་དང་རང་ཕྱོགས་ཀྱི་ལྟ་སྤྱོད་མི་མཐུན་པ་རྣམས་ལུང་རིགས་ཀྱི་དཔྱོད་པ་སོགས་མདོར་ན་རྗེ་ཙོང་ཁ་པ་ཆེན་པོའི་མདོ་སྔགས་ཟུང་དུ་འབྲེལ་བའི་བསྟན་པ་རིན་པོ་ཆེ་འདི་ཉིད་ད་ལྟའི་བར་དུ་གྲ་མ་ཉམས་པ་གནས་ཐུབ་པ་བྱུང་བ་ནི། རྗེ་འདི་ཉིད་ཀྱིས་ཐུགས་རྗེ་ལ་བརྟེན་ནས་ཡིན་པས་བཀའ་དྲིན་ཤིན་ཏུའང་ཆེ་ལ། དེར་བརྟེན་རྗེ་བླ་མའི་ནང་སྲས་ཀྱི་ཐུ་བོ་གཅིག་པུར་བགྲངས་པར་བྱེད་དོ། །མཐར་དགུང་ལོ་ང་བཞི་པ་རབ་བྱུང་བདུན་པའི་ས་རྟ་༡༤༣༨ལོར་དགའ་ལྡན་དུ་ཞི་བར་གཤེགས་པའི་གདུང་རྟེན་དངུལ་གྱི་མཆོད་སྡོང་རྗེའི་གསེར་སྡོང་ཆེན་པོའི་གཡོན་ཕྱོགས་ཀྱི་དང་པོར་བཞུགས། རྗེ་འདིའི་སྐྱེས་རབས་སྔོན་མ་ནི་རིགས་ལྡན་འཇམ་དབྱངས་གྲགས་པ་དང༌། ཉན་ཐོས་རབ་འབྱོར། རྒྱ་གར་ཤར་ཕྱོགས་ཀྱི་སློབ་དཔོན་ཆེན་པོ་ལེགས་ལྡན་འབྱེད། རྡོ་རྗེ་གདན་དུ་ཀརྨ་དེ་བ། སློབ་དཔོན་ཆོས་ཀྱི་གྲགས་པ། མཁས་གྲུབ་ལྷ་དབང་བློ་གྲོས། བོད་དུ་བཻ་རོ་ཙཱ་ན། ཨ་བྷ྄ཡ་ཀ་ར། སྣ་སྣམ་ཡེ་ཤེས། འགོས་ལོ། བསོད་ནམས་བླ་མ། ས་པཎ་སོགས་ཡིན་ཞིང༌། སྐུུ་ཕྲེང་ཕྱི་མ་ནི་བསོད་ནམས་ཕྱོགས་ཀྱི་གླང་པོ་ནས་ཉེ་བར་བཟུང་ད་ལྟའི་པཎ་ཆེན་ཆུང་སྲིད་རིན་པོ་ཆེ་དགེ་འདུན་ཆོས་ཀྱི་ཉི་མའི་བར་རིམ་པར་བྱོན་ཅིང༌། མ་འོང་ཤམ་བྷ་ལ་རུ། རིགས་ལྡན་དྲག་པོ་འཁོར་ལོ་ཅན་གྱི་སྐྱེ་བར་བཞེས་ཏེ་ཀླ་ཀློའི་སྡེ་རྣམས་བཅོམ་ནས་ཤམ་བྷ་ལ་རུ་འཇམ་མགོན་བླ་མའི་བསྟན་པ་རིན་པོ་ཆེ་རྒྱ་ཆེར་སྤེལ་བར་ཡང་བཤད་དོ། །འདིའི་གསུང་གི་ལེགས་བཤད་ནི། ཕར་ཕྱིན་རྟོགས་དཀའི་སྣང་བ་དང༌། འདུལ་བ་ཐུབ་བསྟན་བྱི་དོར། ཚད་མའི་ཊིཀ་ཆེན་རིགས་པའི་རྒྱ་མཚོ། དབུ་མ་སྟོང་ཐུན། བསྐྱེད་རིམ་དངོས་གྲུབ་རྒྱ་མཚོ། དུས་འཁོར་ཊིཀ་ཆེན་དེ་ཉིད་སྣང་བ་སོགས་དཔྱད་གསུམ་དག་པའི་ལེགས་བཤད་པོད་ཆེན་བཅུ་གཉིས་ཙམ་བཞུགས། རྗེས་འཛིན་སློབ་མ་ཡང་དགའ་ལྡན་ཁྲི་ཐོག་བཞི་པ་ཞ་ལུ་ལེགས་པ་རྒྱལ་མཚན། ལྔ་པ་བློ་གྲོས་ཆོས་སྐྱོང༌། དྲུག་པ་ཅུང་པོ་བ་སོ་ཆོས་ཀྱི་རྒྱལ་མཚན། རྗེ་ཤེས་རབ་སེང་གེ མཁས་ཆེན་བསོད་ནམས་མཆོག་གྲུབ། ཀུན་མཁྱེན་འཕགས་པ་འོད། སྤྱན་སྔ་བ་བློ་གྲོས་རྒྱལ་མཚན། ཞང་ཞུང་ཆོས་དབང་གྲགས་པ། ཆོས་རྗེ་དོན་གྲུབ་དཔལ་སོགས་དགེ་ལྡན་བསྟན་པའི་རྒྱལ་མཚན་འཆང་བའི་སྐྱེས་ཆེན་དམ་པ་ཤིན་ཏུ་ཡང་མང་པོ་བྱུང༌། །

དགའ་ལྡན་ཁྲི་ཐོག་བཞི་པ་ཞ་ལུ་བ་ལེགས་པ་རྒྱལ་མཚན་ནི། རབ་བྱུང་དྲུག་པའི་ཤིང་ཡོས་༡༣༧༥ལོར་གཙང་ཞ་ལུར་སྐུུ་འཁྲུངས། སྐུུ་ན་ཆུང་དུས་ནས་ཞ་ལུ་དགོན་པའི་ཆོས་སྒོར་ཞུགས་ནས་རབ་བྱུང་མཛད། ཡི་གེ་འབྲི་ཀློག་དང་དགོན་དེའི་ཆོས་སྤྱོད་ཆོ་ག་སོགས་ལ་བརྩོན་པར་རྒྱ་ཆེར་བྱས་ཏེ་དབུ་མཛད་ཀྱང་གནང༌། ཞ་ལུ་གྲགས་པ་རྒྱལ་མཚན་དང༌། ཤངས་པ་ཀུན་མཁྱེན་བསྟེན་ནས་མདོ་རྒྱུད་གཞུང་ལུགས་ལ་བསླབས་པས་མཁས་པར་གྱུར། རྗེ་ཙོང་ཁ་པ་ཆེན་པོ་གཙང་ནས་དབུས་སུ་ཕེབས་དུས་ཞབས་ཕྱིར་བྱོན་ཏེ། རྗེ་བླ་མ་དང༌། རྒྱལ་ཚབ་ཆོས་རྗེ། འདུལ་འཛིན་གྲགས་པ་རྒྱལ་མཚན། མཁས་གྲུབ་དགེ་ལེགས་དཔལ་བཟང༌། བླ་མ་བཟང་སྐྱོང་བ། ཤར་པ་རིན་ཆེན་རྒྱལ་མཚན་སོགས་སྐྱེས་ཆེན་དམ་པ་དུ་མའི་དྲུང་ནས་མདོ་སྔགས་ཀྱི་གཞུང་ལུགས་དུ་མར་ཐོས་བསམ་ཉམས་བཞེས་མཛད་པས་ཡོངས་ཀྱི་དགེ་བའི་བཤེས་གཉེན་ཆེན་པོར་གྱུར། རྗེ་ཙོང་ཁ་པ་ཆེན་པོས། ནམ་ཞིག་ཆོས་སྐུུ་གཅིག་ཏུ་མ་གྱུར་བར་དུ། ངས་ཁྱོད་ཀྱི་བཤེས་གཉེན་བྱེད་པ་ཡིན་ནོ། ཞེས་ཐུགས་ཤིན་ཏུ་མཉེས་པའི་དབུགས་དབྱུང་བ་ཡང་བཤད། གདན་ས་དགའ་ལྡན་རྣམ་པར་རྒྱལ་བའི་གླིང་གི་དབུ་མཛད་གནང་བཞིན་པའི་མུར། རབ་བྱུང་བདུན་པའི་ས་ལུག་དགུང་ལོ་རེ་བཞི་པ་༡༤༣༩ལོར་འཇམ་མགོན་ཙོང་ཁ་པ་ཆེན་པོའི་རྒྱལ་ཚབ་ཏུ་དགའ་ལྡན་གསེར་ཁྲིར་ཞབས་སེན་འཁོར་ལོའི་རེ་ཁ་མངོན་པ་བཀོད་དེ་མི་ལོ་བཅུ་གཉིས་རིང་ཚོགས་པ་བསྐྱངས། རྗེ་བླ་མའི་རྡོ་རྗེ་འཇིགས་བྱེད་ཀྱི་ཆོས་སྐོར་ཀུན་དང་ཁྱད་པར་མན་ངག་གསུམ་གྱི་གདམས་པས་སྐལ་ལྡན་གྱི་མཁས་གྲུབ་དུ་མ་སྨིན་པར་མཛད། དགེ་འདུན་གྱི་སྡེ་ཡང་ཆོས་འཇིག་རྟེན་གཉིས་ཀས་བསྐྱངས་བས་དགེ་འདུན་གྱི་སྡེ་འཕེལ་ཞིང༌། ལོངས་སྤྱོད་ཀྱི་འདུ་ལོངས་ཡང་འདི་ཁོ་ནའི་དུས་ཆེ་བ་བྱུང༌། དགའ་ལྡན་གསེར་ཐོག་གི་འཕྲོ་ཡང་རྗེ་གདིས་གྲུབ་པར་མཛད། མཁས་ཤིང་བཙུན་པའི་རྣམ་ཐར་གཙང་མ་བདག་གིར་བཞེས་པ་ལས་རྩོད་མེདཡོངས་གྲགས་གྱི་སྡེ་སྣོད་འཛིན་པ་ཆེན་པོ་རྣམས་ཀྱང་ཞབས་ལ་བཏུགས་ཏེ་ཤིན་ཏུ་གུས་པ་ལྷུར་ལེན་པ་དང༌། ས་འབྲིའི་འཁོན་འགྲས་བྱུང་བར་མཐུ་ཟློག་གི་རྟགས་མཚན་ཆེ་བ་བསྟན་པས་མི་བསྲུན་པའི་སྐྱེ་བོ་ཀུན་ཀྱང་སྐྲག་ནས་ཞུམ་པར་གྱུར། དེར་བརྟེན་མཐུ་སྟོབས་དབང་ཕྱུག་ཞ་ལུ་བ་ཞེས་གྲགས་པ་བྱུང་སྟེ་ཞྭ་སེར་ཅོད་པན་འཆང་བའི་རིང་ལུགས་གཙང་མའི་རྒྱལ་མཚན་བླ་ན་བསྒྲེངས། གྲུབ་ཆེན་ཐང་སྟོང་རྒྱལ་པོས་བྲག་རལ་གྱི་ལྕགས་ཟམ་འཛུགས་པར་དགའ་ལྡན་གྲྭ་པ་ཚོ་ཟམ་རྡོའི་ཞལ་འདེབས་ཞུ་མཁན་གཏོང་བ་སོགས་ལུགས་གཉིས་གནས་ལ་གཟིགས་པ་ཤིན་ཏུ་ཡང༌། འཕྱོངས་རྒྱས་ནང་སོ་དང༌། སྡེ་པ་སྣེའུ་གདོང་པ་གཉིས་འཁོན་པའི་འཁྲུག་ཟིང་བྱུང་སྐབས། འཕྱོངས་རྒྱས་པས་ཞུས་ངོར་དམག་བརྒྱབ་ཀྱི་སྐུུ་བསྲུང་ཕྱག་མདུད་ཅིག་གནང་བ་ལས་གཡུལ་སར་རྟ་ལ་མདུང་ཐེབས་ཀྱང་མ་ཕིགས་པ་སྲུང་མདུད་ཀྱིས་སྐྱོབ་པར་བཤད། འཕྱོངས་རྒྱས་ནང་སོ་དཀོན་མཆོག་རིན་ཆེན་ལ་གདུང་རྒྱུད་མ་བྱུང་བར། སོ་སོར་འབྲངས་མའི་སྒོ་ནས་སྲིད་བསྐྱེད་པས་བུ་རྡོ་རྗེ་ཚེ་བརྟན་བྱུང་ཞིང་ཕྱིས་དེས་འཕྱོངས་རྒྱས་རི་བོ་བདེ་ཆེན་དགོན་འདེབས་པའི་ཡོན་བདག་བྱས། གོང་ས་ལྔ་པ་ཆེན་པོ་ཡང་འདིའི་གདུང་རྒྱུད་ལས་འཁྲུངས་པ་ཡིན་ནོ། རྗེ་འདི་ཉིད་ཞལ་བཞུགས་རིང་སྡེ་པ་འཕྱོངས་རྒྱས་པས་དཔོན་སློབ་ཐམས་ཅད་ལ་ཟས་གོས་ཀྱི་མཐུན་རྐྱེན་ལྷུག་པོར་སྦྱོར། གཟིམ་ཁང་ཤོད་དུ་གསང་བདེ་དུས་འཁོར་གསུམ་གྱི་གསེར་སྐུུ་མི་ཚད་མ་བཞེངས་པ་སོགས་སྐུུ་གསུང་ཐུགས་རྟེན་ཡང་རྒྱ་ཆེར་བཞེངས་པར་མཛད། མཐར་རབ་བྱུང་བརྒྱད་པའི་ལྕགས་རྟ་༡༤༥༠ལོའི་ཧོར་ཟླ་དྲུག་པའི་ཚེས་ཉེར་བཞི་ལ་དགོངས་པ་ཆོས་དབྱིངས་སུ་ཐིམ་དུས་གསེར་གྱི་མེ་ཏོག་གི་ཆར་བབས། སྐུུ་གདུང་ཞུགས་སུ་ཕུལ་བ་ལས་དབུ་ཐོད་ལ་རྡོ་རྗེ་འཇིགས་བྱེད་ཞལ་ཕྱག་ཡོངས་སུ་རྫོགས་པར་བྱོན་པ་གཟུངས་གཞུག་ཏུ་བྱས་ཏེ་དངུལ་གྱི་རྣམ་རྒྱལ་མཆོད་རྟེན་བཞེངས་པ་དགའ་ལྡན་གསེར་གདུང་ཁང་གི་གཙོ་བོའི་གཡས་ཀྱི་གསུམ་པར་བཞུགས། འཕྱོངས་རྒྱས་རི་བོ་བདེ་ཆེན་དགོན་གྱིས་ཀྱང་རྗེ་འདིའི་དུས་མཆོད་སྲུང་པར་བྱེད། རྗེ་འདི་ཉིད་སྟོན་པའི་སྤྱན་སྔར་བྱང་སེམས་དྲི་མེད་གྲགས་པའི་སྐྱེ་བར་བཤད་ཅིང༌། སྐུུ་རབས་ཕྱི་མ་རྣམས་ནི་རྗེ་འཇམ་དབྱངས་བཞད་པ་སྐུུ་ཕྲེང་རིམ་བྱོན་རྣམས་ཡིན་ཞེས་ཆ་ཧར་དགེ་བཤེས་བློ་བཟང་ཚུལ་ཁྲིམས་ཀྱིས་རྗེའི་རྣམ་ཐར་བདེ་ལེགས་ཀུན་གྱི་འབྱུང་གནས་སུ་གསུངས། གསུང་སྐྱེས་སློབ་མ་ཡང་རྗེ་ཡབ་སྲས་ཀྱི་བུ་སློབ་ཕྱི་ཚར་ཕལ་ཆེ་བ་རྗེ་འདིའི་སློབ་མ་ཡིན་ནོ། །

དགའ་ལྡན་ཁྲི་ཐོག་ལྔ་པ་གཡག་སྡེ་བློ་གྲོས་ཆོས་སྐྱོང་ནི། རབ་བྱུང་བདུན་པའི་ས་སྦྲུལ་༡༣༨༩ལོར་གཙང་གཡག་སྡེར་སྐུུ་འཁྲུངས། དགུང་ལོ་ཆུང་ངུའི་དུས་ནས་གཙང་གི་ཆོས་ལུང་ཚོགས་པར་སྟོད་འདུལ་ལུགས་ཀྱིས་རབ་ཏུ་བྱུང༌། ན་སོན་པ་དང་དབུས་སུ་ཕེབས་ཏེ། སྦལ་ཏི་ཆེན་པོའི་གདན་ས་སྐྱོ་མོ་ལུང་གི་གདན་རབས་བཞི་པ་དབོན་ཆོས་སྐྱོང་བཟང་པོའི་དྲུང་ནས་འདུལ་བ་སུམ་བརྒྱ་པ་དང༌། ལས་བརྒྱ་བ། མདོ་རྩ་བ། ལུང་གཞི་སོགས་དང༌། མངོན་པ་ཀུན་ལས་བཏུས་རྩ་འགྲེལ་དང་མཛོད་རྩ་འགྲེལ་སོགས་མངོན་པ་གོང་འོག་ལ་གསནཔཎ་ཆེན་འདུལ་བའུ་ཆོས་འབྱུང་༤༡། རྗེ་ཙོང་ཁ་པ་ཆེན་པོ་དང༌། རྒྱལ་ཚབ་ཆོས་རྗེ་ཟུང་དང་ལྷག་པར་མཁས་གྲུབ་ཐམས་ཅད་མཁྱེན་པ་ཡུན་རིང་དུ་བསྟེན་ནས། འདུལ་མངོན་དང་ཡང་དགོས་དབུ་ཕར་གྱི་གཞུང་གིས་མཚོན། མདོར་ན་མདོ་སྔགས་གཞུང་ལུགས་རྒྱ་མཚོ་ལྟ་བུ་ལ་གཞན་དྲིང་མེད་པའི་མཁས་པ་བསླབ། དགའ་ལྡན་དུ་དགེ་བསྐོས་མཛད་ནས་དགེ་འདུན་གྱི་སྐུུ་སྤྱོད་དང་ཆོས་ཚོགས་རྩོད་གྲྭ་ཤིན་ཏུ་འཕེལ་བར་མཛད། རྗེ་འདིར་དགེ་བསྐོས་སྐབས་ཀྱི་ལྕག་རྒྱུག་དགའ་ལྡན་རྡོ་ཁང་དུ་ཡོད་པས་དུས་ཕྱིས་ཀྱང་རྡོ་ཁང་ནས་དགའ་ལྡན་གསེར་ཁྲིར་ཕེབས་མཁན་དུ་མ་བྱུང་བ་སྣང༌། རྗེའི་སྲས་ཀྱི་ཐུ་བོ་རྣམས་ཀྱིས་རྗེས་ནས་གཡག་སྡེ་པ་འདི་ཉིད་ཁོ་ན་མཁས་བཙུན་བཟང་པོའི་ཡོན་ཏན་བཟང་བ་ལ་བརྟེན་ནས། ཆོས་རྗེ་ཞ་ལུ་བའི་རྗེས་སུ་དགའ་ལྡན་གསེར་ཁྲིར་མངའ་གསོལ་ལ་ཉེ་བ་ན། རྗེ་འདི་ཉིད་ཀྱིས་རྗེ་བླ་མའི་གསེར་ཁྲིར་བཞུགས་པ་མ་འདོད་ནས་མཚན་མོར་བྲོས་ནས་བྱོན་པ་ན། དམ་ཅན་ཆོས་ཀྱི་རྒྱལ་པོའི་འཕྲུལ་གྱིས་ཞབས་བསྙྙུངས་ནས་ཕེབས་མ་ཐུབ་པས། ཕྱིས་གདན་དྲངས་ཏེ་ཆོས་རྗེ་ཞ་ལུ་བ་ཁྲི་ལས་འཕོས་མཚམས། དགུང་ལོ་རེ་གཉིས་པ་རབ་བྱུང་བརྒྱད་པའི་ལྕགས་རྟ་༡༤༥༠ལོར་དགའ་ལྡན་གསེར་ཁྲིར་ཞབས་སོར་འཁོད་དེ་མི་ལོ་ཧྲིལ་པོ་བཅུ་གསུམ་རིང་དགའ་ལྡན་རྣམ་པར་རྒྱལ་བའི་གླིང་དུ། ལམ་རིམ་ཆེ་ཆུང་དང༌། བླ་མ་ལྔ་བཅུ་པ། རྩ་ལྟུང་རྣམ་བཤད་ཆེ་ཆུང༌། རྡོ་རྗེ་འཇིགས་བྱེད་ཀྱི་རྒྱུད་རྟོགས་བདུན་དང་རྟོགས་པ་གསུམ་པ། རྭ་ལོའི་ཤོག་དྲིལ་གསུམ། དུས་འཁོར། འཇིགས་བྱེད་བསྐྱེད་རྫོགས། བརྟག་གཉིས་ཊིཀྐ། འདོད་འཇོ། རྒྱུད་བླ་མ་སོགས་མདོ་སྔགས་ཀྱི་ཆོས་འཁོར་རྒྱ་ཆེར་བསྐོར། དགའ་ལྡན་རྣམ་པར་རྒྱལ་བའི་གླིང་དུ་གསར་མ་ལྷ་ཁང་གསར་བཞེངས་གནང༌། དགུང་ལོ་དོན་ལྔ་པ་རབ་བྱུང་བརྒྱད་པའི་ཆུ་ལུག་༡༤༦༣ལོར་ཁྲི་ལས་ཟུར་ནས་ལོ་དེའི་བོད་ཟླ་དགུ་པའི་ཚེས་ལྔ་ལ་དགོངས་པ་ཆོས་དབྱིངས་སུ་ཐིམ། ཞེས་བཀའ་གདན་ཆོས་འབྱུང་ཡིད་ཀྱི་མཛེས་རྒྱན་དུ་གསུངས་ཤིང༌། གཞན་དུ་ཀུན་སྤངས་མཛད་ནས་ལོ་གསུམ་བཞུགས་པའི་རྗེས་དགུང་ལོ་དོན་བདུན་པ་མེ་ཁྱི་༡༤༦༦ལོར་སྐུུ་གཤེགས་པར་བཤད། གདུང་རྟེན་དངུལ་གྱི་མཆོད་སྡོང་དགའ་ལྡན་དུ་རྗེའི་གསེར་སྡོང་ཁང་ན་བཞུགས། རྗེ་འདིས་རྩོམ་པའི་ལེགས་བཤད་ནི། མཁས་གྲུབ་ཆོས་རྗེའི་འཇིགས་བྱེད་བསྐྱེད་རིམ་དངོས་གྲུབ་རྒྱ་མཚོའི་འཕྲོ་དང༌། དུས་འཁོར་འགྲེལ་ཆེན་དེ་ཉིད་སྣང་བའི་འཕྲོ་སོགས་རྩོམ་པ་མཛད་སྣང༌། དགའ་ལྡན་དུ་མཆོད་ཁང་གསར་མ་བཏབ་པ་དང༌། སྟོན་པའི་གསེར་སྐུུ་ཆེན་མོ་དང་དངུལ་གདུང་ཆེན་པོ་གཅིག་གསར་བཞེངས་མཛད་པས་མཚོན་བཤད་སྒྲུབ་ལས་གསུམ་གྱིས་དགའ་ལྡན་རྣམ་པར་རྒྱལ་བའི་གླིང་དུ་འཕྲིན་ལས་བཟང་པོ་འཕེལ་བ་བྱུང་སྣང༌། གསུང་ལས་སྐྱེས་པའི་སློབ་མ་ཡང༌། ཞང་ཞུང་ཆོས་དབང་གྲགས་པ་དང༌། རྒྱུད་ཆེན་འཇམ་དབྱངས་དགེ་འདུན་འཕེལ། དགའ་ལྡན་ཁྲི་རབས་བརྒྱད་པ་རྗེ་སྨོན་ལམ་དཔལ་བ། ཆབ་མདོ་འཕགས་པ་ལྷ་སྐུུ་ཕྲེང་དང་པོ། གྲུབ་ཆེན་ཆོས་གྲགས་པ། འཇམ་དབྱངས་གཞོན་ནུ། མཁས་གྲུབ་ནོར་བཟང་རྒྱ་མཚོ་སོགས་ཚད་མའི་སྐྱེས་བུ་དམ་པ་ཤིན་ཏུ་མང་པོ་བྱུང༌། །འདི་ཉིད་མི་ལི་སྐྱབས་མགོན་སྐུ་ཕྲེང་དང་པོ་ཡིན་ཞིང༌། འདིའི་སྐུུ་རབས་ཕྱི་མ་མི་ལི་སྐྱབས་མགོན་སྐུུ་ཕྲེང་གཉིས་པ་སངས་རྒྱས་རྒྱ་མཚོ། གསུམ་པ་མི་ལི་སྐྱབས་མགོན་འཇམ་དབྱངས་བཟང་པོ། བཞི་པ་མི་ལི་སྐྱབས་མགོན་ངག་དབང་དཀོན་མཆོག་བསྟན་པའི་རྒྱལ་མཚན། ལྔ་པ་མི་ལི་ངག་དབང་ཕུན་ཚོགས་བསྟན་པའི་རྒྱལ་མཚན། དྲུག་པ་མི་ལི་ངག་དབང་དཔལ་ལྡན་རྒྱ་མཚོ་སོགས་རིམ་པར་བྱོན་པ་རྣམས་ཡིན་ནོ། །

དགའ་ལྡན་ཁྲི་ཐོག་དྲུག་པ་བ་སོ་ཆོས་ཀྱི་རྒྱལ་མཚན་ནི། གཙང་སྟོད་བྱང་པའི་དཔོན་རིགས་བཀྲ་ཤིས་དཔལ་བཟང་དང༌། ཡུམ་བུ་འདྲེན་རྒྱལ་མོའི་སྲས་སུ་རབ་བྱུང་བདུན་པའི་ཆུ་རྟ་༡༤༠༢ལོར་སྐུུ་འཁྲུངས། རྗེ་འདི་ཉིད་མཁས་གྲུབ་ཆོས་རྗེ་དང་ཡབ་ཡུམ་གཅིག་པའི་གཅུང་པོ་ཡིན། སྐུུ་ན་ཆུང་དུས་ནས་རབ་ཏུ་བྱུང་སྟེ་རྗེ་ཡབ་སྲས་ཀྱི་ཞབས་ལ་གཏུགས། ལྷག་པར་རང་གི་ཕུ་བོ་མཁས་གྲུབ་ཆོས་རྗེ་ཡོངས་འཛིན་དུ་བསྟེན་ནས་མདོ་སྔགས་གསུང་རབ་དགོངས་འགྲེལ་དང་བཅས་པར་གཞན་དྲིང་མེད་པའི་མཁས་པ་བསླབས། བྱང་ཆུབ་ལམ་རིམ་ཆེ་ཆུང་གི་ཁྲིད་དང༌། བདེ་གསང་འཇིགས་གསུམ་སོགས་བླ་མེད་རྒྱུད་སྡེ་དུ་མའི་དབང་ལུང་མན་ངག་རྒྱ་ཆེར་ཞུས། དེ་ནས་དགེ་ལྡན་སྙྙན་རྒྱུད་བསྟན་པའི་བདག་པོ་རྟོགས་ལྡན་འཇམ་དཔལ་རྒྱ་མཚོ་ལས་བྱང་ཆུབ་ལམ་གྱི་རིམ་པའི་བཀའ་ཁྲིད། གསང་བདེ་འཇིགས་གསུམ་གྱི་ཁྲིད་རྒྱུན་མན་ངག ཟབ་ལམ་གཅོད་ཀྱི་ཁྲིད་མན་ངག་ཞལ་ཤེས་དང་བཅས་པ། ལྷག་པ་རྗེ་ཙོང་ཁ་པ་ལ་འཇམ་དབྱངས་ཀྱིས་གནང་བའི་ཟབ་ལམ་བླ་མའི་རྣལ་འབྱོར་གྱི་སྒོ་ནས་སྙྙིགས་དུས་ཀྱི་ཚེ་ཐུང་གཅིག་ལ་ཟུང་འཇུག་སྒྲུབ་པའི་ཐབས་བླ་ན་མེད་པའི་གསང་བ་དགེ་ལྡན་སྙྙན་རྒྱུད་ཀྱི་མན་ངག་ཡོངས་སུ་རྫོགས་པ་ཞུས། རྗེ་དེ་ཉིད་ཀྱིས་འཇམ་དབྱངས་ཀྱི་ལུང་བསྟན་ལྟར་དགའ་ལྡན་སྤྲུལ་པའི་གླེགས་བམ་ཡང་ཆིག་རྒྱུད་ཀྱི་ཚུལ་དུ་གསང་བས་རྒྱས་བཏབ་སྟེ་གནང༌། གསང་ཕུའི་འཆད་ཉན་པར་གདན་དྲངས་པ་ལྟར་ཕེབས་ཏེ། སྡེ་བདུན་སོགས་ཀྱི་འཆད་ཉན་སྤེལ། དེ་ནས་གཙང་ལྷ་ལྡན་དུ་ཕེབས་ཏེ། བ་སོ་ལྷུན་གྲུབ་སྡེ་ཆེན་དུ་གཙོ་བོ་སྒྲུབ་པ་ལ་གཞོལ་བའི་ཞོར་དུ་སྐུལ་ལྡན་ལས་འཕྲོ་ཅན་གྱི་གདུལ་བྱ་མང་པོར་ཟབ་རྒྱས་ཆོས་ཚུལ་རྒྱ་ཆེར་གསུངས་པས་རྗེ་བ་སོ་བ་ཞེས་གྲགས། ཤབ་སྟོད་སེང་གེ་རྩེ་དང་ཉེ་བའི་སར་དབེན་གནས་རི་བོ་བདེ་ཆེན་ཕྱག་བཏབ་སྟེ་ཐུགས་དམ་ལ་རྩེ་གཅིག་ཏུ་གཞོལ། ཐུན་མཚམས་རྣམས་སུ་སྐལ་ལྡན་དུ་མར་ཆོས་ཚུལ་རྒྱ་ཆེར་གསུངས། སྐབས་ཤིག་གནས་དབེན་པ་ཞིག་ཏུ་འདུ་འཛི་ཡི་བྱ་བ་ཡོངས་སུ་བཏང་སྟེ་དཔལ་ལྡན་ཤ་ཝ་རི་ལྟ་བུ་སྒྲུབ་པ་མཐར་ཕྱིན་པ་ཞིག་མཛད་པར་བཞེད་པར། ནུབ་གཅིག་གནལ་ལམ་དུ་རྗེ་ཙོང་ཁ་པ་ཆེན་པོས་དགའ་ལྡན་གསེར་ཁྲིར་ཕེབས་ན་དགེ་ལྡན་བསྟན་པ་ལ་ཕན་པའི་ལུང་གིས་བསྐུུལ་མ་བྱུང་བ་དང༌། རྗེ་བཙུན་རྡོ་རྗེ་རྣལ་འབྱོར་མས་ཀྱང་རྗེའི་གསེར་ཁྲིར་ཕེབས་ན་དགའ་ལྡན་སྙྙན་རྒྱུད་ཀྱི་མན་ངག་འཛིན་པའི་སྐྱེས་ཆེན་དུ་མ་འབྱུང་བར་ལུང་བསྟན། སྐབས་དེར་ཆོས་རྗེ་གཡག་སྡེ་བ་བློ་གྲོས་ཆོས་སྐྱོང་ཁྲི་ལས་བཤོལ་ནས་ཀུན་སྤོང་དུ་ཕེབས་པར་བཞེད་པས་དགའ་ལྡན་དུ་སྡེ་སྣོད་འཛིན་པ་རྒན་གྲས་ཀུན་བཀའ་བགྲོས་ཏེ་ཐམས་ཅད་མཁྱེན་པ་དགེ་འདུན་གྲུབ་པ་འཕྲིན་ལས་ནམ་མཁའ་ལྟར་རྒྱས་པའི་སྐབས་ཡིན་པས་རྒྱལ་བ་གཉིས་པའི་རྒྱལ་ཚབ་ཏུ་དགའ་ལྡན་གསེར་ཁྲིར་གདན་དྲངས་པ་ཞལ་འཆམ་པ་ལྟར་ཞུས་ཀྱང༌། ཁོ་བོ་གདན་ས་བཀྲ་ཤིས་ལྷུན་པོ་དགྲ་ས་ཡོད་པ་འདི་ཁ་འཛིན་སྐྱོང་སྤེལ་གསུམ་གྱིས་དགེ་ལྡན་ལུགས་བཟང་ལ་སྨོན་རེ་ལགས་པས། མཁས་གྲུབ་ཆོས་རྗེའི་གཅུང་པོ་བ་སོ་ཆོས་ཀྱི་རྒྱལ་མཚན་ཁོང་ལུང་རྟོགས་ཀྱི་ཡོན་ཏན་བླ་ན་མཐོ་ཞིང་འཕྲིན་ལས་ཀྱི་འོད་སྣང་གང་སར་ཁྱབ་པས་དགའ་ལྡན་གསེར་ཁྲི་ལ་གདན་དྲོངས་ན་ཞེས་གསུངས་པ་ལྟར། ཆོས་རྗེ་འདི་ཉིད་ཤབ་སྟོད་ནས་ཐོག་མར་བཀྲ་ཤིས་ལྷུན་པོ་གདན་དྲངས། རྗེ་དགེ་འདུན་གྲུབ་པས་ཀྱང་གུས་ཕྱག་ལྷུར་མཛད་དེ་ཁྱོད་རྗེ་བླ་མའི་གདན་ས་བ་མངའ་གསོལ་ཟིན་པས་ཕྱག་ལན་གནང་མི་ཉན་པ་གསུངས། དེ་ནས་དགའ་ལྡན་དུ་ཕེབས་ཏེ་རབ་བྱུང་བརྒྱད་པའི་ཆུ་ལུག་༡༤༦༣ལོར་དགའ་ལྡན་གསེར་ཁྲིར་ཞབས་སོར་འཁོད། སྐལ་ལྡན་གྱི་གདུལ་བྱ་ཤིན་ཏུ་མང་པོར་རབ་བྱུང་དང་བསྙྙེན་རྫོགས་གནང༌། མདོ་སྔགས་ཀྱི་ཆོས་སྐོར་སྤྱི་དང་ལྷག་པར་བྱང་ཆུབ་ལམ་གྱི་རིམ་པའི་ཆོས་འཁོར་རྒྱ་ཆེར་བསྐོར། རྗེ་འདིའི་ལུང་རྟོགས་ཀྱི་ཡོན་ཏན་དང་རྗེ་བླ་མའི་སྙྙན་རྒྱུད་མན་ངག་གི་བྱིན་རླབས་ཀྱི་བཀའ་བབ་གཞན་ལས་ཆེ་བས། གནས་རྙིང་ཞབས་དྲུང་ཀུན་དགའ་བདེ་ལེགས་ལྟ་བུ་མཁས་པས་ཀྱང༌། ཁོ་བོ་གནས་རྙིང་བའི་རིགས་སུ་སྐྱེས་པའི་ང་རྒྱལ་མེད་ཀྱི་ཆོས་རྗེ་བ་སོ་བའི་སློབ་མ་ཡིན་སྙྙམ་པའི་ང་རྒྱལ་ཡོད། ཅེས་ཀྱང་གསུངས་སྐད། གསེར་ཁྲི་སྐྱོང་རིང་དགའ་ལྡན་གཙུག་ལག་ཁང་དུ་དྲི་གཙང་ཁང་གསར་བཏོད་དང་རིན་པོ་ཆེ་ལས་གྲུབ་པའི་རྒྱལ་བ་སེང་གེའི་ང་རོའི་སྐུུ་བརྙན་བྱིན་རླབས་ཀྱི་ཚན་ཁ་འབར་བ། རྗེ་བླ་མ་ནས་གཡག་སྡེ་བ་བློ་གྲོས་ཆོས་སྐྱོང་བར་ཀྱི་གདན་ས་རྣམས་ཀྱི་སྐུུ་འདྲ་ཡང་བཞེངས་ཏེ་བཞུགས་སུ་གསོལ་བ་སོགས། མདོར་ན་བཤད་སྒྲུབ་ལས་གསུམ་གྱི་སྒོ་ནས་འཇམ་མགོན་རྒྱལ་བ་གཉིས་པའི་བསྟན་པ་བླ་ནས་བླ་ན་བཏེགས། ལྷག་པར་འཇམ་དབྱངས་ཀྱི་ལུང་གིས་ཟིན་པའི་སློབ་མ་གྲུབ་ཆེན་ཆོས་རྡོ་རྗེ་དང༌། སྟོད་ལུང་བ་དཔལ་ལྡན་རྡོ་རྗེ། ཁམས་པ་རྡོ་རྗེ་དཔལ་གསུམ་ལ་དགེ་ལྡན་སྙྙན་རྒྱུད་ཀྱི་མན་ངག་ལྐོག་ཆོས་སུ་མཛད་པས་སྐུུ་ཚེ་དེ་ཉིད་ལ་ཟུང་འཇུག་གི་གོ་འཕང་བསྙེས། བཀའ་ཆེན་ཡེ་ཤེས་རྒྱལ་མཚན་གྱིས། ལམ་རིམ་བླ་མ་བརྒྱུད་པའི་རྣམ་ཐར་ལས། འཇམ་མགོན་བླ་མའི་རྗེས་སུ་སློབ་པར་འདོད་པ་རྣམས་ལ་གདུལ་བྱ་རང་ངོས་ནས་ཉམས་ལེན་བྱུང་ཕྱིན་བསྟན་པ་འདི་ལ་འདི་ལྟ་བུའི་ཆོས་འགྲུབ་པའི་ཐབས་ཡོད་དོ་ཞེས་ཡིད་ཆེས་པའི་གནས་སུ་གྱུར་པ་ཡིན་པས་རྗེས་འཇུག་གདུལ་བྱ་རྣམས་ཀྱིས་ཚུལ་འདི་ངེས་པར་དུ་གོ་དགོས་པ་ཡིན་ནོ། ཞེས་ཀྱང་གསུངས་སྣང༌། རྗེ་འདིས་དབེན་ས་སྙྙན་རྒྱུད་ཀྱི་དགའ་ལྡན་སྤྲུལ་པའི་གླེགས་བམ་གྲུབ་ཆེན་ཆོས་རྡོ་རྗེ་ལ་གནང༌། དེས་རྗེ་དབེན་ས་པ་བློ་བཟང་དོན་འགྲུབ་ལ་གནང་བ་ནས་རྒྱུད་པའི་མན་ངག་བཟང་པོ་འདི་ལ་བརྟེན་ནས་གྲུབ་པའི་གོ་འཕང་མཐོན་པོར་གཤེགས་པ་ཤིན་ཏུ་མང་པོ་བྱུང༌། གསུང་གི་ལེགས་བཤད་ཀྱང་དཔལ་དུས་ཀྱི་འཁོར་ལོའི་བསྐྱེད་རིམ་དང༌། དགེ་ལུགས་ཀྱི་ཐུན་མོང་མ་ཡིན་པའི་སྙྙན་རྒྱུད་ཡིག་ཆུང་ཉེར་གཅིག དབུ་མའི་ལྟ་ཁྲིད། གསང་འདུས་བསྐྱེད་རྫོགས་ཀྱི་དམར་ཁྲིད། འཇིགས་བྱེད་བསྐྱེད་རིམ་རྣམ་བཤད། རྫོགས་རིམ་རིམ་ལྔའི་ཁྲིད་སོགས་པོད་ཆེན་གཅིག་ཙམ་བཞུགས་སྣང་ཞིང༌། རྗེས་འཛིན་སློབ་མ་ཡང་གོང་དུ་བགྲངས་པ་ལྟར་ཟུང་འཇུག་བརྙེས་པའི་སློབ་མ་གསུམ། གནས་རྙིང་ཀུན་དགའ་བདེ་ལེགས། འབྲས་སྤུངས་འཇམ་དབྱངས་དགའ་བའི་བློ་གྲོས། སེ་ར་རྗེ་བཙུན་ཆོས་ཀྱི་རྒྱལ་མཚན། ཁྱུང་པོ་དགེ་འདུན་བཟང་པོ་སོགས་སྐྱེས་ཆེན་དམ་པ་ཤིན་ཏུ་མང་པོ་བྱོན། སྔ་ཕྱིར་ལོ་ངོ་བཅུ་གཅིག་རིང་གསེར་ཁྲི་བསྐྱངས་ཏེ་འགྲོ་དོན་རྒྱ་ཆེར་སྐྱོང་བཞིན་པའི་མུར་རླུང་གི་རྒྱུ་བ་ལོག་པའི་ལྟས་བྱུང་བ་དང༌། དགུང་ལོ་དོན་གཉིས་པ་རབ་བྱུང་བརྒྱད་པའི་ཆུ་སྦྲུལ་༡༤༧༣ལོར་ཆོས་རྗེ་བློ་གྲོས་བརྟན་པ་གསེར་ཁྲིར་བཀོད་དེ་རང་ཉིད་ཀུན་སྤངས་མཛདདེ། ལོ་དེའི་ཟླ་བ་གཉིས་པའི་ཚེས་བཅོ་ལྔར་དགའ་ལྡན་བྱང་གླིང་དུ་ཞི་བར་གཤེགས། དགུན་དུས་སུ་མེ་ཏོག་གི་ཆར་འབབ་པ་སོགས་ཡ་མཚན་པའི་ལྟས་དུ་མ་བྱུང༌། གདུང་རྟེན་དངུལ་གྱི་མཆོད་སྡོང་དགའ་ལྡན་དུ་རྗེ་ཞ་ལུ་བའི་དངུལ་གདུང་གི་གཡས་ན་བཞུགས། འདིའི་སྐུ་ཕྲེང་གཉིས་པ་དབོན་པོ་ལྷ་སྐྱབས སྐུུ་ཕྲེང་གསུམ་པ་ལི་ཡུལ་ཆོས་རྒྱལ། སྐུུ་ཕྲེང་བཞི་པ་བ་སོ་ལྷ་དབང་ཆོས་ཀྱི་རྒྱལ་མཚན། སྐུུ་ཕྲེང་ལྔ་པ་ངག་དབང་ཆོས་ཀྱི་དབང་ཕྱུག སྐུུ་ཕྲེང་དྲུག་པ་ངག་དབང་དཀོན་མཆོག་ཉི་མ། སྐུུ་ཕྲེང་བདུན་པ་བློ་བཟང་དཔལ་ལྡན་རྒྱལ་མཚན། སྐུུ་ཕྲེང་བརྒྱད་པ་རྟ་ཚག་བློ་བཟང་བསྟན་པའི་མགོན་པོ། སྐུུ་ཕྲེང་དགུ་པ་རྟ་ཚག་ངག་དབང་བློ་བཟང་བསྟན་པའི་རྒྱལ་མཚན། སྐུུ་ཕྲེང་བཅུ་པ་རྟ་ཚག་ངག་དབང་དཔལ་ལྡན་ཆོས་ཀྱི་རྒྱལ་མཚན། སྐུུ་ཕྲེང་བཅུ་གཅིག་པ་རྟ་ཚག་ངག་དབང་སྐལ་བཟང་བསྟན་པའི་སྒྲོན་མེ། སྐུུ་ཕྲེང་བཅུ་གཉིས་པ་རྟ་ཚག་བློ་བཟང་ཐུབ་བསྟན་འཇིགས་མེད་རྒྱལ་མཚན། སྐུུ་ཕྲེང་བཅུ་གསུམ་པ་རྟ་ཚག་བསྟན་འཛིན་ཆོས་ཀྱི་རྒྱལ་མཚན་ད་ལྟར་བཀྲ་ཤིས་སྒོ་མང་གྲྭ་ཚང་དུ་ཐུགས་གཉེར་གནང་བཞིན་འཚོ་ཞིང་བཞུགས་པ་འདི་ཉིད་དོ། །

དགའ་ལྡན་ཁྲི་ཐོག་བདུན་པ་གཙང་བློ་གྲོས་བརྟན་པ་ནི། ཡུལ་གྱི་ལྷུམས་སུ་ཞུགས་པའི་ཚེ་ཌ་ཀི་མ་རྣམས་ཀྱིས་ཁྱོད་ནི་ཐུབ་བསྟན་རྒྱ་མཚོའི་མགོན་དུ་འགྱུར་ཞེས་ལུང་གིས་བསྟན། རབ་བྱུང་བདུན་པའི་ཆུ་རྟ་༡༤༠༢ལོར་གཙང་ཤངས་མགྲོན་ཁང་དུ་སྐུུ་འཁྲུངས། སྐུུ་ན་ཆུང་དུས་ནས་སྔོན་གྱི་བག་ཆགས་བཟང་པོའི་མཐུ་ཡོངས་སུ་བརྟས་ཏེ་བྱིས་པ་ཕལ་བ་གཞན་དང་མའི་འདྲ་བར་སྤྱོད་ལམ་དུལ་བ་སོགས་དམ་པའི་ཡོན་ཏན་ལྷན་སྐྱེས་སུ་མངའ། བཟོ་དང་སྒྱུ་རྩལ་གྱི་ཤེས་བྱ་མང་པོ་མ་བསླབས་པར་མཁྱེན། དད་ལྡན་སྐྱེ་བོ་གཞན་གྱིས་བསྐུལ་བ་ལྟར་རྒྱལ་ཚབ་ཐམས་ཅད་མཁྱེན་པ་དང་མཁས་གྲུབ་དགེ་ལེགས་དཔལ་བཟང་གཉིས་ཀྱིས་ཆོས་ཀྱི་འཁོར་ལོ་རྒྱ་ཆེར་བསྐོར་བའི་གདན་ས་གཙང་གནས་རྙིང་དུ་རབ་ཏུ་ཞུགས་ནས་ཆོས་ཞུགས་དང་སློབ་གཉེར་གནང་བས་ཕྱི་ནང་གི་གྲུབ་མཐའ་ཀུན་ལ་མཁས་པར་མ་ཟད་རྒྱལ་བའི་གསུང་རབ་ཀྱི་དགོངས་དོན་མ་འདྲེས་པར་འབྱེད་དཀའ་བ་རྣམས་ལེགས་བཤད་སྙིང་པོ་ལ་བརྟེན་ནས་ཇི་ལྟར་བ་བཞིན་འབྱེད་པས་གཙང་ཁུལ་དུ་མཁས་པའི་མཚན་སྙན་འབར། ཐེངས་གཅིག་གཟིམས་ལམ་དུ་སང་ཉིན་བུ་སྟོན་ཆོས་རྗེ་འི་གདན་ས་ཞ་ལུ་དགོན་དུ་ཕེབས་ན་དེར་སྤྱན་རས་གཟིགས་ཀྱི་དབང་སྐུར་གནང་བཞིན་ཡོད་པ་དེ་ཞུས་ན་སྤྱན་རས་གཟིགས་ཀྱིས་བྱིན་གྱིས་རླབས་ཚུལ་ལུང་བསྟན་བྱུང་བས། སང་ཉིན་དེར་ཕེབས་སྐབས་སྤྱན་རས་གཟིགས་ཀྱི་དབང་གནང་གི་ཡོད་པ་དང་འཕྲོད་དབང་གནང་མཁན་བླ་མ་སུ་ཡིན་ཤེས་མ་བྱུང་པས་རྨི་ལམ་ལ་ངེས་ཤེས་རྙེད་པ་བྱུང༌། དབང་ཞུས་ནས་སྒྲུབ་པ་ལ་བཞོལ་བས་དངོས་གྲུབ་བརྙེས་པའི་རྟགས་ཐོན། སྐུུ་ན་སོན་པ་དང༌། དྭགས་པོ་ངག་དབང་གྲགས་པས་མཛད་པའི་རྗེ་འདིའི་གསོལ་འདེབས་ལས། པད་དཀར་ཅན་གྱི་ཞིང་དུ་ལེགས་བཞུགས་ཚེ།།འཇམ་དཔལ་སྙིང་པོའི་ཡོངས་རྫོགས་གདམས་པའི་གནད།།དཔའ་བོ་ཁྱོད་ཀྱིས་དབུས་ནས་ལོངས་ཤིག་ཅེས།།རྒྱལ་བས་རབ་ཏུ་སྐུལ་ལ་གསོལ་བ་འདེབས།།ཞེས་གསུངས་པ་ལྟར་གཙང་གི་གནས་རྙིང་གདན་ས་ལ་བཞུགས་པའི་སྐབས་རྒྱལ་བ་མ་ཕམ་པས་ཁྱོད་དབུས་སུ་སོང་ལ་རྗེ་ཙོང་ཁ་པའི་དྲུང་ནས་སྐྱེས་བུ་གསུམ་གྱི་གདམས་པའི་གནད་མཐའ་དག་ཞུས་ཤིག་ཅེས་ལུང་བསྟན་ཚད་མ་བྱུང་བ་ལ་བརྟེན་ནས་དབུས་སུ་ཕེབས་ཏེ། རྗེ་ཙོང་ཁ་པ་ཆེན་པོ་དང༌། རྒྱལ་ཚབ་ཆོས་རྗེ་སོགས་ལ་བརྟེན་ནས། བྱམས་ཆོས་ལྔ་དང༌། རིགས་ཚོགས་དྲུག མངོན་པ་གོང་འོག འདུལ་བ༌། ཚད་མ། མདོ་སྔགས་ཀྱི་ལམ་རིམ། དྲང་ངེས་རྣམ་འབྱེད། རྩ་འཇུག་བཞི་གསུམ་གྱི་རྩ་འགྲེལ་སོགས་འཕགས་བོད་ཀྱི་གཞུང་ལུགས་ཆེན་པོ་དུ་མར་བརྩོན་པར་མཛད་པས་མཁས་མང་ཚོགས་པའི་མདུན་སར་རྒྱལ་བའི་གསུང་རབ་དགོངས་འགྲེལ་དང་བཅས་པར་འཆད་རྩོད་རྩོམ་གསུམ་ལ་གཞན་དྲིང་མི་འཇོག་པའི་མཁས་པར་གྱུར། ལྷག་པར་བྱམས་ཆོས་ལ་མཁས་པའི་མཚན་སྙྙན་གང་སར་འབར། གསང་ཕུ་ཁུ་སྤེ་གྲྭ་ཚང་གིས་འཆད་ཉན་པ་གདན་དྲངས་པ་ལྟར་ཕེབས་ནས་སྡེ་བདུན་མདོ་དང་བཅས་པའི་བཤད་པ་རྒྱ་ཆེར་མཛད། རྗེ་ཡབ་སྲས་རྣམསཀྱི་མདུན་ནས་སྨིན་ལམདབང་བཞི་ནོད་པ་དང་སྐྱེས་བུ་གསུམ་གྱི་སྲུང་མ་དང་འདོད་ཁམས་དབང་ཕྱུག་མ་སོགས་བདུད་འདུལ་དངོས་གྲུབ་སྟེར་པའི་བསྟན་སྲུང་རྣམས་དང༌། དཔལ་ལྡན་འདུས་པ་དང་འཇམ་དབྱངས་དྲག་པོ། དུས་ཀྱི་འཁོར་ལོ་དང་འཁོར་ལོ་སྡོམ་པ་སོགས་རྒྱུད་སྡེ་རྒྱ་མཚོའི་ཤིན་ཏུ་ཟབ་པའི་དོན་མཐའ་དག་གདམས་པར་ཤར། དེ་ནས་རྗེ་ཙོང་ཁ་པ་ཆེན་པོས་རྗེ་འདི་ཉིད་ལ་བྱང་ཆུབ་ལམ་རིམ་ཆེན་མོའི་གླེགས་བམ་ཞིག་གནང་ནས་ལྷོ་ཁ་དང་དྭགས་པོའི་ཕྱོགས་སུ་བྱང་ཆུབ་ལམ་གྱི་རིམ་པའི་འཆད་ཉན་སྤེལ་བའི་ཆེད་ཆོས་སྡེ་ཞིག་གསར་འདེབས་དགོས་པའི་ལུང་གི་ཞལ་བཀོད་གནང་བ་ལྟར་ཨེ་དྭགས་ཀྱི་ཕྱོགས་སུ་བྱོན་ཏེ། རང་ཉིད་མ་གྲོལ་བར་གཞན་སྒྲོལ་བའི་སྲོལ་དེ་ཀོ་དགེ་ལྡན་པའི་ལུགས་མིན་པས་དེས་ན་ཐོག་མར་ཡ་ཀླུང་ཨེ་དྭགས་ཀྱིཕྱོགས་སུ་བྱ་བྲལ་ལ་ཕེབས་ཏེ་རྩེ་གཅིག་སྒྲུབ་པ་ལ་གཞོལ་བས་རྣམ་འབྱོར་དབང་ཕྱུག་མི་ལ་བཞེད་པའི་རྡོ་རྗེས་རྗེས་སུ་བཟུང༌། རྒྱལ་བའི་རྒྱལ་ཚབ་ཨ་ཏི་ཤཱ་དང་མཇལ། སྐྱེ་བ་སྔ་མ་རྣམས་ལག་མཐིལ་གྱི་རྫས་བཞིན་གཟིགས། དཔལ་ལྡན་འཇིགས་མེད་བསྟན་པའི་ཉི་མའི་དྲུང་ནས་འཇམ་དབྱངས་ཀྱི་ཆོས་སྐོར་ཞུས་པས་ཇི་སྲིད་འཇམ་དབྱངས་ཆོས་སྐོར་ཞུས་པ་དེ་སྲིད་དུ་འཇམ་དབྱངས་ཀྱིས་ཞལ་དངོས་སུ་གཟིགས། སྒྲིབ་པ་བྲལ་བ་དང་རྟོགས་པ་སྨིན་པའི་རྟགས་དང་མཚན་མ་དུ་མ་བྱུང༌། ཐ་མལ་སྣང་ཞེན་ཀུན་སྨུན་སྤྲིན་བཞིན་ཡལ། ཐུན་མོང་གྲུབ་པ་བརྒྱད་དང་ཐུན་མོང་མ་ཡིན་པའི་དངོས་གྲུབ་ཀྱི་མཛོད་ལ་དབང་འབྱོར། དེ་ལྟར་རྟོགས་པའི་ཀློང་བརྡོལ་བ་ན་གནས་དེར་སྡེ་སྣོད་སྤྱི་དང་ཁྱད་པར་བྱམས་ཆོས་སྡེ་ལྔ་དང་དེའི་མན་ངག་བྱང་ཆུབ་ལམ་རིམ་ཆེན་མོ་ཐུགས་ཐོག་རང་ནས་འཆད་སྤེལ་ལན་མང་དུ་མཛད་པས། དྭགས་པོ་མཁན་ཆེན་ངག་གི་དབང་པོ་བློ་གྲོས་མཐའ་ཡས་དང་དྭགས་པོ་དཀའ་བཅུ་གྲགས་པ་མཐའ་ཡས། སྤྱན་སྔ་བ་རྡོ་རྗེ་རྒྱལ་མཚན་སོགས་མཁས་གྲུབ་གཉིས་ལྡན་གྱི་སྐྱེས་ཆེན་དམ་པ་ཤིན་ཏུ་མང་པོ་འདུས། ཤར་ཕྱོགས་བསྟན་པའི་སྒྲོན་མེ་དྭགས་པོ་གྲྭ་ཚང་ཕྱག་བཏབ་སྟེ་དེ་ཉིད་གདན་ས་མཛད། འཇམ་མགོན་ཆོས་ཀྱི་རྒྱལ་པོ་ཙོང་ཁ་པ་ཆེན་པོ་ཡབ་སྲས་ཀྱི་བཞེད་པ་གཞིར་བཟུང་གིས་ལམ་རིམ་ཆེ་ཆུང་དང༌། སྔགས་བསྐྱེད་རྫོགས། དབུ་ཕར། འདུལ་མཛོད་སོགས་ཀྱི་བཤད་པ་རྒྱ་ཆེར་མཛད་དེ་དྭགས་པོའི་ཁུལ་དུ་སྤྱི་ཐུབ་པའི་བསྟན་པ་དང་སྒོས་སུ་དགེ་ལྡན་གསེར་སྦྱངས་རིང་ལུགས་གཙང་མའི་སྲོལ་བཟང་ཤིན་ཏུ་དར་བ་མཛད་པས་དུས་ཕྱིས་ཀྱང་གདན་ས་འདི་ནས་དགའ་ལྡན་ཁྲི་ཆེན་སོ་ལྔ་པ་འཇམ་དབྱངས་བླ་མ་དཀོན་མཆོག་ཆོས་འཕེལ་དང༌། དགའ་ལྡན་ཁྲི་ཐོག་སོ་དྲུག་པ་ཀོང་པོ་བསྟན་འཛིན་ལེགས་བཤད། དགའ་ལྡན་ཁྲི་ཐོག་སོ་བརྒྱད་པ་དྭགས་པོ་བསྟན་པ་རྒྱལ་མཚན་དང༌། ཁྲི་ཐོག་ཞེ་གསུམ་པ་ཆོས་རྗེ་བྱམས་པ་བཀྲིས། ང་གཉིས་པ་ངྭགས་པོ་ངག་དབང་ཚེ་འཕེལ། གཞན་ཡང་ལམ་རིམ་འཁྲིད་ཆེན་བརྒྱད་ཀྱི་ཡ་གྱལ་དྭགས་པོའི་མཆན་ཞེས་སུ་གྲགས་པ་དེ་ཉིད་མཛད་པ་པོ་ཐུགས་སྲས་ངག་དབང་གྲགས་པ་དང༌། མདོ་སྨད་བྱང་རྒྱུད་ཀྱི་གདན་ས་ཆེན་པོ་དགེ་ལུང་བྱམས་པ་གླིང་ཕྱག་འདེབས་པ་པོ་རྒྱལ་སྲས་དོན་ཡོད་ཆོས་ཀྱི་རྒྱ་མཚོ། འཁོན་སྟོན་དཔལ་འབྱོར་ལྷུན་གྲུབ། དྲུང་པ་རྒྱལ་ཚབ་བློ་བཟང་བརྩོན་འགྲུས། སྒྲུབ་ཁང་དགེ་ལེགས་རྒྱ་མཚོ། དཔལ་ལྡན་སྨད་རྒྱུད་གྲྭ་ཚང་གི་ཡིག་ཆ་དཔལ་གསང་བ་འདུས་པའི་བསྐྱེད་རྫོགས་ཀྱི་སྐོར་རྩོམ་པ་མཛད་མཁན་དྭགས་པོ་ནམ་མཁའ་གྲགས་པ། བྱང་ཆུབ་ལམ་གྱི་རིམ་པའི་བཀའ་བབ་བསྟན་པོའི་བདག་པོ་དྭགས་པོ་བསྐལ་བཟང་མཁས་གྲུབ་དང༌། དྭགས་པོ་འཇམ་དཔལ་ལྷུན་གྲུབ་སོགས་མཐོན་པོའི་ཁྲི་ལ་མཛེས་པའི་བླ་ཆེན་དང༌། འཕྲིན་ལས་ཕྱོགས་བརྒྱར་བརྡལ་བའི་སྐྱེས་ཆེན། རྩེ་གཅིག་སྒྲུབ་པ་མཛད་པའི་བྱ་བཏང་རྣལ་འབྱོར་པ་ཤིན་ཏུའང་མང་པོ་བྱུང་སྣང་ལ། དབུས་ཀྱི་གདན་ས་ཆེན་པོ་གསུམ་གྱི་འོག་ནས། རྗེ་དགེ་འདུན་རྒྱ་མཚོའི་གདན་ས་རྒྱལ་བ་གྲྭ་ཚང་དང༌། མངའ་རིས་གྲྭ་ཚང༌། རྗེ་འདིས་ཕྱག་བཏབ་པའི་དྭགས་པོ་གྲྭ་ཚང་གསུམ་ལ་མངའ་དྭགས་རྒྱལ་གསུམ་ཞེས་བར་ལམ་ཞིག་ནས་མདོ་སྔགས་ཀྱི་འཆད་ཉན་ཆེས་ཆེར་འཕེལ་བའི་དབུས་ཀྱི་དགེ་ལྡན་པའི་གདན་ས་ཆེ་གྲས་སུ་ཆགས་མྱོང་པའི་ལོ་རྒྱུས་ཀྱང་གྲགས་ཆེ། གདན་སར་ཞེ་ཆགས་མི་འབྱུང་བའི་ཆེད་ས་གནས་གཅིག་ཏུ་ཡུན་རིང་མ་བཞུགས་པར་གདན་ས་དེར་འཆད་ཉན་པ་མཛད་ཞོར། འོལ་ཁ་དང༌། དྭགས་སྟོད། དྭགས་སྨད། ཨེ། རོང༌། དང་ཆུ་ལྷོ་རྒྱུད་ཡར་ཀླུང་སོགས་སུ་བྱོན་ཏེ་མདོ་སྔགས་ཀྱི་ལམ་རིམ་དང་བྱམས་ཆོས་ཀྱི་འཆད་ཉན་སྤེལ་བ་དང༌། གཞི་གསུམ་གྱི་ཉམས་ལེན་སོགས་ཆད་ཉན་སྒོམ་སྒྲུབ་ཁོ་ནས་དུས་འདའ་བར་མཛད་པས་ཆུ་ལྷོ་རྒྱུད་ཀྱི་ཁུལ་དུ་འཕྲིན་ལས་ཤིན་ཏུ་འཕེལ་བར་མ་ཟད། སྐབས་དེར་དགེ་ལྡན་པའི་ཁྲོད་ནས་ཉམས་དང་རྟོགས་པའི་གདིངས་ཐོབ་པ་དང་འཕྲིན་ལས་རྒྱས་ཤས་ཡིན་པས། དགའ་ལྡན་ཁྲི་ཐོག་དྲུག་པ་ཆོས་རྗེ་བ་སོ་པ་རྗེའི་གསེར་ཁྲི་ལས་ཟུར་པའི་ཚབ་ཏུ། དགེ་ལྡན་རིང་ལུགས་འཆང་བའི་གནས་བརྟན་རྒན་གྲས་ཀུན་གྱིས་རེ་དགོངས་ལྟར་རྗེ་འདི་ཉིད་བྱང་རྩེ་བརྒྱུད་ནས་དགའ་ལྡན་གསེར་ཁྲིར་ཕེབས་དགོས་ཀྱི་སྙན་སིང་བྱུང་བར་རྗེ་འདིས་སློབ་འབངས་རྣམས་ལ་རྗེ་བླ་མའི་གསེར་ཁྲིར་ཐོག་མར་ང་རང་འགྲོ། དེ་ནས་ཁྱོད་རྣམས་རིམ་པར་བཞིན་ཕེབས་ཏེ་རང་རེ་བླ་སློབ་ཚོས་རྗེའི་ལྟ་སྤྱོད་གཙང་མའི་བསྟན་པ་རིན་པོ་ཆེ་འདི་ཉིད་རྗེ་རང་གི་གདན་ས་དགའ་ལྡན་རྣམ་པར་རྒྱལ་བའི་གླིང་དུ་འཛིན་སྐྱོང་སྤེལ་གསུམ་གྱིས་རྒྱལ་བ་གཉིས་པའི་བསྟན་པའི་མཛེས་རྒྱན་དུ་འགྱུར་ངེས་བྱེད་དགོས། ཞེས་གདན་ས་འདི་ཉིད་ནས་འཇམ་མགོན་བླ་མའི་གདན་ས་འཛིན་པའི་འབྱུང་འགྱུར་སྐྱེས་ཆེན་དུ་མར་འབྱོན་པ་ཤུགས་ལ་ལུང་གིས་བསྟན་ནས། དྭགས་པོ་གྲྭ་ཚང་གི་གདན་ས་རང་གི་སློབ་མ་དྭགས་པོ་ངག་དབང་གྲགས་པར་བསྐོས་ནས་རང་ཉིད་དགའ་ལྡན་དུ་ཕེབས། དགུང་ལོ་དོན་གཉིས་པ་རབ་བྱུང་བརྒྱད་པའི་ཆུ་སྦྲུལ་༡༤༧༣ལོར་དགའ་ལྡན་རྣམ་པར་རྒྱལ་བའི་གླིང་དུ་མི་འཇིགས་སེང་གེའི་ཁྲི་ཕང་མཐོན་པོར་ཞབས་སོར་འཁོད། དགའ་ལྡན་དུ་བྱང་ཆུབ་ལམ་རིམ་ཆེན་མོ་སོགས་མདོ་སྔགས་ཀྱི་ཆོས་འཁོར་རྒྱ་ཆེར་བསྐོར། མྱུར་མཛད་མགོན་དང་རྣམ་སྲས་དུས་དགྲ་དམག་ཟོར་མ་སོགས་ཆོས་སྲུང་བྲན་དུ་ཁོལ། ཞྭ་སེར་བསྟན་ལ་རྒྱལ་བ་གཉིས་པ་སླར་ཡང་བྱོན་པ་ལྟར་བསྟན་པའི་ཁུར་རླབས་ཆེར་བཞེས་བཞིན་པའི་མུར། དགུང་ལོ་དོན་བརྒྱད་པ་རབ་བྱུང་བརྒྱད་པའི་ས་ཁྱི་༡༤༧༧ལོར་གདན་ས་རང་དུ་དགོངས་པ་ཆོས་དབྱིངས་སུ་ཐིམ་པའི་གདུང་རྟེན་དངུལ་གྱི་དབྱེན་ཟླུམ་མཆོད་རྟེན་རྗེའི་གསེར་གདུང་གི་གཡོན་གྲལ་བཞི་པར་བཞུགས། དྭགས་པོ་གྲྭ་ཚང་དུ་དུས་མཆོད་ཚུགས། གསུང་གི་ལེགས་བཤད་ཀྱང༌། མདོ་སྡེ་རྒྱན་དང༌། ཆོས་དབྱིངས་རྣམ་འབྱེད། དབུས་མཐའ་རྣམ་འབྱེད། རྒྱུད་བླ་མ་སྟེ་བྱམས་ཆོས་ཕྱི་མ་བཞིའི་ཊིཀྐ་དང༌། རྣམ་འགྲེལ་ལམ་བསྒྲིགས། འདུལ་བའི་ལས་ཆོས་རིན་ཆེན་ཕྲེང་བ། དགེ་ལྡན་ཆོས་འབྱུང་སོགས་དུ་མ་ཡོད་པར་སྣང༌། གསུང་ལས་སྐྱེས་པའི་སློབ་མ་ཡང་གཡའ་བཟང་བ་རྡོ་རྗེ་རིན་ཆེན་དང༌། དྭགས་པོ་བློ་གྲོས་མཐའ་ཡས། དྭགས་པོ་གྲགས་པ་མཐའ་ཡས། དྭགས་པོ་ངག་དབང་གྲགས་པ། སྤྱན་སྔ་བ་རྡོ་རྗེ་རྒྱལ་མཚན་སོགས་སྐྱེས་ཆེན་དམ་པ་དུ་མ་བྱུང་སྣང༌།

དགའ་ལྡན་ཁྲི་ཐོག་བརྒྱད་པ་ཆོས་རྗེ་རབ་འབྱམས་པ་སྨོན་ལམ་དཔལ་བ་ནི། རབ་བྱུང་བདུན་པའི་ཤིང་རྟ་༡༤༡༤ལོར། གཙང་གཡས་རུ་བྱང་གི་ཆར་སྐུུ་འཁྲུངས། སྐུུ་ན་ཆུང་དུས་ནས་ཐམས་ཅད་མཁྱེན་པ་དགེ་འདུན་གྲུབ་པ་རྩ་བའི་ཡོངས་འཛིན་དུ་བསྟེན་ནས་མདོ་ཕྱོགས་ཀྱི་གསུང་རབ་མཐའ་ཡས་པར་གསན་བསམ་རྒྱ་ཆེར་མཛད། རྗེ་ཤེས་རབ་སེང་གེ་ལས་རྒྱུད་ཀྱི་རྒྱལ་པོ་དཔལ་གསང་བ་འདུས་པའི་རྒྱུད་འགྲེལ་སོགས་རྒྱུད་སྡེ་རྒྱ་མཚོར་གསན་བསམ་རྒྱ་ཆེར་ཞུས། དབུས་སུ་ཕེབས་ནས་རྩེད་ཐང་དུ། པོ་ཏི་སུམ་ཅུ་སོ་དྲུག་གི་གྲྭ་སྐོར་མཛད། དཔལ་ལྡན་ས་སྐྱ་བའི་མཁས་པ་ཆེན་པོ་བྱམས་ཆེན་རབ་འབྱམས་པ་སངས་རྒྱས་འཕེལ་དང༌། འབྲས་སྤུངས་པའི་མཁས་པ་གཞུ་བསོད་པ་ཡང་རྩོད་པས་ཕམ་པར་མཛད་ཅེས་གྲགས། དབུས་གཙང་ཁུལ་དུ་མཁས་པའི་བྱ་བ་འཆད་རྩོད་རྩོམ་གསུམ་ཀའི་ཆ་ནས་འགྲན་ཟླ་མེད་པའི་སྙྙན་པ་ཆེས་ཆེར་འཕེལ། གསང་ཕུར་ཆོས་རྗེ་ཡོན་ཏན་རྒྱ་མཚོ་དང༌། འབྲས་སྤུངས་སུ་འཇམ་དབྱངས་ཆོས་རྗེ་གཉིས་ལ་གཞུང་ལུགས་དུ་མའི་ཆོས་འབྲེལ་གསན། སླར་ཡང་གཙང་དུ་ཕེབས་ཏེ། རིམ་པར་བཞིན་གཙང་པོའི་ལྷོའི་གྲྭ་ཚང་ཆེན་མོ་དང༌། དཔལ་གྱི་ཆོས་སྡེ་ཆེན་པོ་བཀྲིས་ལྷུན་པོ། གསེར་ཁང་གོང་རྣམས་སུ་འཆད་ཉན་པར་ཕེབས་ཏེ། འཕགས་བོད་ཀྱི་གཞུང་ལུགས་བརྒྱ་ཕྲག་དུ་མ་རྗེ་ཡབ་སྲས་ཀྱི་བཞེད་སྲོལ་གཙང་མའི་སྟེང་ནས་འཆད་ཉན་རྒྱ་ཆེར་སྤེལ་བས་གཙང་གི་ཁུལ་དུ་འཕྲིན་ལས་ཉི་ཟླའི་འོད་སྣང་ལྟར་གསལ་བར་མཛད། སླར་ཡང་དབུས་སུ་ཕེབས་ནས། སེ་རའི་རྒྱ་གྲྭ་ཚང་དང༌། ཤར་ཀྱི་མཚན་ཉིད་ཁང༌། ཐང་སྐྱ་སོགས་སུ་གདན་དྲངས་པ་ལྟར་ཕེབས་ནས་གཞུང་ཆེན་དུ་མའི་འཆད་ཉན་རྒྱ་ཆེར་མཛད་བཞིན་པའི་མུར་ཤར་རྩེར་ཕེབས་ནས་ལུགས་གཉིས་ཀའི་སྒོ་ནས་མཉམ་མེད་དགེ་ལྡན་རིང་ལུགས་ཀྱི་བསྟན་པ་རིན་པོ་ཆེ་བླ་ན་སྤེལ། སླར་ཡང་གཙང་ཕྱོགས་སུ་ཕེབས་ཏེ་ཐམས་ཅད་མཁྱེན་པ་དགེ་འདུན་གྲུབ་པའི་ཞབས་དྲུང་ནས་བཀའ་གདམས་གླེགས་བམ་ཆ་ལག་དང་བཅས་པ་གསན། དགའ་ལྡན་རྣམ་པར་རྒྱལ་བའི་གླིང་དུ་བཀའ་གདམས་གླེགས་བམ་གྱི་ལུང་རྒྱུན་སྤེལ་བ་དང༌། བཀའ་གདམས་པའི་བསྟན་པའི་ཁུར་ཆེན་པོ་བཞེས་དགོས་པའི་ཞལ་བཞེས་ཀྱང་དོན་གྱིས་མཛད། རྗེ་ཙོང་ཁ་པ་ཆེན་པོ་ཞི་བར་གཤེགས་ནས་བགྲང་བྱ་རེ་གཅིག་འཁོར་བའི་ས་ཕག་༡༤༧༩ལོར་ཤར་རྩེ་དང་བྱང་རྩེ་བར་འཁྲུག་རྩོད་བྱུང་བ་རྗེ་འདིས་ཐུགས་སྨོན་དང་ཐབས་ཇུས་རྒྱ་ཆེར་གནང་ནས་རྩོད་པ་ཆོས་ཕྱོགས་སུ་ཞི་བར་མཛད། དེའི་ཕྱི་ལོ་རབ་བྱུང་བརྒྱད་པའི་ལྕགས་བྱི་༡༤༨༠ལོར་དགའ་ལྡན་རྣམ་པར་རྒྱལ་བའི་གླིང་དུ་འཇམ་མགོན་རྒྱལ་བ་གཉིས་པའི་རྒྱལ་ཚབ་ཏུ་མི་འཇིགས་སེང་གེ་ཁྲི་ལ་ཞབས་སེན་འཁོར་ལོའི་རེ་ཁ་མངོན་པར་བཀོད་དེ། བཤད་སྒྲུབ་འཁོར་ལོ་གསུམ་གྱིས་འཇམ་མགོན་རྒྱལ་བ་གཉིས་པའི་བསྟན་པ་བླ་ན་སྤེལ། དེའི་ཕྱི་ལོ་རབ་བྱུང་བརྒྱད་པའི་ལྕགས་གླང་༡༤༨༡ལོར་ཆོས་རྗེ་རིན་ཆེན་བྱང་ཆུབ་པ་གདན་སའི་མཁན་ཁྲི་ལས་ཟུར་པའི་ཚབ་དུ་གདན་ས་འབྲས་སྤུངས་ཀྱི་ཁྲིར་ཕེབས་ཏེ་གདན་ས་དགའ་ལྡན་འབྲས་སྤུངས་གཉིས་ཀར་མདོ་སྔགས་ཀྱི་ཆོས་ཚུལ་རྒྱ་ཆེར་གསུངས། ལྕགས་གླང་༡༤༨༡ལོར་རི་སྤུངས་ནོར་བུ་བཟང་པོའི་བུ་ཀུན་ཏུ་བཟང་པོ་དང༌། དོན་ཡོད་རྡོ་རྗེ་གཉིས་ཀྱིས་གཙང་དམག་ཁྲི་གཅིག་ལྷག་ཙམ་དྲངས་ནས་དབུས་ཕྱོགས་ཀྱི་སྣེའུ་རྫོང་དཔོན་ངག་དབང་བསོད་ནམས་ལྷུན་པོ་དང༌། ངག་དབང་བསོད་ནམས་རྣམ་རྒྱལ་ཡུལལ་བྱོལ་དུ་འགྲོ་དགོས་པ་བཟོས། ཕག་གྲུ་སྡེ་སྲིད་ཀྱང་མིང་ཙམ་ལས་དབུས་གཙང་གཉིས་ཀྱི་བདག་དབང་ཕལ་ཆེ་བ་རི་སྤུངས་པའི་ལག་ཏུ་ལྷུང་ཞིང༌། གཙང་གི་རི་སྤུངས་དང་ཀཾ་ཚང་དབར་མཆོད་ཡོན་གྱི་འབྲེལ་བ་ཟབ་པ་དང༌། སྣེ་གདོང་དང་དབུས་ཀྱི་དགེ་སྡེ་པ་མཐུན་ལམ་ཟབ་པས་སྲིད་ཀྱི་ཁེ་དབང་ལ་འདོད་རྔམས་ཆེ་བའི་དབུས་གཙང་གི་སྡེ་པ་ཚོའི་ཇུས་ངན་འོག་བཀའ་དགེ་དབར་དྲི་ནག་འདྲེ་མཐོང་གིས་དོགས་ཟོན་བྱེད་པའང་བྱུང་སྣང་སྟེ། སུམ་པ་ཆོས་འབྱུང་དཔག་བསམ་ལྗོན་བཟང་ཤོག་གྲངས་ ༡༠༥ལས། ཀུན་བཟང་གི་བུ་རི་སྤུངས་སྡེ་པ་སྒར་པ་དོན་ཡོད་རྡོ་རྗེ་ནི་ཞྭ་དམར་ཆོས་གྲགས་རྒྱ་མཚོས་བསྐུལ་ཏེ་དབུས་སུ་ལྕགས་གླང་ནས་དམག་ཁྲི་ཙམ་དྲངས་ནས་དགེ་ལྡན་པའི་སྦྱིན་བདག་སྣེའུ་པ་རྫོང་པ་བཏོན་ནས་བོད་དབུས་བདག་ཏུ་བཟུང་ཡང་ཁྲི་སྨོན་ལམ་པས་གཏོར་ཆེན་གྱི་སྒོ་ནས་ལན་གཉིས་སུ་བཟློགས་པར་མཛད། ཞེས་བྲིས་འདུག་པ་ལས་དཔོག་ནུས་པས་སོ།། རབ་བྱུང་དེ་གའི་མེ་རྟ་༡༤༨༦ལོར་འབྲས་སྤུངས་པའི་གདན་སའི་ཁྲི་རྗེ་དབོན་བློ་བཟང་ཉི་མ་ལ་བཏོད། ཁུ་སྟོན་བརྩོན་འགྲུས་གཡུང་དྲུང་གི་སྐྱེ་བར་ཞལ་གྱིས་བཞེས། ལྷ་ས་ནས་སྡེ་བ་རི་སྤུངས་པས་དགའ་ལྡན་དུ་དམག་ཐེངས་གཉིས་དྲངས་པར་རྗེ་འདིས་མགོན་པོའི་གཏོར་ཆེན་རེ་རེ་འཕངས་པས། ཕ་རོལ་བའི་དམག་དཔུང་ལ་ནད་རིམས་ཀྱིས་འཆི་གད་ཅི་ཆེར་བྱུང་པས། དམག་རྣམས་ཕྱིར་འཐོན་བྱེད་དགོས་པ་བྱུང༌། མཐུ་སྟོབས་ནུས་པ་དང༌། མཁས་བཙུན་བཟང་གསུམ། འཆད་རྩོད་རྩོམ་གསུམ། ལྟ་སྒོམ་སྤྱོད་གསུམ་གྱིས་བསྡུས་པའི་བྱིན་རླབས་དང་བསོད་ནམས་ཀྱི་དཔུང་བ་བརྟན་པོའི་མཐུས་དགེ་ལྡན་རིང་ལུགས་འཛིན་པའི་འདུས་སྡེ་ཀུན་དང་བསྟན་པའི་སྦྱིན་བདག་ཀུན་ཀྱང་དད་དང་འདུན་པའི་མོས་གུས་ཀྱིས་དཔལ་དང་འབྱོར་པའི་མཐུན་རྐྱེན་དཔེ་མེད་སྦྱོར་བ་ལས། གཞིས་ཀ་བྲག་དཀར་དུ་རྒྱལ་བ་བྱམས་པའི་ཕོ་བྲང་བཞེངས་པ་སོགས་རྣམ་པར་དཀར་བའི་འཕྲིན་ལས་རྒྱ་ཆེར་སྤེལ། ས་བྱ་༡༤༨༩ལོར་རྒྱལ་དབང་ཀརྨ་པ་ཆེན་པོ་སྐུ་ཕྲེང་བདུན་པ་ཆོས་གྲགས་རྒྱ་མཚོ་རྒྱ་ནག་ནས་ཕྱིར་ལྷ་ལྡན་དུ་ཕེབས་སྐབས་ཁྲི་ཆེན་འདི་ཉིད་དང་འཇམ་དབྱངས་ལེགས་པ་ཆོས་འབྱོར་སོགས་ཀྱིས་གཙོས་པའི་སེར་འབྲས་དགེ་གསུམ་དང༌། བདེ་སྐྱོ་ཟུལ་གསུམ་སོགས་དགེ་ལྡན་པའི་དགེ་སློང་ཁྲི་ཕྲག་དུ་མའི་སེར་སྦྲེང་གིས་ཕེབས་བསུ་ཞུས་པ་སོགས་ཞྭ་དམར་སེར་གྱི་ཕྱོགས་འཛིན་མེད་པར་རེས་མེད་ཀྱི་རྣམ་ཐར་གཙང་མ་བདག་གིར་བསྐྱངས། སྔ་ཕྱི་མི་ལོ་བཅུ་རིང་ཁྲི་པ་མཛད། དགུང་ལོ་དོན་བདུན་པ་རབ་བྱུང་བརྒྱད་པའི་ལྕགས་ཁྱི་༡༤༩༠ལོར་ཁྲི་ལས་ཟུར་ནས་རྩེ་གཅིག་སྒྲུབ་པའི་རྒྱལ་མཚན་མཐོན་པོ་སྒྲེངས་བཞིན་པའི་མུར། དགུང་གྲངས་དོན་བརྒྱད་པ་རབ་བྱུང་བརྒྱད་པའི་ལྕགས་ཕག་༡༤༩༡ལོའི་ཧོར་ཟླ་བཅུ་གཅིག་པའི་ཚེས་ཉེར་གཉིས་ཉིན་པོ་ཏ་ལར་དགོངས་པ་དག་ཞིང་དུ་གཤེགས། སྐུུ་གདུང་ཞུགས་འབུལ་སྐབས་རྟེན་ངོ་མཚན་ཅན་དུ་མ་བྱུང་བ་རྣམས་བཞུགས་པའི་གདུང་རྟེན་དངུལ་གྱི་རྣམ་རྒྱལ་མཆོད་རྟེན་དད་ལྡན་བསོད་ནམས་གསོག་པའི་ཞིང་ས་དམ་པར་དགའ་ལྡན་རྣམ་པར་རྒྱལ་བའི་གླིང་དུ་བ་སོ་ཆོས་རྒྱན་པའི་དངུལ་གདུང་གི་གཡས་ངོས་སུ་བཞུགས། འདིའི་སྐུ་བརྙན་ཞིག་དགའ་ཤར་རྒྱུགས་སྤྲོད་ཁང་དུ་ཡོད་པར་ཆབ་རིལ་གྱིས་ཕྱག་འཚལ་ནས་ཡར་འཇུ་སྨོན་ལམ་འཚོགས་རྒྱུར་གནངས་བརྡ་ཕུལ་དགོས་ཤིང༌། དེ་སྔོན་ཆབ་རིལ་ཞིག་གིས་གནངས་བརྡ་ཕུལ་རྒྱུ་བརྗེད་པས་ལྗིད་ཆེ་བ་བྱུང་ནས་གདན་འདྲེན་ཞུ་དཀའ་བ་བྱུང་ཚུལ་སྐྱབས་རྗེ་འཛེ་སྨད་རིན་པོ་ཆེའི་དགའ་ལྡན་དང་འབྲེལ་བའི་ངག་སྒྲོས་ལོ་རྒྱུས་ཐོར་བུ་འགའ་ཤས་བཀོད་པའི་ནང་དུ་གསལ། རྗེ་འདི་ཉིད་ཀྱིས་རྗེ་ཙོང་ཁ་པའི་ཞབས་མ་ཟིན་ཀྱང་རྨི་ལམ་དུ་ཞལ་གཟིགས་ནས། ཆོས་འབྲེལ་ཡང་ཡང་བྱུང་བས་རྗེའི་དངོས་སློབ་ཏུ་བགྲང༌། གསུང་གི་ལེགས་བཤད་ཀྱང་རྣམ་འགྲེལ་ཊིཀ་ཆེན་མཛད་དེ་ད་ལྟའི་བར་འཕྲིན་ལས་འཕེལ་ཞིང་ཉེ་སྔོན་བྱེས་གྲྭ་བཀྲ་ཤིས་ལྷུན་པོས་པར་སྐྲུན་བྱས་ཏེ་འགྲོ་དོན་བསྐྱར་མ་འཕེལ། གསུང་ལས་སྐྱེས་པའི་སློབ་མ་ཡང་ཆོས་རྗེ་འདར་སྟོན་བློ་བཟང་གྲགས་པ། ཆོས་རྗེ་བ། དཀའ་བཅུ་བ་བློ་གྲོས་འཇམ་དཔལ། ལས་ཆེན་དཔལ་པ་སོགས་དགེ་ལྡན་བསྟན་པའི་རྒྱལ་མཚན་འཛིན་པའི་མཁས་གྲུབ་གཉིས་ལྡན་གྱི་སྐྱེས་ཆེན་ཤིན་ཏུ་མང་པོ་བྱོན། རྒྱལ་ཚབ་རྗེ་ནས་འདིའི་བར་འཇམ་དབྱངས་གཙང་པ་བདུན་རྒྱུད་ཞེས་གྲགས། བཀའ་གདམས་ཆོས་འབྱུང་ཡིད་ཀྱི་མཛེས་རྒྱན་དུ་རྗེ་འདི་ཉིད་འབྲས་སྤུངས་གདན་རབས་བརྒྱད་པར་འཁོད་འདུག་པ་ནི་ཡི་གེ་བས་གོ་རིམ་ནོར་བ་ཙམ་ལས་དོན་དུ་གདན་རབས་བཞི་པ་ཡིན་ཏེ་རྗེ་འདི་ཉིད་གདན་སའི་ཁྲིར་ཕེབས་ལོ་བཀའ་གདམས་ཆོས་འབྱུང་དུ་རབ་བྱུང་བརྒྱད་པའི་ལྕགས་གླང་༡༤༨༡ལོ་ཡིན་པ་གསལ་པོར་འཁོད་འདུག་པས་སོ།། རྗེ་དཔོན་བློ་བཟང་ཉི་མ་དང༌། རོང་སྟོན་བློ་བཟང་གྲགས་པ་སོགས་རྗེ་འདིའི་རྗེས་སུ་གདན་སར་ཕེབས་པ་ཤིན་ཏུ་གསལ་ཏེ་ཐུགས་ཡིད་མ་ཆེས་ན་བོད་རྒྱའི་ཚིག་མཛོད་ཀྱི་ལོ་ཚིགས་རེའུ་མིག་དང༌། བོད་ཀྱི་ལོ་རྒྱུས་གལ་ཆེན་ཁག་གི་ལོ་ཚིགས་རེའུ་མིག ཚེ་ཏན་ཞབས་དྲུང་གི་བསྟན་རྩིས་ཀུན་བཏུས་སོགས་ལ་ཞིབ་ཏུ་གཟིགས་ནས་ལོ་འཁོར་བགྲང་ན་ཤེས་ཐུབ་པས་འདིར་གསལ་བཤད་རྒྱས་པོ་ཞུ་དགོས་པ་མི་འདུག་གོ བཻཌཱུརྱ་སེར་པོ་དང༌། ཐུའུ་བཀྭན་གྲུབ་མཐའ་སོགས་དང་དེ་དག་དཔེ་བཤུས་བྱེད་མཁན་ཕྱིས་ཀྱི་ཆོས་འབྱུང་ཕལ་ཆེ་བའི་ནང་ཞིབ་འཇུག་ཅུང་ཟད་ཙམ་ཡང་མ་བྱས་པར་བཀའ་གདམས་ཆོས་འབྱུང་ལས་བྱུང་བའི་གོ་རིམ་སོར་བཞག་བྱས་པར་མ་གཏོགས། ཆོས་འབྱུང་དེའི་ལོ་ཚིགས་གསལ་པོར་བཀོད་པར་སྤྱན་ཟུར་ཙམ་ཡང་གཡོ་མི་འདུག་པ་ནི་མཛད་པ་པོ་དེ་དག་བསྟན་འགྲོ་གཉིས་ཀའི་ཁུར་དང་ཐུགས་བྲེལ་ཧ་ཅང་རྒྱ་ཆེ་བས་ཐུགས་ཁག་མེད་མོད། ཁོ་བོ་ལྟ་བུ་གྲྭ་ཆུང་ཉམ་ཆུང་ཞིག་ལ་ཐུགས་བྲེལ་དེ་འདྲ་མེད་སྟབས་ཞིབ་ཏུ་དཔྱད་པའི་ལུགས་སུ་བྱས་ཏེ་འབྲས་སྤུངས་གདན་རབས་ཀྱི་གོ་རིམས་འདི་བཞིན་བཅོས་པར་གཟུར་བོར་གནས་པའི་དཔྱད་ལྡན་ཚོས་དགའ་བར་བྱོས་ཤིག།

དགའ་ལྡན་ཁྲི་ཐོག་དགུ་པ་རྗེ་དབོན་བློ་བཟང་ཉི་མ་ནི། རབ་བྱུང་བདུན་པའི་ས་ལུག་༡༤༣༩ལོར་མདོ་སྨད་ཙོང་ཁའི་ཡུལ་དུ་རྗེ་བདག་ཉིད་ཆེན་པོའི་དབོན་པོར་སྐུུ་འཁྲུངས། ཆུང་དུས་ནས་དབུས་སུ་བྱོན་ཏེ། འཇམ་དབྱངས་ཆོས་རྗེའི་སློབ་མ་མུས་སྲད་པ་བློ་གྲོས་རིན་ཆེན་སེང་གེ་དང༌། མཁས་པ་ལྟག་ལེབ་པ་བྱང་ཆུབ་རྒྱལ་མཚན། སློབ་དཔོན་གྲགས་འོད་པ་སོགས་ལ་བསྟེན་ནས་ཚད་མ་དང༌། དབུ་ཕར། འདུལ་མཛོད་ཀྱི་གཞུང་ལུགས་ཆེན་པོ་རྣམས་ལ་བརྩོན་པས་གཞན་དྲིང་མི་འཇོག་པའི་མཁས་པའི་གོ་ས་བསྙྙེས། གསང་ཕུར་གཞུང་ཆེན་པོ་པོ་ཏི་ཉི་ཤུ་རྩ་གཉིས་ཀྱི་གྲྭ་སྐོར་མཛད་པའི་སྐབས་རྩོད་པའི་ཁྱུ་མཆོག་ཏུ་གྲགས་པའི་སློབ་དཔོན་རྩེ་ཉག་པ་ཡང་རྩོད་པས་ཕམ་པས། མཚན་སྙྙན་གྱིས་ཕྱོགས་ཀྱི་བུ་མོའི་ཁྱོན་ཀུན་ཡོངས་སུ་བརྡལ། དེའི་ཕྱི་ལོ་ནས་སྟག་ཚང་རྭ་བ་སྟོད་པ་རྒྱལ་ཚབ་གསེར་ཟན་གྲྭ་ཚང་གི་འཆད་མཉན་པའི་མཁན་ཁྲིར་ནན་ཀྱིས་གདན་དྲངས་པ་ལྟར་ཕེབས་ཏེ། གཞུང་ལུགས་རྒྱ་མཚོ་ལྟ་བུའི་འཆད་མཉན་དབྱར་གྱི་མཚོ་ཆེན་བརྡོལ་བ་ལྟར་མཛད། རྭ་སྟོད་འཆད་ཉན་པའི་ཁྲི་ལས་ཟུར་ནས་དཔལ་གྱི་ཆོས་སྡེ་ཆེན་པོ་བཀྲིས་ལྷུན་པོར་ཕེབས་ཏེ། ཐམས་ཅད་མཁྱེན་པ་དགེ་འདུན་གྲུབ་པ་དཔལ་བཟང་པོའི་ཞབས་དྲུང་ནས་མདོ་སྔགས་ཀྱི་གསེར་ཆོས་ཤིན་ཏུ་མང་པོ་བུམ་པ་གང་བྱོའི་ཚུལ་དུ་གསན། སླར་ཡང་དབུས་སུ་ཕེབས་པ་དང་རབ་བྱུང་བརྒྱད་པའི་མེ་རྟ་༡༤༨༦ལོར་གདན་ས་ཆེན་པོ་དཔལ་ལྡན་འབྲས་དཀར་སྤུངས་པའི་འཆད་མཉན་གྱི་མཁན་ཁྲིར་གདན་དྲངས་པ་ལྟར་ཕེབས་ཏེ་འཇམ་དབྱངས་ཆོས་རྗེ་པའི་གདན་སར་མི་འཇིགས་སེང་གེའི་ཁྲི་ལ་དབང་བསྒྱུར། གྲྭ་ཚང་བདུན་ཀའི་འདུས་སྡེ་ཀུན་ལ། མདོ་སྔགས་ཆོས་ཀྱི་ཆར་ཆེར་ཕབ། གདན་ས་ལས་ཟུར་ནས། ཚལ་གུང་ཐང་དུ་དབོན་དགོན་བཏབ་ནས་རྩེ་གཅིག་སྒྲུབ་པའི་རྒྱལ་མཚན་འཆང་ནས་བཞུགས་པ་ལ། གནས་དེ་ནས་ཆུ་མིག་རང་བརྡོལ་དུ་བྱུང་བས། གྲུབ་པའི་རྟགས་མཚན་དུ་བགྲངས་ཏེ་ཀུན་གྱིས་ཡ་མཚན་པར་བྱེད། དད་ལྡན་སྐྱེ་བོ་དུ་མས་སྐུུལ་བ་ལྟར་དབུ་རུ་ལྷོ་བྱང་དང༌། ཨེ་དྭགས་གཉལ་གསུམ་ཡར་ཀླུང་སྟོད་སྨད་རྣམས་སུ་ཕེབས་ནས་དབུས་གཙང་གི་ཁྱོན་ཀུན་རྗེ་འདི་དང་ཆོས་འབྲེལ་སློབ་མ་གྱུར། སླར་ཡང་གསང་ཕུ་རྭ་བ་སྨད་པས་གདན་དྲངས་པ་ལྟརའཆད་ཉན་པའི་གདན་ས་མཛད་དེ་གཞུང་ཆེན་ཁག་དང་ལྷག་པར་རྗེ་བླ་མའི་དྲང་ངེས་ལེགས་བཤད་སྙྙིང་པོའི་དགོངས་དོན་རྩལ་དུ་བཏོན་ནས་འཆད་མཉན་སྤེལ་ནས་བསྟན་པ་རིན་པོ་ཆེ་ཉིན་མོ་ལྟར་གསལ་བར་བྱས། རབ་བྱུང་བརྒྱད་པའི་ལྕགས་ཁྱི་༡༤༩༠ལོར་འབྲས་སྤུངས་གདན་ས་རོང་པོ་ཆོས་རྗེ་བློ་བཟང་གྲགས་པ་ལ་གནང་ནས་འབྲོག་རི་བོ་ཆེ་དགའ་ལྡན་རྣམ་པར་རྒྱལ་བའི་གླིང་དུ་འཇམ་མགོན་རྒྱལ་བ་གཉིས་པའི་རྒྱལ་ཚབ་ཏུ་མི་འཇིགས་གདོང་ལྔས་བཏེགས་པའི་གསེར་ཁྲི་ལ་ཞབས་སེར་འཁོར་ལོའི་རེ་ཁ་མངོན་པར་བཀོད། འཇམ་མགོན་ཆོས་ཀྱི་རྒྱལ་པོའི་ལུགས་བཟང་གསེར་སྦྱངས་རིང་ལུགས་གཙང་མའི་བསྟན་པ་འདི་ཉིད་བཤད་སྒྲུབ་ལས་གསུམ་གྱི་སྒོ་ནས་རྒྱ་ཆེར་སྤེལ། དགུང་ལོ་ང་བཞི་པ་རབ་བྱུང་བརྒྱད་པའི་ཆུ་བྱི་༡༤༩༢ལོར། རྟག་འཛིན་ཅན་རྣམས་ཆོས་ལ་སྐུུལ་ཕྱིར་གཟུགས་སྐུུ་རགས་པ་མངོན་པར་བསྡུས་ནས་བདེ་ཆེན་དག་པའི་ཞིང་དུ་ཞི་བར་གཤེགས། གསུང་ལས་སྐྱེས་པའི་སློབ་མ་ཡང༌། རྭ་བ་སྟོད་སྨད་དང་འབྲས་སྤུངས་སོགས་སུ་རྩོད་མེད་མཁས་གྲུབ་དུ་མ་བྱོན། གསུང་གི་ལེགས་བཤད་ཀྱང་དྲང་ངེས་བཀའ་འགྲེལ་སོགས་མཛད་པར་སྣང༌།

དགའ་ལྡན་ཁྲི་ཐོག་བཅུ་པ་འདན་མ་ཡེ་ཤེས་བཟང་པོ་ནི། རབ་བྱུང་བདུན་པའི་ཤིང་ལུག་༡༤༡༥ལོར་ཁམས་འདན་ཁོག་ཏུ་སྐུུ་འཁྲུངས། སྐུུ་ན་ཆུང་དུས་ནས་དབུས་སུ་གདན་ས་འབྲས་སྤུངས་སུ་ཆོས་ཞུགས་གནང༌། མཁན་ཆེན་དཔལ་ལྡན་བློ་གྲོས་པའི་ཞབས་ལ་བརྟེན་ནས་དབུ་མ་དང་ཕར་ཕྱིན་ཚད་མ་གསུམ་ལ་བསླབས། འདུལ་འཛིན་དགེ་ལེགས་དཔལ་བ་ལས་འདུལ་མཛོད་ཀྱི་གཞུང་ལུགས་རྒྱ་མཚོ་ལྟ་བུ་ལ་གསན་བསམ་མཐར་ཕྱིན་པར་མཛད་ནས་གླིང་བསྲེས་དམ་བཅའ་བཞག་པས་མཁས་པའི་མཚན་སྙྙན་ཕྱོགས་ཀུན་བརྡལ། གླིང་བསྲེའི་དམ་བཅའ་ནི་སྔར་ལོ་ཙཱ་བ་བློ་ལྡན་ཤེས་རབ་ཀྱིས་སྔར་བོད་ཡུལ་གངས་ཅན་ལྗོངས་སུ་འདིའི་ཆོས་གྲྭ་ཆེན་པོ་གསང་ཕུ་སོགས་ན་ལུང་རིགས་ཀྱི་བཤད་གྲྭ་འཛུགས་གནང་པ་ལས། ཇོ་བོ་རྗེ་སྙེ་ཐང་དུ་བཞུགས་པའི་བཞུགས་པའི་དུསན། ཉིན་གཅིག་ཇོ་བོའི་ཞལ་ནས། ད་ནངས་མགོན་པོ་བྱམས་པ་དང་རྗེ་བཙུན་འཇམ་དབྱངས་གཉིས་མདུན་གྱི་ནམ་མཁར་བྱོན་ཏེ་ཐེག་པ་ཆེན་པོའི་ཆོས་ཀྱི་བགྲོ་གླེང་མཛད་དེ། གསང་བའི་བདག་པོ་ལག་ན་རྡོ་རྗེས་བར་ཆད་སྲུང༌། ལྷའི་བུ་མང་པོས་ཟུར་བྲིས་གནང་བཞིན་པར་གཟིགས་ཤིང༌། གནས་དེར་བྱམས་འཇམ་དབྱངས་གཉིས་ཀྱིས་དྲངས་ངེས་ཀྱི་དོན་ལ་རྩོད་པའི་རྟེན་འབྲེལ་ལས་དུས་ཕྱིས་གསང་ཕུ་གླིང་སྟོད་སྨད་གཉིས་སུ་གྱེས་པར་བསྟན་པར་བཟང་འགྲན་ལྟ་བུའི་གླིང་སྟོད་སྨད་བསྲེས་པའི་ནང་གཞུང་ཅེན་པོའི་དམ་བཅའ་གཞག་རྒྱུའི་སྲོལ་བཟང་པོ་བྱུང་བ་ལྟར། དགེ་ལྡན་པའི་གདན་སར་གླིང་བསྲེས་དམ་བཅའ་བཞག་པའི་སྲོལ་ཡང་ཐོག་མ་འདི་ནས་བྱུང་བ་ཡིན་ནོ། །རྗེ་འཇམ་དབྱངས་ཆོས་རྗེའི་དྲུང་ནས་བསྙྙེན་པ་རྫོགས་པ་དགེ་སློང་གི་སྡོམ་པ་བཞེས། ཀོང་པོ་རབ་འབྱམས་པ་ཚུལ་ཁྲིམས་བློ་གྲོས་བློ་གསལ་གླིང་གྲྭ་ཚང་གི་འཆད་ཉན་པ་གནང་གིན་ཞི་བར་གཤེགས་པའི་ཤུལ་དུ་རྗེ་འདི་ཉིད་མཁས་མང་བློ་གསལ་གླིང་གི་འཆད་ཉན་པ་མཛད་པས་གྲྭ་ཚང་འདིའི་མཁན་རབས་གསུམ་པ་ཡིན། རྗེ་འདིས་འཆད་ཉན་པ་མཛད་པའི་རིང༌། འཆད་རྩོད་རྩོམ་གསུམ་དང༌། བཤད་སྒྲུབ་ལས་གསུམ་གྱིས་བསྟན་པ་འཛིན་སྐྱོང་སྤེལ་བར་མཛད་པས་དགེ་འདུན་འདུས་ཚོགས་དབྱར་གྱི་མཚོ་ལྟར་འཕེལ་ཞིང༌། བཤད་སྒྲུབ་འཆད་ཉན་སྟོན་ཀའི་ཟླ་བ་ལྟར་རྒྱས། འཆད་ཉན་ལས་ཟུར་པའི་རྗེས་དགའ་ལྡན་ཤར་རྩེ་ཆོས་རྗེའི་ཁྲིར་གདན་དྲངས་པ་ལྟར་ཕེབས་ནས་འཆད་ཉན་གྱི་སྲོལ་རྒྱ་ཆེར་འཕེལ་བ་བྱུང༌། རྗེ་འདི་ཉིད་དགའ་ལྡན་ཤར་རྩེ་ཆོས་རྗེ་དྲུག་པ་ཡིན་ནོ། དགུང་ལོ་དོན་དགུ་པ་རབ་བྱུང་བརྒྱད་པའི་ཆུ་གླང་༡༤༩༣ལོར་འཇམ་མགོན་རྒྱལ་བ་གཉིས་པའི་རྒྱལ་ཚབ་ཏུ་རི་བོ་དགའ་ལྡན་རྣམ་པར་རྒྱལ་བའི་གླིང་གི་མི་འཇིགས་སེང་གེས་བཏེགས་པའི་གསེར་ཁྲིར་ཞབས་སོར་འཁོར་ལོའི་རེ་ཁ་མངོན་པར་བཀོད་ནས། ཐུབ་བསྟན་སྤྱི་དང་དེའི་ཡང་སྙྙིང་འཇམ་མགོན་རྒྱལ་བ་གཉིས་པ་ཡབ་སྲས་ཀྱིས་དག་ཐེར་ལེགས་པར་མཛད་པའི་མཉམ་མེད་དགེ་ལྡན་རིང་ལུགས་པའི་གསེར་སྦྱངས་བཙོ་མ་ལྟ་བུའི་བསྟན་པ་རིན་པོ་ཆེ་འཛིན་སྐྱོང་སྤེལ་གསུམ་གྱི་མཛད་པ་རླབས་པོ་ཆེ་བསྐྱངས། སྟག་ལོ་ཟླ་བ་བཅུ་པའི་ཚེས་ཉེར་ལྔ་དགའ་ལྡན་ལྔ་མཆོད་ཆེན་མོའི་སྐབས་རྒྱལ་མཆོག་དགེ་འདུན་རྒྱ་མཚོ་དགའ་ལྡན་རྣམ་པར་རྒྱལ་བའི་གླིང་དུ་རྗེའི་དངུལ་གདུང་ཆེན་མོ་སོགས་ལ་མཆོད་མཇལ་ཕེབས་པའི་སྐབས་དང་བསྟུན་ནས་ཁྲི་ཆེན་འདི་ཉིད་ཀྱི་དྲུང་དུ་བཅར་ནས་བླ་མའི་རྣལ་འབྱོར་ཞིག་གི་ཆོས་འབྲེལ་ཞིག་ཀྱང་ཞུས། དེབ་ཐེར་ནོར་བུའི་ཕྲེང་བ་༣༦༡ ནང་གསལ།། རྗེ་འདི་ཉིད་བློ་གསལ་གླིང་གྲྭ་ཚང་གི་མཁན་པོའི་ཁོངས་ནས་ཕེབས་པའི་དགའ་ལྡན་ཁྲི་འཛིན་དང་པོ་དེ་ཡིན། འདིའི་གསུང་འབུམ་ཡང་དབུ་ཕར་གྱི་དཀའ་འགྲེལ་དང༌། སྔགས་ཀྱི་སྒྲུབ་ཐབས་སོགས་ཅི་རིགས་ཡོད་པར་མ་ཟད། འཇམ་དབྱངས་དགའ་བློ་མ་བྱོན་པའི་སྔོན་དུ་གྲྭ་ཚང་འདིའི་ཡིག་ཆའི་གཙོ་བོ་ཡང་རྗེ་འདིའི་ལེགས་བཤད་རྣམས་ཡིན་པར་བཤད་དེ། པཎ་ཆེན་བསོད་ནམས་གྲགས་པའི་དབུ་མའི་སྤྱི་དོན་ཟབ་དོན་གསལ་བའི་སྒྲོན་མེའི་མཇུག་བྱང་དུ་དབུ་མ་པ་ཆེན་པོ་ཆོས་ཀྱི་རྗེ་ཡེ་ཤེས་བཟང་པོ་དང་འཇམ་དབྱངས་དགའ་བའི་བློ་གྲོས་ཀྱི་ལེགས་བཤད་ལ་བརྟེན་ནས་མདོ་སྔགས་རབ་འབྱམས་སྨྲ་བ་བསོད་ནམས་གྲགས་པའི་དཔལ་གྱིས་སྦྱར་བའོ༌།། ཞེས་པ་གསུངས་པ་ལ་བརྟག་ན་ཤེས་པར་ནུས་སོ། ། གཞུང་ཆེན་སྤྱི་དང་ལྷག་པར་ཕར་ཕྱིན་སྐོར་འཆད་ཉན་རྒྱ་ཆེར་སྤེལ་བས་རྗེ་འདིས་ཞལ་ཤགས་ཀྱི་ཚུལ་དུ་མི་ཚོས་གསེར་ཟངས་ཀྱི་བྱམས་སྐུུ་བཞེངས་ཀྱང༌། ཁོ་བོས་ནི་མི་རང་ལ་བྱམས་སྐུུ་བཞེངས་པ་ཡིན་ཞེས་གསུངས་པ་ལྟར་གཞུང་ལུགས་སྤྱི་དང༌། ལྷག་པར་དབུ་ཕར་ཀྱི་གཞུང་ལུགས་ལ་མཁས་པས་གསུང་སྐྱེས་སློབ་མ་གནམ་གྱིས་ས་བཀབ་པ་ལྟ་བུ་ཤིན་ཏུ་མང་པོ་བྱོན་པའི་ཁྲོད་ནས་འབྲས་སྤུངས་སུ་ཐོན་པའི་ཞལ་སློབ་རགས་རིམ་ཙམ་བརྗོད་ན། རྗེ་མཁས་བཙུན་རིན་པོ་ཆེ་དང༌། རྒྱལ་མཆོག་སྐུ་ཕྲཻང་གཉིས་པ་དགེ་འདུན་རྒྱ་མཚོ། བློ་གླིང་མཁན་རབས་དགུ་པ་སྡེ་སྣོད་འཛིན་པ་སངས་རྒྱས་བཟང་པོ། རོང་སྟོན་ཚུལ་ཁྲིམས་རྒྱལ་མཚན། མཁན་ཆེན་དབང་དཔལ། རབ་འབྱམས་པ་རིན་བཟང༌། མཁན་རིན་པོ་ཆེ་ཆོས་བཟང༌། འཕྱོངས་རྒྱས་དཀའ་བཅུ་བ་ཆོས་འཕེལ་རྒྱལ་མཚན། ཀོང་པོ་དཀའ་བཅུ་བ་བློ་གྲོས་དབང་པོ། མཁན་པོ་སངས་རྒྱས་ཚུལ་ཁྲིམས། གོ་བོ་རབ་འབྱམས་པ་སྔ་མ། ཚ་བ་བསམ་གཏན། ཉག་རེ་བསམ་གཏན། འདན་མ་བསམ་གཏན། ཨར་དགེ་བླ་མ་སྐྱབས། དྭགས་པོ་དཀའ་བཅུ་བ་ཆོས་དཔལ། ཨཙརྱ་དཀའ་བཅུ་བ་ཤེས་རབ་དཔལ། ཨུ་རུ་བླ་མ་འོད་སྲུང་པ། འཕན་པོ་དཀའ་བཅུ་བ་རབ་གསལ་ཟླ་བ། འཕན་པོ་དཀའ་བཅུ་བ་ལེགས་གྲུབ། འཕན་པོ་དཀའ་བཅུ་བ་བཀྲ་ཤིས་རབ་བརྟན། དཀའ་བཅུ་བ་གཞོན་ནུ་མཛེས་པ་ལ་སོགས་གཞན་དྲིང་མི་འཇོག་པའི་མཁས་གྲུབ་ཀྱང་བཅུ་ཕྲག་ཟུང་ལྷག་བྱུང་ཞིང༌། དགའ་ལྡན་གྱི་གསེར་ཁྲི་ལོ་དྲུག་རིང་བསྐྱངས། མཐར་དགུང་གྲངས་གྱ་བཞི་པ་རབ་བྱུང་བརྒྱད་པའི་ས་རྟ་༡༤༩༨ལོར་དགའ་ལྡན་དག་པའི་ཞིང་དུ་ཞི་བར་གཤེགས། ལོ་དེར་རི་སྤུངས་པས་དབུས་གཙང་ཕལ་ཆེ་བར་དབང་བསྒྱུར་བྱས་པ་དང༌། རྒྱལ་དབང་ཀརྨ་པ་ཆོས་གྲགས་རྒྱ་མཚོའི་གཟིམས་ལམ་དུ་རྒྱལ་བ་བྱམས་པས་ལུང་བསྟན་བྱུང་བ་ལྟར། ཇོ་བོ་ཤཀྱཱ་མུ་ནི་ནག་གྲོང་གི་དཀྱྀལ་དུ་གཞུགས་ན་བསྟན་པར་གནོད་པས་གཙུག་ལག་ཁང་དུ་དགེ་འདུན་གཙང་མའི་སྡེ་ཞིག་བྱུང་ན་དགོངས་ནས། དབུས་ཀྱི་སྡེ་བ་སྣེའུ་པ་ལ་གསུངས་ཀྱང་དགོངས་དོན་ལྟར་མ་བྱུང་བར་བཀའ་མ་བཅག་ཙམ་དུ་དབུས་ཀྱི་ས་ནག་མར་ཀརྨ་ཆོས་འཁོར་གླིང་དགོན་པ་བཏབ་རྒྱུའི་ཁས་ལེན་བྱས། དབུས་ཕྱོགས་ཀྱི་སྡེ་པ་སྣེའུ་དང་སྐྱིད་ཤོད་པ་སོགས་གཙང་སྲིད་འོག་འཛུལ་བར་མི་འདོད་པས་ཇུས་བསྐུལ་འོག སེར་འབྲས་ཀྱི་ཆོས་སྲིད་གཉིས་ཀའི་བརྟེན་གཞི་ནི་སྐྱི་ད་ཤོད་ཡུལ་གྱི་ལྟེ་བ་ལྷ་ལྡན་གྲོང་ཁྱེར་ཡིན་པས། འདི་གཞན་ཕྱོགས་སུ་ཤོར་ན་སེར་འབྲས་རང་ཤུགས་ཀྱིས་ཉམས་ཉེས་པར་འགྱུར་ཞིང་དེ་ལ་བསམ་ནས་སེར་འབྲས་ཀྱི་ཁ་ནོན་དུ་ས་ནག་མར་ཀརྨ་པའི་གྲྭ་ཚང་བཏབ་པའི་ངོས་འཛིན་གྱིས་གྲིབ་ནག་འདྲེ་མཐོང་གི་དཔེ་ལྟར། སེར་འབྲས་གྲྭ་ལྔ་བརྒྱ་ལྷག་གིས་སེར་དམག་ལངས་ནས་འགོག་རྒོལ་བྱས་པས་ཞྭ་དམར་སེར་གྱི་དུས་ཟིང་བྱུང༌། དེའི་རྐྱེན་གྱིས་རི་སྤུངས་པ་མཚོ་སྐྱེས་རྡོ་རྗེས་ལྷ་སའི་སྨོན་ལམ་ཆེན་པོའི་ནང་སེར་འབྲས་ཀྱི་གྲྭ་པ་ཞུགས་མི་ཆོག་པར་བྱས་ཏེ། ལོ་དེ་༡༤༩༨ ༡༥༡༨ནས་བཟུང་མི་ལོ་བཅོ་བརྒྱད་རིང་ལྷ་ལྡན་སྨོན་ལམ་དུ་ཉེར་འཁོར་གྱི་བཀའ་བརྒྱུད་དང་ས་སྐྱའི་གྲྭ་རྒྱུན། གསང་ཕུ་བ་རྣམས་ཕེབས་དགོས་པ་སོགས་དབུས་ཀྱི་དགེ་ལྡན་པའི་གྲྭ་ཚང་རྣམས་ལ་མགོ་གནོན་ཤུགས་ཆེར་འཕྲོད། དུས་ཟིང་དེའི་རྐྱེན་པས་ཁྲི་ཆེན་འདི་ཉིད་ཞི་བར་གཤེགས་ནས་ཁྲི་ཐོག་བཅུ་གཅིག་པ་འདར་སྟོན་བློ་བཟང་གྲགས་པ་ཁྲི་ལ་མ་ཕེབས་པའི་བར་མི་ལོ་གཉིས་ཀྱི་རིང་གསེར་ཁྲི་སྟོང་པར་ལུས། རྗེ་འདིའི་སྐུུ་རབས་སྔ་མ་སྐུ་བ་དྲི་མེད་དང༌། ལྷ་རི་སྡེ་སྣོད་འཛིན་པ་དར་མ་སེང་གེ་ཡིན་པར་གྲགས་ཤིང༌། འདིའི་སྐུུ་ཕྲེང་གཉིས་པ་རྨུ་བཟའ་སྐྱབས་མགོན་ཀུ་ལུ་རིན་པོ་ཆེ་ཡིན་ཞིང༌། འདི་ཉིད་པཎ་ཆེན་དཔལ་ལྡན་ཡེ་ཤེས་དང་ཆབ་མདོ་ལྕགས་ར་སྤྲུལ་སྐུུ་ངག་དབང་འཕྲིན་ལས་གཉིས་ཀྱི་བཀའ་མངགས་ལྟར་འདན་ཁོག་རབ་ཤིས་ཀླུང་ཤོད་དགོན་པའི་མཁན་ཁྲིར་ཕེབས་པ་ནས་ཆོས་སྡེ་དེའི་དགོན་བདག་ཏུ་གྱུར། སྐུུ་ཕྲེང་གསུམ་པ་རྨུ་བཟའ་སྐྱབས་མགོན་སྐུུ་རྒན་མ། བཞི་པ་རྨུ་བཟའ་སྐྱབས་མགོན་འཇམ་དཔལ་བློ་གྲོས་བསྟན་པའི་ཉི་མ། ལྔ་པ་རྨུ་བཟའ་སྐྱབས་མགོན་འཇམ་དཔལ་ཡེ་ཤེས་བསོད་ནམས་རྣམ་རྒྱལ། དྲུག་པ་རྨུ་བཟའ་སྐྱབས་མགོན་བསྟན་འཛིན་ངག་དབང་བློ་ལྡན་དཔལ་བཟང་པོ་ཉིད་ཡིན་ལ། འདི་ཉིད་ད་ལྟར་གདན་ས་འབྲས་སྤུངས་བློ་གསལ་གླིང་དུ་ཆོས་ཞུགས་གནང་ནས་གཞུང་ལུགས་རྒྱ་མཚོ་ལྟ་བུ་ལ་གསན་བསམ་རྩེར་སོན་མཛད་བཞིན་འཚོ་ཞིང་བཞུགས་བཞིན་པ་ལགས་སོ། །

དགའ་ལྡན་ཁྲི་ཐོག་བཅུ་གཅིག་པ་འདར་སྟོན་བློ་བཟང་གྲགས་པ་ནི། རབ་བྱུང་བདུན་པའི་ས་བྱ་༡༤༢༩ལོར་གཙང་སྟོད་འདར་དུ་འཁྲུངས། ཆུང་དུས་ནས་གཙང་འདར་ཆོས་སྡེར་རབ་ཏུ་བྱུང༌། ཡི་གེ་ཕྱི་མོ་ནས་གཞུང་ཆེན་ཁག་ལ་བརྩོན་པས་འཛིན་གྲྭའི་བརྒལ་བརྟག་བརྩི་བཞག་སྐྱོར་དཔོན་གནང་སྟེ། གཙང་དུ་མཁས་པའི་མཚན་སྙྙན་འབར། དབུས་སུ་བྱོན་ནས་གདན་ས་འབྲས་སྤུངས་མཁས་མང་བློ་གསལ་གླིང་གི་མཁན་ཆེན་དཔལ་ལྡན་བློ་གྲོས་དང༌། དགའ་ལྡན་ཁྲི་ཐོག་བརྒྱད་པ་རྗེ་སྨོན་ལམ་དཔལ་བ། མཁས་པ་ཀུན་ལེགས་པ། དགའ་ལྡན་ཁྲི་ཐོག་དྲུག་པ་དབེན་ས་སྙྙན་རྒྱུད་ཀྱི་བསྟན་པའི་བདག་པོ་བ་སོ་ཆོས་ཀྱི་རྒྱལ་མཚན། ཆོས་རྗེ་ཤེར་འབྱུང་བ་སོགས་དགེ་ལྡན་རིང་ལུགས་འཆང་བའི་སྐྱེས་ཆེན་དུ་མའི་ཞལ་ནས། མདོ་སྔགས་ཀྱི་དཀའ་གནད་དང་དབང་ལུང་མན་ངག་རྒྱ་ཆེར་ཞུས་པས་དབུས་སུའང་མཁས་པའི་ཚད་དུ་བགྲངས། ཐང་སྐྱ་དང་གསང་སྔགས་མཁར་དུ་འཆད་མཉན་པ་གདན་དྲངས་པ་ལྟར་ཕེབས་ཏེ་རྣམ་འགྲེལ་གྱི་འཆད་ཉན་རྒྱ་ཆེར་སྤེལ། དེ་ནས་དགའ་ལྡན་ཤར་རྩེ་ཆོས་རྗེའི་ཁྲིར་ཕེབས་ནས་མདོ་སྔགས་ཀྱི་ཆོས་ཚུལ་དུ་མ་གསུང་བཞིན་པའི་མུར། དགུང་ལོ་དོན་གཉིས་པ་རབ་བྱུང་བརྒྱད་པའི་ལྕགས་སྤྲེལ་༡༥༠༠ལོར་དགའ་ལྡན་གསེར་ཁྲིར་ཕེབས་ཏེ། ཡི་དམ་བདེ་གསང་འཇིགས་གསུམ་དང༌། དཔལ་དུས་ཀྱི་འཁོར་ལོ༌། བྱང་ཆུབ་ལམ་རིམ་ཆེན་ཆུང༌། དྲང་ངེས་རྣམ་འབྱེད། རྩ་འཇུག་བཞི་གསུམ་སོགས་ཀྱི་ཁྲིད་ལུང་རྒྱ་ཆེར་སྤེལ། བྱ་བྲལ་ལྷ་དབང་རྣམ་རྒྱལ་གྱིས་མཛད་པའི་པཎ་ཆེན་བསོད་ནམས་གྲགས་པའི་རྣམ་ཐར་ལས། དགའ་ལྡན་དུ་འདར་སྟོན་བློ་བཟང་གྲགས་པ་ལས་འཇམ་དབྱངས་ཆོས་སྐོར་ཡོངས་སུ་རྫོགས་པ་གསན་པར་མཛད། ཅེས་ཀྱང་འབྱུང་བས་མཚོན། སྔ་ཕྱིར་མདོ་སྔགས་གཉིས་ཀའི་ཟབ་རྒྱས་ཆོས་ཀྱི་སྒོ་འཕར་ཡངས་པོར་ཕྱེས། ཆུ་ཕག་༡༥༠༣ལོར་རྒྱལ་དབང་ཀརྨ་པ་ཆེན་པོས་སླར་ཡང་བྱམས་པའི་ལུང་བསྟན་གྱི་མཇུག་གནན་ཆེད་ལྷ་སའི་ཤར་དུ་ཀརྨ་ཐུབ་ཆེན་ཆོས་འཁོར་གླིང་གྲྭ་ཚང་གི་རྨངས་གཏིང་པར་སེར་འབྲས་སོགས་དབུས་ཀྱི་དགེ་ལྡན་པ་ཚོ་སེར་དམག་ལངས་ནས་དགོན་པ་གཏོར། དབུས་གཙང་གི་སྡེ་པ་ཚོའི་ཇུས་སྐུལ་འོག་ཞྭ་དམར་སེར་འཁྲུགས་པས་བསྟན་པ་ལ་གད་ཆག་ཅི་ཆེར་བྱུང༌། རྒྱལ་མཆོག་ཀརྨ་པ་ཆེན་པོ་དང་ཁྲི་ཆེན་འདི་བ་ཕྱོགས་སུ་འཛིན་པའི་རླུང་གིས་མི་གཡོ་བར་གསེར་གྱི་རི་བཞིན་བརྟན་པར་བཞུགས་ཤིང༌། དགའ་ལྡན་རྣམ་པར་རྒྱལ་བའི་གླིང་དུ་རྒྱལ་བ་འོད་དཔག་མེད་ཀྱི་གསེར་སྐུུ་ཆེན་མོ་དང༌། བདེ་ཆེན་གསང་སྔགས་མཁར་དུ་དཔལ་དུས་ཀྱི་འཁོར་ལོའི་གསེར་སྐུུ་ཆེན་མོ་གསར་བཞེངས་མཛད་པས་མཚོན་བཤད་སྒྲུབ་ལས་གསུམ་གྱི་སྒོ་ནས་འཇམ་མགོན་རྒྱལ་བའི་ལུགས་བཟང་བླ་ན་བཏེགས། མཐར་དགུང་ལོ་གྱ་གསུམ་པ་རབ་བྱུང་དགུ་པའི་ལྕགས་ལུག་༡༥༡༡ལོར་དགོངས་པ་ཞི་བར་གཤེགས་པའི་སྐུུ་གདུང་དངུལ་གྱི་མཆོད་སྡོང་བྱིན་རླབས་ཀྱི་ཚན་ཁ་འབར་བཞིན་གསང་སྔགས་མཁར་དུ་བཞུགས་ཤིང༌། དགའ་ལྡན་དུ་རྗེ་འདི་ཉིད་ཀྱི་དུས་མཆོད་ཀྱང་ཚུགས། །

དགའ་ལྡན་ཁྲི་ཐོག་བཅུ་གཉིས་པ་ཤེས་རབ་དར་ལེགས་པའི་བློ་གྲོས་ནི། རབ་བྱུང་བརྒྱད་པའི་ལྕགས་རྟ༡༤༥༠ལོ་ལ་ཨེ་ཡི་ཕྱོགས་སུ་སྐུུ་འཁྲུངས། བླ་འབྲིང་ཆོས་སྡེར་བླ་མ་བསོད་ནམས་རྒྱ་མཚོ་བློ་གྲོས་ལ་རབ་ཏུ་བྱུང༌། གསང་ཕུར་སློབ་དཔོན་ཤེས་བཀྲས་པ་ལ་ལུང་ཆོས། བཀྲ་ཤིས་ལྷུན་པོར་ཐམས་ཅད་མཁྱེན་པ་དགེ་འདུན་རྒྱ་མཚོ་ལ་བྱམས་ཆོས་སྡེ་ལྔའི་ལུང༌། སློབ་དཔོན་ཆོས་འབྱོར་བ་ལ་རྣམ་འགྲེལ། ཆོས་རྗེ་གནས་བརྟན་པ་ལ་འདུལ་བའི་མདོ། བླ་མ་སྣོན་པ་དང་རྩེ་པ་བཀྲས་རྒྱལ་བ་ལ་དབང་ལུང་རྗེས་གནང༌། རྒྱུད་པ་ཤེར་བཟང་པ་ལ་གསང་འདུས་ཀྱིས་གཙོས་པའི་བསྡུས་རྒྱུད་རྣམས་གསན་ཞིང༌། སྣོན་པ་དཔལ་ལྡན་པས་མཁན་པོ། བྱང་རྩེ་ནས་ལས་སློབ། རྒྱུད་ཁང་ནས་གསང་སྟོན་མཛད་དེ་བསྙྙེན་པར་རྫོགས། དེ་ནས་ཉི་མ་ཐང་དུ་ལོ་ཉི་ཤུ་ལྷག་པར་གཞུང་ལུགས་ཀྱི་བཤད་པ་མཛད་པས་མཁས་གྲགས་ཀྱིས་དབུས་གཙང་ཁྱབ་སྟེ། གུང་རུ་རབ་འབྱམས་པ་གཞོན་བྱང༌། དཀའ་བཅུ་པ་བསོད་ནམས་བཟང་པོ། དཀའ་བཅུ་བ་ཤཱཀ་བཀྲས། རབ་འབྱམས་པ་བཀྲས་བསམ། དཀའ་བཅུ་པ་ཤེས་བཟང༌། སྨོག་པ་ཆོས་མཛད་པ་སོགས་བཤེས་གཉེན་མང་དུ་ཐོན། ཡབ་ཀྱིས་ཁང་པ་གསར་སྐྲུན་བྱས་པར་རབ་གནས་དགོས་པར་ཞུས་དོན་ལྟར་རྗེ་འདིས་དགའ་ལྡན་ནས་རབ་གནས་ཀྱི་མེ་ཏོག་ཕྱག་ནས་གཏོར་བ་ཨེ་ནས་འབྲུ་དང་མེ་ཏོག་དངོས་སུ་འཕྱག་རྒྱུ་ཡོད་པ་བྱུང་བ་སོགས་མཁས་གྲུབ་གཉིས་ལྡན་གྱི་རྨད་དུ་བྱུང་བའི་རྣམ་པར་ཐར་བ་བདག་གིར་མཛད། དགུང་ལོ་ང་བདུན་པ་མེ་སྟག་༡༥༠༦ལོར་བྱང་རྩེ་དང༌། རེ་གཉིས་པ་ལྕགས་ལུག་༡༥༡༡ལོ་ལ་འཇམ་མགོན་རྒྱལ་བ་གཉིས་པའི་གདན་ས་དགའ་ལྡན་གསེར་ཁྲིར་ཕེབས་པ་གཉིས་ཆར་དུ། མདོ་སྔགས་ཀྱི་ཆོས་སྟར་ཆགས་སུ་གསུང་པ་ལས་སླར་ཡང་སྡེ་སྣོད་འཛིན་པ་མང་པོ་འདུས། པཎ་ཆེན་བསོད་ནམས་གྲགས་པས་ཀྱང་རྗེ་འདིའི་དྲུང་ནས་འདུས་པའི་རྒྱུད་སྒྲོན་མ་གསལ་བ་དང་བཅས་པ། བཤད་རྒྱུད་ཡེ་ཤེས་རྡོ་རྗེ་ཀུན་ལས་བཏུས་དང༌། ལྷ་མོ་བཞིས་ཞུས་གཉིས་ཊིཀྐ་དང་བཅས་པ། རིམ་ལྔ་གསལ་སྒྲོན། རྣམ་གཞག་གི་ཊིཀྐ། བསྐྱེད་རིམ་ཊིཀྐ། རིམ་ལྔ། མདོར་བྱས། མདོ་བསྲེ། རྡོ་རྗེ་སེམས་དཔའི་སྒྲུབ་ཐབས། བདེ་དགྱེས་ཀྱི་རྒྱུད་གཉིས་ཊིཀྐ་དང་བཅས་པ། སྔགས་རིམ་ཆེན་མོ། དྲིལ་བུ་རིམ་ལྔའི་ཊིཀྐ། རྗེ་ཡབ་སྲས་ཀྱི་བཀའ་འབུམ། ཀརྨ་ཤ་ཏ་མ། ཀྱཻ༔་རྡོ་རྗེའི་དབང་སོགས་ཆོས་ཀྱི་རྣམ་གྲངས་མང་པོ་ཞིག་གི་བཀའ་དྲིན་ཞུས། ཞེས་བཀའ་བདམས་ཆོས་འབྱུང་ལས་གསུངས། འཇམ་པའི་དབྱངས་ཆོས་ཀྱི་རྒྱལ་མཚན་གྱིས་ཀྱང་རྗེ་འདིའི་དྲུང་ནས་མདོ་སྔགས་ཀྱི་ཆོས་ཚུལ་མང་པོ་ཞུས་ཚུལ་རྣམ་ཐར་ན་གསལ། སྔ་ཕྱིར་ལོ་ངོ་དྲུག་གི་རིང་འཇམ་མགོན་བླ་མའི་ལུགས་བཟང་བཤད་སྒྲུབ་ལས་གསུམ་གྱི་སྒོ་ནས་བླ་ན་བཏེགས། ཐུགས་དམ་ཐུབ་དབང་གི་གསེར་སྐུུ་ཆེན་མོ་བཞེས་པས་མཚོན་བཤད་སྒྲུབ་ལས་གསུམ་གྱི་མཛད་པ་རྒྱ་ཆེར་བསྐྱངས། དགུང་ལོ་རེ་བདུན་པ་མེ་བྱི༡༥༡༦ལོར་ཀུན་སྤངས་མཛད་ནས་མངོན་དགའ་ཉིད་དུ་བཞུགས། ཐུགས་སྲས་རྣམས་ཀྱི་ཁྲོད་ནས། འཇམ་པའི་དབྱངས་ཆོས་ཀྱི་རྒྱལ་མཚན་གྱིས་སེ་ར་ཐེག་ཆེན་གླིང་གི་ཁྲི་པ་དང་བྱེས་མཁས་མང་གྲྭ་ཚང་གི་མཁན་ཁྲིར་ཕེབས་ནས་འཆད་ཉན་རྒྱ་ཆེར་མཛད་པ་དང༌། མདོ་སྔགས་རབ་འབྱམས་སྨྲ་བ་པཎ་ཆེན་བསོད་ནམས་གྲགས་པ་མཁས་མང་བློ་གསལ་གླིང་དང༌། དགའ་ལྡན་གསེར་ཁྲི། དེ་བཞིན་སེར་འབྲས་ཀྱི་ཁྲིར་རིམ་པར་བཞིན་ཕེབས་ཏེ་འཆད་ཉན་རྒྱ་ཆེར་སྤེལ། གུང་རུ་རབ་འབྱམས་པས། འོལ་ཁ་བསམ་གླིང་དུ་ཕར་ཕྱིན་གྱི་བཤད་པ་མཛད་པས་མཚོན་རྒྱལ་བའི་བསྟན་པ་རིན་པོ་ཆེ་ལ་རྨད་དུ་བྱང་བའི་མཛད་པ་རླབས་པོ་ཆེ་བསྐྱངས་བའི་སློབ་མ་ཡང་ཤིན་ཏུ་མང་པོ་བྱུང་ཞིང༌། མདོར་ན་སྐབས་དེའི་དགེ་ལྡན་པའི་སྐྱེས་ཆེན་ཕལ་ཆེ་བ་རྗེ་འདིའི་དངོས་སློབ་ཏུ་གྱུར་སྣང༌། དགུང་གྲངས་གྱ་གཅིག་པ་ལྕགས་སྟག་༡༥༣༠ལོར་ཞི་བར་གཤེགས་ཚུལ་བཻ་སེར་དུ་གསུངས་ཤིང༌། དུང་དཀར་ཚིག་མཛོད་སོགས་སུ་དགུང་གྲངས་རེ་བརྒྱད་པ་༡༥༡༧ལོར་ཞི་བར་གཤེགས་ཚུལ་ཡང་འཁོད་འདུག་པ་ནི་པཎ་ཆེན་བསོད་གྲགས་ཀྱིས་བཀའ་གདམས་ཆོས་འབྱུང་རྩོམ་པའི་ལོ་དེར་ཁྲི་ཆེན་འདི་ཉིད་དགུང་ལོ་རེ་བདུན་ཡིན་ཚུལ་འཁོད་འདུག་པ་དེ་དང་འཁྲུལ་བ་ཡིན་ངེས་སྙམ། པཎ་ཆེན་བསོད་ནམས་གྲགས་པའི་བཀའ་གདམས་གསར་རྙིང་གི་ཆོས་འབྱུང་ཡིད་ཀྱི་མཛེས་རྒྱན་དུ། དགུང་ལོ་རེ་བདུན་པ་མེ་བྱི༡༥༡༦ལོར་ཀུན་སྤངས་མཛད་ནས་མངོན་དགའ་ཉིད་དུ་བཞུགས། ཞེས་གསུང་པ་ལ་དཔག་ན་ཆོས་འབྱུང་འདི་ཉིད་བརྩམས་གྲུབ་པའི་སྐབས་ཁྲི་ཆེན་འདི་ཉིད་ཞལ་བཞུགས་ཡོད་ངེས།

དགའ་ལྡན་ཁྲི་ཐོག་བཅུ་གསུམ་པ་ཆོས་རྗེ་ཆོས་ཀྱི་བཤེས་གཉེན་ནི། རབ་བྱུང་བརྒྱད་པའི་ཆུ་བྱ་༡༤༥༣ལོར་དབུས་ཀྱི་སྟོད་ལུང་མདར་སྐུུ་འཁྲུངས། སྐུུ་ན་ཆུང་དུས་དགའ་ལྡན་དུ་ཕེབས་ཏེ་སློབ་དཔོན་ཆོས་གྲགས་ལས་རབ་ཏུ་བྱུང་བའི་མཚན་ལ་ཆོས་ཀྱི་བཤེས་གཉེན་ཞེས་གསོལ། གཙང་དུ་ཕེབས་ཏེ་རྒྱལ་མཆོག་དགེ་འདུན་གྲུབ་པའི་དྲུང་ནས་མདོ་སྔགས་ཀྱི་ཆོས་ཚུལ་རྒྱ་ཆེར་གསན་པས་མཁས་པའི་མཚན་སྙྙན་གཙང་ཕྱོགས་སུ་ཁྱབ། རྗེ་དགེ་འདུན་གྲུབ་པས་བསྟན་པའི་རྒྱལ་མཚན་འཛིན་པ་ཞེས་མ་འོངས་ལུང་བསྟན་གྱི་ཚུལ་དུ་མཚན་གསོལ་གནང༌། དབུས་སུ་བྱོན་ཏེ་དཔལ་ལྡན་འབྲས་སྤུངས་སུ་ཞུགས། བློ་གླིང་མཁན་རབས་བཞི་པ་དང་དགའ་ལྡན་ཁྲི་ཐོག་བཅུ་པ་ཆོས་རྗེ་ཡེ་ཤེས་བཟང་པོ་དང༌། འཇམ་དབྱངས་དགའ་བའི་བློ་གྲོས། དྲུང་དཔལ་ལྡན་རྒྱལ་མཚན་སོགས་ལས་མདོ་སྔགས་ཀྱི་གཞུང་ལུགས་རྒྱ་ཆེར་གསན། རྩེད་ཐང་དུ་པོ་ཏི་ཉི་ཤུའི་གྲྭ་སྐོར་མཛད་པས་དབུས་ཕྱོགས་སུ་མཁས་པའི་མཚན་སྙྙན་རྒྱས། རབ་འབྱམས་སྨྲ་བ་སྨོན་ལམ་དཔལ་བ་སོགས་ལས་རྒྱུད་སྡེ་རྒྱ་མཚོའི་དབང་ལུང་མན་ངག་རྒྱ་ཆེར་ཞུས། རྗེ་ཤེར་སེང་པའི་གདན་ས་རྒྱུད་པ་གྲྭ་ཚང་དུ་ཞུགས་ནས་རྒྱུད་སྡེ་བཞིའི་དོན་ལ་བསླབས་པས་སྔགས་ཕྱོགས་ལ་མཁས་པའི་ཡང་རྩེ་སོན། སྟག་ལུང་ཆོས་རྗེ་ངག་དབང་གྲགས་པ་ལས་སྒྲ་དང་སྙྙན་ངག་སོགས་ཐ་སྙྙད་རིག་གནས་ལ་མཁས་པར་སྦྱངས། ཆོས་རྗེ་གནས་བརྟན་པས་མཁན་པོ་དང༌། འཇམ་དབྱངས་དགའ་བའི་བློ་གྲོས་ཀྱིས་ལས་སློབ། དྲུང་དཔལ་ལྡན་རྒྱལ་མཚན་པས་གསང་སྟོན་མཛད་དེ། བསྙྙེན་པ་རྫོགས་པའི་དགེ་སློང་གི་སྡོམ་པ་མནོས། ཤག་སྐོར་གྲྭ་ཚང་དུ་འཆད་ཉན་པར་བྱོན་ཏེ། དབུ་ཕར་འདུལ་མཛད་བཞིའི་འཆད་ཉན་རྒྱ་ཆེར་སྤེལ་བའི་མཚན་སྙྙན་འབར་བཞིན་པའི་མུར། དགུང་ལོ་ལྔ་བཅུ་པ་ཆུ་ཁྱི་༡༥༠༢ལོར་ཤར་རྩེ་ཕེབས་ནས་བསྟན་པའི་བྱ་བ་རྒྱ་ཆེར་སྤེལ། དགུང་ལོ་རེ་བཞི་པར་༡༥༡༦དགའ་ལྡན་རྣམ་པར་རྒྱལ་བའི་གླིང་གི་མི་འཇིགས་སེང་གེའི་ཁྲི་ལ་ཞབས་ཟུང་འཁོར་ལོའི་རེ་ཁ་མངོན་པར་བཀོད། ལོ་དེར་རི་སྤུངས་པའི་ཞལ་ངོ་ཕྱི་མ་རྣམས་ཀྱིས་དེ་སྔོན་བསམ་སྡེ་བ་གྲགས་པ་མཐའ་ཡས་ཀྱིས་བསླངས་པའི་སྡེ་གཟར་ལ་རྒྱབ་ལངས་བྱས་ཏེ་དབུས་གཙང་དབར་འཁྲུགས་ལངས་ཆེན་པོ་བྱུང༌། སྐབས་དེར་སྤྱན་སྔ་ཆོས་ཀྱི་གྲགས་པས་ཆུ་ཤུལ་ལྷུན་པོ་རྩེ་ཆིངས་རྟེན་དུ་ཕུལ་ཏེ་དབུས་གཙང་དབར་ལོ་གསུམ་རིང་སྡེ་གཟར་མི་བྱེད་པའི་ཆིངས་བསྡམས་ནའང་རི་སྤུངས་པས་སླར་སྡེ་གཟར་བསླངས་ནས་རྒྱལ་མཁར་རྩེར་སླེབས་སྐབས། དབུས་ཀྱི་འཕྱོངས་རྒྱས་སྡེ་བ་རིན་ཆེན་རྒྱ་མཚོ་དཔུང་དང་བཅས་དང་ནང་སྟོད་བར་དུ་བྱོན། སྡེ་པ་སྐྱིད་ཤོད་དགའ་ལྡན་པ་བསོད་ནམས་རྒྱལ་པོས་ལྷ་ས་དང་འཕན་པོའི་དམག་བཏོས་ཆེན་འཁྲིད་ནས་ཤངས་ཀྱི་བར་དུ་བསྐྱོད་པས། རི་སྤུངས་པ་དཔའ་འཆག་སྟེ་དགོངས་བསང་ཞུས་ཤིང་ཕྱིས་ནས་སྡེ་གཟར་མི་བསླང་པའི་དམ་བཅའ་བྱས། དེར་བརྟེན་སྡེ་པ་སྣེ་འུ་པ་དང་སྐྱིད་ཤོད་པ་སོགས་ལ་དབུས་ཕྱོགས་དབང་བ་དང་ཕག་གྲུའི་སྲིད་གཞུང་སླར་ཡང་བརྟན་ལྷིངས་བྱུང་བས། ༡༥༡༧ ལོར་རྒྱལ་དབང་དགེ་འདུན་རྒྱ་མཚོ་འབྲས་སྤུངས་པའི་ཁྲིར་གདན་དྲངས་པ་དང༌། སེར་འབྲས་སོགས་དབུས་ཁུལ་གྱི་དགེ་ལྡན་པའི་ཆོས་སྡེ་ཁག་ཏུ་འཆད་ཉན་ཡང་སླར་གསོ་ཐུབ་པར་བྱུང་ཞིང༌། དགུང་ལོ་རེ་དྲུག་པ་ཤིང་བྱ་༡༥༡༨ལོར་རྒྱལ་མཆོག་དགེ་འདུན་རྒྱ་མཚོའི་འཕྲིན་ལས་ལ་བརྟེན་ནས་སྡེ་སྲིད་ཕག་མོ་གྲུབ་པའི་ལུང་ལས་ལྷ་ལྡན་དུ་དགེ་ལྡན་པའི་ཆོ་འཕྲུལ་སྨོན་ལམ་ཆེན་མོ་སླར་ཡང་ཚོགས་ཆོག་པ་བྱུང༌། དགུང་ལོ་བདུན་ཅུ་ཐམ་པར་ཆུ་རྟ་༡༥༢༢ལོར་སླར་ཡང་རི་སྤུངས་པས་གཙང་དམག་སྟོས་ཆེ་དབུས་སུ་ཕབ་སྟེ་སྡེ་གཟར་ཚབ་ཆེར་བསླངས་ཀྱང་ཕག་གྲུའི་སྲིད་གཞུང་ལ་གནོད་པ་མ་ནུས་པས། དགེ་བསྟན་གྱི་འཆད་ཉན་ལ་གད་ཆག་མེད་པར་བཤད་སྒྲུབ་ལས་གསུམ་གྱི་སྒོ་ནས་འཇམ་མགོན་རྒྱལ་བ་གཉིས་པའི་བསྟན་པའི་སྲོལ་རྒྱུན་བླ་ན་བཏེགས། ལོ་དེར་གསེར་ཁྲི་ལས་ཟུར་ནས་ཆོས་གྲྭ་ཆེན་པོ་བདེ་བ་ཅན་དུ་ཟུར་བཞུགས་མཛད་ནས་རྩེ་གཅིག་སྒྲུབ་པ་ལ་གཞོལ། གསུང་ལས་སྐྱེས་པའི་སློབ་མ་མཁས་པའི་དབང་པོ་ལྷ་དབང་དཔལ་འབྱོར། རབ་འབྱམས་སྨྲ་བ་བློ་གྲོས་ལྷུན་གྲུབ། བླ་མ་འཇམ་དབྱངས་བློ་གྲོས། བླ་མ་བསམ་གཏན་ཤེས་རབ། མདོ་སྔགས་རབ་འབྱམས་སྨྲ་པ་པཎ་ཆེན་བསོད་ནམས་གྲགས་པ། ཁྲི་ཆེན་དབོན་པོ་དཀོན་མཆོག་དར་རྒྱས། ཁྲི་ཆེན་དབོན་པོ་ངག་དབང་ཆོས་གྲགས། སློབ་དཔོན་དགེ་ལེགས་བཟང་པོ་སོགས་མདོ་སྔགས་རིག་གནས་དང་བཅས་པ་ལ་ནང་བྱན་ཆུད་པའི་མཁས་གྲུབ་སྐྱེས་ཆེན་ཤིན་ཏུ་མང་པོ་བྱོན། རྗེ་འདིས་རྩོམ་པའི་ལེགས་བཤད་ཅིས་ཀྱང་ཡོད་ངེས་པས་བརྩད་བཅད་ནས་རྙེད་ན་མཚམས་འདིར་འཇུག་དགོས། མཐར་དགུང་གྲངས་གྱ་བརྒྱད་པ་རབ་བྱུང་དགུ་པའི་ལྕགས་བྱི་༡༥༤༠ལོར་ཆོས་གྲྭ་ཆེན་པོ་བདེ་བ་ཅན་དུ་སྐུུ་མྱ་ངན་ལས་འདས་པའི་ཚུལ་བསྟན། སྐུུའི་གདུང་རྟེན་དངུལ་གྱི་མཆོད་སྡོང་རིན་པོ་ཆེ་དགའ་ལྡན་རྣམ་པར་རྒྱལ་བའི་གླིང་དུ་བཞུགས།།

དགའ་ལྡན་ཁྲི་ཐོག་བཅུ་བཞི་པ་སྟོད་ལུང་རིན་ཆེན་འོད་ཟེར་ནི། རབ་བྱུང་བརྒྱད་པའི་ཆུ་བྱ་༡༤༥༣ལོར། དབུས་ཀྱི་སྟོད་ལུང་མདའི་ཞིང་བཟང་དུ་འཁྲུངས། སྐུུ་ན་ཆུང་དུས་ནས། གདན་ས་འབྲས་སྤུངས་བཀྲ་ཤིས་སྒོ་མང་གྲྭ་ཚང་དུ་ཆོས་ཞུགས་གནང༌། རབ་འབྱམས་སྨྲ་བ་གུང་རུ་རིན་ཆེན་བྱང་ཆུབ་ལས་རབ་ཏུ་བྱུང་བའི་མཚན་ལ་རིན་ཆེན་འོད་ཟེར་ཞེས་བཏགས། རྗེ་དམ་པ་དེ་ལས་དབུ་ཕར་དང༌། དགའ་ལྡན་ཁྲི་ཐོག་བཅུ་པ་འདན་མ་ཆོས་རྗེ་ཡེ་ཤེས་བཟང་པོ་ལས་རྣམ་འགྲེལ་དང་འདུལ་མཛོད་བཅས་གསན་པས་མཚན་ཉིད་ཐེག་པའི་གཞུང་ལུགས་ལ་གཞན་དྲིང་མེད་པའི་མཁས་པར་གྱུར། གསང་ཆེན་གྲུབ་པའི་བསྟི་གནས་སྨད་རྒྱུད་གྲྭ་ཚང་དུ་ཞུགས་ཏེ། རྒྱུད་སྨད་མཁན་པོ་རྒྱུད་ཆེན་ཚུལ་ཁྲིམས་བཟང་པོའི་དྲུང་ནས་འདུས་པ་རྩ་བཤད་ཀྱི་རྒྱུད་གསན་པས་མདོ་སྔགས་ཟུང་འབྲེལ་གྱི་མཁས་པ་ཆེན་པོར་འགྱུར། དབུས་སྟོད་ཉི་སྡིངས་སུ་དྲུང་གཟིགས་ཆེན་པོས་མཁན་པོ་དང༌། འོད་སྲུང་བས་ལས་སློབ། བློ་གྲོས་ཆོས་དབང་གིས་གསང་སྟོན་མཛད་པའི་དྲུང་ནས་ཡོངས་རྫོགས་བསྙྙེན་པར་རྫོགས་པའི་དགེ་སློང་གི་སྡོམ་པ་མནོས། དགུང་གྲངས་ཞེ་བཞི་པ་རབ་བྱུང་དགུ་པའི་མེ་བྱི་༡༥༡༦ལོར་བསྟན་རྩིས་གསལ་བའི་སྒྲོན་མེ་ཞེས་པ་བརྩམས་པ་དེར་འདུག་པ་དེར། མཁས་པའི་དབང་པོ་དུང་དཀར་བློ་བཟང་འཕྲིན་ལས་ཀྱིས༣༥༣ཆོས་འབྱུང་འདིའི་མ་དཔེ་དབུ་མེད་བྲིས་རྙིང་སྤུས་ལེགས་ཤིག་དེ་སྔོན་པེ་ཅིན་མི་རིགས་ཕོ་བྲང་དཔེ་མཛོད་ཁང་དུ་བཞུགས་པས་དེར་དཔེ་རིང་ཤོག་གྲངས་༡༤༥འདུག་བསྟན་རྩིས་འདི་ཡི་ལོ་ཚིགས་རྣམས་ཧ་ཅང་ཁུངས་བཙུན་པར་སྔོན་བྱོན་མཁས་པ་མང་པོས་བཞེད་པ་མ་ཟད། ཆོས་འབྱུང་གཞན་དག་ཏུ་གསལ་བའི་གལ་ཆེའི་གནད་དོན་མང་པོ་ཞིག་ལ་གསལ་བཤད་མཛད་ཡོད། ཅེས་བསྔགས་བརྗོད་ཆེས་ཆེར་གནང་འདུག དགུང་ལོ་ཞེ་དྲུག་པ་རབ་བྱུང་བརྒྱད་པའི་ས་རྟ་༡༤༩༨ལོར་སྨད་རྒྱུད་མཁན་ཁྲིར་ཕེབས་ཏེ་རྒྱུད་པའི་འཆད་ཉན་རྣམས་དམ་པ་གོང་མའི་ཕྱག་སྲོལ་མ་ཉམས་པར་སྤེལ། དགུང་ལོ་ང་དགུ་པ་རབ་བྱུང་དགུ་པའི་ལྕགས་ལུག་༡༥༡༡ལོར་བྱང་རྩེ་ཆོས་རྗེའི་ཁྲིར་ཕེབས། དགུང་ལོ་བདུན་ཅུ་པ་ཆུ་རྟ་༡༥༢༢ལོར་འཇམ་མགོན་རྒྱལ་བ་གཉིས་པའི་གདན་ས་དགའ་ལྡན་རྣམ་པར་རྒྱལ་བའི་གླིང་གི་མི་འཇིགས་སེང་གེའི་ཁྲི་ཕང་མཐོན་པོར་ཞབས་སེན་འཁོར་ལོའི་རེ་ཁ་མངོན་པར་བཀོད་དེ། དུས་ཆོས་སྐོར་ཆག་མེད་དུ་གསུང་པ་དང་མཁས་བཙུན་བཟང་གསུམ་ཡ་མ་བྲལ་བའི་གཟི་བྱིན་གྱིས་གདན་ས་ཆེན་པོ་ཚུལ་བཞིན་དུ་བསྐྱངས། རྒྱལ་བ་འོད་དཔག་མེད་ཀྱི་གསེར་སྐུུ་སྐུུ་རྒྱབ་མཐོ་བཅུ་དྲུག་གི་ཚོད་ཅན་གསར་བཞེངས་མཛད། མེ་ཁྱི་༡༥༢༦ལོར་དབུས་ཀྱི་ཕག་གྲུ་དང་དགེ་ལདན་པ་གཉིས་ཁ་སྒྲིལ། འབྲི་གུང་དང་སྟག་ལུང་ཁ་སྒྲིལ་ནས་དམག་འཐབ་བྱས་སྐབས། འབྲི་གུང་པས་རྒྱལ་བ་ཀརྨ་པ་སྐུ་ཕྲེང་བརྒྱད་པ་མི་བསྐྱོད་རྡོ་རྗེ་ལ་ཀོང་པོའི་དམག་རོགས་དགོས་ཚུལ་གྱི་ཞུ་ཡིག་ཕུལ་ཀྱང་རྒྱལ་དབང་མཆོག་གིས་ཞལ་བཞེས་མ་གནང་བར་སེར་དམག་ལང་པ་འདི་ཆོས་དང་འཇིག་རྟེན་གཉིས་ཀར་མི་འཐུན་པས་འཁྲུག་ལོང་ཆོས་ཕྱོགས་སུ་ཞི་བར་མཛད་དགོས་ཀྱི་བཀའ་ཕེབས་པའི་བཀའ་དྲིན་ལས་དམག་འཐབ་རེ་ཞིག་ཞི་མོད། དུས་དབང་གིས་རྒྱལ་ཁམས་བརྟན་ལྷིངས་མེད་པར་སྡེ་གཟར་གྱི་རླུང་རླབས་གཡོ་བའི་ཁྲོད་ཞྭ་སེར་པོའི་ལ་རྒྱ་ཁར་ཁུར་ནས་ཆབ་སྲིད་ཀྱི་ཕུང་བཀྲུགས་ལྷུར་ལེན་པའི་བདུད་རིགས་ཀྱི་ཞལ་ངོ་དང་སྡེ་པ་དག་གི་དབང་འོག་ཏུ་མི་འགྲོ་བར་རིས་མེད་རྒྱལ་བསྟན་ཀུན་ལ་ཕྱོགས་མེད་ཀྱིས་དོ་སྣང་སྦྱངས་པའི་རྣམ་པར་ཐར་བ་བདག་གིར་བསྐྱངས་ནས་མི་ལོ་བདུན་ལ་གསེར་ཁྲི་བསྐྱངས་པ་དེའི་རིང་བཤད་སྒྲུབ་འཁོར་ལོ་གསུམ་གྱི་སྒོ་ནས་འཇམ་མགོན་བླ་མའི་བསྟན་པ་རིན་པོ་ཆེའི་དབུ་འཕངས་དགུང་ལ་འདེགས། དགུང་ལོ་དོན་བདུན་པ་ས་གླང་༡༥༢༩ལོར་པཎ་ཆེན་བསོད་ནམས་གྲགས་པ་ཁྲི་ཚབ་ཏུ་མངའ་གསོལ་ནས་རང་ཉིད་གསེར་ཁྲི་ལས་ཟུར་ཏེ་སྲས་ཁང་དགོན་དུ་ཟུར་བཞུགས་གནང༌། ལྷ་སྔགས་ཏིང་འཛིན་ཀྱི་རྣལ་འབྱོར་ལ་གཅིག་ཏུ་གོམས་པའི་སྒྲུབ་པའི་རྒྱལ་མཚན་སྒྲེང༌། དགུང་ལོ་གྱ་བརྒྱད་པ་ལྕགས་བྱི་༡༥༤༠ལོར་སྲས་ཁང་དགོན་དུ་དགོངས་པ་ཆོས་དབྱིངས་སུ་བསྟིམས། གསུང་གི་ལེགས་བཤད་ཀྱང་གོང་དུ་གསལ་བ་ལྟར་ཆོས་འབྱུང་གསལ་བའི་སགྲོན་མེ་སོགས་སྣང་ཞིང༌། གསུང་ལས་སྐྱེས་པའི་སློབ་མ་ནི། ཁྲི་ཆེན་ཆོས་སྐྱོང་རྒྱ་མཚོ། ཁྲི་ཆེན་རྒྱལ་མཚན་བཟང་པོ། ཁྲི་ཆེན་ཆོས་གྲགས་བཟང་པོ་སོགས་མཁས་གྲུབ་གཉིས་ལྡན་གྱི་སྐྱེས་ཆེན་ཤིན་ཏུ་མང་པོ་བྱོན། དགའ་ལྡན་ཁྲི་ཐོག་བཅོ་ལྔ་པ་པཎ་ཆེན་བསོད་ནམས་གྲགས་པས་ཀྱང་རྗེ་འདིའི་དྲུང་ནས་ཆོས་འབྲེལ་ཞུས་འདུག་སྟེ། བཀའ་གདམས་ཆོས་འབྱུང་ཡིད་ཀྱི་མཛེས་རྒྱན་ལས། ཁོ་བོས་ཀྱང་ཟབ་ལམ་རྣལ་འབྱོར་ཞིག་གི་ཆོས་འབྲེལ་ཞུས་པ་ཡིན་ནོ། ཞེས་གསུངས་པས་སོ། །

ཁྲི་ཐོག་བཅོ་ལྔ་པ་པཎ་ཆེན་བསོད་ནམས་གྲགས་པ་ནི། རབ་བྱུང་བཅུ་བརྒྱད་པའི་ས་ཁྱི་༡༤༧༨ལོར་རྩེས་ཐང་དུ་ནང་བར་ལམ་པའི་སྲས་སུ་སྐུུ་འཁྲུངས། ལས་ཆེན་བསོད་ནམས་བཀྲ་ཤིས་ལས་རབ་ཏུ་བྱུང་སྟེ་མཚན་བསོད་ནམས་གྲགས་པར་གསོལ་ཞེས་བཻ་སེར་ལས་འབྱུང་ཞིང༌། རང་ཉིད་ཀྱི་བཀའ་གདམས་ཆོས་འབྱུང་ལས་འདོ་སྣེའི་ཆོས་རྗེ་སངས་རྒྱས་བཟང་པོ་ལ་རབ་བྱུང་གི་མཁན་པོ་ཞུས་ཞེས་འབྱུང༌། དེ་ནས་ཡུལ་སྲོལ་དང་མཐུན་པར་ཆོས་གྲྭ་གཉིས་སུ་ཕར་ཚད་ཀྱི་གྲྭ་བསྐོར་མཛད། དེ་ནས་ཚད་མ་རྣམ་འགྲེལ་ཐུགས་ལ་འབད་རྩོལ་ཆེར་མེད་པར་བཟུང་ཞིང༌། གཡའ་བཟང་དུ་ཕེབས་ཏེ་ཆོས་ཀྱི་དྭགས་པོ་རབ་འབྱམས་པ་དང་འབུམ་པ་གཉིས་བསྟེན་ནས་ལོ་ཤས་ཀྱི་བར་དུ་རིགས་གཞུང་ལ་སྦྱངས་པས་ཐོགས་པ་མེད་པར་མཁྱེན་ཀྱང་ད་དུང་ཐུགས་ཁེངས་པར་མ་གྱུར་ཏེ། རྗེ་བཙུན་ཆོས་ཀྱི་རྒྱལ་པོ་ཙོང་ཁ་པ་ཆེན་པོའི་རིང་ལུགས་དྲི་མ་མེད་པའི་བཤད་སྲོལ་ཆེན་པོའི་སྙྙན་པས་ཐུགས་འཕྲོག་ནས་དགུང་ལོ་བཅུ་དྲུག་པ་ལ་ཆོས་གྲྭ་ཆེན་པོ་སེ་ར་ཐེག་ཆེན་གླིང་དུ་ཕེབས། ཡོངས་འཛིན་དོན་ཡོད་དཔལ་ལྡན་ལོ་བཅུ་གཉིས་ཀྱི་བར་དུ་བསྟེན་ནས་ཚད་མའི་མདོ། རྣམ་འགྲེལ། རྣམ་ངེས། རིགས་ཐིག་སོགས་ཀྱི་སྟེང་ནས་ཞིབ་བཤད་ལན་མང་དུ་མནོས་ཤིང༌། གཞན་ཡང་བྱང་ཆུབ་ལམ་རིམ་ཆེ་ཆུང་ལ་སོགས་པ་མདོར་ན་འཇམ་མགོན་ཆོས་ཀྱི་རྒྱལ་པོའི་གཞུང་ལུགས་མཐའ་དག་ལ་སྦྱངས་ཤིང༌། ཆོས་རྗེ་དཔལ་འབྱོར་ལྷུན་གྲུབ་ལ་སོགས་པ་མཚན་ཉིད་དང་ལྡན་པའི་བཤེས་གཉེན་དམ་པ་དུ་མ་བསྟེན་ནས་མདོ་སྔགས་ཀྱི་ཆོས་བཀའ་མཐའ་ཡས་པ་གསན་པས་མཁས་པའི་ཕུལ་དུ་ཕྱིན་པར་གྱུར་ཏེ་ཆོས་གྲྭ་ཆེན་པོ་དཔལ་རྩེད་ཐང་དུ་རབ་འབྱམས་གྲྭ་སྐོར་མཛད་པས་མཁས་མང་རྒྱ་མཚོ་ལྟ་བུ་རྣམས་ལེགས་བཤད་གསར་བའི་སྐྱེས་ཀྱིས་ཡིད་ཚིམ་པར་གྱུར་ཏོ། །དེ་ནས་རྩེད་ཐང་དུ་ལས་ཆེན་ཀུན་དགའ་རྒྱལ་མཚན་གྱི་དྲུང་དུ་གཙང་ཊིཀ་གི་སྟེང་ནས་མདོ་རྩ་བའི་ཞིབ་བཤད་དང༌། དགྲ་བཅོམ་པ་ས་ག་ལྷས་མཛད་པའི་འདུལ་བ་མེ་ཏོག་འཕྲེང་བརྒྱུད་ཀྱི་བཤད་ལུང་མནོས་ནས་འདུལ་བལ་སྦྱངས་པ་དཔྱིས་ཕྱིན་པར་མཛད་ཅིང༌། གཞན་ཡང་ལམ་སྒྲོན། བློ་སྦྱོང་བེ་འབུམ་སྔོ་དམར་ཁྲ་གསུམ་སོགས་བཀའ་གདམས་ཀྱི་ཆོས་སྐོར་ཕལ་ཆེ་བ་ཡང་གསན། དེ་ནས་སྐྱིད་ཤོད་ལྷ་སའི་ཕྱོགས་སུ་ཕེབས་ཏེ། འབྲས་སྤུངས་སུ་ཐོན་པ་མཁས་བཙུན་ཡོན་ཏན་རྒྱ་མཚོ་བསྟན་པའི་ཉི་མ་རྒྱལ་མཚན་དཔལ་བཟང་པ་ལོ་ལྔ་ཧྲིལ་པོ་གཅིག་གི་བར་དུ་བསྟེན་ནས། བདེ་གསང་འཇིགས་གསུམ་དུས་འཁོར་ཀུན་རིགས་སོགས་རྒྱུད་སྡེ་བཞིའི་དཀྱིལ་འཁོར་མང་པོའི་དབང་དང༌། བདེ་གསང་འཇིགས་གསུམ་གྱི་རྫོགས་རིམ་གྱི་འཁྲིད། བདེ་གསང་དུས་འཁོར་རྣམས་ཀྱི་བསྐྱེད་རིམ། ལྷ་ཚོགས་མང་པོའི་རྗེས་གནང་སོགས་སྔགས་ཀྱི་ཆོས་བཀའ་མཐའ་ཡས་པ་གསན། དེ་ནས་དགུང་ལོ་སོ་གཅིག་པ་རབ་བཡུང་དགུ་པའི་ས་འབྲུག་༡༥༠༨ལོར་དཔལ་ལྡན་སྟོད་རྒྱུད་གྲྭ་ཚང་དུ་རྡོ་རྗེ་འཆང་ཆོས་ལྡན་བློ་གྲོས་ཀྱི་ཞབས་ལ་གཏུགས་ནས་དཔལ་གསང་བ་འདུས་པའི་དབང་རྒྱུད་འགྲེལ་པ་མན་ངག་དང་བཅས་པ། རྡོ་རྗེ་འཆང་ཆེན་པོའི་ལམ་གྱི་རིམ་པ་སོགས་གསན་ཅིང་ལོ་ངོ་གསུམ་གྱི་བར་དུ་བླ་མ་དེ་ཉིད་བསྟེན་ནས་རྗེ་བླ་མའི་སྔགས་གཞུང་ཕལ་ཆེ་བ་ལ་སྦྱངས་པར་མཛད་དོ། །གཞན་ཡང་དགའ་ལྡན་དུ་རྗེ་རྒྱལ་བ་གཉིས་པའི་རྒྱལ་ཚབ་ཁྲི་ཐོག་བཅུ་གཉིསཔ་འཇམ་དབྱངས་ཤེས་རབ་དར་ལེགས་པའི་བློ་གྲོས་ཀྱི་དྲུང་དུ་འདུལ་བ་ཀརྨ་ཤ་ཏམ། དཔལ་གསང་བ་འདུས་པའི་རྩ་རྒྱུད་འགྲེལ་པ་སྒྲོན་གསལ་ཆ་ལག་དང་བཅས་པ། རྗེའིབཀའ་འབུམ། མཁས་གྲུབ་དགེ་ལེགས་དཔལ་བཟང་པོའི་བཀའ་འབུམ་སོགས་གསན། དེ་ནས་སྐབས་ཤིག་རྡོ་རྗེ་འཆང་ཆོས་ལྡན་བློ་གྲོས་སྐུུ་ཁམས་བསྙྙེལ་བའི་ཚུལ་བསྟན་པའི་ཚེ། རྗེ་བླ་མ་འདི་ཉིད་ཀྱིས་སྙྙུན་གཡོག་སོགས་སྐུུའི་རིམ་གྲོ་ཉིན་མཚན་ཁོར་མོ་ཡུག་ཏུ་འབད་པ་ཆེན་པོས་བསྐྲན་པས་ཐུགས་ཤིན་ཏུ་དགྱེས་ཤིང་ཞིང་གཤེགས་ཁར་བསྟན་པ་འཛིན་སྐྱོང་སྤེལ་གསུམ་གྱི་ཁུར་ཐམས་ཅད་དམ་པ་འདི་ཉིད་ལ་ཕོག་ཏེ། རྒྱུད་གྲྭ་འདིའི་འཆད་ཉན་ནམ་ཡང་མི་ཉམས་པར་བྱ་དགོས་ཚུལ་སོགས་ཀྱི་བཀའ་ཆེམས་མང་དུ་གནང་ནས་ཚོད་ཁེ་སྤོགས་ལོན་པ་བཞིན་དུ་ཞིང་གཞན་དུ་གཤེགས། རྗེ་བླ་མ་འདིས་ཀྱང་བླ་མའི་བཀའ་བཞིན་དགུང་ལོ་སོ་བཞི་པ་རབ་བྱུང་དགུ་པའི་ལྕགས་ལུག་༡༥༡༡ལོར་རྒྱུད་ཀྱི་མཁན་ཁྲིར་ཕེབས། དུས་དེ་ནས་བཟུང་སྟེ་ཞེ་བདུན་གྱི་བར་དུ་རྒྱུད་ཀྱི་ཐུགས་ཁུར་བཞེས་ནས་འཆད་ཉན་ཆོས་འཕེལ་བར་བྱུང་ཞིང༌། ཁྱད་པར་དགུང་ལོ་སོ་དྲུག་པའི་དུས་གསང་བ་འདུས་པའི་བསྐྱེད་རྫོགས་གཉིས་ཀའི་ཊིཀ་ཆེན་བརྩམས་ཤིང་དེའི་འཆད་ཉན་འཛུགས་པར་མཛད་ཅིང༌། གཞན་ཡང་ཇ་ཚུལ་འཛུག་པ་དང་དགེ་འདུན་གྱི་འདུ་ཁང་བརྩིགས་པ་སོགས་ལུགས་གཉིས་ཀྱི་སྒོ་ནས་འཛིན་སྐྱོང་སྤེལ་བར་མཛད་པས་གྲྭ་ཚང་ཡང་ཆེས་ཆེར་འཕེལ་ཏེ་རྒྱུད་སྟོད་སྨད་ཞེས་ཕན་ཚུན་འགྲན་པ་བཞིན་དུ་གནས་པ་འདི་དམ་པ་ཁོ་ནའི་ཕྱག་རྗེས་ཡིན་ནོ། །དེ་ལྟར་རྒྱུད་ཀྱི་འཆད་ཉན་མཛད་པའི་སྐབས་དེ་དག་ཏུ་འོན་སྡང་དང་ཉིད་ཀྱི་གདན་ས་ཡང་འཛིན་སྐྱོང་མཛད། དགུང་ལོ་ཞེ་བདུན་པ་ཤིང་སྤྲེལ་༡༥༢༤ལོ་ནས་བཟུང་སྟེ་ཆོས་རྗེ་དཀོན་དར་བ་ལ་རྒྱུད་པའི་གདན་ས་གཏད་ནས་མཁས་མང་བློ་གསལ་གླིང་གི་འཆད་ཉན་མཛད་དེ། དེ་ཡང་ཉིད་ཀྱི་བཀའ་གདམས་ཆོས་འབྱུང་ལས། ཤིང་སྤྲེལ་ལོ་གསར་བ་ངོས་ཅག་ལ་ཆོས་འཆད་དུ་སླེབས་དགོས་པའི་ཐམས་ཅད་མཁྱེན་པའི་ཕྱག་དམ། མི་སྣའི་ངག་དང་བཅས་པ་འགའ་ཟུང་ཕེབས་ཤི། སྨིན་པའི་མཐར་རྒྱུད་ཀྱི་འཆད་ཉན་བསྐོ་བ་དང༌། དགོན་པ་གཅིག་གཉིས་གཏོང་གྲུབ་ན། བཀའ་ངག་མ་བཅག་ཙམ་ཅི་ཡོང་བལྟ། ཞེས་ཞུས་ཤིང་སྨྲས་པ་ན། ཞུས་ལན་ཕྱག་དམ་དུ། དམ་པའི་ཞལ་བཞེས་རྡོ་ཡི་རི་མོ་ཞེས། །གྲགས་པ་སྙྙིང་ལ་ཡི་དམ་ཉིད་དུ་བགྱིད། །དེ་དག་སྒྲུབ་པའི་ཐབས་ལ་མཁས་པ་ཡང༌། །སྨོས་པར་ཅི་འཚལ་ཚུལ་བཞིན་མཛད་དུ་གསོལ། །ཞེས་ཕེབས་པ་ཉིད་ཁུར་དུ་ལྕི་སྟེ་ལོ་དེའི་འཇུག་ནས་གྲྭ་ཚང་གཟུང་བ་དགེ་ལྡན་དུ་སླེབས་དགོས་པ་སོགས་ནས། བཤད་ཉནར་རྒྱུན་འཐུད་པ་གཅིག་མ་བྱུང་ཡང་ཅི་སྡོད་ཀྱི་རི། བསྟན་པ་ལས་བསམ་ནས་བརྩོན་འགྲུས་བཟང་པོའི་གོ་ཆ་གྱོན་ཏེ་གོ་ཚོད་བསྟུན་པའི་གཞུང་བཤད་བགྱིས་སོ། །ཞེས་གསུངས་པ་ལྟར་ཤིང་སྤྲེལ་ལོར་ཐམས་ཅད་མཁྱེན་པ་དགེ་འདུན་རྒྱ་མཚོའི་མཁས་མང་བློ་གསལ་གླིང་གི་འཆད་ཉན་དུ་ཕེབས། ཤིང་བྱ་༡༥༢༥ལོ་ལ་ཕར་ཕྱིན་སྤྱི་དོན་ཡུམ་དོན་གསལ་བའི་སྒྲོན་མེའི་བའ་རྩོམ་མཛད། དེ་རྗེས་ས་བྱི་ལོར་དབུ་མའི་སྤྱི་དོན་ཟབ་དོན་གསལ་བའི་སྒྲོན་མེའི་བཀའ་རྩོམ་གནང་ཞིང༌། འཆད་ཉན་དབྱར་གྱི་མཚོ་ཆེན་ལྟར་འཕེལ་བར་གྱུར་ཏེ་ད་ལྟའི་བར་དུ་ཡང་འཕྲིན་ལས་ཀྱི་ཁྱབ་གདལ་རྒྱུན་མི་ད་བར་གནས་སོ། །དམ་པ་འདི་ཉིད་ཀྱི་ཡིག་ཆ་འདི་དག་ལ་བརྟེན་ནས་མཁས་གྲུབ་ཀྱི་སྐྱེས་བུ་དམ་པ་བགྲང་ལས་འདས་པ་ཟམ་མ་ཆད་པར་བྱོན་པས་མཐའ་དབུས་ཀྱི་ཡུལ་གྲུ་ཐམས་ཅད་ཁྱབ་པ་ཀུན་གྱི་མཐུན་སྣང་དུ་གྲུབ་པ་ལ་བསྙྙོན་དུ་མེད་ཅིང་ད་ལྟ་ཡང་གང་དེའི་ལེགས་པར་བཤད་པའི་འཕྲིན་ལས་གདུགས་དཀར་གྱི་གྲིབ་བསིལ་ལ་རིས་སུ་མ་ཆད་པའི་རྣམ་གྲོལ་དོན་གཉེར་གྱི་སྐྱེས་བུ་མཐའ་དག་ངལ་གསོ་བཞིན་པར་གནས་སོ།། དེ་ལྟར་ལོ་ངོ་དྲུག་གི་རིང་བློ་གསལ་གླིང་གི་འཆད་ཉན་མཛད། དགུང་ལོ་ང་གཉིས་པ་ས་གླང་༡༥༢༩ལོར་བམ་གདོང་རབ་འབྱམས་པ་དགེ་འདུན་དོན་འགྲུབ་མཁན་ཁྲིར་བཀོད། ལོ་དེར་དགའ་ལྡན་དུ་བྱོན་རྗེ་རྒྱལ་བ་གཉིས་པའི་རྒྱལ་ཚབ་ཏུ་ཀུན་གྱིས་མངའ་གསོལ་ཞིང༌། དེ་དུས་གསེར་ཁྲི་ལ་ཕེབས་ནས་གསུང་ཆོས་སྐབས། ཆོས་ཀྱི་རྒྱལ་པོ་ཙོང་ཁ་པའི། །ཆོས་ཚུལ་རྣམ་པར་འཕེལ་བ་ལ། །བགེགས་ཀྱི་མཚན་མ་ཞི་བ་དང༌། །མཐུན་རྐྱེན་མ་ལུས་ཚང་བར་ཤོག་ །ཞེས་རྗེ་བླ་མའི་བསྟན་པ་རྒྱས་པའི་ཐུགས་སྨོན་ཚིགས་བཅད་ཀྱང་མཛད། །དེ་ལོ་བཀའ་གདམས་གསར་རྙིང་གི་ཆོས་འབྱུང་ཡིད་ཀྱི་མཛེས་རྒྱན་ཞེས་པའི་གསུང་རྩོམ་དང༌། དེའི་ལོ་ཕྱི་མ་ལྕགས་སྟག་༡༥༣༠ལོ་འདུལ་བའི་རྣམ་བཤད་ལུང་རིགས་ཉི་མའི་བཀའ་རྩོམ། དེའི་ལོ་ཕྱི་མ་ལྕགས་ཡོས་༡༥༣༡ལོར་འཇུག་པའི་མཐའ་དཔྱོད་ཟབ་དོན་ཡང་གསལ་སྒྲོན་མེའི་བཀའ་རྩོམ་མཛད་ཅིང༌། ཤིང་རྟ་༡༥༣༤ལོར་ཚད་མ་རྣམ་འགྲེལ་གྱི་བཀའ་འགྲེལ་དགོངས་པ་རབ་གསལ་ཞེས་པའིབསྟན་བཅོས་རྨད་དུ་བྱུང་བ་མཛད་ཅིང༌། གཞན་ཡང་མཛོད་ཊིཀ། རྒྱུད་བླ་མའི་ཊིཀྐ། རྒྱལ་རབས་འཕྲུལ་གྱི་ལྡེ་མིག་སོགས་བསྟན་བཅོས་མང་དུ་མཛད། དགུང་ལོ་ང་བརྒྱད་པ་ཤིང་ལུག་༡༥༣༥ལོར་རྡོ་རྗེ་འཛིན་པ་ཆོས་སྐྱོང་རྒྱ་མཚོ་གདན་སར་བསྐོས། རང་ཉིད་བདེ་བ་ཅན་གྱི་གཟིམས་ཁང་དུ་ཟུར་ཞུགས་མཛད་དེ་གཙོ་བོར་ཐུགས་དམ་ཟབ་མོའི་རིམ་པ་ཐུགས་ཉམས་སུ་བསྟར་ཞིང༌། སྐལ་ལྡན་དོན་གཉེརཅན་རྣམས་ལ་མདོ་རྒྱུད་མཐའ་དག་གིས་རེ་བ་སྐོང་བར་མཛོད་དོ། །རེ་ལྔ་པ་ཆུ་སྟག་༡༥༤༢ལོར་དུས་ཚིགས་ཆེན་མོ་རྩོམ་པར་མཛད། ཐམས་ཅད་མཁྱེན་པ་དགེ་འདུན་རྒྱ་མཚོ་ཞིང་གཤེགས་པའི་རྗེས་ནས་དགུང་ལོ་རེ་དྲུག་པ་ཆུ་ཡོས་༡༥༤༣ལོར་འབྲས་སྤུངས་ཀྱི་ཁྲིར་ཕེབས་དགོས་བྱུང་ཞིང༌། དེལོ་ནས་སྐྱོར་མོ་ལུང་དང༌། སེ་རྭ་སོགས་ནས་གསོལ་བ་བཏབ་པ་ལྟར་དེ་དག་གི་གདན་སའང་གནང་དགོས་པ་བྱུང་བས་ཕན་ཚན་ཐམས་ཅད་དུ་གང་ལ་དེ་འཚམས་ཀྱི་ཆོས་འཁོར་ལོ་རྒྱུན་མི་ཆད་དུ་བསྐོར་བ་སོགས་བསྟན་པའི་བྱ་བ་རྒྱ་ཆེན་པོ་མཛད་པས་འཛིན་མའི་ཁྱོན་ཐམས་ཅད་འཕྲིན་ལས་ཀྱི་གདུགས་དཀར་པོ་གཅིག་གིས་ཁྱབ་པར་གྱུར། དེ་དུས་སྨོན་ལམ་གྱི་གྲལ་དབུར་ཕེབས་སྐབས། བདག་དང་གཞན་གྱི་དུས་སུམ་དང༌། །འབྲེལ་བའི་ཚོགས་གཉིས་ལ་བརྟེན་ནས། །རྒྱལ་བ་བློ་བཟང་གྲགས་པ་ཡི། །བསྟན་པ་ཡུན་རིང་འབར་གྱུར་ཅིག །ཅེས་པའི་ཐུགས་སྨོན་གསུང་པ་འདི་དང༌། གོང་གི་ཆོས་ཀྱི་རྒྱལ་པོ་ཞེས་པའི་ཚིགས་བཅད་གཉིས་ཞྭ་སེར་ལུགས་བཟང་གར་ཁྱབ་པའི་ཡུལ་ཕྱོགས་ཀུན་ལ་རླུང་ལྟར་གྲགས་ཤིང༌། འཇམ་མགོན་བླ་མའི་བསྟན་པ་སྤེལ་ཕྱིར་བསམ་བཞིན་དུ་བྱོན་ནས། འཕྲིན་ལས་ནམ་མཁའ་དང་མཉམ་པར་བྱུང་བ་དེ་ཙམ་གྱིས་ཀྱང་ཤེས་ནུས་ལ། དེར་མ་ཟད། རྗེ་ཉིད་ཀྱི་གསོལ་འདེབས་ཆོས་སྤྱོད་རྣམས་སུ་ཡང༌། བསོད་ནམས་ཡེ་ཤེས་ཚོགས་གཉིས་བསྒོམས་པའི་མཐུས། །ལུང་རྟོགས་ཡོནཏན་དུ་མའི་མཛོད་འཛིན་ཅིང༌། །སྙྙན་པའི་གྲགས་པ་ནོར་འཛིན་ཡོངས་སུ་ཁྱབ། །རྗེ་བཙུན་བླ་མའི་ཞབས་ལ་གསོལ་བ་འདེབས། །ཞེས་དོན་དང་ལྡན་པ་འདི་ཡང་དེང་སང་སེ་འབྲས་དགེ་གསུམ་སོགས་དགོན་སྡེ་ཆེ་ཆུང་ལྷ་ས་སྨོན་ལམ་རྣམས་ལ་ཞལ་འདོན་མཛད་བཞིན་པར་གནས་སོ། །དེ་ནས་རྗེ་བཙུན་ཐམས་ཅད་མཁྱེན་པ་དགེ་འདུན་རྒྱ་མཚོའི་སྤྲུལ་སྐུུ་ངོས་འཛིན་པ་དང་རབ་ཏུ་བྱུང་བའི་མཁན་པོ་མཛད་དེ་མཚན་བསོད་ནམས་རྒྱ་མཚོར་གསོལ། དབང་ལུང་མན་ངག་རྣམས་བུམ་པ་གང་བྱོའི་ཚུལ་དུ་སྩལ་ནས་དགུང་ལོ་དོན་བཞི་པ་ས་ཕག་༡༥༣༩ལོར་བསྟན་པའི་ཁུར་ཕོག་འབྲས་སྤུངས་ཀྱི་གདན་ས་དེ་དེད་དཔོན་ཡིད་བཞིན་ནོར་བུ་ལེན་པ་བཞིན་དུ་ཐུགས་དགྱེས་ཉམས་དང་ལྡན་པར་གཙོ་བོར་གཟིམས་ཁང་གོང་དུ་ཟུར་བཞུགས་མཛད་ཅིང་དེ་སྐབས་སུ་འདུལ་བའི་ཆོས་འབྱུང་སོགས་བསྟན་བཅོས་མང་པོའི་བཀའ་རྩོམ་དང༌། སྐབས་འགར་སེ་རྭ་དང་སྐྱོར་མོ་ལུང་སོགས་སུ་བྱོན་ནས་རང་རང་གི་བགོ་སྐུལ་དང་འཚམ་པའི་ཆོས་འཁོར་བསྐོར་བར་མཛད། དེ་ལྟར་སྐུུ་དངོས་ཀྱི་གདུལ་བྱ་རྣམས་རྫོགས་པ་ན་དགུང་ལོ་དོན་བདུན་བཞེས་པ་ཤིང་སྟག་༡༥༥༤ལོ་མགོ་ཟླ་བའི་ཡར་ངོའི་ཚེས་བཅུ་བཞིའི་ཐོ་རངས་དཔའ་བོ་གཡུལ་ལས་རྒྱལ་བ་བཞིན་དུ་དགའ་ལྡན་ཆོས་ཀྱིས་མཐོ་བའི་ཕོ་བྲང་དུ་གཤེགས་སོ།། དེའི་ཚེ་ནམ་མཁའ་ཤིན་ཏུ་དྭངས་པ་ལས་ལྷའི་མེ་ཏོག་གི་ཆར་ཕབ་པ་དང༌། འཇའ་མཚོན་གྱི་དྲ་བས་ཕྱོགས་མཚམས་ཀུན་ཏུ་བྲེས་པ་དང༌། དགུན་གྱི་དུས་ཡིན་ཀྱང་གྲང་རེག་སྐད་ཅིག་ལ་ཞི་ནས་མེ་ཏོག་དུ་མ་གློ་བུར་ཁ་བྱེ་བ་སོགས་ཀུན་གྱི་མཐུན་སྣང་དུ་གྲུབ་པས་ཕན་ཚུན་ངོ་མཚར་བའི་ཅ་ཅོ་སྒྲོགས་ཅིང་སླར་ཡང་དད་པའི་པདྨོ་རྣམ་པར་བཞད་པའི་གསོས་སུ་གྱུར་པས་སྐྱེ་བོ་མཐའ་དག་གདུང་དབྱངས་དྲག་པོས་གསོལ་བ་འདེབས་པ་ལ་བརྩོན་པར་བྱེད་དོ། །ཐུགས་དམ་གྲོལ་བ་ན་གདུང་ཁྲུ་གང་དུ་གྱུར་ཅིང་དེ་ཉིད་རེ་ཞིག་རིལ་པོར་ཞུགས་པ་ལ་ཕྱོགས་ཀྱི་དད་འབུལ་དཔག་མེད་བྱུང་བ་རྣམས་ལ་གཞི་བྱས་ཏེ་དངུལ་གདུང་ཐོག་ཚད་ཕྱད་དོ་ཙམ་བསྐྲུན། འབྲུག་ལོ་ཧོར་ཟླ་བཅུ་གཉིས་པའི་ནང་གདུང་ཞུགས་སུ་ཕུལ་བ་ན་སྔར་བཞིན་ཕྱིའི་མཚན་མ་ཁྱདཔར་ཅན་རྣམས་བྱུང་ཞིང༌། སྐུུ་གདུང་ཞལ་ཕྱེ་བ་ན་ཐུགས་ལྗགས་སྤྱན་གསུམ་མེས་མ་ཚིག་པར་ཞུགས་ཤིང༌། གཞན་ཡང་ཐུགས་ཟུར་པ་བརྗིད་ཅིང་ཡ་མཚན་པ་ཞིག་དང༌། རིང་བསྲེལ་གྱི་རང་བཞིན་ལས་འབུར་འདོད་དུ་བྱོན་པའི་ཐུགས་རྗེ་ཆེན་པོ་བཅུ་གཅིག་ཞལ་དང༌། ཡིག་འབྲུའི་རྣམ་པ་དང༌། གཞན་ཡང་རིང་བསྲེལ་མང་དུ་བྱོན་ནོ། །གཞན་ཡང་སྐུུ་གདུང་གི་ཆུ་སེར་རིལ་བུ་དུ་མ་ཡུངས་འབྲུ་ལས་ཀྱང་ཆུང་བ་ཁ་དོག་སྣ་ཚོགས་པའི་རིང་བསྲེལ་བྱོན་ཞིང༌། ཆུ་སེར་ཁ་ཅིག་རིང་བསྲེལ་ཉིད་དུ་གནས་གྱུར་པ་དང༌། དེ་ལས་མང་དུ་འཕེལ་བ་སོགས་ཐམས་ཅད་ཀྱི་མིག་ལམ་དུ་མཐོང་བ་དང༌། གདུང་ཚ་ཆུ་སེར་གྱིས་ཞུས་པའི་དྭངས་མའི་རྡོ་རྗེ་འཐས་པ་ཤེལ་ལྟར་དྲངས་པའི་ནང་དུ་རིང་འསྲེལ་གྱི་རྣམ་པ་གཅིག་ལས་དུ་མར་བཀྱེ་ཞིང་སྟེང་དུ་མྱུར་བར་སོང་སྟེ། གཅིག་ཏུ་གྱུར་ཞིང་སླར་མགོ་འཇུག་ལྡོག་པ་ནའང་སྡར་ལྟར་གྱེན་དུ་འགྲོ་བ་ལས་ནམ་ཡང་ཐུར་དུ་མི་རྒྱུ་བའི་རྟེན་ངོ་མཚར་བ་ཡང་ཁ་ཡར་བྱོན་པས་ཀུན་ངོ་མཚར་དུ་གྱུར་ཏོ། །ལྟས་དེ་དག་གང་ལ་འབྱུང་བ་ཡང་བཀའ་གདམས་སྤྲུལ་པའི་གླེགས་བམ་ལས། རྣལ་འབྱོར་སྤྱོད་པའི་དབུ་མ་པ། །དབུ་མའི་དབྱིངས་སུ་དབུ་མ་འགྲོ་ །ཤི་ལྟས་ནམ་མཁའ་དངས་པ་ཡིན། །ཚུལ་ཁྲིམས་གཙང་ལ་མེ་ཏོག་འབབ། །བྱང་ཆུབ་སེམས་དཔའ་རིང་བསྲེལ་འཛག་ །བསྐྱེད་རིམ་ཅན་ལ་ལྷ་སྐུུ་འབྱོན། །ཁྲིམས་གཙང་ཕུང་པོ་གཙང་མ་སྟེ། །ལྷ་རྣམས་ཀུན་གྱིས་བསུ་བར་བྱེད། །ཕྱིར་མི་ལྡོག་ལ་དུང་འཁྱིལ་ཏེ། །འཁོར་བ་མི་སྤོང་སེམས་དཔའ་ལ། །ཐུགས་དང་ལྗགས་ནི་འབྱོན་པར་བཤད། །སྤྱིར་ནི་དམ་པ་གཤེགས་པ་ལ། །ལྷ་ཡི་སྔ་ལྟས་འཇའ་འོད་འབྱུང༌། །གནས་ལུགས་སྔ་ལྟས་སྤྲིན་མེད་ཡིན། །དེ་ནི་ཐུན་མོང་སྔ་ལྟས་ཙམ། །ཐུན་མོང་མ་ཡིན་བསམ་མི་ཁྱབ། །ཞེས་ཡོན་ཏན་དེ་དག་དང་ལྡན་པ་ལ་མ་གཏོགས་གང་རུང་ལ་མི་འབྱུང་བར་གསུང་ཞིང་དམ་པ་འདི་ལ་ནི་རྟགས་དེ་དག་ལས་གཅིག་ཙམ་མ་གཏོགས་ཐམས་ཅད་ཚང་བར་བྱུང་བ་ཀུན་གྱིས་མངོན་སུམ་གྱི་ཡུལ་དུ་གྱུར་པར་བསྙྙོན་དུ་མེད་དོ། །གསུང་ལས་སྐྱེས་པའི་སློབ་མ་ཡང་རྒྱལ་མཆོག་བསོད་ནམས་རྒྱ་མཚོ་དང༌། དགའ་ལྡན་ཁྲི་ཐོག་བཅུ་དགུ་པ་ངག་དབང་ཆོས་གྲགས། ཁྲི་ཐོག་ཉེར་གཅིག་པ་འོལ་ཁ་དགེ་ལེགས་དཔལ་བཟང༌། ཁྲི་ཐོག་ཉེར་ལྔ་པ་རྒྱལ་ཁང་རྩེ་པ་དཔལ་འབྱོར་རྒྱ་མཚོ་སོགས་ཆེན་དམ་པ་ཤིན་ཏུ་མང་པོ་བྱུང༌། གསུང་གི་ལེགས་བཤད་པོད་ཆེན་བཅུ་བཞི་ཙམ་བཞུགས་པ་ཀུན་འཕྲིན་ལས་ཀྱི་འོད་སྣང་འབར་བཞིན་འཆིང་ལ། ལྷག་པར་མདོ་སྔགས་ཀྱི་གཞུང་ཆེན་མོའི་འགྲེལ་པ་དག་ནི་རྒྱུད་གྲྭ་སྟོད་དང་འབྲས་སྤུངས་བློ་གསལ་གླིང་གིས་འཆད་ཉན་བྱེད་བཞིན་པ་ཡིན། འདིའི་སྐུུ་ཕྲེང་གཉིས་པ་གཟིམས་ཁང་གོང་སྤྲུལ་པའི་སྐུུ་བསོད་ནམས་ཡེ་ཤེས་དབང་པོ། སྐུུ་ཕྲེང་གསུམ་བསོད་ནམས་དགེ་ལེགས་དཔལ་བཟང༌། སྐུུ་ཕྲེང་བཞི་པ་སྤྲུལ་སྐུུ་གྲགས་པ་རྒྱལ་མཚན།འདིའི་སྐུུ་ཕྲེང་རྗེས་མ་མན་ཆིང་གོང་མ་ཆན་ལུང་ཡིན་ཞེས་སོག་པོ་རྟ་དབྱངས་ཀྱིས་བཤད། སྐུུ་ཕྲེང་ལྔ་པ་མངའ་རིས་ངག་དབང་སྦྱིན་པ་འཇམ་དབྱངས་བསྟན་པའི་རྒྱལ་མཚན། སྐུུ་ཕྲེང་དྲུག་པ་མངའ་རིས་སྤྲུལ་སྐུུ་བློ་བཟང་བཀྲིས། སྐུུ་ཕྲེང་བདུན་པ་བློ་བཟང་དགེ་ལེགས་ཡེ་ཤེས་གྲགས་པ། སྐུུ་ཕྲེང་བརྒྱད་པ་བློ་བཟང་འཇིགས་མེད་བསྟན་པའི་རྒྱལ་མཚན། སྐུུ་ཕྲེང་དགུ་པ་ངག་དབང་ཚུལ་ཁྲིམས་བསྟན་པའི་རྒྱལ་མཚན། སྐུུ་ཕྲེང་བཅུ་པ་མཁས་གྲུབ་བསྟན་འཛིན་ཆོས་ཀྱི་ཉི་མ། སྐུུ་ཕྲེང་བཅུ་གཅིག་པ་ངག་དབང་བློ་བཟང་མཁས་གྲུབ་བསྟན་འཛིན་རྒྱ་མཚོ། སྐུུ་ཕྲེང་བཅུ་གཉིས་པ་བསྟན་འཛིན་ཆོས་རྒྱལ་རྒྱལ་དབང་སྐུ་ཕྲེང་བཞི་པའི་སྐུ་མཆེད་དུ་འཁྲུངས་ཤིང་ད་ལྟར་འཚོ་ཞིང་བཞུགས་བཞིན་པ་འདི་ཉིད་དོ། །


དགའ་ལྡན་ཁྲི་ཐོག་བཅུ་དྲུག་པ་རྒྱ་ར་ཆོས་སྐྱོང་རྒྱ་མཚོ་ནི། རབ་བྱུང་བརྒྱད་པའི་ཆུ་སྦྲུལ༡༤༧༣ལོར་དབུས་སྟོད་ཞོགས་མདའ་རྒྱ་རར་སྐུུ་འཁྲུངས། ཆུང་ངུའི་དུས་སུ་སྔར་འགྱུར་རྙིང་མའི་ཆོས་སྐོར་ཀུན་མཁྱེན་ཀློང་ཆེན་རབ་འབྱམས་པའི་གསུང་རབ་རྣམས་གསན། དེ་རྗེས་བྲག་དབར་དུ་རབ་ཏུ་བྱུང་ནས་དབུ་མ་གསན་ཅིང༌། དེ་ནས་འབྲས་སྤུངས་སུ་བྱོན་ཏེ་བློ་གླིང་ཆོས་རྗེ་ལེགས་པ་ཆོས་འབྱོར་རམ་འཇམ་དབྱངས་དགའ་བློར་བསྟེན་ནས་ཕར་ཚད། འདུལ་མཛོད། དབུ་མ་བཅས་དཀའ་ཆེན་རྣམས་ལ་སྦྱངས་པས་སྟོན་པ་བཟང་བ་དང༌། མཁྱེན་རབ་ཆེ་བས་ལེགས་པར་མཁྱེན་པའི་མཁས་པའི་ཕུལ་དུ་གྱུར། རྒྱུད་སྨད་དུ་བྱོན་ནས་རྗེ་ཤེར་བཟང་པའི་དྲུང་ནས་གསང་འདུས་རྩ་བཤད་ཀྱི་རྒྱུད་ཡོངས་རྫོགས་དང༌། འགྲེལ་པ་རྣམས། བདེ་མཆོག་གི་སྐོར་དང༌། དུས་འཁོར་ལ་སོགས་པའི་རྒྱུད་སྡེ་བཞི་ཀའི་སྐོར་དང༌། ཁྱད་པར་དུ་རྡོ་རྗེ་འཇིགས་བྱེད་ཀྱི་རྒྱུད་རྩ་བཤད་རྒྱུད་འགྲེལ་མན་ངག་བསྐྱེད་རྫོགས་རྣམས་དང༌། འཕྲུལ་འཁོར་དང་དྲུག་ཅུ་པའི་སྐོར་ཀུན་དང༌། ཡེ་ཤེས་མགོན་པོའི་བསྙྙེན་སྒྲུབ་ལས་གསུམ་གྱི་གདམས་པ་མ་ལུསཔ་གསན་ཅིང༌། དེ་བཞིན་དུ་རྒྱུད་པ་ཚུལ་བཟང་བ་ལ་མདོ་སྔགས་ཀྱི་སྐོར་མང་པོ་གསན་པས་བསྟན་པའི་བདག་པོར་གྱུར། རབ་བྱུང་དགུ་པའི་ལྕགས་འབྲུག་༡༥༢༠ལོར་རྒྱུད་སྨད་ཀྱི་ཁྲིར་ཕེབས་ནས་ཆུ་སྦྲུལ་ལོའི་བར་ལོ་བཅུ་བཞིར་འཆད་ཉན་མཛད། པཎ་ཆེན་ཆོས་འབྱུང་དུ་ལོ་བཅོ་ལྔ་སྐོར་གནང་བར་གསུངས། དེ་ཡང་གསང་བདེ་གཉིས་ཀྱི་རྩ་བཤད་རྒྱུད་འགྲེལ་འགྲེལ་བཤད་ཡོངས་རྫོགསདང༌། རྡོ་རྗེ་འཇིགས་བྱེད་ཀྱི་རྩ་རྒྱུད་དང་འགྲེལ་པ་བཞིར་བསྐྱེད་རྫོགས་ཆེན་མོ་དང་སྦྱར་ནས་གསུངས་པ་དང༌། སྐབས་དེ་ཙམ་ན་རྒྱུད་རྩ་འགྲེལ་མན་ངག་མ་ལུས་པ་འཛིན་པའི་ངེས་དོན་གྱི་དགེ་བའི་བཤེས་གཉེན་ཆེན་པོ་རིག་པ་འཛིན་པས་བོད་ཁམས་མ་ལུས་པར་ཁྱབ་པར་གྱུར། རྒྱུད་ཆེན་བརྩོན་འགྲུས་འཕགས་པ་སོགས་ཀྱིས་རྗེ་འདི་ལས་གསན་ནས་ཁྲིད་ཆེན་བརྒྱད་སོགས་ཀྱི་བཤད་རྒྱུན་གཙང་དུའང་དར་བ་ཀུན་མཁྱེན་འཇམ་དབྱངས་བཞད་པ་སོགས་ཀྱིས་ཐོབ་ཚུལ་བཤད་ལ། དེ་ལྟར་རྒྱུད་ཀྱི་འཆད་ཉན་གནང་བཞིན་པའི་སྟེང་ནས་བྱང་རྩེར་ཕེབས་ཏེ། མདོ་སྔགས་ཀྱི་ཆོས་འཁོར་རྒྱུན་མི་ཆད་དུ་བསྐོར་བས་སྔར་ལས་ཀྱང་འཕྲིན་ལས་རྒྱ་ཆེན་གོང་འཕེལ་དུ་གྱུར་པ་སྟེ། གསང་བདེ་འཇིགས་གསུམ་གྱི་བསྐྱེད་རྫོགས་སྔར་ཕྱི་མང་པོ་མཛད་ཅིང༌། གསང་འདུས་བསྐྱེད་རྫོགས་ལེགས་པ་ཆེ་ཆུང་གཉིས་ཡོད་པར་ཀུན་མཁྱེན་འཇམ་བཞད་པས་གཟིགས་ཚུལ་གསུངས། དེ་བཞིན་དུ་ཕྱག་རྡོར་འཁོར་ལོ་ཆེན་པོའི་བསྙྙེན་སྒྲུབ་ལས་གསུམ་གྱི་བྱིན་རླབས་བཞི་ལྡན་གྱི་ཁྲིད་ཡིག་དང༌། ཕྱག་རྡོར་གསང་བ་བསམ་གྱིས་མི་ཁྱབ་པའི་ཁྲིད་ཡིག ཆོས་དྲུག་གི་ཁྲིད་ཡིག་རྣམས་ཡོད་ཚུལ་གསུངས། ཆོས་སྐྱོང་རྒྱ་མཚོའི་ལྟ་ཁྲིད་ཅེས་འཇམ་བཞེད་ཞབས་དྲུང་ཨ་ཁུ་ཤེས་རབ་རྒྱ་མཚོའི་གསུང་ཁྲོད་དུ་ཡོད་པ་དང༌། ཁྲིད་ཆེན་བརྒྱད་ཀྱི་ཟིན་བྲིས་རྒྱུད་སྨད་གྲྭ་ཚང་གི་འཆད་ཉན་ནང་ཡོད་པ་དེ་ཡང་རྗེ་འདིས་མཛད། དེ་བཞིན་དུ་དུས་འཁོར་གྱི་སྐོར་ཡང་མང་པོ་གསུངས་ཤིང༌། དགུང་གྲངས་རེ་བཞི་པ་མེ་སྤྲེལ་༡༥༣༦ལོ་ལ་རྒྱལ་བ་གཉིས་པའི་གདན་སར་མི་འཇིགས་གདོང་ལྔས་བཏེགས་པའི་གསེར་ཁྲིར་ཕེབས་ཏེ། འཆད་རྩོད་རྩོམ་པའི་མི་འཇིགས་སེང་གེའི་སྒྲ་དབྱངས་མཐོན་པོར་སྒྲོགས། རྡོ་རྗེ་འཇིགས་བྱེད་ཀྱི་གསལ་སྣང་དང་ང་རྒྱལ་གྱིས་སྡང་མིགགཡོ་བ་ཙམ་གྱིས་ནག་ཕྱོགས་བདུད་རིགས་དཔུང་ཚོགས་ཕྱིར་མིག་ཙམ་ཡང་བལྟ་བ་མི་བཟོད་པའི་གཟི་བརྗིད་ཉི་མ་འབུམ་ལས་ལྷག་པར་འཕྲོ་ཞིང༌། མཐུ་སྟོབས་རྭ་རྩེ་རྣོན་པོ་འོག་མིན་གྱི་བར་དུ་བསྒྲེངས་པར་མཛད་པས་ནག་ཕྱོགས་ལྷ་མིན་དཔུང་ཚོགས་གནོད་འཚེ་མཚོན་ཆ་མ་ལུས་ཅིག་ཅར་དུ་ས་ལ་ལྷུང་བར་མཛད་ཅིང༌། དྲེགས་ལྡན་ཆེ་རྒུ་མཐའ་དག་ཅིག་ཅར་ཁ་སྦུབ་ཏུ་ཞབས་འོག་ཏུ་གནོན་པར་མཛད་ནས་ནག་ཕྱོགས་ཐམས་ཅད་མིང་གི་ལྷག་མར་བྱས་པས་རྒྱལ་བ་གཉིས་པའི་རིང་ལུགས་ས་གསུམ་མ་ལུས་པ་བདག་གིར་མཛད་དེ། ལེགས་བྱས་ཀྱི་སྒོ་འཕར་ཡངས་པོར་ཕྱེས། རྗེ་དྲུང་ཤེས་རབ་དབང་པོ་སོགས་སྐལ་ལྡན་གྱི་སློབ་མ་མང་པོར་གསང་བ་འདུས་པའི་རྒྱུད་འགྲེལ་ཆ་ལག་དང་བཅས་པ་དང༌། རིམ་ལྔ་གསལ་སྒྲོན། བསྐྱེད་རིམ་རྣམ་བཤད། བརྟག་གཉིས། བདེ་གསང་འཇིགས་གསུམ་གྱི་བསྐྱེད་རྫོགས་འཁྲིད་ལག་རྗེས་རྣམས་དང༌། གཞཉ་ཡང་མདོ་སྔགས་ཀྱི་ཆོས་མང་པོ་གསུངས།རྗེ་དྲུང་ཤེས་རབ་དབང་པོའི་རྣམ་ཐར་ངོ་མཚར་རྨད་དུ་བྱུང་བ་དད་པའི་འཇུག་ངོགསསོག་གྲངས་༢༥། དེ་ལྟར་ལོ་བཞིའི་བར་དུ་ཟབ་རྒྱས་ཆོས་ཀྱི་འཁོར་ལོ་གཞན་དང་མི་མཉམ་པ་བསྐོར་བས་ན། རྗེ་དགེ་འདུན་རྒྱ་མཚོས་ཀྱང༌། གཞན་ལས་ཕུལ་བྱུང་མ་ཞེས་པའི་ཚིག་དོན་བཟང་པོའི་བསྟོད་པར་མཛད་དོ། བཻ་སེར་དུ་དུས་དེར་འོད་སྣ་སོགས་དབུས་སྟོད་ཀྱི་ཆོས་སྡེ་ཕལ་ཆེར་འབྲི་གུང་པས་བདག་བྱས་ཤིང་ཤར་པ་དང་འབྲེལ་ཆགས་པས་གཏོང་མ་འཕང་རེས་མཛད་པ་ཡིན། ཞེས་ཀྱང་གསུངས། ཕྱག་རྗེས་སུ་ཐུབ་དབང་གི་གོས་སྐུུ་ཆེན་པོ་འདི་བཞེངས། དགའ་ལྡན་ཆོས་འབྱུང་བཻ་སེར་དང༌། མཁར་ནག་ལོ་ཙཱ་བས་ཤིང་ལུག་ལ་ཁྲིར་ཕེབས་པར་འདོད་པ་ལྟར་ན་ལོ་ལྔར་ཁྲི་པ་མཛད་པ་དང༌། མཁས་དབང་སྟག་ལུང་བྲག་པས་མེ་སྤྲེལ་གསུངས་པས་ཀུན་མཁྱེན་བླ་མས་དེ་ཁུངས་བཙན་པར་མཛད་སྣང་བས་དེ་ལྟར་ན་ལོ་བཞིར་ཁྲི་པར་མཛད། དགུང་གྲངས་རེ་བདུན་པ་རབ་བྱུང་དགུ་པའི་ས་ཕག་༡༥༣༩ལོར་སྐུུ་གཤེགས་པའི་ཚེ་མེ་ཏོག་གི་ཆར་དང་འཇའ་འོད་ཁ་དོག་སྣ་ལྔ་ཟུག་པ་སོགས་ངོ་མཚར་བའི་ལྟས་མང་པོ་བྱུང༌། དུས་མཆོད་ཀྱང་ཚ་བྲ་ཆེན་མོ་དཔོན་བརྒྱུད་ཀྱིས་རིང་པོའི་བར་འཛིན་སྣང༌། གདུང་རྟེན་དངུལ་གྱི་མཆོད་སྡོང་རྒྱ་གུར་ནང་ན་མཁས་གྲུབ་རིན་པོ་ཆེའི་དངུལ་གདུང་གི་གཡོན་ཟུར་དུ་བཞུགས་སོ། །གསུང་ལས་སྐྱེས་པའི་སློབ་མ་མདོ་སྔགས་རབ་འབྱམས་ལ་མཁས་པའི་གཞན་དོན་མཐར་ཕྱིན་ནུས་པའི་རྡོ་རྗེ་འཛིན་པ་རྒྱུད་ཆེན་རྒྱལ་མཚན་བཟང་པོ། རྒྱུད་ཆེན་ཆོས་གྲགས་བཟང་པོ། རྒྱུད་ཆེན་བརྩོན་འགྲུས་འཕགས་པ། རྒྱུད་ཆེན་དྭགས་པོ་ནམ་མཁའ་གྲགས། ཁྲི་ཆེན་མངོན་དགའ་བྱམས་པ་རྒྱ་མཚོ་ལ་སོགས་པ་མང་པོ་བྱོན།

དགའ་ལྡན་ཁྲི་ཐོག་བཅུ་བདུན་པ་མི་ཉག་རྡོ་རྗེ་བཟང་པོ་ནི། རབ་བྱུང་བརྒྱད་པའི་ལྕགས་ཕག་༡༤༩༡ལོར་མདོ་ཁམས་མི་ཉག དེང་སང་དཀར་མཛེས་བོད་རིགས་རང་སྐྱོང་ཁུལ་ལྕགས་ཟམ་རྫོང་རྟའུ་རྫོང་བར་སྨད་ཀྲེན་ཁོངས་འགྲོ་ཡོད་གྲོང་དུ་བལྟས་བཟང་དུ་མ་དང་བཅས་འཁྲུངས། སྐུུ་ན་ཆུང་དུས་ནས་མི་ཉག་དགེ་བཤེས་བསྟན་འཕེལ་ཉི་མས་བཀའ་ལུགས་དགེ་བསྒྱུར་བྱས་པའི་ཆོས་སྡེ་བཀའ་ཞིག་དགོན་དུ་ཞུགས་ནས་ཡི་གེའི་ཕྱི་མོ་དང་ཆོས་སྤྱོད་ཆོ་ག་སོགས་ལ་བསླབས། ནར་སོན་པ་དང་དབུས་འགྱུར་ཆོས་ཀྱི་ཞིང་སར་ཕེབས་ཏེ་ཐོག་མར་ཆོས་སྡེ་ཆེན་པོ་དཔལ་ལྡན་སྤུངས་བློ་གསལ་གླིང་མི་ཉག་ཁང་ཚན་དུ་ཆོས་ཞུགས་གནང༌། འཇམ་དབྱངས་དགའ་བའི་བློ་གྲོས་དང༌། བློ་གླིང་མཁན་རབས་དགུ་པ་སློབ་དཔོན་སངས་རྒྱས་བཟང་པོ་ལས། དབུ་ཕར་ཀྱི་གཞུང་ལུགས་ལ་གསན་བསམ་རྒྱ་ཆེར་མཛད་པས་བློ་གསར་བ་ཚོའི་ཁྲོད་ནས་མཁས་པའི་མཚན་སྙྙན་འབར། གཞུང་ཆེན་པོའི་རྩ་འགྲེལ་མང་པོ་ཚེགས་མེད་པར་ཐུགས་འཛིན་གནང༌། རྒྱུན་དུ་གཟིམ་ཤག་ལ་ཐུགས་གཉེར་གནང་དུས་ཉལ་ནས་བཞུགས་སྲོལ་ལས་ཡར་བཞེངས་པའི་སྲོལ་མེད་པས། མི་ཉག་ཁང་ཚན་དགེ་རྒན་གྱིས་ལན་ཁ་ཡར་བཀའ་བསྒྱུར་གནང་བར་མ་ཟད། ཉིན་ཞིག་ཁང་ཚན་སྒྲིག་ཁུངས་སུ་བསྡད་མི་ཆོག་པའི་བཀའ་བསྒྱུར་ཚ་ནན་བཏང༌། དགོང་མོ་ཁང་ཚན་དམ་བཅའ་ཞིག་བཞག་པའི་སྐབས་ད་ནས་ཁང་ཚན་འདིར་མི་བསྡད་དགོངས་ཏེ་གདིང་བ་ཕྲག་ཏུ་གཟར་ནས་ཕེབས་གྲབས་གནང་སྐབས། བསྟན་སྲུང་བསེ་ཁྲབ་པས་ཁོང་གི་ན་གཟའ་ནས་འཇུས་ཏེ་འཐེན་འཐེན་ཐེངས་འགར་ཞུས་པས། རྗེ་འདིས་ཀྱང་རྟེན་འབྲེལ་ལ་དགོངས་ནས། ཁྱོད་ལ་དགོས་པ་དེ་འདི་ཡིན་རྒྱུ་རེད་གསུངས་ནས་གདིང་བ་དེ་དམ་ཁྲིའི་སྒང་བརྡབ་བརྡབ་ཅིག་བཏང་པས། དེའི་རྟེན་འབྲེལ་ལས་དུས་ཕྱིས་ཁང་ཚན་འདི་ནས་དགའ་ལྡན་ཁྲི་ལ་ཕེབས་མཁན་སྐྱེས་ཆེན་འགའ་ཞིག་བྱུང་བར་བཤད། དེ་ནས་བྱམས་ཆེན་ཆོས་ཀྱི་རྒྱལ་པོའི་གདན་ས་སེ་ར་ཐེག་ཆེན་གླིང་དུ་ཕེབས་ནས་སེར་སྨད་ཐོས་བསམ་ནོར་གླིང་གྲྭ་ཚང་གི་མི་ཉག་ཁང་ཚན་དུ་ཆོས་ཞུགས་གནང༌། གཞུང་ཆེན་ཁག་གི་གསན་བསམ་གྱི་འཕྲོ་མཐུད། དཀའ་ཆེན་གྲྭ་སྐོར་མཛད་པས་མཁས་པའི་མཚན་སྙྙན་གང་སར་འབར། དཔལ་ལྡན་སྟོད་རྒྱུད་གྲྭ་ཚང་དུ་ཞུགས་ནས་གསང་སྔགས་རྒྱུད་སྡེའི་གཞུང་ལ་བསླབས་པས། མདོ་སྔགས་གཉིས་ཀར་མཁས་པའིཡང་རྩེར་སོན། སེར་སྨད་གྲྭ་དམངས་ཀྱིས་རེ་བ་ལྟར་རྒྱུད་སྟོད་ནས་སེར་སྨད་དུ་ཕྱིར་ཕེབས་ནས་འཆད་ཉན་པའི་མཁན་ཁྲིར་ཞབས་སོར་འཁོད། རྗེ་འདི་ཉིད་སེར་སྨད་ཐོས་བསམ་ནོར་གླིང་གྲྭ་ཚང་གི་མཁན་རབས་བཅུ་གཉིས་པ་དེ་ཡིན། གདན་ས་ཆེན་པོ་དེར་འཆད་ཉན་གྱི་སྲོལ་དབྱར་མཚོ་ལྟར་སྤེལ་བཞིན་པའི་མུར། རྒྱུད་སྟོད་མཁན་ཁྲིར་རྒྱུད་མི་དགོས་པར་ཤར་རྩེའི་ཁྲིར་ཟླ་ཤས་བཞུགས་རྗེས། དགུང་ལོ་ཞེ་དགུ་པ་རབ་བྱུང་དགུ་པའི་ས་ཕག་༡༤༣༩ལོར། དགའ་ལྡན་རྣམ་པར་རྒྱལ་བའི་གླིང་དུ་འཇམ་མགོན་རྒྱལ་བ་གཉིས་པའི་གསེར་ཁྲིར་ཞབས་སོར་འཁོད། སེར་སྨད་མཁན་ཁྲི་རྒྱུད་དགའ་ལྡན་གསེར་ཁྲིར་ཕེབས་མཁན་ཐེངས་དང་པོ་དེ་རྗེ་འདི་ཉིད་ཡིན། ཁྲི་ལོ་བདུན་བསྐྱངས་ཤིང་དེའི་རིང་དམ་པ་གོང་མའི་ཕྱག་སྲོལ་མི་ཉམས་རྒྱུན་འཛིན་ཐོག དགའ་ལྡན་རྣམ་པར་རྒྱལ་བའི་གླིང་གི་རྗེའི་གཟིམས་ཁང་ཆེན་མོར་ཤིང་རྩི་དང་ལྡེབས་རིས་སོགས་ལེགས་པར་མཛད། བཤད་སྒྲུབ་འཁོར་ལོ་གསུམ་གྱིས་དགེ་ལྡན་བསྟན་པའི་ལུགས་བཟང་བླ་ན་སྤེལ། དགུང་ལོ་ང་དྲུག་པ་རབ་བྱུང་དགུ་པའི་མེ་རྟ་༡༥༤༦ལོར་ཁྲི་ལས་གཤོལ་ནས་བདེ་བ་ཅན་དུ་ཟུར་བཞུགས་མཛད་ཞོར་སྤྲས་རིན་ཆེན་བྲག་གི་ཞལ་འཛིན་ཡང་མཛད། རྒྱུན་ལྡན་རྗེ་འདི་ཉིད་ལ་མངོན་པར་མཁྱེན་པ་དང་གྲུབ་པའི་མཐུ་ཡོད་པ་ཡོངས་སུ་གྲགས་ཀྱང་མོ་གལ་གྱི་བུའི་རྫུ་འཕྲུལ་གྱི་དཔེ་ལྟར། དགུང་ལོ་རེ་བཞི་པ་རབ་བྱུང་དགུ་པའི་ཤིང་སྟག་༡༥༥༤ལོར། ཐེ་བོ་དང་འདན་མ་ནང་འཁྲུགས་སྐབས་བར་འདུམ་དུ་འཚང་བས་སུ་ཡིན་མི་ཤེས་པས་རྡོ་ཞིག་འཕངས་པ་དབུ་ལ་ཕོག་པའི་རྐྱེན་བྱས་ནས་ཞི་བར་གཤེགས། དེའི་སྐྱེ་སྲིད་གཉིས་པ་མི་ཉག་ཁྲི་སྤྲུལ་ཚུལ་ཁྲིམས་མགོན་པོ་ནས་བཟུང༌། སྐུུ་ཕྲེང་བཅུ་བཞི་པ་ངག་དབང་ལྷུན་གྲུབ་ཆོས་ཀྱི་རྒྱལ་མཚན་བར་རིམ་པར་བྱུང་སྣང་ངོ༌།།

དགའ་ལྡན་ཁྲི་ཐོག་བཅོ་བརྒྱད་པ་བྱེ་རི་རྒྱལ་མཚན་བཟང་པོ་ནི། རབ་བྱུང་བརྒྱད་པའི་མེ་སྦྲུལ་༡༤༩༧ལོར་བྱང་བྱེ་རི་སྟག་རྩེའི་སྟག་གི་གྲོང་དུ་སྐུུ་འཁྲུངས། སྐུུ་ན་ཆུང་དུ་ནས་རབ་ཏུ་བྱུང༌། བཤེས་གཉེན་མཁས་པ་དུ་མའི་ཞབས་ལ་བཏུད་ནས་མདོ་ཕྱོགས་གཞུང་ཆེན་ཁག་ལ་མཁས་པར་བསླབས། དེའི་རྗེས་དབུས་སུ་ཕེབས་ཏེ་རྗེ་ཤེས་རབ་སེང་གེའི་གདན་ས་དཔལ་ལྡན་སྨད་རྒྱུད་གྲྭ་ཚང་དུ་ཆོས་བཞུགས་གནང༌། རྒྱུད་ཆེན་ཤེས་རབ་བཟང་པོ་དང༌། རྒྱ་ར་ཆོས་སྐྱོང་རྒྱ་མཚོ་སོགས་མདོ་སྔགས་གཉིས་ཀ་ལ་གཞན་དྲིང་མེད་པའི་མཁས་གྲུབ་སྐྱེས་ཆེན་དུ་མའི་ཞབས་དྲུང་ནས་ཡི་དམ་གསང་བདེ་འཇིགས་གསུམ་སོགས་རྒྱུད་སྡེ་རྒྱ་མཚོའི་གཞུང་ལུགས་ལ་རིང་དུ་སྦྱངས་བར་མཛད་པས་མདོ་སྔགས་གཉིས་ཀ་ལ་འགྲན་ཟླ་མེད་པའི་མཁས་པར་གྱུར། དགུང་ལོ་རེ་གཅིག་པ་རབ་བྱུང་དགུ་པའི་ཆུ་སྦྲུལ་༡༥༣༣ལོར་དཔལ་ལྡན་སྨད་རྒྱུད་གྲྭ་ཚང་གི་མཁན་ཁྲིར་ཕེབས། རྗེའི་རིམ་ལྔ་གསལ་སྒྲོན་དང༌། བསྐྱེད་རིམ་དངོས་གྲུབ་རྒྱ་མཚོ་འགྲེལ་བ་བཞི་སྦྲགས་སོགས་སྔགས་ཕྱོགས་རྒྱུད་སྡེ་གཞུང་ལུགས་དུ་མའི་འཆད་ཉན་རྒྱ་ཆེར་སྤེལ་བཞིན་པའི་མུར། བྱང་རྩེ་ཆོས་རྗེར་ཕེབས། དགུང་གྲངས་ལྔ་བཅུ་པ་རབ་བྱུང་དགུ་པའི་མེ་རྟ་༡༥༤༦ལོར་འཇམ་མགོན་རྒྱལ་བ་གཉིས་པའི་གདན་ས་དགའ་ལྡན་རྣམ་པར་རྒྱལ་བའི་གླིང་གི་མི་འཇིགས་གདོང་ལྔས་བཏེགས་པའི་གསེར་ཁྲིར་ཕེབས་ནས་མི་ལོ་གསུམ་གྱི་རིང་གསེར་ཁྲི་བསྐྱངས་ཏེ། བཤད་སྒྲུབ་འཁོར་ལོ་གསུམ་གྱི་སྒོ་ནས་འཇམ་མགོན་རྒྱལ་བ་གཉིས་པའི་ལུགས་བཟང་བླ་ནས་བླ་ན་བཏེགས། དགུང་ལོ་ང་གཉིས་པ་རབ་བྱུང་དགུ་པའི་ས་སྤྲེལ་༡༥༤༨ཟླ་བ་དྲུག་པའི་ཚེས་ཉེར་དྲུག་ལ་མེ་ཏོག་གི་ཆར་འབབ་པ་དང་འཇའ་འོད་ཀྱིས་གུར་ཕུབ་པ་སོགས་ངོ་མཚར་བའི་ལྟས་དུ་མ་དང་བཅས་དགའ་ལྡན་དག་པའི་ཞིང་ཁམས་ཡབ་གཅིག་འཇམ་དཔལ་སྙྙིང་པོའི་དྲུང་དུ་གཤེགས། སྐུུ་གདུང་ཞུགས་ལ་ཕུལ་བའི་སྐབས་རིང་བསྲེལ་ཁ་བ་འབབ་པ་ལྟར་བྱུང་བ་མ་ཟད། ལྷ་སྐུུ་དང་ཡིག་འབྲུ་དུ་མ་བྱུང་བ་རྣམས་ནང་རྟེན་དུ་བྱས་པའི་གདུང་རྟེན་དངུལ་གྱི་མཆོད་སྡོང་རིན་པོ་ཆེ་ལི་མ་ལྷ་ཁང་གི་ཤར་གྱི་རྟེན་གཙོའི་གཡོན་ཕྱོགས་ལྔ་པར་བཞུགས། ལྷ་ཁང་འདིའི་མིང་ལ་ལོ་རྒྱུས་གཞནདང་གཞན་དུ་རྒྱ་གུར་ཞེས་ཀྱང་བྲིས་སྣང༌། རྗེ་འདི་ཡི་འཁྲུངས་གཤེགས་དང་གསེར་ཁྲིར་ཕེབས་པའི་ལོ་ཚིགས་ཐད་སྟག་ལུང་བྲག་གི་གདན་རབས་དང་ཀུན་མཁྱེན་བླ་མའི་འཇིགས་བྱེད་ཆོས་འབྱུང་སོགས་གསུང་སྒྲོས་མི་མཐུན་པ་དུ་མར་མཐོང་ཡང་ཁྲི་ཆེན་གོང་འོག་གི་རྣམ་ཐར་ལ་གཞིགས་ན་འདི་ཉིད་ཁུངས་ལྡན་དུ་བརྩིས་ན་འགྲིགས་སམ་སྙྙམ། །

དགའ་ལྡན་ཁྲི་ཐོག་བཅུ་དགུ་པ་ཁྲི་ཆེན་ངག་དབང་ཆོས་གྲགས་ནི། སྟོད་ལུང་མདའི་དངོས་གཞི་གྲོང་ཚོར། རབ་བྱུང་བརྒྱད་པའི་ལྕགས་བྱ་༡༥༠༡ལོར་སྐུུ་འཁྲུངས། འདི་ཉིད་དགའ་ལྡན་ཁྲི་ཐོག་བཅུ་གསུམ་པ་ཆོས་ཀྱི་བཤེས་གཉེན་གྱི་སྐུུ་ཚ་གཉིས་ལས་ཆུང་བ་དེ་ཡིན་ཞིང༌། ཁོང་གི་སྐུུ་མཆེད་ཤར་པ་དཀོན་མཆོག་ཆོས་དར་ཡང་རྒྱུད་སྟོད་རྒྱུད་ཤར་རྩེ་མཁན་པོ་དང་ཆོས་རྗེ་གཅིག་ལྕོགས་མཛད་མྱོང༌། རྗེ་འདི་ཉིད་དགུང་ལོ་དགུ་པའི་ཐོག་རབ་ཏུ་བྱུང༌། གདན་ས་འབྲས་སྤུངས་བློ་གསལ་གླིང་དུ་ཆོས་ཞུགས་གནང༌། རང་གི་དབོན་པོ་ཁྲི་ཆེན་ཆོས་ཀྱི་བཤེས་གཉེན་དང་སྐུུ་མཆེད་དཀོན་མཆོག་ཆོས་དར་གཉིས་ལ་བསྟེན་ནས། ཀུན་མཁྱེན་ལེགས་པ་ཆོས་འབྱོར་རམ་འཇམ་དབྱངས་དགའ་བའི་བློ་གྲོས་ཀྱི་ཡིག་ཆའི་ཐོག་ནས་རྗེ་ཡབ་སྲས་དང་འཕགས་བོད་མཁས་པའི་གཞུང་ལུགས་རྒྱ་མཚོ་ལྟ་བུར་སློབ་གཉེར་རྒྱ་ཆེར་མཛད་པས་མཁས་པར་གྱུར། དགུང་ལོ་བཅུ་དགུ་པར་བསྙྙེན་པར་རྫོགས་པའི་དགེ་སློང་གི་སྡོམ་པ་མནོས། ཁུ་བོ་ཁྲི་ཆེན་ཆོས་ཀྱི་བཤེས་གཉེན་དང་པཎ་ཆེན་བསོད་ནམས་གྲགས་པ། རྒྱལ་མཆོག་སྐུུ་ཕྲེང་གཉིས་པ་དགེ་འདུན་རྒྱ་མཚོ། ཤར་པ་དཀོན་མཆོག་ཆོས་དར་སོགས་བླ་མར་བསྟེན་ནས་བྱང་ཆུབ་ལམ་རིམ་ཆེ་ཆུང་དང་ཡི་དམ་བདེ་གསང་འཇིགས་གསུམ་སོགས་མདོ་སྔགས་ཀྱི་བཀའ་ལུང་མན་ངག་རྒྱ་ཆེར་ཞུས་པས། དགེ་ལྡན་བསྟན་པའི་གསལ་བྱེད་དམ་པར་གྱུར། ལྷག་པར་པཎ་ཆེན་བསོད་ནམས་གྲགས་པ་ལས་མགོན་པོ་ཞལ་བཞི་པའི་རྗེས་གནང་ཞུས་ཏེ་བླ་མ་མགོན་པོ་དབྱེར་མེད་དུ་བསྒོམ་པ་ལས་དཔལ་མགོན་ཞལ་བཞི་པའི་དངོས་གྲུབ་བརསྙེས། དཔལ་ལྡན་སྟོད་རྒྱུད་གྲྭ་ཚང་གིས་གདན་དྲངས་པ་ལྟར་ཕེབས་ནས་མི་ལོ་བདུན་གྱི་རིང་རྒྱུད་སྡེ་རྒྱ་མཚོའི་བསྐྱེད་རྫོགས་ཀྱི་རྣམ་བཞག་ལུང་རིགས་དྲི་མ་མེད་པས་འཆད་མཉན་རྒྱ་ཆེར་སྤེལ། རྗེ་འདི་ཉིད་རྒྱུད་སྟོད་མཁན་ཐོག་དྲུག་པ་དེ་ཡིན། དེ་ནས་དགུང་ལོ་སོ་དྲུག་༡༥༣༦པར་དགའ་ལྡན་དུ་ཕེབས་ནས་ཤར་རྩེ་ཐོས་བསམ་ནོར་གླིང་གི་མཁན་པོ་དང་ཤར་རྩེ་ཆོས་རྗེ་གཅིག་ལྕོགས་གནང་ནས། སྔ་ཕྱི་མི་ལོ་བཅུ་གཉིས་རིང་གཞུང་ཆེན་ཁག་གི་འཆད་མཉན་རྒྱ་ཆེར་སྤེལ། འདི་ཉིད་ཤར་རྩེ་མཁན་རབས་བཅུ་གཅིག་པ་ཡིན། དགུང་ལོ་ཞེ་བརྒྱད་པ་རབ་བྱུང་དགུ་པའི་ས་སྤྲེལ་༡༥༤༨ལོར་དགའ་ལྡན་གསེར་ཁྲིར་ཕེབས་ནས་ལོ་ངོ་བཞིའི་བར་བཤད་སྒྲུབ་གཉིས་ཀྱི་སྒོ་ནས་འཇམ་མགོན་རྒྱལ་བ་གཉིས་པའི་བསྟན་པ་བླ་ན་འདེགས། དགའ་ལྡན་རྣམ་པར་རྒྱལ་བའི་གླིང་གི་རྗེའི་དངུལ་གདུང་ཆེན་མོའི་དབུ་ཐོག་ཏུ་གསེར་ཟངས་ཀྱི་རྒྱ་ཕིབས་ཉི་ཟླའི་གཟི་འོད་ཀྱང་འཕྲོག་ནུས་པ་གསར་བཞེངས་མཛད། བཤད་སྒྲུབ་ལས་གསུམ་གྱི་སྒོ་ནས་བསྟན་པའི་བྱ་བ་རྒྱ་ཆེར་མཛད་བཞིན་པའི་མུར། དགུང་གྲངས་ང་གཅིག་པར་རབ་བྱུང་དགུ་པའི་ལྕགས་ཕག༡༥༥༡ལོར་དགོངས་པ་ཞི་བར་གཤེགས་པའི་གདུང་རུས་ལ་རྡོ་རྗེ་འཇིགས་བྱེད་དང་དཔལ་ལྡན་ལྷ་མོའི་སྐུུ་བརསྙན་གསལ་བ་སོགས། བསམ་གྱིས་མི་ཁྱབ་པའི་རྣམ་ཐར་བདག་གིར་བཞེས། །འདི་ཉིད་ཞི་བར་གཤེགས་ནས་བགྲང་བྱ་ཉེར་ལྔ་༡༥༧༥པར་འཕན་ཡུལ་མདར་འཁྲུངས་པ་ངག་དབང་ཆོས་ཀྱི་རྒྱལ་མཚན་ཡང་སྲིད་དུ་ངོས་འཛིན་བྱུང་བ་དེ་ཡང་དགའ་ལྡན་ཁྲི་ཐོག་སོ་བཞི་པར་ཕེབས་པ་སོགས་སྐུུ་རབས་སྔ་ཕྱི་དུ་མར་རྨད་དུ་བྱུང་བའི་རྣམ་པར་ཐར་པ་བདག་གིར་མཛད་པས་གསལ་ཁང་སྐུུ་སྐྱེ་ཞེས་གྲགས་པ་བྱུང་སྟེ་འོག་ཏུ་དགའ་ཁྲི་སོ་བཞི་པའི་སྐབས་འཆད་པར་འགྱུར་རོ། །རྗེ་འདིའི་རྣམ་ཐར་གྱི་སྐོར། སྡེ་སྲིད་ཀྱི་བཻ་སེར་ཤོག་གྲགས་༨༣པ་དང༌། དུང་དཀར་ཚིག་མཛོད་ཤོག་གྲངས་༣༧༥ པ། རྒྱུད་སྟོད་ཆོས་འབྱུང་ཤོག་གྲངས་༩༢ ། འཇམ་དབྱངས་མཁྱེན་བརྩེའི་གསུང་འབུམ། གངས་ཅན་མཁས་གྲུབ་རིམ་བྱུང་གི་མིང་མཛོད་ཤོག་གྲངས་༧༨༣། ཁྲི་རབས་ཡོངས་འདུའི་ལྗོན་བཟང་ཤོག་གྲངས་ ༧༨ བཅས་ལ་གཟིགས་དགོས།

དགའ་ལྡན་ཁྲི་ཐོག་ཉི་ཤུ་པ་སྟག་ཕུ་བ་ཀཽ་ཤི་ཆོས་གྲགས་བཟང་པོ་ནི། རབ་བྱུང་བརྒྱད་པའི་ཆུ་གླང་༡༤༩༣ལོར་མདོ་ཁམས་ཤོད་བཅུའི་ནང་ཚན་ནགས་ཤོད་སྟག་ཕུ་རུ་སྐུུ་འཁྲུངས། སྐུུ་ན་གཞོན་དུས་ནས་ཡི་གེ་འབྲི་ཀློག་བསླབས་པས་ཚེགས་མེད་དུ་མཁྱེན། སྟག་ཕུ་ཆོས་སྡེར་རབ་ཏུ་བྱུང་ནས་གཞུང་ལུགས་རབ་འབྱམས་ལ་གསན་བསམ་མཛད་པས་མཁས་པར་གྱུར། ཁྲི་རབས་ལོ་རྒྱུས་ཚད་ལྡན་རྣམས་སུ་རྗེ་འདི་ཉིད་གདན་ས་གང་དུ་ཞུགས་པའི་གསལ་ཁ་མི་སྣང་ཡང་སྐུུ་རབས་ཕྱི་མ་སྟག་ཕུ་བློ་བཟང་བསྟན་པའི་རྒྱལ་མཚན་གདན་ས་འབྲས་སྤུངས་བློ་གསལ་གླིང་གི་ལྷོ་པ་ཁང་ཚན་དུ་ཞུགས་འདུག་པས་རྗེ་འདི་ཉིད་གདན་ས་འབྲས་སྤུངས་བློ་གསལ་གླིང་དུ་ཞུགས་མྱོང་བའམ་ཡང་ན་དེ་དང་ཐུགས་ཐག་ཉེ་བའི་འབྲེལ་བ་ཞིག་ཅིས་ཀྱང་བྱུང་ངེས་སྙྙམ། རྒྱུད་སྨད་དུ་ཕེབས་ནས་རྒྱུད་སྡེ་བཞིའི་རྣམ་བཞག་སྤྱི་དང་ལྷག་པར་རྣལ་འབྱོར་བླ་ན་མེད་པའི་རྒྱུད་སྡེ་ཡི་དམ་གསང་བདེ་འཇིགས་གསུམ་གྱིས་མཚོན་པའི་དབང་ལུང་མན་ངག་རྒྱ་ཆེར་མནོས། ཐོན་པ་ཡོན་ཏན་རྒྱ་མཚོ་དང༌། ཆོས་རྗེརིན་ཆེན་འོད་ཟེར། འཇམ་དབྱངས་དོན་ཡོད་དཔལ་ལྡན། རྒྱལ་བ་དགེ་འདུན་རྒྱ་མཚོ་སོགས་སེར་འབྲས་ཀྱི་སློབ་དཔོན་མཁས་པ་དུ་མའི་ཞལ་ནས་མདོ་སྔགས་གྱི་གསེར་ཆོས་དུ་མ་ཞུས། རྒྱུད་སྨད་དུ་ཞུགས་ནས་ཆོས་རྗེ་རྒྱ་ར་བ་དང༌། ཆོས་རྗེ་རྒྱལ་མཚན་བཟང་པོ་སོགས་ལ་བསྟེན་ནས་སྔགས་ཕྱོགས་རྒྱུད་སྡེའི་གཞུང་ལུགས་ལ་གསན་བསམ་རྒྱ་ཆེར་མཛད་དེ་རྒྱུད་སྨད་མཁན་ཁྲིར་ཕེབས། རྒྱུད་ཀྱི་འཆད་ཉན་རྒྱ་ཆེར་མཛད་བཞིན་པའི་མུར། བྱང་རྩེ་རྒྱུད་དགུང་ལོ་དྲུག་ཅུ་པ་རབ་བྱུང་དགུ་པའི་ཆུ་བྱི་༡༥༥༢ལོར་དགའ་ལྡན་རྣམ་པར་རྒྱལ་བའི་གླིང་དུ་འཇམ་མགོན་རྒྱལ་བ་གཉིས་པའི་རྒྱལ་ཚབ་ཏུ་མི་འཇིགས་གདོང་ལྔས་གཏེགས་པའི་གསེར་ཁྲིར་མངའ་གསོལ་བ་ལྟར། འཆད་མཉན་གྱི་སྲོལ་ལ་ཤིན་ཏུ་དམར་བ་མཛད་པ་དང༌། གནས་བརྟན་བཅུ་དྲུག་གི་གོས་སྐུུ་གསར་དུ་བཞེངས་པ་སོགས། མདོར་ན་མི་ལོ་བདུན་གྱི་རིང་ལ་བཤད་སྒྲུབ་ལས་གསུམ་གྱི་སྒོ་ནས་དགེ་ལྡན་བསྟན་པ་རིན་པོ་ཆེ་ནམ་ཡང་ནུབ་པ་མེད་པར་བླ་ནས་བླ་ན་འཕེལ་བའི་འཕྲིན་ལས་ཀྱི་རྒྱུན་བསྐྱངས། དགུང་ལོ་རེ་གཉིས་པ་ཤིང་སྟག་༡༥༥༤ལོར་སེ་ར་ཐེག་ཆེན་གླིང་གི་མཁན་ཁྲིར་ཕེབས་ནས་བྱེས་སྨད་གཉིས་ཀྱི་འཆད་ཉན་རྒྱ་ཆེར་སྤེལ། དགུང་ལོ་རེ་གསུམ་པ་ཤིང་ཡོས་༡༥༥༥ལོར་གཙང་གི་སྡེ་པ་ཡར་རྒྱབ་པས་དབུསཀྱི་སྣེ་གདོང་ལ་དཔུང་དམག་དྲངས་ཏེ་གྲ་ཕྱི་ལྷུ་གྲུབ་བཙན་བཟུང་བྱས་སྐབས་སྣེ་གདོང་པས་སྐྱིད་ཤོད་ཞབས་དྲུང་ཨ་ཁུ་བཀྲ་ཤིས་རབ་བརྟན་གཞིས་ཀ་བྲག་དཀར་ཁོངས་གཏོགས་རྣམས་སྐྱིད་ཤོད་དགའ་ལྡན་པའི་འཛིན་དབང་དུ་སྤྲོད་སྟབས། སྐྱིད་ཤོད་པའི་དམག་ལྷོ་ཁར་དྲངས་ཏེ་གཙང་གི་སྡེ་པ་ཡར་རྒྱབ་པའི་དམག་དཔུང་ཕྱིར་འབུད་བྱས་པ་སོགས༌། སྡེ་གཟར་གྱིས་དུས་མི་བདེ་བའི་སྐབས་ཡིན་ཡང་གདན་ས་ལ་གད་ཆག་གང་ཡང་མེད་པར་འཆད་ཉན་གྱི་རྒྱུན་འཐུད་ཐུབ་པར་བྱུང༌། དགུང་ལོ་རེ་བདུན་པ་ས་རྟ་༡༥༥༨ལོར་ཁྲི་ལས་ཟུར་ནས་གཉན་ཐང་བདེ་བ་ཅན་དུ་ཟུར་བཞུགས་མཛད་ནས་སྐལ་ལྡན་སློབ་མ་ཤིན་ཏུ་མང་པོ་ལ་མདོ་སྔགས་ཀྱི་ལམ་རིམ་གཉིས་ཀྱིས་མཚོན་པའི་ཆོས་ཀྱི་འཁོར་ལོ་རྒྱ་ཆེར་བསྐོར། དགུང་ལོ་རེ་བདུན་རབ་བྱུང་དགུ་པའི་ས་ལུག་༡༥༥༩ལོའི་ཟླ་བ་དགུ་པའི་ཚེས་བཅུར་རེ་ཞིག་གཟུགས་སྐུུ་རགས་པ་བསྡུས་ཏེ་མཁའ་གཤེགས་དག་པའི་ཞིང་དུ་གཤེགས་པའི་ཚུལ་བསྟན་པའི་སྐུུ་གདུང་དངུལ་གྱི་མཆོད་རྟེན་དགེ་ལྡན་རྣམ་པར་རྒྱལ་བའི་གླིང་གི་དངུལ་གདུང་རིན་པོ་ཆེའི་གཡས་གྲལ་གཉིས་པར་བཞུགས། རྗེ་འདི་ཉིད་ནགས་ཤོད་སྟག་ཕུ་སྐུུ་ཕྲེང་གསུམ་པར་བགྲངས་བ་ལྟར་ན་རྗེ་འདིའི་སྐུུ་ཕྲེང་དང་པོ་ཀཽ་ཤི་དཔལ་ལྡན་དོན་འགྲུབ་ཡིན་ལ། སྟག་ཕུ་སྐུུ་ཕྲེང་གཉིས་པ་ཞང་པོ་བསྟན་འཛིན་ཆོས་རྒྱལ་ནི། སྟག་ཕུ་སྐུུ་ཕྲེང་གསུམ་པ་ངག་དབང་ཆོས་གྲགས་བཟང་པོ་ཉིད་ཡིན་ལ་འདི་ཉིད་དགའ་ལྡན་ཁྲི་ཐོག་ཉི་ཤུ་པར་ཕེབས་པ་གོང་དུ་ཞུས་ཟིན། སྟག་ཕུ་སྐུུ་ཕྲེང་བཞི་པ་བློ་བཟང་བསྟན་པའི་རྒྱལ་མཚན། སྟག་ཕུ་སྐུུ་ཕྲེང་ལྔ་པ་གར་དབང་བློ་བཟང་ཆོས་ཀྱི་དབང་ཕྱུག སྟག་ཕུ་སྐུུ་ཕྲེང་དྲུག་པ་ངག་དབང་བློ་བཟང་བསྟན་འཛིན་ཆོས་ཀྱི་འབྱུང་གནས། སྟག་ཕུ་སྐུུ་ཕྲེང་བདུན་པ་ཆོས་ཀྱི་རྒྱ་མཚོ། སྟག་ཕུ་སྐུ་ཕྲེང་བརྒྱད་པ་འཇམ་དཔལ་བསྟན་པའི་དངོས་གྲུབ། སྟག་ཕུ་སྐུ་ཕྲེང་དགུ་པ་ངག་དབང་བློ་བཟང་བསྟན་འཛིན་ཆོས་ཀྱི་ཉི་མ། སྟག་ཕུ་སྐུ་ཕྲེང་བཅུ་པ་ངག་དབང་བློ་བཟང་བསྟན་འཛིན་ཆོས་ཀྱི་རྒྱལ་མཚན་ནམ་གཞན་དུ་ནགས་ཤོད་སྟག་ཕུའི་ཁུལ་དུ་ཡང་སྲིད་འཁྲུངས་ཡོད་ཚུལ་ཡང་གོ་བས་གང་ཡིན་མ་ངེས།

དགའ་ལྡན་ཁྲི་ཐོག་ཉེར་གཅིག་པ་འོལ་དགའ་དགེ་ལེགས་དཔལ་བཟང་ནི། རབ་བྱུང་བརྒྱད་པའི་ཤིང་གླང་༡༥༠༥ལོར་འོལ་དགའ་གྱང་གསར་ནང་པའི་སྲས་སུ་སྐུུ་འཁྲུངས། སྐུུ་ན་ཆུང་དུས་ནས་བསམ་གཏན་གླིང་དང༌། སྐྱིད་ཤོད་དུ་ཡི་གེ་འབྲི་ཀློག་ནས་བཟུང་ཐ་སྙྙད་རིག་གནས་དང་མཚན་ཉིད་ཐེག་པའི་གཞུང་ལུགས་ལ་མཁས་པ་སྦྱངས། རྒྱལ་མཆོག་ཐམས་ཅད་མཁྱེན་པ་དགེ་འདུན་རྒྱ་མཚོ་དཔལ་བཟང་པོ་མཆོག་གི་དྲུང་ནས་བླ་ཆེན་དགོངས་པ་རབ་གསལ་ལས་བརྒྱུད་པའི་སྨད་འདུལ་ལུགས་ཀྱིས་བསྙེན་པར་རྫོགས་པའི་དགེ་སློང་གི་སྡོམ་པ་བཞེས། སྟོད་རྒྱུད་དུ་ཞུགས་ནས་འབྲས་བུ་རྡོ་རྗེ་ཐེག་པའི་རྒྱུད་སྡེ་བཞིའི་གཞུང་ལུགས་ལ་མཁས་པར་བསླབས། མདོ་སྔགས་རབ་འབྱམས་སྨྲ་པ་པཎ་ཆེན་བསོད་ནམས་གྲགས་པ་ལ་བསྟེན་ནས་མདོ་སྔགས་ཀྱི་དཀའ་གནད་མ་ལུས་པའི་སྒྲོ་འདོགས་བཅད་དེ་མཁས་པའི་གོ་ས་མཐོན་པོར་འཛེགས། དབྱངས་ཅན་བཞད་པ་དགེ་འདུན་རྒྱ་མཚོས་བྱང་ཆུབ་ལམ་གྱི་རིམ་པའི་འཕྲིན་ལས་སྤེལ་བའི་བཀའ་བབས་པའི་བླ་བརྒྱུད་རིམ་པར་བྱུང་བ་ནས། ཡོངས་འཛིན་གླིང་སྤྲུལ་ཐུབ་བསྟན་ལུང་རྟོགས་རྣམ་རྒྱལ་འཕྲིན་ལས་ནས་ྋགོང་ས་བཅུ་བཞི་པ་ཆེན་པོ་ལ་བརྒྱུད་པའི་འཕྲིན་ལས་ཀྱི་འོད་སྣང་བླ་ན་འཚེར་བཞིན་པར་ལགས་ཤིང༌། བློ་གསལ་གླིང་གྲྭ་ཚང་གི་ཆོས་གྲྭ་ནང་ལམ་རིམ་འཆད་སྲོལ་ཀྱི་བླ་བརྒྱུད་ཀྱང་རྗེ་འདི་ཉིད་ལས་བྱུང་བ་སེམས། རྒྱུད་སྟོད་མཁན་རབས་དྲུག་པ་ཁྲི་ཆེན་ངག་དབང་ཆོས་གྲགས་མཁན་ཁྲི་ལས་ཟུར་པའི་རྗེས་སྟོད་རྒྱུད་གྲྭ་ཚང་གི་བླ་མ་དང་མཁན་པོའི་ཁྲིར་རིམ་པར་ཕེབས་ཏེ་གསང་སྔགས་རྒྱུད་སྡེ་བཞིའི་འཆད་ཉན་རྒྱ་ཆེར་སྤེལ། དེ་ནསཤར་རྩེ་མཁན་པོ་དང་ཤར་པ་ཆོས་རྗེའི་ཁྲིར་རིམ་པར་ཕེབས་ཏེ། དགུང་གྲངས་ང་བཞི་པ་རབ་བྱུང་དགུ་པའི་ས་རྟ་༡༥༥༨ལོར་དགའ་ལྡན་གསེར་ཁྲིར་ཞབས་སོར་འཁོད། མཉམ་མེད་དགེ་ལྡན་རིང་ལུགས་གཙང་མའི་བཤད་སྒྲུབ་བསྟན་པའི་རྒྱལ་མཚན་བླ་ནས་བླ་ན་བཏེགས། གསེར་ཟངས་ལས་གྲུབ་པའི་རྒྱལ་བ་བྱམས་པའི་སྐུུ་བརྙན་གསར་བཞེངས་གྲུབ་པར་རབ་གནས་གནང་མཁན་རྒྱལ་མཆོག་སྐུུ་ཕྲེང་གསུམ་པ་བསོད་ནམས་རྒྱ་མཚོ་གདན་འདྲེན་ཞུས། དགའ་ལྡན་གསེར་ཁྲི་ལོ་བདུན་རིང་བསྐྱངས། དགུང་ལོ་དྲུག་ཅུ་པ་ཤིང་བྱི་༡༥༦༤ལོར་ཁྲི་ལས་གཤོལ་ཏེ་བདེ་བ་ཅན་དུ་ཟུར་བཞུགས་མཛད་པས་ཁྲི་བདེ་བ་ཅན་པར་གྲགས། ལོ་དེར་ཁྲི་ཟུར་རིན་པོ་ཆེ་འདི་ཉིད་ཀྱིས་མཁན་པོ་དང་དགའ་ལྡན་ཁྲི་ཐོག་བཅོ་ལྔ་པ་པཎ་ཆེན་བསོད་ནམས་གྲགས་པ་རྒྱལ་དབང་བསོད་ནམས་རྒྱ་མཚོའི་རབ་བྱུང་མཁན་པོ་དང་མདོ་ཕྱོགས་ཀྱི་ཡོངས་འཛིན་ཡིན་ཡང་འདི་སྐབས་ཞི་བར་གཤེགས་ཟིན་སྟབས་ཁྲི་ཆེན་འདི་ཉིད་དེའི་དེའི་དངོས་སློབ་ཡིན་པས་བསྙེན་རྫོགས་ཀྱི་མཁན་པོ་བསྟེན་པ་ཡིན། དགའ་ལྡན་ཁྲི་ལས་ཐོབ་པ་དགེ་འདུན་བསྟན་པ་དར་རྒྱས་ཀྱིས་ལས་སློབ། དགེ་འཕེལ་ཆོས་རྗེ་ཕྱོགས་ལས་རྣམ་རྒྱལ་གྱིས་གསང་བསྟན། ལྷ་བཙུན་བསོད་ནམས་དཔལ་བཟང་གིས་དུས་དུས་བསྒོ་བ་མཛད་དེ་རྒྱལ་མཆོག་བསོད་ནམས་རྒྱ་མཚོ་ལ་བསྙྙེན་རྫོགས་པའི་དགེ་སློང་གི་སྡོམ་པ་དང༌། སྤྲུལ་པའི་སྐུ་བསོད་ནམས་ཡེ་ཤེས་དབང་པོ་ལ་དགེ་ཚུལ་གྱི་སྡོམ་པ་གནང༌། གཟིམས་ཁང་གོང་འོག་གཉིས་ཀའི་ཡོངས་འཛིན་གནང་ནས་མདོ་སྔགས་ཀྱི་ཟབ་ཆོས་དུ་མའི་བཤད་འཁྲིད་གནང༌། ད་ལྟའི་ཐམས་ཅད་མཁྱེན་པ་བཅུ་བཞི་པ་ཆེན་པོའི་སྡོམ་རྒྱུན་ཡང་འདི་ནས་ཆད་པས། སྡོམ་རྒྱུན་འདི་ཉིད་གལ་ཆེར་མཐོང་སྟེ། འདིར་སྟོན་པ་ཐུགས་རྗེ་ཅན་ནས་ད་ལྟའི་ཐམས་ཅད་མཁྱེན་པ་བསྟན་འཛིན་རྒྱ་མཚོའི་བར་གྱི་སྡོམ་པའི་བླ་བརྒྱུད་ཀྱི་མཚན་གཞུང་ཙམ་བཀོད་ན། དེ་ཡང་འདྲེན་པ་མཉམ་མེད་ཐུབ་པའི་དབང་པོ་དང༌། དེ་ནས་ཤཱ་རིའི་བུ། སྲས་སྒྲ་གཅན་འཛིན། བྲམ་ཟེ་དགྲ་ཅན་འཛིན། དཔལ་མགོན་ཀླུ་སྒྲུབ། སློབ་དཔོན་ཆེན་པོ་ལེགས་ལྡན་འབྱེད། སློབ་དཔོན་དཔལ་སྦས། སློབ་དཔོན་ཡེ་ཤེས་སྙིང་པོ། མཁན་ཆེན་ཞི་བ་འཚོ། རྦ་རཏྣ། དམར་གཡོ་གཙང་གསུམ༌། བླ་ཆེན་དགོངས་པ་རབ་གསལ། ཀླུ་མེས་ཁྲིམས་ཚུལ་ཤེས་རབ། གཟུས་རྡོ་རྗེ་རྒྱལ་མཚན། སྣེ་བོགྲགས་པ་རྒྱལ་མཚན། འབྲེ་ཤེས་རབ་འབར། བྱ་འདུལ་འཛིན་བརྩོན་འགྲུས་འབར། རྩིས་གཞོན་ནུ་སེང་གེ། གྲོ་སྟོན་བདུད་རྩི་གྲགས། མཆིམས་ནམ་མཁའ་གྲགས་པ། ཟེའུ་གྲགས་པ་ཤེས་རབ། མཆིམས་བློ་བཟང་གྲགས་པ། གྲོ་སྟོན་ཀུན་དགའ་རྒྱལ་མཚན། དཔང་སྟོན་གྲུབ་པ་ཤེས་རབ། པཎ་ཆེན་དགེ་འདུན་གྲུབ་པ། གནས་སྙིང་ཀུན་དགའ་བདེ་ལེགས། རྒྱལ་བ་དགེ་འདུན་རྒྱ་མཚོ། ཁྲི་བདེ་བ་ཅན་བ་དགེ་ལེགས་དཔལ་བཟང་འདི་ཉིད། རྒྱལ་དབང་བསོད་ནམས་རྒྱ་མཚོ། པཎ་ཆེན་དམ་ཆོས་ཡར་འཕེལ། པཎ་ཆེན་བློ་བཟང་ཆོས་ཀྱི་རྒྱལ་མཚན། རྒྱུད་ཆེན་དཀོན་མཆོག་རྒྱལ་མཚན། པཎ་ཆེན་བློ་བཟང་ཡེས་ཤེས། ཡོངས་འཛིན་བློ་བཟང་བཟོད་པ། དཀའ་ཆེན་བློ་བཟང་ཆོས་འཕེལ། པཎ་ཆེན་བློ་བཟང་དཔལ་ལྡན་ཡེ་ཤེས། རྒྱལ་དབང་འཇམ་དཔལ་རྒྱ་མཚོ། པཎ་ཆེན་བསྟན་པའི་ཉི་མ། ཕུར་ལྕོག་ཡོངས་འཛིན་བྱམས་པ་རྒྱ་མཚོ། རྒྱལ་དབང་ཐུབ་བསྟན་རྒྱ་མཚོ། ཡོངས་འཛིན་གླིང་སྤྲུལ་ཐུབ་བསྟན་ལུང་རྟོགས། རྒྱལ་བའི་དབང་པོ་བསྟན་འཛིན་རྒྱ་མཚོའི་རིམ་པར་བརྒྱུད་སྣང་ཞིང༌། ཡང་ཁྲི་ཆེན་འདི་ཉིད་ལས་དགའ་ལྡན་ཁྲི་ཐོག་ཉེར་ལྔ་པ་རྒྱལ་ཁང་རྩེ་པ་དཔལ་འབྱོར་རྒྱ་མཚོ་ལ་བསྙེན་རྫོགས་གནང་པའི་མཁན་རྒྱུད་པ་རིམ་པར་བཞིན། འཇམ་དབྱངས་བླ་མ་དཀོན་མཆོག་ཆོས་འཕེལ། རྗེ་དཀོན་མཆོག་བསྟན་འཛིན། དེ་ལས་སྨིན་གླིང་ལོ་ཆེན་དྷརྨ་ཤྲིའ་ལ་བརྒྱུད། དེ་ནས་རིམ་པར་བཞིན་རབ་འབྱམས་པ་ཨོ་རྒྱན་ཆོས་གྲགས། སྨིན་གླིང་རྡོ་རྗེ་འཛིན་པ་འགྱུར་མེད་ཆོས་ལྡན། ཨོ་རྒྱན་བསྟན་འཛིན་རྡོ་རྗེ། རྒྱལ་སྲས་རིག་འཛིན་བཟང་པོ། མཁན་ཆེན་པདྨ་བཀྲ་ཤིས། ཐུབ་བསྟན་པདྨ་ཉིན་བྱེད། རྒྱལ་སྲས་གཞན་ཕན་མཐའ་ཡས། མཁན་ཆེན་ཐུབ་བསྟན་རྒྱལ་མཚན། ཀ༔ཐོག་མཁན་རྒན་རྡོ་རྗེ་དཔལ་བཟང༌། ཉག་རོང་མཁན་པོ་སྐལ་བཟང་རྒྱལ་མཚན། ཀ༔ཐོག་སི་ཏུ་ཆོས་ཀྱི་རྒྱ་མཚོ། མཆོག་སྤྲུལ་ཐུབ་བསྟན་ཆོས་ཀྱི་ཟླ་བ། གྲུབ་དབང་པདྨ་ནོར་བུའི་བར་སྔར་འགྱུར་རྙིང་མ་པའི་འདུལ་བའི་སྡོམ་རྒྱུན་གྱི་ཁུངས་ཀྱང་འདི་ཉིད་ལ་ཐུག་པ་ཡིན་ནོ། མལ་གྲོལ་རིན་ཆེན་གླིང་དང༌། ཕག་མོ་ཆོས་སྡེ་སོགས་ཀྱི་ཞལ་འཛིན་མཛད་པ་སོགས་བསྟན་འགྲོར་སྨོན་པའི་མཛད་པ་རྒྱ་ཆེར་བསྐྱངས། ཁྲི་ཆེན་འདིས་རྒྱལ་མཆོག་བསོད་ནམས་རྒྱ་མཚོ་དང་སྡེ་བ་སྐྱིད་ཤོད་པ་ཨ་ཁུ་བཀྲ་ཤིས་རབ་བསྟན་གཉིས་ལ་གསང་ཕུ་ཉག་རོང་གྲྭ་ཚང་དང༌། དགའ་ལྡན་ཤར་རྩེ་གྲྭ་ཚང་གཉིས་ཟླ་སྒྲིལ་བཏང་ན། གཞུང་ཆེན་ཁག་གི་བཤད་སྒྲུབ་འཆད་ཉན་འཕེལ་རྒྱས་ཡོད་རྒྱུའི་སྙྙན་སྐུུལ་ཞུས་པ་ལྟར། དུས་ཕྱིས་ཟླ་སྒྲིལ་བྱས་པས། འཆད་ཉན་རླབས་ཆེན་འཕེལ་བ་བྱུང༌། དགུང་ལོ་རེ་གསུམ་པ་རབ་བྱུང་བཅུ་པའི་མེ་ཡོས་༡༥༦༧ལོའི་ཟླ་བཞི་པའི་ཚེས་ཉེར་དྲུག་ཉིན་དགོངས་པ་གཞན་དོན་དུ་གཤེགས་པའི་གདུང་རྟེན་དངུལ་གྱི་མཆོད་སྡོང་དགའ་ལྡན་ལི་མ་ལྷ་ཁང་གི་ཤར་རྟེན་གཙོའི་གཡོན་ཕྱོགས་ཀྱི་བཞི་པར་བཞུགས་ཤིང་དགོངས་རྫོགས་ཀྱི་དུས་མཆོད་ཀྱང་ཚུགས་སོ། །གསུང་ལས་སྐྱེས་པའི་སློབ་མ་ཡང་རྒྱལ་མཆོག་བསོད་ནམས་རྒྱ་མཚོ་དང༌། སྤྲུལ་སྐུུ་བསོད་ནམས་དགེ་ལེགས་དཔལ་བཟང་སོགས་སྐྱེས་ཆེན་དམ་པ་ཤིན་ཏུ་མང་པོ་བྱུང༌།

ཁྲི་ཐོག་ཉེར་གཉིས་པ་དགེ་འདུན་བསྟན་པ་དར་རྒྱས། རབ་བྱུང་བརྒྱད་པའི་ཆུ་གླང་༡༤༩༣ལོར་འཕན་པོ་ཀླུང་ཤོད་འོད་སྣར་སྐུུ་འཁྲུངས། སྐུུ་ན་གཞོན་དུས་སུ་དྲུང་གཞོན་ནུ་མཛེས་པ་དཔལ་གྱིས་ཕྱག་བཏབ་པའི་མལ་དྲོ་ཆ་དཀར་དགོན་པར་སློབ་གཉེར་གནང་ཞིང༌། རྗེས་སུ་སེ་ར་སྨད་གྲྭ་ཚང་དུ་གཞུང་ཆེན་པོ་ལྔར་སློབ་གཉེར་མཐར་ཕྱིན་པར་མཛད་ནས་ཆ་དཀར་དགོན་པའི་འཆད་ཉན་གྱི་སློབ་དཔོན་དུ་བསྐོས། སྐབས་དེར་རིན་སྤུངས་དོན་ཡོད་རྡོ་རྗེས་དབུས་སུ་སྡེ་པ་སྐྱིད་ཤོད་པ་དང༌། གཞིས་ཀ་སྣེའུ་པར་དམག་དྲངས་ནས་དབང་ཆ་ཕྲོགས་པ་དང༌། དགུང་ལོ་ཉི་ཤུ་པ་ཆུ་སྤྲེལ་༡༥༡༢ལོར་རིན་སྤུངས་དོན་ཡོད་རྡོ་རྗེ་འདས་ནས་མི་རིང་བར་རིན་སྤུངས་པའི་སྟོབས་ཤུགས་ཉམས་རྗེས། འབྲི་གུང་པའི་དཔོན་མགོན་པོ་རྒྱལ་མཚན་གྱིས་རང་གི་འཇའ་ཁང་འཕན་པོ་ཁུལ་དུ་ཡོད་པའི་དགའ་ལྡན་དགོན་པའི་མཆོད་གཞིས་ཁག་རྣམས་ཕྲོགས་པ་སོགས་ལ་བརྟེན་ནས་དགའ་ལྡན་ཤར་བྱང་གཉིས་ཀྱི་འཆད་ཉན་ལོ་ཤས་བར་སྟོངས་སུ་ལུས་དགོས་པ་བྱུང་སྟབས། དམ་པ་འདི་ཉིད་ཆ་དཀར་དགོན་པ་ནས་དགའ་ལྡན་དུ་གདན་དྲངས་ཏེ་བྱང་རྩེ་གྲྭ་ཚང་གི་འཆད་ཉན་སློབ་དཔོན་དུ་བསྐོས། དེ་སྐབས་དགུང་ལོ་ཉི་ཤུ་རྩ་ལྔ་ཙམ་ལས་མ་ཕེབས་པའི་སྐུུ་གཞོན་ནུ་ཞིག་ཡིན་ཀྱང༌། མཁྱེན་རབ་རྩལ་ཕུན་སུམ་ཚོགས་པའི་དབང་གིས་ཕར་ཕྱིན་དང་དབུ་མའི་རྩི་བཞག་རྣམས་ཐུགས་ཐོག་ནས་གནང་སྟེ་ཞལ་སློབ་ཚོས་ཟིན་བྲིས་སུ་བཀོད་པ་དེང་སྐབས་སེར་སྨད་གྲྭ་ཚང་གི་ཡིག་ཆར་འཆད་ཉན་ཡོད་པ་དེ་ཡིན། དགུང་ལོ་སོ་བཞི་པ་རབ་བྱུང་དགུ་པའི་མེ་ཁྱི་༡༥༢༦ལོར་སླར་ཡང་འབྲི་གུང་དཔོན་མགོན་པོ་རྒྱལ་མཚན་གྱིས། འབྲི་གུང་གདན་རབས་བཅོ་ལྔ་པ་རྒྱལ་དབང་ཀུན་དགའ་རིན་ཆེན་གྱི་བཀའ་སློབ་གནང་བ་རྣམས་ལ་མ་རྩིས་པར་འབྲི་གུང་ཁུལ་དུ་ཡོད་པའི་དགེ་ལུགས་དགོན་ཁག་ཆེ་ཆུང་བཅོ་བརྒྱད་ཙམ་ཆོས་ལུགས་དང་ཞྭ་སྟབས་བསྒྱུར་བའི་བཙན་ཤེད་བྱས་པར་བརྟེན། ཆ་དཀར་དགོན་པའི་གྲྭ་པ་རྣམས་དགའ་ལྡན་དུ་གནས་སྤོས་བྱ་དགོས་བྱུང༌། དེ་ལ་བརྟེན་ནས་བདག་ཉིད་ཆེན་པོ་རྒྱལ་དབང་ཀུན་དགའ་རིན་ཆེན་ཡང་ཐུགས་སྐྱོ་ནས་ལོ་རྗེས་མ་དེར་དགོངས་པ་མྱ་ངན་ལས་འདས། ཡུན་རིང་མ་སོང་བར་ཆ་དཀར་དགོན་པའི་གྲྭ་པ་རྣམས་ཆེན་པོ་རིན་ཆེན་འོད་ཀྱིས་བཏབ་པའི་དབུས་སྟོད་བྲག་དབར་དགོན་པར་ཟླ་སྒྲིལ་ཏེ་འཆད་ཉན་མཛད་པས་དགོན་པ་དར་རྒྱས་ཆེན་པོ་བྱུང་ཞིང༌། རྗེས་སུ་དམ་པ་འདི་ཉིད་སེར་སྨད་གྲྭ་ཚང་གི་འཆད་ཉན་སློབ་དཔོན་དུ་གདན་དྲངས་ཐོག དེ་སྔོན་སེར་སྨད་གྲྭ་ཚང་གི་ཡིག་ཆ་རསྙིང་པ་གུང་རུ་རྒྱལ་མཚན་བཟང་པོས་མཛད་པ་རྣམས་ལས་སྟོང་ཉིད་མ་ཡིན་དགག་ཏུ་བཞེད་པ་སོགས། རྗེ་ཙོང་ཁ་པའི་གསུང་དང་མི་མཐུན་པ་འགའ་ཞིག་ཡོད་པར་བརྟེན། དམ་པ་འདི་ཉིད་ཀྱིས་ཐུགས་ཐོག་ནས་གསུངས་པའི་ཕར་ཕྱིན་དང༌། དབུ་མ། ཟུར་བཀོལ་བཞི་བཅས་ཀྱི་སྤྱི་དོན་དང༌། མཐའ་དཔྱོད་རྣམས་སེར་སྨད་གྲྭ་ཚང་གི་ཡིག་ཆར་བྱེད་པ་མ་ཟད། རྒྱལ་མཆོག་སྐུུ་ཕྲེང་ལྔ་པ་ཆེན་པོས། ཕར་ཕྱིན་སྐབས་བཞི་པའི་མཐའ་དཔྱོད་ཀྱི་དབུར། ཐུབ་པའི་བསྟན་པའི་ཁུར་འཛིན་དགེ་འདུན་མཆོག །བཀའ་གདམས་བསྟན་པ་རིན་ཆེན་སྙྙིགས་མའི་དུས། །གངས་ཅན་ཁྲོད་འདིར་དར་རྒྱས་མཛད་པ་ལ། །ཞེས་སོགས་ཚིགས་བཅད་ཤོ་ལོ་ཀ་ཕྱེད་གསུམ་ཙམ་ཡོད་པ་དང༌། སྐུུ་ཕྲེང་བདུན་པ་བསྐུལ་བཟང་རྒྱ་མཚོས། དགེ་འདུན་མཁས་དབང་ཚོགས་པའི་ཆོས་ཀྱི་གྲྭར། །ཡོངས་རྫོགས་བསྟན་པའི་གནད་གསང་ཚངས་དབྱངས་སྒྲས། །འདོམས་མཛད་ཕས་ཀྱི་རྒོལ་ལས་རྒྱལ་བའི་མཐུས། །དར་རྒྱས་མི་ཕམ་བླ་མར་གསོལ་བ་འདེབས། །ཞེས་སོགས་བསྔགས་བརྗོད་རྒྱ་ཆེར་མཛད་སྣང༌། སེར་སྨད་ཀྱི་འཆད་ཉན་སློབ་དཔོན་ནས་རིམ་བཞིན་རྒྱུད་སྨད་མཁན་པོ་དང་བྱང་རྩེ་ཆོས་རྗེ་བརྒྱུད་དགུང་ལོ་དོན་གཉིས་པ་རབ་བྱུང་དགུ་པའི་ཤིང་བྱི་༡༥༦༤ལོར་དགའ་ལྡན་གྱི་ཁྲིར་ཕེབས་ནས། ལོ་དེའི་ས་ག་ཟླ་བའི་ཚེས་བཅོ་ལྔའི་ཉིན་ཁྲི་ཟུར་རིན་པོ་ཆེ་བདེ་བ་ཅན་པ་དགེ་ལེགས་དཔལ་བཟང་གིས་མཁན་པོ་དང༌། ཁྲི་ཆེན་ལས་ཐོག་པ་དམ་པ་འདི་ཉིད་ཀྱིས་ལས་སློབ་མཛད་དེ་རྒྱལ་མཆོག་སྐུུ་ཕྲེང་གསུམ་པ་བསོད་ནམས་རྒྱ་མཚོར་བསྙྙེན་རྫོགས་ཀྱི་སྡོམ་པ་གནང༌། དགའ་ལྡན་གྱི་ཁྲི་ཐོག་ལོ་ངོ་ལྔ་བསྐྱངས་ནས། དགུང་ལོ་དོན་དྲུག་པ་རབ་བྱུང་བཅུ་པའི་ས་འབྲུག་༡༥༦༨ལོར་སྐུུ་གཤེགས། སྐུུ་གདུང་དངུལ་ལས་གྲུབ་པའི་དབྱེན་ཟླུམ་མཆོད་རྟེན་དགའ་ལྡན་ཡངས་པ་ཅན་གྱི་སྟེང་ཐོག་ལི་མ་ལྷ་ཁང་དུ་བཞུགས། མཁས་པའི་དབང་པོ་དུང་དཀར་བློ་བཟང་འཕྲིན་ལས་ཀྱིས། ཁྲི་ཆེན་འདི་དང་དགའ་ལྡན་བྱང་རྩེ་མཁན་པོ་བསྟན་པ་དར་རྒྱས་གཉིས་མཚན་འདྲ་བའི་སྟབས་ཀྱིས་ཁྲི་ཆེན་འདི་བྱང་རྩེ་མཁན་པོ་བསྟན་པ་དར་རྒྱས་ཡིན་ཞེས་གསུང་མཁན་འདུག་ཀྱང༌། མཁན་པོ་དེ་ནི་ཤར་སྐུལ་ལྡན་རྒྱ་མཚོ་བྱང་རྩེ་གྲྭ་ཚང་དུ་སློབ་གཉེར་མཛད་སྐབས་ཀྱི་མཁན་པོ་ཡིན་ཅིང༌། དེ་ནི་རབ་བྱུང་བཅུ་པའི་དུས་མཇུག་ཏུ་བྱུང་བ་ཡིན་པས་དུས་མི་མཚུངས་སོ། །ཞེས་གསུངས་པ་ནི་ལེགས་པར་བཤད་པ་སྟེ། །ད་དུང་རྒྱུ་མཚན་བཞན་ཞིག་ནི་ཁྲི་ཆེན་འདི་ཉིད་འཕན་པོ་ཀླུང་ཤོད་དུ་འཁྲུངས་ཤིང༌། བྱང་རྩེ་མཁན་པོ་བསྟན་པར་དར་རྒྱས་ནི་མདོ་ཁམས་རྒྱལ་རོང་དུ་འཁྲུངས་པ་ཤིན་ཏུ་གསལ་ཏེ། བཻ་སེར་ལས་༡༠༢ཞེས་གསུངས་སོ། །

དགའ་ལྡན་ཁྲི་ཐོག་ཉེར་གསུམ་པ་ཚེ་བརྟན་རྒྱ་མཚོ། རབ་བྱུང་དགུ་པའི་ལྕགས་འབྲུག་༡༥༢༠ལོར་ལྷོ་ཁ་རྩེད་ཐང་དུ་སྐུུ་འཁྲུངས། མ་ཡུམ་གྱིས་སློབ་གཉེར་ཧུར་ཐག་བྱས་ནས་དགའ་ལྡན་གྱི་ཁྲི་ཐོབ་པ་ཞིག་བྱེད་དགོས་ཞེས་མངགས་བྱ་ནན་ཏན་གནང་བ་ལྟར་ལྷ་སར་ཕེབས་ནས་གཞུང་ཆེན་པོ་ལྔ་དང་གསང་སྔགས་བཅས་ལ་མཁས་པར་སྦྱངས། དགུང་ལོ་ཉི་ཤུ་རྩ་དགུ་པ་རབ་བྱུང་དགུ་པའི་ས་རྟ་༡༥༥༨ལོར་ལ། དགའ་ལྡན་ཤར་རྩེ་གྲྭ་ཚང་གི་སློབ་དཔོན་ཡང་གཅིག་ལྕོགས་གནང༌། རབ་བྱུང་དགུ་པའི་མེ་སྟག་༡༥༦༦ལོར་རྒྱལ་མཆོག་སྐུུ་ཕྲེང་གསུམ་པ་བསོད་ནམས་རྒྱ་མཚོས་བཀའ་ཕེབས་པ་ལྟར་དགའ་ལྡན་དགོན་ནང་དུ་ཡོད་པའི་སྡེ་པ་སྐྱིད་ཤོད་པའི་དཀྱིལ་ཁང་བདེ་བ་ཅན་ཞེས་པའི་ས་ཁོངས་དེར་ཤར་རྩེ་ནོར་བུའི་གླིང་གྲྭ་ཚང་གི་གྲྭ་ཁང་གསར་རྒྱག་དང༌། སྐྱིད་ཤོད་སྡེ་པ་ཨ་ཁུ་བཀྲ་ཤིས་རབ་བརྟན་གྱིས་བྲག་དཀར་ཁུལ་ནས་མཆོད་གཞིས་ཆོས་ཕོགས་ཀྱི་མཐུན་རྐྱེན་ས་ཞིང་སོགས་ཕུལ། གསང་ཕུ་ཉག་རོང་གྲྭ་ཚང་གི་སློབ་དཔོན་བློ་བཟང་བསྟན་འཕེལ་ཤར་རྩེ་གྲྭ་ཚང་གི་སློབ་དཔོན་དང༌། ཉི་སྡིངས་ཀྱི་སློབ་དཔོན་དུ་བསྐོ་བཞག་མཛད། དགུང་ལོ་ཞེ་དགུ་པ་རབ་བྱུང་བཅུ་པའི་ས་འབྲུག་༡༥༦༨ལོར་དགའ་ལྡན་གྱི་ཁྲིར་ཕེབས་ཏེ་མདོ་སྔགས་ཀྱི་ཆོས་འཁོར་རྒྱ་ཆེར་བསྐོར། དགུང་ལོ་ང་གསུམ་་པ་ཆུ་སྤྲེལ༡༥༧༢ལོར་ཁྲི་ཆེན་ཚེ་བརྟན་རྒྱ་མཚོ་འདི་ཉིད་དང་དང༌། ཆོས་རྗེ་བྱམས་པ་རྒྱ་མཚོ་གཉིས་ཀྱིས་མཁན་སློབ་མཛད་ནས་ལམ་གྲོ་སངས་རྒྱས་རིན་ཆེན་སོགས་སྔ་ཕྱིར་བསྒྲུབ་བྱ་ཤིན་ཏུ་མང་པོ་དབུས་སུ་བསྙྙེན་པར་རྫོགས། ཁྲི་ལོ་བདུན་སོང་མཚམས་དགའ་ལྡན་རྡོ་ཁང་དུ་ཟུར་བཞུགས་མཛད། དགུང་ལོ་ང་བརྒྱད་པ་རབ་བྱུང་བཅུ་པའི་མེ་གླང་༡༥༧༧ལོར་ྋརྒྱལ་དབང་སྐུུ་ཕྲེང་གསུམ་པ་བསོད་ནམས་རྒྱ་མཚོ་སོག་ཡུལ་དུ་ཕེབས་པའི་ཕྱི་ལོ་ནས་ལོ་ཤས་རིང་སྨོན་ལམ་ཆེན་མོའི་ཚོགས་དབུར་ཕེབས། དགའ་ལྡན་ཁྲི་པ་སྨོན་ལམ་ཚོགས་དབུར་ཕེབས་སྲོལ་ཐོག་མ་འདི་ནས་བྱུང་ཞིང༌། དེའི་གོང་དུ་འབྲས་སྤུངས་ཁྲི་པ་རིམ་བརྒྱུད་སྨོན་ལམ་ཚོགས་དབུར་ཕེབས་པའི་སྲོལ་མཆིས། ཤར་རྩེ་གྲྭ་ཚང་གི་འདུ་ཁང་གསར་པའི་ལྡེབས་བྲིས་དང་སྤེན་རྒྱན་སོགས་ལེགས་གྲུབ་མཛད། དགུང་ལོ་རེ་བདུན་པ་རབ་བྱུང་བཅུ་པའི་མེ་བྱི་༡༥༧༦ལོར་དགོངས་པ་གཞན་དོན་དུ་གཤེགས། གདུང་རྟེན་གསེར་ཟངས་ལས་གྲུབ་པའི་རྣམ་རྒྱལ་མཆོད་རྟེན་དགའ་ལྡན་ལི་མ་ལྷ་ཁང་དུ་བཞུགས།

དགའ་ལྡན་ཁྲི་ཐོག་ཉེར་བཞི་པ་མངོན་དགའ་བྱམས་པ་རྒྱ་མཚོ་ནི། རབ་བྱུང་དགུ་པ་མེ་བྱི་༡༥༡༦ལོར་ཞོག་གི་གྲག་གུར་ཞེས་པར་འཁྲུངས། སྟག་ལུང་བྲག་པ་བློ་གྲོས་རྒྱ་མཚོས་རྗེ་འདི་ཉིད་རྒྱལ་བ་བྱམས་པའི་སྤྲུལ་པར་གསུངས། སྐུ་ན་ཆུང་དུས་ནས་སྟག་རྩེ་རིན་ཆེན་སྒང་དུ་རབ་བྱུང་མཛད། རྗེ་འདི་ཉིད་ཆོས་སྡེ་གང་ཞིག་ཏུ་ཆོས་ཞུགས་གནང་ནས་སློབ་གཉེར་གནང་བའི་ལོ་རྒྱུས་ཁ་གསལ་ད་ཕན་མ་མཐོང་ཡང༌། འདིའི་སྐུུ་སྐྱེ་རྗེས་མ་གཙང་པ་བཀྲིས་དང་ཁམས་མོ་སྒྲོལ་མ་གཉིས་ཀྱི་སྲས་རྒྱུད་ཆེན་རྣམ་རྒྱལ་དཔལ་བཟང་གིས་རབ་བྱུང་གནང་བའི་མཚན་ལ་དགེ་འདུན་དཔལ་བཟང་ཞུ་བ། དགུང་ལོ་བཅོ་ལྔའི་ཐོག་ནས་སོག་པོར་ཕེབས་ཏེ་འགྲོ་དོན་རྒྱ་ཆེར་བསྐྱངས་པའི་ཁྲི་སྤྲུལ་དམ་པ་དེ་ཉིད་སེར་སྨད་ཐོས་བསམ་ནོར་གླིང་གྲྭ་ཚང་དུ་ཆོས་ཞུགས་ཐོག་གཞུང་ཆེན་ཁག་ལ་ཐོས་བསམ་མཛད་འདུག་པས། རྗེ་འདི་ཉིད་ཀྱང་ཐུགས་གཉེར་གནང་ས་སེར་སྨད་གྲྭ་ཚང་ཡིན་སྲིད་སྙྙམ། གང་ལྟར་དགེ་བའི་བཤེས་གཉེན་མང་པོའི་དྲུང་ནས་གཞུང་ལུགས་མང་པོ་གསན་པས་མཁས་བཙུན་གྱི་གྲགས་པས་ཁྱབ། དཔལ་ལྡན་སྨད་རྒྱུད་དུ་བྱོན་ནས་རྗེ་ཆོས་གྲགས་པ་བཟང་པོ་དང༌། ནམ་མཁའ་གྲགས་གཉིས་ཀའི་དྲུང་ནས་བདེ་གསང་གི་རྒྱུད་འགྲེལ་འགྲེལ་བཤད་བསྐྱེད་རྫོགས་ཀུན་དང༌། ཁྲིད་ཆེན་བརྒྱད། རྡོ་རྗེ་འཇིགས་བྱེད་ཀྱི་རྒྱུད་གཉིས་ཀྱི་འགྲེལ་པ་དང་འགྲེལ་བཤད་བསྐྱེད་རྫོགས་མན་ངག་རྣམས་གསན་པས། མདོ་སྔགས་གཉིས་ཀ་ལ་མཁས་པའི་ངེས་པ་རྣམ་དག་ཐུགས་ལ་མངའ་བའི་རྡོ་རྗེ་འཛིན་པ་ཞིག་སྟེ། རྗེ་དགེ་འདུན་རྒྱ་མཚོའི་འཇིགས་བྱེད་སྨོན་ལམ་གྱི་ཊཱིཀྐ་རིམ་གཉིས་ཆ་ཚང་བ་ཞིག་བརྩམས། དུས་ཕྱིས་ཁྲི་ཆེན་དཀོན་མཆོག་ཆོས་འཕེལ་དང༌། ཀུན་མཁྱེན་འཇམ་དབྱངས་བཞད་པ་སོགས་ཀྱིས་ལེགས་བཤད་དུ་བཞེད། སྒོམ་སྡེ་ནམ་མཁའ་རྒྱལ་མཚན་གྱིས་ཀྱང་དེ་གཞིར་བཞག་ནས་འཇིགས་བྱེད་སྨོན་ལམ་གྱི་ཊཱིཀྐ་མཛད། དེ་ནས་རྒྱུད་སྨད་ཀྱི་ཁྲིར་ཕེབས། རྒྱུད་གསུམ་དང་འགྲེལ་པ་འགྲེལ་བཤད་བསྐྱེད་རྫོགས་བཞི་མན་ངག་བཅས་པ་ལོ་ནས་ལོར་སྟར་ཆགས་སུ་འཆད་ཉན་གནང༌། སྟག་རྩེ་རིན་ཆེན་སྒང་ལ་རིན་ཆེན་གླིང་དགོན་པ་ཕྱག་བཏབ་ནས་མདོ་སྔགས་ཀྱི་འཆད་ཉན་རྒྱ་ཆེར་འཕེལ་བཞིན་པའི་སྐབས། ཕག་མོའི་དམག་ཕོག་པས། ཆོས་སྡེ་དེ་ཉིད་གུར་སྨོན་དུ་སྤོས་དར་རྒྱས་ཆེ་བར་མཛད། དུས་ཕྱིས་ཁྲི་རྒྱལ་ཁང་རྩེ་བ་དགའ་ལྡན་ཁྲི་ལ་ཕེབས་སྐབས་རིན་ཆེན་གླིང་བསྐྱར་གསོ་གནང་ནས་རྗེ་འདི་ཉིད་ལ་ཕྱི་འབུལ་ཞུས། རབ་བྱུང་བཅུ་པའི་མེ་བྱི་༡༥༧༦ལོར་རྒྱལ་བ་གཉིས་པའི་མི་འཇིགས་གདོང་ལྔས་བཏེགས་པའི་གསེར་ཁྲིར་ཕེབས། རབ་བྱུང་བསྙྙེན་རྫོགས་གྲངས་ལས་བརྒལ་བའི་མཁན་པོ་མཛད་ཅིང༌། གངས་ཅན་གྱི་མཐའ་འཁོབ་བའི་འདྲེན་པ་ཆེན་པོ་ཁམས་གསུམ་འགྲོ་བའི་བླ་མ་རྒྱལ་བ་བསོད་ནམས་རྒྱ་མཚོ་སོག་པོའི་རྒྱལ་པོ་ཆ་གན་ཨལ་ཐན་གྱིས་བྱང་ཕྱོགས་ཀྱི་སྐྱེ་འགྲོ་མང་པོའི་མགོན་དུ་སོག་ཡུལ་དུ་གདན་དྲངས་པའི་ཤུལ་དུ་ལྷ་སའི་སྨོན་ལམ་ཆེན་མོའི་གྲལ་དབུ་མཛད། ས་འབྲུག་༡༥༦༨ལོར་གཞིས་ཀ་བྲག་དཀར་བའི་ལྕམ་རིན་ཆེན་རྒྱལ་མོ་འདས་པའི་དགེ་སྒྲུབ་ཏུ་སྡེ་པ་སྐྱིད་ཤོད་པ་ཨ་ཁུ་བཀྲ་ཤིས་རབ་བརྟན་གྱིས་མཐུན་རྐྱེན་སྦྱར་བ་ལྟར་གསེར་སྦྱངས་ལས་གྲུབ་པའི་དགའ་ལྡན་དངུལ་གདུང་གི་སྒོ་རྒྱན་གསར་བསྐྲུན་གནང༌། ལྕགས་སྦྲུལ་༡༥༨༡ ལོར་རྒྱལ་མཆོག་བསོད་ནམས་རྒྱ་མཚོ་སོག་ཡུལ་དུ་ཕེབས་རྗེས་ཕྱག་མཛད་ཆོས་བཟང་འཕྲིན་ལས་ཀྱིས་དགའ་ལྡན་ཕོ་བྲང་རྒྱ་བསྐྱེད་འཛུགས་བསྐྲུན་དུ་སྡེ་པ་སྐྱིད་ཤོད་པས་རྒྱུ་གྲོན་དང་འུ་ལག་གང་དགོས་ཀྱི་རོགས་རམ་ཐོག གདན་སའི་གྲྭ་རྒྱུན་རྣམས་ཀྱང་སྐབས་དང་བསྟུན་ནས་ལས་གྲྭར་མངགས་པ་སོགས་བྱ་བ་ལས་ཀྱི་འཁོར་ལོ་ལའང་གཟིགས་པ་ཤིན་ཏུ་ཡངས། མི་ལོ་བདུན་གྱི་རིང་ལ་གསེར་ཁྲི་བཟུང་ཞིང་དེའི་རིང་ལ་བཤད་སྒྲུབ་ལས་གསུམ་གྱི་སྒོ་ནས་ཞྭ་སེར་ཅོད་པན་འཆང་བའི་བསྟན་པ་བླ་ན་བཏེགས། དགུང་ལོ་རེ་བདུན་པ་ཆུ་རྟ་༡༥༨༢ལོར་མངོན་དགའ་ལ་ཟུར་བཞུགས་མཛད་པས་ཁྲི་ཆེན་མངོན་དགའ་བར་ཡང་གྲགས། དགུང་ལོ་དོན་ལྔ་པ་རབ་བྱུང་བཅུ་པའི་ལྕགས་སྟག་༡༥༩༠ལོར་ཞི་བར་གཤེགས་པའི་དངུལ་གདུང་མཆོད་ཁང་གསར་མ་ནང་བཞུགས་སོ། །

དགའ་ལྡན་ཁྲི་ཐོག་ཉེར་ལྔ་པ་རྒྱལ་ཁང་རྩེ་པ་དཔལ་འབྱོར་རྒྱ་མཚོ་ནི། རབ་བྱུང་དགུ་པའི་མེ་ཁྱི་༡༥༢༦ལོར་སྟོད་ལུང་རམ་པ་གད་པ་ཁར་ཡབ་སྔགས་འཆང་ནོར་བུ་ཚེ་རིང་དང༌། ཡུམ་དབང་ཕྱུག་མཚོ་གཉིས་ཀྱི་སྲས་སུ་འཁྲུངས། སྐུ་ན་ཆུང་དུས་མཚན་ལ་རྟ་མགྲིན་ཚེ་དབང་གསོལ། དགུང་ལོ་བརྒྱད་པ་ཆུ་སྦྲུལ་༡༥༣༣ལོར་རྒྱལ་མཆོག་སྐུུ་འཕྲེང་གཉིས་པ་དགེ་འདུན་རྒྱ་མཚོའི་དྲུང་ནས་དགེ་བསྙྙེན་གྱི་སྡོམ་པ་བཞེས། དགུང་ལོ་བཅོ་ལྔ་པ་ལྕགས་བྱི་༡༥༤༠ལོར་སྐྱོར་མོ་གླིང་དུ་གླིང་སྨད་ཆོས་རྗེ་ལྷ་དབང་དཔལ་འབྱོར་གྱི་དྲུང་ནས་རབ་བྱུང་དང་དགེ་ཚུལ་གྱི་སྡོམ་པ་ཞུས་པའི་མཚན་ལ་དཔལ་འབྱོར་རྒྱ་མཚོ་གསོལ། གསང་ཕུར་ཞུགས་ནས་གླིང་སྨད་ཆོས་རྗེ་ཆོས་ཀྱི་གྲགས་པ་ལས་ཚད་མ་སྡེ་བདུན་མདོ་དང་བཅས་པ་ལ་མཁས་པར་སྦྱངས། དེ་ནས་འབྲས་སྤུངས་སུ་ཕེབས་ཏེ། འབྲས་སྤུངས་ཁྲི་པ་མདོ་སྔགས་རབ་འབྱམས་སྨྲ་བ་པཎ་ཆེན་བསོད་ནམས་གྲགས་པའི་དྲུང་ནས་འདུལ་མཛོད་དང་གཞན་ཡང་མདོ་སྔགས་ཀྱི་གསེར་ཆོས་མང་དུ་གསན། འབྲས་སྤུངས་བཀྲ་ཤིས་སྒོ་མང་མཁན་པོ་བློ་བཟང་ཨེ་ཝྃ་དང༌། མཁན་ཟུར་ཅོ་ནེ་ཕྱོགས་ལས་རྣམ་རྒྱལ་ལས་དབུ་མ་དང་འདུལ་བ་སོགས་ལ་སྦྱངས། དགུང་ལོ་ཉེར་ལྔ་པ་ལྕགས་ཁྱི་༡༥༥༠ལོར་གདན་ས་འབྲས་སྤུངས་སུ་གླིང་བསྲེའི་དམ་བཅའ་བཞག་པས་མཁས་པའི་མཚན་སྙྙན་འབར། ད་དུང་ཐོས་པས་མ་ངོམས་པར་གཙང་དུ་ཕེབས་ཏེ་བཀྲ་ཤིས་ལྷུན་པོའི་མཁན་པོ་གནས་རྙིང་ཆོས་ཀྱི་རྒྱལ་མཚན་གྱི་དྲུང་ནས་ལོ་ངོ་གསུམ་གྱི་རིང་དབུ་ཚད་སྐྱར་སྦྱོང་མཛད་པས་གཙང་ཕྱོགས་སུ་མཁས་པའི་གྲགས་པ་འབར། དེ་ནས་རིམ་གྱིས་གངས་ཅན་ཆོས་འཕེལ་གླིང་དང་རྒྱལ་རྩེ་དཔལ་འཁོར་ཆོས་སྡེ་རྒྱུད་དེ་ལྷ་སའི་ཕྱོགས་སུ་ཕེབས་ཏེ་དེ་དག་གི་རིང་ལ་པཎ་ཆེན་བཟང་པོ་བཀྲ་ཤིས། པཎ་ཆེན་ཉི་མ་བཟང་པོ། མཁས་ཆེན་དོན་ཡོད་རྒྱལ་མཚན། དགའ་ལྡན་ཁྲི་ཐོག་ཉེར་གཅིག་པ་བདེ་བ་ཅན་པ་དགེ་ལེགས་དཔལ་བཟང༌། ཁྲི་ཆེན་ཉེར་གཉིས་པ་ཚེ་བརྟན་རྒྱ་མཚོ་སོགས། དགེ་ལྡན་བསྟན་པའི་སྐྱེས་ཆེན་གསེར་གྱི་རི་བོ་ལྟ་བུ་དུ་མའི་དྲུང་ནས་མདོ་སྔགས་ཀྱི་ཟབ་ཆོས་ཤིན་ཏུ་མང་པོ་ཞུས། དགུང་ལོ་སོ་གཅིག་པ་རབ་བྱུང་དགུ་པའི་མེ་འབྲུག་༡༥༥༦ལོར་དགའ་ལྡན་ཁྲི་ཐོག་ཁང་དུ་ཁྲི་ཆེན་བདེ་བ་ཅན་པ་དགེ་ལེགས་དཔལ་བཟང་དྲུང་ནས་བསྙྙེན་པར་རྫོགས་པའི་དགེ་སློང་གི་སྡོམ་པ་བཞེས། དགུང་ལོ་སོ་ལྔ་པ་རབ་བྱུང་དགུ་པའི་ས་ལུག་༡༥༥༩ལོར་སྟག་ཚང་རྭ་བ་སྟོད་པ་རྒྱལ་ཚབ་གསེར་ཟན་གྲྭ་ཚང་གི་མཁན་ཁྲིར་གདན་དྲངས་པ་ལྟར་ཁྲི་ལ་འཁོད་ནས་སྡེ་བདུན་མདོ་དང་བཅས་པའི་འཆད་ཉན་དབྱར་མཚོ་ལྟར་འཕེལ་བར་མཛད། རྩེད་ཐང་སོགས་དགེ་ལྡན་ཆེ་ཕྲ་མང་པོས་གདན་འདྲེན་ཞུས་པ་ལྟར་ཕེབས་ནས་མདོ་སྔགས་ཀྱི་ཆོས་འཁོར་རྒྱ་ཆེར་བསྐོར། དགུང་ལོ་ཞེ་གཉིས་པ་ལྕགས་བྱི་༡༦༠༠ལོར་གླིང་སྨད་དཀོན་མཆོག་ཆོས་འཕེལ་ཁམས་སུ་འབུལ་སྡུད་དུ་མངགས་ཏེ་ཆོས་དང་ཟང་ཟིང་གཉིས་ཀས་དགའ་ལྡན་རྣམ་པར་རྒྱལ་བའི་གླིང་གི་བྱང་རྩེ་གྲྭ་ཚང་ལ་མཐུན་རྐྱེན་དཔེ་མེད་སྦྱར། དགུང་ལོ་ཞེ་གཅིག་པ་རབ་བྱུང་བཅུ་པའི་མེ་སྟག་༡༥༦༦ལོར་གསང་ཆེན་རྒྱ་མཚོའི་བསྟི་གནས་དཔལ་ལྡན་སྟོད་རྒྱུད་གྲྭ་ཚང་གིས་བླ་མར་གདན་དྲངས་པ་ལྟར་འཁོར་ཚོགས་རྒྱ་མཚོའི་དབུས་སུ་མངོན་པར་མཐོ་བ་དང་བཅས་འོ་སྒར་ཕེབས་ཏེ་རྒྱུད་སྡེ་བཞི་ཡི་འཆད་ཉན་རྒྱ་ཆེར་སྤེལ། སྐབས་དེར་སྟོད་རྒྱུད་གྲྭ་ཚང་ལོ་ལྟར་དབུས་སྟོད་བྱམས་པ་གླིང་དུ་ཆོས་ཐོག་ལ་ཕེབས་སྲོལ་ཡོད་ཀྱང་ས་ཆའི་བདག་པོས་གནས་གཞི་མ་གཡར་བར་བརྟེན་མཁན་སློབ་གྲྭ་མང་དང་བཅས་པ་རས་གུར་ཕུབ་ནས་བཞུགས་དགོས་བྱུང༌། ཁུལ་དེའི་འབྱོར་ལྡན་མགོན་པོ་སྐྱབས་ཀྱིས་ཆོས་ཐོག་གི་གསོལ་ཕོགས་དང་གནས་གཞི་ཕུལ། དེ་བཞིན་སེ་ར་དགོན་པར་དབྱར་ཆོས་ཕེབས་སྐབས་ཀྱང་རྒྱུད་ཁང་མེད་སྟབས་སེར་སྨད་གཞུང་པ་ཁང་ཚན་ལ་གནས་གཡར་ཞུས་ནས་བཞུགས་དགོས་ཀྱི་ཡོད་སྟབས་རྗེ་འདི་ཡིས་ས་སློང་དང་རྒྱུད་ཁང་གསར་བཞེངས་མཛད། ཅོ་ནེ་ཚ་རྡོར་ནང་གསོ་ཕོགས་ཐེབས་ཀྱི་ས་གཞུང་པ་ཁང་ཚན་དགེ་རྒན་འཇམ་དབྱངས་རྒྱལ་མཚན་གྱིས་མཐུན་རྐྱེན་ཞལ་འདེབས་ཀྱང་ཕུལ་བ་སེ་རའི་དབྱར་ཆོས་ཀྱི་ཆོས་ཕོགས་ལེགས་འགྲུབ་བྱུང༌། དགུང་ལོ་ཞེ་དྲུག་པ་རབ་བྱུང་བཅུ་པའི་ལྕགས་ལུག་༡༥༧༡ལོར་ཤར་པ་ཆོས་རྗེའི་ཁྲིར་ཕེབས་ནས་ལོ་དགུའི་བར་བསྐྱངས། ཤར་པ་ཆོས་རྗེའི་ཁྲི་ཁུར་བསྐྱངས་པའི་རིང༌། ཐང་སྐྱ། ཕག་མོ། རིན་ཆེན་གླིང༌། དོན་བུ་རི། ཀླུང་ཤོད་འབར་ཚག གསང་ཕུ། སྐྱོར་མོ་ལུང་བཅས་ཀྱི་ཁྲི་ཐོག་ཏུ་གདན་དྲངས་པ་ལྟར་ཕེབས་ནས་གང་ལ་གང་འོས་ཀྱི་ཆོས་འཆད་ཉན་དང༌། སྒྲིག་ལམ་དག་ཐེར། ཉམས་གསོ། ཆོས་ཐེབས་སྦྱོར་བ་སོགས་ཆོས་དང་ཟང་ཟིང་གཉིས་ཀའི་སྒོ་ནས་སྐྱོང་བར་མཛད། ཤིང་ཁྱི་༡༥༧༤ལོ་ནས་བཟུང་དབུས་སྟོད་ཁུལ་དུ་འཁྲུགས་པ་ཚབས་ཆེན་བྱུང་བའི་རྐྱེན་གྱིས་ཆོས་སྡེ་རིན་ཆེན་གླིང་ཞེས་གྲྭ་པ་སློབ་གཉེར་བ་སུམ་བརྒྱ་ཙམ་ཡོད་པ་དེ་བཞིན་རྩ་གཏོར་བཏང་བར་བརྟེན་དམ་པ་དེས་ཕག་མོ་བའི་དཔོན་རིགས་རྣམས་ཟང་ཟིང་གི་འབྱོར་པ་ཆེན་པོས་ཚིམ་པར་མཛད་དེ་དགོན་པ་བསྐྱར་གསོ་ཆོག་པའི་རེ་བ་ཞུ་གནང་མཛད་པ་ལྟར། རེ་ཞིག་གྲྭ་པ་བཅུ་སྐོར་ཡོད་པའི་དགོན་ཆུང་ཞིག་བཟུང་ཆོག་པའི་འཁྲོལ་ཆ་བྱུང་བ་དེ་རིམ་བཞིན་ཇེ་རྒྱས་སུ་ཕྱིན་སྐབས་དགོན་སྡེ་འདི་ཐོག་མར་ཕྱག་འདེབས་མཛད་པ་པོ་ཁྲི་ཆེན་བྱམས་པ་རྒྱ་མཚོ་རང་ལ་ཕྱིར་འབུལ་མཛད། དགུང་ལོ་ང་བདུན་པ་ཆུ་རྟ་༡༥༨༢ལོར་དགའ་ལྡན་གྱི་ཁྲིར་ཕེབས་ཏེ་ལོ་ངོ་བརྒྱད་ཀྱི་བར་བསྐྱངས་ཤིང༌། དེའི་རིང་ཁྲི་ཐོག་ཁང་གི་ཉམས་གསོ་གསར་བཞེངས་དང་ཁྱད་པར་མེད་པ་ཞིག་མཛད་ཅིང༌། ཞོར་ལ་མདོ་སྔགས་ཀྱི་ཆོས་བཀའ་ཡང་རྒྱུན་མི་ཆད་པར་གནང་ནས་ས་གླང་༡༥༨༩ལོར་རྒྱལ་ཚབ་རྗེའི་གཟིམས་ཁང་རྒྱལ་ཁང་རྩེར་ཟུརབཞུགས་གནང་བས་ཁྲི་ཆེན་རྒྱལ་ཁང་རྩེ་པར་གྲགས། །བྱང་རྭ་སྒྲེང་རྒྱལ་བའི་དབེན་གནས་སུ་གནས་གཟིགས་ལ་ཕེབས་དུས་ཀ་གཉིས་མའི་ནང་དུ་ཞབས་ཕྱགས་མ་ཕུད་པར་བྱོན་པས་ཇོ་བོ་འཇམ་དཔལ་རྡོ་རྗེས། བརྩོན་འགྲུས་གཡུང་དྲུང་ཁྱོད་ངའི་དི༷ལ་འཁོར་གྱི་ནང་དུ་མཆིལ་ལྷམ་མ་ཕུད་པར་འོང་པ་ཅི་ཡིན་ཞེས་གསུང་བྱོན་ལ། རྒྱལ་བ་ཐམས་ཅད་ཀྱི་ཡེ་ཤེས་རྡོ་རྗེའི་རང་གཟུགས་བསོད་ནམས་རྒྱ་མཚོ་གཞིས་ཀ་བྲག་དཀར་དུ་ཕེབས་སྐབས་ཤིག །ཡང་དགོན་ཞབས་དྲུང་སོགས་དྲུང་འཁོར་འགའ་ཞིག་ལ། དེ་རིང་ངེད་རང་ཚོ་ཁུ་སྟོན་དང་མཇལ་བ་འདུག་གསུངས་པས། རྐྱང་ཐང་སྒང་གི་དཀྱིལ་ཙམ་དུ་ཞལ་སྔ་ནས་རྒྱལ་ཁང་རྩེ་བ་དང་མཇལ།དེ་ནུབ་ཡང་དགོན་ཞབས་དྲུང་གིས། དེ་རིང་ཁུ་སྟོན་དང་མཇལ་བ་མ་བྱུང་ལགས་ཞུས་པས། ངེད་རང་དང་རྐྱང་ཐང་སྒང་དང་ཕྲད་སོང་ཞེས་ཁུ་སྟོན་བརྩོན་འགྲུས་གཡུང་དྲུང་གི་སྐྱེ་བར་ལུང་བསྟན། རྗེ་འདི་ཉིད་རྒྱལ་ཁང་རྩེར་བཞུགས་སྐབས་ཕྱག་མཛོད་གུ་ཤྲི་རྒྱལ་དབང་གོང་མའི་ཡང་སྲིད་སོག་ཡུལ་དུ་སྤྱན་འདྲེན་ལ་འབྱོན་གདོང༌། འཕྲལ་ཡུན་གྱི་གསུང་གླེང་མང་དུ་གནང་ཞིང༌། ཁྱད་པར་ངེད་ན་ཚོད་མཐོ་བས་སོག་ཡུལ་དུ་སྐུུ་ཞབས་སུ་སླེབས་པ་ཞིག་མི་ཡོང་འདུག་ཀྱང༌། དིང་སང་དབུས་གཙང་དུ་རང་ཕྱོགས་ཀྱི་བླ་མའི་རྒན་མགོ་ངེད་རང་ཡིན་པས་ཞབས་དྲུང་རིན་པོ་ཆེར་མཚན་འབུལ་བའི་བབས་འབྲེལ་འདུག་པས། ཐམས་ཅད་མཁྱེན་པ་ཡོན་ཏན་རྒྱ་མཚོ་དཔལ་བཟང་པོ་ཞེས་མཚན་འབུལ་རྒྱུ་ཕུལ་བས། འདི་ནས་བཟུང་མཆོག་དམན་ཀུན་ལ་མཚན་འདི་ཉི་ཟླ་ལྟར་གྲགས་སོ། ། ཤིང་ལུག་༡༥༩༥ལོར་སྐྱིད་ཤོད་སྡེ་པ་གཡུལ་རྒྱལ་ནོར་བུར་བཀའ་གནང་སྟེ་དགའ་ལྡན་སྒྲུབ་མཆོད་ཆེན་མོ་ཉམས་གསོ་མཛད་པ་དང་དུས་མཚུངས་དགའ་ལྡན་གསེར་གདུང་གི་རྒྱ་ཕིབས་ཉམས་གསོ་གསར་བཞེངས་གནང་བ་སོགས་མཛད་རྗེས་རླབས་ཆེ། མེ་སྤྲེལ་༡༥༩༦ལོར་ལྷ་ལྡན་གཙུག་ལག་ཁང་དུ་རྗེ་རྒྱལ་ཁང་རྩེ་པ་འདི་ཉིད་ཀྱིས་མཁན་པོ་དང༌། དད་པའིདགེ་འདུན་གྲངས་ཚང་བའི་དབུས་སུ་དགའ་ལྡན་ཁྲི་ཐོག་སོ་ལྔ་པ་འཇམ་དབྱངས་བླ་མ་དཀོན་མཆོག་ཆོས་འཕེལ་ལ་བསྙེན་པར་རྫོགས་པའི་དགེ་སློང་གི་སྡོམ་པ་གནང༌། དེ་ནས་རིམ་པར་བཞིན་འབྲས་སྤུངས་པ་རྗེ་དཀོན་མཆོག་བསྟན་འཛིན་ནས་ད་ལྟའི་སྐྱབས་རྗེ་པད་ནོར་རིན་པོ་ཆེའི་བར་སྔར་འགྱུར་རྙིང་མ་པའི་སྡོམ་རྒྱུན་བར་མ་ཆད་དུ་བྱུང་ཚུལ་ཡང་གོང་དུ་ཁྲི་ཆེན་ཉེར་གཅིག་པའི་སྐབས་བཤད་པ་ལྟར་རོ།། དགུང་ལོ་དོན་བཞིར་ཕེབས་པ་རབ་བྱུང་བཅུ་པའི་ས་ཕག་༡༥༩༩ལོར་སྐུུ་གཤེགས། སྐུུ་གདུང་ཞུགས་འབུལ་ཞུས་པའི་སྐབས་བྱོན་པའི་རྟེན་ཁྱད་པར་ཅན་རྣམས་ནང་རྟེན་དུ་བཞུགས་པའི་དངུལ་གདུང་ལྷ་བབས་མཆོད་རྟེན་ཆེ་བ་ཞིག་རྒྱ་གུར་ཆེན་མོའི་མདུན་ངོས་ཕྱིའི་གཡས་ཕྱོགས་བཞུགས། ཁྲི་ཆེན་འདིའི་ཞལ་སློབ་ཆོས་རྗེ་སྐུུ་སྐྱེ་ཚེ་རིང་མགོན་པོས་བརྩ་མས་པའི་རྣམ་ཐར། དཔལ་ལྡན་བླ་མ་དམ་པ་དཔལ་འབྱོར་རྒྱ་མཚོའི་ཞལ་སྔ་ནས་ཀྱི་རྣམ་པར་ཐར་པ་དད་པའི་འཇུག་སྒོ་རབ་ཏུ་གསལ་བ། ཞེས་ཁ་བྱང་དུ་འཁོད་པ་དཔེ་རྙིང་དབུ་མེད་བྲིས་མ་དཔེ་རིང་ཤོག་གྲངས་༨༠ཡོད་པ་ཞིག་བོད་ལྗོངས་དཔེ་མཛོད་ཁང་གི་ཕྱག་དཔེའི་གྲས་སུ་ཡོད་ཚུལ་དུང་དཀར་ཚིག་མཛོད་དུ་གསལ་ཡང་ཁོ་བོས་ཞལ་མཇལ་མ་བྱུང༌།

ཁྲི་ཐོག་ཉེར་དྲུག་པ་ཆོས་རྗེ་དམ་ཆོས་དཔལ་འབར་ནི། གཙང་སྟོད་གནས་ཀྱི་ཁང་དམར་ཤར་དུ། རབ་བྱུང་དགུ་པའི་ཆུ་ལུག་༡༥༢༣ལོར་འཁྲུངས། གནས་ཀྱི་ཆོས་སྡེར་རབ་ཏུ་བྱུང༌། པཎ་ཆེན་གནས་པའི་དྲུང་དུ་འདུལ་བ་མདོ་རྩ་བ་དང༌། ལས་བརྒྱ་བ། སུམ་བརྒྱ་པ། མངོན་པ་གོང་འོག ལྷག་པར་ཕར་ཕྱིན་དང་དབུ་མ་རྩ་འཇུག་བཞི་གསུམ་རྗེ་ཙོང་ཁ་པ་ཆེན་པོ་ཡབ་སྲས་ཀྱི་ལེགས་བཤད་བཀའ་འགྲེལ་རྣམས་ལ་སློབ་གཉེར་མཛད་པས་མཁས་པའི་སྙྙན་གྲགས་དབྱར་རྔ་ལྟར་འབར། དེ་ནས་དབུས་སུ་བྲག་དབར་གྱི་གདན་སར་གདན་དྲངས་པ་ལྟར་དེར་ཕེབས་ནས་མདོ་སྔགས་སྤྱི་དང་ལྷག་པར་རྗེ་ཙོང་ཁ་པ་ཆེན་པོའི་བཞེད་སྲོལ་གཙང་མ་རྩལ་དུ་བཏོན་ནས་འཆད་ཉན་མཛད་པས་འཕྲིན་ལས་རྒྱ་ཆེར་འཕེལ། དེ་ལ་བརྟེན་ནས་ཕྱོགས་ཀྱི་ཚོང་འགྲིམས་པ་དང་ཡུལ་གྱི་འབྱོར་ལྡན་མང་པོས་མཐུན་རྐྱེན་ཕུན་སུམ་ཚོགས་པ་སྦྱོར་ནས་གདན་ས་དེར་རྒྱལ་བ་མ་ཕམ་པའི་སྐུ་ཐོགས་བརྩེགས་མ་དང༌། འཕགས་པ་གནས་བརྟན་བཅུ་དྲུག་གི་གོས་སྐུུ། ཡི་དམ་མགོན་པོ། རང་བྱུང་རྒྱལ་མོའི་སྐུུ་འདྲ། མགོན་ཁང་གསར་མ་བཅས་གསར་བཞེངས་དང༌། རིགས་གྲྭ་ལྔ་མཆོད་དང༌། བྱམས་སྨོན་གསར་འཛུགས་ཀྱང་གནང༌། གནས་དེར་འཕྲིན་ལས་ཤིན་ཏུ་རྒྱས་པ་བྱུང་བས་འཕགས་མཆོག་སྤྱན་རས་གཟིགས་ཀྱི་སྤྲུལ་པ་འབྲོམ་སྟོན་རྒྱལ་བའི་འབྱུང་གནས་ཀྱི་གདན་ས་རྭ་སྒྲེང་ནས་གདན་འདྲེན་པ་བྱུང་བས་བསྟན་པ་ཁོ་ནའི་དོན་དུ་གནས་མཆོག་ཁྱོད་པར་ཅན་དེར་ཕེབས་ཏེ་སྤྱི་བླ་མཛད། བཀའ་གདམས་ཕ་ཆོས་བུ་ཆོས་དང༌། གྲོ་ལུང་པའི་བསྟན་རིམ། རྗེའི་ལམ་རིམ་ཆེ་ཆུང་སོགས་ཀྱི་བཀའ་ཆོས་རྒྱ་ཆེར་གསུངས། འདིའི་སྐུ་བསོད་ལ་བརྟེན་ནས་ཕྱོགས་ཀྱི་འབྱོར་ལྡན་མང་པོས་མཐུན་རྐྱེན་འབད་མེད་དུ་འཇོ་བ་ལ་བརྟེན་ནས་ ་ཞིག་གསོ་དང༌། གཉི་གཉིྫར་ཉི་ཤུ་རྩ་བཞི་བཞེངས། དགེན་འདུན་གྱི་འདུལ་ཁྲིམས་ལ་དག་ཐེར་ནན་པོར་མཛད། ཆོས་སྡེ་གཙང་དགོན་ལ་བསྒྱུར་བ་སོགས་བསྟན་པའི་བྱ་བ་ཆེན་པོ་མཛད། དགའ་ལྡན་རྣམ་པར་རྒྱལ་བའི་གླིང་ནས་གདན་ཞུས་པ་ལྟར་བྱང་རྩེར་ཕེབས་ཏེ་སྔར་བཞིན་འགྲོ་དོན་རྒྱ་ཆེར་སྐྱོང༌། དགེ་ལྡན་པའི་གནས་བརྟན་བགྲོས་གྲས་ཡོངས་ཀྱི་ཆེ་མགོར་བཀུར་ཞིང་འཕྲིན་ལས་བཟང་པོས་ཕྱོགས་རྣམས་ཀུན་ཏུ་ཁྱབ་པ་དང༌། དགེ་ལྡན་སྟོན་པའི་ཆེ་མགོ་ཀུན་གྲོས་མཐུན་པར། དགུང་ལོ་རེ་བདུན་པ་རབ་བྱུང་བཅུ་པའི་ས་གླང་༡༥༨༩ལོར་ལ་དགའ་ལྡན་གྱི་ཁྲིར་འཁོད། ལྷ་ས་སྨོན་ལམ་གྱི་གྲལ་དབུ་མཛད། བཤད་སྒྲུབ་ལས་གསུམ་གྱིས་རྒྱལ་བ་གཉིས་པའི་བསྟན་པ་ལ་བྱ་བ་རྒྱ་ཆེར་མཛད་དེ། དགུང་ལོ་དོན་བཞི་པ་མེ་སྤྲེལ་༡༥༩༦ལོ་ཟུར་དུ་བཞུགས། དོན་བདུན་པ་ས་ཕག་༡༥༩༩ལོ་ཟླ་བ་དགུ་པའི་ཚེས་བཅུ་གཅིག་ལ་ཞི་བར་གཤེགས་པའི་དུས་མཆོད་ཀྱང་བཟང་བར་ཡོད་དོ། །

དགའ་ལྡན་ཁྲི་ཐོག་ཉེར་བདུན་པ་མལ་གྲོ་སངས་རྒྱས་རིན་ཆེན་ནི། རབ་བྱུང་དགུ་པའི་ལྕགས་བྱི་༡༥༤༠ལོ་མལ་གྲོ་ལྷ་ལུང་གི་འབྲོག་རིགས་ཤིག་ཏུ་དམ་པའི་ངང་ཚུལ་ཅན་གྱི་ཡབ་ཡུམ་གྱི་སྲས་སུ་ངོ་མཚར་བའི་ལྟས་དང་བཅས་ཏེ་སྐུུ་བལྟམས། དགུང་ལོ་བཅུ་གསུམ་པ་ལ་རིན་ཆེན་གླིང་པའི་སློབ་དཔོན་པ་འདུལ་འཛིན་ཆེན་པོ་ཆོས་བཟང་ཉི་མའི་དྲུང་ནས་རབ་ཏུ་བྱུང༌། ཆོས་རྗེ་འདི་ཉིད་གསང་ཕུ་ཉང་རོང་པ་དང་ཤར་རྩེ་གཉིས་བསྒྲིལ་ནས་རིང་པོར་མ་ལོན་པའི་སྐབས་ཀྱི་གྲྭ་རྒྱུན་ཡིན་ཞིང༌། གྲྭ་ཚང་གཉིས་བསྒྲིལ་དུས་ཀྱི་ཐོག་མའི་སློབ་དཔོན་རྗེ་རིན་ཆེན་གླིང་པ་བློ་བཟང་བསྟན་འཕེལ་གྱི་སློབ་མ་དང༌། དབོན་བརྒྱུད་དུ་གཏོགས་པ་ཞིག་ཡིན་ནམ་སྙྙམ་ཞེས་དགའ་ཤར་ཆོས་འབྱུང་འཇམ་པ་སྙྙིང་པོའི་དགོངས་རྒྱན་དུ་གསུངས། ཤར་རྩེ་ནོར་བུ་གླིང་གྲྭ་ཚང་དུ་སློབ་དཔོན་རྗེ་རིན་ཆེན་གླིང་པ་བློ་བཟང་བསྟན་འཕེལ་ལ་བསྟེན་ནས་གཞུང་ལུགས་རབ་འབྱམས་ལ་སྦྱངས་པས་མཁས་པར་གྱུར། དགུང་ལོ་སོ་གསུམ་པ་ཆུ་སྤྲེལ༡༥༧༢ལོ་ཁྲི་ཆེན་ཚེ་བརྟན་རྒྱ་མཚོ་དང༌། ཆོས་རྗེ་བྱམས་པ་རྒྱ་མཚོ་གཉིས་ཀྱིས་མཁན་སློབ་མཛད་དགེ་འདུན་གྲངས་ཚང་བའི་དབུས་སུ་བསྙྙེན་པར་རྫོགས། སེར་སྨད་ཐོས་བསམ་ནོར་བུའི་གླིང་གི་འཆད་ཉན་སློབ་དཔོན་དང་ཤར་པའི་མཁན་ས་སྦྲེལ་ཏེ་ལོ་ཤས་བསྐྱངས་ནས། དགུང་ལོ་ང་བདུན་པ་རབ་བྱུང་བཅུ་པའི་མེ་སྤྲེལ༡༥༩༦་ལོར་གསེར་ཁྲི་རིན་པོ་ཆེར་ཕེབས། འཆད་ཉན་འཕེལ་ཞིང༌། ཡངས་པ་ཅན་གྱི་ཞིག་གསོ་ལྡེབས་བྲིས་སོགས་བཞེངས། ལྕགས་གླང་༡༦༠༦ཟླ་བ་དང་པཽའི་རྒྱལ་བའི་དབང་པོ་ཡོན་ཏན་རྒྱ་མཚོ་སོག་ཡུལ་ནས་བོད་དུ་གདན་དྲངས་ནས་རྭ་སྒྲེང་དུ་ཕེབས་འབྱོར་བྱུང་བ་དང༌། ཁྲི་ཆེན་འདི་ཉིད་ཀྱིས་སྣེ་ཁྲིད་དེ་གདན་སའི་སློབ་དཔོན་ལས་སྣེ་དང༌། དགའ་ལྡན་ཕོ་བྲང་པའི་མི་སྣ། ས་སྐྱོང་དགའ་ལྡན་པ་མི་དབང་གཡུལ་རྒྱལ་ནོར་བུ་སོགས་ཕེབས་གསུར་བཅར་ནས་ཐུགས་སྣང་ཤིན་ཏུ་གཤིན་པར་གནང༌། རྗེ་འདིས་ཁྲི་བ་མཛད་རིང་ལྷ་ས་སྨོན་ལམ་ཆེན་མོའི་གྲལ་དབུ་སོགས་མཛད་དེ་ལོ་བརྒྱད་ཀྱི་བར་ཆོས་སྲིད་ལུགས་གཉིས་ཀྱི་སྒོ་ནས་བསྐྱངས། དགའ་ལྡན་རྣམ་པར་རྒྱལ་བའི་གླིང་དུ་གླིང་སྨད་ཞབས་དྲུང་དཀོན་མཆོག་ཆོས་འཕེལ་སོགས་དགེ་འདུན་སྟོང་ཕྲག་མང་པོ་ལ་བྱང་ཆུབ་ལམ་རིམ་ཆེན་ཆུང་གི་བཀའ་འཁྲིད་དང༌། མི་བསྐྱོད་དང༌། དུས་ཀྱི་འཁོར་ལོ། ཀུན་རིག་སོགས་ཀྱི་རྗེས་གནང་དང༌། རྗེ་ཡབ་སྲས་ཀྱི་གསུང་འབུམ་སོགས་གསུང་རབ་མང་པོའི་བཀའ་ལུང་རྒྱ་ཆེར་གནང་བས་མཚོན། སྔ་ཕྱིར་དགེ་འདུན་གྱི་སྡེ་དུ་མར་མདོ་སྔགས་ཀྱི་ཆོས་བཀའ་ཤིན་ཏུ་མང་པོ་གནང་པ་སོགས། བསྟན་འགྲོར་སྨན་པའི་མཛད་རླབས་ཤིན་ཏུ་ཆེ་བའི་དབང་གིས་གཞན་འབྱོར་ཕུན་ཚོགས་ལ་མི་བཟོད་པར་ལྷ་རྩེ་དཔོན་མོར་གྲགས་པས་དགེ་ལུགས་ཕྱོགས་ལ་ངན་རྩོམ་མང་དུ་བྱས་པའི་རྫུན་གཏམ་གཏེར་ཆོས་སུ་གྲགས་པ་ཞིག་ཏུ། རྗེ་བླ་མའི་ཁྲི་ལ་བུད་ངྷའི་མིང་ཅན་བྱུང་ན་མི་ལེགས་ཚུལ་མང་པོ་ཡོང་ཚུལ་གྱི་སྐུུར་འདེབས་ཞུས། དེ་ལ་ཐམས་ཅད་མཁྱེན་པ་གོང་ས་ལྔ་པ་ཆེན་པོ་མཆོད་ཡོན་གྱིས་ལུང་རིགས་ཀྱིས་བཀག་པར་མཛད་འདུག་སྟེ། གོང་ས་ལྔ་པས་མཛད་པས་རྒྱལ་མཆོག་ཡོན་ཏན་རྒྱ་མཚོའི་རྣམ་ཐར་ལས། རྗེ་ཞལ་སྔ་ནས་སངས་རྒྱས་རིན་ཅེན་དེ་ལ། དྲུང་འཚོབ་འདན་བ་སོགས་མང་པོས་བདུད་ཀྱི་སྤྲུལ་པ་ཡིན་ཞེས་སྒྲོ་བཏགས་ཤིང༌། ལྷ་རྩེ་དཔོན་མོས་གཏེར་ནས་བཏོན་པའི་ལུགས་སུ་བྱེད་པའི་རྫུན་གཏམ་གྱི་གླེགས་བམ་ཞིག་འདུག་པ་དེའི་ནང་ན། རྗེ་བླ་མའི་ཁྲི་ལ་བུདྡྷའི་མིང་ཅན་ཞིག་བྱུང་བ་ན། བསྟན་པ་ལ་འཕེལ་འགྲིབ་ཡོང་ཞིང༌། དེ་བདུད་ཀྱི་སྤྲུལ་པ་ཡིན་པའི་ཕྱོགས་མང་པོ་ཞིག་འདུག་པ་ལ། མཁས་པ་དང༌། བཙུན་པ་དང༌། གྲུབ་པ་དང༌། །བཟང་བ་དང༌། རྟག་ཚུགས་ཟིན་པ་དང༌། གཞན་ལ་འགྲམ་ཆུ་མི་ལྡང་བ་དང༌། སྒམ་སྡིག་མོར་བྱེད་པ་མང་པོ་ཞིག་མགོ་འཁོར་ཏེ་བདེན་པར་བཟུང་ནས་སངས་རིན་པ་ལ་སྨོད་ནའང༌། ཁོངསྐུུ་ཚེ་དེ་ལ་མདོ་སྔགས་ལ་སྦྱངས་པའི་དགེ་བཤེས་ཤིག་ཡིན་པ་ལས་སྦས་པའི་དམ་པའི་རིགས་དང་བདུད་ཀྱི་རིགས་གཉིས་ཀ་མིན་པ་འདྲ་སྟེ། བདུད་ཀྱི་རིགས་ཀྱི་རྟགས་ཡོད་སྐད་མ་ཐོས་ཤིང༌། ལ་ལ་ལྷ་ཟུར་ཕུད་ལྔ་པའི་སྐྱེ་བ་ཡིན་པ་འདྲ་ཟེར་བའི་ཕལ་གཏམ་རྒྱུ་མཚན་དུ་བྱས་ནས་བདུད་ཡིན་ཟེར་ནའང༌། ལྷ་ཟུར་ཕུད་ལྔ་པ་ཡིན་པའི་ངེས་པ་ཅི་ཡོད། གལ་ཏེ་ཡིན་དུ་སྲིད་ཀྱང༌། ལྷ་དང་བདུད་གཉིས་མི་གཅིག་པས། རྒྱུ་མཚན་དེ་འདྲ་རང་གི་ནང་ཆ་སྟོན་པ་ཙམ་དུ་ཟད་ལ། ལྷ་ཟུར་ཕུད་ལྔ་པ་ལ་ཡང་དྲང་དོན་ངེས་དོན་གྱི་དགོངས་པ་ལེན་ཤེས་དགོས་པས། གཟུགས་མེད་ལ་གཟུགས་མ་འཆོས་པར་བཏང་སྙྙོམས་སུ་འཇོག་པ་འདོད། ཞེས་དང༌། དུ་ཀཱུ་ལའི་གོས་བཟང་ལས་ཀྱང་འདི་ཉིད་ལྷ་བདུད་གང་ཡང་མིན་པར་མི་ཚེ་མདོ་སྔགས་ལ་འཆད་ཉན་གནང་བའི་དགེ་བཤེས་ཚད་ལྡན་ཞིག་ཏུ་ངོས་འཛིན་གནང་འདུག ཀུན་མཁྱེན་འཇམ་དབྱངས་བཞེད་པའི་འཇིགས་བྱེད་ཆོས་འབྱུང་དུ། རྗེ་བླ་མའི་གདན་སར་བདུད་ཀྱི་རིགས་ཤིག་དམ་ཅན་ཆོས་རྒྱལ་གྱིས་མི་གཞག་པར་གསུངས་པ་ནི་ཚད་མའི་སྐྱེས་བུའི་ལེགས་བཤད་ཉིད་དུ་སེམས་སོ། སྤྱིར་ན་བསྟན་འགྲོར་ཕན་པའི་མཛད་རླབས་ཧ་ཅང་ཆེས་པ་ན་དེ་དང་དེ་འདྲ་བའི་སྐུུར་ཞུས་འབྱུང་བ་ནི་རྟེན་འབྲེལ་གྱི་ཆོས་ཉིད་ལྟ་བུ་སྟེ། རྗེ་ཐམས་ཅད་མཁྱེན་པ་ནས་བཟུང་སྟེ་སྐྱེས་ཆེན་དམ་པ་མང་པོར་ལུང་བསྟན་རྫུན་མ་རེ་བཟོས་ནས་སྐུུར་ཞུས་ཚད་མེད་བྱས་པའི་ཚུལ་ཤིན་ཏུ་མང་བས་སོ།། སླར་བུདྡྷའི་མིང་ཅན་དེ་ཉིད་སྡེ་སྲིད་སངས་རྒྱས་རྒྱ་མཚོ་ཡིན་ཚུལ་མ་གཅིག་སོགས་ལ་ཁ་གཡར་ནས་ཕྱོགས་གང་སར་བསྒྲགས་འདུག་སྟེ། སྡེ་སྲིད་འདིའི་སྐུུ་ཚེ་སྨད་ཀྱི་མཛད་སྤྱོད་ལ་བལྟས་ན་ལུང་བསྟན་དེར་བདེན་ཁ་སྟེར་པ་འདྲའང་སྣང་སྟེ་འཕྲོས་གླེང་ཙམ་མོ། །དགུང་ལོ་རེ་བཞི་པ་ཆུ་ཡོས་༡༦༠༣ལོར་ཁྲི་ཟུར་ནས་ཐང་སྐྱ་དང༌། ཕག་མོ་ཆོས་སྡེ། རིན་ཆེན་གླིང་སོགས་བསྐྱངས་ཤིང༌། ལོ་དེར་རྒྱལ་དབང་ཐམས་ཅད་མཁྱེན་གཟིགས་ཆེན་པོ་བདེ་ཆེན་ཆོས་ཀྱི་རྒྱལ་པོའམ་ཡོན་ཏན་རྒྱ་མཚོར་མདོ་སྔགས་ཀྱི་ཆོས་སྐོར་མཐའ་ཡས་པ་གནང་ཞིང༌། རབ་ཏུ་བྱུང་བའི་མཁན་པོ་མཛད་པ་སོགས་འཕྲིན་ལས་ཀྱི་རླབས་ཤིན་ཏུ་ཆེ། དེ་ལྟར་རྗེ་འདིས་བསྟན་འགྲོའི་དོན་རྒྱ་ཆེན་པོ་མཛད་ཟིན་ནས་དགུང་ལོ་དོན་གསུམ་པ་ཆུ་བྱི་༡༦༡༢ལོར་དག་ཞིང་དུ་གཤེགས་པའི་སྐུུ་གདུང་ཞུགས་འབུལ་སྐབས། སྐུུ་སྟོད་ཀྱི་ཆ་ཆེར་མ་ཚིགས་པར་འཕྲལ་དུ་ལྟར་སྣང་ལེགས་རྒྱུ་མེད་པ་ཞིག་བྱུང་བ་རྒྱལ་དབང་བཞི་པ་མཆོག་གི་མདུན་སྤྱན་འབེབས་ལ་ཁྱེར་ཡོང་བ། རྒྱལ་དབང་མཆོག་གི་ཕྱག་ཟུང་གིས་བཞེས་ཤིང་དབུ་ཐོག་ཡུན་རིང་པོའི་བར་དུ་བཞག་ནས་སྨོན་ལམ་གནང༌། གདུང་རྟེན་དངུལ་གྱི་བྱང་ཆུབ་མཆོད་རྟེན་ཐོག་ཚད་མ་རྒྱ་གུར་གྱི་ཕྱིའི་གཡས་ཟུར་དུ་བཞུགས་ཤིང༌། དུས་མཆོད་ཀྱང་དབོན་བརྒྱུད་རྣམས་ཀྱིས་རྒྱུན་རིང་པོའི་བར་དུ་འཛིན་པར་བྱུང༌། གསུང་ལས་སྐྱེས་པའི་སློབ་མ་ཡང་རྒྱལ་མཆོག་ཡོན་ཏན་རྒྱ་མཚོ་དང༌། དགའ་ལྡན་ཁྲི་ཐོག་སོ་ལྔ་པ་འཇམ་དབྱངས་བླ་མ་དཀོན་མཆོག་ཆོས་འཕེལ་སོགས་སྐྱེས་ཆེན་དམ་པ་ཤིན་ཏུ་མང་པོ་བྱུང༌། རྗེ་དེའི་སྤྲུལ་སྐུུ་ཆ་གསུམ་ཞེས་པའི་ཡུལ་དུ་འཁྲུངས། གཞོན་ནུའི་དུས་ནས་བསྟན་པ་རིན་པོ་ཆེའིསྒོར་ཞུགས། མཚན་རིན་ཆེན་རྒྱ་མཚོའམ་སངས་རྒྱས་རྒྱ་མཚོར་གྲགས། རྩེ་རྣམ་རྒྱལ་གྲྭ་ཚང་གི་སློབ་དགོན་ཡང་གནང་པས་སློབ་དཔོན་ཤར་ཁང་པ་ཞེས་ཀྱང་ཞུ། འདིས་དེ་མོ་སྤྲུལ་སྐུུ་སོགས་ལ་བསྙྙེན་རྫོགས་ཀྱི་གསང་སྟོན་གནང་ཚུལ་དུ་ཀུ་ལའི་གོས་བཟང་དུ་གསལ།

དགའ་ལྡན་ཁྲི་ཐོག་ཉེར་བརྒྱད་པ་དགེ་འདུན་རྒྱལ་མཚན་ནི། རབ་བྱུང་དགུ་པའི་ཆུ་འབྲུག་༡༥༣༢ལོར་ལྷ་སའི་ལུམ་པ་ཤག་ཏུ་སྐུུ་འཁྲུངས། དགུང་གྲངས་བཅུ་གཅིག་པ་ལ་སྐུུ་མཆེད་གསུམ་ཀ་སེ་རའི་ཁྲི་པ་རྗེ་བཙུན་ཆོས་ཀྱི་རྒྱལ་མཚན་དང༌། སེར་བྱེས་མཁན་པོ་ཤེས་རབ་སེང་གེ་ལས་རབ་ཏུ་བྱུང༌། བྱེས་གྲྭ་ཚང་དུ་ཆོས་ཞུགས་གནང་ནས། དབུ་ཕར། འདུལ་མཛོད་སོགས་དཀའ་ཆེན་རྣམས་ལ་རྩོད་སྒྲུབ་རིགས་པའི་ལམ་ནས་གསན་སྦྱངས་མཛད་པས་མཁས་པར་གྱུར། མངའ་རིས་པ་ལྷ་བཙུན་བསོད་ནམས་དཔལ་བཟང་གིས་ལས་སློབ་མཛད་ནས་དགེ་འདུན་གྲངས་ཚང་བའི་དབུས་སུ་བསྙྙེན་པར་རྫོགས། བཻ་སེར་ལས། རྒྱལ་བའི་དབང་པོ་ཐམས་ཅད་མཁྱེན་པ་བསོད་ནམས་རྒྱ་མཚོས་མཁན་པོ་མཛད་པ་གསུངས་པ་ནི་མ་དག་སྟེ། དེ་དུས་རྒྱལ་བ་བསོད་ནམས་རྒྱ་མཚོ་དགུང་ལོ་བརྒྱད་ལས་སོན་མེད་པས་སོ། །སེར་བྱེས་མཁས་མང་གྲྭ་ཚང་ནས་མདོ་ཕྱོགས་ཀྱི་སྦྱངས་པ་མཐའ་ཕྱིན་ནས་ལྷ་ལྡན་དུ་གྲྭ་སྐོར་དམ་བཅའ་གྲུབ་རྗེས། རྒྱུད་སྨད་དུ་བྱོན་རྒྱུད་ཆེན་བཀྲ་ཤིས་བཟང་པོ་དང༌། ཆོས་རྗེ་བྱམས་པ་རྒྱ་མཚོ་སོགས་བསྟེན་ནས་སྔགས་ཕྱོགས་ཀྱི་གཞུང་ཆེན་རྣམས་ལ་སྦྱངས་པས་ཆུ་བོ་གཱངྒ་ཚུན་ཆད་ལ་མཁས་སྙྙན་གྱིས་ཁྱབ། ལུང་དང་རིགས་པའི་དབང་ཕྱུག་རྗེ་བཙུན་ཆོས་ཀྱི་རྒྱལ་མཚན་གྱི་འདུལ་བ་རང་ལས་མཁས་པའི་སློབ་མ་པཎ་ཆེན་བདེ་ལེགས་ཉི་མའི་དྲུང་ནས་རྗེ་བདག་ཉིད་ཆེན་མོ་ནས་རྩ་བའི་བླ་མའི་བར་ལམ་རིམ་ཆེན་མོའི་སྙན་ནས་སྙན་དུ་བརྒྱུད་པའི་མན་ངག་རྣམས་བུམ་པ་གང་བྱོས་ཚུལ་གྱིས་གསན། དགུང་གྲངས་ཞེ་གསུམ་པ་ཤིང་ཕག་༡༥༧༥ལོར་སྨད་རྒྱུད་ཀྱི་བླ་མ་དང་རིམ་གྱིས་མཁན་པོར་ཕེབས་ནས་དགུང་ལོ་ང་བདུན་གྱི་བར་དུ་འཆད་ཉན་ཤིན་ཏུ་དར་རྒྱས་མཛད། གྲྭ་ཚང་གི་འཆད་ཉན་རིམ་ལྔ་དམར་ཁྲིད་དང་རྩི་བཞག་ཀྱང་རྗེ་འདིས་ཡི་གེར་བཀོད། དགའ་ལྡན་ཁྲི་ཐོག་ཉེར་དགུ་པ་ཆོས་རྗེ་བཤེས་གཉེན་གྲགས་པ་སོགས་སྔ་ཕྱི་བསྒྲུབ་བྱ་ཤིན་ཏུ་མང་པོ་ལ་རབ་བྱུང་དང་བསྙེན་རྫོགས་ཀྱི་སྡོམ་པ་གནང༌། དགུང་ལོ་ང་བརྒྱད་པ་ས་གླང་༡༥༨༩ལོ་ལ་བྱང་རྩེར་ཕེབས། བདུན་ཅུ་པ་ལྕགས་གླང་༡༦༠༡ལོར་རྒྱལ་མཆོག་ཏན་རྒྱ་མཚོ་སོག་ཡུལ་ནས་བོད་དུ་ཕེབས་པའི་ལམ་ནས་ཕན་ཡུལ་དུ་འབྱོར་པ་ན། ཁྲི་ཆེན་འདི་ཉིད་ཕེབས་གསུར་བཅར་ཏེ་སྐུ་ཕྱག་མཛད་པ་སོགས་བཀུར་བཟོས་ཤིན་ཏུ་ཆེ་བ་མཛད།དེབ་ཐེར་ནོར་བུའི་ཕྲེང་བ།༢༠༡ རྒྱལ་དབང་མཆོག་པཎ་ཆེན་བློ་བཟང་ཆོས་རྒྱན་གྱི་དྲུང་ནས་མདོ་སྔགས་ཀྱི་ཆོས་བཀའ་གསན་རྒྱུའི་མཚམས་སྦྱོར་གནང༌།སྲིད་དོན་རྒྱལ་རབས་སྟོད་ཆ་༣༨༦། དོན་གཉིས་པ་ཆུ་ཡོས་༡༦༠༣ལོར་ལྷ་དང་བཅས་པའི་འཇིག་རྟེན་གྱི་གཙུག་རྒྱན་རྒྱལ་བ་གཉིས་པའི་རྒྱལ་ཚབ་ཏུ་དགའ་ལྡན་རྣམ་པར་རྒྱལ་བའི་གླིང་གི་གསེར་ཁྲིར་ཕེབས། འཕགས་མཆོག་འཇིག་རྟེན་དབང་ཕྱུག་གི་རྣམ་འཕྲུལ་ཐམས་ཅད་མཁྱེན་པ་ཡོན་ཏན་རྒྱ་མཚོ་སོག་ཡུལ་ནས་དབུས་སུ་ཕེབས་རྗེས་རབ་བྱུང་གི་མཁན་པོ་མཛད་ཅིང༌། གཞན་ཡང་མདོ་སྔགས་ཀྱི་ཆོས་ཚུལ་ཤིན་ཏུ་མང་པོ་ཕུལ། སྟག་ཕུའི་ཡོངས་འཛིན་ལྷོ་སྤྲུལ་རིན་པོ་ཆེ་ངག་དབང་མཁྱེན་རབ་བསྟན་པའི་དབང་ཕྱུག་དཔལ་བཟང་པས་མཛད་པའི་ལམ་རིམ་མཆན་བཞི་སྦྲགས་ཀྱི་བླ་བརྒྱུད་གསོལ་འདེབས་ལས། ལུང་རྟོགས་ཆོས་ཀྱི་རྒྱལ་མཚན་འཛིན་པའི་རྗེ། །གནས་ལྔ་པཎ་ཆེན་བདེ་ལེགས་ཉི་མ་དང༌། །མང་ཐོས་མཛོད་འཛིན་དགེ་འདུན་རྒྱལ་མཚན་ཞབས། །འདྲེན་མཆོག་དམ་པ་གསུམ་ལ་གསོལ་བ་འདེབས། །ཞེས་འབྱུང་བ་ལྟར། དགའ་ལྡན་ཁྲི་ཐོག་སུམ་ཅུ་པ་བྲག་ལུག་བྲག་པ་བློ་གྲོས་རྒྱ་མཚོ་སོགས་དགེ་ལྡན་བསྟན་པའི་སྐྱེས་ཆེན་དུ་མར་བ་སོའི་མཆན་གྱི་ཐོག་ནས་བྱང་ཆུབ་ལམ་གྱི་རིམ་པའི་བཀའ་ཆོས་རྒྱ་ཆེར་གནང༌། དེས་མཚོན་པཎ་ཆེན་བློ་བཟང་ཆོས་རྒྱན་དང༌། སྟོང་འཁོར་སྤྲུལ་སྐུུ་ཡོན་ཏན་རྒྱ་མཚོ་སོགས་དགེ་ལྡན་པའི་གྲལ་མགོར་དབང་བའི་སྐྱེས་ཆེན་དུ་མས་ཆོས་བཀའ་མང་པོ་གསན་པས་བླ་མར་བཀུར། རྗེ་འདིས་དིང་སང་བཀྲ་ཤིས་ལྷུན་པོའི་པཎ་ཆེན་ཁྲི་ལས་ཐོག་པ་འདི་ངེད་རང་གི་སློབ་མ་ཡིན་པས། རྒྱུས་ཡོད་ཀྱི་ཞུ་བ་ལ་དབང་ལུང་གི་གསན་རྒྱ་ཡང་ཆེ་རབ་ཡོད་པ་དང༌། སྐུུ་ན་གཞོན་པས་བཀའ་ཆོས་འབུལ་བར་ལྕོགས་པ་ཡང་བཟང་བ་ཡོད་པས། ཁོང་གིས་བཀའ་ཆོས་འབུལ་མཁན་གནང་ན་ཇི་ལྟར་ཡོང་ཞེས་སློབ་སྟོན་མཛད་དེ་པཎ་ཆེན་བློ་བཟང་ཆོས་རྒྱན་ཉིད་རྒྱལ་བ་བཞི་པ་ཡོན་ཏན་རྒྱ་མཚོའི་དབུ་བླར་བཀུར་བའི་མཚམས་སྦྱོར་གནང༌། ལ་མོའི་ས་ཁོངས་ནས་དགའ་ལྡན་དུ་དབྱར་ཞལ་བཞེས་པ་རྣམས་ལ་ལོ་རེ་བཞིན་མང་ཇ་ཆག་མེད་དུ་གཏོང་རྒྱུའི་ཐེབས་རྩ་ས་ཆ་སྦྱར། དགོང་ལོ་དོན་གཉིས་པ་རབ་བྱུང་བཅུ་གཅིག་པའི་ས་ཡོས་༡༦༠༣ལོར་གུང་རི་སྐྱིད་ཤོད་ཞབས་དྲུང་སྐུ་ཕྲེང་དང་པོ་སྐྱིད་ཤོད་སྡེ་བ་ཆོས་རྗེ་ལ་རབ་བྱུང་དངང་དགེ་ཚུལ་གྱི་སྡོམ་པ་མནོས་པའི་མཚན་ལ་བསྟན་འཛིན་བློ་བཟང་རྒྱ་མཚོ་གནང་བས་མཚོན་སྔ་ཕྱིར་བསྒྲུབ་བྱ་ཤིན་ཏུ་མང་པོ་ལ་དགེ་ཚུལ་སློང་གི་བསླབ་སྡོམ་གནང༌། དགུང་ལོ་དོན་དྲུག་པ་རབ་བྱུང་བཅུ་པའི་མེ་ལུག་༡༦༠༧ལོར་ཟུར་བཞུགས་མཛད། ཆོས་རྗེ་བཤེས་གཉེན་གྲགས་པ་དང་སྡེ་པ་སྐྱིད་ཤོད་པ་གཉིས་རྩོད་གླེང་ལ་བར་ཆིངས་གནང་བ་སོགས་ལུགས་གཉིས་ཀར་གཟིགས་པ་ཤིན་ཏུ་ཡངས། ལོ་དེར་མྱ་ངན་ལས་འདས། སྐུུ་གདུང་རིང་བསྲེལ་གྱི་ཕུང་པོར་གྱུར་པ་ལ་དངུལ་གདུང་བཞེངས་པ་དགའ་ལྡན་དུ་བཞུགས། གསུང་གི་བདུད་རྩི་མྱོང་པའི་བུ་སློབ་ཀྱང་བདེ་ཆེན་ཆོས་ཀྱི་རྒྱལ་པོ་མཐུ་སྟོབས་དབང་ཕྱུག་ཡོན་ཏན་རྒྱ་མཚོ་དང༌། པཎ་ཆེན་ཐམས་ཅད་མཁྱེན་པ་བློ་བཟང་ཆོས་ཀྱི་རྒྱལ་མཚན། སྟོང་འཁོར་སྤྲུལ་སྐུུ་དང༌། རྒྱུད་ཆེན་རྣམ་རྒྱལ་དཔལ་བཟང༌། གཞུ་ཁང་པ་དགེ་ལེགས་ལྷུན་གྲུབ་དང༌། རྗེ་ཕ་བོང་ཁ་པ་དཔལ་འབྱོར་ལྷུན་གྲུབ། མཁས་པ་ཀུན་གྱི་ཡང་རྩེ་རྗེ་སྟག་ལུང་བྲག་པ་བློ་གྲོས་རྒྱ་མཚོ་ལ་སོགས་པ་དགེ་བའི་བཤེས་གཉེན་མདོ་སྔགས་ཀྱི་བསྟན་པའི་བདག་པོ་མང་པོ་བྱུང༌།

དགའ་ལྡན་ཁྲི་ཐོག་ཉེར་དགུ་པ་ཆོས་རྗེ་བཤེས་གཉེན་གྲགས་པ་ནི། རབ་བྱུང་དགུ་པའི་མེ་རྟ་༡༥༤༦ལོར་མདོ་སྨད་ཅོ་ནེའི་ས་ཟུང་ཇུར་འཁྲུངས། ལནྫ་སོགས་ཡིག་རིགས་ལ་མཁས། དབུས་སུ་བྱོན་ནས་མདོ་སྔགས་ལ་སྦྱངས་པས་མཁས་པའི་ཕུལ་དུ་བྱུང༌། རྡོ་རྗེ་འཆང་དགེ་འདུན་རྒྱལ་མཚན་གྱི་དྲུང་ནས་རབ་ཏུ་བྱུང་བའི་མཚན་ལ་བསོད་ནམས་དོན་གྲུབ་ཏུ་གསོལ། གསང་ཕུ་སྤེ་སེར་དང༌། རྒྱུད་སྟོད། ཤར་རྩེ་བཅས་ཀྱི་བླ་མ་མཛད་དེ་ཆོས་སྡེ་དེ་དག་ཏུ་བཤད་སྒྲུབ་འཁོར་ལོ་གསུམ་གྱི་འཕྲིན་ལས་ཆེས་ཆེར་འཕེལ། སྡེ་པ་སྐྱིད་ཤོད་པ་དགེ་ལྡན་པའི་བསྟན་པའི་སྦྱིན་བདག་ཡིན་བཞིན་དུ་བདུད་ཀྱི་འཕྲུལ་ལྟ་བུས་ཕྲག་དོག་གིས་རྩོད་གཞི་བྱུང་ཡང་དགའ་ལྡན་ཁྲི་ཟུར་རྡོ་རྗེ་འཆང་དགེ་འདུན་རྒྱལ་མཚན་གྱིས་བསྟན་པའི་སྦྱིན་བདག་ལ་དགོངས་ནས་བྱང་ཆུབ་སེམས་དཔའི་མཛད་པས་མཆོད་ཡོན་སླར་ཡང་ལུགས་ལེགས་སུ་གྱུར། དགུང་ལོ་རེ་གཉིས་པ་རབ་བྱུང་བཅུ་པའི་མེ་ལུག་༡༦༠༧ལོར་དགའ་ལྡན་ཁྲིར་ཕེབས་ཏེ་བཤད་སྒྲུབ་ལས་གསུམ་གྱི་སྒོ་ནས་དགེ་ལྡན་བསྟན་པའི་རྒྱལ་མཚན་བླ་ན་བཏེགས། ལི་མ་ལྷ་ཁང་གསར་པ་བཞེངས། དགུང་ལོ་རེ་དྲུག་པ་ཆུ་བྱི་༡༦༡༢ལོར་གཙང་པ་རྒྱལ་པོ་ཕུན་ཚོགས་རྣམ་རྒྱལ་གྱིས་གཙང་དམག་སྟོས་ཆེན་དབུས་སུ་ཕབ་སྟེ་འཕན་པོ་དང༌། གཞིས་ཀ་སྣེའུ་སོགས་དང་གཡུལ་འཐབ། དགུང་ལོ་རེ་བདུན་པ་ཆུ་གླང་༡༦༡༣ལོར་སླར་ཡང་སྡེ་སྲིད་གཙང་པས་གཙང་དམག་དབུས་སུ་ཕབ་སྟེ་གཞིས་ཀ་སྣེལ་གདོང་སོགས་བཅོམ་ནས་དབུས་གཙང་གཉིས་ཀར་ལུང་རྒྱུགས། ཆོས་ལུགས་རིས་མེད་བསྐྱངས་པ་སོགས་སྡེ་བཞིའི་སྲིད་ཀྱི་བྱ་བཞག་རླབས་ཆེན་བསྐྲུན། ལོ་དེར་པཎ་ཆེན་བློ་བཟང་ཆོས་རྒྱན་གཙང་ནས་ལྷ་སར་སྨོན་ལམ་ཆེན་མོའི་ཚོགས་དབུར་གདན་དྲངས་ཏེ་དེ་ནས་བཟུང་ལོ་དྲུག་གི་རིང་ཆོ་འཕྲུལ་སྨོན་ལམ་ཆེན་མོའི་ཚོགས་མགོན་གནང་སེར་འབྲས་ཀྱི་དགེ་བཤེས་བཟངགྲས་རྣམས་ལྷ་ལྡན་སྨོན་ལམ་ཆེན་མོའི་ནང་དམ་བཅའ་བཞག་སྟེ་ཨང་རིམ་སྒྲིག་པའི་སྲོལ་ཐོག་མར་བཙུགས། བསྡུས་མིང་ལ་དགེ་བཤེས་ལྷ་རམས་པ་ཞེས་པའི་མིང་ཡང་འདི་ནས་བྱུང་བ་ཡིན། དབུས་གཙང་གི་སྡེ་གཟར་ཤིན་ཏུ་གཉན་པའི་གསེབ་ཏུ་མི་ལོ་བརྒྱད་ཀྱི་རིང་དགེ་ལྡན་གསེར་ཁྲི་བསྐྱངས་ནས་རབ་བྱུང་བཅུ་པའི་ཤིང་ཡོས་༡༦༡༥ལོར་ཟུར་དུ་བཞུགས། དགུང་ལོ་དོན་གསུམ་པ་ས་རྟ་༡༦༡༨ལོར་ཞི་བར་གཤེགས་པའི་གདུང་རྟེན་དུ་དངུལ་གྱི་བྱང་ཆུབ་མཆོད་རྟེན་ལི་མ་ལྷ་ཁང་གི་གཙོ་བའི་གཡོན་གསུམ་པར་བཞུགས་ཤིང་དུས་མཆོད་ཀྱང་ལེགས་པར་ཚུགས་སོ། །འདིའི་མཚན་ལ་ཆོས་གཉེར་གྲགས་པ་ཞེས་པའང་གསལ།

དགའ་ལྡན་ཁྲི་ཐོག་སུམ་ཅུ་པ་ཆོས་རྗེ་སྟག་ལུང་བྲག་པ་བློ་གྲོས་རྒྱ་མཚོ་ནི། རབ་བྱུང་དགུ་པའི་མེ་ཕོ་རྟ་༡༥༤༦ལོར་སྟོད་ལུང་གི་སའི་ཆ་སྟག་ལུང་བྲག་ཏུ་འཁྲུངས། སྐུུ་ན་ཆུང་དུས་ནས་སྐྱོར་མོ་ལུང་དུ་རབ་ཏུ་བྱུང༌། ལོ་ཙཱ་བ་བློ་ལྡན་ཤེས་རབ་ཀྱི་རྣམ་འཕྲུལ་དུ་གྲགས། དགའ་ལྡན་ཁྲི་ཆེན་ཉེར་བརྒྱད་པ་དགེ་འདུན་རྒྱལ་མཚན་དང་སྒོ་མང་གྲྭ་ཚང་དུ་གུང་རུའི་ཀུན་མཁྱེན་ཆོས་ཀྱི་འབྱུང་གནས་རྩ་བའི་ཡོངས་འཛིན་དུ་བསྟེན་ནས་མདོ་རྒྱུད་ལ་སྦྱངས་པས་མཁས་པར་གྱུར། སྟག་ཚང་རྭ་བ་སྟོད་དུ་ཚད་མ་ལ་སྦྱངས། དགའ་ལྡན་ཁྲི་ཐོག་ཉེར་གཅིག་པ་བདེ་བ་ཅན་པ་དགེ་ལེགས་དཔལ་བཟང་ལས་བསྙེན་པར་རྫོགས་པའི་དགེ་སློང་གི་སྡོམ་པ་ཞུས། དགའ་ལྡན་ཁྲི་ཐོག་སོ་བདུན་པ་དགེ་འདུན་རྒྱལ་མཚན་གྱི་དྲུང་ནས་བྱང་ཆུབ་ལམ་རིམ་ཆེན་མོའི་བཀའ་ཆོས་རྒྱ་ཆེར་ཞུས་པར་མ་ཟད། སྟོན་པ་ཐུགས་རྗེ་ཅན་ནས་རྗེ་ཙོང་ཁ་པའི་བར་དང༌། དེ་ནས་རྒྱལ་བའི་རྒྱལ་ཚབ་དར་མ་རིན་ཆེན་ནས་ཉེ་བར་བཟུང་མཁས་པའི་མཆོག་གྱུར་ཤཱཀྱ་རྒྱལ་མཚན། སེ་ར་ཡོངས་འཛིན་གྲུབ་དབང་དམ་པ་དོན་ཡོད་དཔལ་ལྡན། ལུང་དང་རིགས་པའི་དབང་ཕྱུག་རྗེ་བཙུན་ཆོས་ཀྱི་རྒྱལ་མཚན། པཎ་ཆེན་བདེ་ལེགས་ཉི་མ། ཁྲི་ཆེན་དགེ་འདུན་རྒྱལ་མཚན་བར་དུ་སྙན་ནས་སྙན་དུ་བརྒྱུད་པའི་མན་ངག་རྣམས་བུམ་པ་གང་བྱོས་ཚུལ་གྱིས་གསན། སྨྲ་བརྗོད་ཤིན་ཏུ་གཙང་ཞིང་གོ་རྒྱ་ཆེ་བ་དང༌། རིགས་པའི་ཕུལ་མཚམས་ཤིན་ཏུ་ཟབ་པས་གསང་ཕུ་རྭ་བ་སྟོད་དང༌། རྒྱུད་སྨད་པའི་འཆད་ཉན་པ་མཛད། གཞན་ཡང་སྐྱོར་མོ་ལུང་དང༌། བདེ་ཆེན་གསང་སྔགས་མཁར། དགའ་ལྡན་བྱང་རྩེ་སོགས་ཀྱི་བླ་མར་ཕེབས། དེ་སྔོན་དགའ་ལྡན་དུ་མཁས་གྲུབ་དགེ་ལེགས་དཔལ་བཟང་གི་ཞལ་བཀོད་ལྟར། པཎ་ཆེན་པ། སྣོན་པ། ཡར་འབྲོག་པ། གྲགས་པ་དཔལ་པ་བཅས་མཁས་པ་བཞི་མཚན་ཉིད་ཀྱི་འཆད་ཉན་ལ་བསྐོས་པ་རྗེས་སོར་གཉིས་སུ་གྲིལ་ནས་བྱང་རྩེ་ཕྱོགས་ལ་ཉན་པོ་བ་ཆོས་ཀྱི་དབང་ཕྱུག་གིས་འཆད་ཉན་མཛད། དེ་རྗེས་གཉལ་སྟོན་དཔལ་འབྱོར་ལྷུན་གྲུབ་བསྐོས་ནས་འཆད་ཉན་མཛད་ཀྱང་བར་སྐབས་སུ་འཆད་ཉན་རྒྱུན་ཆད་པ་ནས་མལ་དྲོ་ཆ་དཀར་འབྲི་གུང་པས་ཞྭ་སྟབས་བསྒྱུར་པ་སོགས་བསྟན་པའི་གད་ཆག་རིམ་པར་བྱུང་བར་ཆོས་རྗེ་རབ་འབྱམས་པ་བློ་གྲོས་རྒྱ་མཚོ་འདི་ཉིད་ཀྱིས་བྱང་རྩེ་གྲྭ་ཚང་དང༌། ཐོས་བསམ་གྲྭ་ཚང༌། ནོར་གླིང་གྲྭ་ཚང་གསུམ་ཆར་གཅིག་ཏུ་བསྒྲིལ་བ་ད་ལྟའི་བྱང་རྩེ་ཐོས་བསམ་ནོར་གླིང་གྲྭ་ཚང་འདི་བཞིན་གསར་དུ་བཙུགས་ནས་འཆད་ཉན་གྱི་རྒྱུན་སྤེལ། དེ་རྗེས་འབྲོང་རྩེ་རབ་འབྱམས་པ་ཚུལ་ཁྲིམས་ཆོས་འཕེལ་འཆད་ཉན་པར་བསྐོས། སྐྱོར་མོ་ལུང་གི་བཤད་གྲྭ་རྒྱུན་ཆད་པ་ཡང་རྗེ་འདིས་སྔར་རྒྱུན་སོར་ཆུད་པར་མཛད། ཕྱག་མཛོད་རྒྱ་ལེས་ཇུས་བཏིང་ཏེ། སྒོ་མང་ཀུན་མཁྱེན་གུང་རུ་བ་དང༌། ལམ་པ་རབ་འབྱམས་པ་བསོད་ནམས་གྲགས་པ། སྤྲུལ་སྐུ་བསོད་ནམས་དགེ་ལེགས་དཔལ་བཟང༌། རྒྱལ་དབང་བཞི་པ་ཡོན་ཏན་རྒྱ་མཚོ་སོགས་ཀྱིས་སྡེ་པ་ཡར་སྐུ་གཙང་གསུམ་གྱི་མིང་བྱང་བཀོད་ནས་མངོན་སྤྱོད་ཀྱི་ལས་སྦྱོར་རྣམ་གྲངས་མང་པོ་གནང་པར། ཞལ་སྔ་ནས་རྗེ་འདི་པ་ཐུགས་མ་རངས་ནས། ཐོག་མར་སྐྱེས་བུ་ཆེ་འབྲིང་ཆུང་གསུམ་གྱི་ལམ་ལ་གོ་རིམ་མ་ལོག་པར་འཁྲིད། དེ་ནས་རྡོ་རྗེ་ཐེག་པའི་མཆོག་ཐུན་གྱི་དངོས་གྲུབ་བསྒྲུབ་པའི་རིམ་པ་རྣམས་མཛད་དགོས་པ་ལ། སྐུ་ཡོན་གཞན་རྣམས་འབུལ་བའི་མགོ་བྱིང་ཙམ་ཡང་མ་དོད་པར། གཤིན་རྗེ་འཁོར་ལོ་སོགས་དྲག་པོའི་ལས་སྦྱོར་ལ་བཙན་ཁྲིད་བྱེད་པ་འདི། དབེན་ས་རྗེ་དྲུང་གི་མཛད་ལུགས་ཐུགས་ལྷིས་མ་མཐིངས་པ་ཡིན་ཞེས་ཀྱང་གསུང་སྐད་ཐོས་ཏེ་ཤིན་ཏུའང་མོད་དོ་སྙམ། དོན་སྐྱོན་འདིའི་རྐྱེན་པས་དབུས་གཙང་གི་སྡེ་གཟར་ཚབས་ཆེན་བྱུང་བའི་མཇུག་འབྲས་དགེ་བསྟན་ཆགས་འཇིག་ལ་གྱར་པའི་གནས་སུ་ལྷུང་ཡང་བྱུང་འདུག་སྟེ། དེབ་ཐེར་ནོར་ཕྲེང་གཉིས་པ་༢༢༤ ནང་གསལ། དུ་ཀུ་ལའི་གོས་བཟང་ལས། གླིང་སྨད་ཞབས་དྲུང་དཀོན་མཆོག་ཆོས་འཕེལ་གྱིས་པོ་ཏ་ལའི་ཕོ་བྲང་གསར་བཞེས་དགོས་ཚུལ་ཞུས་སྐོར་ལས་འཕྲོས་ནས། སྔར་ཡང་བདེ་གཟར་འབྲཻལ་མེད་རེ་བསླངས། མཐའ་མ་ཚེས་པར་བྱང་ལ་བྲོས་པས་བསྟན་པ་ལ་ཉམ་ཆག་བྱུང་བ་ཡིན། ཞེས་གསུངས་འདུག་པས་ཀྱང་དཔོག་ནུས་སོ། །དགུང་ལོ་བདུན་ཅུ་པ་རབ་བྱུང་བཅུ་པའི་ཤིང་ཡོས་༡༦༡༥ལོར་དགའ་ལྡན་གྱི་ཁྲིར་ཕེབས། ཡོངས་འཛིན་གུང་རུ་ཆོས་ཀྱི་འབྱུང་གནས་ཀྱི་གསུང་རྒྱུན་ཕལ་ཆེར་ཡི་གེར་བཀོད་པས་དུས་ཕྱིས་འཇམ་བཞད་སྐུ་ཕྲེང་དང་པོ་ངག་དབང་བརྩོན་འགྲུས་ཀྱིས་ཡིག་ཆ་གསར་རྩོམ་མ་མཛད་བར་དུ་བཀྲ་ཤིས་སྒོ་མང་གྲྭ་ཚང་གི་ཡིག་ཆར་བྱས། ཡིག་ཆ་འདི་དག་ལ་འཇམ་བཞད་གོང་མས་ཀྱང་ཆེས་ཆེར་བསྔགས་པར་མཛད་སྣང་སྟེ། ཀུན་མཁྱེན་ཕར་ཕྱིན་མཐའ་དཔྱད་སྐབས་བརྒྱད་པར། ཁྱད་པར་བཀྲ་ཤིས་སྒོ་མང་གྲྭ་ཚང་གི་བླ་མ་གོང་མ་ཀུན་གྱིས་རྣམ་བཤད་གཉིས་ཀ་བསྒྲིགས་ཤིང༌། དེ་བཞིན་དུ་དུས་ཕྱིས་ཀྱི་དགེ་བཤེས་སྟག་ལུང་བྲག་པ་དོམ་འབྲུག་བརྩོན་སོགས་ཀྱང་མཛད་འདུག་པ་བཞིན། ཁོ་བོས་དཀའ་གནད་འདི་དག་གཡས་འཇོག་བྱས་པ་མ་བཟོད་ནས་བྲིས་ཞེས་གསུངས་པས་སོ།། གླིང་སྨད་ཞབས་དྲུང་དཀོན་མཆོག་ཆོས་འཕེལ་སོགས་དགེ་ལྡན་པའི་སྐྱེས་ཆེན་དམ་པ་ཤིན་ཏུ་མང་པོ་བྱང་ཆུབ་ལམ་རིམ་ཆེན་མོའི་འཆད་ཉན་རྒྱ་ཆེར་སྤེལ་བར་མ་ཟད། གང་ཞིག་འཆད་པ་དེ་དག་ཁྲི་ཆེན་དཀོན་མཆོག་ཆོས་འཕེལ་ནས་བཟུང་ཞལ་ནས་ཞལ་དུ་རྒྱུད་རྣམས་ཁ་རོག་ངག་དབང་རབ་བརྟན་གྱིས་མཆན་བུར་བཏབ་པ་སྟག་ལུང་གྲགས་པའི་མཆན་བུར་གྲགས་ཏེ། དེ་ཡང་ལམ་རིམ་མཆན་བཞི་སྦྲགས་ཀྱི་ནང་གི་ལམ་རིམ་ཆེན་མོའི་མཆན་བུ་༼བ༽་བརྟགས་ཅན་གང་ཡིན་འཇམ་མགོན་བླ་མ་ཆོས་ཀྱི་རྒྱལ་པོའི་ཁྲི་ཐོག་དྲུག་པ་བ་སོ་ཆོས་ཀྱི་རྒྱལ་མཚན་གྱི་གསུང་མཆན་དང༌། ༼ང༽་རྟགས་ཅན་རྣམས་རྗེ་འཇམ་དབྱངས་སྟག་ལུང་གྲགས་པའི་གསུང་རྒྱུན་ཁྲི་ཐོག་སུམ་ཅུ་སོ་ལྔ་པ་འཇམ་དབྱངས་དཀོན་མཆོག་ཆོས་འཕེལ་གྱི་གསུང་བཞིན་སྡེ་དྲུག་མཁན་ཆེན་ཁ་རོག་ཞལ་སྔ་ནས་ངག་དབང་རབ་བརྟན་གྱིས་འདེབས་པར་མཛད་པ་དང༌། མཆན་བུ་༼ཇ༽་རྟགས་ཅན་རྣམས་རྗེ་འཇམ་དབྱངས་བཞད་པས་མཛད་པ་དང༌། ཞི་ལྷག་གཉིས་ཀྱི་མཆན་བུ་ཡིག་རྟགས་མེད་པ་གང་ཡིན་མཁས་གྲུབ་ཆེན་པོ་པྲ་སྟི་དགེ་བའི་བཤེས་གཉེན་རིན་ཆེན་དོན་གྲུབ་ཀྱིས་མཛད་པ་བཅས་གཞུང་གི་དཀའ་གནད་ཐམས་ཅད་ལྷུག་པར་བཀྲོལ་བའི་མཆན་བུ་རྣམས་དང་ལྷན་ཅིག་ཏུ་སྦྱར་བ་ས་གསུམ་གྱི་སྒྲོན་མེ་གཅིག་པུ་བྱང་ཆུབ་ལམ་གྱི་རིམ་པ་ཆེན་མོ་མཆན་བཞི་སྦྲགས་མ་ཅེས་གྲགས་པ་འདི་ཉིད་བྱུང་བ་ཡིན། བྱང་ཆུབ་ལམ་གྱི་རིམ་པའི་མཆན་བཞི་སྦྲགས་ཀྱི་བླ་བརྒྱུད་ཀྱང༌། རྗེ་འདི་བ་ནས་འཇམ་དབྱངས་བླ་མ་དཀོན་མཆོས་ཆོས་འཕེལ། གོང་ས་ལྔ་པ་ཆེན་པོ། བཀའ་འགྱུར་བ་སྦྱིན་པ་རྒྱ་མཚོ། འགྲོ་བའི་འདྲེན་མཆོག་སངས་རྒྱས་ཆོས་འཕེལ། ཞོགས་དོན་ཡོད་མཁས་གྲུབ། ཕུར་ལྕོག་ངག་དབང་བྱམས་པ། མཁན་ཆེན་ཐོགས་མེད་རྒྱ་མཚོ། སྒྲུབ་ཁང་དགེ་ལེགས་བསྟན་པའི་རྒྱལ་མཚན། གྲུབ་པའི་དབང་ཕྱུག་ངག་དབང་ཆོས་འཛིན། ཡོངས་འཛིན་ཆེན་པོ་ཡེ་ཤེས་རྒྱ་མཚོ། ཡོངས་འཛིན་ཕུར་ལྕོག་བློ་བཟང་བྱམས་པ་རྒྱ་མཚོ། དགེ་འདུན་ལུང་རྟོགས་བསྟན་པའི་རྒྱ་མཚོ། སྟག་ཕུའི་ཡོངས་འཛིན་ལྷོ་སྤྲུལ་རིན་པོ་ཆེ་ངག་དབང་མཁྱེན་རབ་བསྟན་པའི་དབང་ཕྱུག་དཔལ་བཟང་པོ། སྟག་ཕུ་འཇམ་དཔལ་བསྟན་པའི་དངོས་གྲུབ། ཕ་བོང་ཁ་པ་བྱམས་པ་ཚུལ་ཁྲིམས་འཕྲིན་ལས་རྒྱ་མཚོ། ཁྲི་བྱང་བློ་བཟང་ཡེ་ཤེས་བསྟན་འཛིན་རྒྱ་མཚོ། སྐྱབས་མགོན་རྒྱལ་བ་བསྟན་འཛིན་རྒྱ་མཚོའི་བར་རིམ་པར་བརྒྱུད་སྣང་ངོ༌། དེས་མཚོན་ནས་སྔ་ཕྱིར་མདོ་སྔགས་ཆོས་ཀྱི་འཁོར་ལོ་རྒྱ་ཆེར་བསྐོར་ཞིང༌། རྗེ་བླ་མའི་བྱང་ཆུབ་ལམ་རིམ་ཆེ་ཆུང་སོགས་འཁྲིད་ལུང་རྒྱ་ཆེར་སྤེལ་བའི་བརྒྱུད་པ་ནི་གསན་ཡིག་གངྒཱའི་ཆུ་རྒྱུན་དུ་གསལ་བ་ལྟར་ཡིན་ལ། རྒྱལ་དབང་སྐུ་ཕྲེང་བཞི་པའི་ཡང་སྲིད་ངོས་འཛིན་ཀྱང་པཎ་ཆེན་བློ་བཟང་ཆོས་རྒྱན་དང་རྗེ་འདི་བ་གཉིས་མཉམ་སྦྲེལ་གྱིས་བྱས། སྲིད་ཕྱོགས་སྡེ་༨༥༠སྐྱིད་༣༣ནས་༣༤མཐར་དགུང་ལོ་དོན་གསུམ་པ་ས་རྟ་༡༦༡༨ལོར་ཞི་བར་གཤེགས་པའི་སྐུ་གདུང་དངུལ་གྱི་བྱང་ཆུབ་མཆོད་རྟེན་བློས་བསླང་གི་གཡོན་ཕྱོགས་སུ་བཞུགས་ཤིང་དུས་མཆོད་ཀྱང་ཚུགས། གསུང་ལས་སྐྱེས་པའི་སློབ་མ་ཡང་ཁྲི་ཆེན་དཀོན་མཆོག་ཆོས་འཕེལ་སོགས་སྐྱེས་ཆེན་དམ་པ་ཤིན་ཏུ་མང་པོ་བྱུང༌།

དགའ་ལྡན་ཁྲི་ཐོག་སོ་གཅིག་པ་དམ་ཆོས་དཔལ་བཟང༌། དགའ་ལྡན་ཁྲི་ཐོག་སོ་གཅིག་པ་དམ་ཆོས་དཔལ་བཟང་ནི། རབ་བྱུང་དགུ་པའི་མེ་རྟ་༡༥༤༦ལོར་ཁམས་འཇང་ཞབས་སུ་འཁྲུངས། སྐུུ་གཞོན་དུས་ནས་དབུས་སུ་ཕེབས་ཏེ་ཇོ་ཤཱཀ་རྣམ་གཉིས་ཀྱིས་མཚོན་པའི་དབུས་འགྱུར་ཆོས་ཀྱི་ཞིང་སར་ཡོད་པའི་རྟེན་དང་གནས་ཆེན་ཁག་ལ་མཇལ་ཁ་ཞུས་ནས་དཔལ་ལྡན་འབྲས་སྤུངས་མཁས་མང་བློ་གསལ་གླིང་གི་ཆོས་སྒོར་ཞུགས། ཚ་བ་མཁན་ཆེན་ནམ་མཁའ་ཤེས་རབ་དང༌། མཁན་ཆེན་དཔལ་ལྡན་གྲགས་པ་སོགས་ལས་འདུལ་མཛོད་དང་དབུ་ཕར་བསླབས། རྭ་བ་སྟོད་ནས་རྣམ་འགྲེལ་ལ་བསླབས་ཏེ། གདན་སའི་མཁས་རྒུ་ཚོགས་པའི་དབུས་སུ་གྲྭ་སྐོར་མཛད་པས་མཁས་པའི་མཚན་སྙྙན་གང་སར་འབར། སླར་ཡང་གཙང་ངམ་རིང་དུ་ཕེབས་ནས་རབ་འབྱམས་པའི་གྲྭ་སྐོར་མཛད་པས་དབུས་གཙང་གི་མཁས་པ་ཀུན་གྱི་དབུས་ན་ཟླ་བ་ལྟར་མཚན་སྙྙན་གྱི་དི༷ལ་འཁོར་ཡོངས་སུ་རྒྱས། ཁྲི་ཆེན་སྟག་ལུང་བྲག་པ་བློ་གྲོས་རྒྱ་མཚོ་དང༌། ཁྲི་ཆེན་དགེ་འདུན་རྒྱ་མཚོ། དབེན་ས་བ་བློ་བཟང་དོན་འགྲུབ་དང༌། བ་སོ་ལྷ་དབང་ཆོས་ཀྱི་རྒྱལ་མཚན་སོགས་ལས། མདོ་སྔགས་ཀྱི་ལམ་རིམ་གཉིས་ཀྱིས་གཙོས་དབང་ལུང་མན་ངག་གི་ཟབ་ཆོས་མཐའ་ཡས་པ་གསན། དེ་ནས་མཁས་མང་བློ་གསལ་གླིང་གི་མཁན་ཁྲིར་ཕེབས། རྗེ་འདི་ཉིད་བློ་གླིང་མཁན་རབས་ཉེར་གཅིག་པ་ཡིན་ཞིང༌། གྲྭ་རྒྱུན་ཤིན་ཏུ་མང་པོ་ལ་འཆད་ཉན་གྱི་རྒྱུན་རྒྱ་ཆེར་བསྐྱངས་བ་སོགས་བཤད་སྒྲུབ་ལས་གསུམ་གྱི་སྒོ་ནས་འཛིན་སྐྱོང་རྒྱ་ཆེར་གནང༌། དེ་ནས་རྒྱུད་གྲྭ་སྟོད་སྨད་གང་དུའང་མ་བརྒྱུད་པར་ཤར་བ་ཆོས་རྗེར་ཕེབས་པས་ཤར་པ་དམ་ཆོས་དཔལ་བཟང་ཞེས་སུ་གྲགས། དགུང་ལོ་དོན་གསུམ་པ་རབ་བྱུང་བཅུ་པའི་ས་རྟ་༡༦༡༨ལོར་འཇམ་མགོན་རྒྱལ་བ་གཉིས་པའི་རྒྱལ་ཚབ་ཏུ་དགའ་ལྡན་གསེར་ཁྲིར་ཕེབས། སྡེ་ ༨༡༦་ལོ་དེར་ཧོར་སོག་གི་དཔུང་ཆེན་བོད་དུ་ཡོང་ནས་ལྷ་སའི་གཙུག་ལག་ཁང་སོགས་བཟུང༌། སྐྱིད་ཤོད་ལ་གནས་གཅས། ནག་ཆུའི་ཕྱོགས་ཕལ་ཆེར་དམག་གིས་བཅོམ་ནས་བཟུང༌། བོད་ཁམས་ཧོར་སོག་གིས་བཟུང་ལ་ཉེ་བ་དང༌། གཙང་པ་སྡེ་བ་ཀརྨ་བསྟན་སྐྱོང་དབང་པོས་གཙང་དམག་ཁྲི་ལྷག་དབུས་སུ་འཁྲིད་ནས་སོག་ཇག་འབུར་འཇོམས་བྱེད་པའི་སྐབས་སོག་ཇག་གིས་དགེ་བསྟན་དར་སྤེལ་ལ་ཁ་གཡར་བས། རྒྱུ་མཚན་ཤེས་ལོངས་མེད་པར་སེར་འབྲས་ཀྱི་གྲྭ་དམག་ཀྱང་མཉམ་དུ་བསྡེབས་ནས་གཙང་སྲིད་ལ་གྱེན་ལངས་ཀྱིས་དམག་འཁྲུགས་ཚབས་ཆེ་བྱུང་ན་ཡང༌། གཙང་དམག་གིས་གིས་ཡོངས་སུ་བཅོམ་ནས་རེ་ཞིག་ཞི་འཇོམས་སུ་བཏང་བ་སོགས་དབུས་གཙང་གཉིས་སུ་སྔ་ཕྱིར་སྡེ་གཟར་ཡང་ཡ་ང་བྱུང་བའི་ཁྲོད་རྗེ་འདི་ཉིད་ཞྭ་སེར་པོའི་བཤད་སྒྲུབ་འཆད་ཉན་ལ་གཅིག་ཏུ་འབུངས་པ་ལས། འཇིག་རྟེན་པའི་དགྲ་གཉེན་ཕྱོགས་སུ་བཟུང་བ་དང༌། ཞྭ་དམར་སེར་གྱི་གྲུབ་མཐའི་འཐབ་རྩོད་ནང་དུ་ནམ་ཡང་མ་ཞུགས་པར་སྣང༌། ལོ་ངོ་གསུམ་གྱི་རིང་མདོ་སྔགས་ཟུང་དུ་འབྲེལ་བའི་དགེ་ལྡན་རིང་ལུགས་གཙང་མའི་བསྟན་པ་གསེར་གྱི་ཡང་ཞུན་ལྟ་བུ་འདི་ཉིད་བཤད་སྒྲུབ་ལས་གསུམ་གྱིས་ནམ་ཡང་ནུབ་པ་མེད་པར་བླ་ནས་བླ་ན་བཏེགས། དགུང་ལོ་དོན་ལྔ་པ་རབ་བྱུང་བཅུ་པའི་ལྕགས་སྤྲེལ་༡༦༢༠ལོར་སྐུུ་ཞི་བར་གཤེགས་པའི་དགོངས་རྫོགས་སུ། ཅོ་ནེ་ཆོས་རྗེ་དགེ་འདུན་དར་རྒྱས་པས་རྗེ་འདིའི་སྐུུ་གདུང་རིང་བསྲེལ་བཞུགས་པའི་གདུང་རྟེན་དངུལ་གྱི་མཆོད་རྟེན་དཔེ་མེད་བཞེངས་པ་དགའ་ལྡན་དངུལ་གདུང་ཁང་དུ་ཡོད་པར་བཤད། །

ཁྲི་ཐོག་སོ་གཉིས་པ་ལྕང་ལོ་ཅན་པ་ཚུལ་ཁྲིམས་ཆོས་འཕེལ་ཏེ། གཙང་གི་ཉང་ཡུལ་གྱི་བྱེ་བྲག་འབྲོང་རྩེར་རབ་བྱུང་དགུ་པའི་ལྕགས་བྱ་༡༥༦༡ལོར་འཁྲུངས། ཐོག་མར་འབྲོང་རྩེ་ཆོས་སྡེར་རབ་ཏུ་བྱུང༌། དེ་ནས་ཆོས་སྡེ་ཆེན་པོ་བཀྲིས་ལྷུན་པོར་སྒྲིགས་ཞུགས་ཀྱིས་གསན་བསམ་གང་འཚམས་གནང་ནས་དབུས་སུ་བྱོན། སེ་ར་བྱེས་གྲྭ་ཚང་དང་གཙང་པ་ཁང་ཚན་དུ་ཆོས་ཞུགས་གནང་ནས་གཞུང་ཆེན་བཀའ་པོད་ལྔ་ལ་ཐུགས་གཉེར་སྦྱངས་པ་ཡུན་རིང་གནང་ནས་རབ་འབྱམས་པའི་གྲྭ་སྐོར་མཛད། རྗེ་སྟག་ལུང་བྲག་པ་བློ་གྲོས་རྒྱ་མཚོ་སོགས་མཁས་པ་མང་པོ་བསྟེན། དེ་ནས་དགའ་ལྡན་བྱང་རྩེ་གྲྭ་ཚང་གི་འཆད་ཉན་དཔོན་སློབ་ཏུ་ཕེབས་ཏེ། གྲྭ་ཚང་དར་རྒྱས་ཆེ་བ་བྱུང༌། བདེ་ཆེན་གསང་སྔགས་མཁར། འཕྱོངས་རྒྱས་རི་བོ་བདེ་ཆེན་སོགས་ཀྱི་མཁན་པོ་མཛད། ས་ནད་ཀྱི་སྙུན་པར་ཚུལ་གཡུ་བྲག་ཏུ་སྒྲུབ་པ་མཛད་པས་སྙུན་དངས་པ་དང་ཆབས་ཅིག་ཏུ་རྒྱལ་བ་མ་ཕམ་པའི་སྐུ་གཟིགས་སྣང་དང༌། རིམ་པར་རྒྱལ་བ་བུ་རམ་ཤིང་པ་དང་ཉན་རང་བྱང་སེམས་དུ་མའི་ཞལ་གཟིགས། ཁྱད་པར་འཕྲིན་ལས་ཀྱི་ལྷ་མོ་ནམ་མཁའི་མདོག་ཅན་གྱིས་བུམ་པ་དཀུར་བརྟེན་དབང་བསྐུུར་བའི་གཟིགས་སྣང༌། ཆོས་ཀྱི་རྒྱལ་པོ་མ་ཧེའི་གདོང་ཅན་གྱིས་བྲན་ལྟར་བཀའ་བསྒྲུབ་པས་རྣམ་དཀར་འཕྲིན་ལས་ཡར་ཟླ་ལྟར་འཕེལ་རྒྱས་ཆེ། ལྕང་ལོ་ཅན་དུ་བཞུགས་པས་ལྕང་ལོ་ཅན་པར་གྲགས། དགའ་ལྡན་ཤར་བྱང་གང་དུ་འང་མ་བརྒྱུད་པར་དགུང་ལོ་དྲུག་ཅུ་པ། རབ་བྱུང་བཅུ་པའི་ལྕགས་སྤྲེལ་༡༦༢༠ལོར་དགའ་ལྡན་གྱི་ཁྲིར་ཕེབས། ལོ་དེར་གཙང་པ་རྒྱལ་པོ་ཕུན་ཚོགས་རྣམ་རྒྱལ་གྲོངས་ནས་དེའི་སྲས་ཀརྨ་བསྟན་སྐྱོང་དབང་པོ་བོདཀྱི་རྒྱལ་པོའི་སྲིད་ཁྲིར་འཁོད། བོད་ཁམས་ཡོངས་ལ་དབང་བསྒྱུར་བྱེད་པའི་སྒྲིག་གཞི་དང་ཁྲིམས་སྲོལ་བཏོད། ཁྲི༣༢པ།༡༽དུ་༡༔༢༥།་ དགུང་ལོ་རེ་གཅིག་པ་ལྕགས་བྱ ༡༦༢༡ལོར་རྒྱ་ལེ་ཕྱག་མཛོད་དང་སྡེ་པ་སྐྱིད་ཤོད་པའི་ལྷ་བཙུན་བློ་བཟང་བསྟན་འཛིན་རྒྱ་མཚོས་ཆར་སྣ་རླུང་འཁྲིད་དང་དགྲ་སྣ་ཟས་འཁྲིད་ཀྱིས་སོག་རིགས་ཀླ་ཀློ་གུ་རུ་ཧུང་ཐའི་ཇི་གཉིས་ཀྱིས་གཙོའི་ཧོར་སོག་གི་ཇག་དམག་སྟོང་ཕྲག་གཉིས་བོད་ས་བཙན་འཛུལ་གྱིས་དབུས་སུ་ལྷག་པ་དང༌། སྡེ་སྲིད་གཙང་པའི་དཔུང་ཆེན་ལྷ་ས་རྐྱང་ཐང་སྒང་དུ་གཡུལ་སྤྲོད་པས་གཙང་དམག་ཕམ་ནས་རྐྱང་ཐང་སྒང་དང་ལྕགས་པོ་རིར་བྲོས་པ་རྣམས་ལ་ཆུ་བཀག་བཏང༌། སོག་པོའི་རྟ་དམག་རྣམས་གཙང་དམག་གི་ཐོག་ཏུ་རྒྱུགས་ཏེ་དམག་མི་སྟོང་ཕྲག་ལྷག་ཙམ་བསད། སླར་ཡང་རྟ་དམག་རྒྱུག་གྲབས་བྱེད་པའི་སྐབས་ཀྲ་ཤིས་ལྷུན་པོའི་པཎ་ཆེན་རིན་པོ་ཆེ་བློ་བཟང་ཆོས་རྒྱན་དང༌། དགའ་ལྡན་ཁྲི་རིན་པོ་ཆེ་ཚུལ་ཁྲིམས་ཆོས་འཕེལ་འདི་ཉིད། གླིང་སྨད་ཞབས་དྲུང་འཇམ་དབྱངས་བླ་མ་དཀོན་མཆོག་ཆོས་འཕེལ། སྟག་ལུང་ཞབས་དྲུང་ཁུ་དབོན་གྱི་སྐུ་ཚབ་བཅས་འཛོམས་ཐོག་འདུམ་འཆིང་མཛད་ནས་བཀའ་ཁྲ་བཏང༌། འབྲས་སྤུངས་བླ་བྲང་དགའ་ལྡན་ཕོ་བྲང་དུ་ཆོས་འཁོར་ལྷ་སས་གཙོས་རག་མན་གྱི་ས་རིས་གསར་སྤྲད་དང༌། སེར་འབྲས་ཀྱི་མཆོད་གཞིས་རྣམས་རང་འཇགས། དབུས་གཙང་ཁུལ་གྱི་དགེ་ལུགས་ཀྱི་ཆོས་སྡེ་ཆོས་ལུགས་གྲུབ་མཐའ་གཞན་དུ་བསྒྱུར་པ་དང་ས་རིས་ཤོར་བ་རྣམས་སྔར་བབས་སུ་ཕྱིར་སློགས། སྡེ་པ་སྐྱིད་ཤོད་པར་བདེ་ཆེན་ཚབ་ཏུ་འཕན་ཡུལ་མཁར་རྩེ་དང་བཅས་སྤྲོད་རྒྱུ། ཕྱག་མཛོད་བསོད་ནམས་རབ་བརྟན་འབྲས་སྤུངས་དགའ་ལྡན་ཕོ་བྲང་དུ་གཞི་ཕབ་ནས་བསྡད་ཆོག་པ་བཅས་བྱས། ཞི་ཆིངས་འདིའི་མཇུག་འབྲས་སུ་དེ་སྔོན་རག་མན་ཏེ་ལྷ་སའི་ཤར་ངོས་ཀྱི་ས་རིས་ཀུན་སྡེ་པ་སྐྱིད་ཤོད་པའི་ཡིན་བཞིན་དུ་དགའ་ལྡན་ཕོ་བྲང་ལ་དབང་པར་བྱས་པས་སྐྱིད་ཤོད་ལྷ་སའི་སྡེ་པ་དང་བླ་བྲང་དགའ་ལྡན་ཕོ་བྲང་པའི་བར་ལའང་མི་མཐུན་པར་གྱུར། སྐབས་དེར་གཙང་པ་སྡེ་སྲིད་ཀྱིས་དབུས་གཙང་ལ་དབང་བསྒྱུར་བའི་སྐབས་ལ་བརྟེན། གཙང་སྡེ་སྲིད་ཕུན་ཚོགས་རྣམ་རྒྱལ་ལ་དངོས་པོའི་འབུལ་བ་སྤོམ་མཐོར་བཏེག་སྟེ་མཐར་རྒྱས་གཞིས་ཀ་བྱང་རྩེ་གྲྭ་ཚང་གི་མཆོད་གཞིས་སུ་ཞུ་སྦྱོར་མཛད། དེའི་ཕྱི་ལོ་ཆུ་ཁྱི་༡༦༢༢ལོའི་བོད་ཟླ་ལྔ་པའི་ཚེས་ཉེར་བཞི་ཉིནདུ་༡ ༥༡ བསྟན་དོན་ཁོ་ན་ལས་དགྲ་འདུལ་གཉེན་སྐྱོང་གི་བྱ་བ་ནམ་ཡང་མི་གནང༌། དགུང་ལོ་རེ་གསུམ་པ་རབ་བྱུ་ང་བཅུ་པའི་ཆུ་ཕག་༡༦༢༣ལོར་མངོན་དགར་དག་ཞིང་དུ་གཤེགས། གདུང་རུས་སོགས་བཞུགས་པའི་དངུལ་གྱི་བྱང་ཆུབ་མཆོད་རྟེན་ལི་མ་ལྷ་ཁང་ཤར་གྱི་གཙོ་བོའི་གཡོན་གཉིས་པར་བཞུགས། དུས་མཆོད་ཀྱང་དབོན་བརྒྱུད་ཀྱིས་ཡུན་རིང་པོའི་བར་དུ་འཛིན། །

ཁྲི་ཐོག་སོ་གསུམ་པ་གྱེ་རེ་གྲགས་པ་རྒྱ་མཚོ་ནི། རབ་བྱུང་དགུ་པའི་ཤིང་ཡོས་༡༥༥༥ལོར་གྱེ་རེ་སྟོད་དུ་འཁྲུངས། དགོན་གསར་དུ་རབ་བྱུང་མཛད་དེ་མདོ་སྔགས་ལ་སྦྱངས། ངམ་རིང་དུ་རབ་འབྱམས་པའི་གྲྭ་སྐོར་མཛད། རྒྱུད་སྟོད་ཀྱི་འཆད་ཉན་དང༌། ཤར་སྤྲས་རིན་ཆེན་བྲག་སོགས་ཀྱི་ཞལ་འཛིན་མཛད། འཇམ་དབྱངས་སྟག་ལུག་བྲག་པ་བློ་གྲོས་རྒྱ་མཚོ་ལྟ་བུ་མཁས་པས་ཀྱང་འདིའི་ཞབས་ལ་བཏུགས་ནས་མདོ་སྔགས་ཀྱི་ཆོས་ཚུལ་རྒྱ་ཆེར་ཞུས་ཚུལ་གསལ། དགུང་ལོ་རེ་དགུ་པ་རབ་བྱུང་བཅུ་པའི་ཆུ་ཕག་༡༦༢༣ལོར་དགའ་ལྡན་གྱི་ཁྲིར་ཕེབས། ཆོས་ཀྱི་འཁོར་ལོ་བསྐོར་བཞིན་ལོ་དེ་རང་ལ་ཞི་བར་གཤེགས། གཞན་དུ་དོན་གསུམ་པ་རབ་བྱུང་བཅུ་གཅིག་པའི་ཆུ་ཕག་མེ་ཡོས་༡༦༢༧ལོར་ཞི་བར་གཤེགས་ཚུལ་འཁོད་ཀྱང་ཁུངས་མ་མཐོང༌།

དགའ་ལྡན་ཁྲི་ཐོག་སོ་བཞི་པ་གསལ་ཁང་སྐུ་སྐྱེ་ངག་དབང་ཆོས་ཀྱི་རྒྱལ་མཚན་ནི། རབ་བྱུང་བཅུ་པའི་ཤིང་ཕག་༡༥༧༥ལོར་དབུས་ཀྱི་འཕན་ཡུལ་མདར་སྐུུ་འཁྲུངས། ཁྲི་ཆེན་བཅུ་དགུ་པ་ངག་དབང་ཆོས་གྲགས་ཀྱི་སྐུུ་སྐྱེ་གསལ་བ་བྱུང་བས་གསལ་ཁང་སྐུུ་སྐྱེར་གྲགས། འདི་ཉིད་གདན་ས་གང་དུ་ཞུགས་ནས་སློབ་གཉེར་མཛད་སྐོར་ཁྲི་རབས་ལོ་རྒྱུས་ཁག་ཏུ་མི་གསལ་ཡང༌། འདིའི་སྐུུ་སྐྱེ་སྔོན་མ་ཁྲི་ཆེན་ངག་དབང་ཆོས་གྲགས་འབྲས་སྤུངས་བློ་གསལ་གླིང་དུ་སློབ་གཉེར་གནང་ཚུལ་དུང་དཀར་ཚིག་མཛོད་དུ་གསལ་ཞིང༌། དེའི་ཞང་པོ་ཁྲི་ཆེན་བཅུ་གསུམ་པ་ཆོས་ཀྱི་བཤེས་གཉེན་དང་སྐུུ་མཆེད་ཤར་པ་ཆོས་རྗེ་དཀོན་མཆོག་ཆོས་དར་གཉིས་ཀ་བློ་གསལ་གླིང་དུ་སློབ་གཉེར་མཛད་འདུག་ཅིང་དཔོན་ཞང་དེ་དག་གི་དྲུང་ནས་སྐུུ་གོང་མས་སློབ་གཉེར་གནང་འདུག་པ་དེའི་སྐྱེ་སྲིདདུ་ངོས་འཛིན་བདག་སྤྲོད་བྱུང་འདུག་པས་ཅིས་ཀྱང་གདན་ས་འབྲས་སྤུངས་བློ་གསལ་གླིང་དུ་ཆོས་ཞུགས་གནང་ནས་གསུང་རབ་དགོངས་འགྲེལ་དང་བཅས་པའི་གཞུང་ལུགས་ལ་མཁས་པར་བསླབས་ནས་རབ་འབྱམས་པའི་གྲྭ་སྐོར་མཛད་དམ་སྙྙམ། རྗེ་འདི་ཉིད་གསང་སྔགས་རྒྱུད་སྡེ་བཞིའི་གནད་ལ་གཞན་དྲིང་མི་འཇོག་པའི་མཁྱེན་རབ་ཀྱི་རྩལ་དར་བས། དཔལ་ལྡན་སྨད་རྒྱུད་གྲྭ་ཚང་གི་འཆད་མཉན་པར་གདན་དྲངས་པ་ལྟར། རྗེ་ཤེར་སེང་པའི་ཊིཀྐ་དང་རྗེ་བླ་མའི་འགྲེལ་བ་བཞི་སྦྲགས། རིམ་ལྔ་གསལ་སྒྲོན་སོགས་ཀྱི་ཐོག་ནས་རྒྱུད་སྡེ་རྒྱ་མཚོའི་བསྐྱེད་རྫོགས་ཀྱི་དཀའ་གནད་རྩལ་དུ་བཏོན་པའི་འཆད་ཉན་གྱི་རྒྱུན་སྐྱོང་བཞིན་པའི་མུར། བྱང་རྩེ་ཆོས་རྗེ་ཁྲིར་མངའ་གསོལ། སྨད་རྒྱུད་གྲྭ་ཚང་གི་རྒྱུད་འདེབས་ལས། དཔལ་ལྡན་ངག་གི་དབང་ཕྱུག་མདོ་རྒྱུད་ཀྱི། །བཤད་སྒྲུབ་ཆོས་ཀྱི་རྒྱལ་མཚན་འཛིན་པ་ལ། །ལྷུན་གྲུབ་འཕྲིན་ལས་ཟང་པོའི་མཛད་པ་ཅན།། འདྲེན་མཆོག་དམ་པའི་ཞབས་ལ་གསོལ་བ་འདེབས།། ཞེས་པ་འདི་ཉིད་རྗེ་འདིའི་གསོལ་འདེབས་སུ་སྣང༌། རྒྱུད་ཀྱི་འཆད་ཉན་པ་མཛད་བཞིན་པའི་མུར་ཕྱོགས་གང་སར་མདོ་སྔགས་ཀྱི་ཆོས་འཁོར་རྒྱ་ཆེར་བསྐོར། དགུང་ལོ་ཞེ་དགུ་པ་རབ་བྱུང་བཅུ་གཅིག་པའི་ཆུ་ཕག་༡༦༢༣ལོར་འཇམ་མགོན་རྒྱལ་བ་གཉིས་པའི་རྒྱལ་ཚབ་ཏུ་དགའ་ལྡན་རྣམ་པར་རྒྱལ་བའི་གླིང་དུ་མི་འཇིགས་སེང་གེའི་ཁྲི་ལ་ཞབས་ཟུང་འཁོར་ལོའི་རེ་ཁ་མངོན་པར་འཁོད། བཻ་སེར་སོགས་སུ་མེ་ཡོས་༡༦༢༧ལོར་ཅེས་གསལ་མོད། གོང་ས་ལྔ་པ་ཆེན་པོས་མཛད་པའི་འཇམ་དབྱངས་བླ་མ་དཀོན་མཆོག་ཆོས་འཕེལ་གྱི་རྣམ་ཐར་ལས།གསུང་འབུམ་ཝ་པ་ཤོག་ལྷེ་བཅུ་དགུ་ཡོད ཁྲི་ཐོག་སོ་ལྔ་པ་དཀོན་མཆོག་ཆོས་འཕེལ་མེ་སྟག་༡༦༢༦ཧོར་ཟླ་ལྔ་པའི་ནང༌། འཇམ་མགོན་རྒྱལ་བ་གཉིས་པའི་གདན་ས་དགའ་ལྡན་རྣམ་པར་རྒྱལ་བའི་གླིང་གི་གསེར་ཁྲིར་ཞབས་སེན་འཁོར་ལོའི་རེ་ཁ་མངོན་པར་བཀོད། ཞེས་ཁྲི་ཆེན་སོ་ལྔ་པ་གླིང་སྨད་ཞབས་དྲུང་དཀོན་མཆོག་ཆོས་འཕེལ་ཁྲི་ལ་ཕེབས་ལོ་གསལ་བར་བཀོད་འདུག་ཅིང༌། འདི་དུས་གོང་ས་ལྔ་པ་དང་ཁྲི་ཆེན་གཉིས་ཀ་ཞབས་བཞུགས་ཡོད་པས་འཁྲུལ་བ་ཡོང་ཐབས་ག་ལ་སྲིད་སྙམ་སྟེ་དཔྱད་པར་བྱ་བའི་གནས་སོ། ཤིང་བྱི་༡༦༢༤ལོའི་ཧོར་ཟླ་གསུམ་པའི་ནང་ྋགོང་ས་ལྔ་པ་ཆེན་པོ་དགུང་ན་བརྒྱད་ལ་སླེབས་པའི་དུས་རྒྱལ་བ་གཉིས་པའི་གདན་ས་དགའ་ལྡན་རྣམ་པར་རྒྱལ་བའི་གླིང་དུ་ཕེབསསྐབས། ཁྲི་ཆེན་འདི་ཉིད་སྐུ་ན་ཤིན་ཏུ་སྨིན་ན་ཡང༌། ལྔ་པ་ཆེན་པོ་ལ་དད་པ་དང་ཆེ་མཐོང་མཚོན་པའི་སླད། སྐུ་ཕྱག་ཕུལ་བ་སོགས་བཀུས་བཟོས་རྒྱ་ཆེར་ཞུས་སྣང་སྣང་སྟེ། དུ་ཀུ་ལའི་གོས་བཟང་ལས།དུ་༡ ༦༧ ། རིམ་གྱིས་བཏེགས་ཏེ་དགའ་ལྡན་ཞོལ་དུ་ཐུབ་དབང་གཉིས་པ་ཙོང་ཁ་པའི་གདན་ས་པ་ཁྲི་རིན་པོ་ཆེ་གྲགས་པ་རྒྱ་མཚོ་དཔོན་སློབ་རྣམས་ཕེབས་པ་དང་མཇལ། སྐུ་ན་སྨིན་ཅིང་འདར་ཤིག་གེར་ཕྱག་མཛད་ཀྱི་འདུག་པ་དེ་དུས་ནི་ཉམས་སྣང་མ་བྱུང༌། རྗེས་སུ་བསམས་ཚེ་རང་ལ་སྡོམ་པ་སྣ་གཅིག་མ་བླངས་པ་དང༌། ཤཽ་ལོ་ཀ་གཅིག་གི་གོ་རྟོགས་ཀྱི་ཡོན་ཏན་མེད་པར་འདི་འདྲ་ཡ་ང་བའི་གནས་སུ་མངོན། ཞེས་གསུངས་པས་སོ།།གང་ལྟར་ཡང་ལོ་ངོ་གསུམ་གྱི་རིང་ཁྲི་པའི་བྱེད་སྒོ་འཐུས་ཚང་མཛད། པཎ་ཆེན་བློ་བཟང་ཆོས་རྒྱན་ལ་བྱང་རྩེ་ཕུལ་ཏེ། དེ་སྔོན་སྐུུ་སྐྱེ་གོང་མ་ཁྲི་ཆེན་ངག་དབང་ཆོས་གྲགས་ཀྱིས་རྗེ་དངུལ་གདུང་ཆེན་མོའི་ཐོག་ཏུ་གསེར་ཟངས་ཀྱི་རྒྱ་ཕིབས་འཛུགས་པ་དེ་ཉིད་རྒྱ་སྐྱེད་བྱེད་རྒྱུའི་རྒྱུ་ཆ་དང་བཅས་པཎ་ཆེན་བློ་བཟང་ཆོས་རྒྱན་ལ་མངགས་ནས། དཔལ་ལྡན་སྨད་རྒྱུད་གྲྭ་ཚང་གིས་གསོལ་བ་འདེབས་པ་ལྟར། དགུང་ལོ་ང་ཉིས་པ་རབ་བྱུང་བཅུ་གཅིག་པའི་མེ་ཕག་༡༦༢༦ལོའི་ཧོར་ཟླ་གཉིས་པའི་ནང་རྒྱལ་དབང་བཞི་པ་ཡོན་ཏན་རྒྱ་མཚོའི་དངུལ་གདུང་ཆེན་མོ་བཞེངས་ཟིན་པར་གླིང་སྨད་ཞབས་དྲུང་དཀོན་མཆོག་ཆོས་འཕེལ་དང་སྒོ་མང་གུང་རི་བ་གཉིས་ཀྱིས་གཟུངས་བཞུགས་ཕུལ། པཎ་ཆེན་ཆོས་རྒྱན་དང་ཁྲི་ཆེན་འདི་ཉིད་སེར་འབྲས་ཀྱི་མཁན་བླ་ཚོ་དང་ལྷན་ཅིག་རབ་གནས་གནང་ཚུལ་དུ་ཀཱུ་ལའི་གོས་བཟང་ནང་གསལ། ལོ་དེར་འཇམ་དབྱངས་དཀོན་མཆོག་ཆོས་འཕེལ་ལ་གསེར་ཁྲི་བཏེགས་སྟེ། རང་ཉིད་སླར་ཡང་རྒྱུད་སྨད་དུ་ཕེབས་ནས་འཆད་མཉན་གྱི་རྒྱུན་བསྐྱངས། མཐར་དགུང་ལོ་ང་ལྔ་པ་རབ་བྱུང་བཅུ་གཅིག་པའི་ས་སྦྲུལ་༡༦༢༩ལོར་ཞི་བར་གཤེགས། ལོ་དེར་པཎ་ཆེན་རིན་པོ་ཆེ་བློ་བཟང་ཆོས་ཀྱི་རྒྱལ་མཚན་གྱིས་རྗེའི་གསེར་གདུང་ཆེན་པོའི་རྒྱ་ཕིབས་དཔེ་མེད་གསར་སྐྲུན་གནང༌། རྗེ་འདིའི་སྐོར་བཻ་སེར། དུང་དཀར་ཚིག་ཤོག་གྲངས་༣༦༣པ། ཁྲི་རབས་ཡོངས་འདུའི་ལྗོན་བཟང་ཤོག་གྲངས་ ༧༨༧༩། རྒྱུད་སྨད་ཆོས་འབྱུང༌། འཇམ་དབྱངས་མཁྱེན་བརྩེ་དབང་པོའི་གསུང་ཐོར་བུ། གངས་ཅན་མཁས་གྲུབ་རིམ་བྱུང་གི་མིང་མཛོད་ཤོག་གྲངས་ ༤༣༤༤༣༥བར། ཆ་ཧར་དགེ་བཤེས་བློ་བཟང་ཚུལ་ཁྲིམས་ཀྱི་རྗེའི་རྣམ་ཐར་ལ་གཟིགས་དགོས།

དགའ་ལྡན་ཁྲི་ཐོག་སོ་ལྔ་པ་འཇམ་དབྱངས་བླ་མ་དཀོན་མཆོག་ཆོས་འཕེལ་ནི། ཡབ་བཀྲ་ཤིས་རྣམ་རྒྱལ་དང་ཡུམ་ལྷ་མོ་གཉིས་ཀྱི་སྲས་སུ་རབ་བྱུང་བཅུ་པའི་ཆུ་བྱ་༡༥༧༣ལོར་དབུས་འགྱུར་ཆོས་ཀྱི་ཞིང་སའི་ལྷོ་ཁ་གྲྭ་ནང་བྱམས་པ་གླིང་གི་དགོན་ཞོལ་དུ་སྐུུ་འཁྲུངས། སྐུུ་ན་ཆུང་དུས་ནས་སྔོན་གནས་རྗེས་དྲན་གྱི་མངོན་ཤེས་ལ་བརྟེན་ནས། གསང་ཕུ་དབྱར་ཆོས་སུ་འགྲོ་ཞེས་གསུངས་པ་ཡ་མཚན་པའི་མཛད་སྤྱོད་དུ་མ་གནང༌། དགུང་ལོ་ལྔ་པར་གཏེར་བཏོན་ཤེས་རབ་འོད་ཟེར་གྱིས་ལུང་སྟན་བཀའ་བརྒྱ་མ་ལས་བཻ་རེའི་སྤྲུལ་པ་ཡིན་པ་བཤད། དྲུང་དཀོན་མཆོག་དཔལ་ལས་ཀ་ཁ་ནས་བཟུང་ཡི་གེ་སྦྱོར་ཀློག་དང༌། བརྡ་སྤྲོད་ཀྱི་གཞུང་ལ་བསླབས་པས་ཚེགས་མེད་པར་མཁྱེན། དེ་ནས་དགུང་ལོ་བཅུ་གཉིས་པ་ཤིང་སྤྲེལ་༡༥༨༤ལོར་བཀྲ་ཤིས་ཆོས་གླིང་དགོན་དུ་འདུལ་བ་འཛིན་པ་བསོད་ནམས་རྒྱལ་མཆོག་ལས་དགེ་བསྙྙེན་གྱི་སྡོམ་པ་མནོས། དབྱངས་ཅན་བཞད་པ་དགེ་འདུན་རྒྱ་མཚོའི་ཞལ་སློབ་དྲུང་དཀོན་མཆོག་པའི་བདག་རྐྱེན་ལ་བརྟེན་ནས་དྭགས་པོ་གྲྭ་ཚང་དུ་སྒྲིག་ཞུགས་གནང༌། དྭགས་པོ་སློབ་དཔོན་བློ་བཟང་ཆོས་འཕེལ་པའི་དྲུང་ནས་དགེ་ཚུལ་གྱི་སྡོམ་པ་བཞེས་པའི་མཚན་ལ་དཀོན་མཆོག་ཆོས་འཕེལ་གསོལ། གྲུམ་མདའ་མཁན་པོ་དང་སློབ་དཔོན་ནམ་མཁའ་རྒྱ་མཚོ། སློབ་དཔོན་བྱམས་པ་བསྟན་པ་རྣམས་ཀྱི་དྲུང་ནས་ལོ་གྲངས་བཅུའི་རིང༌། ཚད་མ་དང༌། དབུ་ཕར་བཅས་ལ་བསླབས་པས་མཁས་པར་གྱུར། མནལ་ལམ་དུ་རྗེས་བཙུན་བྱམས་དགོན་གྱིས་ཕྱག་གཉིས་ཀྱིས་དབུ་རྒྱན་ཕུད་དེ་རྗེ་རང་གི་དབུ་ལ་གསོལ་བའི་མཚན་ལྟས་ཁྱད་པར་ཅན་བྱུང༌། ཆོས་རྗེ་བྱམས་པ་རྒྱ་མཚོ་དང༌། སྒོམ་སྡེ་ནམ་མཁའ་རྒྱལ་མཚན་བཅས་ཀྱི་དྲུང་ནས་རྟེན་འབྲེལ་བསྟོད་པ་སོགས་ཀྱི་བཀའ་ཆོས་རྒྱ་ཆེར་གསན། དགུང་ལོ་ཉེར་གཅིག་པར་རྩེད་ཐང་དུ་རབ་འབྱམས་པའི་གྲྭ་སྐོར་མཛད། མཁན་སྟོན་དཔལ་འབྱོར་ལྷུན་གྲུབ་ལས་སྒྲ་ཀ་ལ་པ་གསན། ཆོས་འཁོར་རྒྱལ་དུ་མངའ་དྭགས་རྒྱལ་གསུམ་གྱིས་མཁས་མང་ཚོགས་པའི་དབུས་སུ་གཞུང་ཆེན་ལྔ་ལ་བཤད་པ་རྒྱ་ཆེར་གནང༌། དེའི་ཞོར་དུ་རྒྱལ་རི་ཁྲོད་དུ་བླ་མ་ཁྱུང་པོ་ལས། རྡོ་རྗེ་འཇིགས་བྱེད་ཀྱི་དབང་བཞི་གསན། དགུང་ལོ་ཉེར་གཉིས་པ་ཤིང་རྟ་ལོར། དྭགས་པོ་ཆོས་རྗེ་ནམ་མཁའ་རྒྱ་མཚོས་བསྐུུལ་བ་ལ་རྟེན་ནས་སྐྱིད་ཤོད་དུ་བྱོན། ཆོས་རྗེ་བློ་གྲོས་རྒྱ་མཚོའི་ཞབས་ལ་བཏུད་དེ་གཏན་ཚིགས་རིག་པའི་གཞུང་དང་འདུལ་མཛོད་སོགས་མདོ་སྔགས་རིག་གནས་དང་བཅས་པར་གསན་བསམ་རྒྱ་ཆེར་མཛད་པས་ངེས་དོན་མཁས་པའི་ཁྱུ་མཆོག་ཏུ་གྱུར། དགུང་ལོ་ཉེར་བཞི་པ་མེ་སྤྲེལ་༡༥༩༦ལོར་ལྷ་ལྡན་གཙུག་ལག་ཁང་དུ་རྗེ་རྒྱལ་ཁང་རྩེ་པ་དཔལ་འབྱོར་རྒྱ་མཚོས་མཁན་པོ་དང༌། དད་པའིདགེ་འདུན་གྲངས་ཚང་བའི་དབུས་སུ་བསྙྙེན་པ་རྫོགས་པའི་དགེ་སློང་གི་སྡོམ་པ་མནོས། རྗེ་དེ་ཉིད་ཀྱི་དྲུང་ནས་འཁོར་ལོ་སྡོམ་པའི་དབང་ཞུས། གསང་ཕུ་ནེའུ་ཐོག་ཏུ་རྣམ་འགྲེལ་གྱི་བཤད་པ་རྒྱ་ཆེར་གནང༌། རྒྱུད་སྟོད་དུ་ཞུགས་ནས་ལོ་གསུམ་གྱི་རིང༌། དཔལ་གསང་བ་འདུས་པའི་རྒྱུད་འགྲེལ་ཆ་ལག་དང་བཅས་པ་སྦྱངས་པའི་ཕུལ་དུ་ཕྱིན། དོལ་ཆོས་རྫོང་མཁན་པོས་དྲུང་ནས་དུས་ཀྱི་འཁོར་ལོ་ཕྱི་ནང་གཞན་གསུམ་གྱིས་རྒྱུད་འགྲེལ་མན་ངག་དང་བཅས་པར་གཞན་དྲིང་མེད་པའི་མཁས་པ་བསླབས། དགུང་ལོ་ཉེར་བརྒྱད་པ་ལྕགས་བྱི་༡༦༠༠ལོར་རྒྱལ་ཁང་རྩེ་པ་དཔལ་འབྱོར་རྒྱ་མཚོས་བཀའ་ལྟར་ཁམས་སུ་འབུལ་སྡུད་ལ་ཕེབས། རྟ་ཚག་རྗེ་དྲུང་ལྷ་དབང་ཆོས་ཀྱི་རྒྱ་མཚོ་ལ་དམར་པོ་སྐོར་གསུམ་གྱི་རྗེས་གནང་ཞུས། སྤག་ཤོད་ཆོས་རྗེ་རིན་ཆེན་རྒྱ་མཚོ་ལ་བྱང་ཆུབ་ལམ་རིམ་ཆེན་མོའི་སྤྱད་པ་སྤྱི་སློབ་ཡན་གྱི་ལུང༌། འཕགས་པ་ལྷ་བསོད་ནམས་རྣམ་རྒྱལ་བ་ལ་ཆོས་ཀྱི་འགྲེལ་པ་གསན། སྔ་ཕྱི་ཟླ་བ་བཅུ་བཞི་རིང་ལ་ཁམས་སུ་འགྲོ་དོན་རྒྱ་ཆེར་སྤེལ་ནས་སྐྱིད་ཤོད་ཁུལ་དུ་ཕེབས། དགའ་ལྡན་དུ་ཆོས་རྗེ་སངས་རྒྱས་རིན་ཆེན་དང༌། གླིང་སྨད་ཆོས་རྗེ་དོན་འགྲུབ་སེང་གེ་གཉིས་ཀྱི་དྲུང་ནས་མི་བསྐྱོད་པ་དང༌། དུས་ཀྱི་འཁོར་ལོ། ཀུན་རིག་གི་དབང༌། རྗེ་ཙོང་ཁ་པའི་གསུང་འབུམ་སོགས་ཀྱིས་བཀའ་ལུང་མན་ངག་རྒྱ་ཆེར་ཞུས། དགུང་ལོ་སུམ་ཅུ་པ་ཆུ་སྟག་༡༦༠༢ལོར་སྟག་ཚང་རྭ་བ་སྟོད་ཀྱི་འཆད་ཉན་པའི་མཁན་ཁྲི་ལ་ཕེབས་ནས་སྡེ་བདུན་མདོ་དང་བཅས་པའི་བཤད་པ་རྒྱ་ཆེར་མཛད་པས་བཤད་སྒྲུབ་གཉིས་ཀྱི་སྒོ་ནས་རྒྱལ་བ་གཉིས་པའི་བསྟན་པ་འཛིན་སྐྱོང་སྤེལ་བས་འགྲན་ཟླ་མེད་པའི་སྐྱེས་ཆེན་དམ་པ་ཤིན་ཏུ་མང་པོ་བྱུང༌། དགུང་ལོ་སོ་གཅིག་པ་ཆུ་ཡོས་༡༦༠༣ལོར་རྭ་བ་སྟོད་སྨད་གཉིས་ཀའི་འཆད་ཉན་པའི་ཁྲིར་ཕེབས། སྣེའུ་གདོང་གོང་མའི་གདན་དྲངས་པ་ལྟར་ཁུལ་དེར་བཀའ་གདམས་གླེགས་བམ་དང་བྱང་ཆུབ་ལམ་རིམ་སོགས་ཀྱིས་ཆོས་སྐོར་རྒྱ་ཆེར་གསུངས། ཇོ་གདན་མཁན་པོ་ལས་བརྒྱད་སྟོང་པའི་ལུང་དང༌། གདུགས་དཀར་གྱི་དབང་གསན། རྒྱལ་མཆོག་ཡོན་ཏན་རྒྱ་མཚོ་འབྲས་སྤུངས་སུ་ཞབས་སོར་འཁོད་སྐབས་སྤྱན་རས་གཟིགས་ཕྱག་བཞི་པ་དང༌། མི་གཡོ་བའི་རྗེ་གནང་གསན། གཙང་ནག་དབུས་སུ་དཔུང་འཇུག་བྱེད་སྐབས། སྐུུ་སྲོག་གི་ཉེན་ཁ་ལ་མ་ལྟོས་པ་བར་ཆིངས་མཛད་པས་དབུས་གཙང་གཉིས་ཀ་བདེ་བ་ལ་བཀོད། དགུང་ལོ་བཞི་བཅུ་པ་ཆུ་བྱི་༡༦༡༢ལོར་ཐམས་ཅད་མཁྱེན་པ་ཡོན་ཏན་རྒྱ་མཚོ་དང༌། སྡེ་པ་དགའ་ལྡན་པ་མཆོད་ཡོན་གྱི་བཀའ་དང༌། སྟོད་རྒྱུད་གྲྭ་ཚང་གི་མོས་མཐུན་རྩེ་གཅིག་པ་ལ་བརྟེན་ནས། རྒྱུད་སྟོད་མཁན་ཁྲིར་ཕེབས། ཤིང་རྟ་ཆེན་པོ་ཀླུ་སྒྲུབ་ཞབས་ཀྱི་ཞལ་ལུང་ལས་འོང་པའི་བསྐྱེད་རྫོགས་ཀྱི་འཛུབ་ཁྲིད། འགྲེལ་པ་བཞི་སྦྲགས། རིམ་ལྔ་གསལ་སྒྲོན་སོགས་དཔག་པར་དཀའ་བའི་དོན་རྣམས་དཔྱིས་ཕྱིན་པའི་གསུང་བཤད་ཀྱིས་མཁས་པ་རྣམས་ཡིད་རང་དབང་དུ་ཕྲོགས་ཤིང༌། མཉམ་མེད་ཇོ་བོ་ཆེན་པོའི་བསྟི་གནས་ཡེར་པ་ལྷ་རི་སྙྙིང་པོ། ལེགས་པར་གསུངས་པའི་ཆོས་འདུལ་བ་ལས་བྱུང་བའི་དབྱར་ཞལ་བཞེས་དང༌། ཚོགས་པ་མཐའ་དག་འགྲེལ་བཤད་ཉན་པར་འབྱོན་དགོས་པའི་སྒྲིགས་སོགས་ལུགས་གཉིས་ཀྱིས་འཛིན་སྐྱོང་ཕུལ་དུ་བྱུང་བ་མཛད། སྔོན་རྒྱུད་པ་ཀུན་དགའ་དོན་གྲུབ་ཀྱིས་ཀྱང་སྨོན་ལམ་མཛད་འདུག་པ་ལྟར། རན་འཛད་བྱམས་པའི་དྲུང་དུ་བསྟན་པ་རྒྱས་པའི་སྨོན་ལམ་གནང་བས་ཐུགས་ཀ་ནས་བདུད་རྩིའི་རྒྱུན་དངོས་སུ་བབས། དགུང་ལོ་ཞེ་གསུམ་པ་ཤིང་ཡོས་༡༦༡༥ལོར་རིན་ཆེན་གླིང་གི་མཁན་པོར་ཕེབས། ལོ་དེར་སྐྱིད་ཤོད་དུ་ཕེབས་ནས་པཎ་ཆེན་བསོད་ནམས་གྲགས་པའི་སྐུུ་ཕྲེང་གསུམ་པ་སྤྲུལ་པའི་སྐུུ་བསོད་ནམས་དགེ་ལེགས་དཔལ་བཟང་ལས་བསྐྱེད་རིམ་དངོས་གྲུབ་རྒྱ་མཚོ་དང༌། ཚེ་དཔག་མེད་ལྷ་དགུའི་དབང༌། གུར་མགོན་གྱི་རྗེས་གནང་སོགས་གསན། དགུང་ལོ་ཞེ་དྲུག་པ་ས་རྟ་༡༦༡༨ལོར་སྐྱོར་མོ་ལུང་གི་གདན་སར་ཕེབས་ནས། མཛད་བརྒྱ་དཔག་བསམ་འཁྲི་ཤིང་སོགས་ཀྱི་ཆོས་སྐོར་རྒྱ་ཆེར་གསུངས། དགུང་ལོ་ཞེ་བདུན་པ་ས་ལུག་༡༦༡༩ལོར་གངས་རིའི་ལྗོངས་འདིས་འབྱུང་ཁུངས་གཅིག་པུ་གྱུར་པ་རྔོག་ལོ་ཙཱ་བ་བློ་ལྡན་ཤེས་རབ་ཀྱིས་ཆོས་ཀྱི་གདན་ཁྲིར་ཕེབས་ནས་ས་དགེའི་མཁས་པ་ཤིན་ཏུ་མང་པོ་ཚོགས་པའི་དབུས་སུ་གཞུང་ཆེན་དུ་མའི་བཤད་པ་རྒྱ་ཆེར་མཛད་པས་མཁས་པ་རྣམས་ཡིད་ཀྱི་བརྟན་པ་དབང་མེད་དུ་འཕྲོག་པ་བྱུང༌། རཏ་ནའི་གཏེར་ལུང་ལས། གསུང་ཕུའི་ཆོས་གྲྭར་འཇམ་དབྱངས་སྤྲུལ་པ་འབྱུང༌། ཅེས་གསུངས་པ་ཡང་རྗེ་འདི་ཉིད་ཡིན་པ་བཤད། དགུང་ལོ་ཞེ་བརྒྱད་པ་ལྕགས་སྤྲེལ་༡༦༢༠ལོར་གར་མིན་ཡོན་ཏན་གཡུང་དྲུང་གི་གདན་ས་རྫིང་ཕྱི་ཁྲི་ཐོག་ཏུ་ཕེབས། དགུང་ལོ་ཞེ་དགུ་པ་ལྕགས་བྱ་༡༦༢༡ལོར་མཐའ་དམག་ཀླ་ཀློའི་རིགས་ཧོང་ཐའི་ཇི་སོག་དམག་དབུས་སུ་སླེབས་ནས་གཙང་སྲིད་དང་གཡུལ་འཐབ་བྱེད་ཉེ་བ་ན། པཎ་ཆེན་བློ་བཟང་ཆོས་རྒྱན་དང༌། ལྕང་ལོ་ཅན་པ་ཚུལ་ཁྲིམས་ཆོས་འཕེལ། སྟག་ལུག་ཞབས་དྲུང་ངག་དབང་རྒྱལ། རྗེ་འདི་པ་སོགས་ཀྱིས་བོད་སོག་ཆིངས་མཐུན་མཛད་པའི་བཀའ་དྲིན་ལ་རྟེན་ནས་སྐྱེ་འགྲོ་སྟོང་ཕྲག་དུ་མ་ཚེ་སྲོག་གི་ཉེན་ཁ་ལས་གྲོལ། དགུང་ལོ་ང་གཅིག་པ་ཆུ་ཕག་༡༦༢༣ལོར་དཔལ་ལྡན་འབྲས་སྤུངས་མཁས་མང་བློ་གསལ་བྱེ་བའི་གླིང་གི་འཆད་ཉན་གྱིས་མཁན་ཁྲིར་ཕེབས་ཏེ། པཎ་ཆེན་བསོད་ནམས་གྲགས་པའི་ཡིག་ཆའི་སྟེང་ནས་དབུ་ཕར་སོགས་གཞུང་ཆེན་ཁག་གི་འཆད་ཉན་རྒྱ་ཆེར་སྤེལ་བ་རྟེན་ནས་ཆོས་སྡེ་འདིར་བཤད་དང་སྒྲུབ་པའི་བསྟན་པ་ཉི་མ་དང་ཟླ་བ་ལྟར་གསལ་བར་བྱས། སྐབས་འགར་ཞལ་ཤོབ་ཀྱི་ཚུལ་དུ་པཎ་ཆེན་བསོད་ནམས་གྲགས་པའི་ཡིག་ཆའི་བཟུང་མཚམས་འགའ་ཞིག་ལ་ཟུར་ཟ་རེ་གནང་སྟེ། པཎ་ཆེན་བསོད་གྲགས་བཞེངས་ཤིག་ཅེས་གསུངས་པར་ཕོད་ཁང་འཇམ་དབྱངས་གྲགས་པའི་པཎ་ཆེན་ཉིད་ཞལ་བཞུགས་ཡོད་ན་བཞེངས་ངེས་པར་མ་ཟད་ལན་གྱིས་ལྡོག་པ་མི་ནུས་པའི་གསུང་ལན་ཅིས་ཀྱང་གནང་ངེས། ཞེས་ཀྱང་གསུང་སྐུད་དེ་འཕྲོས་གླེང་ཙམ་མོ། དགུང་ལོ་ང་གསུམ་པ་ཤིང་གླང་༡༦༢༥ལོར་ཤར་པ་ཆོས་རྗེའི་ཡི་ཁྲིར་ཕེབས། ལོ་དེར་གོང་ས་ལྔ་པ་ཆེན་པོས་པཎ་ཆེན་བློ་བཟང་ཆོས་རྒྱན་གྱི་དྲུང་ནས་དགེ་ཚུལ་གྱི་སྡོམ་པ་བཞེས་དུས་རྗེ་འདི་ཉིད་སློབ་དཔོན་དང་སྒོ་མང་ཞལ་སྔ་ནས་སངས་རྒྱས་བཀྲིས་ཀྱིས་དུས་བསྒོ་བ་མཛད། དེའི་ཕྱི་ལོར་མེ་སྟག་༡༦༢༦ཧོར་ཟླ་ལྔ་པའི་ནང༌། འཇམ་མགོན་རྒྱལ་བ་གཉིས་པའི་གདན་ས་དགའ་ལྡན་རྣམ་པར་རྒྱལ་བའི་གླིང་གི་གསེར་ཁྲིར་ཞབས་སེན་འཁོར་ལོའི་རེ་ཁ་མངོན་པར་བཀོད་དེ། བྱང་ཆུབ་ལམ་གྱི་སྒྲོན་མ་དང་བཀའ་གདམས་གླེགས་བམ་སོགས་ཆོས་ཚུལ་རྒྱ་ཆེར་གསུངས། ལོ་དེའི་ཟླ་བ་གསུམ་པའི་ཚེས་ལྔར་ལྷ་ལྡན་ཇོ་བོའི་མདུན་པཎ་ཆེན་བློ་བཟང་ཆོས་རྒྱན་གྱི་དྲུང་ནས་གོང་ས་ལྔ་པ་ཆེན་པོས་དགེ་སློང་གི་སྡོམ་པ་བཞེས་སྐབས་གསང་སྟོན་གནང་དུ་ ༡༧༣། དགུང་ལོ་ང་ལྔ་པ་མེ་ཡོས་༡༦༢༧ལོར་ཆོ་འཕྲུལ་ཆེན་མོའི་ཚོགས་དབུར་ཕེབས་ཏེ་དཔག་བསམ་འཁྲི་ཤིང་དང་སྐྱེས་རབས་སོ་བཞི་པའི་བཤད་པ་རྒྱ་ཆེར་གནང༌། དགུང་ལོ་ང་བདུན་པ་ས་སྦྲུལ་༡༦༢༩ལོར་ལྷོ་ཁ་ཁུལ་དུ་ཞབས་སོར་འཁོད་སྐབས་ཕྱོགས་དེར་ཐན་པ་ཆེན་པོ་བྱུང་བར་རྗེ་འདིས། ཁོ་བོ་པཎ་ཆེན་བྱམས་པ་གླིང་པའི་སྐྱེ་བ་ཡིན་ན། ཆར་ཆེན་པོ་ཕོབ་ཅིག་ཅེས་བདེན་ཚིག་བརྗོད་པས། དེ་ནུབ་ནས་ཆར་རྒྱུན་ཤིན་ཏུ་ཆེན་པོ་འབབ་པ་དང་པཎ་ཆེན་བྱམས་པ་གླིང་པའི་རྣམ་འཕྲུལ་དུ་གྲགས། དགུང་ལོ་རེ་ལྔ་པ་མེ་གླང་༡༦༣༧ལོར་དགའ་ལྡན་རྣམ་པར་རྒྱལ་བའི་གླིང་གི་དངུལ་གྱི་བྱང་ཆུབ་མཆོད་རྟེན་ནོར་བུའི་ཕྲ་ཚོམ་ཅན་གསར་བཞེངས་དང་རབ་གནས་གནང༌། དགུང་ལོ་དོན་གཉིས་པ་ཤིང་སྤྲེལ་༡༦༤༤ལོར་དབང་ཕྱོགས་རྒྱབ་ཁབ་ཀྱི་གན་མཛོད་ལས་བྱུང་བའི་བཟང་གོས་ཡུག་སུམ་ཅུའི་གྲངས་ལྡན་ལས་གྲུབ་པའི་རྒྱལ་བ་ཙོང་ཁ་པ་ཆེན་པོའི་གོས་སྐུུ་ཆེན་མོ་གསར་བཞེངས་མཛད། རྗེ་བླ་མའི་གསེར་སྦྱངས་གཙང་མའི་བསྟན་པ་རིན་པོ་ཆེ་འདི་ཉིད་བཤད་སྒྲུབ་ལས་གསུམ་གྱི་སྒོ་ནས་རྒྱ་ཆེར་སྤེལ་བཞིན་མི་ལོ་བཅུ་གཉིས་ཙམ་བསྐྱངས། རབ་བྱུང་བཅུ་གཅིག་པའི་མེ་ཡོས་༡༦༢༧ལོར་ྋརྒྱལ་དབང་སྐུུ་ཕྲེང་ལྔ་པ་ངག་དབང་བློ་བཟང་རྒྱ་མཚོའི་ཡོངས་འཛིན་གནང༌། ྋགོང་ས་ལྔ་པ་ཆེན་པོར་ཕར་ཚད། འདུལ་མཛད། དབུ་མ་སྟེ་གཞུང་ཆེན་ལྔ་ཀའི་ཟབ་ཁྲིད་རྒྱ་ཆེར་མཛད་པར་མ་ཟད་སྡེ་བཞིའི་སྲིད་ཀྱི་སྟངས་འཛིན་ཀྱང་རྒྱ་ཆེར་སྐྱོང་གནང་བས་རྗེ་འདི་ཉིད་ྋགོང་ས་ལྔ་པ་ཆེན་པོ་དང༌། གཞུང་ས་དགའ་ལྡན་ཕོ་བྲང་པ་ལ་བཀའ་དྲིན་ཤིན་ཏུ་ཆེ་བར་མངོན། འཛམ་གླིང་མཛེས་པའི་རྒྱན་གཅིག་གྲུ་འཛིན་གཉིས་པའི་ཕོ་བྲང་པོ་ཏ་ལ་ད་ལྟར་མཐོང་ཆོས་སུ་ཡོད་པ་འདི་ཉིད་ཀྱང་རྗེ་གླིང་སྨད་ཞབས་དྲུང་པ་འདི་ཉིད་ཀྱིས་ྋགོང་ས་ལྔ་པ་ཆེན་པོ་ལ་ཞུ་བསྐུུལ་གནང་བ་ལས་ལེགས་གྲུབ་བྱུང་བ་ཡིན་ཏེ། དེ་ཡང་སྤྱི་ལོ་༡༦༤༣བོད་ཆུ་ལུག་ལོར་ལྔ་པ་ཆེན་པོར་གྲོས་འགོ་ཕུལ་བ་ཞིག་ཡིན་ཏེ། རང་རྣམ་དུ་ཀུའི་གོས་བཟང་ལས་ྋགོང་ས་ཏཱ་ལའི་བླ་མ་མཆོག་སེ་ར་ཐེག་ཆེན་གླིང་དུ་བཞུགས་དུས། གླིང་སྨད་ཞབས་དྲུང་རིན་པོ་ཆེ་གསང་ཕུ་ནས་ཕེབས། སེ་ར་གཟིམ་ཁང་གི་ཐོག་ཏུ་ཞབས་འཆག་སྐབས། གཟིགས་རྟོག་གནང་བའི་རྙིང་མའི་ལུང་བསྟན་འདྲ་ལ་ཡོད་ཟེར་བ་བདེན་མི་བདེན་ཇི་ལྟར་ཡང༌། དམར་ལྕགས་གཉིས་སྦྲེལ་བའི་བཙན་རྫོང་ཤིན་ཏུ་རྒྱ་ཆེ་བ་ཞིག་བྱུང་ན་སེ་འབྲས་གཉིས་དང་ཟུང་དུ་འབྲཻལ་བའི་འཕྲལ་ཕུགས་སུ་བརྟན་བརླིང་ཆེ་ཞིང༌། ཐུགས་རྗེ་ཆེན་པོའི་གནས་ཡིན་པས་མ་ཎི་སྒྲུབ་སྡེ་ཞིག་ཚུགས་ན་མཆོད་ཡོན་གོ་ཤྲི་དང་སྡེ་པར་ཟེར་གཉིས་ཀྱི་སྐུ་སྡིག་སྦྱོང་བ་ལ་ལེགས་ཚུལ་ཕེབས་པར། སོག་པོ་ཡོད་རིང་ནི་སྐྱོན་མི་ཡོང༌། དེ་མིན་རྫོང་ལ་འཕྲ་བའི་ཐུགས་རྩིས་སྡེ་པ་ལའང་ཡོད་མདོག་མ་ཁ་ཞུས་པས། དེ་ལྟར་ན་བདེ་གཟར་འདི་འདྲ་སློང་དོན་ཅི་ཡོད། ཐུགས་ལྷུས་ཐིང་པོ་མཛད་ལོས་དགོས། སྔར་ཡང་བདེ་གཟར་འབྲཻལ་མེད་རེ་བསླངས། མཐའ་མ་ཚེས་པར་བྱང་ལ་བརོས་པས་བསྟན་པ་ལ་ཉམ་ཆག་བྱུང་བ་ཡིན། ད་ཆ་བྱ་བ་འདི་ལ་ཐུག་ཚེ་རྗེ་བཙུན་ཙོང་ཁ་པ་ཆེན་པོའི་བསྟན་པ་འདི་ཆུ་ལ་བསྐུར་ན་མི་ཡོང་བས་མ་ལེ་སོར་གསུམ་ཞལ་དུ་བཅུག་ནས་མདུང་ཁྲག་མེད་དུ་མ་ལོག་པ་ཞིག་དགོས་ཞེས་འཕྲལ་ཕུགས་རྒྱང་གསུམ་གྱི་སློབ་སྟོན་རྒྱས་པར་གནང༌། ཆོས་ཕྱོགས་ལ་འཇམ་དཔལ་དབྱངས་དང་གཉིས་སུ་མེད་པར་མ་ཟད། འཇིག་རྟེན་གྱི་ཆར་ཡང་མེས་པོ་ཚངས་པའི་བློ་གྲོས་ཀྱི་དཔེ་ཟླར་འོས། ཞེས་བསྔགས་བརྗོད་ཆེན་པོ་མཛད་འདུག་པ་ལྟར་ཐུགས་ལ་བབས་ཏེ་སྡེ་པ་བསོད་ནམས་ཆོས་འཕེལ་དང་བཀའ་གྲོས་མཛད་ནས་སྤྱི་ལོ་༡༦༤༥བོད་རབ་བྱུང་བཅུ་གཅིག་པའི་ཤིང་བྱ་ལོར་རྩེ་ཕོ་བྲང་དཀར་པོའི་རྨང་འདིང་བའི་འགོ་ཚུགས་པ་ཡིན་ནོ། །འཆད་རྩོད་རྩོམ་གསུམ་དང་མཁས་བཙུན་བཟང་གསུམ་གྱི་རྣམ་ཐར་བཟང་པོའི་འཕྲིན་ལས་ལ་བརྟེན་ནས་དབུས་གཙང་ཁུལ་གྱི་མཁས་པ་དང་གྲུབ་པའི་སྐྱེས་ཆེན་ཕལ་བོ་ཆེ་རྗེ་འདིའི་ཞལ་སློབ་ཏུ་གྱུར། དགུང་ལོ་དོན་བཞི་པ་རབ་བྱུང་བཅུ་གཅིག་པའི་མེ་ཁྱི་༡༦༤༦ལོ་ཧོར་ཟླ་གསུམ་པའི་ཚེས་གཉིས་ལ་བདེ་ཆེན་གསང་སྔགས་མཁར་དུ་དགོངས་པ་ཆོས་དབྱིངས་སུ་ཐིམ། གདུང་རྟེན་དངུལ་གྱི་མཆོད་རྟེན་དགའ་ལྡན་རྣམ་པར་རྒྱལ་བའི་གླིང་གི་ལི་མ་ལྷ་ཁང་དུ་ཤར་གྱི་རྟེན་གཙོ་གཡས་ཀྱི་གཉིས་པར་བཞུགས། གསུང་ལས་སྐྱེས་པའི་སློབ་མ་ཡང་ྋགོང་ས་ལྔ་པ་ཆེན་པོ་ངག་དབང་བློ་བཟང་རྒྱ་མཚོ་དང༌། ཕོད་ཁང་འཇམ་དབྱངས་བཀྲིས། རྒྱུད་སྟོད་དབུ་མཛད་འོལ་ཁ་རབ་འབྱམས་པ་བྱམས་པ་རྣམ་རྒྱལ། སྒོ་མང་དགེ་བཤེས་དོམ་ཉག་བསོད་ནམས་ཆོས་བཟང༌། འབུར་སྟག་པ་ངག་དབང་དཔལ་བཟང༌། རྟ་ཚག་རྗེ་དྲུང༌། སྤྲུལ་པའི་སྐུུ་གྲགས་པ་རྒྱལ་མཚན། ངག་དབང་སྤྲུལ་སྐུུ། གཟིམས་ཁང་རབ་འབྱམས་པ་དོན་འགྲུབ་རྒྱ་མཚོ། གླིང་སྟོད་ཆོས་རྗེ། སྐྱེད་ཚལ་མཁན་པོ། སྐྱིད་ཤོད་སྡེ་བ་ཆོས་རྗེ་སོགས་བསྟན་འཛིན་གྱི་སྐྱེས་ཆེན་དམ་པ་ཤིན་ཏུ་མང་པོ་བསྐྱངས།

ཁྲི་ཐོག་སོ་དྲུག་པ་ཀོང་པོ་བསྟན་འཛིན་ལེགས་བཤད་ནི། ཤར་ཕྱོགས་ཀོང་ཡུལ་བཀྲ་ཤིས་རབ་བརྟན་དུ་བལྟམས་ཤིང༌། སྐུ་ན་ཆུང་དུས་ནས་གཙས་བློ་གྲོས་བརྟན་པའི་གདན་ས་དྭགས་པོ་བཤད་སྒྲུབ་གླིང་དུ་སྒྲིག་ཞུགས་གནང༌། ཀ་ཁ་ནས་བཟུང་ཡི་གེ་སྦྱོར་ཀློག་དང་ཆོས་སྤྱོད་ཆོ་ག དབུ་ཕར་སོགས་གཞུང་ཆེན་པོར་སྦྱངས་ཏེ་མཁས་པར་གྱུར། སྐབས་དེའི་དགེ་ལྡན་པའི་གནས་བརྟན་རྒན་གྲས་ཀུན་གྱི་གྲོས་མོལ་གྱིས་དབུས་སུ་གདན་དྲངས་ནས་རྒྱུད་སྟོད་སྨད་དང་ཤར་བྱང་གང་ཡང་མ་བརྒྱུད་པར། རབ་བྱུང་བཅུ་གཅིག་པའི་མེ་གླང་༡༦༣༧ལོར་འཇམ་མགོན་རྒྱལ་བ་གཉིས་པའི་གསེར་ཁྲིར་ཞབས་སོར་འཁོད། བཤད་སྒྲུབ་འཁོར་ལོ་གསུམ་གྱི་འཕྲིན་ལས་རྒྱ་ཆེར་འཕེལ་ཡང༌། དེ་སྔོན་་ཀོང་པོའི་གྲྭ་རྒྱུན་རྣམས་དགའ་ལྡན་ཤར་བྱང་གང་མོས་སུ་འཛུལ་ཞུགས་བྱེད་སྲོལ་ལས་ངེས་གཏན་ཐོབ་ཁོངས་ཀྱི་ཀྲིག་ཅར་མེད་པ་དང༌། ཁྲི་ཆེན་འདི་པ་ཡང་ཤར་བྱང་ཐུན་མོང་བ་ཡིན་ཡང༌། བྱང་རྩེ་པ་རྣམས་ཀྱིས་རང་ཁོངས་ཡིན་ཤག་གཞིར་གཟུང་གིས་ཁྲི་པ་འདིའི་རྗེས་ཐོག་ཏུ་ཤར་པ་ནས་ངེས་ཅན་མི་དགོས་ཞེས་སྨྲས་པས། བསྟན་པའི་གད་ཆག་ལྟ་བུས་དགའ་ལྡན་ཤར་འི་དཔུང་གིས་ཁྲི་ནཙན་འཕྲོགས་བྱས་པས། ཤར་བྱང་དབར་འཁྲུགས་པ་ཚབས་ཆེར་ལངས། ཁྲི་པ་རང་ཡང་ཁྲི་མཐའ་མ་འཁྱོངས་པར་ཁམས་དཔལ་འབར་དུ་བྲོས་སྟབས་ཀྱིས་ཕེབས་དགོས་བྱུང༌། རྩོད་སྙོག་འདིའི་ཁ་མ་འདུམ་པར་སྡེ་པ་གཙང་པ་ཀརྨ་བསྟན་སྐྱོང་དབང་པོ་ལ་ཞུས་པས་བརྩད་ཞིབ་ནན་གནང་གིས་ཐག་གཅོད་བཀའ་ལུང་ཕྱིར་ཕེབས་སུ། ད་ནས་བཟུང་སེར་འབྲས་དགའ་གསུམ་དང༌། མངའ་དྭགས་རྒྱལ་གསུམ་གང་ནས་དགའ་ལྡན་གསེར་ཁྲིར་ཕེབས་ན་ཡང༌། དགའ་ལྡན་ཤར་བྱང་གི་ཁྲིར་བརྒྱུད་དགོས་པ་དང༌། དེ་ཡང་ཤར་བྱང་གི་བླ་མ་རེས་མོས་ཀྱིས་གསེར་ཁྲིར་ཕེབས་བཞུགས་གནང་བ་ལས་ཐད་བརྒལ་དུ་ཕེབས་མི་ཆོག་པ་དང༌། ཁྲིར་ཕེབས་རྗེས་ཁྲི་པ་ལོ་ངོ་བདུན་ངེས་ཅན་དུ་བྱེད་དགོས་པའི་གཏན་འབེབས་གནང༌། དེ་ནས་བཟུང་དགའ་ལྡན་ཕོ་བྲང་གསར་འཛུགས་བྱས་པའི་རྗེས་སུའང་ལུགས་སྲོལ་དེ་བཞིན་རྒྱུན་ཆགས་སུ་གནས་པར་མ་ཟད། རྒྱལ་མཆོག་སྐུུ་ཕྲེང་བདུན་པ་བསྐལ་བཟང་རྒྱ་མཚོའི་སྐུུ་དུས་སུ་ལུགས་སྲོལ་དེ་ཉིད་སོར་གནས་ཐོག །རྒྱུད་གྲྭ་སྟོད་སྨད་གཉིས་ཀྱི་མཁན་བླ་རིམ་པར་བརྒྱུད་དགོས་རྒྱུ་དང༌། སྐབས་མཚམས་སུ་གཞུང་འབྲེལ་བསྐོ་བཞག་བསྐྱངས་ཏེ་ཁྲི་འདོན་དང་པོ་རྒྱལ་བའི་ཕོ་བྲང་ནང་དང༌། དེ་རྗེས་དགའ་ལྡན་དུ་གནང་རྒྱུ་བཅས་ཀྱི་སྲོལ་ཚུགས། དགའ་ལྡན་ཁྲི་འདོན་གྱི་གོང་དུ་རྩམ་ཐོག་ཅེས་པའི་གྲོང་ཁྱིམ་ཞིག་ཏུ་སྔོན་རྗེ་རིན་པོ་ཆེ་དགའ་ལྡན་དུ་བཞུགས་སྐབས་གསོལ་ཞིབ་འཐག་བྱེད་རང་འཐག་ཆུང་ངུ་བཀོལ་ཟད་ཅན་གཞུང་གི་དམ་འབྱར་མ་ཞིག་ཡོད་འདུག་པ་དུས་དེར་གཞུང་ནས་ཆེད་བཏང་གི་འབྲུ་ཡོས་ཚད་ཅན་འཁྱེར་བའི་རྩེ་ཞབས་ཀྱིས་དམ་ཕྲུག་བཤིགས་ཏེ། ཁྲི་ལས་ཐོག་པས་ཕྱག་བསྟར་གྱིས་གསོལ་ཞིབ་བཏགས་པར་མང་ཉུང་ཇི་ཐོན་གྱིས་རྟགས་དང་མཚན་མ་བཟང་ངན་གྱི་རྟེན་འབྲེལ་རྟོག་སྲོལ་ཡང་དུས་སྐབས་དེར་བྱུང་བར་སྣང་ངོ༌། ཁྲི་ཆེན་འདི་ཉིད་ཀྱི་དོན་སྐྱོན་ལས་དགའ་ལྡན་ཤར་བྱང་འཁྲུགས་རྗེས་ཀོང་པོ་བ་རྣམས་བྱང་རྩེའི་ཁོངས་སུ་ངེས་པར་བྱས་པས་ད་ལྟའི་བར་དེ་བཞིན་གནས། ཁྲི་ཆེན་འདི་ཉིད་ཁམས་དཔལ་འབར་དུ་བྲོས་བྱོལ་དུ་ཕེབས་པའི་རྗེས། ཁུལ་དེར་བསྟན་པའི་བྱ་བ་རྒྱ་ཆེར་སྤེལ་བཞིན་གཞིས་དགོན་དེར་རབ་བྱུང་བཅུ་གཅིག་པའི་ལྕགས་སྦྲུལ་༡༦༤༡ལོར་སྐུུ་ཚེ་འཕེན་པ་ཡོངས་སུ་རྫོགས། གདུང་རྟེན་མཆོད་སྡོང་ཁམས་ཀྱི་དཔལ་འབར་དགོན་དུ་བཞུགས། དགའ་ལྡན་ཁྲི་རྣམ་འགའ་ཞིག་ཏུ་འདིས་སྤྱི་ལོ་༡༦༣༢ ནས་ ༡༦༣༧བར་དགའ་ལྡན་ཁྲི་འཛིན་གནང་ཚུལ་དང༌། ཡང་ཁ་ཅིག་གིས་སྤྱི་ལོ་༡༦༣༨ ནས་ ༡༦༤༣བར་ཁྲི་འཛིན་གནང་ཚུལ་འཁོད་འདུག་པ་གཉིས་ཀ་ྋགོང་ས་ལྔ་པས་མཛད་པའི་འཇམས་དབྱངས་བླ་མ་དཀོན་མཆོག་ཆོས་འཕེལ་གྱི་རྣམ་ཐར་དང་དུ་ཀུ་ལའི་གོས་བཟང་གླེགས་བམ་དང་པོ། སྡེ་སྲིད་ཀྱི་བཻ་སེར་བཅས་ལ་ཞིབ་ཏུ་གཟིགས་ན་ཁུངས་ལུང་རྣམ་དག་མེད་པ་ཤེས་ཐུབ་པ་ཡིན།

དགའ་ལྡན་ཁྲི་ཐོག་སོ་བདུན་པ་ཆོས་རྗེ་དགེ་འདུན་རིན་ཆེན་ནི། མདོ་ཁམས་དང་རྒྱའི་ས་མཚམས་འཇང་ཞབས་སུ་འཁྲུངས། སྐུུ་ན་ཆུང་དུས་ནས་དབུས་འགྱུར་ཆོས་ཀྱི་ཞིང་ས་བཤད་སྒྲུབ་འཆད་ཉན་གྱི་ཆུ་བོ་ཆེན་པོ་འདུ་བའི་སྨན་ལྗོངས་བོད་ཡུལ་དུ་ཕེབས། སེ་ར་སྨད་སྤོམ་ར་ཁང་ཚན་དུ་ཞུགས་ནས་གཞུང་ཆེན་བཀའ་པོད་ལྔ་ལ་འགྲན་ཟླ་མེད་པའི་མཁས་པར་བསླབས། རྒྱུད་སྟོད་དུ་སྔགས་ཀྱི་ཐུགས་གཉེར་དཔྱིས་ཕྱིན་པར་མཛད་དེ། རྒྱུད་སྟོད་དང༌། ཤར་རྩེ་རིམ་པ་རྒྱུད་ནས་རབ་བྱུང་བཅུ་གཅིག་པའི་མེ་གླང་༡༦༣༧ལོར་ཀོང་པོ་བསྟན་འཛིན་ལེགས་བཤད་གསེར་ཁྲིར་བཞུགས་བཟོད་མ་བདེ་བར་ཁམས་དཔལ་འབར་དུ་ཕེབས་པའི་ཤུལ་དགའ་ལྡན་གྱི་ཁྲི་ཚབ་བྱས་ཏེ་མི་རིང་བར་ཁྲི་ཆེན་བསྟན་འཛིན་ལེགས་བཤད་ཁམས་ནས་ཞི་བར་གཤེགས་པ་དང༌། དགའ་ལྡན་ཁྲི་བ་དངོས་ཀྱི་མཚན་གནས་འཆང༌། ཁྲི་རྣམ་གཞན་དང་གཞན་དུ་འདི་ཉིད་སྤྱི་ལོ་༡༦༤༤ ནས་ ༡༦༤༨ཁྲི་པ་གནང་ཚུལ་དང༌། ཁ་ཅིག་གིས་སྤྱི་ལོ་༡༦༣༧ ནས་༡༦༤༡བར་ཁྲི་པ་གནང་ཚུལ་འཁོད་པ་གཉིས་ཀའི་ཁུངས་མ་དག་པར་སེམས། དེ་ཡང་ཁྲི་ཆེན་གོང་མ་ཀོང་པོ་བསྟན་འཛིན་ལེགས་བཤད་གློ་བུར་གསེར་ཁྲི་ལས་བྱོལ་ནས་བྲོས་བྱོལ་དུ་ཕེབས་པའི་རྒྱུད་རིམ་ལ་ཞིབ་འཇུག་གནང་ན་ཤེས་ཐུབ་པ་ཡིན། ཁ་གསལ་དུ་བཏང་ནས་བཤད་ན་སྤྱི་ལོ་༡༦༣༧ ནས་ ༡༦༤༡བར་མི་ལོ་ལྔའི་རིང་ཁྲི་ཚབ་དང༌། དེ་ནས་སྤྱི་ལོ་༡༦༤༢ ནས་༡༦༤༨བར་ལོ་ངོ་བདུན་གྱི་རིང་ལ་ཁྲི་པ་དངོས་གནང་བར་སེམས་ཏེ། དེ་ལྟར་བྱས་ན་ལྔ་པ་ཆེན་པོའི་དུ་ཀུ་ལའི་གོས་བཟང་གླེགས་བམ་དང་པོ་ལས། ཆུ་རྟ་༡༦༤༢ཧོར་ཟླ་དྲུག་པའི་ཚེས་གཅིག་ལ་སེ་ར་ཐེག་ཆེན་གླིང༌། རྒྱད་སྟོད་པ། རྨི་རུ་བ་སོགས་ཀྱི་སེར་སྦྲེང་དང་བྲོ་གཞས་ཀྱི་རྩེད་སྣ་མང་པོས་མདུན་བསུས་ཀླུ་ཕུག་གླིང་ཁར་ཕྱིན་ཏེ་སྒར་བྱས་ནས་ཞག་བཅོ་ལྔ་ཙམ་བསྡད། མཆོད་ཡོན་ཐུན་མོང་ནས་སེར་གསོག་ཆེན་མོ་ཞིག་མཛད། དགའ་ལྡན་གྱི་ཁྲི་རིན་པོ་ཆེ་ལྗངས་རམས་པས་དབུ་གནང་རྩེ་ཤར་གཉིས་དང་བཅས་པ་ཕེབས། བཞུགས་གྲལ་གྱི་སར་ཁྲི་རིན་པོ་ཆེས་རྒྱལ་པོ་ལ་བསྟན་པ་བཟུང་བའི་བསྔགས་བརྗོད་ཅུང་ཟད་དང་ཤར་བ་ཟུར་བཞུགས་དབོན་པོར་གྲགས་པས་དབུགས་དབྱུང་རྒྱ་ཆེར་མཛད། ཅེས་གསུངས་པ་དང་ཡང་མཐུན་པར་སྣང་ངོ༌། །འདི་ཉིད་ཁྲི་ཚབ་དང་ཁྲི་པ་གནང་པའི་དབུས་གཙང་དབར་སྡེ་གཟར་སྔ་ཕྱི་སྟུད་མར་བྱུང་འདུག་སྟེ། སྡེ་ ༨༥༢ མེ་གླང་༡༦༣༧ལོར་སོག་རིགས་གུ་ཤྲིས་ཆ་ཧར་ཆོག་ཐུ་རྒྱལ་པོ་བཅོམ་ནས་མཚོ་སྔོན་ཡོངས་རྫོགས་དབང་བསྒྱུར་བྱས། དེ་རྗེས་ཁམས་སུ་བཙན་འཛུལ་བྱས་ཏེ་བེ་རི་རྒྱལ་པོ་གཏོར་ཕམ་གཏོང་ནས་ཁམས་ཀྱི་ས་གནས་ཡོངས་རྫོགས་བཟུང་བྱས་ཏེ་ཁྲལ་ཁུར་འུལ་རྒྱུག་གིས་གནར་གཅོད་ཚབས་ཆེར་གཏོང༌། དེ་རྗེས་དབུས་སུ་དཔུང་བཏེགས་ཏེ་སོག་པོའི་བསླུ་བྲིད་འོག་དབུས་སོག་སེར་འབྲས་མཉམ་སྡེབ་ཀྱིས་གཙང་སྲིད་ལ་རྒོལ་འཛིངས་ཤུགས་ཆེར་བྱས་ཏེ་དབུས་གཙང་གི་བོད་འབངས་ཁྲི་ཁྲག་མང་པོའི་ཚེ་སྲོག་ལ་གད་ཆག་བྱུང༌། མཐར་དབུས་༡༦༤༢ལོར་སོག་དམག་གིས་གཞིས་ཀ་བསམ་འགྲུབ་རྩེ་ཡོངས་སུ་བསྐོར་ཏེ། སྲིད་གཞུང་སོག་དམག་གི་ལག་འོག་ཏུ་ཤོར། མི་དབང་ཀརྨ་བསྟན་སྐྱོང་དབང་པོ་དང་བློན་པོ་རྟ་ནག་འོ་རློན་པ་སོགས་དཔོན་གཡོག་ཉུང་ངུ་བཅས་བྲོས་བྱོལ་གྱིས་གབ་ཡིབས་བྱས། རྒྱལ་དབང་ཀརྨ་པ་དང་ས་སྐྱ་གོང་མས་བར་དཔང་གནང་ནས་ས་སྐྱོང་ཆེན་པོ་སོག་ཇག་གི་ལག་འོག་ནས་སྲོག་ཁྲིམས་ལས་ཐར་བར་བྱ་རྒྱུའི་གན་རྒྱ་ཡི་གེ་བྱས་ཀྱང༌། སྡེ་པ་བསོད་ནམས་རབ་བརྟན་པའི་ངན་ཇུས་ཀྱིས་ཀོང་པོ་ཇ་མ་ཆོས་དབྱིངས་ཟེར་བའི་གའུའི་ནང་ཀརྨ་པའི་ཕྱག་བྲིས་དམ་འབྱར་མར་སེར་འབྲས་མིང་མེད་དུ་གཏོར་རྒྱུ་དང༌། རྒྱལ་བ་ཡབ་སྲས་ཀོང་པོར་བཟང་བཙོན་དུ་འཇུག་རྒྱུ་ཡིན་ཚུལ་གྱི་ཡི་གེ་རྫུན་མ་བྱས་ཏེ་གུ་ཤྲི་བསྟན་འཛིན་ཆོས་རྒྱལ་ལ་ཕུལ་བས། རྐྱེན་དེས་རྒྱལ་པོས་གན་རྒྱ་ལ་མ་རྩིས་པར་གཙང་རྒྱལ་དཔོན་བློན་རྐྱེན་ལམ་དུ་བཏང༌། བཀའ་བསྟན་ཆགས་འཇིགས་ལ་གྱར་ཞིང་རྒྱལ་དབང་ཀརྨ་པ་ཡབ་སྲས་དབུས་སུ་བཞུགས་བཟོད་མ་བདེ་ནས་འཇང་ཡུལ་དུ་བྲོས་དགོས་པ་སོགས།༧༣༠ མདོར་ན་སྔ་ཕྱི་ལོ་ངོ་བཅུ་གཉིས་རིང་དགའ་ལྡན་གསེར་ཁྲི་ལ་བཞུགས་རིང༌། དབུས་གཙང་གི་སྡེ་གཟར་ཁྲོད་བདུད་ཀྱི་ཆོ་འཕྲུལ་སྙིང་ལ་ཞུགས་པའི་སྡེ་པ་དང་མཛད་པ་དེ་དག་གི་ལག་ཆར་མ་སོང་ཞིང༌། སོག་རིགས་དཔོན་པོ་དག་ལ་ངོ་དགའ་དང་མཇལ་ཁ། འབུལ་ཚན་སོགས་སྣ་གཅིག་ཀྱང་གནང་རབས་ཀྱི་ལོ་རྒྱུས་ཚིག་འབྲུ་གཅིག་ཀྱང་མེད་པས་སུས་ཀྱང་གཡོ་བ་མེད་པར་གསེར་གྱི་རི་བོ་དང་འོ་མའི་རྒྱ་མཚོ་ལྟ་བུའི་བབ་བརླིང་བརྟན་གསུམ་གྱི་རྣམ་ཐར་བཟང་པོ་བདག་གིར་བསྐྱངས་འདུག་པ་འདི་ནི་ཆོས་གོས་འོག་ནས་ཆབ་སྲིད་ཀྱི་དུག་མདའ་འཕངས་ནས་བོད་ཀྱི་བསྟན་སྲིད་རྗེ་འབངས་དང་བཅས་པ་ཉམས་ཉེས་པའི་གནས་ལ་བཀོད་མཁན་ལ་བསྟན་འཛིན་སྐྱེས་ཆེན་གྱི་མཚན་བསྟོད་ཕུལ་བ་དག་དང་མི་འདྲ་བར་ངེས་དོན་གྱི་ཆོས་ཀྱི་རྒྱལ་པོ་ཆེན་པོ་ཉིད་དུ་འཁུམས་སོ། །དེ་ལྟར་ཁྲི་ཚབ་ལོ་བཞི་དང་ཁྲི་པ་ལོ་ངོ་བརྒྱད་དེ་སྔ་ཕྱིར་གསེར་ཁྲི་ལ་ལོ་ངོ་བཅུ་གཉིས་བཞུགས་ནས་བསྟན་པ་ལ་བྱ་བ་རྒྱ་ཆེར་མཛད་བཞིན་པའི་མུར་རབ་བྱུང་བཅུ་གཅིག་པའི་ས་བྱི་༡༦༤༨ལོར་དགོངས་པ་ཆོས་དབྱིངས་སུ་ཐིམ།

ཁྲི་ཐོག་སོ་བརྒྱད་པ་དྭགས་པོ་བསྟན་པ་རྒྱལ་མཚན་ནི། དྭགས་ཡུལ་གྲོ་མདར་འཁྲུངས། སྐུུ་ན་ཆུང་དུས་ནས་ཤར་ཕྱོགས་བསྟན་པའི་སྒྲོན་མེ་དྭགས་པོ་གྲྭ་ཚང་དུ་མདོ་ཕྱོགས་པོད་ལྔའི་གཞུང་ལུགས་ལ་མཁས་པ་བསླབས། དེ་ནས་དཔལ་ལྡན་སྨད་རྒྱུད་དུ་གསང་བ་སྔགས་ཀྱི་ཟབ་ལམ་རྡོ་རྗེའི་རྣལ་འབྱོར་ལ་བྱང་ཞིང་ཆུབ་པར་མཛད། རྒྱུད་སྨད་བླ་མ་དང་མཁན་ཁྲི། བྱང་རྩེ་རིམ་པ་བཞིན་ཕེབས། དུ་ཀུ་ལའི་གོས་བཟང་༡ ༢༢༦ ལས། སྤྲེལ་༡༦༤༤ལོར་ལྷ་རྩེ་སྐུ་སྐྱེ་ལྷོ་བྲག་ལྷ་ཁང་གི་དེ་ཡིན་པའི་ཕྱོགས་ཀྱིས་འབྲུག་པ་ནང་ཁུལ་དུ་སྔར་གྱི་སྲི་ངན་ལྡང་གྲབས་ཀྱིས་འཐེན་ཁྱེར་སྐབས་ནས་ལྷ་རྩེ་སྤྲུལ་སྐུ་ལྷ་སར་འབྱོར་བའི་བརྟག་པ་དགོས་ཚུལ་བྱུང་བ་སྐུ་སྐྱེའི་རིགས་འདི་མོ་ཕྱྭས་ནི་མི་ཐིངས། ཐུགས་དམ་གྱི་བརྟག་པ་ནི་རི་བོང་གི་རར་འདུག ལན་ཅི་འདྲའི་བཏབ་པ་དགའ་སྙམ་ཙ་ན་དེ་ནུབ་རྨི་ལམ་དུ་དགའ་ལྡན་ཁྲི་རིན་པོ་ཆེ་ཆོས་རྒྱལ་བཀྲ་ཤིས་ཡིན་ཁུལ་ཞིག་གིས་ཕུར་པའི་ཀ་མ་རུ་པའི་རྡོ་ལས་གྲུབ་པ་ཞིག་གཏད་བྱུང་བ་པད་གདན་གྱི་ངོས་ལ་ལྷ་བྲག་ལྷ་ཁང་གི་གཏེར་ཡིན་ཞེར་བའི་ཡི་གེ་སྣང༌། བླ་མ་དེས་རྡོ་འདི་ཁྲོ་དྲགས་ནས་ཆག་དོགས་འདུག་གསུངས། དེ་གའི་མུས་ལ་སེམས་ཉིད་ངལ་གསོར་གྱུར་པ་ཞིག་བྱུང་བ་ཡི་དམ་ཕུར་པ་ལ་མོས་པའི་བག་ཆགས་ཡིན་ཤས་ཆེ་རུང་གཅང་པ་རྒྱ་རས་སྤྱན་རས་གཟིགསཀྱི་སྤྲུལ་པ་བྱེད་འདུག་པས་སྐུ་སྐྱེས་རྟགས་དང་ངེས་འཛིན་ཡང་རྫུན་དུ་མི་འགྲོ་བ་འདྲ་བསམས། ལྷ་ཁང་གི་དེ་ཡིན་ཤས་ཆེ་ཞེས་ལན་བཏབ། ཞེས་གོང་ས་ལྔ་པའི་གཟིམས་ལམ་དུ་རྗེ་འདིས་གཟིགས་སྣང་གིས་ལྷ་རྩེ་སྐུ་སྐྱེ་གང་ཡིན་ངོས་འཛིན་གྱི་ལུང་བསྟན་གནང་ཚུལ་གསུངས་པར་དཔག་ན་ས་ལམ་གྱི་རྟོགས་པ་མཐོན་པོར་བསྙེགས་པའི་སྐྱེས་ཆེན་དམ་ཞིག་ཏུ་མ་ཟད་གོས་ས་ལྔ་པ་ཆེན་པོ་དང་ཐུགས་སྣང་ཤིན་ཏུ་གཤིན་པའང་དཔོག་ནུས་སྙམ། དགའ་ལྡན་ཁྲི་ཐོག་བརྒྱ་པ་ཆོས་རྗེ་བློ་བཟང་ཉི་མས་རྒྱུད་སྨད་གཡའ་དག་འཕྲུལ་གྱི་མེ་ལོང་ལས། ཁྲི་ཆེན་འདིའི་མཚན་ལ་ཆོས་རྒྱལ་བཀྲ་ཤིས་ཞེས་ཀྱང་འབྱུང་བ་དག་མིན་བརྟག་དགོས་གསུངས་འདུག་པར་དག་པའི་ཁུངས་སུ་དུ་ཀཱུ་ལའི་ལུང་འདི་ལ་བརྟེན་ནས་ཤེས་ཐུབ། རབ་བྱུང་བཅུ་གཅིག་པའི་ས་བྱི་༡༦༤༨ལོར་གསེར་ཁྲིར་འཁོད་དེ་ཆོས་ཀྱི་འཁོར་ལོ་བསྐོར་བཞིན་པའི་མུར་ལོ་དེ་ག་རང་ལ་སྐུུ་་ཞི་བར་གཤེགས།

དགའ་ལྡན་ཁྲི་ཐོག་སོ་དགུ་པ་དཀོན་མཆོག་ཆོས་བཟང་ནི། སྟོད་ལུང་གི་སའི་ཆར་སྐུུ་འཁྲུངས། ཆུ་བཟང་དགོན་དུ་བསྟན་པ་རིན་པོ་ཆེའི་སྒོར་ཞུགས། སྐུ་ན་སོན་པ་དང་དཔལ་ལྡན་འབྲས་སྤུངས་ཀྱི་བཀྲ་ཤིས་སྒོ་མང་གྲྭ་ཚང་དུ་ཆོས་ཞུགས་ཀྱིས་འདུལ་མངོན་དབུ་ཕར་བཅས་ལ་གཞན་དྲིང་མི་འཇོག་པའི་མཁས་པར་བསླབས། ཆུ་གླང་༡༦༢༥ལོ་ཆོ་འཕྲུལ་སྨོན་ལམ་ཆེན་མོའི་སྐབས། གཙུག་ལག་ཁང་གི་མཎྜལ་ར་བའི་མཆོད་ཁང་དུ་ཞལ་གཟིགས་པའི་ཁྲི་གསུམ་གཤིབས་ཀྱི་དབུས་སློབ་དཔོན་པཎ་ཆེན་རིན་པོ་ཆེ་བློ་བཟང་ཆོས་རྒྱན་དང༌། དེའི་གཡས་སུ་རྒྱལ་དབང་ལྔ་པ་ཆེན་པོ་སྐུུ་ན་ཆུང་དུས་ གཡོན་དུ་དགའ་ལྡན་ཁྲི་ཐོག་སོ་ལྔ་པ་གླིང་སྨད་ཞབས་དྲུང་འཇམ་དབྱངས་བླ་མ་དཀོན་འཕེལ། དེའི་གཡོན་དུ་གཟིམས་ཁང་གོང་སྤྲུལ་པའི་སྐུུ་རིན་པོ་ཆེ་གྲགས་པ་རྒྱལ་མཚན་བཅས་དགེ་ལྡན་པའི་ཁྲི་ཡོད་བླ་ཆེན་ཁག་གིས་གཙོས་བོད་སོག་གསུམ་གྱི་སྐྱེ་བོ་ཁྱིམ་པའི་ཁྲོམ་སྐོར་ལམ་གྱི་ས་བཀབ་པ་ལྟ་བུ་དང༌། གདན་ས་ཁག་གི་དགེ་འདུན་སྟོང་ཕྲག་དུ་མ་ཚོགས་པའི་དབུས། ཆུ་བཟང་པ་དཀོན་མཆོག་ཆོས་བཟང་འདི་ཉིད་དང༌། བློ་གསལ་གླིང་གི་འབུར་སྟག་པ་ངག་དབང་དཔལ་བཟང༌། བཀྲིས་སྒོ་མང་གི་དོམ་བསྙག་པ་བསོད་ནམས་ཆོས་བཟང༌། བསམ་བློ་ལྡན་མ། དྭགས་པོ་དཀའ་བཅུ་བཅས་རབ་འབྱམས་པའི་གྲྭ་སྐོར་མཛད། རིགས་པ་སྨྲ་བ་བརྒྱ་ཕྲག་བརྒལ་བར་ལུང་རིགས་ཀྱི་བགྲོ་གླེང་རྒྱ་ཆེར་ཕུལ་བར་དཀའ་གནད་ཕྲ་རགས་ཀུན་ལ་ཆགས་ཐོག་མེད་པའི་གསུང་ལན་གནང་བ་ལ་བརྟེན་མཁས་པའི་མཚན་སྙྙན་གང་སར་བརྡལ། ལྷ་ལྡན་སྨོན་ལམ་ཆེན་མོའི་ནང་གཞུང་ལུགས་རབ་འབྱམས་སྨྲ་བའི་གྲྭ་སྐོར་མཛད་པ་མཁན་ཚོའི་མཚན་སྙན་རྒྱས་པའང་འདི་ནས་མགོ་བཙུགས་སོ་སྙམ། རྒྱུད་སྟོད་དུ་རྡོ་རྗེ་ཐེག་པའི་སྐོར་གྱི་ཐུགས་གཉེར་མཛད། སྟོད་རྒྱུད་དང༌། ཤར་རྩེ་རིམ་པར་བརྒྱུད་ནས་རབ་བྱུང་བཅུ་གཅིག་པའི་ས་བྱི་༡༦༤༨ལོར་ཁྲི་ཆེན་དྭགས་པོ་བ་གློ་བུར་ཞི་བར་གཤེགས་པའི་ཚབ་ཏུ་འཇམ་མགོན་བླ་མའི་གདན་སར་ཕེབས། ༡༦༥༣ཧོར་ཟླ་བཅུ་པའི་ཚེས་བཅུ་དྲུག་ལ་གོང་ས་ལྔ་པ་སྟོན་འཁོར་རྒྱ་ནག་ནས་དབུས་སུ་ཕྱིར་འཁོར་སྟེ་སྐྱིད་ཤོད་དུ་ཐེགས་པར་ཁྲི་ཆེན་འདི་ཉིད་དང༌། ཤར་ཆེན་འཇམ་དཔལ་དབྱངས་བྱམས་པ་རྣམ་རྒྱལ། གདན་ས་གསུམ་གྱི་གྲྭ་ཚང་ཁག་གི་མཁན་སློབ་སྣ་ཆེན་བརྒྱད་སོགས་ཕེབས་བསུར་བཅར། ཕན་ཚུན་ཐུགས་སྣང་ཤིན་ཏུ་གཤིན་པའི་གསུང་གླེང་གནང༌།དུ་༡ ༤༣༥ ལོ་བདུན་གྱི་བར་ཆོས་འཁོར་བསྐོར། ཁྲི་ལས་ཟུར་ནས་རབ་བྱུང་གཅིག་པའི་ཤིང་རྟ་༡༦༥༤ལོའི་དགའ་ལྡན་ལྔ་མཆོད་ཆེན་མོའི་སྐབས་རླུང་འཚུབ་ཤིན་ཏུ་ཆེ་བའི་རྐྱེན་གྱིས་སེར་འབྲས་སོགས་རི་འདབས་སུ་ཡོད་པའི་དགོན་སྡེ་ཁག་གིས་གླིང་མེ་སྤར་མ་ཐུབ་ཅིང༌། དགའ་ལྡན་ཁང་གསར་དུ་གླིང་མེ་ལྟ་ཞོག་མཆོད་ཀོང་རྣམས་ཀྱང་རླུང་འཚུབ་ཀྱིས་ཁྱེར་བའི་རྟེན་འབྲེལ་ཉེས་པ་བྱུང་བ་ནི། བོད་ཁམས་སྤྱིའི་ལོ་ཏོག་ལེགས་ཉེས་ལ་བལྟ་བར་གྲགས་པ་དོན་ལ་གནས་མིན་ཇི་ལྟར་ཡང་ཞྭ་སེར་ཅོད་པན་འཆང་པ་རྣམས་ཀྱི་ལེགས་ཉེས་ངེས་པར་བསྟན་པ་ཞིག་སྣང་ཞེས་གོང་ས་ལྔ་པའི་རང་རྣམ་དུ་ཀུ་ལའི་གོས་བཟང་དུ་གསུངས་པ་ལྟར། ལོ་དེའི་བོད་ཟླ་བཅུ་གཉིས་པའི་ཚེས་བདུན་ཉིན་དགེ་ལྡན་པའི་སྦྱིན་བདག་སོག་རིགས་གོ་ཤིའ་བསྟན་འཛིན་ཆོས་རྒྱལ་ཞེས་བསྙྙད་པ་དེ་ཉིད་ཚེ་ལས་འདས་པར། ྋགོང་ས་ལྔ་པ་ཆེན་པོས་ཐུགས་བརྩེ་བ་ཆེན་པོས་འཕོ་བ་གནང་ཡང་ཁོ་བ་སྡིག་སྒྲིབ་ཤིན་ཏུ་ཆེ་བས་རྟགས་འཐོན་པ་མ་བྱུང་བར་རང་མར་བཞག་པའི་རོ་དེ་ཉིད་ཕྱི་ལོའི་༡༦༥༥ཧོར་ཟླ་བཅུ་གཅིག་པའི་ཚེས་ཉེར་དྲུག་ཉིན། ྋགོང་ས་ལྔ་པ་ཆེན་པོས་འཇིགས་བྱེད་བཅུ་གསུམ་མའི་སྒོ་ནས་རབ་གནས་འབྲིང་པོའི་ཆོ་ག་ཚང་བ་བྱས། དེ་དང་དུས་མཚུངས་སུ། །དགའ་ལྡན་ཁང་གསར་དུ་དགའ་ལྡན་ཁྲི་ཟུར་དཀོན་མཆོག་ཆོས་བཟང་རིན་པོ་ཆེ་འདི་ཉིད་ཕེབས་ཏེ་ཞུགས་འབུལ་དང་སྦྲགས་ཐུགས་སྨོན་རྒྱ་ཆེར་གནང༌། ཚེས་ཉེར་བདུན་ཉིན་ལྔ་པ་ཆེན་པོ་གྲོང་སྨད་མཆོད་ཁང་ནས་འབྲས་སྤུངས་སུ་འབྱོར་ནས་ཁྲི་ཟུར་རིན་པོ་ཆེ་འདི་ཉིད་དང་འཇལ་འཕྲད་གསུང་གླེང་གནང་ཚུལ་ཡང་དུ་ཀུ་ལའི་གོས་བཟང་དུ་གསལ། ལྕགས་བྱི་༡༦༦༠་ལོའི་སྨོན་ལམ་ཆེན་མོའི་སྐབས་ལྔ་པ་ཆེན་པོ་མཛད་བྲེལ་ཆེ་བ་དང་ཁྲི་ལས་ཐོག་པ་མངའ་རིས་བ་དཔལ་ལྡན་རྒྱལ་མཚན་ཕྱོགས་ཕེབས་ལ་བརྟེན། རྗེ་འདི་ཉིད་སླར་ཡང་དགའ་ལྡན་གསེར་ཁྲི་ཐོག་ཕེབས་ནས་སྨོན་ལམ་ཚོགས་དབུ་གནང༌། སྐྱེས་རབས་དང་ལམ་རིམ་གྱི་ཆོས་བཀའ་རྒྱ་ཆེར་བསྩལ་བ་དང༌། རིན་ཆེན་གླིང༌། གསང་སྔགས་མཁར་སོགས་སུ་འགྲོ་བའི་དོན་རླབས་པོ་ཆེ་མཛད་པས་མཚོན། འཇམ་མགོན་རྒྱལ་བ་གཉིས་པའི་བསྟན་པ་འདི་ཉིད་བཤད་སྒྲུབ་ལས་གསུམ་གྱི་སྒོ་ནས་བླ་ན་བཏེགས། གཞན་ཡང་སྡེ་པ་ནོར་བུའི་སྡེ་གཟར་དང་ལྔ་པ་ཆེན་པོའི་དབར་འཆིང་འདུམ་གང་དྲག་ཞུས་པ་སོགས་འཇིག་རྟེན་ལུགས་ཀྱི་གཟིགས་པ་ཡང་ཤིན་ཏུ་དཀྱེལ་ཆེ་བ་ངེས་ཏེ། མཐར་དགུང་ལོ་གྱ་བདུན་པར་རྒྱལ་བ་འཇམ་དཔལ་སྙྙིང་པོའི་དྲུང་དུ་གཤེགས་པའི་སྐུ་གདུང་དངུལ་གྱི་ཆོ་འཕྲུལ་མཆོད་རྟེན་ལི་མ་ལྷ་ཁང་ཤར་གྱི་གཙོ་བོའི་གཡོན་གྱི་དང་པོ་ན་བཞུགས་སོ།།

དགའ་ལྡན་ཁྲི་ཐོག་བཞི་བཅུ་པ་མངའ་རིས་པ་དཔལ་ལྡན་རྒྱལ་མཚན་ནི། སྟོད་མངའ་རིས་ཀྱི་ཆ་སྤི་ཏི་གྲང་མཁར་དུ་བལྟམས། སྔོན་གྱི་བག་ཆགས་བཟང་པོ་ཡོངས་སུ་སད་དེ་བསྟན་པའི་འབྱུང་ཁུངས་དབུས་ཕྱོགས་སུ་ཕེབས། ཆོས་འཁོར་རྒྱལ་གྱི་གྲྭ་ཚང་ལྔའི་ནང་ཚན་མཁས་མང་ངང་པ་འདུ་བའི་མཚོ་ཆེན་པོ་མངའ་རིས་གྲྭ་ཚང་དང༌། རྒྱུད་སྨད་དུ་མདོ་སྔགས་ཀྱི་ཐུགས་གཉེར་ཡང་དག་པར་མཛད། རྒྱུད་ཀྱི་འཆད་ཉན་དང༌། བྱང་རྩེ་ནས་རིམ་པ་བཞིན། རབ་བྱུང་བཅུ་བཅུ་གཅིག་པའི་ཤིང་རྟ་༡༦༥༤ལོར་རྗེ་བཙུན་ཙོང་ཁ་པ་ཆེན་པོའི་གསེར་ཁྲིར་ཕེབས། མེ་སྤྲེལ་༡༦༥༦ཧོར་ཟླ་དང་པོའི་ཚེས་ཉེར་དགུ་ཉིན་ྋགོང་ས་ལྔ་པ་ཆེན་པོ་ཟུར་ཆོས་དབྱིངས་རང་གྲོལ་པས་ཚལ་ཆོས་ཁྲི་བླ་བྲང་དུ་གདན་དྲངས་པའི་ཞོར་ལ་ཁྲི་རིན་པོ་ཆེ་འདི་ཉིད་ཀྱིས་བདེ་ཆེན་གསང་སྔགས་མཁར་དུ་གདན་དྲངས་ནས། དེ་གའི་འདུས་དམངས་ལ་དགའ་ལྷ་དང་འབྲེལ་བའི་དམིགས་བརྩེ་མའི་ལུང་ཞུས། རྟེན་གཙོ་རན་ཛབ་བྱམས་པར་སྨོན་ལམ་འདེབས་གསོལ་ཞུས་པ་ལྟར་གནང༌། མེ་སྦྲུལ་༡༦༥༧ཧོར་ཟླ་དང་པོའི་ནང་ཁྲི་རིན་པོ་ཆེ་འདི་ཉིད་དང་ཤར་བྱང་གི་ཆོས་རྗེ། འབྲས་སེར་དགའ་གསུམ་གྱི་མཁན་ལས་འདུས་སྡེ་དང་བཅས་པ་སྤྱི་མགྲིན་ནས། ཕོ་བྲང་པོ་ཏ་ལའི་ཚོམས་ཆེན་དུ་རྒྱལ་དབང་ལྔ་པ་ཆེན་པོའི་སྐུུ་ཚེ་ཡུན་དུ་བརྟན་པའི་ཆེད་བརྟན་བཞུགས་གསོལ་འདེབས་ཀྱི་འབུལ་བ་གཏོས་ཆེན་བཏེགས་པས་ལྔ་པ་ཆེན་པོའི་སྐུུ་ཚེ་བར་ཆད་སེལ་བའི་རྟེན་འབྲེལ་ལེགས་པར་བྱུང་སྣང་སྟེ། དུ་ཀུ་ལའི་གོས་བཟང་ལས། ལོ་ཆེན་པོ་སོན་ཀྱང་བྱིང་གི་དངོས་པོ་བསྟར་ཏེ་དུས་ཀྱི་ཕོ་ཉ་ལས་རྒྱལ་བའི་རྟེན་འབྲེལ་བསྒྲིགས་ཞེས་གསུངས་པས་སོ། ། རྒྱུན་ལྡན་སྨོན་ལམ་ཚོགས་དབུར་རྒྱལ་དབང་ལྔ་པ་ཆེན་པོ་ཕེབས་སྲོལ་ཡོད་ཀྱང༌། ས་ཁྱི་༡༦༥༨ལོ་ལ་སྡེ་བ་བསོད་ནམས་རབ་བརྟན་ཚེ་ལས་འདས་པ་དེ་ཉིད་ཆབ་སྲིད་ཀྱི་དགོས་དབང་སླད་གསང་རྒྱ་དམ་པོ་བྱེད་དགོས་བྱུང་རྐྱེན་ས་ཕག་༡༦༥༩སྨོན་ལམ་ཚོགས་དབུར་ཕེབས་མ་ཐུབ་པས་ཁྲི་ཆེན་འདི་ཉིད་ཀྱིས་སྨོན་ལམ་ཆེན་ཆུང་སྦྲེལ་ཏེ་ཚོགས་དབུ་མཛད། འདི་ནས་བཟུང་ལྔ་པ་ཆེན་པོ་མཛད་བྲེལ་ཇེ་ཆེར་ཕྱིན་སྟབས་ཁྲི་ཆེན་རིམ་བརྒྱུད་སྨོན་ལམ་ཁྲིར་ཕེབས། ལོ་དེའི་ཟླ་བ་གཉིས་པའི་ཚེས་བཅུ་བཞི་ལ་དཔལ་ལྡན་འབྲས་སྤུངས་ཀྱི་འདུ་ཁང་ཆེན་མོར་ཚོགས་ཆེན་ཐོག་གདན་ས་ཆེན་པོ་དགའ་ལྡན་ནས་ཁྲི་རིན་པོ་ཆེ་འདི་ཉིད་ཀྱིས་དབུས་གནང་བའི་རི་བོ་དགེ་ལྡན་པའི་མཁན་སློབ་དང༌། སེར་འབྲས་ཀྱི་མཁན་སློབ་སོགས་གདན་ས་གསུམ་གྱི་དགེ་འདུན་སྟོང་ཕྲག་དུ་མ་ལྷན་དུ་ཚོགས་པར་སྟག་རྩེས་ས་སྐྱོང་རྡོ་རྗེ་རྣམ་རྒྱལ་གྱིས་སྦྱིན་བདག་མཛད་དེ། མཆོད་ཡོན་ལྷན་རྒྱས་སྐུུ་ཚེ་ཡུན་དུ་གནས་པའི་བརྟན་བཞུགས་སྨོན་ལམ་གནང་ཚུལ་དུ་ཀུ་ལའི་གོས་བཟང་དུ་གསལ། དུ་ ༥༣༤ ས་ཕག་༡༦༥༩ལོར་ཕྱག་མཛོད་བསོད་ནམས་རབ་བརྟན་གྱི་ཚ་བོ་གད་ཁ་སའི་མག་པ་སྡེ་པ་ནོར་བུ་གཙང་གི་རྫོང་སྡོད་སྐབས་རང་གི་ཞང་པོ་བསོད་ནམས་རབ་བརྟན་དགོངས་རྫོགས་འདས་འཇུག་མཆོད་འབུལ་ཡག་པོ་མ་བྱས་པར་བསྙྙད་དེ་རྒྱལ་དབང་ལྔ་པར་བློ་ལོག་གིས་སྡེ་གཟར་སློང་བའི་སྐབས་རྗེ་འདི་ཉིད་ཁྲི་ལས་ཐོབ་པ་ཡིན་ཞིང༌། འདི་ཉིད་དང༌། དགའ་ལྡན་ཁྲི་ཟུར་དཀོན་མཆོག་ཆོས་བཟང༌། ཤར་པ་ཆོས་རྗེ་བློ་བཟང་རྒྱལ་མཚན། བྱང་རྩེ་ཆོས་རྗེ་དམ་ཆོས་རྣམ་རྒྱལ་སོགས་ཀྱིས་ནན་ཆེན་པོས་བར་འཆིང་མཛད་འདུག་སྟེ། དུ་ཀུ་ལའི་གོས་བཟང་ལས་༥༦༠། ཧོར་ཟླ་བཅུ་གཅིག་པའི་ཚེས་མགོ་ལ་དགའ་ལྡན་ཁྲི་གདན་ཟུར་གྱི་ཞབས་ཕྱིར་བྱང་རྩེ་ཆོས་རྗེ་དམ་ཆོས་རྣམ་རྒྱལ། ཤར་པ་ཆོས་རྗེ་རྩེད་ཐང་པ། སེར་འབྲས་དགེ་གསུམ་གྱི་སློབ་དཔོན། ཁམས་ཚན་གྱི་སྣ་ཆེན། དགེ་རྒན། ཉི་སྡིང་ཏྲེ་བོ་སྐུུ་སྐྱེ། སྟག་ལུང་ཕྱག་མཛོད་རྣམས་འབྱོར་བའི་སྡེ་པ་ནོར་བུ་དེ་ཉིད་ཀྱི་སྐུུ་མཆེད་ཡིན་ཚུལ་སོགས་རྒྱུ་མཚན་རྒྱས་པར་བྱུང་ལན། སྡེ་པ་དེ་ཉིད་དང་སྐུུ་རུས་གཅིག་པའི་མཆེད་དང་བུ་ཚ་རྒྱུད་ནི་གཅིག་ཀྱང་མེད། ཕ་མ་མིང་སྲིང་དང༌། མ་སྤུན་སོགས་ལ་བསྙྙད་ན་སྡེ་པ་ནོར་བུ་ལས་ཁ་རབ་པའི་ནང་སོ་གཉིས་མི་ཉེ་རྒྱུ་མེད་ཅིང་ཕོའང་ཁོང་གཉིས་རྒོད། སྐྱིད་ཤོད་དང་ཤུན་གྱི་དྲུང་འཁོར་རྣམས་གཉེན་ལ་གཉེན་འཁོར་དུ་སོང་བས་གཉེན་ཚན་ཡིན་ཚད་ལ་བདག་རྐྱེན་བྱེད་དགོས་བྱུང་ན་སྐྲ་ཕྱིའང་མི་ལང༌། རྩེ་གདོང་བདག་ཆེན་ངེད་ཀྱི་ཚ་རིགས་ཡིན་པ་རྒྱུ་མཚན་དུ་བྱས་ནས་ལྷ་ས་སྨོན་ལམ་གྱི་ཚོགས་དབུར་ས་ཞུ་དམར་སིང་ངེ་གདན་དྲངས་ན་སྐབས་སུ་ཨེ་བབ། བོད་ཁྲི་སྐོར་བཅུ་གསུམ་འདི་བསྟན་འཛིན་ཆོས་རྒྱལ་གྱི་ངེད་ལ་སྤྲད་པ་ལས་ཁོང་ཞང་ཚན་གཉིས་དང་ཐུན་མོང་དུ་མ་སྤྲད། ད་ལོའི་བྱེད་བབ་འབངས་གྱེན་ལོག་ཡིན་མིན་གྱི་རྒྱུ་མཚན་ཞིབ་ཏུ་མོལ། ཁྲི་རིན་པོ་ཆེ་ལས་ཐོག་པའི་ཞབས་ཕྱིར་སེར་འབྲས་ཀྱི་སློབ་དཔོན་རེ་དང་བཅས་བར་ཆིངས་སུ་འབྱོན་བཞེད་པ་བདེ་གཟར་གྱི་སྐབས་འདར་ཕྱར་རྒྱག་ལྡིང་གསུམ་དགོས་པ་ཞིག་འདུག་ཀྱང་ཐུགསབསམ་དག་པ་ལས་གནད་འགག་ཆེན་པོ་རང་ཡོད་མདོག་མ་ཁ་རུང་ཐུགས་དང་བསྟུན། ཞེས་འབྱུང་བས་སོ། ལྕགས་བྱི་༡༦༦༠ལོར་མངའ་རིས་ཕྱོགས་སུ་གདན་དྲང་པ་ལྟར་ཕྱོགས་དེར་ཕེབས་ནས་བཤད་སྒྲུབ་གཉིས་ཀྱི་སྒོ་ནས་ཐུབ་བསྟན་སྤྱི་དང་འཇམ་མགོན་རྒྱལ་བ་གཉིས་པའི་ལུགས་བཟང་བླ་ན་སྤེལ། ནད་མུག་སད་སེར་སོགས་ཀྱི་རྒྱུན་བཅད། སླར་དབུས་སུ་ཕྱིར་ཕེབས་ཏེ་རྒྱལ་བ་གཉིས་པའི་གསེར་ཁྲི་ལ་བཞུགས་ནས་འགྲོ་དོན་རྒྱ་ཆེན་བསྐྱངས་མཐར་རབ་བྱུང་བཅུ་པའི་ཆུ་སྟག་༡༦༦༢ལོར་ཁྲི་ལས་ཟུར་ཏེ། མངོན་དགར་ཟུར་དུ་བཞུགས་ནས་རྭ་སྒྲེང་དང༌། བདེ་ཆེན་གསང་སྔགས་མཁར། གསལ་ཁང༌། ཞོགས་གུང་མངོན་རྣམས་ཀྱི་ཞལ་འཛིན་གནང་ཞིང་དེ་དག་ལ་སྔ་ཕྱིར་ཆོས་ཀྱི་འཁོར་ལོ་རྒྱ་ཆེར་བསྐོར། མཐར་དགུང་ལོ་དོན་གསུམ་ཐོག་གཤེགས་ཤིང༌། སྐུ་གདུང་དངུལ་ལས་བསྐྲུན་པའི་བྱང་ཆུབ་མཆོད་རྟེན་བདེ་གཤེགས་ལྷ་ཁང་གི་བྱང་ཕྱོགས་སུ་བཞུགས། དེའི་སྤྲུལ་སྐུུ་ལ་མོར་འཁྲུངས་པར་ཁྲི་སྤྲུལ་བྱང་རྩེ་བར་གྲགས་ཞེས་ཚུལ་བཻ་སེར་དུ་གསུངས།

དགའ་ལྡན་ཁྲི་ཐོག་ཞེ་གཅིག་པ་རྩེད་ཐང་བློ་བཟང་རྒྱལ་མཚན་ནི། རང་བྱུང་བཅུ་པའི་ལྕགས་ཕག་༡༥༩༩ལོར་དབུས་ཀྱི་གཡོ་རུའི་ཆ་རྩེད་ཐང་དུ་འཁྲུངས། སྐུུ་ན་ཆུང་དུས་ནས་བཟང་པོའི་བག་ཆགས་ཡོངས་སུ་སད་དེ་སྟག་ཚང་རྭ་བ་སྟོད་པའི་ཆོས་སྒོར་ཞུགས་ནས་རབ་ཏུ་བྱུང་ཐོག་ཡི་གེ་སྦྱོར་ཀློག་དང་བསྡུས་ཚད་དབུ་ཕར་འདུལ་མཛོད་བཅས་ལ་དཀའ་སྤྱོད་འབད་པ་དྲག་པོས་རིང་དུ་བསླབས་ཏེ་མདོ་ཕྱོགས་ཀྱི་གྲྭ་སྐོར་མཛད། དེ་ནས་དཔལ་ལྡན་སྟོད་རྒྱུད་དུ་ཞུགས་ནས་རྒྱུད་སྡེ་སྤྱི་དང་ལྷག་པར་བདེ་གསང་འཇིགས་ཀྱི་རྩ་བཤད་རྒྱུད་འགྲེལ་ཆ་ལག་དང་བཅས་པར་མཁས་པར་བསླབ་སྟེ། མདོ་སྔགས་གཉིས་ཀར་གཞན་དྲིང་མི་འཇོག་པའི་མཁས་པའི་གོ་ས་བརསྙེས། པཎ་ཆེན་བློ་བཟང་ཆོས་རྒྱན། འཇམ་དབྱངས་བླ་མ་དཀོན་མཆོག་ཚེས་འཕེལ་སོགས་སྐྱེས་ཆེན་དུ་མའི་དྲུང་ནས། མདོ་སྔགས་ཀྱི་ཟབ་ཆོས་མང་པོའི་བཀའ་ལུང་མན་ངག་ཞུས། དཔལ་ལྡན་སྟོད་རྒྱུད་གྲྭ་ཚང་གི་བླ་མ་དང་མཁན་ཁྲི་རིམ་པར་བསྐྱངས་ཏེ་རྒྱུད་ཀྱི་འཆད་ཉན་རྒྱ་ཆེར་སྤེལ། དེ་ནས་ཤར་རྩེ་རྒྱུད། རབ་བྱུང་བཅུ་པའི་ཆུ་སྟག་༡༦༦༢ལོར་དགའ་ལྡན་རྣམ་པར་རྒྱལ་བའི་གླིང་གི་རྒྱལ་བ་གཉིས་པའི་རྒྱལ་ཚབ་ཏུ་མི་འཇིགས་སེང་གེའི་ཁྲི་འཕང་མཐོན་པོར་འཛེགས་ཏེ། ལོ་དེའི་ཧོར་ཟླ་དང་པོའི་ནང་གོང་ས་ལྔ་པ་ཆེན་པོའི་བཀའ་དགོངས་བཞིན་ཆོ་འཕྲུལ་སྨོན་ལམ་ཆེན་མོའི་ཚོགས་དབུར་ཕེབས་ཏེ་སྐྱེས་རབས་ཚོགས་བཤད། པོ་ཏ་ལར་ཕེབས་ཏེ་སྐྱབས་མགོན་ལྔ་པ་དང་མཇལ་འཕྲད་ཞུས་ནས་ཐུགས་སྣང་ཤིན་ཏུ་གཤིན་པའི་གསུང་གླེང་གནང༌། དུ་༡ ༦༢༠ གཙང་ནས་པཎ་ཆེན་བློ་བཟང་ཆོས་རྒྱན་དགོངས་པ་ཞི་བར་གཤེགས་པའི་དགོངས་རྫོགས་མཆོད་འབུལ་རྒྱ་ཆེར་ཞུས། ཆུ་ཡོས་༡༦༦༣ལོར་ལྷ་ལྡན་སྨོན་ལམ་ཚོགས་དབུར་ཕེབས་ཞོར་པོ་ཏ་ལར། སྐྱབས་མགོན་ལྔ་པ་ཆེན་པོ་མཇལ་འཕྲད་དུ་བཅར། དེ་ནས་སྨོན་ལམ་ཚོགས་དབུར་ཕེབས་ཏེ་རྒྱུན་ལྡན་བཞིན་སྐྱེས་རབས་སོགས་ཀྱི་ཆོས་བཀའ་བསྩལ། དུ་༡ ༦༥༥ ལོ་དེའི་ཧོར་ཟླ་ལྔ་པའི་ཚེས་གཅིག་ལ་དགའ་ལྡན་ཁྲི་གདན་ཟུར་དང༌། རྩེ་ཤར་རྒྱུད་སྟོད་སྨད། སློབ་ཆུང་གཉིས། ལྔ་མཆོད་པ། བཀྲིས་ལྷུན་པོའི་གྲྭ་ཚང་གསུམ་ཀྱི་སློབ་དཔོན། མགྲོན་གཉེར་དཀའ་ཆེན་དགེ་འདུན་ཚུལ་ཁྲིམས་བཅས་འབྱོར་བའི་སོ་སོ་ནས་དངོས་འབྱོར་གྱ་ནོམ་པ་བཏེགས་ཏེ་ལྷན་ཅིག་ཏུ། གོང་ས་རྒྱལ་དབང་ལྔ་པ་ཆེན་པོ་ལ་བརྟན་བཞུགས་སྨོན་ལམ་གྲ་རྒྱས་ཞུས། དུ་༡ ༦༦༣ ཧོར་ཟླ་བཅུ་གཅིག་པའི་ཚེས་ཉེར་ལྔ་ཉིན་ཁྲི་ཆེན་འདི་ཉིད་དང་བྱང་རྩེ་ཆོས་རྗེ། བཅོ་བརྒྱད་ཁྲི་ཆེན་རིན་པོ་ཆེ། སྐྱོ་ལུང་མཁན་པོ་བཅས་སྐྱབས་མགོན་ལྔ་པ་ཆེན་པོ་མཇལ་ཁར་བཅར་ནས། བསྟན་འགྲོར་སྨན་པའི་གསུང་གླེང་གནང་དུ་༦༧༩མེ་སྟག་༡༦༦༦ཧོར་ཟླ་དང་པོའི་ཚེས་གསུམ་ལ་སྨོན་ལམ་ཚོགས་དབུར་ཕེབས་ཞོར་པོ་ཏ་ལར་ལྔ་པ་ཆེན་པོ་མཇལ་ཁ་དང༌། ལོ་དེའི་བྱམས་པ་གདན་འདྲེན་གྱི་ཉིན་ཁ་བ་ཤིན་ཏུ་ཆེ་བ་བབས་ཏེ་རི་ཀླུང་ཀུན་དཀར་པོར་སོང༌། སེར་སྦྲེང་པ་དང༌། ཆོས་སྐྱོང་གི་སྤྱན་གཟིགས་ཚ་སྦང་བ་ཞིག་བྱུང་བ་དེ་འདྲ་སྔར་བྱུང་མ་མྱོང་ཞིང༌། རྒྱུན་ལྡན་བཤད་སྲོལ་ལྟར། དེ་ནས་བཟུང་ལོ་མང་ཞིག་ཏུ་ནད་ཡོམ་མུ་གེ་སོགས་མ་བྱུང་ཞིང་ལྔ་པ་ཆེན་པོ་མཆོད་ཡོན་ཡང་སྐུུ་ཚེ་བར་གེགས་མ་བྱུང་བས་བཟང་ལྟོས་སུ་གྲགས་དུ་༢། ༡༥ ཧོར་ཟླ་དྲུག་པའི་ནང༌། ཞབས་དྲུང་པའི་ཕྱག་མཛོད་ཕུན་ཚོགས་རབ་བརྟན་པས་དཔོན་སློབ་ཞབས་དྲུང་རིན་པོ་ཆེའི་ཡང་སྲིད་འཁྲུལ་བྲལ་ངོས་འཛིན་དགོས་པའི་ཞུ་བ་ནན་ཆེར་ཕུལ་སྐབས། ལྔ་པ་ཆེན་པོས། སྤྱན་ལྔ་པ་དང༌། འབྲུག་པ་པད་དཀར་ལྟ་བུ་རྩོད་གཞི་ཅན་གྱི་སྤྲུལ་སྐུུ་གཉིས་རེ་བྱུང་ན་རྩོད་རྙོག་དང་མཛད་དཀའ་ཆགས་རྒྱུ་ཉག་གཅིག་ལ་བརྟེན། སྔོན་ནས་དོ་དམ་ཚགས་ཚུད་གནང་གལ་དང༌། དེ་ཡང་དགའ་ལྡན་ཁྲི་ཆེན་འདི་ཉིད་ཀྱིས་རྗེའི་དངུལ་སྡོང་དང་རྭ་སྒྲེང་མཁན་པོས་ཇོ་བོ་འཇམ་དཔལ་རྡོ་རྗེའི་སྤྲན་སྔར་ཟས་བརྟག་དྲིལ་རྒྱུའི་བཀའ་གནང་བས་མཚོན་ཁྲི་ཆེན་འདི་ཉིད་ལ་གདེང་འཇོག་ཧ་ཅང་ཆེ་བ་གནང་འདུག་སྟེ། ལྔ་པ་ཆེན་པོའི་རང་རྣམ་ལས་ཞེས་བྱུང་པས་སོ། །མེ་ལུག་༡༦༦༧ཧོར་ཟླ་དང་པོའི་ཚེས་བཞི་ཉིན་རྒྱུན་ལྡན་ལྟར་པོ་ཏ་ལར་ལྔ་པ་ཆེན་པོ་མཇལ་བཅར་ཕེབས། གོང་ས་ལྔ་པས་ཐུགས་དགྱེས་བརྩེ་ཆེན་པོས་དམིགས་བསལ་དཀར་སྤྲོ་བཤམས་ནས་གསུང་གླེང་འཕེལ་སྨོན་ལམ་ཆེན་མོའི་ཚོགས་དབུ་གནང་དུ་༢། ༥༢། ཧོར་ཟླ་བཅུ་པའི་ཚེས་བརྒྱད་ཉིན་རྒྱལ་མཆོག་ལྔ་པ་ཆེན་པོར་ཁྲི་ཆེན་འདི་ཉིད་དང༌། རྩེ་ཤར་གཉིས། སློབ་ཆུང༌། ལྔ་མཆོད་པ་གྲྭ་པ་གཉིས་བརྒྱ་ཙམ་དང༌། ཤངས་དགའ་ལྡན་ཆོས་འཁོར་གྱི་བླ་མ་བསོད་ནམས་ཆོས་འཕེལ་གྲྭ་སློབ། རྫིང་སྡོད་ཁྲི་ཕུ་བས་གཙོས་དྲུང་འཁོར་བརྒྱ་སྐོར། འོལ་དགའ་རྫིང་ཕྱིའི་སྤྱི་པ་དང་བཅས་པ་ཕྱོགས་མཐུན་ཀྱིས་མདོགས་པ་དཔངས་མཐོ་བ་བསྟར་ནས་མཌཎལ་བཤད་པ་དང་སྦྲགས་ནས་སྐུུ་ཚེ་ཡུན་དུ་བརྟན་པའི་བརྟན་བཞུགས་འདེགས་འབུལ་ཞུས།དུ་༢། ༧༤། ས་སྤྲེལ༡༦༦༨ལོ་སྨོན་ལ་ཚེས་བཞི་ཉིན་གོང་ས་ལྔ་པ་ཆེན་པོར་མཇལ་བཅར་དང་སྦྲགས། ལྔ་པ་ཆེན་པོས་མཁན་པོ་གནང་ནས་དགེ་ཚུལ་སོ་དགུ་དང༌། དགེ་སློང་ལྔ་བཅུ་ང་གསུམ་སྒྲུབ་པའི་སློབ་དཔོན་གནང་དུ་༢། ༧༩། ལོ་འདིའི་ཟླ་བ་གཉིས་པའི་ཚེས་བཅུ་བདུན་ལ་སྡེ་སྲིད་གྲོང་སྨད་པ་འཕྲིན་ལས་རྒྱ་མཚོ་ཚེ་ཡི་དུས་བྱས་པའི་དགེ་བསྔོར་དགའ་ལྡན་ཕོ་བྲང་པས། ཧོར་ཟླ་གསུམ་པའི་ཚེས་བདུན་ལ་ལྷ་ས་འཁྱམས་ཚུན། ཐག་ཉེ་དཀོར་འབྲེང་དང་བཅས་པདགེ་འདུན་སྟོང་ཕྲག་གི་ཚོགས་དབུར་དགའ་ལྡན་ཁྲི་རིན་པོ་རྩིང་ཐང་པ་བློ་བཟང་རྒྱལ་མཚན་པ་འདི་ཉིད་གདན་དྲངས། ཉིན་གསུམ་བར་ཚ་ར་དང་འགྱེད་ཀྱི་རྙེད་བཀུར་གྱ་ནོམ་པ་བསྟབསདུ་༢། ༨༧། ཧོར་ཟླ་བརྒྱད་པའི་ཚེས་གཅིག་ལ་ཁྲི་ཆེན་འདི་ཉིད་དང༌། རྩེ་ཤར་སློབ་ཆུང༌། ལྔ་མཆོད། གྲྭ་པ་བརྒྱ་སྐོར། རྒྱལ་གྲུབ་གསར་པ་དང་དུ་བུ་རི་པ་ཅན་ཕྱོགས་མཐུན་དུ་གོས་དར་གྱིས་གཙོས་པའི་སྐྱེས་དང་བཅས་ཚེའི་རྟེན་འབྲེལ་སྒྲིག་པའི་བདེན་པ་བདར། དུ་༢། ༡༡༧བས་མཚོན་མི་ལོ་བདུན་གྱི་རིང་ལ་གཞུང་ས་དགའ་ལྡན་ཕོ་བྲང་པའི་སྲིད་གཞུང་དང་ཞྭ་སེར་ཅོད་པན་འཆང་བའི་ལུགས་བཟང་ཟུང་ལ་སྨོན་པའི་མཛད་པ་རླབས་པོ་ཆེ་བསྐྱངས་ནས་རབ་བྱུང་བཅུ་གཅིག་པའི་ས་སྤྲེལ་༡༦༦༨ལོ་མཇུག་ཏུ་དགའ་ལྡན་གསེར་ཁྲི་ལས་ཟུར་དུ་བཞུགས་ནས་ལྷ་སྔགས་རིང་འཛིན་གྱི་རྣལ་འབྱོར་ལ་གཅིག་ཏུ་བཞོལ་ཞིང༌། སྐབས་འགར་སྐྱབས་མགོན་ལྔ་པ་ཆེན་པོར་བརྟན་བཞུགས་ལེགས་འབུལ་ཞུ་མཁན་དང༌། དགེ་ཚུལ་སློང་གི་བསླབ་སྡོམ་གནང་སྐབས་སློབ་དཔོན་དུ་ཕེབས་པ་སོགས་རྣམ་པར་དཀར་བའི་མཛད་པ་རྒྱ་ཆེར་བསྐྱངས། མཐར་དགུང་ལོ་དོན་ལྔ་པ་རང་བྱུང་བཅུ་གཉིས་པའི་ཆུ་གླང་༡༦༧༣ལོ་ཧོར་ཟླ་དང་པོའི་ནང་ཞི་བ་གཤེགས་པར་སྣང་སྟེ། ལོ་འདིའི་ཐད་ཀྱི་དུ་ཀུ་ལའི་གོས་བཟང་ལས། དགའ་ལྡན་ཁྲི་རིན་པོ་ཆེ་ཟུར་པ་བློ་བཟང་རྒྱལ་མཚན་དག་པའི་གནས་སུ་རྗེ་བཙུན་འཇམ་དཔལ་སྙྙིང་པོའི་སྤྱན་སྔར་གཤེགས་པའི་ཐུགས་དམ་གསལ་འདེབས་པ་འབྱོར། དུ་༢། ༣༡༡ ཞེས་གསུངས་པས་སོ།

དགའ་ལྡན་ཁྲི་ཐོག་ཞེ་གཉིས་པ་འཕན་པོ་བློ་བཟང་དོན་ཡོད་ནི། འཕན་ཡུལ་ཞོགས་གྲམ་ཕུར། རབ་བྱུང་བཅུ་པའི་ཆུ་སྟག་༡༦༠༢ལོར་སྐུུ་འཁྲུངས། སྐུུ་ན་ཆུང་དུས་ནས་སྔོན་གྱི་བག་ཆགས་བཟང་པོ་ཡོངས་སུ་སད་དེ་གདན་ས་ཆེན་པོ་སེ་ར་ཐེག་ཆེན་གླིང་གི་ནང་ཚན་བྱེས་པ་གྲྭ་ཚང་དུ་ཆོས་ཞུགས་གནང༌། བསྡུས་གཞུང་ནས་བཟུང་ཚད་མ་དང་དབུ་ཕར། འདུལ་མཛོད་བཅས་ལ་མཁས་པར་བསླབས། ལྷ་ལྡན་དུ་སྨོན་ལམ་ཆེན་མོའི་གྲྭ་སྐོར་མཛད་པས་མཁན་པའི་མཚན་སྙྙན་འབར། རྒྱུད་སྨད་དུ་ཞུགས་ནས་རྒྱུད་སྡེ་རྒྱ་མཚོ་ལ་གསན་བསམ་སློབ་གཉེར་རྒྱ་ཆེར་མཛད་དེ་མདོ་སྔགས་གཉིས་ཀར་མཁས་པར་གྱུར། པཎ་ཆེན་བློ་བཟང་ཆོས་རྒྱན་གདན་ས་འབྲས་སྤུངས་སུ་ཕེབས་ནས་མི་ཏྲ་བརྒྱད་ཅུའི་བཀའ་དབང་གནང་བ་དང་གཞན་ཡང་སྔ་ཕྱིར་ཆོས་བཀའ་ཤིན་ཏུ་མང་པོ་གནང་བ་ཀུན་གསན། རྒྱལ་མཆོག་ལྔ་པ་ཆེན་པོའི་དྲུང་ནས་དགེ་ལྡན་པའི་ལམ་རིམ་དང༌། ས་སྐྱ་བའི་ལམ་འབྲས། ལྔ་འགྱུར་རྙིང་པ་པའི་རྫོགས་ཆེན། བཀའ་བརྒྱུད་པའི་ཕྱག་ཆེན་སོགས་ཟབ་རྒྱས་ཆོས་ཀྱི་བསྒོ་སྐུལ་རྒྱ་ཆེར་དང༌། གཞན་ཡང་འཁོན་སྟོན་དཔལ་འབྱོར་ལྷུན་གྲུབ་དང༌། ཕ་བོང་ཁ་པ་འཇམ་དབྱངས་གྲགས་པ། འཇམ་དབྱངས་བླ་མ་དཀོན་མཆོག་ཆོས་འཕེལ་སོགས་སྐྱེས་ཆེན་དུ་མའི་ཞལ་ནས་ཆོས་ཚུལ་རྒྱ་མཚོ་ལྟ་བུའི་བཀའ་ལུང་མན་ངག་གསན། རྒྱུད་སྨད་པའི་བླ་མ་དང་མཁན་ཁྲིར་ཕེབས་ནས་རྒྱུད་སྡེ་སྤྱི་དང་ལྷག་པར་བླ་མེད་རྡོ་རྗེ་ཐེག་པའི་སྐོར་གྱི་འཆད་ཉན་རྒྱ་ཆེར་གནང༌། དགུང་ལོ་ང་གསུམ་པ་རབ་བྱུང་བཅུ་གཅིག་པའི་ཤིང་རྟ་༡༦༥༤ལོར་བྱང་རྩེའི་ཁྲིར་ཕེབས་རྗེས་སུའང་སེར་བྱེས་དང་རྒྱུད་སྨད་ལ་འཆད་ཉན་གྱི་རྒྱུན་སྤེལ་ཞོར་སྔ་ཕྱིར་གོང་ས་ལྔ་པ་ཆེན་པོར་བརྟན་བཞུགས་ཐེངས་མང་འབུལ་བར་མ་ཟད་རིང་འཚོའི་གཏན་ཚིགས་ཀྱི་མབྲསྤྱལ་བཤད་པ་མཛད་པས་སྐྱབས་མགོན་ལྔ་པ་ཐུགས་དབྱིངས་མཉེས་པ་བྱུང་ཚུལ་ཡང་དུ་ཀུ་ལའི་གོས་བཟང་དུ་གསལ། ང་བདུན་པ་རབ་བྱུང་བཅུ་གཅིག་པའི་ས་སྤྲེལ་༡༦༦༨ལོ་མཇུག་ཏུ་འཇམ་མགོན་རྒྱལ་བ་གཉིས་པའི་རྒྱལ་ཚབ་ཏུ་དགའ་ལྡན་གསེར་ཁྲིར་ཕེབས་ཏེ་ཕྱི་ལོ་ས་བྱ་༡༦༦༩སྨོན་ལམ་སྐབས། ལྔ་པ་ཆེན་པོ་མཛད་བྲེལ་གྱིས་ཚོགས་དབུར་ཕེབས་མ་ཐུབ་པར་རྗེ་འདི་ཉིད་སྨོན་ལམ་ཚོགས་དབུར་ཕེབས་ནས་སྐྱེས་རབས་ཀྱི་ཆོས་བཀའ་གསུང༌། ལོ་དེའི་ཧོར་ཟླ་བཞི་པའི་ནང་གོང་ས་ལྔ་པ་ཆེན་པོ། དགའ་ལྡན་ཁྲི་ཆེན་འདི་ཉིད་དང༌། ཁྲི་ཟུར་བློ་བཟང་རྒྱལ་མཚན། ཤར་བྱང་གི་ཆོས་རྗེས་ཐོག་དྲངས་པའི་དགའ་ལྡན་པའི་དགེ་འདུན་བརྒྱ་སྐོར་དང༌། དཔལ་ལྡན་འབྲས་སྤུངས་པའི་གྲྭ་སློབ་ཕྱེད་སུམ་བརྒྱ། སེ་ར་ཐེག་ཆེན་གླིང་གི་གྲྭ་སློབ་ཕྱེད་སུམ་བརྒྱ། མངའ་རིས་གྲྭ་ཚང་དཔོན་སློབ་རཱ་བསྡུས། ཆོས་འཁོར་ལྷ་ས་རུ་བཞི་བཅས་ཀྱིས་ཟང་ཟིང་གི་བདོག་པ་རྒྱ་ཆེར་སྤེལ་བ་དང་འབྲེལ་སྐུུ་ཚེ་ཡུན་དུ་གནས་པའི་བརྟན་བཞུགས་འདེགས་འབུལ་ཞུས། དུ་༢། ༡༤༥ ལྕགས་ཕག་༡༦༧༡ཧོར་ཟླ་དང་པོའི་ཚེས་དབུ་ལ་ཁྲི་ཆེན་འདི་ཉིད་དང༌། རྒྱལ་སྲས་བཀྲིས་སྟག་རྩེ་ཐའི་ཇི། བཀྲ་ཤིས་ལྗོངས་ཆོས་རྗེ། ཞབས་དྲུང་གྲགས་པ་བཅས་ལྔ་པ་ཆེན་པོ་གནམ་ལོ་གསར་པའི་སྨོན་ལམ་ཚོགས་ཕེབས་དང་སྟབས་བསྟུན་ནས་མཇལ་བཅར་ཐོག ལྔ་པ་ཆེན་པོས་བསྒྲུབ་བྱ་བརྒྱ་དང་ཉེར་གསུམ་ལ་བསྙྙེན་རྫོགས་དང་བཞི་བཅུ་ལ་དགེ་ཚུལ་གྱི་བསླབ་སྡོམ་གནང་སྐབས་སློབ་དཔོན་གནང༌། དུ་༢། ༢༠༤ ཧོར་ཟླ་ལྔ་པའི་ཚེས་གཅིག་ནས་བཟུང་སླར་ཡང་སྐྱབས་མགོན་ལྔ་པ་ཆེན་པོ་སྐུུ་ཚེ་ཡུན་དུ་བརྟན་པའི་ཆེད་ཁྲི་རིན་པོ་ཆེ་གདན་ཟུར་གྱིས་དབུས་དགའ་ལྡན་དགོན་པའི་མཁན་སློབ་གྲྭ་དམངས་སུམ་བརྒྱ་དང༌། དཔལ་ལྡན་འབྲས་སྤུངས་པའི་གྲྭ་སློབ་སུམ་བརྒྱ་སྐོར། སེ་ར་ཐེག་ཆེན་གླིང་གི་མཁན་ལས་གཙོས་གྲྭ་གྲངས་ཉིས་བརྒྱ། ལྷ་ས་རུ་བཞིའི་གྲྭ་གྲངས་སུམ་བརྒྱ་ཙམ་བཅས་སོ་སོས་རུང་མཐུན་ཉེར་སྤྱོད། གོས་ཕྱི་ནང་ཇ་རས་སོགས་དངོས་པོ་གཟེངས་བསྟོད་པའི་མབྲསྤྱལ་ཀྱིས་སྣེ་དྲངས་བདེན་ཚིག་ཤིས་བརྗོད་ཀྱིས་བརྟན་བཞུགས་འབུལ་ཚན་རྒྱ་ཆེར་བསྟར། དེ་དང་ཆབས་གཅིག་ལྔ་པ་ཆེན་པོ་བསྒྲུབ་བྱ་སུམ་བརྒྱ་ལ་བསྙྙེན་རྫོགས་དང༌། ཉི་ཤུ་ལ་དགེ་ཚུལ་གྱི་བསླབ་སྡོམ་གནང་བའི་ལས་སློབ་ཀྱང་མཛད། ཞར་ལ་ལྔ་པ་ཆེན་པོར་སྒྲོལ་མ་ཉེར་གཅིག་གི་བཀའ་ལུང་ཞུས། དུ་༢། ༢༡༤ ཆུ་བྱི་༡༦༧༢ སྨོན་ལམ་སྐབས་ལྔ་པ་ཆེན་པོ་ཚོགས་སུ་ཕེབས་འདོད་ཆེ་ནའང་མི་ཚོགས་ཆེ་བས་ཆམ་པའི་གཟུགས་གཞི་འཕར་དོགས་ཀྱིས་ཚོགས་ཕེབས་མ་ཐུབ་པའི་ཚབ་ཏུ་སྨོན་ལམ་ཆེན་མོའི་ཚོགས་དབུར་ཕེབས་ནས་ཆོས་བཀའ་རྒྱ་ཆེར་གནང༌། དུ་ཀུ་ལའི་གོས་བཟང་ལས་ཧོར་ཟླ་དང་པོ་ཉེར་ལྔ་ལ་འཁོར་གསུམ་ཆོས་ཀྱི་རྒྱལ་པོའི་གདན་ས་པ་ཁྲི་རིན་པོ་ཆེ་བློ་བཟང་དོན་ཡོད། བྱང་རྩེ་ཆོས་རྗེ། ལྷ་རིན་པོ་ཆེ། སྡེ་པ་བདེ་ཆེན་པ་ཡབ་སྲས། ཚེས་གསེབ་སྐུུ་རྟེན་རྣམས་ངོ་བོ་དང་མཇལ་འཕྲད་བྱས། དུ་༢། ༢༥༠ཞེས་ཀྱང་གསུངས་སྣང་ངོ།། ཁྲི་ཆེན་འདིའི་སྐབས་༡༦༧༡གོང་ས་ལྔ་པ་ཆེན་པོས་བོད་ཀྱི་ཆོས་ལུགས་གྲུབ་མཐའི་བླ་ཆེན་ཁག་གི་གདན་ཡིག་མཛད་པའི་ནང༌། བཞུགས་ཁྲི་ཆ་ལྔར་ཕྱེས་པ་ལས་ཁྲི་ཆེན་འདི་ཉིད་བཞི་པའི་གྲས་ཀྱི་གདན་ཐོབ་གནང་བར་གསལ་ཏེ། དུ་༢། ༢༧༡༢༧༤ དུ་ཀུ་ལའི་གོས་བཟང་ལས། སྔོན་ཆད་གདན་ཡིག་སོགས་པར་བཀབ་གཏན་འཁེལ་མི་སྣང་བ་མཐོ་དམའ་ངེས་མེད་བྱུང་ཚེ་བསྙྙད་དོགས་རེ་འཁང་གི་རྒྱུ་དང༌། ཤེས་ལྡན་འདྲས་ཁྲེལ་གནས་སུ་མི་བྱེད་པའི་ངེས་པ་མི་འདུག་གཤེས། འདི་གའི་ཁྲི་ལ་ཆ་ལྔར་བྱས་པའི་ཆ་བཞིའི་རྩིས་གདན་ས་གོང་འོག་ས་སྐྱ་དང་རྩེ་གདོང་གཉིས། དེའང་རྩེ་གདོང་གི་ཞལ་ངོ་ཆོས་ཀྱི་རྒྱལ་པོ་འཕགས་པའི་བཞུགས་ཁྲི་པདྨོ་ཅན་དུ་ཁྲི་འདོན་མ་མཛད་པའི་རིགས་ལ་གདན་ས་གོང་ལས་ཅུང་དམའ་བ། ཆ་ཕྱེད་བཞི་པ་སྣེ་གདོང་རྩེ། སྟག་ལུང་ལྷ་སྡེ། ཞྭ་གམར་ནག ཆ་གསུམ་པ་དགའ་ལྡན་ཁྲི་རིན་པོ་ཆེ། བཀྲ་ཤིས་ལྷུན་པོ། འབྲུག་པ། སྒམ་པོ། མཚུར་བུ་དྲུང་པ། འཕགས་པ་ལྷ་རྣམས་ཀྱི་སྤྲུལ་སྐུུ། སྒམ་པོའི་གདུང་རྒྱུད་སྤྱན་སྔར་བཏོན་པ། ཁམས་རི་བོ་ཆེའི་ཆོས་རྗེ། འབྲི་ཁུང་གི་གདུང་རྒྱུད་ཡོད་སྐབས་སྟག་ལུང་པ་དང་འདྲ་ཡང་ད་ཆ་འདི་གྲས་དེ་ལས་ཅུང་ཟད་དམའ་བ་སྡེ་པ། ཆ་གཉིས་པ་རྡོ་རྗེ་བྲག བོ་དོང་སྦྱོར་ར་ཆེ་བ། འབྲོག་བསམ་སྡིངས། གཟིམ་ཁང་གོང༌། བར་ཁམས་རྟ་ཚག དེ་མོ་བ། ལྕགས་ཟམ་པ། ཁལ་ཁའི་འཇམ་དབྱངས། བྱམས་པ། རྒྱལ་ཁང་རྩེ། སྟོང་འཁོར་བ་རྣམས་ཀྱི་སྤྲུལ་སྐུུ། གནས་རྙིང་ཁྲི་པ་བསླབ་གཙང་ཡིན་མིན་ལ་མ་བལྟོས་པ་དང་སྒེར་ལྷ་པ་བསླབ་གཙང་རྣམས། སུམ་སྟན་སྙྙེ་འབོལ་ཆེ་བ་ཞ་ལུ་དང༌། ཚོགས་སྡེ་བཞིའི་མཁན་པོ། གསང་ཕུའི་ཆོས་རྗེ་རྣམ་གཉིས། ལྷོ་བྲག་རྡི་ཚ། དཔའ་བོ། ཉག་རེ་བྲ་ཡག སི་ཏུ་བཞིའི་སྤྲུལ་སྐུུ། ཏྲེ་བོ་ཧོར་ཚང་ཆོས་རྗེ་རྣམས། སྲབ་ལྔ་བརྩེགས་པ་དགའ་ལྡན་རྩེ་ཤར། དབུར་སྟོད་སེམས་དཔའ། རྒྱལ་སྲས། ཤེར་འཕེལ། ཀར་ལུགས་ཏྲེ་བོ། ལྷོ་གསུང་སྤྲུལ། ཐུགས་སྲས་ཟླ་བ། རས་ཆུང་ཕུག་ བར་ཁམས་ངག་དབང༌། སྦྱོར་ར་འགྲོ་མགོན། ལྷ་རྩེ་གྲུབ་དབང་རྣམས་ཀྱི་སྤྲུལ་སྐུུ། ནཱ་ལེན྄དྲ་བཅོ་བརྒྱད་པ། བཀྲ་ཤིས་རྩེའི་དབོན། སྟོད་རི་བོ་ཆེ་པ་དང་སྒེར་པ་བའི་མི་ངོའིེ་རིགས་ཀྱི་ཆོས་རྗེ། ཁམས་རྒྱ་སྟོན་པ། རྒྱལ་ལེགས་བཤད་གླིང༌། སྤྱན་སྔར་མ་བཏོན་པའི་སྒམ་པོའི་གདུང་རྒྱུད། གེར་ལྷ་པ་གདུང་རྒྱུད། ངམ་རིང༌། མངའ་རིས་ཁྲི་རྩེ། བཟང་ལྡན། སྒྱེ་ཆུ། ཆོས་འཁོར་ལྷུན་པོ། འདར་གྲངས་མོ་ཆེ། ལྷུན་རྩེ། གངས་ཅན་ཆོས་འཕེལ། སྣར་ཐང༌། ངོར། ཐུབ་བསྟན་ཡངས་ཅན། ཤངས་རི་བོ་དགེ་འཕེལ། སྐྱེད་ཚལ་གོང༌། གྲ་བྱམས་གླིང༌། གྲ་ཐང༌། རི་བོ་བདེ་ཆེན། རྩེས་དང་ལྔ་མཆོད་པ། སྤྱན་གཡས་པ། གཉལ་སྡེ་དྲུག ཐར་པ། འཕགས་སྡེ་བཞི། རྫིང་ཕྱི། སྐུུ་རབ་དགའ་ལྡན་རབ་བརྟན། རྭ་སྒྲེང༌། སྐྱོར་མོ་ལུང༌། གསང་སྔགས་མཁར་རྣམས་ཀྱི་མཁན་པོ། བྱ་ཡུལ། མས་དྲོ་ཆད་ཀ། བདེ་ཆེན་ཡངས་པ་ཅན་གསུམ་གྱི་སྤྱན་སྔ།། ཆོས་རྒྱལ་གཏེར་བདག་གླིང་པ། བསམ་ཡས་དཀར་པོ་བ། ཡང་འུག་རྟ་ནག་སྒྲོལ་མ་བ། སྨྲ་བོ་ལྕོག་པ། གནས་བཞི་བ་སོགས་སྔགས་རྒྱུད་ཆེ་ཁག་རྣམས། སྲབ་སུམ་བརྩེགས་པ་གྲ་ལྕོག་གྲ་པ། ཨེ་བྲག་སྣ་བ། ལ་སྟོད་སེ་བརྒྱ་མཁར་བ། གོང་དཀར་དོན་གཉེར་དཔོན། ཆོས་རྗེ་བཀྲ་བཟང་པ། རྩེས་དང་ཆེན་པོ་བྱང་མ་བ། སྙྙེ་མདོ་བ་སོགས་བཀའ་གཏེར་གྱི་ཆོས་རྒྱུད་ཟིན་ངེས། སེར་འབྲས་དགེ་གསུམ། ཆོས་འཁོར་རྒྱལ། བཀྲ་ཤིས་ལྷུན་པོའི་སློབ་དཔོན་པ་རྣམས། རྒྱས་སྐབས་སུམ་སྟན་སྙྙེ་འབོལ་དང༌། བཅས་སྟབས་བདེར་ས་སྟན་གོས་སྟན་ཁ་གང་མ་ཁགདན་ལྟ་བུར་སྣ་དཀར་རྩེ། ལྷ་བྱ། སྐྱིད་ཤོད། སྟག་ལུང་པ་སོགས། གདན་ས་གོང་འོག་གི་བཙུན་མོར་ཁ་གང་མ་བཞི་བརྩེགས། སྣེའུ་གདོང་རྩེའི་བདག་མོར་སུམ་བརྩེགས་ཁ་གདན། ས་སྟན་སྟེང་གོང་སྟན་ཡུག་པ་ལྷོ་འབོག་གོང༌། ཐོན་པ། གཟིམ་ཤག་ལྷོ་པ། སྡེ་དཔོན་ཆེ་ཁའི་དཔོན་སའི་ལྕམ་རིགས། ནང་སོ་རྣམ་པ་དུ༷ས་མ་ལས་དྲག་ཙམ་ལ་གུང་སྟན་རིགས་གསུམ། ནང་སོ་རྣམ་པ་དུ༷ས་མ། ཀྲེ་ག་སོགས་འབྲོག་རིགས་ཀྱི་དཔོན། ཞང་སྟོན། དར་སྡིངས། རི་ཞིང༌། གྲུ་ཚང་བའི་མི་ངོའི་རིགས་སོགས་ལ་མགོ་སྟན་རིགས་གསུམ། མཇུག་བསྒྲིགས་རིགས་གསུམ། སྟག་སྟན་རིགས་གསུམ་རྣམས་གང་འོས། རྒྱ་སྔོ་དམར་པོ་གསུམ་གྱི་གྲུམ་སྟན་འཇགས་ལྡན་སྟེང་གསང་ཕུའི་ཆེན་པོ། དཔལ་རིསྤྲུལ་རྫོགས་ཆེན་སྤྲུལ་སྐུུ། གོང་ར་ངེས་གསང་གླང་གི་བླ་མ། གྲ་དར་སྡིངས་པ། བླ་ཆེན་རྣམས་ཀྱི་ཕྱག་མཛོད། གོང་གསལ་འཇགས་མེད་གསུམ་གྱི་སྟེང་དབུས་གཙང་ས་དགེ་བཀའ་རྒྱུད་པའི་དགོན་གྲ་གཙང་བའི་སློབ་དཔོན། བལ་པོའི་རྒྱལ་ཁག་རྒྱ་གར་ར་གོ་ཤིང༌། འཛུམ་ལང༌། མངའ་རིས་སོགས་ཕྱོགས་མཐའི་རྒྱལ་ཁག་གི་མི་སྣ་རྣམསལ་དམར་གྲུམ་ཡན། ཉིས་ཚོས། ལྗང་གུ། ནག་པོ་གསུམ་གྱི་སྟེང་བཙན་བཙུན། བྱ་བྲག་གྱི་བླ་མའི་རིགས། སྐྱོང་གདན་གང་འོས་སྟེང་དྲུང་འཁོར། ལྡིང་དཔོན། ཆོས་སྡེ་ཁག་གི་གཉེར་ལས་འཛིན་སོགས། སྲབ་ལྔ་བརྩེགས་སྟེང་རྒྱ་ནག་གོང་མའི་མི་སྣ་རྒན་གཞོན། གོང་གི་ཆིང་གོང་མའི་ཐམ་ཁ་འཛིན་པའི་ནང་ཕྱོས་ཀྱི་ནང་སོ་རྣམས་ཁྲི་མཐོ་དམའ་ཇི་ལྟར་འཚམ་པའི་སྟེང་ཁལ་ཁའི་རྒྱལ་པོ། དེ་ལས་ཅུང་དམའ་བར་བསྟན་འཛིན་ད་ལའི་རྒྱལ་པོ། ཨོ་རོད་སེར་ཆེན་རྒྱལ་པོ་སོགས་རྒྱལ་སར་མངའ་གསོལ་བའི་རིགས། ས་སྟན་གོས་འཇབ་ཉིས་བརྩེགས་སྟེང་ཁལ་ཁ་ཨོ་རོད་ཀྱི་དཔོན་པོ། གོས་འཇབ་གཅིག་གིས་དམའ་བར་དཔོན་ཆུང་དང་དཔོན་མོའི་རིགས། གྲུམ་ཙེ་མི་བཟང་དང་མི་སྣ་དྲག་པར་འདིང་བ་སྤྱིར་བཏང་དང་དམིགས་བསལ། ལོ་གསར་སོགས་བཞུགས་གྲལ་ཆེ་མོའི་དུས་ཁྲིའི་ཉེ་འཁོར་དུ་གྲོང་སྨད་ཨ་བར་སངས་རྒྱས་རྒྱ་མཚོ་ལ་ས་སྟན་གོས་འཇབ་ཁ་བཀུག་ཁ་གང་མ་ཁ་སྟན་ཅོག་ཙེ། གཟིམ་དཔོན་མཆོད་དཔོན་སོགས་ལས་ཚན་ཆེ་ཁ་རྣམས་ལ་གྲུམ་འཇག་མགོ་སྟན། རྒྱུད་སྟོད་སྨད། སེར་འབྲས་ཀྱི་སློབ་དཔོན་ལྟ་བུར་སུམ་སྟན་སྙྙེ་འབོལ་ཆུང་བ་བྱེད་སྐབས། གདན་གཟོས་གོང་མ་རྣམས་ཀྱང་དེ་གའི་འགྲོས་ཀྱི་འཕར་འགྲོ་ཞིང༌། གྲུམ་འཇག་ཐོབ་པར་སྲབ་སུམ་བརྩེགས་ལྔ་བརྩེགས་གང་རུང་མི་བབ་དང་བསྟུན་པ། སྐྱིད་ཤོདོ་གས་སྡེ་དཔོན་ཆེ་བ་རྣམས་རྒྱུན་དུ་སོག་པོའི་ཐའི་ཇི་ཚོ་དང་ལྷན་དུ་འཚོགས་སྐབས་སོག་པོའི་ཆེ་བས་སྙྙམ་པ་ལས་མི་ཡོང༌། རིན་ཅེན་རྒྱན་སྤྲོད་ཀྱི་དམིགས་བསལལ་སུམ་སྟན་སྙྙེ་འབོལ་ཆེ་བ། འབོག་གོང་པ་སོགས་དེའི་འོག་མ་ཚོར་སུམ་སྟན་སྙྙེ་འབོལ་ཆུང་བས་མཚོན་ཡུལ་དུས་གནས་སྐབས་ཀྱི་སྒྱུར་ལུགས། བླ་བྲེ། བང་ལྕོག་ འབྲསཤེལ། ཨ་ཏཱ་ལ། ངང་ཆུང་མ་སོགས། ཧོར་དཀར། གན་དཀར། རབ་དཀར་གྱིས་མཚོན་པའི་བྱེ་བྲག་རྣམས་དཔལ་ཕག་མོ་གྲུ་པའི་ལུགས་སྲོལ་ཁུངས་མར་གཞི་བྱས་པའི་ཞིབ་མོ་རྣམ་དག་རབ་གསལ་མེ་ལོང་ཞེས་བྱ་བ་བྲིས། ཞེས་གསུངས་ཤིང༌། འདི་ཉིད་གལ་འགང་ཆེ་བར་སྣང་ཡང༌། དེ་སྔོན་ཟུར་འདོན་བྱས་པའི་ལུང་འདྲེན་དཀོན་པས་ཁྲི་ཆེན་འདི་ཉིད་ཀྱི་གདན་ཐོབ་དང་འབྲེལ་ནས་འདིར་བཀོད་པ་ལགས། དུས་ཕྱིས་དགའ་ལྡན་ཁྲི་པ་རྣམས་གདན་ཐོབ་མཐོ་རུ་བཏང་ཡོད་པའང་རྒྱལ་མཆོག་སྐུ་ཕྲེང་རྗེས་མ་ཚོའི་རྣམ་ཐར་ཀློག་ན་ཤེས་ཐུབ། ཤིང་སྟག་༡༦༧༤ལོའི་སྨོན་ལམ་སྐབས། གོང་ས་ལྔ་པ་ཆེན་པོ་དང་མཇལ་འཕྲད་ཐོག་ཕྱག་དྲུག་པའི་བཀའ་བསྒོ་བར་ཆད་ཀུན་སེལ་ཀྱི་ལུང་ཞུས། དུ་༢། ༣༧༩ ཤིང་ཡོས་༡༦༧༥ ཧོར་ཟླ་དང་པོ་སྔ་མའི་ཚེས་ཉེར་གསུམ་ལ་སྨོན་ལམ་ཚོགས་དབུར་ཕེབས་ཞོར་ལྔ་པ་ཆེན་པོ་ལ་མཇལ་འཕྲད་དང་གསུང་གླེང་ཞུས། སྔ་ཕྱི་མི་ལོ་བདུན་གྱི་རིང་དགའ་ལྡན་གསེར་ཁྲི་བདག་གིར་མཛད་དེ་ཞྭ་སེར་ཅོད་པན་འཆང་བའི་བསྟན་པ་དང་གཞུང་ས་དགའ་ལྡན་ཕོ་བྲང་གཉིས་ཀར་བཤད་སྒྲུབ་ལས་གསུམ་གྱི་བླ་ན་མེད་པའི་མཛད་པ་བསྐྱངས་ཏེ། དགུང་ལོ་རེ་གསུམ་པ་རབ་བྱུང་བཅུ་གཅིག་པའི་ཤིང་ལུག་༡༦༧༥ལོར་གསེར་ཁྲི་ལས་ཟུར་ཏེ་རྗེས་བྱང་རྭ་སྒྲེང་གི་གདན་ས་དང༌། རིན་ཆེན་གླིང་སོགས་ཀྱི་གདན་ས་མཛད་དེ་བཤད་སྒྲུབ་གཉིས་ཀྱི་སྒོ་ནས་རྒྱལ་བ་གཉིས་པའི་བསྟན་པར་སྲི་ཞུ་བླ་མེད་མཛད། མཐར་དགུང་ལོ་དོན་བདུན་པ་རབ་བྱུང་བཅུ་གཉིས་པའི་ས་རྟ་༡༦༧༨ལོར་ཞི་བར་གཤེགས། གདུང་རྟེན་དངུལ་གྱི་བྱང་ཆུབ་མཆོད་རྟེན་ལ་རིན་པོ་ཆེའི་ཕྲ་རྒྱན་དུ་མས་སྤྲས་པའི་དངུལ་སྡོང་ཆེན་མོ་བདེ་གཤེགས་ལྷ་ཁང་ནང་འགྲོ་བ་རྣམས་ཀྱི་བསོད་ནམས་ཀྱི་ཞིང་དུ་བཞུགས། །

དགའ་ལྡན་ཁྲི་ཐོག་ཞེ་གསུམ་པ་དྭགས་པོ་བྱམས་པ་བཀྲ་ཤིས་ནི། རབ་བྱུང་བཅུ་པའི་ས་རྟ་༡༦༡༨ལོར་ཆོས་འཁོར་རྒྱལ་གྱི་ཉེ་འདབས་སུ་སྐུ་འཁྲུངས། སྐུ་ན་ཆུང་དུས་ནས་སྔོན་གྱི་བག་ཆགས་བཟང་པོ་ཡོངས་སུ་སད་དེ། དབུས་ལྗོངས་ཆོས་སྡེ་ཆེན་པོ་གསུམ་གྱི་རྗེས་ནས་བཤད་སྒྲུབ་འཆད་ཉན་གྱི་སྲོལ་རྒྱུན་ཆེས་ཆེར་དར་སའི་བསྟི་གནས་མངའ་དྭགས་རྒྱལ་གསུམ་ལས། ཆོས་རྗེ་བློ་གྲོས་བརྟན་པའི་གདན་ས་དྭགས་པོ་གྲྭ་ཚང་དུ་ཆོས་ཞུགས་གནང༌། ཁྲི་ཆེན་བསྟན་འཛིན་ལེགས་བཤད་སོགས་ལ་བསྟེན་ནས་ཕར་ཚད་དབུ་མ་འདུལ་མཛོད་བཅས་ལ་མཁས་པར་སྦྱངས། དཔལ་ལྡན་སྟོད་རྒྱུད་གྲྭ་ཚང་དུ་ཞུགས་ནས་རྩེད་ཐང་བློ་བཟང་རྒྱལ་མཚན་སོགས་ལས་རྒྱུད་སྡེ་བཞི་དང་ལྷག་དོན་བདེ་གསང་འཇིགས་གསུམ་གྱི་རྩྭ་འགྲེལ་ཆ་ལག་དང་བཅས་པར་གཞན་དྲིང་མི་འཇོག་པའི་མཁས་པར་བསླབས། གོང་ས་ལྔ་པ་ཆེན་པོ་དང༌། པཎ་ཆེན་བློ་བཟང་ཆོས་རྒྱན༌། འཇམ་དབྱངས་བླ་མ་དཀོན་མཆོག་ཆོས་འཕེལ་སོགས་སྐྱེས་ཆེན་དུ་མའི་དྲུང་ནས་མདོ་སྔགས་ཀྱི་ཆོས་འབྲེལ་ཞུས། རྒྱུད་སྟོད་མཁན་ཁྲིར་ཕེབས་ནས་རྒྱུད་ཆེན་ཀུན་དགའ་ཀུན་དགའ་དོན་འགྲུབ་ཀྱི་གདན་ས་བཤད་སྒྲུབ་གཉིས་ཀྱི་སྒོ་ནས་ཚུལ་བཞིན་བསྐྱངས། དགུང་ལོ་ཞེ་ལྔ་པ་རབ་བྱུང་བཅུ་པའི་ཆུ་སྟག་༡༦༦༢ལོར་ཤར་པ་ཆོས་རྗེའི་ཁྲིར་ཕེབས། ཞེ་དྲུག་པ་ཆུ་ཡོས་༡༦༦༣ལོའི་ཧོར་ཟླ་ལྔ་པའི་ཚེས་གཅིག་ལ་དགའ་ལྡན་ཁྲི་ཟུར་རྩེད་ཐང་བློ་བཟང་རྒྱལ་མཚན་དང་ཁྲི་ལས་ཐོག་པ་འཕན་པོ་བློ་བཟང་དོན་ཡོད། ཤར་རྩེ་ཆོས་རྗེ་འདི་ཉིད། བྱང་རྩེ་ཆོས་རྗེ། རྒྱུད་སྟོད་སྨད་ཀྱི་མཁན་པོ་སོགས་ཀྱིས་ལྔ་པ་ཆེན་པོ་ལ་སྐུ་ཚེ་ཡུན་དུ་བརྟན་པའི་མཎ་ཌལ་རྟེན་གསུམ་འདེགས་འབུལ་ཞུས། དེ་བཞིན་མེ་ལུག་༡༦༦༧ལོའི་ཧོར་ཟླ་བརྒྱད་པ་དང་བཅུ་པ་བཅས་ལ་ཁྲི་གདན་ཟུར་དང་ཤར་བྱང་གི་ཆོས་རྗེ་སོགས་ནས་ལྔ་པ་ཆེན་པོ་ལ་རྟེན་གསུམ་ཟབ་རྒྱས་འདེགས་འབུལ་ཞུས། དགུང་ལོ་ང་བརྒྱད་པ་རབ་བྱུང་བཅུ་གཅིག་པའི་ཤིང་ཡོས་༡༦༧༥ལོར་འཕན་པོ་བློ་བཟང་དོན་ཡོད་ཁྲི་ལས་ཟུར་པ་དང་འཇམ་མགོན་རྒྱལ་བ་གཉིས་པའི་རྒྱལ་ཚབ་ཏུ་མངའ་གསོལ་བ་ལྟར་དགའ་ལྡན་གསེར་ཁྲིར་ཞབས་ཟུང་འཁོར་ལོའི་རེ་ཁ་མངོན་པར་འཁོད། ང་དགུ་པ་མེ་འབྲུག་༡༦༧༦ལོའི་ཆོ་འཕྲུལ་ཟླ་བ་དང་པོའི་ཚེས་ཉེར་ལྔ་ཉིན་ཁྲི་ཆེན་འདི་ཉིད་དང་ཀོང་པོ་དུང་དཀར་སྤྲུལ་སྐུ། ཁམས་དཔག་ཤོད་བླ་མ། སྟག་ལུང་ཀ་དྲུག་བླ་མ་སོགས་ལྔ་པ་ཆེན་པོར་མཇལ་གཅར་དང་ནང་མོལ་གྱི་གསུང་གླེང་འཕེལ། ཧོར་ཟླ་གཉིས་པའི་ནང་དགའ་ལྡན་རྣམ་པར་རྒྱལ་བའི་གླིང་དུ་ཁྲི་ཆེན་འདི་ཉིད་ཀྱིས་གསོལ་བ་ཕུ་ཚུགས་སུ་བཏབ་པ་ལྟར་སྐྱབས་མགོན་ལྔ་པ་ཆེན་པོས་རིང་འཚོའི་ཞབས་བསྟན་ཚིགས་བཅད་མ་རང་རྩོམ་གནང་པ་དེ་ཉིད་དེ་ནས་བཟུང་དགའ་ལྡན་གྱི་ཚོགས་སུ་རྒྱུན་འདོན་གྱི་སྲོལ་བཙུགས། ཧོར་ཟླ་པའི་ནང་ལྔ་པ་ཆེན་པོ་ཟབས་ཀྱི་སྙུང་གཞི་བཞེས་ཚུལ་བསྟན་སྐབས་ཁྲི་འདིས་དགའ་ལྡན་རྣམ་པར་རྒྱལ་བའི་གླིང་དུ་ཇ་ཚུལ་ལྔའི་རིང་ལ་ཤེར་སྙིང་དགུ་ཁྲི་བརྒྱད་སྟོང་ལྔ་བརྒྱ་གསོག་ཏུ་བཅུག ཧོར་ཟླ་དྲུག་པའི་ཚེས་དྲུག་ནས་ཁྲི་ཆེན་འདི་ཉིད་ཀྱིས་དབུས། རྒྱུད་སྟོད་སྨད། གསང་ཕུ་ནེའུ་ཐོག་གིས་གཙོས༌། ལྷ་ས་རུ་བཞི། དགའ་ལྡན་སྐྱོ་མོ་ལུང༌། ཚེར་གསེབ་བཅས་ཀྱི་དགེ་འདུན་པ་ཤིན་ཏུ་མང་པོས་ལྔ་པ་ཆེན་པོའི་དྲུང་ནས་རྒྱུད་ཀྱི་རྒྱལ་པོ་དཔལ་གསང་བ་འདུས་པའི་དབང་ཆེན་ཞུས་རྗེས་མཌཎལ་འདེགས་འབུལ་དང་འབྲེལ། སྐུ་ཚེ་རིང་དུ་བརྟན་པའི་རྟེན་འབྲེལ་བསྒྲིགསཤིང༌། ཁྱད་པར་ཁྲི་ཆེན་རང་ཉིད་ཀྱིས་བསྐུལ་པ་ལྔ་པ་ཆེན་པོའི་ཞབས་བརྟན་ཚིགས་བཅད་རང་རྩོམ་མའི་ནང༌། ལང་ཚོ་ཞེས་པ་འདི་ཉིད་སྐྱོར་སྐབས་བྱིས་པ་ཞེས་འགྱུར་སོང་བས། སྐུ་ཚེ་ལྔར་ཕྱེས་པའི་དང་པོ་བྱིས་པ་ཡིན་པས། སླར་ཡང་དགུང་ལོ་དྲུག་བཅུ་ཐུབ་པ་དགོས་པའི་གཏན་ཚིགས་ཀྱང་མཛད། དུ་༣ཤ་༢༠ ས་ལུག་༡༦༧༩གནམ་ལོ་གསར་ཚེས་ལ་ཁྲི་རིན་པོ་ཆེ་གདན་ཟུར་དང༌། ཤར་པ་ཆོས་རྗེ་ཅོ་ནེ་འཇམ་དབྱངས་ཚུལ་ཁྲིམས། ལོ་སེམས་དཔའ་སྤྲུལ་སྐུ་སོགས་གོང་ས་ལྔ་པ་ཆེན་པོར་ལོ་གསར་གྱི་མཇལ་བཅར་ཐོག་ནང་མོལ་གྱི་གསུང་གླེང་འཕེལ། ཟླ་བ་དེའི་ཚེས་བཅོ་ལྔ་ཉིན་ཁྲི་ཆེན་འདི་ཉིད་གཙོས་དཔོན་སློབ་ཉི་ཤུ། ཇོ་རྫོང་སྡོད་མྱུག་པ་དང་རྒྱ་ཡགས་པ། དགའ་ཆགས་པ། རྟུལ་མི་མིང་སྲིང༌། ཟུང་ཁང་ཤར་པའི་ལྕམ། ཐོར་གོད་ཨན་དར་གྱི་མི་སྣ་སོགས་ལྔ་པ་ཆེན་པོ་མཇལ་ཁ་བཅར་སྐབས་ཁྲི་ཆེན་འདིས་ལུགས་གཉིས་དང་འབྲེལ་བའི་གསུང་འཕྲོས་རྒྱ་ཆེར་ཞུས་ཚུལ་དུ་ཀུ་ལའི་གོས་བཟང༼་༣ ་ ༡༩༩༽དུ་གསལ། ལྕགས་སྤྲེལ་ཧོར་ཟླ་ལྔ་པའི་ཚེས་བདུན་ཉིན་འབྲོག་རི་བོ་ཆེ་དགའ་ལྡན་ནས་ཁྲི་རིན་པོ་ཆེ་འདི་ཉིད་དང༌། ཆོས་རྗེ་རྣམ་གཉིས། སློབ་དཔོན་གསུམ། ཁྲི་ཟུར་དབོན་གྲྭ་པ་བཞི་བརྒྱ་སྐོར་གྱིས་བདོགས་པའི་སྐྱེས་དང་བཅས་འཆི་བདག་དཔུང་ལས་རྒྱལ་བའི་བདེན་ཚིག་གསུངས་ཤིང༌། ཁྲི་རིན་པོ་ཆེ་འདིས་ལུང་རིགས་ཀྱི་ལམ་ནས་དྲངས་ཏེམི་འགྱུར་བརྟན་པའི་ཁས་ལེན་གྱིས་ཞེས་སྙན་འཇེབས་འབྲེལ་ཆགས་ཕེབས་པར་ཁྲི་རིན་པོས་དབུས། དགེ་འདུན་རྣམས་ཐུགས་བསྟུན་རིང་འཚོའི་སྨོན་པ་མི་ཕྱེད་པའི་གསོལ་འདེབས་མཆོག་གསུམ་ལ་མཛད་པ་ལྟར་ལྔ་པ་ཆེན་པོས་ཀྱང་ཐུགས་སྣང་ཤིན་ཏུ་གཤིན་པོའི་སྒོ་ནས་སྐུ་ཚེ་རིང་དུ་བསྡད་འདུན་ཡོད་པའི་ལུང་གནང་ཚུལ་དང་༼དུ་༣ ༣༤༡༽།ལྕགས་བྱ་ཆོ་འཕྲུལ་ཟླ་བའི་ཚེས་བཞི་ཉིན་ཁྲི་ཆེན་འདི་ཉིད་དང༌། རྩེ་གདོང་ཕྱག་མཛད། དཔོན་རིན་ཆེན་གྱི་བུ། འབྲས་སྤུངས་དགེ་བསྐོས་བཅས་ལ་མཇལ་ཁ་དང་ལུཧགས་གཉིས་ལ་སྨོན་པའི་གསུང་གླེང་གནང་༼དུ་༣ ༤༠༧༽། ལོ་དེའི་ཧོར་ཟླ་ལྔ་པའི་ཚེས་བཅོ་བརྒྱད་ལ། གདན་ས་ཆེན་པོ་དགའ་ལྡན་རྣམ་པར་རྒྱལ་བའི་གླིང་དུ་ཁྲི་ཆེན་དགན་ཟུར་གཉིས་དང༌། ཤར་རྩེའི་ཙབ་མ། བྱང་རྩེ་ཆོས་རྗེ། སློབ་དཔོན་གསུམ། གྲྭ་པ་སུམ་བརྒྱ། དགོན་ལག་ལང་ལོང་བཙུན་མ་དང་བཅས་པས་དངོས་པོའི་མཙན་གྲངས་སྔོན་བཏེགས་ཀྱིས་བརྟན་བཞུགས་སྨོན་ལམ་གནས་བཅུ་དང་འབྲེལ་ནས་གསོལ་བ་ཕུ་ཚུགས་སུ་བཏབ་པ་དུ་ ༣ ༤༣༣སོགས་མདོར་ན་གངས་ཅན་པའི་བསྟན་སྲིད་གཉིས་ཀའི་སྲོག་རྩ་རྒྱལ་མཆོག་ལྔ་པ་ཆེན་པོ་ཁོ་ན་ཉིད་དུ་ངེས་ནས་སྔ་ཕྱིར་རིང་འཚོའི་གརྟན་བཞུགས་ཕུལ་བ་དང༌། ྋགོང་ས་ཆེན་པོའི་ཅི་གསུང་བཀའ་སྒྲུབ་ཀྱིས་བོད་ཀྱི་བསྟན་སྲིད་སྤྱི་དང༌། ཡང་དགོས་རི་བོ་དགེ་ལྡན་པའི་གསེར་སྦྱངས་གཙང་མའི་རིང་ལུགས་འདི་ཉིད་ལ་བཤད་སྒྲུབ་ལས་གསུམ་གྱི་སྒོ་ནས་བཀའ་དྲིན་རྒྱ་ཆེར་དསྐྱངས་བཞིན་གསེར་ཁྲི་མི་ལོ་བདུན་གྱི་རིང་ལ་བསྐྱངས་སྟེ། དགུང་གྲངས་རེ་ལྔ་པ་རབ་བྱུང་བཅུ་གཅིག་པའི་ཆུ་ཁྱི་༡༦༨༢ལོར་ཁྲི་ལས་ཟུར་ནས་ཀྱང་བདེ་ཆེན་གསང་སྔགས་མཁར་སོགས་གཞིས་དགོན་དུ་མའི་ཁ་འཛིན་གནང༌། དགའ་ལྡན་རྣམ་པར་རྒྱལ་བའི་གླིང་དུ་གོང་ས་ལྔ་པ་ཆེན་པོའི་དངུལ་སྐུ་མི་ཚད་མ་གསར་གཞེས་དང༌། ཡངས་པ་ཅན་དུ་གསེར་ཟངས་ཀྱི་གཎ་ཇི་ར་གསར་བཞེས་མཛད། སྐལ་ལྡན་ལས་འཕྲོ་ཅན་གྱི་གདུལ་བྱ་མང་པོ་ལ་མདོ་སྔགས་ཀྱི་ཆོས་འཁོར་རྒྱ་ཆེར་བསྐོར་ཏེ། དགུང་གྲངས་རེ་བདུན་པ་རབ་བྱུང་བཅུ་གཉིས་པའི་ཤིང་བྱི་༡༦༨༤ ལོར་གླིང་ཡགས་སུ་དགོངས་པ་ཞི་བར་གཤེགས།

དགའ་ལྡན་ཁྲི་ཐོག་ཞེ་བཞི་པ་ཁྲི་རྒྱ་ནག་པ་བློ་གྲོས་རྒྱ་མཚོ་མཆོག་ནི། རབ་བྱུང་བཅུ་གཅིག་ཤིང་ཕག་༡༦༣༥ལོར་མདོ་སྨད་ཙོང་ཁར་གྲགས་པའི་ཕྱོགས། སྐུུ་འབུམ་མཆོད་གཞིས་མི་ཉག་རྭ་ལྡིང་དུ། ཡབ་སྟག་ཕྱུག་ཚེ་ཐར་དངཡུམ་ཚེ་སྨོན་རྒྱལ་གཉིས་ཀྱི་སྲས་སུ་འཁྲུངས། བྱིས་པའི་དུས་ནས་འཇིགས་སྣང་བྱུང་ཚེ་དམིགས་བརྩེ་མ་དང༌། བཋ་པཱ་ཎི་གསུངས་པས། རྗེའི་སྤྲུལ་པར་གྲགས། དེབ་རྒྱམ་དུ་སུམ་པ་དམ་ཆོས་རྒྱ་མཚོའི་སྐུུ་ཕྲེང་ཕྱི་མ་ཡིན་ཞེས་གསལ། དགུང་ལོ་དྲུག་པའི་དུས་ཡབ་ཚད་པས་གྲོངས། རྗེ་ཉིད་ཀྱང་བསྙྙུནཔའི་ཚེ་ལྷ་མོ་ཡིན་ཟེར་བ་བུད་མེད་དཀར་མོ། ན་བཟའ་དཀར་པོ་རིན་པོ་ཆེས་སྤྲས་པ་གཅིག རེས་མདུན་གྱི་ནམ་མཁར་སྡོད། རེས་སྐུུའི་ལོགས་གཡས་གཡོན་ལ་བཞུགས་ནས་དགྱེས་པར་མཛད་པ། དེ་འདྲ་ཞིག་ཆུང་ངུའི་དུས་ནས་ཡང་ཡང་བྱུང་ཞེས་གསུངས།། དགུང་ལོ་བཅུ་གཅིག་ཤིང་བྱ་༡༦༤༥ལོར་སོག་ཡུལ་ཧལ་ཧ་དང་བོད་མཚམས་སྐུུ་ཞང་གོང་མ་ཆོས་རྗེས་མཁན་པོ་མཛད་དེ་དགེ་བསྙྙེན་དང་བར་མ་རབ་བྱུང་མཛད། ཕག་ལོ་༡༦༤༧བར་ཧལ་ཧར་བཞུགས། དེའི་སྟོན་མཁར་སྔོན་པོར་ཕེབས་ནས་ཡོས་༡༦༥༡ལོའི་བར་བཞུགས། དེ་ནས་རྗེ་སྐུུ་འབུམ་མཇལ་དུ་ཕེབས་སྐབས་གྲྭ་པ་རྣམས་ཀྱིས་བགྲོ་གླེང་མཛད་པ་གཟིགས་དུས་བདག་ཀྱང་དེ་འདྲ་ཞིག་བྱེད་དགོས་སྙྙམ་པའི་ཐུགས་འདུན་ལྷང་ལྷང་སྐྱེས། ཆུ་འབྲུག་༡༦༥༢ལོར་སྐྱབས་མགོན་ལྔ་པ་ཆེན་པོ་མཚོ་ཁྲི་ཤོར་རྒྱལ་མོའི་འགྲམ་དུ་ཕེབས་པ་དང་མཇལ་ནས་གསུང་གི་བདུད་རྩིའི་བགོ་སྐུལ་ཐོག་མར་མྱངས་ཏེ་མ་འགྱངས་པར་སྐུུ་ཞང་དང་ལྷན་དུ་དབུས་སུ་བཏེགས། ཟླ་བ་བཅུ་པའི་ཚེས་བཅུ་བདུན་ཉིན་རྭ་སྒྲེང་དུ་ཕེབས། རྟེན་མཇལ་དང་ཚོགས་ལ་མང་འགྱེད་སོགས་ཕུལ། རྗེ་བསམ་སྒང་པ་ཐོག་མར་དེར་མཇལ་ཏེ་ཚེ་དཔག་མེད་ཀྱི་རྗེས་གནང་སོགས་གདམས་པ་མང་པོ་གསན། ལྔ་མཆོད་ཉིན་ལྷ་སར་ཕེབས། དེ་ནས་སེར་འབྲས་སོགས་མཇལ་ཞིང༌། དཔལ་ལྡན་བཀྲ་ཤིས་སྒོ་མང་སོགས་ལ་བསྙྙེན་བཀུར་དང་རྡོ་རྗེ་འཆང་མིའི་གར་མཛད་སྨིན་གྲོལ་ཞབས་ལ་དངུལ་གྱི་རྣམ་བུམ་ཕུལ་བས་ཕྱིས་སྒོ་མང་མཁན་པོ་ཡོང་བའི་ལུང་བསྟན་མཛད། དེ་ནས་བཀྲ་ཤིས་ལྷུན་པོར་བྱོན། པཎ་ཆེན་བློ་བཟང་ཆོས་ཀྱི་རྒྱལ་མཚན་ལ་མཇལ་ཅིང་བརྒྱ་འབུལ་དང་ཚོགས་པར་མང་འགྱེད་བཅས་ཕུལ། པཎ་ཆེན་ཐམས་ཅད་མཁྱེན་པ་ལས་སྨན་བླ་སོགས་ཀྱི་རྗེས་གནང་དང༌། དགེ་བསྙྙེན་ནས་དགེ་ཚུལ་བར་བསྒྲུབས་པ་གནང༌། ཟླ་བཅུ་གཉིས་པའི་ནང་ལྷ་སར་ཕེབས། སྨོན་ལམ་ཆེན་མོར་མང་འགྱེད་ཕུལ། དགའ་ལྡན་ཁྲི་རིན་པོ་ཆེ་དཀོན་མཆོག་ཆོས་བཟང་ལས་དམིགས་བརྩེ་མའི་ལུང་དང༌། ཆོས་རྒྱལ་རྗེས་གནང་སོགས་ཞུས། དེ་ནས་སྐུུ་ཞང་མདོ་སྨད་ལ་ཕྱིར་འབྱོན་ཁར་ཆོས་ཚུལ་བཞིན་བྱེད་དགོས་པའི་སློབ་སྟོན་མཛད་དེ་ཆས་ཀ་དང་བཅས་ཞང་པོ་ཤེས་རབ་འབྱུང་གནས་ལ་གཏད། དགུང་ལོ་བཅུ་དགུ་ཆུ་སྦྲུལ་ཧོར་ཟླ་བཅུ་གཉིས་པའི་ཚེས་བདུན་༡༦༥༣ལ་དཔལ་ལྡན་བཀྲ་ཤིས་སྒོ་མང་གི་ཆོས་གྲྭར་ཞུགས་ནས་འཇམ་དབྱངས་བླ་མ་སྨིན་གྲོལ་ཞབས་འཕྲིན་ལས་ལྷུན་གྲུབ་དཔལ་བཟང་པོའི་ཞལ་སྔ་ནས་ལས་བསྡུས་གྲྭའི་དགའ་སྟོན་ཐོག་མར་མྱངས། དེ་ནས་རིམ་བཞིན་གཞུང་ཆེན་བཀའ་པོད་ལྔ་ལ་སྦྱངས་པ་མཐར་སོན་ནས་དགུང་ལོ་ཉེར་དྲུག་ལྕགས་བྱི་ལོར་དགུན་ཆོས་ཆེན་མོར་གྲྭ་ཚང་དམ་བཅའི་སྐབས། འགའ་ཞིག་གིས་ན་གཞོན་པ་དང་འཛིན་གྲྭ་དམའ་བའི་སྟབས་ཀྱིས་དེ་རིང་ཀླུ་འབུམ་ཁམས་ཕྲུག་ལ་ཡིན་ཟེར་ནའང་འཁོར་གསུམ། མིན་ཟེར་ནའང་འཁོར་གསུམ་བྱེད་དགོས་ཟེར་ནས་བྱུང་བར། ཐོག་མར་སྤང་ལྟུང་ནས་ཚར་གཅོད་རྩིས་བྱས་ཀྱང་རིགས་ལུང་འགྲོ་བ་ཞིག་མ་བྱུང་བས་ལྟ་རྟོག་བྱས་འདུག་ཟེར། དེ་ནས་མཛོད་ཀྱི་ངོས་ལ་ཁ་སྤོས་ནས་བཏང་ཡང་རིགས་ལུང་མ་ཐོན། རིགས་ལམ་པ་ཁོང་སྐུུ་ལ་དྲིལ་བུ་བཏགས་ན་འཁྲོལ་བའི་ཚོད་ཙམ་དུ་འདར་ཞིང༌། མདུན་དུ་ཇ་ལྷག་བསྐྱིལ་བའི་ནང་དུ་འགྱེལ་བས་ཁོང་ངོ་གནོང་ཞིང་དགེ་འདུན་རྣམས་བཞད་གད་དི་རི་བ་བྱུང༌། དགུང་ལོ་ཉེར་བདུན་པ་ལྕགས་གླང་༡༦༦༡ལོར་སྨོན་ལམ་བཤད་པའི་ཉིན་དམ་བཅའ་བ་ཟླ་བོ་གཞན་རྣམས་ལས་ལན་འདེབས་གནང་ཚུལ་ལེགས་པ་བྱུང་ཞིང༌། ལྷག་པར་དམའ་འབེབས་བྱེད་འདོད་ཅན་འགའ་ཞིག་ཀྱང་མེ་དང་ཨ་རའི་དཔེར་སོང༌། ཡོངས་འཛིན་རིན་པོ་ཆེ་སོགས་ཚད་ལྡན་རྣམས་དགྱེས་ཤིང་ལེགས་སོ་མཛད། སེར་བྱེས་ཞལ་སྔ་ནས་ཀྲེ་བོས་ཀྱང་ལེགས་སོར་སྐུུ་འགག་ཅིག་གནང་ནས་ཁྱེད་ཀྱིས་སྤྱིར་མཚན་ཉིད་པ་དང༌། ཁྱད་པར་ཁམས་སོག་གི་གཏམ་དོན་ལ་ཕན་པ་བྱས་པས་ང་ཤིན་ཏུ་དགའ་གསུངས། སྐབས་དེར་སུས་ཀྱང་རིགས་ལུང་མ་སོང་བས་མཁས་གྲགས་ཤིན་ཏུ་ཆེ་བ་བྱུང༌། ལོ་དེའི་ཟླ་གསུམ་པའི་ནང་གཙང་དུ་ཕེབས་དེ་ཆོས་གྲྭ་ཆེན་པོ་བཀྲ་ཤིས་ལྷུན་པོར་པཎ་ཆེན་བློ་བཟང་ཆོས་ཀྱི་རྒྱལ་མཚན་གྱིས་མཁན་པོ་དང་རྗེ་ཐོས་བསམ་གླིང་པས་ལས་སློབ། ལྷ་པ་ཞབས་དྲུང་རིན་པོ་ཆེས་གསང་སྟོན་པ་མཛད་དེ་དགེ་འདུན་གྲངས་ཚང་བའི་དབུས་སུ་སླར་ཡང་དགེ་བསྙྙེན་དང༌། དགེ་ཚུལ། སོ་ཐར་སྡོམ་པའི་མཆོག་དགེ་སློང་གི་དངོས་པོ་ལེགས་པར་ཐོབ། སླར་ཡང་དབུས་སུ་ཕེབས། ཡོངས་འཛིན་རིན་པོ་ཆེ་ངག་དབང་དཔལ་འབྱོར་པ་དང༌། རྗེ་བསམ་སྒང་པ་ལས་ཟབ་པ་དང་རྒྱ་ཆེ་བའི་ཆོས་ཀྱི་དགའ་སྟོན་ཞུས། དགུང་ལོ་ཉེར་དགུ་ཆུ་ཡོས་ལོར་དཔལ་ལྡན་རྒྱུད་སྨད་གྲྭ་ཚང་དུ་ཆུ་མིག་ལུང་ནང་ཞུགས། རིགས་བརྒྱའི་ཁྱབ་བདག་རྡོ་རྗེ་འཆང་བློ་བཟང་དོན་ཡོད་ཀྱི་ཞལ་ནས་རྒྱུད་འགྲེལ་དང་བསྐྱེད་རྫོགས་རྒྱུད་གཞུང་སོགས་རྫོགས་པར་གསན། འབྲས་སྤུངས་སུ་དགེ་བཤེས་གྲལ་འཛིན་བྱས་པའི་ཕྱི་ཉིན་དེར་དཔལ་ལྡན་ཟབ་ཡངས་འཁྱིལ་པ་བདེ་ཡངས་གྲྭ་ཚང་གི་སློབ་དཔོན་བྱེད་དགོས་ཚུལ་གྱི་བཀའ་ཡིག་བྱུང་བརསྙྙིང་ནས་དགོངས་པ་ཞུ་དགོངས་ནས་ས་སྐྱོང་འཕྲིན་ལས་རྒྱ་མཚོ་དང་ྋགོང་ས་ལྔ་པ་ཆེན་པོ་ལ་དགོངས་པ་ཞུས་ཀྱང་མ་ཁྲོལ། ཆོས་སྐྱོང་ཆེན་པོ་མཇལ་སྐབས་སྔ་སོར་མ་འགྲོ་བྱས་པ་འདི་ཡིན། ཁྱོད་ཀྱི་འཕྲིན་ལས་ཀྱི་སྒོ་ཐོག་མར་འདི་ནས་འབྱེད་དགོས་པ་ཡོད་གསུངས། ལོ་དེའི་ཟླ་བཅུ་གཉིས་པའི་ནང་འབྲས་སྤུངས་བདེ་ཡངས་གྲྭ་ཚང་གི་མཁན་ཁྲིར་ཕེབས། དེར་ལོ་ངོ་གསུམ་གྱི་བར་འཆད་ཉན་གནང༌། དགུང་ལོ་སུམ་ཅུ་པ་ཤིང་འབྲུག་༡༦༦༤ཟླ་བ་བཅུ་གཉིས་པའི་ཚེས་ཉེར་གསུམ་ལ་དཔལ་ལྡན་བཀྲ་ཤིས་སྒོ་མང་གི་བླ་མའི་སྙྙན་གསན་བྱུང་བར་བརྟེན་གཞུང་སར་དགོངས་པ་ཞུས་ཀྱང་མ་ཁྲོལ། ཆོས་སྐྱོང་ཆེན་པོས་ཀྱང་གྲྭ་ཚང་ལ་འཕྲིན་ལས་རྒྱས་པའི་དུས་ལ་བབས་པ་ཡིན་པས་སུས་ཀྱང་མི་ཁེགས་སློབ་དཔོན་མཐོང་བ་དོན་ལྡན་གྱི་བཀའ་བཞིན་གྱིས་ཞེས་ཕེབས། དགུང་ལོ་སོ་གཅིག་པ་ཤིང་སྦྲུལ་༡༦༦༥ཟླ་གཉིས་པའི་ནང་དཔལ་ལྡན་སྒོ་མང་གྲྭ་ཚང་གི་མཁན་ཁྲིར་ཕེབས་ནས་ལོ་ངོ་དགུའི་རིང་འཆད་ཉན་རྒྱ་ཆེར་མཛད། འབྲས་སྤུངས་ཀུན་དགའ་ར་བར་ྋགོང་ས་མཆོག་ལ་བཀྲ་ཤིས་སྒོ་མང་ཡོངས་རྫོགས་ཀྱིས་ཞབས་བརྟན་དང་སྟོན་མོ་འབུལ་བ་རྒྱ་ཆེར་ཕུལ། ཆུ་གླང་༡༦༧༣ཧོར་ཟླ་གསུམ་པའི་ཚེས་གཉིས་ཉིན་རང་གི་སློབ་མ་སློབ་དཔོན་རིན་པོ་ཆེ་ཏྲེ་ནག་པ་དོན་གྲུབ་རྒྱ་མཚོའི་ཞལ་སྔ་ནས་བཀྲ་ཤིས་སྒོ་མང་གི་ཁྲིར་བཀོད་དེ་ཟླ་བ་དེའི་ཉེར་གསུམ་ལ་དཔལ་ལྡན་རྒྱུད་སྨད་གྲྭ་ཚང་གི་ཁྲིར་ཕེབས་ཏེ། ལྷ་སའི་རྒྱུད་ཁང་དུ་གྲགས་པ་རྒྱུད་སྨད་གྲྭ་ཚང་གི་གཙུག་ལག་ཁང་འདི་ཡང་ྋགོང་ས་ལྔ་པ་ཆེན་པོར་དགོངས་སྐོར་ཞུས་པར། བཀའ་ལས། ས་འདི་སྔོན་ཆོས་རྒྱལ་སྲོང་བཙན་སྒམ་པོས་ཚོགས་འཁོར་བསྐོར་བའི་གནས་དང༌། མ་འོངས་པ་ན་འཛམ་གླིང་ལ་དབང་བྱེད་པའི་གསང་སྔགས་ཀྱི་སྡེ་འབྱུང་བར་ཆོས་རྒྱལ་གྱིས་ལུང་བསྟན་པ་ཡིན་པས། ས་འདིར་རྒྱུད་ཁང་བཞེངས་ན་ལེགས་ཚུལ་སོགས་གསུངས་པ་ལྟར། མེ་འབྲུག་༡༦༧༦ལོར་ལྷ་ལྡན་གཙུག་ལག་ཁང་གི་བྱང་ངོས་སུ་རྒྱུད་ཁང་གི་འགྲམ་བཏིང༌། ལོ་དེར་གོང་ས་ལྔ་པ་ཆེན་པོའི་བཀའ་དགོངས་བཞིན་སོག་ཡུལ་ཨོ་རོད་དུ། སེ་ཆེན་རྒྱལ་པོ་དང་གཡོན་རུ་དབེན་ས་དགའ་ལྡན་ཧོར་ཐའི་ཇིའི་གཉིས་དམག་འཁྲུག་གི་ཡོ་ལོངས་བྱུང་བར་འདུམ་སྒྲིག་ཏུ་བྱོན། འཐབ་རྩོད་ཁོལ་བུ་དུ་མ་འདུམས་པ་དང༌། མུ་གེས་མནར་བའི་སེམས་ཅན་མང་པོ་སྡུག་བསྔལ་ལས་བསྐྱབས་པ། དད་འདུན་ཅན་དུ་མར་ཆོས་བཀའ་གནང་བས་མཚོན། བསྟན་འགྲོ་ལ་སྨན་པའི་འགྲོ་དོན་རྒྱ་ཆེར་བསྐྱངས་ནས་དབུས་སུ་ཕྱིར་ཕེབས། སླར་དབུས་སུ་ཞབས་སོར་འཁོད་དེ་ས་རྟ་༡༦༧༨ལོར་རྫོགས་པར་གྲུབ་ཅིང༌། གཙང་ཁང་དུ་ཐུབ་དབང་དང་ཉེ་བའི་སྲས་བརྒྱད་དང་བཅས་པ། མགོན་ཁང་དུ་དཔལ་རྡོ་རྗེ་འཇིགས་བྱེད་ཀྱི་སྣང་བརསྙན་སུམ་ཐོག་གི་ཚད་ཙམ། མགོན་པོ་ཕྱག་དྲུག་པ་དང་ལས་གཤིན་ཕྱི་སྒྲུབ་ཀྱི་སྣང་བརསྙན་ཉིས་ཐོག་གི་ཚད་ཙམ་སོགས་བཞེངས་ཚུལ་སོགས་ཞིབ་པར་ཤེས་འདོད་ན། ཀུན་མཁྱེན་འཇམ་དབྱངས་བཞད་པའི་འཇིགས་བྱེད་ཆོས་འབྱུང་དང༌། རྒྱལ་མཆོག་བདུན་པས་རྗེ་དེའི་ཡང་སྲིད་བློ་བཟང་བསྟན་པའི་ཉི་མའི་རྣམ་ཐར་མཛད་པ་དེ་དག་ཏུ་མཇལ་བར་བྱའོ། །དེ་རྗེས་བྱང་རྩེའི་ཁྲིར་ཕེབས། ཡོན་དགེ་༥༢༠ཡོན་ཏན་རྒྱ་མཚོའི་དགེ་ལྡན་ཆོས་འབྱུང་གསེར་གྱི་ཆོད་སྡོང་འབར་བར་གཟིགས། དགུང་ལོ་ཞེ་བདུན་པ་ལྕགས་བྱ་༡༦༨༡ལོར་སླར་ཡང་གོང་ས་ལྔ་པ་ཆེན་པོའི་བཀའ་དགོངས་གཞིར་བྱས་ཏེ་སྨད་འདུལ་ལུགས་ཀྱི་སྡོམ་པ་ཕྱིར་ཕུལ་ཅིང་ལྔ་པ་ཆེན་པོའི་དྲུང་ནས་སྟོད་འདུལ་ལུགས་ཀྱི་དགེ་སློང་གི་སྡོམ་པ་ཞུས། རྒྱའི་གོང་མ་ཁཱང་ཤི་ཡིས་གོང་ས་ལྔ་པ་ལ་བསྟན་འགྲོ་ལ་ཕན་པའི་བླ་མ་ཞིག་རྒྱ་ཡུལ་ལ་གཏོང་རྒྱུའི་ཕོ་ཉ་འབྱོར་བ་ལྟར་འདི་ཉིད་ཤར་ཕྱོགས་རྒྱ་ནག་གི་ཡུལ་གྲུར་ཕེབས། དེར་ཐན་པ་ཆེན་པོ་བྱུང་བའི་སྐབས་དང་འཁེལ་བར་གོང་མའི་རེ་དགོངས་བཞིན་ཆར་འབེབས་མཛད་པ་ཆར་ཆུ་ཤིན་ཏུ་འབེལ་བ་བྱུང་བས་གོང་མ་ཐུགས་མཉེས་ཏེ་སྲི་ཞུ་དང་ཕུད་འདུད་རྒྱ་ཆེར་ཞུས། དགུང་ལོ་ཞེ་བརྒྱད་པ་ཆུ་ཁྱི་༡༦༨༢ལོར་དགའ་ལྡན་གསེར་ཁྲིར་ཕེབས། ལྷོ་མོན་དཔུང་འཇུག་གི་དུས་དྲུག་ཅུ་པ་ཆེན་མོའི་ལྕགས་མཁར་བརྩིགས་ཏེ་བསྒྲལ་ཆོག་མཛད་པས་ཆུ་བྱི་ནག་པོ་གཅིག་ལྕགས་མཁར་གྱི་ཆོས་འབྱུང་ནང་ལ་ཡང་ཡང་འགྲོ་གྲབས་བྱེད་ཅིང་ཁ་གདངས་ནས་ན་བ་ལྟར་བྱས་པ་རབ་འབྱམས་པ་འོད་ཟེར་གྱིས་རྔ་གཡོག་གིས་ཡང་ཡང་ཕྱིར་འཐེན་དགོས་པ་སོགས་ཕ་རོལ་ལ་རྟགས་ཐོན་པའི་མཚན་མ་མངོན་སུམ་དུ་བྱུང༌། རྒྱ་ནག་གོང་མས་ྋསྐྱབས་མགོན་མཆོག་ལ་བསྟན་འགྲོར་སྨན་པའི་བླ་མ་ཞིག་དགོས་པའི་ཕོ་ཉ་བཏང་བར། གཞུང་ནས་རྗེ་འདི་ལ་ཕྱག་དམ་ཕེབས་ྐལྔ་པ་ཆེན་པོ་གསང་རྒྱའི་སྐབས་ཋཔ་སྤྱི་བོར་བླངས་ཏེ་ཁྲིར་ལོ་བཞི་སོང་མཚམས་མེ་སྟག་༡༦༨༦མདོ་སྨད་ཆོས་འབྱུང་བསྟན་རྩིས་ཀུན་བཏུས་སུ་མེ་ཡོས་ཟེར་ལོར་རྒྱ་ནག་རྒྱལ་ཁབ་ཏུ་བྱོན། གོང་མ་རྒྱལ་པོ་མཇལ་འཕྲད་གནང་ཞིང་གོང་མས་ཐུགས་དགྱེས་པ་ཁོ་ན་མཛད། དགའ་ལྡན་གསེར་ཁྲི་པ་རྒྱ་ནག་ཏུ་ཕེབས་མཁན་ཐེངས་དང་པོ་འདི་ཉིད་ཡིན་པས། ཁྲི་རྒྱ་ནག་པར་གྲགས། སྐབས་དེར་སོག་ཡུལ་དུ་རྒྱ་བོད་ཧོར་གསུམ་གྱི་བདེ་དོན་ཚོགས་འདུར་བོད་གཞུང་གི་སྐུུ་ཚབ་མཛད་ནས་ཕེབས། ཚོགས་འདུའི་སྟེང་ཁལ་ཁ་རྗེ་བཙུན་དམ་པ་དང་བཞུགས་ཁྲི་འདྲ་མཉམ་མཛད་ཐོག་རྒྱ་ནག་གོང་མའི་བཀའ་ལུང་མ་བསྒྲགས་གོང་ཏཱ་ལའི་བླ་མའི་བཀའ་ལུང་བསྒྲགས་ཐུབ་པ་བྱུང༌། ཡང་ཁལ་ཁ་དང་ཨོ་རོད་འཁྲུག་གྲབས་བྱས་པ་ལོ་ཤས་ཞི་བར་བྱས། སླར་མདོ་སྨད་དུ་ཕེབས་ནས་དགུང་གྲངས་ལྔ་བཅུ་ང་བཞི་པ་རབ་བྱུང་བཅུ་གཉིས་པའི་ས་འབྲུག་༡༦༨༨ལོར་སྙྙུན་ཟུག་སོགས་གང་ཡང་མེད་པར་དགོངས་པ་ཆོས་དབྱིངས་སུ་གཤེགས། གདུང་ལ་རང་བྱོན་གྱི་རྣམ་པ་མང་དུ་སྣང་བ་ལ་དངུལ་གདུང་བཞེངས། སློབ་མ་ཐོར་གོད་དོན་གྲུབ་རྒྱ་མཚོ་དང༌། ཀུན་མཁྱེན་འཇམ་དབྱངས་བཞད་པ་ངག་དབང་བརྩོན་འགྲུས། ལྕང་སྐྱ་ངག་དབང་མཆོག་ལྡན་སོགས་མང་དུ་བྱོན། ཁྲི་ཆེན་འདི་ཉིད་ཀྱི་ཡང་སྤྲུལ་བློ་བཟང་བསྟན་པའི་ཉི་མ་༡༦༨༩༡༧༦༢ མཚན་སྙྙན་ཤིན་ཏུ་ཆེ། ལྕང་སྐྱ་རོལ་རྡོར་དང་འདི་གཉིས་ནས་བསྟན་འགྱུར་སོག་སྐུད་དུ་སྒྱུར་བའི་བརྡ་སྤྲོད་བརྩམས་ཏེ་བསྒྱུར་བར་གྲགས་ཆེ། གསུང་རྩོམ་ཡང་ཕར་ཕྱིན་སྐོར་སོགས་སྣང༌། སྐུུ་ཕྲེང་གསུམ་པ་འཇམ་དཔལ་བསྟན་འཛིན་འཕྲིན་ལས་རྒྱ་མཚོ་༡༧༦༣༡༧༧༡ སྐུུ་ཕྲེང་བཞི་བ་ངག་དབང་ཐུབ་བསྟན་དབང་ཕྱུག་དཔལ་ལྡན་འཕྲིན་ལས་རྒྱ་མཚོ་༡༧༧༢༡༧༨༡ སྐུུ་ཕྲེང་ལྔ་པ་ངག་དབང་ཐུབ་བསྟན་པའི་ཉི་མ། སྐུུ་ཕྲེང་དྲུག་པ་བློ་བཟང་ཐུབ་བསྟན་རྒྱ་མཚོ་༡༨༤༧༡༩༠༢ སྐུུ་ཕྲེང་བདུན་པ་དགེ་འདུན་ལུང་རྟོགས་ཉི་མ་༡༩༠༤༡༩༣༢ སྐུུ་ཕྲེང་བརྒྱད་པ་བློ་བཟང་བསྟན་པའི་རྒྱལ་མཚན་༡༩༣༣༡༩༦༠ སྐུུ་ཕྲེང་དགུ་པ་ཆོས་ཀྱི་བློ་གྲོས་རབ་བྱུང་བཅུ་དྲུག་པའི་ལྕགས་ཁྱི་༡༩༧༠ལོར་ལ་མོ་བདེ་ཆེན་དང་ཐག་ཉེ་བ་ལྕང་ཚང་ཁ་ཞེས་པར་འཁྲུངས། ད་ལྟ་རྗེ་སྐུུ་འབུམ་བྱམས་པ་གླིང་དང༌། བཀྲ་ཤིས་འཁྱིལ། ལ་མོ་བདེ་ཆེན་བཅས་པར་ཐུགས་གཉེར་ལ་འགྲུས་བཞིན་ཡོད་པ་ཐོས། །


ཁྲི་ཐོག་ཞེ་ལྔ་པ་ཅོ་ནེ་འཇམ་དབྱངས་ཚུལ་ཁྲིམས་དར་རྒྱས་ནི། ཙོང་ཁ་དང་མི་རིང་པ་མདོ་སྨད་ཅོ་ནེ་དགའ་ལྡན་བཤད་སྒྲུབ་གླིང་དང་འདབས་འབྲེལ་ཞོ་བཟང་བྱ་བའི་ཡུལ་དུ་རབ་བྱུང་བཅུ་གཅིག་པའི་ཆུ་སྤྲེལ་༡༦༣༢ལོར་བལྟམས། མཚོ་ཁྲི་ཤོར་རྒྱལ་མོའི་འགྲམ་བཙན་གདོང་དམར་གྱི་སའི་ཆར་བྱ་ཁྱུང་མཁན་པོ་ནོ་མོན་ཁང་དོན་ཡོད་རྒྱལ་མཚན་གྱིས་མཁན་པོ་དང༌། ནོ་ཡོན་ཆོས་རྗེ་རྒྱལ་མཚན་དཔལ་བཟང་གིས་ལས་སློབ་མཛད་དེ་བླ་ཆེན་དགོངས་པ་རབ་གསལ་ནས་བརྒྱུད་པ་སྨད་འདུལ་ལུགས་ཀྱི་སྡོམ་རྒྱུན་ལས་རབ་ཏུ་བྱུང༌། མཚན་ཚུལ་ཁྲིམས་དར་རྒྱས་སུ་གསོལ། རིམ་གྱིས་དབུས་སུ་ཐུགས་གཉེར་དུ་ཕེབས་ཏེ་སེ་ར་ཐེག་ཆེན་གླིང་གི་གྲྭ་ཚང་སྨད་དུ་ཞུགས། རྒྱུ་མཚན་ཉིད་ཀྱི་ཐེག་པར་ཐུགས་གཉེར་ཡང་དག་པ་མཛད་པས་རྩོད་པའི་མཁས་པའི་གོ་སར་བརྙེས། པཎ་ཆེན་བློ་བཟང་ཆོས་རྒྱན་གྱི་དྲུང་ནས་སྨད་འདུལ་ལུགས་ཀྱི་དགེ་སློང་གི་སྡོམ་པ་ཞུས། དཔལ་ལྡན་སྟོད་རྒྱུད་གྲྭ་ཚང་དུ་འབྲས་བུ་སྔགས་ཀྱི་ཐེག་པ་ལ་ཐོས་བསམ་མཛད་བཞིན་པའི་དུས་ྋགོང་ས་ལྔ་པ་ཆེན་པོས་བཀའ་ཕེབས་ཏེ། དགུང་ལོ་སུམ་ཅུའི་ཐོག་༡༦༦༡རྒྱུད་སྨད་གྲྭ་ཚང་གི་འཆད་ཉན་སློབ་དཔོན་དུ་ཕེབས། ལོ་བཅུ་བཞིའི་རིང་བསྐྱངས། དེའི་རིང་འཆད་ཉན་འཕེལ་བའི་ཐབས་ལ་ཤིན་ཏུ་དམར་བར་མཛད་པས་གཞུང་ལུགས་སྤྱི་དང་བྱེ་བྲག་ལ་མཁས་པའི་དགེ་བའི་བཤེས་གཉེན་མང་དུ་ཐོན་ཞིང་རྟེན་བཞེངས་སོགས་ཕྱག་རིས་རླབས་ཆེ། ༡༦༧༤ལོར་རྒྱུད་ཀྱི་མཁན་ཁྲི་ལས་ཟུར་རྗེས་ཐུགས་སྨོན་རྣམ་པར་དག་པའི་མཚམས་སྦྱོར་ལ་བརྟེན་འཇམ་མགོན་ཆོས་ཀྱི་རྒྱལ་པོ་ཙོང་ཁ་པའི་གདན་ས་འོལ་ཁ་རྫིང་ཕྱིའི་མཁན་པོར་ཕེབས་ཏེ་འགྲོ་དོན་རྒྱ་ཆེར་འཕེལ། མེ་འབྲུག་༡༦༧༦ལོར་གོང་ས་ལྔ་པ་ཆེན་པོའི་བཀའ་དགོངས་བཞིན་སོག་ཡུལ་ཨོ་རོད་དུ་སེ་ཆེན་རྒྱལ་པོ་དང་གཡོན་རུ་དབེན་ས་དགའ་ལྡན་ཧོར་ཐའི་ཇིའི་གཉིས་དམག་འཁྲུག་གི་ཡོ་ལོངས་བྱུང་བར་འདུམ་སྒྲིག་ཏུ་བྱོན་ འཐབ་རྩོད་ཁོལ་བུ་དུ་མ་འདུམས་པ་དང༌། མུ་གེས་མནར་བའི་སེམས་ཅན་མང་པོ་སྡུག་བསྔལ་ལས་བསྐྱབས། དད་འདུན་ཅན་དུ་མར་ཆོས་བཀའ་གནང་བས་མཚོན། བསྟན་འགྲོ་ལ་སྨན་པའི་འགྲོ་དོན་རྒྱ་ཆེར་བསྐྱངས་ནས་དབུས་སུ་ཕྱིར་ཕེབས། དགུང་ལོ་ཞེ་བདུན་པར་སླར་ཡང་གོང་ས་ལྔ་པ་ཆེན་པོའི་དྲུང་ནས་སྟོད་འདུལ་ལུགས་ཀྱི་དགེ་སློང་གི་སྡོམ་པ་ཞུས། དགུང་ལོ་ཞེ་གསུམ་པ་རབ་བྱུང་བཅུ་གཅིག་པའི་ཤིང་ཡོས་༡༦༧༥ལོར་ཤར་པ་བྱམས་པ་བཀྲ་ཤིས་དགའ་ལྡན་ཁྲི་ལ་ཕེབས་ཤུལ་དུ་ཤར་རྩེ་ཆོས་རྗེའི་ཁྲིར་ཕེབས་ནས་འགྲོ་དོན་རྒྱ་ཆེར་སྐྱོང་བཞིན་པའི་མུར། བཀའ་འབྲེལ་ལྟར་ཤར་ཕྱོགས་རྒྱ་ནག་གི་ཡུལ་གྲུར་ཕེབས། དེར་ཐན་པ་ཆེན་པོ་བྱུང་བའི་སྐབས་དང་འཁེལ་བར་གོང་མའི་རེ་དགོངས་བཞིན་ཆར་འབེབས་མཛད་པས་ཆར་ཆུ་ཤིན་ཏུ་འབེལ་བ་བྱུང་བས་གོང་མ་ཐུགས་མཉེས་ཏེ་སྲི་ཞུ་དང་ཕུད་འདུད་རྒྱ་ཆེར་ཞུས། སླར་དབུས་སུ་ཞབས་སོར་འཁོད་དེ། བསམ་གླིང་སླེབ་རི། ཚལ་གུང་ཐང༌། གསང་སྔགས་མཁར་སོགས་གདན་ས་གཞན་ཡང་དུ་མ་བསྐྱངས། རྟེན་བརྟེན་པ་རྙིང་པའི་ཞིག་གསོ་དང་གསར་བསྐྲུན་མང་པོ་མཛད། ཆོས་དང་ཟང་ཟིང་གིས་འགྲོ་དོན་རྒྱ་ཆེར་བསྐྱངས། དགུང་ལོ་ང་བཞི་པ་ཤིང་མོ་གླང་༡༦༨༥ལོ་ལ་རྒྱལ་བ་གཉིས་པ་ཤར་ཙོང་ཁ་པ་བློ་བཟང་གྲགས་པའི་དཔལ་གྱི་མི་འཇིགས་སེང་གེའི་ཁྲི་ཆེན་པོར་ཞབས་ཟུང་གི་པདྨོ་བཀོད། ཁྲི་ཐོག་ལོ་གྲངས་མ་རྫོགས་བར་ལྷ་ས་སྨོན་ལམ་ཆེན་མོའི་གྲལ་དབུ་སོགས་མཛད་པ་མཐའ་དག་ཚུལ་བཞིན་བསྐྱངས། ཕྲ་མོའི་སྙྙུན་ཚུལ་ཙམ་གྱིས་ཀྱང་མ་གོས་པར་ཕྱོགས་བྲལ་འགྲོ་བའི་རེ་འདོད་ཅིག་ཅར་དུ་བཀང༌། བདེ་ཆེན་གསང་སྔགས་མཁར་གྱི་འདུ་ཁང༌། དགའ་ལྡན་དྲི་གཙང་ཁང་སོགས་རྟེན་དང༌། སྐུུ་བྲིས་འབུར། དངུལ་གདུང༌། བཀའ་འགྱུར་སོགས་བརྟེན་པ་འགངས་ཆེ་དུ་མ་བཞེངས། སྔ་ཕྱིར་ཕྱག་ན་པདྨོ་ངུར་སྨྲིག་གར་རོལ་ལྔ་པ་ལ་འཇམ་དབྱངས་ཆོས་སྐོར་གྱིས་མཚོན་པའི་ཟབ་ཆོས་སོགས་མང་དུ་གསན། དགུང་ལོ་རེ་གཅིག་པ་ཆུ་སྤྲེལ་༡༦༩༢ལོར་ཁྲི་ཐོག་ལོ་གྲངས་གཙང་ནས་རང་ཉིད་ཀྱི་གདན་ས་འོལ་ཁ་རྫིང་ཕྱི་ལ་ཕྱིར་ཕེབས་ཏེ་ཟབ་པ་དང་རྒྱ་ཆེ་བའི་ཆོས་འཁོར་བསྐོར་བཞིན་ཟུར་དུ་བཞུགས། རབ་བྱུང་བཅུ་གཉིས་པའི་ཤིང་ཁྱི་༡༦༩༤ལོའི་ཟླ་བ་གཉིས་པའི་ཚེས་བཅོ་བརྒྱད་ཉིན་ཐུགས་སྨོན་གྱི་མཚམས་སྦྱོར་དམ་པོས་བཅིངས་སྟབསྋགོང་ས་ལྔ་པ་ཆེན་པོའི་གསང་བའི་དགོངས་རྫོགས་ཚོགས་མཆོད་ཆེན་མོའི་ཐོག་མའི་གྲལ་དབུ་མཛད་པ་སོགས་རྣམ་དཀར་གྱི་འཕྲིན་ལས་ནམ་མཁའི་མཐའ་ཁྱབ་ཏུ་བརྟས། དགུང་ལོ་ང་ལྔ་པ་རབ་བྱུང་བཅུ་གཉིས་པའི་ཤིང་ཕག་༡༦༩༥ལོར་ཁྲི་ཆེན་སྦྱིན་པ་རྒྱ་མཚོ་གློ་བུར་ཞི་བར་གཤེགས་པའི་ཚབ་ཏུ་ཤར་རྩེ་ཆོས་རྗེ་སྤོ་འབོར་བློ་བཟང་ཆོས་འཕེལ་གསེར་ཁྲིར་འཁོད་དགོས་ཀྱང་ཁོ་བ་མངའ་རིས་མཐོ་ལྡིང་དུ་ཕྱོགས་དེའི་རྒྱལ་བློན་རྣམས་ཀྱིས་ཡུན་རིང་བཞུགས་དགོས་ཚུལ་དང༌། གལ་ཏེ་ཕྱིར་ཕེབས་ཀྱི་དབང་བཏང་ཡང་བྱང་རྩེ་མངོན་དགའ་སྤྲུལ་སྐུུའང་གློ་བུར་དུ་གཤེགས་ཤིང་བྱང་རྩེའི་གསར་དུ་འཁོད་འཕྲལ་མངའ་རིས་སུ་ཕེབས་དགོས་སྟབས་དུས་མ་འགྲིག་པའི་གནས་དུས་ཀྱི་བསྐལ་བས་ཁྲི་སྒང་སྟོང་པ་ལ་བརྟེན། ལོ་དེར་སླར་ཡང་རྗེ་ཉིད་ཐུགས་སྨོན་རྣམ་པར་དག་པའི་མཐུ་དཔལ་རྨད་དུ་བྱུང་བ་ལ་བརྟེན་དགའ་ལྡན་གསེར་ཁྲིར་ཞབས་ཟུང་གི་པདྨོ་བཀོད། ལོ་དེའི་བོད་ཟླ་དགུ་པའི་ནང་རྒྱལ་དབང་ཚངས་དབྱངས་རྒྱ་མཚོ་མོན་ནས་དབུས་སུ་གདན་དྲངས་ཏེ་པོ་ཏ་ལར་ཁྲི་སྟོན་མཛད་སྒོ་སྐབས། སྡེ་སྲིད་སངས་རྒྱས་རྒྱ་མཚོས་ལྔ་པ་ནས་དྲུག་པར་འཕོས་པའི་གཏམ་རབ་གསལ་གེར་གྱི་སྙེ་མ་གླེགས་བམ་དང་པོ་ལས། ཚེས་ཉེར་དྲུག་ཉིན་ཅོ་ནེ་ཆོས་རྗེ་བློ་བཟང་ཉི་མས་གསེར་སྲང་བདུན་ཅུ། དངུལ་སྲང་བརྒྱའི་མཎྜལ་དང་རྟ་རྨིག་མ་བརྒྱ་དང་ལྔ་བཅུ། ཁ་བཏགས་སྟོང༌། གོས་ཡུག་བརྒྱ་དང་སུམ་བཅུ། དར་ཡུག་ལྔ་བརྒྱ། སྤུ་ཇ་སྐོ་ཊ་སུམ་བརྒྱ། ཟམ་རས་སོགས་ཁྲི་འབུལ་ལ་ཉེ་བར་ཕུལ་གསལ་བ་ཡང་རྗེ་འདི་ཉིད་ཡིན་པ་སེམས་སོརབ་ ༣༨༨། མཆོད་སྡོང་འཛམ་གླིང་རྒྱན་གཅིག་རྟེན་དང་བརྟེན་པ་བཅས་གེགས་མེད་དུ་འབྱོངས་པའི་རབ་གནས་སྐབས་དམ་ཚིག་སེམས་དཔའ་ལ་ཡེ་ཤེས་སེམས་དཔའ་དབྱེར་མེད་དུ་མཛད་པའི་ཤིས་བརྗོད་ཀྱི་ཚེ། ལྷ་ལྡན་དུ་ཐན་པས་གདུང་བཞིན་པའི་སྐབས་ཡིན་ཡང་གློ་བུར་དུ་ཆར་བབས་པ་སོགས་ཡ་མཚན་གྱི་རྟགས་མང་དུ་བྱུང༌། རྟེན་བཞེངས་ཀྱི་རིམ་པ་གསེར་ཟངས་ཀྱི་རྒྱལ་བ་བྱམས་པའི་སྐུུ་ཁྲུ་བཞི་པ་དང་བཅས་པའི་གསེར་སྐུུ་མང་བ། བདག་ཅག་གི་སྟོན་པ། གནས་བརྟན་བཅུ་དྲུག འཇམ་མགོན་ཙོང་ཁ་པ་སོགས་ཀྱི་སྐུུ་པར། དུང་དཀར་གྱི་གཤོག་པ་གསར་བཟོ། འདུ་ཁང་དཀར་མོའི་ཡོ་བསྲང་དང་ཤིང་རྩི་ལྡེབས་བྲིས་རྒྱས་པ། འདུ་ཁང་སྟེང་ཁ་བཞི་མར་སྨན་བླ་བདེ་གཤེགས་བརྒྱད། སྟོན་པ་ཐུབ་པའི་དབང་པོ། འཕགས་པའི་གནས་བརྟན་བཅུ་དྲུག དགེ་བསྙྙེན་ངྷརྨ། ཧྭ་ཤང༌། རྒྱལ་ཆེན་བཞི། འདུ་ཁང་དུ་རྒྱལ་བ་གཉིས་པ་བློ་བཟང་གྲགས་པ། ྋགོང་ས་ལྔ་པ་ཆེནཔོ། པཎ་ཆེན་བློ་བཟང་ཡེ་ཤེས། སྡེ་སྲིད་སངས་རྒྱས་རྒྱ་མཚོ་བཅས་ཀྱི་སྐུུ་བརྙན་སོ་སོར་མཆོད་རྫས་དང་བཅས་པ། སྟོན་པ་ཐུབ་པའི་དབང་པོའི་བཀའ་བོད་ཡུལ་དུ་འགྱུར་རོ་ཅོག་པུསྟ་ཀ་བརྒྱ་ཕྲག་བརྒལ་བ་སོགས་རྣམ་དཀར་རྟེན་བཞེངས་ཀྱི་རིམ་པ། འདུ་ཁང་གི་ལྡེབས་བྲིས་ལ་ཕྱག་ནས་མཛད་པའི་ཚེ་འཇམ་མགོན་ཙོང་ཁ་པ་ཆེན་པོའི་སྐུུས་མེ་ཏོག་དངོས་སུ་འཛིན་པར་མཛད་པ་སོགས་ངོ་མཚར་བའི་མཚན་མ་མང༌། ཆོ་འཕྲུལ་སྨོན་ལམ་དང་ཚོགས་མཆོད་ཆེན་མོའི་གྲལ་དབུ་སྟར་ཆགས་བཅས་བསྟན་འགྲོའི་ཕན་བདེ་གྱེན་དུ་འདེབས་པའི་མཛད་པ་རླབས་པོ་ཆེ་བསྐྱངས། ཕྱག་ན་པདྨོ་ཚངས་དབྱངས་རྒྱ་མཚོ་ལ་ལམ་རིམ་ཆེན་མོས་མཚོན་ཟབ་རྒྱས་དམ་པའི་ཆོས་བཀའ་དུ་མ་ཕུལ། བཻ་སེར་ལས། སྤྱིར་རྗེ་བཙུན་འཇམ་པའི་དབྱངས་ཀྱིས་རྗེས་སུ་བཟུང་བའི་སྐྱེས་ཆེན་འབའ་ཞིག་ལས་གང་ཟག་རང་རྒྱུད་པ་གསེར་ཁྲིར་ཕེབས་པའི་གོ་སྐབས་མེད་ཅིང༌། དེ་ཡང་རྩེ་ཤར་སོགས་ལ་སྐུུ་ན་ཕྲ་མོ་ནས་ཕེབས་ཟིན་ཀྱང་ཁྲིར་འཁྱོལ་དཀའ་བ་དང༌། འཁྱོལ་ཀྱང་སྐུུ་ཚེ་མཐར་མི་ཕྱིན་པ་ཁོ་ན་མང་བ་བྱུང་འདུག་རུང༌། འཇམ་དབྱངས་དཀོན་ཅོག་ཆོས་འཕེལ་དང་འདི་གཉིས་རང་རང་གི་ཁྲི་སྐལ་བཞེད་པ་ལྟར་བསྐྱངས་ནས། སླར་ཡང་གསེར་ཁྲིར་བལྡབས་ནས་ཕེབས་པ་ནི་ཁྲི་པ་རྣམས་ཀྱི་ནང་ནས་ཁྱད་པར་དུ་འཕགས་པ་བྱང་ཆུབ་སེམས་དཔའ་ས་ཆེན་པོ་ལ་བཞུགས་པ་ཐུགས་སྨོན་གྱི་མཚམས་སྦྱོར་ཡང་དག་ཐེབས་པར་ངེས་པ་གཏིང་ནས་སྙེད་དོ། །ཞེས་ཀྱང་གསུངས་སྣང་ངོ༌།།སྡེ་སྲིད་ཀྱིས་བཻ་སེར་རྩོམ་མཇུག་གྲུབ་པའི་༡༦༩༨ལོ་དེར་འདི་ཉིད་དགའ་ལྡན་ཁྲི་ཚབ་ཏུ་བཞུགས་པ་ཡིན། དེའི་ཕྱི་ལོ་དགུང་ལོ་རེ་བརྒྱད་པ་རབ་བྱུང་བཅུ་གཉིས་པའི་ས་གླང་༡༦༩༩ལོར་སྨོན་ལམ་ཚོགས་དབུར་ཕེབས་ནས་རྒྱུན་སྲོལ་ལྟར་ཆོས་ཀྱི་འཁོར་ལོ་རྒྱ་ཆེར་བསྐོར། ལོ་དེའི་བོད་ཟླ་གསུམ་པའི་ཚེས་གཅིག་ཉིན་ྋགོང་ས་རྒྱལ་དབང་ཚངས་དབྱངས་རྒཊཡ་མཚོ་དུས་གསུམ་རྒྱལ་བ་ཀུན་གྱི་ཡབ་གཅིག་ཤར་ཙོང་ཁ་པ་བློ་བཟང་གྲགས་པའི་འབྲོག་དགའ་ལྡན་རྣམ་པར་རྒྱལ་བའི་གླིང་དུ་ཞབས་སོར་འཁོད་པར་ཁྲི་ཆེན་འདི་ཉིད་ཀྱིས། ཤལ་དཀར་ཤུབས་ཅན་དང༌། ཐོན་ཐི་ཡུག་སོགས་དགུ་ཚན་བདུན་དང༌། ཤོད་དུ་ལྔ་རྣམས་བསྟར་ཞིང༌། མཎ་ཌལ་འབུལ་སྐབས། རྡོ་རྗེའི་སྐུ་ལ་གཡོ་བ་མི་མངའ་ཡང༌། ཆོས་ཀྱི་འཁོར་ལོ་བསྐོར་བ་དང་མྱ་ངན་ལས་མི་འདའ་བར་གསོལ་བ་བཏབ་མིན་ལ་ལྟོས་པ་ལྟ་བུའི་སྣང་བ་བསྟན་པ་སངས་རྒྱས་ཀྱི་སྲོལ་ཡིན་པས། ཞབས་པད་བསྐལ་བརྒྱར་བརྟན་དགོས་པའི་ལུང་འདྲེན་དང་བཅས་ཞུས་པས། ཚངས་དབྱངས་རྒྱ་མཚོས་ལུང་འདྲེན་དང་བཅས་པ་ཞལ་བཞེས་གནང་ཚུལ་ཡང་རབ་གསལ་གསེར་གྱི་སྙེ་མར་༥༨༢གསལ། ལོ་དེར་ཁྲི་ལས་ཐོག་པ་ཡང་སྟེང་པ་བློ་བཟང་ཆོས་འཕེལ་མངའ་རིས་ནས་ཕྱིར་ལྷ་ལྡན་བརྒྱུད་དགའ་ལྡན་དུ་ཕེབས་པ་ལ་གསེར་ཁྲི་རྩིས་འབུལ་གནང་ནས་རང་ཉིད་ཁྲི་ལས་ཟུར་ནས་ཀུན་སྤང་མཛད། དགུང་ལོ་རེ་དགུ་པ་ལྕགས་སྦྲུལ་༡༧༠༠བོད་ཟླ་གསུམ་པའི་ཚེས་གཉིས་ཉིན་སླར་ཡང་ཚོམས་ཆེ་སྲིད་ཞིའི་ཕུན་ཚོགས་སུ་རྒྱལ་དབང་ཚངས་དབྱངས་རྒྱ་མཚོ་ལ་སྐུ་ཚེ་ཡུན་དུ་བརྟན་པའི་གསོལ་འདེགས་དང་འབྲེལ་ནས་མཎ་ཌལ་རྟེན་གསུམ་དང་རྩེར་དགུ་ཚན་དང་བདུན་ཚན། ཤོད་དུ་དགུ་ཚན་གྱི་འབུལ་བ་གཏོས་ཆེར་བཏེགསརབ་ ༧༠༣། འདས་ལོ་མ་རྙེད།

དགའ་ལྡན་ཁྲི་ཐོག་ཞེ་དྲུག་པ་བཀའ་འགྱུར་པ་བསམ་བློ་སྦྱིན་པ་ནི། རབ་བྱུང་བཅུ་གཅིག་པའི་ས་སྦྲུལ་༡༦༢༩ལོར་མདོ་སྨད་ཁྲི་ཀའི་ས་ཆར་བིས་མདོ་ཞེས་པའང་སྣང་ལ་མཁས་དབང་ཚེ་ཏན་ཞབས་དྲུང་བའི་བྱ་ཁྱུང་གདན་རབས་སུ་ངག་རྒྱུན་ལ་རྨ་ཆུའི་བྱང་རྒྱུད་ཤེས་བཞིན་དུ་འཁྲུངས་པར་གྲགས་པར་གསུངས། སྐུུ་འཁྲུངས། མཚན་གཞན་ངག་དབང་དཔལ་བཟང་ཞེས་ཀྱང་ཞུ། སྐུ་ན་ཆུས་དུས་ནས་ལ་མོ་ཞབས་དྲུང་སྔ་མ་ལ་སྐྲ་ཕུད་ཕུལ་ཞིང༌། གྲྭ་ཚང་ཆོས་རྗེ་ལས་རབ་ཏུ་བྱུང༌། ཆོས་གྲྭར་ཞུགས་པས་ཡི་གེ་འབྲི་ཀློག་དང་ཆོས་སྤྱོད་ཆོ་ག་བཅས་པ་ལེགས་པར་མཁྱེན་ཐོག་བསྡུས་གཞཱུང་དང་བློ་རྟགས་སོགས་ཀྱང་ཚེགས་མེད་དུ་མཁྱེན་པ་བྱུང༌། སྐབས་མི་གཅིག་ལ་མི་མ་ཡིན་པའི་གདོན་འདྲེ་ཞིག་ལྷ་རུ་རྫུས་ཏེ་མིའི་ཁོག་རློམ་པར་གྲྭ་པ་མང་པོས་ལུང་བསྟན་ཞུས་པས། ལུང་འདྲ་མིན་བསྟན་པ་དང༌། གྲྭ་པ་མང་པོ་ཞིག་གིས་མདུད་པ་ཡང་ཞུས། རྗེ་འདིས་འདྲེ་ལ་ལུང་ཞུ་བ་མི་རུང་ཞེས་གསུངས་པས་འདྲེ་དང་འཁོན་འགྲས་སུ་གྱུརཏེ་ངས་ཁྱོད་གསན་པོར་མི་བཞག་ཅེས་ཟེར་ཞིང་བསྡིགས། རྐྱེན་དེ་ལ་བརྟེན་ནས་འཇིགས་བྱེད་ཀྱི་དབང་ལུང་ཞུས་ཏེ་ཟླ་བ་དྲུག་ལ་མཚམས་དམ་པོར་བསྡོམས་ཏེ་བསྙེན་པ་བསགས་པས་གནོད་པ་མ་ནུས། སྔར་ལུང་ཞུ་བ་དང་སྲུང་མདུད་ལེན་མཁན་གྲྭ་པ་ཕལ་ཆེར་ཚད་རིམས་ཀྱིས་གྲོངས། སྐུ་ན་སོན་པ་དང་དབུས་སུ་ཕེབས་ནས་དཔལ་ལྡན་འབྲས་སྤུངས་བཀྲིས་སྒོ་མང་གི་ཆོས་གྲྭར་ཞུགས། དཔོན་སློབ་རྒ་རུ་དང་དཔོན་སློབ་ཧོར་རིན་པོ་ཆེ་ལ་དབུ་ཕར་འདུལ་མཛོད་བཞི་ཀ་གསན། ལྷ་ལྡན་དུ་སྨོན་ལམ་རབ་འབྱམས་པའི་གྲྭ་སྐོར་མཛད། དེ་ནས་རྒྱུད་ལ་ཕེབས་ཏེ་ལོ་ལྔའི་བར་དུ་འགྲེལ་པ་བཞི་སྦྲགས་དང༌། བསྐྱེད་རྫོགས་ཆེན་མོ་གཉིས། ཊིའཀ་ཆེན་ཊཱིཀ་ཆུང་གཉིས་སོགས་མདོར་ན་གསང་སྔགས་རྒྱུད་སྡེ་བཞི་ཀར་གསན་པས་མདོ་སྔགས་གཉིས་ཀ་ལ་མི་འཇིགས་པའི་གདིངས་ཐོབ། འབྲས་སྤུངས་དགའ་ལྡན་ཕོ་བྲང་དུ་ྋགོང་ས་རྒྱལ་དབང་ལྔ་པ་རིན་པོ་ཆེའི་དྲུང་ནས་ཟླ་བ་གཉིས་ཀྱི་རིང་བྱང་ཆུབ་ལམ་རིམ་ཆེན་པོའི་ཁྲིད་ལུང་རྒྱས་པར་གསན་པས་མཚོན། སྐྱེས་ཆེན་དམ་པ་དུ་མའི་ཞབས་པད་རིང་དུ་བསྟེན་ནས་རྒྱལ་བའི་བཀའ་འགྱུར་དང་བསྟན་འགྱུར། གཞན་ཡང་རྗེ་ཡབ་སྲས་དང་རྒྱལ་པཎ་སྐུ་ཕྲེང་རིམ་བྱོན་སོགས་ཀྱི་བཀའ་འབུམ་དུ་མའི་ལུང་དང༌། བདེ་གསང་འཇིགས་གསུམ་གྱི་དབང༌། ཡི་དམ་དུ་མའི་སྒྲུབ་ཐབས་དང་རྗེས་གནང་སོགས་རྒྱ་ཆེར་ཞུས་ཏེ་དབང་ལུང་མན་ངག་གི་གཏེར་མཛད་དུ་གྱུར། དེ་ནས་འོལ་ཁར་ལམ་རིམ་དང༌། གསང་འཇིགས་ཀྱི་རིམ་གཉིས་ལ་སྦྱངས་པས་གཞུང་ལུགས་ནས་བཤད་པ་ལྟར་གྱི་ཐུགས་དམ་ལེགས་པར་འབྱོངས་པའི་རྟོགས་པའི་ཀློང་བརྡོལ། ྋགོང་ས་སྐྱབས་མགོན་ལྔ་པ་ཆེན་པོར་གསང་བའི་སྒོ་ནས་རྟོགས་པ་ཕུལ་པས། ཐུགས་ཤིན་ཏུ་མཉེས་ཏེ་ཞལ་ནས། བསམ་བློ་རབ་འབྱམས་པ་སྦྱིན་པ་ད་མ་གཡེང་ན་རྟོགས་པ་ཡ་མཚན་པ་སྐྱེ་བ་འདྲ་ཞེས་བསྔགས་པར་མཛད། དེ་ནས་དབུས་སུ་རྒྱལ་བའི་བཀའ་འགྱུར་རིན་པོ་ཆེའི་ལུང་རྒཡུན་ཆད་ལ་ཉེ་བར་གཟིགས་ནས་ཐུགས་ཀྱིས་མ་བཟོད་པར་བཀའ་བསྟན་ཡོངས་སུ་རྫོགས་པའི་ལུང་རྒྱན་སྤེལ། རྗེ་ཡབ་སྲས་ཀྱི་གསུང་ཕལ་ཆེ་བ་དང༌། དགེ་འདུན་རྒྱ་མཚོའི་བཀའ་འབུམ། བློ་བཟང་དོན་གྲུབ་དང༌། སངས་རྒྱས་ཡེ་ཤེས་ཀྱི་བཀའ་འབུམ། པཎ་ཆེན་ཐམས་ཅད་མཁྱེན་པའི་བཀའ་འབུམ་སོགས་ཀྱི་ཆར་ཕབ། ལྷག་པར་ལམ་རིམ་ཆེན་པོ་མཆན་བཞི་སྦྲགས་སོགས་ཀྱི་ཁྲིད་རྒྱུན་དང་རྗེས་གནང་ཡང་དུ་མ་སྤེལ། ཞལ་ནས། ངས་དགེ་ལུགས་ཀྱི་ཁྲིད་དབང་ལུང་འདི་ནུབ་འགྲོ་བ་འདྲ་སྙྙམ་ནས་མ་བཟོད་པར་ལུང་རྒྱུན་སྤེལ་བ་ཡིན་གྱི། ད་རང་དོན་དང་འཆུག་འདུག །ཅེས་ཡང་ཡང་གསུངས་ཏེ། འདི་ཉིད་གལ་ཏེ་སྒྲུབ་པ་ཁོ་ན་ལ་བཞོལ་ན་སྐུ་ཚེ་དེ་ཉིད་ལ་ཟུང་འཇུག་འོད་ལུས་ཀྱི་གོ་འཕང་མངོན་དུ་བྱེད་རྒྱུ་ཡིན་ནའང་ཕྱི་རབས་ཀྱི་གདུལ་བྱ་ལ་ལུང་གི་བསྟན་པ་འདི་ཁོ་ན་གལ་ཆེ་བར་དགོངས་ནས་བཤད་པ་སྤེལ་བ་ཡིན་ནོ། དེ་དུས་ཁོང་མ་ཕེབས་བར་དུ་སེར་འབྲས་ནའང་ལམ་རིམ་གྱི་ལུང་དཔོན་སློབ་མེར་རྒན་གཅིག་པུ་ལས་མེད་ཅིང༌། སྔགས་ནི་གསུང་བར་མི་གནང༌། དེ་ནས་གྲོམ་མདའི་མཁན་པོ་གནང༌། དེ་ནས་མི་རིང་བར་རྒྱུད་སྨད་བླ་མ་གནང་ཞིང༌། གཏོར་ཆེན་གྱི་སྐབས་ཤིག་གཏོར་མ་ཞིག་པ་དང༌། ཆུ་མིག་ལུང་གི་སྦྱར་སྡོང་ཆེན་པོ་འགྱེལ་པར་ཀུན་གྱིས་རྟོག་བྱས་ཀྱང་རྗེ་འདིས་ངེད་ལ་སྐྱོན་མེད་གསུངས་པ་ལྟར་སྐྱོན་མ་བྱུང་ཞིང༌། དེ་ནི་རྗེ་ཉིད་ཀྱི་སྐུ་སྐྱེ་སྔ་མ་དེ་དཔལ་ལྡན་ས་སྐྱ་བདག་ཆེན་ཨ་མེས་ཀུན་དགའ་རྒྱལ་མཚན་གྱི་སྐྱེ་བ་བཞེངས་སྐབས་དགེ་ཕྱོགས་ལ་དྲག་ལས་ཐེངས་འགའ་གནང་མྱོང་བས་དམ་ཅན་ཆོས་རྒྱལ་གྱི་འཚུབ་བསླང་ཡིན་ཞེས་གསུངས། ཚངས་པའི་འཇིགས་བྱེད་དཔའ་ཅིག་ཀྱང་གསུང་པས་དེ་དག་གི་འཚུབ་ཡིན་པ་འདྲ། དེ་དུས་དྲག་ལས་འདྲ་མཛད་པས་ལན་ཞེས་ཡང་ཡང་གསུངས། དགུང་གྲངས་ལྔ་བཅུ་ང་གཉིས་པ་རབ་བྱུང་བཅུ་གཅིག་པའི་ལྕགས་སྤྲེལ་༡༦༨༠ལོའི་ཧོར་ཟླ་ལྔ་པར་གངས་ཅན་གྱི་རིག་སྔགས་འཆང་བའི་གཙུག་རྒྱན་དཔལ་ལྡན་རྒྱུད་སྨད་གྲྭ་ཚང་གི་ཁྲིར་ཕེབས། མངའ་རིས་སུ་ནད་ཡམས་རིམ་འཁརུག་རྒྱུན་མར་བྱུང་བས་འདི་ཉིད་གདན་དྲང་པ་ལྟར་ཕེབས་ཏེ་ཞི་བའི་སྦྱི་བསྲེགས་མཛད་པས་ཡུལ་དེའི་ནད་རིམ་གནད་པ་དང་བཅས་པ་དམིགས་མེད་དུ་ཞི། རྒྱལ་བློན་ཀུན་གྱིས་ཞབས་སྤྱི་བོར་བླངས། དགུང་ལོ་རེ་བཞི་པ་རབ་བྱུང་བཅུ་གཉིས་པའི་ཆུ་སྤྲེལ་༡༦༩༢ལོར་སངས་རྒྱས་ཀྱིས་ལུང་བསྟན་པའི་སྒྲུབ་གནས། གངས་ཅན་གྱི་རྒྱལ་བ་གཉིས་པའི་བཞུགས་གདན ཛམ་བུ་སུ་ཝར྄ཎའི་མི་འཇིགས་གདོང་ལྔས་མངོན་པར་བཏེགས་པའི་ཁྲི་ལ་ཕེབས། ལོ་དེའི་སྨོམ་ལམ་ཚོགས་མཆོད་སྐབས་སྡེ་སྲིད་སངས་རྒྱས་རྒྱ་མཚོ་ལས་རྨད་བྱུང་བསྐལ་སྔོན་མའི་ལུང་གསན། སྔ་ཕྱིར་དོན་གཉེར་ཅན་ཤིན་ཏུ་མང་པོ་ལ་རྗེའི་བཀའ་འབུམ་གྱི་ལུང་དང༌། རྗེས་གནང་སོགས་ཚད་མེད་པ་གནང་བ་སྟེ། ལོ་གསུམ་བར་དུ་ཆོས་ཀྱི་འཁོར་ལོ་ལེགས་པར་བསྐོར། དགུང་ལོ་རེ་བདུན་པ་རབ་བྱུང་བཅུ་གཉིས་ཤིང་ཕག་༡༦༩༥ལོར་ཞི་བར་གཤེགས་པའི་ཚུལ་བསྟན། གསུང་ལས་སྐྱེས་པའི་སློབ་མ་རྡོ་རྗེ་འཛིན་པ་བློ་བཟང་ངག་དབང་དང༌། རྡོ་རྗེ་འཛིན་པ་བློ་བཟང་དཔལ་འབྱོར། ཀུན་མཁྱེན་ཆེན་པོ་འཇམ་དབྱངས་བཞད་པའི་རྡོ་རྗེ་ལ་སོགས་པའི་དགེ་བཤེས་སྐད་གྲགས་ཆེ་བའང་ཤིན་ཏུ་མང་ལ། བླ་མ་ཆོས་གསན་པ་ནི། ཕ་བོང་ཁ་པ་ཁྱབ་བདག་འཇམ་དབྱངས་གྲགས་པའི་ཞལ་སྔ་ནས་དང༌། སྐྱིད་ཤོད་ཞབས་དྲུང་ངག་དབང་བསྟན་འཛིན་འཕྲིན་ལས་ཆོས་དབང་གྲགས་པའི་སྡེའི་ཞལ་སྔ་ནས་དང༌། འཕྱོང་རྒྱས་མཁན་པོ་གནས་རྙིང་ཞབས་དྲུང་དང༌། ཇོ་གདན་མཁན་པོ་ཁྱབ་བདག་རྡོ་རྗེ་འཆང་གཟིམས་ཤག་ཆོས་རྗེ་རིན་པོ་ཆེ་དང༌། སྒོ་མང་དཔོན་སློབ་འཇམ་དབྱངས་བླ་མ་དོན་གྲུབ་རྒྱ་མཚོ་དང༌། ཨ་པ་ལིའི་དོན་རྒྱམ་པ་དང༌། རྒྱུད་སྨད་བླ་མ་དཔལ་འབྱོར་རྒྱ་མཚོ་དང༌། ཤངས་ཀྱི་བླ་མ་གཞུང་ལས་པ་དཀོན་མཆོག་རབ་བརྟན་དང༌། གཞན་ཡང་དེ་དུས་དཀའ་རབ་འབྱམས་ཆེ་བགྲེས་ལ་ཆོས་མ་གསན་པ་མེད་པས་སུ་ཞིག་གིས་བགྲང་ཐུབ། དེང་དུས་རྗེ་ཡབ་སྲས་ཀྱི་ལུང་རྒྱུན་གཙང་དབུས་ན་ཅུང་ཟད་ཡོད་པ་འདི་ཐམས་ཅད་ཕ་བོང་ཁ་པ་དང་མེར་རྒན་དང༌། བླ་མ་འདི་དང༌། གཟིམས་ཤག་མཁན་རིན་པོ་ཆེ་རྣམས་ཁོ་ནའི་ཐུགས་རྗེ་ཡིན་པར་བཤད། འདིའི་སྐུ་ཕྲེང་གཉིས་པ་བསམ་བློ་ཁྲི་སྤྲུལ་ངག་དབང་འཇམ་དཔལ་ཡེ་ཤེས་ཆོས་འཕེལ་ནི། རབ་བྱུང་བཅུ་དྲུག་པའི་མེ་ལུག་༡༩༦༢ ལོར་མདོ་ཁམས་ཆབ་མདོ་ཁུལ་དུ་ཡབ་འབའ་སྤྲུལལ་སྐུ་འཕྲིན་ལས་རྒྱ་མཚོདང་ཡུམ་སྒྲོལ་མ་གཉིས་ཀྱི་སྲས་སུ་འཁྲུངས། སྐུ་ན་ཆུང་དུས་ནས་ཡ་མཚན་པའི་རྟགས་མཚན་འདྲ་མིན་ཤིན་ཏུ་མང་པོ་བྱུང༌། དབུ་སུ་ཕེབས་ཏེ་རབ་བྱུང་དང་དགེ་ཚུལ་སྒྲུབ། པཎ་ཆེན་ཆོས་ཀྱི་རྒྱལ་མཚན་དང་བོད་ཀྱི་སྤྲུལ་སྐུ་རྣམ་གསུམ་གྱི་ཡ་གྱལ་འོན་རྒྱལ་སྲས་སྤྲུལ་སྐུ། དགེ་བཤེས་ལམ་རིམ་པ་སོགས་ལ་བསྟེན་ནས་མདོ་སྔགས་ཀྱི་ཆོས་ཚུལ་རྒྱ་ཆེར་ཞུས། སྙན་ངག་དང་བརྡ་སྤྲོད། རྣམ་ཐར་དང་ལོ་རྒྱུས། སྨན་དང་དབྱངས་འཆར་ཀྱི་རྩིས། རྒྱ་ཡིག་དང་རྫས་སྦྱོར་སོགས་ལའང་གང་ཙམ་བསླབས། མངོན་ཤེས་ཐོགས་མེད་མངའ་བའི་མཚན་སྙན་རྒྱལ་ཁབ་ཕྱི་ནང་གང་སར་འབར། འོན་རྒྱལ་སྲས་རིན་པོ་ཆེས་ལྕང་སྐྱ་གོང་མའི་ཡང་སྲིད་ངོས་འཛིན་ཞུས། གནས་ཆུང་ཆོས་རྒྱལ་ཆེན་པོའི་བཀའ་ལུང་བཞིན་༡༩༩༧ལོར་རྒྱ་གར་དུ་ཕེབས་ཏེ་རྒྱལ་དབང་ཐམས་ཅད་མཁྱེན་པར་མཇལ་བཅར་ཞུས། ྋགོང་ས་མཆོག་གིས་དགའ་ལྡན་ཁྲི་ཐོག་ཞེ་དྲུག་པ་བསམ་བློ་བློ་བཟང་སྦྱིན་པའི་ཡང་སྲིད་ཐག་གཅོད་གནང་ནས། ད་ལྟར་གདན་ས་འབྲས་སྤུངས་སྒོ་མང་གྲྭ་ཚང་དུ་འགྲོ་དོན་རྒྱ་ཆེར་སྤེལ་བཞིན་འཚོ་ཞིང་བཞུགས་པ་འདི་ཉིད་དེ། རྒྱས་པ་ཤེས་འདོད་ན་སྒོ་མང་ཆོས་འབྱུང་ཆོས་དུང་གཡས་སུ་འཁྱིལ་བའི་སྒྲ་དབྱངས་ལ་གཟིགས་དགོས།

དགའ་ལྡན་ཁྲི་ཐོག་ཞེ་བདུན་པ་ཡང་སྟེང་བློ་བཟང་ཆོས་འཕེལ། རབ་བྱུང་བཅུ་གཅིག་པའི་ལོ་འགོ་ཙམ་དུ་མདོ་ཁམས་མདོ་པ་ཁུལ་གྱི་འདབས་ཡང་སྟེང་དགོན་དང་ཉེ་བར་ས་སྨད་རྒྱལ་པོའམ་དབང་ངེས་དཔོན་ཚང་དུ་གྲགས་པའི་རིགས་རུས་ཀྱི་རྒྱུད་དུ་སྐུུ་བལྟམས། སྐུུ་ན་ཆུང་དུས་ནས་སྔོན་གྱི་གོམས་པའི་དབང་གིས་དཔལ་མགོན་ཕྱག་དྲུག་པས་རྗེས་སུ་བཟུང་བའི་རྟགས་དང་མཚན་མ་གསལ་པོ་བྱུང༌། འདབས་ཡང་སྟེང་དགོན་གྱི་སྒྲིགས་སུ་ཞུགས་ནས་རབ་ཏུ་བྱུང་ན་ཡང་མདོ་སྔགས་ཀྱི་སློབ་གཉེར་ཆ་ཚང་ཞིག་མེད་སྟབས། ཐུགས་ལ་དབུས་གཙང་གི་གྲྭ་ས་ཆེན་པོར་སོང་ནས་མདོ་སྔགས་ཡོངས་རྫོགས་ལ་སྦྱངས་པ་མཐར་ཕྱིན་པ་ཞིག་བྱེད་རྒྱུ་བྱུང་ན་ཅི་མ་རུང་དགོངས་ནས་ཡོད་མུར། མགོན་པོ་ཕྱག་དྲུག་པའི་དམ་སྣང་འཁྲུལ་མེད་ཀྱིས་ལུང་གིས་སྐུུལ་ཏེ་གཞིས་དགོན་དེ་ནས་དབུས་སུ་ཕེབས། ཐོག་མར་དགའ་ལྡན་གདན་ས་ཆེན་པོའི་ཤར་རྩེ་གྲྭ་ཚང་གི་སྒྲིགས་སུ་ཞུགས་ནས་ལོ་ཤས་སློབ་གཉེར་མཛད་ཅིང་བཞུགས་མུས་སུ་ཁ་ཕྱིར་བལྟས་ཀྱི་ཐོས་བསམ་སློབ་གཉེར་འདི་འདྲ་དགོས་པ་མི་འདུག་དགོངས་ཏེ་གྲྭ་སའི་སྒྲིགས་ནས་འཐེན་ཐོག་ཕ་ཡུལ་གྱི་དབེན་གནས་ཤིག་ལ་སྒྲུབ་པ་ཉམས་ལེན་ཞིག་བྱེད་དགོངས་ཏེ་དབུས་སྟོད་འབྲི་གུང་བར་དུ་ཕེབས་ནས་སྔོན་ཆད་སློབ་གཉེར་བྱས་པ་ལ་དགོས་པ་བྱུང་ཨེ་འདུག་དགོངས་ནས་ཐུགས་བསམ་བཞེས་པ་ན། རང་མཉམ་གཞན་དག་གི་སློབ་གཉེར་བྱེད་ཚུལ་དང་མི་འདྲ་བའི་གོ་རྟོགས་བཟང་པོ་བྱུང་ཡོད་པ་མཁྱེན་ནས་སླར་ཡང་སློབ་གཉེར་མུ་མཐུད་ནས་གནང་འདོད་ཀྱིས་ཕེབས་ཀྱང༌། སྐབས་འཕྲལ་དགའ་ལྡན་གྱི་སྒྲིགས་ཁོང་ནས་འཐེན་ཏེ་ཉིན་ཤས་ལས་མ་སོང་བར་བརྟེན་སེར་སྨད་གྲྭ་ཚང་དུ་ཞུགས་ཏེ་ཕར་ཕྱིན་གྱི་མཇུག་ནས་བཟུང་གཞུང་ཆེན་པོ་ལྔའི་སློབ་གཉེར་མཐར་ཕྱིན་པ་མཛད་དེ་དགེ་བཤེས་མཚན་བཏགས་ཀྱང་ཐོན། དེ་རྗེས་རྒྱུད་སྟོད་དུ་མཁན་ཆེན་དགེ་འདུན་གྲགས་པ་དང༌། མཁན་ཆེན་བློ་བཟང་དགེ་ལེགས་སོགས་བླ་མར་བསྟེན་ནས་གསང་སྔགས་ཀྱི་སྐོར་ལ། དབང༌། ཁྲིད། ལག་ལེན་བཤད་པ་སོགས་ཆ་ཚང་བར་གསན་ཅིང་བྱང་ཆུབ་པར་མཛད། ཞར་ལ་བླ་མ་བཟང་པོའི་དྲུང་ནས་མདོ་སྔགས་ཀྱི་ཆོས་མཐའ་ཡས་པ་གསན། རིང་པོར་མ་སོང་བར་གྲྭ་དམངས་ཀྱི་འདོད་མོས་བཞིན་བླ་མ་དབུ་མཛད་ཀྱི་ཁྲིར་ཕེབས། དེའི་རིང་འཇམ་དཔལ་རང་བཞིན་མའི་དབྱངས་བཀའ་རྒྱ་མ་དང༌། མགོན་ཆོས་གཉིས་ཀྱི་དབྱངས་གསར་པ་ཁག་བཞི་གསར་གཏོད་ཀྱི་དབྱངས་ཡིག་ཀྱང་མཛད། རབ་བྱུང་བཅུ་གཉིས་པའི་ལྕགས་ལུག་༡༦༩༡ལོར་རྒྱུད་སྟོད་མཁན་པོའི་ཁྲིར་ཕེབས་ཤིང༌། མི་རིང་བར་ཤར་པ་ཆོས་རྗེའི་ཁྲིར་ཕེབས་ཏེ་འཆད་ཉན་དང་གཏོང་སྒོ་སོགས་ཡར་རྒྱས་བཟང་འགྲན་ལྟ་བུར་མཛད་མུས་སུ་མངའ་རིས་མཐོ་ལྡིང་དགོན་གྱི་མཁན་པོར་ཕེབས། དེར་ལོ་ཤས་བཞུགས་རིང༌། ལམ་རིམ་བློ་སྦྱོང༌། དབང༌། ལུང༌། བཤད། ཁྲིད་སོགས་གང་ལ་གང་འཚམས་པའི་མདོ་སྔགས་ཀྱི་ཆོས་མང་དུ་གསུང༌། གསོད་ངེས་ཀྱི་མི་དང་དུད་འགྲོ་མང་པོའི་སྲོག་སྐྱོབ་པ་དང༌། དབུལ་ཕོངས་རྣམས་ལ་ན་ར་མ་དང་འཕར་མའི་སྦྱིན་གཏོང༌། ཡི་གེ་དང༌། རྩིས་དང༌། སྨན་སོགས་ཐ་སྙྙད་རིག་གནས་ཀྱི་སློབ་སྦྱོང་ལ་བསྐུུལ་མ། སྡེ་འབངས་ཕན་ཚུན་མཐུན་སྒྲིལ་དང་ཕན་ཚུན་རོགས་རམ་དགོས་པའི་བཀའ་སློབ་སོགས་ཡང་ཡང་གནང་བས། མངའ་རིས་དང་ལ་དྭགས་ཁུལ་གྱི་དཔོན་འབངས་མང་པོས་གཞུང་དགའ་ལྡན་ཕོ་བྲང་ལ་ནན་ཏན་ཆེན་པོས། དམ་པ་འདི་ཉིད་སྐུུ་ཚེའི་རིང་མངའ་རིས་ཁུལ་དུ་བཞུགས་འཇགས་ཡོང་བ་ཞུས་པར་བརྟེན། ཁྲི་ཆེན་བསམ་བློ་བ་སྦྱིན་པ་རྒྱ་མཚོ་ཁྲི་ལོ་གསུམ་ལས་མ་བཞུགས་པར་ཤིང་ཕག་༡༦༩༥ལོར་སྐུུ་གཤེགས་པའི་རྗེས་སུ་དགའ་ལྡན་ཁྲི་ལ་ཕེབས་རེས་རྗེ་འདི་ཡིན་ཀྱང་ཁྲི་ལ་ཕེབས་མ་ཐུབ་པར་མངའ་རིས་སུ་ལོ་བཞི་བཞུགས་ནས་འགྲོ་དོན་རྒྱ་ཆེར་འཕེལ། དེའི་རིང་ཁྲི་ཆེན་ཚུལ་ཁྲིམས་དར་རྒྱས་ཀྱིས་དགའ་ལྡན་ཁྲི་ཚབ་མཛད་དགོས་བྱུང༌། དེ་ནས་རབ་བྱུང་བཅུ་གཉིས་པའི་ས་ཡོས་༡༦༩༩ལོར་གཞུང་དགའ་ལྡན་ཕོ་བྲང་ནས་དགའ་ལྡན་གསེར་ཁྲིར་འཕྲལ་དུ་ཕེབས་དགོས་པའི་བཀའ་བྱུང་བ་བཞིན་དབུས་སུ་ཕེབས་ནས། རྒྱལ་བ་ཚངས་དབྱངས་རྒྱ་མཚོ་དང༌། པཎ་ཆེན་རིན་པོ་ཆེ་བློ་བཟང་ཡེ་ཤེས། སྡེ་སྲིད་སངས་རྒྱས་རྒྱ་མཚོ་བཅས་ལ་མཇལ་འཕྲད་འབུལ་རྟེན་གྱ་ནོམ་པ་ཕུལ་ཞིང་དགའ་ལྡན་གྱི་ཁྲིར་ཕེབས་ཏེ་ལོ་གཅིག་ལྷག་ཙམ་བཞུགས་རིང་བཤད་སྒྲུབ་ལས་གསུམ་གྱི་སྒོ་ནས་རྒྱལ་བ་གཉིས་པའི་བསྟན་པ་བླ་ན་བཏེགས་ཏེ་རབ་བྱུང་དེ་གའི་ལྕགས་སྦྲུལ་༡༧༠༠ལོར་དགོངས་པ་མྱ་ངན་ལས་འདས། སྐུུ་གདུང་ཞུགས་འབུལ་ཞུས་པའི་དངུལ་གདུང་ལྷ་བབས་མཆོད་རྟེན་ཞིག་བཞེངས་པ་ཡངས་པ་ཅན་གྱི་བླ་མ་ལྷ་ཁང་ནང་བཞུགས་ཡོད། དམ་པ་དེའི་རྣམ་ཐར་སེར་སྨད་མཁན་པོ་གྲགས་པ་མཁས་གྲུབ་ཀྱིས་མཛད་པ་དཔར་མ་ལ་གྲངས་བཅུ་བཞི་ཡོད། གསུང་རྩོམ་ཡང་པོད་གསུམ་བཞུགས།

དགའ་ལྡན་ཁྲི་ཐོག་ཞེ་བརྒྱད་པ་ཏྲེ་ཧོར་ནག་ཚང་པ་དོན་འགྲུབ་རྒྱ་མཚོ་ནི། རབ་བྱུང་བཅུ་གཅིག་པའི་ཤིང་ལུག་༡༦༥༥ལོར་མདོ་ཁམས་ཏྲེ་ཧོར་དཀར་མཛེས་ཁུལ་གྱི་ནག་ཚང་གྲོང་དུ། ཡབ་སྤེན་པ་ཚེ་རིང་དང་ཡུམ་དཔལ་འཛོམས་གཉིས་ཀྱི་སྲས་སུ་སྐུུ་བལྟམས། སྤྱིར་ཏྲེ་ཧོར་ཞེས་པ་འདི་བུ་སྟོན་ཆོས་འབྱུང་སོགས་སྔ་རྩོམ་རྣམས་སུ་ཀ་ཀྲེ་དང་ཕྱིས་རྩོམ་རྣམས་སུ་ཏ་ཏྲེ་བྲིས་སྣང་ཞིང༌། ཡང་ཏྲེ་བོ་དང་ཏྲེ་ཧོར་ཞེས་འབྲི་ཚུལ་གཉིས་བྱུང་བ་ལས་ཧོར་གྱིས་དབང་བསྒྱུར་མ་བྱུང་བའི་སྔོན་དུ་ཏྲེ་བོ་དང་ཧོར་གྱི་དབང་བསྒྱུར་བྱས་པའི་རྗེས་ནས་ཏྲེ་ཧོར་ཞེས་པ་འདི་ཉིད་འབྲི་སྲོལ་ཆེ་བར་གྱུར་པ་ཡིན་ལ། རྗེ་འདིའི་འཁྲུངས་ཡུལ་སྐོར་བོད་གཞུང་གི་ཤིང་ཁྱི་༡༨༡༤ལོར་སྤྲུལ་སྐུུའི་ཐོ་གཞུང་དུ། འབྲས་སྤུངས་གླིང་སྤྲུལ་སྐུུའི་སྐྱེ་ཕྲེང་དང་པོ། དོན་འགྲུབ་རྒྱ་མཚོ་ཏྲེ་བོར་འཁྲུངས། འདིས་དགའ་ལྡན་གསེར་ཁྲིར་ཕེབས། ཏཱ་ལའི་བླ་མ་ཚངས་དབྱངས་རྒྱ་མཚོའི་དབུ་བླ་མཛད། དགུང་ལོ་དགུ་བཅུ་ཐམ་པར་གཤེགས། ཞེས་བཀོད་སྣང་ཞིང༌། གངས་ཅན་མཁས་དབང་རིམ་བྱུང་གི་མིང་མཛོད་དུའང་ཀྲེ་ཧོར་ནག་ཚང་དུ་འཁྲུངས་པར་བཤད། དཀར་མཛེས་ཁུལ་འདིར་མི་ཐོག་མིས་བརྗེས། ཤིང་ཐོག་ལོ་མས་བརྗེས་ནའང་ཏྲེ་བོ་ནག་ཚང་ཞེས་པའི་ས་མིང་དང་སྡེ་པ་ནི་ད་ལྟའི་བར་དུའང་གནས་ཡོད་པས། འདི་ལ་བརྟེན་ནས་ད་ལྟའི་བར་དུ་འབྲས་སྤུངས་ཏྲེ་ཧོར་ཁང་ཚན་གྱིས་ཚོམས་ཇ་ནམ་ཡོད་གླིང་བླ་བྲང་དུ་སྐྱེལ་སྲོལ་འདུག གུང་བསྟན་གྱིས་བྲེ་བོ་ནག་ཚང་དུ་ཞེས་བཀོད་འདུག་པ་ནི་ཁྱད་དུ་བཟོ་བཅོས་བྱས་པ་མིན་ནམ་སྙྙམ་དུ་དོགས་ལ། མཁས་པའི་དབང་པོ་ཡོན་ཏན་རྒྱ་མཚོས། འདི་ལ་དཔེ་བལྟས་ནས་བསྒྲིགས་པའི་དགེ་ལྡན་ཆོས་འབྱུང་གསེར་གྱི་མཆོད་སྡོང་དུ། བྲེ་བ་ཞེས་བྲིས་པ་ནི་གུང་བསྟན་པའི་ཁྲི་རབས་ཡོངས་འདུའི་ལྗོན་བཟང་དཔེ་སྐྲུན་སྐབས་ལྕགས་འབྲུ་ཟད་རསྙིང་སོང་བ་དང་ཆག་གྲུག་སོང་བས་ན་རོ་མི་གསལ་བ་དེར་དཔེར་བྱས་པས་འཁྲུལ་བར་ཟད་ཁྲི་རབས་ཡོངས་འདུའི་ལྗོན་བཟང་དཔེ་སྐྲུན་བྱེད་སྐབས་ང་རང་བློ་གླིང་དཔེ་སྐྲུན་ཞུ་དག་པ་ཡིན་པས་རྒྱུས་གསལ་པོ་ཡོད། རྗེ་འདི་ཉིད་དགུང་ལོ་བཅུ་གསུམ་པ་མེ་ལུག་༡༦༦༧ལོར་གཞུང་གི་ནག་ཚང་འགོ་པ་དང་མཉམ་དུ་དབུས་འགྱུར་་ཆོས་ཀྱི་ཞིང་སར་ཕེབས། འབྲས་སྤུངས་ཏྲེ་ཧོར་དུ་ཞུགས་དགོས་ཀྱང༌། ཁང་ཚན་དགེ་རྒན་འཇོན་ཐང་ཅན་ཞིག་གིས་སྤགས་ཐེལ་གྱི་མཚམས་སྦྱོར་གནང་བ་ལ་བརྟེན་ནས་འབྲས་སྤུངས་བཀྲ་ཤིས་སྒོ་མང་ཧར་གདོང་ཁང་ཚན་དུ་འཛུལ་ཞུགས་བྱས། དོན་རྐྱེན་འདི་ལ་བརྟེན་ནས་ཁང་ཚན་འདིར་དུས་དེ་ནས་བཟུང་ཉེ་འཁོར་བའི་གྲྭ་རྒྱུན་སུ་ཞིག་ཡིན་ཡང་ཁང་ཚན་དགེ་རྒན་ལང་མི་ཆོག་པར་བྱས་ཟེར། བསྡུས་གཞུང་ནས་བཟུང་གཞུང་ཆེན་ཁག་ལ་གསན་བསམ་རྒྱ་ཆེར་མཛད། ཐུགས་རིག་ཤིན་ཏུ་གསལ་བས་ཉིན་རེར་དཔེ་རིང་མདའ་ཚད་མ་བཅུ་རེ་བློ་འཛིན་གནང་བས་ལེགས་བཤད་གསེར་ཕྲེང་དང༌། རྣམ་བཤད་སྙྙིང་རྒྱན། ལེགས་བཤད་སྙྙིང་པོ། རྩ་བ་ལྔ་སོགས་ཐུགས་ཐོག་ཤར་ཤར་དུ་སྐྱོར་གནང་མཛད། པཎ་ཆེན་བློ་བཟང་ཡེ་ཤེས་ལས་བསྙྙེན་རྫོགས་ཀྱི་སྡོམ་པ་བཞེས། ལྷ་ལྡན་ཆོ་འཕྲུལ་སྨོན་ལམ་ཆེན་མོའི་སྐབས་གདན་གསུམ་མཁས་མང་སྟོང་ཕྲག་ཚོགས་པའི་དབུས་ནས་ལྷ་རམས་ཨང་དང་པོའི་མཚན་རྟགས་བཞེས་པ་དང་མཁས་པའི་མཚན་སྙྙན་འབར། དགུང་ལོ་ཉེར་དྲུག་པར་དཔལ་ལྡན་སྨད་རྒྱུད་གྲྭ་ཚང་དུ་ཞུགས་ནས་གསང་ཆེན་རྒྱུད་སྡེ་བཞིའི་དོན་ལ་གཞན་དྲིང་མེད་པའི༌། མཁས་པར་བསླབས། དགུང་ལོ་ཉེར་བརྒྱད་པར་དཔལ་ལྡན་བཀྲ་ཤིས་སྒོ་མང་གྲྭ་ཚང་གི་མཁན་ཁྲིར་ཕེབས་ནས་གཞུང་ལུགས་རྒྱ་མཚོ་ལྟ་བུ་ལ་འཆད་ཉན་རྒྱ་ཆེར་བསྐྱངས། རྗེ་འདི་ཉིད་མཁན་པོ་ལས་ཐོབ་སྐབས་གདན་ས་ཆེན་པོ་འདིར་སྔོན་གྱི་སྐྱེས་ཆེན་དུ་མའི་སྒྲིག་གཞི་བཅའ་ཡིག་དུ་མ་ཡོད་ནའང་ཕྱོགས་མཐའ་ཁག་ནས་གྲྭ་རྒྱུན་རྣམས་རྒྱ་མཚོ་ལ་ཆུ་བོ་འདུས་པ་དང༌། པད་མཚོ་ལ་ངང་མོ་འདུ་པ་བཞིན་ཧ་ཅང་གིས་འཕེལ་རྒྱས་ཇེ་ཆེར་སོང་སྟེ་འབྲས་སྤུངས་བདུན་སྟོང་བདུན་བརྒྱ་ཞེས་པའི་བཤད་སྲོལ་ཡང་རྗེ་འདིའི་སྐབས་ནས་བྱུང་ཞིང༌། དེ་དང་ཆབས་ཅིག་ཏུ་སྔོན་གྱི་བཅའ་ཡིག་ཁག་ཏུ་ཕྱི་ནང་གི་གླེང་གཞི་ཡང་མང་དག་ཅིག་གསར་དུ་བྱུང་བ་དང་བསྟུན་ནས། སྒོ་མང་སློབ་དཔོན་པ་དོན་གྲུབ་རྒྱ་མཚོ་འདི་ཉིད་དང༌། བློ་གསལ་གླིང་ཟུར་པ་ལེགས་པ་དོན་གྲུབ། འདུལ་བ་པ་བློ་བཟང་དགའ་ལྡན། བློ་གསལ་གླིང་ཁྲི་བ་བློ་བཟང་འཇམ་དཔལ། ཤག་སྐོར་བ་ངག་དབང་དོན་གྲུབ། རྒྱལ་པ་ཆོས་ལྷུན་གྲུབ། བདེ་ཡངས་པ་བློ་བཟང་ཡོན་ཏན། སྔགས་པ་ལེགས་བཤད་རྒྱ་མཚོ་སོགས་སློབ་དཔོན་པ། དགེ་སྐོས་དཀའ་བཅུ་བློ་བཟང་དོན་གྲུབ་དང་རབ་འབྱམས་པ་བློ་བཟང་ཡེ་ཤེས། དབུ་མཛད་ངག་དབང་བསྟན་འཛིན། གཉེར་པ་དཀའ་བཅུ་བློ་གྲོས་ལྷུན་གྲུབ་དང༌། རབ་འབྱམས་པ་བློ་བཟང་རབ་ཡངས་སོགས་ཀྱིས་བསྐུལ་མ་ཡང་ཡང་ཞུས་པ་དང་སྔ་ཐོག་འཇམ་དབྱངས་ཆོས་རྗེ་བཀྲ་ཤིས་དཔལ་ལྡན་པས་མཛད་པ་རང་ཇི་ལྟར་རུང་རྙིང་པ་ཞིག་འདུག་པ་སྡེ་གཟར་དུས་བོར་བས་འཇམ་དབྱངས་བླ་མ་དཀོན་མཆོག་ཆོས་འཕེལ། ས་སྐྱོང་བསོད་ནམས་རབ་བརྟན། སློབ་དཔོན་སངས་རྒྱས་བཀྲ་ཤིས་སོགས་དུས་དེའི་སློབ་དཔོན་པ་དང་གྲྭ་རྒན་རྒྱུས་ཡོད་རྣམས་གོ་བསྟུན་ནས་མཛད་པའི་བཅའ་ཡིག་དེ་ལ་ལ་སྤམ་དྲགས་པ་དང༌། འགའ་ཞིག་ཤིན་ཏུ་ཕྲ་བས་མཚོན་ཉམས་སུ་བསྟར་བདེ་མི་བདེ་སྣ་ཚོགས་འདུག་པ་བཅས་བགྱིད་འདུན་ཡོད་ཀྱང་ཆུ་གཉེར་ལྟ་བུའི་རྣམ་གཡེང་གིས་དུས་འདས་པའི་རིམ་ལུས་སུ་སོང་བར་མ་ཟད་ཕྱིས་སྐོར་ཁམས་ཆེན་སོགས་རེ་གཉིས་ཀྱིས་ངན་ཤེད་ལ་བརྟེན་པའི་སྒྲིགས་སྤང་བླང་རྣམས་ལོ་རེ་བཞིན་འགྱུར་ནས་མ་གནས་གཤིས་བགྱིས་པ་རྣམས་ཀྱང་ཚུལ་བཞིན་མ་བྱུང་བའི་ཚེ་དེ་ལམ་དུ་བཞག་ན་མ་འཐུས་པས་རིམ་འགྱངས་སུ་ལུས་པ་ཡིན་རུང་སྤྲུལ་པའི་ཆོས་སྐྱོང་ཆེན་པོ་ནས་རྟ་མཛོས་མཐའ་བརྟེན་པའི་བཀག་ཆའི་བཅད་བརྡར་དང༌། རྩ་ཚིག་བཟོས་པར་རྙེད་སྤང་བླང་རྣམས་མཆན་བུར་བཀོད་དེ་བརླིང་ཆ་གོང་ཆེ་འགབ་ལན་ཁ་ཡར་ཞིབ་དཔྱད་ཅིང་དེ་ལྟ་ལག་ཡོད་སྐལ་གཏོང་གི་ཐོག་གཞི་རྣམས་སྡེ་པའི་ལག་ཏུ་འདུག་པ་དང་ཡང་བཅད་དེ་སྤང་བླང་འཛོལ་མེད་ཉམས་སུ་ལེན་པའི་བཅའ་ཡིག་ཚུལ་འཆལ་ས་སྲུངས་འདུལ་བའི་ལྕགས་ཀྱུ་ཀུན་གསལ་མེ་ལོང་འདི་ནི་ཟ་ཧོར་གྱི་བབརསྤྱ༨་སྡེ་སྣོད་གསུམ་པ་ངག་དབང་བློ་བཟང་རྒྱ་མཚོས་འཕགས་པའི་ཡུལ་དུ་དུནྡུ་བྷི་ཞེས་པ་ལྗོངས་འདིར་རྔ་ཆེན། ཙི་ནའི་ཡུལ་དུ་བཞིན་ཟུ་ཞེས་ཆུ་ཕོ་ཁྱིའི་ལོ་ཉིན་མོར་བྱེད་པ་གླང་གི་ཁྱིམ་དུ་སྤྱོད་ཅིང་ཆུ་ཤེལ་གྱི་དབང་པོ་སོ་གས་ཉ་པ་མཉམ་མེད་ཤཱཀྱའི་རྒྱལ་པོས་བླ་མེད་བྱང་ཆུབ་བརྙེས་པའི་དུས་ཆེན་ལ་ལུགས་བརྒྱའི་འདུན་ས་འཕགས་པ་འཇིག་རྟེན་དབང་ཕྱུག་གི་གཞལ་མེད་ཁང་དམར་པོ་རིར་སྦྱར། ཞེས་གསུངས་པས་སོ། །བཅའ་ཡིག་དེ་ཉིད་ས་ཕག་དུས་འགྱུར་མ་བྱུང་བར་དུ་འབྲས་སྤུངས་ཚོགས་ཆེན་ཞལ་ངོ་ཆེན་པོས་ཕྱག་ཏུ་བསྣམས་ནས་ཆོས་ཁྲིམས་དར་གྱི་མདུད་པ་ལས་ནམ་ཡང་མི་འདའ་བའི་སྲོལ་བཟང་འདི་ཉིད་བྱུང་བ་ཡིན་ནོ།།

དགུང་གྲངས་ཞེ་གཅིག་པ་རབ་བྱུང་བཅུ་གཉིས་པའི་ཤིང་ཕག་༡༦༩༥ལོར་དཔལ་ལྡན་སྨད་རྒྱུད་གྲྭ་ཚང་གི་མཁན་ཁྲིར་ཕེབས་ནས་རྒྱུད་ཀྱི་འཆད་ཉན་རྒྱ་ཆེར་གནང༌། མི་རིང་བར་བྱང་རྩེ་ཆོས་རྗེའི་ཁྲིར་འཁོད་དེ་བཤད་སྒྲུབ་འཆད་ཉན་རྒྱ་ཆེར་མཛད་བཞིན་པའི་མུར། དགུང་ལོ་ཞེ་དྲུག་པ་རབ་བྱུང་བཅུ་གཉིས་པའི་ལྕགས་འབྲུག་༡༧༠༠ལོར་དགའ་ལྡན་རྣམ་པར་རྒྱལ་བའི་གླིང་གི་མི་འཇིགས་སེང་གེའི་ཁྲི་ལ་ཞབས་སོར་འཁོར་ལོའི་རེ་ཁ་མངོན་པར་བཀོད་དེ་བཤད་སྒྲུབ་འཁོར་ལོ་གསུམ་གྱི་སྒོ་ནས་དགེ་ལྡན་བསྟན་པའི་རྒྱལ་མཚན་བླ་ན་སྒྲེངས། ལོ་དེའི་ཚོགས་མཆོད་ཟླ་བ་གཉིས་པའི་ཚེས་ཉེར་ལྔ་ཉིན་དེ་སྔོན་དགའ་ལྡན་ཁྲི་ཆེན་ཞེ་ལྔ་པ་དང༌། ཞེ་དྲུག་པ་གཉིས་ཀས་སྡེ་སྲིད་སངས་རྒྱས་རྒྱ་མཚོ་ལས་རྨད་བྱུང་བསྐལ་སྔོན་མའི་ལུང་གསན་རྒྱུའི་ལུགས་སྲོལ་ཆགས་པར་དགེ་ཕྱོགས་མཁས་གྲུབ་དུ་མའི་ཐུགས་ལ་བབ་པོ་རང་མེད་ནའང༌། རྗེ་འདི་ཉིད་ཁྲིར་ཕེབས་མ་ཐག་པ་ཡིན་པ་དང་སྡེ་སྲིད་ཀྱི་དགོངས་ཕྱོགས་ཡོང་དོགས་ཀྱིས་རྨད་བྱུང་བསྐལ་སྔོན་མའི་ལུས་ཞུསརབ་གསལ་གསེར་གྱི་སྙེ་མ་༦༩༧ ༦༩༨། བོད་ཟླ་གསུམ་པའི་ཚེས་གཉིས་ཉིན་ཚོམས་ཆེན་སྲིད་ཞིའི་ཕུན་ཚོགས་སུ་རྒྱལ་དབང་དྲུག་པ་ཚངས་དབྱངས་རྒྱ་མཚོ་ལ་དགའ་ལྡན་རྣམ་པར་རྒྱལ་བའི་གླིང་དང༌། ཡེར་པ་གྲྭ་ཚང༌། ཨེར་འོར་པ། རིན་ཆེན་བྲག། སྟག་ཕུ། ར་ཁྱིམ་རྣམསཀྱི་གྲྭ་བླ་མང་པོའི་དབུས་སུ། ཁྲི་ཆེན་འདི་ཉིད་ཀྱིས། ལྷར་བཅས་འགྲོ་བ་སྤྱི་དང་ཡང་སྒོས་བསིལ་ལྡན་གངས་ཅན་བོད་ཀྱི་བསྟན་འགྲོའ་གཙུག་རྒཊཡན་དུ་གཟུགས་སྐུའི་དཀྱིལ་འཁོར་མི་འགྱུར་བར་བསྐལ་བ་བརྒྱ་ཕྲག་དུ་མར་བཞིགས་པའི་ཞལ་བཞེས་དགོས་ཚུལ་དང་སྦྲགས། རྩེ་ཤོད་གཉིས་ལ་དངུལ་གྱི་མཌ་ཌལ་གྱིས་སྣེ་དསརངས་བདུན་ཚན་དང་ལྔ་ཚན་གསུམ་བཅས་སྟོས་ཆེར་འདེགས་འབུལ་ཞུསརབ་༧༠༢ ༧༠༣། རྒྱལ་དབང་དྲུག་པ་ཚངས་དབྱངས་རྒྱ་མཚོའི་ཡོངས་འཛིན་མཛད་ནས་མདོ་སྔགས་ཀྱི་ཆོས་ཚུལ་དུ་མ་འབུལ་གནང་མཛད། དགུང་ལོ་ང་གཅིག་པ་མེ་བྱ་༡༧༠༥ལོར་སོག་པོ་ལྷ་བཟང་སྡེ་སྲིད་སངས་རྒྱས་རྒྱ་མཚོ་དབར་འདུམ་ཆིངས་གང་དྲག་གནང༌། དགུང་ལོ་ང་གཉིས་པ་མེ་ཁྱི་༡༧༠༦ལོའི་བོད་ཟླ་ལྔ་པའི་ཚེས་བདུན་ཉིན་ལྷ་བཟང་གིས་རྒྱལ་དབང་དྲུག་པ་ཚངས་དབྱངས་རྒྱ་མཚོ་རྒྱ་ནག་ཏུ་གདན་འདྲེན་ཞུ་རྩིས་ཀྱིས་པོ་ཏ་ལ་ནས་རྫོང་རྒྱབ་ལྷ་ཀླུ་དགའ་ཚལ་དུ་བཞུགས་སུ་འཇུག་རྒྱུ་ལྟར་རྐྱང་ཐང་སྒང་དུ་བཞུགས་སྒར་བཏེགས་ཏེ་བཞུགས་ཞག་མཛད་པའི་སྐབས་སེར་འབྲས་ཀྱི་དགེ་འདུན་པ་སོགས་སྐྱ་སེར་ཤིན་ཏུ་མང་པོ་མཇལ་ཁ་འཚང་ཀ་བྱེད་པ། སོག་དམག་སྐུ་སྲུང་པ་ཚོས་གུར་གྱི་ཀ་ར་ཕབ་ནས་རྒྱུགས་རྡུང་གཏོང་བར་སེར་འབྲས་ཀྱི་གྲྭ་པ་ཚོས་རྡོ་ཆར་ཕབ། མི་དམངས་ཀྱིས་ཕྱག་འཚལ་བ་སོགས་ཟིང་ཟིང་ལོང་ལོང་བྱེད་པའི་ཁྲོད་དུ་ཁྲི་ཆེན་རིན་པོ་ཆེ་འདི་ཉིད་ཀྱང་རྒྱལ་དབང་དྲུག་པ་མཇལ་ཁར་ཕེབས་པ་ལ་གྲྭ་པ་ཚོས་ཕྱག་དབང་ཞུས་པར་སངས་རྒྱས་སྐུ་དངོས་འདིར་བཞག་ནས་ང་ལ་ཕྱག་དབང་ཞུས་པ་གང་ཡིན་ཞེས་བཀའ་སྐྱོན་གནང་ཞིང༌། ལྷ་བཟང་གི་དཔོན་དམག་ཚོར་ཁྱོད་ཚོ་ལ་དངུལ་དགོས་ན་དགའ་ལྡན་དངུལ་གདུང་ཆེན་མོ་པགས་པ་བཤུས་ནས་ཁུར། གོས་ཆེན་གྱིས་ལག་ཐོགས་ན་དགའ་ལྡན་གསེར་ཁྲིའི་ཐོག་ནས་ངའི་གོས་བེར་ཁྱེར་ཅིག སྤྱན་རས་གཟིགས་སྐུ་ཤ་རློན་པའི་སྐུ་སྲོག་ལ་བདོ་བའི་ངན་ཇུས་འདི་འདྲ་གཤམ་དོན་གང་ཡིན་སོགས་ཞལ་ནས་གང་ཐོན་གྱིས་ཀྱལ་ཀ་གནང༌། དེ་ནས་དེ་འབག་གླིང་ཁར་འབྲས་སྤུངས་པའི་ཐབ་སྐྱེལ་སྐབས་འབྲས་སྤུངས་པའི་སྡག་སྡག་མང་པོ་དཔུང་སྒྲིག་སྟེ་སོག་དམག་གི་ཁྲོད་ནས་འཆི་བ་སྲོག་ལ་མི་ལྟ་བར་རྒྱལ་དབང་མཆོག་བཙན་ཕྲོགས་ཀྱིས་འབྲས་སྤུངས་ལྡན་ཕོ་བྲང་དུ་གདན་དྲངས། ལྷ་བཟང་གི་དཔུང་དམག་རྣམས་འཇམ་བཞེད་དང་མཆོད་ཡོན་ཡིན་སྟབས་སྒོ་མང་ཕྱོགས་ཤར་ཆུ་སྦུས་ནས་བརྒྱུད་དེ་དགོན་པའི་ཐོད་དུ་བསྐོར། སྒོ་མང་ནས་བརྒྱུད་གོ་བོའི་སྤྱི་ཁང་སྟེང་ནས་ཕོ་བྲང་ཀུན་དགའ་ར་བ་དང་དགའ་ལྡན་ཕོ་བྲང་གི་རྒྱབ་ནས་མེ་མདའ་འཕེན་པ་སོགས་བྱས་བྱུང་བས། འབྲས་སྤུངས་གྲྭ་པ་ཚོ་ཕོ་བྲང་དཀར་ཞལ་མཐིལ་དུ་ཚོགས་ཏེ་སོག་དམག་ལ་ཡ་ལན་སློག་རྒྱུའི་གྲོས་གཤམ་སྐབས་གྲྭ་པ་འགའ་རེས་རྒྱལ་བ་དངོས་མིན་ཟེར། གང་ལས་ཐོས་དྲིས་པར་སྒོ་མང་བླ་མ་དང་ལ་མོ་ཞབས་དྲུང་ལས་ཐོས་ཟེར། འོ་ན་དེ་གཉིས་སངས་རྒྱས་ཡིན་པ་ཁྱོད་ཅག་གིས་ཤེས་སམ་ཟེར་བ་སོགས་རྩོད་པའི་ཁ་ཚོན་མ་ཆོད་པར་གནས་ཆུང་ལ་ལུང་ཞུས་པས༌། མཐོང་བ་དོན་ལྡན་འདི་ཉིད་པད་དཀར་འཛིན་པའི་ཡང་སྲིད་མིན་ན་གཟུགས་མེད་ཀྱི་འདྲེ་ངའི་མགོ་བོ་ཁོས་ཞེས་ལུང་བསྟན། དེ་ལ་དགེ་བཤེས་འགའ་ཞིག་གིས་གཟུགས་མེད་ན་མགོ་ཡོད་པར་ཐལ། ཟེར་ནས་ལྷ་ལ་འཁོར་གསུམ་བསྐོར། སོག་དམག་འབྲས་སྤུངས་སྤྱི་ཁང་ནས་རྒྱལ་རོང་སྤྱི་ཁང་ལྟག་བར་དང༌། ནུབ་རྒྱུད་ནས་ལྕང་སྲུང་ཁང་གི་བར་དུ་བསྐོར་ཟིན་པས་འབྲས་སྤུངས་སུ་ཉིན་བཞི་ལྔ་ཙམ་ལས་བཞུགས་མ་ཐུབ་པར་རྒྱལ་དབང་གཆོག་གིས་ངའི་དོན་དུ་དགོན་པ་ཕུང་ན་མི་རུང་བས་ང་རང་གཅིག་པུར་འགྲོ་ཆོག་ཅེས་སུས་ཀྱང་བཤོལ་མ་ཐེབས་པར་སོག་དམག་གི་ཁྲོད་དུ་ཕེབས། དེ་རྗེས་གསོལ་དཔོན་བློ་གྲོས་རྒྱ་མཚོ་དང་མཆོད་དཔོན་ངག་དབང་དཔལ་འབར་སོགས་མི་གསུམ་མ་གཏོགས་རང་སྲོག་བློས་བཏང་སྟེ་འགྲོ་མཁན་མ་བྱུང༌། དེ་ནས་ལྷ་བཟང་གིས་རྒྱལ་དབང་མཆོག་སྟོད་ལུང་ནས་རིམ་བཞིན་ཡངས་པ་ཅན། འདམ་གཞུང་སོགས་བརྒྱུད་བྱང་ཁ་ནས་ཕེབས་ལམ་དུ་ཟི་ལིང་ཀུན་དགའ་ནོར་དུ་གློ་བུར་ཞི་བར་གཤེགས། དེའི་ཕྱི་ལོ་མེ་ཕག་༡༧༠༧ལོར་སོག་པོ་ལྷ་བཟང་གིས་ཁམས་འཇུ་པ་ནས་ཡིན་པའི་གྲྭ་ཡེ་ཤེས་རྒྱ་མཚོ་ཞེས་ཚུལ་ཁྲིམས་ཀྱི་དྲི་བསུང་འཐིལ་བ་ཞིག་ཡོད་པ་དེ་ཀུན་མཁྱེན་འཇམ་དབྱངས་བཞད་པ་དང་ལ་མོ་ཚངས་པའི་ལུང་ལ་བརྟེན་ནས་རྒྱལ་བའི་ཡང་སྲིད་ངོས་འཛིན་དང་ཁྲི་འདོན་བྱས། སྐབས་དེ་དག་དུ་ཁྲི་ཆེན་འདིས་ཚངས་དབྱངས་རྒྱ་མཚོ་རྒྱལ་བའི་ཡང་སྲིད་འཁྲུལ་མེད་ཡིན་བཞིན་དུ་སོག་པོས་ངན་ཇུས་གཤོམ་ཚུལ་སོགས་ཞལ་ནས་གང་ཐོན་གྱིས་སོག་རིགས་ལ་ཁ་རྡུང་བཏང་ཡང་ལྷ་བཟང་གི་རྒྱབ་སྐྱོར་གོང་མ་ཆིང་ཧྲེང་ཙུའུ་ཁང་ཤིས་ཡོད་པས་གྲུབ་འབྲས་གང་ཡང་མ་ཐོན་པའི་ཐོག་ལྷ་བཟང་གིས་དགའ་ལྡན་གསེར་ཁྲི་ལས་ཕབ་རྒྱུའི་ཇུས་གཤམ་པ་སོགས་ཀྱི་རྙོག་འཛིང་འགོང་ཆེར་བྱུང༌། ལོ་དེར་ཁྲི་ལོ་གཙང་པ་དང་ལྷ་བཟང་ཁང་གིས་སྲིད་རྙོག་གི་དོན་རྐྱེན་འོག་ནས་དགའ་ཁྲི་ལས་ཟུར་ཏེ། བྱ་ཡུལ་ཆོས་སྡེ་ལ་བཞུགས་ནས་འགྲོ་དོན་རྒྱ་ཆེར་སྤེལ་བཞིན་དགུང་ལོ་དོན་གསུམ་པར་རབ་བྱུང་བཅུ་གཉིས་པའི་མེ་ལུག་༡༧༢༧ལོར་དགོངས་པ་ཆོས་དབྱིངས་སུ་ཐིམ། ཤིང་ཁྱི་སྤྲུལ་སྐུུའི་ཐོ་གཞུང་ནང་དགུང་གྲངས་དགུ་བཅུ་བཞུགས་པར་བཤད། 

དེའི་སྐུུ་ཕྲེང་གཉིས་པ་དགེ་འདུན་བསྟན་པའི་རྒྱལ་མཚན་ནི། རབ་བྱུང་བཅུ་གཉིས་བའི་ས་སྤྲེལ་༡༧༢༨ལོར། དབུས་སྟོད་བྱ་ཡུལ་དཔྲལ་གོང་ཞེས་པའི་ཁྱིམ་དུ་འཁྲུངས། ཆུང་དུས་ནས་གླིང་སྤྲུལ་གོང་མ་སྐུུ་སྐྱེ་ཁྲི་ཆེན་དོན་འགྲུབ་རྒྱ་མཚོའི་ཡང་སྲིད་ངོས་འཛིན་ཞུས་ཏེ་བཀའ་གདམས་པའི་དགེ་བཤེས་གཞོན་ནུ་འོད་ཀྱི་གདན་ས་བྱ་ཡུལ་དགོན་དུ་ཆོས་ཞུགས་མཛད། སྐུུ་ན་སོན་པ་དང་དབུས་སུ་ཕེབས་ཏེ་གདན་ས་འབྲས་སྤུངས་བཀྲ་ཤིས་སྒོ་མང་གྲྭ་ཚང་དུ་ཞུགས་ནས། བསྡུས་གཞུང་དང་རྣམ་འགྲེལ། དབུ་ཚད། འདུལ་མཛོད་བཅས་པར་གསན་བསམ་རྒྱ་ཆེར་མཛད། ལྷ་ལྡན་སྨོན་ལམ་ཆེན་མོའི་ནང་རབ་འབྱམས་སྨྲ་བའི་གྲྭ་སྐོར་མཛད་པས་མཁས་པའི་མཚན་སྙྙན་ཤིན་ཏུ་ཆེ་བ་བྱུང༌། རྒྱལ་མཆོག་བསྐུལ་བཟང་རྒྱ་མཚོས་ཁམས་འདན་ཆོས་འཁོར་གླིང་གི་དགོན་པའི་དབུ་བླར་བསྐོས་ནས་ཁམས་སུ་མངགས་བཏང་མཛད། རྫ་སྟོད་གླིང་ཚང་ཁུལ་དང་ཏྲེ་ཧོར་དགོན་གསར་དགོན་པ་སོགས་དགེ་ལྡན་པའི་གཞིས་དགོན་དུ་མར་ཡི་དམ་བདེ་གསང་འཇིགས་གསུམ་གྱི་བཀའ་དབང་དང་བྱང་ཆུབ་ལམ་གྱི་རིམ་པའི་བཀའ་འཁྲིད། རྗེ་ཡབ་སྲས་དང་རྒྱལ་བ་ཡབ་སྲས་སོགས་སྐྱེས་ཆེན་དུ་མའི་བཀའ་འབུམ་གྱི་ལུང་གནང་བས་མཚོན། དགེ་བསྟན་ཕྱོགས་མཐར་སྤེལ་བའི་རྣམ་ཐར་བཟང་པོ་བསྐྱངས། ཧོར་ཆོས་རྗེ་སྐུུ་ཕྲེང་གསུམ་པ་སོགས་རྗེས་འཛིན་སློབ་མ་ཡང་ཤིན་ཏུ་མང་པོ་བྱུང་སྣང་སྟེ། ཧོར་ཆོས་རྗེ་སྐུུ་རབས་རིམ་བྱུང་གི་རྣམ་ཐར་ཛཁྲརྟ༤འི་གསེར་གྱི་སྙྙེ་མ་ལས་རྗེ་གྲུབ་པའི་དབང་ཕྱུག་ཆོས་འཁོར་མཁན་པོ་དགེ་འདུན་བསྟན་པའི་རྒྱལ་མཚན་ཕྱོགས་འདིའི་གདུལ་བྱ་རྣམས་ཀྱི་བསོད་ནམས་ཀྱི་ཞིང་དུ་བྱོན་པ་ལ་གཙུག་ཕུད་ཕུལ་ནས་དགེ་བསྙྙེན་དང་རབ་བྱུང་གསན་ཅིང༌། དེའི་བསླབ་བྱ་རྣམས་ལ་ཚུལ་བཞིན་དུ་བསླབས། འཕོ་ལུང་དང་ཆོས་རྒྱལ་གྱི་རྗེས་གནང་ཀྱང་གསན། མཁན་ཆེན་འདིས་དགོན་འདིའི་བླ་གྲ་སྤྱིའི་སྐུུ་རིམ་དྲུག་ཅུ་ལྕགས་མཁར་གྱི་སྒྲུབ་པ་ཟོར་འཕེན་དང་བཅས་པ་གནད་སྨིན་ཞིག་མཛད། ཞེས་གསུངས། འདན་ཆོས་འཁོར་དགོན་གྱིས་གཙོས་སྡེ་དགེ་ཁུལ་གྱི་དགེ་ལྡན་པའི་བསྟན་པའི་ལ་རྒྱ་ལ་ཤིན་ཏུ་སྨན་པ་བྱུང་བས། རྒྱལ་མཆོག་བདུན་པས་རྗེ་འདི་བར་ཨེ་ཏི་ནི་ད་ལའི་ཧོ་ཐོག་ཐུའི་མཚན་གནས་ཀྱི་ཆོ་ལོ་གནང་བ་སོགས། རྨད་དུ་བྱུང་བའི་རྣམ་པར་ཐར་བ་བདག་གིར་མཛད་དེ། ཤིང་ཁྱི་བོད་ཀྱི་སྤྲུལ་སྐུུའི་ཐོ་གཞུང་དུ་བཤད་པ་ལྟར་ན་དགུང་གྲངས་རེ་གསུམ་པ་རབ་བྱུང་བཅུ་གསུམ་པའི་ལྕགས་ཕག་༡༧༩༠ལོར་དགོངས་པ་ཆོས་དབྱིངས་སུ་བསྟིམས་ཤིང༌། འོན་ཀྱང་སྐུུ་ཕྲེང་གོང་འོག་གི་དགུང་གྲངས་ལ་དཔག་ན་འཐད་པ་དཀའ་བ་སྙྙམ། སྐུུ་ཕྲེང་གསུམ་པ་བློ་བཟང་བསྟན་པའི་རྒྱལ་མཚན་ནི། རབ་བྱུང་བཅུ་གསུམ་པའི་༡༧༩༡ལོར་ཁམས་སྡེ་དགེ་གླིང་ཚང་དུ་སྐུུ་འཁྲུངས། དབུས་སུ་བྱོན་ནས་གླིང་ཚང་འདན་ཆོས་འཁོར་གླིང་གི་གྲྭ་རྒྱུན་ཐོབ་ཁུངས་ལྟར་མཁས་མང་བློ་གསལ་གླིང་གི་གླིང་ཁང་ཚན་དུ་ཆོས་ཞུགས་གནང༌། དེ་རྗེས་ཁྲི་སྤྲུལ་གོང་མའི་ཡང་སྲིད་ཐག་བཅད་བྱུང་ནས་སྒོ་མང་དུ་གདན་དྲངས་ཀྱང་མ་ཕེབས་པར་གླིང་ཁང་ཚན་རང་དུ་བཞུགས་པ་ནས་གླིང་སྤྲུལ་ཞེས་པའི་མཚན་སྲོལ་ཐོག ལོ་རྒྱུས་འགའ་ཞིག་ཏུ་དེ་མོ་རྒྱལ་ཐོག་སྐབས་ཕྱོགས་ཞེན་བྱས་ཚུལ་བཤད་པ་མི་བདེན་ཏེ། དེ་དུས་བོད་ཀྱི་རྒྱལ་ཚབ་རྟ་ཚག་རྗེ་དྲུང་གི་སྐབས་ཡིན་པས་སོ། རྟ་ཚག་སྐུུ་ཕྲེང་གསུམ་པ་བསྟན་པའི་མགོན་པོས་བོད་ཀྱི་རྒྱལ་ཚབ་གནང་ལོ་ནི་༡༧༩༡༡༨༡༠ བར་ཡིན། དེ་རྗེས་དེ་མོ་སྐུུ་ཕྲེང་བཞི་པ་བློ་བཟང་ཐུབ་བསྟན་འཇིགས་མེད་རྒྱ་མཚོ་བོད་ཀྱི་རྒྱལ་ཚབ་གནང་ལོ་ནི་༡༨༡༡༡༨༡༩བར་ཡིན། འདིའི་སྐུུ་ཕྲེང་རྗེས་མ་དགའ་ཁྲི་དོན་ལྔ་པ་གླིང་སྤྲུལ་ངག་དབང་ལུང་རྟོགས་ཡོན་ཏན་རྒྱ་མཚོས་རྒྱལ་དབང་བཅུ་པ་མཁས་གྲུབ་རྒྱ་མཚོའི་ཡོངས་འཛིན་མཛད་པ་ནས་སྐུུ་རབས་ཕྲེང་བ་ལ་གླིང་ཡོངས་འཛིན་ཞེས་པའི་མཚན་བྱུང་བ་ཡིན་ནོ། རྗེ་འདིས་པཎ་ཆེན་བསོད་ནམས་གྲགས་པའི་ཡིག་ཆའི་སྟེང་ནས་རྗེ་ཡབ་སྲས་དང་བཀའ་བསྟན་གྱི་དགོངས་པ་ཡོངས་སུ་དྲིལ་བའི་གཞུང་ཆེན་ལྔ་ལ་མཁས་པར་སྦྱོང་བཞིན་པའི་མུར༌། དགུང་གྲངས་ཉི་ཤུ་པ་རབ་བྱུང་བཅུ་བཞི་པའི་ལྕགས་རྟ་༡༨༡༠ལོར་སྐུུ་གཤེགས། སྐུུ་ཕྲེང་བཞི་པ་གོང་དུ་བཀོད་པའི་དགའ་ཁྲི་དོན་ལྔ་པ་ཡོངས་གླིང་ངག་དབང་ལུང་རྟོགས་ཡོན་ཏན་རྒྱ་མཚོ་༡༨༡༡༡༨༥༥འདི་ཉིད་ཡིན་ནོ། །

སྐུུ་ཕྲེང་ལྔ་པ་ཡོངས་འཛིན་བློ་བཟང་ལུང་རྟོགས་བསྟན་འཛིན་འཕྲིན་ལས་ནི། རབ་བྱུང་བཅུ་བཞི་པའི་མེ་འབྲུག་༡༨༥༦ལོར་གངས་ཅན་ལྗོངས་ཀྱི་ཡུལ་དབུས་ལྷ་ས་དང་ཁད་ཉེ་བ་འཕན་ཡལ་རག་མ་ཞེས་པའི་ས་གནས་སུ་རིགས་རུས་ཕུན་སུམ་ཚོགས་པའི་ཡབ་ཡུམ་གྱི་སྲས་སུ་སྐུུ་བལྟམས། ཆུང་དུས་ནས་མཛད་སྤྱོད་ལ་བརྟེན་ནས་ཡོངས་འཛིན་གླིང་སྤྲུལ་གོང་མ་ངག་དབང་ལུང་རྟོགས་ཡོན་ཏན་རྒྱ་མཚོའི་ཡང་སྲིད་དུ་ངོས་འཛིན་བྱས། འབྲས་སྤུངས་བློ་གསལ་གླིང་དུ་ཆོས་ཞུགས་གནང་ནས། ཡི་གེ་འབྲི་ཀློག་ནས་གཞུང་ཆེན་པོད་ལྔའི་བར་གསན་བསམ་རྒྱ་ཆེར་གནང༌། འདི་སྐབས་གླིང་སྤྲུལ་པའི་སྐུུ་རིན་པོ་ཆེ་འདི་ཉིད་དང༌། སེམས་དཔའ་རིན་པོ་ཆེ། ཁང་སར་སྐྱབས་མགོན་བློ་བཟང་ཚུལ་ཁྲིམས་སོགས་ངེས་དོན་སྐྱེས་མཆོག་དུ་མ་དམ་པའི་ཆོས་ཀྱི་བགྲོ་བ་ལ་གདན་འཛོམས་ཏེ་ལུང་རིགས་སེངྒེའི་ང་རོ་ཅི་ཡང་བསྒྲགས་པས་མཚན་སྙྙན་གཡུ་འབྲུག་སྟོང་གི་སྒྲ་དབྱངས་འཛམ་གླིང་ཡངས་པའི་ནོར་འཛིན་གྱི་ཁྱོན་མཐའ་དག་ལ་དུས་གཅིག་ཏུ་ལྡིར། ཞེས་གསེར་ཀོང་རྡོ་རྗེ་འཆང་གི་རྣམ་ཐར་དང༌། ཁང་གསར་སྐྱབས་མགོན་རྣམ་ཐར་གཉིས་ཀ་ལས་འབྱུང༌། ལྷ་ལྡན་སྨོན་ལམ་ཆེན་མོའི་གྲྭ་སྐོར་མཛད་དེ་མཁས་པའི་མཚན་སྙྙན་འབར། ལོ་དེར་གནམ་ལ་ཉི་ཟླ་གཉིས་དང༌། ས་ལ་རྒྱུད་གྲྭ་རྣམ་གཉིས་ཞེས་ཡོངས་སུ་གྲགས་པའི་ཡ་གྱལ་དཔལ་ལྡན་སྟོད་རྒྱུད་གྲྭ་ཚང་གི་ཆོས་སྒོར་ཞུགས་ནས་གསང་ཆེན་རྒྱུད་སྡེ་རྒྱ་མཚོའི་སྙྙིང་པོ་གཅིག་ཏུ་བསྡུས་པ་རྗེའི་འགྲེལ་བ་བཞི་སྦྲགས་དང༌། པཎ་ཆེན་བསོད་ནམས་གྲགས་པའི་རྒྱུད་ྜྲིཀ་སོགས་ལ་བསླབས་པས་མདོ་སྔགས་གཉིས་ཀ་ལ་མཁས་པའི་ཡང་རྩེར་སོན། བྲག་རི་བློ་བཟང་ཆོས་འབྱོར་རྒྱ་མཚོ་དང༌། རྟ་ཚག་ཡོངས་འཛིན་དགེ་འདུན་རྒྱ་མཚོ། ཕུར་ལྕོགས་ཡོངས་འཛིན་བློ་བཟང་ཚུལ་ཁྲིམས་བྱམས་པ་རྒྱ་མཚོ། ཚེ་སྨོན་གླིང་སྐུུ་ཕྲེང་དང་པོ་ཁྲི་ཆེན་ངག་དབང་ཚུལ་ཁྲིམས། སྡེ་དྲུག་མཁྱེན་རབ་དབང་ཕྱུག་སོགས་མདོ་སྔགས་གཉིས་ཀའི་བསྟན་པའི་བདག་པོ་དུ་མའི་ཞབས་ལ་བསྟེན་ནས་གསང་སྔགས་རྡོ་རྗེ་ཐེག་པའི་དབང་ཁྲིད་མན་ངག་སོགས་ཟབ་ཅིང་རྒྱ་ཆེ་བའི་མདོ་སྔགས་ཀྱི་ཆོས་བཀའ་མཐའ་ཡས་པ་གསན་ཏེ་ཐོས་པ་རྒྱ་མཚོའི་ཕ་རོལ་ཏུ་སོན། འབྲི་གུང་བྱ་ཡུལ་མང་ར་དགོན་པ་སོགས་དབེན་པའི་གནས་སུ་ཐོས་དོན་རྒྱུད་ཐོག་ཏུ་འགེལ་བའི་ཉམས་བཞེས་རྨད་དུ་བྱུང་བར་མཛད་དེ་ཐུགས་རྒྱུད་ཉམས་དང་རྟོགས་པའི་ཡོན་ཏན་གྱིས་ཡོངས་སུ་ཕྱུག་པར་གྱུར། དགུང་གྲངས་ཉེར་ལྔ་བཞེས་པའི་སྐབས་གནས་ཆུང་སྤྲོ་ཁང་དུ་དཔལ་འཇིགས་མཛད་རྡོ་རྗེའི་གཞི་བསྙྙེན་ཆེན་མོ་མཛད་སྐབས་བསྙྙེན་པའི་ཐུན་མཚམས་སུ་ལྗགས་སྒྲིགས་མཛདཔའི་དཔལ་རྡོ་རྗེ་འཇིགས་བྱེད་ཀྱི་བསྙྙེན་སྒྲུབ་ས་གསུམ་བྱ་ཚུལ་ཐེམ་སྐུས་བཅོ་བརྒྱད་པ་ཞེས་པ་གསར་བརྩམས་མཛད་པ་དེ་ཉིད་ད་ལྟའི་བར་འགྲོ་དོན་ཤིན་ཏུ་ཆེ། དེ་ནས་དཔལ་སྟོད་རྒྱུད་པའི་བླ་མ་དབུ་མཛད་དང༌། མཁན་པོ་བཅས་ཀྱི་གདན་ཁྲིར་རིམ་པར་བྱོན་ནས་སྔར་སྲོལ་སྒྲིག་ཁྲིམས་ཉམས་པ་སོར་ཆུད་དང༌། མི་ཉམས་གོང་འཕེལ་དུ་མཛད་ཅིང༌། རྒྱུད་ཀྱི་འཆད་ཉན་ཡང་བསྟན་པའི་མིག་རྒྱན་དུ་ཆེ་བར་མཛད། དགུང་ལོ་ཞེ་དྲུག་པ་རབ་བྱུང་བཅོ་ལྔ་པའི་ཤིང་ལུག་༡༨༩༥ལོར་ྋགོང་ས་རྒྱལ་དབང་སྐུུ་ཕྲེང་བཅུ་གསུམ་པ་ཐུབ་བསྟན་རྒྱ་མཚོའི་ཡོངས་འཛིན་གནང་ནས་མདོ་སྔགས་ཀྱི་གཞུང་ལུགས་རྒྱ་མཚོ་ལྟ་བུར་སློབ་འཁྲིད་རྒྱ་ཆེར་གནང༌། ཤར་རྩེའི་ཁྲིར་ཕེབས་ནས་ཀྱང་བསྟན་དོན་རྒྱ་ཆེར་སྤེལ། ྋརྒྱལ་མཆོག་བཅུ་གསུམ་པ་ཐུབ་བསྟན་རྒྱ་མཚོ་དང༌། སྒོ་མང་མཁན་ཆེན་བསྟན་པ་ཆོས་འཕེལ། ྋསྐྱབས་རྗེ་ཕ་བོང་ཁ་པ་བདེ་ཆེན་སྙྙིང་པོ། སྲིད་སྐྱོང་ཡོངས་འཛིན་སྟག་བྲག་རྡོ་རྗེ་འཆང་ཆེན་པོ་ངག་དབང་གསུང་རབ་ལ་སོགས་པའི་སྐྱེས་ཆེན་དམ་པ་ཤིན་ཏུ་མང་པོ་ལ་མདོ་སྔགས་ཀྱི་ཆོས་འཁོར་རྒྱ་ཆེར་བསྐོར་པས་བསྟན་པའི་ཁུར་འདེགས་པར་བཟོད་པའི་ཞལ་སློབ་ཀྱང་གྲངས་ལས་འདས་པ་བྱུང༌། མཐར་དགུང་གྲངས་ང་གསུམ་པ་རབ་བྱུང་བཅོ་ལྔ་པའི་ཆུ་སྟག་༡༩༠༢ལོར་གཞུང་སའི་མཛད་ཇུས་རིམ་བརྒྱུད་ལ་ཉག་རོང་ལྕགས་མདའ་སྤྲུལ་སྐུུ་གཤིན་འདྲེར་སྐྱེས་པ་དེས་གནས་ཆུང་དུ་རྫུས་ནས་ལུང་ལོག་འདྲ་མིན་བརྒྱབས་པར་ྋགོང་ས་བཅུ་གསུམ་པས་ཆོས་སྐྱོང་ལ་རྒྱུག་རྡུང་ཚད་མེད་གནང་ཐོག ལུང་དོན་ཕྱོགས་འགལ་སྔ་ཕྱི་ཡོང་རྐྱེན་ཞིབ་འཇུག་གནང་སྐབས། ཉག་སྤྲུལ་གནས་ཆུང་དུ་རྫུས་པ་ར་འཕྲོད་བྱུང་གཤིས་གླིང་ཚང་རིན་པོ་ཆེ་འདི་ཉིད་གདན་འདྲེན་ཞུས་ནས་གཤིན་འདྲེ་ཉག་སྤྲུལ་དྲག་པོས་སྦྱིན་བསྲེགས་གནང་ནས། ཕྱིར་ཕེབས་ལམ་དུ་ཆིབས་རྟ་འདྲོགས་ནས་བརྡབས་སྐྱོན་ཐོག་ཐུན་མོང་སྣང་ངོར་ཆམ་ནད་ལྟ་བུས་དགོངས་པ་ཆོས་དབྱིངས་སུ་ཐིམ། རྗེ་འདིའི་ལྗགས་རྩོམ་ལ་དཔལ་རྡོ་རྗེ་འཇིགས་བྱེད་ཀྱི་བསྙྙེན་སྒྲུབ་ལས་གསུམ་བྱ་ཚུལ་ལས་ཐེམ་སྐུས་དང་པོ་སྔོན་འགྲོའི་ལག་ལེན་བླང་དོར་རང་གཟུགས་སྟོན་པའི་གསེར་སྦྱངས་ཨཱ་དསྐྲཏ། གཉིས་པ་སྒྲུབ་ཐབས་ངག་འདོན་བདུད་ལས་རྣམ་རྒྱལ། གསུམ་པ་རིམ་གཉིས་ཀྱི་རྣམ་བཤད་དངོས་གྲུབ་ནོར་བུའི་མཛོད་ཀྱི་སྒོ་བརྒྱ་ལེགས་པར་འབྱེད་པའི་ལེགས་བཤད་རིན་ཆེན་གསེར་གྱི་ལྡེ་མིག ཞིབ་པ་བསྙྙེན་ཡིག་སྐོར་ཕྱོགས་གཅིག་ཏུ་བཀོད་པ་དངོས་གྲུབ་མ་ལུས་འབྱུང་བའི་ཟ་མ་ཏོག་ཙིཏྟ་ཎིའི་ཕྲེང་བ། ལྔ་པ་དངོས་གཞིའི་སྐོར་གྱི་བསྙྙེན་ཡིག་ལག་ལེན་སྲད་བུར་བསྟར་བའི་ཤེལ་དཀར་གྱི་ཕྲེང་བ་མཁས་ཀུན་ཡིད་འཕྲོག དྲུག་པ་ཞི་ཁྲོ་སྦྲགས་སྒྲུབ་བྱ་ཚུལ་ཤིནཏུ་ཟབ་པ་གཉིས་འཛིན་གཡུལ་ལས་རྒྱལ་བའི་སྤུ་གྲི་ངར་ཐར་འདོད་དཔལ་བོའི་ལག་ཆ། བདུན་པ་ཁྲོ་བཅུའི་ཕྱིར་བཟློག་བྱེད་ཚུལ་གདོན་བགེགས་ཕྱེ་མར་འཐག་པའི་གནམ་ལྕགས་མེ་དཔུང་འཕྲུལ་འཁོར། བརྒྱད་པ་དྲུག་ཅུ་མ་ཞི་དྲག་གི་གཏོར་བསྔོས་བྱེད་ཚུལ་དངོས་གྲུབ་སྦྲང་ཆར་བསྐུུལ་བའི་རྡོ་རྗེའི་སྒྲ་དབྱངས་དམ་ཉམས་ཙིསྒྲྣ་དམར་འབྱིན། དགུ་པ་བདག་འཇུག་བྱ་ཚུལ་དངོས་གྲུབ་འགུགས་པའི་ལྕགས་ཀྱུ་ཉེས་ལྟུང་གླང་པོ་འཇོམས་པའི་མཚོན་ཆ། བཅུ་པ་ཁ་སྐོང་གི་སྦྱིན་སྲེག་བྱ་ཚུལ་སྡིག་ལྟུང་མུན་པ་འཇོམས་ཤིང་དངོས་གྲུབ་འོད་དཀར་འབྱེད་པའི་ཟླ་གཞོན། བཅུ་གཅིག་པ་མེ་ལྷ་ཐབ་ཏུ་འགུགས་པའི་བསྙྙེན་པ་བྱ་ཚུལ་དངོས་གྲུབ་མཚོ་ཆེན་འཕེལ་བའི་བདུད་རྩིའི་འོད་ཕྲེང༌། བཅུ་གཉིས་པ་མེ་ལྟའི་བཅུ་ཆའི་སྦྱིན་སྲེག་བྱ་ཚུལ་བརྟན་གཡོའི་ལེགས་ཚོགས་དབང་དུ་འགུགས་པའི་ལྕགས་ཀྱུ། བཅུ་གསུམ་པ་སྒྲུབ་པའི་ཐོ་ཡིག་སྐུུ་གསུམ་ཆར་འབེབས་དངོས་གྲུབ་རྒྱ་མཚོ། བཅུ་བཞི་པ་བསྙྙེན་སྒྲུབ་སྦྲགས་མའི་འདོན་བསྒྲིགས་བྱིན་རླབས་སྦྲང་རྩིས་མྱོས་པའི་བུང་བའི་གླུ་དབྱངས་ཐར་འདོད་རྣ་བའི་བདུད་རྩི། བཅོ་ལྔ་པ་བཅུ་ཆའི་དབང་གི་སྦྱིན་སྲེག་བྱེད་ཚུལ་སྲིད་ཞིའི་ལེགས་ཚོགས་དབང་དུ་འགུགས་པའི་དོན་ཡོད་འཕྲུལ་གྱི་ཞགས་པ། བཅུ་དྲུག་པ་འཇིགས་བྱེད་བཅུ་གསུམ་མའི་བསྙྙེན་ཆེན་གྱི་ཁྱད་པར་བརྗོད་པ་ཐར་འདོད་རེ་བ་སྐོང་བའི་བསམ་འཕེལ་དབང་གི་རྒྱལ་པོ། བཅུ་བདུན་པ་བཀའ་སྡོད་དམ་ཅན་ཆོས་ཀྱི་རྒྱལ་པོའི་བསྙྙེན་པ་བྱ་ཚུལ་དགྲ་སྙྙིང་ལོག་མར་འབྱིན་པའི་དཔའ་བོའི་བཞད་སྒྱ་ས་གསུམ་འདར་བྱེད། བཅོ་བརྒྱད་པ་དམ་ཅན་ཆོས་ཀྱི་རྒྱལ་པོའི་སྦྱིན་སྲེག་བྱེད་ཚུལ་སྲིད་གསུམ་བདུད་སྡེའི་གཡུལ་ལས་རྒྱལ་བའི་སྐྱེ་བ་ལྔ་པའི་དུང་སྒྲ་གནས་གསུམ་མཁའ་འགྲོ་མཉེས་པའི་རོལ་མོ་བཅས་དང༌། གཞན་ཡང་འབྲས་སྤུངས་སྔགས་ཁང་འཇིགས་བྱེད་གསར་བཞེངས་དཀར་ཆག་དང༌། རྡོ་རྗེ་ཕྲེང་བའི་དབང་གི་སྐོར་དང༌། འཁྲུལ་འཁོར་སོགས་ཀྱི་ཟིན་བྲིས། གཏོར་ཆེན་དྲུག་ཅུ་འི་འདོན་ཆོག་དང༌། ས་ཆོག ཟུར་འདེབས། གནོད་སྦྱིན་ཀྵེཏྲ་པཱ་ལའི་གཏོར་ཟློག གཏད་རུལ་གྱི་ཆོ་ག བླ་མའི་རྣམ་འབྱོར་སོགས་གསར་རྩོམ་པོད་ཆེན་གཅིག་དང༌། ཕྱོགས་བསྒྲིགས་བྱས་པ་མགོན་པོ་གྲི་གུག་གི་ལས་གཤིན་དཔལ་ལྡན་འཕྲིན་ལས་ཀྱི་མགོན་པོར་མཆོད་གཏོར་འབུལ་ཚུལ་གྱི་རིམ་པ་བགེགས་དཔུང་ཕྱེ་མར་བརླག་བའི་སྤུ་གྲི། བཀའ་གདམས་ཀྱི་བཀའ་སྲུང་མགོན་པོ་བཞི་སྤྲགས་ལ་མཆོད་གཏོར་འབུལ་ཚུལ་བགེགས་དཔུང་ཕྱེ་མར་བརླག་པའི་གནམ་ལྕགས་འཁོར་ལོ། བཀའ་སྲུང་ཆེན་པོ་རྡོ་རྗེ་རབ་དམར་བའི་གསོལ་མཆོད་བྱ་ཚུལ་དམ་ཉམས་ཀྱི་ཙིསྒྲྣ་དམར་འབྱིན། བྱ་ཡུལ་ལྷ་མོ་རྡོ་རྗེ་རབ་བརྟན་མའི་མངོན་རྟོགས་བགྲ་བགེགས་སྲོག་གི་སྤུ་གྲི་སོགས་མང་དུ་མཆིས།

སྐུུ་ཕྲེང་དྲུག་པ་ཡོངས་འཛིན་གླིང་སྤྲུལ་ཐུབ་བསྟན་ལུང་རྟོགས་རྣམ་རྒྱལ་འཕྲིན་ལས་ནི། རབ་བྱུང་བཅོ་ལྔ་པའི་ཆུ་ཡོས་༡༩༠༣ལོར་དབུས་ཀྱི་དགའ་བ་གདོང་ཀ་བོག་ཏུ་ཡབ་ཀུན་དགའ་ཚེ་རིང་དང༌། ཡུམ་བསོད་ནམས་བདེ་སྐྱིད་གཉིས་ཀྱི་སྲས་སུ་སྐུུ་འཁྲུངས། རྗེ་འདི་ཉིད་དགའ་ལྡན་ཁྲི་ཐོག་གོ་བདུན་པར་ཕེབས་ཤིང་འཕྲིན་ལས་ཤིན་ཏུ་འཕེལ། རྣམ་ཐར་ཅུང་ཟད་རྒྱས་པ་དགའ་ཁྲི་གོ་བདུན་པའི་སྐབས་སུ་འགོད་པར་འདོད་པས་དེར་གཟིགས་དགོས།

སྐུུ་ཕྲེང་བདུན་པ་གླིང་སྤྲུལ་བསྟན་འཛིན་ལུང་རྟོགས་འཕྲིན་ལས་ཆོས་འཕགས་ནི། ད་ལྟ་འཚོ་ཞིང་བཞུགས་བཞིན་པ་འདི་ཉིད་ལགས་ཤིང་རྣམ་པར་ཐར་བ་ཅུང་ཟད་རྒྱས་པ་དགའ་ཁྲི་གོ་བདུན་པའི་སྐབས་འགོད་པར་འདོད་པས་དེར་གཟིགས་དགོས།

དགའ་ལྡན་ཁྲི་ཐོག་ཞེ་དགུ་པ་ཅོ་ནེ་བློ་བཟང་དར་རྒྱས་ནི། རབ་བྱུང་བཅུ་གཅིག་པའི་ཆུ་སྟག་༡༦༦༢ལོར་མདོ་སྨད་ཅོ་ནེའི་ཨ་གཟིགས་ཐང་དུ་ཡབ་ཧོར་ཚང་མགོན་པོ་བསམ་གྲུབ་དང༌། ཡུམ་ལྷ་བཟའ་ལྷ་མོ་ཕྱུག་གཉིས་ཀྱི་སྲས་སུ་སྐུུ་འཁྲུངས། དགུང་ལོ་ཆུང་ངུའི་དུས་ནས་འདུལ་འཛིན་བློ་གྲོས་རྒྱ་མཚོ་དང་མཁན་ཆེན་ཐབས་མཁས་རྒྱ་མཚོ་གཉིས་ལས་རབ་ཏུ་བྱུང་ཞིང་མཚན་ལ་བློ་བཟང་དར་རྒྱས་ཞེས་གསོལ། མཁན་སློབ་དེ་གཉིས་ལས་ཡི་གེའིསྦྱོར་ཀློག་དང་འདོན་ཆོས་སྤྱོད་བཅས་ལ་བྱང་བར་བསླབས། ཅོ་ནེ་བཤད་སྒྲུབ་གླིང་གི་ཚོགས་གྲྭ་ལ་ཞུགས་ནས་གར་ཐིག་དབྱངས་གསུམ་སོགས་ལ་བྱང་ཆུབ་པར་མཛད། དགུང་ལོ་ཉི་ཤུ་ཐམ་པར་དབུས་སུ་ཕེབས་ཏེ་སེར་སྨད་དུ་ཞུགས་ཏེ་བསྡུས་གཞུང་དང་གཞུང་བཀའ་པོད་ལྔ་ལ་ཐོས་བསམ་ནན་ཏན་དུ་མཛད་པས་སྨྲ་བའི་སེང་གེ་ལྟ་བུར་གྱུར། རྗེ་ཕ་བོང་ཁ་པ་ངག་དབང་བསྟན་འཛིན་ལས་དགེ་ཚུལ་སྒྲུབ་པ་དང་མདོ་སྔགས་ཀྱི་ཆོས་འབྲེལ་ཡང་གསན། དགུང་ལོ་སོ་གཉིས་པར་སེ་ར་ཚོགས་ཆེན་དགེ་བསྐོས་མཛད་ནས་འགྲིག་ལམ་ལ་དོ་དམ་གང་ལེགས་གནང༌། དགུང་ལོ་སོ་བཞི་པར་སྨོན་ལམ་རབ་འབྱམས་པའི་གྲྭ་སྐོར་མཛད། དགུང་ལོ་སོ་ལྔ་པར་གོང་ས་ལྔ་པའི་དངོས་སློབ་གནས་བརྟན་འཇམ་དབྱངས་གྲགས་པའི་དྲུང་དུ་བསྙྙེན་པར་རྫོགས། དེ་ནས་སྟོད་རྒྱུད་གྲྭ་ཚང་དུ་ཕེབས་ཏེ་གསང་སྔགས་ཀྱི་གཞུང་དང་ཆོ་ག་ཕྱག་ལེན་དང་བཅས་པར་མཁས་པར་སྦྱངས། དགུང་ལོ་སོ་བདུན་པར་དཔལ་ལྡན་སྟོད་རྒྱུད་གྲྭ་ཚང་གི་བླ་མ་དབུ་མཛད་ཀྱི་ཁྲིར་ཕེབས། དགུང་ལོ་སོ་དགུ་པར་རྒྱུད་པ་མཁན་པོའི་ཁྲི་ལ་བཞུགས་ནས་ལོ་ངོ་དགུའི་རིང་དུ་འཆད་ཉན་དང་གཏོང་སྒོ་གང་ཅིའི་ཐད་ནས་ལེགས་པར་བསྐྱངས། དགུང་ལོ་ཞེ་ལྔ་པར་ཤར་རྩེར་ཕེབས། དགུང་ལོ་ཞེ་དགུ་པ་རབ་བྱུང་བཅུ་གཉིས་པའི་ས་བྱི་༡༧༠༨ལོར་དགའ་ལྡན་གསེར་ཁྲི་ལ་བཞུགས་ནས་ལོ་ངོ་བརྒྱད་ཀྱི་རིང་དུ་གསེར་ཁྲི་བསྐྱངས། ཤིང་རྟ་༡༧༡༤ལོར་ཁྲི་ལས་ཟུར་ནས་ཀྱང་གཙུག་ལག་ཁང་དང་སྐུུ་གསུང་ཐུགས་རྟེན་མང་དུ་བཞེངས་པ་དང༌། བདེ་ཆེན་གསང་སྔགས་མཁར། རིན་ཆེན་གླིང༌། དྭགས་པོ་གྲྭ་ཚང་བཅས་ལ་ཞལ་འཛིན་གང་ལེགས་གནང༌། དགུང་ལོ་ང་དགུ་པ་རབ་བྱུང་བཅུ་གཉིས་པའི་ལྕགས་ཕོ་བྱི་༡༧༢༠ལོར་རྒྱལ་བ་བསྐལ་བཟང་རྒྱ་མཚོ་སྐུ་འབུམ་ནས་མཚོ་སྔོན་དཔོན་ཁག་དང་མན་ཇུ་དམག་གིས་ལྷ་སར་གདན་དྲངས་ནས་ལྷུན་གྲུབ་རྫོང་དུ་ཕེབས་པར་ཁྲི་ཟུར་འདི་ཉིད་དང་དགའ་ལྡན་ཁྲི་ཆེན་དགེ་འདུན་ཕུན་ཚོགས། ཀུན་གཟིགས་པཎ་ཆེན་རིན་པོའི་སྐུ་ཚབ་གདན་ས་གསུམ་གྱི་མ་ཁན་སློབ་ལས་སྣེགཞུང་ཞབས་སེར་སྐྱ་གང་འཚམས་བཅས་ཕེབས་གསུར་བཅར་པས་རྒྱལ་དབང་མཆོག་དང་ཕན་ཚུན་ཐུགས་སྣང་ཤིན་ཏུ་གཤིན་པོ་བྱུང༌། ལོ་དེར་རྒྱལ་དབང་མཆོག་པོ་ཏ་ལར་ཁྲི་འདོན་མཛད་སྒོ་གྲུབ་པ་དང་རྒྱལ་དབང་མཆོག་གི་ཡོངས་འཛིན་དུ་ཕེབས་ཏེ་བསྡུས་གྲྭ་ནས་བཟུང་ཕར་ཕྱིན་སྐབས་བརྒྱད་པའི་བར་ལོ་ངོ་བཞིའི་རིང་དུ་འབུལ་བར་མཛད། དགུང་ལོ་རེ་གཉིས་པ་རབ་བྱུང་བཅུ་གཉིས་པའི་ཆུ་མོ་ཡོས་༡༧༢༣ལོར་དགོངས་པ་ཆོས་དབྱིངས་སུ་གཤེགས། དགོངས་རྫོགས་ཀྱི་ཕྱིར་དུ་བཞེངས་པའི་དངུལ་གདུང་ནི་དྭགས་པོ་རྣམ་གྲོལ་གླིང་གི་གཙུག་ལག་ཁང་དུ་བཞུགས་སོ། །

དགའ་ལྡ་ཁྲི་ཐོག་ལྔ་བཅུ་པ་བྱ་བྲལ་དགེ་འདུན་ཕུན་ཚོགས་ནི། མདོ་སྨད་གཅལ་ཞེས་བྱ་བའི་ཡུལ་དུ་དབལ་ཤུལ་གྱི་རིགས་ལས། ཡབ་འབུམ་ཕྱུག་དང༌། ཡུམ་རྡོ་རྗེ་མཁའ་འགྲོ་གཉིས་ཀྱི་སྲས་སུ་རབ་བྱུང་བཅུ་གཅིག་པའི་ས་བྱི་༡༦༤༨ལོར་སྐུུ་འཁྲུངས། དབལ་མང་རིན་པོ་ཆེ་དཀོན་མཆོག་རྒྱལ་མཚན་གྱིས་མཛད་པའི་བླ་བྲང་བཀྲ་ཤིས་འཁྱིལ་གྱི་གདན་རབས་ལས་འཁྲུངས་ལོ་ཤིང་སྦྲུལ་ཡིན་ཞེས་གསུངས་པར་བརྟགཆུང་དུས་ནས་རབ་ཏུ་བྱུང་སྟེ་ཆོས་སྒོར་ཞུགས། དགུང་ལོ་བཅོ་ལྔ་པ་ཆུ་སྟག་༡༦༦༢ལོར་དབུས་སུ་བྱོན་ནས་འབྲས་སྤུངས་སྒོ་མང་བྱ་བྲལ་ཁང་ཚན་དུ་ཆོས་ཞུགས་མཛད་དེ་གཞུང་ཆེན་པོད་ལྔར་གསན་སྦྱོང་མཐར་ཕྱིན་པ་མཛད། གསེར་དབར་ནམ་བྱུང་ལ་ཏཱ་ལའི་བླ་མ་སྐུུ་ཕྲེང་ལྔ་པ་རིན་པོ་ཆེ། ཁྲི་ཆེན་བློ་གྲོས་རྒྱ་མཚོ། བཀའ་འགྱུར་བ་སྦྱིན་པ་རྒྱ་མཚོ། གཙང་པ་ངག་དབང་སྦྱིན་པ། འཇམ་དབྱངས་བཞད་པའི་རྡོ་རྗེ་ངག་དབང་བརྩོན་འགྲུས་སོགས་བླ་མར་བསྟེན་ནས་མདོ་སྔགས་ཀྱི་ཆོས་རྒྱུན་ཧ་ཅང་མང་པོ་གསན། དགེ་བཤེས་ལྷ་རམས་པའི་མཚན་བཏགས་གྲྭ་སྐོར་དམ་བཅའ་འགྲན་ཟླ་བྲལ་བ་གནང་སྟེ། རྒྱུད་སྨད་གྲྭ་ཚང་དུ་སྒྲིགས་ཞུགས་མཛད་ནས། རྒྱུད་པའི་སྒྲིག་སྲོལ་དང༌། ཆོ་ག་ཕྱག་བཞེས། ཁྲིད་སྐྱོང་སོགས་ལ་བྱང་ཆུབ་པར་མཛད། རིམ་བཞིན་རྒྱུད་སྨད་བླ་མ་དབུ་མཛད་དང་མཁན་པོའི་ཁྲིར་ཕེབས། རྗེ་ཤེས་རབ་སེང་གེའི་རྣམ་འཕྲུལ་དུ་ལྷ་དང་བླ་མའི་ལུང་གིས་ཟིན། མཁན་པོ་མཛད་རིང་བདེ་ཆེན་གསང་སྔགས་མཁར་གྱི་རྒྱུད་སྨད་འདུ་ཁང་དང༌། ལྷ་སའི་རྒྱུད་སྨད་འདུ་ཁང་བཅས་གསར་རྒྱག་མཛད། ཞལ་ནས་བདག་འཛིན་འདི་ཨ་རེ་འཇིགས། ཁོ་བོ་མདོ་སྨད་དུ་རྐང་པ་ན་ནས་གསང་བདག་གི་བསྙྙེན་པ་བྱས། ལྷའི་ང་རྒྱལ་བཟུང་བའི་ཚེ་ཉི་དཀྱིལ་གྱིས་རྐང་པ་ཚའམ་སྙྙམ་པ་ཤར། ཞེས་གྲུབ་དབང་སྟོབས་ལྡན་སྔགས་རམས་པ་ལ་གསུངས། ཡང་ང་གསང་བ་འདུས་པའི་ཆེད་དུ་བྱ་བའི་གདུལ་བྱ་ཡིན་སྙྙམ་པ་ཡོད་ཀྱང་རླུང་འདུ་ལུགས་འདུས་པ་དང་མི་མཐུན་པ་འདུག ཁོ་བོ་གཞོན་དུས་ནས་རྩ་རླུང་ཐིག་ལེ་རང་གྲོལ་དུ་ཡོད་ཅེས་ཁྲི་ཆེན་ངག་དབང་མཆོག་ལྡན་ལ་གསུངས་པར་ལྕང་སྐྱ་རྡོ་རྗེ་འཆང་ནས་གསུངས་ཞེས་སྐྱབས་མགོན་འཇིགས་མེད་དབང་པོའི་ཞལ་ལས་ཐོས་ཞེས་བྱུང༌། ཏཱ་དབོན་དཔལ་ལྡན་གྲགས་པའི་རྣམ་ཐར་ལས། དགའ་ལྡན་ཁྲི་ཆེན་ལྔ་བཅུ་པ་དགེ་འདུན་ཕུན་ཚོགས། འཇམ་དབྱངས་བདེ་བའི་རྡོ་རྗེ་སོགས་སྐྱེས་ཆེན་དམ་པ་དུ་མའི་ཞབས་དྲུང་ནས། ལམ་རིམ་དམར་འཁྲིད་དང༌། འཇམ་དཔལ་ཞལ་ལུང་སོགས་ལམ་རིམ་གྱི་འཁྲིད་ལྔ་བཅུའི་འཁྲིད་སོགས་ཞུས་ཚུལ་གསལ་ཞིང༌།རྭ་སྒྲེང་ཁྲི་ཆེན་རིན་པོ་ཆེའི་རྣམ་ཐར་དུ། རྒྱུད་སྨད་ཆོས་རྗེ་དགེ་འདུན་ཕུན་ཚོགས་བསམ་སྦྱོར་གཉིས་ཀྱིས་ཚུལ་བཞིན་དུ་བསྟེན་ཏེ་རྒྱུད་ཀྱི་རྒྱལ་པོ་དཔལ་གསང་བ་འདུས་པ་འགྲེལ་པ་འགྲེལ་བཤད་མན་ངག་ལག་ཁྲིད་དང་བཅས་པ་དང༌། མ་རྒྱུད་ཐམས་ཅད་ཀྱི་གཙོ་བོ་དཔལ་འཁོར་ལོ་སྡོམ་པ་རྒྱུད་འགྲེལ་མན་ངག་ལག་ཁྲིད་དང་བཅས་པ་དང༌། དཔལ་རྡོ་རྗེ་འཇིགས་བྱེད་ཆེན་པའི་རྒྱུད་མན་ངག་ལག་ཁྲིད་དང་བཅས་པ་ལ་སྦྱངས་ཏེ་མཁས་པའི་ཕུལ་དུ་ཕྱིན་པར་མཛད་ནས་དགུང་ལོ་ཉེར་བདུན་པའི་ལོ་དབྱར་གནས་ཐོག་རྒྱུད་ཆེན་དགེ་འདུན་ཕུན་ཚོགས་ལ་གསོལ་བ་བཏབ་སྟེ། ཕྱི་མིག་ལུང་གི་ཁྲིད་ཁང་དུ་ཞུགས་ནས་མཁས་གྲུབ་རིན་པོ་ཆེའི་དཀར་ཆག་ཐོའི་ཡིག་ཆུང་ལས་ཇི་ལྟར་འབྱུང་བ་ལྟར་འདུས་པའི་རིམ་གཉིས་ཀྱི་ཁྲིད་ལག་ལེན་ཆེ་ཕྲ་མཐའ་དག་ཉམས་པ་མེད་པར་ཁྲིད་པར་མཛད། རྒྱུད་ཆེན་དགེ་འདུན་ཕུན་ཚོགས་འདི་ལ་དཔལ་དབེན་ས་སྙྙན་རྒྱུད་ཀྱི་མན་ངག་དང༌། སྲད་རྒྱུད་ཀྱི་མན་ངག་དང༌། རྒྱུད་སྨད་རང་གི་རྡོ་ལག་བརྒྱུད་ཀྱི་མན་ངག་གསུམ་ག་མངའ་ཞིང༌། དེ་ཡང་བཀླགས་ལུང་ཙམ་མིན་པར་དམར་ཁྲིད་ལག་རྗེས་དང་བཅས་པ་ཞིབ་ཏུ་ཁྲིད་པར་མཛད་པས་ལམ་རིམ་གཉིས་ལ་མི་འཇིགས་པའི་གདེང་ཐོབ། ཅེས་དང༌། ཁྲི་ཆེན་དགེ་འདུན་ཕུན་ཚོགས་ལ་བདེ་མཆོག་རྩ་རྒྱུད་དང་སྦས་དོན་དུ་གསལ་གཉིས་རྩ་འགྲེལ་སྦྲགས་པའི་ལུང་སོགས་ཟབ་ཆོས་མང་དུ་གསན། ཞེསའབྱུང་བ་ལྟར་འགྲོ་དོན་ཤིན་ཏུ་ཆེ། དགུང་ལོ་ང་བཞི་པ་སྦྲུལ་༡༧༠༠ལོར་བྱང་རྩེ་ཆོས་རྗེའི་ཁྲི་ཐོག་མཛད། ལྕགས་བྱི་༡༧༢༠ལོ་བོད་ཟླ་གསུམ་པའི་ཚེས་གཉིས་ཉིན་ཚོམས་ཆེན་སྲིད་ཞི་ཕུན་ཚོགས་སུ་དགའ་ལྡན་ཁྲི་གདན་ཟུར་གྱིས་གཙོས་དགོན་སྡེ་གྲྭ་ཚང་མང་པོས་རྒྱལ་དབང་ཚངས་དབྱངས་རྒྱ་མཚོ་ལ་བརྟན་བཞུགས་འདེགས་འབུལ་སྐབས། རྗེ་འདིས་མཎ་ཌལ་རྟེན་གསུམ་དང་རྩེ་ཤོད་གཉིས་སུ་དགུ་ཚན་གྱི་འབུལ་བ་གཏེགས་ནས་སྐུ་ཚེ་ཡུན་དུ་བརྟན་པའི་གསོལ་འདེབས་ཞུསརབ་༧༠༣། དེས་མཚོན་གོང་ས་སྤྲུལ་པའི་སྐུ་རིན་པོ་ཆེ་ཡང་ཡང་མཇལ་བཅར་དང་འབུལ་ཚན་སྦྲགས་སྐུ་ཚེ་ཡུན་དུ་བརྟན་པའི་གསོལ་འདེབས་ནན་ཏན་མཛད་པ་སོགས་ཐུགས་སྣང་ཤིན་ཏུ་གཤིན་པ་སྣང༌། བྱང་རྩེ་ཁྲིར་རིང་འགྲེལ་པ་བཞི་སྦྲགས་ལ་སླར་ཡང་ཞུས་དག་ནན་ཏན་གནང་སྟེ་ཤིང་དཔར་གསར་བསྐྲུན་གནང༌། དགུང་ལོ་རེ་བདུན་པ་རབ་བྱུང་བཅུ་གཉིས་པའི་ཤིང་རྟ་༡༧༡༤ལོར་གསེར་ཁྲིར་བྱོན། དུང་དཀར་ཚིག་མཛོད་ལྟར་ན་རབ་བྱུང་བཅུ་གཉིས་པའི་ཆུ་འབྲུག་༡༧༡༢ལོར་དགའ་ལྡན་ཁྲིར་ཕེབས་ཞེས་གསུང་པ་མི་བདེན་ཏེ། འདི་ཉིད་ཁྲི་ལོ་དྲུག་ལས་བཞུགས་མེད་ཅིང༌། ལྕགས་བྱི་༡༧༢༠ལོར་རྒྱལ་མཆོག་བསྐལ་བཟང་རྒྱ་མཚོ་སྐུ་འབུམ་ནས་དབུས་སུ་ཆིབས་བསྒྱུར་གྲུབ་སྐབས་འདི་ཉིད་ཁྲི་ལས་ཐོབ་པ་ཡིན་ཚུལ་ལྕང་སྐྱ་རོལ་པའི་རྡོ་རྗེས་མཛད་པའི་རྒྱལ་དབང་བསྐལ་བཟང་རྒྱ་མཚོའི་རྣམ་ཐར་དཔག་བསམ་རིན་པོ་ཆེའི་སྙེ་མར་གསལ་བའི་ཕྱིར། དད་འདུས་སློབ་མ་རྣམས་ལ་རང་རང་གི་འདོད་མོས་དང་མཚམས་པའི་ཆོས་བཀའ་མང་དུ་གནང་བས་ཞལ་སློབ་གྲགས་པ་ཅན་མང་པོ་བྱུང༌། དགའ་ལྡན་ཁྲི་པ་གནང་རིང་མཚོ་སྔོན་ཆིང་ཝང་བློ་བཟང་བསྟན་འཛིན་ལ་བཀའ་གནང་སྟེ། རྗེ་བླ་མའི་དངུལ་གདུང་གི་ཕྱི་ནས་གསེར་སྦྱངས་ཀྱི་གཡོགས་ཏེ་གསེར་གདུང་དུ་བསྒྱུར། ས་ཕག་༡༧༡༩ལོར་རྒྱལ་མཆོག་བསྐལ་བཟང་རྒྱ་མཚོ་སྐུ་འབུམ་ནས་དབུས་སུ་ཕེབས་སྐབས་ལྷུན་གྲུབ་རྫོང་དུ་ཕེབས་གསུར་བཅར་ནས་ཕན་ཚུན་ཐུགས་སྣང་གཤིན་པོར་གནང་ཞིང༌། པོ་ཏ་ལར་ཁྲི་འདོན་སྐབས་སོགས་དང་མཎ་ཌལ་ལྗགས་བཤད་གནང་བ་སོགས་རྒྱལ་བ་དགྱེས་པའི་མཆོས་སྤྲིན་བསྟར། ལོ་དེར་དགའ་ལྡན་ཁྲི་པའི་ལོ་དུས་གཙང་ནས། དཔོན་རིགས་ཁག་ནས་རེ་བསྐུུལ་ཞུས་པ་ལྟར་ཚལ་གུང་ཐང་གཙུག་ལག་ཁང་དགོན་པ་དང་བཅས་པའི་འཛིན་བདག་གནང་ནས་ཞིག་གསོ་དང༌། གསར་བཞེངས་སོགས་གང་ལ་གང་འོས་ཀྱི་འཛིན་སྐྱོང་ཚགས་སུ་ཚུད་པ་མཛད་ནས། དགུང་ལོ་དོན་བརྒྱད་པ་རབ་བྱུང་བཅུ་གཉིས་པའི་ཤིང་སྦྲུལ་༡༧༢༥ལོར་ཚལ་གུང་ཐང་དུ་སྐུུ་གཤེགས། ཁྲི་ཆེན་དེའི་སྐུུ་ཕྲེང་རིམ་བྱོན་ལ་གུང་ཐང་ཚང་ཞེས་ཞུ་བའི་རྒྱུ་མཚན་ཡང་དེ་ཉིད་ཀྱིས་ཡིན། སྐུུ་རུས་ལ་རྟེན་ངོ་མཚརཅན་མང་དུ་བྱོན་པ་རྣམས་བདེ་ཆེན་གསང་སྔགས་མཁར་དང༌། བླ་བྲང་བཀྲ་ཤིས་འཁྱིལ་དུ་གདན་དྲངས་ནས་སྐུུ་བརྙན་ཁག་གི་ནང་རྟེན་དུ་བཞུགས། རྗེ་འདིའི་སྐོར་སེར་སྨད་མཁན་པོ་གྲགས་པ་མཁས་གྲུབ་ཀྱིས་མཛད་པའི་དགའ་ལྡན་ཁྲི་ཆེན་རིམ་བྱོན་གྱི་རྣམ་ཐར་ལེ་ཚན་ང་པར་ཤོག་གྲངས་དྲུག་ཡོད། དེ་རྗེས་སྐུུ་ཕྲེང་གཉིས་པ་ངག་དབང་བསྟན་པའི་རྒྱལ་མཚན་རབ་བྱུང་བཅུ་གཉིས་པའི་མེ་ལག་༡༧༢༧ལོར་སྐུུ་འཁྲུངས་ནས་དགུང་ལོ་སོ་གསུམ་པ་རབ་བྱུང་བཅུ་གསུམ་པའི་མེ་ཡོས་༡༧༥༩ལོར་སྐུུ་གཤེགས། སྐུུ་ཕྲེང་གསུམ་པ་དཀོན་མཆོག་བསྟན་པའི་སྒྲོན་མེ་རབ་བྱུང་བཅུ་གསུམ་པའི་ཆུ་རྟ་༡༧༦༢ལོར་སྐུུ་འཁྲུངས་ནས་དགུང་ལོ་རེ་གཉིས་པ་རབ་བྱུང་བཅུ་བཞི་པའི་ཆུ་ལུག་༡༨༢༣ལོར་སྐུུ་གཤེགས། སྐུུ་ཕྲེང་བཞི་པ་དཀོན་མཆོག་བསྟན་པའི་རྒྱ་མཚོ་རབ་བྱུང་བཅུ་བཞི་པའི་ཤིང་སྤྲེལ་༡༨༢༤ལོར་སྐུུ་འཁྲུངས་ཏེ། དགུང་ལོ་སོ་དྲུག་པ་རབ་བྱུང་དེ་གའི་ས་ལུག་༡༨༥༩ལོར་སྐུུ་གཤེགས། སྐུུ་ཕྲེང་ལྔ་པ་འཇམ་དབྱངས་བསྟན་པའི་ཉི་མ་རབ་བྱུང་བཞི་པའི་ལྕགས་སྤྲེལ་༡༨༦༠ལོར་སྐུུ་འཁྲུངས་ནས་རབ་བྱུང་བཅོ་ལྔ་པའི་སྨད་དུ་སྐུུ་གཤེགས། སྐུུ་ཕྲེང་དྲུག་པ་ད་ལྟའི་མཆོག་སྤྲུལ་རིན་པོ་ཆེ་འཇིགས་མེད་བསྟན་པའི་དབང་ཕྱུག་རབ་བྱུང་བཅོ་ལྔ་པའི་མེ་སྟག་༡༩༢༦ལོར་སྟག་ཟླ། སྟག་ཉི། སྟག་གི་དུས་བཅས་སྟག་བཞི་འཛོམས་ལ་སྐུུ་འཁྲུངས། དགུང་ལོ་བདུན་ཅུ་པ༌། །སྐུུ་ཕྲེང་སོ་སོའི་མཛད་རྣམ་ཅུང་ཞིབ་པ་གཤམ་དུ་ག་སྡེའི་གུང་ནང་གསལ་བ་དེར་གཟིགས།

དགའ་ལྡན་ཁྲི་ཐོག་ང་གཅིག་པ་རྟ་དབོན་དཔལ་ལྡན་གྲགས་པ་ནི། མདོ་སྨད་ཧོར་ཚང་ལུང་ཆེན་གསུམ་དུ་གྱེས་པའི་ཡ་གྱལ་ཀོ་ཉིན་དུ་ཡབ་མི་དཔོན་ཆེན་པོ་སེང་གེ་བཅོ་བརྒྱད་རིམ་བརྒྱུད་དུ་འོང་དཔོན་མགོན་པོ་སེང་གེ་དང༌། ཡུམ་སྐྱིད་མི་ཡག་གཉིས་ཀྱི་སྲས་སུ་བསམ་བཞིན་སྲིད་པ་བཟུང༌། རྗེ་འདི་དང་ཡབ་ཡུམ་གཅིག་པའི་སྐུུ་མཆེད་ལྔ་ཡོད་པ་ལས་འདི་ཉིད་གསུམ་པ་ཡིན། སྐུུ་ན་ཆུང་དུས་ནས་འཁོར་བའི་འདུ་འཛི་ལ་སུན་ཞིང་དམ་པའི་ཆོས་ལ་གཅིག་ཏུ་མོས་པའི་བག་ཆགས་ཡོངས་སུ་སད་དེ། བྲོས་སྟབས་ཀྱིས་བར་ཁམས་ཚ་བ་དཔག་ཤོད་བླ་མ་བ་སོ་རྗེ་དྲུང་འཇམ་པའི་དབྱངས་ངག་དབང་དཀོན་མཆོག་ཉི་མ་ཨ་མདོའི་ཁུལ་དུ་ཕེབས་པའི་དྲུང་དུ་བཅར་ནས་དབུ་སྐྲ་གཙུག་ཕུད་ཕུལ་བ་དང་ཆབས་ཅིག་རབ་བྱུང་གི་སྡོམ་པ་ཞུས། དེ་ནས་གསུང་རབ་དགོངས་འགྲེལ་དང་བཅས་པའི་གཞུང་ལ་ཐོས་པས་མཐའ་རྒྱ་གཅད་པའི་ཆེད་དབུས་འགྱུར་ཆོས་ཀྱི་ཞིང་སར་ཕེབས། གདན་ས་འབྲས་སྤུངས་བཀྲིས་སྒོ་མང་གྲྭ་ཚང་དུ་ཆོས་ཞུགས་གནང་ནས། སྒོ་མང་བླ་མ་ཀུན་མཁྱེན་འཇམ་དབྱངས་བཞད་པའི་རྡོ་རྗེ་སོགས་འཕགས་ཡུལ་གྱི་རྒྱན་དྲུག་མཆོག་གཉིས་ལའང་ཅོལ་འདྲི་བའི་བཤེས་གཉེན་མཁས་པ་དུ་མའི་ཞབས་པད་རིང་དུ་བསྟེན་ནས་རིག་པའི་སྒོ་འབྱེད་བསྡུས་གྲྭ་ནས་བཟུང་ཕར་ཚད་དབུ་མ་འདུལ་མཛོད་བཅས་ལ་རིམ་པར་བཞིན་བསླབས། སྐབས་དེ་དག་ཏུ་གསོལ་ཆས་ཡང་ཡང་རྫོགས་ཏེ་མར་ལྐོག་བཙོ་ནས་བཞེས་དགོས་བྱུང་བ་དང༌། རྒྱུན་ལྡན་ན་བཟའ་གཟན་ཤམ་དང་ཟླ་གམ་ལ་ལྷན་པ་འདྲ་མིན་མང་པོ་བཏབ་པས་ཁྲབ་ཀྱི་བྱང་བུ་ལྟར་གྱུར་པ། ཏཱ་དབོན་ཁྲབ་གྱོན་ཞེས་པའི་མིང་འདོགས་ཀྱང་ཐོགས་སྐུད། དེ་ལྟར་གཞུང་ཆེན་པོད་ལྔར་དཀའ་སྤྱོད་འབད་པ་གཞན་དང་མི་མཉམ་པའི་བརྩོན་པ་ལྷུར་བླངས་ནས། ལྷ་ལྡན་སྨོན་ལམ་ཆེན་མོའི་རབ་འབྱམས་པའི་གྲྭ་སྐོར་སྐབས་མཁས་པའི་མཚན་སྙྙན་མདོ་དབུས་ཡོངས་སུ་བརྡལ། མདོ་ཕྱོགས་ཀྱི་སློབ་གཉེར་ཟིན་ནས། གསང་ཆེན་སྔགས་ཀྱི་སྟི་གནས་དཔལ་ལྡན་སྟོད་རྒྱུད་གྲྭ་ཚང་དུ་ཆོས་ཞུགས་གནང་ནས་རྒྱུད་སྡེ་བཞི་དང་ལྷག་པར་བླ་མེད་རྒྱུད་སྡེ་ལ་མཁས་པར་བསླབས། ཀུན་མཁྱེན་འཇམ་དབྱངས་བཞེད་པ་ངག་དབང་བརྩོན་འགྲུས་དང༌། དགའ་ལྡན་ཁྲི་ཆེན་ལྔ་བཅུ་པ་དགེ་འདུན་ཕུན་ཚོགས། འཇམ་དབྱངས་བདེ་བའི་རྡོ་རྗེ་སོགས་སྐྱེས་ཆེན་དམ་པ་དུ་མའི་ཞབས་དྲུང་ནས། ལམ་རིམ་དམར་འཁྲིད་དང༌། འཇམ་དཔལ་ཞལ་ལུང་སོགས་ལམ་རིམ་གྱི་འཁྲིད་ལྔ་བཅུར་ཉེ་བ། བདེ་གསང་འཇིག་གསུམ་སོགས་རྒྱུད་སྡེ་བཞིའི་བཀའ་དབང༌། སྒྲུབ་ཐབས་རྒྱལ་མཚོ། བཱ་རི་བརྒྱ་རྩ་སྣར་ཐང་བརྒྱ་རྩ། འཇམ་དབྱངས་ཆོས་སྐོར། མགོནཔོ་བཀའ་བཅུ་གསུམ། རྣམ་སྲས་བཀའ་བཅོ་ལྔ་སོགས་རྗེས་གནང་གི་རིགས་མང་པོ་དང༌། བདེ་གསང་འཇིགས་གསུམ་གྱི་བསྐྱེད་རྫོགས་ཀྱི་ཁྲིད། འགྲེལ་བ་བཞི་སྦྲགས། བསླབ་བཏུས། ལེགས་བཤད་སྙྙིང་པོ། རིམ་ལྔ་གསལ་སྒྲོན་སྦས་དོན་ཀུན་གསལ། འབྲས་ཏཱ་དབོན་རྒྱུད་ཁང་དུ་དགེ་འདུན་བརྒྱ་ཕྲག་མང་པོ་ལ་ཞག་བཅོ་ལྔའི་རིང་ཆོས་ཐུན་རིང་མོ་གཉིས་གཉིས་བྱས་ཏེ། ལམ་རིམ་ཆེན་མོའི་བཤད་ལུང་རྫོགས་པར་གནང་བ་དང༌། རྩ་འཇུག་གི་རྣམ་བཤད་ཆེན་མོ་གཉིས་སོགས་གཞུང་ཆེན་རྣམས་ཀྱི་བཤད་ལུང་ཚར་མང་པོ་དང༌། བཀའ་བསྟན་བཅོས་ཀྱི་ཀླགས་ལུང་དུ་མས་མཚོན་ཟབ་རྒྱས་ཆོས་ཚུལ་ཤིན་ཏུ་མང་པོ་གསན། སྐབས་ཤིག་སྡེ་སྲིད་ཕྱོགས་གཏོགས་པས་འཚིག་པ་གཡག་ལ་ཟ། འགྲམ་ལྕག་རྟ་ལ་བྱུག་པའི་དཔེ་ལྟར། རྗེ་འདི་དང༌། ཏཱ་དབོན་ཁྲི་ཆེན་རྒྱལ་མཚན་སེང་གེ་གཉིས་ལ་སྦྱར་དུག་བཏང་ནས། བསྙྙུན་ཚབ་ཆེན་པོ་བྱུང་བར་ཀུན་མཁྱེན་འཇམ་དབྱངས་བཞད་པས། ངའི་གསེར་ཁྲི་རྣམ་གཉིས་ཅུང་མིན་ན་ལག་ཉེས་གཏང་འདུག་ཅེས་གསུངས་ནས། བུམ་ཆུའི་དུག་སྦྱངས་མཛད་པས་བསྙྙུན་གཞི་ལས་སངས། དེ་ནས་མི་རིང་བར་རྒྱུད་ཀྱི་དགེ་བསྐོས་དང་བླ་མ་མཁན་ཁྲི་བཅས་ལ་རིམ་པར་ཕེབས་ཏེ། རྒྱུད་པའི་སྒྲིག་སྤྱོད་དང༌། འཆད་ཉན་ཤིན་ཏུ་འཚག་ཚུད་མཛད། འདི་ཉིད་མཁན་པོ་ལས་ཐོག་སྐབས་དེ་སྔོན་རྒྱུད་སྟོད་གྲྭ་ཚང་བྲག་ཡེར་པར་དབྱར་གནས་སུ་ཕེབས་སྐབས་གུར་ནང་དུ་བཞུགས་རྒྱུ་ལས་རྒྱུད་ཁང་ཟུར་དུ་མེད་སྟབས། ཡེར་པ་གྲྭ་ཚང་དང་བཀའ་མོལ་མཛད་དེ། ད་ལྟའི་རྒྱུད་ཁང་ཡོད་པའི་ས་ཆ་སྐབས་དེར་དུར་ཁྲོད་ཡིན་པ་དེ་ཉིད་ཕུལ་བ་ཐུགས་མཉེས་བཞིན་དུ་ཞལ་འཛིན་མཛད་དེ་རྒྱུད་ཁང༌། རུང་ཁང༌། མཁན་པོ། བླ་མའི་གཟིམ་ཆུང༌། ཆོས་གྲྭ་བཅས་གསར་བཞེངས་དང༌། ཚོགས་གདན། ཐབ་ཆས། མཆོད་རྫས། མཆོད་ཆ་སོགས་ཉེར་མཁོ་གང་དགོས་འབུལ་འབྱོར་གནང་བ་སོགས་བྱ་བ་ལས་ཀྱི་འཁོར་ལོའི་འཕྲིན་ལས་ཆེས་ཆེར་སྤེལ། རབ་བྱུང་བཅུ་གཉིས་པའི་ལྕགས་བྱི་༡༧༢༠ལོར་འཇམ་མགོན་རྒྱལ་བ་གཉིས་པའི་གསེར་ཁྲིར་ཞབས་སོར་འཁོད་དེ། ཁྲི་པའི་བྱེད་སྒོ་འཐུས་ཚང་གནང་ཐོག་གདུལ་བྱ་ཤིན་ཏུ་མང་པོ་ལ་མདོ་སྔགས་ཀྱི་ཆོས་འཁོར་རྒྱ་ཆེར་བསྐོར། དད་རྫས་སུ་ཕུལ་བའི་དངོས་པོ་ཆུང་ཚག་ཙམ་ཡང་ཆུད་ཟོས་སུ་མི་གཏོང་བར། གདན་ས་གསུམ་དང༌། རྒྱུད་སྟོད་སྨད། བཀྲ་ཤིས་ལྷུན་པོ། ལྷ་ལྡན་སྨོན་ལམ་ཆེན་མོ་བཅས་ལ། མང་ཇ་དང་སྐུུ་འགྱེད་སོགས་མཆོད་འབུལ་བློ་ཡུལ་ལས་འགོང་བ་མཛད་དེ། གཞུང་ས་རིན་པོ་ཆེ་ནས་བྱ་ཡུལ་མང་ར་དགོན་མཆོད་གཞིས་སུ་རྩལ་བའི་ཁྲིར་ཞབས་པད་བཀོད་ཅིང༌། དགོན་མཆོད་གཞིས་དང་བཅས་པར་ཆོས་སྲིད་ཀྱི་འཕྲིན་ལས་བཟང་པོས་ཡོངས་སུ་བསྐྱངས། སྔར་ལྷ་ལྡན་སྨོན་ལམ་ཆེན་མོའི་ནང་སེར་འབྲས་གཙོར་གྱུར་ཐོག ཉེ་འགྲམ་གཞིས་དགོན་ཁག་གི་དགེ་ལྡན་པའི་དགེ་འདུན་རྣམས་ཕེབས་པ་ལས། གདན་ས་རི་བོ་དགའ་ལྡན་ནས་ཕེབས་སྲོལ་མ་བྱུང་ཡང་ཁྲི་ཆེན་འདིའི་རིང་ཆུ་ཡོས༡༧༢༣ལོ་ནས་བཟུང་རྒྱལ་མཆོག་བསྐལ་བཟང་རྒྱ་མཚོའི་བཀའ་འབྲེལ་ལྟར་དགའ་ལྡན་རྣམ་པར་རྒྱལ་བའི་གླིང་གི་དགེ་འདུན་རྣམས་ཀྱང་ཕེབས་ཐུབ་ན་ལེགས་ཚོགས་ཆེ་བར་དགོངས་ནས་གདན་ཤུས་དང་བཞུགས་གྲལ་སོགས་ཐོབ་ཐང་སྤྱི་མཚུངས་གནང་བའི་བཟང་གི་རྒྱུན་ད་ལྟའི་བར་དུ་གནས། གཞན་ཡང་ཁམས་ལི་ཐང་སོགས་སུ་སྐུུ་གསུང་ཐུགས་རྟེན་གྱི་འཇོག་པ་དང༌། འགྱེད། མང་སྐོལ། སྤྱི་འཇོག་རྒྱ་ཆེར་གནང༌། རྟ་དབོན་རྒྱལ་མཚན་སེང་གེ་ཕ་ཡུལ་དུ་ཕེབས་གྲབས་བྱེད་སྐབས། ཁྱོད་གྲྭ་སར་བསྡད་ནས་ངའི་རྗེས་སུ་དགའ་ལྡན་ཁྲི་ལ་ཕེབས་དགོས། ཞེས་ལུང་བསྟན་པ་དང༌། དབུས་གྲྭ་ངག་དབང་མཆོག་ལྡན་ཞེས་པ། མཐུན་རྐྱེན་ཤིན་ཏུ་སྐྱོ་བ་ཞིག་ཡོད་པ་དེ་ལ་ཤམ་ཐབས་འཐུས་ཚང་བ་ཞིག་གོན་རྒྱུ་མེད་སྟབས་ཁོས་རྨ་ཆེན་སྤོམ་ར་ལ། ཤམ་ཐབས་ཤིག་གནང་རོགས་ཞེས་གསོལ་བ་འདེབས་པ་དེ་རྗེ་འདི་ཉིད་ཀྱིས་མཁྱེན་ནས། ཐེངས་ཤིག་ཁོང་རྗེ་འདི་ཉིད་ལ་མཇལ་ཁ་གཅར་སྐབས། ཁྱོད་ལ་ཤམ་ཐབས་དགོས་ན་ངས་སྤྲད་ཆོག་ཅེས་གསུངས་ནས་ཤམ་ཐབས་ཤིག་གནང་པ་སོགས་ཀྱིས་མངོན་ཤེས་ཐོགས་མེད་དུ་མངའ་བར་བཤད། ཁྲི་ཆེན་ནམ་མཁའ་བཟང་པོ་ལ་རྗེ་རང་ཉིད་འདུལ་འཛིན་བློ་གྲོས་སྦས་པའི་སྐྱེ་བ་དྲན་ཚུལ་ཡང་ཡང་གསུངས། རབ་བྱུང་བཅུ་གཉིས་པའི་ཤིང་འབྲུག་༡༧༢༤ལོར་རྒྱལ་བའི་ཡོངས་འཛིན་དགའ་ལྡན་ཁྲི་ཟུར་རིན་པོ་ཆེ་དགེ་འདུན་ཕུན་ཚོགས་ཞི་བར་གཤེགས་པའི་ཚབ་ཏུ་རྒྱལ་མཆོག་སྐུུ་འཕྲེང་བདུན་པ་བསྐལ་བཟང་རྒྱ་མཚོའི་ཡོངས་འཛིན་དུ་གདན་དྲངས་པ་ལྟར་ཕེབས་ནས། དབུ་ཕར་འདུལ་མཛོད་ཀྱི་གཞུང་ཆེན་ཁག་གི་སློབ་ཁྲིད་རྒྱ་ཆེར་ཕུལ་ཏེ་རྒྱལ་བ་དགྱེས་པའི་མཆོད་སྤྲིན་དཀྲིགས། ཆུ་ཡོས་༡༧༢༣ལོར་དེ་སྔོན་རྒྱལ་མཆོག་བདུན་པ་པོ་ཏ་ལར་ཁྲི་སྟོན་སྐབས་མན་ཇུ་སྐུ་ཚབ་མདུན་གྲལ་དང་སོག་པོ་དཔོན་རིགས་རྣམས་རྒྱབ་གྲལ་དུ་བཞག་པའི་འཁོན་གྱིས་སོག་པོ་ཨོ་རོད་གུ་ཤྲི་ཁཱང་གི་སྲས་རྒྱུད་ཆིང་ཝང་བློ་བཟང་བཟང་བསྟན་འཛིན་སོགས་བོད་སོག་མཉམ་འབྲེལ་གྱིས་མན་ཇུ་ལ་དམག་འཁྲུགས་སློང་བའི་དུས་ཟིངས་ཚབས་ཆེར་བྱུང་བར། གོང་ས་མཆོག་གིས་བར་ཆིངས་མངགས་དོན་བཞིན་ཁྲི་ཆེན་འདི་ཉིད་ངང་གཉརཏ་བློ་བཟང་བཀྲ་ཤིས་མཚོ་སྔོན་ཆེད་ཕེབས་ཀྱིས་ཆིངས་འདུམ་གང་ནུས་གནང་ཡང་ལས་ཀྱི་དབང་བཙན་པས་དོན་ཕན་མ་བྱུང༌། དེ་ནས་ཕྱིར་དབུས་སུ་ཕེབས་རྗེས་རྒྱལ་མཆོག་དམ་པ་འདི་ཉིད་དང་མཉམ་དུ་གདན་ས་གསུམ་དང༌། བསམ་ཡས། དགེ་རྒྱས་བྱེ་མ་གླིང༌། ལྷ་ལྡན་གཙུག་ལག་ཁང༌། ཆོས་འཁོར་རྒྱལ། གཙང་ཐོག་སོགས་སུ་ཞབས་ཀྱིས་བཅགས་ནས། འགྲོ་དོན་རྒྱ་ཆེར་བསྐྱངས། ཤིང་སྦྲུལ་༡༧༢༥གསེར་ཁྲི་ལས་ཟུར། རབ་བྱུང་བཅུ་གཉིས་པའི་མེ་རྟ་༡༧༢༦ས་ག་ཟླ་བའི་བཅོ་ལྔའི་ཉིན་ལྷ་ལྡན་གཙུག་ལག་ཁང་དུ། ཇོ་བོ་ཤཱཀྱ་མུ་ནིའི་སྤྱན་སྔར། པཎ་ཆེན་བློ་བཟང་ཡེ་ཤེས་ཀྱི་དྲུང་ནས་རྒྱལ་མཆོག་ཐམས་ཅད་མཁྱེན་པའི་དགེ་སློང་གི་སྡོམ་པ་བཞེས་པའི་སྐབས་ལས་སློབ་གནང༌། སྐབས་དེར་པཎ་ཆེན་ཐམས་ཅད་མཁྱེན་པའི་དྲུང་ནས། རྒྱལ་དབང་མཆོག་དང་མཉམ་དུ་དཔལ་གསང་བ་འདུས་པ་དང༌། བདེ་མཆོག་ལུ་ཨི་པའི་དབང༌། བ་རི་ལོ་ཙཱ་བ་ནས་བརྒྱུད་པའི་སྒྲུབ་ཐབས་རྒྱ་མཚོའི་རྗེས་གནང་སོགས་མདོ་སྔགས་ཀྱི་གསེར་ཆོས་ཤིན་ཏུ་མང་པོ་གསན། ས་སྤྲེལ་༡༧༢༨ལོར་ཕོ་ལྷ་བ་འི་འཕྲུལ་གྱིས་མན་ཇུ་གོང་མ་དང་མཇལ་འཕྲོད་དགོས་ལུགས་ལ་བསྙད་དེ་རྒྱལ་མཆོག་བདུན་པ་ཆེན་པོ་ཁམས་ལི་ཐང་དུ་ཆིབས་བསྒྱུར་བྱེད་དགོས་བྱུང་བའི་སྐབས་པཎ་ཆེན་རིན་པོ་ཆེ་བློ་བཟང་ཡེ་ཤེས་དང་རྗེ་འདི་ཉིད་ཀྱིས་ནན་ཏན་ཆེན་པོས་གཤོལ་བཏབ་ཀྱང་གཅིག་ཏུ་མདོ་ཁམས་ཀྱི་བསྟན་དང༌། གཉིས་སུ་སྲིད་ཀྱི་ཁ་ལོ་བའི་ཇུས་ལ་གཟུར་ཐབས་མེད་སྟབས་རྒྱལ་དབང་མཆོག་གིས་ཞལ་བཞེས་མ་གནང་བས་ཐུགས་ཕམ་ཆེན་པོའི་ཕེབས་སྐྱེལ་གནང༌། དེའི་ཕྱི་ལོར་རབ་བྱུང་དེ་གའི་ས་བྱ་༡༧༢༩ཧོར་ཟླ་བཅུ་གཅིག་པའི་ཚེས་ཉི་ཤུ་ཉིན་གཟུགས་སྐུུའི་བཀོད་པ་ཡོངས་སུ་བསྡུས་ཏེ། རྒྱལ་བ་འཇམ་དཔལ་སྙྙིང་པོའི་མདུན་སར་གཤེགས་པའི་གདུང་རུས་ལ་ཡིག་འབྲུའི་རྣམ་པ་ཤིན་ཏུ་གསལ་བ་བྱོན་པ་དུས་ཕྱིས་གོང་ས་སྐྱབས་མགོན་མཆོག་གིས་བཞེས། ཞུན་ཐིགས་ནོར་བུ་དགའ་འཁྱིལ་དབྱིབས་ཅན་པདྨ་ར་ག་ལྟར་དམར་ཞིང་འཚེར་ལ་བརྗིད་པ་ཞིག་རྒྱུད་སྨད་དཔོན་སློབ་ངག་དབང་མཆོག་ལྡན་པས་བསྣམ། ཞུན་ཐིགས་ལ་ཐུབ་དབང་གི་སྐུུ་གསལ་བོ་བྱུང་བ་ལི་ཐང་རྩེའི་རི་ཁྲོད་ཀྱི་རྟེན་ཞིག་ལ་གཟུངས་གཞུག་ཏུ་འབུལ་བར་མཛད། དེ་ནས་ལྷ་མིའི་འདྲེན་མཆོག་རྒྱལ་དབང་ཐམས་ཅད་མཁྱེན་གཟིགས་ཆེན་པོ་དང༌། དཔོན་སློབ་རིན་པོ་ཆེ་གདན་འཛོམས་སྐབས་གོང་བཞེས་གནང་བའི་རྗེས་མ་རྣམས་བཀའ་བཀོད་ལྟར། ཐུགས་ལྗགས་སྤྱན་གསུམ་དང༌། དབུ་ཐོད་ལ་འཇིགས་བྱེད་རང་བྱོན། སྐུུ་སྨད་ཀྱི་པུར་རུས་ལ་འཇམ་དབྱངས་དྭངས་གསལ་འོད་ཀྱི་རང་བཞིན་ཅན་འོད་སྐོར་དང་བཅས་པ། ཡ་མ་རྭ་ཛའི་སྔགས་ཕྲེང་གདུང་རུས་ཀྱི་ངོས་ལ་བྲིས་པ་ལྟར་ཕབ་པ། གཞན་ཡང་གསང་བདག་གི་སྐུུ་དང༌། གཟུངས་སྔགས་དང༌། རིང་བསྲེལ་གྱི་ཕུང་པོར་གྱུར་པ་རྣམས་ཆོས་སྐུུའི་རྟེན་གྱི་གཙོ་བོར་བུམ་པའི་ནང་དུ་བཞུགས་གསོལ་བྱས་པར་སྐུུ་གདུང་མཆོད་རྟེན་དཀར་ཆག་ལས་འབྱུང་ཞིང༌། སྐུུ་གདུང་རིན་པོ་ཆེར་སྐུུ་རྒྱུ་ཕྲ་རྒྱན་སོགས་བསྡོམས་ན་དངུལ་ཕབ་སྲང་ལྔ་བརྒྱ་དང་བཅུ་གསུམ། གསེར་རྐྱང་ཞོ་བརྒྱ་དང་བཅུ་གསུམ་ལས་བྱང་ཆུབ་མཆོད་རྟེན་དཔངས་སུ་རྒྱུག་མཐོ་བཅུ་གཅིག་ཡོད་པ། རྒྱུད་ལས་ཇི་ལྟར་འབྱུང་བ་བཞིན་བསྐྲུན་གྲུབ་པའི་བཞུགས་གནས་ཀྱང་རྗེ་བཙུན་ཙོང་ཁ་པའི་དངུལ་གདུང་རིན་པོ་ཆེའི་སྐུུ་གཡས་ཀྱི་སྤྱན་སྔར་ཞལ་ཤར་གཟིགས་ཀྱི་ཚུལ་དུ་བཞུགས་སུ་གསོལ། །ལྕགས་ཁྱི༡༧༣༠བོད་ཟླ་དང་པོའི་ནང༌། ཁྲི་ཆེན་འདི་ཉིད་དགོངས་པ་རྫོགས་ཚུལ་གྱི་ཕོ་ཉ་ཁམས་སུ་རྒྱལ་དབང་བསྐལ་བཟང་རྒྱ་མཚོའི་དྲུང་དུ་འབྱོར་བ་དང༌། རྒྱལ་དབང་མཆོག་གིས་ཡོངས་འཛིན་དམ་པ་ཁྲི་ཆེན་རིན་པོ་ཆེ་འདི་ཉིད་ཞིང་གཞན་དུ་གཤེགས་པའི་དགོངས་པ་རྫོགས་ཐབས་སུ། དཀྱིལ་འཁོར་སྒྲུབ་མཆོད་ཀྱིས་རྩིས་རྣམ་པར་དཀར་བའི་རིམ་གྲོལ་རླབས་ཆེན་སྒྲུབ་པར་མཛད་ཅིང༌། ཡང་སྲིད་མཡུར་བྱོན་གྱི་སྨོན་ཚིག་ཀྱང་བཀའ་རྩོམ་གནང་བསྐལ་༢༥༣། ཀྲི་ཆེན་འདི་ཉིད་ཀྱི་ཞབས་ཕྱི་པྱག་མཛོད་སོགས་གངས་ལྗོངས་སུ་འགྲོ་རྒྱུར་བཀའ་ཤོག་དང་གསོལ་རས་གྱ་ནོམ་པ་རྩལ་ཏེ་རྫོང་ད་གནང་ཚུལ་ཡང་དཔག་བསམ་སྙེ་མར་གསལ། གསུང་ལས་སྐྱེས་པའི་སློབ་མ་ཡང་དགའ་ལྡན་ཁྲི་ཐོག་ང་གསུམ་པ་ཏཱ་དབོན་རྒྱལ་མཚན་སེང་གེ་དང༌། ཁྲི་ཐོག་ང་ལྔ་པ་ཁྲི་ཆེན་ནམ་མཁའ་བཟང་པོ། རྒྱལ་མཆོག་སྐུུ་ཕྲེང་བདུན་པ་བསྐུལ་བཟང་རྒྱ་མཚོ། ཇོ་གྱ་རིན་པོ་ཆེ་བློ་བཟང་བཀྲ་ཤིས། གཉན་པོ་བསྟན་སྐྱོང་བཟང་པོ་སོགས་བཤད་སྒྲུབ་ཟུང་གི་སྒོ་ནས་རྒྱལ་བསྟན་འཛིན་སྐྱོང་སྤེལ་བ་ལ་འགྲན་ཟླ་མེད་པའི་སྐྱེས་ཆེན་དམ་པ་ཤིན་ཏུ་མང་པོ་བྱུང༌། རྗེ་འདིའི་རྣམ་ཐར་ཁྲི་སྤྲུལ་སྐུུ་ཕྲེང་གསུམ་པ་འཇིགས་མེད་སེང་གེས་མཛད་པའི་རྣམ་ཐར་དད་པའི་མྱུ་གུ་ཞེས་བྱ་བར་དཔེ་རིང་ཤོག་གྲངས་བཅུ་བདུན་ཅན་ཞིག་དང༌། སེར་སྨད་མཁན་ཟུར་གྲགས་པ་མཁས་གྲུབ་ཀྱི་མཛད་པའི་དགའ་ལྡན་ཁྲི་རབས་རིམ་བྱུང་གི་རྣམ་ཐར་ལེའུ་ཅཔ་ཤོག་གྲངས་དྲུག་ཡོད་པ་བཅས་ལ་གཟིགས་དགོས། ། རྗེ་འདིའི་སྐུུ་ཕྲེང་གཉིས་པ་ཁྲི་སྤྲུལ་བློ་བཟང་བསྟན་པའི་རྒྱ་མཚོ་ནི། ལྕགས་ཁྱི་༡༧༣༠ལོར་སྐུུ་འཁྲུངས། རབ་བྱུང་བཅུ་གསུམ་པའི་མེ་གླང་༡༧༥༧ལོར་ཞི་བར་གཤེགས། སྐུུ་ཕྲེང་གསུམ་པ་ཁྲི་སྤྲུལ་འཇིགས་མེད་སེང་གེ་རབ་བྱུང་དེ་གའི་མེ་གླང་༡༧༣༠ལོ་སྨད་དུ་འཁྲུངས། སྐུུ་ཕྲེང་བཞི་པ་ཁྲི་སྤྲུལ་འཇིགས་མེད་སེང་གེ །

དགའ་ལྡན་ཁྲི་ཐོག་ང་གཉིས་པ་དྭགས་པོ་ངག་དབང་ཚེ་འཕེལ་ནི། རབ་བྱུང་བཅུ་གཅིག་པའི་ས་ཕོ་སྤྲེལ་༡༦༦༨ལོར་དྭགས་པོ་ཙ་རིའི་གཡག་ཞོལ་དུ་སྐུུ་འཁྲུངས། དགུང་ལོ་ཆུང་ངུའི་དུས་ནས་དགའ་ལྡན་རབ་བརྟན་གླིང་གི་ཆོས་སྒོར་ཞུགས་ནས་ཡི་གེའི་སྦྱོར་ཀློག་དང་འདོན་ཆོས་སྤྱོད་བཅས་ལ་བྱང་བར་མཛད། དེ་ནས་ཁྲི་ཆེན་བློ་བཟང་བསྟན་པའི་གདན་ས་དྭགས་པོ་བཤད་སྒྲུབ་གླིང་གི་གྲྭ་ཚང་དུ་ཞུགས་ཤིང་བསྡུས་གཞུང་ནས་བཟུང་གཞུང་ཆེན་རྣམས་ལ་ཐོས་བསམ་ནན་ཏན་དུ་མཛད། མཁན་ཆེན་ངག་དབང་བློ་བཟང་མཁས་བཙུན་ལས་བསྙྙེན་པར་རྫོགས་ཤིང་དབང་ལུང་ཁྲིད་གསུམ་མང་དུ་ཞུས། དེ་ནས་དཔལ་ལྡན་སྨད་རྒྱུད་གྲྭ་ཚང་དུ་ཕེབས་ཏེ་གསང་སྔགས་ཀྱི་གཞུང་དང་ཆོ་ག་ཕྱག་ལེན་བཅས་ལ་ལེགས་པར་སྦྱངས་པས་རྒྱུད་ཆེན་རྡོ་རྗེ་འཛིན་པ་ཆེན་པོར་གྱུར། དགུང་ལོ་ཞེ་གཉིས་པར་དྭགས་པོ་གྲྭ་ཚང་གི་མཁན་ཁྲིར་ཕེབས་ཏེ་གཞུང་ཆེན་པོའི་འཆད་ཉན་གྱི་རྒྱུན་རྒྱ་ཆེར་སྤེལ། དེ་ནས་མི་རིང་བར་དཔལ་ལྡན་སྨད་རྒྱུད་གྲྭ་ཚང་གི་བླ་མ་དབུ་མཛད་དང་མཁན་ཁྲིར་ཕེབས་ཏེ་རྒྱུད་སྡེ་རྒྱ་མཚོའི་འཆད་ཉན་བསྐྱངས། རྗེ་སྒྲུབ་ཁང་དགེ་ལེགས་རྒྱ་མཚོ་དང་ཁྲི་ཆེན་དགེ་འདུན་ཕུན་ཚོགས་སོགས་ལས་འཇམ་དཔལ་ཞལ་ལུང་དང་གསང་བདེ་འཇིགས་གསུམ་གྱི་དབང་ལུང་ཁྲིད་གསུམ་མང་དུ་ཞུས། དགུང་ལོ་རེ་གསུམ་པ་རབ་བྱུང་བཅུ་གཉིས་པའི་ཤིང་སྦྲུལ༡༧༢༥ལོར་དགའ་ལྡན་གསེར་ཁྲིར་ཕེབས་ནས་ལོ་ངོ་བདུན་གྱི་རིང་དུ་གསེར་ཁྲི་བསྐྱངས་ཤིང་མདོ་སྔགས་ཆོས་ཀྱི་འཁོར་ལོ་བསྐོར། འདི་ཉིད་ཁྲི་པ་གནང་རིང་ས་སྤྲེལ་༡༧༢༨ལོར་དབུས་ཀྱི་ང་ལུམ་རྒྱ་གསུམ་དང་གཙང་གི་དཱ་ཆིང་བ་དུར་བསོད་ནམས་རྒྱལ་པོ་བཀྲོངས་པ་ལས་འཕྲོས་ཏེ། ཕོ་ལྷ་བས་དམག་སྟོས་ཆེར་དབུས་སུ་དྲངས་པར་གཙང་གི་པཎ་ཆེན་རིན་པོ་ཆེ་དང༌། ས་སྐྱ་གོང་མའི་མགྲོན་གཉེར། དབུས་ཀྱི་ཁྲི་ཆེན་པོ་ཆེ་འདི་ཉིད་དང་གདན་གསུམ་རྒྱུད་གྲྭ་གཉིས་ཀྱི་མཁན་ལས་ངོ་བཅར་གྱིས་དབུས་གཙང་དམག་འཁྲུགས་དབར་བར་ཆིངས་བྱས་ཀྱང༌། ཕོ་ལྷ་བས་སྔར་དབུས་ཀྱིས་ང་ཕམ་ཉེས་སུ་གཏོང་པའི་སླད་ངའི་རྗེས་སུ་དབུས་དམག་སྟེས་ཆེར་གཏོང་དུས་ཁྱོད་རྣམས་ཆིངས་བསྒྲིག་ཏུ་ཕེབས་སམ། དེ་རྗེས་དབུས་དང་ཀོང་པོའི་དམག་ལོ་གཉིས་ཙམ་གཙང་དུ་བསྡད་དེ། དགོན་དང་ལྷ་ཁང༌། ཡུལ་གྲོང་མང་པོ་སྟོར་བརླགས་དང༌། ཆགས་རྟེན་བྲལ་བའི་བརྡབས་བསིགསདང་བཙན་ཤེད་བྱེད་སྐབས་ཁྱོད་རྣམས་ཆིངས་བསྒྲིག་ཏུ་ཕེབས་སམ། ད་ཆར་ངས་ཞྭ་སེར་བསྟན་པའི་ཞབས་འདེགས་དང༌། དཱ་ཆིང་བ་དུར་གྱི་དགྲ་ཤ་ལེན་ལ་ཉེ་བའི་སྐབས་ཆིངས་དོན་གནང་བ་དེ་དྲང་པོ་མ་རེད་ཅེས་ཁས་ལེན་མ་བྱས། ལོ་དེའི་བོད་ཟླ་བདུན་པའི་ཚེས་ཉེར་དྲུག་ཉིན་ཕོ་ལྷ་བས་དབུས་གཙང་མདོ་ཁམསཡོངས་སུ་དབང་བསྒྱུར་བས། དབུས་ཀྱི་གུང་བློན་ང་ལུམ་རྒྱ་གསུམ་པོ་ཏ་ལར་རྒྱལ་དབང་བསྐལ་བཟང་རྒྱ་མཚོའི་དྲུང་དུ་སྲོག་སྐྱོབ་ཞུས་ནས་བསྡད་མུར། ཁྲི་ཆེན་འདི་ཉིད་དང༌། བཙན་པོ་ནོ་མི་ཧན། འོན་རྒྱལ་སྲས། གདན་ས་གསུམ་གྱི་མཁན་སློབ་ལས་སྣེ་བཅས་ཕོ་ལྷ་བའི་དྲུང་དུ་གཅར་ནས་

ཁྲི་ཟུར་ནས་ཀྱང་བསྟན་འགྲོའི་དོན་ཆེན་འབའ་ཞིག་ལ་བརྩོན་བཞིནཔའི་མུར། རབ་བྱུང་བཅུ་གཉིས་པའི་ཤིང་ཕོ་སྟག་༡༧༣༤ལོར་དགུང་ལོ་རེ་བདུན་པར་དགོངས་པ་ཆོས་དབྱིངས་སུ་གཤེགས། དགོངས་རྫོགས་ཀྱི་ཕྱིར་དུ་དངུལ་གདུང་བྱང་ཆུབ་མཆོད་རྟེན་བཞེངས་ཏེ་གཞིས་དགོན་དགའ་ལྡན་རབ་བརྟན་གླིང་དུ་བཞུགས་སོ། །

དགའ་ལྡན་ཁྲི་ཐོག་ང་གསུམ་པ་ཏཱ་དབོན་རྒྱལ་མཚན་སེངྒེ་ནི། རབ་བྱུང་བཅུ་གཅིག་པའི་ས་རྟ་༡༦༧༨ལོར་མདོ་ཁམས་སྨད་ཀྱི་ཆ་ཡུལ་ཆོས་འཁོར་ཞེས་པར་འཁྲུངས། ཆུང་ངུ་ནས་བྱིས་པའི་སྤྱོད་པ་ལས་འདས་ཤིང་ཤངས་གཟེངས་མཐོ་བ་དབུ་གདུགས་ལྟར་རྒྱས་པ་སོགས་དམ་པའི་འབུར་དུ་ཐོན། རིམ་གྱིས་འདན་ཆོས་འཁོར་མཁན་པོ་ཡོངས་འཛིན་གླིང་སྤྲུལ་སྐུ་ཕྲེང་གཉིས་པ་བློ་བཟང་བསྟན་པའི་རྒྱལ་མཚན་གྱི་དྲུང་ནས་དགེ་བསྙྙེན་དང་བར་མ་རབ་བྱུང་གི་སྡོམ་པ་བཞེས། ཀ་ཁ་ནས་བཟུང་ཆོས་སྤྱོད་ཞལ་འདོན་གསང་བདེ་འཇིགས་གསུམ་གྱི་ཆོ་ག་སོགས་ཐུགས་ལ་བྱང་བར་བཟུང༌། དེ་ནས་ཏཱ་དབོན་པའི་བླ་མ་ཚུལ་ཁྲིམས་སེངྒེ་ལས་དགེ་ཚུལ་བཞེས་ཏེ་མཚན་རྒྱལ་མཚན་སེངྒེ་ཞེས་གསོལ། དགུང་ལོ་ཉེར་དགུ་པ་མེ་ཕོ་ཁྱིའི་ལོ་ལ་དབུས་ཕྱོགས་སུ་ཕེབས་ཏེ་པཎ་ཆེན་ཐམས་ཅད་མཁྱེན་པ་བློ་བཟང་ཡེ་ཤེས་དཔལ་བཟང་པོ་ལས་བསྙྙེན་རྫོགས་བཞེས། འབྲས་སྤུངས་སྒོ་མང་གྲྭ་ཚང་གི་ཆོས་གྲྭར་ཞུགས་ནས་ཀུན་མཁྱེན་འཇམ་དབྱངས་བཞད་པའི་རྡོ་རྗེ་ངག་དབང་བརྩོན་འགྲུས་དང༌། ཁྲི་དཔལ་ལྡན་གྲགས་པ་སོགས་ཡོངས་འཛིན་མཁས་གྲུབ་རྣམས་ཀྱི་ཞབས་ལ་གཏུགས་ཏེ་རིགས་པའི་སྒོ་འབྱེད་བསྡུས་གྲྭ་ནས་བཟུང༌། ལོ་བཅུ་བཞིའི་རིང་ཕར་ཚད་དབུ་མ་མཛོད་འདུལ་ཏེ་བཀའ་པོད་ལྔ་ལ་གསན་བཞེས་མཛད་པས་མཁས་པའི་ཕུལ་དུ་གྱུར། ཆོས་གྲྭར་ཕེབས་སྐབས་ཤིག་ལ་ཀུན་མཁྱེན་རིན་པོ་ཆེའི་ཞལ་ནས་རྗེ་འདི་ནི་གཞན་དང་མི་འདྲ་བ་ཞིག་ཡིན་ཏེ་དམ་ཅན་ཆོས་རྒྱལ་འབྲལ་མེད་དུ་ཕྱི་བཞིན་འབྲང་གིན་འདུག་ཅེས་ཕྱག་ཕྱིར་འཁོད་པའི་གྲྭ་པ་རྣམས་ལ་དངོས་སུ་གསུངས། དེ་ནས་གྲྭ་སྐོར་མཛད་དེ་རྒྱུད་སྟོད་དུ་ཕེབས། སྐབས་ཤིག་ཁོང་དང་ཁྲི་དཔལ་ལྡན་གྲགས་པ་གཉིས་ལ་བསམ་ངན་ཁག་ཅིག་གིས་སྐུལ་སློང་ངན་པས་ཟས་དྲངས་པས་དུག་ནད་ཀྱིས་ཐེབས། དགེ་འཕེལ་དུ་ཀུན་མཁྱེན་འཇམ་བཞད་པའི་དྲུང་དུ་ཕེབས་ཏེ་ཞུས་པར་བུམ་ཆུ་གནང་སྟེ་སྐྱུགས་འདྲེན་མཛད་པས་ཟས་ངན་རྣམས་སྐྱུགས། བཅོས་མཛད་པས་དྭངས་སངས་སུ་སོང༌། ཀུན་མཁྱེན་མཆོག་ནས་ཅུང་མིན་ན་ངའི་གསེར་ཁྲི་རྣམ་གཉིས་བཀྲོངས་འདུག་གསུངས། རིམ་གྱིས་རྒྱུད་པའི་བླ་མ་དབུ་མཛད་གནང༌། རིང་པོ་མ་ལོན་པར་རྒྱུད་སྟོད་མཁན་པོ་དང་ཤར་རྩེ་ཆོས་རྗེ་ཟུང་འབྲེལ་ལོ་གསུམ་མཛད། ལྕགས་བྱི་༡༧༢༠ལོར་རྒྱལ་མཆོག་བསྐལ་བཟང་རྒྱ་མཚོ་མཚོ་སྔོན་ནས་དབུས་སུ་ཆིབས་བསྒྱུར་སྐབས་ཕེབས་གསུ་ལ་བཅར། དགུང་ལོ་ང་ལྔ་པ་རབ་བྱུང་བཅུ་གཉིས་པའི་ཆུ་བྱི་བའི་༡༧༣༢ལོ་ལ་ཆོས་ཀྱི་རྒྱལ་པོ་ཙོང་ཁ་པ་ཆེན་པོའི་མི་འཇིགས་གདོང་ལྔས་བཏེགས་པའི་གསེར་གྱི་ཁྲི་འཕང་མཐོན་པོར་ཞབས་ཟུང་ཉེ་བར་བཀོད་དེ་རྒྱལ་ཚབ་ཏུ་མངའ་གསོལ། ཁྲིར་བཞུགས་ལོ་བརྒྱད་མཛད། ཤིང་ཡོས་༡༧༣༥ལོར་རྒྱལ་མཆོག་བསྐལ་བཟང་རྒྱ་མཚོ་ཁམ་ས་ལི་ཐང་དང་མགར་ཐར་ཕྱོགས་སུ་བསྟན་དོན་རྒྱ་ཆེར་སྤེལ་ནས་སླར་དབུས་སུཕྱིར་ཕེབས་འབྱོར་སྐབས་ཁྲི་ཆེན་འདི་ཉིད་དང༌། བོད་ཀྱི་སྤྲུལ་སྐུ་རྣམ་གསུམ། ཤར་བྱང་གི་ཆོས་རྗེ་རྣམ་གཉིས། གདན་སའི་སློབ་དཔོན་སློབ་དཔོན་ལས་ཟུར། མི་དབང་ཕོ་ལྷ་བ་སོགས་དབུས་ཀྱི་བསྟན་འགྲོའི་ཆེ་མགོ་ཚོས་སྣེ་ཁྲིད་དེ་ཕེབས་གསུར་བཅར་ནས་རྒྱལ་དབང་མཆོག་དང་མཇལ་འཕྲོད་ལྷུག་པོར་གནང༌། དགའ་ལྡན་ཚོགས་ཆེན་གྱི་མགོན་ཁང་རྔམ་ནག་ཏུ་ཆོས་རྒྱལ་རང་བྱོན་གྱི་གནམ་ཡོལ་གསར་བརྗེ་གནང་སྐབས་ཆོས་རྒྱལ་ཀྱི་རྭ་བར་དུ་རྗེ་ཉིད་ཀྱི་ཞབས་ཀྱིས་བརྫིས་པ་ན་ཆོས་རྒྱལ་གྱིས་དབུ་གཡུག་གཡུག་བྱས་པས་གླང་མགོ་ཅན་ཁྱོད་འདུག་མི་ཐུབ་བམ་ཞེས་བཀའ་ཀྱོན་པའི་ཚུལ་མཛད། རྗེ་རིན་པོ་ཆེའི་ལུང་བསྟན་དུས་སུ་བབས་པ་ལྟར་ཆོས་རྒྱལ་རང་བྱོན་གྱི་ལྗགས་ལ་ཞིག་གསོ་གནང་ནས། སྟོབས་ཆེན་གཤིན་རྗེ་རྒྱལ་པོ་འཁོར་བཅས་ཀྱིས། །ཨ་ཏི་ཤ་དང་བློ་བཟང་གྲགས་པ་ཡི།།བསྟན་ལ་གནོད་པའི་དགྲ་བགེགས་ཚར་གཅོད་ལ།།བསྟན་དང་བསྟན་འཛིན་བུ་བཞིན་སྐྱོང་བར་མཛོད། །ཞེས་པའི་ཤློཀ་གཅིག་པོ་འདི་ཉིད་གསར་རྩོམ་མཛད་དེ་འཕྲིན་ལས་བཅོལ། འདི་ཉིད་ད་ལྟའི་བར་དུ་གདན་ས་གསུམ་དང་རྒྱུད་གྲྭ་རྣམ་གཉིས་གཙོས་དགེ་ལྡན་པའི་ཆོས་སྡེ་ཆེ་ཕྲ་ཡོངས་ཀྱིས་རྒྱུན་འདོན་བྱེད་པའིསྲོལ་དར། ཆབ་མདོ་འཕགས་པ་ལྷ་དང་ཁམས་བྲག་གཡབ་སྤྲུལ་སྐུུ་སོགས་སེ་འབྲས་ཀྱི་བླ་གྲྭ་ཁག་མང་པོ་དང་དད་ལྡན་གྱི་སློབ་ཚོགས་ཕོན་ཆེ་བ་ལ་དཔལ་གསང་བ་འདུས་པའི་དབང་ཆེན་དང༌། བྱང་ཆུབ་ལམ་རིམ་གྱི་འཆད་ཉན་སོགས་ཆོས་ཀྱི་འཁོར་ལོ་རྒྱ་ཆེར་བསྐོར། དགུང་ལོ་རེ་གཉིས་པ་ས་ལུག་༡༧༣༩ལོར་ཁྲི་ལས་ཟུར་པ་དང་ཀོང་པོ་འབྲུག་པའི་མཁན་ཁྲིར་བསྐོས་པས་དེར་ལོ་གཅིག་བཞུགས། དེ་ནས་སེམས་དཔའ་ཆེན་པོ་གཞོན་ནུ་འོད་ཀྱི་གདན་ས་བྱ་ཡུལ་མང་རའི་མཁན་པོར་ལོ་བརྒྱད་བཞུགས། དགོན་སྡེ་འདིའི་ཁྲི་པ་རིམ་རྒྱུད་ལ་རྒྱལ་འགོང་གི་གནོད་པ་ལྟ་བུས་ཡུན་རིང་མི་བཞུགས་པས་ཀྲི་ཆེན་འདི་ཉིད་ལོ་བཞིའི་རིང་སྐུུ་མཚམས་དམ་པོར་མཛད་ནས་ཁྲི་སྲི་མནན། ལོ་བཞིའི་རིང་ལུགས་གཉིས་ཀྱི་སྒོ་ནས་ཁྲི་ལེགས་པར་བསྐྱངས། དེ་ཀའི་བཀའ་འགྱུར་རིན་པོ་ཆེའི་དཀར་ཆག་གསར་རྩོམ་མཛད། གཞན་ཡང་བྱང་ཆུབ་ལམ་རིམ་ཆེན་མོའི་ཁྲིད་ཡིག །གསང་འདུས་རྩ་རྒྱུད་ལེའུ་ལྔ་པ་ཡན་གྱི་རྒྱུད་འགྲེལ། འཇིགས་བྱེད་ལྷ་བཅུ་གསུམ་པའི་བསྐྱེད་རྫོགས། རྗེ་ཉིད་ཀྱི་འཁྲུངས་རབས་གསོལ་འདེབས་སོགས་ཀྱང་ལྗགས་རྩོམ་མཛད། དགུང་ལོ་དོན་གཅིག་པ་ས་འབྲུག་༡༧༤༨ལོར་གཽ་ཤྲིའ་བསྟན་འཛིན་ཆོས་རྒྱལ་གྱི་གདུང་རྒྱུད་ཇིང་གིར་རྒྱལ་པོ་ཆིའང་ཝང་གིས་ྋགོང་ས་མཆོད་ཡོན་རྣམ་གཉིས་ལ་རྗེ་འདི་ཉིད་ཁོ་བོའི་མཆོད་གནས་སུ་ཕེབས་ཆོག་པ་ཞིག་ཅིས་ཀྱང་མཁྱེན་ཞེས་ཞུ་བ་ཕུལ་བ་ལ། ྋགོང་ས་མཆོག་ནས་དགའ་ལྡན་ཁྲི་པ་ས་མཐར་ཕེབས་པའི་སྲོལ་ཆེར་མེད་ཀྱང༌། ཁྱེད་བསྟན་པ་རིན་པོ་ཆེའི་སྦྱིན་བདག་གཞན་དང་མི་འདྲ་གཤིས་རིན་པོ་ཆེ་ཉིད་ལ་ཞུས་ཏེ་བཞེད་ན་དེ་ལུགས་བྱས་ཆོག་ཅེས་བཀའ་ཕེབས། མང་རར་ཝང་གི་ཨེར་ཆི་བཏང་ནས་ཞུ་བ་ཕུལ་བས་རྗེ་ཉིད་ནས་མདོ་སྨད་ཕྱོགས་སུ་འཕྲིན་ལས་ཀྱི་འཇུག་པ་དུས་ལ་བབས་པར་གཟིགས་ནས་དགྱེས་བཞིན་དུ་འབྱོན་པར་ཞལ་གྱིས་བཞེས། གནམ་བསྐོས་དགའ་བ་བརྒྱ་ལྡན་པ་ནས་སྐུུ་གསུང་ཐུགས་རྟེན་གྱིས་གཙོས་ཕེབས་རྫོངས་རྒྱ་ཆེན་པོ་དང་བཅས་དེ་ཀའི་ལོར་སྟོན་མཇུག་ཆིའང་ཝང་གི་ཨེར་གེའི་སྟེང་དུ་ཕེབས། ཆིའང་ཝང་ཡབ་ཡུམ་གྱིས་གཙོས་དེ་ཕྱོགས་ཀྱི་སེར་སྐྱ་དད་ལྡན་གྱི་ཚོགས་རྒྱ་ཆེན་པོ་ལ་དཔལ་གསང་བ་འདུས་པའི་དབང་ཆེན་སོགས་གནང་བས་མདོ་སྨད་ཕྱོགས་སུ་འཕྲིན་ལས་ཀྱི་སྒོ་ཐོག་མར་ཕྱེ་སྟེ་གདུལ་བྱ་སོ་སོའི་རྒྱུད་ལ་ཐར་པའི་ས་བོན་ཐེབས་ངེས་སུ་མཛད། རིམ་གྱིས་བླ་བྲང་བཀྲ་ཤིས་འཁྱིལ་དུ་ཕེབས་ནས་ཀུན་མཁྱེན་འཇམ་དབྱངས་བཞད་པའི་ཡང་སྲིད་མཆོག་སྤྲུལ་འཇིགས་མེད་དབང་པོ་སོགས་བཀྲ་ཤིས་འཁྱིལ་གྱི་ཚོགས་པ་ཡོངས་ལ་གསང་བདེ་འཇིགས་གསུམ་གྱི་དབང་དང་ལམ་རིམ་སོགས་ཆོས་འཁོར་རྒྱ་ཆེར་བསྐོར། དེ་ནས་ཅོ་ནེ་རྒྱལ་པོས་གདན་ཞུས་ལྟར་དེ་ཕྱོགས་སུ་ཆིབས་བསྒྱུར་གནང་ནས་འདོད་ཆོས་ཀྱིས་རེ་བ་བསྐུངས། རྒྱལ་པོ་ཡབ་ཡུམ་ནས་རྒྱལ་བའི་བཀའ་འགྱུར་རོ་ཅོག་གི་པར་གསར་སྐྲུན་ལེགས་གྲུབ་ཀྱི་པར་ཕུད་ལ་བཞེངས་པའི་བཀའ་འགྱུར་ཚར་གཅིག་དང༌། གཞན་ཡང་དུང་རོལ་རྒྱ་གླིང་སོགས་མཆོད་ཆས་སྐོར། དགོན་སྡེ་ཁག་དང་མི་སེར་འགའ་བཅས་ཕུལ་ཏེ་རྗེ་ཉིད་ཀྱིས་དགེ་འདུན་གྱི་སྡེ་ཞིག་གསར་འཛུགས་གནང་ན་སྦྱིན་བདག་ཞུ་བར་ཁས་བླངས། རྗེ་ཉིད་ནས་ཀྱང་ད་དུང་བསྟན་འགྱུར་པར་དུ་འཁོད་ཐུབ་པར་གྱིས་ཞེས་རྟ་ཆེན་ཉི་ཤུ་སོགས་ཀྱི་གནང་སྦྱིན་དང་བཅས་བཀའ་ཕེབས། དགུང་ལོ་དོན་ལྔ་བཞེས་པ་རབ་བྱུང་བཅུ་གསུམ་པའི་ཆུ་སྤྲེལ་༡༧༥༢ལོར་རྐྱང་ཚའི་ཆུ་ཚན་དུ་ཕེབས་ནས་ལྷ་མོའི་གནས་མདུན་དུ་བཞུགས་སྒར་བཏབ། དེའི་ཚེ་གནམ་ས་བརྟགས་པས་འབྲང་རྒྱས་ཀྱི་ས་དེ་དགོན་སར་གཟིགས་ནས་བླ་བྲང་གི་གཞི་བཟུང༌། མཛོད་དགེ་ཕྱོགས་ཁ་བཞིའི་བླ་དཔོན་རྣམས་ཀྱིས་ཀྱང་སྦྱིན་བདག་གི་མཐིལ་མཛད་དེ་ས་གཞི་བྱིན་རླབས་དང་ཨར་ལས་སོགས་འདུལ་བ་ནས་འབྱུང་བ་ལྟར་བགྱིས་ཏེ་སྟོན་ཁར་འདུ་ཁང་ལེགས་གྲུབ་བྱུང༌། དེ་གའི་ལོ་ཧོར་ཟླ་བཅུ་པའི་ཚེས་བཅུ་བདུན་ལ་རྗེ་ཉིད་ནས་འཆད་ཉན་གྱི་དབུ་ཚུགས། དེ་ནས་ཀུན་མཁྱེན་གོང་མའི་ཐུགས་སྲས་བསེ་ངག་དབང་བཀྲ་ཤིས་ཀྱི་དངོས་སློབ་ཡོངས་ཀྱི་དགེ་བའི་བཤེས་གཉེན་ཆེན་པོ་རྔ་པ་ཆོས་སྐྱོང་རྒྱ་མཚོ་འཆད་ཉན་གྱི་སློབ་དཔོན་དུ་བསྐོས། ཚོགས་པ་སུམ་བརྒྱར་ཉེ་བར་བསྡུས། ཕྱིས་ལྔ་བརྒྱ་ལྷག་ཏུ་འཕེལ། དགོན་པའི་མཚན་ལ་དགའ་ལྡན་བཤད་སྒྲུབ་པད་མ་དཀར་པོ་གྲོལ་བའི་གླིང་ཞེས་གསོལ། ཁྲི་རིན་པོ་ཆེ་མཆོག་ནས་བཅའ་ཡིག་བླང་དོར་གསལ་བའི་མེ་ལོང་ལྗགས་རྩོམ་མཛད། དེ་ལྟར་རྗེ་འདིའི་བཀའ་དྲིན་གྱི་གདུགས་དཀར་པོའི་གྲིབ་བསིལ་ལ་བརྟེན་ནས་དགོན་མ་ལག་ལྷ་སྡེ་མི་སྡེ་དང་བཅས་པའི་འདི་ཕྱིའི་ལེགས་ཚོགས་ཐམས་ཅད་ཀྱི་རྩ་བ་ཀུན་ནས་བརྟན་པར་བྱས། དགུང་ལོ་དོན་དགུ་བཞེས་པ་མེ་བྱི་༡༧༥༦ཧོར་ཟླ་དགུ་པའི་ནང་ཟུང་ཇུ་དགེ་བཤེས་བློ་བཟང་ཤེས་རབ་ལ་རྗེ་ཉིད་ཀྱི་གདན་ས་གཏད་དེ་གང་ཅིའི་ཞལ་ཏ་ཞིབ་པར་གནང་ནས་ཚེས་བཅོ་ལྔའི་ཉི་ཤར་ཙམ་ལ་ཞབས་གཉིས་རྡོ་རྗེ་སྐྱིལ་ཀྲུང་ཕྱག་གཉིས་མཉམ་བཞག་མཛད་དེ་སྟོང་པ་གསུམ་རིམ་གྱིས་ཐིམ་པའི་མཐར་ཐམས་ཅད་སྟོང་པ་འོད་གསལ་ཆོས་ཀྱི་སྐུུ་མངོན་དུ་བྱས་ནས་རྒྱལ་བ་འཇམ་དཔལ་སྙྙིང་པོའི་དྲུང་དུ་གཤེགས་སོ། །

དགའ་ལྡན་ཁྲི་ཐོག་ང་བཞི་བ་ཁྲི་ཆེན་ངག་དབང་མཆོག་ལྡན་ནི། གཅན་ཚ་དཀར་མོ་ཕུག་ཏུ་རབ་བྱུང་བཅུ་གཅིག་པའི་མེ་སྦྲུལ་༡༦༧༧ལ་འཁྲུངས། དགུང་ལོ་བཅུ་གཅིག་ཐོག་བྱ་ཁྱུང་དུ་ཕེབས་ནས་རྗེ་ཉིད་ཀྱི་ཁུ་བོ་ཁྲི་རིན་པོ་ཆེ་ངག་དབང་ཚུལ་ཁྲིམས་ལས་རབ་བྱུང་དང་དགེ་ཚུལ་བསྒྲུབས། འདོན་ཆོས་སྤྱོད་བྱང་བར་སྦྱངས། དགུང་ལོ་བཅོ་ལྔའི་སྟེང་དབུས་གཙང་དུ་ཕེབས་ནས་སེ་ར་བསམ་བློར་ཞུགས། བཀའ་པོད་ལ་དཔྱིས་ཕྱིན་པའི་གསན་སྦྱོང་མཛད། དགུང་ལོ་ཉི་ཤུའི་སྟེང་གསང་ཕུར་ཕར་ཕྱིན་གྱི་མཚན་བཏགས་དང༌། ཉེར་ལྔའི་སྟེང་ལྷ་ལྡན་སྨོན་ལམ་ཆེན་མོར་གྲྭ་སྐོར་མཛད། པཎ་ཆེན་བློ་བཟང་ཡེ་ཤེས་ལས་བསྙྙེན་རྫོགས་བཞེས་འཕྲལ་སྨད་རྒྱུད་གྲྭ་ཚང་དུ་ཞུགས། རྒྱུད་སྨད་ཆོས་རྗེ་དགེ་འདུན་ཕུན་ཚོགས་བསམ་སྦྱོར་གཉིས་ཀྱིས་ཚུལ་བཞིན་དུ་བསྟེན་ཏེ་རྒྱུད་ཀྱི་རྒྱལ་པོ་དཔལ་གསང་བ་འདུས་པ་འགྲེལ་པ་འགྲེལ་བཤད་མན་ངག་ལག་ཁྲིད་དང་བཅས་པ་དང༌། མ་རྒྱུད་ཐམས་ཅད་ཀྱི་གཙོ་བོ་དཔལ་འཁོར་ལོ་སྡོམ་པ་རྒྱུད་འགྲེལ་མན་ངག་ལག་ཁྲིད་དང་བཅས་པ་དང༌། དཔལ་རྡོ་རྗེ་འཇིགས་བྱེད་ཆེན་པའི་རྒྱུད་མན་ངག་ལག་ཁྲིད་དང་བཅས་པ་ལ་སྦྱངས་ཏེ་མཁས་པའི་ཕུལ་དུ་ཕྱིན་པར་མཛད་ནས་དགུང་ལོ་ཉེར་བདུན་པའི་ལོ་དབྱར་གནས་ཐོག་རྒྱུད་ཆེན་དགེ་འདུན་ཕུན་ཚོགས་ལ་གསོལ་བ་བཏབ་སྟེ། ཕྱི་མིག་ལུང་གི་ཁྲིད་ཁང་དུ་ཞུགས་ནས་མཁས་གྲུབ་རིན་པོ་ཆེའི་དཀར་ཆག་ཐོའི་ཡིག་ཆུང་ལས་ཇི་ལྟར་འབྱུང་བ་ལྟར་འདུས་པའི་རིམ་གཉིས་ཀྱི་ཁྲིད་ལག་ལེན་ཆེ་ཕྲ་མཐའ་དག་ཉམས་པ་མེད་པར་ཁྲིད་པར་མཛད། རྒྱུད་ཆེན་དགེ་འདུན་ཕུན་ཚོགས་འདི་ལ་དཔལ་དབེན་ས་སྙྙན་རྒྱུད་ཀྱི་མན་ངག་དང༌། སྲད་རྒྱུད་ཀྱི་མན་ངག་དང༌། རྒྱུད་སྨད་རང་གི་རྡོ་ལག་བརྒྱུད་ཀྱི་མན་ངག་གསུམ་ག་མངའ་ཞིང༌། དེ་ཡང་བཀླགས་ལུང་ཙམ་མིན་པར་དམར་ཁྲིད་ལག་རྗེས་དང་བཅས་པ་ཞིབ་ཏུ་ཁྲིད་པར་མཛད་པས་ལམ་རིམ་གཉིས་ལ་མི་འཇིགས་པའི་གདེང་ཐོབ། དེ་ནས་འཇམ་དབྱངས་བཞད་པ་རྡོ་རྗེ་ལ་ཡང་ལམ་རིམ་གྱི་ཁྲིད་དང་བསྐྱེད་རྫོགས་ཀྱི་ཁྲིད་དང་དབང་རྗེས་གནང་མང་དུ་གསན། གཞན་ཡང་དགེ་བའི་གཉེན་དུ་མ་ལ་དབང་ལུང་མན་ངག་མཐའ་ས་པ་གསན། དེ་ནས་ཡབ་ཡུམ་གྱིས་ནན་གྱིས་བསྐུུལ་ཏེ་མདོསྨད་དུ་བྱོན་ནས་ལོ་ངོ་བཞི་ཙམ་བཞུགས། སླར་དགུང་ལོ་སོ་གསུམ་གྱི་ཐོག་དབུས་སུ་ཕེབས་ནས་ཁྲི་ཆེན་དགེ་འདུན་ཕུན་ཚོགས་ལ་གསང་བདེ་འཇིགས་གསུམ་གའི་བསྐྱེད་རྫོགས་རྣམས་ཀྱི་ཁྲིད་དང་རྗེ་རིན་པོ་ཆེའི་གསུང་འབུམ་གྱི་ལུང་སོགས་ཆོས་བཀའ་མཐའ་ཡས་པ་གསན། དགུང་ལོ་སོ་བཞི་པར་གཞུང་ས་ནས་མཐོ་ལྡིང་མཁན་པོར་བསྐོ་བཞག་གནང་སྟེ་མཐོ་ལྡིང་གསེར་ཁྲིར་ཕེབས་ནས་ལོ་ཆེན་རིན་ཆེན་བཟང་པོའི་གདན་ས་བསྐྱངས་ཏེ་ལོ་ཆེན་གྱིས་བསྟན་པའི་དོན་དུ་སྐུུ་གསུང་ཐུགས་རྟེན་རྒྱ་ཆེན་པོ་བཞེངས་པ་རྣམས་དང༌། མདོ་སྔགས་ཀྱི་འཆད་ཉན་བཙུགས་པ་རྣམས་བར་སྐབས་སུ་ཉམས་པ་རྣམས་དམ་པ་འདིས་ལེགས་པར་གསོས་ཏེ་ལོ་ཆེན་རང་ཉིད་སླར་བྱོན་པ་ལྟར་མངའ་རིས་སྐོར་གསུམ་དུ་མདོ་སྔགས་ཀྱི་ཆོས་རྒྱ་ཆེར་བཤད་དེ་བསྟན་པ་ལ་བྱ་བ་རྒྱ་ཆེན་པོ་མཛད། མངའ་རིས་སུ་ལོ་བདུན་གྱི་རིང་བསྟན་པའི་བྱ་བ་མཛད་ནས་མཐོ་ལྡིང་གི་ཁྲི་བཞག་སྟེ་དབུསགཙང་དུ་འབྱོན་པའི་ལམ་ཞོར་གངས་ཏེ་སེ་མཇལ་བར་ཕེབས། གནས་དེར་བཀའ་བརྒྱུད་པའི་བླ་མ་གོང་མ་མང་པོས་ཕྱག་རྗེས་དང་ཞབས་རྗེས་བཞག་པ་མང་དུ་སྣང་བ་རྣམས་གཟིགས་པ་ན་འཇམ་མགོན་བླ་མའི་བསྟན་པའི་ཆེ་བ་འདོན་ཕྱིར་དམ་པ་འདིས་ཀྱང་རྡོ་ལ་ཞབས་རྗེས་འཇོག་པར་མཛད། དེ་ནས་མང་ཡུལ་སྐྱིད་གྲོང་དུ་ཕེབས་ཏེ་རང་བྱུང་ཝ་ཏི་བཟང་པོ་ལ་མཆོད་འབུལ་སྨོན་ལམ་རྒྱ་ཆེར་མཛད། དེ་ནས་སྐྱིད་གྲོང་གི་ཕུ་བྲག་ཁ་རི་ཁྲོད་དུ་ལི་ཐང་རབ་འབྱམས་པ་བླ་མ་བློ་བཟང་ཆོས་འཁོར་ལ་ཆོས་མང་དུ་གསན། དེ་ནས་དཔལ་ཁུད་དུ་ཕེབས་ནས་པད་མ་ཆོས་སྡིངས་མཇལ། བོ་དོང་འཇིགས་བྲལ་གྱི་གསུང་རྣམས་ལ་ཤིན་ཏུ་དགྱེས་པར་མཛད། དེ་ནས་རིམ་གྱིས་བཀྲ་ཤིས་ལྷུན་པོར་ཕེབས་ཏེ་པཎ་ཆེན་ཐམས་ཅད་མཁྱེན་པ་ཆེན་པོར་རྟ་བཟང་པོ་སུམ་ཅུ་སྐོར་གྱིས་གཙོས་པའི་འབུལ་བ་སྤམ་ཆེ་བ་མཛད། བྱང་ཆུབ་ལམ་གྱི་སྒྲོན་མ་སོགས་ཆོས་མང་དུ་ཞུ་བར་མཛད། དེ་ནས་དབུས་སུ་ཕེབས་ཏེ་གྲུབ་པའི་དབང་ཕྱུག་འཇམ་དཔལ་རྒྱ་མཚོ་བ་ལ་མི་ཏྲ་བརྒྱ་རྩ་སོགས་དབང་རྗེས་གནང་མང་དུ་གསན། ཁྲི་ཆེན་དགེ་འདུན་ཕུན་ཚོགས་ལ་བདེ་མཆོག་རྩ་རྒྱུད་དང་སྦས་དོན་དུ་གསལ་གཉིས་རྩ་འགྲེལ་སྦྲགས་པའི་ལུང་སོགས་ཟབ་ཆོས་མང་དུ་གསན། དེ་ནས་རྒྱུད་སྨད་ཀྱི་ཁྲི་ལ་ཕེབས་ཏེ་རྗེ་ཐམས་ཅད་མཁྱེན་པས་རྗེ་བཙུན་ཤེས་རབ་སེང་གེ་ལ་ཕ་རྒྱུད་གསང་བ་འདུས་པ་དང༌། མ་རྒྱུད་འཁོར་ལོ་སྡོམ་པ་གཉིས་ཀྱི་རྒྱུད་འགྲེལ་དང༌། བསྐྱེད་རྫོགས་ཀྱི་ཁྲིད་རྣམས་རྒྱུན་མི་ཉམསཔར་བྱ་བའི་ཕྱིར་རྒྱུད་གྲྭ་འཛུགས་དགོས་པར་བཀའ་ཕེབས་པ་ལྟར་རྗེ་ཤེས་རབ་སེང་གེས་རྗེའི་བཀའ་ལྟར་རྒྱུད་ཀྱི་རྒྱལ་པོ་གཉིས་ཀྱི་འཆད་ཉན་གཙོ་བོར་བཏོན། བདེ་གསང་འཇིགས་གསུམ་གྱི་ཆོ་ག་ཕྱག་ལེན་མཐའ་དག་རྒྱུད་དང་རྗེའི་དགོངས་པ་ལྟར་རྣམ་པར་དག་པའི་རྒྱུད་གྲྭ་འཛུགས་པར་མཛད་ཅིང་རིང་ཞིག་འཕེལ་རྒྱས་སུ་གྱུར་ནའང་བདེ་མཆོག་གི་སྐོར་འདི་ལྷག་པར་བཀའ་གཉན་པ་དང༌། དུས་དབང་གིས་བར་སྐབས་ཤིག་ནས་བཟུང་རྒྱུན་ཆད་པ་དམ་པ་འདིས་གསོ་བར་བཞེད་ནས་རྗེ་རིན་པོ་ཆེ་ཉིད་ལ་གསོལ་བ་ཤུགས་དྲག་ལ་རྒྱུན་རིང་བཏབ། རྗེ་རིན་པོ་ཆེའི་བསྟན་པ་གཉེར་དུ་གཏད་པའི་སྲུང་མ་མགོན་ཆོས་གཉིས་ལ་འཕྲིན་ལས་བཅོལ་ཏེ་སྡེ་སྣོད་འཛིན་པ་བློ་གསལ་དོན་གཉེར་ཅན་ཁ་ཤས་དབེན་དགོན་དུ་བཏང་སྟེ་གྲུབ་ཆེན་དབེན་ས་པ་ཡབ་སྲས་ཀྱིས་ཇི་ལྟར་བཙུགས་པའི་བདེ་མཆོག་གི་ཆོ་གའི་ཕྱག་ལེན་རྣམས་ཉམས་པ་མེད་པར་བླངས་ཏེ་ཆོ་ག་རྣམས་ལེགས་པར་བཙུགས། སྔར་ནས་གསང་བ་འདུས་པའི་འགྲེལ་པ་བཞི་སྦྲགས་ཀྱི་འཆད་ཉན་རྒྱུན་ཉམས་པ་མེད་པར་གནས་པ་གོང་འཕེལ་གྱི་ཐོག་བདེ་མཆོག་རྩ་རྒྱུད་དང༌། སྦས་དོན་ཀུན་གསལ་རྩ་འགྲེལ་སྦྲགས་པའི་འཆད་ཉན་ལེགས་པར་བཙུགས། ཊཱིཀྐའི་འཛིན་ཆོས་དང༌། བདེ་གསང་གཉིས་ཀྱི་བསྐྱེད་རིམ་དང༌། རིམ་ལྔ་གསལ་སྒྲོན་གྱི་གཟབ་བཤད། འཇིགས་བྱེད་ཀྱི་བསྐྱེད་རྫོགས་ཆེན་མོའི་གཟབ་བཤད་དབྱར་གནས་ཐོག་འདུས་པའི་བསྐྱེད་རྫོགས་ཀྱི་མྱོང་ཁྲིད་ལོ་རེ་བཞིན་ཉམས་པར་མེད་པ་བསྐྱངས། དོན་གཉེར་ཅན་འགའ་བྱས་ལ་ཁྲིད་ཆེན་བརྒྱད་ཀྱང་གནང་སྟེ་རྡོ་རྗེ་ཐེག་པའི་བསྟན་པ་ཆེས་ཆེར་སྤེལ་བས་རྒྱལ་བའི་བསྟན་པ་སྤྱི་དང་ཁྱད་པར་རྡོ་རྗེ་ཐེག་པའི་བསྟན་པ་ལ་བཀའ་དྲིན་ཟླ་མེད་དུ་མཛད་དོ། །གཞན་ཡང་བློ་གསལ་གླིང་ཞལ་སྔ་ནས་བློ་བཟང་སྦྱིན་པ་དང༌། གྲུབ་པའི་དབང་ཕྱུག་དོན་ཡོད་མཁས་གྲུབ་སོགས་ལའང་མདོ་སྔགས་ཀྱི་ཟབ་ཁྲིད་མང་དུ་གསན། དེ་ལྟར་མེ་ཕག་ནས་མེ་སྤྲེལ་བར་༡༧༠༧་༡༧༡༦ལོ་བཅུའི་རིང་ལ་དཔལ་ལྡན་སྨད་རྒྱུད་གྲྭ་ཚང་གི་གདན་ས་མཛད་དེ་ཆོས་ཟང་ཟིང་གཉིས་ཀའི་སྒོ་ནས་དགེ་འདུན་གྱི་སྡེ་ལེགས་པར་བསྐྱངས། ཁྱད་པར་བདེ་མཆོག་གི་ཆོས་སྐོར་ཉམས་པ་གསར་དུ་གསོ་བར་མཛད། ཡུན་རིང་གནས་པའི་ཕྱིར་གཞུང་ས་ཆེན་པོར་རྩོལ་བ་ཆེན་པོས་ཞུས་ཏེ་བདེ་མཆོག་སྒྲུབ་མཆོད་ཀྱི་མཆོད་གཞིས་ཡང་གསར་སྦྱོར་མཛད། དེ་ནས་རྒྱལ་བ་ཐམས་ཅད་ཅད་མཁྱེན་པ་རྗེ་བཙུན་བློ་བཟང་བསྐལ་བཟང་རྒྱ་མཚོ་སྔགས་ཀྱི་གསན་སྦྱོང་མཛད་རྒྱུའི་ཡོངས་འཛིན་དུ་རྗེ་འདི་པ་སྤྱན་དྲངས་པ་རྒྱུད་སྨད་ཀྱི་གདན་ས་བཞག་སྟེ་རྒྱལ་བ་མཆོག་གི་ཡོངས་འཛིན་དུ་བཞུགས་ཏེ་འགར་ཐར་དུ་ཕེབས། འགར་ཐར་དུ་བཞུགས་པའི་རིང་རྒྱལ་བ་བསྐུལ་བཟང་རྒྱ་མཚོར་རྒྱུད་སྨད་ཀྱི་ཕྱག་བཞེས་བཞིན་རྡོ་རྗེ་སློབ་དཔོན་མཆོད་པའི་ཆོ་ག་སྔོན་དུ་བཏང་སྟེ་ཉིན་རེ་བཞིན་འགྲེལ་པ་བཞི་སྦྲགས་ནས་གཟབ་བཤད་རེ་དང་རྒྱུད་ྜྲིའཀ་གི་འཛིན་ཆོས་ཆག་མེད་ཐོག་བར་བར་དུ་དབང་རྗེས་གནང་གི་རིགས་དང་ལུང་གི་རིགས་འབུལ་བར་མཛད། དགུན་དུས་ཕལ་ཆེར་བཅད་རྒྱར་བཞུགས་ཤིང་རྒྱུད་པའི་ཕྱག་བཞེས་ལྟར་དཔྱིད་ཆོས་ནས་བཟུང་རྒྱུད་འགྲེལ་གྱི་འཆད་ཉན་གོང་འཕེལ་དུ་མཛད་དེ་བཀླགས་ལུང་ཙམ་གྱིས་ཆོག་པར་མ་མཛད་པར་རྩ་རྒྱུད་དང་བཤད་རྒྱུད་རྣམས་ཤན་སྦྱར། དེ་དག་གི་དོན་འཕགས་པ་ཡབ་སྲས་ཀྱི་གཞུང་རྣམས་དང་རྗེ་ཡབ་སྲས་ཀྱི་གཞུང་རྣམས་དང་སྦྱར་ཏེ་མཐའ་དྲུག་དང་ཚུལ་བཞིའི་དོན་མཐའ་དག་པར་བཤད། རྒྱལ་བ་མཆོག་འདིའང་སྤྱིར་རྒྱལ་བའི་དམ་ཆོས་མ་ལུས་འཛིན་པ་དང༌། ཁྱད་པར་བླ་མེད་རྡོ་རྗེ་ཐེག་པའི་བསྟན་པ་ཉམས་པ་རྣམས་གསོ་བ་དང་རྒྱུན་ཅུང་ཟད་གནས་པ་རྣམས་ཆེས་ཆེར་སྤེལ་བར་བཞེད་པའི་ལྷག་བསམ་སྙྙིང་སྟོབས་ལྷག་པར་ཆེ་བས་རྒྱ་མཚོ་ཆེན་པོ་ཆུས་མི་ངོམས་པ་ལྟར་བླ་མ་རྡོ་རྗེ་འཆང་གིས་ཇི་ཙམ་བཤད་ཀྱང་ཚིམ་པ་མེད་པར་གོང་འཕེལ་དུ་མཛད། འགར་ཐར་དུ་བཞུགས་རིང་ཐོས་བསམ་སྒོམ་པའི་བྱ་བ་མཐའ་དག་དབྱར་གྱི་མཚོ་དང་ཡར་ངོའི་ཟླ་བ་ལྟར་གོང་འཕེལ་དུ་གྱུར་པ་ཞིག་བྱུང༌། དེ་ལྟར་ལོ་གཉིས་ལྷག་ཙམ་གྱི་རིང་ལ་འགྲེལ་པ་བཞི་སྦྲགས་ནན་ཏན་དུ་བྱས་ནས་ཐུགས་སུ་ཆུད་པར་མཛད། དེ་ནས་དབུས་སུ་འབྱོན་པར་ཆས་པ་ན་གོང་མའི་རྒྱལ་ཁབ་སར་ལྕང་སྐྱ་རིན་པོ་ཆེ་ཡང་ཕེབས་ཏེ་རྒྱལ་བ་མཆོག་དང་རྗེ་འདི་གཉིས་ཀ་ལ་མདོ་སྔགས་ཀྱི་ཆོས་མཐའ་ཡས་པར་གསན་ཞིང་ལྷག་པར་རྗེ་འདི་ལ་འགྲེལ་བ་བཞི་སྦྲགས་དང༌། རིམ་ལྔ་གསལ་སྒྲོན་གྱི་གཟབ་བཤད་དང༌། ཁྲིད་ཆེན་བརྒྱད་སོགས་མདོ་སྔགས་ཀྱི་ཟབ་ཆོས་མཐའ་ཡས་པ་གསན་ཅིང་རྗེ་འདིས་ཀྱང་བུམ་པ་གང་བྱོ་ལྟ་བུར་གནང་བར་མཛད། དེ་ནས་ཕོ་བྲང་ཆེན་པོར་ཕེབས་ནས་ཀྱང་རྒྱལ་བ་མཆོག་ལ་མདོ་སྔགས་ཀྱི་ཟབ་ཆོས་མཐའ་དག་རིམ་གྱིས་འབུལ་བར་མཛད་ཅིང༌། ས་ལུག་༡༧༣༩ལོར་དགའ་ལྡན་གྱི་གསེར་ཁྲིར་ཕེབས་ཏེ་རྗེ་རིན་པོ་ཆེའི་མཛད་སྲོལ་རྣམས་མ་ཉམས་པར་བསྐྱངས། ལོ་བདུན་གྱི་རིང་ལ་གསེར་ཁྲི་སྐྱོང་བར་མཛད། དེ་ནས་ཁྲི་བཞག་སྟེ་ཕོ་བྲང་ཆེན་པོར་བཅར་བཞུགས་ཀྱིས་རྒྱལ་བ་མཆོག་ལ་ཆོས་འབུལ་དགོས་རྣམས་དང་དོན་གཉེར་ཅན་གཞན་མང་པོ་ལའང་ཆོས་སྐལ་རྒྱ་ཆེར་གནང༌། དེ་ནས་དགུང་ལོ་བདུན་ཅུ་ལོན་ནས་སྐུུ་སྨིན་ཚུལ་ཆེ་བར་ཕེབས་པ་ན་གསེར་སྲང་བརྒྱ་ཕྲག་བརྒལ་བ་བཏུས་ཏེ་གངས་རིའི་ལྗོངས་ཀྱི་རྟེན་བྱིན་རླབས་ཅན་རྣམསལ་གསེར་གསོལ་མཛད། མདོར་ན་བདག་ཉིད་ཆེན་པོ་འདིས་དགེ་བའི་བཤེས་གཉེན་ཚུལ་བཞིན་དུ་བསྟེན་ནས་བཀའ་མདོ་རྒྱུད་མཐའ་དག་ལ་མཁས་པར་སྦྱངས་པས་ཡང་དག་པའི་ལམ་ལ་རིགས་པའི་ལམ་ནས་དྲངས་པའི་ངེས་པ་གཏིང་ཚུགས་པ་རསྙེད་ཅིང་གྲུབ་མཐའ་རྒྱ་མཚོ་ལྟ་བུའི་ཕ་རོལ་དུ་ཕྱིན། ངེས་འབྱུང་གི་བསམ་པ་བཅོས་མིན་དུ་འཁྲུངས་པས་ཟག་བཅས་ཀྱི་བདེ་བ་མཐའ་དག་ལ་ཞེན་པ་གཏིང་ནས་ལོག །བདག་པས་གཞན་གཅེས་པའི་བྱང་ཆུབ་ཀྱི་ཐུགས་འབྱོངས་པས་སྒོ་གསུམ་གྱི་མཛད་པ་མཐའ་དག་གཞན་དོན་འབའ་ཞིག་ཏུ་གྱུར། ཕྱི་ནང་གི་རྟེན་འབྲེལ་ཐམས་ཅད་ཆུ་ཟླ་ལྟར་གཟིགས་པས་ཡེ་ཤེས་དང་ཐབས་མཁས་པའི་ཕ་རོལ་ཏུ་ཕྱིན། ལམ་རིམ་པ་གཉིས་ཀྱི་རྣལ་འབྱོར་དང་བདེ་སྟོང་གི་ཏིང་ངེ་འཛིན་ལ་མངའ་བརསྙེས་པ་མཁའ་འགྲོ་དབང་དུ་འདུ་ཞིང་ཆོས་སྐྱོང་སྲུང་མ་བྲན་དུ་འཁོལ། རྒྱལ་བའི་དམ་ཆོས་འཛིན་པའི་སྨོན་ལམ་གྱི་མཐུ་གྲུབ་པས་དུས་ཀྱི་མཐའ་འདིར་ཡང་ཐུབ་བསྟན་སྤྱི་དང༌། ཁྱད་པར་རྒྱལ་བ་བློ་བཟང་གྲགས་པའི་བསྟན་པའི་གནད་མཐའ་དག་ཉིན་མོ་ལྟར་གསལ་བར་མཛད་པ་ཞིག་ཡིན་ལ། སྒྲུབ་པ་ཉམས་ལེན་གྱི་དབང་དུ་བགྱིས་ན་གངས་ཏེ་སེ། ཀམ་པོ་གནས་དང༌། རྟ་སོ་བྲག་དཀར། བཞག་བྲག་གངས་རི། རི་བོ་དགེ་ལྡན། ཕ་བོང་ཁ་ལ་སོགས་པའི་སྒྲུབ་གནས་དུ་མར་སྐུུ་མཚམས་ཡུན་རིང་དུ་མཛད་ཅིང༌། གཞན་ཡང་བྲེལ་བ་ཆེ་སྐབས་མ་གཏོགས་མངའ་རིས་སུ་ཕེབས་པ་ནས་བཟུང་གཞན་དོན་དུ་དགོངས་པ་གཏད་པ་ཚུན་ཆད་ལོ་རེ་བཞིན་མ་ཐ་ཟླ་བ་གསུམ་བཞི་རེ་ཙམ་མ་ཆག་པར་སྐུུ་མཚམས་མཛད་ཅིང་རྒྱུན་པའི་ཐུགས་དམ་གྱི་རིམ་པ་ཡང༌། སྙྙན་རྒྱུད་བླ་མའི་རྣལ་འབྱོར་ལ་བརྟེན་པའི་དབང་བཞི་ལེན་པ་དང༌། བྱང་ཆུབ་བདེ་ལམ་གྱི་སྟེང་ནས་ལམ་རིམ་གྱི་དམིགས་ཁྲོད་སྐྱོང་བ། གསང་འདུས་མི་སྐྱོད་རྡོ་རྗེ། བདེ་མཆོག་དྲིལ་བུ་ལུས་དཀྱིལ། འཇིགས་བྱེད་ལྷ་བཅུ་གསུམ་གྱི་རྣལ་འབྱོར་རྒྱས་པ་རང་རང་གི་རྫོགས་རིམ་གྱི་ཉམས་བཞེས་དང་བཅས་པ། མྱུར་མཛད་མགོན་པོ་ཕྱག་དྲུག་པས་གཙོས་སྲུང་མ་རྣམས་ལ་གཏོར་བསྔོ་རྒྱས་པ་ཆབ་གཏོར་བརྒྱ་རྩ་ལ་སོགས་པའི་ཆོས་སྤྱོད་གཏོར་མའི་རིམ་པ། ཐབས་ཤེས་ཀྱི་ཉམས་ལེན་རྣམས་ཆག་མེད་དུ་མཛད་ཅིང་ཐུན་མཚམས་སུ་ཕྱག་དང་མཎ྄ཌལ་སྔོན་དུ་འགྲོ་བའི་བྱང་ཆུབ་ཀྱི་སེམས་སྦྱོང་བ་ཉིད་ལ་ཐུགས་དམ་གྱི་གཙོ་བོར་མཛད་པ་ཡིན་ཞིང་རྒྱུན་བསྙྙོན་ང་དཀྱིལ་འཁོར་གཙོ་བོའི་རྩ་སྔགས་རྣམས་དང༌། ཁྱད་པར་འཇིགས་བྱེད་ཀྱི་རྩ་སྔགས་ལྔ་བརྒྱ་ཙམ་རེ་ཆག་མེད་དུ་བཟླ་བ་དང༌། རྡོ་རྗེ་བཟླས་པ་དང༌། བུམ་པ་ཅན་གྱི་རླུང་སྦྱོང་ཡང་མང་དུ་མཛད་པར་སྣང་ངོ༌། །ལེགས་པར་བཤད་པས་གདུལ་བྱ་བསྐྱངས་པའི་རིམ་པ་ཡང༌། མངའ་རིས་སུ་ཕེབས་པ་ནས་བཟུང་གཞན་དོན་དུ་དགོངས་པ་གཏད་པ་ཚུན་ཆད་ལོ་རེ་གཉིས་ཙམ་མ་གཏོགས་ཕལ་ཆེར་ལམ་རིམ་གྱི་ཁྲིད་རྒྱས་བསྡུས་གང་ཡང་རུང་བ་རེ་མ་ཆག་པར་མཛད་ཅིང་ལམ་རིམ་ཆེན་མོའི་བཤད་ལུང་ཡང་བཅུ་ཕྲག་བརྒལ་བ་དང༌། འགྲེལ་པ་བཞི་སྦྲགས་ཀྱི་སྟེང་ནས་འདུས་པའི་རྒྱུད་ཀྱི་བཤད་པ་ཚར་ཉི་ཤུ་ལྷག་དང༌། རིམ་ལྔ་གསལ་སྒྲོན་བདེ་མཆོག་སྦས་དོན་ཀུན་གསལ་ལ་སོགས་པ་གཞུང་ཆེན་མོ་དུ་མའི་བཤད་པ་དང༌། དབང་ཁྲིད་ལུང་རྗེས་གནང་མཐའ་ཡས་པའི་སྒོ་ནས་བསྟན་པ་ལ་བྱ་བ་རྒྱ་ཆེར་མཛད་ཅིང༌། ལྷག་པར་རྒྱལ་བ་མཆོག་ལ་ལོ་ཉི་ཤུ་རྩ་བཞིའི་བར་དུ་ཡོངས་འཛིན་མཛད་དེ་ཆོས་བཀའ་ཐམས་ཅད་བུམ་པ་གང་བྱོའི་ཚུལ་དུ་ཕུལ། རྒྱལ་བ་མཆོག་ནས་ཀྱང་ཡོངས་འཛིན་རྣམས་ཀྱི་ནང་ནས་རྗེ་འདི་པ་བཀའ་དྲིན་ཟླ་མེད་དུ་འཛིན་པར་མཛད་དོ། དགུང་ལོ་དོན་ལྔ་པ་ལྕགས་ལུག༡༧༥༡ལོར་གསེར་ཁྲི་ལས་ཟུར་ནས་ར་སྒྲེང་དུ་ཕེབས་པའི་སྔ་ཞོགས་ནམ་སེང་ཙམ་ལ་གོང་ས་སྐྱབས་མགོན་ཆེན་པོ་ཚུར་གཟིམ་ཤག་ཏུ་ཕེབས་ཡབ་སྲས་གཉིས་གསུང་གླེང་ཤིན་ཏུ་མང་བ་དང་ཕན་ཚུན་འབྲལ་མི་ཕོད་པའི་ཚུལ་གྱིས་སྤྱན་ཆབ་མང་དུ་བསིལ་ནས་བྱིན་རླབས་ཞུ་རེས་མཛད་དེ་རྗེ་རང་གི་འབྲལ་སྤང་ལྟ་བུའི་ཐུགས་དམ་རྟེན་རྗེ་བཙུན་མཁའ་སྤྱོད་མའི་སྐུུ་བྱིན་རླབས་ཅན་ཞིག་གོང་ས་རིན་པོ་ཆེར་ཕུལ་ཏེ། མགོན་པོ་ཁྱེད་ཞབས་པད་བརྟན་པ་དང༌། འཕྲིན་ལས་ད་ལྟའི་མུ་བཞིན་རྒྱས་པ། བདག་སྐྱེ་བ་ཐམས་ཅད་དུ་འབྲལ་མེད་རྗེས་སུ་གཟུང་དུ་གསོལ། བན་རྒན་གྱི་སྨོན་ལམ་འདེབས་རྒྱུ་དེ་ཡིན་ཐུགས་རྗེས་ཟུངས་ཞེས་ཞུས་ཤིང་རྒྱལ་བ་མཆོག་ནས་ཀྱང་ཞལ་བཞེས་བཟང་པོ་གནང༌། སྐུུ་ཧར་གྱི་བཞེངས་ཏེ་གཟིམ་ཆུང་མདོ་བར་དུ་ཕེབས་སྐྱེལ་མཛད་སྐབས་གོང་ས་མཆོག་གི་དབུ་རྗེ་འདི་པའི་ཐུགས་ཀའི་ཐད་དུ་གཏད་ནས་ཐུཌ་སྨོན་ཡུན་རིང་གནང་ཞིང་སྤྱན་ཆབ་བསིལ། །ཕོ་བྲང་ཆེན་པོའི་རྒྱལ་སྒོའི་ཉེ་འགྲམ་ནས་ཕེབས་བྱམས་ལ་གདན་དྲངས། གསོལ་དཔོན་ཆེན་མོ་གྲགས་པ་མཐའ་ཡས་སོགས་རྩེ་དྲུང་ནང་མ་རྣམས་ལ་བསླབ་བྱ་ཞལ་གདམས་མང་དུ་གནང༌། དེ་ནས་རིམ་གྱིས་རྭ་སྒྲེང་དུ་ཕེབས་ཏེ་ལོ་དེའི་༡༧༥༡་ཟླ་བ་བརྒྱད་པའི་ཚེས་བདུན་གྱི་ཉིན་ཁྲི་མཐོན་པོ་ཞིག་བཤམ་བཅུག་ནས་དེར་བཞུགས་པ་མཛད། གོང་ས་མཆོག་ནས་ཆེད་དུ་སྒྲུབ་གནང་གི་བུམ་ཆུ་དང་འཕེལ་གདུང་སོགས་གནང་བ་ཚེས་བརྒྱད་ཀྱི་སྔ་དྲོ་འབྱོར་པས་པོ་ཏ་ལ་ངོས་སུ་ཕྱག་ཐལ་མོ་སྦྱར་ནས་བཞེས་པ་གནང༌། དྲོ་གོང་སྐབས་ཆར་ཟིམ་བུ་ཞིག་འབབ་བཞིན་པ་ལ་ཞབས་རྡོ་རྗེ་སྐྱིལ་ཀྲུང༌། ཕྱག་གཉིས་མཉམ་གཞག་དང་སྐུུ་དྲང་པོར་བསྲངས་ཏེ་སྟོང་པ་གསུམ་རིམ་གྱིས་ཐིམ་པའི་ཐམས་ཅད་སྟོང་པ་འོད་གསལ་ཆོས་ཀྱི་སྐུུ་མངོན་དུ་མཛད། གཟུགས་སྐུུ་རགས་པའི་ཟ་མ་ཏོག་ནས་ཡེ་ཤེས་ཀྱི་སྐུུ་ཁ་སྦྱོརབདུན་ལྡན་གྱི་རྣམ་པ་ཅན་དུ་བཞེངས་པ། ཞིང་དག་པ་རབ་འབྱམས་ཀྱི་དཔའ་བོ་དང་མཁའ་འགྲོའི་ཚོགས་བྱེ་བ་འབུམ་གྱིས་རྨད་དུ་བྱུང་བའི་ལྷ་རྫས་ཀྱི་མཆོད་པའི་སྤྲིན་ཕུང་བསམ་གྱིས་མི་ཁྱབ་པ་དང་བཅས་པས་བསུས་ཏེ་དགའ་ལྡན་མི་ཕམ་ཆོས་ཀྱི་བླ་མའི་མདུན་ས་ཆེན་པོར་གཤེགས་པར་གྱུར་ཏོ། གསུང་རྩོམ་ཡང༌། མགོན་པོ་ཕྱག་དྲུག་པའི་བསྙྙེན་ཡིག་འཕྲིན་ལས་བཞི་ཡི་བང་མཛོད་དང༌། དམིགས་བརྩེ་མའི་ལས་ཚོགས་ཆར་འབེབ་སོགས་བཞུགས། དེའི་སྐུུ་ཕྲེང་གཉིས་པ་ཁྲི་ཆེན་བསྟན་པ་རབ་རྒྱས། ལི་ཐང་དུ་རབ་བྱུང་བཅུ་གསུམ་པའི་ས་ཡོས་༡༧༥༩ལོར་སྐུུ་འཁྲུངས་ཏེ་དགུང་ལོ་ང་བདུན་པ་རབ་བྱུང་བཅུ་བཞི་པའི་ཤིང་ཕག་༡༨༡༥ལོར་སྐུུ་གཤེགས། སྐུུ་ཕྲེང་གསུམ་པ་ངག་དབང་ཡེ་ཤེས་ཚུལ་ཁྲིམས་རྒྱལ་མཚན་རབ་བྱུང་བཅུ་བཞི་པའི་མེ་གླང་༡༨༡༧ལོར་འཁྲུངས་ཏེ་རབ་བྱུང་བཅུ་བཞི་པའི་ཆུ་ཕག་༡༨༦༣ལོར་སྐུུ་གཤེགས། སྐུུ་ཕྲེང་བཞི་པ་ངག་དབང་ཡེ་ཤེས་རབ་བྱུང་བཅུ་བཞི་ཤིང་བྱི་༡༨༦༤ལོར་འཁྲུངས་ཏེ་རབ་བྱུང་བཅོ་ལྔ་པའི་ལྕགས་ཕག་༡༩༡༡ལོར་སྐུུ་གཤེགས། སྐུུ་ཕྲེང་ལྔ་པ་ཐུབ་བསྟན་འཇམ་དཔལ་ཡེ་ཤེས་བསྟན་པའི་རྒྱལ་མཚན་རབ་བྱུང་བཅོ་ལྔ་པའི་ཆུ་བྱི་༡༩༡༢ལོར་སྐུུ་འཁྲུངས། དགུང་ལོ་སོ་དྲུག་པ་རབ་བྱུང་བཅུ་དྲུག་པའི་མེ་ཕག་༡༩༤༧ལོར་སྲིད་སྐྱོང་སྟག་བྲག་རིན་པོ་ཆེའི་གཞུང་ཞབས་འཇོན་ཐང་ཅན་ཁག་གཅིག་གིས་བཙོན་འཇུག་ལྐོག་བསྐྲོངས་བྱས། སྐུུ་ཕྲེང་དྲུག་པ་བསྟན་འཛིན་འཇིགས་མེད་མཐུ་སྟོབས་དབང་ཕྱུག་རབ་བྱུང་བཅུ་དྲུག་པའི་ས་བྱི་༡༩༤༨ལོར་སྐུུ་འཁྲུངས་ཏེ་རབ་བྱུང་བཅུ་བདུན་པ་མེ་གླང་༡༩༩༧ལོར་སྐུུ་གཤེགས། སྐུུ་ཕྲེང་བདུན་པ་བློ་གྲོས་རྒྱ་མཚོ་འཕྲིན་ལས་ལྷུན་གྲུབ་མཆོག་ནི་ད་ལྟར་འཚོ་ཞིང་བཞུགས་པ་འདི་བཞིན་ལགས་སོ།

དགའ་ལྡན་ཁྲི་ཐོག་ང་ལྔ་པ། ཟམ་ཚ་ངག་དབང་ནམ་མཁའ་བཟང་པོ་ནི། ཨ་མདོ་ཟམ་ཚ་མཛོད་ཚང་གི་གྲས་ལྡན་ཐང་གྲོང་འཕགས་པ་ཚང་ཟམ་ཚ་ངོ་རང་ཟེར་བའི་རྒྱུད་ལས་ཡབ་དཀོན་མཆོག་སྐྱབས་དང༌། ཡུམ་ཀླུ་མོ་སྐྱིད་གཉིས་ཀྱི་སྲས་སུ་རབ་བྱུང་བཅུ་གཉིས་པ་ལྕགས་རྟ་༡༦༩༠ལོར་འཁྲུངས། རབ་བྱུང་བཅུ་གཅིག་པའི་ཤིང་གླང་ཕྱི་ལོ་༡༦༨༥ཟེར་བའང་སྣང༌། ལོ་ན་གཞོན་དུས་ནས་སྒོ་གསུམ་བག་ཡངས་སུ་མི་གཏོང་ཞིང་སྐྱེ་བོ་གཞན་ལས་ཁྱད་དུ་འཕགས་པ་ཞིག་ཡིན་ལ། མི་རིང་བར་ཟམ་ཚ་རི་མོ་ཆེའི་ཕར་ངོས་ཀྱི་དེའུར་དབེན་གནས་རི་ཁྲོད་པ་བྱ་བ་འཕགས་དགེ་བླ་མར་གྲགས་པ་ལུང་རྟོགས་ལ་མངའ་བརསྙེས་པ་ཞིག་མཆིས་པ་དེ་ཉིད་ཀྱི་མདུན་སར་ཕེབས་ཏེ་ཡུན་རིང་བླ་མར་བསྟེན། འདུལ་བའི་མཛོད་འཛིན་ཉང་ཚང་ཆེན་པོ་ལས་དགེ་བསྙྙེན། རབ་བྱུང༌། དགེ་ཚུལ་གྱི་བསླབ་ཁྲིམས་རྣམས་དུ༷ས་གཅིག་ཏུ་ལེགས་པར་མནོས། བསླབ་བྱའི་སྤང་བླང་ཚུལ་བཞིན་མཛད་ནས་ཀློག་པ་ཐོས་བསམ་ལ་བརྩོན་པ་ཆེན་པོས་ཡོན་ཏན་ཀུན་གྱི་ཕྱི་མོ་ཡི་གེ་འབྲི་ཀློག་ནས་བཟུང་སངས་རྒྱས་བྱང་སེམས་ཀྱི་བསྟོད་སྨོན། ཡི་དམ་ལྷག་པའི་ལྷ་མང་པོའི་སྒྲུབ་ཐབས་ཆེ་ཆུང་སོགས་ལ་འཛིན་སྦྱོང་ཀློག་གསུམ་གྱིས་དུས་འདའ་བར་མཛད། དགུང་ལོ་བཅོ་ལྔ་པར་དབུས་གཙང་དུ་སློབ་གཉེར་ཕེབས་པའི་ཐུགས་འཁྲུན་བཅད། དེ་ནས་འཕགས་དགེ་བླ་མའི་སྤྱན་སྔར་ཞུས་པས་བླ་མ་ཐུགས་མཉེས་ཏེ་ཞལ་ནས་བདེ་ལེགས་ཐམས་ཅད་ཀྱི་རྩ་བ་བླ་མ་ཡིན་པས་སྙྙིང་ནས་གསོལ་བ་ཐོབ། དགའ་ལྡན་གསེར་ཁྲི་མ་ཐོབ་པར་ཕྱིར་མ་ཡོང༌། ཉིན་རེ་བཞིན་དམིགས་བརྩེ་མ་སྟོང་ཕྲག་རེ་དང༌། ཆོས་རྒྱལ་ནང་སྒྲུབ་ཀྱི་བསྟོད་པ་ཚར་རེ་མ་ཆག་པ་གྱིས་ཞེས་གསུངས་ནས་ཕྱག་འཁར་ཞིག་རྗེ་འདི་ཉིད་ཀྱི་ཕྱག་ཏུ་གཏད་དེ། གཙུག་ལག་ཁང་རྣམས་ཀློག་པ་དང་ཞེས་སོགས་གསུངས་ཀྱིས་ཐུགས་སྨོན་རྣམ་པར་དག་པ་མཛད། ཕྱག་འཁར་དེ་བསྣམས་ནས་དུས་ཕྱིས་དགའ་ལྡན་གསེར་ཁྲིར་ཕེབས་པ་ཁྲི་ཆེན་རྒྱལ་མཚན་སེངྒེ་དང་ལྷན་ཅིག་ཏུ་ལྷ་ལྡན་དག་པའི་ཞིང་ཁམས་སུ་ཞབས་ཀྱིས་བཅགས། ཐོག་མར་དགའ་ལྡན་དང་སེ་རར་ཕེབས་ནས་ཆོས་གྲྭར་ཞུགས་རྩིས་མཛད་མོད་ཀྱང་དེ་གཉིས་ནས་སྣེ་ལེན་མ་བགྱིས་སྟབས་སླར་ལྷ་སར་བཞུད་ནས་ཇོ་ཤཱཀ་རྣམ་གཉིས་དང༌། པོ་ཏ་ལ། གསེར་གདུང་རིན་པོ་ཆེ་སོགས་སུ་ཐུགས་སྨོན་རྣམ་དག་མཛད་ཅིང༌། དཔལ་ལྡན་འབྲས་སྤུངས་བཀྲ་ཤིས་སྒོ་མང་གི་ཁང་ཚན་གཞུང་པར་ཕེབས་ཏེ། རྗེ་བཙུན་འཇམ་དབྱངས་བཞད་པ་དབལ་ཤུལ་ངག་དབང་བརྩོན་འགྲུས་དང༌། མཁས་དབང་དཔལ་ལྡན་གྲགས་པ་སོགས་སློབ་དཔོན་མང་དུ་བསྟེན་ནས་ཐོག་མར་རིགས་པའི་སྒོ་འབྱེད་བསྡུས་ཚན་ཆེ་ཆུང་ནས་བརྩམས་ཕར་ཕྱིན་ཟུར་བཀོལ། དབུ་མ་འདུལ་མཛོད་རྣམ་འགྲེལ་ལ་སོགས་པ་གྲྭ་ཚང་རང་གི་ཡིག་ཆ་གསར་རསྙིང་རྣམས་གཞི་མར་བཟུང་སྟེ། རྗེ་ཡབ་སྲས་རྣམས་ཀྱི་གསུང་རྣམ་བཤད་གསེར་ཕྲེང༌། དགོངས་པ་རབ་གསལ། སྟོང་ཐུན་ཆེན་མོ། རྣམ་བཤད་ཐར་ལམ་གསལ་བྱེད། མཚོ་ཊཱིཀ། མཆིམས་མཛོད་སོགས་ཐད་ཀའི་བརྩི་བཞག། སྤྱི་མཐའ་དཔྱོད་རྩ་ཊིཀ་སོགས་ཀྱི་འཛིན་སྐྱོར་རྩོད་གསུམ་ལ་རྩེ་གཅིག་ཏུ་ཐུགས་གཞོལ་བས་སྤྱི་ཁང་ཕྱི་ནང་དང་འཛིན་གྲྭ་ཡས་མས་ཐམས་ཅད་ཀྱི་མིག་རྒྱན་དུ་གྱུར། སྐུུ་ཚེ་དེ་ལ་ཨ་ར་པ་ཙ་དང༌། ཡ་མ་རཱ་ཛ། གསང་སྙྙིང་བཛྲ་ཌྷིཀ་བཅས་དུང་ཕྱུར། ཡིག་བརྒྱ་ས་ཡ་བཞི། རྟེན་འབྲེལ་བསྟོད་པ་འབུམ་ཐེར། འཇམ་དཔལ་མཚན་བརྗོད་ཁྲི་ཚར། གཞན་ཡང༌། ཀླུ་དབང་རྒྱལ་པོ། མགོན་པོའི་སྙྙིང་པོ་དང་ལྷ་མོའི་ཁ༩ཎཿབདུན་མ་སོགས་གྲངས་མང་བསགས་ནས་སྒྲུབ་པ་སྙྙིང་པོར་གཞོལ། ཆོས་གྲྭ་དེ་གར་བསླབ་གཞི་ལ་བརྩོན་གཉེར་མཛད་པའི་དུས་ཀྱི་རིང་འཕྲལ་གྱི་ཕན་པ་ཙམ་ཡལ་བར་བོར་ནས་ཕུགས་ཀྱི་ཐུགས་འདུན་ཁོ་ནས་ཉིན་མཚན་དུས་དྲུག་འདའ་བར་མཛད་པས་ཐ་ན་གནས་སྐབས་སུ་ཟས་གོས་ཀྱི་གཡེང་བའང་ཡེ་མ་མཛད་པར་འགྱེད་དངུལ་ཊམ་རེ་ཙམ་བྱུང་ན་ཡང་དེ་འཕྲལ་མར་རྩམ་གཟིགས་ནས། མཆོད་མེ་དང་ཞལ་ཟས་བཞེངས་ནས་འབུལ་བ་དང༌། རང་ལ་གང་ཡོད་ཆོས་འབྲེལ་གང་མཆིས་ཀྱི་བླ་མ་རྣམས་ཀྱི་ཞབས་བརྟནདང༌། ཞིང་གཤེགས་དག་གི་དགོངས་རྫོགས་སོགས་སུ་འགྲོ་བར་མཛད། ནམ་རྒྱུན་རྗེ་ཉིད་ཀྱིས་གྲྭ་ཇ། མང་ཇ། ཚོམས་ཇ་ཙམ་ལས་གཟིམས་ཤག་ནས་ཇ་བསྐོལ་པ་སོགས་ཀྱི་རྩོལ་བ་ནི་རྣམ་པ་ཀུན་ནས་མེད་པར་ཆུ་རྐྱང་ཙམ་ལ་བརྟེན་ཏེ་འཚོ་བ་རོལ་བར་མཛད། ཚོགས་ལ་ཕེབས་སྐབས་ཀྱང་ཕལ་ཆེ་གསོལ་ཞིབ་རིགས་བསྣམ་རྒྱུ་མེད་པའི་དབང་གིས་གྲལ་མཚེས་པ་རྒྱུས་ཡོད་དག་སྣང་ཅན་མང་པོས་གསོལ་ཞིབ་ཕུལ་བ་ལན་རེ་ཙམ་བྱུང་ན་དེ་ནས་བཟུང་གྲལ་གཞན་དུ་སྤོས་ནས་གསོལ་ཞིབ་འབུལ་མི་དེ་དང་གྲལ་མཚེས་མི་བགྱིད་པ་སོགས་ངོ་མཚར་ཤིན་ཏུ་ཆེ་བ་ཞིག་དེ་དུས་རང་ནས་ཡོད་པར་གསུངས་ཤིང༌། རྗེ་འདི་ཉིད་ཀྱི་དངོས་ཆས་ཤིན་ཏུ་བཀྲེན་པར་འདུག་མོད་ཀྱང་ཁང་ཚན་གྱི་དགེ་རྒན་ལ་བཞེངས་ནས་ཆོས་སྡེ་ཆེན་པོ་དཔལ་ལྡན་འབྲས་སྤུངས་བཀྲ་ཤིས་སྒོ་མང་གཞུང་པ་ཁང་ཚན་གྱིས་གཙོས་གདན་ས་ཐམས་ཅད་ལ་གྲྭ་རྒྱན་སོགས་རྒྱས་ཤིང་བཤད་སྒྲུབ་འཁོར་ལོ་གསུམ་གྱི་མཛད་བཟང་གོང་འཕེལ་དུ་འགྱུར་པར་དམིགས་ཏེ། རྗེ་རྒྱལ་བ་གཉིས་པའི་སྐུུ་བརྙན་མི་ཚད་མ་མཇལ་བ་ཙམ་གྱིས་སྲིད་ཞིའི་རྒུད་པ་ལས་གྲོལ་བར་ནུས་པ་ཞིག་ཕྱག་བཟོ་མཛད་དེ་རིང་བསྲེལ་རྣམ་བཞི་སོགས་ཀྱིས་ཕྱུག་པར་མཛད་ཅིང༌། རབ་གནས་སོགས་ཀྱི་མཛད་སྒོ་འཐུས་ཚང་བ་རྗེ་རང་ཉིད་ཀྱིས་གནང༌། རྒྱུན་པར་མཁས་དབང་ཆེན་པོ་ཏཱ་དབོན་དཔལ་ལྡན་གྲགས་པའི་ཞབས་ཀྱི་པདྨོ་གཙུག་གི་རྒྱན་དུ་བསྟེན་ནས་དཔེ་ཁྲིད་དབང་ལུང་ཁྲིད་མན་ངག་མཐའ་ཡས་པ་གསན་ཅིང༌། གཞན་ཡང༌། ཐང་སག་པ་དངོས་གྲུབ་རྒྱ་མཚོའི་ཐུགས་སྲས་རྗེ་ཆོས་རྒྱ་མཚོ། སྤྲུལ་བའི་སྐུུ་བློ་བཟང་བསྟན་པ། རྗེ་འཇམ་དབྱངས་བཞད་པའི་རྡོ་རྗེའི་ཐུགས་སྲས་མཁན་ཆེན་ངག་དབང་བློ་བཟང༌། བླ་མ་འཇམ་དབྱངས་སོགས་དགེ་བའི་བཤེས་གཉེན་མང་པོའི་སྤྱན་སྔར་གཏུགས་ཏེ་སྙྙན་བརྒྱུད་ཀྱི་མན་ངག་ཐམས་ཅད་ཕས་བུ་ལ་སློབ་པ་ལྟར་གསན་ཅིང་བརྗེད་བྱང་མཛད་ནས་ཐུགས་ཀྱི་ཉམས་ལེན་དུ་བསྟར། སུམ་བླྷ་མཁན་པོ་ཡེ་ཤེས་དཔལ་འབྱོར་རྩ་བའི་ཡོངས་འཛིན་མཛད། དེ་ནས་དགུང་ལོ་སོ་བདུན་པ་མེ་རྟ་༡༧༢༦ལོར་ལྷ་སའི་སྨོན་ལམ་རབ་འབྱམས་པའི་མཚན་བཏགས་ཐོབ། སྐབས་དེར་གྲུབ་རྟགས་ངོ་མཚར་ཅན་མང་པོ་བསྟན་ནས་སྐྱེ་འགྲོ་ཐམས་ཅད་དད་པའི་ས་ལ་བཀོད། དེ་ནས་ྋཐམས་ཅད་མཁྱེན་པ་ཀུན་གཟིགས་པཎ་ཆེན་རིན་པོ་ཆེ་བློ་བཟང་ཡེ་ཤེས་ཀྱི་ཞབས་དྲུང་དུ་བསྙྙེན་པར་རྫོགས་ཏེ་ལུང་རྟོགས་ཀྱི་ཟབ་དོན་བགྲང་ལས་འདས་པ་གསན། དེའི་ཚེ་ཀུན་གཟིགས་པཎ་ཆེན་རིན་པོ་ཆེ་ནས་ཁྱེད་ཆོས་གོས་རྣམ་གསུམ་གྱོན་བཞིན་པ་དང་བཅས་རྒྱལ་བ་མི་ཕམ་པའི་སྤྱན་སྔར་ཕེབས་རྒྱུ་ཡིན་ནམ་གསུངས་པ་ན། བདག་གིས་ཀྱང་དེ་ཁོ་ན་ལྟར་སྨོན་པས་སྨོན་པ་ཇི་བཞིན་འགྲུབ་པའི་སྐྱབས་འཇུག་བརྩེ་གཟིགས་མཁྱེན་མཁྱེན་ཞུས། ཀུན་གཟིགས་མཆོག་ནས་ཀྱང་དགྱེས་དགྱེས་མཛད་བཞིན་དུ་ཞལ་བཞེས་གནང་སྟེ་མ་འོངས་འབྱུང་འགྱུར་གྱི་ལུང་བསྟན་ཀྱང་མང་ཙམ་གསུང་བར་བཤད། དེ་ནས། དཔལ་ལྡན་རྒྱུད་སྟོད་གྲྭ་ཚང་དུ་ཕེབས་ནས་སྔགས་ལ་སྦྱངས་པར་མཁན་ཆེན་རྡོ་རྗེའཆང་ལས་བརྩི་བཞག འགྲེལ་བ། བསྐྱེད་རྫོགས། གར་ཐིག་དབྱངས་གསུམ་ཐམས་ཅད་ལ་སྦྱོང་མཐར་སླེབས་ཤིང་དབང་འབྱོར། དབྱངས་ཅན་མ་དམར་མོའི་བསྙྙེན་སྒྲུབ་ཟླ་དྲུག་ཙམ་ལ་མཛད་པས། འཆད་པ་དང་རྩོད་པ་དང་རྩོམ་པའི་མཁྱེན་རབ་ཀྱི་ཀློང་འབད་མེད་དུ་བརྡོལ་བས་གསང་ཆེན་རྒྱུད་སྡེ་རྒྱ་མཚོའི་ཕ་རོལ་ཏུ་སོན་པ་ན། ཚེ་འདི་སྣང་གི་བྱ་བ་མ་ལུས་པར་རྒྱབ་གྱིས་ཕྱོགས་ཏེ་སྒྲུབ་པ་སྙྙིང་པོར་མཛད་ཕྱིར་རི་བོ་དགེ་འཕེལ་དུ་ཕེབས། གནས་དེར་རྗེ་དོན་ཡོད་མཁས་གྲུབ་ཀྱི་མདུན་སར་རྒྱུད་སྟོད་བླ་མ་དབུ་མཛད་སོགས་ཕེབས་ནས་དགེ་བཤེས་གང་ཡོད་འཚོགས་ཤིང་མདོ་སྔགས་གཉིས་ཀའི་བགྲོ་གླེང་མཛད་པར་ཀུན་གྱི་ཐུགས་རབ་ཏུ་འཕྲོག་སྟེ་རྗེས་སོར་རྒྱུད་སྟོད་མཁན་ཁྲིར་མངའ་གསོལ། དེ་ནས་མཁན་ཁྲི་ནས་ཤར་རྩེ་སོགས་ རིམ་པར་ཞབས་ཀྱིས་བཅགས། རྗེ་འདི་ཉིད་ཀྱིས་མཁན་ཁྲི་སྐྱོང་བའི་རིང་འཇིག་རྟེན་ཆོས་བརྒྱད་ཀྱི་དབང་དུ་སོང་བའི་སྒྲོབ་སྒྲོབ་ཀྱི་བྱ་བ་དག་ལ་ནམ་ཡང་མི་དགྱེས་པར་བླ་སློབ་ཚང་མ་འཆད་ཉན་འབའ་ཞིག་གི་གནས་སུ་བཀོད། མཁན་ཁྲི་མཐར་འཁྱོལ་བའི་དུས་སུའང་སྐུུ་ཆས་གང་ཡོད་ཐམས་ཅད་རྒྱུད་པ་གྲྭ་ཚང་གི་ཡིན་པ་མ་གཏོགས་ངེད་ལ་ནི་ཁབ་སྐུུད་ཙམ་ཡང་དགོས་པ་མེད་གསུངས་ནས་ཡོ་ཆས་ཐམས་ཅད་མཁན་པོ་གསར་པ་ལ་རྩིས་འབུལ་ཞུས། དེ་ནས་འབྲས་དགེ་འཕེལ་རི་ཁྲོད་དུ་ལོ་ཤས་བཞུགས་པའི་བར་ཐུགས་དམ་ཆུ་བོའི་རྒྱུན་བཞིན་བསྐྱངས། །སྐྱབས་མགོན་ནོ་མིན་ཧན་ཆེན་པོ་ཁྲི་ཆེན་ངག་དབང་མཆོག་ལྡན་དེ་དུས་གྲྭ་རྐྱང་རང་ག་པའི་རྣམ་པ་ཅན་དུ་ཡོད་པར་རྗེ་འདི་པས་བདག་ཕ་ཡུལ་དུ་འགྲོ་རྩིས་ལ་ལོ་ཅི་ཙམ་དུ་ཕྱིན་ན་འགབ་ཚུལ་ཞུས་པར་ཁྱོད་རང་འབྲུག་ལོའི་བར་སྔར་མུས་བཞིན་རྒྱུད་གྲྭ་རང་དུ་སྡོད་དང༌། དེ་ནས་འགྲོ་འདུག་གི་དབྱེ་བ་དོད་ཡོང་ཞེས་བཀའ་གནང་བ་བཞིན་ལོ་དེར་ཁོང་བླ་མ་དབུ་མཛད་ཀྱི་ཁྲིར་བཞུགས་དགོས་བྱུང༌། བློ་གསལ་དོན་གཉེར་ཅན་རྣམས་ལ་ཆོས་ཀྱི་འཁོར་ལོ་ཚད་མེད་དུ་བསྐོར། ཁྱད་པར་དུ་སྐབས་དེར་རྗེ་ཉིད་ཀྱི་ཐུགས་ཀྱི་སྲས་མཆོག་ཡོངས་འཛིན་ཡེ་ཤེས་རྒྱལ་མཚན་དེ་ཉིད་ཕུར་བུ་ལྕོག་ཏུ་བྱམས་མགོན་བླ་མ་རིན་པོ་ཆེའི་ཞབས་པད་བསྟེན་ནས་མཆིས་པའི་ཉིན་གཅིག་བླ་མའི་ཞལ་ནས་ཁྱོད་རང་འབྲས་སྤུངས་དགེ་འཕེལ་དུ་ཆོས་རྗེ་ནམ་མཁའ་ཞེས་དཔལ་འཁོར་ལོ་སྡོམ་པ་ངུར་སྨྲིག་གི་རྣམ་པར་རོལ་པ་ཞིག་བཞུགས་འདུག་པ་གང་གི་དྲུང་དུ་བྱོན་ན། དེ་ལ་གྲུབ་ཆེན་ལཱུ་ཨི་པའི་ལུགས་ཀྱི་འཁོར་ལོ་སྡོམ་པ་ལྷ་དྲུག་ཅུ་རྩ་གཉིས་ཀྱི་དབང་ཆེན་དང་མན་ངག་རྣམས་མངའ་བས་དེ་དག་མནོས་ན་ལེགས་ཞེས་གསུངས་པ་ལྟར་རྗེ་ཉིད་ཀྱི་སྤྱན་སྔར་ཕེབས་ཏེ་བླ་མར་བསྟེན། བདག་ཉིད་ཆེན་པོ་གང་གིས་ཀྱང་བཀའ་སློབ་མང་པོ་གནང་ཞིང་ཡི་དམ་ཐུན་མོང་མ་ཡིན་པའི་དབང་ལུང་མན་ངག་སོགས་བསམ་གྱིས་མི་ཁྱབ་པ་བསྩལ། དེ་ནས་ཡོངས་འཛིན་རིན་པོ་ཆེ་བསྟན་འགྲོའི་དཔལ་དུ་ས་མཐའི་རི་ཁྲོད་དུ་ཞབས་ཀྱིས་བཅགས་པའི་ཐུགས་བཞེད་སྨིན་པ་ན། རྗེ་ཉིད་ལ་མུ་མཐུད་དུ་རྗེས་སུ་འཛིན་དགོས་པ་སོགས་སྐྱབས་འཇུག་མང་པོ་ཞུ། ཕྱི་ཕྱག་འཚལ་གྲབས་མཛད་པར་རྗེ་ཉིད་ནས་ཐུགས་འཁྲེང་བའི་རྣམ་པས་སླད་ཆར་རང་རེ་སླར་ཡང་འཕྲད་པའི་རྟེན་འབྲེལ་གྱི་ཆེད་འགྲོ་ཁར་ཕྱག་མ་འཚལ་ཅིག །ཁོ་བོ་དགའ་ལྡན་གསེར་ཁྲིར་འཁོད་པའི་ཚོད་ལ་འཕྲད་དུ་ཤོག །ཅེས་གསུངས། ཡོངས་འཛིན་རིན་པོ་ཆེས་ཀྱང་རང་གི་བླ་མས་ཅི་གསུང་ཐུགས་ཀྱི་མཐིལ་དུ་བཅངས་ནས་ཕེབས་པ་བྱུང༌། ཁྲི་ཆེན་འདི་ཉིད་ཀྱིས་ཁྱུང་ཁྲའི་རྗེས་གནང་ལན་རེ་གནང་ན་ཉེ་འཁོར་གྱི་ཐར་ནུ་སོགས་དུག་རིགས་རྣམས་ཉིན་ཤས་ནས་སྐམ་འགྲོ་བར་བཤད། མགོན་ཆོས་ཀྱི་རྗེས་གནང་གི་དུས་ནང་ཐམས་ཅད་ཤ་ཆེན་གྱི་དྲིས་ཁྱབ། གང་གནང་གཞན་དང་མི་འདྲ་བའི་ཞིབ་ཆ་དང་བྱིན་རླབས་ཆེ་བར་གྲགས། ཐུགས་སྲས་དམ་པ་བྲག་རྒྱབ་སྔགས་རམས་པ་བློ་བཟང་ཆོས་འཕེལ། མཁས་གྲུབ་ཆེན་པོ་དགེ་འདུན་བདེ་ཆེན་སོགས་ནམ་མཁའི་སྐར་ཚོགས་ལྟ་བུའི་བསྟན་འཛིན་གྱི་སྐྱེས་བུ་དམ་པ་མང་པོ་བྱོན་པ་ཐམས་ཅད་ཀྱང་མདོ་སྔགས་ཀྱི་ཆོས་སྐོར་མཐའ་ཡས་པས་སྨིན་གྲོལ་གྱི་ལམ་ལ་འགོད་པར་མཛད། རྗེ་བཙུན་འཇམ་དཔལ་དབྱངས་ཀྱི་ཐང་ཀ་ཕྱག་བྲིས་མ་ཡ་མཚན་པ་ཞིག་གསར་དུ་བཞེངས་པ་དེ་ཉིད་བླ་མ་ཉིད་ཀྱིས་ཕྱག་ནས་བསྩལ་ཅིང་དགའ་ལྡན་སོག་པ་ཁང་ཚན་གྱི་རྟེན་གཙོར་བཞུགས། རྟེན་བྱིན་རླབས་ཅན་འདི་ཉིད་ཁང་ཚན་དུ་སྤྱན་དྲངས་པ་ནས་བཟུང་ཁང་ཚན་གྱི་གྲྭ་རྒྱུན་དང་གྲྭ་ཚོགས་སྔར་ལས་ཕོན་ཆེར་འཕེལ་ཞིང་འཆད་ཉན་གྱི་འཕྲིན་ལས་ཀྱང་ཡར་ངོའི་ཟླ་བ་བཞིན་གོང་ནས་གོང་དུ་འཕེལ་བ་མངོན་སུམ་དུ་གྲུབ་པར་བཤད། དགུང་ལོ་ང་དྲུག་པ་རབ་བྱུང་བཅུ་གཉིས་པའི་མེ་སྟག་༡༧༤༦ལོར་དགའ་ལྡན་གྱི་ཁྲི་རིན་པོ་ཆེར་ཞབས་ཟུང་འཁོད་དགོས་ཀྱི་བཀའ་རྒྱ་འབྱོར་བ་ལྟར་དགའ་ལྡན་གསེར་ཁྲིར་བཞུགས། སྲིད་སྐྱོང་མི་དབང་ཕོ་ལྷ་བ་བསོད་ནམས་སྟོབས་རྒྱལ་ནས་དག་སྣང་ཆེན་པོས་རང་རེ་མཆོད་ཡོན་གཉིས་ཟུང་དུ་འབྲེལ་ནས་བསྟན་པ་རིན་པོ་ཆེ་ལ་ཕན་ཐོགས་གང་ཆེ་ཞུས་ཆོག་པ་ཞུ་ཞེས་ཁྲི་ཕེབས་ཀྱི་མཁོ་དགོས་ཆ་ཚང་བ་སྟ་གོན་མཛད། དགའ་ལྡན་དུ་གསེར་ཁྲི་ཆེན་མོར་ཞབས་སོར་བཀོད། མདོ་སྔགས་ཀྱི་ཆོས་ཚུལ་རྒྱ་མཚོའི་སྒོ་འཕར་ཡངས་པོར་ཕྱེས། ཁྲིར་བཞུགས་རིང་ཡང་ཇུན་གར་བ་སོགས་སོག་རིགས་མང་པོས་རྣམ་དཀར་དགེ་སྒྲུབ་ཀྱི་སྲི་ཞུ་བླ་མེད་བྱས། རྗེ་ཉིད་ལ་འབུལ་བ་ཅི་ཙམ་བྱུང་ཡང་བདག་འཛིན་མེད་པར་སྲིད་པའི་ཕུན་ཚོགས་ཐམས་ཅད་མི་གཙང་བའི་འདམ་རྫབ་བཞིན་དུ་གཟིགས་པའི་ངེས་འབྱུང་བཅོས་མིན་ཐུགས་ལ་མངའ་བའི་རང་མདངས་མཐའ་ཡས་པ་ཞིག་བསྟན་པར་སྣང༌། དེ་ནས་མི་རིང་བ་ན་སྲིད་སྐྱོང་ཕོ་ལྷ་བ་སྐུུ་མྱ་ངན་ལས་འདས་རྗེས། རིགས་སྲས་ཆེ་བ་གུང་འགྱུར་མེད་ཚེ་བརྟན། ཆུང་བ་ད་ལེ་བཱ་ཐུར་ཝང་འགྱུར་མེད་རྣམ་རྒྱལ་གཉིས་ནང་མ་འཆམ་ནས་ཝང་གིས་གུང་ལ་ངན་གཏད་དགོས་པའི་བཀའ་ལུང་བསྒྲགས་ནའང་དང་དགའ་ལྡན་ཁྲི་པས་མི་གསོད་མི་ཐུབ་ཅེས་བཀའ་ལ་མ་ཉན་སྟབས་ཝང་འགྱུར་མེད་རྣམ་རྒྱལ་གྱིས། རྗེ་འདི་ཉིད་ཁྲིར་ཕེབས་ནས་ལོ་ངོ་ལྔ་སོང་བའི་ལྕགས་རྟ་༡༧༥༠ལོར་ཁྲི་འཕྲལ་དུ་བཙན་འཇོག་དགོས་ཚུལ་ཀྱི་བཀའ་བསྒྱུར་ཕབ། རྒྱུད་པ་བློ་བཟང་དྲི་མེད་གློ་བུར་དགའ་ལྡན་གྱི་ཁྲིར་བཀོད་པས། ཞབས་གྲས་རྣམས་ཀྱིས་ཆོས་ལ་དགྲ་བྱུང་ན་སངས་རྒྱས་ར་མདའ་ལ་སྦྲན་པའི་དཔེ་བཞིན་ཝང་དེ་ལ་དྲག་པོའི་ལས་སྦྱོར་ཞིག་ངེས་པར་དགོས་ཞེས་ཞུས་ཀྱང༌། ང་དགའ་ལྡན་ཡིད་དགའ་ཆོས་འཛིན་དུ་རྗེ་བཙུན་བྱམས་པ་མགོན་པོ་དང་ཡབ་རྗེ་འཇམ་དཔལ་སྙྙིང་པོའི་ཞབས་དྲུང་དུ་ཆོས་གོས་རྣམ་གསུམ་དང་བཅས་ཏེ་འགྲོ་བ་ཡིན་པས་ཁྱོད་ཚོས་དེ་འདྲ་མ་ཟེར་གསུངས། ལུགས་སྲོལ་ལ་དགའ་ལྡན་ཁྲི་རིན་པོ་ཆེ་རིམ་བྱོན་གྱི་དངུལ་གདུང་བཞེངས་སྲོལ་ཡོད་ཀྱང༌། རྗེ་འདི་པས་དངོས་ཆས་ཇི་སྙྙེད་བྱུང་བ་རྣམས་ཀྱང་དཀོན་མཆོག་གི་མཆོད་པ་དང་དགེ་འདུན་གྱི་གཏོང་སྒོར་རང་མཛད་པ་ལས། དངུལ་གདུང་བཞེངས་རྒྱུའི་རྩོལ་བ་ཆེར་མ་མཛད་མོད། གང་ཉིད་ཀྱི་སློབ་བུ་སོག་རིགས་དད་ཅན་ཞིག་གིས་སོག་ཡུལ་ནས་དངུལ་གདུང་བཞེངས་ཐེབས་ཀྱི་རྒྱུ་ནོར་གྱ་ནོམ་པ་བསྐུུར་བར་དངུལ་འདི་ཙམ་རང་དགོས་པ་ཅི་མཆིས་གསུངས། དེ་ནས་ཁྲི་བཤོལ་ཁར་ཐུགས་སྲས་ནམ་མཁའི་སྐར་ཚོགས་ལྟར་མང་བ་རྣམས་ལ་བཀའ་ཆོས་ཟབ་རྒྱས་གནང་བས་ཚོགས་པ་ཐམས་ཅད་སྤྱན་ཆབ་བསིལ་བ་བྱུང༌། དེ་དུས་རྗེ་ཉིད་ཀྱི་ཞལ་ནས་ང་ལ་ད་ལིང་པཱ་ཐུར་གྱིས་དགོངས་ཕོག་གཏོང་བ་འདི་རིགས་ལ་བསམས་ན་ངས་དམ་ཅན་ཆོས་རྒྱལ་ལ་གཏོར་མ་མཛུབ་མོ་ཙམ་ཞིག་བྱིན་ན་ཁོང་ཚོ་ཐམས་ཅད་སེ་གོལ་གཅིག་གཏོགས་པའི་ཡུན་ལ་བརླག་ཐུབ་མོད་ཀྱང༌། ང་ནི་དགའ་ལྡན་ཡིད་དགའ་ཆོས་འཛིན་དུ་མི་ཕམ་ཆོས་ཀྱི་མདུན་སར་འགྲོ་བ་ཡིན་པས་ཐུགས་ཕམ་མི་དགོས་ཞེས་བཀའ་སློབ་ཀྱི་ཐ་མ་གནང་སྟེ། བསྔོ་སྨོན་མཚམས་སྦྱོར་མཛད་ནས་ཁོ་བོ་དགའ་ལྡན་གསེར་ཁྲིེར་འཁོད་དེ་རྒྱལ་བ་ཙོང་ཁ་པ་ཆེན་པོའི་བསྟན་པ་ལ་ཕན་གནོད་གང་ཞིག་བྱས་པ་དམ་ཅན་ཆོས་ཀྱི་རྒྱལ་པོ་དཔང་པོ་ལ་ཡོད་གསུངས་ནས། དགུང་ལོ་རེ་གཅིག་སོན་པ་རབ་བྱུང་བཅུ་གསུམ་པའི་ལྕགས་རྟ་༡༧༥༠ལོའི་ཧོར་ཟླ་དང་པོའི་ཚེས་བཅོ་ལྔའི་ཉིན་ཐེ་བོ་ཁང་ཚན་དུ་ཕེབས་ནས་བཞུགས་འདིང་སྟེང་དུ་ཞབས་སྐྱིལ་ཀྲུང་མཛད། ཆོས་གོས་རྣམ་གསུམ་དང་པཎ་ཞྭ་སྣེ་རིང་བཅས་བཞེས་ཏེ་ང་ལ་ཆོ་ག་མང་པོ་མི་དགོས། ཞག་ཞེ་དགུའི་རིང་ལ་དམིགས་བརྩེ་མ་བགྲོངས་གསུངས། མཆོད་པ་རྒྱས་པ་ཞིག་བཤམ་དུ་བཅུག་ནས་དགའ་ལྡན་ལྷ་བརྒྱ་མ་ཚར་གཅིག་གསུངས། དེ་ནས་ད་ང་མི་ཕམ་ཆོས་ཀྱི་མདུན་སར་འགྲོ་ངེས་ཡིན་ཞེས་གསུངས་ནས་སྐུུ་མྱ་ངན་ལས་འདས་པའི་ཚུལ་བསྟན་ཏོ། སྐུུ་གདུང་གསེར་དངུལ་སྤེལ་མ་ལས་གྲུབ་པའི་བྱང་ཆུབ་མཆོད་རྟེན་གྱི་ནང་གཞུག་ཏུ་གསེར་ལྗང་བརྡུངས་ལས་གྲུབ་པའི་རྡོ་རྗེ་འཆང་གི་སྐུུ་དང༌། ཤེར་ཕྱིན་གྱི་མདོ་སྡེ་རིན་པོ་ཆེ་སོགས་རིང་བསྲེལ་རྣམ་བཞི་དང༌། ཁྲི་ཆེན་ཉིད་ཀྱི་ཐུགས་ལྗགས་སྤྱན་གསུམ་དང་རིང་བསྲེལ་ཅན་གྱི་པུར་རུས་བཅས་བཞུགས་ནས་ཐུབ་པ་ཚུལ་ཁྲིམས་མའི་ལྷ་ཁང་དུ་འགྲོ་བའི་བསོད་ནམས་ཀྱི་ཞིང་དུ་བཞུགས། དབུ་གདུགས་པཎ་ཞྭ་སྣེ་རིང་སོགས་ཁྲི་ཆས་ཕལ་མོ་ཆེ་གཞུང་པ་ཁང་ཚན་གྱི་ནང་རྟེན་དུ་ཕུལ། རྗེ་འདི་ལ་ལྗགས་རྩོམ་ཡང་མཁས་གྲུབ་རིམ་བྱོན་གྱི་ལོ་རྒྱུས་དང་གནས་བསྟོད། དམ་ཅན་ཆོས་སྲུང་རྣམས་ཀྱི་གཏོར་འབུལ་སོགས་ཡོད་པར་བཤད།

དགའ་ལྡན་ཁྲི་ཐོག་ང་དྲུག་པ་སྤོ་འབོར་བློ་བཟང་དྲི་མེད་ནི། རབ་བྱུང་བཅུ་གཉིས་པའི་ས་སྟག་༡༦༩༨ལོར་མདོ་ཁམས་ལི་ཐང་ཤོག་དྲུག་ཏུ་འཁྲུངས། སྐུུ་ན་ཆུང་དུས་ནས་ལི་ཐང་ཤོག་དྲུག་དགེ་ལྡན་ཆོས་འཕེལ་གླིང་དུ་ཆོས་ཞུགས་གནང་ནས་ཡི་གེ་སྦྱོར་ཀློག་དང༌། ཆོས་སྤྱོད་ཆོ་ག་འབུད་བརྡུང་དཀྲོལ་གསུམ་སོགས་བྱང་ཆུབ་པར་མཛད། དེ་ནས་གཙང་ཕྱོགས་སུ་ཕེབས་པ་དགོངས་བཞེད་སྐབས། ལི་ཐང་མཁན་པོ་སངས་རྒྱས་ཆོས་འཕེལ་ཀྱིས་མ་འོངས་མངོན་གཟིགས་ཀྱིས་བཀའ་མངགས་གནང་བ་ལྟར་དབུས་གཙང་དམ་པའི་ཆོས་ཀྱི་ཞིང་སར་ཕེབས་ཏེ་གནས་མཇལ་དང་མཆོད་འབུལ་གང་མཚམས་གནང༌། གདན་ས་དཔལ་ལྡན་འབྲས་སྤུངས་སུ་མཁས་མང་བློ་གསལ་གླིང་གི་ཆོས་གྲྭར་ཞུགས་ནས། བློ་གླིང་སློབ་དཔོན་དགེ་འདུན་ཚུལ་ཁྲིམས་དང༌། མཚུངས་མེད་ཆོས་རྗེ་འཇམ་དབྱངས་ཕུན་ཚོགས་སོགས་ལ་བསྟེན་ནས། ཚད་མ་དང༌། དབུ་ཕར། འདུལ་མཛོད་སོགས་གཞུང་ཆེན་ཁག་ལ་ཐོས་བསམ་རྒྱ་ཆེར་མཛད་དེ། དགུང་ལོ་ཞེ་གཅིག་པ་རབ་བྱུང་བཅུ་གཉིས་པའི་ཆུ་ཡོས་༡༧༢༣ལོར་སེར་འབྲས་དགེ་གསུམ་དང་དྭགས་པོ་སོགས་དགེ་ལྡན་བསྟན་པ་འཛིན་པའི་འདུས་སྡེ་རྒྱ་མཚོ་ལྟ་བུ་ལྷན་དུ་ཚོགས་པའི་ལྷ་ལྡན་སྨོན་ལམ་ཆེན་མོའི་གྲྭ་སྐོར་མཛད་སྐབས་ལུང་རིགས་ཀྱི་ཕུལ་མཚམས་དང་གོ་བའི་བབ་སོ་ལ་རྩོད་མེད་མཁས་པ་ཀུན་གྱིས་ཡིད་དབང་འཕྲོག་སྟེ་དབུས་གཙང་ཁུལ་དུ་མཁས་པའི་མཚན་སྙྙན་འབར། ལོ་དེར་སྨད་རྒྱུད་གྲྭ་ཚང་དུ་ཕེབས་ནས་གསང་བ་སྔགས་ཀྱི་རྒྱུད་སྡེ་རྒྱ་མཚོ་ལྟ་བུ་ལ་གསན་བསམ་རྒྱ་ཆེར་མཛད་པས་མདོ་སྔགས་གཉིས་ཀ་ལ་གཞན་དྲིང་མི་འཇོག་པའི་མཁས་པའི་གོ་སར་བསྙྙེགས། དེ་ནས་གསང་སྔགས་མཁར་གྱི་མཁན་ཁྲིར་ཕེབས་ནས་དགོན་སྡེ་དེར་འཆད་ཉན་གྱི་རྒྱུན་སྐྱོང་བཞིན་པའི་མུར། གསང་ཆེན་རྒྱུད་སྡེ་རྒྱ་མཚོའི་བསྟི་གནས་རྗེ་ཤེས་རབ་སེང་གེའི་གདན་ས་དཔལ་ལྡན་སྨད་རྒྱུད་གྲྭ་ཚང་གི་མཁན་ཁྲིར་གདན་དྲངས་པ་ལྟར་ཕེབས་ཏེ་རྒྱུད་སྡེ་བཞིའི་འཆད་ཉན་རྒྱ་ཆེར་སྐྱོང་བཞིན་པའི་ཐོག་ཚལ་གུང་ཐང་གི་གཙུག་ལག་ཁང་གསར་བཞེངས་མཛད། དེ་ནས་བྱང་རྩེ་རྒྱུད་དགུང་ལོ་ང་གསུམ་པ་རབ་བྱུང་བཅུ་གསུམ་པའི་ལྕགས་རྟ་༡༧༥༠ལོར་འཇམ་མགོན་བླ་མའི་རྒྱལ་ཚབ་ཏུ་དགའ་ལྡན་གསེར་ཁྲིར་ཕེབས་ནས་ལོ་བདུན་རིང་ལ་འཆད་ཉན་གྱི་སྲོལ་རྒྱ་ཆེར་སྤེལ་བ་དང༌། ཆོ་འཕྲུལ་སྨོན་ལམ་སྐབས་སྐྱེས་རབས་དང་དཔག་བསམ་འཁྲི་ཤིང་གི་བཤད་ཁྲིད་དང་སྐུུ་གསུང་ཐུགས་རྟེན་གསར་བཞེངས་མཛད་པ་སོགས། བཤད་སྒྲུབ་ལས་གསུམ་གྱིས་འཇམ་མགོན་རྒྱལ་བ་གཉིས་པའི་བསྟན་པ་བླ་ན་སྤེལ། དགུང་ལོ་རེ་གཉིས་པ་རབ་བྱུང་བཅུ་གསུམ་པའི་མེ་གླང་༡༧༥༧ལོར་གསེར་ཁྲི་ལས་ཟུར་ནས་ཀྱང་བཀའ་གདམས་པའི་དགེ་བཤེས་བྱ་ཡུལ་བའི་གདན་ས་བྱ་ཡུལ་ཆོས་སྡེར་བཞུགས་ནས་རིམ་གཉིས་ཀྱི་ཟབ་མོའི་རྣལ་འབྱོར་ལ་གཞོལ། གསེར་ཟངས་ལས་གྲུབ་པའི་རྗེ་བླ་མའི་སྐུུ་བརྙན་ཐོག་བརྩེགས་མ་གསར་བཞེངས་མཛད་པ་འབྲས་སྤུངས་ལ་བཞུགས་སུ་བཅུག་པ་སོགས་ཕལ་བའི་བློ་ཡུལ་ལས་འགོངས་བའི་མཛད་པ་རླབས་པོ་ཆེ་བསྐྱངས། རབ་བྱུང་དེ་གའི་ས་ཡོས་༡༧༥༩ལོར་པཎ་ཆེན་དཔལ་ལྡན་ཡེ་ཤེས་དབུས་སུ་རྒྱལ་མཆོག་བསྐལ་བཟང་རྒྱ་མཚོའི་ཡང་སྲིད་འཇམ་དཔལ་རྒྱ་མཚོ་ངོས་འཛིན་གནང་མཁན་དུ་ཕེབས་པའི་སྐབས་ལོ་དེའི་བོད་ཟླ་དང་པོའི་ཚེས་ཉེར་དྲུག་ཉིན་དགའ་ལྡན་ཁྲི་གདན་ཟུར་གཉིས་ཀ་མཇལ་ཁར་བཅར་ནས་ཇ་གྲལ་ཐོག་གསུང་གླེང་དང༌། ཁྲི་ཟུར་འདི་ཉིད་ཀྱིས་དངོས་འབུལ་རྒྱ་ཆེ་དང་འབྲེལ་གཟིམས་ཆུང་དུ་ཞབས་བརྟན་ཕུལ་ཅིང་བླ་མའི་རྣལ་འབྱོར་གྱི་ཆོས་འབྲེལ་ཡང་ཞུས། ཟླ་བ་གཉིས་པའི་ཚེས་བཅུ་དགུ་ནས་གདན་གསུམ་གྲྭ་བླ་ཡོངས་དང་ལྷན་ཅིག་པཎ་ཆེན་ཐམས་ཅད་མཁྱེན་པའི་དྲུང་ནས་དཔལ་དུས་ཀྱི་འཁོར་ལོའི་དབང་ཆེན་ཞུས། པཎ་ཆེན་རྣམ་ཐར་ཉི་མའི་འོད་ཟེར་ཤོག་གྲངས་༢༧༣ན་གསལ། རྗེ་འདིའི་འཁྲུངས་རབས་གོང་མ་ཇི་ལྟར་བྱུང་ཚུལ་ལི་ཐང་ཤོག་དྲུག་སྐྱབས་མགོན་སྐུུ་ཕྲེང་བཞི་པ་རྗེ་ངག་དབང་བློ་བཟང་རིན་ཆེན་འཕྲིན་ལས་ཀྱི་རྣམ་ཐར་ངོ་མཚར་དད་པའི་རྒྱ་མཚོར་བཀོད་པ་ལྟར་ན། སྟོན་པའི་སྤྱན་སྔར་ཁྱེའུ་སྣང་བ། ཆོས་རྒྱལ་དགེ་བ་དཔལ་སོགས་ཡིན་པར་བཤད་ཅིང༌། བོད་དུ་མཁས་པའི་དབང་པོ་འདན་མ་སྟོང་དཔོན་རིན་པོ་ཆེས་མཛད་པའི་སྐྱེས་རབས་གསོལ་འདེབས་ལས། སྲོང་བཙན་སྒམ་པོ། འབྲོམ་སྟོན་རྒྱལ་བའི་འབྱུང་གནས། ས་ཆེན་ཀུན་དགའ་སྙྙིང་པོ། རྒྱལ་ཚབ་དར་མ་རིན་ཆེན། རྒྱལ་མཆོག་བསོད་ནམས་རྒྱ་མཚོ་བཅས་ཡིན་པར་གསུངས། རྗེ་འདི་ཉིད་ཀྱིས་བརྩམས་པའི་ལེགས་བཤད་ད་ཕན་མ་མཐོང་ཡང་ཅིས་ཀྱང་ཡོད་ངེས་པས་རསྙེད་ན་མཚམས་འདིར་འཇུག་དགོས། མཐར་དགུང་ལོ་རེ་གཉིས་པ་རབ་བྱུང་བཅུ་གསུམ་པའི་ས་ཡོས་ ༡༧༥༩ལོེར་དགོངས་པ་ཆོས་དབྱིངས་སུ་ཐིམ། གཞན་དུ་ས་སྟག་༡༧༥༨ལོར་དགོངས་པ་ཆོས་དབྱིངས་སུ་བསྟིམས་ཚུལ་བཤད་པ་ནི་ནོར་བ་སྟེ། པཎ་ཆེན་དཔལ་ལྡན་ཡེ་ཤེས་ཀྱི་རྣམ་ཐར་ཉི་མའི་འོད་ཟེར་ལ་གཟིགས་ན་ཤེས་ཐུབ། དེའི་སྐུུ་ཕྲེང་གཉིས་པ་ལི་ཐང་ཤོག་དྲུག་སྐྱབས་མགོན་ནི། རབ་བྱུང་བཅུ་གསུམ་པའི་ས་ཡོས་༡༧༥༩ལོར་ཁམས་ལི་ཐང་ཤོག་དྲུག་ཏུ་འཁྲུངས། རབ་བྱུང་བཅུ་བཞི་པའི་ཆུ་འབྲུག་༡༨༣༢ལོར་དགོངས་པ་རྫོགས།འདིའི་མཚན་གསལ་བ་མ་ངེས་ སྐུུ་ཕྲེང་གསུམ་པ་ངག་དབང་བློ་བཟང་ཡེ་ཤེས་བསྟན་པའི་རྒྱལ་མཚན་ནི། རབ་བྱུང་བཅུ་བཞི་པའི་ཆུ་སྦྲུལ་༡༨༣༣ལོར་ཁམས་ལི་ཐང་དུ་འཁྲུངས། རབ་བྱུང་བཅོ་ལྔ་པའི་མེ་ལུག་༡༩༠༧ལོར་དགོངས་པ་རྫོགས་པ་མངོན་ནོ། ། སྐུུ་ཕྲེང་བཞི་པ་ལི་ཐང་ཤོག་དྲུག་སྐྱབས་མགོན་ངག་དབང་བློ་བཟང་བསྟན་འཛིན་འཕྲིན་ལས་ནི། རབ་བྱུང་བཅོ་ལྔ་པའི་ཕུར་བུ་ཞེས་པ་ས་སྤྲེལ་༡༩༠༨ལོར་གངས་ཅན་བོད་ཆེན་པོའི་ཤར་ཕྱོགས་ལི་ཐང་ཤོག་དྲུག་ཏུ་འཁྲུངས། མཛད་པ་བཟང་ཞིང་འཕྲིན་ལས་ཤིན་ཏུ་རྒྱས། རབ་བྱུང་བཅུ་དྲུག་པའི་མེ་ཕག་༡༩༤༧ལོར་དགོངས་པ་ཆོས་དབྱིངས་སུ་ཐིམ། ། སྐུུ་ཕྲེང་ལྔ་པ་འཇམ་དབྱངས་དཔལ་ལྡན་རྡོ་རྗེ་ནི། རབ་བྱུང་བཅུ་དྲུག་པའི་ས་གླང་༡༩༤༩ལོར། ལི་ཐང་དུ་འཁྲུངས། ད་ལྟར་བཤད་སྒྲུབ་ལས་གསུམ་གྱི་སྒོ་ནས་མཛད་པ་རྒྱ་ཆེར་སྐྱོང་བཞིན་འཚོ་ཞིང་བཞུགས་བཞིན་པ་འདི་བཞིན་ལགས་སོ། །སྐུ་ཕྲེང་སྔ་ཕྱི་འདི་དག་གི་རྣམ་པར་པ་མདོར་བསྡུས་རེ་ནི་ཁོ་བོས་འཕགས་བོད་ཆོས་འབྱུང་ཛམྦུའི་གསེར་གྱི་འཁྲི་ཤིང་གླེགས་བམ་གཉིས་པའི་ནང་བཀོད་ཡོད་པས་ཤེས་པར་འདོད་ན་དེར་གཟིགས་དགོས།

དགའ་ལྡན་ཁྲི་ཐོག་ང་བདུན་པ་ཆོས་རྗེ་བསམ་གཏན་ཕུན་ཚོགས་ནི། རབ་བྱུང་བཅུ་གཉིས་པའི་ཆུ་ལུག་༡༧༠༣ལོར་དབུས་སྟོད་ལོ་འདར་ཞེས་པར་ཡབ་ལྷ་མོ་དར་རྒྱས་དང༌། ཡུམ་ཨ་མ་ཕྱོགས་ཡག་གཉིས་ཀྱི་སྲས་སུ་སྐུུ་འཁྲུངས། སྐུུ་ན་ཆུང་དུས་ནས་གདན་ས་འབྲས་སྤུངས་མཁས་མང་བློ་གསལ་གླིང་དབུ་སྟོད་ཁང་ཚན་དུ་སྒྲིག་ཞུགས་གནང༌། ཡི་གེ་འབྲི་ཀློག་དང་རྒྱན་འཇུག་སོགས་གཞུང་ཆེན་ཁག་གི་རྩ་བ་བློ་འཛིན་བྱས། ལེགས་ལམ་སྨྲ་བ་བློ་བཟང་སྦྱིན་པ་ལས་རབ་བྱུང་དང་དགེ་ཚུལ་གྱི་སྡོམ་པ་མནོས། རྭ་སྒྲེང་མཁན་པོ་བློ་གླིང་བློ་བཟང་དར་རྒྱས་སོགས་ལ་བསྟེན་ནས་བསྡུས་གཞུང་ནས། ཚད་མ་དང༌། དབུ་ཕར། འདུལ་མཛོད་བཅས་ལ་བསླབས་པས་མཁས་པར་གྱུར། དགུང་ལོ་སུམ་ཅུ་སོ་གཅིག་པར་ལྷ་ལྡན་སྨོན་ལམ་ཆེན་མོའི་ནང་མཁས་མང་ཁྲི་ཕྲག་ཚོགས་པའི་དབུས་སུ་གྲྭ་སྐོར་དམ་བཅའ་བཞག་པས་མཁས་པའི་མཚན་སྙྙན་ཕྱོགས་ཀྱི་བུ་མོའི་རྣ་ལུང་བརྡལ། དགུང་ལོ་སོ་བཞི་པར་པད་དཀར་འཛིན་པ་ཡེ་ཤེས་རྒྱ་མཚོའི་དྲུང་ནས་བསྙྙེན་རྫོགས་ཀྱི་སྡོམ་པ་མནོས་ཤིང་མདོ་སྔགས་ཀྱི་བཀའ་ཆོས་དུ་མ་གསན། ཕུར་ལྕོག་ངག་དབང་བྱམས་པ་དང༌། དྭགས་པོ་བློ་བཟང་སྦྱིན་པ། ལྕང་སྐྱ་ཡེ་ཤེས་བསྟན་པའི་སྒྲོན་མེ། ཁྲི་ཆེན་རྒྱལ་མཚན་སེང་གེ ངག་དབང་ནམ་མཁའ་བཟང་པོ། ཤར་ཆེན་ངག་དབང་ལྷུན་གྲུབ། བཀྲ་ཤིས་ལྷུན་པོའི་དཀའ་ཆེན་ཐབས་མཁས་རྒྱ་མཚོ་སོགས་མདོ་དབུས་གཙང་གསུམ་གྱི་སྐྱེས་ཆེན་དུ་མའི་ཞལ་ནས་མདོ་སྔགས་ཀྱི་ལམ་རིམ་དང༌། གསང་བདེ་འཇིགས་གསུམ་གྱི་དབང་ལུང་གིས་མཚོན་དབང་དང་རྗེས་གནང་མན་ངག་རྒྱ་མཚོ་ལྟ་བུ་བུམ་པ་གང་བྱོའི་ཚུལ་དུ་གསན། དཔལ་ལྡན་རྒྱུད་སྟོད་གྲྭ་ཚང་དུ་ཞུགས་ནས་གསང་བ་སྔགས་ཀྱི་རྒྱུད་སྡེའི་ཐིག་རྩ་ནས་བཟུང་ལག་ལེན་གྱིས་ཁྲིད་དང་འབྲེལ་ནས་སྦྱངས་པ་མཐར་ཕྱིན་པ་མཛད། རྒྱུད་པའི་བླ་མ་དབུ་མཛད་དང་མཁན་ཁྲི་རིམ་པར་བརྒྱུད་ནས་འབྲེལ་བ་བཞི་སྦྲགས་དང་ཊིཀྐ་སོགས་ཀྱི་འཆད་ཉན་རྒྱ་ཆེར་སྤེལ། ཤར་རྩེ་རྒྱུད་དགུང་ལོ་ལྔ་བཅུ་ང་ལྔ་པ་རབ་བྱུང་བཅུ་གསུམ་པའི་མེ་གླང་༡༧༥༧ ལོར་དགའ་ལྡན་གསེར་ཁྲིར་ཕེབས། རབ་བྱུང་དེ་གའི་ས་ཡོས་༡༧༥༩ལོར་པཎ་ཆེན་དཔལ་ལྡན་ཡེ་ཤེས་དབུས་སུ་རྒྱལ་མཆོག་བསྐལ་བཟང་རྒྱ་མཚོའི་ཡང་སྲིད་འཇམ་དཔལ་རྒྱ་མཚོ་ངོས་འཛིན་གནང་མཁན་དུ་ཕེབས་པའི་སྐབས་ལོ་དེའི་བོད་ཟླ་དང་པོའི་ཚེས་ཉེར་དྲུག་ཉིན་དགའ་ལྡན་ཁྲི་གདན་ཟུར་གཉིས་ཀ་མཇལ་ཁར་བཅར་ནས་ཇ་གྲལ་ཐོག་གསུང་གླེང་དང༌། ཟླ་བ་གཉིས་པའི་ཚེས་བཅུ་དགུ་ནས་གདན་གསུམ་གྲྭ་བླ་ཡོངས་དང་ལྷན་ཅིག་པཎ་ཆེན་ཐམས་ཅད་མཁྱེན་པའི་དྲུང་ནས་དཔལ་དུས་ཀྱི་འཁོར་ལོའི་དབང་ཆེན་ཞུས། ཟླ་བ་ལྔ་པའི་ནང་དགའ་ལྡན་རྣམ་པར་རྒྱལ་བའི་གླིང་ངུ་ཕེབས་པར་ཁྲི་ཆེན་འདི་ཉིད་ཐབ་བསུའི་ཐོག་བཅར་ནས་ཕེབས་བསུ་ཞུས། ཁྲི་ཆེན་རང་ཉིད་ཀྱིས་ཡངས་པ་ཅན་དུ་གདན་དྲང་ནས་དཀར་སྤྲོ་དང་དངོས་འབུལ་རྒྱ་ཆེར་བཏེག། པཎ་ཆེན་རྣམ་ཐར་ཉི་མའི་འོད་ཟེར་ཤོག་གྲངས་༢༧༣དང་༢༨༡ན་གསལ།དགའ་ལྡན་གསེར་ཁྲིར་ལོ་བདུན་རིང་བཞུགས་ཤིང་དེའི་རིང་མདོ་སྔགས་ཀྱི་ལམ་རིམ་དང་བཀའ་གདམས་ཕ་ཆོས་དང་བུ་ཆོས་གཞུང་ཆེན་ཁག་གི་ཁྲིད་རྒྱུན་ཀྱི་འཆད་ཉན་རྒྱ་ཆེར་སྤེལ། སྨོན་ལམ་ཆེན་མོའི་ཚོགས་དབུར་ཕེབས་ནས་སྐྱེས་རབས་དང་དཔག་བསམ་འཁྲི་ཤིང་གི་ཐོག་ནས་སྟོན་པ་བདེ་བར་གཤེགས་པའི་མཛད་རྣམ་རྒྱ་ཆེར་འཆད་པ་སོགས་འཇམ་མགོན་བླ་མའི་བསྟན་པ་རིན་པོ་ཆེའི་སྲོལ་རྒྱུན་བཟང་པོ་བླ་ན་བཏེགས། ཁྲི་ལས་ཟུར་ནས་དགུང་ལོ་རེ་གཉིས་པར་དབུ་སྟོད་ཕག་མོ་ཆོས་སྡེར་ཟུར་བཞུགས་མཛད་ནས་རྩེ་གཅིག་སྒྲུབ་པའི་རྒྱལ་མཚན་བསྒྲེངས། དགུང་ལོ་རེ་བརྒྱད་པ་རབ་བྱུང་བཅུ་གསུམ་པའི་ལྕགས་སྟག་༡༧༧༠ལོར་གཞིས་དགོན་དབུ་སྟོད་ཕག་མོ་ཆོས་སྡེར་སྐུུ་ཞི་བར་གཤེགས་པའི་ཚུལ་བསྟན། འཇམ་དབྱངས་མཁྱེན་དབང་པོ་སོགས་ས་དགེ་མཁས་གྲུབ་དུ་མའི་གསུང་འབུམ་དུ་འདི་ཉིད་རྗེ་ཙོང་ཁ་པའི་རྣམ་སྤྲུལ་འཁྲུལ་མེད་ཡིན་ཚུལ་གསལ། གསུང་ལས་སྐྱེས་པའི་སློབ་མ་ཡང་དགའ་ལྡན་ཁྲི་ཐོག་རེ་གཉིས་པ་བློ་བཟང་སྨོན་ལམ་དང༌། སྟག་ཕུ་བློ་བཟང་བསྟན་པའི་རྒྱལ་མཚན་སོགས་མཁས་གྲུབ་གཉིས་ལྡན་གྱི་སྐྱེས་ཆེན་ཤིན་ཏུ་མང་པོ་བྱུང༌།


དགའ་ལྡན་ཁྲི་ཐོག་ང་བརྒྱད་པ་བསམ་བློ་ངག་དབང་ཆོས་གྲགས་མཆོག་ནི། རབ་བྱུང་བཅུ་གཉིས་པའི་མེ་ཕག་༡༧༠༧ལོར་མདོ་སྨད་བྱ་ཁྱུང་ཉེ་འདབས་མཚམས་རིང་བར་སྐུུ་འཁྲུངས། སྐུུ་ན་ཆུང་དུས་བྱ་ཁྱུང་དགོན་དུ་ཆོས་སྒོར་ཞུགས། རྗེ་བདེ་ཡངས་ངག་དབང་ནོར་བུ་ལས་རབ་ཏུ་བྱུང༌། དགུང་ལོ་ཉེར་གཅིག་པ་མེ་ལུག་༡༧༢༧ལོར་དབུས་གཙང་དག་པའི་ཞིང་དུ་ཕེབས། སེ་ར་བྱེས་གྲྭ་ཚང་དུ་ཆོས་ཞུགས་མཛད། རྗེ་བློ་བཟང་ཆོས་འཕེལ་དང༌། བྲག་རི་ངག་དབང་དོན་གྲུབ་སོགས་ཀྱི་ཞབས་ལ་གཏུགས་ནས་གཞུང་ལུགས་ལེགས་པར་གསན། པཎ་ཆེན་བློ་བཟང་ཡེ་ཤེས་ལས་བསྙྙེན་རྫོགས་ཀྱི་སྡོམ་པ་མནོས། ྋརྒྱལ་མཆོག་བདུན་པ་བསྐལ་བཟང་རྒྱ་མཚོ་མཆོག་དང༌། ཁྲི་ངག་དབང་མཆོག་ལྡན། རྗེ་ཕུར་ལྕོག་པ། ཁྲི་རྒྱལ་མཚན་སེང་གེ། ཨ་ཀ་བསོད་ནམས་བཟང་པོ་སོགས་མཁས་གྲུབ་མང་པོའི་ཞབས་ལ་གཏུགས་ནས་མདོ་སྔགས་ཀྱི་ཟབ་ཆོས་དུ་མ་དང༌། བཀའ་འགྱུར་ལུང་སོགས་གསན། ལྷ་རམས་དམ་བཅའ་མཛད་དེ་རྒྱུད་སྨད་ལ་ཞུགས། དེ་ནས་བླ་མ་དབུ་མཛད་དང་རྒྱུད་པའི་མཁན་ཁྲི་དང་བྱང་རྩེ་མཁན་ཁྲི་སོགས་ལ་རིམ་པས་ཕེབས། དེ་སྐབས་རྒྱུད་ཁང་ཞིག་གསོས་རྒྱ་ཆེར་མཛད། ྋརྒྱལ་བ་འཇམ་དཔལ་རྒྱ་མཚོའི་ཡོངས་འཛིན་དུ་བཀུར། དགུང་ལོ་ང་བརྒྱད་ལ་ཕེབས་པ་རབ་བྱུང་བཅུ་གསུམ་པའི་ཤིང་སྤྲེལ་༡༧༦༤ལོར་དཔལ་རི་བོ་དགའ་ལྡན་དགོན་གྱི་གསེར་ཁྲིར་ཕེབས། སྐུུ་གསུང་ཐུགས་རྟེན་མང་དུ་བཞེངས། རྗེའི་དངུལ་སྐུུ་མི་ཚད་མ་ཁྲི་རྒྱབ་ཡོལ་བཅས་བཞེངས་ནས་ལྷ་ལྡན་དཀྱིལ་འཁོར་སྡིངས་སུ་བཞུགས་སུ་གསོལ། གསེར་ཟངས་ལས་ཇོ་བོའི་སྐུུ་མི་ཚད་མ་ཕྲ་རྒྱན་ཕུན་སུམ་ཚོགས་པ་བཞེངས་ནས་བྱ་ཁྱུང་དགོན་དུ་ཕུལ། ཁྲི་ལས་ཟུར་པའི་རྗེས་སུའང་ལྕགས་ཡོས་༡༧༧༡ལོར་པཎ་ཆེན་ཐམས་ཅད་མཁྱེན་པའི་དྲུང་ནས་ྋརྒྱལ་དབང་འཇམ་དཔལ་རྒྱ་མཚོ་མཆོག་གིས་ཚིགས་སྔ་མ་དགེ་ཚུལ་གྱི་སྡོམ་པ་བཞེས་སྐབས་ཀྱི་ལས་སློབ་ཀྱང་མཛད། དགའ་ལྡན་ཁྲི་ཐོག་ཏུ་ལོ་བདུན་བཞུགས་ནས། ཟབ་རྒྱས་ཆོས་ཀྱི་འཁོར་ལོ་རྒྱ་ཆེར་བསྐོར། སྟག་ཚང་ལོ་ཙཱ་བ་ཤེས་རབ་རིན་ཆེན་དང༌། ཁྲི་ཆེན་བཀའ་འགྱུར་བ་སྦྱིན་པ་རྒྱ་མཚོ་སོགས་ཀྱི་སྐུུ་སྐྱེས་སུ་གྲགས་ཆེ། དགུང་ལོ་དོན་གཅིག་པ་རབ་བྱུང་བཅུ་གསུམ་པའི་མེ་བྱ་༡༧༧༧་ལོའི་ལྷ་ལྡན་སྤྲུལ་པའི་ཕོ་བྲང་དུ་བདག་ཅག་གི་སྟོན་པ་མངོན་པར་རྫོགས་པར་སངས་རྒྱས་པའི་དུས་ཆེན་གསུམ་འཛོམས་ས་ག་ཟླ་བའི་ཚེས་བཅོ་ལྔ་གཟའ་སྐུར་འཕྲོད་སྦྱོར་ཕུན་སུམ་ཚོགས་པའི་ཉིན་གནས་ཕུན་སུམ་ཚོགས་པ་འཕྲུལ་སྣང་གན྄དྷོ་ལ་བདེ་ལྡན་ཞིང་གི་མགོན་པོ་པཎ་ཆེན་ཐམས་ཅད་མཁྱེན་པ་རྗེ་བཙུན་བློ་བཟང་དཔལ་ལྡན་ཡེ་ཤེས་དཔལ་བཟང་པོའི་ཞལ་སྔ་ནས་ཀྱིས་མཁན་པོ་དང༌། ཁྲི་ཟུར་ངག་དབང་ཆོས་གྲགས་འདི་ཉིད་ཀྱིས་ལས་སློབ། ཡོངས་འཛིན་བློ་བཟང་ཆོས་འཕེལ་ཀྱིས་གསང་སྟེ་སྟོན་པའི་སློབ་དཔོན། ཁྲི་ཆེན་བློ་བཟང་བསྟན་པས་དུས་གོ་བ། བློ་བཟང་ཐུབ་བསྟན་དགེ་ལེགས་རྒྱལ་མཚན་གྱྀས་སྣོད་བྲིམ་པ། བྱང་རྩེ་ཆོས་རྗེ་བློ་བཟང་སྨོན་ལམ། ཤར་པ་ཆོས་རྗེ་བློ་བཟང་སྦྱིན་པ། རྒྱུད་སྟོད་མཁན་པོ་བློ་བཟང་སྦྱིན་པ་སོགས་བཤེས་གཉེན་དམ་པ་བདུན་ཕྲག་གསུམ་གྱི་དབུས་སུ་བསྙྙེན་པར་རྫོགས་པ་དགེ་སློང་གི་སྡོམ་པ་བཞེས། དེབ་གསུམ་པ་༥༡༣༥༡༤ཞེས་འབྱུང༌། དགུང་ལོ་དོན་གཉིས་ལ་ཕེབས་པ་རབ་བྱུང་བཅུ་གསུམ་པའི་ས་ཁྱི་༡༧༧༨ལོར་ལྷ་ལྡན་ཁྲི་ཐོག་ཁང་དུ་དགོངས་པ་ཆོས་དབྱིངས་སུ་ཐིམ། སྐུུ་གདུང་ཞུགས་ལ་འབུལ་སྐབས་ཐུགས་ལྗགས་སྤྱན་གསུམ་བབས། གདུང་རྟེན་དངུལ་གྱི་མཆོད་སྡོང་སེར་བྱེས་མཁས་སྙྙན་གྲྭ་ཚང་དུ་བཞུགས། །

དགའ་ལྡན་ཁྲི་ཐོག་ང་དགུ་པ་ཆུ་བཟང་ངག་དབང་ཆོས་གྲགས་ནི། རབ་བྱུང་བཅུ་གཉིས་པའི་ལྕགས་སྟག་༡༧༡༠ལོར་སྐྱིད་ཤོད་སྟོད་ལུང་ཆུ་བཟང་དུ་ཡབ་ཚེ་རིང་བསམ་གྲུབ་དང༌། ཡུམ་འཛོམས་སྐྱིད་གཉིས་ཀྱི་སྲས་སུ་སྐུུ་འཁྲུངས། དགུང་ལོ་ཆུང་དུའི་དུས་ནས་ཆུ་བཟང་དགོན་གྱི་ཆོས་སྒོར་ཞུགས་ཏེ་རབ་ཏུ་བྱུང༌། ཡི་གེའི་སྦྱོར་ཀློག་དང་འདོན་ཆོས་སོགས་ལ་བྱང་ཆུབ་པར་མཛད། དེ་ནས་སེ་ར་ཐོས་བསམ་གླིང་དུ་ཞུགས་ཤིང་བསྡུས་གཞུང་དང༌། རྗེ་བཙུན་ཆོས་ཀྱི་རྒྱལ་མཚན་གྱི་ཡིག་ཆའི་སྟེང་ནས། དབུ་ཕར། འདུལ་མཛོད། རྣམ་འགྲེལ་བཅས་ལ་ཐོས་བསམ་རྨད་དུ་བྱུང་བར་མཛད་ཅིང་ལྷ་ལྡན་སྨོན་ལམ་ཆེན་མོའི་གྲྭ་སྐོར་མཛད། དེ་ནས་དཔལ་ལྡན་སྟོད་རྒྱུད་གྲྭ་ཚང་དུ་ཞུགས་ཤིང་ཁྲི་ཆེན་ནམ་མཁའ་བཟང་པོ་དང༌། ཤར་ཆེན་ངག་དབང་ལྷུན་གྲུབ། ཁྲི་ཆེན་བསམ་གཏན་ཕུན་ཚོགས་སོགས་ལས་སྤྱི་ཆོས་དང་སྒེར་ཆོས། རྒྱུད་སྡེ་སོ་སོའི་ཆོ་ག་ཕྱག་ལེན་གར་ཐིག་དབྱངས་གསུམ་སོགས་ལ་ནང་བྱན་ཆུད་པ་ན། རྒྱུད་པའི་མཁན་བླ་དང་ཤར་རྩེའི་ཁྲི་ལ་བཞུགས་ནས་འཆད་ཉན་བསྐྱངས། རབ་བྱུང་བཅུ་གསུམ་པའི་ལྕགས་ཡོས་༡༧༧༡ལོར་དགའ་ལྡན་གསེར་ཁྲི་ལ་བཞུགས་ནས་ལོ་ངོ་གཉིས་ཀྱི་རིང་དུ་གསེར་ཁྲི་བསྐྱངས་ཤིང་དབྱར་ཆོས་དང༌། དགུན་ཆོས། གསོ་སྦྱོང་མདོ་འཆང༌། ལྔ་མཆོད་ཀྱི་གཏོང་སྒོ་སོགས་མ་ཉམས་པ་མཛད་ཅིང་སྨོན་ལམ་ཆེན་མོའི་མགོན་དུ་ཕེབས། རྗེ་འདི་ཉིད་ནི་རྣམ་ཀུན་ཆོག་ཤེས་ཁོ་ནས་ན་བཟའ་སོགས་ལ་གཟབ་མཆོར་སྤྲོས་ཆས་རིགས་གཏན་ནས་མི་མཛད་པ་དང༌། ལྷག་པར་དགའ་ལྡན་གསེར་ཁྲི་ཆེན་མོར་ཕེབས་པའི་ཉིན་ཡང་སྐུུ་འགག་གོས་ཆེན་རྒྱན་དྲུག་སོགས་མ་བཞེས་པར་སྤུ་ཕྲུག་ཇིབས་ཐུམ་ཁོ་ན་དང༌། མཆོད་ཞལ་ཡང་སྐྱ་ཕོར་དགེ་ལྡན་ཀྲི་ག་མར་གྲགས་པར་སྙིང་སོང་ཞིག་ཏུ་གསོལ་ཇ་བཞེས། དགུང་ལོ་དྲུག་ཅུ་རེ་གསུམ་པ་རབ་བྱུང་བཅུ་གསུམ་པའི་ཆུ་འབྲུག་༡༧༧༢ལོར་དགོངས་པ་ཆོས་དབྱིངས་སུ་གཤེགས། དགོངས་རྫོགས་ཀྱི་ཕྱིར་དུ་བཞེངས་པའི་དངུལ་གདུང་བྱང་ཆུབ་མཆོད་རྟེན་ནི་དགའ་ལྡན་བློ་གསལ་གླིང་དུ་བཞུགས། གསུང་སྐྱེས་སློབ་མ་གྲགས་ཆེ་བ་ནི་སྐྱབས་མགོན་ཚེ་སྨོན་གླིང་ནོ་མིན་ཧན་ངག་དབང་ཚུལ་ཁྲིམས་དང༌། ཀློང་རྡོལ་བླ་མ་ངག་དབང་བློ་བཟང༌། གཙང་པ་མཁན་ཆེན་ཡེ་ཤེས་དཔལ་འབྱོར་སོགས་མང་པོ་བསྐྱངས།

དགའ་ལྡན་ཁྲི་ཐོག་དྲུག་ཅུ་པ་ཚ་བ་བློ་བཟང་བསྟན་པ་ནི། རབ་བྱུང་བཅུ་གཉིས་པའི་ཤིང་སྦྲུལ་༡༧༢༥ལོར་མདོ་ཁམས་ཚ་བ་རོང་ར་ལོ་ཞེས་པར་སྐུུ་འཁྲུངས། སྐུུ་ན་ཆུང་དུས་ནས་དམ་པའི་སྐྱེས་བུའི་རྟགས་མཚན་ཡོད་པ་ཞིག་ཏེ། ཕྱུགས་རྫིར་བསྐྱོད་པའི་སྐབས་ར་ལུག་སེམས་ཅན་རྣམས་མཐར་བསྐོར་ཏེ། རང་ཉིད་རྡོ་ཕ་བོང་གི་སྟེང་དུ་འཛེགས་ནས་དེ་དག་ལ་ཆོས་འཆད་པའི་སྟངས་ཀ་ཡང་ཡང་མཛད་ཀྱི་ཡོད་ཅེས་རྒན་རབས་དག་གི་ངག་རྒྱུན་ཡས་ཐོས་ཚུལ་ཆོས་རྗེ་བློ་བཟང་ཉི་མས་རྒྱུད་རྨད་ཆོས་འབྱུང་གཡའ་དག་འཕྲུལ་གྱི་མེ་ལོང་དུ་གསུངས། རྒྱུད་སྨད་ ༡༩༡༡༩༢ གཞིས་དགོན་ཚ་བ་ར་ལོ་དགོན་པའི་ཆོས་སྒོར་ནས་རབ་བྱུང་སྒྲུབ་སྟེ་ཡི་གེ་སྦྱོར་ཀློག་དང་ཆོས་སྤྱོད་ཆོ་ག་སོགས་དགོན་དེའི་བྱེད་སྒོ་ཀུན་ཐུགས་ལ་ཆུབ་པར་མཛད། དགུང་ལོ་བཅུ་དྲུག་པར་༡༧༤༡དབུས་འགྱུར་ཆོས་ཀྱི་ཞིང་སར་ཕེབས་ཏེ་གདན་ས་གསུམ་དང་རྒྱུད་གྲྭ་ཇོ་ཁང་གཉིས་ཀྱི་མཚོན་པའི་རྟེན་དང་གནས་ཆེན་ཁག་ལ་མཆོད་མཇལ་གནང༌། དེ་ནས་གངས་ཅན་གྱི་ཆོས་སྡེ་ཆེན་པོ་སེ་ར་བྱེས་པ་གྲྭ་ཚང་གི་ལཱ་བ་ཁང་ཚན་དུ་ཆོས་ཞུགས་གནང༌། བསྡུས་གཞུང་ནས་བཟུང༌། རྣམ་འགྲེལ་དང༌། དབུ་ཕར། འདུལ་མཛོད་བཅས་ལ་དགག་བཞག་སྤོང་གསུམ་གྱི་སྒོ་ནས་བསླབ་པའི་མཐར་སོན་གླིང་བསྲེའི་གྲྭ་སྐོར་མཛད་པས་མཁས་པའི་མཚན་སྙྙན་འབར། རྒྱལ་མཆོག་བསྐལ་བཟང་རྒྱ་མཚོ་དང༌། དུང་དཀར་ངག་དབང་ཆོས་གྲགས་རྒྱ་མཚོ། དེ་མོ་ངག་དབང་འཇམ་དཔལ་དགེ་ལེགས་རྒྱ་མཚོ་གསུམ་ལས་དགེ་སློང་གི་སྡོམ་པ་མནོས། རྒྱུད་སྨད་དུ་ཞུགས་ཏེ་རྒྱུད་སྨད་མཁན་པོ་ཆོས་རྒྱ་མཚོ་སོགས་ལ་བརྟེན་ནས་རྒྱུད་སྡེ་རྒྱ་མཚོའི་མན་ངག་གཅིག་ཏུ་འཁྱིལ་བ་རྗེའི་འགྲེལ་བ་བཞི་སྦྲགས་དང་ཤེར་སེང་བའི་ཊིཀཱྐའི་ཐོག་ནས་རྒྱུད་སྡེ་བཞིའི་དོན་ལ་མཁས་པར་བསླབས། ཕུར་ལྕོག་ངག་དབང་བྱམས་པ་སོགས་བསྟན་འཛིན་སྐྱེས་ཆེན་དུ་མའི་ཞལ་ནས་མདོ་སྔགས་ཀྱི་ལམ་གྱི་རིམ་པའི་དབང་ལུང་མན་ངག་ཤིན་ཏུ་མང་པོ་མནོས། དགུང་ལོ་སོ་བདུན་པར་རྒྱུད་སྨད་དགེ་བསྐོས་དང་བླ་མ་དབུ་མཛད་མཉམ་དུ་གནང༌། དེ་ནས་རིམ་བཞིན་རྒྱུད་སྨད་མཁན་ཁྲིར་ཕེབས་ཏེ་རྒྱུད་ཀྱི་འཆད་མཉན་རྒྱ་ཆེར་བསྐྱངས། དགུང་ལོ་ཞེ་བརྒྱད་པ་རབ་བྱུང་བཅུ་གསུམ་པའི་ཆུ་འབྲུག་༡༧༧༢ལོར་དགའ་ལྡན་གསེར་ཁྲིར་ཕེབས་ཏེ། མདོ་སྔགས་ཀྱི་ཆོས་ཚུལ་འཆད་མཉན་དང་རྟེན་གསུམ་གསར་བཞེངས་སོགས་ཀྱིས་མཚོན་མདོར་ན་ཁྲི་ལོ་དྲུག་སྐྱོང་རིང་བཤད་སྒྲུབ་ལས་གསུམ་གྱི་སྒོ་ནས་དགེ་ལྡན་བསྟན་པའི་རྒྱལ་མཚན་མི་ནུབ་བླ་ནས་བླ་ན་བཏེགས། རྗེ་འདིས་རྒྱལ་མཆོག་བརྒྱད་པ་འཇམ་དཔལ་རྒྱ་མཚོའི་ཡོངས་འཛིན་ཡང་གནང་སྟེ་གཞུང་ཆེན་ཁག་གི་འཛུབ་འཁྲིད་གནང༌། མེ་བྱ་༡༧༧༧་ལོར་རྒྱལ་མཆོག་འཇམ་དཔལ་རྒྱ་མཚོ་པཎ་ཆེན་དཔལ་ལྡན་ཡེ་ཤེས་ཀྱི་དྲུང་ནས་དགེ་སློང་གི་སྡོམ་པ་བཞེས་པའི་སྐབས་དུས་གོ་བར་མཛད་དེ། རྒྱལ་མཆོག་འཇམ་དཔལ་རྒྱ་མཚོ་རྣམ་ཐར་ལས། ཟླ་བ་གསུམ་པའི་ཚེས་བདུན་ལ་གྲལ་རྩེ་ཕེབས་པར་ངེད་ཀྱི་ཏཱ་ལའི་བླ་མ་རིན་པོ་ཆེ། ད་ལྟ་མདོ་སྔགས་ཀྱི་བཀའ་ཆོས་མང་པོ་གསན་བཞེས་ལ་སྐུུ་ཡོན་གྱི་བགེགས་སུ་མི་འགྱུར་བའི་ཆེད། ཨེར་ཏེ་ནེ་ནོ་མིན་ཧན་ངག་དབང་ཚུལ་ཁྲིམས་ཆོས་སྲིད་ཀྱི་ལས་དོན་ཞབས་འདེགས་ཞུ་བར་བཀའི་ལུང་གི་མངགས་ཏེ་རྫོང་བདའི་གནས་ཚུལ་ལན་ཡང་ཕུལ། ཡབ་སྲས་ལྷན་ཅིག་ལྷ་ལྡན་སྤྲུལ་པའི་ཕོ་བྲང་དུ་ཆིབས་ཀྱི་ཁ་ལོ་བསྒྱུར་ཏེ་མངོན་པར་རྫོགས་པར་སངས་རྒྱས་པའི་དུས་ཆེན་སོགས་གསུམ་འཇོམ་གཟའ་སྐུར་འཕྲོད་སྦྱོར་ཕུན་སུམ་ཚོགས་པའི་ཉིན་རྟ་བདུན་དབང་པོ་ཤར་རིའི་རྩེ་ལས་མངོན་པར་འཕགས་ཏེ་དི༷ལ་འཁོར་བཞི་ཆ་ལོངས་བར། གནས་ཕུན་སུམ་ཚོགས་པ་འཕྲུལ་སྣང་གན྄དྷོ་ལ་རྡོ་རྗེ་གདན་གཉིས་པར་རྟེན་ཕུན་སུམ་ཚོགས་པ་བསྟན་པའི་བདག་པོ་དངོས་དང་དབྱེར་མེད་ཀྱི་སྐུུའི་དྲུང་དུ། བདེ་ལྡན་ཞིང་གི་མགོན་པོ་ངུར་སྨྲིག་གར་རོལ་ཐུབ་བསྟན་ཡོངས་རྫོགས་ཀྱི་ཁུར་ཐེག་པ་ཐུགས་རྗེའི་བདག་ཉིད་འཛམ་གླིང་བསླབ་གསུམ་རྒྱན་མཛེས་རྣམས་ཀྱི་གཙུག་གི་ནོར་བུ་བརྟན་མཁས་ཀྱི་ཡོན་ཏན་ཟུང་དང་ལྡན་པ་པཎ་ཆེན་ཐམས་ཅད་མཁྱེན་གཟིགས་ཆེན་པོ་དོན་གྱི་སླད་དུ་མཚན་ནས་སྨོས་ན་རྗེ་བཙུན་བློ་བཟང་དཔལ་ལྡན་ཡེ་ཤེས་དཔལ་བཟང་པོའི་ཞལ་སྔ་ནས་ཀྱི་མཁན་པོ། སྡེ་སྣོད་གསུམ་གྱི་དོན་རྣམས་འབྱེད་ནུས་པ་མང་ཐོས་འཇིགས་པ་མེད་པའི་ཁྱུ་མཆོག་རླབས་པོ་ཆེའི་གནས་འཐོབ་པ་མཁས་ཤིང་གནས་བརྟན་འདུལ་བ་འཛིན་པ་ཁྲི་ཟུར་ངག་དབང་ཆོས་གྲགས་ཀྱི་ལས་སློབ། བསྟན་པ་མ་ལུས་པའི་བརྗོད་དོན་མངོན་དུ་གྱུར་པ་བཀའ་དྲིན་མཚུངས་མེད་ཡོངས་འཛིན་བློ་བཟངོ་ཆོས་འཕེལ་གྱི་ཞལ་སྔ་ནས་ཀྱི་གསང་སྟེ་སྟོན་པའི་སློབ་དཔོན། ལུང་རྟོགས་སྡེ་སྣོད་འཛིན་པ་ཆེན་པོ་ཁྲི་ཆེན་བློ་བཟང་བསྟན་པས་དུས་གོ་བ། མཁས་ཤིང་གྲུབ་པའི་དབང་ཕྱུག་བློ་བཟང་ཐུབ་བསྟན་དགེ་ལེགས་རྒྱལ་མཚན་ནས་ཀྱིས་དྲང་སྲོང་ཆེན་པོའི་སྣོད་བྲིམ་པ། བྱང་ཆུབ་ཀྱི་སེམས་དང་རྒྱུད་འགྲོགས་པ་བྱང་རྩེ་མཁན་པོ་བློ་བཟང་སྨོན་ལམ། ཤར་པ་ཆོས་རྗེ་བློ་བཟང་སྦྱིན་པ། རྒྱུད་སྟོད་མཁན་པོ་བློ་བཟང་སྦྱིན་པ་སོགས་བཤེས་གཉེན་དམ་པ་བདུན་ཕྲག་གསུམ་གྱི་དབུས་སུ་སྔ་དྲོའི་གྲིབ་ཚོད་སྐྱེས་བུ་གཅིག་དང༌། རྐང་པ་གཅིག་གི་སྟེང་དུ་སླེབས་པ་ན་གསོལ་བ་དང་བཞིའི་ལས་ཀྱི་ད་ལྟར་གྱི་ཆོ་ག་སྦྱོར་དངོས་མཇུག་གསུམ་ཡོངས་སུ་རྫོགས་པ་ཕྱག་ལེན་རྣམ་པར་དག་པའི་འཇུག་པ་སྔོན་དུ་མཛད་དེ་བསྟན་པའི་སྙྙིང་པོ་སོ་སོ་ཐར་པའི་སྡོམ་པ་རྣམས་ཀྱི་མཆོག་སྤོང་བདུན་འཁོར་བཅས་ཀྱི་ཚུལ་ཁྲིམས་བསྙྙེན་པར་རྫོགས་པ་དགེ་སློང་གི་སྡོམ་པ་རྣམ་པར་དག་པ་ཚུལ་བཞིན་བཞེས་ས་ངུར་སྨྲིག་གི་རྒྱལ་མཚན་འཛིན་པ་རྣམས་ཀྱི་གཙུག་གི་ནོར་བུ་ཐུབ་དབང་མཆོག་གི་རྒྱལ་ཚབ་ཆེན་པོར་མངའ་སོལ་བར་གྱུར་ཏོ། །༥༡༣༥༡༤ཞེས་འབྱུང་བས་སོ། ལོ་དེའི་བོད་ཟླ་དགུ་བའི་ཚེས་གསུམ་ལ་སྲིད་སྐྱོང་རིན་པོ་ཆེ་ཤར་བ་ཆོས་རྗེ་ཚེ་སྨོན་གླིང་སྐུ་ཕྲེང་དང་པོ་ངག་དབང་ཚུལ་ཁྲིམས་རྒྱལ་དབང་ཐམས་ཅད་མཁྱེན་པ་སྐུུ་ཕྲེང་བརྒྱད་པ་འཇམ་དཔལ་རྒྱ་མཚོའི་ཡོངས་འཛིན་ཆེ་བ་དང༌། དགའ་ལྡན་ཁྲི་ཟུར་བློ་བཟང་བསྟན་པ་འདི་ཉིད་ཡོངས་འཛིན་ཆུང་བ་མཛད་དེ་རྒྱལ་དབང་མཆོག་ལ་མཚན་ཉིད་ཀྱི་བཤད་ཁྲིད་རྒྱ་ཆེར་ཕུལ། མཐར་དགུང་གྲངས་ང་བརྒྱད་པ་རབ་བྱུང་བཅུ་གསུམ་པའི་ཆུ་སྟག་༡༧༨༢ལོར་དགོངས་པ་ཆོས་དབྱིངས་སུ་ཐིམ། གསུང་སྐྱེས་སློབ་མ་ཡང་རྒྱལ་མཆོག་འཇམ་དཔལ་རྒྱ་མཚོ་དང༌། དགའ་ཁྲི་རེ་གཉིས་པ་སྤྲོ་ནང་བློ་བཟང་སྨོན་ལམ་དང༌། སྟག་ཕུ་གར་དབང༌། རྨི་ལི་མཁན་ཆེན་བློ་བཟང་སྦྱིན་པ་སོགས་མཁས་པའི་སྐྱེས་ཆེན་ཤིན་ཏུ་མང་པོ་བསྐྱངས། རྗེ་འདིའི་སྐུུ་ཕྲེང་གཉིས་པ་ཚ་བ་བུལ་ཏོག་སྤྲུལ་སྐུུ་མཆོག་འཁྲུངས་ལོ་འཁྲུངས་ཡུལ་མི་གསལ་ཡང༌། གདན་ས་འབྲས་སྤུངས་བློ་གསལ་གླིང་གི་ཚ་བ་ཁང་ཚན་དུ་ཞུགས་ནས། བསྡུས་གཞུང་ནས་ཚད་མ་དང་དབུ་ཕར། འདུལ་མཛོད་བཅས་ལ་གཞན་དྲིང་མེད་པའི་མཁས་པར་བསླབ་ནས་ལྷ་ལྡན་སྨོན་ལམ་ཆེན་མོའི་གྲྭ་སྐོར་མཛད། ཁམས་ཁུལ་དུ་ཕེབས་ནས་སྐུར་མདའ་དགོན་པ་སོགས་མདོ་ཁམས་ཀྱི་ཆོས་སྡེ་དུ་མར་དཔལ་ལྡན་དུས་ཀྱི་འཁོར་ལོའི་ཕྱི་ནང་གསང་གསུམ་གྱི་དབང་དང་གཞན་ཡང་བདེ་གསང་འཇིགས་གསུམ་གྱི་དབང༌། བྱང་ཆུབ་ལམ་གྱི་རིམ་པའི་ཁྲིད་སོགས་མདོ་སྔགས་ཀྱི་བཀའ་ལུང་མན་ངག་རྒྱ་ཆེར་གནང༌། སྐུུ་ཕྲེང་གསུམ་པ། ཁམས་དོན་འགྲུབ་གླིང་དུ་འཁྲུངས། ཆུང་དུས་ནས་གོང་མའི་ཡང་སྲིད་ངོས་རྙེད་བྱུང༌། དབུས་སུ་བྱོན་ནས་འབྲས་སྤུངས་བློ་གསལ་གླིང་དུ་ཆོས་ཞུགས་གནང༌། ཚ་བ་དགེ་བཤེས་འཇམ་དབྱངས་ཉི་མ་དང༌། མ་ཎི་སྤྲུལ་སྐུུ་སོགས་ཀྱི་ཞབས་པད་ལ་བརྟེན་ནས། གཞུངལུགས་ཁག་ལ་གསན་བསམ་མཛད་ནས་གྲྭ་སྐོར་མཛད། དུས་འགྱུར་བྱུང་རྗེས་ཀླ་ཀློའི་མནར་བཅད་སྣ་ཚོགས་མྱོང༌། ལོ་རབས་བདུན་ཅུ་པའི་ནང་དབུས་འགྱུར་འཕགས་པའི་ཡུལ་དུ་བྲོས་བྱོལ་དུ་འབྱོར་ནས་བལ་པོའི་ཡུལ་དུ་འཚོ་བཞུགས་ཡོད་སྐད་ཐོས། །

དགའ་ལྡན་ཁྲི་ཐོག་རེ་གཅིག་པ་ཚེ་སྨོན་གླིང་སྐུུ་ཕྲེང་དང་པོ་ངག་དབང་ཚུལ་ཁྲིམས་དཔལ་བཟང་པོ་ནི། རབ་བྱུང་བཅུ་གཉིས་པའི་ལྕགས་གླང་༡༧༢༡ལོར་ཅོ་ནེའི་མངའ་ཁོངས་ཆ་ལག་དར་མོའི་རྟ་བོ་མདོ་གྲོང་སྡེ་རུ་ཆོས་ལ་དད་ཅིང་གཤིས་རྒྱུད་འཇམ་པ་བྱམས་བརྩེའི་གཤིས་སུ་གནས་པའི་ཡབ་ཆོས་སྐྱབས་དང་ཡུམ་མཚེས་ཆེན་ཞེས་པའི་སྲས་སུ་ངོ་མཚར་བའི་མཚན་མ་དང་བཅས་སྐུུ་བལྟམས། དགུང་ལོ་བདུན་བཞེས་པའི་སྐབས་ཉེ་འདབས་ཀྱི་ཚ་རྡོར་དགོན་དུ་ཞུགས་ཏེ་འདོན་ཆ་བསླབས། དགོན་པའི་ཁྲི་པ་མཁན་པོར་མདུན་ནས་རབ་ཏུ་བྱུང༌། མཚན་ལ་ངག་དབང་ཚུལ་ཁྲིམས་ཞེས་གསོལ། དགུང་ལོ་བཅུ་དྲུག་གི་སྟེང་ཅོ་ནེ་དགོན་ཆེན་དུ་ཕེབས་ནས་མཚན་ཉིད་གྲྭ་ཚང་དུ་ཚོགས་ཞུགས་མཛད། མཚན་ཉིད་མཁན་པོ་རྗེ་བཙུན་གྲགས་པ་བཤད་སྒྲུབ་བླ་མར་བསྟེན་ནས་བསྡུས་གྲྭ་དང་ཚད་མ་རྣམ་འགྲེལ། ཚད་མ་རྣམ་ངེས། མངོན་རྟོགས་རྒྱན། ཕར་ཕྱིན་སོགས་གཞུང་མང་པོར་གསན་སྦྱངས་མཛད། དགུང་ལོ་ཉེར་གསུམ་པའི་དུས་སུ་ཁོང་གི་དགེ་རྒན་རྗེ་བཙུན་གྲགས་བཤད་སྒྲུབ་མཆོག་གི་བཀས་སྐུུལ་དང་དུ་བླངས་ཏེ་བོད་ལྷ་ལྡན་དུ་ཕེབས། སྲུང་མ་ཐ་འོག་ཆོས་རྒྱལ་གྱིས་སྤྲུལ་བའི་ཚོང་དཔོན་རྟ་ནག་ཅན་ཞིག་གིས་བསྐུུལ་ཏེ་སེར་སྨད་གྲྭ་ཚང་ཚ་རྡོར་ཁང་ཚན་དུ་ཞུགས་ནས་འཚོ་བ་ངན་ངོན་ཙམ་གྱི་ངང་དཀའ་སྤྱད་སྡུག་རུས་སྣ་ཚོགས་ཀྱིས་གཞུང་ཆེན་བཀའ་པོད་ལྔ་ལ་སོགས་པར་གསན་སྦྱོང་གཏིང་ཚུགས་པར་མཛད། དེ་ནས་བྱན་ཆུད་པས་འཆད་རྩོད་རྩོམ་གསུམ་སྤེལ་ནུས་པར་མ་ཟད། ཐོས་བསམ་གྱི་བར་གསེང་དུ་རྒྱལ་དབང་བསྐུལ་བཟང་རྒྱ་མཚོ། པཎ་ཆེན་དཔལ་ལྡན་ཡེ་ཤེས། ཕུར་ལྕོག་ངག་དབང་བྱམས་པ་ཁྲི་ཆེན་ངག་དབང་ཆོས་གྲགས་སོགས་སྐྱེས་ཆེན་དམ་པའི་སྤྱན་སྔ་ནས་མདོ་སྔགས་ཀྱི་དབང་ལུང་མན་ངག་ཚུལ་བཞིན་གསན་པ་དང༌། དགུང་ལོ་སོ་བརྒྱད་པ་རབ་བྱུང་བཅུ་གསུམ་པའི་ས་སྟག་༡༧༥༨ལོའི་ཟླ་བ་དང་པོ་ཚེས་བཅུ་གསུམ་ལ་ལྷ་ལྡན་གཙུག་ལག་ཁང་དུ་སྨོན་ལམ་ཆེན་མོར་དགེ་འདུན་ཉིས་ཁྲི་ཚོགས་པའི་དབུས་སུ་གྲྭ་སྐོར་གྱི་དམ་བཅའ་མཛད་པ་ལ་གཞུང་ཆེན་བཀའ་པོད་ལྔ་དང་བཅས་པ་གང་གི་ཐད་ལའང་ཞུམ་མེད་ཀྱི་ལན་ཐོགས་པ་མེད་པར་རབ་འབྱམས་སྨྲ་བའི་མཁས་དབང་ཀུན་གྱི་ཐུགས་མཉེས་པར་གྱུར་ཏེ་ལྷ་རམས་པའི་མཚན་གནས་བཞེས། ལོ་དེར་རྗེ་ངག་དབང་བྱམས་པའི་བཀས་བསྐུུལ་ལྟར་དཔལ་ལྡན་རྒྱུད་སྟོད་གྲྭ་ཚང་དུ་ཚོགས་འགྲིམས་མཛད་དེ་ཆོས་རྗེ་ངག་དབང་ཆོས་གྲགས་ཀྱི་ཞལ་སྔ་ནས་རྒྱུད་སྡེ་བཞི་དང་རྒྱུད་འགྲེལ་སོགས་གསན་སྦྱོང་དཔྱིས་ཕྱིན་པར་མཛད་དེ་མཐར་མདོ་སྔགས་ཟུང་ལ་མཁྱེན་པའི་བློ་སྟོབས་རྒྱས་པས་དྲན་དབང་ཀུན་གྱི་ཡང་རྩེར་སོན། དེ་ནས་རྒྱུད་སྟོད་པའི་བླ་མ་དབུ་མཛད་ཀྱི་ཁྲིར་མངའ་གསོལ་བ་དང་ལྕགས་སྤྲུལ་ལོར་དེའི་མཁན་པོ་མཛད། དགུང་ལོ་ཞེ་གཉིས་བཞེས་སྐབས་རྒྱལ་ཚབ་དེ་མོ་རིན་པོ་ཆེ་དང་ཨམ་བན་བོད་སྡོད་བློན་ཆེན་གཉིས་བཅས་ལ་ཆིན་ཆན་ལུང་གོང་མས་དགེ་ལྡན་ཁྲི་པ་ལྟ་བུའི་དགེ་བཤེས་ཞིག་པེ་ཅིན་དུ་འབྱོར་ནས་དགའ་ལྡན་བྱིན་ཆགས་གླིང་གི་བསྟན་པ་སྤེལ་བར་ཆེད་གཉེར་དགོས་པའི་བཀའ་ལུང་ལྟར་འབྱོར་བ་དང༌། པཎ་ཆེན་དཔལ་ལྡན་ཡེ་ཤེས་ཀྱི་བཅིལ་བ་བཞིན་ཤར་བ་ཆོས་རྗེའི་ཁྲིར་བཀོད་པའི་བཀའ་སྒྱུར་གནང་ཞིང་ཟླ་བ་ཁ་ཤས་ལ་ཁྲི་བཞུགས་མཛད། ལོ་དེའི་ཟླ་ལྔ་བའི་ནང་སྐུུ་འཁོར་མི་ཉུང་བ་དང་བཅས་པེ་ཅིན་ལ་ཆིབས་སྒྱུར་མཛད། ཆུ་རྟ་ལོའི་ཟླ་དགུ་པའི་ཚེས་ལྔ་ལ་པེ་ཅིན་དུ་འབྱོར། དགའ་ལྡན་བྱིན་ཆགས་གླིང་གི་དགོན་པའི་ཁྲི་པ་ལོ་བཅུ་དྲུག་བཞུགས་པའི་རིང་སྟེ་ཁོང་དགུང་ལོ་ཞེ་དྲུག་ནས་ལམ་རིམ་སོགས་ཆོས་འཆད་ཉན་རྒྱ་ཆེར་གནང་སྟེ་མཛད་རྗེས་རླབས་ཆེ་བ་བྱུང་བས་གོང་མ་ཐུགས་དགྱེས་ནས་བསྟན་པའི་བཀའ་གསལ་བྱེད་ཆོས་ཀྱི་རྒྱལ་པོ་ཞེས་པའི་སོག་མན་བོད་རྒྱའི་སྐད་ཀྱི་ཐམ་ཀ་དང་འཇའ་ས་བསྩལ། དགུང་ལོ་ལྔ་བདུན་བ་མེ་བྱ་༡༧༧༧ལོའི་ཟླ་དང་པོའི་ཚེས་ཉེར་གཉིས་ལ་བོད་སྲིད་སྐྱོང་ཡོངས་འཛིན་དེ་མོ་ངག་དབང་འཇམ་དཔལ་བདེ་ལེགས་རྒྱ་མཚོ་སྐུུ་ཞི་བར་གཤེགས། སྐབས་དེར་རྒྱལ་དབང་སྐུུ་ཕྲེང་བརྒྱད་པ་འཇམ་དཔལ་རྒྱ་མཚོ་སྐུུ་ན་ཕྲ་བས་རེ་ཞིག་སྲིད་སྐྱོང་མེད་སྟབས། པཎ་ཆེན་དཔལ་ལྡན་ཡེ་ཤེས་ཀྱིས་ནོ་མོན་ཧན་ཚེ་སྨོན་གླིང་ངག་དབང་ཚུལ་ཁྲིམས་བོད་ཀྱི་སྲིད་སྐྱོང་གི་ཁུར་བཞེས་སྣོམས་ན་ལེགས་ལམ་ཆེ་ཚུལ་གོང་སའི་སྙྙན་དུ་འཁྱོལ་བར་ཞུས་པས། མེ་བྱ༡༧༧༧ལོའི་ཟླ་གཉིས་པའི་ཚེས་ཉེར་བརྒྱད་ལ་སྔར་བོད་དུ་གཏོང་ངོས་བྱས་པའི་ཛ་སག་བླ་མ་མཚན་སྒྲོག་མཁན་ཆེན་ཕྱིར་འཐེན་ནས་ཚེ་སྨིན་གླིང་བ་ལ་དགའ་ལྡན་ཤྲིའ་ཐུ་ནོ་མིན་ཧན་ཞེས་པའི་མཚན་བསྩལ་ནས་བོད་སྲིད་སྐྱོང་གི་ལས་འགན་འཕྲོ་མཐུད་སྦྲེལ་བར་བྱ་བའི་བཀའ་ཕབ་པ་ལྟར་བློན་ཆེན་སྦྱར་སྤི་རྣམས་དང་བསྡེབས་ནས་བོད་དུ་ཆིབས་ཁ་བསྒྱུར། བྱིན་ཆགས་གླིང་གི་ཨེར་ཏི་ནི་ནོ་མིན་ཧན་ཞེས་པའི་ཆོ་ལོ་བསྩལ་པ་དང་ཟླ་བ་བཞི་བའི་ཚེས་བརྒྱད་ལ་བོད་དུ་ཕེབས་པར་རྩོམ་པ་ན་ཡང་ཆན་ལུང་གོང་མས་ཏཱ་ལའི་བླ་མར་རམ་དེས་བྱེད་པའི་དགའ་ལྡན་ཤྲིའ་ཐུ་ནོ་མིན་ཧན་ངག་དབང་ཆུལ་ཁྲིམས་ཀྱིས་སྲིད་སྐྱོང་མཛད་ཅིག ཅེས་པའི་རེ་བ་ཞུས་ནས་གོ་ས་དང་ཐམ་ཀ་གནང་ཞིང་བོད་དབུས་གཙང་ཕྱོགས་ཀྱི་ཞྭ་སེར་གྱི་བསྟན་པ་རྒྱ་ཆེར་སྤེལ་ཏེ་མངའ་འབངས་བཀའ་ཁྲིམས་ཀྱིས་བཅེས་སྐྱོང་མཛད་དགོས་པ་བསྟན། ལོ་དེའི་ཟླ་དགུ་བའི་ཚེས་གསུམ་ལ་སྲིད་སྐྱོང་རིན་པོ་ཆེ་འདི་ཉིད་ཐམས་ཅད་མཁྱེན་པ་སྐུུ་ཕྲེང་བརྒྱད་པ་འཇམ་དཔལ་རྒྱ་མཚོའི་ཡོངས་འཛིན་ཆེ་བ་དང༌། དགའ་ལྡན་ཁྲི་ཟུར་བློ་བཟང་བསྟན་པ་ཡོངས་འཛིན་ཆུང་བ་མཛད་པར་དགའ་སྟོན་རྟེན་འབྲེལ་བགྱིད་སྐབས་མི་སེར་ཚོས། ཉི་མ་ཤར་ནས་ཤར་བྱུང༌། །སྐུུ་ཞབས་རྒྱ་ནས་ཕེབས་བྱུང༌། །བོད་ཁམས་སྐྱོང་པའི་ནོར་བུ། །གསེར་གྱི་ཁྲི་ལ་ཕེབས་ནས། །དགེ་ལྡན་བསྟན་པ་དར་ཞིང༌། །ཆབ་འབངས་བདེ་ལ་བཀོད་སོང༌། །ཞེས་པའི་བསྟོད་བསྔགས་བརྗོད། དགུང་ལོ་ང་བརྒྱད་པ་རབ་བྱུང་བཅུ་གསུམ་པའི་ས་ཁྱི་༡༧༧༨ལོའི་བོད་ཟླ་ལྔ་བའི་ཚེས་བཅུ་གཉིས་ལ་དགེ་ལྡན་རྣམ་པར་རྒྱལ་བའི་གླིང་གི་གསེར་གྱི་ཁྲི་འཕང་མཐོན་པོར་མངའ་གསོལ། སྔ་ལོ་མེ་བྱ་ལོར་རྒྱུད་སྟོད་ལྷ་ཁང་གསར་དུ་བཞེངས་པའི་མཐུན་རྐྱེན་ཕུན་སུམ་ཚོགས་པར་གནང་བས་ལི་ཁང་ཀ་བ་སུམ་ཅུ་སོ་དྲུག་སྦུག་མགོན་ཁང་དང་མཛོད། མདོར་སྒོ་མཆོར་བཅས་དང་སྟེང་ཤོད་རུང་ཁང་རྡོ་གཅལ་ཆེན་མོ་ཆོས་གྲྭ་ལྡན་པ་ཕུབ་ཅིང་ཚོན་རྩི་དང་སྡེབས་རིས། གནམ་རྒྱན་མཆོད་རྫས་ལེགས་པར་གྲུབ་པ་ལ་རྒྱལ་དབང་ཐམས་ཅད་མཁྱེན་པ་སྤྱན་དྲངས་ནས་རབ་གནས་གནང༌། ལྷ་ཁང་མན་ལ་ལེགས་བཤད་ཀུན་སྒྲོག་གླིང་ཞེས་གསོལ། རྗེ་ཁོང་ཉིད་གསང་འདུས་བདག་འཇུག་གི་ཚོགས་མགོན་མཛད། དེའི་རྗེསགོང་མས་པཎ་ཆེན་སྐུུ་ཕྲེང་དྲུག་པ་པེ་ཅིན་དུ་ཕེབས། དགོན་པ་དང་བོད་སྲིད་སྐྱོང་བཅས་ཀྱིས་དེའི་ཐད་སྟ་གོན་བྱ་དགོས་པའི་བཀའ་འབྱོར་པས་ན་རྗེ་འདི་བས་བཀའ་ཤག་དང་སྡེ་དཔོན་བཅས་པས་ཟླ་དྲུག་པའི་ཚེས་བཅུ་བདུན་ལ་ཡངས་པ་ཅན་དུ་ཕེབས་སྐྱེལ་ཞུ་ཆེད་རྒྱལ་དབང་མཆོག་དང་སྡེ་སྲིད། བོད་སྡོད་ཨམ་བན་དག་ལ་ཞལ་འཛོམས་ལྷན་སྡུད་མཛད་ཅིང་བཀྲ་ཤིས་མཐོང་སྨོན་ཞེས་པས་ཕེབས་སྐྱེལ་གྱི་མཛད་སྒོ་རྒྱ་ཆེན་པོ་ཚོགས། འོན་ཀྱང་སྟབས་མ་ལེགས་པར་པཎ་ཆེན་དཔལ་ལྡན་ཡེ་ཤེས་མཆོག་གློ་བུར་དུ་ལྕགས་བྱི་ལོའི་བོད་ཟླ་བཅུ་གཅིག་པའི་ཚེས་གཉིས་ལ་པེ་ཅིན་ལྷ་ཁང་སེར་པོ་ནས་གཟུགས་སྐུུ་ཆོས་དབྱིངས་སུ་ཐིམ་ཞིང༌། རྒྱ་ནག་ནས་བོད་དུ་བརྡ་འབྱོར་འཕྲལ། ཕྱི་ལོའི་གླངཟླ་དྲུག་པའི་ཚེས་བཅུ་དྲུག་ཉིན་ལ་པཎ་ཆེན་རིན་པོ་ཆེའི་སྐུུ་གདུང་འབྲུ་ཆུའི་སྟོད་རྒྱུད་དུ་བསྐྱལ་བ་ལ་རྒྱལ་དབང་མཆོག་དང་སྲིད་སྐྱོང་ཁོང་ཉིད་ཀྱིས་བཀའ་ཤག་གི་བཀའ་བློན་ཐུབ་པ་གཙོས་ནས་གདུང་བསུ་སྐུུ་ཚབ་ཏུ་མངགས་ནས་སྐུུ་གདུང་གདན་འདྲེན་ཞུས། བོད་ཟླ་བརྒྱད་པའི་ཚེས་བརྒྱད་ལ་པཎ་ཆེན་རིན་པོ་ཆེའི་སྐུུ་གདུང་གཙང་བཀྲ་ཤིས་ལྷུན་པོར་གདན་དྲངས་ནས་གདུང་རྟེན་དུ་བཞུགས་སུ་གསོལ་བ་དང་གོང་མས་རྒྱལ་དབང་སྐུུ་ཕྲེང་བརྒྱད་པ་སྲིད་སྐྱོང་དུ་མཛད་པ་དང༌། ཚེ་སྨོན་གླིང་བས་མུ་མཐུད་དུ་སྲིད་སྐྱོང་རོགས་འདེགས་མཛད་དགོས་པའི་བཀའ་སློབ་བསྩལ། ལྷ་ལྡན་གཙུག་ལག་ཁང་དུ་ཟླ་བཞི་བའི་ཚེས་བཅོ་ལྔ་ཉིན་ལ་རྗེ་འདི་བའི་དྲུང་ནས་རྒྱལ་དབང་ཐམས་ཅད་མཁྱེན་པ་མཆོག་གི་དགེ་ཚུལ་གྱི་སྡོམ་པ་མནོས། ལྕགས་བྱི་ལོར་ཡང་སེར་སྨད་ཐོས་བསམ་ནོར་བུ་གླིང་དུ་འདུ་ཁང་གི་རྟེན་གཙོ་བོ་གསར་བཞེངས། ཇོ་བོ་བྱང་ཆུབ་ཆེན་པོ་ཆེ་ཁྲི་དྲུག་འགྱོགས་ཅན་བཟོ་བཀོད་ཕྲ་རྒྱན་ཅན་ལྟ་བས་མི་ངོམས་པ་གསར་དུ་བཞེངས་པ་དང༌། སྤྱན་རས་གཟིགས་ཀྱི་ལྷ་ཁང་གི་གཡས་སུ་གསེར་ཟངས་ལས་གྲུབ་པའི་འཕགས་པ་ཐུགས་རྗེ་ཆེན་པོ་བཅུ་གཅིག་ཞལ་གྱིས་སྐུུ་བརསྙན་རྒྱལ་ཡོལ་བ་ཏྲ་མ་ཕྲ་རྒྱན་གྱིས་སྤྲས་པ། གཡོན་དུ་ཙན་དན་དམར་པོ་ལས་གྲུབ་པའི་ཇོ་བོ་ལོ་ཀི་ཤོ་རའི་སྣང་བརསྙན་ཁྲི་རྒྱབ་ཡོལ་ཅན་མི་ཚད་གཉིས་ཙམ། ཐུགས་རྗེ་ཆེན་པོ་རྒྱལ་བ་རྒྱ་མཚོ། གདུགས་དཀར། ཕྱག་སྟོང་སྤྱན་སྟོང༌། གཞན་ཡང་རྗེ་ཙོང་ཁ་པ་དང༌། བྱམས་ཆེན་ཆོས་རྗེ། རྒྱལ་དབང་སྐུལ་བཟང་རྒྱ་མཚོ། པཎ་ཆེན་དཔལ་ལྡན་ཡེ་ཤེས། ཀུན་མཁྱེན་བྱང་ཆུབ་འབུམས་པ། རྗེ་བཙུན་ངག་དབང་བྱམས་པ། རྗེ་བཙུན་གྲགས་པ་བཤད་སྒྲུབ། ཁྲི་ཆེན་ཚེ་སྨོན་གླིང་བ་རང་ཉིད་ཀྱི་འདྲ་སྐུུ་སོགས་གསར་དུ་བཞེངས་ཏེ་ལེགས་པར་གྲུབ། ཆུ་ཡོས་ལོར་སེ་ར་ཐེག་ཆེན་གླིང་གི་ཚ་རྡོར་ཁང་སེར་གྱི་ཤུལ་དུ་ཞབས་བརྟན་ལྷ་ཁང་དང་ཉེར་མཁོའི་གཟིམ་ཆུང་སོགས་གསར་སྐྲུན་མཛད་པ་ལ། རྒྱལ་དབང་མཆོག་གིས་ཐུབ་བསྟན་རིན་ཆེན་བཤད་སྒྲུབ་གླིང་ཞེས་པའི་མཆོག་བྱང་བསྩལ་ཅིང་རབ་གནས་མཛད། གོང་མས་ཀྱང་པཎ་ཡིགའབྲུ་བཞི་བ་བོད་སྐུད་དུ། བྱིན་རླབས་ཀྱི་འཁོར་ལོས་འཇིག་རྟེན་ཀུན་ལ་ཁྱབ་པར་བྱེད་དོ། །ཞེས་པ་དང་ལྷ་ཁང་གི་མཚན་ལ་སྐུད་རིགས་བཞི་སྦྱར་ཏེ་བོད་སྐུད་དུ་བཀྲ་ཤིས་བདེ་ལེགས་ལྷ་ཁང་ཞེས་བསྩལ། ཁང་སེར་གྱི་ཚབ་ཏུ་ད་ལྟའི་ཚ་རྡོར་སྤྱི་ཁང་ཚོམས་པ་གསར་དུབསྐྲུན། ཤིང་འབྲུག་ལོའི་བོད་ཟླ་བདུན་པའི་ཚེས་དགུར་གོང་ས་རྒྱལ་དབང་དང་ལྷན་རྒྱས་བཀྲ་ཤིས་ལྷུན་པོར་ཆིབས་ཁ་བསྒྱུར་ཅིང་ཟླ་དགུ་བའི་ཚེས་བཞི་ལ་པཎ་ཆེན་དཔལ་ལྡན་ཡེ་ཤེས་ཀྱི་ཕྱི་དངུལ་གྱི་གདུང་རྟེན་ལ་རབ་གནས་དང༌། ཚེས་བཅུའི་ཉིན་པཎ་ཆེན་ལྔ་བ་རིན་པོ་ཆེའི་གཙུག་ཕུད་བཞེས་ཤིང་དགེ་བསྙྙེན་གྱི་བསླབ་སྡོམ་འབོགས་བཞེས་དང་མཚན་གསོལ་མཛད་དོ། ། དགུང་ལོ་རེ་ལྔ་བ་མེ་རྟ་ལོ་༡༧༨༦ལ་ཆན་ལུང་གོང་མས་གསེར་ཡིག་འབྱོར་ནས། ཁྱེད་ཉིད་པེ་ཅིན་ཐམ་ཀ་བླ་མར་བསྐོ་བཞག་བྱས་པ་ཡིན་པས་འཕྲལ་དུ་ཕེབས་ཤིག་ཅེས་བསྩལ་སྟབས། ཟླ་བཅུ་བའི་ཚེས་གཅིག་ལ་བྱང་ལམ་བརྒྱུད་དེ་པེ་ཅིན་གྱི་གོང་མའི་གཟིམ་ཆུང་དུ་གོང་མར་མཇལ། ཚེས་བརྒྱད་ལ་རྗེ་ཉིད་ཀྱི་དགའ་ལྡན་བྱིན་ཆགས་གླིང་དུ་བཞུགས་སུ་གསོལ། སྐབས་དེར་གོང་མ་ཐུག་དགྱེས་ཏེ་ས་མ་ཏི་པརྔཏ༣་ཁོང་ལྟ་བུ་དེང་སང་མི་འདུག་ཅེས་བསྔགས་བརྗོད་མཛད་དེ་གཟེངས་སུ་བསྟོད། ༡༧༨༨ལོའི་ཟླ་བརྒྱད་པར་གོ་ཁས་བོད་ལ་བཙན་འཛུལ་བྱས་ཏེ་སྐྱིད་གྲོང་དང་གཉའ་ནང༌། རྫོང་དགའ་བཅས་ས་ཆ་གསུམ་བཟུང༌། བཀའ་ཤག་གིས་གྲོས་མོལ་མངགས་པའི་བཀའ་བློན་བསྟན་འཛིན་དཔལ་འབྱོར་གྱིས་བོད་ཤོར་ས་ཆ་ཕྱིར་སྤྲོད་རྒྱུ་དང་བོད་ནས་ལོ་གསུམ་གྱི་ནང་ལོ་རེར་རྒྱ་དངུལ་རྟ་མིག་མ་སུམ་བརྒྱ་རེ་སྤྲོད་པ་ཁས་བླངས་པ་སོགས། དབུས་གཙང་ཁུལ་དུ་ཕམ་ཉེས་ཆེན་པོ་བྱུང་སྟབས་རིས་མེད་སྐྱ་སེར་ཡོངས་རྫོགས་ཀྱི་རེ་བ་ནན་ཞུས་ལྟར་གོང་མར་དགོངས་ཞུས་བཀའ་འཕྲོལ་བྱུང་བས། ལོ་དེའི་ཟླ་བརྒྱད་པའི་ཚེས་ཉེར་གཅིག་ལ་ཕྱིར་ལོག་པའི་ཆིབས་བསྟར་མཛད། ཟླ་བཅུ་གཉིས་པའི་ཚེས་དགུ་ལ་བསུ་བ་གཟབ་རྒྱས་དང་བཅས་ལྷ་ལྡན་དུ་འབྱོར་ཏེ་ཕོ་བྲང་ཆེན་པོ་པོ་ཏ་ལར་ཞབས་སོར་འཁོད་ནས་སླར་ཡང་བོད་ལ་ཆོས་སྲིད་ཡོངས་རྫོགས་བདག་གིར་སྐྱོང་བར་མཛད། བཀའ་འགྱུར་སོག་སྐུད་དུ་བསྒྱུར་བ་སོགས་མཛད་རྗེས་ཤིན་ཏུ་ཆེ། དགུང་ལོ་དོན་གཅིག་བཞེས་སྐབས་བོད་རབ་བྱུང་བཅུ་གསུམ་པ་ལྕགས་ཕག་༡༧༩༡ལོའི་ཟླ་གསུམ་པའི་ཚེས་ཉེར་བདུན་ཉིན་དེར་སྐུུ་ཁམས་ཅུང་མི་བདེ་བའི་ཚུལ་གྱིས་ཉི་མ་ཕྱེད་ཡོལ་ཙམ་ལ་གློ་བུར་དུ་བླ་གོས་དང་གནམ་སྦྱར་བརྩེགས་ནས་མནབས་ཤིང་ཞལ་ནུབ་ཕྱོགས་སུ་གཟིགས་པ་དང༌། ཞབས་རྡོ་རྗེ་སྐྱིལ་ཀྲུང་དུ་བཞུགས་ཏེ་ཐུགས་སྤྲོ་བའི་ཉམས་ཀྱིས་སྐུུ་མདུན་པ་རྣམས་ལ་ངེད་ཀྱི་བྱ་བ་མཐའ་དག་ཟིན་པ་ཡིན་གསུངས་མཐར་སྐུུ་སྟོད་དང་དབུ་ཅུང་སྒུར་ཙམ་གྱིས་བཞུགས་བཞིན་རེ་ཞིག་དགོངས་པ་གཞན་དོན་དུ་གཤེགས་པའི་ཚུལ་བསྟན། ། རྒྱལ་དབང་འཇམ་དཔལ་རྒྱ་མཚོ་མཆོག་ཀྱང་ཐུགས་མྱ་ངན་གྱི་ཚུལ་དུ་བསྔོ་སྨོན་གསུང་པ་དང་གདན་ས་གསུམ་དང་བཅས་པར་མང་འགྱེད་རྒྱ་ཆེན་པོར་བཏང༌། པེ་ཅིན་དགའ་ལྡན་བྱིན་ཆགས་གླིང་སོགས་ནས་གོང་མའི་བཀའ་ལྟར་བསྔོ་སྨོན་གསུང་བའི་མཛད་སྒོ་སྤེལ་བ་བསམ་གྱིས་མི་ཁྱབ་པར་གྱུར། སྐུུ་གདུང་ཧྲིལ་པོར་བཞུགས་པའི་དངུལ་གདུང་རིན་པོ་ཆེ་ནི་སྐྱེ་འགྲོ་རྣམས་ཀྱིས་བསོད་ནམས་ཀྱི་བགོ་སྐལ་དུ་ཐུབ་བསྟན་རིན་ཆེན་བཤད་སྒྲུབ་གླིང་གི་རྟེན་གཙོ་ལ་བཞུགས་སོ།།

དགའ་ལྡན་ཁྲི་ཐོག་དྲུག་ཅུ་རེ་གཉིས་པ་རྒྱལ་རོང་བློ་བཟང་སྨོན་ལམ། དགའ་ལྡན་ཁྲི་ཐོག་དྲུག་ཅུ་རེ་གཉིས་པ་བྱང་ཆུབ་སེམས་དཔའ་བློ་བཟང་སྨོན་ལམ་ནི། རབ་བྱུང་བཅུ་གཉིས་པའི་ས་ལུག་ལོར་རྒྱལ་མོ་རྨི་རྡོའི་རི་བོའི་མདུན་སྤྲོ་སྣང་ཞེས་པའི་སར་འཁྲུངས། དགུང་ལོ་བཅུ་བདུན་པར་གཞིས་དགོན་ལྷ་མོ་རྩེ་དགའ་ལྡན་འགྲོ་ཕན་གླིང་དུ་ཞུགས་ནས་དགོན་དེའི་དགེ་བཤེས་བྱམས་པ་རབ་རྒྱས་ཡོངས་འཛིན་དུ་བསྟེན་ཡི་གེ་འབྲི་ཀློག་སོགས་ལ་བསླབས། དགུང་ལོ་ཉི་ཤུ་པ་ས་སྟག་ལོར་དབུས་སུ་ཕེབས་ཏེ་གདན་ས་འབྲས་སྤུངས་བློ་གསལ་གླིང་དུ་ཞུགས་ཞེས་ལྷ་མོ་རྩེ་དགོན་གྱི་ལོ་རྒྱུས་སུ་དེབ་ ༣ ཤོག ༤༩ གསལ། རབ་བྱུང་བཅུ་གཉིས་པའི་ས་བྱ་༡༧༢༩ལོར་མདོ་ཁམས་རྒྱལ་མོ་ཚ་བ་རོང་གི་སྤྲོ་ནང་ཟེ་ཁུག་བྲག་ཁ་ལ་འཁྲུངས་ཞེས་གླིང་ཆེན་ཆོས་གླིང་དགོན་གྱི་ལོ་རྒྱུས་སུ་གསལ་ཞིང༌། དེབ་༢ ཤོག་༥༠༡། ཡབ་ཨུ་ཎི་ཥ་དང༌། ཡུམ་སྒྲོལ་མ་མཚོ་གཉིས་ཀྱི་སྲས་སུ་སྐུུ་འཁྲུངས། སྐུུ་ན་ཆུང་དུས་ནས་གཞིས་དགོན་གླིང་ཆེན་ཆོས་གླིང་དགོན་ནམ་དགའ་ལྡན་ཆོས་འཕེལ་གླིང་གི་ཆོས་སྒོར་ཞུགས་ནས་ཡི་གེ་ཕྱི་མོ་འབྲི་ཀློག་དང་དགོན་དེའི་ཆོས་སྤྱོད་ཀྱི་རིམ་པར་བསླབ་པས་ཚེགས་མེད་དུ་མཁྱེན། དགུང་ལོ་བཅུ་གསུམ་པར་དབུས་འགྱུར་ཆོས་ཀྱི་ཞིང་སར་ཞབས་ཟུང་བཀོད་དེ་གདན་ས་འབྲས་སྤུངས་བློ་གསལ་གླིང་དུ་ཆོས་ཞུགས་གནང༌། མཁས་པའི་དབང་པོ་དཀོན་མཆོག་མཐུ་སྟོབས་དང༌། རབ་འབྱམས་སྨྲ་བ་བློ་བཟང་བསམ་གཏན་སོགས་གཞུང་ལུགས་རྒྱ་མཚོ་ལ་ནང་བྱན་ཆུད་པའི་མཁས་གྲུབ་དུ་མའི་ཞབས་པད་ཚུལ་བཞིན་བསྟེན་ནས། བསྡུས་གཞུང་ནས་རྣམ་འགྲེལ་དང༌། དབུ་ཕར། འདུལ་མཛོད་བཅས་གཞུང་ཆེན་པོད་ལྔར་གསན་བསམ་རྒྱ་ཆེར་མཛད་པས་མཁས་པའི་གོ་སར་བསྙྙེགས། བློ་གླིང་རྒྱལ་རོང་ཁང་ཚན་གྱི་ལོ་རྒྱུས་ས་བོན་ནང་འཁོད་ལྟར་ཡོངས་གྲགས་ཀྱི་བཤད་སྲོལ་གཞན་ཞིག་ཡོད་པ་ནི། དེ་ཡང་ཁོང་ཐོག་མར་དགུང་ལོ་ཉེར་བདུན་བར་ཙམ་དུ་ཁྱིམ་ཐབ་བཟུང་ནས་ཆེས་དབུལ་པོའི་ངང་ཚུལ་བཞེས་ནས་བཞུགས། བཟའ་ཟླ་ཤིན་ཏུ་མ་རུང་པ་ཁྲོ་གཏུམ་ཅན་ཞིག་དང་འཕྲད་པས་ཉིན་ཞིག་དེས་རྐྱེན་བྱས་ཏེ་འཁོར་བ་ལ་སྙྙིང་ཐག་པ་ནས་ཞེན་པ་ལོག དེའི་ཚེ་ནང་གི་གླང་གཅིག་ཡོད་པ་དེ་ཡང་ཚེ་ཐར་བཏང་བ་མ་ཟད་བཟའ་ཟླའི་སེར་པན་ཐག་ཕྲེང་ཕྱེད་བཞག་ནས་རང་ཉིད་ཀྱི་སྐུལ་བ་སེར་པན་ཐག་ཕྲེང་ཕྱེད་དེ་བསྣམས་ནས་ཡུལ་དབུས་སུ་ཕེབས། མཁས་མང་བློ་གླིང་གྲྭ་ཚང་དུ་སྒྲིག་ཞུགས་མཛད་ནས་གསན་བསམ་སློབ་གཉེར་གནང་བའི་སྐབས་ནའང་དཀའ་སྤྱད་སྙྙིང་རུས་ཀྱིས་འཚོ་བ་ཤིན་ཏུ་སྐྱོ་པོའི་ངང་ཐོས་བསམ་སྒོམ་གསུམ་གནང་འདུག་པ་དཔེར་ན་སྔར་སྲོལ་ཚོགས་ལ་ཕེབས་སྐབས་ཚོགས་ཁུག་ནང་རྩམ་པ་མེད་པས་ཁོང་ནས་རྒྱུན་དུ་རྩམ་པ་ཡོད་འདོག་གིས་རྒྱུན་དུ་ཚོགས་ཁུག་ནང་གོ་ཐལ་བླུག་སྟེ་ཕེབས་ཀྱི་ཡོད་པ། ཉིན་གཅིག་ཚོགས་ཆེན་ཞལ་ངོས་མཁྱེན་ནས་ཁོང་གི་ཁག་ཤག་དགེ་རྒན་ཆེད་གཉེར་དུ་བོས་ཏེ་ཚོགས་གཏམ་གནང༌། སློབ་གཉེར་མཐར་ཕྱིན་མཚམས་ཀྱང་དགེ་བཤེས་གཏོང་སྒོ་བཏང་ཐུབ་ཐབས་མེད་སྟབས། ཕ་ཡུལ་ཕྱོགས་སུ་ཕྱིར་ལོག་གིས་ལྷ་ས་ནས་ཉིན་གཉིས་ཙམ་ཕྱིན་པའི་ས་ཁུལ་ཞིག་ཏུ་རྡོ་ཕ་བོང་ཞིག་གི་སྟེང་རང་ཉིད་ཀྱི་གྱོན་གོས་རྣམས་ལ་ཤིག་ཀྱང་འཚངས་ཡོད་པས་ཉི་མར་བཀྲམ་ཞིང་སྒྲུག་གིན་བཞུགས་པ་ན། ནམ་མཁའ་ནས་བྱ་རྒོད་ཅིག་གིས་རྡོག་སྒྲིལ་ཆེན་པོ་ཞིག་ཁོང་གི་ཉེ་འགྲམ་དེར་སྐྱུར་བ་གཟིགས་ནས། ཁོང་ཡིད་ཤིན་ཏུ་དྲང་ཞིང་བླ་མ་དཀོན་ཅོག་དཔང་བཞག་གནང་ནས་ལམ་ཁ་དང་ལྷ་ས་གང་སར་རྡོག་སྒྲིལ་བདག་པོ་རྩད་གཅོད་གནང་བས་མཐར་བདག་སྤྱོད་མ་བྱུང་བས་ཐུགས་བརྟག་ཞུས་འབྲས་སུ། རྡོག་འཁྲེག་དེ་ཁོང་གི་དགེ་བཤེས་གཏོང་སྒོའི་ཆེད་ཡིན་པར་མཁྱེན་ནས་ཁ་ཕྱེ་བའི་ཚེ་ནང་དུ་གསེར་ྜྲམ་མང་དག་ཅིག་ཡོད་པ་གཞི་ནས་མཁྱེན། དེས་ཆ་རྐྱེན་བྱས་ནས་དགེ་བཤེས་ཀྱི་གཏོང་སྒོ་ཟབ་རྒྱས་བཏང་ནས་དགེ་བཤེས་ལྷ་རམས་པའི་དམ་འཇོག་མཛད། ཞེས་ཀྱང་བྲིས་སྣང་ངོ།། གང་ལྟར་ཡང་ལྷ་ལྡན་དུ་ཆོ་འཕྲུལ་སྨོན་ལམ་སྐབས་གྲྭ་སྐོར་མཛད་པས་མཁས་པའི་མཚན་སྙྙན་གང་སར་འབར། དགུང་ལོ་བཞི་བཅུ་པར་རྒྱུད་སྨད་དུ་ཞུགས་ནས་རྗེའི་འགྲེལ་བ་བཞི་སྦྲགས་དང༌། ཤེར་སེང་རྒྱུད་ཊིཀ་ཐོག་ནས་རྒྱུད་སྡེ་བཞིའི་གཞུང་ལུགས་ཆོ་ག་དང་བཅས་པའི་དོན་ལ་ནང་བྱན་ཆུད་པར་བསླབས། ཕུར་ལྕོག་བྱམས་མགོན་རིན་པོ་ཆེ་དང༌། དཀའ་ཆེན་ཡེ་ཤེས་རྒྱལ་མཚན། སྤོམ་ར་ཁྲི་ཆེན་བློ་བཟང་དྲི་མེད། དབུ་སྟོད་ཁྲི་ཆེན་བསམ་གཏན་ཕུན་ཚོགས་སོགས་མཁས་གྲུབ་གཉིས་ལྡན་གྱི་སྐྱེས་ཆེན་དུ་མའི་དྲུང་ནས་བཀའ་གདམས་གཞུང་དྲུག་དང༌། མདོ་སྔགས་ཀྱི་ལམ་རིམ། གསང་བདེ་འཇིགས་གསུམ་གྱི་དབང་སོགས་མདོར་ན་མདོ་སྔགས་ཀྱི་དབང་ལུང་མན་ངག་འཁྲིད་རྒྱུན་དང་བཅས་པ་ཕལ་ཆེར་མ་གསན་པ་མེད་པར་ལྟ་བུ་མཛད། བློ་གླིང་ལོ་སེམས་དཔའ་རིན་པོ་ཆེའི་ཡོངས་འཛིན་ཀྱང་མཛད་པས་རྗེ་འདིར་ཡོངས་འཛིན་བློ་བཟང་སྨོན་ལམ་ཞེས་ཀྱང་ཞུ། དགུང་ལོ་ཞེ་གསུམ་པར་རྒྱུད་སྨད་ཀྱི་བླ་མ་དབུ་མཛད་དང༌། ཞེ་བདུན་པར་མཁན་ཁྲིར་ཕེབས། རྒྱུད་ཀྱི་འཆད་ཉན་ཚུལ་བཞིན་གནང་པའི་མུར་༡༧༨༤ ལོར་བྱང་རྩེའི་ཁྲིར་ཕེབས་ནས་མདོ་སྔགས་ཀྱི་འཆད་ཉན་རྒྱ་ཆེར་བསྐྱངས། ལོ་དེར་པཎ་ཆེན་དཔལ་ལྡན་ཡེ་ཤེས་ཀྱི་དྲུང་ནས་རྒྱལ་མཆོག་འཇམ་དཔལ་རྒྱ་མཚོས་དགེ་སློང་གི་སྡོམ་པ་བཞེས་དུས་ལས་གྲྭ་ཡང་གནང་འདུག་སྟེ། རྒྱལ་མཆོག་བརྒྱད་པའི་རྣམ་ཐར་ལས། བདེ་ལྡན་ཞིང་གི་མགོན་པོ་ངུར་སྨྲིག་གར་རོལ་ཐུབ་བསྟན་ཡོངས་རྫོགས་ཀྱི་ཁུར་ཐེག་པ་ཐུགས་རྗེའི་བདག་ཉིད་འཛམ་གླིང་བསླབ་གསུམ་རྒྱན་མཛེས་རྣམས་ཀྱི་གཙུག་གི་ནོར་བུ་བརྟན་མཁས་ཀྱི་ཡོན་ཏན་ཟུང་དང་ལྡན་པ་པཎ་ཆེན་ཐམས་ཅད་མཁྱེན་གཟིགས་ཆེན་པོ་དོན་གྱི་སླད་དུ་མཚན་ནས་སྨོས་ན་རྗེ་བཙུན་བློ་བཟང་དཔལ་ལྡན་ཡེ་ཤེས་དཔལ་བཟང་པོའི་ཞལ་སྔ་ནས་ཀྱི་མཁན་པོ། སྡེ་སྣོད་གསུམ་གྱི་དོན་རྣམས་འབྱེད་ནུས་པ་མང་ཐོས་འཇིགས་པ་མེད་པའི་ཁྱུ་མཆོག་རླབས་པོ་ཆེའི་གནས་འཐོབ་པ་མཁས་ཤིང་གནས་བརྟན་འདུལ་བ་འཛིན་པ་ཁྲི་ཟུར་ངག་དབང་ཆོས་གྲགས་ཀྱི་ལས་སློབ། བསྟན་པ་མ་ལུས་པའི་བརྗོད་དོན་མངོན་དུ་གྱུར་པ་བཀའ་དྲིན་མཚུངས་མེད་ཡོངས་འཛིན་བློ་བཟང་ཆོས་འཕེལ་གྱི་ཞལ་སྔ་ནས་ཀྱི་གསང་སྟེ་སྟོན་པའི་སློབ་དཔོན། ལུང་རྟོགས་སྡེ་སྣོད་འཛིན་པ་ཆེན་པོ་ཁྲི་ཆེན་བློ་བཟང་བསྟན་པས་དུས་གོ་བ། མཁས་ཤིང་གྲུབ་པའི་དབང་ཕྱུག་བློ་བཟང་ཐུབ་བསྟན་དགེ་ལེགས་རྒྱལ་མཚན་ནས་ཀྱིས་དྲང་སྲོངེ་ཆེན་པོའི་སྣོད་བྲིམ་པ། བྱང་ཆུབ་ཀྱི་སེམས་དང་རྒྱུད་འགྲོགས་པ་བྱང་རྩེ་མཁན་པོ་བློ་བཟང་སྨོན་ལམ། ཤར་པ་ཆོས་རྗེ་བློ་བཟང་སྦྱིན་པ། རྒྱུད་སྟོད་མཁན་པོ་བློ་བཟང་སྦྱིན་པ་སོགས་བཤེས་གཉེན་དམ་པ་བདུན་ཕྲག་གསུམ་གྱི་དབུས་སུ་སྔ་དྲོའི་གྲིབ་ཚོད་སྐྱེས་བུ་གཅིག་དང༌། རྐང་བ་གཅིག་གི་སྟེང་དུ་སླེབས་པ་ན་གསོལ་བ་དང་བཞིའི་ལས་ཀྱི་ད་ལྟར་གྱི་ཆོ་ག་སྦྱོར་དངོས་མཇུག་གསུམ་ཡོངས་སུ་རྫོགས་པ་ཕྱག་ལེན་རྣམ་པར་དག་པའི་འཇུག་པ་སྔོན་དུ་མཛད་དེ་བསྟན་པའི་སྙྙིང་པོ་སོ་སོ་ཐར་པའི་སྡོམ་པ་རྣམས་ཀྱི་མཆོག་སྤོང་བདུན་འཁོར་བཅས་ཀྱི་ཚུལ་ཁྲིམས་བསྙྙེན་པར་རྫོགས་པ་དགེ་སློང་གི་སྡོམ་པ་རྣམ་པར་དག་པ་ཚུལ་བཞིན་བཞེས་པས་ངུར་སྨྲིག་གི་རྒྱལ་མཚན་འཛིན་པ་རྣམས་ཀྱི་གཙུག་གི་ནོར་བུ་ཐུབ་དབང་མཆོག་གི་རྒྱལ་ཚབ་ཆེན་པོར་མངའ་གསོལ་བར་གྱུར་ཏོ། །ཞེས་གསུངས་བས་སོ།། དགུང་ལོ་ལྔ་བཅུ་ང་བདུན་པ་རབ་བྱུང་བཅུ་གསུམ་པའི་ཤིང་སྦྲུལ་༡༧༨༥ལོར་དགའ་ལྡན་གསེར་ཁྲིར་ཕེབས་ཏེ་ལོ་བདུན་རིང་བཤད་སྒྲུབ་འཆད་ཉན་དང་རྟེན་གསུམ་གསར་བཞེངས་རྒྱ་ཆེར་མཛད། ཁྲི་ལས་ཟུར་རྗེས། ཁྲི་ཐོག་རེ་གསུམ་པ་རྗེ་བློ་བཟང་མཁས་མཆོག་པ་གློ་བུར་དགོངས་པ་རྫོགས་སྟབས། སླར་ཡང་རབ་བྱུང་བཅུ་གསུམ་པའི་ཆུ་བྱི་༡༧༩༢ནས་ལོ་གཉིས་རིང་དགའ་ལྡན་གསེར་ཁྲིར་ཞབས་སོར་འཁོད་ནས་བཤད་སྒྲུབ་ལས་གསུམ་གྱི་སྒོ་ནས་དགེ་ལྡན་བསྟན་པའི་ལུགས་བཟང་བླ་ན་སྤེལ། དགུང་ལོ་བདུན་ཅུ་པ་རབ་བྱུང་བཅུ་གསུམ་པའི་ས་རྟ་༡༧༩༨ལོར་མི་ཕམ་རྒྱལ་བའི་མདུན་ས་དགའ་ལྡན་ཆོས་ཀྱི་ཕོ་བྲང་དུ་གཤེགས་པའི་སྐུུ་གདུང་དངུལ་གྱི་མཆོད་རྟེན་མཁས་མང་བློ་གསལ་གླིང་དུ་བཞུགས། །དེའི་སྐྱེ་སྤྲུལ་རིམ་བྱོན་ནི་སྡེ་དྲུག་སྐུུ་ཕྲེང་རིམ་བྱོན་རྣམས་ཡིན་ནོ། །

དགའ་ལྡན་ཁྲི་ཐོག་རེ་གསུམ་པ་ཚ་རྡོར་བློ་བཟང་མཁས་མཆོག་ནི། རབ་བྱུང་བཅུ་གཉིས་པའི་མེ་ཕོ་འབྲུག་༡༧༣༦ལོར་འཕན་ཡུལ་དུ་ཡབ་བསམ་གྲུབ་ཚེ་རིང་དང༌། ཡུམ་ཨ་སོ་གཉིས་ཀྱི་སྲས་སུ་སྐུུ་འཁྲུངས། ཁོང་དགུང་ལོ་བཅུ་སྐོར་ལོན་དུས་ཆོས་བྲོས་ལ་ཕེབས་ཏེ་སེར་སྨད་ཐོས་བསམ་གླིང་གི་ནང་ཚན་ཅོ་ནེ་ཚ་རྡོར་ཁང་ཚན་དུ་ཆོས་སྒོར་ཞུགས་པས་ན་ཚ་རྡོར་བློ་བཟང་མཁས་མཆོག་ཏུ་གྲགས། དེ་ནས་ཚ་རྡོར་ཚེ་སྨོན་གླིང་སྐུུ་ཕྲེང་དང་པོ་ངག་དབང་ཚུལ་ཁྲིམས་ལ་བསྟེན་ནས་ཡི་གེའི་སྦྱོར་ཀློག་དང༌། འདོན་ཆོས། རྒྱན་འཇུག་སོགས་རྩ་གཞུང་ཆེན་མོ་རྣམས་ཀྱང་མི་རིང་བར་བྱང་ཆུབ་པར་མཛད། སྤྱི་ཆོས་ཀྱི་སློབ་དཔོན་ངག་དབང་རབ་བརྟན་དང༌། གྲགས་པ་འཕྲིན་ལས། སྲད་རྒྱུད་མཁནཆེན་བློ་བཟང་རིན་ཆེན། སྦྱིན་པ་ཆོས་བཟང་སོགས་ལ་བསྟེན་ནས་བསྡུས་གཞུང༌། དབུ་མ། ཕར་ཕྱིན། འདུལ་བ། མངོན་པ་མཛོད། ཚད་མ་རྣམ་འགྲེལ་བཅས་ལ་ཐོས་བསམ་མཐར་ཕྱིན་པར་མཛད་ཅིང་ལྷ་ལྡན་སྨོན་ལམ་ཆོ་འཕྲུལ་ཆེན་མོའི་ནང་ལྷ་རམས་པའི་མཚན་བཏགས་བཞེས། གཞན་ཡང་སྒེར་ཆོས་ཀྱི་སློབ་དཔོན་བཀའ་གདམས་བསྟན་པའི་སྒྲོན་མེ་ཕུར་ལྕོག་ངག་དབང་བྱམས་པ་དང༌། རྒྱལ་མཁན་ཆེན་བསྐལ་བཟང་རབ་རྒྱས། འོན་རྒྱལ་སྲས་རིན་པོ་ཆེ། རྗེ་སྒྲུབ་ཁང་པ་འཇམ་དཔལ་དགེ་ལེགས་རྒྱ་མཚོ། ཆབ་མདོ་ལྕགས་ར་མཆོག་སྤྲུལ་རིན་པོ་ཆེ་རྣམས་ལ་བསྟེན་ནས་ཟབ་ཆོས་ཀྱི་དབང་ལུང་ཁྲིད་གསུམ་མཐའ་ཡས་པ་གསན། དེ་ནས་དཔལ་ལྡན་སྟོད་རྒྱུད་གྲྭ་ཚང་དུ་ཞུགས་ཏེ་ཤར་ཆེན་བློ་བཟང་རྟེན་འབྲེལ་སོགས་ལ་བསྟེན་ནས་གསང་སྔགས་རྒྱུད་སྡེ་བཞིའི་གཞུང་དང་ཆོ་ག་ཕྱག་ལེན་བཅས་ལ་བྱང་ཆུབ་པར་མཛད་ཅིང་རྒྱུད་པའི་བླ་མ་དབུ་མཛད་དང༌། རྒྱུད་པའི་མཁན་ཁྲི། ཤར་རྩེའི་ཁྲི་ལ་ཕེབས་ནས་འཆད་ཉན་བསྐྱངས། དགུང་ལོ་ང་བདུན་པ་རབ་བྱུང་བཅུ་གསུམ་པའི་ཆུ་ཕོ་བྱི་ལོ་༡༧༩༢ལོར་དགའ་ལྡན་གསེར་ཁྲི་ལ་བཞུགས་ཀྱང་ཟླ་བ་དྲུག་ལས་མ་འགྱངས་པར་རབ་བྱུང་བཅུ་གསུམ་པའི་ཆུ་བྱི་༡༧༩༢ལོའི་ཧོར་ཟླ་བཅུ་གཅིག་པའི་ཚེས་བཅོ་ལྔ་ཉིན་དགོངས་པ་ཆོས་དབྱིངས་སུ་གཤེགས། སྐུུ་གདུང་བྱང་ཆུབ་མཆོད་རྟེན་བཞེང། སྐབས་དེར་བྱང་རྩེ་ཆོས་རྗེ་རྒཡ་ནག་གོང་མའི་དྲུང་དུ་སྦ་ཡན་ལ་གཤེགས་ཟིན་སྟབས་དགའ་ལྡན་ཁྲི་ཟུར་བློ་བཟང་སྨོན་ལམ་སླར་ཡང་ཁྲི་ཚབ་ཏུ་ལོ་གཉིས་རིང་བཞུགས།

དགའ་ལྡན་ཁྲི་ཐོག་རེ་བཞི་པ་ཏྲེ་ཧོར་བློ་བཟང་བཀྲིས་ནི། རབ་བྱུང་བཅུ་གཉིས་པའི་ས་ལུག་༡༧༣༩ལོར་མདོ་ཁམས་ཏྲེ་ཧོར་རོང་པ་ཚ་བྲག་མགོ་ཞེས་པའི་གྲོང་གསེབ་དུ་ཡབ་པདྨ་ཚེ་རིང་དང༌། ཡུམ་བུ་མོ་མཆོག་གཉིས་ཀྱི་སྲས་སུ་སྐུུ་འཁྲུངས། ལོ་རྒྱུས་ཤེས་མཁན་དང་མི་ཤེས་མཁན་ཅི་རིགས་ཀྱིས་བྲིས་པའི་ཁྲི་རབས་ལོ་རྒྱུས་རྣམས་སུ་རྗེ་འདི་ཉིད་ཁོང་དགུང་ལོ་བརྒྱད་པར་ཧོར་ཆོས་རྗེ་ངག་དབང་ཕུན་ཚོགས་ཀྱིས་ཕྱག་བཏབ་པའི་ཧོར་ཁོག་དགོན་སྡེ་བཅུ་གསུམ་གྱི་ནང་ཚན་བཀྲིས་དར་རྒྱས་དགོན་དུ་ཞུགས་ཏེ་ཡི་གེའི་སྦྱོར་ཀློག་ནས་བཟུང་ཐུན་མོང་རིག་གནས་དང་འདོན་ཆོས་རྣམས་ལ་བྱང་པར་མཛད། དགུང་ལོ་ཉི་ཤུ་ཐམ་པར་དབུས་སུ་ཕེབས་ཏེ་སེ་ར་བྱེས་པ་གྲྭ་ཚང་ནང་ཚན་ཏྲེ་ཧོར་ཁང་ཚན་དུ་ཞུགས་ནས་སེར་བྱེས་མཁས་སྙྙན་གྲྭ་ཚང་གི་མཁན་རབས་བཅུ་དྲུག་པ་རྩེད་ཐང་བྱམས་པ་སྨོན་ལམ་སོགས་ལ་བསྟེན་ཏེ་བསྡུས་གཞུང་དང༌། འཇམ་དཔལ་དབྱངས་ཆོས་ཀྱི་རྒྱལ་མཚན་གྱི་ཡིག་ཆའི་སྟེང་ནས། དབུ་མ། ཕར་ཕྱིན། འདུལ་བ། མངོན་པར་མཛོད། ཚད་མ་རྣམ་འགྲེལ། ལེགས་བཤད་སྙྙིང་པོའི་བཤད་ལུང་བཅས་ལ་ཐོས་བསམ་རྨད་དུ་བྱུང་བར་མཛད། ལྷ་ལྡན་ཆོ་འཕྲུལ་སྨོན་ལམ་ཆེན་མོའི་ནང་ལྷ་རམས་པའི་མཚན་བཏགས་བཞེས། ཏྲེ་ཧོར་རབ་བྱམས་པ་བློ་བཟང་རྟེན་འབྲེལ་ལས་རབ་བྱུང་དང་དགེ་ཚུལ་བསྒྲུབས་ཤིང་ཆོས་འབྲེལ་དུ་མ་གསན། དགུང་ལོ་ཉེར་ལྔ་པར་པཎ་ཆེན་བློ་བཟང་དཔལ་ལྡན་ཡེ་ཤེས་ལས་བསྙྙེན་པར་རྫོགས་ཤིང་ལམ་རིམ་ཆེན་མོ་དང༌། བདེ་ལམ། ལམ་རིམ་བསྡུས་དོན་གྱི་བཤད་ལུང་བཅས་དང༌། གསང་བདེ་འཇིགས་གསུམ་སོགས་ཀྱི་དབང་ཆེན་ཞུས། གཞན་ཡང་བྲག་རི་ངག་དབང་དོན་གྲུབ་དང༌། ཀློང་རྡོལ་བླ་མ་ངག་དབང་བློ་བཟང༌། ཁྲི་ཆེན་བློ་བཟང་སྙྙན་གྲགས་སོགས་ལ་བསྟེན་ནས་སྨད་རྒྱུད་ལུགས་ཀྱི་ཁྲིད་ཆེན་བརྒྱད། འགྲེལ་པ་བཞི་སྦྲགས། སྦས་དོན་ཀུན་གསལ། རིམ་ལྔ་གསལ་སྒྲོན། བསྐྱེད་རིམ་དངོས་གྲུབ་རྒྱ་མཚོ། སྒྲུབ་ཐབས་རྒྱ་མཚོ། མགོན་ཆོས་བཅུ་གསུམ་སོགས་ཀྱི་དབང་ལུང་ཁྲིད་གསུམ་མཐའ་ཡས་པ་གསན། དགུང་ལོ་སོ་གསུམ་པར་དཔལ་ལྡན་སྨད་རྒྱུད་གྲྭ་ཚང་དུ་ཞུགས་ཏེ་རྒྱུད་སྨད་མཁན་ཆེན་ངག་དབང་དཔལ་ལྡན་སོགས་ལ་བསྟེན་ནས་གསང་སྔགས་ཀྱི་གཞུང་དང་ཆོ་ག་ཕྱག་ལེན་བཅས་ལ་བྱང་བར་མཛད། དགུང་ལོ་སོ་བདུན་པར་རྒྱུད་པའི་བླ་མ་དབུ་མཛད་ཀྱི་ཁྲི་དང༌། དགུང་ལོ་ཞེ་བདུན་པར་རྒྱུད་པའི་མཁན་ཁྲིར་ཕེབས་ནས་རྒྱུད་པའི་འཆད་ཉན་སྐོར་དམ་པ་གོང་མའི་ཕྱག་སྲོལ་མ་ཉམས་པར་མཛད། དགུང་ལོ་ཞེ་དགུ་པར་བྱང་རྩེའི་ཁྲི་བཅས་ལ་རིམ་བཞིན་བཞུགས་ཏེ་སྐབས་དང་བསྟུན་ནས་འཆད་ཉན་གང་ལེགས་གནང༌། དེ་ནས་གོར་ཁའི་དམག་དཔུང་རྣམས་བོད་དུ་སླེབས་ཀྱང་སྦྱོར་ངན་རང་ལོག་ཏུ་སོང་བས་སྦ་ཡེར་འབུལ་བ་གོང་མ་ཆེན་པོའི་ཕོ་བྲང་དུ་ཕེབས་ཏེ་མཆོད་ཡོན་རྣམས་ཀྱི་འདོད་དོན་ཡོངས་སུ་འགྲུབ་པར་མཛད། པེ་ཅིན་གྱི་གཡུང་དགོན་དང༌། དར་མདོ་ལྔ་མཆོད་དགོན་པ། འབའ་ཆོས་སྡེ། ལི་ཐང་ཐུབ་ཆེན་བྱམས་པ་གླིང༌། རྫི་མཐོ་དགོན་སོགས་སུ་མདོ་སྔགས་ཀྱི་བཀའ་ཆོས་མཐའ་ཡས་པ་གསུངས། དགུང་ལོ་ལྔ་བཅུ་ང་དྲུག་པ་རབ་བྱུང་བཅུ་གསུམ་པའི་ཤིང་ཕོ་སྟག་༡༧༩༤ལོར་དགའ་ལྡན་གྱི་གསེར་ཁྲི་ལ་བཞུགས་ནས་ལོ་ངོ་བརྒྱད་ཀྱི་རིང་དུ་གསེར་ཁྲི་བསྐྱངས་ཤིང་འཆད་ཉན་སྤེལ་བ་དང་སྐུུ་གསུང་ཐུགས་རྟེན་མང་དུ་བཞེངས། ཡངས་པ་ཅན་གྱི་སྟེང་ཤོད་རྒྱ་ཕིབས་སོགས་ཀྱང་ཞིག་གསོས་ལེགས་པར་མཛད། དགུང་ལོ་རེ་གསུམ་པར་ལྕགས་བྱ་༡༨༠༡ལོར་དགོངས་པ་ཆོས་དབྱིངས་སུ་གཤེགས། དེ་ཡང་སྔོན་གྱི་ལོ་རྒྱུས་ཡིག་རྙིང་ལས་ཏྲེ་ཧོར་ཞེས་པ་ལ་ཀྲེ་ཧོར་དང༌། ཀྲེ་བོ། ཏྲེ་བོ། སྤྲེ་ཧོར་ཞེས་འབྲི་ཚུལ་ཅི་རིགས་སྣང་ཡང་དོན་གྱིས་ས་ཆ་གཅིག་ལ་གོ་བ་ཡིན།

དགའ་ལྡན་ཁྲི་ཐོག་རེ་ལྔ་པ་སྤོམ་འབོར་དགེ་འདུན་ཚུལ་ཁྲིམས། རབ་བྱུང་བཅུ་གཉིས་པའི་ཤིང་ཕོ་བྱི་༡༧༤༤ ལོར་རྒྱལ་ཐང་དུ་ཡབ་བསྐལ་བཟང་སྐྱབས་དང༌། ཡུམ་དོན་གྲུབ་དཔའ་འཛོམ་གཉིས་ཀྱི་སྲས་སུ་སྐུུ་འཁྲུངས། དགུང་ལོ་བདུན་པར་ཡབ་ཡུམ་གཉིས་ཀྱི་གམ་ནས་ཡི་གེའི་སྦྱོར་ཀློག་དང་འདོན་ཆོས་སོགས་ལ་བྱང་ཆུབ་པར་མཛད། དགུང་ལོ་བཅུ་གསུམ་པར་རྒྱལ་ཐང་དགའ་ལྡན་སུམ་རྩེན་གླིང་གི་དགོན་དུ་ཞུགས་ནས་གཞིས་དགོན་དེའི་མཁན་ཆེན་བློ་བཟང་སྦྱིན་པའི་དྲུང་ནས་རབ་བྱུང་དང་དགེ་ཚུལ་བསྒྲུབས། གཞིས་དགོན་དེའི་སྒྲུབ་གྲྭའི་འདོན་ཆོས་དང་གར་ཐིག་དབྱངས་གསུམ་བཅས་ལ་སྦྱངས་པར་མཛད། དགུང་ལོ་ཉེར་ལྔ་པར་དབུས་སུ་བྱོན་ཏེ་སེར་སྨད་ཐོས་བསམ་ནོར་གླིང་གི་སྤོམ་འབོར་ཁང་ཚན་དུ་ཞུགས་ནས་ཁུ་བོ་སྦྱིན་པ་ཆོས་བཟང་དང༌། ཞལ་སྔ་ནས་བསྐལ་བཟང་རྣམ་རྒྱལ་སོགས་ལ་བསྟེན་ནས་དཀའ་སྤྱོད་འབད་པ་དྲག་པོས་དབུ་མ། འདུལ་བ། ཕར་ཕྱིན། མངོན་པ་མཛོད། རྣམ་འགྲེལ་བཅས་གཞུང་ཆེན་ཁག་གི་རྩ་འགྲེལ་ལ་རྩོད་སྒྲུབ་རིགས་པའི་ལམ་ནས་ལེགས་པར་སྦྱངས་ཏེ་ཚོགས་ལངས་དང༌། གླིང་བསྲེ་དམ་བཅའ་བཞག། དགུང་ལོ་སོ་བཞི་པར་པཎ་ཆེན་བློ་བཟང་དཔལ་ལྡན་ཡེ་ཤེས་ལས་བསྙྙེན་པར་རྫོགས་ཤིང་མདོ་སྔགས་ཀྱི་བཀའ་ཆོས་མང་དུ་གསན། དགུང་ལོ་བཞི་བཅུ་པ་རབ་བྱུང་བཅུ་གསུམ་པའི་ཆུ་ཡོས་༡༧༨༣ལོར་ལྷ་ལྡན་སྨོན་ལམ་ཆེན་མོའི་ནང་རབ་འབྱམས་པའི་མཚན་བཏགས་བཞེས་པས་མཁས་པའི་མཚན་སྙྙན་འབར། ལོ་དེར་སྟོད་རྒྱུད་གྲྭ་ཚང་དུ་ཞུགས་ནས་གསང་སྔགས་ཀྱི་གཞུང་དང་ཆོ་ག་ཕྱག་ལེན་བཅས་པ་ལ་བྱང་བར་མཛད་ཅིང་སྔགས་ཀྱི་དམ་བཅའ་ལེགས་པར་ཐོན། དགུང་ལོ་ཞེ་བརྒྱད་པར་རྒྱལ་མཆོག་དགེ་འདུན་རྒྱ་མཚོའི་གདན་ས་ཆོས་འཁོར་རྒྱལ་གྱི་མཁན་ཁྲིར་ཕེབས་ནས་འཆད་ཉན་རྒྱ་ཆེར་གནང༌། དགུང་ལོ་ཞེ་དགུ་པར་རྒྱུད་སྟོད་བླ་མ་དབུ་མཛད་ཀྱི་ཁྲི་དང༌། དགུང་ལོ་ལྔ་བཅུ་ཐམ་པར་རྒྱུད་པའི་མཁན་ཁྲིར་ཕེབས་སྔགས་ཀྱི་འཆད་ཉན་རྒྱ་ཆེར་མཛད། རྒྱུད་ཀྱི་མཁན་ཁྲི་ལས་ཟུར་ནས་མི་རིང་བར་ཤར་རྩེར་ཕེབས་ནས། མདོ་སྔགས་གསུང་རབ་དགོངས་འགྲེལ་དང་བཅས་པའི་འཆད་ཉན་ཀྱི་སྲོལ་རྒྱ་ཆེར་བསྐྱངས། དགུང་ལོ་ང་གཅིག་པ་རབ་བྱུང་བཅུ་གསུམ་པའི་ཤིང་ཕོ་སྟག་༡༧༩༤ལོར་མན་ཆིང་གོང་མ་ཆིན་ལུང་གིས་གདན་དྲངས་པ་ལྟར་པེ་ཅིན་གཡུང་ཧོ་དགོན་པའི་མཁན་པོ་རུ་ཕེབས་དགོས་བྱུང༌། གོང་མས་ཏིའ་ཤིའའི་ཆོ་ལོ་དང་བཀའ་ཤོག་ཐམ་ཀ་བཅས་པ་ཕུལ་ནས་གཟིགས་པ་རྒྱ་ཆེར་གནང་བ་ལྟར་གོང་མ་ཡབ་ཡུམ་གཙོས་རྒྱའི་དད་ལྡན་མང་པོར་ཆོས་འཁོར་རྒྱ་ཆེར་བསྐོར། གཞན་ཡང་རྒྱའི་དགོན་སྡེ་དུ་མར་ཞབས་ཀྱིས་བཅགས་ནས་སྐྱ་སེར་མང་པོར་ཆོས་འབྲེལ་བཞག སླར་ཡང་ཆིང་གོང་མའི་འབུལ་བ་གཏོས་ཆེན་དང་སྟབས་གཅིག བོད་དུ་ཕྱིར་ཕེབས་ནས་དགུང་ལོ་ང་བརྒྱད་པ་རབ་བྱུང་བཅུ་གསུམ་པའི་ལྕགས་བྱ་༡༨༠༡ལོར་དགའ་ལྡན་གསེར་ཁྲི་ལ་བཞུགས་ནས་ལོ་ངོ་བདུན་གྱི་རིང་ལ་གསེར་ཁྲི་བསྐྱངས་ཤིང༌། མདོ་སྔགས་ཆོས་ཀྱི་འཆད་མཉན་གོང་ནས་གོང་དུ་སྤེལ་བ་དང་སྐུུ་གསུང་ཐུགས་རྟེན་མང་དུ་བཞེངས་པ་མཛད། རབ་བྱུང་བཅུ་བཞི་པའི་མེ་ཡོས་༡༨༠༧ལོའི་ཧོར་ཟླ་བཅུ་གཅིག་པའི་ཚེས་ཉེར་ལྔ་དགུང་ལོ་རེ་བཞི་པ་དགོངས་པ་ཆོས་དབྱིངས་སུ་གཤེགས།

དགའ་ལྡན་ཁྲི་ཐོག་རེ་དྲུག་པ་བསམ་བློ་ངག་དབང་སྙྙན་གྲགས་ནི། རབ་བྱུང་བཅུ་གཉིས་པའི་མེ་སྟག་༡༧༤༦ལོར་ཁྲི་ཆེན་ངག་དབང་ཆོས་གྲགས་ཀྱི་སྐུུ་ཉེའི་རིགས་སུ་འཁྲུངས། དགུང་ལོ་བཅུ་བར་བྱ་ཁྱུང་གི་ཆོས་སྒོར་ཞུགས། མདོ་བ་མཁན་ཆེན་ངག་དང་དོན་གྲུབ་ལས་རབ་ཏུ་བྱུང་བའི་མཚན་ལ་ངག་དབང་སྙན་གྲགས་གསོལ། དགུང་ལོ་བཅོ་བརྒྱད་ཐོག་སྐུུ་ཞང་ཁྲི་ཆེན་ངག་དབང་ཆོས་གྲགས་དང༌། ཨ་ཇོ་སེ་ར་གཟིམ་ཁང་སྡེ་བ་གཉིས་ཀྱིས་དབུས་སུ་སློབ་གཉེར་ལ་འབྱོན་སྐུུལ་གྱི་ཕྱག་བྲིས་གནང་བ་བཞིན་དབུས་སུ་ཕེབས་ནས་སེར་བྱེས་བསམ་བློ་ཁང་ཚན་དུ་ཞུགས། ཁྲི་ཆེན་ངག་ཆོས་ལས་དགེ་ཚུལ་བཞེས། སེར་བྱེས་གྲྭ་ཚང་དུ་ཆོས་མཛད་ཀྱི་གཏོང་སྒོ་རྒྱ་ཆེར་ཞུས་ཤིང་སེ་ར་གཟིམ་ཁང་སྟེང་དུ་བཞུགས་པས་སྐུུ་ཕྲེང་རྗེས་མ་རྣམས་ལའང་གཟིམ་ཁང་ཆོས་མཛད་དུ་གྲགས། ཟུར་ཆོས་ཀྱི་སློབ་དཔོན་དུ་སེར་བྱེས་མཁན་པོ་བློ་བཟང་འཇམ་དབྱངས་བསྟེན་ནས་བསྡུས་ཆེན་གྱིས་མཚོན་དཔེ་ཁྲིད་དོགས་གཅོད་མང་བོ་ཞུས། མཁན་པོ་བློ་བཟངའཇམ་དབྱངས་འདི་ཉིད་ལ། པཎ་ཆེན་བསྟན་པའི་ཉི་མས་མཛད་པའི་ཁྲི་ཆེན་འདི་བའི་རྣམ་ཐར་དུ། བཀའ་གདམས་བསྟན་པའི་སྒྲོན་མེ་རྗེ་བཙུན་བྱམས་པའི་ཐུགས་སྲས་འགྲན་ཟླ་མེད་པ། མང་ཐོས་ལུང་གི་དབང་ཕྱུག་མདོ་སྔགས་གཞུང་ལུགས་ཀུན་ལ་ཐོས་པ་རྒྱ་མཚོའི་ཕ་རོལ་ཏུ་སོན་ཅིང་སྐུུ་གཞོན་ནུའི་དུས་ནས་ཐོས་བསམ་སྒོམ་པ་སྟབས་གཅིག་ཏུ་མཛད་པའི་མཐུ་ལས་མཐོང་ཐོས་དྲན་རེག་གི་འབྲེལ་བ་དོན་ལྡན་དུ་མཛད་པའི་ངེས་པ་དོན་གྱི་བཤེས་གཉེན་ཆེན་པོ་བློ་བཟང་འཇམ་དབྱངས། ཞེས་བསྔགས་བརྗོད་དཔེ་མེད་མཛད་འདུག་པ་ཚེ་ཏན་ཞབས་དྲུང་གི་མཛད་པའི་བྱ་ཁྱུང་གདན་རབས་སུ་གསལ། དགུང་ལོ་ཉེར་དགུ་སྟེང་པཎ་ཆེན་དཔལ་ལྡན་ཡེ་ཤེས་ཀྱི་དྲུང་ནས་བསྙྙེན་རྫོགས་ཀྱི་སྡོམ་པ་ཞུས། པཎ་ཆེན་ཆེན་པོ་ཆེས་གྱིས་རྗེ་འདི་ཉིད་ཚ་ཁོ་དབོན་པོ་ངག་དབང་གྲགས་པའི་སྐུུ་སྐྱེས་སུ་ལུང་བསྟན། དགུང་ལོ་སོ་གཉིས་སྟེང་ལྷ་ལྡན་སྨོན་ཆེན་པོའི་ནང་གཞུང་ལུགས་རབས་འབྱམས་སྨྲ་བའི་གྲྭ་སྐོར་དམ་བཅའ་མཛད། ལོ་དེར་དཔལ་ལྡན་རྒྱུད་སྨད་གྲྭ་ཚང་དུ་ཆོས་ཞུགས་གནང་ནས་རྒྱུད་སྡེ་རྒྱ་མཚོའི་གཞུང་ལུགས་ལ་གསན་བསམ་རྒྱ་ཆེར་གནང༌། ཁྲི་ཆེན་ངག་དབང་ཆོས་གྲགས་ཞི་བར་གཤེགས་པའི་འདས་འཇུག་དགོངས་རྫོགས་ཀྱི་འགན་བཞེས་གནང༌། དགུང་ལོ་སོ་དྲུག་སྟེང་རྒྱུད་གྲྭ་སྨད་ཀྱི་དགེ་བསྐོས་གནང་ནས་སྒྲིག་གཞི་ཤིན་ཏུ་དམ་པོ་མཛད། ཡོངས་འཛིན་ཡེ་ཤེས་རྒྱལ་མཚན་ལས་ལམ་རིམ་ཆེན་མོ་དང༌། འགྲེལ་བ་བཞི་སྦྲགས་སོགས་དང༌། ཀློང་རྡོལ་བླ་མ་རིན་པོ་ཆེ་ལས་རྒྱལ་བའི་བཀའ་འགྱུར་རིན་པོཆེའི་ལུང་གསན། གཞན་ཡང་རྒྱལ་སྲས་རིན་པོ་ཆེ། རྭ་སྒྲེང་ཁྲི་སྤྲུལ། ཆབ་མདོ་ཞི་བ་ལྷ། ཀུན་མཁྱེན་འཇིགས་མེད་དབང་པོ་སོགས་བླ་མ་བཞི་བཅུར་ཉེ་བར་བསྟེན་ནས་མདོ་སྔགས་ཀྱི་ཆོས་ཚུལ་མཐའ་པ་ཞུས། དགུང་ལོ་བཞི་བཅུ་པ་རབ་བྱུང་བཅུ་གསུམ་པའི་ཤིང་སྦྲུལ་༡༧༨༥ལོར་རྒྱུད་པའི་བླ་མ་དབུ་མཛད་དུ་ཕེབས། སྐུུ་སྲིང་གི་བུ་བློ་བཟང་ལེགས་བཤད་རྒྱུད་གྲྭར་ཞུགས་སུ་བཅུག་པ་དེས་རྗེ་འདི་བའི་ཕྱག་གཡོག་མཐར་ཕྱིན་པའི་ཕྱག་མཛོད་བྱས། དགུང་ལོ་ཞེ་བདུན་རབ་བྱུང་བཅུ་གསུམ་པའི་ཆུ་བྱི་༡༧༩༢ལོར་རྒྱུད་སྨད་མཁན་ཁྲིར་ཕེབས། དབང་གི་ཐོག་མ་ཁྲི་ཆེན་རྒྱ་ནག་པ་སྐུུ་མཆེད་གཉིས་ལ་རྟ་མགྲིན་ཡང་གསང་གི་དབང་སྩལ། དགུང་ལོ་ང་གཅིག་པར་མངའ་རིས་མཐོ་ལྡིང་གི་ཁྲི་དང༌། ང་བརྒྱད་པར་བྱང་རྩེའི་ཁྲིར་ཕེབས། དགུང་ལོ་རེ་གཉིས་པ་རབ་བྱུང་བཅུ་བཞི་པ་མེ་ཡོས་༡༨༠༧་ཁྲི་སྔོན་མ་དགེ་འདུན་ཚུལ་ཁྲིམས་ཁྲི་ལོ་བདུན་ཚང་ནས་གློ་བུར་ཞི་བར་གཤེགས་པའི་ཚབ་ལ་གློ་བུར་གྱི་ཚུལ་དུ་དགའ་ལྡན་ཁྲིར་ཕེབས་ནས་ཁྲི་ལོ་བདུན་བསྐྱངས། རྒྱལ་བ་ལུང་རྟོགས་རྒྱ་མཚོ་དང༌། ཚུལ་ཁྲིམས་རྒྱ་མཚོ་སྟེ་སྐུུ་སྔ་ཕྱིའི་ཡོངས་འཛིན་ཏུ་བཀུར། དགུང་ལོ་དོན་དགུ་པ་རབ་བྱུང་བཅུ་བཞི་པའི་ཤིང་སྤྲེལ་༡༨༢༤ལོར་དགོངས་པ་གཞན་དོན་དུ་གཤེགས། བྱ་ཁྱུང་དུ་རྗེ་བླ་མའི་སྐུུ་ཞིག་བཞེངས་དགོས་ཀྱི་ཞལ་ཏ་ཕེབས་པ་ལྟར་ཕྱག་མཛོད་བློ་བཟང་ལེགས་བཤད་དང༌། མི་རྗེ་དགུང་བློན་བཤད་སྒྲ་བས་འགན་བཞེས་ཏེ་དངུལ་སྲང་ཉིས་སྟོང་ལྷག་གི་འགྲོ་སོང་བཏང་སྟེ་བཞེངས་པའི་གསེར་ཟངས་ཀྱི་རྗེ་སྐུུ་ཁྲི་རྒྱབ་ཡོལ། རྒྱལ་མཚན་ཆ་བཅས་ཕྱག་མཛོད་དངོས་ཕེབས་གདོང་རབ་ཡིས་ས་ཕོ་བྱི་བའི་ལོར་བྱ་ཁྱུང་དུ་འབུལ་སྦྱོར་མཛད། རྗེ་སྐུུ་འདིའི་དཀར་ཆག་ཏུ། དངུལ་སྲང་བཞི་སྟོང་སུམ་བརྒྱ་གྱ་ལྔ་ཞོ་བདུན་སོང་བར་བཀོད་འདུག དངོས་སློབ་ཀྱང་རྒྱལ་བ་སྐུུ་ཕྲེང་གཉིས། པཎ་ཆེན་བསྟན་པའི་ཉི་མ། འཇམ་དབྱངས་བཞད་པ་འཇིགས་མེད་རྒྱ་མཚོ། ཧལ་ཧ་རྗེ་བཙུན་དམ་པ་སོགས་སྐྱེས་ཆེན་དམ་པ་མང་པོ་བསྐྱངས། །

དགའ་ལྡན་ཁྲི་ཐོག་རེ་བདུན་པ་ཀེའུ་ཚང་འཇམ་དབྱངས་སྨོན་ལམ། དགའ་ལྡན་ཁྲི་ཐོག་རེ་བདུན་པ་བཀའ་འགྱུར་བ་འཇམ་དབྱངས་སྨོན་ལམ་ནི། རབ་བྱུང་བཅུ་གསུམ་པའི་ལྕགས་རྟ་༡༧༥༠ལོར་མདོ་ཁམས་རྨི་ལི་ཆི་ཕུག་ཏུ་ཡབ་རྣམ་རྒྱལ་དང༌། ཡུམ་ཉི་མ་མིག་གཉིས་ཀྱི་སྲས་སུ་སྐུུ་འཁྲུངས། སྐུུ་ན་ཆུང་དུས་ནས་གཞིས་དགོན་དགའ་ལྡན་དར་རྒྱས་གླིང་གི་ཆོས་གྲྭར་ཞུགས་ཏེ། འདུལ་བ་འཛིན་པ་སྐུལ་བཟང་རྣམ་རྒྱལ་ལས་དགེ་བསྙྙེན་དང་དགེ་ཚུལ་གྱི་སྡོམ་པ་མནོས། ཡི་གེ་འབྲི་ཀློག་དང་ཆོས་སྤྱོད་ཆོ་ག་སོགས་ལ་མཁས་པར་སྦྱངས། དགུང་ལོ་བཅུ་བདུན་པར་དབུས་སུ་ཕེབས་ཏེ་འབྲས་སྤུངས་བློ་གསལ་གླིང་གི་སྤོམ་འབོར་ཁང་ཚན་དུ་སྒྲིག་ཞུགས་གནང༌། ཏྲེ་ཧོར་རབ་འབྱམས་པ་བློ་བཟང་དགེ་ལེགས་སོགས་མཁས་གྲུབ་གཉིས་ལྡན་གྱི་སྐྱེས་ཆེན་དམ་པ་དུ་མའི་ཞབས་པད་རིང་དུ་བསྟེན་ནས། བསྡུས་གྲྭ་བློ་རྟགས་དང༌། དབུ་ཚད་ཕར་གསུམ་འདུལ་མཛོད་བཅས་གཞུང་ཆེན་པོད་ལྔ་ལ་གསན་བསམ་མཐར་སོན་མཛད་དེ། ལྷ་ལྡན་སྨོན་ལམ་ཆེན་མོའི་ནང་གདན་ས་གསུམ་གྱི་གཙོས་པའི་མཁས་མང་ནམ་མཁའི་སྐུར་ཚོགས་ལྟ་བུའི་ཁྲོད་ནས་ལུང་རིགས་ཀྱི་དི༷ལ་འཁོར་ཡོངས་སུ་རྫོགས་པས་ལྷ་རམས་ཨང་དང་པོའི་མཚན་གནས་བཞེས། ལོ་དེར་དཔལ་ལྡན་སྟོད་རྒྱུད་གྲྭ་ཚང་ལ་ཞུགས་ནས་རྒྱུད་སྡེ་བཞིའི་གཞུང་ལུགས་རྒྱ་མཚོ་ལྟ་བུ་ལ་གསན་བསམ་རྒྱ་ཆེར་མཛད་པས་མདོ་སྔགས་གཉིས་ཀ་ལ་འགྲན་ཟླ་མེད་པའི་མཁས་པའི་ཡང་རྩེར་སོན། བཀའ་ཆེན་ཡེ་ཤེས་རྒྱལ་མཚན་དང༌། ཀློང་རྡོལ་བླ་མ་ངག་དབང་བློ་བཟང༌། ཆབ་མདོ་ལྕགས་ར་སྤྲུལ་སྐུུ་ངག་དབང་འཕྲིན་ལས། དགའ་ལྡན་ཁྲི་ཆེན་ནོ་མོན་ཧན་སོགས་ལས་མདོ་སྔགས་ཀྱི་བཀའ་ལུང་མན་ངག་རྒྱ་ཆེར་མནོས་པས་བསྟན་པ་ཡོངས་རྫོགས་ཀྱི་བདག་པོར་གྱུར། སྟོད་རྒྱུད་གྲྭ་ཚང་གི་བླ་མ་དབུ་མཛད་དང་མཁན་ཁྲིར་རིམ་པར་ཕེབས་ནས་རྒྱུད་ཀྱི་འཆད་ཉན་རྒྱ་ཆེར་སྤེལ་བཞིན་པའི་མུར། རབ་བྱུང་བཅུ་གསུམ་པའི་ཤིང་སྟག་༡༧༩༤ལོར། ཆིང་གོང་མ་ཆོན་ལུང་གིས་རེ་བ་ཞུས་པ་ལྟར། རྒྱལ་མཆོག་འཇམ་དཔལ་རྒྱལ་མཚོས་དམ་པ་འདི་ཉིད་དང༌། ཤག་སྐོར་བླ་མ་གཉིས་ཡོངས་གྲགས་ཀྱི་དགེ་བཤེས་ལྔ་ཙམ་སྤྱན་གཟིགས་ཀྱིས་མདོ་སྔགས་གནད་ལ་དྲི་གཏུགས་བཀའ་དྲིན་བསྐྱངས་པར། མཁྱེན་པ་ཡངས་ཤིང༌། འབྱུང་འགྱུར་གྱི་གནད་ལ་འཕྲད་ལམ་ཆེ་བར་དགོངས་ནས་རྒྱ་ནག་པེ་ཅིན་དུ་མངགས་བཏང་མཛད་དོན་བཞིན། ཡུལ་དེ་སི་ཧཱུའི་ཏཱ་བླ་མ་དང༌། ཡུང་དགོན་མཚན་ཉིད་གྲྭ་ཚང་གི་བླ་མ་མཛད། དེ་རྗེས་ཞེ་ཧོ་པོ་ཏཱ་ལའི་མཁན་ཁྲིར་ཕེབས་ནས། མདོ་སྔགས་ཀྱི་བཀའ་ཆོས་དུ་མ་དང་ལྷག་པར་རྒྱལ་བའི་བཀའ་འགྱུར་རིན་པོ་ཆེ་ཆ་ཚང་གི་ལྗགས་ལུང་གནང་བས་དེ་ནས་བཟུང་རྗེ་འདི་བར་བཀའ་འགྱུར་བ་ཞེས་པའི་མཚན་སྙྙན་བྱུང༌། ཆོན་ལུང་གཤེགས་རྗེས་རབ་བྱུང་བཅུ་གསུམ་པའི་མེ་འབྲུག་༡༧༩༦ལོར་དབུས་སུ་ཕྱིར་ཕེབས་ནས་རྒྱལ་པཎ་གཉིས་དང་གདན་ས་གསུམ་སོགས་ལ་མཆོད་འབུལ་རྒྱ་ཆེར་མཛད། དེ་ནས་ཤར་རྩེའི་ཁྲིར་ཕེབས་ཏེ་འཆད་ཉན་བསྐྱངས། སླར་ཡང་ཆིང་གོང་མ་ཀྱ་ཅེན་གྱིས་གདན་དྲངས་པ་ལྟར་རྒྱ་སོག་གི་ཡུལ་གྲུ་ཁག་དུ་མར་ཕེབས་ནས་མདོ་སྔགས་ཀྱི་བཀའ་ཆོས་རྒྱ་ཆེར་བསྩལ། ཆིང་གོང་མས་འབུལ་ཆེ་རྒྱ་ཆེར་བཏེགས་པ་རྣམས་དབུས་སུ་བསྣམས་ནས་མཆོད་འབུལ་རྒྱ་ཆེར་གནང༌། རབ་བྱུང་བཅུ་བཞི་པའི་ཤིང་ཁྱི་༡༨༡༤ལོར་ཝང་འགྱུར་མེད་རྣམ་རྒྱལ་གྱིས་ཚུལ་མིན་ངན་སྤྱོད་ལ་བརྟེན་ནས་ཁྲི་ཆེན་ནམ་མཁའ་བཟང་པོ་དགའ་ལྡན་གསེར་ཁྲི་ལས་ཕབ་པའི་ཚབ་ཏུ་འཇམ་མགོན་རྒྱལ་བ་གཉིས་པའི་རྒྱབ་ཚབ་ཏུ་དགའ་ལྡན་རྣམ་པར་རྒྱལ་བའི་གླིང་གི་གསེར་ཁྲིར་ཕེབས་ཏེ་ཞྭ་སེར་བསྟན་པ་རིན་པོ་ཆེ་བཤད་སྒྲུབ་ལས་གསུམ་གྱི་སྒོ་ནས་རྒྱ་ཆེར་སྤེལ་བཞིན་པའི་མུར་བར་ཆད་ལྟ་བུས་ཟླ་བ་གསུམ་གྱི་མཚམས་སུ་དགོངས་པ་ཞི་དབྱིངས་སུ་བསྟིམས་པའི་དངུལ་གདུང་བླ་མ་ལྷ་ཁང་དུ་འགྲོ་བའི་བསོད་ནམས་ཀྱི་རྟེན་དུ་བཞུགས། གསུང་ལས་སྐྱེས་པའི་སློབ་མ་རྒྱ་བོད་ཧོར་གསུམ་དུ་ནམ་མཁའི་སྐར་ཚོགས་དང་ས་གཞིའི་དྲེག་པ་ལྟ་བུ་མང་པོ་བྱུང་བའི་ཁྲོད་ནས་རྨི་ལི་སྤྲུལ་སྐུུ་ངག་དབང་དཔལ་ལྡན་རྒྱ་མཚོ་སོགས། མདོ་སྔགས་རབ་འབྱམས་སྨྲ་བར་གདེངས་ཐོབ་པའི་མཁས་གྲུབ་སྐྱེས་ཆེན་དམ་པ་ཡང་ཤིན་ཏུ་མང་པོ་བྱུང༌། གསུང་རྩོམ་ཡང༌། བྱང་ཆུབ་ལམ་གྱི་རིམ་པའི་སྔོན་འགྲོ་སྦྱོར་བའི་ཆོས་དྲུག་གི་ཁྲིད་ལུང་ཆེན་པོ་འཇམ་དབྱངས་བླ་མའི་དགོངས་རྒྱན། བྱང་ཆུབ་ལམ་རིམ་ཆུང་བའི་ཟིན་བྲིས་བློ་གསལ་རྒྱ་མཚོའི་འཇུག་ངོགས། དགེ་སློང་གི་བསླབ་བྱའི་སྡོམ་ཚིག་ཐུབ་བསྟན་གསལ་བྱེད། རྒྱུད་སྡེའི་བཅུད་ཕྱུང་ཟབ་གསལ་བཻཌཱུརྱའི་དབང་ཊིཀྐ་སྙྙན་བརྒྱུད་ཀྱི་ཙིསྒྲྣ༣་རྒྱ་ཅན་སོགས་འཆོས་སྐྱོབ་གཉིས་ལྡན་གྱི་ལེགས་བཤད་ཀྱང་དུ་མར་མཛད་པར་སྣང༌།།

དགའ་ལྡན་ཁྲི་ཐོག་རེ་བརྒྱད་པ་འཕན་པོ་བློ་བཟང་དགེ་ལེགས་ནི། འཕན་པོ་ལྷ་རྒྱལ་ཁང་གི་ཉེ་འདབས་ཚོང་བདག་ཕྱུག་པོ་ཞེས་པའི་ཁྱིམ་དུ་ཡབ་བསོད་ནམས་ལྷུན་གྲུབ་དང༌། ཡུམ་བསོད་ནམས་ལྷ་མོ་གཉིས་ཀྱི་སྲས་སུ་རབ་བྱུང་བཅུ་པའི་མེ་གླང༡༧༥༧ལོར་སྐུུ་འཁྲུངས། སྐུུ་ན་ཆུངདུས་ནས་བྱིས་པ་གཞན་དང་མཛད་སྤྱོད་མི་མཉམ་པས་ཚ་བ་བླ་མ་ལོ་གསར་བའི་སྤྲུལ་པར་ངོས་འཛིན་བྱས། དགུང་ལོ་དགུ་པར་དབུས་སུ་ཕེབས་ཏེ་པཎ་ཆེན་བློ་བཟང་དཔལ་ལྡན་ཡེ་ཤེས་ལྷ་ལྡན་དུ་ཕེབས་སྐབས་དབུ་སྐྲ་གཙུག་ཕུད་ཕུལ་བའི་མཚན་ལ་བློ་བཟང་དགེ་ལེགས་ཞེས་གནང༌། སྒྲུབ་ཁང་དགེ་ལེགས་རྒྱ་མཚོ་ལས་དགེ་ཚུལ་གྱི་སྡོམ་པ་ཞུས། སེར་སྨད་ཚ་བ་ཁང་ཚན་དུ་ཆོས་ཞུགས་གནང་སྟེ། ཚ་བ་དགེ་བཤེས་བྱམས་པ་ལེགས་ལྡན་སོགས་ལ་བསྟེན་ནས་ཡི་གེ་སྦྱོར་ཀློག་དང་ཆོས་སྤྱོད། བསྡུས་གྲྭ་ནས་བཟུང་རྣམ་འགྲེལ་དང༌། ཕར་ཕྱིན། དབུ་མ། འདུལ་མཛོད་བཅས་ལ་མཁས་པར་བསླབས། དགུང་ལོ་སོ་གསུམ་པ་ས་སྤྲེལ་༡༧༨༨ལོར་ལྷ་ལྡན་སྨོན་ལམ་ཆེན་མོའི་ནང་དགེ་བཤེས་ལྷ་རམས་པའི་མཚན་རྟགས་བཞེས། ལོ་དེར་སྨད་རྒྱུད་གྲྭ་ཚང་དུ་ཞུགས་ནས་རྒྱུད་སྨད་མཁན་པོ་མཐུ་སྟོབས་རྒྱ་མཚོ་སོགས་ལ་གཏུགས་ནས་རྒྱུད་སྡེ་རྒྱ་མཚོ་ལ་གསན་བསམ་མཐར་ཕྱིན་པར་མཛད། སྔགས་རམ་པའི་དམ་བཅའ་བཞག རྗེ་སྒྲུབ་ཁང་པ་དགེ་ལེགས་རྒྱ་མཚོ་དང༌། ཀློང་བརྡོལ་བླ་མ་ངག་དབང་བློ་བཟང༌། བཀའ་ཆེན་ཡེ་ཤེས་རྒྱ་མཚོ། ཆབ་མདོ་ལྕགས་རྭ་སྤྲུལ་སྐུུ་ངག་དབང་འཕྲིན་ལས་དཔལ་བཟང༌། བྱང་རྩེ་ཆོས་རྗེ་མཐུ་སྟོབས་རྒྱ་མཚོ། བྲག་རི་རྒྱ་མཚོ་མཐའ་ཡས། ཁྲི་ཆེན་ངག་དབང་ཚུལ་ཁྲིམས། བློ་གླིང་མཁན་ཆེན་མཚན་ཞབས་ཐོགས་མེད་རྒྱ་མཚོ་སོགས་དགེ་ལྡན་བསྟན་པའི་སྲོག་རྩ་འཛིན་པའི་སྐྱེས་ཆེན་གསེར་གྱི་རི་བོ་ལྟ་བུ་དུ་མ་སྔ་ཕྱི་རིམ་རྒྱུད་ཀྱིས་ཚུལ་བཞིན་བསྟེན་ནས་མདོ་སྔགས་ཀྱི་ཆོས་ཚུལ་མཐའ་ཡས་པ་གསན། དགུང་ལོ་ཞེ་དགུ་ཤིང་གླང་༡༨༠༥ལོར་རྒྱུད་པའི་བླ་མ་དབུ་མཛད་གནང༌། ལོ་དེར་རྒྱུད་པའི་མཁན་པོ་ ཞི་བར་གཤེགས་པས་གློ་བུར་དུ་དཔལ་ལྡན་སྨད་རྒྱུད་གྲྭ་ཚང་གི་མཁན་ཁྲིར་ཕེབས་ཏེ་འཆད་ཉན་རྒྱ་ཆེར་སྤེལ་ཐོག །འཕན་པོ་སྒྲུབ་རྒྱའི་ཞོགས་ཆོས་ཐོག་གི་རྒྱུད་ཁང་ཉམས་གསོ་དང་དད་ལྡན་ཁག་ལ་ཆོས་བཀའ་རྒྱ་ཆེར་སྩལ་བཞིན་པར་མཁན་པོའི་ལོ་དུས་གཙང་མར་འཁྱོལ་བར་མཛད། དགུང་ལོ་ང་གཉིས་པ་རབ་བྱུང་བཅུ་བཞི་པའི་ས་འབྲུག་༡༨༠༨ལོར་རྒྱུད་ཀྱི་མཁན་ཁྲི་ལས་ཟུར་ནས་ཚེ་སྨོན་གླིང་ཧོ་ཐོག་ཐུ་སྐུུ་ཕྲེང་གཉིས་པ་ངག་དབང་འཇམ་དཔལ་ཚུལ་ཁྲིམས་རྒྱ་མཚོའི་ཡོངས་འཛིན་དུ་གདན་དྲངས་པ་ལྟར་ཚེ་སྨོན་གླིང་དུ་ཕེབས་ཏེ་གཞུང་ཆེན་ཁག་གི་སློབ་འཁྲིད་རྒྱ་ཆེར་གནང༌། དགུང་ལོ་ང་ལྔ་པ་ལྕགས་ལུག་༡༨༡༡ལོར་བྱང་རྩེ་ཆོས་རྗེའི་ཁྲིར་ཕེབས་ནས་ལོ་ངོ་བཞིའི་བར་བསྐྱངས། དགུང་ལོ་ང་བདུན་པ་ཆུ་བྱ་༡༨༡༣ལོའི་ཚོགས་མཆོད་སྐབས་ཚེ་སྨོན་གླིང་དུ་བྱང་རྩེ་ཆོས་རྗེ་རིན་པོ་ཆེ་འདི་ཉིད་ཀྱིས། བཙན་པོ་ནོ་མན་ཧན་དང༌། འཇམ་བཞེད་སྐུ་ཕྲེང་གཉིས་པ་འཇིགས་མེད་དབང་པོ། ཧོར་ཆོས་རྗེ་སྐུ་ཕྲེང་གསུམ་པ་བཅས་ལ་སྣར་ཐང་བརྒྱ་རྩ་དང༌། བ་རི་ལོ་ཙཱ་བའི་སྒྲུབ་ཐབས་བརྒྱ་རྩ། ཡར་ཀླུངས་ལོ་ཙཱ་བ་ནས་བརྒྱུད་པའི་སྒྲུབ་ཐབས་རྒྱ་མཚོ་རྣམས་ཀྱི་རྗེས་གནང་ཡོངས་རྫོགས་གནང་བས་མཚོན་སྔ་ཕྱིར་བཀའ་ལུང་མན་ངག་ཤིན་ཏུ་མང་པོ་གནང༌། དགུང་ལོ་ང་བརྒྱད་པ་ཤིང་ཁྱི་༡༨༡༤ལོར་ཁྲི་ཆེན་འཇམ་དབྱངས་སྨོན་ལམ་དགའ་ལྡན་ཁྲི་ལ་ཕེབས་ནས་ཟླ་བ་གསུམ་ལས་མ་བཞུགས་པར་ཞི་བར་གཤེགས་པའི་ཚབ་ཏུ་རྗེ་འདི་དགའ་ལྡན་གསར་ཁྲིར་ཕེབས་ནས་དགེ་ལྡན་བསྟན་པའི་རྒྱལ་མཚན་བཤད་སྒྲུབ་ལས་གསུམ་གྱིས་བླ་ནས་བླ་ན་འདེགས་བཞིན་ལོ་ངོ་གཉིས་ཙམ་སོང་བར། དགུང་ལོ་དྲུག་ཅུ་པ་རབ་བྱུང་བཅུ་བཞི་པའྀ་མེ་བྱི་༡༨༡༦ལོར་དགོངས་པ་ཆོས་དབྱིངས་སུ་ཐིམ། ཞི་བར་གཤེགས་ཁར་ཞལ་ཆེམས་སུ་ང་ཤི་བའི་རྗེས་གསེར་སྡོང་དངུལ་སྡོང་ཞེས་ངའི་རོ་ལ་མཛེས་ཆས་གང་ཡང་སྤྲོས་མི་དགོས། རྒྱུ་རྫས་གང་ཡོད་ཆོས་ཕྱོགས་སུ་ཐོངས། ཕུང་པོ་དགའ་ལྡན་དབང་བསྐུར་རིར་བྱ་གཏོང་གྱེས་ཞེས་ནན་ཏན་དུ་མངགས་པ་ས། ཞལ་ཆེམས་ལྟར་སྐུུ་གདུང་དགའ་ལྡན་དུ་གདན་དྲངས་ནས་བྱ་གཏོར་ཞུས། སྐུུ་རུས་ལ་ས་ཚཱ་བཏབ་ནས་ས་འབུམ་བཞེངས་པ་བྲན་ཕུའི་འཇོག་པོ་རི་ཁྲོད་ཀྱི་ཉེ་འདབས་སུ་ཡོད་པར་བཤད། གསུང་ལས་སྐྱེས་པའི་སློབ་མ་ཡང་དགའ་ལྡན་ཁྲི་ཐོག་དོན་གསུམ་པ་ཚེ་སྨོན་གླིང་སྐུུ་ཕྲེང་གཉིས་པ་ངག་དབང་འཇམ་དཔལ་ཚུལ་ཁྲིམས་རྒྱ་མཚོ་དང༌། བཙན་པོ་ནོ་མན་ཧན་དང༌། འཇམ་བཞེད་སྐུ་ཕྲེང་གཉིས་པ་འཇིགས་མེད་དབང་པོ། ཧོར་ཆོས་རྗེ་སྐུ་ཕྲེང་གསུམ་པ་སོགས་སེར་འབྲས་དང་རྒྱུད་སྨད་ཀྱི་སྐྱེས་ཆེན་ཤིན་ཏུ་མང་པོ་བྱུང་སྣང༌། འདིའི་སྐུུ་ཕྲེང་ཕྱི་མ་ནི་ཚ་སྤྲུལ་སྐུུ་ཕྲེང་རིམ་བྱོན་རྣམས་ཡིན་ནོ། །ཁྲི་ཆེན་འདིའི་རྣམ་ཐར། ཚེ་སྨོན་གླིང་ཧོ་ཐོག་ཐུ་སྐུུ་ཕྲེང་གཉིས་པ་ངག་དབང་འཇམ་དཔལ་ཚུལ་ཁྲིམས་ཀྱིས་མཛད་པ་རྗེ་བཙུན་བླ་མ་དམ་པ་ཁྲི་ཆེན་རྡོ་རྗེ་འཆང་བློ་བཟང་དགེ་ལེགས་དཔལ་བཟང་པོའི་རྣམ་པར་ཐར་པ་དད་པའི་པདྨོ་འཛུམ་བྱེད་ངོ་མཚར་ཉིན་བྱེད་གསར་པའི་སྣང་བ། ཞེས་པ་དཔར་མ་ལ་ཤོག་གྲངས་ཉི་ཤུ་ཡོད་ཚུལ་དུང་དཀར་ཚིག་མཛོད་དུ་བཤད་ཀྱང་ཁོ་བོས་ད་ཕན་ཞལ་མཇལ་མ་བྱུང༌།

དགའ་ལྡན་ཁྲི་ཐོག་རེ་དགུ་པ་ཁྲི་ཆེན་བྱང་ཆུབ་ཆོས་འཕེལ། ཡོངས་འཛིན་ཁྲི་བྱང་རིན་པོ་ཆེའི་སྐུུ་ཕྲེང་དང་པོ་ཡིན། མདོ་ཁམས་ཆ་ཕྲེང་གི་ཡུལ་དུ་ཡབ་ཁམས་པ་བཀྲ་ཤིས་དང༌། ཡུམ་མ་མོ་འཚོ་གཉིས་ཀྱི་སྲས་སུ། རབ་བྱུང་བཅུ་གསུམ་པའི་མེ་བྱི་༡༧༥༦ལོར་འཁྲུངས། དགུང་ལོ་བཅུ་གསུམ་པར་ཆ་ཕྲེང་དགའ་ལྡན་བསམ་འཕེལ་གླིང་དུ་ཞུགས་འདོན་ཆོས་སྤྱོད་ཀྱི་ཐུགས་འཛིན་ལེགས་པར་གྲུབ། དགུང་ལོ་ཉེར་གཅིག་པ་མེ་སྤྲེལ་༡༧༧༦ལོར་གཞིས་དགོན་གཅིག་པའི་གྲྭ་རྒྱུན་ཚོ་དང་མཉམ་དུ་དབུས་འགྱུར་ཆོས་ཀྱི་ཞིང་སར་ཕེབས། དགའ་ལྡན་རྣམ་པར་རྒྱལ་བའི་གླིང་གི་ཤར་རྩེ་རྡོ་ཁང་ཁང་ཚན་དུ་ཆོས་ཞུགས་མཛད་དེ་མཁས་གྲུབ་ཆེན་པོ་ཆོས་དབང་རྒྱ་མཚོ་དང༌། དགེ་བཤེས་ཆོས་འཕེལ་རྒྱལ་མཚན་གཉིས་སྤྱི་ཆོས་དང་སྒེར་ཆོས་ཀྱི་དགེ་རྒན་དུ་བསྟེན་ནས་བསྡུད་ཚད་དང་དབུ་ཕར་འདུལ་མཛོད་བཅས་གཞུང་ཆེན་པོའི་སློབ་གཉེར་དང༌། གསང་སྔགས་ཀྱི་ཆོ་ག་ཕྱག་བཞེས་རྣམས་བྱང་ཆུབ་པར་མཛད། གདོང་གྲལ་གསུང་བཟང་བའི་གྲལ་དུ་ཡང་ལོ་ཤས་བཞུགས། དགུང་ལོ་སོ་གསུམ་པ་ས་སྤྲེལ་༡༧༨༨ལོར་དགེ་བཤེས་གླིང་བསྲེའི་མཚན་བཏགས་བཞེས། དགུང་ལོ་སོ་བདུན་པ་ཆུ་བྱི་༡༧༩༢ལོར་དགེ་བཤེས་ལྷ་རམས་པའི་མཚན་བཏགས་བཞེས། ལོ་དེའི་སྟོན་ཁའི་ཆོས་ཐོག་སྐབས་རྒྱུད་སྟོད་དུ་ཞུགས་ནས་ལོ་ངོ་བདུན་བར་གསང་སྔགས་ཀྱི་སློབ་གཉེར་དང༌། བླ་མ་དགེ་བའི་བཤེས་གཉེན་མང་པོ་ལས་མདོ་སྔགས་ཀྱི་ཆོས་རྒྱུན་མཐའ་ཡས་པ་གསན། དགུང་ལོ་ཞེ་བཞི་པ་ས་ལུག་༡༧༩༩ལོར་རྒྱུད་སྟོད་བླ་མ་དབུ་མཛད་ཀྱི་ཁྲིར་ཕེབས། དགུང་ལོ་ཞེ་དྲུག་པ་ལྕགས་བྱ་༡༨༠༡ལོར་མཁན་པོའི་ཁྲིར་ཕེབས། སྐབས་དེར་བླ་མ་དབུ་མཛད་སྒྲུབ་ཁང་རིན་པོ་ཆེ་དང༌། རྒྱུད་པའི་དགེ་འདུན་བགྲེས་པ་རྣམས་དང་ལྷན་རྒྱས་ཐེངས་མང་གྲོས་བསྡུར་མཛད་པའི་རྨང་གཞིའི་ཐོག ད་ཡོད་སྒྲིག་ཡིག་ཆེན་མོ་གཏན་འབེབས་གནང༌། དགུང་ལོ་ང་ལྔ་པ་ལྕགས་རྟ་༡༨༡༠ལོར་ཤར་པ་ཆོས་རྗེའི་ཁྲིར་ཕེབས། དེའི་ཕྱི་ལོར་ཏཱ་འི་བླ་མ་སྐུུ་ཕྲེང་དགུ་པ་ལུང་རྟོགས་རྒྱ་མཚོའི་ཡོངས་འཛིན་དུ་ཕེབས། ཆུ་བྱ་ལོ་ྋརྒྱལ་དབང་མཆོག་གི་རབ་བྱུང་དང་དགེ་ཚུལ་གྱི་སྡོམ་པ་བཞེས་སྐབས་དུས་བསྒོ་བ་མཛད། ྋརྒྱལ་དབང་མཆོག་ལ་གསན་བསམ་གྱི་ཞབས་བསྐུུལ་ནན་ཆེར་མཛད་པས་ྋརྒྱལ་དབང་དེ་ཉིད་མཁས་གྲུབ་གཉིས་ལྡན་གྱི་སྐྱེས་བུ་ཆེས་ཁྱད་དུ་འཕགས་པ་ཞིག་འབྱུང་བར་གདོན་མི་ཟ་ཡང༌། སྐྱེ་རྒུའི་བསོད་ནམས་ཀྱིས་མ་འཆུན་པར་ཤིང་ཕག་ལོར་ཞིང་བརྗེས་པའི་སྐུུ་གདུང་གི་སྲི་ཞུ་དང༌། སྒྲུབ་མཆོད་ཀྱི་རྡོར་སློབ་མཛད་ཅིང༌། གཞུང་སའི་བཀའ་བཞིན་ཆོས་འཁོར་རྒྱལ་གྱི་མགོན་ཁང་གཏོར་བརྗེས་ལ་ཕེབས་ཏེ་འོལ་ཁ་ཁུལ་གྱི་དགོན་སྡེ་ཁག་ལའང་མང་འགྱེད་སོགས་བསྙྙེན་བཀུར་མཛད། ཆོས་འཁོར་རྒྱལ་གྱི་དགོན་པར་རབ་བྱུང་བསྙྙེན་རྫོགས་སོགས་འདོད་ཆོས་མང་དུ་སྩལ། སྐབས་ཤིག་ཏུ་རྒྱལ་ཚབ་དེ་མོ་བློ་བཟང་ཐུབ་བསྟན་འཇིགས་མེད་རྒྱ་མཚོ་རིན་པོ་ཆེས་རྣམ་རྒྱལ་གྲྭ་ཚང་དང་བསྟན་རྒྱས་གླིང་གྲྭ་ཚང་གཉིས་ལ་འཇིགས་བྱེད་དབང་ཆེན་སྩལ་དགོས་ཞེས་གསུངས་པ་ལྟར། རྭ་སྒྲེང་ཁྲི་ཆེན་བསྟན་པ་རབ་རྒྱས་དང་ཁྲི་ཆེན་ངག་དབང་སྙྙན་གྲགས་སོགས་ཀྱི་དྲུང་ནས་ཕྱག་ལེན་དོགས་དཔྱོད་དཔྱིས་ཕྱིན་པར་མཛད་དེ། ཕྱག་ལེན་འཕྱུགས་པ་མེད་པའི་སྒོ་ནས་འཇིགས་མཛད་རྡོ་རྗེའི་དབང་བཞི་བསྐུུར་བ་མཛད་ཅིང༌། བསྟན་རྒྱས་གླིང་དུ་གནང་སྐབས་རྒྱལ་ཚབ་དེ་མོ་རིན་པོ་ཆེས་ཀྱང་གྲྭ་ཤག་ཅིག་ཏུ་བཞུགས་ནས་མངོན་ཆུང་གིས་གསནཔར་མཛད། ལོ་དེའི་ཧོར་ཟླ་བཅུ་གཉིས་པའི་ཚེས་བཅུ་བདུན་ཉིན་རྒྱལ་ཚབ་དེ་མོ་རིན་པོ་ཆེའི་དྲུང་དུ་མཇལ་ཁར་ཕེབས་སྐབས་བཀའ་ལས་དགའ་ལྡན་ཁྲི་རིན་པོ་ཆེ་དགོངས་ཞུ་མཛད་སོང་བས་ད་ཆ་སྐུུ་ཉིད་དགའ་ལྡན་གསེར་ཁྲིར་ཕེབས་དགོས། སྔར་ལམ་མགྲོན་གཉེར་བཏང་ནས་ཞུ་སྲོལ་འདུག་ཀྱང་ད་རེས་འདི་གར་ཕེབས་པ་རྟེན་འབྲེལ་འགྲིགས་པས་ང་རང་གིས་ཞུ་རྒྱུ་ཡིན་གསུངས་ནས་མཇལ་དར་ཨ་ཤེ་དྲི་བྲལ་ཞིག་གནང་ནས་དགའ་ལྡན་ཁྲི་པ་མཛད་དགོས་གསུངས་པར། གནས་སྐབས་མཐུན་རྐྱེན་སོགས་གྲ་འགྲིག་མིན་གྱིས་ཟླ་ཤསཔར་འགྱངས་ཡོང་བར་ཞུས་ཀྱང༌། ཁྲི་འདོན་གྱི་ཞབས་ཕྱི། ཆིབས་པ། རྒྱུ་དངོས་སོགས་ཇི་དགོས་འདི་ནས་གྲ་འགྲིགས་པ་བཟོ་ཆོག་པས་འཕྲལ་དུ་ཁྲི་འདོན་མཛད་དེ་རྭ་ཆེ་སྨོན་ལམ་དང༌། སྨོན་ལམ་ཆེན་མོ་གཉིས་ཀའི་ཚོགས་དབུར་ཕེབས་ཐུབ་པ་ཞིག་གནང་དགོས་ཞེས་བཀའ་ཕེབས་པ་དང༌། དེ་མཚུངས་ཞབས་པད་བཤད་སྒྲ་བས་ཀྱང་ཉེར་མཁོ་གང་དགོས་གྲ་སྒྲིག་བྱ་འཐུས་ཞུས་པ་བཞིན། དགུང་ལོ་དྲུག་ཅུ་པ་རབ་བྱུང་བཅུ་བཞི་པའི་ཤིང་ཕག་༡༨༡༥ལོའི་ཟླ་བ་བཅུ་གཉིས་པའི་ཚེས་ཉེར་བཞིའི་ཉིན་དགའ་ལྡན་དུ་གསེར་ཁྲིར་ཞབས་སོར་བཀོད་དེ་ཁྲི་འདོན་མཛད། གསེར་སྡོང་ཆེན་མོའི་མདུན་དུ་སྨོན་ལམ་ཆེན་མོའི་སྐབས་ལྟར་གྱི་ལྗགས་བསྔོ་བསྟན་འབར་མ་དང་བདེ་སྨོན་སོགས་གསུངས། དེ་སྐབས་རྭ་སྒྲེང་རྡོ་རྗེ་འཆང་གི་མཚན་དེ་གོང་མ་ཞིང་གཤེགས་ཀྱི་གྲལ་དུ་ཐལ་བ་སྐབས་དེར་ཞལ་ནོར་བ་ལྟ་བུར་མངོན་ཡང༌། དོན་དུ་རྭ་སྒྲེང་རྡོ་རྗེ་འཆང་ཕྱི་ལོ་རིང་མིན་ཞིང་གཤེགས་པར་འགྱུར་བ་ཐུགས་ཀྱིས་མཁྱེན་པར་གོར་མ་ཆག ལྷ་ས་ནས་ཆིབས་བསྒྱུར་མ་མཛད་གོང་སྐུུ་གཟུགས་མི་བདེ་བ་རྒྱུན་རིང་བྱུང་ཡང༌། གསེར་ཁྲིར་ཕེབས་རྗེས་བསྙྙུན་ཚུལ་གཞི་མེད་དུ་དྭངས་པར་གྱུར་ཅིང༌། རྭ་ཆེ་སྨོན་ལམ་དང་མེ་བྱི་ལོའི་ལྷ་ལྡན་སྨོན་ལམ་ཆེན་མོའི་ཚོགས་མགོན་དུ་ཕེབས། སྨོན་ལམ་སྐབས་སྔར་སྲོལ་བཞིན་གསུང་ཆོས་རྭར་སྐྱེས་རབས་སོ་བཞི་པ་དང༌། ཚོགས་མཆོད་སྐབས་བཀའ་གདམས་བུ་ཆོསི༷་བཤད་ལུང་སྩལ་ཞིང་ཉིན་གུང་གི་སྨོན་ལམ་ལ་ཆག་མེད་ཕེབས། ཚོགས་བར་རྣམས་སུ་དད་འདུན་སེར་སྐྱ་དྲག་ཞནདུ་མར་འདོད་ཆོས་རབ་བྱུང་བསྙྙེན་རྫོགས་སོགས་བར་མེད་དུ་སྩལ་བར་མཛད། དབྱར་ཐོག་རིང་དགའ་ལྡན་དུ་ཕེབས་ནས་གཏན་བཞུགས་མཛད་དེ་ལམ་རིམ་སོགས་འདོད་ཆོས་ཅི་རིགས་གནང༌། རྭ་སྒྲེང་རྡོ་རྗེ་འཆང་ཞིང་བརྗེས་པའི་སྐུུ་གདུང་མདུན་མཆོད་འབུལ་རྒྱ་ཆེར་མཛད་དེ་ཐུགས་སྨོན་ཡུན་རིང་གནད་སྨིན་གནང༌། མ་ཟད་འདི་ལོ་བསྟན་སྲིད་ཀྱི་གེགས་དབང་གིས་བསམ་ཡས་གཙུག་ལག་ཁང་ཞུགས་ཀྱིས་གནོད་པས་འཇིག་པར། གཞུང་གནས་ནས་ཨར་ཆོག་དང་སྦྱིན་སྲེག །ཁྲུས་སོལ་མཛད་པར་ཕེབས་དགོས་ཞུས་པ་ལྟར། ཇོ་བོ་བྱང་ཆུབ་ཆེན་པོའི་སྐུུ་མདུན་དུ་ཕེབས་པའི་ཚེ། བསམ་ཡས་ཆོས་སྐྱོང་ཡང་ཁོ་གཞུགས་ཀྱིས་ཇོ་བོའི་སྐུུ་པང་དུ་འཛེགས་ཇོ་བོའི་ཐུགས་ཀར་ཏག་ཏག་བཏང་སྟེ། རྡོ་སྐུུ་རང་བྱོན་ཆེན་པོ་ཐུགས་ཀར་མ་ཉམས་པར་བཞུགས་ཡོད་ཅེས་དང༌། རྗེ་འདི་ཉིདལ་དགྱེས་ཉམས་ཆེན་པོས་འཇམ་མགོན་ཙོང་ཁ་པའི་ཁྲི་འཛིན་སློབ་དཔོན་འདིར་བྱོན་པ་ལེགས་ཚོགས་ཆེ་ཞེས་གསུངས། དེ་གར་གཞུང་སའི་བཀའ་བཞིན་ཨར་ཆོས་སོགས་མཛད་སྒོ་རྣམསབསྐྱངས་རྗེས་ལྷ་ལྡན་དུ་ཕྱིར་ཕེབས། དེ་བཞིན་མེ་གླང༌། ས་སྟག །ས་ཡོས། ལྕགས་འབྲུག། ལྕགས་སྦྲུལ། ཆུ་རྟ་བཅས་པར་གནམ་ལོ་གསར་མཚམས་རྭ་མོ་ཆེའི་སྨོན་ལམ་དང༌། ལྷན་ལྡན་སྨོན་ལམ་ཆེན་མོའི་མཛད་སྒོ། དབྱར་གནས་སྐབས་དགའ་ལྡན་དུ་ཕེབས་ནས་འཆར་ཅན་ལམ་རིམ་སོགས་འདོད་ཆོས་སྩལ་བ་དང༌། དགུན་ཐོག་རྩེ་པོ་ཏ་ལར་ཐུགས་དམ་བཅད་རྒྱར་བཞུགས་པ་སྔར་ལྷག་ཡར་ལྡན་གྱི་ཚུལ་དུ་བསྐྱངས། ས་ཡོས་བསྟན་འགྲོའི་གེགས་དབང་བདོ་བས་རྒྱལ་ཚབ་དེ་མོ་རིན་པོ་ཆེ་དག་ཞིང་དུ་ཕེབས་པར་ཐུགས་ངལ་ཚད་མེད་ཀྱིས་གདུང་མཇལ་མཆོད་སྨོན་རྒྱ་ཆེར་མཛད། སྲིད་སྐྱོང་གསར་བ་ཚེ་སྨོན་གླིང་སྐུུ་ཕྲེང་གཉིས་པ་ངག་དབང་འཇམ་དཔལ་ཚུལ་ཁྲིམས་རྒྱ་མཚོ་རིན་པོ་ཆེ་ལའང་ལེགས་སྐྱེས་མཇལ་འབུལ་སོགས་མཛད། བསམ་ཡས་གཙུག་ལག་ཁང་ཉམས་གསོ་ཕལ་ཆེར་གྲུབ་པའི་རབ་གནས་ལ་རྒྱུད་སྟོད་ཚོགས་ཡོངས་ཐོག་རྗེ་འདི་ཉིད་ལ་སློབ་དཔོན་དུ་ཕེབས་དགོས་གཞུང་ས་ནས་བཀའ་གནང་བ་ལྟར་ཆིབས་བསྒྱུར་གྱིས་རབ་གནས་དང་མཆོད་སྨོན་རྒྱ་ཆར་མཛད། ལྕགས་འབྲུག་ལོ་སྲིད་སྐྱོང་ཚེ་སྨོན་གླིང་གི་བཀའ་ཕེབས་སུ་སྔར་རྭ་སྒྲེང་རྡོ་རྗེ་འཆང་ཞིང་གཤེགས་རྗེས་ལོ་རེ་འཆར་ཅན་བཀའ་ཆོས་ཆེན་མོ་གནང་མཁན་མ་བྱུང་བས། རྗེ་འདི་ཉིད་ལ་ལོ་འདི་ནས་བཟུང་འཆར་ཅན་བཀའ་ཆོས་ཆེན་མོ་རེ་གནང་དགོས་གསུངས་པ་བཞིན་ལོ་དེར་བཞི་སྡེའི་གྲ་ཁང་དུ་ལམ་རིམ་གསེར་ཞུན་མའི་བཤད་ལུང་གནང༌། ལྕགས་སྤྲུལ་ལོ་ཧོར་ཟླ་ལྔ་པར་ཕྱག་དཔེ་ལྗགས་ཀློག་མཛད་མུར་གློ་བུར་དུ་སྤྱན་འགྲིབ་པས་ཐུགས་དགོངས་ལ་མི་ལོང་ནའང་དགེ་སྦྱོང་འཕེལ་བའི་རྒྱུ་ཡང་ཤས་ཆེ་དགོངས་པ་ལས་ཐུགས་བློ་མི་བདེ་བ་གང་ཡང་མ་བྱུང་གསུངས་པ་དང༌། དུས་ཕྱིས་སྤྱན་རིམ་གསལ་དུ་སོང་བ་བླ་མ་དཀོན་མཆོག་གི་ཐུགས་རྗེ་ཁོ་ནར་ངེས་པ་རསྙེད་གསུངས་ཏེ། བཟང་ངན་སྐྱིད་སྡུག་རོ་མཉམ་པར་ཁྱེར་ཤེས་པ་ནི་ཟླ་མེད་སེམས་དཔའ་ཆེན་པོའི་རྣམ་པར་ཐར་པའོ། །དེ་སྐབས་སྤྱན་མི་གསལ་བའི་ཚུལ་བཞེས་ལ་ཕྱག་མཛོད་གསར་པ་གཟིམ་ཟུར་བྱམས་པ་ཆོས་འཕེལ་ནས་ད་ཆ་ཁྲི་པ་དགོངས་ཞུ་མཛད་སྐུུ་མི་བསྙྙེལ་བ་ཡོང་བ་འདུག་ཞུས་པར། ད་ཁོ་བོ་ལོ་གཅིག་གི་བཀའ་ལས་ལ་འཛེམས་རྒྱུ་མི་འདུག་ཁྲི་ལོ་མཐར་འཁྱོལ་པ་ཞིག་བྱ་རྒྱུ་ཡིན་གསུངས། འདི་ལོ་དབྱར་གནས་སྐབས་ཁྲི་པ་རིམ་བྱོན་གྱི་སྔོན་སྲོལ་ལྟརཡངས་པ་ཅན་དུ་དངུལ་གདུང་གསར་བཞེངས་ཀྱི་རིམ་པའང་མཛད། ཆུ་རྟ་༡༨༢༢ལོར་རྒྱལ་ཚབ་ཚེ་སྨོན་གླིང་གི་མདུན་ནས་ཡོས་འཛིན་དགོངས་འཁྲོལ་བྱུང་བ་དང༌། དེ་བཞིན་དགའ་ལྡན་ཁྲི་པའི་མཛད་རྣམས་ཀྱང་ལེགས་གྲུབ་ཀྱིས་ཉང་བྲན་ཆུ་བཟང་རི་ཁྲོད་རང་དུ་གཏན་བཞུགས་ཀྱིས་ཐུགས་དམ་ཉམས་བཞེས་འབའ་ཞིག་གནང་བཞེད་ཀྱིས་དེ་ནས་གཟིམ་ཤག་ཀྱང་གསར་དུ་སྤུས་གཟིགས་མཛད་དེ་ཟླ་པ་བཞི་པར་ཆུ་བཟང་དུ་ཕེབས། དེ་ནས་ཧོར་ཟླ་ལྔ་པར་དགའ་ལྡན་དུ་ཕེབས་ཏེ་ཚོགས་ཆེན་གྲྭ་ཚང་ཁག་ལ་བསྙྙེན་བཀུར་དང༌། ཁྲི་པ་གསར་པ་རྗེ་ངག་དབང་ཆོས་འཕེལ་ཁྲི་འདོན་གནང་ཁར་རྗེ་ཉིད་བཤད་སྒྲ་བླ་མའི་གཟིམ་ཤག་ཏུ་སྤོ་བར་མཛད་དེ་ཡངས་པ་ཅན་དང༌། ཁྲི་ཐོག་ཁང་སོགས་ཀྱི་རྟེན་བརྟེན་པ་རྣམས་ཁྲི་པ་གསར་པར་རྩིས་སྤྲོད་ཟིན་མཚམས་དགའ་ལྡན་ནས་ཆུ་བཟང་དུ་ཕེབས། །ཆུ་ལུག་ལོ་སྨོན་ལམ་ཆེན་མོལ་ཡང་མང་འགྱེད་དང་ྋརྒྱལ་དབང་མཆོག་ལ་བརྟན་བཞུགས་རྒྱ་ཆེན་བསྟར་འབུལ་མཛད། ཟླ་བ་གསུམ་པར་ཁྲི་ཆེན་ངག་དབང་སྙྙན་གྲགས་སྐུུ་ན་མཐོ་ཁར་བསྙྙུན་གཞི་ལྕི་བས་གསོལ་ཆས་དང༌། ཞལ་གསུང་རིགས་མ་གནང་བར་བརྟེན་རྗེ་འདི་ཉིད་གདན་ཞུ་བྱུང་བ་ལྟར་འཕྲལ་དུ་ཕེབས་ནས་ཞབས་པད་བརྟན་པའི་གསོལ་འདེབས་མཛད་ཀྱང༌། ཕྱག་ཐལ་མོ་སྦྱོར་བ་ཙམ་ལས་ཅི་ཡང་མི་གསུངས། དེ་ནུབ་ནས་སྐུུ་ཚེའི་ཚེ་སྒྲུབ་དང༌། ཚེ་དབང་འབུལ་བ་སོགས་ཡང་ཡང་ཛད་པས་བཀའ་ལན་ཐོར་བུ་རེ་ཕེབས། ཞབས་པད་བརྟན་པའི་གསོལ་འདེབས་ནན་ཏན་མཛད་པས། སླར་སྐུུ་ཚེ་བྱིན་གྱིས་བརླབས་ནས་རིམ་དྭངས་སུ་གྱུར་ཏེ་ལོ་གཅིག་ཙམ་བཞུགས་ཏེ་དག་ཞིང་དུ་གཤེགས་པའི་ཐུགས་དམ་གསལ་འདེབས་ཀྱི་རིམ་པ་རྗེ་འདི་ཉིད་ཀྱིས་མཛད། གདན་ས་སེ་འབྲས་གཉིས་སུ་ཕེབས་ཏེ་ཚོགས་ཆེན་གྲྭ་ཚང་སོགས་ལ་མང་འགྱེད་བསྙྙེན་བཀུར་མཛད། རྣམ་རྒྱལ་གྲྭ་ཚང་ནས་རྒྱལ་དབང་འཇམ་དཔལ་རྒྱ་མཚོའི་སྐུུ་བརསྙན་གསར་བཞེངས་ཀྱི་གཟུངས་འབུལ་རབ་གནས་གདན་ཞུས་ལྟར་ཕེབས། བདེ་མཆོག་བོང་ཞལ་ཅནའདི་སྔར་རྭ་སྒྲེང་རྡོ་རྗེ་འཆང་ལ་ཞལ་གཟིགས་ནས་སྔར་ང་ལ་བདག་སྤྲོད་བྱ་མཁན་མང་ཡང་ད་མི་འདུག་ཅེས་གསུངས་པ་དང༌། དེ་རྗེས་རྒྱལ་བ་ལུང་རྟོགས་རྒྱ་མཚོར་ཡང་ཡང་ཞལ་གཟིགས་པ་སོགས་ལ་བརྟེན་ནས་རྟ་ཚག་རིན་པོ་ཆེ་དང༌། ཡོངས་འཛིན་རྒྱལ་སྲས་རིན་པོ་ཆེ་རྣམ་གཉིས་ཀྱིས་འདིའི་དབང་རྒྱུན་ཁུངས་དག་རྩད་གཅོད་རྒྱ་ཆེན་མཛད་ཀྱང་སྐབས་སུ་མ་འཁེལ། དྭགས་པོ་སྤྲུལ་སྐུུར་མཚུར་ཕུ་དང༌། ས་སྐྱ་སོགས་ལ་འདི་བཞེས་པར་ཕེབས་དགོས་ཀྱི་བཀའ་རྒྱ་གནང་ནས་ལྷ་སར་ཕེབས་རུང་སྟབས་མ་འགྲིགས་པས་དབང་རྒྱུན་བཞེས་རྒྱུ་མ་བྱུང༌། རྗེས་སོར་ཡོངས་འཛིན་ངག་དབང་སྙྙན་གྲགས་རིན་པོ་ཆེས་ཁལ་ཁ་མཁན་ཆེན་བློ་བཟང་ཚེ་དབང་སྐྱབས་མཆོག་གཙང་ཕྱོགས་སུ་ཕེབས་ཁར་ཁྱོད་ཀྱི་ས་འདིའི་དབང་ཆེན་ཁུངས་དག་ཅིག་འདུག་ན་ཞུ་དགོས་ཞེས་མངགས་གདམས་ནན་གྱིས་མཛད་པར་བརྟེན། དེས་གཙང་ཕྱོགས་ནས་ཞུས། དེ་ལ་ཡོངས་འཛིན་ཁྲི་ཆེན་ངག་དབང་སྙྙན་གྲགས་དང་རྗེ་འདི་ཉིད་ནས་ཞུ་བར་མཛད། རྗེ་འདིས་ད་རེས་གཞན་ལ་ཅུང་ཟད་སྤེལ་ཐུབ་ན་བསྟན་རྒྱུན་ལ་ཕན་པར་དགོངས་ནས་བསྙྙེན་པ་གནང་ཞིང་དབང་ཆེན་འདི་ཚར་གཉིས་གནང་བར། དེ་སྐབས་ཡོང་མཁན་གང་ཡོད་ལ་བཀག་ཆ་མེད་པར་གནང་བ་དང༌། འདི་ཡི་སྒྲུབ་དི༷ལ་ས་སྐྱའི་བླ་ཆེན་གྲགས་པ་རྒྱལ་མཚན་གྱིས་མཛད་པར་འཕྲི་བསྣོན་གནང་བའི་འདོན་བསྒྲིགས་ཀྱང་བཀའ་རྩོམ་དང་དཔར་དུའང་བརྐོ་བར་མཛད། འདིའི་དབང་དངོས་གཞིའི་སྒྲུབ་ཆོག་ཚུགས་སྐབས་ནམ་མཁའ་སྔོ་སངས་ཡིན་ཡང༌། བདག་འཇུག་ཚུགས་པ་དང་ཁ་བ་བབས་ཏེ་ས་གཞི་ཐམས་ཅད་སྐྱ་ཆེམ་མེར་གྱུར། དེ་ནས་སློབ་མར་དབང་བསྐུུར་བའི་འགོ་ཚུགས་པ་ནས་ཁ་བ་སིབ་སིབ་བབས་པ་སོགས་རྟེན་འབྲེལ་ལེགས་པར་བྱུང༌། ཤིང་སྤྲེ་༡༨༢༤ལོར་ཟླ་བ་ལྔ་པར་དགའ་ལྡན་རྡོ་ཁང་ཁང་ཚན་གྱི་གཙུག་ལག་ཁང་གསར་བཞེངས་ཀྱི་རབ་གནས་རྒྱས་པ་དང༌། གསེར་སྡོང་རིན་པོ་ཆེའི་མདུན་མཆོད་འབུལ་སྨོན་ལམ་མཛད་པར་དགའ་ལྡན་དུ་ཕེབས། དགའ་ལྡན་ཆོས་རྒྱལ་ཁང་གི་དམ་ཅན་ཆོས་རྒྱལ་གྱི་དབུ་གཙུག་ཏུ་སྔར་རྡོ་རྗེ་རྩེ་ལྔ་པ་ཞིག་ཡོད་འདྲ་ཡང་བར་སྐབས་ཤིག་ནས་མི་འདུག་པ། ད་ལམ་རྡོ་རྗེ་ཞིག་འབུལ་འགབ་མཆིས་མིན་བརྟག་པ་མཛད་པར་ཕུལ་ན་ལེགས་ཞེས་བབས་པར། སྨན་འདམ་ལ་རྗེ་བླ་མའི་དབུ་ལོ་ན་བཟའ་འཕེལ་གདུང་སོགས་བསྲེས་ཏེ་རྡོ་རྗེ་ནག་པོ་རྩེ་ལྔ་པ་ཞིག་གསར་བཟོ་མཛད་པ་ལ་རབ་གནས་ལེགས་པར་གནང་ནས་དབུ་གཙུག་ཏུ་སྔར་ཤུལ་འདུག་པ་དེར་ཕུལ། གསེར་སྡོང་མདུན་སྟོང་མཆོད་དང་ཚོགས་ཆེན་གྲྭ་ཚང་སོགས་ལ་མང་འགྱེད་སྤྱི་འཇོག་སོགས་རྒྱ་ཆེར་འབུལ་བར་མཛད། དེ་སྐབས་དགའ་ལྡན་དུ་ཚད་རིམས་ཕྲན་བུ་འདུག་པར་ཤར་རྩེའི་ཆོས་གྲྭར་ལོ་གྱོན་མའི་རྗེས་གནང་སྩལ་བས་མི་འགྱངས་པར་རིམས་ནད་ཞི་བར་གྱུར། དེ་ནས་ཆུ་བཟང་དུ་ཕེབས་ཏེ་སྤང་ལུང་བླ་མ་རིན་པོ་ཆེ་བློ་བཟང་ཐུགས་རྗེ་འདི་ལོ་ཟླ་བ་དང་པོ་ནས་བཟུང་སྐུུ་ཁམས་བདེ་མིན་བྱུང་བ་རིམ་གྱིས་ཇེ་ལོད་དུ་གྱུར་པ་ན། ཟླ་བ་དགུ་པའི་ནང་སྔ་དྲོ་ནམ་ཟིན་ལ་རྗེ་འདི་དཔོན་གཡོག་གཉིས་བཅས་སྤང་ལུང་དུ་ཕེབས་ནས་ཞག་གསུམ་བཞུགས། བླ་མ་རིནཔོ་ཆེ་དེ་ཉིད་དགོངས་པ་གཞན་གཏད་ཟིན་གྱིས་སྐུུ་ཆས་གང་ཡོད་བསོད་ནམས་ཀྱི་ཞིང་སར་གཏོང་བཞེད་འདུག་པར། རྗེའདིས་ཀྱང་དེ་བཞིན་ལེགས་ཚུལ་དང་རོགས་བྱེད་མཁན་བཏང་རྒྱུའི་གསུང་འཕྲོས་གནང་སྟེ། ཕེབས་ཁར་སྐུུ་ཚེ་འདིར་ཡང་སྐྱར་མཇལ་བ་མི་འདུག་སྙྙམ་ཐུགས་འཕྲེང་བཞིན་དུ་བྱོན། དེ་ནས་རིང་མིན་སྤང་ལུང་བླ་མ་དེ་ཉིད་ཀྱིས་ཞལ་བཀོད་མཛད་དེ་བླ་སྤྲུལ་ཡོངས་ལ་བསྔོ་རྟེན་རྒྱ་ཆེར་འབུལ་གནང་དང༌། མཐར་སྐུུ་གདུང་བཞུ་བའི་ཡོ་བྱད་དང་ཆོག་གྲྭ་བའི་སྐུུ་ཡོན་ཚུན་ཆད་ཞལ་བཀོད་གནང་སྟེ་དགའ་ལྡན་ཡིད་དགའ་ཆོས་འཛིན་དུ་གཤེགས། དེ་མོ་མཆོག་སྤྲུལ་རིན་པོ་ཆེ་གདན་ཞུ་ཁྲི་འདོན་གྲུབ་པ་དང༌། ཛ་སག་བླ་མ་བློ་བཟང་བསྟན་པས་སྙྙན་བསྐུུལ་ཞུས་པ་ལྟར་ཐོག་མར་དགའ་ལྷའི་འཁྲིད་ལུང་དང་དགེ་བསྙྙེན་གྱི་སྡོམ་པ་སྩལ་བ་ནས་དབུ་བརྩམས་རིམ་བཞིན་ཆོས་བཀའ་མང་དུ་སྩལ། ཟླ་བ་བཞི་པར་རྣམ་རྒྱལ་གྲྭ་ཚང་གི་གྲྭ་གྲངས་བཞི་བཅུ་སྐོར་ནས་གསང་བདེ་འཇིགས་གསུམ་གྱི་དབང་ཆེན་གནང་དགོས་ཞུས་པ་བཞིན་སེ་འབྲས་རྒྱུད་གྲྭ་སོགས་ཚོགས་པ་ཉིས་སྟོང་ཙམ་ལ་རྒྱས་པར་སྩལ། སྐབས་དེར་དབང་ཆེན་རེ་རེ་བཞིན་སྟ་གོན་སོ་སོར་བྱེད་པ་ལས་གཅིག་འཐུས་མི་ཆོག་ཆེས་བཀག་སྡོམ་ནན་ཏན་མཛད། བདེ་མཆོག་དབང་གི་སྐབས་བར་ཆད་ཀྱི་རྣམ་པས་གློབུར་དུ་གསུང་ཅུང་ཟད་འགག་པ་བླ་ལྷར་ཡིད་ཀྱིས་གསོལ་འདེབས་མཛད་པས་འཕྲལ་དུ་སངས། སྔགས་དབང་གི་སྐབས་བཅོམ་ལྡན་འདི་ལ་སྩལ་ལགས་ཞེས་མེ་ཏོག་འཐོར་བ་དང་དུས་མཚུངས་པར་ནམ་མཁའ་ནས་ཆར་པ་འབྲུ་ནས་འཐོར་བ་འདྲ་བ་ཞིག་བབས་ཤིང་དེ་མ་ཐག་ཆད་པས་ཚང་མ་ཡ་མཚན་དུ་གྱུར། སུམ་མདོ་བླ་མར་དུག་དབང་བསྐུུར་བས་སྔར་དུག་རོ་ཞིག་ཡོད་པ་དབང་ཞུས་པའི་ནུབ་མོ་བཤལ་སྐྱུགས་ཀྱིས་དུག་རོ་ཐོན་པ་བྱུང༌། མེ་ཁྱི་༡༨༢༦ལོའི་འཆར་ཅན་གསུང་ཆོས་བཞི་སྡེའི་གྲྭ་ཁང་དུ་བླ་མ་མཆོད་པའི་བཀའ་འཁྲིད་སྩལ་བར་བླ་མེད་ཀྱི་དབང་མ་ཐོབ་ན་ཡོང་མི་ཆོག་ཅེས་ཡི་གེ་སྦྱར་བར་མཛད་ཀྱང་ཚོགས་པ་ལོ་རེ་ལས་ཆེ་བས་འདུ་ཁང་གི་སྟེང་ཤོད་ཐམས་ཅད་ཁེངས་པ་དང༌། འདིལོ་ནས་བཟུང་སེམས་བསྐྱེད་མཆོད་པའི་སྐབས་འདུ་ཁང་དུ་ཤོང་བར་རྡོ་གཅལ་དུ་མི་གནང་དགོས་པ་བྱུང༌། སྐབས་འདིར་དབང་མ་ཐོབ་པ་དང་དམ་ཚིག་གཙང་མིན་སྣ་ཚོགས་ཡོད་པར་ངེས་ཀྱང༌། ཚོགས་པ་འདི་ཙམ་ནང་འགའ་ཞིག་ལ་ཕན་པ་སྲིད་པས་སྐུུ་ཚེའི་བར་གཅོད་དང༌། ཉེས་པ་སོགས་ཇི་ལྟར་བྱུང་ཡང་བཟོད་སྙྙམ་པའི་བདག་གཞན་མཉམ་བརྗེའི་ཐུགས་བསྐྱེད་ཀྱི་སྒོ་ནས་གསང་སྔགས་ཀྱི་ཟབ་བཤད་ཀྱང་མང་དུ་མཛད་པས། སྐུུ་འཁྲུགས་ཀྱི་རྣམ་པས་མགུལ་གློ་རྒྱག་པ་སོགས་ཀྱིས་གསུང་ཆོས་འཆད་དཀའ་བ་ཇི་ལོད་དུ་གྱུར། དེར་ཞབས་ཕྱི་དང་སློབ་མ་འགས་བར་ལམ་སྐུུ་གཟུགས་འཁྲུགས་ཆེས་པས་རབ་བཀའ་ཆོས་གྲོལ་ན་དང༌། དེ་མིན་ཞག་ཤས་ཆོས་མཚམས་བཞག་ན་ཞེས་ཡང་ཡང་ཞུས་ཀྱང་ཆོས་བཤད་ནས་གཟུགས་གཞི་འཁྲུགས་ཏེ་ཤི་ཡང་འགྱོད་པ་མེད་ཅིང༌། དགེ་བཤེས་པོ་ཏོ་བ་ཡང་ཆོས་འཆད་བཞིན་པར་ཁྲི་ཐོག་ནས་གཤེགས་པ་ཡིན། ང་ཡང་དེ་འདྲ་བྱུང་ན་སྐུལ་བ་བཟང་ཞེས་གསུངས་པ་བཞིན་མཐར་བསྐྱེལ་མཛད། གསུང་ཆོས་གྲོལ་ནས་གདན་ས་གསུམ་སོགས་སུ་ཞབས་བརྟན་རིམ་གྲོ་རྒྱ་ཆེར་བསྒྲུབས་པ་དང༌། རྒྱལ་དབང་ཐམས་ཅད་མཁྱེནཔ་ཚུལ་ཁྲིམས་རྒྱ་མཚོ་མཆོག་ནས་མཇལ་དར་དང་བཅས་སྐུུ་ཁམས་མྱུར་དུ་དྭངས་པའི་ཐུགས་བསྐྱེད་མཛད་དགོས་ཞུས་པ་སོགས་ཀྱིས་སྐུུ་ཁམས་གཞི་མེད་དུ་དྭངས། ལོ་འདིར་ཆར་པ་ཤིན་ཏུ་དཀོན་གཤིས་གཞུང་གནས་ནས་ཆར་འབེབས་མཛད་དགོསབཀའ་ཕེབས་པ་བཞིན་འཇའ་ཚོན་ཆུ་མིག་ཡོད་སར་ཆིབས་བསྒྱུར་གྱིས་དམིགས་བརྩེ་མའི་སྒོ་ནས་ཆར་འབེབས་རླུང་གནོན་སོགས་མན་ངག་ལྟར་མཛད་པས་ཆར་བ་འབབ་ཉེའི་མཚམས། རླུངདྲག་པོས་སྐུད་ཅིག་ལ་གཏོར་བར། དེ་སྐབས་རྒྱུད་སྟོད་གྲྭ་པ་འགའ་ཞིག་ནས་ཞུས་ངོར་ཚོགས་པ་སྟོང་ཕྲག་གཉིས་ཙམ་ལ་འཇིགས་བྱེད་དཔའ་བོ་གཅིག་པའི་དབང་ཆེན་སྩལ་བར་སྟ་གོན་གྲུབ་པའི་དགོང་མོ་བླ་སློབ་ཐུན་མོང་དུ་ཆོས་རྒྱལ་ལ་དྲུག་ཅུ་མ་ཕུལ་ནས་འཕྲིན་བཅོལ་མཛད་པས། དེའི་ནུབ་མོ་ནས་སང་དབང་དངོས་གཞི་ཚུགས་ཁའི་བར་ཆར་བ་ལེགས་པར་བབས། བཀའ་ཆོས་ཚུགས་པའི་རིང་ཆད་ཅིང༌། བཀའ་ཆོས་གྲོལ་གྲབས་ཡོད་པ་ནས་བབས་ཏེ་ནམ་བསྐྱལ། དེ་ནས་ཆར་རྒྱུན་ལེགས་པར་བབས་པ་སྟེ། ཆོས་སྲུང་བྲན་དུ་འཁོལ་བའི་ལྟས་སུ་མངོན། རྗེ་འདི་ཉིད་ཀྱིས་གསུང་ཆོས་སྩལ་སྐབས་གསུང་བཤད་རྒྱས་བསྡུས་ཇི་ལྟར་མཛད་རུང༌། ནང་གི་ཉམས་མྱོང་གི་སྟེང་ནས་མཛད་པས་སྐབས་དེའི་སློབ་མ་རྣམས་ཀྱི་ཤེས་རྒྱུད་འཁུལ་ཚབས་ཆེ་བ་མ་ཟད། གཅིག་ནས་གཅིག་ཏུ་བརྒྱུད་དེ་ཐོས་པ་རྣམས་ཀྱང་རྒྱུད་དབང་མེད་དུ་འཁུལ་བ་ཞིག་ཡོད་ཚོད་འདུག་པར་བརྟེན་ཡུལ་དབུས་གཙང་གི་བླ་སྤྲུལ་དགེ་བཤེས་རྒྱལ་བློན་སོགས་ཆེ་རྒུ་རྣམས་དང༌། རྒྱ་སོག་གི་ཡུལ་གྲུ་སོགས་ཕྱོགས་ཕན་ཚུན་ནས་འབྱོར་པའི་བླ་དཔོན་རྣམས་ཀྱང་རྗེ་དིའི་ཞབས་དྲུང་དུ་བསྙྙེན་ཏེ་འདུད་པར་བྱེད། སྐབས་ཤག་ལྷ་སར་སྡོད་པའི་རྒྱའི་སྐུུ་ཚབ་ཨཾ་བན་ཡང་ཆུ་བཟངརི་ཁྲོད་དུ་བཅར་ཏེ་ཕེབས་བྱམ་ཞིག་ཕུལ་བ་དུས་ཕྱིས་ཆུ་བཟང་གཟིམ་ཤག་ཏུ་ཕེབ་བྱམ་འགྱོགས་མདའ་དང༌། ཤིང་སྒྲོམ། འགོ་ཐོར་ལྗང་སོའི་ཤུབ། དངུལ་ཏོག་དང་བཅས་ ཆ་ཚང་མཆིས། རྒྱུད་སྟོད་གྲྭ་ཚང་དུ་རབ་གནས་ཆེན་མོ་གསེར་འཛུགས་ཀྱིས་ལོ་ལྟར་ཆག་མེད་ཚུགས་ཐུབ་པ་བྱ་རྒྱུར་རྗེ་ཉིད་ལ་རྡོ་རྗེ་སློབ་དཔོན་དུ་ཕེབས་དགོས་ཞུས་པར་དགྱེས་མཉེས་ཆེན་པོས་ཕེབས་ཏེ། གྲྭ་ཚང་གི་ཐུན་མོང་མ་ཡིན་པའི་གདངས་དབྱངས་ཕྱག་ལེན་སོགས་སླབ་པར་མཛད་ཅིང༌། ཚོགས་ཡོངས་ལ་ཇ་ཐུག་དང་ཁ་བཏགས་རེའི་འགྱེད་ཀྱང་གནང༌། མེ་ཕག་༡༨༢༧ལོ་བསྟན་རྒྱས་གླིང་མཆོག་སྤྲུལ་རིན་པོ་ཆེ་དང་ལྷན་དུ་གནས་ཆུང་གཟབ་གསོལ་སྤྱན་འདྲེན་མཛད་པར། སྐུུ་ཕེབས་འཕྲལ་བཤེས་གཉེན་ཆེན་པོ་བསྟན་པ་དང་འགྲོ་བའི་དོན་མཛད་པ་ལ་འོ་བརྒྱལ་བར་མ་གྱུར་ཏམ། ཞེས་དང༌། སྐུུ་ཡལ་ཁར་ཡང་གནས་བརྟན་ཕྱག་མཆོད་ལ་འབད། གཟུགས་མེད་ཀྱིས་འཕྲིན་ལས་ཅི་ནས་བསྒྲུབ། ཅེས་ཞུས། ཟླ་བ་གསུམ་པའི་ནང་ཆུ་བཟང་དུ་རྗེ་ཙོང་ཁ་པའི་སྐུུ་མི་ཚད་ལས་ཆེ་བ་རས་སེ་ལས་གྲུབ་པ་གསར་བཞེངས་མཛད། འདི་ནི་སྔོན་པཎ་ཆེན་རིན་པོ་ཆེ་དགའ་ལྡན་གྱི་ཞབས་བསྐོར་དུ་ཕེབས་ནས་ཆུ་འགོའི་ཐད་ནས་རྡོ་ཁང་གི་ཚོམས་ལ་ཕྱག་མཛུབ་གཏད་དེ། འདི་དགའ་ལྡན་གྱི་ས་ཆའི་དི༷ལ་ལྟ་བུ་རེད་འདུག་པས་འདིའི་ནང་དུ་རྗེ་བླ་མའི་སྐུུ་ཆེ་བ་ཞིག་བྱུང་ན་ཡག་པོ་ཡོང་བ་འདུག་ཅེས་གསུངས་འདུག་རུང༌། ཡུན་རིང་བར་དེ་ལམ་དུ་ལུས་པར། འདི་ལོ་རྗེ་ཉིད་ཀྱིས་སྐུུ་འདི་བཞེངས་པར་མཛད། དེ་ཡང་གཟིམ་ཆུང་ཤོད་དུ་བཞེངས་ནས་ཟིན་འཕྲལ་སྟེང་གི་གཟིམ་ཆུང་དུ་གདན་འདྲེན་ཞུ་བའི་ཉིན་མོ་ཆོས་འཁོར་རྒྱལ་གྱི་གྲྭ་པ་བཅུ་གྲངས་ཤིག་བསྙྙེན་རྫོགས་ཞུས་ཟིན་ཏེ། གཟིམ་ཆུང་མདོ་མར་སླེབས་པ་དང༌། རྗེ་བླ་མའི་སྣང་བརསྙན་ཤོད་ནས་ཡར་ཕེབས་པ་དུས་མཚུངས་བྱུང་སོང་བར། ཞབས་གྲས་ཀྱིས་ཁོང་རྣམས་ལ་སྤོས་རེ་ཕུལ་བས་ཁོང་ཚོས་ཆོས་གོས་རྣམ་སྦྱར་དང་བཅས་བསུས་ཏེ། རྗེའི་སྐུུ་གཟིམ་ཆུང་དུ་ཕེབས་འཕྲལ་ཁོང་རྣམས་ཀྱིས་ཕྱག་འཚལ་ནས་དགའ་ལྡན་ལྷ་བརྒྱ་མ་དབྱངས་དང་བཅས་གསུངས། དེའི་ཉིན་བསྒྲུབ་བྱ་གསུམ་ཚན་དང་པོར། དེ་སྔོན་རྗེ་ཉིད་ཀྱི་དྲུང་ནས་རབ་བྱུང་སྒྲུབ་པའི་གྲས་བྱང་ཆུབ་འོད་སྲུངས། བྱང་ཆུབ་ཀུན་དགའ། བྱང་ཆུབ་རབ་འབྱོར་ཞེས་པ་གསུམ་ཆེད་དུ་བསྒྲིགས་པ་ལྟ་བུར་འཛོམས་པའི་རྟེན་འབྲེལ་ཤིན་ཏུ་ལེགས་པ་བྱུང་སོང་ཞེས་ཐུགས་ཤིན་ཏུ་དགྱེས་པར་མཛད། དེ་ནས་རིང་མིན་གཟུངས་སྒྲུབ་སོགས་རྗེ་ཉིད་ནས་མཛད་དེ་མ་བསྒྲིགས་ལྷུན་གྲུབ་ཀྱི་རྟེན་འབྲེལ་སྣ་ཚོགས་པ་དང་བཅས། ཆུ་བཟང་ནས་དགའ་ལྡན་དུ་གདན་ཞུ་མཛད་དེ་ཁང་ཚན་གྱི་ཚོམས་སུ་བཞུགས་སུ་གསོལ། ཡང་གསེར་ཟངས་ཀྱི་རྗེའི་སྐུུ་བརསྙན་མི་ཚད་མ་ཞིག་ཞབས་པད་བཤད་སྒྲ་བས་བཞེངས་གྲོགས་མཛད་པ་གཟུངས་འབུལ་དང༌། རབ་གནས་གནད་སྨིན་གནང་སྟེ་གཞིས་དགོན་བསམ་འཕེལ་གླིང་དུ་བསྐུུར་བར་མཛད། ལྕགས་སྟག་༡༨༣༠ལོར་དགའ་ལྡན་དུ་ཕེབས་ཏེ། གསེར་ཟངས་ལས་གྲུབ་པའི་ཚེ་ལྷ་རྣམ་གསུམ་གྱི་སྐུུ་ཤར་རྩེ་གྲྭ་ཚང་དུ་ཕུལ་ཞིང༌། ཚོགས་ཆེན། གྲྭ་ཚང༌། ཁང་ཚན་བཅས་པར་མང་འགྱེད་གྱ་ནོམ་པ་སྩལ། སྐབས་ཤིག་བཀའ་ཤག་ནས་གནས་ཆུང་ཆོས་སྐྱོང་ཆེན་པོར་དོན་སྐོར་ཞིག་ལ་ལུང་ཞུ་མང་དུ་བགྱིས་ཀྱང་ལུང་གསལ་མ་བྱུང་བར། རྗེ་འདི་ཉིད་ལ་ཕེབས་དགོས་ཞུས་པ་ལྟར་ཕེབས་པ། ལུང་བསྟན་དུ། མགོ་ཡི་ཞྭ་དང་རྐང་གི་ལྷམ་གཉིས་པོ། །མཉམ་བསྲེས་དུ་མར་གནས་པའི་རྩེད་འཇོའི་མཐར། །བསྟན་པའི་ཉི་མར་ཆུ་ལྷའི་བསུ་མ་བཏང༌། །ཞེས་སོགས་རྒྱལ་བ་རིན་པོ་ཆེའི་སྐོར་དང་གཞུང་དོན་སྐོར་ལུང་དུ་མ་དང༌། རྣམ་དཀར་མཆོད་སྦྱིན་སྲི་ཞུ་སོགས་རབ་དཀར་ཟླ་བའི་རྗེས་འགྲོ་ལས། རྣམ་བཀྲ་གཡོ་སླད་ཀྱི་དྲི་མས་སྦགས་ཚེ་མི་ལེགས་པ་ཡོང་ཚུལ་བཅས་ཀྱི་ལུང་གསལ་མང་པོ་ཕེབས། ལྕགས་ཡོས་༡༨༣༡ལོར་གོང་ས་ྋརྒྱལ་དབང་མཆོག་ལ་ཐུགས་འདོད་ལྟར་མཁས་གྲུབ་ཆིག་བརྒྱུད་ཀྱི་བླ་མའི་རྣལ་འབྱོར་གྱི་ལུང་དང༌། ཆབ་གཏོར་ཤཱཀྱཐུབ་མའི་ལུང༌། ཁྲོ་བོ་རྨེ་བརྩེགས་པའི་བྱབས་ཁྲུས། འཇམ་ལུགས་ལྷ་ལྔའི་ཚེ་དབང་སོགས་ཕུལ་བར་མཛད། ལོ་ཤས་སྔོན་ནས་བཟུང་དགོངས་པ་ཞི་བར་གཤེགས་ཀྱི་བར་ལྷ་ལྡན་སྨོན་ལམ་ཆེན་མོར་མང་འགྱེད་ལོ་ལྟར་ཆག་མེད་འབུལ་བར་མཛད་ཅིང༌། ལྷག་པར་མེ་སྤྲེལ་ལོའི་སྨོན་ལམ་ཆེན་མོར་རྒྱལ་དབངཐམས་ཅད་མཁྱེན་པ་ཚུལ་ཁྲིམས་རྒྱ་མཚོ་ཚོགས་ཕེབས་གདན་ཞུ་དང༌། དགེ་འདུན་རྣམས་ལ་མང་འགྱེད་སྩལ་བ་སོགས་རྣམ་དཀར་རྒྱ་ཆེར་མཛད། མེ་བྱ་༡༨༣༧ལོ་བཞི་སྡེར་བཀའ་ཆོས་ཆེན་མོར་ལམ་རིམ་བསྡུས་དོན་གྱི་བཤད་ལུང་སྩལ་བ། སེམས་བསྐྱེད་མཆོད་པའི་མཇུག་དེ་སྔོན་རྟེན་འབྲེལ་གྱི་ཁྱད་ཡིན་ཞེས་ལམ་རིམ་བློ་སྦྱོང་གང་རིགས་ཤིག་དབུ་འཛུགས་མཛད་ཀྱང་ལོ་འདིར་དེ་ལྟར་མ་མཛད་པ། གསུང་ཆོས་ཆེན་མོ་གནང་བའི་རྗེས་མ་ཡིན་པ་ལ་དགོངས་པར་མངོན། ྋགོང་ས་མཆོག་གི་སྐུུ་ཚེར་བར་ཆད་ཡོང་རྒྱུ་མངོན་སུམ་དུ་མཁྱེན་ནས་ྋརྒྱལ་དབང་འདི་སྐུུ་ཚེ་མ་བརྟན་ན་གང་དྲག་ཅེས་བཀའ་ཆོས་དང༌། རྒྱུན་དུ་ནང་མ་འགར་ཡང་ཡང་གསུངས་པས་སྐུུ་མདུན་པ་འགའ་ཞིག་གིས་ྋརྒྱལ་དབང་མཆོག་སྐུུ་ན་ཕྲ་བས་ཐུགས་གཡེང་དགོས་དོགས་མེད་ཅེས་ཞུས་པར་མི་ཤེས་མི་ཤེས། ད་དུང་མཁའ་འགྲོ་བསུ་བཟློག་གི་ཞབས་བརྟན་འབུལ་དགོས་ཞེས་གསུངས་ནས། བརྟན་བཞུགས་འབུལ་གནང་གྲུབ་འཕྲལ་གསོལ་ཚིགས་ལྷན་རྒྱས་གནང་སྟེ། ཕེབས་ཁར་རྗེ་འདི་ཉིད་ཧར་བཞེངས་མ་ཐུབ་པར་ྋགོང་ས་མཆོག་གིས་ཕྱག་ནས་འཐེན་པར་མཛད་དེ་ཁ་བཏགས་གནང་བར། རྗེ་འདིས་སླར་ཡང་མཇལ་དར་ཞིག་ཕུལ་ནས་ད་སྐུུ་ཞབས་ཉིད་རང་ཞབས་པད་ཡུན་རིང་བརྟན་དགོས་པས་ཐུགས་བསྐྱེད་དེ་ལྟར་མཛད་དགོས། ཁྱེད་རང་ཞབས་པད་མ་བརྟན་ན་བསྟན་པ་ཆབ་སྲིད་སོགས་ཅི་འདྲར་འགྱུར་བ་འདུག་ཅེས་སྤྱན་ཆབ་མང་དུ་བསིལ་བཞིན་དུ་ཞུ་བར་མཛད། དེ་ནས་རིང་མིན་ྋགོང་ས་མཆོག་བསྙྙུན་ཚུལ་བཞེས་ཏེ་སྐུུ་གེགས་ཀྱི་མཚན་མ་བཟློག་ཏུ་མ་བཏུབ་པར། བོད་ཟླ་དགུ་པའི་ཚེས་གཅིག་ཉིན་ཞི་བར་གཤེགས་པས་ཐུགས་དམ་གསལ་འདེབས་དང༌། ཡང་སྲིད་མྱུར་བྱོན་གྱི་ཐུགས་སྨོན་རྒྱ་ཆེར་མཛད། ཐུགས་འཕྲལ་ལྟ་བུས་གསོལ་ཆས་ཀྱང་ཆེར་མ་མཛད། ལྷ་ས་ནས་ཆུ་བཟང་དུ་ཕེབས་ཁར་བསྟན་རྒྱས་གླིང་མཆོག་སྤྲུལ་དང༌། ཡོངས་འཛིན། ཛ་སག་སོགས་ལ་ཕྱིན་ཆད་གནང་སྒོ་རྣམས་ཞལ་ཆེམས་ཀྱི་ཚུལ་དུ་ཡུན་རིང་སློབ་སྟོན་མཛད། ཆུ་བཟང་དུ་བཅར་མིའི་རིགས་ནས་ཞབས་པད་བརྟན་དགོས་ཞུས་ཚེ། ང་འདྲ་པོ་ཡུན་རིང་བསྡད་ནས་གང་ཡོང་ཞེས་པ་འབའ་ཞིག་གསུངས། སྐུུ་ཁམས་མི་བདེ་བར་བསྙྙུན་གཞི་ཇི་འདྲ་འདུག་ཞུས་ཚེ། ན་ཚ་འདིར་ཡོད་རང་མི་འདུག་ཅེས་ཕེབས་ཀྱང༌། ཕྱག་མཛོད་ཆོས་མཛད་ཀྱིས་གདན་ས་གསུམ་ལ་མང་འགྱེད། ལྷ་ལྡན་ཇོ་བོ་རིན་པོ་ཆེའི་དྲུང་སྟོང་མཆོད་སོགས་འབད་སྒྲུབ་ཐོག་ད་དུང་མ་མཐའ་ལོ་གཅིག་གཉིས་ཤིག་སྐུུ་ཚེ་བརྟན་པ་ཞུས་པར། སྐུུ་རིམ་དེ་ཙམ་གྱིས་འགྲིག །ང་ལ་སྐྱེས་བུ་དམ་པ་ཚོས་ཚེ་ཚད་གསུངས་པ་ཐལ་ཟིན། བཤོལ་ཟླ་དང་བཅས་ལ་ལོ་གྲངས་དགུ་བཅུར་ཉེ། མཚམས་ཀྱི་སྐབས་མ་གཏོགས་ཆོས་འཆད་སྤེལ་ཡང་ཉིན་ལྟར་ཆད་མེད་ལྟ་བུར་བགྱིས་པ་ཡིན། བསྟན་འགྲོར་ཕན་མ་ཕན་གང་ལྟར་ཡང་ང་ལ་རསྙེད་བཀུར་གྲགས་འདོད་སོགས་ཚེ་འདིའི་རྣམ་རྟོག་སྐུད་ཅིག་ཀྱང་སྐྱེས་མ་མྱོང་གསུངས་ཏེ། དེ་རྣམས་ཉམས་རྟོགས་རྨད་དུ་བྱུང་བའི་རྣམ་ཐར་དུ་བཞུགས། ས་ཁྱི་༡༨༣༨ལོ་སྨོན་ལམ་སྐབས་ལྷ་སར་ཕེབས་ཏེ་བསྟན་རྒྱས་གླིང་གི་གཟིམ་ཆུང་གི་ཕྱི་རོལ་ཆོས་གྲྭ་རྡོ་གཅལ་དུ་བཞུགས་ནས་མཇལ་ཕྱག་རྒྱུན་མི་ཆད་པ་བཏང་བ་དང༌། རབ་བྱུང་བསྙྙེན་རྫོགས་ཀྱང་གྲངས་མང་སྩལ། ལོ་འདིར་རྭ་སྒྲེང་མཆོག་སྤྲུལ་རིན་པོ་ཆེ་དང༌། བསྟན་རྒྱས་གླིང་མཆོག་སྤྲུལ་རྣམ་གཉིས་སྨོན་ལམ་ཆེན་མོའི་དམ་བཅའ་ཡིན་པ་གྲུབ་འཕྲལ་མཇལ་དར་གནང་ནས། བསྟན་འགྲོའི་དོན་རྒྱ་ཆེན་པོ་མཛད་རྒྱུའི་ཐུགས་བསྐྱེད་གནང་དགོས་ཞེས་བསྐུུལ་མ་མཛད་ཅིང༌། དེ་སྔོན་བསྟན་རྒྱས་གླིང་མཆོག་སྤྲུལ་གྲྭ་སར་ཕེབས་ཁར་བཀའ་སློབ་ཏུ། གཞུང་ཆེན་མོར་གསན་བསམ་མཛད་ལུགས་དང༌། ཐ་ན་ཐལ་སྐད་དང་ལུས་ངག་གི་རྣམ་འགྱུར་ཚུན་ཆད་སློབ་པར་མཛད་དེ། ཁྱོད་རང་མཚན་བཏགས་མ་ཚར་བར་ང་ཡང་ཤི་མི་ཡོང་ཞེས་སྐུུ་འཁོར་ཚང་འཛོམས་ཐོག་བཀའ་ཕེབས་པ་ལྟར། རྡོ་རྗེའི་གསུང་ལ་འགྱུར་བ་མེད་པར་ཇི་བཞིན་དུ་བཞུགས་པ་ནི། སྐྱེ་འཆི་ལ་རང་དབང་ཐོབ་པའི་རྟགས་ཡང་དག་པའོ། །ཉིན་གཅིག་ངའི་རྐང་པར་སྐྲངས་པ་ཕྲན་བུ་ཡོད་འདྲ་གསུངས་པར། སྐུུ་མདུན་པ་རྣམས་ཀྱིས་བལྟས་པས་དེ་ལྟར་འདུག་གཤིས་སྨན་པ་བོས་ཏེ་བྱུག་སྨན་སོགས་ཕུལ་ཞིང༌། ཞབས་རིམ་ཇི་ལྟར་སྒྲུབ་དགོས་བཀའ་འདྲི་ཞུས་པར། ད་ང་ན་དགའ་ཤི་སྐྱིད་མ་བྱུང་ཡང༌། ན་ཚོད་འདི་ཙམ་སོན་ཡང་ད་དུང་མ་ཤི་ཙམ་ཡོང་བའི་སྐུུ་རིམ་སྒྲུབ་སྒྲུབ་མང་པོ་མི་ཡོང༌། ཐུགས་བརྟག་ཞུ་ཞུ་སོགས་མ་བྱེད་ཅེས་ཡང་ཡང་གསུངས་ཀྱང༌། ཕྱག་མཛོད་ཀྱི་སེམས་ཀྱིས་མ་བཟོད་པར། སེ་འབྲས་གཉིས་ལ་མང་འགྱེད། ཇོ་ཤག་རྣམ་གསུམ་ལ་སྟོང་མཆོད། བཀའ་འགྱུར་དག་ཐོན། སྒྲོལ་ཆོག །གནས་བཅུ་སོགས་མང་དུ་བསྒྲུབས། དགའ་ལྡན་དུ་མང་འགྱེད་དང་གསེར་གདུང་རིན་པོ་ཆེའི་མདུན་སྟོང་མཆོད་འབུལ་རྒྱུ་རེ་ཞིག་འཐེན་ཙམ་གྱིས། ཟླ་བ་ལྔ་པར་ངེད་རང་ཡང་འགྲོ་རྒྱུར་དེ་དུས་ཕུལ་ཆོག་པ་གྱིས་གསུངས་པ་དང༌། སྨན་དཔྱད་སོགས་ཇི་ལྟར་ཕུལ་ང་ཞབས་གྲས་ཚོའི་འདོད་མོས་ལྟར་བཞེས་པ་ཙམ་ལས། ཁོ་བོར་འབྱུང་བ་ཐིམ་རིམ་རྣམས་ཡོང་གི་འདུག་ཅེས་གསུངས་ཤིང༌། གཞན་གྱི་མིག་ངོར་ཞབས་ཀྱི་སྐྲངས་པོ་རིམ་ལོད་དུ་གྱུར། ཁྲི་ཟུར་འཇམ་དཔལ་ཚུལ་ཁྲིམས་དཔལ་བཟང་པོ་དང༌། རྭ་སྒྲེང༌། བསྟན་གླིང༌། སླེ་ལུང་སོགས་བླ་སྤྲུལ་དགེ་འདུན་དུ་མས་ཞབས་བརྟན་འབུལ་འབྱོར་བྱུངབར། ཁ་བཏགས་དང་དངུལ་སོགས་ཀྱིས་ཚེ་རིང་བ་ལ་མི་ཕན་ཞེས་ཕྱིར་སློག་མཛད། ཟླ་བ་བཞི་པའི་མཇུག་ཙམ་ནས་བཀའ་ལས། ད་མི་སང་ཤི་གནང་ཤི་ལ་ཡུན་རིང་བསྡད་ཟེར་བ་འདི་སེམས་ལ་གཟན་པོ་འདུག་པས། ད་མདུན་དུ་ཡོང་མི་སུ་ཡང་མ་གཏོང་གསུངས། ཉིན་གཅིག་ཕྱག་མཛོད་ཆོས་མཛད་ལ་ངའི་ཕུང་པོ་འདི་བྱ་ལ་སྟེར་རམ་མེ་ལ་བསྲེག་སྐུད་ཆ་བྱེད་དགོས། ངེད་རང་གི་བསམ་པར་ད་ལྟ་ནས་ལུས་འདི་བྱ་སོགས་ལ་བསྔོས་བཞག་ན་རང་ལུས་དངོས་སུ་སྦྱིན་པ་དང་མཚུངས་པའི་ཕན་ཡོན་ཆེན་པོ་ཡོང་བ་འདྲ་སྙྙམ་པ་འདུག །མེར་བསྲེག་ན་ཡང་བྱེད་ལུགས་རྣམས་སློབ་རྒྱུ་ཡིན་གསུངས་པར། ཕྱག་མཛོད་ཀྱས་ད་ལམ་བསྙྙུན་གཞི་འདི་དྭངས་ཙམ་ཡོང་བའི་ཐུགས་འདུན་ལ། སྐུུ་གདུང་གི་སྐོར་སོགས་བཀའ་མི་ཕེབས་པ་དང༌། སླར་དེ་འདྲ་ཞིག་ཡོང་ངེས་ལ་དེ་དུས་བཀའ་འདྲི་ཞུས་ནས་ཅི་གསུངས་བཀའ་བཞིན་སྒྲུབ་ཆོག་པ་ཞེས་སྒོའི་ཕྱིར་ཐོན་ཡོང་བར། ཨ་ཁ་དེ་འདྲའི་མི་ལུགས་པ་ཞེས་གསུངས། སྐབས་ཤིག་མདུན་གྱི་གདན་འདྲ་བའི་གྲུ་བཞི་མཚར་བ་འདི་གང་རེད་ཅེས་བཀའ་འདྲི་མཛད་པར། བཞུགས་གདན་དང༌། བཞུགས་གདིང་སོགས་ལ་འདི་དང་འདི་ཡིན་ནམ་ཞུས་པར། གདན་དང༌། གདིང་བ་ངས་ཤེས། གྲུ་བཞི་འདི་གང་རེད་གསུངས་པར། དེ་མིན་གཞན་ཅི་ཡང་མི་འདུག་ཞུས་པར། ཨ་ཁྱེད་ཚོས་ང་འཁྲུལ་པ་རེད་བསམ་གོ་སྟེ། ང་འཁྲུལ་པ་ལྟ་མིན། སྔར་རྒྱུད་སྟོད་མཁན་པོ་གྲུབ་ཆེན་ཞེས་པ་ཞིང་ལ་ཕེབས་ཁར་མཁའ་འགྲོ་མ་རྣམས་ཀྱིས་ཡི་དམ་གྱི་དི༷ལ་འཁོར་འགའ་ཞིག་བསྟན་པར། དེས་འཁོར་དུ་གནས་པ་རྣམས་ལ་འདི་འདྲ་འདུག་གསུངས་པར་ཞབས་ཕྱི་ཚོས་མཁན་པོ་རང་འཁྲུལ་གྱི་ཡོད་པ་རེད། དབུ་བསྟིམས་ནས་གཟིམས་བཞུགས་ཞེས་གཟིམས་བཅུག་པས། དེ་འཕྲལ་ཞིང་ལ་གཤེགས་པ་རེད། ཁྱེད་ཚོས་ཀྱང་དེ་འདྲ་བྱེད་པ་འདྲ་ཞེས་གསུངས། ཡང་ཉིན་གཅིག་ཐུགས་དམ་གནང་མུས་ལ་ཕྱག་ཕྲེང་དེ་ཕྱག་གཉིས་ཀྱིས་བཟུང་ནས་ཡི་གེ་འདི་ཀློགས་དང་གསུངས། ཡི་གེ་མི་འདུག་ཞུས་པར་ད་དུང་ཡག་པོ་ལྟོས། མཐོང་རྒྱུ་མི་འདུག་ཞུས་པར། འོ་ན་ངས་འགོ་ནས་ཀློག་གི། ཨོཾ་ཤྲིའ་བཋ། ད་ལྷོགས་དང༌། ད་དུང་གང་ཡང་མཐོང་རྒྱུ་མི་འདུག་ཞུས་པར། དེ་འདྲའི་ཐབས་སྡུག་པོ་ཨང་གསུངས་ནས་ཕྱག་ཕྲེང་བསྡུ་བར་མཛད། ཡང༌། སྐབས་ཤིག་སྐུུ་མདུན་པ་རྣམས་ལ་ངའི་གཟུགས་གཞིའི་བབས་ལ་བལྟས་ན་ཟླ་བ་བརྒྱད་པ་དགུ་པ་ཙམ་ཡིན་འདུག་རུང༌། ཐམས་ཅད་ཀྱིས་ཤོག་ཤོག་ཟེར་མཁན་ཤ་སྟག་རེད། དེའི་བར་བཞག་རྒྱུ་མིན་པ་འདྲ་དེ་དག་གིས་རོལ་མོའི་བྱེ་བྲག་སྣ་ཚོགས་ཐོགས་འདུག་པ་ཁྱེད་ཚོས་ནི་གང་ཡང་མཐོང་དོགས་མེད་ཅེས་གསུངས། ཡང་ཞབས་གྲས་བྱམས་པ་ཕུན་ཚོགས་ཞེས་པས་ཁ་སང་དགའ་ལྡན་དུ་མང་འགྱེད་གནང་རྒྱུ་དང་སྟོང་མཆོད་འབུལ་རྒྱུ་ཟླ་བ་ལྔ་པར་འཐེན་དགོས་གསུངས་པ། དེ་དུས་བསྙྙུན་གཞི་དྭངས་མ་ཐུབ་ཚེ་དགའ་ལྡན་དུ་ཕེབས་ཐུབ་རེ་བྲལ་བས། ད་ལྟ་ནས་འཕྲལ་སྒྲུབ་བྱས་ན་ཞབས་བརྟན་གྱི་ཁྱད་པར་འདྲ་ཡོང་ཤས་ཆེ་ཞུས་པར། དེ་དག་ཟླ་པ་ལྔ་པའི་ཚེས་བཅོ་ལྔ་སྐོར་ལ་སྒྲུབ་ཆོག་གིས། ཟླ་བ་ལྔ་པའི་ནང་ནད་གཞི་དྲག་མ་དྲག་གང་ཡིན་ཡང་དགའ་ལྡན་དུ་ཕེབས་རྒྱུ་ཡིན་ཞེས་དགོངས་པ་ཅན་གྱི་བཀའ་ཕེབས་ཀྱང༌། ཁོང་གིས་ད་ལན་བཞེས་ཡག་པོ་བྱུང་ཞེས་དགའ་དགའ་བྱེད་པར་སྣང༌། ལྷ་ས་ནས་ཆུ་བཟང་དུ་ཕེབས། ད་ང་དགའ་ལྡན་ཁྲི་པ་ཚར་ནས་ཀྱང་ལོ་བཅུ་བདུན་ཙམ་སོང་འདུག་པས་རང་གཞན་སུས་ཀྱང་འགྱོད་པ་བྱ་རྒྱུ་མེད་ཅེས་གསུངས། ཕྱག་མཛོད་ཀྱིས་ཅིས་ཀྱང་ཞབས་པད་མི་བརྟན་ན། དེང་དུས་ཚ་བ་ཆེ་སྒང་བཅས་སྐུུ་གདུང་རུལ་སུངས་སོགས་ཀྱི་ཉེན་ཆེ་བས། ནམ་དུས་བསིལ་ཙམ་མ་རན་བར་བཞུགས་རོགས་མཛོད་ཞུས་པར། སྔར་བཀའ་གདམས་པ་རྣམས་ཀྱིས་ཀྱང་སྐུུ་གདུང་རུལ་སུངས་སོགས་དྲི་མི་ཞིམ་པ་ཚོར་བ་རྣམས་ངན་སོང་དུ་འགྲོ་ཞེས་དགག་བྱ་ཆེ་བར་མཛད་པས། རུལ་སུངས་གཏན་ནས་བྱས་མི་ཡོང་བློ་ཡེངས་མི་དགོས་ཞེས་ཕེབས། བོད་ཟླ་ལྔ་པའི་ཚེས་དགུ་ཉིན་འབྱུང་བ་འདི་དང་འདི་ཐིམ་པ་རེད། དེའི་ཕྱིའི་རྟགས་འདི་དང་འདི་འདྲ་འདུག་གམ་ཞེས་གསུངས་པར། ལན་མ་ཞུས་པར། མི་ཤེས་ན་བསྐྱེད་རྫོགས་ཀྱི་དཔེ་ཆ་ལེན་ཤོགས་གསུངས་ནས་ཀློག་ཏུ་བཅུག་ནས་འདི་དང་འདི་རེད་ཅེས་དང༌། ད་སྣང་མཆེད་ཐོབ་གསུམ་ཡང་ངེས་ངེས་འདུག་པས་ཐ་མལ་དུ་འཚོར་བ་མི་འདུག་གསུངས། ཆོས་གོས་སྣམ་སྦྱར་གྲ་བསྒྲིགས་ཨེ་ཡོད་གསུངས་པར། ད་ཞིང་ལ་ཕེབས་རྒྱུ་རེད་སྙྙམ་ནས་ལན་ཞུ་མ་ནུས། ཡང་བསྐྱར་གསུངས་པར། ཚང་མས་ལགས་ཡོད་ཞུས་པར། གོ་མ་སོང་དགོངས་ནས་ག་རེ་ཡོད་གསུངས་སྐུུ་ཆོས་སོགས་གྲ་བསྒྲིགས་ཡོད་ཞུས། ཡང་དེ་རིང་ཚེས་གྲངས་གང་རེད་གསུངས་པར། ཚེས་དགུ་རེད་ཞུས་པས། འོ་ན་དེ་རིང་ཞོག་གསུངས། ཚེས་བཅུ་གཉིས་ཉིན་རྒྱུན་གྱི་ཞལ་འདོན་རྣམས་ཉིན་རེ་ལས་སྔ་བར་མཛད། ནུབ་རེ་སྲུང་མའི་བསྐུང་འཕྲིན་དང་གསེར་སྐྱེམས་གནང་བ་ཡང་ཉི་མ་མ་བཞུད་གོང་ནས་ཚར་བར་མཛད། དེ་ནས་གསོལ་ཇ་ཞིག་ཞུས་པར། ཞལ་ཧུབ་གསུམ་བཞི་མཆོད་ནས་ད་ང་མི་འཐུང༌། སྤྲུལ་པའི་སྐུུར་ཞུས་ཤིག་ཅེས་གསུངས། དགའ་ལྡན་གྱི་ཆོས་རྭ་ག་དུས་ཚོགས་རྒྱུ་རེད་ཅེས་བཀའ་འདྲི་མཛད་པར། རྒྱུས་ཡོད་པ་མེད་སྟབས་ཤེས་མ་བྱུང་ཞུས། ཐུགས་བསམ་ཞིག་བཞེས་ནས་དེ་རིང་ཡར་ཚོགས་ཡིན་པ་འདྲ་ཞེས་གསུངས་པ་སོགས་དགོངས་གཞི་ཅན་གྱི་གསུང་ཕེབས་ཤིང༌། ཚེ་འདའི་སྲོད་འཁོར་ལ་བབས་པ་ན་ཅི་ཡང་མི་གསུངས་པར་ཕྱག་ཐལ་མོ་རང་སྦྱོར་གནང་མཛད་དེ་བདེ་མཆོག་ངན་རྫོང་སྙྙན་བརྒྱུད་ཐུགས་དམ་གྱི་གཙོ་བོ་མཛད་བཞིན་པར། སླར་ཡང་འགོ་འཛུགས་མཛད་ནས་འཆི་བ་ཆོས་སྐུུའི་ལམ་འཁྱེར་གྱི་ཚིག་མཚམས་སུ་སླེབས་པ་ན་ལྗགས་དབུགས་བརྩེགས་པ་སོགས་གང་ཡང་མེད་པར་རགས་པའི་གཟུགས་སྐུུ་ཟག་བྲལ་ཆོས་དབྱིངས་སུ་བསྡུ་བའི་ཚུལ་བསྟན་པར་མཛད་ཅིང༌། དེ་དང་དུས་མཚུངས་པར་ཕྱི་རོལ་ཏུ་ནམ་མཁའ་འཇའ་སྤྲིན་གྱིས་ཁེངས་པ་དང༌། ལྷག་པར་འཇའ་དཀར་པོ་སྣམ་བུ་བསྐྱངས་པ་ལྟ་བུ་ཞིག་གཟིམ་ཁང་གི་ཡང་ཐོག་ཏུ་ཟུག་པ་དེར་ཡོད་ཀུན་གྱི་མངོན་སུམ་དུ་གྱུར། དེ་ནས་བཟུང་ཉིན་སྔ་ཕྱི་དུ་མར་འཇའ་ཚོན་ཡང་ཡང་ཤར་བ་སོགས་ངོ་མཚར་བའི་མཚན་ལྟས་དུ་མ་དང་བཅས་ཚེས་བཅོ་ལྔའི་སྔ་དྲོ་འོད་གསལ་ལས་བཞེངས་ཏེ་དགའ་ལྡན་ཆོས་ཀྱི་ཕོ་བྲང་དུ་རྒྱལ་བ་འཇམ་དཔལ་སྙྙིང་པོའི་དྲུང་དུ་གཤེགས་སོ། །གསུང་ལས་སྐྱེས་པའི་སློབ་མ་ཡང་ྋགོང་ས་སྐུུ་ཕྲེང་བཅུ་པ་ཚུལ་ཁྲིམས་རྒྱ་མཚོ། དགའ་ལྡན་ཁྲི་ཆེན་བློ་བཟང་ལྷུན་གྲུབ། རྟ་ཚག་སྤྲུལ་སྐུུ་རིན་པོ་ཆེ། སླེ་ལུང་སྐུུ་ཕྲེང་བདུན་པ་བློ་བཟང་ངག་དབང་བསྟན་འཛིན་རྒྱ་མཚོ། ནགས་ཤོད་སྟག་ཕུ་སྤྲུལ་སྐུུ། འོད་ཟེར་སྤྲུལ་སྐུུ། འབྲས་རྒྱལ་རོང་ཁྲི་སྤྲུལ། ཀོང་པོ་ཕག་མགོ་སྤྲུལ་སྐུུ། བྲག་གཡབ་ཧོ་ཐོག་ཐུ་སྤྲུལ་སྐུུ། རྨི་ལི་སྤྲུལ་སྐུུ། སྒྲུབ་ཁང་སྤྲུལ་སྐུུ། བསྟན་རྒྱས་གླིང་དེ་མོ་སྤྲུལ་སྐུུ། རྒྱལ་སྲས་སྤྲུལ་སྐུུ། ཨ་རྒྱ་ཧོ་ཐོག་ཐུ། ཤར་པ་ཆོས་རྗེ། གླིང་སྤྲུལ་སྐུུ་ངག་དབང་ལུང་རྟོགས་ཡོན་ཏན་རྒྱ་མཚོ་སོགས་བསྟན་འཛིན་གྱི་སྐྱེས་ཆེན་དམ་པ་བགྲངས་ལས་འདས་པ་བསྐྱངས། སྐུུ་ཕྲེང་གཉིས་པ་དགའ་ལྡན་ཁྲི་ཐོག་གྱ་ལྔ་པ་བློ་བཟང་ཚུལ་ཁྲིམས་དཔལ་ལྡན་གཤམ་དུ་གསལ སྐུུ་ཕྲེང་གསུམ་པ་ཡོངས་འཛིན་ཁྱི་བྱང་རིན་པོ་ཆེ་བློ་བཟང་ཡེ་ཤེས་བསྟན་འཛིན་རྒྱ་མཚོ་དཔལ་བཟང་པོ། སྐུུ་ཕྲེང་བཞི་པ་མཆོག་སྤྲུལ་རིན་པོ་ཆེ་ད་ལྟར་འཚོ་ཞིང་བཞུགས་པ་འདི་ཉིད་དོ། །རྣམ་ཐར་སྐོར་སེར་སྨད་ཀོང་པོ་རྒྱལ་དབང་ཆོས་རྗེ་འཕྲིན་ལས་རྣམ་རྒྱལ་གྱིས་མཛད་པ། ཁ་བྱང་དུ་འཇམ་མགོན་རྒྱལ་བ་གཉིས་པའི་རྒྱལ་ཚབ་དཔལ་ལྡན་བླ་མ་དམ་པ་ཁྱབ་བདག་ཁྲི་ཆེན་བྱང་ཆུབ་ཆོས་འཕེལ་དཔལ་བཟང་པོའི་རྣམ་ཐར་དགའ་ལྡན་བསྟན་པའི་མཛེས་རྒྱནདཔར་མ་ལ་ཤོག་གྲངས་བརྒྱ་དང་ཉེར་གཅིག་ཡོད།

དགའ་ལྡན་ཁྲི་ཐོག་བདུན་ཅུ་པ་སྟག་བྲག་ངག་དབང་ཆོས་འཕེལ། ལྷ་སའི་བྱང་རྒྱུད་འདམ་ཁུལ་མར་རྐྱང་ཕ་བོང་དཀར་རི་ཞེས་པ་དེར་ཡབ་ཨ་ར་དབུ་རྒྱན་དང་ཡུམ་ཐང་ཟ་ཚེ་རིང་གཉིས་ཀྱི་སྲས་སུ་རབ་བྱུང་བཅུ་གསུམ་པའི་ལྕགས་འབྲུག་༡༧༦༠ལོར་སྐུུ་འཁྲུངས། དགུང་ལོ་ལྔ་ཙམ་ནས་འཁྲུངས་ཁྱིམ་ཤིན་ཏུ་དབུལ་བས་འབྱོར་ལྡན་ཁྱིམ་བདག་གཞན་གྱི་རེའུ་དང་ལུ་གུ་འཚོ་བར་ཕེབས། དགུང་ལོ་དགུ་ལ་སླེབས་དུས་གཞན་གྱི་ར་ལུག་འཚོ་སྐྱོང་གི་གཡོག་ཏུ་རྒྱུགས་དགུང་ལོ་བཅུ་གསུམ་པ་ཆུ་འབྲུག་༡༧༧༢ལོ་དེ་ཇོ་བོ་རྣམ་གཉིས་སོགས་མཇལ་ཁ་གྲུབ་ནས། གངས་ཅན་གྱི་ན་ལན་དྲ་དཔལ་ལྡན་འབྲས་སྤུངས་བཀྲིས་སྒོ་མང་གྲྭ་ཚང་གི་ཧར་གདོང་ཁང་ཚན་དུ་ཆོས་ཞུགས་གནང༌། ཞ་ལུ་མཁན་པོ་དཀའ་བཅུ་བློ་བཟང་དཔོལ་འབྱོར་དགེ་རྒན་དུ་བསྟེན་ནས་གཞུང་ཆེན་ཁག་ལ་ཐོས་བསམ་གྱི་དབུ་ཚུགས། དགུང་ལོ་བཅོ་ལྔ་པ་ཤིང་རྟ་༡༧༧༤ལོར་བློ་གླིང་མཁན་རབས་ཞེ་གཉིས་པ་གཙང་པ་མཁན་ཆེན་ཡེ་ཤེས་དཔལ་འབྱོར་གྱི་དྲུང་ནས་དགེ་ཚུལ་གྱི་སྡོམ་པ་མནོས། དགུང་ལོ་བཅུ་དགུ་པར་རྣམ་འགྲེལ་ཚོགས་ལངས་དང༌། ལོ་དེར་ཕར་ཕྱིན་ཐོན་པའི་སྟོན་མོའི་དམ་འཇོག་གནང༌། དགུང་ལོ་ཉི་ཤུ་པ་ས་ཕག་༡༧༧༩ལོར་རྒྱལ་མཆོག་སྐུུ་ཕྲེང་བརྒྱད་པ་འཇམ་དཔལ་རྒྱ་མཚོའི་དྲུང་ནས་བསྙྙེན་པར་རྫོགས་པའི་དགེ་སློང་གི་སྡོམ་པ་མནོས། བཀའ་རམ་འཛིན་གྲྭའི་སྐྱོར་དཔོན་གནང༌། དགུང་ལོ་སོ་བདུན་པ་མེ་འབྲུག་༡༧༩༦ལོར་ལྷ་ལྡན་སྨོན་ལམ་ཆེན་མོའི་སྐབས་མཁས་མང་ཁྲི་ཕྲག་ཚོགས་པའི་དབུས་སུ་དགེ་བཤེས་ལྷ་རམས་པའི་གྲྭ་སྐོར་དམ་བཅའ་བཞག་ནས་གཞུང་ལུགས་རབ་འབྱམས་སྨྲ་བའི་མཚན་སྙྙན་བཞེས། ལོ་དེར་རྒྱུད་སྨད་དུ་ཞུགས་ནས་གསང་སྔགས་ཀྱི་སློབ་གཉེར་མཐར་ཕྱིན་པ་མཛད། སྔགས་རམས་པའི་མཚན་བཏགས་བཞེས། རྒྱུད་པའི་དགེ་བསྐོས་བཅས་རིམ་བཞིན་མཛད་ནས་སྒྲིག་སྤྱོད་དག་ཐེར་ཚུལ་བཞིན་གནང༌། དཀའ་ཆེན་ཡེ་ཤེས་རྒྱལ་མཚན་དང་ཀློང་བརྡོལ་ངག་དབང་བློ་བཟང་སོགས་སྐྱེས་ཆེན་དམ་པ་དུ་མའི་དྲུང་ནས་མདོ་སྔགས་ཀྱི་གསེར་ཆོས་མཐའ་ཡས་པའི་དབང་ལུང་མན་ངག་ཞུས། དགུང་ལོ་ཞེ་བརྒྱད་པ་རབ་བྱུང་བཅུ་བཞི་པའི་མེ་ཡོས་༡༨༠༧ལོར་རྒྱུད་སྨད་བླ་མ་དབུ་མཛད་ཀྱི་ཁྲིར་ཕེབས་ཐོག་ནས་གཞུང་ཆེན་ཁག་གི་སློབ་ཁྲིད་རྒྱ་ཆེར་གནང་ཞོར་རྒྱུད་པའི་མཁན་པོ་ཡང་ཆབས་ཅིག་ཏུ་མཛད། ཀུན་བདེ་གླིང་ཧོ་ཐོག་ཐུའི་སྐུུ་ཕྲེང་ཡོངས་འཛིན་གནང༌། དགུང་ལོ་རེ་གསུམ་པ་རབ་བྱུང་བཅུ་བཞི་པའི་ཆུ་རྟ་༡༨༢༢ལོར་དགའ་ལྡན་གསེར་ཁྲིར་ཕེབས་ནས་ཁྲི་ལོ་བདུན་མཐར་འཁྱོངས་པ་མཛད། ཁྲི་ལ་ཕེབས་ནས་ལོ་དྲུག་པ་ལ་རྒྱལ་མཆོག་སྐུུ་ཕྲེང་བཅུ་པ་ཚུལ་ཁྲིམས་རྒྱ་མཚོའི་ཡོངས་འཛིན་དུ་ཕེབས་ནས་གཞུང་ཆེན་ཁག་གི་མཛུབ་ཁྲིད་རྒྱ་ཆེར་ཕུལ། དགུང་ལོ་རེ་བརྒྱད་པ་མེ་ཕག་༡༨༢༧ལོར་སྟག་ལུང་བྲག་རི་ཁྲོད་དུ་གཙུག་ལག་ཁང་བརྟེན་འདུ་ཁང་དང་སྐུུ་གསུང་ཐུགས་རྟེན་རྒྱ་ཆེར་བཞེས་པ་ནས་སྟག་བྲག་བསམ་གཏན་གླིང་ཞེས་བཏགས། དེ་ནས་བཟུང་དགོན་གནས་ཁ་འཛིན་མཛད་མཁན་ལ་སྟག་བྲག་ཅེས་པའི་མཚན་འཇགས། རྒྱུད་སྨད་མཁན་པོ་གནང་བ་ནས་བཟུང་སྐུུ་ཚེ་འཕེན་པ་ཞི་བར་མ་གཤེགས་བར་གདན་ས་འབྲས་སྤུངས་སོགས་ཆོས་སྡེ་ཁག་དུ་མར་རྒྱལ་སྲས་སྤྲུལ་པའི་སྐུུ་དང༌། དགེ་བའི་བཤེས་གཉེན། རིས་མེད་སེར་སྐྱ་ཤིན་ཏུ་མང་པོ་ལ་མདོ་སྔགས་ཀྱི་ཁྲིད་ལུང་མན་ངག་གི་བཀའ་ཆོ་རྒྱ་ཆེར་བསྩལ། གསུང་གི་ལེགས་བཤད་ཀྱང་ ༨༣༣ སོགས་ཤིན་ཏུ་མང་པོ་བཞུགས། གསུང་ལས་སྐྱེས་པའི་སློབ་མ་ནི། རྒྱལ་བའི་དབང་པོ་ཚུལ་ཁྲིམས་རྒྱ་མཚོ་དང༌། རྟ་ཚག་རྗེ་དྲུང་རིན་པོ་ཆེ་སོགས་སྐྱེས་ཆེན་དམ་པ་ཤིན་ཏུ་མང་པོ་བྱུང༌། དགུང་ལོ་བརྒྱད་ཅུ་པ་ས་ཕག་༡༨༣༩ལོར་སྐུུ་གཤེགས། རྣམ་ཐར་སྐོར་རྗེ་ཉིད་ཀྱི་རང་རྩོམ་དགའ་ལྡན་ཁྲི་ཐོག་བདུན་ཅུ་པ་ངག་དབང་ཆོས་འཕེལ་གྱི་རང་གི་སྤྱོད་ཚུལ་འགའ་ཞིག་བརྗོད་པ་དགེ་ལྡན་རིང་ལུགས་རྒྱས་བྱེད། དཔར་མ་ལ་ཤོག་གྲངས་གོ་གསུམ་ཡོད་པ་དམ་པ་དེའི་གསུང་འབུམ་དུ་བཞུགས། འདིའི་སྐུུ་ཕྲེང་གཉིས་པའི་མཚན་མ་ཤེས། སྐུུ་ཕྲེང་གསུམ་པ་སྟག་བྲག་སྲིད་སྐྱོང་ངག་དབང་གསུང་རབ། སྐུུ་ཕྲེང་བཞི་པ་སྟག་བྲག་མཆོག་སྤྲུལ་ད་ལྟར་ལྷ་སར་ཞལ་བཞུགས་ཡོད་པ་དེ་ཉིད་དོ། །

དགའ་ལྡན་ཁྲི་ཐོག་དོན་གཅིག་པ་ཀོང་པོ་ཡེ་ཤེས་ཐར་འདོད་ནི། ཀོང་པོ་འབྲུ་ལ་ཁུལ་དུ་རབ་བྱུང་བཅུ་གསུམ་པའི་མེ་བྱི་༡༧༥༦ལོར་འཁྲུངས། སྐུུ་ན་ཆུང་དུས་ཀོང་པོ་འབྲུ་ལ་དགོན་དུ་ཆོས་བཞུགས་གནང་ནས། ཡི་གེ་སྦྱོར་ཀློག་དང་དགོན་དེའི་ཆོས་སྤྱོད་ཆོ་ག་བཅས་ལ་མཁས་པར་བསླབས། དགུང་ལོ་བཅུ་བཞི་པ་ས་གླང་༡༧༦༩ལོར་དབུས་འགྱུར་ཆོས་ཀྱི་ཞིང་ཁམས་ལྷ་སར་ཕེབས་ནས་གཙུག་ལག་ཁང་རྣམ་གཉིས་སོགས་སུ་མཇལ་བཅར་དང་སྨོན་འདུན་དྲག་པོས་མཚམས་སྦྱོར་གནང༌། མཁས་གྲུབ་བྱེ་བའི་འབྱུང་གནས་ཆོས་སྡེ་ཆེན་པོ་སེ་ར་ཐེག་ཆེན་གླིང་གི་ཡ་གྱལ་སེར་སྨད་ཐོས་བསམ་ནོར་གླིང་གྲྭ་ཚང་དང་ཀོང་པོ་ཁང་ཚན་དུ་ཆོས་ཞུགས་གནང་སྟེ། རྒྱན་དྲུག་གཅིག་ཏུ་བསྡུས་འདྲའི་བཤེས་གཉེན་དམ་པ་དུ་མའི་ཞབས་པད་རིང་དུ་བསྟེན་ནས་བསྡུས་གྲྭ་ནས་བཟུང༌། གྲུབ་དོན་ས་གསུམ་དང༌། དབུ་ཕར་འདུལ་མཛོད་བཅས་པའི་གཞུང་ཆེན་པོའི་སློབ་གཉེར་མཐར་ཕྱིན་པ་མཛད། དགུང་ལོ་སོ་ལྔ་པ་ལྕགས་ཁྱི་༡༧༩༠ལོར་གདན་ས་གསུམ་གྱི་མཁས་མང་ནམ་མཁའི་སྐུར་ཚོགས་ལྟ་བུ་ཚོགས་པའི་དབུས་རྒྱལ་མཚན་དཀར་པོའི་འོག་ཏུ་གཞུང་ཆེན་པོད་ལྔ་ལ་རྩོད་སྒྲུབ་རིགས་པའི་ལམ་ནས། དགེ་བཤེས་ལྷ་རམས་པའི་གྲྭ་སྐོར་དམ་འཇོག་གནང༌། ལོ་དེའི་དགུན་ཐོག་ཏུ་གསང་ཆེན་གྲུབ་པའི་འབྱུང་གནས་དཔལ་ལྡན་སྟོད་རྒྱུད་གྲྭ་ཚང་དུ་སྒྲིགས་ཞུགས་གནང༌། ལོ་ཤས་རིང་རྒྱུད་སྡེ་བཞི་དང་ལྷག་པར་གསང་སྔགས་བླ་ན་མེད་པའི་མཐའ་དྲུག་ཚུལ་བཞིའི་བཤད་པ་མན་ངག་དང་བཅས་པར་འཕགས་ཡུལ་གྱི་གྲུབ་ཆེན་ཚོས་ཀྱང་འགྲན་དུ་མི་བཟོད་པའི་གསུམ་ལྡན་རྡོ་རྗེ་འཛིན་པའི་སྐྱེས་ཆེན་དུ་མའི་ཞབས་ལ་བཞུགས་ཏེ་གསང་སྔགས་ཀྱི་གཞུང་དང་ལྷག་པར་བདེ་གསང་གཉིས་ཀྱི་ལག་ལེན་དབང་ཁྲིད་ལ་སོགས་པ་བྱང་ཆུབ་པར་མཛད། དགའ་ལྡན་ཁྲི་ཆེན་བློ་བཟང་དགེ་ལེགས་སོགས་དགེ་ལྡན་བསྟན་པའི་རྒྱལ་མཚན་འཆང་བའི་སྐྱེས་ཆེན་དམ་པ་དུ་མའི་དྲུང་ནས་མདོ་སྔགས་ཀྱི་ལམ་རིམ་དང༌། ཡི་དམ་ཁག་གི་དབང༌། རྗེས་གནང་མན་ངག་དེ་བཞིན་མདོ་རྒྱུད་དུ་མའི་འཁྲིད་ལུང་རྒྱ་ཆེར་ཞུས། དགུང་ལོ་ཞེ་གཉིས་པ་མེ་སྦྲུལ་༡༧༩༧ལོར་རྒྱུད་སྟོད་བླ་མ་དབུ་མཛད་ཀྱི་ཁྲི་དང༌། དེའི་ཕྱི་ལོར་རྒྱུད་སྟོད་མཁན་པོའི་ཁྲིར་ཕེབས། དགུང་ལོ་རེ་གཅིག་པ་རབ་བྱུང་བཅུ་བཞི་པའི་མེ་བྱི་༡༨༡༦ལོར་ཤར་པ་ཆོས་རྗེའི་ཁྲིར་ཕེབས་ནས། དཔལ་ལྡན་སྟོད་རྒྱུད་ཀྱི་སྒྲིག་སྤྱོད་སྤྱི་དང་ལྷག་པར་སྐབས་སྟོབས་ཀྱི་རང་འཁྲིས་བྱེད་སྒོ་ྜྲིཀ་ཀ་སྐྱོར་བ་དང་བརྩི་བཞག་གནང་བ་སོགས་དམ་པ་གོང་མའི་སྲོལ་བཟང་མི་ཉམས་རྒྱུན་འཛིན་གྱིས་ཚུལ་བཞིན་བསྐྱངས། ཤར་པ་ཆོས་རྗེའི་འཆར་ཅན་གྱི་མཛད་སྒོ་དུས་ཐོག་གནང་བ་ལས། ཀོང་པོ་འབྲུ་ལ་དགོན་དུ་རྒྱུན་བཞུགས་མཛད། ཤར་ཕྱོགས་ཀོང་པོའི་ཁུལ་གྱི་རིས་མེད་སེར་སྐྱ་དང་དོན་སྡེ་ཁག་དུ་མར་བྱང་ཆུབ་ལམ་གྱི་རིམ་པས་མཚོན་སྐབས་སྟོབས་འདོད་ཆོས་སྣ་ཚོགས་གསུང་ནས་དུས་འདའ་བར་མཛད། དགུང་ལོ་དོན་གསུམ་པ་རབ་བྱུང་དེ་གའི་ས་བྱི་༡༨༢༨ལོར་དགའ་ལྡན་རྣམ་པར་རྒྱལ་བའི་གླིང་དུ་འཇམ་མགོན་རྒྱལ་བ་གཉིས་པའི་གསེར་ཁྲིར་ཕེབས་ནས་དགེ་ལྡན་ལུགས་བཟང་གཙང་མའི་བཤད་སྒྲུབ་ཀྱི་བསྟན་པ་རིན་པོ་ཆེ་བླ་ན་འདེགས། རྟེན་གསུམ་གསར་བཞེངས་སོགས་འཁོར་ལོ་གསུམ་གྱི་བྱ་བ་རྣམས་དབྱར་མཚོ་ལྟར་སྤེལ་བཞིན་པའི་མུར་ལོ་གཅིག་སོང་མཚམས་ས་གླང་༡༨༢༩ལོརགློ་བུར་ཞི་བར་གཤེགས། དགོངས་རྫོགས་ཀྱི་ཕྱིར་དུ་བཞེངས་པའི་དངུལ་གདུང་ནི་དགའ་ལྡན་བླ་མ་ལྷ་ཁང་དུ་བཞུགས་སོ། །འདིའི་རྣམ་ཐར་དགའ་ལྡན་ཐེ་བོ་རིན་པོ་ཆེ་ཡེ་ཤེས་ཐུབ་བསྟན་རྒྱ་མཚོས་མཛད་པ་དཔར་མ་ལ་ཤོག་གྲངས་བཅུ་བཞི་ཡོད་འདུག་ཀྱང་མཇལ་མ་བྱུང༌།

དགའ་ལྡན་ཁྲི་ཐོག་དོན་གཉིས་པ་གཙང་ཐོབ་རྒྱལ་འཇམ་དཔལ་ཚུལ་ཁྲིམས་ནི། རབ་བྱུང་བཅུ་གསུམ་པའི་ས་གླང་༡༧༦༩ལོར་གཙང་ཐོབ་རྒྱལ་དུ་སྐུུ་འཁྲུངས། སྐུུ་ན་ཆུང་དུས་གངས་ཅན་ཆོས་འཕེལ་གླིང་དུ་ཆོས་ཞུགས་གནང་ནས་ཡི་གེ་འབྲི་ཀློག་ལ་བསླབས། སྐུུ་ན་སོན་པ་དང་དབུས་སུ་ཕེབས་ནས་སེར་བྱེས་གྲྭ་ཚང་དང་གཙང་པ་ཁང་ཚན་དུ་ཆོས་ཞུགས་མཛད། གཙང་པ་མཁན་ཆེན་ཡེ་ཤེས་དཔལ་འབྱོར་ལས་དགེ་ཚུལ་གྱི་སྡོམ་པ་མནོས། རྒྱལ་དབང་འཇམ་དཔལ་རྒྱ་མཚོའི་དྲུང་ནས་དགེ་སློང་གི་སྡོམ་པ་མནོས། སེར་བྱེས་མཁན་པོ་བློ་བཟང་མཁས་གྲུབ་སོགས་ལ་བསྟེན་ནས་བསྡུས་གྲྭ་ནས་བཟུང་ཚད་མའི་གཞུང་དང༌། དབུ་ཕར། མཛོད་བཅས་པའི་མདོ་ཕྱོགས་ཀྱི་གཞུང་ཆེན་པོའི་སློབ་གཉེར་མཐར་ཕྱིན་ནས་རྒྱུད་སྨད་དུ་ཞུགས། གསང་ཆེན་རྒྱུད་སྡེའི་གཞུང་ལུགས་ལ་བརྩོན་པ་རྒྱ་ཆེར་གནང་ནས་མདོ་སྔགས་གཉིས་ཀར་གཞན་དྲིང་མི་འཇོག་པའི་མཁས་པའི་གོ་སར་བསྙྙེགས། རྒྱལ་དབང་འཇམ་དཔལ་རྒྱ་མཚོ་དང༌། པཎ་ཆེན་བསྟན་པའི་དབང་ཕྱུག རྗེ་བྱམས་པ་སྨོན་ལམ། བྱ་བྲལ་ངག་དབང་དོན་འགྲུབ། ཁྲི་ཆེན་ངག་དབང་ཚུལ་ཁྲིམས་སོགས་ལས་མདོ་སྔགས་ཀྱི་ལམ་རིམ་དང༌། གཞན་ཡང་རྒྱུད་སྡེ་ཁག་གི་དབང་དང་མན་ངག་ལུང་དང་བཀའ་ཁྲིད་ཤིན་ཏུ་མང་པོ་ཞུས། དེ་ནས་རྒྱུད་སྨད་མཁན་པོ་སྟག་བྲག་སྐུུ་ཕྲེང་དང་པོ་ངག་དབང་ཆོས་འཕེལ་རྒྱུད་སྨད་བླ་མ་དང་མཁན་ཁྲི་ལས་ཟུར་པའི་ཚབ་ཏུ་རིམ་བཞིན་རྒྱུད་སྨད་བླ་མ་དང་མཁན་ཁྲིར་ཕེབས་ནས་དཔལ་ལྡན་སྨད་རྒྱུད་གྲྭ་ཚང་གི་ཁྲི་ཆེན་བརྒྱད་དང་རྟ་དབྱངས་རྡུལ་ཚོན་བཅས་པ་མི་ཉམས་རྒྱུན་འཛིནགྱི་འཆད་ཉན་རྒྱ་ཆེར་གནང༌། བརྒྱུད་འདེབས་ལས། བློབཟང་འཇམ་དཔལ་སྙྙིང་པོའི་རིང་ལུགས་མཆོག །བཤད་དང་སྒྲུབ་པས་འཛིན་སྐྱོང་སྤེལ་མཛད་ཅིང༌། །ཚུལ་ཁྲིམས་ནོར་བུའི་ཐུགས་རྒྱུད་ཡོངས་གཏམས་པའི། །དཔལ་ལྡན་བླ་མའི་ཞབས་ལ་གསོལ་བ་འདེབས། །ཞེས་འབྱུང་བ་ཡང་རྗེ་འདི་ཉིད་ཀྱི་གསོལ་འདེབས་ཡིན་ནོ། །དགུང་ལོ་ང་ལྔ་པ་རབ་བྱུང་བཅུ་བཞི་པའི་ཆུ་རྟ་༡༨༢༢ལོར་བྱང་རྩེ་ཆོས་རྗེ་བཅས་ཀྱི་ཁྲིར་ཕེབས། དེ་ནས་དགུང་གྲངས་རེ་གཉིས་པ་རབ་བྱུང་བཅུ་བཞི་པའི་ལྕགས་སྟག་༡༨༣༠ལོར་དགའ་ལྡན་གྱི་ཁྲིར་ཕེབས་ཏེ། འཇམ་མགོན་རྒྱལ་བ་གཉིས་པའི་བསྟན་པ་བཤད་སྒྲུབ་གཉིས་ཀྱི་སྒོ་ནས་བླ་ན་བཏེགས། ཁྲི་ཆེན་འདིའི་སྐབས་སེར་བྱེས་སྦ་ཏི་ཁང་ཚན་གྱི་ཁོངས་གཏོགས་གཙང་པ་མི་ཚན་ལོགས་སུ་ཐོན་ནས་ཕྱེད་སེར་སྨད་དང༌། ཕྱེད་སེར་བྱེས་གྲྭ་ཚང་རང་འཇགས་ཐོག་གཙང་པ་ཁང་ཚན་ཟུར་དུ་བཙུགས་པ་ཡིན་ཞེས་གྲྭ་བགྲེས་འགའི་གསུང་རྒྱུན་ལ་སྣང་ཚུལ་དུང་དཀར་ཚིག་མཛོད་དུ་གསུངས། ཁྲི་ལོ་བདུན་རིང་བསྐྱངས་རྗེས་དགུང་ལོ་རེ་དགུ་པ་རབ་བྱུང་བཅུ་བཞི་པའི་མེ་བྱ་༡༨༣༧ལོར་དགོངས་པ་ཆོས་དབྱིངས་སུ་ཐིམ། རྣམ་ཐར་ངག་རྒྱུན་ཙམ་ལས་ཡི་གེར་འཁོད་པ་མི་སྣང༌།

དགའ་ལྡན་ཁྲི་ཐོག་དོན་གསུམ་པ་ཚེ་སྨོན་གླིང་ངག་དབང་འཇམ་དཔལ་ཚུལ་ཁྲིམས་ནི། མདོ་སྨད་ཅོ་ནེ་མཛོ་གུང་ཤར་ཞེས་པར་ཡབ་མཁས་གྲུབ་རྒྱ་མཚོ་དང་ཡུམ་རིན་ཆེན་སྒྲོལ་མ་གཉིས་ཀྱི་སྲས་སུ། རབ་བྱུང་བཅུ་བཞི་པའི་ཆུ་བྱི་༡༧༩༢ལོར་འཁྲུངས། དགུང་ལོ་བཞི་པ་ཤིང་ཡོས་༡༧༩༥ལོར་ཁྲི་ཆེན་ཚེ་སྨོན་གླིང་ངག་དབང་ཚུལ་ཁྲིམས་ཀྱི་ཡང་སྲིད་དུ་ངོས་འཛིན་གཏན་འཁེལ་ཐོག ཅོ་ནེ་དགོན་ཆེན་དུ་གདན་དྲངས་ནས་ཁྲི་འདོན་མཛད་སྒོ་རྒྱ་ཆེར་བསྐྱངས། མཚན་ཉིད་གྲྭ་ཚང་གི་ལྷ་རམས་པ་ངག་དབང་ཕུན་ཚོགས་དགེ་རྒན་དུ་བསྟེན་ནས་ཡིག་འབྲི་དང༌། སུམ་རྟགས། དགོན་པའི་ཆོས་སྤྱོད། བསྡུས་གྲྭ་བཅས་ལ་སློབ་གཉེར་མཛད། དགུང་ལོ་བཅོ་ལྔ་པ་མེ་སྟག་༡༨༠༦ལོར་དབུས་སུ་གདན་དྲངས་ནས་སེར་སྨད་གྲྭ་ཚང་དང༌། ཚ་རྡོར་ཁང་ཚན་དུ་ཆོས་ཞུགས་མཛད། བཤེས་གཉེན་མཁས་པ་དུ་མའི་དྲུང་ནས་བསྡུས་ཚད་བློ་རྟགས་སོགས་ལ་བསླབས། ལྷག་པར་དགའ་ལྡན་ཁྲི་ཆེན་རེ་བརྒྱད་པ་མཁན་པོ་བློ་བཟང་དགེ་ལེགས་རྒྱུད་སྨད་མཁན་པོ་ལས་ཐོག་སྐབས་རྩ་བའི་ཡོངས་འཛིན་དུ་བསྟེན་ནས་གཞུང་ཆེན་པོད་ལྔའི་སློབ་གཉེར་ཕུལ་དུ་ཕྱིན་པ་གནང་ནས་མི་རིང་བར་ལྷ་ལྡན་སྨོན་ལམ་ཆེན་མོའི་སྐབས་དགེ་བཤེས་ལྷ་རམས་པ་ཨང་དང་པོའི་མཚན་གནས་བཞེས། དེ་ནས་རྒྱུད་སྟོད་གྲྭ་ཚང་དུ་ཆོས་ཞུགས་ཐོག་གསང་སྔགས་རྒྱུད་སྡེ་བཞིའི་གཞུང་ལུགས་རྒྱ་མཚོ་ལྟ་བུར་སློབ་གཉེར་དང་ཐིག་རྩ་རྡུལ་ཚོན། ཆོ་ག་ཕྱག་བཞེས། དབང་ལུང་མན་ངག་སྐོར་སོགས་གསན་བསམ་རྒྱ་ཆེར་མཛད་དེ་རིམ་བཞིན་རྒྱུད་པའི་བླ་མ་དབུ་མཛད་དང༌། མཁན་པོ། ཤར་པ་ཆོས་རྗེ་བཅས་ཀྱི་ཁྲི་ལ་ཕེབས་ནས་མདོ་སྔགས་གཞུང་ལུགས་དུ་མའི་འཆད་ཉན་སྤེལ། དགུང་ལོ་ཉི་ཤུ་རྩ་བརྒྱད་པ་རབ་བྱུང་བཅུ་བཞི་པའི་ས་ཡོས་༡༨༡༩ལོར་རྒྱལ་ཚབ་དེ་མོ་རིན་པོ་ཆེ་ཞི་བར་གཤེགས་པའི་ཚབ་ཏུ་བོད་ཀྱི་སྲིད་སྐྱོང་མངའ་གསོལ་བ་ལྟར་བོད་རྒྱལ་ཁབ་ཆེན་པོའི་ཆོས་སྲིད་གསེར་ཀྱི་འཁོར་ལོ་ཕྱག་མཚན་དུ་བསྣམས། དེའི་ཕྱི་ལོར་༡༨༢༠མན་ཆིན་གོང་མ་ཅ་ཆིང་གིས་དགའ་ལྡན་ཤྲི་རལ་ཐུ་ས་མ་ཏི་པརྔཏ༣་ཞེས་པའི་མཆོད་བསྟོད་སྐུ་ཕྲེང་གོང་མའི་སྐབས་ལྟར་ཕུལ། བོད་རྒྱལ་ཁབ་ཆེན་པོའི་སྲིད་སྐྱོང་གི་ལས་འགན་ལོ་ཉི་ཤུ་རྩ་ལྔའི་རིང་བསྐྱངས། སྲིད་སྐྱོང་གནང་ནས་ལོ་བདུན་སོང་རྗེས། དགུང་ལོ་སོ་བཞི་པ་ཤིང་བྱ་༡༨༢༥ལོར་བཞི་སྡེ་གྲྭ་ཚང་གི་ཉེ་འདབས་ཤར་ངོས། དགའ་ལྡན་ཁང་གསར་རྙིང་པའི་ས་ཁོངས་སུ་ཐུབ་བསྟན་ཆོས་འཁོར་གླིང་ཞེས་པའི་དགོན་སྡེ་གཙུག་ལག་ཁང་དང་བཅས་པ་ཕྱག་བཏབ། དེའི་ཕྱི་ལོར་མན་ཆིན་གོང་མ་ཅ་ཆིང་གི་བུ་ཏའོ་ཀོང་གིས་རྣམ་རྒྱལ་ཚེ་སྨོན་གླིང་ཞེས་འཁོད་པའི་བསྔགས་བརྗོད་ཕུལ་བ་དེ་ནས་བཟུང་དགོན་པ་དང་དགོན་པ་ཁ་འཛིན་གནང་མཁན་གཉིས་ཀར་ཚེ་སྨོན་གླིང་ཞེས་པའི་མིང་ཐོག །དགུང་ལོ་ཞེ་དྲུག་པ་མེ་བྱ་༡༨༣༧ལོར་དགའ་ལྡན་གྱི་ཁྲིར་ཕེབས་ནས་ཁྲི་ལོ་བདུན་མཐར་ཕྱིན་པ་བསྐྱངས། དམ་པ་འདིས་སྲིད་སྐྱོང་གནང་རིང་ཆོས་སྲིད་གཉིས་ཀའི་ལས་དོན་བཅུན་འདོམས་པས་ཆེ་བ་དང༌། ཁྲིམས་འགལ་རིགས་མཐོ་དམན་སུ་ཞིག་ཡིན་རུང་ནག་ཉེས་ཆེ་ཆུང་ལ་གཞིགས་པའི་ཁྲིམས་ཆད་ནན་པོ་གནང་བ་མ་ཟད། སྔ་རྗེས་སུ་བོད་སྡོད་ཨམ་བན་འུན་ཀེན་དང༌། སུམ་རྒྱཔྲེང༌། ཧུད་ཤན། ཤིན་ཁའོ། ཆིན་ཀླུད། ཀོན་ཧྲན་པའོ། རྨང་པའོ། ཧེ་རྒྱཔྲ༤་བཅས་བརྒྱད་ཙམ་འབྱོར་བ་རྣམས་དང་མཐུན་སྒྲིལ་ལེགས་པོ་བྱུང་ཡང༌། སྲིད་སྐྱོང་གནང་རྗེས་ཀྱི་ལོ་ཉི་ཤུ་རྩ་ལྔ་པ་ཆུ་ཡོས་༡༨༤༣ལོར་ཅིས་ཧྲན་ཨན་བན་འབྱོར་ནས་བོད་ཀྱི་ལས་དོན་ཚང་མར་དམ་པ་འདིར་རྩིས་མེད་ཀྱིས་དབང་ཤེད་ཆེ་བ་དང་བཅས་མི་མཐུན་པའི་འགལ་ཟླ་བྱུང་ཞིང༌། ཕྱོགས་མཚུངས་བཀྲ་ཤིས་ལྷུན་པོའི་བླ་བྲང་གི་སྐྱབས་དབྱིངས་སྨན་རི་བ་བློ་བཟང་སྦྱིན་པ་དང་པཎ་ཆེན་རིན་པོ་ཆེའི་ཡུམ་སྐུུ་ཞབས་སོགས་ཞབས་འབྲིང་མཐོ་གྲས་ཁག་གཅིག་དང༌། སྲིད་གཞུང་གི་དཔོན་རིགས་མཐོ་འབྲིང་ཁག་གཅིག་བཅས་ཚང་མ་ཁ་མཐུན་གྱིས་ཆིས་ཧྲན་ཨམ་བན་བརྒྱུད་གོང་མ་ཏའོ་ཀོང་ལ་སྲིད་སྐྱོང་ནོ་མིན་ཧན་གྱི་ནག་ཁྲ ཞེས་པའི་སྙྙན་ཞུ་ཕུལ་བར་བརྟེན་དགུང་ལོ་ང་གསུམ་པ་ཤིང་སྦྲུལ་༡༨༤༥ལོར་གོང་མས་བཀའ་ཕབ་པ་ལྟར་སྲིད་སྐྱོང་གི་ཁྲི་ལས་ཕབས་ཏེ་ཧེ་ལུང་ཅང་ཞིང་ཆེན་དུ་རྒྱང་འབུད་ཐོག་བཙོནའཇུག་དོ་དམ་འོག་བཞག་སྟེ་ཕྱིན་ཆད་ཡང་སྲིད་རྩད་གཅོད་མི་ཆོག་པ་བཅས་ཀྱི་ཁྱབ་བསྒྲགས་ཀྱང་བྱས། སྲིད་སྐྱོང་རིན་པོ་ཆེ་ཚེ་སྨོན་གླིང་ནས་འཛིན་བཟུང་དོ་དམ་བྱས་རྗེས་སེར་སྨད་ཀྱི་ཟིང་འཁྲུགས་ཟེར་བ་བྱུང་ཞིང༌། འདི་སྐོར་བཤད་གཞི་ཆེ་བས་འདིར་མ་བྲིས་ཤིང༌། འབྲེལ་ཡོད་ཡིག་ཆ་གཞན་དུ་གཟིགས། ལོ་ཤས་སོང་རྗེས་ཅོ་ནེ་དགོན་ཆེན་གྱི་ལས་སྣེ་དང༌། གྲྭ་དམངས། ཡུལ་སྡེ་བཅས་ནས་གོང་མར་སྙྙན་ཞུ་ཡང་ཡང་ཕུལ་བ་ལྟར། རང་ཡུལ་གྱི་དགོན་པར་བཞུགས་ཆོག་པའི་ཆོག་མཆན་ཐོབ་པ་བཞིན་སྐུུ་ཚེའི་སྨད་དུ་ཅོ་ནེ་དགོན་ཆེན་དུ་བཞུགས་ནས་མདོ་སྨད་ཕྱོགས་ཀྱི་དགོན་ཁག་མང་པོར་མདོ་སྔགས་ཀྱི་ཆོས་འཆད་སྤེལ་གནང་ཐུབ་པ་བྱུང༌། དགུང་ལོ་དོན་གཅིག་པ་རབ་བྱུང་བཅུ་བཞི་པའི་ཆུ་ཁྱི་༡༨༦༢ལོར་སོག་ཡུལ་ཐོར་གོད་ཁུལ་དུ་གདན་ཞུ་བྱུང་བ་ལྟར་ཕེབས་ནས་ཆོས་འཆད་སྤེལ་འགའ་ཞིག་གནང་རྗེས་སུ་གཤེགས། འདི་སྐོར་རྣམ་ཐར་ལོ་རྒྱུས་ཡིག་ཆར་འཁོད་པ་དེ་སྔོན་མེད་པའི་ཐོག་ཕྱིས་སུ་བྲིས་པ་རེ་ཟུང་ཀྱང་སྒྲོ་བཏགས་འཁྱོག་བཤད་མང་སྟབས་དཔྱད་གཞིར་བྱ་འོས་མ་མཆིས་པས་འདིར་མ་བྲིས་ཤིང༌། གོང་འཕྲོས་ཀྱི་ལོ་རྒྱུས་རྣམས་དགའ་ལྡན་ཁྲི་ཐོག་གྱ་བདུན་པ་ཚེ་སྨོན་གླིང་སྐུུ་ཕྲེང་གསུམ་པའི་ལོ་རྒྱུས་ཐོག་གསལ།

དགའ་ལྡན་ཁྲི་ཐོག་དོན་བཞི་པ་རྒྱལ་རོང་བློ་བཟང་ལྷུན་གྲུབ་ནི། རབ་བྱུང་བཅུ་གསུམ་པའི་ལྕགས་གླང་༡༧༨༡ལོར་སྟོད་ཀྱི་རྒྱལ་རོང་ཚ་ཁོ་མཆོག་རྩེར་ཡབ་དཀའ་ཐུབ་དང༌། ཡུམ་ཀླུ་སྨན་གཉིས་ཀྱི་སྲས་སུ་སྐུུ་འཁྲུངས། བྱིས་པའི་དུས་ཀྱི་མིང་ལ་དཀའ་ཐུབ་འབུམ་ཞེས་བཏགས། དགུང་ལོ་བརྒྱད་པར་བླ་མ་བློ་གྲོས་ལས་ཡི་གེའི་སྦྱོར་ཀློག་དང་སུམ་རྟགས་དག་གསུམ་སོགས་ལ་སྦྱངས་ནས་མཁས་པར་མཁྱེན། ཁོང་གིས་ཐོག་མར་བོན་དང༌། བར་དུ་རསྙིང་མ། མཐར་དགེ་ལུགས་པའི་ཆོས་རྣམས་ལ་རིམ་གྱིས་སྦྱངས་པ་མཛད། དེ་ནས་རསྙིང་མའི་དགོན་པ་ཚང་གནས་སུ་ཞུགས་ནས་རསྙིང་མའི་ཆོས་སྐོར་ལ་ཐོས་བསམ་མཛད། དགུང་ལོ་བཅུ་གསུམ་པར་བོན་ལོག་སྟོ་བུ་དོན་གྲུབ་ཀྱིས་སྡེ་དཔོན་བར་ལ་ཕྲ་མ་བཅུག་པའི་རྐྱེན་གྱིས་དཔོན་པོ་ཏཱ་རོ་རྡོ་རྗེ་རྒྱལ་གྱིས་ཡབ་ཡུམ་ཁྲིམས་ལ་སྦྱར་བས་རེ་ཞིག་མི་གཞན་གྱི་གཡོག་ཏུ་བཞུགས་དགོས་པ་བྱུང༌། དགུང་ལོ་བཅུ་དྲུག་པར་ཡབ་དང་ལྷན་ཅིག་ཏུ་ཏྲེ་ཧོར་དང༌། ཆབ་མདོ། སྤོ་ཡུལ། ཀོང་པོ། དྭགས་པོ། སྤུར་ཏ། ཀླུ་ཁ་ད་གྲུ་བརྒྱུད་བསམ་ཡས་གཙུག་ལག་ཁང་དང་མཇལ་ཞིང༌། དགུང་ལོ་བཅུ་བདུན་པར་ཕ་ཡུལ་གཅིག་པའི་གྲྭ་རྒྱུན་མང་པོ་དང་མཉམ་དུ་དབུས་ལྷ་ལྡན་དུ་ཕྱག་ཕེབས། དེ་ནས་སེ་ར་དགོན་དུ་བྱོན་ཏེ་སེར་སྨད་ཐོས་བསམ་ནོར་གླིང་གླིང་གྲྭ་ཚང་དང་རྒྱལ་རོང་ཁང་ཚན་དུ་ཞུགས། ལྷུན་གྲུབ་འཕྲོད་ལམ་ཆེས་བས་མཚན་ལ་བློ་བཟང་ལྷུན་གྲུབ་ཅེས་གསོལ་ཞིང་སེར་སྨད་ཐོས་བསམ་གླིང་དུ་ཞུགས། མཁན་ཟུར་བློ་བཟང་ཐུགས་རྗེ་ལསདགེ་བསྙྙེན་དང༌། བར་མ་རབ་བྱུང༌། དགེ་ཚུལ་བཅས་ཀྱི་སྡོམ་པ་དུ༷ས་གཅིག་ཏུ་མནོས་ཏེ་མཚན་ལ་བློ་བཟང་བསྟན་འཛིན་ཞེས་གསོལ། གུང་ཐང་ཆོས་ཁྲི་གྲགས་པ་མཁས་གྲུབ་དང༌། རྒྱལ་རོང་བཟོད་པ་ལྷུན་གྲུབ་བཅས་ལ་བསྟེན་ནས་བསྡུས་གཞུང༌། དབུ་མ། ཕར་ཕྱིན། མངོན་པ་མཛོད། འདུལ་བ། ཚད་མ་རྣམ་འགྲེལ་བཅས་ལ་སྦྱངས་པ་དཔྱིས་ཕྱིན་པར་མཛད། ཡབ་ཡུམ་གཉིས་ཀྱང་རབ་ཏུ་བྱུང་ཞིང་གྲོང་ཆོག་སོགས་སུ་ཕེབས་ཏེ་ཕྱག་ཏུ་འབྱོར་བའི་རྒྱུ་རྫས་རྣམས་ཁོང་གི་སློབ་ཡོན་དུ་གནང༌། དགུང་ལོ་ཉེར་གཅིག་པར་རྒྱལ་བ་འཇམ་དཔལ་རྒྱ་མཚོ་སོགས་ལས་བསྙྙེན་པར་རྫོགས་ཤིང་བཀའ་ཆོས་མན་ངག་མང་དུ་གསན། དགུང་ལོ་སོ་གསུམ་པར་སེར་སྨད་མཁན་པོ་བློ་བཟང་དཔལ་འབྱོར་གྱིས་གླིང་བསྲེའི་དམ་བཅའ་གོ་སྐབས་གནང་བ་ལྟར། གླིང་བསྲེའི་གྲྭ་སྐོར་མཛད་ཅིང་དཀའ་བཅུ་པའི་མཚན་བཏགས་བཞེས། དགུང་ལོ་སོ་ལྔ་པར་ལྷ་ལྡན་སྨོནལམ་ཆེན་མོའི་གྲྭ་སྐོར་མཛད་ཅིང་ལྷ་རམས་པའི་མཚན་བཏགས་ཨང་གསུམ་པ་བཞེས་པའི་སྐབས་ལུང་རིགས་ཀྱི་ཕུལ་མཚམས་འགྲན་ཟླ་མེད་པ་དང༌། མ་སྒྲིག་ལྷུན་གྱིས་གྲུབ་པའི་རྟེན་འབྲེལ་གྱི་མཚན་མ་ཡང་དུ་མ་བྱུང་བས་སྨད་མཁན་རིན་པོ་ཆེས་སླར་ཡང་ལྷ་རམས་པའི་དམ་འཇོག་དགོས་པའི་བཀའ་བཟང་བསྩལ་བ་ལྟར། དེ་ལོའི་དབྱར་ཐོག་དཔལ་ལྡན་སྨད་རྒྱུད་གྲྭ་ཚང་དུ་ཞུགས་ནས། རྒྱུད་སྨད་མཁན་པོ་འཇམ་དཔལ་ཚུལ་ཁྲིམས་ཀྱི་དྲུང་ནས་དཔལ་གསང་བ་འདུས་པའི་སྐྱེད་རྫོགས་གཉིས་དང་འབྲེལ་བ་བཞི་སྦྲགས་སོགས་གསན། སྔ་ཕྱིར་མི་ལོ་བཅུའི་རིང་གསང་སྔགས་ཀྱི་ཆོས་སྐོར་ལ་གསན་བསམ་རྒྱ་ཆེར་གནང༌། གསང་སྔགས་ཀྱི་གཞུང་དང་ཆོ་ག་ཕྱག་ལེན་བཅས་ལ་བྱང་ཆུབ་པར་མཛད་ཅིང་སྔགས་ཀྱི་དམ་བཅའ་ལེགས་པར་ཐོན་ནས་སྔགས་རམ་པའི་མཚན་བཏགས་བཞེས། དགུང་ལོ་ཞེ་གཅིག་པར་༡༨༢༡རྒྱུད་པའི་དགེ་བསྐོས་མཛད། ཚེ་སྨོན་གླིང་ཕོ་བྲང་གསར་རྒྱག་མཛད་པར་ཁོང་གིས་རབ་གནས་རྒྱས་པར་མཛད། ཁྲི་ཆེན་བྱང་ཆུབ་ཆོས་འཕེལ་དང༌། ཚེ་གླིང་སྐུུ་ཕྲེངགཉིས་པ་ངག་དབང་འཇམ་དཔལ་ཚུལ་ཁྲིམས་རྒྱ་མཚོ། ཁལ་ཁ་རྗེ་བཙུན་དམ་པ་བློ་བཟང་ཐུབ་བསྟན་དབང་ཕྱུག་འཇིགས་མེད་རྒྱ་མཚན་སོགས་མཁས་གྲུབ་གཉིས་ལྡན་གྱི་སྐྱེས་ཆེན་དམ་པ་ཤིན་ཏུ་མང་པོའི་ཞབས་ལ་གཏུགས་ནས། མདོ་སྔགས་ཀྱི་ཆོས་ཚུལ་མཐའ་ཡས་པའི་ལུང་དང་མན་ངག་ཞུས་ཏེ་ངེས་དོན་བསྟན་པའི་བདག་པོར་གྱུར། དགུང་ལོ་ཞེ་ལྔ་པར་དཔལ་ལྡན་སྨད་རྒྱུད་ཀྱི་བླ་མ་དབུ་མཛད་དང༌། དགུང་ལོ་ཞེ་དགུ་པར་སྨད་རྒྱུད་མཁན་ཁྲི་ལ་བཞུགས་ནས་འཆད་ཉན་མཛད། དགུང་ལོ་ང་དྲུག་པར་བྱང་རྩེའི་ཁྲི་ལ་བཞུགས་ནས་མདོ་སྔགས་ཆོས་ཀྱི་འཆད་ཉན་མཛད། དགུང་ལོ་དྲུག་ཅུ་རེ་གསུམ་པར་རབ་བྱུང་བཅུ་བཞི་པའི་ཆུ་མོ་ཡོས་༡༨༤༣ལོར་དགའ་ལྡན་གསེར་ཁྲི་ལ་བཞུགས་ནས་ལོ་ངོ་ལྔའི་རིང་དུ་གསེར་ཁྲི་བསྐྱངས་ཤིང༌། དེའི་རིང་ལ་སྐུུ་གསུང་ཐུགས་རྟེན་མང་དུ་བཞེངས། དེའི་ཕྱི་ལོ་དགུང་ལོ་དྲུག་ཅུ་རེ་བཞི་པ་རབ་བྱུང་བཅུ་པའི་ཤིང་ཕོ་འབྲུག་༡༨༤༤ལོར་རྒྱལ་བ་མཁས་གྲུབ་རྒྱ་མཚོའི་ཡོངས་འཛིན་དུ་བཀུར་ཞིང་མདོ་སྔགས་ཀྱི་ཆོས་རྒྱུན་མང་དུ་ཕུལ། དགུང་ལོ་དྲུག་ཅུ་རེ་དྲུག་པར་དགོངས་པ་ཆོས་དབྱིངས་སུ་གཤེགས། འདིའི་རྣམ་ཐར་ཞལ་སློབ་རྒྱལ་རོང་དགེ་བཤེས་ཤིག་གིས་མཛད་པ་ཡོད་ཚུལ་དུང་དཀར་ཚིག་མཛོད་དུ་གསུངས།

དགའ་ལྡན་ཁྲི་ཐོག་དོན་ལྔ་པ་ངག་དབང་ལུང་རྟོགས་ཡོན་ཏན་རྒྱ་མཚོ་ནི། རབ་བྱུང་བཅུ་བཞི་པའི་ལྕགས་ལུག་༡༨༡༡ལོར་སྤོ་སྨད་དུ་ཡུམ་སྒྲོལ་མའི་སྲས་སུ་སྐུུ་འཁྲུངས། ཆུང་དུས་མཚན་ལ་བཀྲ་ཤིས་གསོལ། དབུས་སུ་གསེར་བུམ་དཀྲུག་འདོན་བྱས་པ་སྐུུ་གོང་མ་དགའ་ཁྲི་ཞེ་བརྒྱད་པ་ཧོར་དོན་འགྲུབ་རྒྱ་མཚོའི་སྐུུ་ཕྲེང་གསུམ་པ་གླིང་སྤྲུལ་བློ་བཟང་བསྟན་པའི་རྒྱལ་མཚན་གྱི་ཡང་སྲིད་ངོས་འཛིན་བྱུང་བ་བཞིན་རྒྱལ་མཆོག་དགུ་པ་ལུང་རྟོགས་རྒྱ་མཚོས་རྗེ་འདི་པར་ངག་དབང་ལུང་རྟོགས་ཡོན་ཏན་རྒྱ་མཚོ་ཞེས་པའི་མཚན་གསོལ། གདན་ས་འབྲས་སྤུངས་བློ་གསལ་གླིང་གི་གླིང་ཁང་ཚན་དུ་ཞུགས་ནས། རྒྱལ་རོང་མཁན་ཆེན་བློ་བཟང་ཕུན་ཚོགས་སོགས་ལས་བསྡུས་གཞུང་ནས། འདུལ་མཛོད་བར་གྱི་གཞུང་ལུགས་ལ་གསན་བསམ་རྒྱ་ཆེར་མཛད། ལྷ་ལྡན་སྨོན་ལམ་ཆེན་མོའི་ནང་གདན་གསུམ་མཁས་པའི་དབུས་སུ་ལྷ་རམས་པའི་གྲྭ་སྐོར་མཛད་པས་མཁས་པའི་མཚན་སྙྙན་གང་སར་འབར། རྒྱུད་སྟོད་དུ་ཞུགས་ནས་རྗེ་ཅོ་ནེ་ངག་དབང་ཚུལ་ཁྲིམས་རྒྱ་མཚོ་སོགས་རྒྱུད་ཆེན་དུ་མའི་ཞལ་ནས་གསང་སྔགས་རྒྱུད་སྡེ་བཞིའི་གནད་ལ་མཁས་པའི་ཡང་རྩེ་སོན། ཆུ་བཟང་བླ་མ་ཡེ་ཤེས་རྒྱ་མཚོ་དང༌། དེ་མོ་སྤྲུལ་སྐུུ་འཇིགས་མེད་རྒྱ་མཚོ། པཎ་ཆེན་བསྟན་པའི་ཉི་མ། དངུལ་ཆུ་དྷརྨ་བླྷ་དྲ་སོགས་ལས་མདོ་སྔགས་ཀྱི་གསེར་ཆོས་ཤིནཏུ་མང་པོ་གསན། ཤར་རྩེ་ཆོས་རྗེར་ཕེབས་ནས་འཆད་མཉན་རྒྱ་ཆེར་མཛད། རབ་བྱུང་བཅུ་བཞི་པའི་མེ་རྟ་༡༨༤༦ལོར་རྒྱལ་མཆོག་མཁས་གྲུབ་རྒྱ་མཚོས་དགེ་ཚུལ་གྱི་སྡོམ་པར་བཞེས་པའི་སྐབས་ལས་གྲལ་གནང༌། དེའི་ཕྱི་ལོ་དགུང་གྲངས་བཞི་བཅུ་པ་རབ་བྱུང་བཅུ་བཞི་པའི་མེ་ལུག་༡༨༤༧ལོར་འཇམ་མགོན་བླ་མའི་རྒྱལ་ཚབ་ཏུ་དགའ་ལྡན་གསེར་ཁྲིར་ཕེབས་ཏེ་མདོ་སྔགས་ཀྱི་འཆད་མཉན་རྒྱ་ཆེར་སྤེལ། རྟེན་གསུམ་གསར་བཞེངས་སོགས་བཤད་སྒྲུབ་འཁོར་ལོ་གསུམ་གྱི་འཇམ་མགོན་རྒྱལ་བ་གཉིས་པའི་བསྟན་པ་རིན་པོ་ཆེ་བླ་ན་བཏེགས། གུང་བསྟན་གྱི་ཁྲི་རབས་ཡོངས་འདུའི་ལྗོན་བཟང་དུ། རྗེ་འདི་བ་སེར་སྨད་ཡིན་པ་དང་རབ་བྱུང་བཅུ་བཞི་པའི་ལྕགས་ཁྱི་༡༨༥༠ལོར་དགའ་ཁྲིར་ཕེབས་པ་བཤད་པ་ནི་ཐུགས་མཉམ་པ་མ་བཞག་པའི་གསུང་ཡིན་ཏེ། གོང་དུ་ཏྲེ་ནག་པ་ཧོར་དོན་གྲུབ་རྒྱ་མཚོ་བཤད་པའི་སྐབས། འདིའི་སྐུུ་ཕྲེང་རྗེས་མ་རྣམས་གླིང་སྤྲུལ་རིན་བྱོན་ཡིན་ལུགས་དང༌། དེ་མོ་རྒྱལ་ཐོག་སྐབས་གྲྭ་རྒྱུན་བློ་གླིང་དུ་བསྒྱུར་ལུགས་བཤད་པ་དང་ནང་འགལ་ཏེ། རྗེ་འདི་ཉིད་ཧོར་དོན་རྒྱམ་ནས་རྩིས་ཡོངས་འཛིན་གླིང་སྤྲུལ་སྐུུ་ཕྲེང་བཞི་པ་དེ་ཡིན་པའི་ཕྱིར། རྗེ་ཉིད་དགའ་ལྡན་གསེར་ཁྲི་ལ་ཕེབས་ལོ་ནི་གོང་དུ་བཀོད་པ་ལྟར་༡༨༤༧ལོར་ཡིན་ཏེ། རྒྱལ་བའི་འཁྲུངས་རབས་དེབ་བཞི་པ་རྒྱལ་མཆོག་མཁས་གྲུབ་རྒྱ་མཚོའི་རྣམ་ཐར་ཀྱི་སྐབས་ཤོགས་གྲངས་༣༥༦མེ་ལུག་བོད་ཟླ་དང་པོ་ཚེས་ཉེར་གཅིག་ཉིན་ཤར་བ་ཆོས་རྗེ་བློ་གླིང་གླིང་སྤྲུལ་སྐུུ་ངག་དབང་ལུང་རྟོགས་ཡོན་ཏན་རྒྱ་མཚོ་དགའ་ལྡན་གསེར་ཁྲིར་ཕེབས་རྒྱུའི་བཀའ་བསྒྱུར་མཇལ་དར་དང༌། རྒྱུད་སྟོད་མཁན་ཟུར་སེར་སྨད་སྤོམ་འབོར་བསྟན་པ་རབ་རྒྱས་དགའ་ལྡན་ཤར་བ་ཆོས་རྗེའི་བཀའ་བསྒྱུར་མཇལ་དར་བཅས་ཕུལ། ཞེས་དང༌། མེ་ལུག་ཟླ་བ་དྲུག་པའི་ཚེས་བཅོ་ལྔ་ཉིན་དགའ་ལྡན་ཁྲི་རིན་པོ་ཆེ་གླིང་སྤྲུལ་ངག་དབང་ལུང་རྟོགས་ཡོན་ཏན་རྒྱ་མཚོ་ྋགོང་ས་མཆོག་གི་ཡོངས་འཛིན་དུ་བསྐོ་བཞག་སྩལ་ཅིང་བཀའ་སྒྱུར་མཇལ་དར་གཟིམ་ཆུང་ཕུན་ཚོགས་འདོད་རྒུ་འཁྱིལ་དུ་འབུལ་བཞེས་དང༌། ཞེས་དང༌། ཞེས་ཤིན་ཏུ་གསལ་བར་འཁོད་པས་སོ། འདིས་ཁྲི་ལོ་བདུན་བསྐྱངས། །མཁས་བཙུན་བཟང་པོའི་ཆོས་འབྱུང་ཀུན་བཏུས་ལས་ནས། རྗེ་འདི་ལྕགས་ཁྱི་༡༨༥༠ནས་ཆུ་གླང་བར་ཁྲི་བསྐྱངས་ཞེས་བཤད་པ་ནི་ཁྲི་ལ་ཕེབས་ལོ་ཆུག་པས་ཁྲི་འཛིན་གྱི་ལོ་ཡང་ཉུང་དུ་བཏང་དགོས་བྱུང་བ་ཡིན་ནོ། ༡༨༤༧ལོ་དེར་གོང་ས་རྒྱལ་དབང་བཅུ་གཅིག་པ་མཁས་གྲུབ་རྒྱ་མཚོའི་ཡོངས་འཛིན་གནང་ནས། བསྡུས་གཞུང་དང་གཞུང་ཆེན་ཁག་གི་ཟབ་འཁྲིད་རྒྱ་ཆེར་གནང༌། གཞན་ཡང་མཁས་གྲུབ་སྐྱེས་ཆེན་ཤིན་ཏུ་མང་པོས་གཙོས་བོད་རྒྱ་ཧོར་གསུམ་གྱི་སློབ་ཚོགས་ཤིན་ཏུ་མང་པོ་ལ་དམ་པའི་ཆོས་ཚུལ་རྒྱ་ཆེར་སྤེལ། མཐར་དགུང་གྲངས་ཞེ་ལྔ་པ་རབ་བྱུང་བཞི་པའི་ཤིང་ཡོས་༡༨༥༥ལོར་དགོངས་པ་ཆོས་དབྱིངས་སུ་ཐིམ།

དགའ་ལྡན་ཁྲི་རབས་དོན་དྲུག་པ་སྡེ་དྲུག་མཁྱེན་རབ་དབང་ཕྱུག དགའ་ལྡན་ཁྲི་རབས་དོན་དྲུག་པ་སྡེ་དྲུག་བློ་བཟང་མཁྱེན་རབ་དབང་ཕྱུག་ནི། རབ་བྱུང་བཅུ་གསུམ་པའི་ས་ལུག་༡༧༩༩ལོར་ཁམས་རྒྱལ་རོང་རྒྱལ་ཁབ་བཅོ་བརྒྱད་ཀྱི་ནང་ཚན་ལྕགས་ལ་རྒྱལ་པོའི་མངའ་ཁང་དར་རྩེ་མདོ་ཤེས་རབ་ནང་པའི་ཁྱིམ་དུ། ཡབ་མགོན་པོ་རྒྱལ་མཚན་དང་ཡུམ་རིན་ཆེན་སྒྲོལ་མ་གཉིས་ཀྱི་སྲས་སུ་ཡ་མཚན་པའི་ལྟས་དང་བཅས་སྐུ་འཁྲུངས། དགོང་ལོ་གཉིས་ལ་ཕེབས་པའི་སྐབས་འཁྲུངས་ཁྱིམ་གྱི་བྱཕྱི་རོལ་དུ་ཕེབས་ཏེ་འདི་ནས་ས་བརྐོས་ན་ཆུ་མིག་ཅིག་འཐོན་ཞིང་ཤུག་པ་ཞིག་ཀྱང་སྐྱེ་ཞེས་གསུང་པ་ལྟར་བྱས་པས། ཡུན་མི་རིང་བར་གནས་དེ་ནས་ཆུ་མིག་དོན་ཞིང་ཤུག་པ་ཞིག་ཀྱང་སྐྱེས། སྐུ་ན་ཆུང་དུས་ནས་སྔོན་གྱི་བག་ཆགས་བཟང་པོ་ཡོངས་སུ་སད་དེ་རྒྱལ་བའི་བསྟན་པའི་སྒོར་ཞུགས་འདོད་ཆེ་སྟབས་བླ་མ་ངག་དབང་འཇམ་དབྱངས་ཀྱི་གདན་ས་གཞིས་དགོན་ལྷ་མོ་རྩེ་དགའ་ལྡན་འགྲོ་ཕན་གླིང་དུ་ཆོས་ཞུགས་བྱས། དགུང་ལོ་བཅུ་བཞི་པ་དབུས་ཀྱི་ལྷ་ལྡན་དུ་ཕེབས་ཏེ་སྡེ་ཆེན་པོ་དཔལ་ལྡན་འབྲས་སྤུངས་བློ་གསལ་གླིང་རྒྱལ་རང་ཁང་ཚན་དུ་ཆོས་ཞུགས་གནང༌། དགེ་བཤེས་བློ་བཟང་སངས་རྒྱས་ཡོངས་འཛིན་དུ་བསྟེན་ཏེ་པཎ་ཆེན་བསོད་ནམས་གྲགས་པའི་ཡིག་ཆའི་སྟེང་ནས་རྗེ་ཡབ་སྲས་སོགས་འཕགས་བོད་མཁས་པའི་གཞུང་ལུགས་ལ་རིང་དུ་འདྲིས་ཤིང༌། འཚོ་ཐབས་ཧ་ཅང་བཀྲེན་པོའི་དཀའ་སྤྱོད་འབད་པ་རྒྱ་ཆེར་བྱས་པས་མཁས་པའི་མཚན་སྙན་རྒྱས། དགེ་བཤེས་བཏོང་ཉེ་སྐབས་གཏོང་སྒོའི་མཐུན་རྐྱེན་མ་འཛོམས་པས་གཞིས་དགོན་དུ་ལོག་འགྲོ་སྙམ་སྟེ་འབྲས་སྤུངས་ལྷ་ཐོར་དུ་སླེབས་ངལ་གསོ་ཅུང་ཟད་གནང་པའི་སྐབས། མི་རྒན་ཨ་ར་དཀར་པོ་ཅན་ཞིག་སླེབས་ཏེ་ངའི་འབོགས་སྒྲིལ་འདི་ཉར་རོགས་ཞེས་ཟེར་ནས་དཟག་སྟེ་སོང༌། ཡུན་རིང་སྒུག་བསྡད་བྱས་ཀྱང་འབོགས་སྒྲིལ་ཕྱིར་ལེན་མཁན་སུ་ཡང་མ་བྱུང༌། མི་རྒན་དེ་ཉིད་རྩད་མ་ཆད་པར་གནས་ཆུང་ཆོས་སྐྱོང་ལ་ཞུས་པས། ཆོས་སྐྱོང་གིས་འབོགས་སྒྲིལ་འདིས་ཁྱོད་རང་གིས་དགེ་བཤེས་གཏོང་རྩ་གྱིས་གསུངས་པ་ལྟར་ལྷའི་འཕྲིན་ལས་སུ་ངེས་ནས་ཚོགས་སུ་གཏོང་སྒོ་དང་མཆོད་འབུལ་རྒྱ་ཆེར་བྱས། ལྷ་ལྡན་སྨོན་ལམ་ཆེན་མོའི་གྲྭ་སྐོར་མཛད་སྐབས་མཁས་རྒུའི་ཡིད་ཀྱི་བརྟན་པ་འཕྲོག དཔལ་ལྡན་སྨད་རྒྱུད་གྲྭ་ཚང་དུ་ཕེབས། རྗེ་ཤེར་སེང་པའི་སྔགས་བསྐྱེད་རྫོགས་ཀྱི་སྟེང་ནས་འབྲས་བུ་རྡོ་རྗེ་ཐེག་པའི་རྒྱུད་སྡེ་བཞིའི་དོན་ལ་གཞན་དྲིང་མེད་པའི་མཁས་པར་སྦྱངས། སྨད་རྒྱུད་ཀྱི་བླ་མ་དབུ་མཛད་དང་མཁན་ཁྲིར་རིམ་པ་བཞིན་ཕེབས་ནས་གསང་བ་སྔགས་ཀྱི་འཆད་ཉན་རྒྱ་ཆེར་སྤེལ། རྒྱུད་པ་གྲྭ་ཚང་དུ་བསྙེན་ཚབ་དང་ཐུགས་ཚབ་གཏོང་སྲོལ་ཡང་རྗེ་འདིས་གསར་དུ་བཙུགས། རབ་བྱུང་བཅུ་བཞི་པའི་ཆུ་གླང་༡༨༥༣ལོར་དགའ་ལྡན་གསེར་ཁྲིར་ཕེབས་ཏེ་དགེ་ལྡན་བསྟན་པའི་རྒྱལ་མཚན་བླ་ན་བཏེགས། མདོ་སྨད་པ་མཁས་པའི་དབང་པོ་ཡོན་ཏན་རྒྱ་མཚོས། དགེ་ལྡན་ཆོས་འབྱུང་གསེར་གྱི་མཆོད་སྡོང་དུ་སྤྱི་ལོ་༡༨༥༣ལ་གསེར་ཁྲིར་འཁོད་ཅེས་གསུངས་པ་ནི་ཁུངས་རྣམ་པར་དག་པ་སྟེ། རྒྱལ་མཆོག་བཅུ་གཉིས་པ་འཕྲིན་ལས་རྒྱ་མཚོའི་རྣམ་ཐར་ལས་ས་མོ་ལུག་༡༨༥༩ལོའི་ཧོར་ཟླ་བདུན་པའི་ཚེས་གཅིག་ཉིན་ནོར་གླིང་ནས་པོ་ཏཱ་ལར་ཆིབས་བསྒྱུར་མཛད་སྒོའི་སྐབས་སུ་བླ་དཔོན་ཚོ་མཇལ་གཅར་གནང་ཚུལ་གྱི་ཐད་དུ། ཡོངས་འཛིན་ཁྲི་ཟུར་རིན་པོ་ཆེ་བློ་བཟང་མཁྱེན་རབ་དབང་ཕྱུག ཅེས་འཁོད་པས། སྐབས་དེར་ཁྲི་ལས་ཟུར་ཡོད་ན། ཆུ་གླང་༡༨༥༣ལོར་ངེས་པར་དུ་གསེར་ཁྲིར་ཕེབས་དགོས་ཏེ་འདིས་ཁྲི་ལོ་བདུན་བསྐྱངས་པས་སོ། །ཀོ་ཤུལ་གྲགས་པ་འབྱུང་གནས་དང༌། རྒྱལ་བ་བློ་བཟང་མཁས་གྲུབ་ཟེར་བ་གཉིས་ཀྱིས་བསྒྲིགས་པའི་གངས་ཅན་མཁས་གྲུབ་རིམ་བྱུང་གི་མིང་མཛོད་ཅེས་པའི་དེབ་དེའི་ནང་དུ། རྗེ་འདི་ཉིད་སྒོ་མང་དུ་ཞུགས་ནས་མཁས་པར་སྦྱངས་ཚུལ་དང༌། ཤིང་ཡོས་༡༨༥༥ ལོར་གསེར་ཁྲིར་ཕེབས་ཚུལ་བརིས་འདུག་པ་ནི་རྩོམ་ཆོས་སབ་སིབ་རེ་བརིས་ཐུབ་པ་དང་རྩོམ་ཡོན་སྣེ་སུན་རེ་རགས་བྱུང་ན་དེ་གས་འཐུས་པའི་བསམ་བློ་ཙམ་ལས་ཆ་འཇོག་བྱེད་པ་མི་འོས་སོ། །རྗེ་འདི་ཉིད་ཀྱིས་ཁྲི་ལོ་བདུན་བསྐྱངས་ནས་༡༨༥༩ལོར་ཁྲི་ལས་བཤོལ་ཏེ་རྒྱལ་མཆོག་འཕྲིན་ལས་རྒྱ་མཚོའི་ཡོངས་འཛིན་གྱི་ཐུགས་འགན་བཞེས་ནས་མདོ་སྔགས་ཀྱི་སྐུ་ཡོན་རྒྱ་ཆེར་ཕུལ། ཁང་སར་སྐྱབས་མགོན་བློ་བཟང་ཚུལ་ཁྲིམས་སོགས་གདུལ་བྱ་ཤིན་ཏུ་མང་པོ་ལ་དཔལ་དུས་ཀྱི་འཁོར་ལོ་དང༌། ཀུན་རིག་གི་དབང་ཆེན། ལམ་གྱི་གཙོ་བོ་རྣམ་གསུམ་དང༌། དགའ་ལྡན་ལྷ་བརྒྱ་མའི་ཁྲིད། བཀའ་གདམས་གླེགས་བམ་རིན་པོ་ཆེ་དང༌། ལམ་རིམ་མཆན་བཞི་མའི་ལུང་སོགས་གསུངས་པས་མཚོན། སྔ་ཕྱིར་ལམ་རིམ་དང༌། བདེ་གསང་འཇིགས་གསུམ། དུས་ཀྱི་འཁོར་ལོ་སོགས་ཀྱི་ལུང་འཁྲིད་བཀའ་དབང་རྒྱ་ཆེར་གནང་བས་སྐབས་དེའི་སྐྱེས་ཆེན་ཕལ་ཆེ་བ་འདིའི་དངོས་སློབ་དང་ཡང་སློབ་ཏུ་གྱུར། སྒོ་མང་མཁན་ཆེན་བསྟན་པ་ཆོས་འཕེལ་སོགས་སྔ་ཕྱིར་བསྒྲུབ་བྱ་ཤིན་ཏུ་མང་པོར་བསྙེན་པར་རྫོགས་པའི་དགེ་སློང་གི་སྡོམ་པ་གནང།བ་དང༌། རབ་བྱུང་བཅུ་བཞི་པའི་ཤིང་བྱི་༡༨༦༤ལོར་ཟླ་༤ ཚེས་༡༣ ཉིན་ལྷ་ལྡན་གཙུག་ལག་ཁང་གི་ཇོ་བོ་ཤཱཀྱ་མུ་ནེའི་སྤྱན་སྔར་ཡོངས་འཛིན་ཁྲི་ཟུར་བློ་བཟང་མཁྱེན་རབ་དབང་ཕྱུག་འདི་ཉིད་ཀྱི་དྲུང་ལས་ྋརྒྱལ་དབང་མཆོག་གིས་རབ་བྱུང་སྡོམ་བཞེས་གནང༌། སྡེ་སྲིད་བཤད་སྒྲ་ནོ་མི་ཧན་ནས་ལོ་ངོ་གསུམ་རིང་ཆབ་སྲིད་ཀྱི་ཐུགས་འགན་བཞེས་ཏེ་ལོ་འདིའི་ཟླ་༨ ཚེས་༢༨ ཉིན་ནོར་གླིང་ཕོ་བྲང་ལྷུན་འགྲུབ་དགའ་ཚལ་དུ་སྐུ་ཚེ་མ་བརྟན་པས་ྋསྐྱབས་མགོན་སྦུག་གི་བཀའ་སློབ་ལྟར་ཕྱག་རོགས་སྲིད་སྐྱོང་གི་སྐོར་ལ་བཀའ་ཤག་དང༌། སྐུ་བཅར་སྤྱི་མཁན། བོད་ལྗོངས་སྤྱི་ཚོགས་བཅས་མོལ་བསྡུར་གྱིས་ཟླ་༩ ཚེས་༢ ཉིན་གཟིམ་ཆུང་དུ་གནས་ཆུང་ཆོས་རྒྱལ་ཆེན་པོར་ལུང་ཞུ་འབུལ་གནང་མཛད་པའི་དོན་བཞིན། ཡོངས་འཛིན་དགའ་ལྡན་ཁྲི་ཟུར་སྡེ་དྲུག་བློ་བཟང་མཁྱེན་རབ་དབང་ཕྱུག་ལ་སྤྱི་ཚོགས་ནས་ཚིག་ཐོ་དང་བཅས་ཕྱག་རོགས་སྲིད་སྐྱོང་གི་ཐུགས་འཁུར་བཞེས་དགོས་སྐྱབས་ཞུ་ཞུས་པ་ཞལ་བཞེས་ཀྱིས་ཚེས་༢༩ ཉིན་བཀའ་བསྒྱུར་མཇལ་དར་འབུལ་བཞེས་དང་འབྲཻལ་ཆབ་སྲིད་ཀྱི་ཐུགས་འགན་བཞེས། འདིས་སྲིད་སྐྱོང་གནང་སྐབས་དམག་དོན་སྤྱི་ཁྱབ་ཞབས་པད་ཕུ་ལུང་པ་ཉག་རོང་དུ་མངགས་ནས། ཉག་རོང་བདེ་འཇགས་བྱས་ཐོག་ཕོགས་དཔོན་ཕུན་རབ་པ་ཚེ་རིང་དཔལ་ལྡན་ལ་ཐའི་ཇིའི་གོ་གནས་དང་བཅས་ཉག་ཁོག་སྤྱི་ཁྱབ་དང༌། ལས་བྱ། སྲུང་དམག་བཅས་བསྐོ་གཞག་གིས་དབུས་གཞུང་གི་ཐད་ཀའི་འཛིན་སྐྱོང་གནང་བ་དང༌། བཀའ་ཞིབ་མཁན་མདའ་བཞི་སྦྲེལ་བསྐོ་གཞག་གིས་ཉག་དགྲས་བཙན་འཕྲོག་བྱས་ཡུལ། དིམ་ཆི་ཉེར་ལྔ།། སྡེ་དགེ གླིང་ཚང༌། ལྷ་ཐོག འགུ་ལོག བེ་རི། མ་ཟུར། ཁང་གསར། བྲག་འགོ སྟོང་འཁོར། དགེ་བཤེས། ལྕགས་ལ། ཁྲོ་སྐྱབས། ལི་ཐང༌། འབའ། ཆ་ཕྲེང་སོགས་ཀྱི་ས་སྤྱོད། ཐུ་སི། དཔོན་འགོ་ངོ་མ་སོ་སོ་འགུག་འབོད་ཀྱིས་ས་སྡེ་འཕྲོག་རིགས་དང༌། རྒྱུ་དངོས། རྟ་ཟོག་བཅོམ་འཕྲོག་བྱས་པ་ངོ་ཡོད་རྣམས་རང་རང་སོ་སོར་ངོས་འཛིན་ཕྱིར་སློག་དང༌། དཔོན་རྒན་གཙོ་དྲག་སོགས་བཙོན་འཇུག་བྱས་པ་རྣམས་ཀྱང་ཕྱིར་སློག་ཐོག སྔར་གྱི་དཔོན་གནས་ལས་འཁུར་ཇི་ཡོད་རང་འཇགས་གནང་སྟེ་ཁྲལ་འབུལ། ཁྲིམས་འཁུར་བྱེད་སྒོ་ཅི་མཆིས་ྋརྒྱལ་མཆོག་ལྔ་པའི་སྐུ་དུས་ཀྱི་དཔྱད་མཚམས་ཇི་ལྟར་སྨོས་མེད་ཐོག རྣམ་ཀུན་རང་རང་ས་སྲུང་ཡུལ་དམག་བཙུགས་ཏེ། དུས་སྐབས་བདེ་མིན་སོགས་ལ་གཞུང་གནས་ནས་བསྐུལ་བརྡ་ནམ་སྩལ་ཀ་ཀོར་མེད་པ་ཞབས་བཅར་ཞུ་རྒྱུ་དང༌། ཡུལ་ཚན་ཕན་ཚུན་གྱི་རྒྱལ་རིགས། ཐུ་སི། འགོ་དཔོན་ནང་ཚགས་འཆམ་མིན་བྱུང་ཚེ་ཉག་ཁོག་སྤྱི་ཁྱབ་པར་ཞུ་གཏུགས་བཅར་རྒྱུ། དེས་ཀྱང་འདུམ་མིན་བྱུང་ཚེ་ལྷ་ལྡན་རྒྱལ་ཁབ་ཏུ་ཞུ་བསྐུལ་ཞུ་རྒྱུ་སོགས་བོད་གཞུང་གི་བཀའ་ཇི་གནང་ལ་དང་ལེན་སྤྱི་འཁུར་ཞུ་རྒྱུའི་ལྷ་སྡེ་མི་སྡེ་ཚང་མས་དགའ་སྤྲོའི་ངང་ནས་མནའ་གན་མཐུ་མོ་ཆེ་ཡང་འབུལ་ལམ་ཞུས་ཡོད་པ་དང༌། འཇམ་མགོན་ཀོང་སྤྲུལ་ཡོན་ཏན་རྒྱ་མཚོ་མཆོག་ནས་ཀྱང༌། སྡེ་དགེ་ཡུམ་སྲས། དབོན་སྤྲུལ་བཅས་དབུ་ཐོན་བྱུང་བ་བཅས་ལ་བཞེད་བསྐོང་དབང་དང༌། དབུ་ཐོན་བཀའ་དྲིན་ཆེ་ཞུ་ཕུལ་བས་མཚོན་སྤྱི་ཁྱབ་ཞབས་པད་ཕུ་ལུང་པ་དང༌། མདའ་དཔོན། ཕོགས་དཔོན་སོགས་གཞུང་གི་ལས་འཛིན་རྣམས་ལ་མདོ་སྨད་སྲིད་པ་བདེ་ལ་བཀོད་པའི་བསྔགས་བརྗོད་ཀྱང་མཛད། བོད་ཀྱི་སྲིད་སྐྱོང་རྒྱལ་ཚབ་ཀྱི་ཐུགས་འགན་བཞེས་ནས་ཆོས་སྲིད་གསེར་གྱི་འཁོར་ལོ་ཟླུམ་པོས་བོད་ཆེན་པོའི་སྣོད་བཅུད་ཆ་ལག་དང་བཅས་པར་ཆོས་འབྱོར་འདོད་རྒུའི་དཔལ་གྱི་དྲི་བསུང་སྣུམ་པོས་ཡོངས་སུ་བསྐྱངས་བས་གཞུང་ས་མཆོག་ནས་ཧོ་ཐོག་ཐུའི་གོ་གནས་དང༌། གཉལ་གྱི་དགོན་སྡེ་གཞིས་ཀ་མ་ལག་དང་བཅས་པ་སྡེ་དྲུག་བླ་བྲང་གི་ཆོས་གཞིས་སུ་ཕུལ་བ་དང༌། རྨེ་རུ་གྲྭ་ཚང་གིས་དགོན་མ་ལག་དང་བཅས་པ་ལེགས་འབུལ་ཞུས་པ་ནས་སྡེ་དྲུག་སྐུ་ཕྲེང་རིམ་བྱོན་གྱིས་བོད་ཀྱི་སྲིད་སྐྱོང་མི་ལོ་བདུན་གནང་ནས་འབྲུག་༡༨༦༨ལོར་སྤྱི་ཁྱབ་མཁན་པོ་དཔལ་ལྡན་དོན་གྲུབ་བཀའ་བློན་བསྐོས་ནས་རིང་པོར་མ་སོང་བར་ཚུལ་མིན་གྱི་དབང་ཤེད་ལ་བརྟེན་ནས་སྲིད་གཞུང་འཕྲོག་རྩིས་ཀྱི་བྱ་ངན་སྤེལ་མཐར་ལམ་ལྷོང་མ་བྱུང་ནས་དགའ་ལྡན་དགོན་པར་གབ་ཡིབ་བྱས་པས། ལྕགས་ལུག་༡༨༧༡ལོར་རང་སྲོག་ཤོར་བ་མ་ཟད། དགའ་ལྡན་ཤར་བྱང་གཉིས་ཀར་གཏོར་སྐྱོན་ཆེན་པོ་ཐེབས། སྟག་བླ་དཀོན་མཆོག་རྒྱལ་མཚན་གྱིས་མཛད་པའི་འདས་ལོག་དཀར་ཆག་ཐར་པའི་ལམ་སྟོན་གསལ་བའི་སྒྲོན་མེའི་གླེང་བརྗོད་མཁས་དབང་བཀྲིས་ཚེ་དབང་གིས་མཛད་པ་ལས། གཞུང་ཞབས་ཁག་གཅིག་གི་རྒྱུན་གཏན་གསུང་རྒྱུན་ཡོངས་གྲགས་གཅིག་ལ་ྋགོང་ས་ལྔ་པ་ཆེན་པོའི་དག་སྣངགསང་བ་རྒྱ་ཅན་ནང་སྤྱི་མཁན་དཔལ་ལྡན་དོན་འགྲུབ་ལོག་སྨོན་གྱི་མཐུ་ཅན་ཞིག་ཡིན་པ་དང༌། དེ་འདུལ་བྱེད་ཀྱི་གཉེན་པོ་སྲིད་སྐྱོང་སྡེ་དྲུག་མཁྱེན་རབ་དབང་ཕྱུག་ཡིན་པའི་སྐོར་ཞིབ་ཕྲའི་ལུང་བསྟན་ཡོད་ཚོད། ཅེས་ཀྱང་གསུངས་སྣང་ངོ།། །སྲིད་སྐྱོང་ཁྲི་ཟུར་རིན་པོ་ཆེ་རང་ཡང་ཐུགས་གཡེང་ལྟ་བུས་དགུང་ལོ་དོན་བཞི་པ་རབ་བྱུང་བཅོ་ལྔ་པའི་ཆུ་སྤྲེལ་༡༨༧༢ལོར་ལྷ་ས་ནོར་གླིང་དུ་དགོངས་པ་རྫོགས། གཞིས་དགོན་ལྷ་མོ་རྩེ་དགའ་ལྡན་འགྲོ་ཕན་གླིང་གི་དགོངས་རྫོགས་རྟེན་སྐལ་དུ་རྗེ་བཀྲ་ཤིས་དོ་ཁ་མའི་སྐུ་གཅིག རསཇེ་ཡབ་སྲས་གསུམ་གྱི་གསུ་ང་འབུམ་ཆ་ཚང༌། ཁྲི་ཆས་ཆ་ཚང༌། ཕྲུག་གི་ཟལ་གམ་ཉིས་བརྒྱ་གྱ་བརྒྱད། ཕྲུག་སེར་གྱི་ཚོགས་གདན་ཆ་བཞི་བཅས་གསོལ་རས་སུ་བསྩལ། གསུང་ལས་སྐྱེས་པའི་སློབ་མ་རྒྱལ་མཆོག་འཕྲིན་ལས་རྒྱ་མཚོ། ཡོངས་འཛིན་གླིང་སྤྲུལ་བློ་བཟང་ལུང་རྟོགས་བསྟན་འཛིན་འཕྲིན་ལས་མཁན་ཆེན་མཁྱེན་རབ་བསྟན་པ་ཆོས་འཕེལ། ཁང་གསར་སྐྱབས་མགོན་བློ་བཟང་ཚུལ་ཁྲིམས་སོགས་སྐྱེས་ཆེན་དམ་པ་ཤིན་ཏུ་མང་པོ་བྱོན། སྡེ་དྲུག་སྐུ་ཕྲེང་གསུམ་པ་ཆུང་དུས་ནས་གོང་མའི་ཡང་སྲིད་ངོས་འཛིན་ཞུས། འབྲས་སྤུངས་སུ་ཆོས་ཞུགས་གནང་ནས་གསུང་རབ་ལ་ཐོས་བསམ་བྱས་ཏེ་ལྷ་རམས་ཐོན་རྗེས་རྒྱུད་སྨད་དུ་ཞུགས་ནས་གསང་སྔགས་ལ་ཐུགས་གཉེར་གནང།ཡང༌། དགའ་ལྡན་ཆོས་ཐོག་ཕེབས་སྐབས་འཚུབ་ལྷོང་ལྟ་བུས་གློ་བུར་ཞི་བར་གཤེགས། སྡེ་དྲུག་སྐུ་ཕྲེང་བཞི་པ་ཡང་སྲིད་བརྩད་བཅད་ངེས་རྙེད་བྱུང་ནས། འབྲས་སྤུངས་ཆོས་ཞུགས་གནང་ཐོག་སློབ་གཉེར་གནང་བཞིན་པའི་མུར་དགུང་ལོ་བཅོ་ལྔ་ཡན་མན་ལ་གློ་བུར་ཞི་བར་གཤེགས། སྡེ་དྲུག་སྐུ་ཕྲེང་ལྔ་པ་སྐུ་ན་ཆུང་དུས་ནས་ཞབས་ལ་བརྡབ་སྐྱོན་ཤོར་བ་ལྟ་བུས་གློ་བུར་ཞི་བར་གཤེགས། སྐུ་ཕྲེང་དེ་དག་སྐུ་ན་ཆུང་དུས་ནས་ཞི་བར་གཤེགས་པས་སྐུ་ཕྲེང་གི་གྲངས་ཀར་མ་བགྲང་པར་ངེས། བཤད་སྲོལ་དུ་རྗེ་འདི་པ་སྲིད་སྐྱོང་སྐབས་སྤྱི་མཁན་དཔལ་ལྡན་དོན་འགྲུབ་ཀྱི་དོན་རྐྱེན་ལ་གཞུང་ས་ནས་གདན་ས་དགའ་ལྡན་དུ་དམག་དྲངས་པས་དམ་ཅན་ཆོས་རྒྱལ་གྱི་འཁོན་ཡིན་པར་བཤད། སྡེ་དྲུག་སྐུ་ཕྲེང་དྲུག་པ་སྡེ་དྲུག་ཧོ་ཐོག་ཐུ་འཇམ་དཔལ་སྐལ་བཟང་ཆོས་ཀྱི་དབང་ཕྱུག་ནི། རབ་བྱུང་བཅུ་དྲུག་པའི་ཤིང་ཁྱི༡༩༣༤ལོར་རྒྱལ་དབང་སྐུ་ཕྲེང་བཅུ་གསུམ་པའི་ཡབ་གཞིས་དྭགས་པོ་གླང་མདུན་དུ་སྐུ་འཁྲུངས། སྐུ་ན་ཆུང་དུས་ནས་ཡ་མཚན་པའི་ལྟས་སྣ་ཚོགས་བྱུང་བས་རྒྱལ་མཆོག་བཅུགསུམ་པ་ཐུབ་བསྟན་རྒྱ་མཚོའི་ཡང་སྲིད་དོགས་གཞིར་བྱུང༌། རྗེས་སུ་རྒྱལ་མཆོག་གོང་མའི་ཡང་སྲིད་ད་ལྟའི་རྒྱལ་དབང་ཐམས་ཅད་མཁྱེན་པ་འདི་ཉིད་ངོས་འཛིན་ཐག་བཅད་བྱུང་རྗེས། འདི་ཉིད་སྡེ་དྲུག་གོང་མའི་ཡང་སྲིད་འཁྲུལ་མེད་དུ་ངོས་འཛིན་བྱུང་ནས་སྡེ་དྲུག་བླ་བྲང་དང་བློ་གསལ་གླིང་དུ་ཁྲི་སྟོན་ཞུས། ཡི་གེ་འབྲེི་ཀློག་དང་ཆོས་སྤྱོད་ཞལ་འདོན་སོགས་ལ་བསླབ། སྡེ་དྲུག་བླ་བྲང་ནས་རྣལ་འབྱོར་དབང་ཕྱུག་དགེ་བཤེས་བསམ་འགྲུབ་རིན་པོ་ཆེ་གདན་ཞུས་ཀྱིས་དགའ་ལྡན་ཆོས་རྒྱལ་ཁང་དུ་དྲུག་ཅུ་མ་འབུམ་ཕྲག་དུ་མ་ཕུལ་ཞིང་དགའ་ལྡན་དུ་བསྙེན་བཀུར་སོགས་རྒྱ་ཆེར་མཛད་པར་བརྟེན་སྐུ་ཚེ་ཉེན་སྐྱོན་མ་བྱུང་ཡང༌། རྒྱུད་སྨད་དུ་སྒྲིགས་ཞུགས་ཀྱིས་དགའ་ལྡན་དུ་ཕེབས་ཉིན་ཆ་ཕུ་རིའི་རྩེ་ནས་སྤྲིན་ནག་བརྡོལ་ཏེ་སེར་དྲག་འབེབས་པ་དང༌། སང་ཉིན་དགའ་ལྡན་དུ་ཕེབས་རྒྱུའི་དོ་ནུབ་དེར་ཆོས་རྒྱལ་ཁང་གི་མཚོན་ཆའི་རིགས་འགའ་ཞིག་ས་ལ་དབྱུགས་པ་སོགས། བསྟན་སྲུང་དམ་ཅན་ཆོས་ཀྱི་རྒྱལ་པོའི་འཁུ་ལྡོག་གི་མཚན་མ་ཅུང་ཟད་བྱུང་སྐད། དགུང་ལོ་བཅུ་ཡན་མན་ནས། ཡོངས་ཀྱི་དགེ་བའི་བཤེས་གཉེན་ཆེན་པོ་ཕ་ར་མཁན་ཆེན་པདྨ་རྒྱལ་མཚན་དང༌། སྐྱབས་རྗེ་འདན་མ་བློ་ཆོས་རིན་པོ་ཆེ་སོགས་མཁས་གྲུབ་གཉིས་ལྡན་གྱི་སྐྱེས་ཆེན་དུ་མའི་ཞབས་ལ་བཏུགས་ནས། གཞུང་ཆེན་པོད་ལྔ་ལ་གསན་བསམ་མཐར་ཕྱིན་པར་མཛད་དེ། དགུང་ལོ་ཉེར་གསུམ་པ་རབ་བྱུང་བཅུ་དྲུག་པའི་མེ་སྤྲེལ་༡༩༥༦ལོར་ལྷ་ལྡན་སྨོན་ལམ་ཆེན་མོའི་གྲྭ་སྐོར་མཛད་སྐབས་གདན་གསུམ་མཁས་མང་ནམ་མཁའི་སྐར་ཚོགས་ལྟ་བུའི་དབུས་སུ་ལྷ་རམས་ཨང་དང་པོའི་མཚན་གནས་བཞེས། ལོ་དེར་དཔལ་ལྡན་སྨད་རྒྱུད་གྲྭ་ཚང་དུ་ཕེབས་ནས་རྒྱུད་སྡེ་རྒྱ་མཚོ་ལ་གསན་བསམ་རྒྱ་ཆེར་གནང་ནས། མདོ་སྔགས་རབ་འབྱམས་སྨྲ་བའི་ངེས་དོན་གྱི་སྐྱེས་ཆེན་དམ་པའི་རྣམ་ཐར་བསྐྱངས། ས་ཕག་༡༩༥༩ལོར་བསྟན་སྲིད་ཆ་ལག་བཅས་པར་གེགས་ཆགས་ཚད་མེད་བྱུང་སྐབས་འཕགས་ཡུལ་དུ་ཆིབས་བསྒྱུར་མ་ཐུབ་པར། གུང་ཁྲན་གྱི་མནར་གཅོད་ཚད་མེད་མྱོང་དགོས་བྱུང་འདུག སླར་ཡང་སྲིད་ཇུས་གུ་ཡངས་ཀྱི་སྐབས་རྒྱ་གཞུང་གིས་ཆོས་དོན་ལས་བྱེད་ཟེར་བའི་གོ་མིང་སྤྲད་པ་ལ་བརྟེན་ནས། རྒྱལ་བའི་བཀའ་འགྱུར་རིན་པོ་ཆེ་ཆ་ཚང་ཤིང་པར་དུ་བརྐོ་བའི་འགན་བླངས་ནས་ལེགས་གྲུབ་བྱུང་བས་མཚོན་བསྟན་འགྲོར་དོན་ཆེན་དཔེ་མེད་སྒྲུབ་བཞིན་པའི་མུར་འབྲུག་ལོ་༢༠༠༠ལོར་ལྷ་སར་དགོངས་པ་ཆོས་དབྱིངས་སུ་ཐིམ།

དགའ་ལྡན་ཁྲི་ཐོག་དོན་བདུན་པ་ཁྲི་ཆེན་ཚུལ་ཁྲིམས་དར་རྒྱས་ནི། སྤོམ་འབོར་གྱི་ས་ཁུལ་དུ་འཁྲུངས། གདན་ས་གང་དུ་ཆོས་ཞུགས་མཛད་མིན་དང༌། འཁྲུངས་ལོ་མ་རསྙེད། རབ་བྱུང་བཅུ་བཞི་པའི་ས་ལུག་༡༨༥༩ ལོར་དགའ་ལྡན་གྱི་ཁྲིར་ཕེབས་ནས་ལོ་ངོ་གསུམ་སོང་མཚམས་སུ་སྐུུ་གཤེགས། རྣམ་ཐར་ཟུར་འཁོད་རིགས་མེད།

དགའ་ལྡན་ཁྲི་ཐོག་དོན་བརྒྱད་པ་བློ་བཟང་འཇམ་དབྱངས་དམ་ཆོས། དགའ་ལྡན་ཁྲི་ཐོག་བདུན་ཅུ་དོན་བརྒྱད་པ་རྒྱལ་རོང་བློ་བཟང་འཇམ་དབྱངས་དམ་ཆོས་ནི། སྤྱི་ལོ་དུས་རབས་བཅུ་དགུ་པ་རབ་བྱུང་བཅུ་བཞི་པའི་ནང་མདོ་ཁམས་རྒྱལ་རོང་དར་མདོ་རྫོང་ཁོངས་ལྷ་མོ་རྩེ་ཁུལ་དུ་འཁྲུངས། སྐུ་ན་ཆུང་དུས་ནས་ཕལ་བའི་སྐྱེ་བོ་ལས་འགོང་བའི་མཛད་སྤྱོད་ཁོ་ན་བསྟན། སྐུ་ན་ཆུང་དུས་གཞིས་དགོན་ལྷ་མོ་རྩེ་དགའ་ལྡན་འགྲོ་ཕན་གླིང་དུ་ཆོས་ཞུགས་ཀྱིས་ཡི་གེ་ཕྱི་མོ་སོགས་ལ་བསླབས། སྐུ་ལ་སོན་པ་དང་དབུས་སུ་བྱོན་ནས་མཆོད་མཇལ་དང་གནས་བསྐོར་གྲུབ་རྗེས་གདན་ས་འབྲས་སྤུངས་མཁས་མང་བློ་གསལ་གླིང་གི་ཆོས་སྒོར་ཞུགས། རོང་པོ་མཁན་ཆེན་བློ་བཟང་ཕུན་ཚོགས་དང༌། བློ་གླིང་སློབ་དཔོན་འཇམ་དབྱངས་བསྟན་པ་སོགས་ལ་བསྟེན་ནས་བསྡུས་བཞུང་དང་རྣམ་འགྲེལ། དབུ་ཕར། འདུལ་མཛོད་བཅས་ལ་དཀའ་སྤྱད་འབད་པ་དྲག་པོས་བསླབས་ཏེ་མཁས་པར་གྱུར། ལྷ་ལྡན་སྨོན་ལམ་ཆེན་མོའི་གྲྭ་སྐོར་མཛད་པས་གཟུར་གནས་མཁས་རྒུའི་ཡིད་དབང་འཕྲོག ལྷ་རམས་པའི་གྲྭ་སྐོར་གྲུབ་ནས་རྒྱུད་སྡེ་རྒྱ་མཚོའི་བསྟི་གནས་དཔལ་ལྡན་སྨད་རྒྱུད་གྲྭ་ཚང་དུ་ཆོས་ཞུགས་གནང༌། རྒྱུད་སྡེ་བཞིའི་དོན་ལ་གཞན་དྲིང་མེད་པའི་མཁས་པར་བསླབས། སྡེ་དྲུག་བློ་བཟང་མཁྱེན་རབ་དབང་ཕྱུག ཆུ་བཟང་བླ་མ་ཡེ་ཤེས་རྒྱ་མཚོ་དང༌། པཎ་ཆེན་བསྟན་པའི་ཉི་མ་སོགས་ལས་མདོ་སྔགས་ཀྱི་བཀའ་ལུང་མན་ངག་རྒྱ་ཆེར་མནོས། སྨད་རྒྱུད་ཀྱི་དགེ་བསྐོས་དང་བླ་མ་དབུ་མཛད། རིམ་པར་བརྒྱུད་དེ། ཇི་སྐད་དུ་བརྒྱུད་འདེབས་ལས། འཇམ་དཔལ་དབྱངས་དངོས་རྗེ་བཙུན་ཙོང་ཁ་པའི། ། མདོ་སྔགས་དམ་པའི་ཆོས་ཀུན་ལེགས་བཟུང་ནས། ། སྐལ་བཟང་གདུལ་བྱའི་ཚོགས་རྣམས་ཚིམས་མཛད་པ། ། དཔལ་ལྡན་བླ་མའི་ཞབས་ལ་གསོལ་བ་འདེབས། ། ཞེས་འབྱུང་བ་ལྟར་དཔལ་ལྡན་སྨད་རྒྱུད་པའི་མཁན་ཁྲིར་ཕེབས་ནས་རྒྱུད་སྡེ་རྒྱ་མཚོའི་འཆད་ཉན་རྒྱ་ཆེར་སྤེལ། བྱང་རྩེ་བརྒྱུད་རབ་བྱུང་བཅུ་བཞི་པའི་ལྕགས་བྱ་༡༨༦༡ ལོར། དགའ་ལྡན་གསེར་ཁྲིར་ཞབས་སོར་འཁོད་དེ་ཁྲི་ལོ་བདུན་བསྐྱངས་རིང་བཤད་སྒྲུབ་འཁོར་ལོ་གསུམ་གྱིས་དགེ་ལྡན་བསྟན་པ་རིན་པོ་ཆེ་བླ་ན་སྤེལ། འཁྲུངས་ཡུལ་གཞིས་དགོན་ལྷ་མོ་རྩེ་དགོན་དུ་དགའ་ལྡན་ལྡན་ལྷ་བརྒྱ་མའི་ཞལ་ཐང་ཆེན་མོ་ཞིང་ལ་ཁྲི་སོ་ལྔ་དང་ཞེང་ལ་རིང་ཐུང་ཁྲི་དོ་གསུམ་ཡོད་པའི་ཐོག་ཏོག་ཆ་གཅིག་ལ་དངུལ་སྲང་ལྔ་བཅུ་ཡོད་པ་གཅིག ཙོང་ཁ་རྒྱ་ཅུའི་ཞལ་ཐང་ཆེན་མོ་ལྔ་བཅས་གནང་བ་དུས་ཕྱིས་རིག་གནས་གསར་བརྗེ་བར་དུ་གཞིས་དགོན་དེའི་ནང་དུ་བཞུགས་འདུག ཁྲི་ལས་ཟུརནས་རྩེ་གཅིག་སྒྲུབ་པའི་རྒྱལ་མཚན་སྒྲེངས། ཞི་བར་གཤེགས་པ་དང་དམ་པ་གང་གི་རིང་བསྲེལ་གྱི་སྙིང་པོ་ཞུགས་པའི་གདུང་རྟེན་གྱི་ཆ་ཤས་དངུལ་གྱི་མཆོད་རྟེན་ཞིག་གཞིས་དགོན་ལྷ་མོ་རྩེར་བཞུགས། འདས་ལོ་མི་གསལ། དེའི་སྐྱེ་སྤྲུལ་ཚལ་གུང་ཐང་དུ་འཁྲུངས་ནས། ཁམས་སུ་བྱོན། ཐང་ལུང་ས་ཆར་ཡུན་རིང་བཞུགས་ཏེ་བླ་བྲང་གི་རྟེན་གཞི་ཆགས། དུས་ཕྱིས་བླ་བྲང་འདིའི་ཤུལ་འཛིན་དགའ་ལྡན་ཁྲི་ཆེན་གྱ་གཉིས་པ་ཆོས་རྗེ་ཡེ་ཤེས་ཆོས་འཕེལ་གྱི་མཛད་པའི་ངག་རྒྱུན་ཡོད་ཚུལ། དགའ་ལྡན་ཁྲི་ཐོག་བརྒྱ་པ་ཆོས་རྗེ་བློ་བཟང་ཉི་མས་རྒྱུད་སྨད་ཆོས་འབྱུང་དུ་གསུངས། ། དགའ་ལྡན་ཁྲི་ཐོག་དོན་བརྒྱད་པ་ཁྲི་ཆེན་འཇམ་དབྱངས་དམ་ཆོས་ནི། ཁམས་རྒྱལ་མོ་རོང་དུ་འཁྲུངས། འབྲས་སྤུངས་བློ་གསལ་གླིང་དུ་ཆོས་ཞུགས་མཛད། དགེ་བཤེས་ལྷ་རམས་པ་ཐོན་ནས་རྒྱུད་སྨད་དུ་ཞུགས་ཏེ་རིམ་བཞིན་བླ་མ་དབུ་མཛད་དང༌། མཁན་པོ། བྱང་རྩེ་ཆོས་རྗེ་བཅས་རིམ་པར་བརྒྱུད་དེ་རབ་བྱུང་བཅུ་བཞི་པའི་ལྕགས་བྱ་༡༨༦༡ལོར་དགའ་ལྡན་གྱི་ཁྲིར་ཕེབས། ཁྲི་ལོ་བདུན་བསྐྱངས་ནས་གཤེགས། རྣམ་ཐར་ཟུར་དུ་མེད།

དགའ་ལྡན་ཁྲི་ཐོག་དོན་དགུ་པ་ཕུ་ཁང་བློ་བཟང་སྦྱིན་པ། འབའ་ཐང་ཁུལ་སྣང་བཟང་དུ་འཁྲུངས། དགའ་ལྡན་ཤར་རྩེ་ཕུ་ཁང་ཁང་ཚན་དུ་སྒྲིགས་ཞུགས་མཛད། རྗེ་འདི་ཉིད་གྲྭ་རྐྱང་དཔེ་ཆ་ཧ་ཅང་ཡག་པོ་མཁྱེན་ཚུལ་མེད་པར་ཚོགས་ཆེན་ཚོགས་ལངས་འཁེལ་བ་དང༌། ཚོགས་ལངས་རྩོད་ཟླ་བྱང་རྩེའི་དཔེ་ཆ་བ་ཤིན་ཏུ་སྐད་གྲགས་ཆེ་ཞིང་སློབ་གཉེར་ལེགས་པ་ཞིག་ཡོད་སྟབས། སང་ཉིན་ཚོགས་ལངས་བཞེངས་རྒྱུའི་དོ་ནུབ་བྲོས་བྱོལ་དུ་ཕེབས་པས། འབྲོག་རིའི་སྒང་གཞི་བདག་ནགས་གསེབ་ཏུ་བོང་བུའི་རྣམ་ཅན་གྱི་མི་མ་ཡིན་ཞིག་དང་འཕྲད། འཇིགས་སྣང་གང་ཡང་མ་མཛད་པར་ཕྱག་ཕྲེང་སྐེུ་ལ་བཀོན་ནས་བོང་བུ་ལྟར་འཁྲིད་ཡོང་བར། ཁོས་གང་དགོས་བྱ་རྒྱུ་ཡིན་ཚུལ་བརྗོད་དེ་གློད་རོགས་ཞུས་པར། སང་ཉིན་ཚོགས་ལངས་ལ་རོགས་བྱ་དགོས་གསུངས་པས། ཁོས་ཁྱེད་རང་གནམ་ཡངས་ལ་མིག་གིས་གཏན་ནས་མ་བལྟ་བར་རྟགས་བསལ་དང༌། ལན་ཁ་ནས་གང་ཐོན་བརྗོད་ཅིག་ཅེས་ཟེར་བ་བཞིན་དེ་ནུབ་ཡར་ལོག་སྟེ། སང་ཉིན་དེ་ལྟར་མཛད་པས་རིགས་ལམ་ལ་ཐོགས་པ་མེད་པར་གྱུར་ཏེ་ཆོས་གྲོགས་དེ་ཉིད་སྨྲ་བ་མེད་པའི་གནས་ལ་བཀོད། ཚོགས་ལངས་ཚར་བའི་རྗེས་གནམ་ཡངས་ལ་གཟིགས་པ་ན། བོང་བུའི་མགོ་ཅན་གོས་ཆེན་གྱི་སྟོད་འགག་གྱོན་པ་ཞིག་གིས་བལྟས་ནས་བསྡད་ཡོད་པ་དེ་ཉིད་དུ་ཡལ་བར་གྱུར་སྐུད། ཚོགས་བཞེངས་ཚར་སྐབས་ཆོས་གྲོགས་ཀྱི་ཤག་ཏུ་གསོལ་ཚིགས་ལ་འགྲོ་སྲོལ་ཡོད་ཀྱང༌། ཆོས་གྲོགས་ཀྱིས་མ་འབོད་པར་སྔོན་ལ་སོང་བ་དང༌། རྗེ་འདིས་ཀྱང་རྗེས་སུ་ཕེབས་པས། ཁོང་གིས་དཔེ་ཆ་ཚང་མ་མེར་བསྲེགས་ནས་ཤོག་བུའི་དུ་དྲིས་ཁེངས་ནས་ཡོད་པར། གང་ཡིན་བཀའ་འདྲི་མཛད་པས། ངས་ད་བར་དཀའ་ལས་བྱས་ནས་དཔེ་ཆ་བལྟས་པ་ཡིན་ཏེ། ད་ཕན་ཐོགས་གང་ཡང་མི་འདུག་ཟེར། རྗེ་འདིས་དེ་འདྲ་མ་བྱེད་ངས་འདི་འདྲ་བྱེད་ཅིང་འདི་འདྲ་བྱུང་བས་གདུག་འདྲེའི་ནུས་པ་ཡིན་པ་ལས། ངས་གང་ཡང་མི་ཤེས་ཞེས་གསུངས་སྐད། གང་ལྟར་ཡོན་ཏན་ཐམས་ཅད་བུམ་ནང་གི་མར་མེ་ལྟར་སྦ་བའི་སྒོ་ནས་མཁས་གྲུབ་ཀུན་གྱི་ཡང་རྩེར་གྱུར་པ་ནི་གོར་མ་ཆག་ཅིང༌། དེ་ལྟར་རིམ་གྱིས་གཞུང་ལུགས་རབ་འབྱམས་ལ་སྦྱངས་པ་མཐར་སོན་པ་ན། ལྷ་ལྡན་སྨོན་ལམ་ཆེན་མོའི་གྲྭ་སྐོར་དམ་བཅའ་བཞག དེ་ནས་རྒྱུད་སྟོད་གྲྭ་ཚང་དུ་ཞུགས་ཏེ་རྒྱུད་སྡེའི་སྙྙིང་པོ་ཀུན་ལ་སྦྱངས་པར་མཛད། རིམ་གྱིས་བླ་མ་དབུ་མཛད་དང་མཁན་ཁྲིར་ཕེབས། རྒྱུད་པའི་མཁན་ཁྲི་རྩིས་བཞེས་སྐབས་དངུལ་ྜྲམ་དཀར་རསྙིང་ཟད་འགྲོ་རྒྱུགས་དཀའ་བའི་རིགས་རྩིས་སྤྲོད་བྱ་སྲོལ་ལྟར་སྤྲོད་ལེན་སྐབས་རསྙོག་གྲ་བརྒྱུད་མར་འབྱུང་བ་ལ། རྗེ་འདི་པས་དངུལ་ཁུག་ལ་རྒྱུད་པའི་སྤྱི་ཐམ་ཕབས་སུ་བཅུག་ཏེ། ཕྱིས་མཁན་ཁྲི་ཟིན་རྗེས་དངུལ་ཁུག་སྤྱི་ཐམ་འབྱར་མ་རྩིས་སྤྲོད་མཛད་པས་སྟབས་བདེ་རསྙོག་ཁྲ་མེད་པ་བྱུང་བ་སོགས་འཇིག་རྟེན་གྱི་བྱ་བཞག་ལའང་མཁྱེན་རླབས་ཤིན་ཏུ་ཆེ་བར་གྲགས། རབ་བྱུང་བཅུ་བཞི་པའི་ས་ལུག་༡༨༥༩ལོར་ཤར་རྩེ་ཆོས་རྗེའི་ཁྲིར་ཕེབས་ཤིང༌། རབ་བྱུང་བཅོ་ལྔ་པའི་ཐོག་མ་མེ་ཡོས་༡༨༦༧ལོར་དགའ་ལྡན་གསེར་ཁྲིར་ཕེབས། ཁྲི་པའི་བྱེད་སྒོ་འཐུས་ཚང་གནང་བཞིན་པའི་མུར། འདིས་དགའ་ལྡན་གསེར་ཁྲི་སྐྱོང་བའི་སྐབས། སྤྱི་མཁན་དཔལ་ལྡན་དོན་འགྲུབ་ཀྱིས་འབྲས་སྤུངས་རིགས་གྲྭའི་རྩོད་སྙྙོག་ལ་རྒྱབ་ཡངས་བྱས་ཏེ། དགའ་འབྲས་ཟུང་དྲུང་ཞེས་པ་བཙུགས། སྲིད་སྐྱོང་རྒྱལ་ཚབ་རྭ་སྐྱེང་རིན་པོ་ཆེ་ལ་གྱེན་ལངས་དང་སྙྙེ་མོ་རྒྱལ་བྱེད་ཚལ་དུ་རྒྱངས་འབུད་བཏང་ཟིན་བའི་བཤད་སྒྲ་བ་དང་མཉམ་དུ་བསྡེབས་ནས། བོད་ཀྱི་བསྟན་སྲིད་ཐུག་པ་ལྟར་དཀྲུག་པའི་སྐབས་དང་འཁེལ་ནའང་སྤྱི་མཁན་དཔལ་དོན་དང་གྲྭ་ཚང་གཅིག་པའི་ལ་ཞེན་ཕྱོགས་ལྷུང་མ་གནང་བར་རྒྱ་མཚོ་ཆེན་པོ་དང་རི་བོ་མཐོན་པོ་ལྟ་བུ་གཡོ་འགུལ་མེད་པར་བཞུགས་འདུག་པས་ཆོས་སྲིད་གཉིས་ཐད་ནས་གཟིགས་རྒྱང་ཡངས་པའི་སྐྱེས་ཆེན་དམ་པ་ཞིག་ཏུ་ཞུགས་སོ། །དེ་ལྟར། ལོ་གཉིས་ཙམ་ལས་མ་བཞུགས་པར་༡༨༦༩ལོར་དགའ་ལྡན་ཆོས་ཀྱི་ཕོ་བྲང་དུ་འཇམ་དཔལ་སྙྙིང་པོའི་དྲུང་དུ་གཤེགས།

དགའ་ལྡན་ཁྲི་ཐོག་བརྒྱད་ཅུ་པ་བསམ་བློ་གྲགས་པ་དོན་གྲུབ། ཨ་མདོའི་ཡུལ་དུ་འཁྲུངས། ཆུང་དུས་གཞིས་དགོན་དུ་ཞུགས་ནས་ཡི་གེ་འབྲི་ཀློག་དང་ཐ་སྙྙད་རིག་གནས་བཅས་ལ་བསླབ། ན་སོན་པ་དང་གཞིས་དགོན་གཅིག་པའི་གྲྭ་རྒྱུན་ཚོ་དང་མཉམ་དུ་རི་ཁྲི་ཆུ་སྟོང་བརྒལ་ནས་དབུས་འགྱུར་ཆོས་ཀྱི་ཞིང་སར་ཞབས་སོར་འཁོད་དེ་ཇོ་ཤཀ་རྣམ་གཉིས་སོགས་མཇལ་ཁ་གྲུབ་པ་དང༌། ཆོས་སྡེ་ཆེན་པོ་དཔལ་ལྡན་འབྲས་སྤུངས་སྒོ་མང་བསམ་བློ་ཁང་ཚན་དུ་ཆོས་ཞུགས་མཛད་དེ། ཀླུ་ཐོགས་གཅིག་ཏུ་བསྡུས་འདྲའི་བཤེས་གཉེན་མཁས་པ་དུ་མའི་ཞབས་པད་ཚུལ་བཞིན་བརྟེན་ནས་བསྡུས་ཚད་དང༌། བློ་རྟགས། དོན་བདུན་ཅུ། ཕར་ཕྱིན་དབུ་མ་འདུལ་མཛོད་བཅས་ལ་ཟས་བརྗོད་གཉིད་བཅག་གིས་དཀའ་སྤྱོད་འབད་པ་དྲག་པོས་རྩོད་སྒྲུབ་རིགས་པའི་ལམ་ནས་བསླབས་པས་མཚན་ཉིད་ཐེག་པའི་གཞུང་ལུགས་ལ་འགྲན་ཟླ་མེད་པའི་མཁས་པར་གྱུར། གཞུང་ཆེན་པོ་ལྔའི་སློབ་གཉེར་མཐར་ཕྱིན་ནས། ལྷ་ལྡན་སྨོན་ལམ་ཆེན་མོའི་ནང་གཞུང་ཆེན་པོད་ལྔའི་གྲྭ་སྐོར་དམ་བཅའ་བཞག་སྟེ་ལྷ་རམས་པའི་མཚན་གནས་བཞེས། དེ་ནས་གསང་ཆེན་སྔགས་ཀྱི་གདན་ས་ཆེན་པོ་དཔལ་ལྡན་རྒྱུད་སྨད་དུ་ཆོས་ཞུགས་གནང༌། རྒྱུད་སྡེ་བཞིའི་གཞུང་ལུགས་རྒྱ་མཚོ་ལྟ་བུའི་དཀའ་གནད་ཕྲ་ཞིབ་རིགས་པས་འབྱེད་པ་ལ་གཞན་དྲིང་མེད་པའི་མཁས་པ་རྡོ་རྗེ་འཛིན་པ་ཆེན་པོ་དུ་མའི་ཞབས་ལ་གཏུགས་ནས་གསང་སྔགས་ཀྱི་སློབ་གཉེར་དང་མདོ་སྔགས་ཀྱི་ཆོས་རྒྱུན་མཐའ་ཡས་པ་གསན་བཞེས་མཛད། རིམ་བཞིན་རྒྱུད་སྨད་བླ་མ་དབུ་མཛད་དང་མཁན་པོ་བཅས་གནང༌། རྗེ་འདི་ཉིད་རྒྱུད་སྨད་མཁན་ཟུར་སྐབས། ཁང་སར་སྐྱབས་མགོན་བློ་བཟང་ཚུལ་ཁྲིམས་སོགས་སྐྱེས་ཆེན་དམ་པ་དུ་མ་ལ་བློ་སྦྱོང་བྱང་སེམས་ཆུ་རྒྱུན་དང༌། སྐྱེས་རབས་སོ་བཞི་པའི་ཁྲིད། ཆུ་བཟང་བླ་མ་རིན་པོ་ཆེར་གྲུབ་རྒྱལ་ལུགས་ཀྱི་ཚེ་དབང༌། གྲུབ་རྒྱལ་ལུགས་རྟ་མགྲིན་དབྱུག་པ་ཅན་གྱི་རྗེས་གནང༌། ལམ་རིམ་ཆུང་བ། རྡོར་སེམས་བསྒོམ་བཟླས། དགའ་ལྡན་ལྷ་བརྒྱ་མ། ཐོག་མའི་བློ་སྦྱོང༌། ལམ་རིམ་གསེར་ཞུན་མ། ཉིན་ཕྲུག་གཅིག་གི་ཉམས་ལེན། ཚ་གསུར། ལམ་རིམ་འཇམ་དཔལ་ཞལ་ལུང༌། དྭགས་པོ་ངག་དབང་གྲགས་པའི་ལམ་རིམ་ཚིགས་བཅད་མ། དམར་ཁྲིད་མྱུར་ལམ། སྦྱོར་ཆོས་ཐུབ་བསྟན་ལྷུན་པོའི་མཛེས་རྒྱན། འོད་དཔག་མེད་ལ་བརྟེན་པའི་འཕོ་བ། ཟ་བྱེད་མཁའ་འགྲོའི་སྦྱིན་སྲེག་བཅས་ཀྱི་ཁྲིད། སྐྱེས་མཆོག་པོ་ཏོ་བའི་ཆིག་ལབ་རིང་མོ། འཇིགས་བྱེད་བཅུ་གསུམ་མའི་ཆོ་ག་ཟ་མ་ཏོག། མགོན་པོ་ཕྱག་དྲུག་པའི་གཏོར་ཆོག ཆོས་རྒྱལ། ལྷ་མོ། རྣམ་སྲས་གསུམ་གྱི་གཏོར་ཆོག སྨྱུང་གནས་ཆོ་ག་སྨོན་ལམ་བཅས། སྙྙིང་གཏམ་བཅུ་གསུམ་མ། དགེ་བཤེས་ཚེ་དབང་བསམ་གྲུབ་ཀྱི་སྡོམ་གསུམ་བསླབ་བྱ། རྭ་པོད་དང་དཔལ་པོད་ཡོངས་རྫོགས། མགོན་པོ་ཕྱག་དྲུག་པའི་བེའུ་བུམ་སོགས་ཀྱི་ལུང་ཆོས་རྒྱ་ཆེར་གནང༌། དེ་ནས་བྱང་རྩེ་ཆོས་རྗེའི་ཁྲིར་ཕེབས། བཤད་སྒྲུབ་འཁོར་ལོ་གསུམ་གྱིས་བསྡུས་པའི་སྐབས་སྟོབས་ཀྱི་བྱེད་སྒོ་རྣམས་དམ་པ་གོང་མའི་ཕྱག་སྲོལ་མ་ཉམས་པར་ཚུལ་བཞིན་བསྐྱངས། རབ་བྱུང་བཅོ་ལྔ་པའི་ལྕགས་རྟ་༡༨༧༠ལོར་དགའ་ལྡན་གྱི་ཁྲིར་ཕེབས་ནས། ཁྲི་ལོ་བདུན་བསྐྱངས་ཤིང༌། དེའི་རིང་རྒྱལ་མཆོག་སྐུུ་ཕྲེང་བཅུ་གཉིས་པ་འཕྲིན་ལས་རྒྱ་མཚོའི་ཡོངས་འཛིན་ཀྱང་མཛད་ནས་གཞུང་ལུགས་ཆེན་པོ་དག་གི་དགག་བཞག་སྤོང་གསུམ་གྱིས་འཛུབ་ཁྲིད་ཟབ་རྒྱས་ཞུས། རྗེ་འདི་ཉིད་དགའ་ལྡན་ཁྲི་ལས་ཐོག་པའི་སྐབས་ལྕགས་ལུག་༡༨༧༡ལོར་སྤྱི་ཁྱབ་མཁན་པོ་དཔལ་ལྡན་དོན་གྲུབ་རྗེས་འབྲངས་བཅས་སྲིད་སྐྱོང་དགའ་ལྡན་ཁྲི་ཟུར་སྡེ་དྲུག་རིན་པོ་ཆེར་ངོ་རྒོལ་གྱི་དགའ་ལྡན་ཟིང་འཁྲུགས་ཟེར་བ་དེ་བྱུང་དུས། གཞུང་གིས་དགའ་ལྡན་དུ་དམག་དཔུང་བཏང་སྟེ་དྲག་གནོན་གྱིས་བྱེད་གཏེ་སྤྱི་མཁན་དཔལ་དོན་གཡུལ་སར་བསད་པ་དང༌། རྗེས་འབྲངས་ཤར་བྱང་གི་མཁན་པོ་སོགས་ཉེས་ཆད་ཁྲིམས་འཇུག་རྡུང་རྡེག་ཐོག་ད་དུང་སྲོག་ཐོག་གི་ཉེས་པ་གཏང་དགོས་སའང་ཡོད་པར། རྗེ་འདིས་སྲིད་སྐྱོང་སྡེ་དྲུག་རིན་པོ་ཆེ་དང་གཞུང་ས་ལ་ཕྱོགས་མང་པོའི་རྒྱུ་མཚན་གསལ་བཤད་གནང་བར་བརྟེན། ཉེས་ཅན་གུ་ཡང་གི་ལུགས་སུ་བྱས་ཏེ་ཤར་བྱང་གི་མཁན་པོ་གཉིས་རྒྱང་འབུད་བཏང་པ་དང༌། བྱེད་གཏེ་རེ་ཟུང་ལ་ཁྲིམས་གཅོད་དང༌། དེ་བྱིངས་ཚང་མ་གུ་ཡངས་ཐག་གཅོད་ཀྱི་ལྷིང་འཇགས་ལེགས་པོ་བྱུང༌། ཤིང་ཕག་༡༨༧༥ལོར་ཁང་གསར་སྐྱབས་མགོན་བློ་བཟང་ཚུལ་ཁྲིམས་ཀྱིས་གདན་དྲངས་ནས་ལྷ་ལྡན་སྤྲུལ་པའི་གཙུག་ལག་ཁང་ཆེན་པོར་སྨད་རྒྱུད་མཁན་སློབ་འདུས་སྡེ་དང་བཅས་པའི་ཚོགས་དབུར་ཕེབས་ནས་དཔལ་གསང་བ་འདུས་པའི་བདག་མདུན་དབང་ཆོག་དང་བཅས་པ་གནད་སྨིན་མཛད་པས་མཚོན། ལུགས་ཟུང་གནས་ལ་གཟིགས་པ་མཁའ་ལྟར་ཡངས་ཤིང་ཐུགས་ཀྱི་དེ༷ལ་ཆེ་བའི་སྐྱེས་ཆེན་དམ་པ་འགྲན་ཟླ་དང་བྲལ་བ་ཞིག་སྟེ། འཇམ་མགོན་རྒྱལ་བ་གཉིས་པའི་གསེར་ཁྲི་ལ་ཞབས་སོར་འཁོད་ནས་ལོ་ངོ་བདུན་ཙམ་བཞུགས་རིང་བཤད་སྒྲུབ་གཉིས་ཀྱི་སྒོ་ནས་ཁྲི་ཆེན་གོང་མ་ཚོས་རྣམ་ཐར་བཟང་པོ་བདག་གིར་མཛད་དེ་གསེར་ཁྲི་ཚུལ་བཞིན་བསྐྱངས། མེ་བྱི་༡༨༧༦ལོར་ཁྲི་ལས་ཟུར། འདས་ལོ་མི་གསལ། དེ་མིན་གྱི་ལོ་རྒྱུས་ཞིབ་གསལ་མ་རྙེད་ཅིང༌། རྣམ་ཐར་ཡང་ཟུར་དུ་མི་སྣང༌། །

དགའ་ལྡན་ཁྲི་ཐོག་གྱ་གཅིག་པ་ཟུང་ཇུ་ངག་དབང་ནོར་བུ། མདོ་སྨད་ཟུང་ཇུའི་ཁུལ་དུ་འཁྲུངས། དགའ་ལྡན་གསེར་ཀོང་རིན་པོ་ཆེ་ངག་དབང་ཚུལ་ཁྲིམས་དོན་ལྡན་གྱི་རྣམ་ཐར་ནང་རྗེ་འདི་འཕོ་བ་གྲོང་འཇུག་གནང་བའི་སྤྲུལ་སྐུ་ཡིན་ཟེར་གསུངས། སྐུ་ན་ཆུང་དུས་ཟུང་ཇུ་སེར་པོ་དགོན་དགའ་ལྡན་ཆོས་གླིང་དུ་ཆོས་ཞུགས་མཛད། ཡེ་གི་འབྲི་ཀློག་དང་ཀུན་མཁྱེན་འཇམ་བཞད་ཡིག་ཆ་ལ་གསན་བསམ་མཛད། སྐུུ་ན་སོན་པ་དང་དབུས་སུ་ཕེབས་ནས་འབྲས་སྤུངས་སྒོ་མང་ཟུང་ཇུ་ཁང་ཚན་དུ་ཆོས་ཞུགས་མཛད། ཁྲི་ཆེན་རིན་པོ་ཆེ་འདི་ཉིད་འབྲས་སྤུངས་སུ་སློབ་གཉེར་མཛད་པའི་སྐབས་བསྙུན་གཞི་དྲག་པོ་ཞིག་བྱུང་ཏེ། ནུབ་གཅིག་མནལ་ལམ་དང་མངོན་སུམ་འདྲེས་པའི་སྣང་བ་ལ། བུད་མེད་ཤིན་ཏུ་འཇིགས་སུ་རུང་བ་ཞིག་གིས་རྗེ་འདི་ཉིད་དེ་གའི་ཐད་ཀྱི་བར་སྣང་ལ་ཁྱེར་ནས་སྲོག་དང་བྲལ་བར་བྱེད་ཟེར་བས་ཐུགས་ཤིན་ཏུ་འཇིགས་ཤིང་སྐྲག་ནས། ད་རེས་ལན་ཅིག་སྲོག་ལས་ཐར་བར་མཛོད་ཅེས་ནན་གྱིས་གསུངས་པས། བུད་མེད་དེས། འོ་ན། ཆོས་གཤའ་མ་ཞིག་གྱིས་ལ། ཉིན་རེར་རྡོ་རྗེ་འཇིགས་བྱེད་ཀྱི་བདག་འཇུག་ཚར་རེ་མ་ཆག་པ་བྱེད་ཨེ་ནུས་ཟེར་བས། དེ་ལྟར་བྱེད་རྒྱུར་ཁས་བླངས་མཛད་པས། བུད་མེད་དེས་རང་གནས་སུ་བཞག་པའི་སྣང་བ་བྱུང་ཏེ། དེ་ནས་བསྙྙུན་ལས་རིམ་གྱིས་གྲོལ། འཇིག་རྟེན་ཆོས་བརྒྱད་ཀྱི་སྤྲོས་པ་མཐའ་དག་སྒོ་ཐམས་ཅད་ནས་ཐམས་ཅད་དུ་རྒྱང་བསྲིངས་ཏེ། ཐོས་བསམ་སྒོམ་པ་འབའ་ཞིག་གིས་དུས་འདའ་བར་མཛད། རྗེས་སུ་བུད་མེད་དེ། འབྲས་སྤུངས་ཀྱི་སྲུང་མ་ལྷ་མོ་རྡོ་རྗེ་གྲགས་རྒྱལ་མས་ཆོས་ལ་བསྐུུལ་བའི་དོན་དུ་ཆོ་འཕྲུལ་བསྟན་པར་མཁྱེན་ནས། ལྷ་མོ་འདི་ཆོས་ལྡན་ཚུལ་བཞིན་སྐྱོང་བའི་སྲུང་མ་ཁྱད་པར་ཅན་ཡིན་པ་དང༌། ཁྲི་ཆེན་འདི་ཉིད་ཀྱི་འཕྲིན་ལས་རྒྱ་ཆེན་པོ་སྒྲུབ་པའི་སྲུང་མ་ཡིན་ཞེས་གསུངས། ལྷ་ལྡན་སྨོན་ལམ་ཆེན་པོའི་སྐབས་རབ་འབྱམས་སྨྲ་བའི་གྲྭ་སྐོར་ལེགས་གྲུབ་བྱུང་སྟེ། དགེ་བཤེས་ལྷ་རམས་པའི་མཚན་བཏགས་བཞེས། དེ་ནས་རྒྱུད་སྟོད་གྲྭ་ཚང་དུ་ཞུགས་ནས་བརྒྱུད་སྡེ་བཞིའི་གཞུང་ལུགས་ལ་གཞན་དྲིང་མི་འཇོག་པའི་མཁས་པར་བསླབས་པ་དང་ཆབས་ཅིག་ཁྲི་ཆེན་བྱང་ཆུབ་ཆོས་འཕེལ་སོགས་སྐྱེ་ཆེན་དམ་པ་དུ་མའི་དྲུང་ནས་མདོ་སྔགས་ཀྱི་ཆོས་རྒྱུན་མཐའ་ཡས་པ་གསན་བཞེས་མཛད། རབ་བྱུང་བཅུ་བཞི་པའི་ལྕགས་ཕོ་ཁྱི་༡༨༥༠ལོར་རྒྱལ་མཆོག་སྐུུ་ཕྲེང་བཅུ་གཅིག་པ་མཁས་གྲུབ་རྒྱ་མཚོའི་མཚན་ཞབས་མཛད། དེའི་རྗེས་མེ་སྦྲུལ་༡༨༥༧ལོར་རྒྱལ་མཆོག་སྐུུ་ཕྲེང་བཅུ་གཉིས་པ་འཕྲིན་ལས་རྒྱ་མཚོའི་འོས་སྤྲུལ་ཞིབ་འཇུག་སླད། འོལ་དགའ་དང༌། ཟངས་རི། དྭགས་པོ་སོགས་སུ་ཕེབས། རབ་བྱུང་བཅུ་བཞི་པའི་ལྕགས་སྤྲེལ་༡༨༦༠ལོར་རྒྱུད་སྟོད་བླ་མ་དབུ་མཛད་ཀྱི་ཁྲིར་ཕེབས་ཤིང༌། མི་རིང་བར་མཁན་པོ་ཡང་མཛད་དེ་རྒྱུད་ཀྱི་མཆད་ཉན་རྒྱ་ཆེར་སྤེལ། རབ་བྱུང་བཅོ་ལྔ་པའི་ལྕགས་ལུག་༡༨༧༡ལོར་ཤར་རྩེ་ཆོས་རྗེའི་ཁྲི་དང༌། རབ་བྱུང་བཅོ་ལྔ་པའི་མེ་བྱི་༡༨༧༦ལོར་དགའ་ལྡན་གྱི་ཁྲིར་ཕེབས་ནས་ཁྲི་ལོ་ལྔའི་རིང་བསྐྱངས། གཞུང་གི་བཀའ་བཞིན་ཁྲ་འབྲུག་ཞིག་གསོས་ལ་བཏང་བར་ལེགས་གྲུབ་མཛད། རྣམ་ཐར་ངོ་མཚར་གཏམ་གྱི་སྙྙེ་མར། ྋཁྲི་ཆེན་འདི་ཉིད་ཀྱིས་གྲུབ་དབང་ཀློང་རྡོལ་བླ་མ་རིན་པོ་ཆེའི་ཞབས་ལ་གཏུགས། ཀློང་རྡོལ་བླ་མ་རིན་པོ་ཆེའི་ཕྱིའི་མཛད་ཚུལ་ནི། ཅུད་ཟད་ཐུགས་གཏུམ་པའི་རྣམ་པ་དང༌། ལྷག་པར་གསང་བ་སྙྙན་བརྒྱུད་ཀྱི་དབང་བཀའ་མན་ངག་གནང་རྒྱུ་ལ་དམ་དྭོགས་གཅེས་སྤྲས་མཛད་ནས། སུ་ལའང་གང་བྱུང་དུ་མི་གནང་ཡང༌། ཟུང་ཆུ་ངག་དབང་ནོར་བུ་ཆོས་ཞུ་བར་བཅར་འདུག་ཞུས་ན། སྐུུ་མཚམས་དམ་པོའི་སྐབས་སུ་ཡང༌། དབང་བཀའ་འདོད་ཆོས་སོགས་དགྱེས་བཞིན་སྩལ་ནས་སློབ་མའི་མཆོག་ཏུ་རྗེས་སུ་བཟུང་བར་མཛད་ཅེས་ཀྱང་གསུངས་མོད། ལོ་ཚིགས་ལ་བསམ་ན་འཐད་པ་དཀའ་བ་སྙྙམ། གསེར་སྐོང་རྡོ་རྗེ་འཆང་སྐུ་འཁྲུངས་པ་དང་ཡབ་ཡུམ་གཉིས་ཀྱིས་ཁྲི་ཆེན་འདིའི་དྲུང་དུ་ཁྱེར་བར་མཚན་ལ་ཁྱེའུ་ཡེ་ཤེས་དཔལ་འབར་ཞེས་མཚན་གནང༌། རིང་པོར་མ་ལོན་པ་ན་བསྙྙུན་གཞི་དྲག་པོ་ཞིག་གིས་བཏབ་སྟེ། ཅི་བྱ་གཏོལ་མེད་དུ་གྱུར་ལ་ཉེ་བའི་སྐབས་སུ། རྗེ་འདི་ཉིད་དང་སྐུུའི་ཕྲེང་བ་མང་པོ་ནས་ཡོངས་སུ་འབྲེལ་བའི་རིགས་ཀྱི་ཅོད་པཎ་མཆོག་ཏུ་གྱུར་པ། གྲུབ་ཆེན་ས་ར་ཧའི་སྤྲུལ་པར་གྲགས་པ་ཟུང་ཆུ་ཁྲི་ཆེན་ངག་དབང་ནོར་བུ་འདི་ཉིད་གདན་དྲངས་པས། ཁྲི་ཆེན་དེ་ཉིད་གཞོན་ནུ་གསར་པའི་ཁྱིམ་དུ་བྱོན་སྐབས། བྱིས་པ་དེ་ཕལ་ཆེར་དབུགས་ཀྱི་རྒྱུ་བ་ཆད་པ་ལྟ་བུར་གྱུར་ཟིན་པ་ལ། ཁྲི་ཆེན་རིན་པོ་ཆེས་དགུག་གཞུག་བཅིང་སྨྱོས་ཀྱི་ཕྱག་རྒྱ་དང༌། དབང་བྱིན་རླབས་དང་བཅས་པ་མཛད་པས། ཁྱེའུ་ཡེ་ཤེས་དཔལ་འབར་དྲན་པ་སླར་རྙེད་ནས་ནད་གཞི་ལས་གྲོལ་ཏེ། ཡབ་ཡུམ་ལ་སོགས་པ་དགའ་སྤྲོ་དཔག་ཏུ་མེད་པ་ཐོབ་བོ། །ཞེས་འབྱུང་བ་ལ་དཔགས་ན་རྗེ་འདི་ཉིད་གྲུབ་པའི་གོ་འཕང་མཐོན་པོར་གཤེགས་པར་གསལ། སྐབས་ཤིག་ལྷ་ལྡན་དུ་ཁྲི་ཆེན་ངག་དབང་ནོར་བུའི་ཞལ་སྔ་ནས་ཀྱིས་དགའ་ལྡན་གསེར་ཀོང་རྡོ་རྗེ་འཆང་གཅིག་པུར་དཔལ་གསང་བ་འདུས་པ་འཕགས་ལུགས་ལྷ་སུམ་ཅུ་སོ་གཉིས་པའི་དཀྱིལ་འཁོར་དུ་དབང་བཞི་ཟབ་མོ་ནོས་ཏེ་རྒྱུད་སྨིན་པར་མཛད་པའི་ཚེ། གཟིམ་ཤག་དེ་ཉིད་དཔལ་གསང་བ་འདུས་པའི་གཞལ་ཡས་ཁང་གྲུ་བཞི་སྒོ་བཞི་རྒྱན་རྟ་བབས་དང་བཅས་པ་དངོས་སུ་གྱུར་ཅིང༌། ཁྲི་ཆེན་རིན་པོ་ཆེ་འདི་ཉིད་ཀྱང་དཔལ་གསང་བ་འདུས་པ་དངོས་སུ་གྱུར་པ་དང༌། དཀྱིལ་འཁོར་གྱི་སྒོ་བཞིར་དངོས་སུ་འགྲོ་འོང་གི་བྱ་བ་མཛད་པ་སོགས་ཀྱི་དག་པའི་སྣང་རྒྱུན་རིང་པོའི་བར་དུ་བྱུང༌། དེ་རྗེས་ཤིག་དགའ་ལྡན་ཁྲི་ཐོག་ཁང་དུ། གསེར་ཀོང་རྡོ་རྗེ་འཆང་སོགས་སློབ་མ་ཁག་གཅིག་ལ་ཁྲི་ཆེན་འདི་ཉིད་ཀྱིས་སྤྱིར་གསང་སྔགས་རྒྱུད་སྡེ་ཆེན་པོ་བཞི་དང༌། དེའི་ནང་ནས་ཀྱང་རྣལ་འབྱོར་བླ་མེད་ཀྱི་རྒྱུད་གསང་བདེ་འཇིགས་གསུམ། དཔལ་དུས་ཀྱི་འཁོར་ལོ། ཡི་དམ་དགྱེས་པ་རྡོ་རྗེ་སོགས་ཀྱི་དབང་ལུང་མང་པོ་ཞིག་དང༌། ལྷག་པར་དུ་གསང་བ་འདུས་པའི་རྫོགས་རིམ་ཟབ་ལམ་རིམ་པ་ལྔ། དཔལ་འཁོར་ལོ་སྡོམ་པའི་རྫོགས་རིམ་རིམ་པ་ལྔ། དཔལ་རྡོ་རྗེ་འཇིགས་བྱེད་ཀྱི་རྫོགས་རིམ་རྣལ་འབྱོར་རྣམ་པ་བཞི། བཅོམ་ལྡན་འདས་དཔལ་དུས་ཀྱི་འཁོར་ལོའི་རྫོགས་རིམ་སྦྱོར་བ་ཡན་ལག་དྲུག་ལ་སོགས་པའི་ཟབ་ཆོས་མཐའ་ཡས་པ་དང༌། དེའི་ནང་ནས་ཀྱང་ཁྱད་པར་དུ་རྩ་རླུང་གི་གནད། ལུས་ཀྱི་གནད། སེམས་ཀྱི་གནད། གེགས་སེལ་འཕྲུལ་འཁོར་ལག་ལེན་དང་བཅས་པ་ལ་སོགས་པ་སྙན་བརྒྱུད་ཀྱི་མན་ངག་རྒྱ་ཆེར་གནང་ཞིང༌། དེ་དག་གི་མཇུག་བཏང་རག་གི་ཚུལ་དུ་དཔལ་གསང་བ་འདུས་པའི་སྒོ་ནས་ཚོགས་ཀྱི་འཁོར་ལོ་རྒྱ་ཆེན་པོ་བཤམས་ཏེ་འབུལ་བའི་སྐབས་སུ། སློབ་མ་ཚོས་གསང་བ་འདུས་པའི་ལྷ་སུམ་ཅུ་སོ་གཉིས་དངོས་སུ་བྱོན་པ་དང༌། དེ་རྣམས་ལ་བཞུགས་གདན་གཏིང་བ་དང༌། ཚོགས་སྐལ་འབུལ་བར་མཛད་པ་དངོས་སུ་མཐོང་བ་སོགས་གསང་བ་བསམ་གྱིས་མི་ཁྱབ་པའི་རྣམ་ཐར་དུ་མ་མཆིས། དེ་རྗེས་དགའ་ལྡན་གསེར་ཀོང་རྡོ་རྗེ་འཆང་གིས་དགའ་ལྡན་ཁྲི་ཆེན་རིན་པོ་ཆེ་ངག་དབང་ནོར་བུའི་དྲུང་ནས་དཔལ་འཁོར་ལོ་སྡོམ་པ་བདེ་མཆོག་གི་སྐོར་ལ་གྲུབ་ཆེན་ལཱུ་ཨི་པའི་ལུགས་ཀྱི་དབང་ལུང་ཟབ་ཁྲིད་མན་ངག་གི་རྒྱུན་དང༌། དེ་བཞིན་དུ་གྲུབ་ཆེན་དྲིལ་བུ་པའི་ལུགས་ཀྱི་བདེ་མཆོག་ལྷ་ལྔ་དང༌། ཐུན་མོང་མ་ཡིན་པ་གྲུབ་ཆེན་དྲིལ་བུ་པའི་ལུགས་ཀྱི་ལུས་དཀྱིལ་གྱི་དབང་ལུང་ཟབ་ཁྲིད་ཞལ་ཤེས་མན་ངག་དང་བཅས་པ་ཐུགས་བརྩེ་ཆེན་པོས་སྩོལ་བར་གསོལ་བ་འདེབས་པའི་ཚེ་ཁྲི་ཆེན་འདིའི་ཞལ་ནས། འདིའི་ཆོས་སྐོར་ཆ་ལག་དང་བཅ་སཔ་ཡོངས་སུ་རྫོགས་པར་མངའ་བ་དགེ་བའི་བཤེས་གཉེན་ཆེན་པོ་ཐུབ་བསྟན་སྙིང་རྗེ་ཞེས་པ། ཨ་མདོ་གསེར་ཁང་རིན་པོ་ཆེའི་སྙན་བརྒྱུད་ཀྱི་ཞལ་ཆབ་དྲོན་མོ་འཛིན་པ་ཞིག་ད་ལྟ་སྒར་པ་རི་ཁྲོད་དུ་བཞུགས་ཡོད་ཅིང༌། དེ་དང་ཁྱོད་གཉིས་ཚེ་རབས་སྔོན་གྱི་ལས་འབྲེལ་ཡང་མཆིས་པས་དེར་སོང་ལ་ཞུས་ཤིག་ཅེས་ལུང་བསྟན་པའི་སྒོ་ནས་དབུག་དབྱུང་བར་མཛད་པས། དེའི་མཚན་ཐོས་པ་ཙམ་གྱིས་དགའ་དད་འགྲན་པ་བཞིན་དུ་འཕེལ་ཞིང༌། དེ་གའི་ངང་ནས་འཕྲལ་མར་དགའ་ལྡན་ནས་ཐོན་ཏེ་སྒར་པའི་ཕྱོགས་སུ་ཕེབས། དེར་སྐྱིད་ཆུ་ལས་སྒྲོལ་འདོན་བྱེད་པའི་ཀོ་མཁན་མཉན་པ་མེད་སྟབས་ཆུའི་ནང་ནས་ཚམ་ཚོམ་མེད་པར་ཕ་རོལ་དུ་བརྒལ་ཏེ་བྱོན་པ་ན་སྐྱིད་ཆུས་འཁྱེར་ལ་ཁད་བྱུང་བའི་ཚེ། དགེ་བའི་བཤེས་གཉེན་ཆེན་པོ་ཐུབ་བསྟན་སྙིང་རྗེ་དཔལ་བཟང་པོ་དེ་ཉིད་ཀྱིས་སྒྲིབ་བྲལ་གཟིགས་པ་དག་པའི་ཡེ་ཤེས་ཀྱིས་མཁྱེན་ཏེ་ཕེབས་བསུ་དང་ཆབས་གཅིག་ལྟ་བུར་ཡུད་ཙམ་ཞིག་ལ་ཆུ་ཁར་ཕེབས་ཏེ། དཔལ་ལྡན་བླ་མ་འདི་ཉིད་ཀྱི་སྐུ་ལུས་ནས་བཟུང་ཏེ་ཆུང་སྒྲོལ་བའི་གྲོགས་མཛད་པ་དང༌། སྐྱིད་ཆུ་ཁར་མཇལ་བའི་ཚེ། དགེ་བའི་བཤེས་གཉེན་ཆེན་པོ་འདི་ཉིད་དཔལ་ལྡན་འཁོར་ལོ་སྡོམ་པར་དངོས་སུ་མཇལ་བ་དང༌། དགེ་བའི་བཤེས་གཉེན་རིན་པོ་ཆེས་ཀྱང་ཚུར་བླ་མ་དམ་པ་འདི་ཉིད་དཔལ་འཇིགས་མཛད་རྡོ་རྗེར་གཟིགས་པའི་གཟིགས་སྣང་ཁྱད་པར་ཅན་བླ་སློབ་གཉིས་ཀར་ཕན་ཚུན་ཞག་བདུན་གྱིས་དུ་བྱུང་ཚུལ་ཡང་གསེར་ཀོང་རྣམ་ཐར་དུ་གསལ། བདག་ཉིད་ཆེན་པོ་གསེར་ཀོང་རྡོ་རྗེ་འཆང་གིས་ཀྱང་རང་གི་ལུས་ལོངས་སྤྱོད་དུས་གསུམ་ཚོགས་དང་བཅས་པ་བླ་མའི་ཕྱོགས་སུ་ཕངས་པ་མེད་པར་བཏང་བར་མཛད་དེ་སླར་ཡང་འབྲས་སྤུངས་དང་ལྷ་ས་རིགས་པར་ཁྲི་ཆེན་རིན་པོ་ཆེའི་དྲུང་ནས་བསླབ་བྱ་དང༌། སྙན་བརྒྱུད་ཀྱི་དབང་ལུང་མན་ངག་དང་བཅས་པ། ལྷག་བམ་ལུས་པ་ཞལ་ནས་ཞལ་དང༌། སྙན་ནས་སྙན། ཐུགས་ནས་ཐུགས་སུ་བརྒྱུད་པ། སྡིག་ཅན་བཙན་ཐབས་སུ་སངས་རྒྱ་བའི་གདམས་པ། རབ་ཚེ་འདི། འབྲིང་བར་དོ། ཐ་མ་སྐྱེ་བ་བདུན་དང་བཅུ་དྲུག་ཚུན་ཆད་དུ་ཟུང་འཇུག་གི་ཁོ་འཕང་འགྲུབ་པའི་གདམས་པ་ཟབ་ཅིང་རྒྱ་ཆེ་བ་རྒྱལ་བ་རྡོ་རྗེ་འཆང་གིས་གསུང༌། སྡུད་པ་པོ་ཕྱག་རྡོར་སོགས་ཀྱིས་བསྡུས། འཕགས་པའི་ས་མཐོན་པོར་གནས་པའི་རྒྱལ་སྲས་བྱང་ཆུབ་སེམས་དཔལ་རྣམས་ཀྱིས་བཀྲལ། ཉམས་སུ་བླངས་པས་རྒྱུད་གྲོལ་བའི་གྲུབ་ཐོབ་ཟམ་མི་ཆད་པ། བྱིན་རླབས་ཀྱིན་བུན་མ་ཡལ་བ། མཁའ་འགྲོའི་ཁ་རླངས་འཐུལ་བའི་ཟབ་ཆོས་མཐའ་དག་རྫོགས་པར་གསན། ཚུལ་འདི་དག་ཁྲི་ཆེན་རིན་པོ་ཆེ་འདི་ཉིད་ཀྱིས་མཛད་པའི་བསྟན་བཅོས་དང༌། བསླབ་བྱ་རྣམས་ཀྱི་འཇུག་ཏུ། རང་གི་སློབ་བུ་དམ་ཚིག་གཙང་མའི་མཆོག་ཏུ་གྱུར་པ་སྤྲུལ་སྐུ་ངག་དབང་ཚུལ་ཁྲིམས་ལ་གདམས་ཞེས་གསུངས་པ་འདིས་གོ་བར་ནུས་སོ། དེ་རྗེས་གསེར་ཀོང་རྡོ་རྗེ་འཆང་གིས་ཁྲི་ཆེན་རིན་པོ་ཆེའི་བཀའ་བཞིན། དགེ་ཚུལ་སློང་གི་སོ་ཐར་སྡོམ་པའི་བསླབ་པ་རྣམས་འདུལ་བའི་ཆོ་ག་བཞིན་འབུལ་བར་མཛད་ཅིང༌། དགེ་བསྙེན་གྱི་སྡོམ་པ་ལ་གནས་པར་མཛད་དེ། ལྷ་ལྡན་སྦྲ་ནག་ཞོལ་དུ་ཡོད་པའི་སྐལ་བཟང་སྒྲོལ་མ་ལགས་ཞེས་པ་རིག་མར་བསྟེན། འདི་ནི་ཌ་ཀིའི་མཚན་དང་ལྡན་པ་ཞིག་ཏུ་རྒྱུན་པར་འཇིགས་བྱེད་བདག་བསྐྱེད་ཞལ་འདོན་མཛད་པ་དང༌། དྲུག་ཅུ་མ་ཆད་མེད་འབུལ་བར་མ་ཟད། རྗེའི་གསུང་ལམ་རིམ་འབྲིང་པོ་བློ་ཐོག་ནས་འཐོན་པར་ཞིག་ཡིན་པར་སྣང༌། དེའི་ཚེ་རིག་མ་བཞེས་པས་སང་ཉིན་དེར་ཁྲི་ཆེན་རིན་པོ་ཆེས་རྗེ་འདི་ཉིད་གཟིམ་ཤག་ཏུ་བཞུགས་ཁྲི་མཐོན་པོ་ཞིག་བཤམས་པའི་སྟེང་བཞུགས་སུ་བཅུག་ནས་གསང་ཆེན་བསྟན་པའི་བདག་པོར་མངའ་གསོལ་བའི་རྟེན་འབྲེལ་དུ། གྲོ་མ་མར་ཁུ་དང་འབྲས་བསིལ་བཏེགས་པ་སོགས་དཀར་སྤྲོ་མཛད་པ་དང༌། ཁྲི་ཆེན་རིན་པོ་ཆེ་ཉིད་ཀྱི་པཎ་ཞྭ་སྣེ་རིང་ཞིག་ཀྱང་གནང་སྟེ། གསུང་གི་ཐ་ཚིག་ཏུ། ད་ནི་ཆོས་བདག་པོ་ལ་འཕྲོད་པ་ཡིན་པས་ང་རྒད་པོ་ཤི་རུང་བློ་བདེ་བ་ཡིན། འཇམ་མགོན་རྒྱལ་བའི་བསྟན་པ་འཛིན་སྐྱོང་སྤེལ་བ་ལ་སྙིང་སྟོབས་ཀྱི་གོ་ཆ་བསྐྱེད་དགོས་ཤིང༌། དེ་ལའང་ཐོག་མར་སྒྲུབ་པ་ལ་སྙིང་རུས་ནན་ཏན་བྱེད་དགོས་ཞེས་སོགས་ཀྱི་བསླབ་བྱ་མང་དུ་མཛད་ཅིང༌། མདོ་སྔགས་ཡོངས་སུ་རྫོགས་པ་འཇམ་མགོན་སྙན་བརྒྱུད་ཀྱི་བསྟན་པའི་བདག་པོར་བའང་གསོལ་བའི་ཤིས་བརྗོད་ཀྱི་མེ་ཏོག་འཐོར་བར་མཛད་དེ་བསྟན་པའི་བདག་པོར་མངའ་གསོལ། ཡང༌། འབྲོག་རི་བོ་ཆེ་དགའ་ལྡན་རྣམ་པར་རྒྱལ་བའི་གླིང་དུ། ཁྲི་ཆེན་རིན་པོ་ཆེ་ངག་དབང་ནོར་བུ་དང་དགའ་ལྡན་གསེར་ཀོང་རྡོ་རྗེ་འཆང་ལྷན་དུ། ཁྲི་ཐོག་ཁང་གི་ཉེ་འགྲམ་ཞིག་བརྒྱུད་དེ་རི་བོ་ཀུན་བཟང་ཞེས་པའི་གནས་སུ་ཕེབས་ཤིང༌། གནས་དེར་འཇམ་དཔལ་གཤིན་རྗེ་གཤེད་རྡོ་རྗེ་འཇིགས་བྱེད་དང་དངོས་སུ་འཇལ་ཏེ་དེའི་དྲུང་ནས་དབང་བཞི་ཟབ་མོ་ནོད་པར་མཛད་པ་དང༌། ཡང་དེར་རྗེ་བླ་མ་ཙོང་ཁ་པ་ཆེན་པོ་དངོས་སུ་མཇལ་ཏེ་དེའི་དྲུང་ནས་ཀྱང་དབང་བཞི་ནོད་ཅིང༌། བགེགས་གཏོར་གཏོང་བར་མཛད་པའི་སྐབས་ཀྱི་ཡུངས་དཀར་འགའ་ཤས་བྱིན་རླབས་ཀྱི་ཚུལ་དུ་ཞལ་ལ་བཞེས་པར་མཛད་པ་དང༌། གནས་དེ་ནས་ལྷ་མོ་སྭ་ར་ཝ་སྟི་བཞུགས་པའི་གནས་གཟིགས་པ་དང༌། འཕགས་པ་འཇམ་དབྱངས་ཀྱི་ཞིང་དུ་ཕེབས་པ་སོགས་ཆེས་ཇོ་མཚར་བའི་རྣམ་ཐར་ཐུན་མོང་མ་ཡིན་པ་མང་དུ་བཞུགས་པ་ཡིན་ལ། རི་བོ་ཀུན་བཟང་དུ་བྱོན་པའི་རྣམ་ཐར་གྱི་བཀོད་པ་རི་མོའི་ལམ་དུ་སྤེལ་བའི་ཐང་རིས་ཀྱང་ཕྱིས་སུ་གཟིམས་ཤག་ནང༌། ལྷོ་པ་རྒྱལ་སྲས་རིན་པོ་ཆེའི་གཟིམས་ཤག་ཏུ་བཞུགས་ཡོད་འདུག། སྐབས་ཤིག་ཁྲི་ཆེན་ངག་དབང་ནོར་བུ་འདི་ཉིད་སྐུ་གཟུགས་འཁྲུ་ནད་ཀྱིས་བསྙུན་ཚུལ་བཞེས་ཏེ་བཞུགས་གདན་ནས་ཆབ་ཁང་བར་གྱི་ཕེབས་ལམ་དུ་འཁྲུ་བའི་ཚུལ་མཛད་པའི་ཚེ་ཆབ་ཆེན་ཡང་སྐྱུགས་བྲོའི་སྣང་བ་ཏིལ་འབྲུ་མེད་པར་ཕྱག་གཉིས་ཀྱིས་བྱབས་ནས་གཙང་བར་མཛད་ཅིང་ཞལ་དུ་གསོལ་བ་སོགས་ཉིན་མཚན་མེད་པར་བསྙུན་གཡོག་སྲི་ཞུ་བ་གཞན་སུས་ཀྱང་ཟླར་མི་བཟོད་པ་གནང་བས། བྱིན་རླབས་འཇུག་ཚབས་ཆེ་བ་དང༌། སྡིག་སྒྲིབ་འདག་ཚབས་ཆེ་བའི་རྟགས་མཚན་མངོན་དུ་གྱུར་ཏེ་ཉམས་རྟོགས་རྨད་དུ་བྱུང་བ་འཁྲུངས་པའི་རྐྱེན་ཕུན་སུམ་ཚོགས་པར་གྱུར། དེ་དག་ལ་བརྟེན་ནས་ཁྲི་ཆེན་རིན་པོ་ཆེའི་ཞབས་གྲས་འགའ་ཞིག་གིས་བླ་མ་ཆུང་ཆུང་སྨྱོན་པ་ལྟ་བུ་གཙང་གཙོག་དང་བྲལ་བ་འདི་འདྲ་སྐྱུག་བྲོ་བ། ཞེས་བརྙས་ཤིང་སྨོན་པར་གྱུར་པའང་བྱུང་འདུག།

ཆུ་བྱི་ལོར་མདོ་སྔགས་ཀྱི་ཆོས་འཁོར་རྒྱ་ཆེར་བསྐོར་བཞིན་མཐར་ལྕགས་འབྲུག་༡༨༨༠ལོར་སྐུུ་གཤེགས། བཤད་སྒྲོས་སུ་གཙང་ནས་པཎ་ཆེན་བསྟན་པའི་དབང་ཕྱུག་གཤེགས་པར་ཐོབ་མ་ཐོབ་ཇི་ལྟར་རུང་པཎ་ཆེན་ཡང་སྲིད་དུ་འཚང་གི་ཡིན་གསུངས་ནས་ཆུ་རྟ་༡༨༨༢ལོར་སྐུུ་འདས་པའང་བཤད། དེའི་སྐུུ་ཕྲེང་གཉིས་ངག་དབང་བློ་བཟང་ཐུབ་བསྟན་ཉི་མ། སྐུུ་ཕྲེང་གསུམ་པ་བསྐལ་བཟང་ཐུབ་བསྟན་དབང་ཕྱུག་བཅས་བྱོན་པར་སྣང་ངོ༌། །ཁྲི་ཆེན་འདིའི་རྣམ་ཐར་རྗེ་བཙུན་ཁྲི་ཆེན་ངག་དབང་ནོར་བུའི་རྣམ་ཐར་སྲིད་ཞིའི་ལེགས་ཚོགས་གཏེར་མཛོད། དབྱངས་ཅན་དགྱེས་རོལ་རྡོ་རྗེས་མཛད་པ་དཔེ་རིང་བྲིས་མ་ཤོག་གྲངས་སོ་དྲུག་ཡོད་པ་ཞིག་བླ་བྲང་བཀྲ་ཤིས་འཁྱིལ་གྱི་དཔེ་མཛོད་ཁང་ནང་བཞུགས་ཞེས་དུང་དཀར་ཚིག་མཛོད་དུ་གསལ།


དགའ་ལྡན་ཁྲི་ཐོག་གྱ་གཉིས་པ་རྒྱལ་རོང་ཡེ་ཤེས་ཆོས་འཕེལ་ནི། ཁམས་རྒྱལ་རོང་དུ་འཁྲུངས་པར་བཤད་ཅིང༌། ལྔ་མཆོད་དགོན་པའི་ལོ་རྒྱུས་སུ་མདོ་སྨད་རབ་སྒང་དར་མདོར་ཡབ་རྡོ་རྗེ་དགྲ་འདུལ་དང༌། ཡུམ་ཡེ་ཤེས་སྒྲོལ་མ་གཉིས་ཀྱི་སྲས་སུ་སྐུ་འཁྲུངས། སྐུ་ན་ཆུང་དུས་ནས་དར་མདོ་ལྔ་མཆོད་དགོན་པར་ཆོས་ཞུགས་ཐོག་རབ་ཏུ་བྱུང་སྟེ་ཡེ་གེ་འབྲི་ཀློག་སོགས་ལ་བསླབས་ཞེས་འཁོད། དགུང་ལོ་བཅུ་དྲུག་ལྔ་མཆོད་དགོན་པའི་ལོ་རྒྱུས་ནང་དགུང་ལོ་བཅུ་གསུམ་ཞེས་འཁོད་འདུག༦༡པར་དར་རྩེ་མདོ་བའི་ཚོང་འགྲུལ་འགའ་ཞིག་དང་མཉམ་དུ་དབུས་འགྱུར་ཆོས་ཀྱི་ཞིང་སར་བཏེགས། ར་ས་འཕྲུལ་སྣང་སོགས་དབུས་ཀྱི་རྟེན་གཙོ་ཁག་ལ་མཆོད་མཇལ་དང་མདོ་རྒྱུད་གཞུང་ལུགས་ལ་ཐོས་བསམ་སྒོམ་པ་མཐར་ཕྱིན་ནས་བསྟན་དང་འགྲོ་ལ་ཕན་པ་རླབས་པོ་ཆེ་སྒྲུབ་ཐུབ་པའི་ཐུགས་སྨོན་དྲག་པོས་མཚམས་སྦྱོར་གནང༌། གདན་ས་ཆེན་པོ་དཔལ་ལྡན་འབྲས་སྤུངས་བློ་གསལ་གླིང་གི་ཆོས་སྒོར་ཞུགས། དགའ་ལྡན་ཁྲི་ཆེན་བློ་བཟང་འཇམ་དབྱངས་དམ་ཆོས་དང༌། བློ་གླིང་མཁན་པོ་མཁྱེན་རབ་བསྟན་འཛིན་ལྷུན་གྲུབ་སོགས་ལ་བཏུགས་ནས། སྟག་ཚང་རྭ་བ་སྟོད་པའི་བསྡུས་གྲྭ་དང༌། དྲུང་ཆེན་ལེགས་བཟང་བའི་བློ་རིག། དགེ་བཤེས་ཚུལ་ཁྲིམས་རྣམ་རྒྱལ་གྱི་རྟགས་རིགས་སོགས་ལ་བསླབས་རྗེས། རྣམ་འགྲེལ་དང༌། དབུ་ཕར། འདུལ་མཛོད་གྱི་གཞུང་ལུགས་ཆེན་པོ་པོད་ལྔར་རྩོད་སྒྲུབ་རིགས་པའི་ལམ་ནས་གཞན་དྲིང་མེད་པའི་མཁས་པར་བསླབས། དགུང་ལོ་སོ་གཉིས་ཡན་མན་དུ་ལྷ་ལྡན་སྨོན་ལམ་ཆེན་མོའི་སྐབས་གཞུང་ཆེན་པོད་ལྔའི་གྲྭ་སྐོར་མཛད་པས་མཁས་པའི་མཚན་སྙྙན་བླ་ན་འབར། ལོ་དེར་གྲུབ་རིག་བྱེ་བའི་འབྱུང་གནས་དཔལ་ལྡན་སྨད་རྒྱུད་གྲྭ་ཚང་གི་ཆོས་སྒོར་ཞུགས་ནས་རྗེ་ཤེས་རབ་སེང་གེའི་རྒྱུད་ྜྲིཀ་དང༌། རྗེ་ཡབ་སྲས་ཀྱི་ལེགས་བཤད་ལ་བརྟེན་ནས་རྒྱུད་སྡེ་བཞིའི་གཞུང་ལུགས་ལ་གཞན་དྲིང་མེད་པའི་མཁས་པར་བསླབས་ནས་ངེས་དོན་གྱི་མདོ་སྔགས་རབ་འབྱམས་སྨྲ་བའི་བཤེས་གཉེན་ཆེན་པོར་གྱུར། སྡེ་དྲུག་མཁྱེན་རབ་དབང་ཕྱུག་དང༌། པཎ་ཆེན་བསྟན་པའི་ཉི་མ། ནགས་ཤོད་སྟག་ཕུ་རིན་པོ་ཆེ། ཡོངས་འཛིན་ཕུར་ལྕོག་པ། ཀུན་བདེ་གླིང་ངག་དབང་དཔལ་ལྡན་ཡེ་ཤེས་སོགས་སྐྱེས་ཆེན་དམ་པ་དུ་མའི་དྲུང་ནས། མདོ་སྔགས་ཀྱི་བཀའ་ལུང་མན་ངག་རྒྱ་ཆེར་ཞུས། དེ་ནས་རྒྱུད་འདེབས་ལས། ཤེས་བྱའི་སྒྱུ་འཕྲུལ་གར་གྱི་རྣམ་རོལ་ལས།། ཡེ་ཤེས་ཐུགས་ཀྱི་ཕོ་ཉ་ས་གསུམ་གྱི།། ལུང་རྟོགས་ཆོས་ཀུན་འཕེལ་མཛད་ཅི་ཡང་འཆར།། ཡོངས་འཛིན་རྗེ་བཙུན་བླ་མར་གསོལ་བ་འདེབས།། ཞེས་འབྱུང་བ་ལྟར། རྒྱུད་སྨད་བླ་མ་དང་མཁན་ཁྲི་རིམ་པར་ཕེབས་ཏེ་རྒྱུད་ཀྱི་འཆད་མཉན་རྒྱ་ཆེར་སྤེལ། མཁན་པོ་ལོ་དུས་ཚང་ནས་བྱང་རྩེ་རྒྱུད་རབ་བྱུང་བཅོ་ལྔ་པའི་ལྕགས་འབྲུག་༡༨༨༠ལོར་དགའ་ལྡན་གསེར་ཁྲིར་ཞབས་སོར་འཁོད་ནས། གདན་གསུམ་མཁས་མང་ནམ་མཁའི་སྐུར་ཚོགས་དང་དད་ལྡན་ས་ཡི་རྩི་ཐོག་ལྟར་ཚོགས་པའི་ལྷ་ལྡན་སྨོན་ལམ་ཆེན་མོའི་ཚོགས་དབུར་ཕེབས་ཏེ་མཛད་བརྒྱ་དཔག་བསམ་འཁྲི་ཤིང་དང༌། སྐྱེས་རབས་སོ་བཞི་པའི་བཀའ་ཆོས་འཆད་པ་དང༌། བྲག་དཀར་པཎྜིཏ་བློ་བཟང་དཔལ་ལྡན་བསྟན་འཛིན་སྙན་གྲགས་སོགས་རབ་བྱུང་བརྒྱ་ཕྲག་དུ་མར་བསྙྙེན་པར་རྫོགས་པའི་དགེ་སློང་གི་བསླབ་སྡོམ་གནང༌། རྨེ་རུ་བཞི་སྡེར་བྱང་ཆུབ་ལམ་གྱི་རིམ་པའི་འཁྲིད་ཆེན་བརྒྱད་ཀྱི་འཆད་མཉན་སྤེལ་ཏེ་བསྟན་པའི་བྱ་བ་རྒྱ་ཆེར་མཛད་བཞིན་ཁྲི་ལོ་བདུན་བསྐྱངས། ཁྲི་ལས་ཟུར་ནས་དགུང་ལོ་གྱ་དྲུག་པར་འཇའ་ཚོན་གྱིས་ནམ་མཁའ་ཡོངས་སུ་གང་བ་སོགས་ཡ་མཚན་པའི་ལྟོས་དུ་མ་དང་བཅས་ དགོངས་པ་ཆོས་དབྱིངས་སུ་ཐིམ་ཚུལ་བསྟན། གསུང་ལས་སྐྱེས་པའི་སློབ་མ་ནི། སྲིད་སྐྱོང་སྟག་བྲག་པཎྜིཏ་ངག་དབང་གསུང་རབ། བྲག་དཀར་པཎྜིཏ་བློ་བཟང་དཔལ་ལྡན་སོགས་སྐྱེས་ཆེན་དམ་པ་ཤིན་ཏུ་མང་པོ་བྱུང་སྣང༌།

དགའ་ལྡན་ཁྲི་ཐོག་གྱ་གསུམ་པ་རྒྱལ་རོང་བྱང་ཆུབ་ནམ་མཁའ་ནི། རྒྱལ་རོང་རབ་བརྟན་ཁུལ་འཁྲུངས། སྐུུ་ན་ཆུང་དུས་གཞིས་དགོན་དུ་ཞུགས་ནས་ཡི་གེ་སྦྱོར་ཀློག་དང་ཆོས་སྤྱོད་སོགས་ལ་བསླབས། ན་སོན་པ་དང་དབུས་སུ་བྱོན་ནས་སེར་སྨད་གྲྭ་ཚང་རྒྱལ་རོང་ཁང་ཚན་དུ་ཆོས་ཞུགས་ཐོག་བཤེས་གཉེན་མཁས་པ་དུ་མའི་དྲུང་ནས་གཞུང་ཆེན་པོད་ལྔར་སློབ་གཉེར་མཛད། ལྷ་ལྡན་སྨོན་ལམ་ཆེན་མོའི་སྐབས་གདན་ས་གསུམ་གྱི་མཁས་མང་གནམ་གྱིས་ས་བཀབ་པ་ལྟ་བུའི་ཁྲོད་གཞུང་ཆེན་བཀའ་པོད་ལྔ་ལ་རྩོད་སྒྲུབ་རིགས་པའི་ལམ་ནས། དགག་བཞག་སོྤང་གསུམ་གྱི་དམ་བཅའ་བཞག་ནས་དགེ་བཤེས་ལྷ་རམས་པ་ཐོན། དེ་ནས་རྒྱུད་སྨད་དུ་ཞུགས་ནས་རྒྱུད་སྡེ་རྒྱ་མཚོའི་དོན་ལ་ནང་བྱན་ཆུབ་པའི་རྡོ་རྗེ་འཛིན་པ་ཆེན་པོ་དུ་མའི་དྲུང་ནས་པཎ་ཆེན་བསོད་ནམས་གྲགས་པའི་བསྐྱེད་རྫོགས་ཀྱི་ཡིག་ཆའི་སྟེང་ནས་རྗེ་ཡབ་སྲས་ཀྱི་ལེགས་བཤད་འཕགས་བོད་མཁས་པའི་བཞེད་སྲོལ་ཕྱིན་ཅི་མ་ལོག་པའི་དགོངས་དོན་རྒྱུད་སྡེ་བཞིའི་གཞུང་ལུགས་རྒྱ་མཚོ་ལྟ་བུར་ཐོས་བསམ་རྩལ་དུ་བཏོན། ད་དུང་ཐིག་རྩ་དང་རྡུལ་ཚོན་སོགས་ཀྱི་ལག་ལེན་ཆ་ལག་དང་བཅས་པར་གཞན་དྲིང་མེད་པའི་མཁས་པར་བསླབས། གསང་སྔགས་ཀྱི་སློབ་གཉེར་ཀྱང་གསན་བཞེས་རྒྱ་ཆེར་མཛད་དེ་རྒྱུད་སྟོད་དགེ་བསྐོས་དང་བླ་མ་དབུ་མཛད། མཁན་པོ། ཤར་རྩེ་ཆོས་རྗེ་བཅས་ཀྱི་ཁྲི་ལ་རིམ་པར་བཞིན་ཕེབས་ནས་ཀྱང༌། རྒྱུད་པའི་སྒྲིག་སྤྱོད་དམ་དྲག་ཤིན་ཏུ་ཚ་བ་གནོན་པ་དང་ྜྲིཀ་སྐྱོར་བ་བརྩི་བཞག་གནང་བ་སོགས་རྒྱུད་ཀྱི་བྱེད་སྒོ་སྤྱི་དང་སྐབས་བབ་འགན་འཁྲིས་གང་ཞིག་ཡོད་པ་དེ་དག་ཁྲལ་ཆས་དང་སླར་ཆས་སུ་མི་གནང་བར་དམ་པ་གོང་མའི་ཕྱག་སྲོལ་བཟང་པོ་རྣམས་ཟུར་ཆ་ཙམ་ཡང་མ་ཉམས་པར་འཛིན་སྐྱོང་གནང༌། རབ་བྱུང་བཅོ་ལྔ་པའི་མེ་ཁྱི༡༨༨༦ལོར་དགའ་ལྡན་ཁྲིར་ཕེབས་ནས་ཁྲི་ལོ་ལྔ་བསྐྱངས་རིང་ཆོ་འཕྲུལ་སྨོན་ལམ་ཆེན་མོའི་ཚོགས་དབུར་སྐྱེས་རབས་སོ་བཞི་པ་དང་དཔག་བསམ་འཁྲི་ཤིང་གི་བཤད་པ། བཞི་སྡེར་བྱང་ཆུབ་ལམ་གྱི་རིམ་པའི་འཆད་ཉན་སོགས། མདོར་ན་དགའ་ལྡན་གསེར་ཁྲི་རིམ་བྱོན་གྱི་བྱེད་སྒོ་གང་ཞིག་ཡོད་པ་ཀུན་འཐུས་ཤོར་མེད་པར་མཛད་དེ་འཇམ་མགོན་རྒྱལ་བ་གཉིས་པའི་བསྟན་པ་རིན་པོ་ཆེ་བཤད་སྒྲུབ་གཉིས་ཀྱི་སྒོ་ནས་བླ་ན་སྤེལ་བཞིན་པའི་མུར་སྐུུ་ཚེའི་འཕེན་པ་དག་ཞིང་དུ་བཏོད། རྣམ་ཐར་ཟུར་དུ་མི་སྣང༌། །

དགའ་ལྡན་ཁྲི་ཐོག་གྱ་བཞི་པ་ཁྲི་ཆེན་བློ་བཟང་ཚུལ་ཁྲིམས་ནི། ཁམས་རྒྱལ་རོང་ཅོག་རྩེའི་ཁུལ་དུ་འཁྲུངས། སྐུུ་ན་ཆུང་དུས་རང་དགོན་དུ་ཞུགས་ནས་ཡི་གེ་འབྲི་ཀློག་དང་ཆོས་སྤྱོད་ཆོ་ག་ལ་བསླབས་པས་ཚེགས་མེད་དུ་མཁྱེན། ན་སོན་པ་དང་དབུས་སུ་བྱོན་ནས་སེར་སྨད་གྲྭ་ཚང་རྒྱལ་རོང་ཁང་ཚན་དུ་ཆོས་ཞུགས་མཛད་དེ་བཤེས་གཉེན་མཁས་པ་དུ་མའི་ཞབས་པད་ལ་བཏུགས་ནས་གཞུང་ཆེན་པོའི་སློབ་གཉེར་མཐར་ཕྱིན་གནང༌། ལྷ་ལྡན་སྨོན་ལམ་ཆེན་མོའི་ནང་གདན་ས་གསུམ་གྱི་མཁས་པ་ཁྲི་ཕྲག་ཚོགས་པའི་དབུས་རྒྱལ་མཚན་དཀར་པོའི་འོག་ཏུ་གཞུང་ཆེན་བཀའ་པོད་ལྔར་རྩོད་སྒྲུབ་རིགས་པའི་ལམ་ནས་གྲྭ་སྐོར་དམ་བཅའ་བཞག་ནས་དགེ་བཤེས་ལྷ་རམས་པའི་མཚན་བཏགས་བཞེས། དེ་ནས་རྒྱུད་སྨད་དུ་ཞུགས་ཏེ་རྒྱུད་སྡེ་རྒྱ་མཚོའི་གཞུང་ལུགས་ལ་གཞན་དྲིང་མེད་པའི་མཁས་པ་དུ་མའི་ཞབས་དྲུང་ནས་གསང་སྔགས་ཀྱི་སློབ་གཉེར་གསན་བཞེས་ལེགས་པར་གྲུབ། པཎ་ཆེན་བསྟན་པའི་ཉི་མ་དང༌། ཡོངས་འཛིན་ཕུར་ལྕོག་རིན་པོ་ཆེ། ཁང་གསར་སྐྱབས་མགོན་བློ་བཟང་ཚུལ་ཁྲིམས། དགའ་ལྡན་གསེར་ཀོང་རྡོ་རྗེ་འཆང་སོགས་སྐྱེས་ཆེན་དུ་མའི་དྲུང་ནས་མདོ་སྔགས་ཀྱི་ཆོས་འབྲེལ་རྒྱ་ཆེར་ཞུས། རིམ་བཞིན་རྒྱུད་སྨད་བླ་མ་དབུ་མཛད་དང༌། མཁན་པོ། བྱང་རྩེ་ཆོས་རྗེ་བཅས་ཀྱི་ཁྲི་ལ་ཕེབས། རྒྱུད་པའི་སྒྲིག་སྤྱོད་དང༌། ཊིཀྐཱ་སྐྱོར་སྦྱངས། བརྩི་བཞག་སོགས་དམ་པའི་གོང་མའི་ཕྱག་སྲོལ་མ་ཉམས་པར་འཛིན་སྐྱོང་སྤེལ་གསུམ་གྱི་རྣམ་ཐར་བཟང་པོ་བདག་གིར་མཛད། བསྟན་གླིང་རྒྱལ་ཚབ་ནོ་མི་ཧན་དེ་མོ་འཕྲིན་ལས་རབ་རྒྱས་ཀྱི་དབུ་བླར་བསྟེན་པ་ལྟར་མདོ་སྔགས་ཀྱི་ཆོས་ཚུལ་རྒྱ་ཆེར་ཕུལ།སྨྲ༡སེར་སྨད་ཆོས་འབྱུང་༡༡༤ རབ་བྱུང་བཅོ་ལྔ་པའི་ལྕགས་སྟག་༡༨༩༠ལོར་དགའ་ལྡན་གསེར་ཁྲིར་ཕེབས་ཏེ་ཁྲི་ལོ་བདུན་བསྐྱངས་རིང་འཇམ་མགོན་རྒྱལ་བ་གཉིས་པའི་ལུང་རྟོགས་ཀྱི་བསྟན་པ་འདི་ཉིད་བཤད་སྒྲུབ་ལས་གསུམ་ཀྱི་སྒོ་ནས་བླ་ན་སྤེལ། ཤིང་ལུག་༡༨༩༥ལོར་ཆོ་འཕྲུལ་ཟླ་བའི་ཚེས་བཅུ་གཅིག་ཉིན་ལྷ་ལྡན་སྤྲུལ་པའི་གཙུག་ཁང་དུ་འཛམ་གླིང་རྟེན་གྱི་གཙོ་བོ་ཇོ་བོ་ཤཱཀྱ་མུ་ནིའི་སྤྱན་སྔར་ྋགོང་ས་རྒྱལ་མཆོག་སྐུ་ཕྲེང་བཅུ་གསུམ་པ་ཆེན་པོ་ལ་ཕུར་མཆཽག་ཡོངས་འཛིན་བློ་བཟང་ཚུལ་ཁྲིམས་མཆོག་གིས་མཁན་སློབ་སྦྲགས་མ་མཛད་ཅིང༌། ཡོངས་འཛིན་གླིང་སྤྲུལ་བློ་བཟང་ལུང་རྟོགས་བསྟན་འཛིན་འཕྲིན་ལས་ཀྱིས་གསང་སྟོན། སྒྲུབ་ཁང་སྤྲུལ་སྐུ་བློ་བཟང་ངག་དབང་བསྟན་འཛིན་རྒྱ་མཚོས་དུས་གོ་བ་མཛད་ནས་བརྙེན་པར་རྫོགས་པའི་དགེ་སློང་གི་སྡོམ་པ་ཕུལ་པའི་སྐབས་ཁྲི་ཆེན་རིན་པོ་ཆེ་འདི་ཉིད་དང་ཤར་རྩེ་ཆོས་རྗེ་བསྟན་པ་སྐལ་བཟང༌། བྱང་རྩེ་ཆོས་རྗེ་གཙང་ཐོབ་རྒྱལ་བློ་བཟང་རྒྱལ་མཚན་སོགས་ཀྱིས་ཁ་སྐོང་གི་ལས་གྲྭ་གནང༌། རྒྱལ་རོང་ཁྲི་པ་འདི་ཉིད་ཆོས་སྲིད་གང་ཅིར་མཁྱེན་རྒྱ་ཆེ་བའི་ཚུལ་མི་མཛད་པར་གྲགས་ཀྱང༌། ངེས་པའི་དོན་དུ་གྲུབ་པའི་དབང་ཕྱུག་ཆེན་པོ་ཞིག་སྟེ། ཁྲི་པ་ལས་ཐོག་སྐབས་སྒོ་མང་དགེ་བཤེས་ཤར་ཆེན་བསྟན་པ་སྐལ་བཟང་ལ། ངས་དགའ་ལྡན་གསེར་གདུང་ཁང་གི་ལྡེ་མིག་དེ་ཁྲི་བྱང་ཆུབ་སྤྲུལ་སྐུུ་ལ་མ་གཏོགས། ཁྱོད་ལ་སྤྲད་རྒྱུ་མིན་ཞེས་ཡང་ཡང་གསུངས་པ་ལྟར། འབྲས་སྒོ་མང་འཇུག་ཆེད་པ་ཤར་ཆེན་བསྟན་པ་སྐལ་བཟང་ལོ་བཅུ་བཞིའི་རིང་ཤར་པ་ཆོས་རྗེའི་ཁྲིར་བཞུགས་པ་དེ་ཉིད། དགའ་ལྡན་གསེར་ཁྲི་ཆེན་མོར་ཕེབས་ཉེ་མཚམས་གློ་བུར་ཞི་བར་གཤེགས་པས། ཁྲི་བྱང་སྐུུ་ཕྲེང་གཉིས་པ་ཚུལ་ཁྲིམས་དཔལ་ལྡན་ཤར་རྩེ་ཆོས་རྗེའི་ཁྲིར་ཕེབས་ཏེ། ཟླ་བ་གསུམ་ཙམ་སོང་རྗེས་དགའ་ལྡན་ཁྲི་ཆེན་སེར་སྨད་རྒྱལ་རོང་བློ་བཟང་ཚུལ་ཁྲིམས་ཁྲི་ལོ་བདུན་རྫོགས་པའི་བརྗེ་ཚབ་ཏུ་དགའ་ལྡན་གསེར་ཁྲིར་ཕེབས་པ་སོགས་དོན་ལ་གནས་པར་གྱུར་པས་མངོན་ཤེས་ཐོགས་མེད་དུ་མངའ་བ་བཤད།༢དགའ་ཤར་ཆོས་འབྱུང་ འཁྲུངས་ལོ་དང་འདས་ལོ་སོགས་མི་གསལ། རྗེ་འདིའི་རྣམ་ཐར་ཟུར་འཁོད་རིགས་ཀྱང་མེད་པར་འདྲ།

དགའ་ལྡན་ཁྲི་ཐོག་གྱ་ལྔ་པ་བློ་བཟང་ཚུལ་ཁྲིམས་དཔལ་ལྡན་ནི། ཡོངས་འཛིན་ཁྲི་བྱང་རིན་པོ་ཆེའི་སྐུུ་ཕྲེང་གཉིས་པ་ཡིན། རབ་བྱུང་བཅུ་བཞི་པའི་ས་ཕག་༡༨༣༩ལོ་ཁྲུམས་སྟོད་ཟླ་བའི་ཚེས་བཅུ་དགུ་ཉིན་སྟོད་ལུང་རག་སྐོར་དུ་དབོན་སྟོན་སྒྱེར་སྒང་པའི་གདུང་རྒྱུད་ལས་བྱུང་བ་ཡབ་ཀུན་བཟང་འཇིགས་མེད་དང༌། ཡུམ་ཀུན་དགའ་དབྱངས་ཅན་གཉིས་ཀྱི་སྲས་སུ་སྐུུ་འཁྲུངས། དགུང་ལོ་ཆུང་དུས་སྐུུ་གོང་མའི་ཡང་སྤྲུལ་དུ་གསལ་བའི་མཚན་རྟགས་ངེས་རསྙེད་བྱུང་བས་ངོས་འཛིན་ཞུས། དགའ་ལྡན་ཤར་རྩེ་རྡོ་ཁང་ཁང་ཚན་དུ་ཆོས་ཞུགས་ཐོག་༢༩༢ དགའ་ལྡན་ཁྲི་ཐོག་བདུན་ཅུ་དོན་གསུམ་པ་སྲིད་སྐྱོང་ཚེ་སྨོན་གླིང་ཁྲི་ཆེན་ངག་དབང་འཇམ་དཔལ་ཚུལ་ཁྲིམས་རྒྱ་མཚོའི་དྲུང་ནས། བསྟན་པའི་གཞི་མ་བསླབ་གཞི་ལྔ་འཛིན་པའི་དགེ་བསྙྙེན་གྱི་སྡོམ་པ་དང༌། བར་མ་རབ་ཏུ་བྱུང་བའི་ཚུལ་ཁྲིམས་བསླབ་པའི་གཞི་བཅུ་འཛིན་པའིདགེ་ཚུལ་གྱི་སྡོམ་པ་རྣམས་ཡང་དག་པར་བཞེས། མཚན་ཉིད་དང་ལྡན་པའི་དགེ་བའི་བཤེས་གཉེན་དུ་མ་བསམ་སྦྱོར་གཉིས་ཀྱིས་ཚུལ་བཞིན་དུ་བསྟེན་པ་ལ་བརྟེན་ནས། རིགས་པའི་སྒོ་འབྱེད་བསྡུས་གྲྭ་ནས་བཟུང་སྟེ། མཛོད་དང་འདུལ་བའི་བར་གྱི་གཞུང་ཆེན་མོ་མཐའ་དག་ལ་ལུང་དང་རིགས་པའི་སྒོ་ནས་ཡང་དང་ཡང་དུ་དཔྱད་དེ། གཞུང་དོན་སྨྲ་བ་ལ་ཐོགས་པ་མེད་པའི་རྣམ་དཔྱོད་ཀྱི་རྩལ་ཡོངས་སུ་རྫོགས། ཕུར་ལྕོག་ཡོངས་འཛིན་རིན་པོ་ཆེ་བློ་བཟང་ཚུལ་ཁྲིམས་བྱམས་པ་རྒྱ་མཚོ་དཔལ་བཟང་པོའི་དྲུང་ནས་བསླབ་གཞི་ཡོངས་སུ་རྫོགས་པ་དགེ་སློང་གི་སྡོམ་པ་ནོད་ཅིང༌། ཇི་ལྟར་གཡར་དམ་དུ་ཞལ་གྱིས་བཞེས་པའི་བསྲུང་བྱ་རྣམས་སྤྱན་གྱི་འབྲས་བུ་ལྟར་སྲོག་དང་བསྡོས་ཏེ་བསྲུང་བར་མཛད། དགུང་གྲངས་ཉི་ཤུ་ཐམ་པར་ཕེབས་པ་རབ་བྱུང་བཅུ་བཞི་པའི་དུས་ཀྱི་ཕོ་ཉ་ཞེས་པ་ས་ཕོ་རྟའི་༡༨༥༨ལོར་ལྷ་ལྡན་སྨོན་ལམ་ཆེན་མོའི་གྲྭ་སྐོར་དམ་བཅའ་མཛད། དེ་ནས་གསང་སྔགས་རིག་པ་འཛིན་པའི་སྡེ་ཆེན་པོ་དཔལ་ལྡན་སྟོད་རྒྱུད་གྲྭ་ཚང་དུ་ཞུགས་ཏེ། སྐབས་དེར་ཤར་ཆེན་ངག་དབང་ཚུལ་ཁྲིམས་རྒྱུད་སྟོད་ཀྱི་མཁན་པོ་ཡིན་གཤིས། ཁོང་གིས་ཀྱལ་ཀའི་ཚུལ་དུ་ཕྱི་དྲོ་རྒྱུད་གྲྭ་ཚོགས་མང་གཟིམ་གྲུབ་རྗེས། སང་ཉིན་བརྩི་བཞག་ཡོད་པའི་ལན་བསྐྱེལ་བར་མཛད་པས། དམ་པ་འདི་ཉིད་ཀྱིས་མཚན་མོ་མགོན་ཐང་རིན་པོ་ཆེའི་མདུན་གྱི་མཆོད་མེའི་ཁར་བརྩི་བཞག་བློ་འཛིན་མཛད་དགོས་པ་མང་དུ་བྱུང༌། དགུང་གྲངས་ཉི་ཤུ་རྩ་གསུམ་པར་ཕེབས་པ་བློ་ངན་ཞེས་པ་ལྕགས་མོ་བྱའི་༡༨༦༡ལོར་སྟོན་ཆོས་གཉིས་པར་སྔགས་ཀྱི་དམ་བཅའ་དང༌། ལོ་དེ་ཁའི་དགུན་ཆོས་སྐབས་རྒྱུད་པའི་དགེ་བསྐོས་མཛད། སྐབས་འདིར་རྭ་སྒྲེང་རིན་པོ་ཆེ་ངག་དབང་ཡེ་ཤེས་ཚུལ་ཁྲིམས་རྒྱལ་མཚན་གྱིས། རབ་ཡིད་ཤིང་སྦྲུལ་ནས་ཤིང་ཡོས་བར་རྒྱལ་ཐོག་དང་པོ་དང༌། ཤིང་ཡོས་ལོར་ྋརྒྱལ་དབང་ཐམས་ཅད་མཁྱེན་པ་སྐུུ་ཕྲེང་བཅུ་གཅིག་པ་མཁས་གྲུབ་རྒྱ་མཚོས་ཟླ་ཤས་རིང་སྲིད་བསྐྱངས་ཏེ་ཞི་བར་གཤེགས་པས། སླར་ཡང་ཤིང་ཡོས་ལོ་འདི་ནས་རྭ་སྒྲེང་རིན་པོ་ཆེས་རྒྱལ་ཐོག་གཉིས་པ་མཛད་ནས་ལོ་བདུན་སོང་ཞིང༌། རྗེ་བཙུན་བླ་མ་དམ་པ་འདི་ཉིད་དགུང་གྲངས་ཉེར་བཞིར་ཕེབས་པའི་ཆུ་ཕོ་ཁྱིའི་༡༨༦༢ལོ་འདིར་འབྲས་སྤུངས་རིགས་གྲྭའི་འགྱེད་ཕོགས་ཆག་སྐོར་ལ་བརྟེན་ནས་དགའ་འབྲས་དྲུང་སྤྱི་ཚོགས་ཏེ། སྲིད་སྐྱོང་རྭ་སྒྲེང་རིན་པོ་ཆེ་དང་མ་མཐུན་པའི་དམག་ཟིང་གིས་ལྷ་ལྡན་སྨོན་ལམ་ཆེན་མོ་ཡང་དུས་ཐོག་ཏུ་ཚུགས་མ་ཐུབ་པར་བོད་ཟླ་དགུ་པའི་ནང་ཚུགས་དགོས་པ་བྱུང་ཞིང༌། དམག་འཁྲུགས་སྐབས་དེར་རྗེ་བཙུན་བླ་མ་དམ་པ་འདི་ཉིད་རྒྱུད་པའི་དགེ་བསྐོས་མཛད་པ་དང་འཁེལ་ཞིང༌། དམག་ཟིང་སྟབས་རྒྱུད་པའི་འཆུམ་མདའ་ཆོས་ཐོག་དུས་འགྱངས་གྱུར་པའི་རྐྱེན་གྱིས་དགེ་བསྐོས་ཀྱི་དུས་ཚད་ཟླ་བ་བཞིའི་སྟེང་འཕར་དུ་ཟླ་བ་གཅིག་དང༌། བཤོལ་ཟླ་གཅིག་བཅས་རྒྱུད་པའི་དགེ་བསྐོས་ཟླ་དྲུག་ཙམ་མཛད་དགོས་པ་བྱུང༌། འདི་ལོ་རྗེ་གོང་མའི་འཁྲུངས་ཡུལ་མདོ་ཁམས་ཆ་ཕྲེང་དུ་ཆིབས་བསྒྱུར་མཛད་བཞེད་ཀྱིས་ཟླ་བ་དྲུག་པའི་ཚེས་བཅུ་གཉིས་ཉིན་ཐོན་ཕྱག་ཞུས་པར། ྋགོང་ས་ྋརྒྱལ་དབང་འཕྲིན་ལས་རྒྱ་མཚོ་དཔལ་བཟང་པོ་མཆོག་གིས། དམ་པ་འདི་ཉིད་ལ་བསྟན་པའི་གསལ་བྱེད་ཅེས་པའི་ཆོ་ལོ་བཀའ་ཤོག་དང༌། ཐམ་ཀ་གྲུ་སྐོར། གདུགས། རྟ་དར་སོགས་ཀྱི་གཟེངས་བསྟོད་སྩལ། དེ་ནས་བགྲང་བྱ་ཉི་ཤུ་རྩ་གཅིག་ཙམ་གྱི་རིང་ཆ་ཕྲེང་གིས་གཙོས་པའི་མདོ་ཁམས་སྟོད་ཀྱི་ཡུལ་དགོན་ཁག་དང༌། མདོ་སྨད་ཨ་མདོའི་ཁུལ་དུའང་ཕེབས་ཏེ་ཀི་རྟི་གོང་མ་བློ་བཟང་འཕྲིན་ལས་དང་གསུང་ཆོས་ཕན་ཚུན་གསན་རེས་མཛད་པ་དང༌། ཞྭ་དམརདགེ་འདུན་བསྟན་འཛིན་རྒྱ་མཚོས་ཀྱང་སྣེ་ལེན་གཟབ་རྒྱས་མཛད་ཚུལ་ཞྭ་དམར་ཉིད་ཀྱི་རྣམ་ཐར་དུ་གསལ། གཞིས་དགོན་ཆ་ཕྲེང་བསམ་འཕེལ་གླིང་དུའང་སྒྲིགས་ཁྲིམས་དང་ཆོས་སྤྱོད། འདོན་རྟ་དབྱངས་སོགས་གང་ཅིར་འཇམ་རྩུབ་ཀྱི་ཐབས་མཁས་སྣ་ཚོགས་པའི་སྒོ་ནས་དག་ཐེར་རྨད་དུ་བྱུང་བར་མཛད། མདོ་སྟོད་ཁོངས་ཀམ་པོ་གནས་ནང་ཞེས་དཔལ་འཁོར་ལོ་སྡོམ་པའི་གནས་མཆོག་ཀམ་པོ་གངས་ཀྱི་རྭ་བའི་ནང་ཕེབས་པའི་ཚེ། གནས་ཕུར་གླིང་གི་རྒྱ་ཚ་ཞལ་དཀར་གྱི་ཕྱག་ཆ་རྣོ་ངར་འབར་བའི་གྲི་རིང་ཞིག་ཡོདའདུག་པ་ལ་རྒྱུན་པར་ཤུབས་ནས་འདོན་མི་རུང་བར་གྲགས་ཀྱང་རྗེ་འདི་ཉིད་ཀྱིས་གྲི་རིང་དེ་ཉིད་ཤུབས་ནས་བཏོན། རྩེ་མོར་མེ་ལྕེ་ལྷབ་ལྷབ་ཏུ་འབར་བཞིན་པ་ཕྱག་ངར་ལ་བརྡར་བ་སོགས་མཛད་དེ། གྲི་འདི་ཁོ་བོའི་ཡིན་གཤིས་ངས་འདིར་ལག་ལེན་མང་པོ་བྱས་ཟིན་པ་ཡིན། ཞེས་གསུངས་ཏེ། སླར་ཤུབས་སུ་བཅུག་ནས་འཇོག་པར་མཛད་པ། སྔོན་གླིང་རྗེ་གེ་སར་རྒྱལ་པོའི་དུས་སུ་རྒྱ་ཚ་ཞལ་དཀར་དུ་འཁྲུངས་པར་ཞལ་གྱིས་བཞེས་པར་སྣང༌། དེ་ནས་བོད་དབུས་ཕྱོགས་ནས་ཕུར་ལྕོག་ཡོངས་འཛིན་རིན་པོ་ཆེ་དང༌། ཤར་ཆེན་ངག་དབང་ཚུལ་ཁྲིམས། རྒྱལ་དབང་ཆོས་རྗེ་སོགས་ཀྱིས། སླར་དབུས་ཕྱོགས་སུ་འཕྲལ་མྱུར་ཕེབས་དགོས་པའི་བཀའ་ཡིག་ཡང་ཡང་ཕེབས་པ་དང༌། ལྷག་པར་ཤར་ཆེན་ངག་དབང་ཚུལ་ཁྲིམས་ཀྱིས་བཀའ་ཡིག་མང་དུ་སྩལ་བའི་རྗེས་མར། ད་ཁྱོདརང་རྒྱ་མཚོའི་ཕ་རོལ་ཏུ་སོང་ཡང༌། ངས་ཅང་མི་ཟེར་གསུངས་པ་སོགས་བཀའ་ནན་ཤིན་ཏུ་ཆེ་བ་ཕེབས་པའི་རྐྱེན་གྱིས། དགུང་གྲངས་བཞི་བཅུ་ཞེ་བཞིར་ཕེབས་པ། རབ་བྱུང་བཅོ་ལྔ་པའི་སྣ་ཚོགས་ཞེས་པ་ཆུ་ཕོ་རྟའི་༡༨༨༢ལོར་མདོ་ཁམས་ནས་ཡུལ་དབུས་ལྷ་ལྡན་དུ་ཕེབས་ཏེ། ཁྲི་ཆེན་གོང་མ་བྱང་ཆུབ་མཚན་ཅན་གྱི་དུས་ནས་བསྟན་རྒྱས་གླིང་དང་ཐུགས་ཉེར་གྱུར་གཤིས། བཞུགས་ཡུལ་དང་འཛིན་ཆས་ཆེ་ཕྲ་གང་ཅི་བསྟན་གླིང་བླ་བྲང་ནས་གྲ་བསྒྲིགས་མཛད་དེ་གསོལ་རས་སྩལ་བ་དེར་བཞུགས་ཤིང༌། དགའ་ལྡན་ཚོགས་ཆེན་གྲྭ་ཚང༌། ཁང་ཚན་སོགས་དང༌། སེ་འབྲས་ཚོགས་ཆེན་བཅས་པར་མང་འགྱེད་བསྙྙེན་བཀུར། ཆུ་ལུག་༡༨༨༣ལོར་ལྷ་ལྡན་སྨོན་ལམ་ཆེན་མོར་སྐུུ་འགྱེད་བཅས་འབུལ་གནང་མཛད། དད་ལྡན་ཁག་གིས་ཞུས་ངོར་བཞི་སྡེའི་སྨྱུང་གནས་ལྷ་ཁང་དུ་རྗེ་ཡབ་སྲས་གསུམ་གྱི་གསུང་འབུམ་གྱི་ལྗགས་ལུང་སྩལ། སྐབས་ཤིག་བསྟན་རྒྱས་གླིང་གི་ཐོག་ཁ་ནས་གཟིགས་ཏེ་འབྲས་སྤུངས་ཐད་དུ་ནམ་མཁའ་ལ་མེ་འབར་བཞིན་འདུག་ཅེས་གསུངས་ཏེ། མ་འོངས་གསལ་བར་གཟིགས་པའི་ལུང་བསྟན་མཛད་པ་བཞིན། དེ་ནས་མི་རིང་བར་མེ་ཕག་༡༨༨༧ཟླ་བ་བཅུ་པའི་ཚེས་བཅུ་བཞིའི་དགོང་མོར་འབྲས་སྤུངས་སྔགས་ཁང་ལ་མེ་སྐྱོན་བྱུང་སྟེ་རྭ་ལོ་རྡོ་རྗེ་གྲགས་ཀྱི་སྐུུ་གདུང་གཟུངས་སུ་བཞུགས་པའི་དཔལ་འཇིགས་མཛད་རྡོ་རྗེའི་སྐུུ་ཡང་འབྱུང་བ་མེའི་གནོད་པས་འཇིག་པར་གྱུར། བདེ་ཆེན་ཁ་རབ་ཤན་ཁའི་གོང་ཀོན་ཚང་བུའི་ཁྱིམ་འཛིན་དུ་དཔལ་ལྡན་བླ་མ་འདི་ཉིད་ཀྱི་ཚ་མོ་ཞིག་ཡོད་པ་ལས། དགའ་ལྡན་བླ་སྤྱིའི་ལས་སྣེ་འགས་འབྲི་གུང་བའི་མི་ཚང་ཞིག་གི་ལོག་རྔན་རྗེས་འབྲངས་ཀྱིས། གོང་ཀོན་ཚང་གི་བུ་དེ་འབྲི་གུང་གི་ཁྱིམ་ཚང་དེར་གཏོང་རྒྱུའི་འཁྲོལ་འཛིན་བཏང་ཞིང༌། དམ་པ་འདིས་དེ་ལྟར་མི་དགོས་པ་ཞུས་ཀྱང༌། བླ་སྤྱིའི་ལས་སྣེ་རྣམས་ནས་མ་ཉན་པས་ཕན་ཚུན་ཐུགས་མཐུན་མ་བྱུང་སྟབས། མཚན་མོ་ཞིག་ཡངས་པ་ཅན་གྱི་གཙང་ཁང་ཆོས་རྒྱལ་ཁང་གི་སྒེ་ཁུང་ནུབ་མ་ནས་ཟུང་ཆུ་ཁང་ཚན་དང༌། ཤར་རྩེའི་གྲྭ་ཁང་ངོས་སུ་ཞགས་པ་ནག་པོ་ཞིག་དངོས་སུ་བཀྲམས་པ་ཞིག་བྱུང་ཞིང༌། ཉིན་གཅིག་བླ་སྤྱིའི་ཚོགས་འདུའི་སར་ཟུང་ཆུ་ཚོགས་ཆེན་དབུ་མཛད་ཀྱིས་བླ་མ་དེ་གདན་ས་འདིར་འཁོར་ས་མེད་པ་ཞིག་བཟོ་དགོས་ཟེར་བ་སོགས་ངན་བརྗོད་བྱས་རྐྱེན། དབུ་མཛད་དེ་པ་ཚོགས་འདུའི་སྐབས་དེ་ཁར་སྟེང་གྲིབ་ཕོག་སྟེ་མི་གཙང་བ་ཤོར་བ་སོགས་རྐྱེན་ངན་གྱིས་གློ་བུར་འདས་གྲོངས་སུ་གྱུར་པ་དང༌། ཤར་རྩེའི་མུ་ལི་མཁན་པོ་བློ་བཟང་ཡར་འཕེལ་ཡང་ལྷ་སའི་སྨོན་ལམ་ཚོགས་སར་ཕེབས་པའི་ཚེ་བསེ་ཁྲབ་ཆུ་མིག་ཡོད་སར་ཆིབས་པས་དབྱུགས་ནས་བརྡབས་ཆག་གིས་ཕྱིར་ལོག་བྱ་དགོས་བྱུང་སྟེ། རྐྱེན་དེས་གཤེགས་པ་སོགས་ཕ་རོལ་པོ་རྣམས་ལ་ཆོས་སྲུང་གཉན་པོའི་བཀའ་ཆད་མངོན་སུམ་དུ་ཕེབས་པས་གཞན་རྣམས་ཀྱང་ཁུམ་པར་གྱུར་ཏེ། རྗེ་འདིའི་བཀའ་བཞིན་བསྒྲུབས་པས་ཐུགས་མཐུན་ལུགས་ལེགས་སུ་གྱུར། རྒྱུད་སྟོད་གྲྭ་ཚང་གིས་ཞུ་བསྐུུལ་མཛད་པ་བཞིན་རྒྱུད་པའི་བླ་མ་དབུ་མཛད་དང༌། མཁན་པོའི་ཁྲིར་རིམ་གྱིས་ཕེབས་ཏེ་རྒྱུད་ཀྱི་འཆད་ཉན་སོགས་སྔོན་གྱི་ཕྱག་སྲོལ་མ་ཉམས་པར་བསྐྱངས། རྗེ་འདིས་རྒྱུད་པའི་མཁན་པོ་མཛད་སྐབས་ཡོངས་འཛིན་གོང་མ་བློ་བཟང་ལུང་རྟོགས་བསྟན་འཛིན་འཕྲིན་ལས་དཔལ་བཟང་པོ་དེ་ཉིད་བླ་མ་དབུ་མཛད་ཀྱི་ཁྲིར་བཞུགས་ཤིང༌། མཁན་བླ་རྣམ་གཉིས་ཐུགས་གནང་ཤིན་ཏུ་དག་པ་དཔེ་ཟླ་བྲལ་བ་ཞིག་ཡོད་འདུག མཁན་པོའི་སྐབས་རྒྱུད་སྟོད་ཚོགས་ཡོངས་ཐོག་དད་འདུས་ཁྱོན་ཆེར་གསང་བདེ་འཇིགས་གསུམ་གྱི་དབང་ཆེན་ཆ་ཚང་བསྐུུར་བར་མཛད་ཅིང༌། དམིགས་རྣམ་བརྡ་སྤྲོད་ཀྱི་གསུང་བཤད་འབྱམས་ཀླས་པས་དགོང་དྲོ་སྲོད་འཁོར་ཡོལ་ཙམ་བར་འགོར་བ་བྱུང་སྣང༌། འབྲས་སྒོ་མང་འཇུག་ཆེད་པ་ཤར་ཆེན་བསྟན་པ་སྐུལ་བཟང་ལོ་བཅུ་བཞིའི་རིང་ཤར་པ་ཆོས་རྗེའི་ཁྲིར་བཞུགས་པ་དེ་ཉིད། དགའ་ལྡན་གསེར་ཁྲི་ཆེན་མོར་ཕེབས་ཉེར་གློ་བུར་ཞིང་བརྗེས་པས། དཔལ་ལྡན་བླ་མ་དམ་པ་འདི་ཉིད་ཤར་རྩེ་ཆོས་རྗེའི་ཁྲིར་༡༨༩༦ཕེབས་ཏེ། ཟླ་བ་གསུམ་ཙམ་སོང་རྗེས་དགའ་ལྡན་ཁྲི་ཆེན་སེར་སྨད་རྒྱལ་རོང་བློ་བཟང་ཚུལ་ཁྲིམས་ཁྲི་ལོ་བདུན་རྫོགས་པའི་བརྗེ་ཚབ་ཏུ་རྗེ་འདི་ཉིད་དགུང་གྲངས་ལྔ་བཅུ་ང་བརྒྱད་པར་ཕེབས་པ། མེ་སྤྲེལ་༡༨༩༦ལོའི་ནག་པ་ཟླ་བར་དགའ་ལྡན་གསེར་ཁྲི་ཆེན་མོར་ཕེབས་པའི་ཁྲི་འདོན་མཛད། རྒྱལ་རོང་ཁྲི་པ་དེ་ཉིད་ཆོས་སྲིད་གང་ཅིར་མཁྱེན་རྒྱ་ཆེ་བའི་ཚུལ་མི་མཛད་པར་གྲགས་ཀྱང༌། ངེས་པའི་དོན་དུ་གྲུབ་པའི་དབང་ཕྱུག་ཆེན་པོ་ཞིག་སྟེ། ཁྲི་པ་ལས་ཐོག་སྐབས་ཤར་ཆེན་བསྟན་པ་སྐུལ་བཟང་ལ། ངས་དགའ་ལྡན་གསེར་གདུང་ཁང་གི་ལྡེ་མིག་དེ་ཁྲི་བྱང་ཆུབ་སྤྲུལ་སྐུུ་ལ་མ་གཏོགས། ཁྱོད་ལ་སྤྲད་རྒྱུ་མིན་ཞེས་ཡང་ཡང་གསུངས་པ་དོན་ལ་གནས་པར་གྱུར། ཁྲི་པའི་མཛད་ཁུར་བསྐྱངས་རིང་ལྷ་ལྡན་སྨོན་ལམ་ཆེན་མོ་དང༌། ཚོགས་མཆོད་སྐབས་ཀྱི་གསུང་ཆོས། དགའ་ལྡན་དབྱར་གནས་སྐབས་ལམ་རིམ་ཆེན་མོའི་བཤད་ཁྲིད་རྣམས་ཆག་མེད་ཐོག ལོ་ལྟར་བསྒྲུབ་བྱ་བརྒྱ་ཕྲག་བཞི་ལྔར་དགེ་ཚུལ་སློང་གི་བསླབ་སྡོམ་འབོགས་ཆོག་མཛད་པ་སོགས་བསྟན་པའི་གསོས་སུ་ཆེ་བའི་མཛད་བཟང་བསྐྱངས། དགའ་ལྡན་ཡངས་པ་ཅན་དུ་གསེར་ཟངས་ལས་གྲུབ་པའི་རྣམ་རྒྱལ་མཆོད་རྟེན་ཐོག་ཚད་ཆེ་ཕྱོགས་ཤིག་བཞེངས་པར་མཛད་ཅིང༌། ྋགོང་ས་སྐྱབས་མགོན་སྐུུ་ཕྲེང་བཅུ་གསུམ་པ་ཆེན་པོ་ྋརྒྱལ་དབང་ཐུབ་བསྟན་རྒྱ་མཚོ་དཔལ་བཟང་པོ། གདན་ས་ཆེན་པོ་དགའ་ལྡན་དུ་ས་ཁྱི་༡༨༩༨ལོར་གྲྭ་སྐོར་མཚན་བཞེས་དང༌། ལྕགས་ཕོ་བྱི་བའི་༡༩༠༠ལོར་ཆོས་འཁོར་རྒྱལ་སོགས་ལྷོ་ཁུལ་གནས་གཟིགས་ཆིབས་བསྒྱུར་ཞོར་ལ་དགའ་ལྡན་དུ་ཕེབས་པ་བཅས་ཆིབས་བསྒྱུར་སྔ་ཕྱི་གཉིས་ཀ་ཁྲི་ཆེན་བློ་བཟང་ཚུལ་ཁྲིམས་དཔལ་ལྡན་དཔལ་བཟང་པོ་འདི་ཉིད་ཀྱི་དུས་སྐབས་གཅིག་པུར་འཁེལ་བ་བྱུང་ཡང༌། དགའ་ལྡན་ཁྲི་པར་བརྟེན་པའི་སྲི་ཞུའི་བསྒྲུབ་བྱ་མཐའ་དག་ཡང་དག་པར་བསྒྲུབས་པར་མཛད། ཁམས་ནས་ཕེབས་ཏེ་ལོ་མང་རིང་གོང་དུ་བརྗོད་པ་བཞིན་བཞུགས་ཡུལ་བསྟན་རྒྱས་གླིང་ཡིན་ཡང༌། མ་འོངས་ལུང་བསྟན་ཞིག་ནང༌། སྤྱན་རས་གཟིགས་དབང་ཐུབ་པའི་མིང་ཅན་གྱིས། །བློན་ཆེན་མགར་བ་དེ་ལ་ཐོག་འབེབས་འབྱུང༌། །ཞེས་པའི་ལུང་བསྟན་ཐོག་ཏུ་བབས་ཏེ། ས་ཕག་༡༨༩༩ལོར་བསྟན་རྒྱས་གླིང་དེ་མོ་རིན་པོ་ཆེར་དབུ་ཉེས་ཕོག་སྟེ་དེ་མོ་བླ་བྲང་གི་འཛིན་དབང་ཡོངས་རྫོགས་གཞུང་བཞེས་མཛད་གཤིས། དམ་པ་འདི་ཉིད་ཀྱང་བཞུགས་ཁང་སྤོ་དགོས་སྟབས་གཟིམ་ཤག་སྤུས་གཟིགས་མཛད་རྒྱུའི་དགོངས་བཞེད་ལྟར། འབྲས་སྤུངས་སྤྱི་སོ་བྱམས་པ་སྙྙན་གྲགས་ཀྱི་ས་ནས་ལྷ་སའི་ལྷོ་ངོས་ཀྱི་གཟིམ་ཤག་སྤུས་གཟིགས་མཛད་དེ། སྔ་དྲོ་ཞིག་ལྷ་སའི་གླིང་བསྐོར་དུ་ཆིབས་བསྒྱུར་དང་སྦྲགས་སྤུས་གཟིགས་མཛད་པའི་གཟིམ་ཤག་ཏུ་འཁྱུག་ཙམ་ཞབས་སོར་འཁོད་ཅིང༌། ཤག་བདག་རསྙིང་པ་བྱམས་སྙྙན་སོགས་ཀྱིས་མཇལ་དར་རྟེན་གསུམ་དང་གསོལ་ཇ། བཞེས་འབྲས་འདེགས་འབུལ་སོགས་རྟེན་འབྲེལ་ཡང་མདོར་བསྡུས་ཤིག་བྱས། རྗེ་འདི་ཉིད་ཀྱི་བཀའ་ལས། ཤག་འདི་ང་ཚོས་ཉོས་ནས་ཁོ་བོ་རང་ལྟ་བསྡད་རྒྱུ་དེ་འདྲ་ཞིག་རེད། རྗེས་སོར་འདིར་བྱིས་པ་ཁ་དམར་ཞིག་སྡོད་རྒྱུ་རེད་ཅེས་གསུངས་འདུག་པ། དམ་པ་ཉིད་རིང་མིན་དགོངས་པ་ཞིང་གཞན་དུ་གཞོལ་བཞེད་དང༌། མཆོག་གི་སྤྲུལ་སྐུུ་རིན་པོ་ཆེའི་བཞུགས་ཡུལ་ལ་དགོངས་པའི་གསུང་རྗེན་པར་ཕེབས། དེ་ནས་མི་རིང་བར་དགའ་ལྡན་དུ་ཆིབས་བསྒྱུར་མཛད་དེ་རྗེ་ཉིད་དགུང་གྲངས་དྲུག་ཅུ་རེ་གཉིས་པར་ཕེབས་ཤིང༌། ཁྲི་ལོ་ལྔ་པའི་ཐོག་རབ་བྱུང་བཅོ་ལྔ་པའི་ལྕགས་ཕོ་བྱི་བའི་༡༩༠༠ལོར། ས་ག་ཟླ་བའི་ཚེས་ཉེར་ལྔ་མཁའ་འགྲོ་སྤྲིན་བཞིན་འདུ་བའི་དུས་ཚེས་ཁྱད་པར་ཅན་གྱི་ཉིན། དགའ་ལྡན་གྱི་གླིང་བསྐོར་དུ་ཆིབས་བསྒྱུར་མཛད་དེ། ཞབས་བསྐོར་འཁོད་ཟིན་ནས། ཤར་པ་ཁང་དང༌། ཁྲི་ཐོག་ཁང་གི་ཆོས་རྭའི་དབར་དེར་ཞབས་སྟེགས་ཁྲིའུ་ཤིང་ཞིག་གི་སྟེང་དུ་སྐུུ་ངལ་བསོས་ནས་ཞལ་ནུབ་ཕྱོགས་སུ་གཟིགས་བཞིན་པར་བཞུགས་སྐབས། གློ་བུར་དུ་སྤྱན་ནམ་མཁར་གཟིགས་ཏེ་སྐུུ་མྱ་ངན་ལས་འདའ་བར་བརྩམས་པ་ན། ཞབས་གྲས་སུ་ཆ་ཕྲེང་ཉི་ཚོ་དགེ་བཤེས་འཕྲིན་ལས་དང༌། ཕྱག་མཛོད་སྔགས་རམས་པ་སོགས་ཡོད་སྟབས། ཁོང་ཚོས་ཁྱེད་སྐུུ་ཚེ་མ་བརྟན་ན་ཡང་སྲིད་གདན་ཞུ་ཇི་ལྟར་བྱ་དགོས་ཞུས་པར། སྔགས་རམ་པ་བློ་བཟང་བསྟན་དར་མཆོག་ལ་གཟིགས་ནས་མི་འདིས་རྩད་ཆོད་ཡོང་ཞེས་སོགས་གསུངས་ཤིང༌། སླར་སྤྱན་ནམ་མཁའ་གཟིགས་ནས་ཧ་ཧ་ཞེས་བཞད་མོ་དང་སྦྲགས། དགའ་ལྡན། དགའ་ལྡན་ཞེས་གསུངས་ནས་སྐུུ་མྱ་ངན་ལས་འདས་ཏེ་དགའ་ལྡན་ཡིད་དགའ་ཆོས་འཛིན་དུ་འཇམ་མགོན་རྒྱལ་བ་གཉིས་པའི་ཞབས་དྲུང་དུ་གཤེགས། སྐུུ་གདུང་འཇམ་མགོན་ཙོང་ཁ་པ་སྐུུ་མྱ་ངན་ལས་འདས་པའི་གཟིམ་ཆུང་འོད་གསལ་སྦུག་ཏུ་གདན་དྲངས་ནས་གདུང་སྒྲུབ་སོགས་ཞུས་རྗེས། འགོག་པ་རིའི་རྒྱབ་ཏུ་སྐུུ་གདུང་ཞུགས་ལ་སྦྱངས་པའི་ཐུགས་ལྗགས་སྤྱན་གསུམ་མེ་མ་བཞེས་པར་བྱོན་པ་ཆ་ཕྲེང་ཡུལ་དགོན་གྱི་དད་རྟེན་དུ་གདན་དྲངས་སོ། །དུས་ཕྱིས་ཆ་ཕྲེང་དུ་དུས་ཟིང་སྐབས་ཡུལ་མི་ཚོས་བླ་མའི་སྙྙིང་མཚོན་སྲུང་དུ་རྩིས་ནས་ཧབ་ཐོབ་ཀྱིས་ཟོས་པ། ཁྲི་བྱང་ཕྱག་མཛོད་ཀྱིས་ངའི་བླ་མའི་སྙྙིང་ཟ་མཁན་ཚོ་ཞེས་མཚང་འབོད་ཀྱང་བྱས་སྐུད་ཐོས། རྗེ་འདིའི་རྣམ་ཐར་སྐོར་ཛེ་སྨད་སྤྲུལ་སྐུུ་བསྟན་འཛིན་ཡར་རྒྱས་ཀྱིས་མཛད་པའི་ཤར་རྩེ་ཆོས་འབྱུང་འཇམ་དཔལ་སྙྙིང་པོའི་དགོངས་རྒྱན་མཛེས་པར་བྱེད་པའི་དཔྱད་གསུམ་རྣམ་དག་ནོར་བུའི་ཕྲ་ཚོམ་གྱི་ཤོག་གྲངས་༢༠༢༢༠༥ནང་དུ་གསལ། དེའི་སྐུུ་ཕྲེང་གསུམ་པ་སྐྱབས་རྗེ་ཡོངས་འཛིན་ཁྲི་བྱང་རིན་པོ་ཆེ་བློ་བཟང་ཡེ་ཤེས་བསྟན་འཛིན་རྒྱ་མཚོ་དཔལ་བཟང་པོ་རབ་བྱུང་བཅོ་ལྔ་པའི་ལྕགས་གླང་༡༩༠༡ལོར་འཁྲུངས། མཁྱེན་རབ་རྒྱ་མཚོ་ལས་ཟབ་ཅིང་འཕྲིན་ལས་ནམ་མཁའ་ལས་ཡངས་པའི་ཐོག་དགུང་ལོ་གྱ་གཅིག་པ་ལྕགས་བྱ་༡༩༨༡ལོར་དགོངས་པ་གཞན་དོན་དུ་གཤེགས་སོ།

དགའ་ལྡན་ཁྲི་ཐོག་གྱ་དྲུག་པ་གཙང་ཐོབ་རྒྱལ་བློ་བཟང་རྒྱལ་མཚན་ནི། ཡོངས་གྲགས་སུ་སྲིད་སྐྱོང་ལ་མོ་ཤར་ཞེས་ཞུ་སྲོལ་ཡོད་པ་དེ་ཡིན། གཙང་ཐོབ་རྒྱལ་དུ་སྐུུ་འཁྲུངས། སེར་བྱེས་གྲྭ་ཚང་གཙང་པ་ཁང་ཚན་དུ་ཆོས་ཞུགས་མཛད། གཞུང་ཆེན་པོའི་སློབ་གཉེར་མཐར་ཕྱིན་པ་གནང་སྟེ་དགེ་བཤེས་ལྷ་རམས་པའི་མཚན་བཏགས་གྲུབ། དེ་ནས་རྒྱུད་སྨད་དུ་ཞུགས་ནས་གསང་སྔགས་ཀྱི་སློབ་གཉེར་དང་མདོ་སྔགས་ཀྱི་ཆོས་རྒྱུན་གསན་བཞེས་བཅས་ཆབས་ཅིག་ཏུ་མཛད། རིམ་བཞིན་བླ་མ་དབུ་མཛད་དང༌། མཁན་པོ། བྱང་རྩེ་ཆོས་རྗེ་བཅས་ཀྱི་ཁྲི་ལ་ཕེབས། རབ་བྱུང་བཅོ་ལྔ་པའི་ལྕགས་གླང་༡༩༠༡ལོར་དགའ་ལྡན་གྱི་ཁྲིར་ཕེབས། ཁྲི་ལོ་བདུན་གྱི་བར་བསྐྱངས་མུས་སུ་ཁྲི་ལོ་བཞི་པ་ཤིང་འབྲུག་༡༩༠༤ལོར་དབྱིན་ཇི་བཙན་འཛུལ་དམག་དཔུང་ལྷ་སའི་ཉེ་འདབས་སུ་འབྱོར་བར་བརྟེན་ཏཱ་ལའི་བླ་མ་སྐུུ་ཕྲེང་བཅུ་གསུམ་པ་མཆོག་མཚོ་སྔོན་བརྒྱུད་ནས་པེ་ཅིན་དུ་ཕེབས་རྒྱུའི་དགོངས་བཞེད་ཀྱིས་ཕེབས་ཁར་ཁྲི་ཆེན་འདི་ཉིད་ལ་བཀའ་མངགས་དང་བཅས་སྐུུ་ཚབ་ཏུ་བསྐོ་གཞག་གནང་བ་བཞིན་ལོ་བདུན་རིང་སྲིད་སྐྱོང་གི་འགན་བཞེས་གནང༌། ཞྭ་སྒབ་པ་༡༢༣ ༡༣༣ རབ་བྱུང་བཅོ་ལྔ་པའི་མེ་ལུག་༡༩༠༧ལོར་དགའ་ལྡན་གྱི་ཁྲིར་ལས་ཟུར་ནས་སྲིད་སྐྱོང་གི་ལས་འགན་མུ་འཐུད་ནས་བཞེས་ཏེ། ཚེ་སྨོན་གླིང་རྣམ་ཐར་ དགའ་ལྡན་ཁྲི་པའི་ལོ་དུས་གཙང་ནས་ཟུར་བཞུགས་ཐོག་སྲིད་སྐྱོང་རྐྱང་པའི་འགན་བཞེས་གནང༌། ས་བྱ་༡༩༠༩ལོ་ཟླ་བ་བཅུ་པའི་ནང་ྋགོང་ས་མཆོག་རྒྱ་ནག་ནས་བོད་དུ་ཆིབས་བསྒྱུར་གྱིས་ནག་ཆུ་ཆུ་མགོ་རིང་མོར་ཕེབས་འབྱོར་བཞུགས་སྒར་སར་པཎ་ཆེན་ཆོས་ཀྱི་ཉི་མ་སྟོན་འཁོར་དང༌། ཁྲི་ཟུར་རིན་པོ་ཆེ་འདི་ཉིད་ཀྱི་འཚམས་འབུལ་སྐུ་ཚབ་གསོལ་དཔོན་དང་སྐུ་གཅར་གཟིམས་དཔོན་བར་ཞི་བ། མཁན་དྲུང་བསྟན་འཛིན་ཆོས་རྒྱལ་སོགས་གཞུང་བླའི་ཕེབས་བསུ་ཆེད་བཅར་ཐོག་པཎ་ཆེན་ཐམས་ཅད་མཁྱེན་པས་མཎྜལ་རྟེན་གསུམ་འདེགས་འབུལ་གྱིས་སྣེ་དྲངས་འབུལ་བ་བཏོས་ཆེ་ཕུལ་བ་དང༌། ཆོས་སྲིད་དང་འབྲེལ་བའི་བཀའ་མཆིད་ལྷུག་པོར་གནང༌། བོད་ཟླ་བཅུ་གཅིག་པའི་ནང་ལྷ་སར་ཞབས་སོར་འཁོད་པ་དང་ཁྲི་ཟུར་རིན་པོ་ཆེ་འདི་ཉིད་སྐུ་གཟུགས་ཐང་པོ་མེད་པས་ཕེབས་གསུ་སྐུ་ཚབ་བཏང་གནང་མཛད། དེ་རྗེས་རྗེ་འདི་ཉིད་སྐུ་ན་སྨིན་ཞིང་སྐུ་གཟུགས་ཐང་པོ་མེད་པའི་མེད་པའི་བབ་ལ་བརྟེན་ནས་སྲིད་སྐྱོང་དགོངས་འཁྲོལ་ཞུས་པ་ལྟར། ཁྱི་༡༩༡༠ལོར་ྋགོང་ས་མཆོག་ནས་བསྔགས་བརྗོད་དང་སྦྲགས་དགོངས་འཁྲོལ་གནང་ཐོག་སྲིད་ཚབ་བཤད་ཞོལ་ཆང་གསུམ་བསྐོ་བཞག་གནང༌། སྐུུ་གཤེགས་པའི་ལོ་ཚིགས་མི་གསལ་ཞིང༌། རྣམ་ཐར་ཟུར་འཁོད་ཀྱི་ཡིག་ཆ་མི་སྣང༌། །

དགའ་ལྡན་ཁྲི་ཐོག་གྱ་བདུན་པ་ཚེ་གླིང་སྐུ་ཕྲེང་གསུམ་པ་ངག་དབང་བློ་བཟང་བསྟན་པའི་རྒྱལ་མཚན་ནི། ཚེ་སྨོན་གླིང་ཧོ་ཐོག་ཐུའི་སྐུུ་ཕྲེང་གསུམ་པ་ཡིན། མདོ་སྨད་ཅོ་ནེ་རྫོང་གི་ཉེ་འདབས་ཐང་སྒང་ཤ་ཞེས་པའི་ཁྱིམ་དུ་རབ་བྱུང་བཅུ་བཞི་པའི་ཆུ་ཕག་༡༨༦༣ལོར་སྐུུ་འཁྲུངས། བྱིས་པའི་དུས་སུ་ན་མཉམ་གཞན་དང་མི་འདྲ་བའི་མཛད་སྤྱོད་ངོ་མཚར་ཡོད་པར་བརྟེན་ཅོ་ནེདགོན་དང༌། དཔོན་རིགས་རྣམས་ཀྱིས་གོང་མ་ཐུང་ཀྲི་ལ་ཁྲི་ཆེན་ཚེ་སྨོན་གླིང་གི་ཡང་སྲིད་དུ་ངོས་འཛིན་ཆོག་པའི་སྙྙན་ཞུ་ཕུལ་ཡང་དོན་སྨིན་མ་ཐོབ་པར་དགུང་ལོ་བཅུ་དྲུག་མ་སླེབས་བར་དུ་ཅོ་ནེ་དགོན་པར་གྲྭ་རྐྱང་དུ༷ས་མའི་ཚུལ་དུ་བཞུགས་དགོས་བྱུང༌། རབ་བྱུང་བཅོ་ལྔ་པའི་ས་ཡོས་༡༨༧༩ལོར། ཚ་གན་ཧོ་ཐོག་ཐུ་བྱམས་པ་མཐུ་སྟོབས་ཀུན་དགའ་རྒྱལ་མཚན་གྱིས་ཤིན་ཅང་དུ་ཡོད་པའི་ཅང་ཅུན་དང་ཨན་བན་གཉིས་བརྒྱུད་ནས་གོང་མ་བཀྭང་ཞུས་ ལ་སྙྙན་ཞུ་ཕུལ་ཏེ། ཁྲི་ཆེན་ཚེ་སྨོན་གླིང་སྐུུ་གོང་མ་འཇམ་དཔལ་ཚུལ་ཁྲིམས་མཆོག་ནས་བོད་ཀྱི་སྲིད་སྐྱོང་གནང་སྐབས་གོང་མ་ཆེན་པོའི་ཆབ་སྲིད་ཀྱི་ཞབས་འདེགས་དང་བོད་ཀྱི་ལས་དོན་ཐོག་མཛད་རྗེས་ཆེན་པོ་ཡོད་ཀྱང༌། ཨམ་བན་ཆིས་ཧྲན་དང་བོད་གཞུང་གི་དཔོན་ངན་ཁག་གཅིག་གིས་མི་བདེན་རྫུན་སྒྲིག་བྱས་ཏེ་ནག་ཉེས་འདི་དང་འདི་བྱས་ཀྱི་རྒྱུ་མཚན་གང་ཡང་མེད་པར་གོང་མ་ཏའོ་ཀོང་ལ་དབྱེན་སྦྱོར་ཞུ་ལོག་ཕུལ་བར་བརྟེན། སྲིད་སྐྱོང་གི་གོ་གནས་ནས་ཕབ་སྟེ་ཧེ་ལུང་ཅང་དུ་རྒྱང་འབུད་དང༌། བླ་བྲང་གི་རྒྱུ་དངོས་གཞུང་བཞེས། ཡང་སྲིད་ངོས་འཛིན་མི་ཆོག་པ་བཟོས་པ་འདི་དག་གོང་མ་ཚང་གི་ཆབ་སྲིད་ཐོག་ཞབས་འདྲེན་ཆེན་པོའི་བྱ་བ་ཡིན་སྟབས། ཕྱིན་ཆད་དེ་སྔོན་གྱི་གཏན་འབེབས་དེ་དག་སྐྱོན་སེལ་དཀར་འདོན་ཐོག་ཡང་སྲིད་ངོས་འཛིན་ཞུས་ཏེ་སེ་ར་དགོན་པར་ཆོས་ཞུགས་མཛད་ཆོག་པ་ཞེས་ཞུས་པར་ཞུ་དོན་གཞན་དག་ཚང་མ་དོན་འཁྱོལ་ཐོག །བླ་སྤྲུལ་ཆེ་ཁའི་གོ་གནས་མ་གཏོགས་ཧོ་ཐོག་ཐུའི་གོ་གནས་བཟུང་མི་ཆོག་ཅེས་བཀའ་ཕབ་པ་ལྟར། དགུང་ལོ་ཉེར་གཅིག་ཏུ་ཕེབས་པ་རབ་བྱུང་བཅོ་ལྔ་པའི་ཆུ་ལུག་༡༨༨༣ལོར་ཅོ་ནེ་དགོན་ཆེན་ནས་དབུས་སུ་ཕེབས། ཚོགས་ཆེན་སྤྲུལ་སྐུུ་ཆེ་བའི་གོ་གནས་ཙམ་གྱི་ཐོག་སེར་སྨད་གྲྭ་ཚང་ཚ་རྡོར་ཁང་ཚན་དུ་ཆོས་ཞུགས་གནང་ནས་གཞུང་ཆེན་པོའི་སློབ་གཉེར་མཐར་སོན་ཏེ་དགེ་བཤེས་ལྷ་རམས་པའི་མཚན་བཏགས་བཞེས། དེ་ནས་རྒྱུད་སྟོད་དུ་ཞུགས་ནས་གསང་སྔགས་ཀྱི་སློབ་གཉེར་དང་ཆབས་ཅིག་བླ་མ་མང་པོའི་དྲུང་ནས་མདོ་སྔགས་ཀྱི་སློབ་གཉེར་གསན་བཞེས་མཛད་དེ། རིམ་བཞིན་བླ་མ་དབུ་མཛད་དང༌། མཁན་པོ། ཤར་པ་ཆོས་རྗེ་བཅས་ཀྱི་ཁྲིར་ཕེབས་སྐབས་དེ་དག་གི་རིང་ལ་མཛད་སྤྱོད་ངོ་མཚར་བའི་བཤད་རྒྱུན་མང་པོ་འདུག་པ་ལས་དཔེ་མཚོན་ཙམ་བགྲངས་ན། ཉག་རོང་ལྕགས་མདའ་སྤྲུལ་སྐུའི་ཕུང་པོ་སྙེ་ཐང་དུ་སྦ་བའི་སྦྱིན་སྲེགས་བླུགས་མཁན་ཚེ་སྨོན་གླིང་ཡིན་པས་སྦྱིན་སྲེག་སྐབས་རླུང་འཚུབ་ལྡང་སྟེ་ཀྃ་ཁྲི་སྟེང་ནས་ཕར་ཙམ་གཡུགས་ནས་ཡོད་པར། མགྱོགས་པར་རྟ་འཁྲིད་ཤོག་གསུངས་ནས་ཆིབས་པར་ཞོན་ནས་ཕེབས༌། ཚེ་སྨོན་གླིང་གཟིམས་ཆུང་དུ་ཞབས་ཡ་གཅིག་བཞག་སྐབས་བསྒྱེལ་བ་དང༌། ཀརྨ་སྐྱབས་ཐང་ཕེབས་ཀྱིས་འདྲེ་ང་མིན་ན་དེ་རིང་ཚར་སོང་ཞེས་ཟེར་ནས་སྐུ་སངས་པ་དང་ཆོས་རྗེ་ཡང་བསྒྱེལ་བ་སོགས་འཚུབ་སློང་ཆེས་ཆེར་བྱུང༌། ཛ ༡༧༢དགུང་ལོ་ཞེ་ལྔ་པ་རབ་བྱུང་བཅོ་ལྔ་པའི་མེ་ལུག་༡༩༠༧ལོར་དགའ་ལྡན་གྱི་ཁྲིར་ཕེབས་ནས་ཁྲི་ལོ་བདུན་བསྐྱངས། ས་བྱ་༡༩༠༩ལོ་ཟླ་བ་བཅུ་གཅིག་པའི་ནང་ྋགོང་ས་མཆོག་རྒྱ་ནག་ནས་བོད་དུ་ཆིབས་བསྒྱུར་གྱིས་ལྷ་སར་ཞབས་སོར་འཁོད་པ་དང་ཁྲི་རིན་པོ་ཆེ་འདི་ཉིད་ཀྱིས་མཎྜལ་རྟེན་གསུམ་འདེགས་འབུལ་གྱིས་སྣེ་དྲངས་འབུལ་བ་བཏོས་ཆེ་ཕུལ་བས་སྣེ་དྲངས་སྤྱི་སྒེར་མཆོག་ནདམན་མཐའ་དག་གིས་དངོས་འབུལ་རྒྱ་ཆེར་བཏེགས། གཞིས་བྱེས་ལྷན་འཛོམས་ཀྱི་བཀྲ་ཤིས་དགའ་སྟོན་ལ་རོལ་བཞིན་ཆོས་སྲིད་དང་འབྲེལ་བའི་བཀའ་མཆིད་ལྷུག་པོར་གནང༌། དགའ་ལྡན་ཁྲི་ལ་ཕེབས་པའི་ལོ་བཞི་པ་ལྕགས་ཁྱི་༡༩༡༠ལོར་ལུ་ཙི་ཅུན་གྱི་དམག་ལྷ་སར་འབྱོར་ཞིང་བོད་རིགས་ས་ཁུལ་དུ་དགོན་སྡེ་མང་པོ་གཏོར་བ་དང༌། བོད་མི་གྲངས་ལས་འདས་པ་དམར་གསོད་ཀྱི་དོན་རྐྱེན་བྱུང་སྐབས། ཏཱ་ལའི་བླ་མ་སྐུུ་ཕྲེང་བཅུ་གསུམ་པ་ལྷ་སར་བཞུགས་བཟོད་མ་བདེ་བར་རྒྱ་གར་ཕྱོགས་སུ་ཉེན་གཡོལ་དུ་ཕེབས་པར་དམ་པ་འདི་ཉིད་དགའ་ལྡན་ཁྲི་པའི་མཛད་ཁུར་སྐྱོང་བཞིན་པར་སྐུུ་ཚབ་དུ་བསྐོ་གཞག་གནང་བ་ལྟར་ལོ་ངོ་བཞིའི་རིང་སྲིད་སྐྱོང་གི་འགན་བཞེས་གནང༌། དགུང་ལོ་ང་གཅིག་པ་རབ་བྱུང་ལྔ་པའི་ཆུ་གླང་༡༩༡༣ལོར་ལྷ་སའི་རྒྱ་བོད་ཟིང་འཁྲུག་ལྷིང་འཇགས་ཐོག ཏཱ་ལའི་བླ་མ་སྐུུ་ཕྲེང་བཅུ་གསུམ་པ་མཆོག་རྒྱ་གར་ནས་བོད་ས་གནས་སུ་ཕྱིར་ཕེབས་གནང་རྗེས་རྒྱ་བོད་ཟིང་འཁྲུག་ལྷིང་འཇགས་སྐབས་བྱས་རྗེས་ཆེ་བའི་དགོན་སྡེ་ཁག་དང༌། བླ་སྤྲུལ། དཔོན་རིགས་བཅས་ལ་གཟེངས་བསྟོད་བྱ་དགའ་གནང་ཞིང༌། དམ་པ་འདི་ཉིད་ལ་ཧོ་ཐོག་ཐུའི་གོ་གནས་རང་འཇགས་བསྐྱར་གསོ་ཐོག དེ་སྔོན་ཚེ་སྨོན་གླིང་དབུ་ཉེས་བྱུང་སྐབས་གཞུང་བཞེས་བྱས་པའི་མཆོད་གཞིས་ཁག་ནས་ཉུང་ཤས་ཤིག་ཕྱིར་ལོག་གསོལ་རས་གནང༌། དགུང་ལོ་ང་བརྒྱད་དུ་ཕེབས་པ་རབ་བྱུང་བཅོ་ལྔ་པའི་ལྕགས་སྤྲེལ་༡༩༢༠ལོར་སྐུུ་གཤེགས། རྣམ་ཐར་ཟུར་འཁོད་ཅིག་ལོ་ཤས་གོང་ཕྱོགས་བསྒྲིགས་བྱས་པ་ཞིག་མཐོང་བ་དེའི་ནང༌། ཁྲི་ཐོག་གྱ་དྲུག་སེར་བྱེས་གཙང་པ་བློ་བཟང་རྒྱལ་མཚན་དང༌། དམ་པ་འདིའི་མཚན་འདྲ་མཚུངས་ཡོད་པར་འཁྲུལ་ནས་ལོ་རྒྱུས་ཁག་གཉིས་མཉམ་བསྲེས་བྱས་འདུག་པ་འདིར་ཡོ་བསྲང་བྱས་ཡོད་ཅིང༌། སྐུུ་ཕྲེང་བཞི་པ་དང་ལྔ་པ་གཉིས་ཀྱི་ལོ་རྒྱུས་སྐོར་གཤམ་གསལ་ཚ་སྡེའི་ཐད་དུ་བཀོད་ཡོད་པ་དེར་གཟིགས།

དགའ་ལྡན་ཁྲི་ཐོག་གྱ་བརྒྱད་པ་ལྕང་རྒྱབ་མཁྱེན་རབ་ཡོན་ཏན་རྒྱ་མཚོ་ནི། དགའ་ལྡན་ཁྲི་ཐོག་གྱ་བརྒྱད་པ་ལྕང་རྒྱབ་མཁྱེན་རབ་ཡོན་ཏན་རྒྱ་མཚོ་ནི། རབ་བྱུང་བཅོ་ལྔ་དུས་རབས་བཅུ་དགུ་པའི་དཀྱིལ་ཙམ་དུ་དབུས་ཀྱི་འབྲེི་གུང་དུ་སྐུ་འཁྲུངས། སྐུ་ན་ཆུང་དུས་ནས་གདན་ས་འབྲས་སྤུངས་སུ་ཕེབས་ནས་ཐོག་མར་སྒོ་མང་གྲྭ་ཚང་དུ་འཛུལ་ཞུགས་བྱས་ཀྱང་འདིའི་ཡབ་མདོ་ཁམས་ཏྲེ་ཧོར་རོང་པ་ཚ་དགོན་གསར་ནས་ཡིན་ཞིང་ཆུས་དུས་ལྷ་སར་ཚོང་ལས་ལ་ཞུགས་ནས་རིམ་གྱིས་འབྲི་གུང་དུ་གཞིས་ཆགས་པ་ཡིན་སྟབས་མི་རྒྱུད་གཞིར་བཟུང་གིས་བློ་གསལ་གླིང་གི་ཏྲེ་ཧོར་ཁང་ཚན་གྱི་ཉེ་འཁོར་གྲྭ་རྒྱུན་གྱི་ཐོབ་ཁོངས་ལྟར་འཛུལ་ཞུགས་ཐོག ཁང་གསར་སྐྱབས་མགོན་བློ་བཟང་ཚུལ་ཁྲིམས་སོགས་སྐྱེས་ཆེན་དུ་མའི་དྲུང་ནས་བསྡུས་གཞུང་དང་རྣམ་འགྲེལ། དབུ་ཕར། འདུལ་མཛོད་བཅས་ལ་མཁས་པར་སྦྱངས། ལྷ་ལྡན་སྨོན་ལམ་ཆེན་མོའི་ནང་གཞུང་ཆེན་ལྔའི་གྲྭ་སྐོར་མཛད་ནས་ལྷ་རམས་པའི་མཚན་གནས་བཞེས། རྒྱུད་གྲྭ་སྨད་དུ་ཕེབས་ནས་རྒྱུད་སྡེ་རྒྱ་མཚོ་ལྟ་བུ་ལ་གསན་བསམ་དཔྱིས་ཕྱིན་པར་མཛད། ཁྲི་ཆེན་ངག་དབང་ནོར་བུ་དང༌། ཁང་གསར་སྐྱབས་མགོན་བློ་བཟང་ཚུལ་ཁྲིམས། ཀེའུ་ཚང་བློ་བཟང་བསྟན་འཛིན་ཡར་རྒྱས། ཡོངས་འཛིན་གླིང་སྤྲུལ་བློ་བཟང་ལུང་རྟོགས་བསྟན་འཛིན་འཕྲིན་ལས་སོགས་ལས་མདོ་སྔགས་ཀྱི་བསྡུས་པའི་དབང་ལུང་མན་ངག་རྒྱ་ཆེར་མནོས། རྒྱུད་སྨད་ཀྱི་མཁན་ཁྲིར་ཕེབས་ཏེ་རྒྱུད་ཀྱི་འཆད་མཉན་རྒྱ་ཆེར་གནང༌། བོད་ཀྱི་མཁས་དབང་རིམ་བྱུང་གི་མིང་མཛོད་དང༌། པོ་ཏཱ་ལའི་གསུང་འབུམ་དཀར་ཆག་གཉིས་ཀའི་ནང་རྗེ་འདི་ཉིད་རྒྱུད་སྟོད་དུ་ཞུགས་ཚུལ་དང༌། དེའི་མཁན་ཁྲིར་ཕེབས་ཚུལ་གྱི་འོལ་ཚོད་དང་རྫུན་ཕྲེང་བསྒྲིགས་འདུག སྨད་རྒྱུད་གྲྭ་ཚང་གི་མཁན་རབས་གསོལ་འདེབས་ལས། ངོ་མཚར་བཀོད་པའི་ཚོགས་གཉིས་བསྲུབས་པ་ལས། ། མ་སྨད་མཆོག་གི་བང་རིམ་མངོན་པར་མཐོ།། ལེགས་གོམས་ཚུལ་གྱི་གཞན་ཕན་ཉི་ཟླས་རྒྱན། ། རྣམ་དག་ཁྲིམས་ལྡན་དབང་པོར་གསོལ་བ་འདེབས། ། ཞེས་པའི་ཐད་ཀྱི་དགའ་ལྡན་ཁྲི་ཐོག་བརྒྱ་བ་ཆོས་རྗེ་བློ་བཟང་ཉི་མ་དཔལ་བཟང་པོའི་ཆོས་འབྱུང་གཡའ་དག་འཕྲུལ་གྱི་མེ་ལོང་ལས། འདི་མཚན་སྒྲ་མི་གསལ་ཡང་གོང་འོག་གི་བབ་ལས་མཁྱེན་རབ་ཡོན་ཏན་རྒྱ་མཚོ་རྒྱུད་སྨད་ཀྱི་ཁྲིར་བྱོན་པ་མངོན་ཏེ། ཞེས་དང༌། དཔལ་ལྡན་སྨད་རྒྱུད་དུ་ཕེབས་ནས་མཁན་ཁྲིར་བྱོན་དེ་འཆད་ཉན་མཛད། བྱང་རྩེ་རྒྱུད་རབ་བྱུང་བཅོ་ལྔ་པའི་ཤིང་སྟག་ལོར་གདན་སར་ཕེབས་ནས་ཆོས་འཁོར་བསྐོར། ཞེས་དང༌། གུང་བསྟན་གྱི་ཁྲི་རབས་ཡོངས་འདུའི་ལྗོན་བཟང་དུ། རྒྱུད་སྨད་དང་བྱང་རྩེ་བརྒྱུད་ནས་དགའ་ལྡན་ཁྲིར་ཕེབས་ཞེས་དང༌། གོང་ས་བཅུ་གསུམ་པའི་རྣམ་ཐར་ཤོག་གྲངས་༥༢༩ལས། ཤིང་སྟག་ཟླ་བ་ལྔ་པའི་ཚེས་བཅུ་བཞི་ཉིན་ཚེ་གླིང་ཤ་ཅིན་ཏེལ་གེག་ཆེ་དགའ་ལྡན་ཁྲི་ཐོག་འཕོས་ཚབ་བྱང་རྩེ་ཆོས་རྗེ་མཁྱེན་རབ་ཡོན་ཏན་རྒྱ་མཚོ་དང༌། བྱང་རྩེ་ཆོས་རྗེ་གསར་པ་བྱམས་པ་ཆོས་གྲགས་གཉིས་སུ་ངེས་པ་སོ་སོར་ནས་བཀའ་བསྒྱུར་མཇལ་དར་དང༌། རྟེན་གསུམ་འདེགས་འབུལ་ཞུས། ཞེས་འབྱུང་བལྟར༌། རྗེ་འདི་ཉིད་རྒྱུད་སྨད་ནས་སྔགས་ཀྱི་གསན་སྦྱངས་གནང་སྟེ་རྒྱུད་སྨད་མཁན་ཁྲིར་ཕེབས། པོ་ཏཱ་ལའི་གསུང་འབུམ་དཀར་ཆག་སོགས་སུ་རྒྱུད་སྟོད་མཁན་ཁྲིར་ཕེབས་པར་བཤད་པ་ནི་ནོར་བའོ། །དེ་ནས་རབ་བྱུང་བཅོ་ལྔ་པའི་ལྕགས་གླང་༡༩༠༡ལོར་བྱང་རྩེ་ཁྲིར་ཕེབས་ཏེ་བྱང་རྩེར་བཞུགས་རིང་བྱང་ཆུབ་ལམ་རིམ་ཆུང་ངུ་དང༌། རྗེ་ཉིད་ཀྱི་སྦྱོར་ཆོས་ཟིན་བྲིས། བླ་མཆོད་ཟིན་བྲིས་སོགས་ཀྱི་བཀའ་འཁྲིད་རྒྱ་ཆེར་གནང༌། རྗེ་འདིས་བཀའ་ཁྲིད་གང་ཞིག་གནང་ཡང་གསུང་བཤད་རྒྱ་ཆེ་ཞིང་གསུང་གི་གདངས་སྲོང་པ། འཆད་པའི་ཐབས་ཚུལ་གཟན་ ལས་ཁྱད་དུ་ཞུགས་པས་ཆོས་ཞུ་བ་ཤིན་ཏུ་མང་པོ་འདུ། གཞན་ཡང་རྗེ་འདིས་བྱང་རྩེ་ཆོས་རྗེ་མཛད་པའི་སྐབས་སྡེ་སྲིད་སངས་རྒྱས་རྒྱ་མཚོའི་བཻཌཱུརྱ་དཀར་པོའི་དཔར་ཤིང་ལ་ཞུས་དག་མཛད་པ་སོགས། མདོར་ན་དགའ་ལྡན་ཕོ་བྲང་པའི་ཆབ་སྲིད་དང༌། བོད་ཀྱི་རིག་གཞུང༌། དགེ་ལྡན་པའི་བསྟན་པ་བཅས་ལ་བཤད་སྒྲུབ་ལས་གསུམ་གྱི་འཕྲིན་ལས་བླ་ན་འཕེལ་བར་མཛད། རབ་བྱུང་བཅོ་ལྔ་པའི་ཤིང་སྟག་༡༩༡༤ལོར་དགའ་ལྡན་གསེར་ཁྲིར་ཞབས་སོར་འཁོད། དེའི་ཕྱི་༡༩༡༥ལོར་བླ་མ་གནས་བརྟན་པས་སྦྱིན་བདག་ཞུས་ནས། སྐྱབས་རྗེ་ཁྲི་བྱང་རིན་པོ་ཆེ་གཙོས་པའི་སྐྱེས་ཆེན་བརྒྱ་ཕྲག་བརྒལ་བར་རྡོ་རྗེ་ཕྲེང་བའི་བཀའ་དབང་གནང་བས་མཚོན། མདོ་སྔགས་ཀྱི་ཆོས་འཁོར་རྒྱ་ཆེར་བསྐོར། སྐྱབས་རྗེ་ཁྲི་བྱང་རིན་པོ་ཆེ་བློ་བཟང་ཡེ་ཤེས་དང༌། སྟག་ཕུ་པདྨ་བཛྲ། སྒོ་མང་འབུལ་སྡུད་རིན་པོ་ཆེ། སོག་པོ་མགོན་དཀར་སྐྱབས། རྡོ་སྦིས་དགེ་བཤེས་ཤེས་རབ་རྒྱ་མཚོ་སོགས་མཁས་གྲུབ་གཉིས་ལྡན་གྱི་སློབ་མ་ཤིན་ཏུ་མང་པོ་བྱུང།སྣང་སྟེ། སྐྱབས་རྗེ་ཁྲི་བྱང་རང་རྣམ་འཁྲུལ་སྣང་སྒྱུ་མའི་ཟློས་གར་ལས། རང་ལོ་བཅོ་ལྔ་པ་ཤིང་ཡོས་༡༩༡༥ཟླ་བ་དྲུག་པའི་ཚེས་བཅུ་བདུན་ནས་བཟུང་དགའ་ལྡན་ཡངས་པ་ཅན་གྱི་གཙུག་ལག་ཁང་དུ་དགའ་བྱང་ཚ་བ་དགེ་བསྐོས་ཟུར་པ་ཡེ་ཤེས་ལགས་ཀྱིས་ཞུས་བསྐུལ་བཞིན་དགའ་ལྡན་ཁྲི་ཐོག་གྱ་བརྒྱད་པ་ཁྲི་ཆེན་མཁྱེན་རབ་ཡོན་ཏན་རྒྱ་མཚོ་དཔལ་བཟང་པོའི་ཞལ་སྔ་ནས་འཕགས་ཡུལ་གྱི་སློབ་དཔོན་ཆེན་པོ་ཨ་ཁཎ་ཀ་ར་གུརྐྱྣ་ཞེས་སམ་འཇིགས་མེད་འབྱུང་གནས་ཞབས་ཀྱིས་སྲོལ་ལེགས་པར་ཕྱེ་བའི་རྡོ་རྗེ་ཕྲེང་བའི་དཀྱིལ་འཁོར་ཞེ་གཉིས་དང༌། པབརསྤྱ༣་ཏ་དར་པཎ་ཨ་ཙ¿་འམ་འགྲོ་བའི་མེ་ལོང་ཞབས་ཀྱིས་སྲོལ་ཕྱེ་བའི་ཀྲྀ་ཡས་མུགད་ནས་བཤད་པའི་བདེ་ལེགས་སུ་བྱེད་པའི་དཀྱིལ་འཁོར་གསུམ་བཅས་དཀྱིལ་འཁོར་ཞེ་ལྔའི་དབང་ཆེན་སྟ་གོན་དང་བཅས་པར་ལེགས་པར་སྩལ་སོང་བར་ྋསྐྱབས་མཆོག་འབུལ་སྡུད་རྡོ་རྗེ་འཆང་དང༌། ལྔ་རིག་སྨྲ་བའི་དབང་ཕྱུག་འབྲས་སྤུངས་ཀླུ་འབུམ་དགེ་བཤེས་ཤེས་རབ་རྒྱ་མཚོ་རིན་པོ་ཆེ། གཞན་ཡང་བླ་སྤྲུལ་དགེ་བཤེས་མཁས་གྲགས་ཅན་སོགས་དགེ་འདུན་དྲུག་བརྒྱ་ལྷག་ཙམ་དང་ལྷན་དུ་སྐལ་བཟང་གི་དགའ་སྟོན་ཐོབ་ཅིང༌། བདེ་མཆོག་འཁོར་ལོ་བསྒྱུར་དྲུག་གི་དབང་ཆེན་གྱི་བརྟུལ་ཞུགས་དབང་སྐབས་ཁོ་བོར་རུས་པའི་རྒྱན་དྲུག་སོགས་ཆས་འཇུག་རྒྱས་པར་སྩལ་ཞིང༌། གདུགས་རྒྱལ་མཚན་སོགས་དང་བཅས་དཀྱིལ་འཁོར་ལ་བསྐོར་བ་དང༌། སློབ་མ་ལྷ་ལ་འབུལ་བ་སོགས་བསོད་ནམས་ཀྱི་སྐལ་བ་ཡང་མི་དམན་པ་ཐོབ། དབང་ཆེན་འདི་དག་གི་རིང་ྋསྐྱབས་མཆོག་འབུལ་སྡུད་རྡོ་རྗེ་འཆང་གི་སྐུའི་གཞོགས་འགྲམ་དེར་སྡོད་རྒྱུ་ཁེལ་ཞིང༌། རྡོ་རྗེ་འཆང་ཉིད་དབང་ཚུགས་ནས་མ་གྲོལ་བར་དམིགས་པ་ཡེངས་མེད་དུ་བཞུགས་པའི་དཔེ་སྟོན་བཟང་བ་དང༌། ལོ་སྔོན་མར་ཀུན་བདེ་གླིང་དུ་དབང་ཆེན་སྐབས་གསུང་བཤད་ལེགས་ཐོས་བྱུང་བ་སོགས་ཀྱིས་འདི་རེས་ཀྱང་དམིགས་རྣམ་རྐང་གྲངས་མ་ཆད་ཙམ་སྐྱོང་ཁུལ་བྱས། ཞེས་གསུངས་པས་སོ། འདིའི་ཟབས་བརྟན་གསོལ་འདེབས་སུ། བྱང་ཆུབ་སྤྱོད་པའི་ལམ་ལ་བགྲོད་པའི་འགྲོ།།འགྲོ་མྱུར་རྗེ་བཙུན་བླ་མར་གསོལ་བ་འདེབས།།ཞེས་ཡོད་འདུག་པར་རྡོ་སྦོས་དགེ་བཤེས་ཤེས་རབ་རྒྱ་མཚོས་ང་ཚོའི་བླ་མ་རིན་པོ་ཆེ་འགྲོས་མགྱོག་པོ་ཡོད་པར་འདྲ། ཞེས་ཞུས་པས། འབུལ་སྡུས་རིན་པོ་ཆེས་ཕྱག་གིས་དབུ་འཕུར་གྱིན་གཞད་མོ་གནང་ཚོད་འདུག༌། ཅེས་ཛེ་སྨད་གསུང་འབུམ་དུ་གསལ། གསུང་རྩོམ་ཡང་བླ་མཆོད་ཁྲིད་ཡིག་མན་ངག་གཏེར་མཛོད་དང༌། ལོ་གྱོན་རིལ་བུའི་སྦྱར་ཐབས། ཀེག་རྩིས་རབ་གནས་བཤད་པ། རྡོ་དབྱིངས་ཀྱི་སྒྲུབ་དཀྱིལ། བོད་ཀྱི་བརྡ་སྤྲོད་པའི་གཞུང་སུམ་རྟགས་ཉུང་ངུའི་ཚིག་གི་གོ་བདེ་བཀྲལ་བ་བློ་རྨོངས་གསལ་སྒྲོན་སོགས་མདོ་སྔགས་ཀྱི་ལེགས་བཤད་དང་ཐུན་མོང་གི་ལེགས་བཤད་འདུས་པའི་པོད་ཆེན་གཅིག་བཞུགས་དེང་སང་ཡང་ཕལ་ཆེར་ལྷ་ས་པོ་ཏཱ་ལའི་དཔེ་མཛོད་ཁང་དུ་ཡོད་པར་འདྲ། རྗེ་འདིའི་རྡོ་དབྱིངས་ཀྱི་སྒྲུབ་དཀྱིལ་ནི། དགའ་ལྡན་ཚ་བ་དང་བསམ་བློ་གཉིས་ཀྱི་སྟག་རྩེ་སྒྲུབ་མཆོད་སྐབས་རྒྱུན་འདོན་གནང་བཞིན་ཡོད་ཅེས་ཁྲི་ཆེན་བློ་བཟང་ཉི་མས་རྒྱུད་སྨད་ཆོས་འབྱུང་དུ་གསུངས། ། རབ་བྱུང་བཅོ་ལྔ་པའི་ས་ལུག་༡༩༡༩ལོར་ཁྲི་ལས་ཟུར་ནས། ལྷ་སྔགས་ཏིང་འཛིན་ལ་བརྩོན་བཞིན་པའི་མུར་ལྕགས་བྱ༡༩༢༡ལོར་དགོངས་པ་ཆོས་དབྱིངས་སུ་ཐིམ་པའི་སྐུ་གདུངརིན་པོ་ཆེ་དངུལ་གྱི་མཆོད་སྡོང་ཟ་མ་ཏོག་འབྲས་སྤུངས་ཏྲེ་ཧོར་ཁང་ཚན་དུ་བཞུགས། ཞལ་ཆེམས་སུ་ངའི་ཡང་སྲིད་མེད་པས་རྩད་གཅོད་མ་བྱེད་ཅེས་བཀའ་གནང་བ་ལྟར་སྐུ་ཆས་གང་ཡོད་དགོངས་རྫོགས་མཆོད་འབུལ་དུ་གཏོང་འཆར་ཡང༌། ཁྲི་ཆེན་འདིའི་སྐུ་ཚ་ཞིག་གིས། ཡང་སྲིད་བརྩད་གཅོད་ལ་ཁ་གཡར་ནས་དོན་མེད་གྱོད་འཛུགས་བྱས་པས་རང་གཞུང་གིས་རྗེ་འདིའི་གཟིམས་ཤག་འབྲས་སྤུངས་ཏྲེ་ཧོར་ཁང་ཚན་གྱི་འདུ་ཁང་ཐོག་ཁར་ཡོད་པ་དེ་ཉིད་ལ་སྒོ་ཐེལ་འཛུགས། དུས་ཕྱིས་དགའ་ལྡན་ཁྲི་ཆེན་དགུ་བཅུ་པ་ཏྲེ་ཧོར་བྱམས་པ་ཆོས་གྲགས་དགའ་ལྡན་ཁྲིར་ཕེབས་སྐབས་སྐྱབས་མགོན་བཅུ་གསུམ་པ་ཆེན་པོས་གཟིམ་ཆུང་དེ་ཉིད་དུ་བཞུགས་རྒྱུའི་བཀའ་འཁྲོལ་ལྟར་གཞི་ནས་གཟིམས་ཤག་སྒོ་དབྱེ་ཆོག་པ་བྱུང་ཡང༌། མི་ལོ་མང་པོ་སོང་སྟབས་ཅ་དངོས་ཕྱག་རྫས་ཕལ་ཆེ་བ་བེད་མེད་ཆགས་ཚར་ཚུལ་ད་ལྟར་ཞབས་བཞུགས་ཡོད་པའི་ཏྲེ་ཧོར་སྤྱི་རྒན་དགེ་བཤེས་པདྨ་ཡོངས་འཛིན་ལགས་ཀྱི་ཞལ་ནས་ཁོ་བོས་དངོས་སུ་ཐོས། དུང་དཀར་ཚིག་མཛོད་དུ། རྗེ་འདི་དགོངས་པ་རྫོགས་ལོ་༡༩༡༩ལོར་ཡིན་པར་གསུངས་པ་ནི་ནོར་བའོ། །


དགའ་ལྡན་ཁྲི་ཐོག་གྱ་དགུ་པ་ཉག་རེ་བློ་བཟང་ཐུབ་བསྟན་སྙྙན་གྲགས་ནི། ཡོངས་གྲགས་སུ་ཉག་རེ་ཁྲི་ཆེན་ཞུ་བ་དེ་ཡིན། བྲག་གཡབ་གྲོང་རེ་ཚང་དུ་འཁྲུངས། དབུས་སུ་ཕེབས་ནས་དགའ་ལྡན་ཤར་རྩེའི་ཉག་རེ་ཁང་ཚན་དུ་ཆོས་ཞུགས་མཛད་ནས་གཞུང་ཆེན་པོའི་སློབ་གཉེར་དང༌། དགེ་བཤེས་བཅས་མཐར་ཕྱིན་པར་མཛད། དེང་དུས་དཔལ་རབ་རྒྱལ་པོར་གྲགས་པ་སྐབས་དེར་དགའ་ལྡན་དུ་རྒྱུ་ཞིང་གནས་པའི་མི་མ་ཡིན་ཞིག་ཡོད་པ་དེས་སྐབས་འགར་བསམ་ངན་ལྟ་བུས་ཁབ་དང་ལྟེབ་གྲི་བཞུགས་གདན་སྟེང་བསླངས་ནས་བཞག་པ་སོགས་མང་དུ་བྱས་ཤིང༌། སྐབས་རེར་གསོལ་དཔོན་ལྟ་བུའི་ཞབས་ཞུ་བགྱིས་པ་ཞིག་བྱུང་བར་འདུག ལྷ་རམས་གྲུབ་ནས་རྒྱུད་སྟོད་དུ་ཆོས་འགྲིམས་མཛད་ཅིང༌། རྒྱུད་པར་བཞུགས་སྐབས་དེ་སྔོན་བླ་སྤྲུལ་ཡོད་ཚད་གྲལ་འགོར་བཞུགས་འཐུས་ཆོག་ཀྱང༌། སྐབས་དེར་མི་མཐུན་པའི་ལབ་གླེང་རྐྱེན་ངན་གྱིས་ྋརྒྱལ་དབང་སྐུུ་ཕྲེང་བཅུ་གསུམ་པ་ཆེན་པོས་སྤྲུལ་སྐུུ་ཆུང་ཁག་རྣམས་དགེ་བཤེས་གྲལ་མཚམས་སུ་བཞུགས་རྒྱུ་བཟོས་པར། དམ་པ་འདི་ཉིད་ཀྱིས་ཀ་ཀོར་གང་ཡང་མེད་པར་དགེ་བཤེས་གྲལ་མཚམས་སུ་བཞུགས་པར། ྋརྒྱལ་དབང་བཅུ་གསུམ་པ་མཉེས་ཚོར་གྱིས་ཤིང་འབྲུག་༡༩༠༤ལོར་བླ་མ་དབུ་མཛད་བསྐོ་བཞག་སྩལ། རྒྱུད་པར་བཞུགས་སྐབས་བྲག་ཡེར་པར་རྟ་མགྲིན་གྱི་བསྙྙེན་མཚམས་བཞུགས་ཕེབས་སྐབས་རྡོར་དྲིལ་ལྷ་སར་ལུས་པ། ད་རེས་དཔལ་རབ་རྒྱལ་པོ་དེ་ཡོད་ན་དགོངས་པ་དང་མཉམ་དུ་རྡོར་དྲིལ་ནམ་མཁའ་ནས་མདུན་དུ་བབས་པ་བྱུང༌། རྗེ་འདི་ཉིད་བླ་མ་དབུ་མཛད་གནང་དུས་གསེར་སྐོང་རྡོ་རྗེ་འཆང་གིས་དཔལ་ལྡན་རྒྱུད་སྟོད་གྲྭ་ཁང་དུ་གསུང་ཆོས་སྩལ་བའི་སྐབས། དམ་པ་འདིས་མབྲསྤྱལ་བཤད་པ་མཛད་པའི་མབྲསྤྱལ་འདེགས་པར་དཔལ་རབ་རྒྱལ་པོ་ཡོད་སྟབས། གསེར་སྐོང་རྡོ་རྗེ་འཆང་གིས་མཁྱེན་ནས་དེ་རིང་ཁྱེད་རང་ལ་མབྲསྤྱལ་འདེགས་རོགས་ལེགས་པོ་ཞིག་འདུག་ཅེས་གསུངས་སྐུད། ཁྲི་ཆེན་རིན་པོ་ཆེ་འདི་ཉིད་ཐུགས་གཤིས་ཤིན་ཏུ་བཟང་ཞིང་ཞལ་ཤིན་ཏུ་སྲོང་པས། བླ་བྲང་གི་དགེ་ཕྲུག་རྣམས་ལ་ཚེ་སྨོན་གླིང་སངས་རྒྱས་འཁོར་བ་འཇིག་གི་རྣམ་འཕྲུལ་ཡིན་པ་སོགས་བླ་མ་འདི་དང་འདི། དེ་དང་དེའི་སྤྲུལ་པ་རེད་ཅེས་མང་དུ་གསུངས་པ་ལ། དགེ་ཕྲུག་རྣམས་ལ་གཞན་གྱིས་བསླབས་ནས་རིན་པོ་ཆེ་ཉིད་གང་གི་སྤྲུལ་པ་ཡིན་ནམ་ཞུས་པར། ཐུགས་བསམ་ཞིག་བཞེས་ནས་ང་མི་རེད་མི་རེད་ཅེས་གསུངས་སྣང་སྟེ། བྱང་སེམས་ནོར་ཕྲེང་ལས། བདག་གི་ཡོན་ཏན་སྦ་བྱ་ཞིང༌། །གཞན་གྱི་ཡོན་ཏན་བསྒྲགས་པར་བྱ། ཞེས་གསུངས་པ་ལྟར་གྱི་རྒྱལ་སྲས་བྱང་ཆུབ་སེམས་དཔའི་རྣམ་ཐར་རྨད་དུ་བྱུང་བའོ། རབ་བྱུང་བཅོ་ལྔ་པའི་མེ་ལུག་༡༩༠༧ལོར། ཤར་རྩེ་ཆོས་རྗེའི་ཁྲིར་བཞུགས། སྐབས་ཤིག་བར་ཆད་ཀྱི་རྣམ་པས་བསྙྙུན་གཞི་ཚབས་ཆེ་བྱུང་བར། དགའ་ལྡན་ཁྲི་ཟུར་ཚེ་སྨོན་གླིང་སྐུུ་ཕྲེང་གསུམ་པ་ངག་དབང་བློ་བཟང་བསྟན་པའི་རྒྱལ་མཚན་རིན་པོ་ཆེའི་བཀའ་བཞིན་མལ་གྲོའི་ཕུར་རུ་ཐོག་དགོན་དུ་ཕྱག་ལེན་སྔོན་ཡོད་ལྟར། གཡག་རྭའི་ནང་ཁྲག་བླུག་པ་ལ་མེ་འཕེན་བྱས་པ་སོགས་གཏོར་ཆོག་གི་སྒོ་ནས་བཟློག་པ་མཛད་པས་བསྙྙུན་དྭངས་པ་བྱུང༌། རུ་ཐོག་དགོན་འདི་དུས་ཕྱིས་དགའ་ལྡན་བྱང་རྩེའི་འཛིན་ཁོངས་དགེ་ལྡན་རང་སྲོལ་གཙང་མར་འཛིན་པ་ཡིན་ཡང༌། སྔོན་ཚལ་བ་བཀའ་བརྒྱུད་པའི་དགོན་པ་ཡིན་འདུག་པའི་སྟབས་ཀྱིས་ཆོ་ག་འདི་འདྲའི་རིགས་འགའ་ཞིག་དུས་ཕྱིས་ཀྱང་གཏོང་སྲོལ་ཡོད་འདུག དེ་དག་ལ་བརྟེན་ནས་བར་ཆད་ཀྱི་མཚན་མ་བཟློག་སྟེ་གོང་ས་ྋསྐྱབས་མགོན་ཐམས་ཅད་མཁྱེན་པ་ཐུབ་བསྟན་རྒྱ་མཚོས་ཁྲི་ཆེན་རིན་པོ་ཆེ་མཁྱེན་རབ་ཡོན་ཏན་རྒྱ་མཚོ་དགོངས་ཞུས་འཁྲོལ་གྱི་ཚབ་ཏུ་དམ་པ་འདི་ཉིད་ས་ལུག་༡༩༡༩ལོར་དགའ་ལྡན་གསེར་ཁྲི་ཆེན་མོར་བཀོད་པ་ལྟར། དགའ་ལྡན་གསེར་ཁྲིར་ཕེབས་པའི་ཁྲི་འདོན་ཆེད་དགའ་ལྡན་དུ་ཆིབས་བསྒྱུར་གྱིས་ཚོགས་ཆེན་དུ་ཁྲི་འགྱེད་དང༌། ཤར་རྩེ་གྲྭ་ཚང་དུ་བསྙྙེན་བཀུར་གཟབ་རྒྱས་ཐོག་བཞེས་ཐུག་སྣོད་ཟོ་ལག་གཞི་ཟངས་ལ་རག་ཤན་ཅན་ཉི་ཤུ་སྐོར་འབུལ་སྦྱོར་མཛད། མདོ་སྔགས་ཀྱི་ཆོས་འཁོར་རྒྱ་ཆེར་བསྐོར་བས་མཚོན་འཇམ་མགོན་རྒྱལ་བ་གཉིས་པའི་རྒྱལ་ཚབ་ཀྱི་བྱེད་སྒོ་ཀུན་འཐུས་ཚང་གནང༌། དམ་པ་འདིས་ཚེ་སྨོན་གླིང་སྐུུ་ཕྲེང་གསུམ་པ་ངག་དབང་བློ་བཟང་བསྟན་པའི་རྒྱལ་མཚན་ཉིད་རྩ་བའི་བླ་མར་མཛད་ཅིང་ཤིན་ཏུ་ཐུགས་ཉེ་བར་བརྟེན། ཚེ་སྨོན་གླིང་དགོངས་པ་ཞི་དབྱིངས་སུ་གཤེགས་ཁར་རིངས་སྟབས་སུ་ཕེབས་ཀྱང་ཞལ་མཇལ་མ་ཐུབ་པ་སོགས་ཀྱིས་ཐུྜྲ་ཕམ་ལྟ་བུས། ཁྲི་ལོ་མཐའ་འཁྱོལ་མ་བྱུང་ཞིང་ལྕགས་སྤྲེལ་༡༩༢༠ལོར་དགོངས་པ་ཞི་དབྱིངས་སུ་གཤེགས། ། དེའི་ཁྲི་སྤྲུལ་རིན་པོ་ཆེ་ཐུབ་བསྟན་མཚན་ལེགས་རྒྱལ་མཚན་ཆུ་ཁྱི་༡༩༢༢ལོར་བྲག་གཡབ་ཏུ་སྐུུ་འཁྲུངས། ཤིང་སྤྲེལ་ལོར་ལྷ་རམས་དམ་བཅའ་དང་དེ་རྗེས་སྔགས་དམ་བཅའ་མཛད། ཤར་རྩེ་གྲྭ་ཚང་དུ་ཟངས་རྐྱན་དངུལ་ཤན་ཅན་ལྔ་བཅུ་ཐམ་པ་རེ་རེར་རྡཱ་ཡང་བཅོ་ལྔ་རེ་ཡོད་པ་དང༌། དགང་གཟར་བླུགས་འབུལ་འབྱོར་མཛད་པ་སོགས་ཁོ་བོ་དང་དུས་ཐོག་མཉམ་པ་མཁས་བཙུན་བཟང་གྲུབ་ཀྱི་དམ་པར་བཞུགས་ཀྱང༌། དུས་འགྱུར་སྐབས་བཙོན་འོག་ཏུ་ཚུད་དེ་ལྕགས་བྱི་༡༩༦༠ལོར་ཞི་དབྱིངས་སུ་གཞོལ། སྐུུ་ཕྲེང་གསུམ་

དགའ་ལྡན་ཁྲི་ཐོག་དགུ་བཅུ་པ་བྱམས་པ་ཆོས་གྲགས། དགའ་ལྡན་ཁྲི་ཐོག་དགུ་བཅུ་པ་བྱམས་པ་ཆོས་གྲགས་ནི། རབ་བྱུང་བཅུ་བཞི་པའི་ལྕགས་ཁྱི་༡༨༥༠ལོར་མདོ་ཁམས་བྲག་འགོའི་ཆར་གཏོགས་ཝ་ལུང་གྲོང་ཚོའི་ཝ་ལུང་ཚང་ཞེས་པའི་ཞིང་པའི་ཁྱིམ་ཚང་ཞིག་ཏུ་སྐུ་འཁྲུངས། སྐུ་ན་ཤིན་ཏུ་ཕྲ་བའི་དུས་ནས་ཕལ་བའི་སྤྱོད་ཚུལ་རིང་དུ་དོར་ཞིང་ཡ་རབས་དམ་པའི་སྤྱོད་བཟང་གིས་ཐ་ན་འབུ་སྲིན་གྲོག་སྦུར་ཚུན་ཆད་ལ་གནོད་པའི་ལས་ཕྲ་མོ་ཙམ་ཡང་མི་བསྒྲུབ་པར་བྱམས་སྙིང་རྗེ་བཅོས་མ་མ་ཡིནཔ་རང་ཆས་སུ་མངའ་བའི་སྐྱེས་ཆེན་དམ་པའི་རང་རྟགས་མངོན་དུ་གྱུར་བས། ཀུན་གྱིས་བསྔགས་པའི་ཡུལ་འབའ་ཞིག་གྱུར། ཆུང་དུས་ནས་ཧོར་ཆོས་རྗེ་ངག་དབང་ཕུན་ཚོགས་ཀྱིས་ཕྱག་བཏབ་པའི་ཧོར་དགོན་སྡེ་བཅུ་གསུམ་གྱི་ཡ་གྱལ་མཁས་གྲུབ་བྱེ་བའི་བསྟི་གནས་བྲག་འགོ་དགའ་ལྡན་རབ་བརྟན་རྣམ་རྒྱལ་གླིང་དུ་ཆོས་ཞུགས་གནང་ནས་འབྲེི་ཀློག་དང་འདོན་ཚོགས་ཆོས་སྤྱོད་ཀྱི་རིམ་པ་རྣམས་བསླབས་པས་ཚེགས་མེད་དུ་མཁྱེན། ཆུང་དུས་ནས་དགེ་ཚུལ་གྱི་དངོས་པོ་བླངས་བསླབ་ཁྲིམས་མཐའ་དག་མིག་གི་འབྲས་བུ་བཞིན་དུ་སྲུང་ཞིང་བསྟན་པའི་མིག་རྒྱན་དུ་གྱུར། བཤེས་གཉེན་དུ་མའི་ཞབས་ལ་བསྟེན་ནས་བསྡུས་གྲྭ་བློ་རྟགས་ནས་ཕར་ཕྱིན་དགེ་འདུན་ཉི་ཤུའི་བར་རིགས་ལམ་བརྒལ་བརྟག་གི་སྒོ་ནས་སྦྱང་བརྩོན་དཔྱིས་ཕྱིན་པར་མཛད་པ་དང༌། རྒྱན་འཇུག་གཉིས་དང་རྩ་བ་ཤེས་རབ། འགྲེལ་ཆུང་དོན་གསལ། དྲང་ངེས་རྩ་བ་བཅས་ཐུགས་འཛིན་གནང༌། རིགས་ལམ་མྱུར་བའི་ཚོད་དུ་འཛིན། དེ་ཙམ་གྱིས་ཆོག་ཤེས་མ་གནང་སྟེ་ཆོས་ཀྱི་དོན་དུ་རྒྱལ་བུ་དོན་ཀུན་གྲུབ་པས་དཀའ་སྤྱད་གནང་བ་ལྟར། དབུས་འགྱུར་ཆོས་ཀྱི་ཞིང་སར་ཕེབས་པའི་འདུན་པ་དྲག་པོ་འགོག་མེད་དུ་འཆར་ཏེ། ངལ་དུབ་ལ་མ་འཛེམ་པར་ལྷ་ལྡན་དུ་ཞབས་སོར་བཀོད་ཅིང༌། ལེགས་བཤད་མགྲིན་པའི་རྔ་གསང་སྙན་འགྱུར་འབུམ་དུ་འཁྲོལ་བའི་མཁས་དབང་བྱེ་བའི་འབྱུང་གནས་ལུང་རྟོགས་ལེགས་བཤད་རྒྱ་མཚོའི་གཏེར་ཆེན་དཔལ་ལྡན་འབྲས་དཀར་སྤུངས་པའི་མཁས་མང་བློ་གསལ་བྱེ་བའི་གླིང་དུ་ཆོས་ཞུགས་མཛད་དེ་དགེ་བའི་བཤེས་གཉེན་དུ་མའི་ཞབས་རྡུལ་སྤྱི་བོར་བླངས། གྲྭ་རྐྱང་དཀྱུས་མའི་ཚུལ་གྱིས་གཞུང་ཆེན་ཁག་ལ་གསན་བསམ་མཐར་ཕྱིན་མཛད་ནས་མཁས་པའི་གྲགས་པ་འབྲེ། བཤད་པ་དང་རྩོད་པ་ལྷུར་ལེན་པ་ཙམ་མ་ཡིན་པར་ཐོས་དོན་ཐུགས་ཉམས་སུ་བསྟར་བས། སྐྱེས་སྦྱངས་ཀྱི་མཁྱེན་རབ་ཐོགས་པ་མེད་ཅིང༌། གུས་པ་དང་རྟག་པར་སྦྱོར་བའི་བརྩོན་པ་ལྷུར་བཞེས་པས་མཁྱེན་རབ་དབྱར་གྱི་མཚོ་ཆེན་ལྟར་མཐའ་མེད་དུ་འཕེལ། ཕུར་ལྕོག་བྱམས་མགོན་གྱི་དྲུང་ནས་བསྙེན་པར་རྫོགས་པའི་དགེ་སློང་གི་སྡོམ་པ་ཞུས། བརྩོན་པ་ཆུ་བོའི་རྒྱུན་བཞིན་བསྐྱངས་ཏེ་གཞུང་ཆེན་བཀའ་པོད་ལྔར་གསན་སྦྱངས་མཐའ་རྒྱ་བཅད་པའི་འབྲས་རྟགས་གདན་གསུམ་གྲྭ་སྐོར་དམ་འཇོག་དང༌། ཆོ་འཕྲུལ་སྨོན་ལམ་ཆེན་མོའི་གསུང་ཆོས་ར་བར་གདན་གསུམ་དབུས་རྒྱུད་གྲྭ་སྟོད་སྨད། རྭ་བ་སྟོད་པ་བཅས་གཞུང་ལུགས་རབ་འབྱམས་སྨྲ་བའི་བཀའ་རམས་དགེ་བའི་བཤེས་གཉེན་གསེར་གྱི་རི་ཚོགས་ལྟ་བུ་རྣམས་གཙོ་བོར་གྱུར་པའི་ལེགས་བཤད་དགའ་སྟོན་ལ་གདན་འཛོམས་པའི་རིགས་ལམ་གནམ་ལྕགས་ཀྱི་འཁྲུལ་འཁོར་ལ་ཐུགས་བྱང་ཆུབ་པ་རྣམས་ཀྱིས་རྒྱ་བོད་གཞུང་ལུགས་རྒྱ་མཚོའི་དཀའ་གནད་ལས་བརྩམས་པའི་བརྒལ་བརྟག་ཅི་ཙམ་ཕུལ་ཡང་མཁྱེན་རབ་ཀྱི་ཕར་མཐར་གཏུགས་པ་མེད་པར་གནད་ལ་རེག་པའི་རྣམ་ཐར་སྒོ་བཞིའི་ལྗགས་ལན་ཐོགས་མེད་དུ་གནང༌། དེར་འདུས་གཟུར་གནས་དཔྱོད་ལྡན་རྣམས་ཀྱིས་བསྟོད་བསྔགས་ཀྱི་མེ་ཏོག་ཡང་ཡང་འཐོར་ཞིང་སྙན་པའི་གྲགས་པ་ཕྱོགས་སུ་ཁྱབ། ལོ་དེའི་ལྷ་ལྡན་རབ་འབྱམས་པའི་མཚན་གནས་དང་པོ་བཞེས། དེ་ནས་དམ་པ་གོང་མའི་ཕྱག་རྒྱུན་དང༌། ཁྱད་པར་དུ་ཐུན་མིན་རྒྱུད་སྡེ་བཞིར་ཉམས་ལེན་གནང་རྒྱུར་ཐུགས་དམ་གྱི་མཐིལ་དུ་བཟུང་ནས་དཔལ་ལྡན་སྨད་རྒྱུད་གྲྭ་ཚང་དུ་ཆོས་ཞུགས་གནང་སྟེ། གསང་ཆེན་རྒྱུད་སྡེ་བཞི་དང་ཡང་གསང་བླ་མེད་ཀྱི་རྒྱུད་བཅས་པར་གསན་བསམ་མཐར་ཕྱིན་གནང་ནས་སྔགས་རམས་པའི་དམ་བཅའ་བཞག ྜྲིཀའི་སྐྱོར་དཔོན་སོགས་དཔལ་ལྡན་སྨད་རྒྱུད་པའི་ལས་རྒྱུན་གང་གི་སྐབས་སུ་ཡང་གཞན་དང་མ་འདྲ་བའི་ཚགས་ཚུད་བྱུང་བ་སོགས་བསྔགས་འོས་ཀྱི་ཚད་དུ་གླེང༌། རིམ་པས་རྒྱུད་སྨད་དགེ་བསྐོས་ཞིང་དཔལ་ལྡན་སྨད་རྒྱུད་པའི་སྒྲིགས་ཁྲིམས་ལ་དམ་བསྒྲགས་ཤུགས་ཆེར་གནང༌། བར་སྐབས་ཤིག་ནས་རྒྱུད་པའི་སྒྲིགས་ཁྲིམས་དེ་ཙམ་གྱིས་ཚགས་སུ་ཚུད་པོ་མེད་པར་མ་རུང་བ་རེ་ཟུང་གིས་སྤྱོད་ངན་ལ་བརྟེན་དགེ་འདུན་སྤྱིའི་སྒྲིགས་ལམ་ལ་གནོད་སྐྱོན་ཚབས་ཆེན་ཐེབས་པར་ཐུགས་ཀྱིས་མ་བཟོད་པར། བསྟན་པར་གཅེས་འཛིན་གྱིས་སྒྲིགས་ཁྲིམས་ལ་དག་ཐེར་དམིགས་ཕུགས་པར་མཛད་དེ། དཔེར་ན་ལྷ་ས་རྒཡུད་སྨད་པའི་གྲོང་ཆོག་པ་ཡོད་སར་སྣང་མེད་དང༌། མངོན་ཆུང་གིས་ཕེབས་ཏེ་སྒོ་འགྲམ་ནས་གཟིགས་པ་སོགས་ཀྱིས་གནས་དབྱུང་བཏང་བ་སོགས་མང་དུ་མཛད། གྲོང་ཆོག་པ་ཚེས་ཉིའན་གཅིག་སྦྱིན་བདག་ལ་མངགས་ཏེ། དེ་རིང་རྒྱུད་གྲྭ་གཞན་པ་སུ་ཞིག་སླེབས་ཀྱང་ནང་ལ་མ་གཏོང་ཞེས་བཀག་ཀྱང༌། འདི་ཉིད་ཀྱིས་རྒྱུད་པ་ཞིག་གི་དགེ་ཕྲུག་ཡིན་ལྡེ་མིག་ལེན་མཁན་གཏོང་རོགས་གསུངས་ནས་ནང་དུ་འཛུལ་སྐབས་གྲྭ་ཆས་སྒྲིག་བཞིན་གོན་མེད་སྟབས་ཉེས་དཀྲིས་པ་དང༌། རྒྱུད་པའི་ཚོགས་སུ་ཟླ་གམ་ཕུད་དེ་བཞེངས་ནས་ངས་དཀོན་མཆོག་དཔང་བཙུགས་ཞེས་གསུང་བཞིན་ཉེས་རྡུང་གཏོང་པས་རྒྱུད་སྨད་པ་ཚོས་འདིའི་མཚན་ལ་དཀོན་མཆོག་དཔང་གཙུགས་ཞེས་སུ་འབོད། དེ་ལྟ་ཚུལ་བཞིན་མ་ཡིན་པའི་ཀུན་སྤྱོད་ཁྱེར་བའི་དགེ་འདུན་གྲལ་གཉིས་ཙམ་སྟེ་ཞལ་གྲངས་སུམ་ཅུ་ཙམ་སྡེབས་གཅིག་ལ་གནས་དབྱུང་བཏང་ནས་དཔལ་ལྡན་སྨད་རྒྱུད་པའི་སྒྲིགས་ཁྲིམས་རྣམས་མི་ཉམས་རྒྱུན་འཛིན་དང་ཉམས་པ་སོར་ཆུད་མཛད་ཅིང༌། རྒྱུད་སྡེ་ཆེན་པོ་བཞིའི་འཆད་ཉན་བླ་ལྷག་ཏུ་སྤེལ་བ་སོགས་དམ་པ་འདི་ནི་སྨད་རྒྱུད་གྲྭ་ཚང་ལ་བཀྲིན་མཆོག་ཏུ་ཆེ་བའི་ཚད་དུ་བགྲངས། རྗེས་སུ་བདག་ཉིད་ཆེན་པོ་འདིའི་ཞལ་ནས། ངོས་འདི་ལྟར་ཚེ་རིང་བར་འཚོ་ཐུབ་པ་ནི་རྒྱུད་པའི་ལས་རྒྱུན་སྐབས་སྒྲིགས་ཁྲིམས་ལ་དག་ཐེར་གང་ལེགས་འབྱུང་བ་དང་གསང་ཆེན་རྒྱུད་སྡེ་རྣམ་བཞིའི་ཉན་བཤད་ལ་ཞབས་ཞུ་ལེགས་པོ་བྱུང་བའི་བཀྲིན་ཉན་གཅིག་ཡིན་ཞེས་གསུངས་ཚུལ་རྒན་རབས་རྣམས་ཀྱི་ཞལ་ནས་ཐོས། རྒྱལ་བའི་དབང་པོ་ཐུབ་བསྟན་རྒྱ་མཚོ་དང༌། ཏྲེ་ཧོར་ཁང་སར་སྐྱབས་མགོན་བློ་བཟང་ཚུལ་ཁྲིམས། ཕ་བོང་ཁ་པ་བདེ་ཆེན་སྙིང་པོ། ཕུར་ལྕོག་བྱམས་མགོན་རིན་པོ་ཆེ། ཡོངས་འཛིན་གླིང་སྤྲུལ་བློ་བཟང་ལུང་རྟོགས་སོགས། སྐྱེས་ཆེན་དུ་མའི་དྲུང་ནས་མདོ་སྔགས་ཀྱི་བཀའ་ལུང་མན་ངག་ཤིན་ཏུ་མང་པོ་ཞུས། ཕ་ཡུལ་གཞིས་དགོན་དགའ་ལྡན་རྣམ་རྒྱལ་གླིང་གིས་གདན་ཞུའི་གསོལ་བ་ཡང་ཡང་བཏབ་པར་བརྟེན། བརྩེ་ཆེན་ཡེ་ཤེས་ཆེན་པོས་ཉེ་བར་དྲངས་ཏེ་ཁམས་ཀྱི་ཕྱོགས་སུ་ཞབས་ཟུང་བསྒྱུར། ཕ་ཡུལ་གཞིས་དགོན་དུ་ཞབས་སེན་བཀོད་དེ་ཡུལ་དགོན་སེར་སྐྱ་མང་ཚོགས་ཀྱིས་གསོལ་བ་ཕུར་ཚུགས་བཏབ་པ་བཞིན་བྲག་དགོན་རབ་བརྟན་རྣམ་རྒྱལ་གླིང་གི་མཁན་པོ་ཁྲི་པའི་ཐུགས་འགན་བདག་གིར་བཞེས། དགོན་པའི་སྒྲིགས་གཞི་ཡོད་ཚད་དམ་པའི་ཆོས་འདུལ་བ་གཞིར་བཟུང་གིས་དགོན་དེའི་སྒྲིགས་ཁྲིམས་ལ་དག་ཐེར་ནན་པོ་གནང་ཞིང༌། འཆད་ཉན་སྔར་ཡོད་རྒྱུན་འཛིན་དང༌། མདོ་སྔགས་རིག་གནས་དང་བཅས་པར་འཆད་རྩོད་རྩོམ་གསུམ་གྱི་རྒྱུན་བཟང་དབྱར་གྱི་མཚོ་ཆེན་ལྟར་སྤེལ་རྒྱུའི་ཐུགས་འདུན་ཆེན་པོ་ཡོད་ནའང་རྟེན་འབྲཻལ་གྱི་གནད་ཀ་ལྟ་བུས་ཐུགས་བཞེད་ལྟར་མ་གྲུབ་མོད། འོན་ཀྱང༌། ཁྱིམ་པ་ཚོར་དགེ་སྡིག་སྤང་བླང་གི་རྣམ་བཞག་སོགས་ཆོས་དང་འཇིག་རྟེན་གཉིས་ཐད་ནས་སློབ་སྟོན་གང་ཟབ་གནང།བས། དེ་ནས་བཟུང་ཡུལ་ཁམས་དེའི་ཁོར་ཡུག་གང་སར་རྐུ་ཁྱེར་འཕྲོག་བཅོམ་དང༌། རི་དྭགས་གཤོར་བ། སྒོ་ཕྱུགས་ཚོད་མེད་གསོད་པ་སོགས་མདོར་ན་སྡིག་ལས་འབའ་ཞིག་ལ་སྤྱོད་མཁན་རྣམས་ཀྱང་ཐབས་ཚུལ་དུ་མའི་སྒོ་ནས་ལས་ངན་གསོག་པའི་རྒྱུན་བཅད་དེ་དམ་པའི་ཆོས་ལ་གཞོལ་བར་བྱས། རི་རྒྱ་ཀླུང་རྒྱ་བསྡམས་པས་སྲོག་ཆགས་འབུ་སྲིན་ཡན་ཆད་ཞི་བདེ་བག་ཕེབས་ཀྱིས་རྒྱུ་ཞིང༌། ཡུལ་ཁམས་སུ་ནད་མུག་འཁྲུག་རྩོད་ཞི་སྟེ། ལོ་ཕྱུགས་ཀྱི་འཕེལ་ཁ་ཅི་ཡང་རྒྱས་པས་རྫོགས་ལྡན་གཉིས་པའི་སྐལ་བཟང་མངོན་དུ་གྱུར། ཟང་ཟིང་གི་འདུ་འགོད་དང་དཀོར་གྱི་ཡོ་ལང་ལ་མཁས་པའི་མི་སྲུན་པ་འགའ་ཞིག་གིས་རྗེ་འདི་ཉིད་ལ་ཝ་ལུང་ཁ་མཆུ་དགེ་བཤེས་ཞེས་ཀྱང་བཏགས་སྐད་ཐོས། ཡུལ་དེའི་རིས་མེད་ཆོས་བརྒྱུད་ཁག་གི་བསྒྲུབ་བྱ་མང་པོར་དགེ་ཚུལ་དང་བསྙེན་རྫོགས་ཀྱི་དངོས་པོ་བསྩལ་བས་ངུར་སྨྲིག་འཛིན་པའི་སྡེ་ཆེན་པོ་ལྷར་བཅས་འགྲོ་བའི་བསོད་ནམས་ཀྱི་ཞིང་ས་བསྒྲུབས། ཆོས་གཞིས་དུ་མར་སེམས་ཅན་ལ་འཚེ་བའི་ལས་དང་འབྲཻལ་བའི་མཛད་སྒོ་དང་ལས་གཞི་མཐའ་དག་མཚམས་འཇོགས་བྱེད་དུ་བཅུག མདོར་ན་བྲག་འགོ་དང༌། ལྕོག་རི། སྟོང་འཁོར། རྟའུ། མགར་ཐར། མི་ཉག་སོགས་ཡུལ་ལུང་མང་པོར་གང་གི་ཐུགས་རྗེའི་འཕྲིན་ལས་ཀྱིས་བསྐྲུན་པའི་འཚེ་མེད་ཞི་བའི་རླབས་དཀར་གྱི་རྒྱུན་བཟང་ལོངས་སུ་སྤྱོད་རྒྱུ་བྱུང་ཞིང༌། ཐམས་ཅད་ལྷ་ཆོས་དགེ་བ་བཅུའི་ཁྲིམས་ཀྱིས་འཚོ་བར་མཛད་དོ། སྐབས་དེ་ཤེད་དུ་ྋགོང་ས་ཆེན་པོས་ལྷ་ལྡན་ཆོས་ཀྱི་ཞིང་ཁམས་སུ་ཆིབས་ཐོན་གནང་དགོས་པའི་བཀའ་བཟང་སྤྱི་བོར་ཕེབས་དོན་བཞིན་ཞབས་ཟུང་འཁོར་ལོའི་རེ་ཁཱ་དབུས་ཕྱོགས་སུ་བསྒྱུར། དྲི་མེད་ཞབས་ཟུང་གི་རེ་ཁཱ་གཙང་མ་ལྷ་ལྡན་དག་པའི་ཞིང་མཆོག་ཏུ་བཀོད་འཕྲལ། ལྷར་བཅས་སྲིད་ཞིའི་གཙུག་རྒྱན་རྗེ་བཙུན་ཐམས་ཅད་མཁྱེན་ཅིང་གཟིགས་པ་ཆེན་པོ་ཡོངས་རྫོགས་བསྟན་པའི་མངའ་བདག་ྋསྐྱབས་མགོན་རྒྱལ་བའི་དབང་པོ་སྐུ་ཕྲེང་བཅུ་གསུམ་པ་ངག་དབང་བློ་བཟང་ཐུབ་བསྟན་རྒྱ་མཚོ་འཇིགས་བརལ་དབང་ཕྱུག་ཕྱོགས་ལས་རྣམ་རྒྱལ་མཆོག་ལ་འབྱོར་ཕྱག་དང༌། བསྟན་འགྲོར་སྨན་པའི་ལས་གཞིར་གུས་པ་ཧུར་བསྐྱེད་ཞུས་པའི་རྣམ་དཀར་གྱི་ཕུང་བོ་འདིས། རྒྱལ་བའི་བསྟན་པ་རིན་པོ་ཆེ་ཕྱོགས་དུས་གནས་སྐབས་ཐམས་ཅད་དུ་དར་ཞིང་རྒྱས་པ་དང་བསྟན་པ་དེ་འཛིན་ཀུན་གྱི་གཙུག་རྒྱན་གངས་ཅན་འགྲོ་བའི་སྐྱབས་གཅིག་ཕྱག་ན་པད་དཀར་མཆོག་གསང་གསུམ་རྡོ་རྗེའི་རང་ཁམས་སུ་བརྟན་ཅིང་བསྟན་འགྲོའི་མགོན་དཔུང་དམ་པར་སྐུ་ཚེ་བསྐལ་བརྒྱར་བཞུགས་རྒྱུར་འགྲོ་བའི་བདེན་ཚིག་སྨོན་ལམ་བཏབ་པས་དགྱེས་ཚོར་ཆེན་པོའི་སྒོ་ནས་གསུང་གིས་དབུགས་དབྱུང་གནང༌། རིམ་གྱིས་རྒྱུད་པའི་བླ་མ་དང༌། མཁན་ཁྲིར་ཕེབས་ནས་དམ་པའི་ཕྱག་རྗེས་རྨད་དུ་བྱུང་བས་ཆོས་ཚུལ་ཡར་ཟླའི་དཔལ་ལ་འགྲན་བཞིན་བསྐྱངས། དེ་ཡང་བརྒྱུད་འདེབས་ལས། མདོ་སྔགས་ལེགས་བཤད་འོད་ཟེར་འཕྲོ་བའི་ངག ། དབང་བཞིའི་ངེས་དོན་མཁྱེན་ཡངས་འདོད་རྒུའི་སྤྱོད། ། བཟོད་པ་བརྟན་པའི་ཆ་ཤས་ཡོངས་སུ་རྫོགས། ། རྒྱལ་བསྟན་པདྨོའི་གཉེན་ལ་གསོལ་བ་འདེབས། ཞེས་འབྱུང༌། དེ་ལྟར་བཀྲ་ཤིས་ལོ་ལེགས་ཀྱི་མཁན་པོའི་མཛད་པ་མཐར་ཕྱིན་ཏེ་མཁན་ཁྲིའི་ལོ་དུས་ཚང་ནས་མཁན་ཁྲི་ལས་ཟུར་པ་དང་མི་རིང་བར། རབ་བྱུང་བཅོ་ལྔ་པའི་ཤིང་སྟག༡༩༡༤ ལོར་བྱང་རྩེ་ཆོས་རྗེ་མཁྱེན་རབ་ཡོན་ཏན་རྒྱ་མཚོ་དགའ་ལྡན་གསེར་ཁྲི་ལ་འཕོས་པས་རྗེ་འདི་ཉིད་བྱང་རྩེ་ཆོས་རྗེའི་མངོན་པར་མཐོ་བའི་ཁྲི་ཕང་ལ་བཞུགས་སུ་གསོལ། སྐབས་དེར་བལ་ཡུལ་ནས་དུས་གསུམ་བདེ་བར་གཤེགས་པའི་རིང་བསྲེལ་གྱི་སྙིང་པོ་བཞུགས་པའི་མཆོད་རྟེན་རྣམ་པ་གསུམ་ཞེས་ཡོངས་སུ་གྲགས་པ་དེ་ཉིད་ཞིང་འདིའི་བསོད་ནམས་ཀྱི་རྟེན་དམ་པར་བཞུགས་སུ་གསོལ་ནས་བགྲང་བྱ་མང་ཙམ་རིང་ཕྱི་རྟེན་དང་ནང་རྟེན་གཟུངས་ཞུགས་བཅས་པར་ཉམས་གསོ་དང་རབ་ཏུ་གནས་པར་བྱས་པ་དང༌། ཁྱད་པར་དུ་འཕགས་པ་ཤིང་ཀུན་གྱི་རྒྱུ་ཆའི་ཤིང་ཆ་རྣམས་རྙིང་སུངས་དང་རུལ་སྐྱོན་ཚབས་ཆེན་ཐེབས་པ་དང༌། རྣ་རྒྱན། གདུགས་དྲྭ་ཕྱེད་སོགས་ཞིག་རལ་དང་གོག་སྐྱོན་ཤིན་ཏུ་ཆེ་བར་བརྟེན་དད་ལྡན་སྐྱེ་བོའི་ཚོགས་ཀུན་གཅིག་ཏུ་བགྲོས་ནས། རྟོགས་ལྡན་ཤཱཀྱ་ཤྲིའའི་རིགས་སྲས་དང༌། ངྷ་རྨ་སའུ་གཉིས་ཉམས་གསོའི་སྐྱབས་འཇུག་གཟིགས་སྐྱོང་ཡོང་བའི་སྙན་བསྐུལ་ཞུས་ངོར་འབྱོར་དོན་བཞིན། རང་གཞུང་དགའ་ལྡན་ཕོ་བྲང་པ་ཆེན་པོ་ནས་རྗེ་འདི་ཉིད་ཉམས་གསོའི་ལས་གྲྭའི་ཐོག་མཐའ་བར་གསུམ་གྱི་ཐུགས་འགན་གཙང་བཞེས་དགོས་པ་དང་ཆོག་གྲྭའི་རྡོ་རྗེ་སློབ་དཔོན་གཅིག་ལྕོགས་གནང་རྒྱུའི་བཀའ་ཕེབས་གནང་བཞིན། ལྕགས་སྦྲུལ་ཟླ་བ་བཅུ་པའི་ཚེས་དགུ་ཉིན་ལྷ་ལྡན་ནས་ཐོན་ཕྱག་ཞུས་ཏེ་ཕེབས་ལམ་ནས་བསྙུན་གཞི་སོགས་ཉེར་འཚེ་མེད་པར་བལ་བོའི་རྒྱལ་སར་བདེ་འབྱོར་ཐོག རྣམ་དཀར་ལེགས་ཚོགས་ཀྱི་ལས་རིགས་རྣམས་ལ་རུ་ང་ཕྲག་དོག་མེད་པར་གྲོགས་དན་འཕྲིན་ལས་བསྒྲུབ་ཕྱིར་ཆོས་སྐྱོང་སྤྱིའི་བསྐང་གསོ་གཏོར་འབུལ་དང༌། ལས་གཤིན་དུ་དྲུག་ཅུ་མ་འབུལ་བ་སོགས་ཨར་ཆོག་ཉིན་བཞིའི་རིང་ཟབ་རྒྱས་ཞུས། ཨར་ཆོག་གནང་བའི་ཐོག་མའི་ཉིན་དེར་བར་སྣང་གི་དབྱིངས་རིམ་ནས་སྦྲང་ཆར་ཟིལ་བུའི་རྒྱུན་བཟང་ས་གཞིར་ཆག་ཆག་བཏབ་པ་སོགས་ལྷ་དང་ཀླུ་རྣམས་དགའ་བའི་མངོན་རྟགས་ཀྱི་ལྟས་བཟང་མང་པོ་བྱུང་བས་ཚེགས་མེད་ངང་ལས་གྲྭ་ཐམས་ཅད་ལམ་ལྷོང་ཡོང་བའི་གདེང་ཚོད་རྙེད། དེ་ནས་ས་རྟ་༡༩༡༨ལོའི་ཆོ་འཕྲུལ་ཟླ་བའི་ཚེས་བཅུ་གཅིག་ནས་བཅུ་གསུམ་གྱི་བར་ཉིན་གསུམ་རིང་མཆོད་རྟེན་རིན་པོ་ཆེ་བྱ་རུང་ཁ་ཤོར་གྱི་མདུན་དུ་མཆོད་སྤྲིན་རྒྱས་བཤམས་དང་འབྲཻལ་གསོ་སྦྱོང་དང༌། གནས་བརྟན་ཕྱག་མཆོད། རྣམ་རྒྱལ་མའི་མཆོད་ཆོག་སྨིན་བསྒྲུབས་བགྱིས། སླར་ཡང་ཉིན་བཞིའི་རིང་རྣམ་རྒྱལ་སྟོང་མཆོད་ཚར་མང་དང༌། རབ་གནས་དགེ་ལེགས་ཆར་འབེབས་དང༌། བདེ་གསང་བདག་འཇུག་སྨིན་གཏོང་ཐོག བཟང་དྲུག་སྨན་སྣ་དང་མཉམ་བསྲེས་དང༌། ཁ་ཆེའི་གུར་གུམ། ཙན་དན་སོགས་དྲི་བཟང་སྣ་མང་གི་ཁུ་བས་སྦྱངས་པའི་ན་བཟའ་དཀར་པོ་དང༌། སྐུ་ཀླུང་དར་ཕྲེང་གི་དྲ་བ་དར་ཆེན་བསྒྲེང་འཛུགས། ཐུགས་སྨོན་སྙན་ཤལ། ཚོགས་ཀྱི་འཁོར་ལོ་བཅས་རྒྱས་འབུལ་ཞུས། ཉི་མ་དེར་ཕྱོགས་བཞིའི་མཁའ་དབྱིངས་སུ་བར་མཚམས་མེད་པར་འཇའ་ཚོན་སྣ་ལྔའི་གུར་ཁྱིམ་རྣམ་པར་བཀྲ་ཞིང༌། མཚན་མོ་ཡང་མཆོད་རྟེན་གྱི་ཆོས་འཁོར་དང་བརེ་གདུགས་ཀྱི་མཚམས་ནས་འོད་དཀར་པོའི་བཀྲག་མདངས་འཆོར་བའི་གོང་བུ་ཞིག་ཡུན་རིང་བཞུགས་པ་དེ་འཁོད་ཚང་མར་མཐུན་སྣང་དུ་གྲུབ། དེར་ལྷ་ལྡན་གྱི་རྒྱལ་སའི་མདུན་ཐང་ཆེན་མོར་ཡ་མཚན་ཆེ་བའི་མཁའ་དབྱིངས་སྔོ་བ་དང༌། ནམ་མཁའ་ནས་མེ་ཏོག་གི་རྒྱུན་གཏོར་བ་སོགས་ངོ་མཚར་བའི་ལྟས་བཟང་མིག་གི་ལམ་དུ་མངོན། དེ་དང་ཕྱོགས་ཀུན་ནས་མཐུན་པའི་མཆོད་སྤྲིན་འབུལ་བཤམས་སྨིན་བསྒྲུབ་ཆོ་ག་རབ་གནས་སོགས་ལེགས་སྒྲུབ་ཞུས། དེ་ནས་གཟའ་སྐར་འཕྲོད་སྦྱོར་དགེ་བའི་ཉིན་དང་སྟབས་བསྟུན་གྱིས་མཆོད་རྟེན་ཆེན་པོ་འཕགས་པ་ཤིང་ཀུན་གྱི་བརེ་སྟེང་དུ་རྒྱུ་བཟང་རིན་ཆེན་གསེར་ཟངས་ཤུབས་བཏུམས་ཀྱི་ཀ་བ་སུམ་ཅུ་སོ་གཉིས་བཙུགས་ཏེ་རྟེན་འབྲཻལ་གྱི་གནད་ཀ་ལེགས་བསྒྲིགས་དང༌། གསེར་ཟངས་ལས་གྲུབ་པའི་ཆོས་འཁོར་དང་ཅོད་པན་གསར་དུ་བཞེངས་བསྐྲུན་བགྱིས་པར་མ་ཟད། སྟེང་ཤོད་བར་གསུམ་དུ་རྒྱལ་བ་རིགས་ལྔའི་ལྷ་དབང་དང་རྗེ་བཙུན་འཕགས་མ་སོགས་ཕྱི་རྫས་ནང་རྟེན་ཐམས་ཅད་བཟོ་བཀོད་གང་ཐད་ནས་ཀྱང་སྔར་ལས་བརྒྱ་འགྱུར་གྱིས་ཕུན་སུམ་ཚོགས་པར་གྱུར། མཆོད་རྟེན་དབུ་ཐོད་ཀྱི་སྔར་ཡོད་གཟུངས་རྙིང་བྱིན་ལྡན་རྣམས་རང་འཇགས་ཐོག དད་ལྡན་གཏོང་ཕོད་ཀྱི་ཕྱག་ཟུང་ཡངས་བ་རྣམས་ཀྱིས་འབུལ་སོན་བྱུང་བའི་གསེར་དངུལ་གར་བླུགས་དང་གསེར་ཟངས་ལས་གྲུབ་པའི་སྐུ་བརྙན་ཁག་དང༌། གཞན་ཡང་སྐུ་གསུང་ཐུགས་རྟེན་ཕོན་ཆེན་དང༌། གསེར་དངུལ་གཡུ་བྱུར་མུ་ཏིག་སོགས་རིན་ཆེན་སྣ་ཚོགས་ཀྱི་བྱུར་བུར་གཏམས་པའི་བུམ་གཏེར་ཁག བཟང་དྲུག་སྨན་སྣ་སྣ་མང་དང༌། འབྲེུ་རིགས་རྣམ་ལྔའི་སྦ་གཏེར་སོགས་ནོར་གྱི་རིགས་དང༌། གཟུངས་ཆེན་སྡེ་ལྔ་དང་མཚན་སྔགས་འབུམ་ཚར་བརྒལ་བ་སོགས་གཟུངས་རིགས་བཅས་གསར་དུ་བསྒྲུབས་ཅིང༌། དེ་ཡང་རྒྱུད་སྡེ་གོང་འོག་གི་གཞུང་ལུགས་དང་མཐུན་པར་གཟུངས་བསྒྲུབ་སོགས་ལེགས་གྲུབ་བྱུང་མཚམས་སུ་སྐབས་དང་མ་འབྲཻལ་བ་ལྟ་བུའི་སྦྲང་ཆར་རྒྱུན་རིང་ཞིང་སྙོམས་པ་ཡུན་གྱིས་བབས་པས་ངོ་མཚར་བའི་རྟགས་འདི་ལྟ་བུ་བྱུང་ངོ་ཞེས་ཀུན་གྱིས་གླེང་མོལ་ཁྱབ། མཆོད་རྟེན་གྱི་ནང་རྟེན་དུ་འབུལ་རྒྱུའི་ཁོངས་ནས་སློབ་དཔོན་ཆེན་པོ་པདྨ་སམ་བླྷ་བའི་སྣང་བརྙན་གསེར་གར་བླུགས་སམ་གསེར་རྐྱང་ལས་གྲུབ་པའི་རྒྱུ་བཟང་བྱོན་ལེགས་ཁྱད་དུ་འཕགས་པའི་ངོ་མཚར་ཅན་ཞིག་ཡོད་པ་གང་དུ་བཞུགས་སུ་གསོལ་དགོས་སྐོར་བཀའ་མོལ་གནང་བཞིན་པའི་སྐབས་སུ་གློ་བུར་དུ་བལ་པོའི་ཚོང་དཔོན་གཉིས་མཆོད་རྟེན་ཆེན་པོའི་ལས་ཁྲིའི་ཐོག་ཏུ་སླེབས་ནས་གཟུངས་རྟེན་དུ་འབུལ་རྒྱུ་ཡིན་ཞེས། ཤར་རྒྱལ་བ་ཙོང་ཁ་པ་ཆེན་པོའི་སྣང་བརྙན་གསེར་གར་བླུགས་ཀྱི་རྒྱུ་བཟང་བྱོན་ལེགས་སྔར་གྱི་སློབ་དཔོན་བདག་ཉིད་ཆེན་པོའི་སྐུ་བརྙན་དང་གཅིག་མཚུངས་ཤིག་འབུལ་འབྱོར་བྱུང་བས་མ་བསྒྲིགས་རང་འགྲིགས་ཀྱི་རྟེན་བཟང༌། བཟོ་དཔྱད་ཕུལ་བྱུང་གི་སྣང་བརྙན་གཉིས་དུས་སུ་འཛོམས་པ་ནི་གསར་རྙིང་རིས་སུ་མ་ཆད་པའི་མདོ་སྔགས་ཟུང་དུ་འབྲཻལ་བའི་བསྟན་པ་རིན་པོ་ཆེ་ཕྱོགས་དུས་ཀུན་ཏུ་དར་ཞིང་རྒྱས་པའི་རྟེན་འབྲཻལ་གྱི་མཚམས་ཤིན་ཏུ་བཟང་བས་དེར་ཡོད་བལ་བོད་ལས་བཟོ་བ་ཚང་མ་ཡ་མཚན་དང་དད་གུས་འགྲན་པ་ལྟ་བུ་བྱུང༌། རྗེ་བཙུན་དམ་པ་འདི་ཉིད་ཀྱིས་འཕྲིན་ལས་དང་བྱིན་རླབས་ཀྱི་ཚན་ཁ་འབྲེ་བའི་སྐུ་བརྙན་གཉིས་ཕྱག་གཉིས་ཐལ་མོ་སྦྱར་བའི་ཕྱག་རྒྱས་རྩེ་མོར་བཀོད་དེ་རྒྱལ་བསྟན་དར་ཞིང་འགྲོ་རྣམས་བདེ་བའི་ཐུགས་སྨོན་རྩེ་གཅིག་ཏུ་མཛད་པས། དེ་མ་ཐག་གཡའ་དག་པའི་མཁའ་དབྱིངས་སུ་འཇའ་འོད་ཀྱི་བཀྲག་མདངས་འཚེར་ཞིང་འཇའ་འོད་ཀྱི་དྲ་བའི་གསེབ་ནས་སྤྲིན་བརལ་གྱི་ཉི་འོད་ཕྱོགས་ཀུན་ཏུ་འཕྲོ་བས་རྟེན་འབྲཻལ་བཟང་པོའི་རྟགས་མཚན་རབ་དང་རིམ་པར་བྱུང་བ་རྣམས་གླེང་བས་མི་རྫོགས་པ་ལྟ་བུར་བྱུང༌། གཟུངས་འབུལ་དངོས་གཞིའི་ཉིན་སྐུུ་གསུང་ཐུགས་རྟེན་རྣམས་སྤོས་སྣེ་དྲངས་ཏེ་མཆོད་རྟེན་ཆེན་པོའི་སྲོག་ཤིང་གི་དབུ་ཐོད་སྟེང་བཞུགས་གསོལ་ཞུ་སྐབས་ནམ་མཁའི་དབྱིངས་ནས་ཁ་དོག་རྣམ་པར་བཀྲ་བའི་འཇའ་ཚོན་ཞིག་དྲང་ཐད་དུ་ཀ་བ་བཙུགས་པ་ལྟར་མཆོད་རྟེན་ལས་ཁྲིའི་སྟེང་དུ་ཟུག་པ་མངོན་སུམ་གྱི་སྤྱོད་ཡུལ་དུ་གྱུར། ཐོག་མར་མཆོད་རྟེན་ཉམས་གསོ་དང་རབ་གནས་སོགས་ཀྱི་སྐོར་ལ་དེ་ཙམ་གྱི་ངོས་ལེན་མེད་པའི་ནང་པའི་ལྟ་སྤྱོད་ལས་ཕྱི་རོལ་དུ་གྱུར་པ་བལ་ཡུལ་གོར་ཁ་རྒྱལ་ཁང་ནས་ཀྱང་བདག་ཉིད་ཆེན་པོ་འདིའི་སྐུ་གསུང་ཐུགས་ཀྱི་ཡོན་ཏན་དང་རྒྱལ་སྲས་བྱང་ཆུབ་སེམས་དཔའི་སྤྱོད་བཟང་ལ་ཡིད་སྨོན་སྐྱེས་ཏེ་རྒྱལ་ཡུམ་ཆེན་མོས་དབུ་བླར་བཀུར། སྲུང་སྐྱོབས་ཀྱི་ཐུགས་འགན་ཆ་ཚང་རྒྱལ་ཁང་ནས་ཁུར་བ་མ་ཟད། ལས་ཁྲིའི་ཤིང་ཆ་རྒྱག་འཛུགས་དང་ལས་རྒྱབ་ཏུ་དམག་དཔུང་ནས་དམག་མི་ནར་གཏོང་གནང་བ་སོགས་མཐུན་འགྱུར་ཟབ་རྒྱས་གནང༌། ཉེ་འཁོར་བལ་བོའི་ཡུལ་མི་རྣམས་ཀྱི་དད་གསུམ་སྤུ་ལོང་གཡོ་ཞིང༌། ལྷ་ཆོས་དགེ་བཅུའི་གདམས་ཟབ་གནང་བར། གདན་ཞུས་སྐྱབས་འཇུག་འབུལ་འབྱོར་བྱུང་བ་བཞིན་ཞལ་གྱིས་བཞེས་ནས་ཡུལ་དེར་ལྷ་ཆོས་དགེ་བ་བཅུའི་ཁྲིམས་བཅས། ལས་འབྲས་ཀྱི་རྣམ་བཞག་གསུངས་པས་ཀུན་གྱིས་དགེ་སྒྲུབ་སྡིག་སྤོང་གི་ལས་ལ་གཞོལ། ཐོག་མཐའ་བར་གསུམ་དུ་འཚུབ་ལྷོང་སོགས་ཉེར་འཚེ་སྤུ་ཙམ་ཡང་མེད་པར་ལས་གྲྭ་རྣམས་བདེ་མྱུར་ངང་ཚགས་ཚུད་བྱུང་ཁར་རབ་ཏུ་གནས་པའི་ཆོ་ག་སྨིན་བསྒྲུབས་མཛད་པ་སོགས་ལྷ་དང་བཅས་པའི་བསོད་ནམས་ཀྱི་ཞིང་མཆོག་དམ་པར་ཇི་སྲིད་བསྐལ་པ་མ་སྟོང་གི་བར་དུ་གནས་པར་མཛད་དོ། ། དགུང་ལོ་བདུན་བཅུ་པ་ས་ལུག་༡༩༡༩ལོ་ཟླ་བ་གཉིས་པའི་ནང་ྋགོང་ས་རྒྱལ་དབང་ཐུབ་བསྟན་རྒྱ་མཚོ་སྐྱབས་རྗེ་ཡོངས་འཛིན་རྡོ་རྗེ་འཆང་ཁྲི་བྱང་བློ་བཟང་ཡེ་ཤེས་བསྟན་འཛིན་རྒྱ་མཚོ་སོགས་བསྒྲུབ་བྱ་ཤིན་ཏུ་མང་པོར་བསྙྙེན་པར་རྫོགས་པའི་དགེ་སློང་གི་སྡོམ་པ་གནང་བའི་སྐབས་བདེ་ཡངས་མཚན་ཞབས་རིན་པོ་ཆེ་བསྟན་འཛིན་འཕྲིན་ལས་འོད་ཟེར་ཀྱིས་གསང་སྟོན་དང༌། རྣམ་གྲྭ་དུས་འཁོར་སློབ་དཔོན་བྱམས་པ་བསོད་ནམས་ཀྱིས་དུས་བསྒོ་བ། བྱང་རྩེ་ཆོས་རྗེ་བློ་གླིང་ཏྲེ་ཧོར་བྱམས་པ་ཆོས་གྲགས་དང༌། ཤར་པ་ཆོས་རྗེ་དམ་པ་འདི་ཉིད་སོགས་ཀྱིས་ལས་གྲྭ་གནང་ཚུལ་ཁྲི་བྱང་རང་རྣམ་འཁྲུལ་སྣང་སྒྱུ་མའི་ཟློས་གར་དུ་གསལ། རབ་བྱུང་བཅོ་ལྔ་པའི་དགུང་ལོ་དོན་གཅིག་པ་རབ་བྱུང་བཅོ་ལྔ་པའི་ལྕགས་སྤྲེལ་༡༩༢༠ལོར་འབྲོག་རི་བོ་དགེ་ལྡན་རྣམ་པར་རྒྱལ་བའི་གླིང་དུ་དཀར་སྤྲོའི་ཆོས་ཀྱི་སྟོན་ཆེན་འབྱམས་སུ་ཀླས་པ་བཤམས་པའི་སར་རུ་བསྒྲིགས་སེར་སྦྲེང་གི་དབུས་སུ་རོལ་མོའི་བྱེ་བྲག་དུ་མས་སྐབས་ཕྱེ་བ་དང༌། ཕྱག་འདྲེན་སྤོས་ཀྱི་སྣེ་འཛིན་དང༌། སྤྱན་འདྲེན་རྒྱ་གླིང་འགྱུར་ཁུག མཇལ་དར་སྲིད་དུ་རིང་བ་སོགས་སྲིད་ཞིའི་བཀོད་པ་ཕུན་སུམ་ཚོགས་པས་གདན་དྲངས་ཏེ། མི་འཇིགས་སེང་གེ་བརྒྱད་ཀྱིས་ཉེ་བར་བཏེགས་པའི་ཡབ་རྗེ་རྒྱལ་བ་གཉིས་པ་རྗེ་ཙོང་ཁ་པ་ཆེན་པོའི་གཞོམ་བརལ་རྡོ་རྗེའི་ཁྲི་ཕང་མཐོན་པོར། ཞབས་ཟུང་འགྱུར་མེད་གཡུང་དྲུང་གི་རེ་ཁཱ་མངོན་པར་བཀོད་འཕྲལ། དགའ་ལྡན་རྣམ་པར་རྒྱལ་བའི་གླིང་གི་དགེ་འདུན་གྱི་སྡེ་ཆེན་པོས་གུས་འདུད་དང༌། རྟེན་གསུམ་འདེགས་འབུལ་གྱིས་མཚོན་པའི་གསེར་ཁྲིར་མངའ་གསོལ་གྱི་མཛད་སྟོན་ལ་དགྱེས་རྒུར་རོལ། ལྷར་བཅས་འགྲོ་བའི་བསོད་ནམས་ཀྱི་ཞིང་མཆོག་དམ་པ་འཕགས་ཚོགས་དགེ་འདུན་འདུས་པའི་སྡེ་ཆེན་པོར་བསྙེན་བཀུར་མང་འགྱེད་དང་འབྲཻལ་བའི་གཏོང་སྒོའི་མཆོད་སྤྲིན་འབུལ་གཤོམས་ཀྱི་རྣམ་པར་དཀར་བའི་དགེ་ཚོགས་རྒྱ་ཆེན་པོ་སྤེལ་བར་མཛད། དེ་ཡང་སྔོན་ཞིག་ནས་དགའ་ལྡན་རྣམ་པར་རྒྱལ་བའི་གླིང་དུ་གཉུག་མར་གནས་པའི་དགེ་འདུན་པ་རྣམས་སྔོན་བྱོན་རྒྱལ་དང་རྒྱལ་སྲས་ཉན་ཐོས་དང་བཅས་པའི་རྣམ་པར་ཐར་པ་བཞིན་གྲོང་ན་གནས་པའི་ཁྱིམ་པའི་སྐྱེ་བོ་རྣམས་ལ་དགེ་བའི་ས་བོན་བསྐྲུན་སླད། སྟོན་གྱི་དུས་ཉེ་བར་ཚེས་སྐབས་གྲོང་དང་གྲོང་བརྡལ་རྣམས་སུ་གཞུང་ཆེན་འཛིན་སྐྱོར་གྱི་དཔེ་མཚམས་སུ་བཞུགས་པར་ཕེབས་སྲོལ་ཡོད་ནའང༌། སྐབས་ཤིག་ནས་དཔལ་འབྱོར་བསྡུ་གསོག་གི་ཆ་རྐྱེན་ལྟ་བུར་གྱུར་ནས་དགེ་འདུན་རྣམས་སྟོན་ཐོག་བསྡུ་ཚད་ཀྱི་ལས་གླར་ཕེབས་པ་སོགས། ཀློག་པ་ཐོས་བསམ་དང༌། སྤོང་བ་བསམ་གཏན་སོགས་ཐོས་བསམ་བསྒོམ་བསྒྲུབ་ཀྱི་སློབ་གཉེར་ལ་འགལ་རྐྱེན་དུ་སོང་ནས་གྲྭ་རྒྱུན་འབྱོར་སྡོད་ལ་གནོད་ཚབས་ཆེན་པོ་ཐེབས་པ་དང༌། ཐ་ན་སྐྱ་སར་བབ་མཁན་ཡང་ཇེ་མང་དུ་སོང་བ་སོགས་མིག་ལྟོས་ངན་པ་བྱུང་རྐྱེན་ཁྲི་ཆེན་རྡོ་རྗེ་འཆང་འདི་ཉིད་ཀྱིས་བསྟན་པ་ལ་སྨན་པའི་ཐུགས་བསྐྱེད་དགོངས་བཞེད་ཀྱིས་ཁྲི་པ་འཛིན་ཁོངས་ནས་གཏོང་སྒོ་སྔར་བཏང་གིས། འཕྲོས་ལྷག་ཅི་བསྡད་སྟོན་ཆོས་གསར་འཛུགས་ཀྱི་མ་ཐེབས་སུ་གནང་ཞིང༌། ཁ་གསབ་ཏུ་གཞུང་སྒེར་ཚང་མར་རོགས་ཕན་སྐྱབས་འཇུག་ཞུས་ཤིང༌། སྟོད་སྨད་བར་གསུམ་གྱི་དད་གཏོང་ལྷག་བསམ་གྱིས་ཕྱུག་པའི་སྐྱེ་བོའི་ཚོགས་ལ་ཡིག་ངག་གཉིས་ཐོག་ནས་ཞལ་འདེབས་གནང་བསྐུལ་བསྐྱངས་པས། དགེ་འདུན་སུམ་སྟོང་སུམ་བརྒྱ་ལྷག་ལ་ཇ་ཕོགས་འདང་ངེས་གནང་སྲོལ་གསར་འཛུགས་ཀྱིས་འཛམ་གླིང་མཛེས་པའི་རྒྱན་དྲུག མཆོག་གཉིས་སོགས་ནལེབླསྤྱའི་མཁས་པའི་གསུང་རྒྱུན་འཁྲུལ་མེད་རིགས་ལམ་བརྒལ་བརྟག་གི་སྒོ་ནས་སྦྱངས་བརྩོན་དཔྱད་བསྡུར་གནང་བའི་རྩོད་གྲྭའི་སྟོན་ཆོས་ཆེན་མོ་བསྐྱང་གསོ་གནང༌། ལོ་ལྟར་ཆག་མེད་ནར་གཏོང་ཐུབ་པའི་མ་རྩ་འདང་ངེས་གསོག་འཇོག་གནང་བ་སོགས་ཆོས་གྲྭ་གསར་འཛུགས་འདིའི་ཐོག་མཐའ་ཀུན་ཏུ་ཐུགས་ཁུར་ལྷུར་བཞེས་མཛད། དེ་ནས་བཟུང་དགའ་ལྡན་རྣམ་པར་རྒྱལ་བའི་གླིང་གི་སློབ་གཉེར་དབྱར་གྱི་མཚོ་ཆེན་ལྟར་མཐའ་མེད་འཕེལ་བ་སོགས་རྗེ་འདི་ཉིད་ནི་སངས་རྒྱས་ཀྱི་བསྟན་པ་སྤྱི་དང་ཁྱད་པར་དུ་རི་བོ་དགེ་ལྡན་པའི་བསྟན་པ་ལ་བྱ་བ་རྒྱ་ཆེར་མཛད་ཅིང༌། ཡང་སྒོས་སུ་དགའ་ལྡན་རྣམ་པར་རྒྱལ་བའི་གླིང་ལ་བཀའ་དྲིན་འགྲན་ཟླ་དང་བརལ་བ་ཞིག་ཕེབས། རྗེས་སུ་དགའ་ལྡན་རྣམ་པར་རྒྱལ་བའི་གླིང་གི་ཁྲི་ཐོག་ཁང་ཞེས་པའི་ཁྲི་པ་རིམ་བྱོན་གྱི་གདུང་རྟེན་གྲལ་ན་རྗེ་འདིའི་གསེར་སྡོང་ཆེན་མོའི་མདུན་དུ་སྣང་གསལ་ཚེ་འབྲེ་ཞིག་རྒྱུན་ལྡན་ཆད་མེད་དུ་འབུལ་སྲོལ་ཡོད་པ་ཡང༌། དམིགས་བསལ་བཀྲིན་ཆེ་བར་མཚོན་བྱེད་ཡིན་པ་གླིང་དེའི་རྒན་རབས་ཚོའི་ཞལ་ནས་ཐོས། ལོ་༡༩༢༠དེར་ར་ས་འཕྲུལ་སྣང་གཙོས་ལྷ་ལྡན་གྱི་གཙུག་ལག་ཁང་རྣམས་རྟེན་དང་བརྟེན་པ་བཅས་ཉམས་གསོའི་གཙོ་འགན་བཞེས་ཏེ། ཕྱིའི་རྟེན་དང་ནང་གི་རབ་གནས་ཉམས་པ་རྣམས་སོར་ཆུད་གནང་ཞིང༌། ཞི་རྒྱས་དབང་དྲག་གི་སྒོ་ནས་སྲེག་བླུགས་དང༌། རབ་ཏུ་གནས་པའི་ཆོ་ག་སྦྱོར་དངོས་མཇུག་གསུམ་ཚང་ཞིང་སྨིན་བསྒྲུབ་ཟབ་རྒྱས་གནང་བས་དམ་ཚིག་པ་རྟེན་དང་བརྟེན་པར་ཡེ་ཤེས་པའི་དཀྱིལ་འཁོར་ལྷ་ཚོགས་དངོས་སུ་ཐིམ་པའི་ངོ་མཚར་རྟགས་མཚན་དུ་མ་མངོན་སུམ་དུ་གྲུབ། ཤིང་བྱི༡༩༢༤ལོར་ལྷ་ལྡན་སྨོན་ལམ་ཆེན་མོའི་གྲྭ་སྐོར་བ་སྐྱབས་རྗེ་ཡོངས་འཛིན་གླིང་སྤྲུལ་རིན་པོ་ཆེ་དང༌། ཅོ་ནེ་གྲགས་པ་ངག་དབང༌། བསྟན་འཛིན་འཕྲིན་ལས། ལྭ་བ་ཡེ་ཤེས། ཏྲེ་ཧོར་བཀའ་འགྱུར་སྤྲུལ་སྐུ། སེར་སྨད་རྒྱལ་དབང་ཆོས་རྗེ་སོགས་ནོར་གླིང་གཟིམས་ཆུང་ཉི་འོད་དུ་རྩོད་རྒྱུགས་ལ་རྒྱུགས་བཞེས་རྩོད་དཔང་ཁྲི་ཆེན་རིན་པོ་ཆེ་འདི་ཉིད་དང༌། བྱང་རྩེ་ཐུབ་བསྟན་ཉིན་བྱེད། ཤར་པ་ཡ་ར་བློ་བཟང་རྒྱལ་མཚན། བྱེས་མཁན་པོ་བྱ་བྲལ་ངག་དབང་ཕུན་ཚོགས། སྒོ་མང་མཁན་པོ་སོག་པོ་འོད་ཟེར་རྡོ་རྗེ། བདེ་ཡངས་མཚན་ཞབས་གཉལ་སྤྲུལ་བསྟན་འཛིན་འཕྲིན་ལས་སོགས་ཕེབས་ནས་རྒྱུགས་བཞེས་གནང་བ་སོགས་སྔ་ཕྱིར་རྒྱུགས་བཞེས་ཐེངས་མང་ཕེབས། ྋགོང་ས་རྒྱལ་དབང་བཅུ་གསུམ་པ་ཆེན་པོས། སྟོན་པ་ཐུབ་པའི་དབང་པོའི་ཞབས་ཀྱི་པདྨོ་དངོས་སུ་བཅགས་པ་དང་མི་གཉིས་པའི་རྒྱལ་བའི་འཕྲིན་ལས་ཀྱི་གཙོ་བོ་ཡང་གསུང་གི་འཕྲིན་ལས་ལ་ལྟོས་ཤིང༌། སྲིད་ཞིའི་དགེ་ལེགས་ཀུན་ཀྱི་འབྱུང་གནས་རྒྱལ་བའི་བཀའ་འགྱུར་རིན་པོ་ཆེ་འདི་ཉིད་ལ་རག་ལས་པར་གཟིགས་ནས་རྩེ་ཞོལ་དུ་རྒྱལ་བའི་བཀའ་འགྱུར་རོ་ཅོག་གི་འཕྲུལ་སྤར་ཀྱི་གཏེར་མཛོད་སྤར་ཤིང་གསར་བསྐྲུན་གྱི་ལས་གྲྭ་དབུ་འཛུགས་གནང་སྐབས། ྋསྐྱབས་རྗེ་རྡོ་རྗེ་འཆང་འདི་ཉིད་ཀྱིས་ལས་གྲྭའི་འགོ་མཇུག་ཀུན་ཏུ་ཐུགས་ཁུར་རྒྱ་ཆེན་པོ་བཞེས་ཤིང༌། གཏེར་མཛོད་སྤར་གཞིའི་ལྷ་ཁང་དེ་ཉིད་ལ་རྟེན་གཙོ་ཞིག་ངེས་པར་དགོས་པར་དགོངས་ཏེ། ྋགོང་ས་ལྷ་མིའི་རྣམ་འདྲེན་ྋསྐྱབས་མགོན་རྒྱལ་བའི་དབང་པོའི་ཞབས་ཀྱི་པདྨོར་གུས་ཕྱག་སྔོན་དུ་བཏང་སྟེ། སྲིད་དུ་རིང་བའི་ལྷ་རྫས་དང༌། མབརསྤྱལ་སྐུ་གསུང་ཐུགས་རྟེན་གྱི་སྣེ་དྲངས་ནས། རྒྱལ་བའི་བཀའ་འགྱུར་རིན་པོ་ཆེའི་སྤར་གཞིའི་གཏེར་མཛོད་ལྷ་ཁང་འདི་ཉིད་ཀྱི་རྟེན་གཙོར། རྒྱལ་བ་མ་ཕམ་མགོན་པོ་དང༌། ཇོ་བོ་རྗེ་དཔལ་ལྡན་ཨ་ཏི་ཤ རྗེ་བདག་ཉིད་ཆེན་པོ་ཙོང་ཁ་པ་བཅས་ཀྱི་སྣང་བརྙན་གསར་བཞེངས་ཡོང་བའི་སྐྱབས་འཇུག་སྙན་བསྐུལ་ཞུས་ཏེ་རྟེན་བཞེངས་ཀྱི་རྒྱུ་རྩར་དངུལ་དཀར་སྲང་ཆེན་གཅིག་ཁྲི་ལྷག་དང༌། རྒྱུ་བཟང་གོས་ཆེན་སྣ་མང་སྤྱན་བསྟར་ཞུས་པས། ྋརྒྱལ་དབང་མཆོག་གི་ཐུགས་དགྱེས་མཉེས་རབ་ཀྱི་རྩེར་སོན་ཏེ། དེ་དོན་བཞིན་གནང་རྒྱུར་ཞལ་བཞེས་གཙང་མ་ཐོབ་པར་མ་ཟད། འཕྲལ་མ་ཉིད་དུ་ལས་གྲྭ་འཕར་མ་བཙུགས་སྟེ། བཟོ་བཀོད་ཕུན་སུམ་ཚོགས་ཤིང་བྱོན་ལེགས་རྒྱུ་བཟང་རིན་ཆེན་གསེར་ཟངས་ལས་གྲུབ་པའི་རྒྱལ་བ་བྱམས་པའི་སྐུ་བརྙན་དཔངས་སུ་ཉིས་ཐོག་ཙམ་ཡོད་པ་ཁྲི་རྒྱབ་ཁྱད་དུ་འཕགས་པའི་བཟོ་དབྱིབས་ཅན་རང་འགྲིགས་དང༌། གཡས་གཡོན་དུ་སྐུ་རྒྱུ་དེ་མཚུངས་ཀྱི་དཔལ་མཉམ་མེད་ཇོ་བོ་རྗེ་དིའ་བམ་ཀཿར་དང༌། རྒྱལ་བ་ཙོང་ཁ་པ་ཆེན་པོ་རྣམ་གཉིས་ཀྱི་སྣང་བརྙན་མཐོ་ཚད་གཞི་འདོམ་ཕྱེད་དོ་རེ་ཡོད་པ་བཀོད་ལེགས་བཞུགས་ཁྲི་རང་འགྲིགས་བཅས་སོ་སོར་སྲིད་ན་རྙེད་པར་དཀའ་པའི་རིང་བསྲེལ་རྣམ་བཞི་དང་ཁྱད་དུ་འཕགས་པའི་རྟེན་འདུས་སྣ་མང༌། བྱིན་ལྡན་སྐུ་གསུང་ཐུགས་རྟེན། གཞན་ཡང་གཟུངས་ཀྱི་རྣམ་གྲངས་མང་པོ་བཅས་གཟུངས་བསྒྲུབ་གནད་སྨིན་སྔོན་སོང་གིས། ྋརྒྱལ་དབང་ཐམས་ཅད་མཁྱེན་ཅིང་གཟིགས་པ་ཆེན་པོ་མཆོག་དང༌། འཇམ་མགོན་རྒྱལ་བའི་གདུང་འཚོབ་རྗེ་འདི་པ་རྣམ་གཉིས་ཀྱིས་ཕྱག་བསྟར་གྱིས་གཟུངས་རྫས་འབུལ་གཞུགས་གནང༌། དེ་དང་ཕྱོགས་མཐུན་དྲི་གཙང་ཁང་དང༌། ལྷ་ཁང་སོགས་སུ་ཡང༌། ྋགོང་ས་མཆོག་གི་ན་བཟའ་དང༌། རིང་བསྲེལ་ལས་གྲུབ་པའི་དུས་གསུམ་སངས་རྒྱས་ཀྱི་སྣང་བརྙན་མི་ཚད་ལས་ཆེ་ཙམ་དང༌། སྨན་འདམ་ལས་གྲུབ་པའི་ཚེ་ལྷ་རྣམ་གསུམ། མཁན་སློབ་ཆོས་གསུམ་མེས་དབོན་རྣམ་གསུམ་སོགས་བཞུགས་གསོལ་ཞུས། སྐུ་བརྙན་སོ་སོར་གོས་དར་རྒྱུ་བཟང་ལས་གྲུབ་པའི་ན་བཟའ་ཆ་འགྲིག་དང༌། མདུན་བཀོད་མཆོད་སྟེགས་བང་རིམ་དང་མཆོད་ཆས་ཡོལ་གོ་ཆ་ཚང་བ་བཅས་ལེགས་གྲུབ་མཚམས་རབ་ཏུ་གནས་པའི་ཆོ་གས་སྨིན་བསྒྲུབ་མཛད་པ། འཕྲུལ་གྱི་བཟོ་བོ་མཐོང་ཚད་ཇི་བཞིན་བཟོ་ཤེས་པ་ལྟ་བུའི་ལྷ་བཟོ་མཁས་ཅན་ཞིག་ཡོད་པས། དེས་ཐོག་མར་རྒྱལ་བ་མ་ཕམ་པའི་སྐུའི་ཞལ་དབྱིབས་ཐེངས་གསུམ་ལ་བཅོས་ཏེ། ྋརྒྱལ་དབང་ཐམས་ཅད་མཁྱེན་གཟིགས་ཆེན་པོར་སྤྱན་བསྟར་ཞུས་ཀྱང་ཐུགས་མགུ་བའི་བཟོ་བཅོས་ཤིག་མ་བྱུང་བས། མཐར་ཁྲི་ཆེན་བྱམས་པ་ཆོས་གྲགས་ཀྱི་ཞལ་དབྱིབས་དང་ཀུན་ནས་མཚུངས་པ་ཞིག་བྱུང་ན་དེ་ག་རང་གིས་འགྲིག་ཅེས་བཀའ་གནང་བ་བཞིན། ཁྲི་ཆེན་རྡོ་རྗེ་འཆང་གི་ཞལ་དབྱིབས་དངོས་དང་མི་གཉིས་པ་ལྟ་བུ་ཞིག་བཅོས་ནས་སྤྱན་གཟིགས་འབུལ་བས། དེ་རང་གིས་འགྲིག་པ་འདུག་ཅེས་དགྱེས་ཚོར་ཆེན་པོ་གནང་བ་སོགས་གང་ཅིར་བརྟགས་ཀྱང༌། བདག་ཉིད་ཆེན་པོ་འདི་ནི། རྒྱལ་བ་མ་ཕམ་མགོན་པོ་བསམ་བཞིན་དུ་ངུར་སྨྲིག་གར་གྱི་རྣམ་པར་རོལ་བར་གོར་མ་ཆག་གོ རྒྱལ་བ་བྱམས་པའི་སྐུ་བརྙན་གྱི་ལྷུ་ལག་རྣམས་ནོར་གླིང་བསྐལ་བཟང་ཕོ་བྲང་ནས་གངས་ཅན་ཕན་བདེའི་གཏེར་མཛོད་གླིང་ཞེས་པའི་གོང་སྨོས་ཞོལ་གྱི་སྤར་ཁང་གི་རྟེན་གཙོར་གདན་འདྲེན་ཞུ་སྐབས་གདན་ཞུའི་ལས་མི་ལག་མ་ཐོགས་པ་ཡོད་ཀྱང༌། ད་རེས་རྟེན་འབྲཻལ་གྱི་གནད་ཅིག་ཡོད་པས་སེར་བྱེས་ལྷོ་པ་ཁང་ཚན་གྱི་གསར་ཁྲལ་གོ་ཐང་རྣམས་གཅིག་ཀྱང་མ་ལུས་པ་ཕེབས་དགོས་པའི་བཀའ་བཟང་གནང་དོན་བཞིན། ཁང་ཚན་དེའི་དགེ་འདུན་བགྲེས་སོང་དང་བསྙུན་མནར་ཅན་རེ་ཟུང་མ་གཏོགས་ཚང་མ་ངེས་ཕེབས་གནང་ཞིང་གདན་ཞུ་དང་བླངས་ཞུས་པས། ྋརྒྱལ་དབང་ཐམས་ཅད་མཁྱེན་ཅིང་གཟིགས་པ་ཆེན་པོ་མཆོག་གིས་ཐུགས་དགྱེས་པའི་ངང་དགེ་འདུན་རྣམས་ལ་ཇ་ཐུག་གི་སྟོན་མོ་གནང་ཞིང་མཇལ་ཁ་ཕྱག་དབང་དང་དངུལ་དང་ལྷ་རྫས་ཀྱི་གནང་སྦྱིན་ཀྱང་བསྩལ། དེ་སྔོན་མཁན་རིན་པོ་ཆེ་འཇམ་དབྱངས་དཀར་པོ་བློ་གྲོས་རྒྱལ་མཚན་སྐབས་རྒྱལ་རྩེ་ཁུལ་དུ་ཡོད་པའི་གྲྭ་ཚང་གི་གཞིས་ཀ་དུ་མ་གཞུང་བཞེས་ཤོར་བ་རྣམས་རྗེ་འདི་ཉིད་དང་ལྷོ་པ་མཁན་པོ་བློ་བཟང་ཡེ་ཤེས་གཉིས་ཀྱིས་གཞུང་ས་ལ་དྲང་བདེན་གྱི་སྒོ་ནས་ཞུ་གཏུགས་བྱས་ཏེ་ཕྱིར་བླངས། མི་སྲུན་འགའ་རེས། དགའ་ལྡན་ཁྲི་པ་ཁ་མཆུ་ལ་དེ་འདྲ་ཐུགས་མཉེས་པ་ལ་ཨང་ཞེས་ཞུས་མཁན་ཡང་བྱུང་སྐད། ཁྲི་ཆེན་རྡོ་རྗེ་འཆང་འདི་ཉིད་ཀྱི་ཞལ་ནས། སྐྱེ་བ་རྗེས་མར་སེར་བྱེས་མཁས་སྙན་གྲྭ་ཚང་གི་སྒྲིག་ཁོངས་སུ་ཞུགས་ཏེ། འཕགས་བོད་ཀྱི་གཞུང་ལུགས་སྤྱི་དང༌། ཁྱད་པར་དུ་ཟབ་མོ་དབུ་མའི་གཞུང་ལ་སློབ་གཉེར་དཔྱིས་ཕྱིན་པ་ཞིག་བྱ་རྒྱུ་བྱུང་ན་སྙམ་པའི་རེ་བ་རྟག་ཏུ་ཡོད་པས། དེ་ལྟར་ཡོང་བའི་ཐུགས་སྨོན་གནང་དགོས་ཞེས་ཕུར་ལྕོག་བྱམས་པ་རིན་པོ་ཆེར་གསུངས་པ་དེ་ཉིད་ཀྱིས་མཛད་པའི་དེབ་ཐེར་ནོར་བུའི་ཕྲེང་བར་གསལ། སྐབས་ཤིག་རྒྱལ་དབང་ཐུབ་བསྟན་རྒྱ་མཚོས་གསེར་གདུང་ཆེན་མོའི་ནང་རྟེན་རྗེའི་སྐུ་དམར་གདུང་དེ་ཉིད་དར་ཚོན་སྣ་ལྔའི་གོས་རྣམས་བཤུས་ནས་སྐུ་རྗེན་པར་བྱོན་གྲབས་སྐབས། ཁོང་གིས་དེ་འདྲ་གནང་ན་རྗེའི་བསྟན་པ་ལ་གནོད་པས་མི་ཉན་ཞུས་ཏཻ་གཟན་གྱིས་བཀབ་པས། མགྲོན་གཉེར་ཆེན་པོ་ཨ་སངས་སོགས་སྐུ་དྲག་ཚཽས་མ་མཇལ་བས་འཁོན་གྱིས་དངུལ་སྲང་བཅོ་ལྔ་ཆད་པ་བཅད། དེ་དུས་རྗེའི་སྐུ་དམར་གདུང་མཇལ་མཁན་ཚོའི་བཤད་པ་ལྟར་ན། རྗེའིེ་སྐུ་ལས་དབུ་སྐྲ་སྐྱེས་ཏེ་ས་ལས་ཡར་སློང་གི་ཡོད་སྐད། མཚམས་ཤིག་ཁམས་ནས་རྙིང་ཕྱོགས་ཀྱི་མཁས་པ་རེ་ཟུང་གིས་གྲུབ་མཐའི་དཀའ་གནད་ལས་བརྩམས་ཏེ་རྩོད་པ་རིམ་པར་བྱུང་སྐབས་རྒོལ་བ་པོ་དབང་པོ་རབ་ཏུ་གཟིགས་ནས། ཁྲི་ཆེན་རྡོ་རྗེ་འཆང་ཉིད་ཀྱིས་དཀའ་བའི་གནད་ཀྱི་མདུད་རྒྱ་གྲོལ་བའི་ལྗགས་ལན་ཐོགས་མེད་དུ་གནང་པས། མཁས་པས་མཁས་པར་བརྩད་ན་འདུམ། ཞེས་པ་ལྟར་གཅིག་ཤེས་དོན་ཀུན་གྲོལ་བའི་གནད་དུ་ཤེས་ནས། རྗེ་འདི་ཉིད་ལ་བསྔགས་པའི་བསྟོད་ཚིག་སྐྱེས་དང་བཅས་ཕུལ་ཅིང་རྗེས་སུ་ལྷ་ལྡན་དུ་རྗེ་འདི་ཉིད་མཇལ་བར་སླེབས་པའི་ལོ་རྒྱུས་རྒན་རབས་ཚོའི་གསུང་སྒྲོས་ལས་ཐོས༌། ད་དུང་བླ་མ་དེས་དགེ་ལྡན་པར་བཤད་གྲྭ་འགྲན་ཟླ་བརལ་བ་འདུག་པ་འདིའི་སྒང་ལ་སྒྲུབ་གྲྭ་ཞིག་ཡོད་ན་ཞེས་ཀྱང་ཞུས་འདུག་པ་ནི་ཤིན་ཏུའང་བདེན་ནོ་སྙམ། དགུང་ལོ་དོན་བརྒྱད་པ་མེ་ཡོས༡༩༢༧ལོར་གསེར་ཁྲི་ལས་ཟུར་ཏེ་སྨིན་དྲུག་གླིང་ཁའི་མཚམས་ཁང་དུ་བསྙེན་བསྒྲུབ་ཀྱི་རྣལ་འབྱོར་ལ་ཐུགས་དམ་གྱི་མཐིལ་དུ་མཛད་ཅིང༌། བཅད་རྒྱ་དང་བཅས་བཞུགས་སོ། །ལོ་ལྟར་གདན་གསུམ་དབུས་ཆོས་སྡེ་ཁག་གི་བསྒྲུབ་བྱ་མང་པོར་བསྙེན་རྫོགས་ཀྱི་སྡོམ་པ་གནང༌། ཁལ་ཁ་རྗེ་བཙུན་དམ་པ་སོགས་སྐྱེས་ཆེན་འགའ་ཞིག་གི་ཡང་སྲིད་ཀྱང་ངོས་འཛིན་གནང༌། སྐབས་ཤིག་སྨད་ནས་རྒྱ་ནག་གུང་མིན་ཏང་གིས་ཚུལ་མིན་སྤྱོད་ངན་གྱིས་མཐའ་སྡོད་བོད་འབངས་ལ་སུན་གཙེར་བྱས་པ་དང༌། གཙང་ཕྱོགས་ནས་མི་ངན་ཁག་ཁ་མཐུན་གྱིས་གཞུང་སའི་བསྟན་སྲིད་ལ་དཔུང་རྒོལ་སྦྱོར་ངན་མང་དག་ཅིག་བརྩམས་པར་བརྟེན། རྗེ་འདི་ཉིད་དབུ་བཞུགས་ཐོག་ལྷ་ལྡན་འཆམ་ར་ཆེན་མོར་གདན་གསུམ་གྱི་དགེ་འདུན་ཚོ་བསྡུས་གནང་ཞིང་སེར་ཚོགས་འཕུར་ཚུགས་སུ་འཚོགས་ཏེ། གདུགས་ཤེར་སེང་གསུམ་གྱི་བཟློག་བསྒྱུར་དང༌། གནོད་བཟློག་གསོ་སྦྱོང་སོགས་དམག་བཟློག་ཏུ་ཞི་དྲག་ཆོས་སྤྱོད་ཀྱིས་རིམ་གྲོ་གནད་སྨིན་མཛད་པས། བསྟན་དགྲའི་ཕྱོགས་ཀྱི་བསམ་ངན་དང་སྦྱོར་རྩུབ་མཐའ་དག་རྨེག་མེད་དུ་ཞི་ནས་རང་ཕྱོགས་དགྲ་ལས་རྣམ་པར་རྒྱལ་བའི་དགེ་མཚན་འབྲེ། ལོ་དེར་ལྷ་ས་གཙོས་པའི་སྟོད་སྨད་བར་གསུམ་དུ་བཅོས་ཐབས་བརལ་བའི་ནད་ཡམས་དྲག་ཏུ་འཕྱུར་ཏེ་ཡུལ་མིའི་ནང་དུ་ཤི་ཆད་ཚབས་ཆེན་བྱུང་བས། གཞུང་ས་ནས་ཁྲི་ཆེན་རྡོ་རྗེ་འཆང་ཆེན་པོར་ནད་ཁ་བཟློག་དགོས་པའི་སྙན་བསྐུལ་བྱུང་དོན་བཞིན། ཐུགས་བརྟགས་གཟབ་ནན་གནང་ནས་མཐར་འབྲས་སྤུངས་དགའ་ལྡན་ཕོ་བྲང་ཆེན་པོའི་འོག་གི་ལྷ་མོའི་སྐུ་དམར་གདུང་དུ་གྲགས་པའི་མཁའ་འགྲོ་མའི་སྐུ་གདུང་ཡོད་པའི་བཙན་ཁང་ལོ་མང་སྔོན་ནས་གཞུང་གིས་བཀའ་རྒྱ་སྒོ་ཐེལ་བརྒྱབ་ནས་ཡོད་པའི་ཕེབས་སྒོ་འགག་ཏུ་སྐུ་འཁོར་དང་འདུས་མང་རྣམས་བཀག་ནས་རྗེ་འདི་ཉིད་སྐུ་རྐྱང་དུ་ཕེབས་ཏེ། ཡུད་ཙམ་བཞུགས་མཐར་ཕྱིར་ཕེབས་ཀྱིས་སྔར་བཞིན་སྒོ་ཐེལ་བཀའ་རྒྱས་མནན། དེ་ནས་བཟུང་ཡམས་ནད་རྩ་ཆད་དུ་བྱུང་ཞིང་ནད་མུག་གི་མིང་ཙམ་ཡང་མེད་པར་གྱུར། དགའ་ལྡན་རྣམ་པར་རྒྱལ་བའི་གླིང་གི་འཇམ་མགོན་ཆོས་ཀྱི་རྒྱལ་པོས་ཕྱག་བཏབ་པའི་གསེར་གྱི་རྒྱ་ཕིབས་དང་གབླ༼༩་ལ་རྙིང་སུངས་སུ་གྱུར་ཏེ་ཞིག་རལ་འགྲོ་བའི་ཉེན་ཚབས་ཆེ་སྐབས་སྙན་ཞུ་བྱུང་དོན་བཞིན་ཞིག་གསོའི་འགན་བསྣམས་པར་མ་ཟད། དོ་དམ་བཟོ་པ་སོགས་ཆེད་གཏོང་ཡོང་བའི་གཞུང་སར་སྙན་བསྐུལ་ཀྱང་ཞུས། གཞུང་ནས་ཀྱང་འབྲེུ་དངུལ་དང་ཤིང་ཆའི་མཐུན་རྐྱེན་གནང་འཕྲལ་རྟེན་དང་བརྟེན་པ་བཅས་ཉམས་གསོ་ལེགས་གྲུབ་མཚམས། གཞུང་སར་ྋགོང་ས་ལྷ་མིའི་རྣམ་འདྲེན་སྐྱབས་མགོན་རྒྱལ་བའི་དབང་པོར་གདན་ཞུའི་གསོལ་བ་བཏབ་པ་ལྟར། དེ་དོན་ཞལ་བཞེས་གནང་ནས་སྟོན་འཁོར་ཚོམ་བུ་དང་བཅས་འབྲེོག་རི་བོ་ཆེ་དགེ་ལྡན་རྣམ་པར་རྒྱལ་བའི་གླིང་དུ་ཞབས་སོར་འཁོད་དེ་སྲིད་ན་རྙེད་པར་དཀའ་བའི་ཡབ་རྗེ་རྒྱལ་བ་གཉིས་པའི་གསེར་སྡོང་ཆེན་པོ་དབུར་བཞུགས་པའི་རྟེན་མཆོག་རྣམས་ཀྱི་མདུན་དུ་མཆོད་པའི་ཚོགས་དཔག་ཏུ་མེད་པ་འབུལ་བཤམས་དང་འབྲཻལ་རབ་གནས་སོགས་སྨིན་རྒྱས་མཛད་པས་རྟེན་དང་བརྟེན་པར་ཡེ་ཤེས་རྡོ་རྗེའི་བྱིན་རླབས་དངོས་སུ་ཞུགས་པའི་རྟགས་མཚན་བྱུང༌། ྋགོང་ས་མཆོག་གིས། ཁྲི་གདན་ཟུར་གཉིས་དང༌། ཤར་བྱང་ཆོས་རྗེ་རྣམ་གཉིས་གདན་འཛོམས་པའི་སར་དགེ་འདུན་འདུས་པའི་དབུས་སུ་རྗེ་འདི་ཉིད་ལ་སྔ་ཕྱིར་བསྟན་པ་དང་ཆབ་སྲིད་ལ་ཐུགས་ཁུར་ཆེར་བཞེས་གནང་བར་ཐུགས་རྗེ་ཆེ་མཚོན་གྱི་གཟིགས་བཟོས་རྒྱ་ཆེར་གནང༌། དེ་ནས་རིང་པོར་མ་སོང་བར་ཆུ་བྱ་༡༩༣༣ལོར་གངས་ཅན་འགྲོ་བའི་དཀར་མིན་ལས་ཀྱི་འབྲས་བུ་མངོན་དུ་གྱུར་ཅིང་རྣམ་དཀར་བསོད་ནམས་ཀྱི་བསགས་ཕུང་ཟད་མཐར་ཐུག་པ་དང༌། ར་གན་གསེར་བརྫུས་ཀྱི་མི་ངན་དབང་ཤུགས་ཅན་རེ་ཟུང་ངན་པ་མཐུན་སྦྱོར་གྱིས་བསྟན་སྲིད་མཛད་ཕྱོགས་གང་ཅིར་བར་ཆད་བརྩམས་དང་རྩོམ་བཞིན་པ་དང༌། གཞུང་ཞབས་ཆེ་ཕྲ་ཀུན་གྱིས་རྒྱབ་མདུན་དང་ཁ་གཏིང་མི་མཚུངས་པའི་སྒོ་ནས་ཆབ་སྲིད་ཀྱི་འཛིན་སྐྱོང་མཐའ་དག་འཐུས་སྒོ་ཚང་བ་བཞིག་གཏན་ནས་མ་བསྒྲུབ་པའི་རྐྱེན་པས་ཐུགས་ཡིད་ཤིན་ཏུ་འབྱུང་ནས་སྐུ་ལྟེམ་པའི་ཚུལ་མཛད་ཅིང་ཐུགས་ཀྱི་དགོངས་པ་ཞིང་གཞན་དུ་གཏད་ལ་ཉེ་སྐབས། ཁྲི་ཟུར་རིན་པོ་ཆེ་འདི་ཉིད་དང་བཀའ་ཤག་ལྷན་ཅིག་ཏུ་ཆོས་སྡེ་ཆེན་པོ་གསུམ་དང་གསང་ཆེན་རྒྱུད་གྲྭ་རྣམ་གཉིས་བཅས་སུ་མང་འགྱེད་དང༌། བསྙེན་བཀུར་ཕུན་སུམ་ཚོགས་པ་ཞུས་ཏེ་རྐྱེན་བཟློག་གི་ཐབས་ཚུལ་གང་ཟབ་དང༌། སྐུ་དངོས་ཀྱི་མདུན་དུ་གསོལ་འདེབས་གདུང་འབོད་དྲག་པོས་བཞུགས་གསོལ་འབུལ་ལམ་ཞུས་ན་རྐྱེན་བཟློག་ཐུབ་རེ་བཅངས་ཏེ། སྐུ་གམ་དུ་ངོ་གཅར་འཐུས་པའི་སྙན་སྒྲོན་ཞུ་སྐབས། བཀའ་ཤག་ལ་མཇལ་འཕྲད་གནང་རྒྱུ་ལྟ་ཅི། མཇལ་དར་ཡང་དེ་མ་ཉིད་དུ་ཕྱིར་བསློགས། ཁྲི་ཟུར་རིན་པོ་ཆེའི་མཇལ་དར་ལྷ་རྫས་དང་རྟེན་དོད་བཅས་དགྱེས་བཞེས་གནང་ནས། འཆར་ཟླའི་ཚེས་ཤར་ལ་ལྷོད་མཇལ་ཞུ་འཐུས་ཡོང་བའི་བཀའ་ཕེབས། དེ་ནས་རིམ་གྱིས་བསྙུན་ཚུལ་ཇེ་ཞན་གྱི་རྣམ་པ་བསྟན་ནས་མཐར་སུས་ཀྱང་བཟློག་མ་ནུས་པར་དགོངས་པ་ཞི་དབྱིངས་སུ་ཐིམ་ལ་ཉེ་སྐབས་བསྐྱར་དུ་ཁྲི་ཟུར་རིན་པོ་ཆེ་དང༌། ཕུར་ལྕོག་བྱམས་པ་རིན་པོ་ཆེ། མཚན་ཞབས་སྟག་བྲག་སྤྲུལ་སྐུ། རྒྱལ་དབང་སྤྲུལ་སྐུ་བཅས་རྟབ་རྟབ་པོར་སྐུ་མདུན་དུ་བཅར་ནས་རྐྱང་ཕྱག་དགུ་ཕྲུགས་ཀྱིས་སྣེ་དྲངས་ཏེ། བསྟན་འགྲོའི་མགོན་དཔུང་དམ་པར་ཞབས་པད་བརྟན་པའི་དགོངས་ཟབ་ནམ་ཡང་ལྷོད་པར་མི་འཚལ་བ་དང༌། མཐར་དགོངས་པ་ཞིང་གཞན་དུ་གཏད་ཟིན་པས་བཟློག་ཐབས་གཏན་ནས་མེད་ཚེ། ཡང་སྲིད་མཆོག་གི་སྤྲུལ་སྐུའི་འཁྲུལ་མེད་མྱུར་ཕེབས་ཡོང་བའི་གསོལ་བ་ཕུར་ཚུགས་སུ་བཏབ་འཕྲལ། སྤྱན་རིམ་གྱིས་ཕྱེ་སྟེ་ཁྲི་ཟུར་རིན་པོ་ཆེ་འདི་ཉིད་ལ་གཟིགས་ཤིང་ཐུགས་དགྱེས་བརྩེ་ཆེན་པོས་འབྲེལ་མི་ཕོད་པའི་རྣམ་པས་མཐར་ཞལ་འཛུམ་མདངས་དང་བཅས་ཕྱི་མར་དག་ཞིང་དུ་མཇལ་ཡོང་ཞེས་པ་ལྟ་བུ་མཛད་ནས་སྔར་བཞིན་བཞུགས། དེའི་༡༩༣༣ ཟླ༡༠ ཚེས་༣༠ཕྱི་དྲོ་ཙམ་ན་སྡུད་རིམ་རྣལ་འབྱོར་གྱི་སྣང་བ་རྣམས་རིམ་གྱིས་བསྡུས་ནས་གཉུག་མའི་དོན་གྱི་འོད་གསལ་མངོན་དུ་མཛད་དེ། སྤྲོས་བརལ་བདེ་སྟོང་གི་ཐུགས་དམ་ཏིང་ངེ་འཛིན་ལ་སྙོམས་པར་བཞུགས་སྐབས། སྔ་ཕྱིར་གདུང་མཆོད་དང་དགོངས་རྫོགས་ཀྱི་རིམ་པ་ཐམས་ཅད་ཁྲི་ཟུར་རིན་པོ་ཆེ་འདི་ཉིད་ནས་དབུ་བཞུགས་ཐོག་ཐུགས་འགན་གཙང་བཞེས་གནང༌། དེ་ལྟར་ལྷར་བཅས་སྲིད་ཞིའི་གཙུག་རྒྱན་ྋསྐྱབས་མགོན་རྒྱལ་བའི་དབང་པོ་དགོངས་པ་ཞི་དབྱིངས་སུ་ཐིམ་ཚུལ་མཛད་པའི་རྗེས་སུ། བཀའ་ཤག་སོགས་གཞུང་ཞབས་ཆེ་ཁག་ལྷན་འཛོམས་ཐོག རྗེ་བཙུན་དམ་པ་འདི་ཉིད་ལ་ཁྲི་ཆེན་གོང་མ་རེ་ཟུང་གིས་རྒྱལ་ཚབ་ཀྱི་ཐུགས་འགན་བཀྲིན་བསྐྱངས་ཡོད་པ་ལྟར། བདག་ཉིད་ཆེན་པོ་ཉིད་ནས་ཀྱང༌། ྋསྐྱབས་མགོན་རྒྱལ་བའི་དབང་པོའི་འཁྲུལ་བརལ་ཡང་སྲིད་ཀྱི་འཛུམ་ཞལ་མངོན་དུ་གྱུར་ཏེ་ཆོས་སྲིད་ཀྱི་ཐུགས་འགན་མ་བསྣམས་པའི་བར་དུ། ྋགོང་སའི་རྒྱལ་ཚབ་ཀྱི་ཁྲི་འཕང་མཐོན་པོར་བཞུགས་གནང་ཡོང་བའི་གསོལ་བ་བཏབ་ཀྱང༌། མ་གསན་པར་ངོས་ནི་ན་རྒས་རྫི་ལྡིབ་རང་གཡོག་མི་འཕེར་མཁན་ཞིག་གིས་རྒྱལ་ཚབ་ཀྱི་སྲིད་ཁྲི་ནོན་ཐབས་མེད། རྭ་སྒྲེང་ཧོ་ཐོག་ཐུ་སོགས་ཤེས་འཇོན་གཉིས་ལྡན་གྱི་སྐྱེས་ཆེན་རྒྱལ་ཚབ་ཡོང་ངེས་དེ་འདྲ་མང་པོ་བཞུགས་ཡོད་པ་དེ་ཚོ་ལ་ཞུ་ན་འཐུས་ཚུལ་གསུངས་ནས་ཞལ་བཞེས་མ་གནང༌། གཞན་ཡང༌། བཀའ་ཤག་སོགས་ལ་འཕྲོས་མོལ་དུ་བླང་དོར་བཀའ་སློབ་ཚ་ནན་གནང༌། གང་ལྟར་རྒྱལ་དབང་བཅུ་གསུམ་པ་ཆེན་པོ་གཤེགས་ནས་ཟླ་བ་གཉིས་ཙམ་ལ་ཆབ་སྲིད་བཀའ་ཤག་ལྷན་རྒྱས་ནས་བསྐྱངས། དེ་ནས་སྲིད་འཛིན་རྒྱལ་ཚབ་གཅིག་དགོས་ཚུལ་གྲོས་བསྡུར་བྱས་ཏེ། དགའ་ལྡན་ཁྲི་པ་ལས་ཐོག་པ་མི་ཉག་ཨ་མེས་ཡེ་ཤེས་དབང་ལྡན་དང༌། རྭ་སྒྲེང་ཧོ་ཐོག་ཐུ་འཇམ་དཔལ་ཡེ་ཤེས་བསྟན་པའི་རྒྱལ་མཚན། ཕུར་ལྕོག་ཡོངས་འཛིན་སྤྲུལ་སྐུ་ཐུབ་བསྟན་བྱམས་པ་ཚུལ་ཁྲིམས་གསུམ་གྱི་མཚན་ཤོག་ཟན་རིལ་བསྒྲིལ་ནས་རྩེ་འཕགས་མཆོག་ལོ་ཀེ་ཤྭ་རའི་སྤྱན་སྔར་བཀའ་ཤག དྲུང་རྩིས། བཅས་པའི་དབུས་སུ་དགའ་ལྡན་ཁྲི་ཟུར་བྱམས་པ་ཆོས་གྲགས་གང་ཉིད་ཀྱིས་ཐུགས་སྨོན་བདེན་ཚིག་བརྗོད་ཞོར་ཟན་བརྟག་བསྒྲིལ་བས་རྭ་སྒྲེང་ཧོ་ཐོག་ཐུ་ཐོན་པ་ལྟར་ཤིང་ཁྱི་༡༩༣༤ལོའི་ཟླ་༡ ཚེས་༡༠ ཉིན་རྒྱལ་ཚབ་ཀྱི་ཁྲིར་ཕེབས། རྭ་སྒྲེང་རིན་པོ་ཆེ་སྐུ་ན་གཞོན་དུས་ཕེབས་བཞུད་ཀྱི་སྐབས་སུ་རྟ་རྒྱུགས་གཏོང་རྒྱུར་ཤིན་ཏུ་མཉེས་པོ་ཞིག་ཡོད་ཅིང༌། ཕར་ཚུར་ཕེབས་སྐབས་རྗེ་འདི་ཉིད་ཀྱི་མདུན་དུ་མཇལ་བཅར་ཡང་ཡང་ཕེབས་ཀྱིན་ཡོད་པས། ཉིན་ཞིག་རིན་པོ་ཆེར་ཁྱོད་ཀྱིས་རྟ་རྒྱུགས་གཏོང་རྒྱུ་དེ་མཚམས་འཇོགས་གནང་དགོས་པའི་བཀའ་གནང༌། རིན་པོ་ཆེས་ཀྱང་དེ་དོན་དམ་བཅའ་ཕུལ་བས་དགྱེས་ཚོར་ཆེན་པོས། ཨོ་ཡག་པོ་བྱུང༌། རྗེས་སུ་ཆོས་སྲིད་ཀྱི་ཐུགས་འགན་ཆེན་པོ་བཞེས་སྐབས་རྟ་རྒྱུགས་རྐྱང་པ་བཏང་ནས་ཕེབས་ན་འཚམ་པོ་རང་ཡོད་ཀྱི་མ་རེད་ཅེས་སྐུ་རྩེད་ཀྱི་ཚུལ་དུ་མ་འོངས་ལུང་བསྟན་དུ་གནང༌། ྋརྒྱལ་དབང་གོང་མའི་ཡང་སྲིད་ངོས་འཛིན་སྐོར་མཛད་དཀའ་བའི་གླེང་རྙོག་མང་པོ་བྱུང་སྐབས་རྒྱལ་ཚབ་རྭ་སྒྲེང་རིན་པོ་ཆེར། བརྟག་ཞིབ་ནན་པོ་དགོས་སྐོར་དང་ཐག་གཅོད་སྔ་མི་རུང་བའི་བཀའ་སློབ་ཡང་གནང་ཞིང༌། ཡང་སྲིད་ཁྲིར་ཕེབས་ཀྱི་འགལ་རྐྱེན་སེལ་ཐབས་ཀྱི་ལམ་སྟོན་རྒྱ་ཆེར་མཛད། ཁལ་ཁ་རྗེ་བཙུན་དམ་པ་སོགས་སྐྱེ་སྤྲུལ་འགའ་ཞིག་གི་ཡང་སྲིད་ངོས་འཛིན་གནང༌། རཀ་ར་རིན་པོ་ཆེ་ཐུབ་བསྟན་ཆོས་དར་གྱིས་མཛད་པའི་གསེར་ཀོང་རྡོ་རྗེ་འཆང་ཆེན་པོའི་རྣམ་ཐར་སྐལ་བཟང་རེ་སྐོང་ལས། ཁྲི་ཟུར་བྱམས་པ་ཆོས་གྲགས་ཀྱི་མཚན་ལ། ཏྲེ་ཧོར་བྲག་མགོ་ཁྲི་ཟུར་ཞེས་ཀྱང་ཞུ་ཞིང༌། བསྟན་པ་ལ་མཛད་རྗེས་ཤིན་ཏུ་ཆེ་ཞིང་དགུང་ལོ་བརྒྱད་ཅུ་ལྷག་བཞུགས། ྋརྒྱལ་དབང་བཅུ་གསུམ་པ་ཆེན་པོའི་སྐབས་སུ་ལྷ་ལྡན་སྨོན་ལམ་ཆེན་པོར། ལོ་འགའ་ཤས་ཀྱི་རིང་ལ་ཁྲི་པ་ལས་ཐོག་དང༌། ཁྲི་ཟུར་གཉིས་བཅས་སྨོན་ལམ་གྱི་ཚོགས་དབུར་ཁྲི་གསུམ་གྱི་སྟེང་དུ་བཞུགས་པ་བྱུང་བས། སྐུ་ཕྲེང་བཅུ་གསུམ་པ་ཆེན་པོས་རྗེ་བླ་མ་ཡབ་སྲས་གསུམ་ཀའི་རྒྱལ་ཚབ་ལྟ་བུ་དུས་མཚུངས་སུ་མཇལ་རྒྱུ་ཡོད་པ། རང་རེ་བསོད་ནམས་ཤིན་ཏུ་ཆེ་ཞེས་ཐུགས་སྤྲོ་བ་ཆེན་པོས་གསུང་ཞེས་ཐོས། ཁོ་བོ་ཆུང་དུས་ལོ་བརྒྱད་དགུ་ཙམ་ལ་ཨ་མ་ལཌ་དམ་པ་དེས་ཆེད་དུ་ཁྲིད་པ་གནང་ནས་དགེ་ངག་དབང་དཔལ་ལྡན་ངོས་གསུམ་ལ་གྲུབ་རྒྱལ་ལུགས་ཀྱི་ཚེ་དབང་གནད་སྨིན་ཞིག་ཐོབ། དེ་དུས་རྨེ་རུའི་རྒྱབ་སྨིན་གྲོང་གཟིམ་ཤག་ཏུ་བཞུགས་འདུག་ཅིང༌། སྐབས་དེར་གུས་ལ་ཐུགས་བརྩེ་བའི་བསླབ་བྱ་མང་དུ་སྩལ་ཏེ། ཐུགས་སྨོན་ཡོད་ཅེས་གསུང༌། ཤིན་ཏུ་མཇལ་སྤྲོ་བ་དད་པ་དབང་མེད་དུ་སྐྱེ་བ་ཞིག་བྱུང༌། ཕ་དམ་པ་ཆབ་མདོ་སྤྱི་ཁྱབ་ནས་དགོངས་པ་འཁྲོལ་ཏེ། གུས་རང་གྲྭ་སར་ཞུགས་ཉེར། ཤག་རོག་དགེ་བཤེས་ངག་ཐོས་ལགས་ནས་ཕ་མ་གཉིས་ལ་ཞུས་ཏེ་ཁྲི་ཟུར་རིན་པོ་ཆེ་ལ། གུས་རང་ལ་རིང་འཚོའི་སྨོན་ལམ་ཞིག་བསྐུལ་མ་ཞུས་པ། གུང་རུ་ཁང་ཚན་དུ་ཀུན་གླིང་རིན་པོ་ཆེའི་ཞབས་བརྟན་དང༌། གུས་རང་གི་རིང་འཚོའི་སྨོན་ལམ་གསུང་གིན་འདུག་པས། དེའི་ནང༌། འཆད་པའི་སྤོབས་པ་དབྱིག་གཉེན་ལྟ་བུ་དང༌།། རྩོད་པའི་མཆོག་གྱུར་ཆོས་ཀྱི་གྲགས་པའི་ཞབས། །རྩོམ་པ་སློབ་དཔོན་དཔའ་བོ་དང་མཚུངས་པའི། །རྣམ་ཐར་མ་ལུས་ཇི་བཞིན་སྐྱོང་ནུས་ཤོག ཅེས་གསུངས་པ་ཤོ་ལོ་ཀ་གཅིག་པོ་འདི་མ་གཏོགས་གཞན་བརྗེད་ཟིན་འདུག ཅེས་གསུངས་འདུག དེ་ལྟར་ངེས་པ་དོན་གྱི་འཇམ་མགོན་རྒྱལ་བའི་རྒྱལ་ཚབ་ཁྲི་ཆེན་རྡོ་རྗེ་འཆང་འདི་ཉིད་ཀྱིས་ཇི་སྙེད་འགྲོ་བའི་མོས་ངོར་སྐུའི་སྐྱེ་བ་བཞེས་པ་ནས་མཐར་གཟུགས་སྐུའི་བཀོད་པ་ཞི་བའི་དབྱིངས་སུ་གཟིམས་པའི་ཚུལ་མཛད་པའི་བར་དུ་བསྟན་པ་དང་འགྲོ་བའི་དོན་ཁོ་ན་མཛད་ཅིང་གསང་བ་གསུམ་གྱི་སྒོ་ནས་རྗེས་སུ་བཟུང་བའི་སློབ་མ་ཡང༌། སྲིད་སྐྱོང་རྒྱལ་ཚབ་སྟག་བྲག་ངག་དབང་གསུང་རབ་དང༌། སྐྱབས་རྗེ་ཁྲི་བྱང་རིན་པོ་ཆེ་བློ་བཟང་ཡེ་ཤེས་བསྟན་འཛིན་རྒྱ་མཚོ། རྣལ་འབྱོར་གྱི་དབང་ཕྱུག་ཆེན་པོ་མི་ལ་བཞད་པའི་རྡོ་རྗེ་དང་མི་གཉིས་པའི་ངེས་དོན་གྱི་བྱ་བཏང་བ་ཏྲེ་ཧོར་སྐྱོར་དཔོན་རིན་པོ་ཆེ་བློ་བཟང་དར་རྒྱས་དཔལ་བཟང་པོ། ཡོངས་ཀྱི་དགེ་བའི་བཤེས་གཉེན་ཆེན་པོ་གཞུང་ལུགས་རྒྱ་མཚོའི་མངའ་དག་དགེ་བཤེས་བསོད་ནམས་མགོན་པོ། མདོ་སྔགས་གཞུང་བརྒྱ་སྨྲ་བའི་དབང་པོ་རིམ་གཉིས་ཀྱི་རྣལ་འབྱོར་ཆེན་པོ་དགེ་བཤེས་ཡེ་ཤེས་ནོར་བུ། དགེ་བཤེས་ཡ་མ་ཚེ་དཔག པབརསྤྱ༣ཏ་པོད་ལྔ་པའམ་བློ་བཟང་བསམ་གཏན། ལུང་རིགས་མཛོད་འཛིན་བློ་བཟང་དོན་འགྲུབ་སོགས་མཁས་གྲུབ་གཉིས་ལྡན་གྱི་སྐྱེས་ཆེན་གནམ་གྱིས་ས་བཀབ་པ་ལྟ་བུ་གྲངས་ཀྱིས་མི་ཆོད་པ་བསྐྱངས་ཤིང་བཤད་པ་དང་སྒྲུབ་པའི་རྒྱལ་མཚན་སྲིད་པའི་རྩེ་མོར་བསྒྲེངས་པར་མཛད། གསུང་གི་ལེགས་བཤད་ཀྱང༌། ཁང་གསར་སྐྱབས་མགོན་བློ་བཟང་ཚུལ་ཁྲིམས་ཀྱི་རྣམ་ཐར་སོགས་ཡོད་པར་སྣང༌། མཐར་དགུང་གྲངས་གྱ་བརྒྱད་པ་རབ་བྱུང་བཅུ་དྲུག་པའི་མེ་གླང༡༩༣༧ལོར་རྟག་འཛིན་གྱི་འཆིང་བ་བརྟན་ཅིང་འདི་སྣང་གི་གཡེང་བས་ཆེས་ཆེར་བསྐྱོད་པའི་གདུལ་བྱ་རྣམས་བློ་ཁ་ཆོས་ཕྱོགས་སུ་གཞོལ་བའི་ཕྱིར་དུ་ཐུགས་ཀྱི་དགོངས་པ་ཆོས་ཀྱི་དབྱིངས་སུ་བསྡུ་བའི་ཚུལ་མཛད་དོ། དེ་ལྟར་བདག་ཅག་གི་སྟོན་པ་མཉམ་མེད་ཐུབ་པའི་དབང་པོ་ཟས་གཙང་སྲས་ཀྱི་རྩ་མཆོག་གྲོང་གི་མཛད་པ་ཐ་མ་དང་མཐུན་པར། སེང་གེ་ཉལ་སྟབས་སུ་བཞུགས་ནས་དགོངས་པ་ཆོས་དབྱིངས་སུ་ཐིམ་པའི་ཚུལ་མཛད་ཅིང༌། ཉིན་ལྔའི་རིང་དུ་སྣང་སྟོང་ཟུང་འཇུག་ཟབ་གསལ་སྒྱུ་མའི་རྣལ་འབྱོར་གྱི་ཐུགས་དམ་ལ་མཉམ་པར་བཞག དེ་ནས་སྐུ་གདུང་རིན་པོ་ཆེའི་མདུན་དུ་མཆོད་ཚོགས་ཀྱི་བཀོད་པ་ཕུན་སུམ་ཚོགས་པ་འབུལ་བཤམས་དང༌། བླ་མཆོད་དང་འབྲཻལ་གསོལ་བ་སྨོན་ལམ་གདུང་ཤུགས་དྲག་པོས་བཏབ་ཅིང་གདུང་སྒྲུབ་ཀྱི་ཆོ་ག་རྣམ་པར་དག་པ་སྨིན་སྒྲུབ་དང༌། གདན་གསུམ་དབུས་རྒྱུད་གྲྭ་སྨད་སྟོད་བཅས་རིས་མེད་ཆོས་སྡེ་ཀུན་ལ་མང་འགྱེད་དང་ཇ་ཐུག་བཅས་བསྙེན་བཀུར་ཟབ་རྒྱས་ཞུས། སྐུ་གདུང་རིན་པོ་ཆེ་ཞུགས་ལ་སྦྱངས་སྐབས་འཕེལ་གདུང་རིང་བསྲེལ་གྱི་རྒྱུན་བཟང་རང་འཁྲུངས་སུ་ཕེབས། ལ་མོ་ཕྱག་མཛོད་ཀྱིས་སྔ་ཕྱིར་ཐུགས་འགན་བཞེས་ཏེ་དགོངས་རྫོགས་སུ་རིང་བསྲེལ་ཆ་ཚང་ནང་དུ་བཞུགས་པའི་དངུལ་སྡོང་རིན་པོ་ཆེའི་ཕྲ་རྒྱན་དང་བཀོད་པ་ཕུན་སུམ་ཚོགས་པ་བྱིན་རླབས་ཀྱི་ཚན་ཁ་རབ་ཏུ་འབྲེ་བ་ཞིག་དང༌། གསེར་ཟངས་ལས་གྲུབ་པའི་མཚན་དང་དཔེ་བྱད་ཀྱིས་བརྒྱན་པ་སྐུ་དངོས་དང་སྒོ་ཀུན་ནས་མཚུངས་པའི་སྣང་བརྙན་བཅས་སྐྱེ་རྒུའི་བསོད་ནམས་ཀྱི་ཞིང་མཆོག་དམ་པར་ཞོལ་བཀའ་བསྟན་ལྷ་ཁང་གི་རྟེན་གཙོ་རྒྱལ་བ་མ་ཕམ་པའི་སྐུ་བརྙན་གྱི་གཡོན་དུ་ཕྱི་རབས་ཀྱི་གདུལ་བྱ་རྣམས་ལ་དྲན་རྟེན་དུ་བཞུགས། དེའི་སྐུ་ཕྲེང་གཉིས་པ་ཝ་ལུང་ཁྲི་སྤྲུལ་བྱམས་པ་ཆོས་གྲགས་བསྟན་འཛིན་རིན་པོ་ཆེ་ནི། རབ་བྱུང་བཅུ་དྲུག་པའི་ས་སྟག་༡༩༣༨ལོར་དབུས་ཀྱི་ལྷ་ལྡན་དུ་སྐུ་འཁྲུངས། ཤིང་སྤྲེལ༢༠༠༤ལོ་འདིའི་ཟླ་༢ ནང་ལ་གཞིས་དགོན་དུ་ཞི་བར་གཤེགས་པར་ཐོས།

དགའ་ལྡན་ཁྲི་ཐོག་གོ་གཅིག་པ་ཡ་ར་བློ་བཟང་རྒྱལ་མཚན། མདོ་ཁམས་ཡ་རར་སྐུུ་འཁྲུངས། དབུས་སུ་བྱོན་ནས་སེར་བྱེས་ལྭ་བ་ཁང་ཚན་དུ་ཆོས་ཞུགས་ཐོག་གཞུང་ཆེན་མོའི་སློབ་གཉེར་མཐར་སོན་ནས་དགེ་བཤེས་ལྷ་རམས་པའི་མཚན་བཏགས་བཞེས། རྒྱུད་སྟོད་དུ་ཞུགས་ཏེ་རིམ་བཞིན་བླ་མ་དབུ་མཛད་དང༌། མཁན་པོ། རང་བྱུང་བཅོ་ལྔ་པའི་ས་ལུག་༡༩༡༩ལོར་ཤར་རྩེ་ཆོས་རྗེའི་ཁྲིར་ཕེབས། ལོ་དེའི་༡༩༡༩ཟླ་བ་གཉིས་པའི་ནང་གོང་ས་རྒྱལ་དབང་ཐུབ་བསྟན་རྒྱ་མཚོ་སྐྱབས་རྗེ་ཡོངས་འཛིན་རྡོ་རྗེ་འཆང་ཁྲི་བྱང་བློ་བཟང་ཡེ་ཤེས་བསྟན་འཛིན་རྒྱ་མཚོ་སོགས་བསྒྲུབ་བྱ་ཤིན་ཏུ་མང་པོར་བསྙྙེན་པར་རྫོགས་པའི་དགེ་སློང་གི་སྡོམ་པ་གནང་བའི་སྐབས་བདེ་ཡངས་མཚན་ཞབས་རིན་པོ་ཆེ་བསྟན་འཛིན་འཕྲིན་ལས་འོད་ཟེར་ཀྱིས་གསང་སྟོན་དང༌། རྣམ་གྲྭ་དུས་འཁོར་སློབ་དཔོན་བྱམས་པ་བསོད་ནམས་ཀྱིས་དུས་བསྒོ་བ། བྱང་རྩེ་ཆོས་རྗེ་བློ་གླིང་ཏྲེ་ཧོར་བྱམས་པ་ཆོས་གྲགས་དང༌། ཤར་པ་ཆོས་རྗེ་དམ་པ་འདི་ཉིད་སོགས་ཀྱིས་ལས་གྲྭ་གནང་ཚུལ་ཁྲི་བྱང་རང་རྣམ་འཁྲུལ་སྣང་སྒྱུ་མའི་ཟློས་གར་དུ་གསལ། ཤིང་བྱི༡༩༢༤ལོར་ལྷ་ལྡན་སྨོན་ལམ་ཆེན་མོའི་གྲྭ་སྐོར་བ་སྐྱབས་རྗེ་ཡོངས་འཛིན་གླིང་སྤྲུལ་རིན་པོ་ཆེ་དང༌། ཅོ་ནེ་གྲགས་པ་ངག་དབང༌། བསྟན་འཛིན་འཕྲིན་ལས། ལྭ་བ་ཡེ་ཤེས། ཏྲེ་ཧོར་བཀའ་འགྱུར་སྤྲུལ་སྐུ། སེར་སྨད་རྒྱལ་དབང་ཆོས་རྗེ་སོགས་ནོར་གླིང་གཟིམས་ཆུང་ཉི་འོད་དུ་རྩོད་རྒྱུགས་ལ་རྒྱུགས་བཞེས་རྩོད་དཔང་ཁྲི་ཆེན་རིན་པོ་ཆེ་འདི་ཉིད་དང༌། བྱང་རྩེ་ཐུབ་བསྟན་ཉིན་བྱེད། ཤར་པ་ཡ་ར་བློ་བཟང་རྒྱལ་མཚན་འདི་ཉིད། བྱེས་མཁན་པོ་བྱ་བྲལ་ངག་དབང་ཕུན་ཚོགས། སྒོ་མང་མཁན་པོ་སོག་པོ་འོད་ཟེར་རྡོ་རྗེ། བདེ་ཡངས་མཚན་ཞབས་གཉལ་སྤྲུལ་བསྟན་འཛིན་འཕྲིན་ལས་སོགས་ཕེབས་ནས་རྒྱུགས་བཞེས་གནང་བ་སོགས་སྔ་ཕྱིར་རྒྱུགས་བཞེས་ཐེངས་མང་ཕེབས། རབ་བྱུང་བཅུ་དྲུག་པའི་མེ་ཡོས་༡༩༢༧ལོར་ཁྲི་ཆེན་བྱམས་པ་ཆོས་གྲགས་གསེར་ཁྲི་ལས་འཕོས་པའི་ཚབ་ཏུ་དགའ་ལྡན་གྱི་ཁྲིར་ཕེབས་པ་གསལ་ཏེ། གོང་ས་རྒྱལ་དབང་ཐུབ་བསྟན་རྒྱ་མཚོའི་རྣམ་ཐར་ངོ་མཚར་རིན་པོ་ཆེའི་ཕྲེང་བ་ལས། མེ་ཡོས་ལོ་ཞེས་པ་ནས། དགའ་ལྡན་ཁྲི་འཛིན་བྱམས་པ་ཆོས་གྲགས་ལོ་དུས་འཕོས་ཚབ་ཤར་པ་ཆོས་རྗེ་བློ་བཟང་རྒྱལ་མཚན། དེ་ཚབ་རྒྱུད་སྟོད་མཁན་ཟུར་ཡེ་ཤེས་དབང་ལྡན། རྩེ་རིག་གནས་སློབ་གནས་སློབ་གྲྭའི་དགེ་རྒན་ཐུབ་བསྟན་རབ་རྒྱལ་དགོངས་ཁྲོལ་ཚབ་སྔར་ཁུང་སྨིན་གླིང་གྲྭ་བདེ་ཆེན་ཆོས་འཛིན་བཅས་ལ་བསྐོ་བཞག་བཀའ་བསྒྱུར་རིམ་གྱིས་བསྩལ། ཞེས་འབྱུང་བས་སོ། ཁྲི་ལོ་དྲུག་བསྐྱངས་རིང་ཀྲི་པའི་བྱེད་སྒོ་ཀུན་འཐུས་ཚང་གནང་ཐོག་རྒྱུན་བཞུགས་གནང་ཡུལ་ཕུར་ལྕོག་བྱམས་མགོན་བླ་བྲང་དུ་མཛད་དེ། དེ་ན་ལྷ་སྔགས་ཏིང་འཛིན་གྱི་ཉམས་བཞེས་ཀྱང་རྒྱ་ཆེར་གནང༌། གསེར་ཁྲི་སྐྱོང་བཞིན་པའི་མུར་རབ་བྱུང་བཅུ་དྲུག་པའི་ཆུ་སྤྲེལ་༡༩༣༢ལོའི་ཟླ་བ་བཅུ་གཉིས་ནང་སྐུུ་གཤེགས། རྗེ་འདི་ཉིད་རྒྱལ་མཆོག་ཐུབ་བསྟན་རྒྱ་མཚོས་གཟིགས་པ་ཤིན་ཏུ་ཆེ་བས་སྐུ་གཤེགས་པ་གསན་མ་ཐག་སྐྱབས་རྗེ་ཡོངས་འཛིན་ཁྲི་བྱང་རིན་པོ་ཆེ་ལ་སྐུ་གདུང་སྤུར་སྦྱངས་སོགས་ཀྱི་བྱེད་སྒོ་ཀུན་འཐུས་ཚང་དགོས་པའི་བཀའ་མངགས་གནང་བ་ལྟར་སྐྱབས་རྗེ་རིན་པོ་ཆེས་མཛད་སྣང་སྟེ། སྐྱབས་རྗེ་ཡོངས་འཛིན་ཁྲི་བྱང་རིན་པོ་ཆེའི་རང་རྣམ་འཁྲུལ་སྣང་སྒྱུ་མའི་ཟློས་གར་ལས། དེ་ལོ་ཟླ་བ་བཅུ་གཉིས་པའི་ནང་དགའ་ལྡན་ཁྲི་ཐོག་གོ་གཅིག་པ་སེར་བྱེས་ལཱ་བ་བློ་བཟང་རྒྱལ་མཚན་སྐུ་གཤེགས་པར་ཀྲི་པའི་ཕྱག་མཛོད་སོགས་ ཀྱིས་དམིགས་བསལ་འབད་སྐུལ་མ་བྱུང་ཡང༌། ྋགོས་ས་སྐྱབས་མགོན་ཆེན་པོ་མཆོག་གིས་དབྱིངས་དཔྱད་ནོར་གླིང་ནས་ཆིབས་གཡོག་ཆེད་སྩལ་གྱིས་འབོད་གནང་བྱུང་བ་ལྟར་ཞབས་བཅར་སྐབས་སྐུ་བཅར་ཐུབ་བསྟན་ཀུན་འཕེལ་བརྒྱུད་བཀའི་ཕེབས་སྒོར་དགའ་ལྡན་ཁྲི་རིན་པོ་ཆེ་ཁ་ས་སྐུ་གཤེགས་འདུག་པར་སྐུ་གདུང་ཁྲུས་དང༌། སྤུར་བཞུར་བྱ་རྒྱུ་སོགས་ལ་ཁྱོད་རང་བསྐྱོད་དགོས་ཞེས་བཀའ་ཕབ་པ་ལྟར་དེ་འཕྲལ་ཁྲི་པའི་བཞུགས་གནས་ཕུར་ལྕོག་བླ་བརང་དུ་གཤེགས། ཞེས་པ་ནས་ཕུར་ལྕོག་རིན་པོ་ཆེ་ཡང་གདུང་ཁྲུས་འབུལ་བ་ནས་བཟུང་ཐོག་མཐའ་བར་གསུམ་ཚང་མར་སྤྱན་ཞིབ་གནང་བར་ཕེབས། ༡༢༣༡༢༤ཞེས་གསུངས་པས་སོ།།

དགའ་ལྡན་ཁྲི་ཐོག་གོ་གཉིས་པ་གཙང་པ་ཐུབ་བསྟན་ཉིན་བྱེད་ནི། སྤྱི་ལོ་དུས་རབས་བཅུ་དགུའི་སྨད་ཙམ་རབ་བྱུང་བཅོ་ལྔ་པའི་ནང་གཙང་དུ་སྐུུ་འཁྲུངས། བྱིས་པའི་སྐབས་ནས་མཛད་སྤྱོད་ཕལ་བའི་ཡུལ་ལས་འགོངས། སྐུུ་ན་ཕྲ་དུས་ནས་དབུས་འགྱུར་ཆོས་ཀྱི་ཞིང་སར་ཕེབས་ཏེ་ལྷ་ལྡན་ཇོ་ཤཱཀ་རྣམ་གཉིས་སོགས་རྩ་ཆེན་རྟེན་གསུམ་ཁག་ལ་མཇལ་བཅར་བྱས་ནས། གདན་ས་འབྲས་སྤུངས་མཁས་མང་བྱེ་བའི་འབྱུང་གནས་བློ་གསལ་གླིང་དུ་ཆོས་ཞུགས་གནང༌། བློ་གླིང་དར་མདོ་མཁན་པོ་མཁྱེན་རབ་ལྷུན་གྲུབ་དང༌། རྒྱལ་རོང་ཡེ་ཤེས་ཆོས་གྲགས་སོགས་ལ་བསྟེན་ནས་དབུ་ཕར་དང་འདུལ་མཛོད་ཀྱི་གཞུང་ལུགས་རྒྱ་མཚོ་ལྟ་བུར་གསན་བསམ་མཐར་ཕྱིན་པར་མཛད། གསང་ཕུ་རྭ་བ་སྟོད་དུ་ཆོས་ཐོག་ཕེབས་ནས་སྡེ་བདུན་མདོ་དངབཅས་པའི་དགོངས་དོན་ལ་གཞན་དྲིང་མེད་པའི་མཁས་པར་སྦྱངས་ཏེ་གླིང་བསྲེས་དགེ་བཤེས་མཚན་རྟགས་བཞེས། དུས་ཕྱིས་རབ་བྱུང་བཅོ་ལྔ་པའི་ཆུ་བྱི་༡༩༡༢ལོར་སྲིད་ཞིའི་རྣམ་འདྲེན་ྋགོང་ས་བཅུ་གསུམ་པ་ཆེན་པོས་གདན་ས་ཁག་དང་རྒྱུད་སྟོད་སྨད་ནས་གྲགས་ཅན་དགེ་བཤེས་བརྒྱ་ཕྲག་བརྒལ་བ་བསྡུས་ནས་ལྷ་རམས་དམ་འཇོག་བཟང་ཞན་ཀྱི་ཨང་རིམ་གནང་སྐབས་དམ་པ་འདི་ཉིད་ཨང་དང་པོའི་གྲལ་ལ་སླེབས། སྨད་རྒྱུད་གྲྭ་ཚང་དུ་ཕེབས་ནས་རྒྱུད་སྡེ་རྒྱ་མཚོའི་གཞུང་ལུགས་ལ་གསན་བསམ་རྒྱ་ཆེར་མཛད་དེ་རྒྱུད་སྨད་དགེ་བསྐོས་དང་བླ་མ་དབུ་མཛད་རིམ་རྒྱུད་ཀྱིས་མཁན་ཁྲིར་ཕེབས་ནས་རྒྱུད་ཀྱི་འཆད་མཉན་རྒྱ་ཆེར་གནང༌། ཡོངས་འཛིན་ཕུར་ལྕོག་རིན་པོ་ཆེ་དང༌། ཁང་སར་སྐྱབས་མགོན་བློ་བཟང་ཚུལ་ཁྲིམས། ལྕང་རྒྱབ་ཁྲི་ཟུར་ཡོན་ཏན་རྒྱ་མཚོ། ཕ་བོང་ཁ་བྱམས་པ་བསྟན་འཛིན་འཕྲིན་ལས་རྒྱ་མཚོ་སོགས་སྐྱེས་ཆེན་དུ་མའི་ཞལ་སྔ་ནས་མདོ་སྔགས་ཀྱི་བཀའ་ལུང་མན་ངག་རྒྱ་ཆེར་གསན། རྒྱུད་པའི་མཁན་ཁྲི་ལས་ཟུར་རྗེས་བྱང་རྩེ་ཆོས་རྗེའི་ཁྲིར་འཁོད་དེ་རབ་བྱུང་བཅུ་དྲུག་པའི་ཆུ་སྤྲེལ་༡༩༣༢ལོ་མཇུག་ཏུ་དགའ་ལྡན་རྣམ་པར་རྒྱལ་བའི་གླིང་གི་མི་འཇིགས་སེང་གེའི་ཁྲི་ལ་ཞབས་སེན་འཁོར་ལོའི་རེ་ཁ་བཀོད་པ་གསལ་ཏེ། ངོ་མཚར་རིན་པོ་ཆེའི་ཕྲེང་བ་ལས་ཆུ་སྤྲེལ་ཞེས་པ་ནས་དགའ་ལྡན་ཁྲི་ཆེན་བློ་བཟང་རྒྱལ་མཚན་ཞིང་གཤེགས་ཚབ་བྱང་རྩེ་ཆོས་རྗེ་ཐུབ་བསྟན་ཉིན་བྱེད་ལ་བསྐོ་བཞག་མཛད། ཞེས་གསུངས་པས་སོ། །ལོ་དེའི་ཕྱི་མ་༡༩༣༣ལོ་གསར་སྐབས་ལྷ་ལྡན་སྨོན་ལམ་ཆེན་མོའི་ཚོགས་དབུར་ཕེབས་ནས་དཔག་བསམ་འཁྲི་ཤིང་དང༌། སྐྱེས་རབས་སོ་བཞི་པའི་བཤད་པ་རྒྱ་ཆེར་གནང༌། དཔྱིད་ཀར་སྡེ་དྲུག་རྨེ་རུ་གྲྭ་ཚང་དུ་ཁྲི་པ་རིམ་བྱོན་གྱིས་ལམ་རིམ་འཆད་ཉན་གནང་སྲོལ་ལྟར་རྗེ་འདི་བས་ཀྱང་དེ་གར་བཀའ་ཆོས་འཆད་བཞིན་པའི་མུར་དགོངས་པ་ཆོས་དབྱིངས་སུ་ཐིམ་པས་ཁྲི་པ་ཟླ་ཤས་ལས་མ་མཛད་པར་སྣང༌། དེ་ཡང་སྐབས་དེར་གོང་ས་སྐུུ་ཕྲེང་བཅུ་གསུམ་པ་ཆེན་པོ་ཞི་བའི་དབྱིངས་སུ་མནར་ཚུལ་བསྟན་རྒྱུའི་སྔ་རོལ་དུ་རྗེ་འདི་བར་རྒྱལ་ཚབ་ཏུ་མངའ་གསོལ་རྒྱུའི་བཀའ་རྒྱ་སྩལ་རྒྱུའི་དགོངས་པ་ཡོད་པ་དེ་ཉིད་མཁྱེན་ནས་དགའ་ལྡན་ཕོ་བྲང་པའི་སྲིད་དབང་འཛིན་རྒྱུར་སྐུུ་ན་དང་གང་ཅིའི་ཐད་ནས་འགྲོ་དོན་ཆེ་བ་མ་གཟིགས་ནས། ྋགོང་ས་ཆེན་པོའི་བཀའ་རྒྱ་མ་འབྱོར་བའི་སྔོན་ནས་གློ་བུར་དུ་དགོངས་པ་ཆོས་དབྱིངས་སུ་བསྟིམས་པར་བཤད་ཅིང༌། རྗེ་འདི་ཉིད་དགོངས་པ་རྫོགས་པའི་ཚུལ་ྋགོང་ས་རྒྱལ་དབང་ཐུབ་བསྟན་རྒྱ་མཚོ་ལ་སྙྙན་ཞུ་ཕུལ་སྐབས་ྋགོང་ས་མཆོག་གིས་རེ་ཞིག་ཐུགས་ཡིད་མི་ཆེས་པའི་ཚུལ་གྱིས་ཐུབ་བསྟན་ཉིན་བྱེད་དེ་སེམས་པ་ཆུང་བ་ལ་ཨང་ཞེས་གསུང་སྐུད། འདིའི་གདུང་རུས་དངུལ་གྱི་མཆོད་སྡོང་དགའ་ལྡན་རྣམ་པར་རྒྱལ་བའི་གླིང་དུ་བཞུགས། རིང་བསྲེལ་གྱི་ནང་གཟུངས་ཡོད་པའི་སྨན་འདམ་གྱི་སྐུུ་བརྙན་འབྲས་སྤུངས་གཙང་པ་ཁང་ཚན་དུ་བྱིན་རླབས་ཀྱི་ཚན་ཁ་འབར་བཞིན་བཞུགས་ཤིང༌། འདིའི་སྐུུ་ཕྲེང་གཉིས་པ་གཙང་པ་ཁྲི་སྤྲུལ་རིན་པོ་ཆེ་ནི། རབ་བྱུང་བཅུ་དྲུག་པའི་ཤིང་ཁྱི་༡༩༣༤ལོར་ལྷ་ས་ཞོལ་ཆིབས་རར་སྐུུ་འཁྲུངས། སྐུུ་ན་ཆུང་དུས་ནས་གོང་མའི་ཡང་སྲིད་འཁྲུལ་བྲལ་ངོས་འཛིན་བྱུང་སྟེ་འབྲས་སྤུངས་བློ་གླིང་གཙང་པ་ཁང་ཚན་དུ་ཆོས་ཞུགས་གནང༌། གཙང་པ་དགེ་བཤེས་བློ་གྲོས་ཆོས་ལྡན་སོགས་ལ་བསྟེན་ནས་ཡི་གེ་འབྲི་ཀློག་དང་ཆོས་སྤྱོད་ཆོ་ག་རིགས་ལམ་བསྡུས་གཞུང་དང༌། ཕར་ཚད། དབུ་མ། འདུལ་མཛོད་བཅས་ལ་གསན་བསམ་རྒྱ་ཆེར་མཛད་དེ་གླིང་བསྲེས་དགེ་བཤེས་མཚན་རྟགས་བཞེས། སྐྱབས་མགོན་རྒྱལ་དབང་ཡབ་སྲས་དང་ལི་ཐང་ཤོག་དྲུག་སྐྱབས་མགོན་སོགས་ལས་མདོ་སྔགས་ཀྱི་ཆོས་ཚུལ་དུ་མ་ཞུས། བོད་དུ་གླེང་ལོག་བྱུང་རྗེས་འཕགས་ཡུལ་དུ་ཕེབས་ཏེ་ཝཱ་ཎཱ་མཐོ་སློབ་ཏུ་ཞུགས་ནས་ཆོས་རིག་ཁག་ལ་གསན་བསམ་མཛད། རབ་བྱུང་བཅུ་དྲུག་པའི་ཤིང་གླང་༡༩༨༥ལོར་ཀ་ལི་ཀ་ཏར་དགོངས་པ་ཆོས་དབྱིངས་སུ་ཐིམ། །

དགའ་ལྡན་ཁྲི་ཐོག་གོ་གསུམ་པ་ཨ་མེས་ཡེ་ཤེས་དབང་ལྡན། དགའ་ལྡན་ཁྲི་ཐོག་གོ་གསུམ་པ་མི་ཉག་ཨ་མེས་ཡེ་ཤེས་དབང་ལྡན་ནི། རབ་བྱུང་བཅོ་ལྔ་པའི་ལྕགས་སྦྲུལ་༡༨༨༡ལོར་ཁམས་མི་ཉག་ངོམ་པ་རོང་དམ་པ་ཚང་དུ་སྐུ་འཁྲུངས། མི་ཉག་འགེ་ཁ་དགོན་པའི་གྲྭ་ཁོངས་ཡིན་ཡང་སྐུ་ན་ཆུང་དུས་ཕ་མས་དགོན་དུ་ཞུགས་མ་བཅུག་པར་རི་ལ་རྫི་བོ་ཕེབས་པའི་སྐབས་ཤིག་ཏྲེ་ཧོར་རྒྱ་རྒྱས་གྲུབ་ཐོབ་ཅེས། ཐལ་བ་ལ་ཕུ་བཏབ་ན་མེ་འབྲེ་བ་དང༌། གཏུམ་མོ་མེ་དྲོད་ལ་བརྟེན་ནས་དགུན་ཁའི་གནམ་གཤིས་ཤིན་ཏུ་གྲང་བའི་ནང་དུའང་གོས་མེད་གཅེར་བུར་བཞུགས་པ་རྫུ་འཕྲུལ་དང་མངོན་ཤེས་ཐོགས་པ་མེད་པའི་རྣལ་འབྱོར་པ་ཆེན་པོ་གྲུབ་ཐོབ་འདིའི་རྣམ་ཐར་ཤིན་ཏུ་འགངས་ཆེ་བར་སྣང་ཞིང་དུས་ཀྱི་སྟབས་འགྲིགས་ན་ཁོ་བོས་ཟུར་དུ་འབྲེི་འདོད་ཡོད་དེས་རི་བོ་དགེ་ལྡན་པའི་མི་ནུབ་བསྟན་པའི་རྒྱལ་མཚན་འཛིན་པར་ལུང་བསྟན། དགུང་ལོ་ཉེར་ལྔ་པ་༡༩༠༥ལོར་དབུས་འགྱུར་དམ་པའི་ཆོས་ཀྱི་ཞིང་སར་བསྙེགས་ཏེ་རྩ་ཆེན་རྟེན་གསུམ་ཁག་ལ་གནས་མཇལ་གནང་ནས་གངས་ཅན་ཀྱི་དཔལ་ན་ལེནདྲ་ཆོས་སྡེ་ཆེན་པོ་དཔལ་ལྡན་འབྲས་སྤུངས་མཁས་མང་བློ་གསལ་གླིང་དུ་ཆོས་ཞུགས་གནང༌། ཡོངས་ཀྱི་དགེ་བའི་བཤེས་གཉེན་ཆེན་པོ་ལྡན་མ་བློ་ཆོས་རིན་པོ་ཆེ་སོགས་གཞུང་ལུགས་བརྒྱ་ཕྲག་སྨྲ་བའི་བཤེས་གཉེན་དུ་མའི་ཞབས་རྡུལ་སྤྱི་བོར་བླངས་ཏེ་བསྡུས་གྲྭ་བློ་རྟགས་དང༌། དབུ་ཚད། ཕར་ཕྱིན། འདུལ་མཛོད་བཅས་ལ་གུས་རྟག་སྦྱོར་བའི་བརྩོན་པ་རྒྱ་ཆེར་སྤྱོད་དེ་བསླབས། རྗེ་འདི་ཉིད་འབྲས་སྤུངས་སུ་སློབ་གཉེར་གནང་སྐབས་དགའ་ལྡན་གསེར་ཀོང་རྡོ་རྗེ་འཆང་གི་དྲུང་དུ་ཡང་ཡང་མཇལ་བར་ཕེབས་ཀྱི་ཡོད་འདུག་པས། ཉིན་གཅིག་དེ་རིང་ངའི་སར་མི་སུ་འདྲ་ཞིག་སླེབས་ན་ཡང༌། དེ་ལ་གསང་ཡུམ་གྱི་བཞེས་སྤྱད་ནང་གསོལ་ཇ་ཕུལ་དགོས་གསུངས་པས། དེ་ཉིན་མི་ཉག་ཨ་མེས་ཕེབས་པར་རྗེ་འདིའི་བཀའ་བཞིན་དུ་གསང་ཡུམ་གྱི་བཞེས་ཆས་ནང་གསོལ་ཇ་ཕུལ་བས། མི་ཉག་ཨ་མེས་ནས་ཐེ་ཚོམ་རྣམ་རྟོག་མེད་པར་གསོལ་ཇ་བཞེས་ཏེ་དེ་གར་ཐུགས་རིག་དྭངས་པའི་སྣང་བ་ཞིག་བྱུང༌། སང་ཉིན་དེར་ལྡན་མ་དགེ་བཤེས་བློ་ཆོས་ཀྱི་དྲུང་དུ་དཔེ་འཁྲིད་ལ་ཕེབས་ནས། དགེ་སློབ་ནང་ཕན་ཚུན་རྩོད་རིགས་འཕེན་པའི་སྦྱངས་པ་གནང་སྐབས། དགེ་བཤེས་བློ་ཆོས་ནས་མི་ཉག་ཨ་མེས་ལ་རྩོད་རིགས་འཕང་དཀའ་བ་བྱུང་ཏེ། དེ་རིང་ཁྱོད་རང་རིག་སྟོབས་ཆེ་ལུགས་ཀྱིས་ལྷག་པའི་ལྷ་ཞིག་འགྲུབ་ནས་དངོས་གྲུབ་ཐོབ་པ་ཨེ་ཡིན་གསུངས་པར། ཁ་སང་གསེར་ཀོང་རྡོ་རྗེ་འཆང་གི་དྲུང་དུ་བཅར་བས་གསང་ཡུམ་གྱི་བཞེས་ཆས་ནས་གསོལ་ཇ་གནང་བྱུང་བས་རྣམ་རྟོག་མེད་པར་བཏུང་པས། ལམ་སེང་རིག་པ་སངས་སངས་པ་ཞིག་བྱུང་ཞེས་ཇི་ལྟར་བྱུང་བའི་གནས་ཚུལ་རྣམས་ཞུས་པས། དགེ་བའི་བཤེས་གཉེན་ཆེན་པོ་ལྡན་མ་བློ་བཟང་ཆོས་དབྱིངས་ཀྱང་གསེར་ཀོང་རྡོ་རྗེ་འཆང་ཉིད་ལ་མི་འཕྲོགས་པའི་དད་པ་འཁྲུངས་ཏེ། དེ་ནས་བཟུང་རྗེ་དེ་ཉིད་ཀྱི་དྲུང་དུ་ཡང་ཡང་བཅར་བར་མཛད། རྗེ་འདི་ཐུགས་རིག་ཤིན་ཏུ་བཀྲ་བས་གཞུང་ཆེན་པོད་ལྔའི་ལུང་གི་གོ་རྒྱ་དང་རིགས་པའི་ཕུལ་མཚམས་ལ་གདན་སའི་མཁས་པ་རྒན་གྲས་དག་ཀྱང་ཡིད་དབང་འགུག རབ་བྱུང་བཅོ་ལྔ་པའི་མེ་འབྲུག་༡༩༡༦ ལོར་ལྷ་ལྡན་སྨོན་ལམ་ཆེན་མོའི་ནང་གདན་གསུམ་མཁས་མང་ནམ་མཁའི་སྐར་ཚོགས་ལྟ་བུའི་དབུས་རྒྱལ་མཚན་དཀར་པའི་འོག་ཏུ་རབ་འབྱམས་པའི་གྲྭ་སྐོར་མཛད་པས་མཁས་མང་སྐར་ཚོགས་ལྟ་བུའི་གསེབ་ནས་ཟླ་བ་ལྟར་མངོན་པར་གསལ་བའི་མཚན་སྙན་གང་སར་ཁྱབ། རྒྱལ་མཆོག་བཅུ་གསུམ་པ་ཆེན་པོས་གདན་སའི་སློབ་གཉེར་དག་ཐེར་ཆེད། ལོ་དེར་གདན་གསུམ་དགེ་བཤེས་ལྷ་རམས་པ་རྣམས་ནོར་གླིང་དུ་བཀའ་འགུགས་ཀྱིས་རྩོད་རྒྱུགས་བཞེས་ནས། ལྷ་རམས་པའི་ཚད་གཞི་མ་ལོང་པ་རྣམས་བཀའ་ཉེས་ཕབ་པ་དང༌། དེ་བཞིན་རྒྱུད་སྟོད་ཀྱི་མཁན་ཁྲིར་བཞུགས་བཞིན་པའི་དགེ་བཤེས་འཇམ་དབྱངས་ཡོན་ཏན་དང༌། བླ་མ་དབུ་མཛད་བློ་བཟང་ཚུལ་ཁྲིམས་ཁྲི་ལས་ཕབ་པ་སོགས་དག་ཐེར་ཞིབ་ཚག་མཛད་པའི་སྐབས་དེར། རྗེ་འདི་ཉིད་ལ་ལྷ་རམས་ཨང་དང་པོ་བློ་གླིང་དགེ་བཤེས་མི་ཉག་ཨ་མེས་ཡེ་ཤེས་དབང་ལྡན་ལ་བསྩལ་ན་ཤིན་ཏུ་འོས་ཞེས་བསྔགས་པའི་གཟེངས་བསྟོད་དང་གསོལ་རས་བསྩལ། ལོ་དེར་རྒྱུད་སྟོད་དུ་ཕེབས་ནས། རྒྱུད་སྡེ་རྒྱམ་ཚོ་ལ་གསན་བསམ་ཉམས་བཞེས་རྒྱ་ཆེར་གནང༌། ྋགོང་ས་སྐྱབས་མགོན་བཅུ་གསུམ་པ་ཆེན་པོ་དང༌། ཡོངས་འཛིན་ཕུར་ལྕོག་རིན་པོ་ཆེ། ཡོངས་འཛིན་ཤར་ཆོས་གླིང་སྤྲུལ་བློ་བཟང་ལུང་རྟོགས་བསྟན་འཛིན་འཕྲིན་ལས་སོགས་སྐྱེས་ཆེན་དུ་མའི་ཞལ་ནས་མདོ་སྔགས་ཀྱི་གསེར་ཆོས་དུ་མའི་བཀའ་ལུང་མན་ངག་རྒྱ་ཆེར་ཞུས། རྒྱུད་ཀྱི་དགེ་བསྐོས་བླ་མ་དབུ་མཛད་རྒྱུད་རབ་བྱུང་བཅོ་ལྔ་པའི་ཤིང་བྱི་༡༩༢༤ལོར་རྒྱུད་པའི་མཁན་ཁྲིར་ཕེབས་ཏེ། རྒྱུད་ཆེན་ཀུན་དགའ་དོན་འགྲུབ་ནས་རྒྱུད་པའི་དཔལ་ལྡན་སྟོད་རྒྱུད་གྲྭ་ཚང་གི་ཕྱག་ལེན་ཀྱི་ཆ་ཤས་ཕྲ་མོ་ཚུན་ཆད་ཀྱང་མི་ཉམས་རྒྱུན་འཛིན་དང་ཉམས་པ་སོར་ཆུད་གནང༌། ཡོངས་འཛིན་གླིང་སྤྲུལ་ཐུབ་བསྟན་ལུང་རྟོགས་རྣམ་རྒྱལ་འཕྲིན་ལས་རྒྱུད་སྟོད་ཆོས་ཐོག་འགྲིམས་པའི་སྐབས་རྗེ་འདི་ཉིད་མཁན་པོ་ལས་ཐོབ་པ་ཡིན་པས་འགྲེལ་པ་བཞི་སྦྲགས་སོགས་རྒྱུད་སྡེ་ཁག་གི་འཁྲིད་ལུང་རྒྱ་ཆེར་ཕུལ། རབ་བྱུང་བཅུ་དྲུག་པའི་མེ་ཡོས་༡༩༢༧ལོར་ཤར་བ་ཆོས་རྗེ་བློ་བཟང་རྒྱལ་མཚན་དགའ་ལྡན་ཁྲི་ལ་འཕོས་ཚབ་ཏུ་ཤར་རྩེ་ཆོས་རྗེའི་ཁྲིར་འཁོད། རབ་བྱུང་བཅུ་དྲུག་པའི་ཆུ་བྱ་༡༩༣༣ལོའི་དཔྱིད་མཐར་ཁྲི་ཆེན་ཐུབ་བསྟན་ཉིན་བྱེད་གློ་བུར་ཞི་བར་གཤེགས་པའི་ཚབ་ཏུ་དགའ་ལྡན་རྣམ་པར་རྒྱལ་བའི་གསེར་ཁྲིར་ཞབས་སོར་འཁོད་དེ། ལོ་ལྟར་ལྷ་ལྡན་སྨོ་ལམ་ཆེན་མོར་སྐྱེས་རབས་དང་དཔག་བསམ་འཁྲི་ཤིང་གི་འཆད་ཉན་མཛད་པ་དང་རྨེ་རུ་གྲྭ་ཚང་དུ་བྱང་ཆུབ་ལམ་གྱི་རིམ་པའི་བཀའ་འཁྲིད་གནང་བས་མཚོན། བཤད་སྒྲུབ་ལས་གསུམ་གྱི་སྒོ་ནས་འཇམ་མགོན་བླ་མའི་བསྟན་པ་རིན་པོ་ཆེ་བླ་ནས་བླ་ན་བཏེགས། བར་ལམ་ཞིག་ནས་ཉག་རོང་ལྕགས་མདའ་སྤྲུལ་སྐུས། ྋརྒྱལ་མཆོག་བཅུ་གསུམ་པ་ཆེན་པོར་བསམ་སྦྱོར་མ་རུང་བའི་ངན་བཏད་སྦས་པའི་གསང་བ་གཞུང་ས་ནས་ཤེས་རྟོགས་བྱུང་རྗེས་བཙོན་འཇུག་གནར་གཅོད་དུ་མས་ཤི་ལམ་དུ་བརྫངས་པ་དེས་སྨོན་ལམ་ལོག་པར་བཏབ་པའི་རྐྱེན་གྱིས་གནོད་སྦྱིན་མཐུ་བོ་ཆེར་སྐྱེས་ཏེ་ལྷ་ས་རུ་བཞིར་འཚུབ་ལྷོང་འདྲ་མིན་བྱུང་པར་རྗེ་འདི་པས་མངོན་སྤྱོད་དྲག་པོའི་ལས་སྦྱོར་ལ་བརྟེན་ནས་དམིགས་མེད་དབྱིངས་སུ་བསྒྲལ་བར་བཤད། ནུབ་གཅིག་མནལ་ལམ་དུ་དམ་ཅན་ཆོས་ཀྱི་རྒྱལ་པོ་སྐུ་བང་ཤིན་ཏུ་ཆེ་བ་ཞིག་དགའ་ལྡན་དགོན་པའི་ལྕགས་རིའི་ཕྱི་རོལ་དུ་ཐུགས་མ་རངས་བའི་རྣམ་པ་ལྟ་བུར་བཞུགས་ཡོད་པར། ཁྲི་ཆེན་འདིས་ཁྱེད་རྗེ་བླ་མ་ཙོང་ཁ་པས་བཀའ་བགོས་གཉན་གཏོད་མཛད་པའི་རི་བོ་དགའ་ལྡན་པའི་བསྟན་སྲུང་གཙོ་བོར་ཡིན་པས། ཅིའི་ཕྱིར་ལྕགས་རིའི་ཕྱི་རོལ་དུ་བཞུགས་པ་ཡིན་ཞེས་དྲིས་པར། དེང་སང་དགའ་ལྡན་རྣམ་པར་རྒྱལ་བའི་གླིང་དུ་དྲེགས་པའི་སྲུང་མ་མང་དྲག་པས་ཁོ་བོ་གདན་སར་སྡོད་ཀྱང་ཕན་ཐོགས་མི་འདུག་དྲན་ནས་ལྕགས་རིའི་ཕྱི་ལ་བསྡད་པ་ཡིན་ཟེར། དེར་སྐྱོན་མེད་ཁྱོད་ཅིས་ཀྱང་གདན་ས་རང་དུ་ཕེབས་དགོས་ཞེས་ནན་གྱིས་ཞུས་ཀྱང་ཕེབས་མ་ཉན་པའི་མུར་མནལ་སད། དེ་མ་ཐག་ཁྲི་ཆེན་རིན་པོ་ཆེ་འདིས་ཧོལ་གྱིས་བཞེངས་ནས་གསོལ་དཔོན་ལ་དྲུག་ཅུ་མ་བཞེངས་བཅུག་སྟེ། ཁྱོད་རང་ཞེད་སྣང་གང་ཡང་མ་བྱེད་པར་དྲུག་ཅུ་མ་འདི་ཉིད་དབང་བསྐུར་རིར་རྗེ་བླ་མའི་སྒྲུབ་ཕུག་རང་དུ་བསྐྱལ་ནས་ཤོག སུ་ཞིག་ཐུག་ནའང་ཞེད་སྣང་བྱེད་མི་དགོས་ཞེས་མངགས་པ་ལྟར་སོང་བས། སྒྲུབ་ཕུག་དེར་སྟག་འཇིགས་སུ་རུང་བ་ཞིག་ཉལ་སྟབས་ཀྱིས་བསྡད་ཡོད་པར་མཐོང་ཡང་ཞེད་སྣང་མ་བྱས་པར། ང་དགའ་ལྡན་ཁྲི་ཆེན་རིན་པོ་ཆེས་མངགས་བྱུང་ཞུས་ནས་ཕྱིར་ལོག ཕྱི་ཉིན་ཁྲི་ཆེན་འདིས་ཚོགས་ཆེན་མང་ཇའི་ཐོག་ད་ནས་བཟུང་དགའ་ལྡན་རྣམ་པར་རྒྱལ་བའི་གླིང་དུ་ལྷ་འདྲེ་གང་བྱུང་བསྟེན་གསོལ་མི་ཆོག་ཅེས་དམ་བསྒྲགས་དང་འབྲཻལ་དྲུག་ཅུ་མ་དང་ཆོས་རྒྱལ་གྱི་བསྐང་གསོ་ཟབ་རྒྱས་གཏོང་གནང་མཛད་སྐད། རབ་བྱུང་བཅུ་དྲུག་པའི་ས་ཡོས་༡༩༣༩ལོར་ཁྲི་ལས་ཟུར་ནས་བསྟན་རྒྱས་གླིང་དུ་ལྷ་སྔགས་ཏིང་འཛིན་གྱི་རྣལ་འབྱོར་ལ་བརྩོན་བཞིན་རབ་བྱུང་དེ་གའི་ཆུ་ལུག་༡༩༤༣ལོར་དགོངས་པ་ཆོས་དབྱིངས་སུ་ཐིམ་པའི་དངུལ་གདུང་རིན་པོ་ཆེ་དགའ་ལྡན་རྣམ་པར་རྒྱལ་བའི་གླིང་དུ་བཞུགས།། དེའི་ཡང་སྲིད་ཁྲི་སྤྲུལ་བྱམས་པ་ངག་དབང་རྒྱལ་མཚན་ནི། ལྷ་ས་རྩ་གསེར་ཁང་དུ་ཡབ་སྤེལ་བསོད་ནམས་དབང་འདུས་དང༌། ཡུམ་་་་་་་་གཉིས་ཀྱི་སྲས་སུརབ་བྱུང་བཅུ་དྲུག་པའི་ཤིང་བྱ་༡༩༤༥ལོར་སྐུ་འཁྲུངས། སེར་སྨད་ཀོང་པོའི་སྤྲུལ་སྐུ་ཞིག་དང༌། ཆུང་བ་ཏྲེ་ཧོར་བྲག་དཀར་སྐུ་ཕྲེང་ལྔ་པ་གསུམ་ཀ་ཡབ་ཡུམ་གཅིག་པའི་སྐུ་མཆེད་ཡིན་ནོ། རྗེ་འདི་ཉིད་སྐུ་ན་ཆུང་དུས་ནས་ཁྲི་ཆེན་གོང་མའི་ཡང་སྲིད་ངོས་འཛིན་ཞུས་ཏེ། གདན་ས་འབྲས་སྤུངས་བློ་གསལ་གླིང་གི་མི་ཉག་ཁང་ཚན་དུ་ཞུགས། མི་ཉག་དགེ་བཤེས་ལགས་ཡོངས་འཛིན་དུ་བསྟེན་ནས་གཞུང་ལུགས་རྒྱ་མཚོར་གསན་བསམ་རྒྱ་ཆེར་གནང་བཞིན་པའི་མུར། ས་ཕག་༡༩༥༩ལོའི་དུས་འགྱུར་བྱུང་སྐབས་དམར་པོའི་བཙན་དབང་འོག་ལུས། སྲིད་ཇུས་གུ་ཡངས་ཅུང་ཟད་བྱུང་སྐབས་སྤྱི་ལོ་༡༩༨༨ལོར་རྒྱ་གར་དུ་ཕེབས་ནས་ྋགོང་ས་མཆོག་གི་དྲུང་ནས་བཀའ་ཆོས་དུ་མ་གསན། དེ་ནས་རྒྱ་གར་ལྷོ་ཕྱོགས་གནས་སྐོར་དང་གདན་ས་ཁག་ལ་མཆོད་མཇལ་ཕེབས༌། སྐབས་དེར་བློ་གསལ་གླིང་གི་འདུ་ཁང་ཐེངས་གཉིས་པ་གསར་བཞེས་ལེགས་གྲུབ་ཀྱི་མཛད་སྒོར་སྐུ་མགྲོན་དུ་ཕེབས། དེའི་ལོ་མཇུག་ཏུ་ནུབ་ཕྱོགས་ཨ་རིའི་རྒྱལ་ས་ཝ་ཤིང་ཊར་སློབ་སྦྱོང་དུ་ཕེབས། སྤྱི་ལོ༡༩༩༣ལོར་རྒྱ་གར་དུ་ཕྱིར་ཕེབས་ནས་ལྷོ་ཕྱོགས་རྒྱད་སྨད་དུ་ྋགོང་ས་མཆོག་གི་དྲུང་ནས་དཔལ་གསང་བ་འདུས་པའི་འགྲེལ་བཞི་སྦྲགས་ཀྱི་བཀའ་ལུང་སོགས་ཆོས་བཀའ་རྒྱ་ཆེར་གསན། སླར་ཡང་ཨ་རིར་ཕྱིར་ཕེབས་ཏེ། སློབ་སྦྱོང་ཐོན་པ་དང་ཝ་ཤིང་ཊར་དཔེ་མཛོད་ཆེན་པོ་ཞིག་གི་ཕྱག་ལས་གནང་ཞོར་ཨེ་ཤིན་ཡ་རང་དབང་རླུང་འཕྲིན་ཁང་གི་གསར་འགྱུར་བཤད་མཁན་གྱི་ཕྱག་ལས་གནང་བཞིན་པའི་མུ། དགུང་གྲངས་ང་དགུ་པ་རབ་བྱུང་བཅུ་བདུན་པའི་ཆུ་ལུག་༢༠༠༣ལོར་བོད་ཟླ་བ་བཅུ་པའི་ཚེས་ཉི་ཤུ་རེས་གཟའ་སྤེན་པའི་སྔ་དྲོ་ཆུ་ཚོད་༡༡༤༠ཐོག་དགོངས་པ་ཞི་བར་གཤེགས། སྐུ་གདུང་དངུལ་གྱི་མཆོད་རྟེན་བོད་ཀྱི་གདན་ས་འབྲས་སྤུངས་མི་ཉག་ཁང་ཚན་དུ་བྱིན་རླབས་ཀྱི་ཚན་ཁ་འབར་བཞིན་བཞུགས། འཁྲུངས་འདས་ཀྱི་ལོ་ཚིགས་འདི་བཞིན་ཁོང་གི་གསང་ཡུམ་གྱི་ཡིག་ངག་གཉིས་ཀའི་བརྒྱུད་ནས་གྲྭ་ཚང་དབུ་མཛད་པདྨ་རིན་ཆེན་ལགས་ཀྱིས་གསུང་པ་ལྟར་བྲིས་པས་ཁུངས་ལྡན་བྱེད་ཆོག་སྙམ།


དགའ་ལྡན་ཁྲི་ཐོག་གོ་བཞི་པ་ལྷུན་གྲུབ་བརྩོན་འགྲུས་ནི། འཁྲུངས་སའི་ཡུལ་ནི་གཙང་གི་རོང་དང་གཡག་སྡེའི་མཚམས་ཀྱི་དཀར་ཅོག་སྤང་སྤུར་གྱི་མི་ཚང་ཞིག་ཡིན་ཞེས་གསུངས་པ་ཐོས། སྐུུ་ན་ཆུང་དུས་ཤངས་དགའ་ལྡན་ཆོས་འཁོར་དུ་སྒྲིགས་ཞུགས་མཛད་དེ་ལོ་ཤས་སོང་མཚམས་དབུས་སུ་བྱོན་ནས་སེར་བྱེས་གྲྭ་ཚང་གཙང་པ་ཁང་ཚན་དུ་ཆོས་ཞུགས་མཛད་དེ་གཞུང་ཆེན་པོད་ལྔའི་སློབ་གཉེར་མིག་དཔེར་འོས་པ་མཛད། དགེ་བཤེས་ལྷ་རམས་པའི་མཚན་བཏགས་དམ་བཅའ་འགྲན་ཟླ་བྲལ་བ་གནང༌། རྒྱུད་སྨད་གྲྭ་ཚང་དུ་སྒྲིགས་ཞུགས་གནང་ནས་རིམ་བཞིན་བླ་མ་དབུ་མཛད་དང༌། མཁན་པོ། བྱང་རྩེ་ཆོས་རྗེ་བཅས་ཀྱི་ཁྲི་ལ་ཕེབས། རབ་བྱུང་བཅུ་དྲུག་པའི་ལྕགས་འབྲུག་༡༩༤༠ལོར་དགའ་ལྡན་གྱི་ཁྲིར་ཕེབས་ནས་ལོ་བདུན་བསྐྱངས། དེའི་རིང་བློ་གླིང་མཁན་ཟུར་རིན་པོ་ཆེ་བློ་བཟང་ཉི་མ་སོགས་སྔ་ཕྱི་བསྒྲུབ་བྱ་ཤིན་ཏུ་མང་པོར་བསྙྙེན་པར་རྫོགས་པའི་དགེ་སློང་གི་སྡོམ་པ་གནང་བ་དང༌། གདན་སའི་གྲྭ་གསར་མང་པོར་བར་མ་རབ་བྱུང་དང་དགེ་ཚུལ་གྱི་སྡོམ་པ་གནང་བ་སོགས་བསྟན་པའི་རྨངས་གཞི་ཚུགས་པའི་མཛད་པ་རྒྱ་ཆེར་བསྐྱངས། ཁྲི་ཆེན་འདི་ཉིད་གཞུང་ཆེན་པོའི་སློབ་ཁྲིད་གནང་ཐབས་ལ་ཤིན་ཏུ་མཁས་ཤིང་བྱང་ཆུབ་པར་བརྟེན་དགེ་བཤེས་མཚན་བཏགས་མ་གནང་གོང་ནས་སློབ་མ་མང་པོར་སློབ་ཁྲིད་གནང་འགོ་ཚུགས་ཏེ་སྐུུ་མ་གཤེགས་བར་གདན་ས་གསུམ་གྱི་སློབ་གཉེར་བ་བརྒྱ་ཕྲག་བརྒལ་བར་དཔྱིད་དང་དབྱར་དུས་ཀྱི་ཆོས་མཚམས་སྐབས་བསྟུན་གྱིས་སྐུུ་ངལ་ལ་མ་འཛེམ་པར་ཞོགས་པ་སྔ་དྲོའི་ཞལ་འདོན་གྲུབ་པ་ནས་ཉི་མ་རྒས་མཚམས་བར་སློབ་ཁྲིད་གནང་གི་ཡོད་པ་མ་ཟད། སྐུུ་ཚེའི་སྨད་དུ་ཞབས་ཀྱི་བསྙྙུན་གཞི་བཞེས་པའི་སྐབས་སུ་ཡང་སློབ་མ་ཚོ། ད་ལྟ་ང་རང་རྐང་པ་ན་བ་མ་གཏོགས་སློབ་ཁྲིད་བྱེད་མ་ཐུབ་པ་མེད་སྟབས་ང་རང་གསོན་པོར་སྡོད་རིང་ཁྱེད་ཚོས་ངའི་སར་སློབ་ཁྲིད་གང་ནུས་ཞུས་ཐུབ་ན་ལེགས། ནམ་ཞིག་ང་རང་ཤི་རྗེས་མ་འགྱོད་པ་ཡོང་གི་རེད་ཅེས་གསུངས་ནས་སྐུུ་མ་གཤེགས་གོང་གི་ཞག་གསུམ་བཞི་བར་དུ་མཚམས་འཇོག་མ་མཛད་པར་སློབ་ཁྲིད་རྒྱུན་འཁྱོངས་གནང༌། མཁས་དབང་དུང་དཀར་རིན་བོ་ཆེས། ཁོ་བོས་ཀྱང་ཁྲི་ཆེན་འདི་ཉིད་ཀྱིས་དྲུང་ནས་ལམ་རིམ་ཆེན་མོ་དང༌། རིམ་ལྔ་གསལ་སྒྲོན་གཉིས་ཀྱི་སློབ་ཁྲིད་གནང་བ་ལོ་ངོ་དྲུག་གི་རིང་ཉན་རྒྱུའི་སྐུལ་བཟང་ཐོབ་ཅེས་ཀྱང་གསུང་སྣང༌། མཐར་རབ་བྱུང་བཅུ་དྲུག་པའི་ས་གླང་༡༩༤༩ལོར་བསྟན་རྒྱས་གླིང་དུ་སྤྱོད་འཇུག་ཆེན་མོ་བཀའ་ཁྲིད་གནང་མུས་མཇུག་མ་རྫོགས་གོང་ཙམ་དུ་སྐུུ་གཤེགས། སྐུུ་གཤེགས་ཁའི་ཞལ་ཆེམས་སུ། ང་ལ་ཡང་སྲིད་ཕེབས་རྒྱུ་མེད་པས་ཁྱེད་ཚོས་དེ་འདྲ་མ་བྱེད་པར། སྐུུ་ཆས་གང་ཡོད་གཙང་དག་མཆོད་འབུལ་དུ་གཏོང་དགོས་ཞེས་སྲིད་པར་སྐྱེ་བ་མི་བཞེས་པར་དམ་པའི་ཞིང་དུ་ཐད་ཀར་གཤེགས་པའི་བཀའ་ཕེབས་པ་ལྟར་ཞབས་འདེགས་པ་རྣམས་ཀྱིས་ཀྱང་བཀའ་བཞིན་བསྒྲུབས། ཁྲི་ཆེན་དམ་པ་འདིའི་འདའ་ཁའི་ཞལ་ཆེམས་གང་ཞིག་བཞག་པ་འདིར་ཞིབ་ཏུ་བསམ་ན། དེང་སང་ཝ་སྐྱེས་སེང་ལྤགས་གོན་འདྲའི་སྐྱེས་ཆེན་དམ་པའི་མིང་ཁུར་ནས་བསྟན་འགྲོ་ལ་སྨན་པའི་མཛད་པ་སྣེ་གཅིག་ཀྱང་མི་སྐྱོང་བར་ཁྱིམ་པ་ཡ་རབས་ཤིག་གི་སྤྱོད་པའང་མི་དོ་བའི་ཐ་ཤལ་སྤྱོད་ངན་ལ་གོམས་པ་མང་པོ་ཞིག་བྱུང་དང་འབྱུང་འགྱུར་ཡིན་པ་དེ་མངོན་པར་མཁྱེན་པ་ཡིན་ངེས་སྙྙམ་སྟེ་འཕྲོས་གླེང་ཙམ་མོ། །གསུང་སྐྱེས་སློབ་མ་ཡང་བྱང་རྩེ་ཆོས་རྗེ་རིན་པོ་ཆེ་རེ་རྫོང་སྲས་ཐུབ་བསྟན་ཉི་མ། སེར་བྱེས་ཏྲེ་ཧོར་མཁན་ཟུར་བློ་བཟང་དབང་ཕྱུག་དང༌། འབྲས་བློ་གླིང་ཏྲེ་ཧོར་མཁན་ཟུང་བློ་བཟང་ཉི་མ། མཁན་པའི་དབང་པོ་དུང་དཀར་བློ་བཟང་འཕྲིན་ལས་སོགས་བསྟན་སྲིད་ལ་རྨད་དུ་བྱུང་བའི་མཛད་རྗེས་རླབས་པོ་ཆེ་བཞག་པའི་སྐྱེས་ཆེན་དམ་པ་ཤིན་ཏུའང་མང་པོ་བསྐྱངས་གནང་ངོ།།

དགའ་ལྡན་ཁྲི་ཐོག་གོ་ལྔ་པ་མི་ཉག་བཀྲ་ཤིས་སྟོང་འདུས་མཆོག་ནི། རབ་བྱུང་བཅོ་ལྔ་པའི་ས་བྱི་༡༨༨༨ལོར་མི་ཉག་རྡོ་ར་ཤིང་ལྷུན་པོ་ཚང་གི་སྲས་སུ་མི་ཉག་སྟོང་སྒོ་དགོན་པའི་ཉེ་འདབས་སུ་སྐུུ་འཁྲུངས། འདི་པ་ཡུམ་གྱི་མངལ་དུ་ཞུགས་པའི་སྐབས་གནས་ཆུང་ཆོས་རྒྱལ་ཆེན་པོའི་སྤྲུལ་པ་སྤྲང་པོ་ཞིག་མི་ཉག་པ་ཚོས་བྲམ་ཟེ་གཟུགས་ཀྱི་དཔའ་བོའི་སྤྲུལ་པ་སྤྲང་པོ་ཞིག་ཅེས་ཀྱང་བཤདཁྱིམ་དུ་ཡོང་ནས་ཁྱེད་ཀྱི་མངལ་ན་ཡོད་པའི་ཕྲུ་གུ་དེ་སྐྱེས་བུ་དམ་པ་ཞིག་ཡིན་པས་ཁྱེད་ཀྱི་གཙང་སྦྲ་ཡག་པོ་གྱིས། ཕྲུ་གུ་དེ་སྐྱེས་རྗེས་མིང་ལ་སྟོང་འདུས་ཐོགས་ཞེས་མངགས་ནས་སོང་སྐུད། དགུང་ལོ་བཅུ་གསུམ་པ་ལྕགས་གླང་༡༩༠༡དབུས་འགྱུར་དམ་པའི་ཆོས་ཀྱི་ཞིང་སར་ཕེབས་མི་ཉག་པ་འབའ་རྟ་བ་ཚོས་རྗེ་འདི་ཉིད་དགུང་ལོ་བདུན་ལ་ཁོང་གི་སྐུ་མཆེད་ཚོས་དྲལ་ལ་བཀལ་ནས་ཤོང་ཚུལ་ཡང་བཤད་བྱུང་བ་ཁོང་དང་གྲོང་པ་ཕན་ཚུན་ཡིན་པས་ཅིས་ཀྱང་བདེན་ངེས་སྙམནས་དཔལ་ལྡན་འབྲས་སྤུངས་བློ་གསལ་གླིང་དུ་ཆོས་ཞུགས་གནང༌། དགའ་ལྡན་ཁྲི་ཆེན་ཨ་མེས་ཡེ་ཤེས་དབང་ལྡན་དང༌། མཁན་པོ་འཇམ་དབྱངས་ཡོན་ཏན་སོགས་ཚུལ་བཞིན་བསྟེན་ནས། བསྡུས་ཚད། དབུ་ཕར། འདུལ་མཛོད་བཅས་པར་གསན་བསམ་རྒྱ་ཆེར་མཛད་པའི་འབྲས་རྟགས་སུ་རབ་བྱུང་བཅོ་ལྔ་པའི་ས་ལུག་༡༩༡༩ལོར་ལྷ་ལྡན་སྨོན་ལམ་ཆེན་མོའི་རྒྱལ་མཚན་དཀར་པོའི་འོག་གདན་གསུམ་མཁས་མང་ཁྲི་ཕྲག་བརྒལ་བའི་ཁྲོད་དུ། འབྲས་སྤུངས་སྒོ་མང་ཧར་གདོང་སོག་པོ་ཐུབ་བསྟན་སྙྙིང་པོ་དང༌། རྗེ་འདི་བ་གཉིས་ཀས་ལྷ་རམས་ཨང་དང་པོའི་མཚན་གནས་བཞེས་པས་མཁས་པའི་མཚན་སྙྙན་དབུས་གཙང་ཁྱོན་ཀུན་བརྡལ། ལོ་དེར་རྒྱུད་སྟོད་དུ་ཕེབས་ནས་རྒྱུད་སྟོད་མཁན་པོ་སེར་སྨད་རྒྱལ་རོང་སྔགས་རམ་པ་བློ་བཟང་བརྩོན་འགྲུས། ཁྲི་ཆེན་ཡེ་ཤེས་དབང་ལྡན་སོགས་ལ་བསྟེན་ནས་རྒྱུད་སྡེ་བཞིའི་གཞུང་ལུགས་ཡན་ལག་དང་བཅས་པར་གཞན་དྲིང་མེད་པའི་མཁས་པར་བསླབས། དགེ་ལྡན་བསྟན་པའི་སྲོག་ཤིང་སྐྱབས་རྗེ་ཕ་བོང་ཁ་བ་བདེ་ཆེན་སྙྙིང་པོ་ལས་ལམ་རིམ་ཆེ་ཆུང་དང་བདེ་གསང་འཇིགས་གསུམ་སོགས་མདོ་སྔགས་ཀྱི་དབང་ལུང་མན་ངག་རྒྱ་མཚོ་ལྟ་བུར་བུམ་པ་གང་བྱོས་ཚུལ་དུ་གསན་ནས་ངེས་དོན་གྱི་བསྟན་འཛིན་སྐྱེས་ཆེན་དམ་པར་གྱུར། ལྷག་པར་རྗེ་ཕ་བོང་ཁ་པའི་དྲུང་ནས་ལྟ་བའི་སྐོར་གྱི་སྒྲོ་འདོགས་ཡོངས་སུ་བཅད། སྟོད་རྒྱུད་ཁྲི་ལས་ཟུར་ནས་ཤར་རྩེ་རྒྱུད་དགུང་གྲངས་ང་དགུ་པ་རབ་བྱུང་བཅུ་དྲུག་པའི་མེ་ཕག་༡༩༤༧ལོར་དགའ་ལྡན་གསེར་ཁྲིར་ཞབས་སོར་འཁོད་དེ་རབ་བྱུང་དེ་གའི་ཆུ་སྦྲུལ་༡༩༥༣བར་ལོ་ངོ་བདུན་གྱི་རིང་ལ་འཇམ་མགོན་རྒྱལ་བ་གཉིས་པའི་བསྟན་པ་རིན་པོ་ཆེ་འདི་ཉིད་བཤད་སྒྲུབ་ལས་གསུམ་གྱི་སྒོ་ནས་འཛིན་སྐྱོང་སྤེལ་བར་མཛད། ཁྲི་ལས་ཟུར་ནས་ཚེ་མཆོག་གླིང་དུ་རྩེ་གཅིག་སྒྲུབ་པའི་རྒྱལ་མཚན་སྒྲེང་ཞིང༌། ཤིང་རྟ་༡༩༥༤ལོའི་བོད་ཟླ་དང་པོའི་ཚེས་བཅོ་ལྔ་ཉིན་ྋགོང་ས་སྐུུ་ཕྲེང་བཅུ་བཞི་པ་བསྟན་འཛིན་རྒྱ་མཚོ་དཔལ་བཟང་པོ་མཆོག་ལ་ཡོངས་འཛིན་གླིང་སྤྲུལ་རིན་པོ་ཆེ་ཞལ་སྔ་ནས་ཡོངས་རྫོགས་བསྙྙེན་པར་རྫོགས་པའི་དགེ་སློང་གི་བསླབ་སྡོམ་འབུལ་སྐབས་རྗེ་འདི་ཉིད་ལས་གྲལ་གནང་བ་སོགས་རྣམ་པར་དཀར་བའི་འཕྲིན་ལས་འགང་ཆེ། ཁྲི་ཆེན་འདི་ཉིད་གྲུབ་ཚེ་མཆོག་གླིང་དུ་བཞུགས་པའི་སྐབས་ཤིན་ཏུ། གྲུབ་པའི་དབང་ཕྱུག་ཏྲེ་ཧོར་སྐྱོརདཔོན་རིན་པོ་ཆེ་སྨིན་དྲུག་རྫ་རི་ནས་ཆེད་མངགས་མཇལ་ཁ་བཅར་ཏེ་གཟིམ་སྒོའི་འགག་ཏུ་ཕེབས་པ་དང༌། ཐུགས་སྣང་ཤིན་ཏུ་གཤིན་པོས། སྐྱོར་དཔོན་རིན་པོ་ཆེ་ཡར་ཕེབས་ཤོག་ང་ལ་དྭོགས་གཅོད་མང་པོ་ཞུ་རྒྱུ་ཡོད་གསུངས་ནས་ཆུ་ཚོད་གསུམ་བཞི་ཙམ་གྱི་རིང༌། བྱང་སེམས་སྦྱོར་ལམ་ཕྱིར་མི་ལྡོག་པའི་རྟགས་ལས་འཕྲོས་ཏེ་རྟགས་བསལ་བགྲོ་གླེང་ཟབ་རྒྱས་གནང༌། རྗེས་སུ་ཏྲེ་ཧོར་སྐྱོར་དཔོན་རིན་པོ་ཆེས་ཁྲི་རིན་པོ་ཆེ་འདི་ཉིད་བྱང་སེམས་སྦྱོར་ལམ་དབང་རྣོན་གྱི་རྟོགས་པ་བརྙེས་པའི་སྐྱེས་བུ་དམ་པ་ཞིག་རེད་ཅེས་དངོས་སུ་གསུངས། མཁས་པའི་དབང་པོ་དུང་དཀར་བློ་བཟང་འཕྲིན་ལས་ཀྱིས། བོད་རིག་པའི་ཚིག་མཛོད་ཆེན་མོ་ཤེས་བྱ་རབ་གསལ་ལས། ཁྲི་ཆེན་འདི་ཉིད་རྒྱུན་དུ་ཐུགས་དམ་ཉམས་བཞེས་གཙོར་འདོན་གནང་བར་བརྟེན་གྲུབ་པའི་ཉམས་རྟོགས་མཐོན་པོར་ཕེབས་པ་ཞིག་ཡིན་ཚུལ་གོ་ཐོས་བྱུང་བ་མ་ཟད། རབ་བྱུང་བཅུ་དྲུག་པའི་ས་གླང་༡༩༤༩ལོའི་སྟོན་ཁ་སྤོམ་མདའ་ཚང་དུ་གཡང་སྒྲུབ་ཞིག་ལ་རྒྱུད་པའི་ལས་སྣེས་བཀོད་སྒྲིག་གནང་བ་ལྟར་སོང་སྐབས་ཁྲི་ཆེན་འདི་ཉིད་རྡོ་རྗེ་སློབ་དཔོན་དུ་ཕེབས་པ་དང་སྟབས་འཁེལ་ནས་ཐོག་མར་མཇལ། ཉིན་གུང་གི་ངལ་གསོའི་སྐབས་ཆོག་གྲྭ་བ་རྣམས་རྒྱུད་པའི་ཚོགས་ལ་ཕེབས་ཤུལ་དུས་ཡུན་ཆུ་ཚོད་གཉིས་ལྷག་ཙམ་ཡོད་སྟབས་དེའི་རིང་ཁོ་བོས་སྐུུ་མདུན་དུ་མཇལ་ཁ་ཞུས་ཏེ་མདོ་སྔགས་ཀྱི་བཀའ་གནད་འགའ་ཞིག་ལ་དྲི་བ་ཞུས་པར་ཐུགས་དགྱེས་ཚོར་ཆེན་པོའི་སྒོ་ནས་བློ་དྭོགས་ཆོད་ངེས་ཀྱི་བཀའ་ལན་གནད་ལ་འཁེལ་བ་ཕེབས་པར་དད་གུས་ཚད་མེད་སྐྱེས་ཤིང༌། རྒྱུན་དུ་སྐབས་རེ་ལྷ་སའི་གླིང་སྐོར་ལ་ཕེབས་པའི་གོ་སྐབས་དང་བསྟུན་ནས་ཁོ་བོའི་སྡོད་ཤག་ཏུ་ཕེབས་ཏེ་ཐུགས་མཁོའི་ཕྱག་དཔེ་ཁག་གཟིགས་བཞིན་དུ་ཉིན་གང་ལྷོད་བཞུགས་གནང་གི་ཡོད་པ་དེ་ནི་ཁོ་བོས་བཀའ་འདྲི་བཀའ་སློབ་ཞུ་བའི་གོ་སྐབས་ཡག་ཤོས་ཤིག་ཡིན། དམ་པ་དེ་ནི་བཀའ་གདམས་པའི་རྣམ་ཐར་ལྟར་སྦས་པའི་རྣལ་འབྱོར་གྱི་སྒོ་ནས་ཕྱི་ཚུལ་དུ་ཡང་ཡང་མི་མཁྱེན་པའི་ཚུལ་ལྟ་བུར་བཞུགས་པ་མ་གཏོགས། མདོ་སྔགས་གང་གི་ཐད་ནས་བཀའ་འདྲི་ཞུས་ཀྱང་ཉམས་མྱོང་དངོས་ཀྱི་ཐོག་ནས་བཀའ་འདྲི་ཞུ་བ་པོའི་དྭོགས་པ་དང་ཐེ་ཚོམ་གང་ཡོད་ཐད་ལ་གནད་ལ་སྨིན་པའི་བཀའ་ལན་ཐོགས་པ་མེད་པར་གནང་མཁན་ཞིག་ཡིན། དགའ་ལྡན་ཁྲི་པའི་ལོ་དུས་གཙང་ནས་ཚེ་མཆོག་གླིང་དུ་ལོ་ངོ་བཞིའི་རིང་ཐུགས་དམ་ཉམས་བཞེས་གོང་འཕེལ་དུ་བཞུགས་མུར་ངོ་མཚར་བརྗོད་ལས་འདས་པའི་རྟགས་མཚན་དངོས་སུ་བསྟན་བཞིན་པའི་ངང་སྐུུ་གཤེགས། ཁྲི་ཆེན་དམ་པ་འདིའི་རྣམ་ཐར་ཟུར་དུ་མི་སྣང་བས། རང་ཉིད་ཀྱིས་དངོས་སུ་མཐོང་ཐོས་གང་བྱུང་བ་རྣམས་མོས་གུས་འཕེལ་བའི་རྟེན་དུ་བྲིས་པ་ལགས། ཞེས་ཀྱང་གསུངས་སྣང༌། མཐར་དགུང་གྲངས་བདུན་ཅུ་པ་རབ་བྱུང་བཅུ་དྲུག་པའི་ས་ཁྱི་༡༩༥༨ལོར་ཚེ་མཆོག་གླིང་དུ་དགོངས་པ་ཆོས་དབྱིངས་སུ་ཐིམ། དེ་མཚམས་སྐྱབས་རྗེ་ཁྲི་བྱང་རིན་པོ་ཆེས། རྭ་སྟོད་ཆུ་དབར་རིན་པོ་ཆེ་མངགས་ཞུགས་ལྟར་ནང་མོལ་གྱི་བཀའ་མཆིད་དུ་མ་གསུངས་མཐར་ཡ་མ་རཱ་ཛཱ་བགྲང་བཞིན་དགོངས་པ་རྫོགས་པའི་ཚུལ་བསྟན་ནས་ཉིན་ཞག་བདུན་ལ་ཐུགས་དམ་བཞུགས་ཤིང༌། ཐུགས་དམ་ལས་གྲོལ་བ་དང་མཆོད་གཤོམ་ནང་གི་ཐུགས་དམ་གྱི་རྟེན་འཇིགས་བྱེད་དཔའ་བོ་གཅིག་པའི་དཔར་སྒྲོམ་ཞིག་ཡོད་པ་དེའི་ཐུགས་ཀའི་ཐད་ཀྱི་ཤེལ་དུམ་གཅིག་ཆགས་ནས་ཡལ། རྗེ་འདིའི་སྐུུ་ཕུང་གི་ཐུགས་ཀ་ནས་འོད་ཟེར་ཞིག་ཐར་གྱིས་ཐུགས་དམ་གྱི་རྟེན་འཇིགས་བྱེད་དཔའ་བོ་གཅིག་པའི་ཐུགས་ཀར་ཐིམ། གདུང་རྟེན་དངུལ་གྱི་མཆོད་སྡོང་གསུམ་བཞེས་ཏེ་དགའ་འབྲས་ཚོགས་ཆེན་གཉིས་དང་མི་ཉག་ཁང་ཚན་བཅས་སུ་དད་ལྡན་བསོད་ནམས་གསོག་པའི་ཞིང་སར་བཞུགས། གསུང་ལས་སྐྱེས་པའི་སློབ་མ་ཡང༌། རྒྱུད་སྟོད་མཁན་པོ་མི་ཉག་ཁྲ་བོ་ཆོས་མཛད་བློ་བཟང་རབ་འབྱམས་སོགས་མདོར་ན་སྐབས་དེར་གདན་ས་འབྲས་སྤུངས་བློ་གླིང་སློབ་གཉེར་བ་ཕལ་ཆེར་དམ་པ་འདིའི་སློབ་མར་མ་གྱུར་པ་མེད་པ་དང་འདྲ། གསུང་གི་ལེགས་བཤད་ཀྱང་ལྟ་སྤྱོད་ཀྱི་སྐོར་པོད་གཅིག་ཡོད་པར་བཤད།། དེའི་ཡང་སྲིད་ཁྲི་སྤྲུལ་མཁས་གྲུབ་ནི། ཁམས་བྲག་མགོར་འཁྲུངས། རྒྱ་གར་དུ་སློབ་གཉེར་ལ་ཕེབས་པ་དང་གོང་མའི་ཡང་སྲིད་ངོས་འཛིན་བྱུང༌། གྲྭ་ས་ཆོད་ནས་གཞིས་སུ་ཕེབས་ཏེ་ད་ལྟར་བྲག་མགོ་དགོན་དུ་བསྟན་འགྲོའི་མཛད་པ་སྐྱོང་བཞིན་ཡོད་སྐད་ཐོས།

དགའ་ལྡན་ཁྲི་ཐོག་གོ་དྲུག་པ་རྗེ་དྲུང་ཐུབ་བསྟན་ཀུན་དགའ་ནི། ལྷ་སའི་ཉེ་འཁོར་དུ་འཁྲུངས། སེ་ར་ཆོས་འབྱུང་རབ་གསལ་ནོར་བུའི་མེ་ལོང་ལས་གཙང་དུ་འཁྲུངས་པར་བཤད། སྐུུ་ན་ཆུང་དུས་ནས་སེར་བྱེས་ཧར་གདོང་ཁང་ཚན་དུ་ཆོས་ཞུགས་མཛད། གཙང་པ་ཁྲི་ཆེན་ལྷུན་གྲུབ་བརྩོན་འགྲུས་རྩ་བའི་ཡོངས་འཛིན་དུ་བསྟེན་ནས་གཞུང་ཆེན་པོད་ལྔར་རྩོད་སྒྲུབ་རིགས་པའི་ལམ་ནས་གསན་བསམ་རྒྱ་ཆེར་མཛད། སེ་ར་ཚོགས་ཆེན་དུ་ཚོགས་ཆེན་དུ་ཚོགས་ལངས་དང༌། འཇང་དགུན་ཆོས་སུ་རྣམ་འགྲེལ་དམ་བཅའ་མཛད་པས་མཁས་པའི་མཚན་སྙན་འབར། ལྷ་ལྡན་སྨོན་ལམ་ཆེན་མོའི་ནང་རབ་འབྱམས་པའི་གྲྭ་སྐོར་མཛད། དེ་ནས་སྨད་རྒྱུད་དུ་ཕེབས་ཏེ་རྒྱུད་སྡེ་རྒྱ་མཚོ་ལ་གསན་བསམ་རྒྱ་ཆེར་མཛད་པས་མདོ་སྔགས་གཉིས་ཀར་གཞན་དྲིངས་མོ་འཇོག་པའི་མཁས་པར་གྱུར། རིམ་བཞིན་རྒྱུད་པའི་དགེ་བསྐོས་དང་བླ་མ་དབུ་མཛད། མཁན་པོ། བྱང་རྩེ་ཆོས་རྗེ་བཅས་སུ་ཕེབས། སྐྱབས་རྗེ་ཁྲི་བྱང་རིན་པོ་ཆེའི་དྲུང་ནས༌། ས་གླང་༡༩༤༩ལོར་དཔྱིད་དུས་རྒྱུད་སྨད་དགེ་སློང་གསར་སྒྲུབ་ཁག་ནས་ཇི་ལྟར་གསོལ་བ་བཏབ་པ་བཞིན་ལྷ་ས་རྒྱུད་སྨད་གྲ་ཁང་དུ་རྒྱུད་སྨད་མཁན་བླ་དགེ་འདུན་རྣམས་དང༌། གདན་ས་གསུམ་གྱི་བླ་སྤྲུལ་དགེ་བཤེས་སོགས་ཞུ་བ་ཤིན་ཏུ་མང་པོ་དང་ལྷན་གཅིག་ཏུ་གསང་བདེ་འཇིགས་གསུམ་གྱི་དབང་ཆེན་དང༌། སྔགས་བཏུས་རྗེས་གནང༌། མགོན་ཆོས་ལྷ་མོ་རྣམ་སྲས་བཅས་ཀྱི་རྗེས་གནང་ཞུས་ཐོག བདག་བསྐྱེད་རྒྱུན་འདོན་དམ་བཅའ་ཅན་ཆིག་སྟོང་ལྷག་དང་ལྷན་ཅིག་འཇིགས་བྱེད་དཔའ་བོ་གཅིག་པའི་དབང་ཆེན་ཞུས། བོད་ཟླ་ལྔ་པའི་ཚེས་བཅུ་ནས་བཟུང་ཉེར་དགུའི་བར་ཉིན་ཉི་ཤུའི་རིང་སྨན་སྟོད་ལྕམ་སྦ་ཡེར་ཚང་ཚེ་རིང་སྒྲོལ་དཀར་གྱིས་ཞུས་དོན་བཞིན་རྗེ་དེ་ཉིད་ཀྱི་དྲུང་ནས་བཞི་སྡེ་འདུ་ཁང་དུ་བླ་སྤྲུལ་དགེ་བཤེས་གྲྭ་དཀྱུས་མི་སྐྱ་ཐེ་བའི་ཆོས་ཞུ་བ་སྟཽང་ཕྲག་མ་ཟིན་ཙམ་དང་ལྷན་ཅིག་བདེ་མཆོག་དྲིལ་བུའི་ལུགས་ཕྱི་དཀྱིལ་ལྷ་ལྔའི་དབང་ཆེན་དང་ལུས་དཀྱིལ་གྱི་དབང་ཆེན། དྲིལ་བུ་ལུས་དཀྱིལ་རིམ་གཉིས་ཀྱི་འཁྲིད། ན་རོ་ཆོས་དྲུག་གི་མྱོང་འཁྲིད་བཅས་ཞུས། ལྕགས་སྟག་༡༩༥༠དབྱར་ཆོས་ཆེན་པོའི་ནང་སེར་བྱེས་མཁན་སྙན་གྲྭ་ཚང་གི་མཁན་རབས་རེ་གསུམ་པ་དགེ་བའི་བཤེས་གཉེན་ཆེན་པོ་ཏྲེ་ཧྲོར་ཐུབ་བསྟན་བསམ་གཏན་གྱིས་ཇི་ལྟར་གསོལ་བ་བཏབ་པ་བཞིན། སེར་བྱེས་མཁན་སྙན་གྲྭ་ཚང་གི་འདུ་ཁང་དུ། གྲྭ་ཚང་བྱེས་སྨད་སྔགས་གསུམ་མཁན་ལས་ཟུར་དང་བླ་སྤྲུལ་དགེ་བཤེས་དགེ་འདུན་འདུས་དམངས། གཞན་ཡང་ལྷ་ས་དང་འབྲས་སྤུངས་བཅས་ཀྱི་གྲྭ་བླ་བསྡོམས་པའི་ལྔ་སྟོང་ལྷན་གཅིག་ཏུ་ྋསྐྱབས་རྗེ་ཁྲི་བྱང་རིན་པོ་ཆེའི་དྲུང་ནས། ལམ་རིམ་བདེ་ལམ་དང་མྱུར་ལམ། འཇམ་དཔལ་ཞལ་ལུང་གསུམ་སྦྲགས་ཀྱི་སྟེང་ནས་ལམ་རིམ་གྱི་ཉམས་ཁྲིད་དང༌། བློ་སྦྱོངས་དོན་བདུན་མའི་ཁྲྀད། ཐུན་དྲུག་བླ་མའི་རྣལ་འབྱོར་གྱི་བཀའ་ཁྲིད་བཅས་ཞུས། སྐྱབས་མགོན་རྒྱལ་བའི་དབང་པོ་མཆོག་གི་ཞལ་གྱི་བུམ་བཟང་ནས། ཤིང་རྟ་༡༩༥༤ལོ་བོད་ཟླ་ལྔ་པའི་ནང༌། ལྷ་ཀླུ་ལྷ་ལྕམ་གྱིས་ཇི་ལྟར་གསོལ་བ་བཏབ་དོན་བཞིན་ལྷ་ས་ནོར་བུ་གླིང་ཁ་སངས་རྒྱས་ཀུན་གྱི་བྱིན་རླབས་འཁྱིལ་བའི་དགའ་ཚལ་དུ་དགའ་ལྡན་ཁྲི་ཟུར་རིན་པོ་ཆེ་མི་ཉག་བཀྲ་ཤིས་སྟོང་འདུས་སོགས་བླ་ཆེན་སྐྱེ་སྤྲུལ་བརྒྱ་ཕྲག་དུ་མ་དང་ས་དགེ་བཀའ་སྙིང་རིས་སུ་མ་ཆད་པའི་དགེ་འདུན་ཁྲི་ཕྲག་དུ་མ། བོད་རྒྱ་ཧོར་གསུམ་གྱི་མི་ཚོགས་འབུམ་ཕྲག་གཉིས་ལྷག་ཙམ་དང་མཉམ་དུ་དཔལ་དུསཀྱི་འཁོར་ལོའི་དབང་ཆེན་ཞུས།

 ཡང་མེ་བྱ་ཟླ་བ་ ༥ ཚེས་ ༧ གཟའ་སྐར་མཆོག་ཏུ་དགེ་བའི་ཉིན་ནོར་གླིང་བསྐལ་བཟང་ཕོ་བྲང་གི་ཤར་རྒྱུད་དབུ་གུར་ཆེན་པོ་ཕུབ་པའི་དབུས་སུ་མི་འཇིགས་གདོང་ལྔས་བཏེགས་པའི་གསེར་ཁྲི་རིན་པོ་ཆེའི་སྟེང་ན་ཁ་བ་གངས་ཅན་པའི་མེ་ཏོག་གང་ལ་ཕོག་པའི་ལྷ་སྐལ་གཅིག་པུ་འཕགས་མཆོག་ཕྱག་ན་པདྨོའི་ཞབས་པད་མངོན་པར་བཀོད་པའི་དྲུང་ནས། གདན་ས་གསུམ་གྱིས་གཙོས་པའི་རིས་མེད་བླ་སྤྲུལ་ཁག་དང་བཀའ་རབ་འབྱམས་དགེ་བའི་བཤེས་གཉེན། མང་ཐོས་འདུལ་བ་འཛིན་པ། ས་དགེ་བཀའ་རྙིང་རིས་སུ་མ་ཆད་པའི་དགེ་འདུན་ཁྲི་ཚོ་བརྒལ་བ། གཞན་ཡང་རྒྱ་བོད་ཧོར་གྱི་དད་ལྡན་སྐྱེ་བོ་འབུམ་ཕྲག་གཉིས་ལྷག་དང་ལྷན་དུ། ཐུབ་པའི་གསུང་རབ་མཐའ་དག་གཅིག་ཏུ་བསྡུས་པའི་ཉིང་ཁུ་ཤིང་རྟ་ཆེན་པོ་གཉིས་ཀྱི་ལམ་སྲོལ། ཆེ་བ་བཞི་དང་ཁྱད་ཆོས་གསུམ་ལྡན་བྱང་ཆུབ་ལམ་གྱི་རིམ་པའི་བཀའ་འཁྲིད་དང༌། བཅོམ་ལྡན་འདས་དང་པོའི་སངས་རྒྱས་དཔལ་དུས་ཀྱི་འཁོར་ལོའི་དབང་གི་སྔོན་འགྲོ་སྟ་གོན་གྱི་རིམ་པ་སྨིན་རྒྱས་དང༌། བྱིས་པ་ལྟར་འཇུག་པའི་དབང་བདུན། གོང་མ་གོང་ཆེན། རྡོ་རྗེ་སློབ་དཔོན་བདག་པོ་ཆེན་པོའི་དབང་བཞི་ཡོངས་སུ་རྫོགས་པ་སྐུ་བཞིའི་ས་བོན་ཐེབས་ཀྱི་སྐལ་བཟང་དགའ་སྟོན་ཐོབ། ཐུབ་པའི་ལུང་གིས་ཟིན་པ་ངེས་པ་ལྔ་ལྡན་གྱི་ལོངས་སྤྱོད་རྫོགས་པའི་སྐུ་དང་མི་གཉིས་པ་ཐུགས་རྗེ་དང་བྱིན་རླབས་ཀྱི་ཚན་ཁ་གཞན་ལས་རྣོ་བ་འཛམ་གླིང་རྟེན་གྱི་གཙོ་བོ་ཇོ་བོ་ཤཱཀྱ་མུ་ནི་གང་དུ་བཞུགས་པའི་གཞལ་མེད་ཁང་གི་གཡོན་ཕྱོགས་གསུང་ཆོས་རྭ་བར་དགའ་ལྡན་ལྷ་བརྒྱ་མའི་བླ་མའི་རྣམ་འབྱོར་དང༌། ལམ་གྱི་རིམ་པ་མཐའ་དག་གི་གནད་གཅིག་ཏུ་བསྡུས་པ་ཡོན་ཏན་གཞི་གྱུར་མའི་ཁྲིད་ལུང༌། གཞན་ཡང་འཕགས་མཆོག་སྤྱན་རས་གཟིགས་ཀྱི་དབང་ཆེན། བྱང་ཆུབ་ལམ་རིམ་ཆེན་མོའི་བཀའ་ཆོས་བཅས་ཞུས།	

རབ་བྱུང་བཅུ་དྲུག་པའི་ཤིང་རྟ་༡༩༥༤ལོར་དགའ་ལྡན་གྱི་ཁྲིར་ཕེབས། ལོར་དེའི་བོད་ཟླ་དང་པོའི་ཚེས་བཅོ་ལྔ་ཉིན་གོང་ས་རྒྱལ་དབང་ཐམས་ཅད་མཁྱེན་པར་ལྷ་ལྡན་སྤྲུལ་པའི་གཙུག་ལག་ཁང་གི་ནང་ཇོ་བོ་ཤཱ༷་མུ་ནེའི་མདུན་ཡོངས་འཛིན་ཆོས་གླིང་སྤྲུལ་ཐུབ་བསྟན་ལུང་རྟོགས་རྣམ་རྒྱལ་འཕྲིན་ལས་ཀྱིས་མཁན་སློབ་སྦྲགས་ནས་བསྙྙེན་པར་རྫོགས་པའི་དགེ་སློང་གི་བསླབ་སྡེ་ཕུལ་པའི་སྐབས་ཁྲི་ཆེན་འདི་ཉིད་དུས་གོ་བ་མཛད། རབ་བྱུང་བཅུ་དྲུག་པའི་མེ་སྤྲེལ་༡༩༥༦ལོར་སེར་བྱེས་མཁན་པོ་བློ་བཟང་དབང་ཕྱུག་གིས་སེར་བྱེས་གྲྭ་ཚང་གི་ཚོགས་གདན་དང་མཆོད་རྫས་ཟད་རྙིང་རྣམས་གསར་བརྗེ་ལེགས་གྲུབ་ཟིན་པར་དམ་པ་གོང་མ་ཚོས་བརྟེན་རྙིང་བརྗེ་བསྒྱུར་ལ་རབ་གནས་དགོས་ཚུལ་གསུང་དོན་ལྟར། བོད་ཟླ་ལྔ་པར་གོང་སྐྱབས་མགོན་ཆེན་པོ་མཆོག་དང༌། ཁྲི་ཆེན་རིན་པོ་ཆེ་འདི་ཉིད། སྐྱབས་རྗེ་ཡོངས་འཛིན་རྣམ་གཉིས། མཁན་ལས་ཟུར་བཅས་དབུ་བཞུགས་ཐོག་རྒྱུད་སྨད་ཚོགས་ཡོངས་གདན་ཞུས་ཀྱིས་དཔལ་ལྡན་རྒྱུད་པའི་ཕྱག་ལེན་བཞིན་རབ་གནས་དགེ་ལེགས་ཆར་འབེབས་ཀྱི་སྒོ་ནས་རྟེན་རྙིང་རྣམས་ལ་དམ་ཡེ་བསྲེས་པའི་རབ་གནས་གནད་སྨིན་གནང༌། ལོ་དེར་བོད་དུ་ཀྲུང་གོ་ནང་བསྟན་མཐུན་ཚོགས་བོད་ཡན་ལག་མཐུན་ཚོགས་གསར་དུ་འཛུགས་པའི་ཚོགས་གཙོ་དང་དགའ་ལྡན་ཁྲི་པའི་མཚན་བཞེས་ཆབས་ཅིག་ཏུ་མཛད་དེ། ས་ཕག་དུས་འགྱུར་བར་སྨོན་ལམ་ཆེན་མོའི་ཚོགས་དབུར་ཕེབས་པ་དང༌། རྨེ་རུ་བྱང་ཆུབ་ལམ་རིམ་ཆེན་མོའི་བཀའ་ཆོས་གནང་རྒྱུས་མཚོན་ཁྲི་པའི་བྱེད་སྒོ་འཐུས་ཚང་གནང༌། ས་ཕག་དུས་འགྱུར་སྐབས་རྒྱ་ནག་སྲིད་གཞུང་གིས་ངོ་རྒོལ་གསུམ་དང་གུ་ཡང་གཉིས་ཟེར་བའི་ལས་འགུལ་ཛ་དྲག་ཆེ་བ་ཞིག་སྤེལ་བའི་འོག་མི་ཆེན་བླ་ཆེན་མང་པོ་ཞིག་ལ་ལོག་སྤྱོད་པའི་ཞྭ་མོ་གཡོག་ནས་རྡུང་བརྡེགས་ཚ་ནནཕོག་ནའང༌། རྗེ་འདི་ཉིད་གྲྭ་རྐྱང་དཀྱུས་མ་བྱས་ནས་སློབ་སྦྱོང་ལ་བརྩོན་འགྲུས་ཤུགས་ཆེར་བྱས་པའི་གྲུབ་འབྲས་སུ་དགའ་ལྡན་གསེར་ཁྲིར་ཕེབས་པ་མགཏོགས་སྟོབས་འབྱོར་དབང་ཤུགས་ཀྱིས་གོ་གནས་ལ་མཛེགས་པ་དང༌། མང་ཚོགས་ལ་གཉའ་གནོན་གཤུ་གཞོག་གང་ཡང་བྱས་རབས་མེད་པས་གྲྭ་པ་ཚད་ལྡན་གྱི་གྲས་ལ་རྩིས་ནས་ཐབས་འཛིངས་གཏོང་པ་སོགས་གང་ཡང་བྱས་མི་འདུག རབ་བྱུང་བཅུ་དྲུག་པའི་ལྕགས་བྱི་༡༩༦༠ལོའི་ཆོ་འཕྲུལ་སྨོན་ལམ་ཆེན་མོའི་དོ་དམ་ཨུ་ཡོན་ལྷན་ཁང་གིས་ཨུ་ཡོན་འདེམས་བསྐོ་བྱུང་བ་ཚུལ་ཁང་བླ་མ་འཇམ་དཔལ་འཕྲིན་ལས་ཡོན་ཏན་རྒྱ་མཚོ་དང་ལས་རོགས་རི་འབུར་སྤྲུལ་སྐུ་སོགས་ཀྱིས་གནང་ནས་གནས་སྐབས་སྒྲིག་ཁྲིམས་དམ་འཛིན་བྱེད་རྒྱུ་གཏན་འཁེལ་ལྟར། དངོས་གཞི་སྨོན་ལམ་ཆེན་མོ་ཚོགས་པའི་རིང་དགའ་ལྡན་ཁྲི་ཆེན་རིན་པོ་ཆེ་འདི་ཉིད་ཉིན་ལྟར་སྔར་དྲོར་གསུང་ཆོས་ར་བ་དང༌། ཉིན་གུང་སྐམ་ཚོགས་སུ་ཕེབས་ཏེ་གསུང་ཆོས་དང་སྔོ་སྨོན་སོགས་ཁྲི་པའི་བྱེད་སྒོ་ཀུན་འཐུས་ཚང་གནང༌། དགུང་མོ་དམ་བཅའ་ཉིན་ལྟར་ཚུགས་མ་ཐུབ་པར་དམ་བཅའི་དུས་དང་བསྟུན་ནས་འཁྱམས་ར་ཆེན་མོའི་ནང་ཟློས་གར་དང་ལྷ་མོའི་ཁྲབ་སྟོན་བྱེད་དགོས་བྱུང༌། སྨོན་ལམ་ཆེན་མོའི་སྦྱིན་བདག་ཚོ་དང་སྐྱབས་ཞུ་དང་འདོན་སྐུལ་བར་མེད་དུ་འབྱོར་པ་རྣམས་ཀྱི་ནང༌། གོང་ས་སྐྱབས་མགོན་རྒྱལ་དབང་ཐམས་ཅད་མཁྱེན་པའི་ཞབས་པད་བསྐལ་བརྒྱར་བརྟན་ཅིང་རླབས་ཆེན་ཐུགས་ཀྱི་བཞེད་པ་ཐམས་ཅད་ལྷུན་གྱིས་འགྲུབ་པ་དང༌། ཤིང་འབྲུག་༡༩༦༤ལོར་སྨོན་ལམ་ཆེན་མོ་ཚོགས་ཁུལ་བྱས་ཀྱང་ལོ་སྔ་མ་ལས་གྲྭ་ཚོགས་ཇེ་ཉུང་དུ་ཕྱིན་འདུག་པ་དང༌། དགུང་མོའི་དམ་བཅའི་དུས་ཚོད་ལ་ལྷ་མོ་ཁྲབ་སྟོན་སོགས་ཁྲབ་སྟོན་ཁ་ཤས་ཐོག་འབྲས་སྤུངས་དགེ་འཕེལ་གནས་བླ་མས་མི་དམངས་ལ་བཤུ་གཞོག་བཏང་བའི་གཏམ་བརྗོད་ཟློས་གར་འགའ་ཞིག་ཁྲབ་གཅུག་པ་སོགས་ཀྱིས་མང་ཚོགས་བློ་ཕམ་དགོས་པ་བཟོས། ཚེས་བཅོ་ལྔ་ཉིན་ཁྲི་ཆེན་རིན་པོ་འདི་ཉིད་སྨོན་ལམ་ཚོགས་ཚོགས་དབུར་གདན་ཞུས་ལྟར་ཕེབས་ནས་སྔ་དྲོར་གསུང་ཆོས་རྭ་བར་སྐྱེས་རབས་སོ་བཞི་པའི་བཀའ་ཆོས་གནང༌། གུང་ཚིགས་མང་ཇར་ཕེབས་ཏེ་གྲྭ་དམངས་ལ་མཇལ་ཁ་གནང་ཞིང་སྐབས་དེར་ཐུགས་དགྱེས་ཉམས་ཆེན་པོས་ཞལ་ནས། ད་རེས་ཉིན་གུང་སྐམ་ཚོགས་གྲོལ་ནས་བར་སྐོར་ལ་སྐོར་བ་གསུམ་རྒྱབ་སྟེ་རིམ་གྱིས་ཤག་ཏུ་ལོག་རྒྱུ་ཡིན། གང་ཡིན་ཞུ་ན། ང་དགའ་ལྡན་ཁྲི་པ་མཇལ་འདོད་མཁན་མི་མང་པོ་ཡོད་རྒྱུ་རེད། དེ་ཚོ་དང་ངོ་འཕྲོད་ཙམ་བྱས་ན་ཡག་པོ་འདུག་གསུངས་ནས་སྨོན་ལམ་སྐམ་ཚོགས་སུ་ཕེབས། སྔར་སྲོལ་མཛད་སྒོ་རྣམས་བཞད་མོ་བཞད་བཞིན་ཉམས་མེད་དུ་བསྐྱངས། སྐམ་ཚོགས་གྲོལ་བ་དང་ཁྲི་པའི་གསོལ་གཟིམས་གཉིས་ཀྱི་ཐོག་སྡེ་དྲུག་སྤྲུལ་སྐུ་དང་སེར་སྨད་རི་འབུར་སྤྲུལ་སྐུ་བཅས་ཀྱིས་ཞབས་ཞུ་ཞུས་ཏེ་མོ་ཊ་དལ་བུར་གཏོང་བཅུག་ནས་བར་སྐོར་ལ་བསྐོར་བ་གསུམ་བརྒྱབ། བར་སྐོར་དུ་མཇལ་ཁ་ཞུ་མཁན་རྣམས་ལ་བཞད་མོ་བཞད་བཞིན་ཕྱག་དབང་སྩལ། གཟིམས་ཤག་ཏུ་ཕེབས་ནས་ད་ཡག་པོ་བྱུང་སོང་ཞེས་བཞད་མོ་དང་གསུངས་ཤིང༌། སྔ་ཕྱི་མི་ལོ་བཅུ་གཅིག་བར་ཁྲི་བསྐྱངས་མུས་སུ་ལོ་དེའི་བོད་ཟླ་༡༠ ཚེས་ ༢༤ ཉིན་དགོངས་པ་ཆོས་དབྱིངས་སུ་གཤེགས།

དགའ་ལྡན་ཁྲི་ཐོག་གོ་བདུན་པ་ཡོངས་འཛིན་གླིང་སྤྲུལ་ཐུབ་བསྟན་ལུང་རྟོགས་རྣམ་རྒྱལ་འཕྲིན་ལས་ནི། རབ་བྱུང་བཅོ་ལྔ་པའི་ཆུ་ཡོས་༡༩༠༣ལོར་ཡབ་ཀུན་དགའ་ཚེ་རིང་དང༌། ཡུམ་བསོད་ནམས་བདེ་སྐྱིད་གཉིས་ཀྱི་སྲས་སུ་དཀར་བོག་ཏུ་བསམ་གཞིན་སྐྱེ་བ་བཞེས། འབྲས་སྤུངས་སྤྲུལ་པའི་གནས་ཆུང་ཆོས་སྐྱོང་དང༌། དགའ་གདོང་བསྟན་སྲུང་ཆེན་པོ་སོགས་ཀྱི་བཀའ་ལུང་འཁྲུལ་བྲལ་ངེས་གསལ་དང་ྋགོང་ས་རྒྱལ་དབང་བཅུ་གསུམ་པ་ཆེན་པོས་ཡེ་ཤེས་གཟིགས་དཔྱད་ཀྱི ས། ྋསྐྱབས་མགོན་རྒྱལ་བ་རང་ཉིད་ཀྱི་རིགས་ཀྱི་ཅོད་པན་ཡོངས་འཛིན་ཤར་ཆོས་གླིང་སྤྲུལ་སྐུུ་བློ་བཟང་ལུང་རྟོགས་བསྟན་འཛིན་འཕྲིན་ལས་དཔལ་བཟང་པོའི་ཡང་སྲིད་སྤྲུལ་སྐུུར་ངོས་འཛིན་གནང་ཞིང༌། དེ་འཕྲལ་བརྟན་བཞུགས་སྨོན་ཚིག་འཆི་མེད་འདོད་དགུའི་མཆོག་སྩོལ་ཞེས་བྱ་བ་ལྗགས་རྩོམ་མཛད། དགུང་ལོ་དགུར་ཕེབས་པ་ཆུ་བྱིའི་༡༩༡༢ལོར་བཤད་སྒྲུབ་བསྟན་པའི་འབྱུང་གནས་དཔལ་ལྡན་འབྲས་སྤུངས་མཁས་མང་བློ་གསལ་གླིང་དུ་ཆོས་ཞུགས་གནང༌། མཁན་ཆེན་འཇམ་དབྱངས་ཡོན་ཏན་གྱི་དྲུང་ནས་བརྩི་བཞག་ཐོག་མར་གསན། མཁས་གྲུབ་ཆེན་པོ་འབྲས་ཉག་རེ་དགེ་བཤེས་བསྟན་པ་ཆོས་འཛིན་དང༌། དགེ་བའི་བཤེས་གཉེན་ཆེན་པོ་བློ་བཟང་བསམ་གཏན་རྣམ་གཉིས་ཡོངས་འཛིན་དུ་བསྟེན་ནས་གཞུང་ཆེན་མོར་གསན་བསམ་གྱི་དབུ་ཚུགས། ཆུ་གླང་༡༩༡༣ལོར་ྋགོང་ས་རྒྱལ་དབང་མཆོག་དྲུང་ནས་རབ་ཏུ་བྱུང༌། དགུང་ལོ་ཉི་ཤུར་ཕེབས་པ་ཆུ་ཁྱིའི་༡༩༢༢ལོར་ྋགོང་ས་བཅུ་གསུམ་པ་ཆེན་པོ་མཆོག་གི་དྲུང་ནས་བསྙྙེན་པར་རྫོགས། བློ་གླིང་མཁན་རིན་པོ་ཆེ་གོ་བོ་བློ་གྲོས་རྒྱལ་མཚན་ནས། ཤིང་བྱི་ལོའི་སྨོན་ལམ་རབ་འབྱམས་པའི་མཚན་བཏགས་ཕུལ་བཞེས་མཛད། ཆུ་ཕག་ལོ་ཟླ་བ་ལྔ་པའི་ནང༌། ནོར་གླིང་གཟིམ་ཆུང་ཉི་འོད་དུ། དགའ་ཁྲི་རིན་པོ་ཆེ་དང༌། ཤར་བྱང་གི་ཆོས་རྗེ་རྣམ་གཉིས། སེར་བྱེས་མཁན་པོ་བྱ་བྲལ་ངག་དབང་ཕུན་ཚོགས། བདེ་ཡངས་མཚན་ཞབས་གཉལ་སྤྲུལ་བསྟན་འཛིན་འཕྲིན་ལས་འོད་ཟེར། སྒོ་མང་མཁན་པོ་འོད་ཟེར་རྡོ་རྗེ་སོགས་ཀླུ་སྒྲུབ་ཡབ་སྲས་དང་ཕྱོགས་གླང་ཡབ་སྲས་སོགས་ལྷན་ཅིག་ཏུ་གདན་འཛོམས་པ་ལྟ་བུའི་མཁས་མང་རྩོད་དཔང་དུ་བཞུགས་སར་གཞུང་ཆེན་བཀའ་པོད་རྣམ་ལྔའི་རྩོད་རྒྱུགས་ལེགས་པར་ཕུལ་བས་མཁས་ཀུན་དགྱེས་པའི་མཆོད་སྤྲིན་དུ་གྱུར། ཤིང་བྱི་༡༩༢༤ལོར་ལྷ་ལྡན་ཆོ་འཕྲུལ་སྨོན་ལམ་ཆེན་མོར་གདན་ས་ཆེན་པོ་རྣམ་པ་གསུམ་དང༌། རྒྱུད་གྲྭ་སྟོད་སྨད་སོགས་དགེ་འདུན་ཁྲི་ཁྲག་འདུས་པའི་དབུས་སུ། དབུ་ཚད་དང་ཕར་ཕྱིན། མཛོད་འདུལ་བཅས་གཞུང་ཆེན་བཀའ་པོད་ལྔའི་དམ་བཅའ་བཞག ལྷ་རམས་ཨང་གཉིས་པའི་མཚན་གནས་བཞེས། གཞུང་ལུགས་རབ་འབྱམས་སྨྲ་བ་ལ་གཞན་དྲིང་མི་འཇོག་པའི་མཁས་གྲགས་ཀྱི་བ་དན་དཀར་པོ་སྲིད་པའི་རྩེ་མོར་བསྒྲེངས། དེ་ལྟར་མདོ་ཕྱོགས་ལ་གསན་བསམ་རྒྱ་ཆེར་གྲུབ་ནས། གངས་ཅན་གྱི་ལྗོངས་ན་རྒྱལ་མཚན་གྱི་ཏོག་ལྟར་མངོན་པར་འཕགས་པ་གསང་ཆེན་བསྟན་པའི་འབྱུང་གནས་དཔལ་ལྡན་རྒྱུད་སྟོད་གྲྭ་ཚང་དུ་ཕེབས་ཏེ། ཆུ་མདའ་དང༌། དགའ་ལྡན་དབྱར་ཆོས། ར་མོ་ཆེ། སེ་ར། བྲག་ཡེར་པ། དགའ་ལྡན་དགུན་ཆོས། འབྲས་སྤུངས། སྐྱོར་མོ་ལུང་བཅས་ཆོས་ཐོག་རིམ་བཞིན་འགྲིམས་ནས། གསང་སྔགས་རྒྱུད་སྡེ་བཞི་ལ་གསན་བསམ་རླབས་ཆེར་མཛད། ཤིང་མོ་གླང་གི་༡༩༢༥ལོར་སྔགས་ཀྱི་རྩོད་རྒྱུགས་བཞེས་པའི་སྐབས་གསང་ཆེན་རྒྱུད་སྡེ་རབ་འབྱམས་ལ་མངའ་བརསྙེས་པ་རྭ་ལོ་དངོས་ཀྱི་རོལ་རྩལ་བསྟན་པས་ཨང་རིམ་དང་པོའི་མཚན་རྟགས་འབུལ་བཞེས་མཛད། ལོ་དེའི་ཟླ་བ་བརྒྱད་པའི་ཚེས་ཉེར་ལྔ་ནས་བྲག་ཡེར་པའི་ཆོས་གྲྭར་ཉིན་ལྔ་དང༌། ལྷ་ལྡན་རྭ་མོ་ཆེའི་ཆོས་གྲྭར་ཉིན་ལྔ་བཅས་ཉིན་བཅུའི་རིང་ལ་སྔགས་ཀྱི་དམ་བཅའ་ཆེན་མོ་བཞག་གནང་བར་རྒྱུད་ཆེན་ཀུན་དགའ་དོན་གྲུབ་དངོས་སུ་ཕེབས་པ་ལྟར་གྱུར། མེ་སྟག་ཟླ་བ་བཅུ་གཅིག་པའི་ཚེས་བཅུ་ནས་རྒྱུད་གྲྭའི་དགེ་བསྐོས་མཛད། ཆུ་མོ་བྱའི་༡༩༣༣ལོར་ྋགོང་ས་བཅུ་གསུམ་པ་ཆེན་པོ་མྱ་ངན་ལས་འདས་པར། སྐུུ་དམར་གདུང་རིལ་པོར་བཞུགས་སླད་སྐུུ་གདུང་གདུང་སྒྲུབ་དང༌། གདུང་ཁྲུས་འབུལ་བ་སོགས་དང༌། གསེར་གྱི་མཆོད་སྡོང་ཆེན་མོར་གཟུངས་འབུལ་དང༌། རབ་གནས་སོགས་ཐོག་མཐའ་བར་གསུམ་གྱི་བྱ་བ་མཐའ་དག་ལ་ཞབས་འདེགས་རླབས་ཆེ་བ་སྒྲུབ་པར་མཛད། དགུང་ལོ་སོ་བཞིར་ཕེབས་པ་མེ་བྱི་ལོར་༡༩༣༦རྒྱལ་ཚབ་རྭ་སྒྲེང་ཧོ་ཐོག་ཐུ་མཆོག་གི་བཀས་རྒྱུད་སྟོད་བླ་མ་དབུ་མཛད་གནང་ནས་རྒྱུད་གྲྭའི་བཅའ་ཡིག་ཆེན་པོ་དང༌། སྒྲིག་ཡིག་མཐུན་གྲུབ་མའི་དགོངས་དོན་གཞིར་བཟུང་ནས་སྒྲིག་ལམ་ཀུན་སྤྱོད་ཀྱི་རིམ་པ་དང༌། གྲྭ་ཚང་གི་ཐུན་མོང་མ་ཡིན་པའི་འདོན་རྟ་དབྱངས་དང་ཆོག་ཕྱག་ལེན། ཐིག་རྡུལ་ཚོན་སོགས་སྔར་སྲོལ་བཟང་པོ་མི་ཉམས་གོང་འཕེལ་དུ་མཛད། དགུང་ལོ་སོ་དྲུག་ཏུ་ཕེབས་པ་ས་སྟག་༡༩༣༨ ལོར་གསང་ཆེན་བསྟན་པའི་འབྱུང་གནས་ཆེན་པོ་དཔལ་ལྡན་སྟོད་རྒྱུད་གྲྭ་ཚང་གི་མཁན་པོར་ཕེབས་ནས་རྒྱུད་ཀྱི་འཆད་ཉན་མཛད་དེ་གསང་ཆེན་རྡོ་རྗེ་ཐེག་པའི་བསྟན་པ་ཉིན་མོ་ལྟར་གསལ་བར་མཛད། ལྕགས་འབྲུག་ལོར་རྒྱལ་བའི་མཚན་ཞབས་དང༌། ལྕགས་སྦྲུལ་༡༩༤༡ལོར་སྐྱབས་མགོན་རྒྱལ་བའི་ཡོངས་འཛིན་སྐུུ་གཞོན་པ་དང༌། ཆུ་སྦྲུལ་ལོར་༡༩༥༣ཡོངས་འཛིན་སྐུུ་བགྲེས་པའི་མཚན་གནས་རིམ་པར་བཞེས་ནས་ྋགོང་ས་བདག་ཉིད་ཆེན་པོར་ཐུགས་གཉེར་གསན་བཞེས་དང་དབང་ལུང་མན་ངག་ཟབ་མོ་མཐའ་ཡས་པ་འབུལ་བར་མཛད། དགུང་ལོ་ཞེ་བདུན་དུ་ཕེབས་པ་ས་མོ་གླང་གི་ལོར་༡༩༤༩ཤར་པ་ཆོས་རྗེའི་ཁྲིར་ཕེབས་ནས་གདན་ས་ཆེན་པོ་དགའ་ལྡན་རྣམ་པར་རྒྱལ་བའི་གླིང་དུ་སྔར་སྲོལ་བཟང་པོ་བཞིན་བྱང་ཆུབ་ལམ་རིམ་འཆད་ཉན་སྤེལ་རྒྱུས་མཚོན་ཤར་པ་ཆོས་རྗེའི་མཛད་སྒོ་མཐའ་དག་མི་ཉམས་གོང་འཕེལ་དུ་མཛད། ཤིང་ཕོ་རྟའི་༡༩༥༤ལོར་ཆོ་འཕྲུལ་སྨོན་ལམ་ཆེན་མོའི་སྐབས། ལྷ་ལྡན་ཇོ་བོ་རིན་པོ་ཆེའི་སྤྱན་སྔར་ྋགོང་ས་སྐྱབས་མགོན་རྒྱལ་མཆོག་བཅུ་བཞི་པ་ཆེན་པོར་བསྙྙེན་རྫོགས་ཀྱི་སྡོམ་པ་འབུལ་ལམ་མཛད། ལོ་འདིར་རྒྱ་ནག་གཞུང་གིས་ྋགོང་ས་བདག་ཉིད་ཆེན་པོ་གདན་འདྲེན་ཞུས་པར་ྋགོང་ས་མཆོག་དང་ལྷན་དུ་རྒྱ་ནག་ཏུ་ཆིབས་བསྒྱུར་མཛད། རྒྱ་ནག་ནས་བོད་དུ་ཆིབས་ཞལ་བསྒྱུར་བའི་ཡར་ཕེབས་ལམ་དུ་བསྟན་པའི་འབྱུང་གནས་སྐུུ་འབུམ་བྱམས་པ་གླིངདང༌། མཁས་པའི་འབྱུང་གནས་ཆེན་པོ་བླ་བྲང་བཀྲ་ཤིས་འཁྱིལ་སོགས་སུ་ཕེབས། བླ་བྲང་དུ་ཀུན་མཁྱེན་འཇམ་དབྱངས་བཞད་པའི་སྤྲུལ་སྐུུར་དགེ་ཚུལ་གྱི་སྡོམ་པ་འབུལ་གནང་མཛད་ཅིང༌། དེ་གའི་རྒྱུད་སྟོད་གྲྭ་ཚང་འདི་དང་པོར་འཛུགས་སྐབས་ྋསྐྱབས་རྗེ་རིན་པོ་ཆེར་དགོངས་སྐོར་ཞུས་ནས་བཙུགས་པ་ཞིག་ཡིན་ཚུལ་སྐྱབས་རྗེ་རྡོ་རྗེ་འཆང་གི་ཞལ་ནས་དངོས་སུ་ཐོས་ཞེས་མཁས་པའི་དབང་པོ་ཡོན་ཏན་རྒྱ་མཚོའི་གསུང་ན་གསལ།ལ་ཡོན་ཏན་གཞི་གྱུར་མའི་ཞལ་ལུང་སོགས་སྩལ། དེ་ནས་མདོ་སྟོད་ཁུལ་མི་ཉག་ །ཏྲེ་ཧོར། སྡེ་དགེ། ཆབ་མདོ་སོགས་བརྒྱུད་རྒྱལ་ས་ལྷ་ལྡན་དུ་ཞབས་སོར་འཁོད། མེ་ཕོ་སྤྲེལ་༡༩༥༦ལོར་རྒྱ་གར་བྱང་ཆུབ་ཆེན་པོའི་ཆོས་ཚོགས་ནས། སྟོན་པ་བཅོམ་ལྡན་འདས་མྱ་ངན་ལས་འདས་ནས་ལོ་ཉིས་སྟོང་ལྔ་བརྒྱ་འཁོར་བའི་དྲན་གསོའི་དུས་དྲན་ཚོགས་འདུར་ྋགོང་ས་སྐྱབས་མགོན་ཆེན་པོ་གདན་འདྲེན་ཞུ་བར་ྋགོང་ས་མཆོག་དང་སྟོན་འཁོར་ལྷན་ཅིག་ཏུ་ཆིབས་ཞལ་བསྒྱུར། རྒྱ་གར་གྱི་གནས་ཆེན་རྡོ་རྗེ་གདན། ཝཱ་རཱ་ཎ་སི། རྩྭ་མཆོག་གྲོང༌། ལུཁྲརྟ༣འི་ཚལ། ལྷོ་ཕྱོགས་པལ་གྱི་རི་སོགས་འཕགས་ཡུལ་གྱི་གནས་ཆེན་དུ་མ་དང༌། བལ་ཡུལ་མཆོད་རྟེན་རྣམ་གསུམ་སོགས་གནས་ཆེན་དུ་མར་མཆོད་སྤྲིན་རྒྱ་ཆེར་མཛད་ནས་སངས་རྒྱས་ཀྱི་བསྟན་པ་སྤྱི་དང་བོད་བསྟན་པ་ཆབ་སྲིད་མི་ཉམས་རྟག་ཏུ་བརྟན་པའི་ཐུགས་སྨོན་ཟབ་ནན་གནང༌། བལ་ཡུལ་ནས་ཚུར་ཕེབས་ཞོར་དུ། ཆོས་སྡེ་ཆེན་པོ་བཀྲ་ཤིས་ལྷུན་པོ། རྒྱལ་རྩེ་དཔལ་འཁོར་མཆོད་རྟེན། སྣར་ཐང་ཞྭ་ལུ། ངོར་དགོན་པ་སོགས་གཙང་ཁུལ་གྱི་ཆོས་སྡེ་ཁག་དུ་མར་མཆོད་འབུལ་བསྙྙེན་བཀུར་དང་བསྟན་འགྲོའི་བདེ་ཐབས་སུ་ཐུགས་སྨོན་རྒྱ་ཆེར་མཛད། ས་མོ་ཕག་གི་༡༩༥༩ལོར་རྒྱ་ནག་གིས་བོད་འབངས་སྐྱེ་འགྲོའི་བདེ་སྐྱིད་འཇོམས་པར་ཉེ་བའི་གནས་ཚུལ་ཛ་དྲག་ཅན་དུ་གྱུར་པ་དེའི་སྐབས་ྋགོང་ས་སྐྱབས་མགོན་སྟོན་འཁོར་ཧྲག་བསྡུས་བཅས་རྒྱ་གར་དུ་ཕེབས། མ་སུ་རིར་བཞུགས་སྐབས་ྋགོང་ས་ཆེན་པོའི་སྐུུ་ཚབ་ཏུ་ལ་དྭགས་སུ་ཕེབས་ཏེ། མཚན་ཉིད་སློབ་གྲྭ་གསར་པའི་སྒོ་འབྱེད་རྟེན་འབྲེལ་མཛད་སྒོ་དང་འབྲེལ་སྐྱ་སེར་འདུས་ཚོགས་ལ་སྡིག་སྤོང་དགེ་སྒྲུབ་ཀྱི་བླང་དོར་བྱེད་སྒོ་སོགས་སློབ་སྟོན་དང་ཟབ་ཆོས་སྩལ། ཌལ་ཧོར་དང༌། ཨ་སམ་ཁུལ་སྦག་ས་ཆོས་སྒར་སོགས་སུ་ཕེབས་ནས་མདོ་སྔགས་ཀྱི་ཟབ་ཆོས་མང་དུ་གནང༌། ཀུན་ལྡན་བྱ་བ་ལྕགས་ཕོ་བྱིའི་༡༩༦༠ལོ་ལ་དགའ་ལྡན་ཁྲི་ཐོག་གོ་དྲུག་པ་སེར་བྱེས་ཧར་གདོང་རྗེ་དྲུང་ཐུབ་བསྟན་ཀུན་དགའ་མཆོག། ལྷ་སར་ཀླ་ཀློའི་བཙན་འོག་ཏུ་ཞི་བར་གཤེགས་པས། ྋགོང་ས་སྐྱབས་མགོན་ཆེན་པོས་འཇམ་མགོན་རྒྱལ་བའི་རྒྱལ་ཚབ་དགའ་ལྡན་ཁྲིར་ཕེབས་དགོས་པའི་སྦུག་དམ་བཀའ་ཡིག་རིན་པོ་ཆེ་འབུལ་གནང་བཞིན། ཤིང་མོ་སྦྲུལ་གྱི་ལོ་ལ་༡༩༦༥འཕགས་ཡུལ་རྡོ་རྗེ་གདན་བོད་དགོན་དགའ་ལྡན་འཕེལ་རྒྱས་གླིང་དུ་འཇམ་མགོན་རྒྱལ་བའི་རྒྱལ་ཚབ་ཏུ་མི་འཇིགས་གདོང་ལྔས་གཏེགས་པའི་གསེར་གྱི་ཁྲི་འཕང་མཐོན་པོར་མངའ་གསོལ་བར་མཛད་དོ། ས་ཕོ་སྤྲེལ་ལོ་ལ་༡༩༦༨ཡུ་རོབ་སུ་སི་ཅདྲསྐྱཁྱཅ དྲརྣཔྲྤདྲྤསྤྱཔྱ སྐྲགྱ ་ ༨༤༨༦ ངྒསྒྲསྒྱ ཇགྲཅཉཁྱངརྒརྐྱསྒྱཁ བོད་དགོན་ཆོས་འཁོར་གླིང་གསར་བཞེངས་རབ་གནས་སོགས་ཀྱི་ཆེད། ྋསྐྱབས་རྗེ་ཁྲི་བྱང་རྡོ་རྗེ་འཆང་སྟོན་འཁོར་བཅས་ཆིབས་བསྒྱུར་ཐོག་རབ་གནས་སོགས་ཐོག་མཐའ་བར་གསུམ་གྱི་བྱ་བ་མཐའ་དག་གྲུབ་པར་མཛད། བྲག་གཡབ་སྐྱབས་མགོན་མཆོག་སྤྲུལ། དྭགས་པོ་བམ་ཆོས་མཆོག་སྤྲུལ་རིན་པོ་ཆེ། བོད་གཞུང་དོན་གཅོད་སྐུུ་ངོ་ཆེན་མོ་ཕ་ལྷ། དགེ་བཤེས་ཨོ་རྒྱན་ཚེ་བརྟན་སོགས་ཀྱིས་གཙོས་བླ་སྤྲུལ་དགེ་བཤེས་དང་སྐྱ་སེར་མང་པོར་བཀའ་སློབ་དང་གསུང་ཆོས་ཅི་རིགས་སྩལ། འཇར་མན། དབྱིན་ཡུལ། ཕ་རན་སི་སོགས་སུ་ཕེབས་ཏེ་གཟིགས་སྐོར་དང་འབྲེལ་སྐུལ་ལྡན་མང་པོའི་རྒྱུད་ལ་ཐར་པའི་ས་བོན་བསྐྲུན། སྔོན་ནས་མགུལ་སྙྙིང་གི་སྙྙུན་གཞི་ཞིག་ཡོད་པ་དྭགས་པོ་བམ་ཆོས་མཆོག་སྤྲུལ་རིན་པོ་ཆེས་ཐུགས་ཁུར་ཆེར་བཞེས་ཀྱིས་ཕ་རན་སིར་སྨན་ཁང་ཁག་འགའ་ཞིག་ཏུ་བརྟག་དཔྱད་ཡང་ཡང་ཞུས་ནས་གསོལ་སྨན་གསོལ་ཞིང་འཕྲོད་བསྟེན་ཟབ་ནན་ཞུས་པས་སྙྙུན་གཞི་དྭངས། ས་བྱ་༡༩༦༩ ལོར་ཡུ་རོབ་ནས་རྒྱ་གར་དུ་ཕེབས། དེ་ལོ་བོད་ཟླ་བཅུ་པའི་ནང་སོག་བླ་གུ་རུ་དེ་ཝས་བསྐུུལ་ངོར་རྡོར་གདན་བོད་དགོན་དགའ་ལྡན་འཕེལ་རྒྱས་གླིང་དུ་གདན་གསུམ་བླ་སྤྲུལ་དང་དགེ་བཤེས་སོགས་ཕྱོགས་འདུས་དོན་གཉེར་ཅན་སེར་སྐྱ་བདུན་བརྒྱ་སྐོར་ལ། ཟླ་ངོ་ཕྱེད་གཉིས་རིང་བྱང་ཆུབ་ལམ་རིམ་ཆེན་མོའི་བཤད་ལུང་སྩལ། དེའི་ཕྱི་ལོ་ལྕགས་ཁྱི་ལོར་ལྷ་ས་པ་བྱམས་པ་བཟོད་པ་ནས་བསྐུུལ་ངོར་རྡོར་གདན་དུ་སྐྱ་སེར་དྲུག་བརྒྱ་སྐོར་ལ་འཇིགས་བྱེད་དཔའ་བོ་གཅིག་པའི་དབང་དང༌། དེའི་བསྐྱེད་རྫོགས་ཀྱི་ཟབ་ཁྲིད་ཉིན་བཅུ་རིང་གནང༌། ཆུ་བྱི༡༩༧༢ལོར་རྒྱ་གར་ལྷོ་ཕྱོགས་ཁུལ་སེ་འབྲས་དགེ་གསུམ་དང༌། བཀྲ་ཤིས་ལྷུན་པོ། རྒྱུད་གྲྭ་སོགས་དང༌། གཞིས་ཆགས་སེར་སྐྱ་མི་མང་སྤྱི་མགྲིན་ནས་གསོལ་བ་བཏབ་པ་ལྟར་ངྷ་ས་ནས་ཐོག་མར་མོན་གྷོར་ཕེབས། དགའ་ལྡན་བླ་སྤྱི་ནས་གསོལ་བ་བཏབ་པ་ལྟར་སྔར་སྲོལ་བཞིན་དགའ་ལྡན་ཁྲི་པའི་མཛད་སྒོ་གནང༌། བློ་གླིང་གྲྭ་ཚང་ནས་གསོལ་བ་བཏབ་པ་བཞིན་གྲྭ་ཚང་གི་ཆོས་གྲྭ་གསར་བསྐྲུན་མཛད་པའི་སྒོ་འབྱེད་རྟེན་འབྲེལ་ཆེད་ཆོས་གྲྭར་བརྩི་བཞག་སོགས་གནང༌། དགའ་ལྡན་ཁྲི་ཐོག་རིམ་བྱོན་ནས་དགའ་ལྡན་དུ་ལམ་རིམ་ཆེན་མོའི་འཆད་ཉན་མཛད་སྲོལ་ཡོད་པ་བཞིན། དགའ་ལྡན་དུ་བྱང་ཆུབ་ལམ་རིམ་ཆེན་མོའི་དབུ་ནས་གསུང་ཆོས་ཐེངས་གཅིག་གནང༌། དགའ་ལྡན་དང་འབྲས་སྤུངས་རྣམ་གཉིས་ཀྱི་ཚོགས་ཆེན། གྲྭ་ཚང་སོ་སོའི་འདུ་ཁང་གསར་བཞེངས་སོགས་སུ་བཀྲ་ཤིས་གསོ་སྦྱོང་དང་བསྟན་པ་རྒྱས་པའི་ཐུགས་སྨོན་ཟབ་ནན་གནང༌། དེ་ནས་མའི་སོར་ཆིབས་བསྒྱུར་གནང་ཞིང༌། སེ་ར་བླ་སྤྱི་དང༌། སེར་སྨད་དང་སེར་བྱེས་གྲྭ་ཚང་བཅས་ནས་བསྐུུལ་ངོར་གདུགས་དཀར་ལྷ་བཅུ་བདུན་མའི་དབང་སོགས་གནང༌། དགེ་འདུན་གསར་ཞུགས་ལྔ་བཅུ་སྐོར་ལ་དགེ་ཚུལ་གྱི་སྡོམ་པ་སྩལ། ཧོན་སུར་དུ་དཔལ་ལྡན་སྨད་རྒྱུད་གྲྭ་ཚང་གིས་བསྐུུལ་ངོར། ཡོན་ཏན་གཞི་གྱུར་མའི་བཤད་ལུང་དང༌། དྲག་པོ་སུམ་སྒྲིལ་གྱི་རྗེས་གནང་སོགས་གནང༌། དེ་ནས་རྡོར་ལྡན་དུ་ཕེབས་ཏེ་སྐྱབས་རྗེ་ཕ་བོང་ཁའི་སྤྲུལ་སྐུུའི་གཙུག་ཕུལ་བཞེས། གནས་འདིར་ྋསྐྱབས་རྗེ་ཁྲི་བྱང་རྡོ་རྗེ་འཆང་ཆེན་པོར་བླ་མཆོད་ཚོགས་འཁོར་དང་འབྲེལ་བརྟན་བཞུགས་ཕུད་ཞིང༌། ཁྲི་བྱང་རྡོ་རྗེ་འཆང་ཆེན་པོའི་དྲུང་ནས། བླ་མཆོད་རྩ་གཞུང་དང༌། དཀའ་ཆེན་ཡེ་ཤེས་རྒྱལ་མཚན་གྱི་གསུང་ཁྲིད་ཡིག་རྒྱས་པ་གཉིས་སྦྲགས་ནས་ཉམས་ཁྲིད་ཐུན་མོང་མ་ཡིན་པ་གསན་ཞིང༌། ཁྲིད་དམིགས་བསྐྱང་རྒྱུ་སོགས་ཕྱག་བཞེས་ལྟར་མཛད། ཕྱོགས་མཐའ་དག་ནས་འདུས་པའི་སྐུལ་ལྡན་དོན་གཉེར་ཅན་སེར་སྐྱ་དྲུག་བརྒྱ་སྐོར་ལ་འཇིགས་བྱེད་དཔའ་བོ་གཅིག་པའི་དབང་དང༌། དགའ་ལྡན་སྙྙན་བརྒྱུད་ཀྱི་མན་ངག་ཐུན་མོང་མ་ཡིན་པ་ཟབ་ལམ་བླ་མ་མཆོད་པའི་ཉམས་ཁྲིད་ཉིན་ཉེར་བཞིའི་རིང་བསྩལ། མདོར་ན། ཆུ་བྱི་ནས་ལྕགས་སྤྲེལ་བར་༡༩༧༢༡༩༨༠ལོ་ངོ་བརྒྱད་རིང་ལ་འཕགས་པའི་ཡུལ་གྲུ་ཁག་དུ་མར་ཕེབས་ནས་བསྟན་པ་འཕེལ་རྒྱས་ཀྱི་མཛད་པ་རླབས་ཆེ་བས་རྣམ་ཐར་དངོས་ལ་མཇལ་བར་བྱའོ། ལྕགས་ཕོ་སྤྲེལ་ལོ་༡༩༨༠ཕྱི་ཟླ་དྲུག་པའི་ཚེས་༢༩ལ་ཕ་རན་སིར་ཕེབས་ཏེ། དྭགས་པོ་བམ་ཆོས་མཆོག་སྤྲུལ་རིན་པོ་ཆེའི་གཟིམས་ཤག་ཏུ་བཞུགས། དགེ་འཕེལ་བྱང་ཆུབ་གླིང་ཆོས་ཚོགས་སུ་བམ་ཆོས་མཆོག་སྤྲུལ་རིན་པོ་ཆེས་དབུས་བམ་ཆོས་བླ་བྲང་ཕྱག་མཛོད་རབ་འབྱམས་པ་ཐུབ་བསྟན། པད་སྒྲོན་སོགས་ནས་ཁུར་བཞེས་གྲ་སྒྲིག་ཞུས་པ་ལྟར། དོན་གཉེར་ཅན་ཉིས་བརྒྱ་སྐོར་ལ་བློ་སྦྱོང་ཚིགས་བརྒྱད་མའི་སྟེང་ནས་བྱང་ཆུབ་ཀྱི་སེམས་ལ་བློ་སྦྱོང་བའི་ཚུལ་གསུང་བཤད་རྒྱས་པར་གནང༌། ཕ་རན་སིའི་ལྷ་ཕྱོགས་ནི་མ་སྒྱདྲརྒྱཁྱྔལ་ཕེབས་ནས། རྒྱ་མཚོའི་ཉེ་འགྲམ་དུ་ཉིན་ལྔའི་རིང་སྐུུ་ཁམས་འཕྲོད་བཞེས་སུ་ལྷོད་བཞུགས་མཛད། སྔོན་ནས་ཨེ་ཌ་ལིའི་གྲཅརྐྱརྒྗཆོས་ཚོགས་ཁག་གིས་གདན་ཞུས་ལྟར། ཕེབས་ནས་མེ་ལང་རྒྱགྲརྒརྐྱསྒྱསྒྲདགེ་འཕེལ་གླིང་ཆོས་ཚོགས་སུ་བློ་སྦྱོང་ཚིགས་བརྒྱད་མའི་བཀའ་ཁྲིད་དང༌། ཚེ་དབང་བཅས་སྩལ། སྤོ་མ་ཡར་ངསྒྲརྒྱརྐྱགྲརྐྱཙོང་ཁ་པའི་ཆོས་ཚོགས་སུ་ཞབས་སོར་འཁོད། བྲག་ཡབ་སྐྱབས་མགོན་མཆོག་སྤྲུལ་རིན་པོ་ཆེ་དང༌། རྒྱུད་སྨད་མཁན་ཟུར་ཨོ་རྒྱན་ཚེ་བརྟན་སོགས་སྐྱ་སེར་མང་དུ་འདུས་པར། འཇིགས་བྱེད་དཔའ་བོ་གཅིག་པའི་དབང་དང༌། མདོ་སྔགས་ཀྱི་ཟབ་བཤད་མང་དུ་གནང༌། དེ་ནས་འཇི་ནི་ཝར་གཁྱསྒྱཆཁྱ གནམ་ཐོག་ནས་ཕེབས་པར། སྐུུ་ངོ་ཆེན་མོ་ཕ་ལྷ་ཐུབ་བསྟན་འོད་ལྡན་དང༌། རབ་འབྱམས་གཞུང་བརྒྱ་སྨྲ་བ་དགེ་བཤེས་རབ་བརྟན་སོགས་ཀྱིས་ཕེབས་བསུ་ཞུས་ཏེ་ཐར་པ་ཆོས་གླིང་དུ་ཕྱག་ཕེབས། དགོན་གསར་མཆོག་སྤྲུལ་རིན་པོ་ཆེས་གསུང་བསྒྱུར་ཞུས་ཏེ། སྐྱ་སེར་ཉིས་བརྒྱ་སྐོར་ལ་འཇམ་དབྱངས་དཀར་པོའི་རྗེས་གནང་དང༌། སྒྲོལ་དཀར་ཚེ་དབང་སོགས་གནང༌། དེ་ནས་རི་ཀོན་དགོན་སོགས་སུ་ཕེབས་ནས་གསུང་ཆོས་དང་འདི་ཕྱི་གཉིས་ཀར་དགེ་བའི་བཀའ་སློབ་རིམ་བཞིན་སྩལ། དེ་ནས་སླར་ཡང་ཕ་རན་སིར་ཕེབས་ཏེ། དྭགས་པོ་བམ་ཆོས་མཆོག་སྤྲུལ་རིན་པོ་ཆེས་ཐུགས་ཁུར་ཆེར་བཞེས་ཀྱིས་སྨན་ཁང་དུ་སྐུུ་གཟུགས་ལ་བརྟག་དཔྱད་དང་མགུལ་ཁབ་སྒྲོན། དེ་ནས་སོག་པོ་དགེ་བཤེས་དབང་རྒྱལ་ནས་གདན་ཞུས་ལྟར། ཨ་རིར་ཆིབས་བསྒྱུར་བསྐྱངས་ཏེ། ཨ་རིའི་ཡུལ་དུ་སོག་པོའི་དགོན་པ་དང་ཆོས་ཚོགས་ཁག་ཏུ་མར་དབང་ལུང་བཀའ་ཆོས་གདམས་ངག་ཟབ་ཁྲིད་སོགས་རང་རང་གི་འདོད་མོས་བཞིན་གནང་ནས། སངས་རྒྱས་ཀྱི་བསྟན་པ་རིན་པོ་ཆེ་འཛམ་གླིང་ནུབ་ཕྱོགས་ནས་ནུབ་ཕྱོགས་སུ་དར་བའི་འཕྲིན་ལས་ཀྱི་སྒོ་བརྒྱ་ཡངས་པར་ཕྱེ་བ་བཀའ་དྲིན་ཆེས་ལྕི་བ་ཞིག་གོ དེ་ནས་ཁེ་ན་ྜྲའི་སྐྲརྐྱསྒྱཁརྐྱཡུལ་དུ་གནས་པའི་བོད་མི་སྤྱི་མགྲིན་ནས་གདན་ཞུས་ལྟར་ཕེབས་ཏེ། ལམ་རིམ་བསྡུས་དོན་གྱི་བཀའ་ཁྲིད་དང༌། སྒྲོལ་དཀར་གྱི་ཚེ་དབང་སོགས་སྩལ། བསྟན་པའི་སྦྱིན་བདག་བུ་མོ་པད་སྒྲོན་ལགས་ནས་གསོལ་བ་བཏབ་པ་ལྟར་མོ་རང་གི་ཕ་མའི་ཁྱིམ་དུ་ཕེབས་ནས་ཞག་གསུམ་རིང་ལྷོད་བཞུགས་དང་ཆོས་འབྲེལ་བཀའ་སློབ་སོགས་འདོད་མོས་ལྟར་སྩལ། དེ་ནས་སླར་ཡང་ཕ་རན་སིར་ཕེབས་ནས། དྭགས་པོ་བམ་ཆོས་མཆོག་སྤྲུལ་རིན་པོ་ཆེ་དང༌། རྒྱུད་སྟོད་མཁན་ཟུར་ལུང་རིགས་རྣམ་རྒྱལ། བློ་གླིང་དགེ་བཤེས་ངག་དབང་མཁྱེན་རབ་ཀྱི་ཁོངས་ཆོས་ཚོགས་ཁག་རྣམས་སུ་སོ་སོས་བསྐུུལ་ངོར་འདོད་ཆོས་མང་དུ་གནང༌། དེ་ནས་ཕྱི་ཟླ་བཅུ་གཅིག་པའི་ཚེས་བཅུ་བདུན་ཉིན་རྒྱ་གར་དུ་ཕེབས་ཏེ། སྔར་བཞིན་བསྟན་འགྲོར་སྨན་པའི་མཛད་སྒོ་མཐའ་དག་གོང་འཕེལ་དུ་སྒྲུབ་པར་མཛད། ལྕགས་མོ་བྱ་༡༩༨༡ལོར་སྐྱབས་རྗེ་ཁྲི་བྱང་རྡོ་རྗེ་འཆང་སྙྙུན་ཚུལ་བཞེས་པར་ངྷ་ཤོད་བཀྲ་ཤིས་རབ་བརྟན་དུ་ཕྱི་ཟླ་བཅུ་པའི་ཚེས ་༣༡ ཉིན་ཕེབས་ཏེ་སྐུུ་ཚེ་ཞབས་པད་བརྟན་པའི་གསོལ་འདེབས་ཞུ་གནང་མཛད། ྋགོང་ས་སྐྱབས་མགོན་ཆེན་པོས་མཛད་པའི་མཛད་རྣམ་ནོར་བུའི་དོ་ཤལ་ལས། རྣམ་གཉིས་མོན་གྷོར་ཕེབས་རྒྱུའི་ཚེས་ཆ་གཏན་འཁེལ་བཞིན་དགའ་ལྡན་དུ་ལྷོད་མཇལ་མཛད་རྒྱུ་སོགས་ཀྱི་བཀའ་མོལ་གནང་བ་རྗེས་སོར་རྣམ་གཉིས་ཀྱི་ཡང་སྲིད་དེ་གར་ལྷན་འཛོམས་སོགས་ཀྱི་རྟེན་འབྲེལ་ལ་དགོངས་སམ་སྙྙམ། ཞེས་གསུངས། ཕྱི་ཟླ་བཅུ་གཅིག་པའི་ཚེས་བཅུ་གཉིས་ཉིན་བཀྲ་ཤིས་རབ་བརྟན་དུ་ཕེབས་ཏེ་ྋསྐྱབས་རྗེ་ཁྲི་བྱང་རྡོ་རྗེ་འཆང་ཆེན་པོའི་སྐུུ་གདུང་མདུན་མཆོད་འབུལ་དང་འབྲེལ་སྤྲུལ་སྐུུ་མྱུར་བྱོན་གསོལ་འདེབས་གནད་སྨིན་གསུངས། དེ་ནས་མོན་གྷོ་སོགས་སུ་ཕེབས་ནས་སྔར་ལམ་བཞིན་རྒྱལ་བའི་བསྟན་པ་རིན་པོ་ཆེ་མི་ཉམས་གོང་ནས་གོང་དུ་འཕེལ་བའི་ཐབས་ལམ་ཉག་གཅིག་ཏུ་ཆོས་ཀྱི་འཁོར་ལོ་རྒྱ་ཆེར་བསྐོར། ཕྱི་ཟླ་དང་པོའི་ཚེས་གསུམ་ཉིན་མོན་གྷོའི་ཕོ་བྲང་དུ་སེར་སྐྱ་སྟོང་ཕྲག་ཁ་ཤས་ལ་དྲག་པོ་སུམ་བསྒྲིལ་གྱི་རྗེས་གནང་དང་ཚེ་དབང༌། བཀའ་སློབ་བཅས་སྩལ། ཚེས་བཅུ་བདུན་ཉིན་ཁྲི་བྱང་བླ་བྲང་དུ་ཕེབས་ཏེ། སྐྱབས་རྗེ་བདེ་བར་གཤེགས་པ་དེ་ཉིད་ཀྱི་སྐུུ་རུས་དང༌། པུར་ཐལ། དབུ་ལོ་སོགས་ལ་ཁྲུས་གསོལ་དང་རྡོ་རྗེ་རྣལ་འབྱོར་མའི་སྒོ་ནས་རུས་ཆོག་བཅས་མཛད། ཕྱི་ཟླ་གཉིས་པའི་ཚེས་བཅུ་གཅིག་ཉིན་ལྡི་ལིར་འབྲས་སྤུངས་སྔགས་པ་གྲྭ་ཚང་གསར་བཞེངས་ཀྱི་སྒོ་དབྱེ་མཛད། རྔ་ཆེན་བྱ་བ་ཆུ་ཕོ་ཁྱིའི་༡༩༨༢ལོར་རྡོར་གདན་དུ་འཆར་ཅན་ལོ་གསར་གྱི་མཛད་སྒོ་དང་སྨོན་ལམ་སོགས་མཛད། ཕྱི་ཟླ་བཅུ་གཅིག་པའི་ནང་སྦེང་ལོར་བརྒྱུད་ཆོས་སྡེ་ཆེན་པོ་སེ་ར་ཐེག་ཆེན་གླིང་དུ་ཆིབས་བསྒྱུར་གནང་ནས། དགེ་འདུན་ཆིག་སྟོང་ལྔ་བརྒྱ་སྐོར་དང༌། ཁྱིམ་པ་ཕོ་མོ་སུམ་བརྒྱ་བརྒལ་བ་བཅས་ལ་བྱང་ཆུབ་ལམ་རིམ་ཆེན་མོའི་བཤད་ལུང་སྩལ། སེར་སྨད་འདུ་ཁང་དུ་ཆོས་ཞུ་བ་བཞི་སྟོང་སྐོར་ལ་གདུགས་དཀར་ལྷ་བཅུ་བདུན་མའི་དབང་གནང༌། དེ་ནས་ཧོན་སུར་སོགས་སུ་གདན་ཞུས་ལྟར། རིམ་བཞིན་བཀྲས་ལྷུན། ཆ་ཕྲེང་དགོན་པ། རྒྱུད་སྨད་བཅས་ཕེབས་ནས་འདོད་ཆོས་ཅི་རིགས་པ་སྩལ་ནས་མོན་གྷོར་ཞབས་སོར་འཁོད། འབྲས་སྤུངས་སུ་ྋགོང་ས་ཐམས་ཅད་མཁྱེན་པ་དང་ཞལ་ལྷན་ཅིག་ཏུ་འཛོམས། ཁྲག་སྐྱུག་བྱ་བ་ཆུ་མོ་ཕག་གི་༡༩༨༣གནམ་ལོ་གསར་ཚེས་ཀྱི་མཛད་སྒོ་ྋགོང་ས་སྐྱབས་མགོན་ཆེན་པོ་དང་ལྷན་གཅིག་ཏུ་འབྲས་སྤུངས་ཚོགས་ཆེན་འདུ་ཁང་ཆེན་མོར་སྒོ་འབྱོད་མཛད་སྒོ་གནང་ཞིང༌། མཛད་སྒོ་གྲུབ་མཚམས་ྋགོང་ས་བདག་ཉིད་ཆེན་པོས་བླ་མཆོད་ཚོགས་འཁོར་དང་འབྲེལ་བརྟན་བཞུགས་ཕུལ། ཚེས་བཅུ་དྲུག་ཉིན་དགའ་བྱང་གྲྭ་ཚང་གི་འདུ་ཁང་གསར་པ་སྒོ་འབྱེད་མཛད་སྒོར་ྋགོང་ས་མཆོག་དང་ལྷན་ཅིག་ཏུ་ཕེབས་ནས་རབ་གནས་དང་བཅས་པ་མཛད། ྋསྐྱབས་རྗེ་ཁྲི་བྱང་རྡོ་རྗེ་འཆང་ཆེན་པོའི་གདུང་རུས་ལས་གྲུབ་པའི་ས་ཚ་སོགས་ནང་གཟུངས་སུ་བཞུགས་པའི་དངུལ་གྱི་མཆོད་སྡོང་ཆེན་མོ་ལེགས་གྲུབ་ལ་རྒྱུད་སྟོད་དགེ་འདུན་བརྒྱད་ཅུ་སྐོར་བཅས་བདེ་མཆོག་དང་འབྲེལ་རབ་གནས་ྋགོང་ས་བདག་ཉིད་ཆེན་པོ་དང་ལྷན་ཅིག་ཏུ་གནང༌། ཚེས་ཉེར་གཉིས་ཉིན་གླིང་བླ་བྲང་ནས་རྒྱུ་སྦྱར་ཐོག་བློ་གླིང་གྲྭ་ཚང་འདུས་མང་ནས་ྋགོང་ས་ཆེན་པོར་བླ་མཆོད་ཚོགས་འཁོར་དང་འབྲེལ་མཁའ་འགྲོ་བསུ་བཟློག་གི་སྒོ་ནས་བརྟན་བཞུགས་ཕུལ། ལོ་འདིར་སྨོན་ལམ་ཆེན་མོར་དགེ་འདུན་སུམ་སྟོང་ལྔ་བརྒྱ་བརྒལ་བ་འདུས་ཤིང༌། བསྟན་པ་སྤྱིའི་རིམ་གྲོ་རླབས་ཆེ་བ་མཛད། ཕྱི་ཟླ་གསུམ་པའི་ཚེས་བཅུ་གཅིག་ནས་མོན་གྷོ་ནས་ཆིབས་ཞལ་བསྒྱུར་ཏེ། ཕྱི་ཟླ་བཞི་པའི་ཚེས་གཉིས་ཉིན་ངྷ་སར་གཟིམས་ཤག་ཏུ་ཞབས་སོར་འཁོད། ཞལ་སློབ་འགའ་ཞིག་གིས་སྐུུ་ཚེ་བརྟན་པའི་གསོལ་འདེབས་ཞུས་པར། ཡོངས་འཛིན་ཁྲི་བྱང་རྡོ་རྗེ་འཆང་དགུང་ལོ་གྱ་གཅིག་ལ་དགོངས་པ་གཞན་དོན་དུ་གཤེགས། ང་ཡང་འདི་ལོར་ལོ་གྱ་གཅིག་ལ་སླེབས་ཡོད་ཅེས་གསུངས། གསུང་འདི་འདི་ལོ་དགོངས་པ་གཞན་དོན་དུ་གཤེགས་པའི་བརྡ་ཡིན་སྣང་ཕྱི་ཟླ་བདུན་པའི་ཚེས་བཅུ་བདུན་ཉིན་དབུས་གཙང་མི་མང་སྤྱི་མགྲིན་ནས་རྒྱུ་སྦྱར་ཏེ། ཐེག་ཆེན་ཆོས་གླིང་དུ་གཉུག་མར་གནས་པ་དང་ཕྱོགས་འདུས་དགེ་འདུན་རྣམས་ནས་བླ་མཆོད་ཚོགས་འཁོར་དང་འབྲེལ་བརྟན་བཞུགས་ཕུལ། ཕྱི་ཟླ་དགུ་པའི་ཚེས་བཞིའི་ཉིན་གསེར་ཀོང་མཚན་ཞབས་རིན་པོ་ཆེ་སྤི་ཏི་ཁུལ་གློ་བུར་དུ་དགོངས་པ་ཞི་དབྱིངས་སུ་མནལ་བའི་ཚུལ་བསྟན་པ་གསན་པས་ཐུགས་ངལ་ཆེར་མཛད། དེའི་ཉིན་རྗེས་མར་སྔ་དྲོ་ཆུ་ཚོད་ལྔ་པར་འཆར་ཅན་མཛོད་པ་ནས་སྐུུ་བཞེངས་ཞུ་བར་བཅར་སྐབས་སྐུུ་གྲིབ་ལྟ་བུའི་སྙྙུན་གཞི་བཞེས་ཚུལ་མཛད་ནས་བཞུགས་འདུག་པར། འཕྲལ་དུ་བླ་སྨན་པ་གདན་དྲངས་ནས་གསོལ་སྨན་དང༌། གསེར་ཁབ་སྒྲོན་འབུལ་དང༌། ཆོས་དོན་ལས་ཁུངས་དང༌། གདན་ས་གསུམ། རྒྱུད་གྲྭ་སྟོད་སྨད་ཀྱིས་གཙོས་སྤྱི་སྒེར་དད་ལྡན་སྐྱ་སེར་མཐའ་དག་དང༌། བླ་བྲང་བཅས་ནས་སྐུུ་ཕྱྭའི་ཞབས་རིམ་རྒྱ་ཆེར་བསྒྲུབས། ྋགོང་ས་སྐྱབས་མགོན་ཆེན་པོ་ཡུ་རོབ་ནས་ཆིབས་ཞལ་བསྒྱུར་ནས་ཕྱི་ཟླ་དགུ་པའི་ཚེས་ཉེར་ལྔའི་ཉིན་ཆུ་ཚོད་བཅུ་གཉིས་སྟེང་དྷ་ས་བཞུགས་སྒར་དུ་ཞབས་སོར་འཁོད་འཕྲལ་གླིང་བླ་བྲང་དུ་ཕེབས་ནས་སྙྙུན་འདྲི་དང་ཞབས་པད་བརྟན་བཞུགས་གསོལ་འདེབས་ནན་ཏན་དུ་ཞུས་ཚུལ་སོགས་ཞིབ་པར་མཛད་རྣམ་དངོས་ལ་མཇལ་བར་བྱའོ། །ཕྱི་ཟླ་བཅུ་གཉིས་པའི་ཚེས་ཉེར་ལྔ་ཆུ་ཚོད་བཅུ་གཅིག་པ་ནས་ཐུགས་དམ་ལ་བཞུགས་ཏེ་དགོངས་པ་ཆོས་དབྱིངས་སུ་ཐིམ་པའི་ཚུལ་བསྟན། ཉིན་བཅུ་བཞིའི་རིང་ཐུགས་དམ་དུ་བཞུགས། ཐུགས་དམ་གྱི་སྐབས་དང༌། ཐུགས་དམ་གྲོལ་པའི་སྐབས་དག་ཏུ་ཡ་མཚན་པའི་ལྟས་བཟང་པོ་བསམ་གྱིས་མི་ཁྱབ་པ་བྱུང་བ་ཞིག་སྟེ། ཞིབ་པར་མཛད་རྣམ་སོགས་ལས་ཤེས་པར་བྱ་ལ། ྋགོང་ས་སྐྱབས་མགོན་ཆེན་པོས་སྤྲུལ་སྐུུ་མྱུར་བྱོན་ལྗགས་རྩོམ་མཛད་ཅིང༌། ཡོངས་འཛིན་རྡོ་རྗེ་འཆང་བདེ་བར་གཤེགས་པའི་ཐུགས་ཀྱི་དགོངས་པ་བཞིན་བསྟན་པ་འཕེལ་རྒྱས་དང༌། ཡང་སྲིད་འཁྲུལ་བྲལ་མྱུར་དུ་བྱོན་ནས་མཁས་བཙུན་བཟང་གསུམ་དང༌། འཆད་རྩོད་རྩོམ་གསུམ་སོགས་གང་གི་ཆ་ནས་དམ་པ་གོང་མའི་རྣམ་ཐར་ཇི་བཞིན་སྐྱོང་བ་ཐུགས་སྨོན་ཟབ་ནན་གནང༌། གླིང་བླ་བྲང་གི་མཛོད་པ་བློ་བཟང་ལུང་རིགས་མཆོག་ནས་གཙོ་བོར་ཁུར་བཞེས་ཀྱིས། གཞུང་སྤྱི་སྒེར་ནས། གདན་ས། རྒྱུད་གྲྭ་སྟོད་སྨད་སོགས་རིས་མེད་ཡོངས་ལ་མང་འགྱེད་དང་མཆོད་འབུལ་སོགས་དགོངས་རྫོགས་ཆེས་ཤིན་ཏུ་རྒྱ་ཆེ་བར་བསྒྲུབས། སྐུུ་གདུང་རིན་པོ་ཆེ་ྋགོང་ས་སྐྱབས་མགོན་ཆེན་པོའི་གཟིམ་ཆུང་དུ་བཞུགས་ཅིང༌། གདུང་རྟེན་དངུལ་གྱི་མཆོད་གདུང་སྲིད་གསུམ་མཛེས་པའི་རྒྱན་གཅིག་ངོ་མཚར་བྱེ་བའི་སྙྙིང་པོ་ཚོགས་གཉིས་རྒྱ་མཚོ་བརྟས་པའི་སྤྲིན་ཕུང་གྱུར་པ་འདི་བཞིན་མཛོད་པ་བློ་བཟང་ལུང་རིགས་ཀྱིས་གཙོས་བླ་བྲང་གི་ཞབས་འབྲིང་པ་རྣམས་ནས་སྐུུ་ངལ་ཁྱད་བསད་ཀྱིས་སྲི་ཞུ་བླ་ན་མེད་པ་ཞུ་བའི་སྒོ་ནས་ད་ལྟར་གདན་ས་འབྲས་སྤུངས་ཚོགས་ཆེན་དུ་བྱིན་རླབས་ཀྱི་ཚན་ཁ་འབར་བཞིན་བཞུགས་པ་འདི་ཉིད་ལགས་ཏེ། རྗེ་འདི་ཉིད་ཀྱི་རྣམ་པར་ཐར་པ་རྒྱས་པ་མཇལ་འདོད་ན། ྋགོང་ས་རྒྱལ་དབང་ཐམས་ཅད་མཁྱེན་པས་མཛད་པའི་རྣམ་ཐར་ལ་གཟིགས་དགོས། རྗེ་འདི་ཉིད་ཀྱི་འཁྲུངས་རབས་ནི། དགྲ་བཅོམ་འཆར་ཀ། བྲམ་ཟེ་རིག་བྱེད་གསེར་མ། གྲུབ་ཆེན་དཔལ་སྐྱོང༌། རྒྱལ་པོ་པདྨ་ཅན། རྒྱལ་པོ་རབ་བཟང༌། རྒྱལ་པོ་ཤིང་རྟ་ཅན། ཟླ་མེད་གླང་པོ་སྐྱོང༌། གྲུབ་ཐོབ་དུར་ཁྲོད་པ། རྭ་ལོ་རྡོ་རྗེ་གྲགས། གླིང་གི་ཁྲོ་ཐུང༌། དགེ་བཤེས་གཞོན་ནུ་འོད། ཨོ་རྒྱན་གླིང་པ། རིག་འཛིན་རྡོ་རྗེ། རྡོ་རྗེ་བདུད་འདུལ། མཁས་མཆོག་རྒྱ་མ་པ། ཏྲེ་ནག་པ་དོན་གྲུབ་རྒྱ་མཚོ། དགེ་འདུན་བསྟན་པའི་རྒྱལ་མཚན། བློ་བཟང་བསྟན་པའི་རྒྱལ་མཚན། གླིང་སྤྲུལ་ལུང་རྟོགས་ཡོན་ཏན་རྒྱ་མཚོ། བློ་བཟང་ལུང་རྟོགས་བསྟན་འཛིན་འཕྲིན་ལས། ཐུབ་བསྟན་ལུང་རྟོགས་རྣམ་རྒྱལ་འཕྲིན་ལས་བཅས་ཡིན་ལ། གསུང་ལས་སྐྱེས་པའི་སློབ་མ་ཡང་ས་སྟེང་གི་རྒྱལ་བསྟན་ཡོངས་ཀྱི་མངའ་བདག་ྋགོང་ས་རྒྱལ་དབང་བཅུ་བཞི་པ་ཆེན་པོ་དང༌། ཁྱབ་བདག་ཧེ་རུ་ཀ་ཆེན་པོ་ཁྲི་བྱང་རྡོ་རྗེ་འཆང་བློ་བཟང་ཡེ་ཤེས་བསྟན་འཛིན་རྒྱ་མཚོ། ཁྲི་ཆེན་ཡེ་ཤེས་དོན་འགྲུབ། ཁྲི་ཆེན་བློ་བཟང་ཉི་མ། ཤར་ཆོས་ཏ་ར་རིན་པོ་ཆེ། བྱང་རྩེ་ཆོས་རྗེ་རི་རྫོང་སྲས། ཁྲི་འཇམ་དཔལ་གཞན་ཕན་སོགས་ས་ལྟ་བུའི་བསྟན་འཛིན་གྱི་སྐྱེས་ཆེན་གྲངས་ལས་འདས་ཤིང༌། གཞན་ཡང་སྲིད་ཀྱི་སྣ་བོར་གཏོགས་པའི་བཀའི་ཕྱིང་སང་ཁག་དང་ཤར་ནུབ་ཀྱི་མི་རིགས་སྐུད་དང་ཤ་མདོག་མི་གཅིག་པའི་ཆེ་རྒུ་དུ་མས་ཞབས་རྡུལ་སྤྱི་བོར་བླངས་ནས་གུས་པས་མཆོད་པ་གནང༌། ཏྲེ་ནག་པ་དོན་གྲུབ་རྒྱ་མཚོ་ནས་རྩིས་པའི་སྐུུ་ཕྲེང་བདུན་པ་གླིང་མཆོག་སྤྲུལ་རིན་པོ་ཆེ་བསྟན་འཛིན་ཆོས་འཕགས་མཆོག་ནི་རབ་བྱུང་བཅུ་དྲུག་པའི་ཁྲོ་བོ་ཞེས་པ་ཤིང་གླང་༡༩༨༥ལོར་འཕགས་ཡུལ་སྦིར་གཞིས་ཆགས་སུ། ཡབ་ལ་སྡུག་བཟང་པོ་དང་ཡུམ་བྲག་ནག་པ་སྐུལ་བཟང་ཆོས་སྒྲོན་གཉིས་ཀྱི་སྲས་སུ་སྐུུ་འཁྲུངས། ྋགོང་ས་རྒྱལ་དབང་ཐམས་ཅད་མཁྱེན་པ་དང་གནས་ཆུང་ཆོས་རྒྱལ་ཆེན་པོ་གཉིས་ཀས་སྐུུ་གོང་མའི་ཡང་སྲིད་འཁྲུལ་མེད་ངོས་འཛིན་གནང་ནས་མེ་ཡོས་༡༩༨༧ལོར་གོང་མའི་གདན་སར་ཁྲི་འདོན་མཛད། མཁས་མང་བློ་གསལ་གླིང་དུ་ཆོས་ཞུགས་གཏོང་རྩའི་སྒོ་འཕར་ནམ་མཁའ་མཛོད་ལྟར་ཕྱེས། དགུང་ལོ་བརྒྱད་པར་ྋ གོང་ས་སྐྱབས་མགོན་ཆེན་པོའི་དྲུང་ནས་དགེ་བསྙྙེན་དང་རབ་བྱུང་དགེ་ཚུལ་བཅས་ཀྱི་བསླབ་སྡོམ་བཞེས། ཡོངས་ཀྱི་དགེ་བའི་བཤེས་གཉེན་ཆེན་པོ་འདན་མ་བློ་ཆོས་རིན་པོ་ཆེ་དང༌། རྒྱུད་སྟོད་མཁས་ཟུར་གླིང་གུང་འབའ་རིན་པོ་ཆེ། མཁས་པའི་དབང་པོ་ཕ་ར་དགེ་བཤེས་རྣམ་རྒྱལ་དབང་ཆེན། དཔེ་ཐུབ་དགེ་བཤེས་ཐུབ་བསྟན་རབ་རྒྱས་ཟུང་ཡོངས་འཛིན་དུ་བསྟེན་ནས་ཡི་གེའི་ཕྱི་མོ་ཀ་ཁ་ནས་བཟུང་འབྲི་ཀློག་དང༌། རྒྱན་འཇུག་དང་ཆོས་སྤྱོད་ཁག་ཐུགས་འཛིན། བསྡུས་གྲྭ་དང་བློ་རྟགས་ནས་བཟུང་གསན་སྦྱོང་གི་དབུ་འཛུགས་གནང༌། ཕྱི་རྒྱལ་ཁག་ཏུ་ཐེངས་གཉིས་ཕེབས་ཏེ་དད་ལྡན་སྐྱེ་བོ་ཁྲི་ཕྲག་མང་པོར་རྣམ་པར་དཀར་བའི་ས་བོན་བསྐྲུན། དེ་ནས་གོང་ས་ཆེན་པོའི་བཀའ་དགོངས་བཞིན། གདན་ས་འབྲས་སྤུངས་བློ་གསལ་གླིང་གི་ཆོས་རར་གྲྭ་དུ༷ས་ཚོ་དང་མཉམ་དུ་གཞུང་ལུགས་རྒྱ་མཚོ་ལྟ་བུ་ལ་རྩོད་སྒྲུབ་རིགས་པའི་ལམ་ནས་གསན་སྦྱོང་རྒྱ་ཆེར་མཛད་ནས་འཚོ་ཞིང་བཞུགས་པ་འདི་ཉིད་ལགས་སོ། །

དགའ་ལྡན་ཁྲི་ཐོག་གོ་བརྒྱད་པ་འཇམ་དཔལ་གཞན་ཕན་ནི། རབ་བྱུང་བཅོ་ལྔ་པ་ཆུ་ཁྱི་༡༩༢༢ལོར། ཁམས་འབའ་ཐང་དུ་དྲོད་ཐུམ་བྱས་ཏེ་འཁྲུངས། ཁང་པར་འཇའ་ཟུག་པ་སོགས་ལྟས་བཟང་པོས་བྱུང༌། དགུང་གྲངས་བཅུ་གཉིས་སོན་པར་འབའ་ཆོས་སྡེ་དགོན་དུ་སྒྲིག་ཞུགས་ཀྱིས་ཡི་གེ་ཀློགསྦྱངས་བྱས། དེ་ནས་བཟུང་ཉིན་རེ་ལྟུང་བཤགས་ཚར་བདུན་རེ་དང་ལོ་བཅུ་གསུམ་ནས་འཇམ་དཔལ་མཚན་བརྗོད་ཚར་རེ་བཅས་འཆར་ཅན་བཏོན། དགུང་གྲངས་བཅུ་བཞི་དབུས་སུ་བྱོན་ཏེ་དགའ་ལྡན་རྣམ་པར་རྒྱལ་བར་བྱང་རྩེ་ནོར་གླིང་གྲྭ་ཚང་དུ་ཞུགས། ཧར་གདོང་དགེ་བཤེས་ཆེན་པོ་ངག་དབང་ཆོས་འབྱོར་ཅེས་བཤེས་གཉེན་བཅུ་ཕྲག་ཙམ་བརྟེན་ཏེ་སློབ་སྦྱོང་མཐར་ཕྱིན་པར་མཛད། དགུང་གྲངས་སོ་ལྔ་ལ་ལྷ་རམས་དམ་འཇོག་དང་དེ་ནས་དཔལ་ལྡན་སྨད་རྒྱུད་གྲྭ་ཚང་དུ་སྒྲག་ཞུགས་མཛད། མཁན་རིན་པོ་ཆེ་ངག་དབང་ལེགས་ལྡན་གྱི་དྲུང་ནས་རྒྱུད་པའི་འཆད་ཉན་ཡོངས་རྫོགས་ཞུས། དགུང་གྲངས་ཞེ་དྲུག་ལ་དཔལ་ལྡན་སྨད་རྒྱུད་གྲྭ་ཚང་གི་བླ་མ་དང༌། ཞེ་དགུའི་ལོར་མཁན་ཁྲིར་བྱོན་ཏེ་ལོ་གསུམ་རིང་འཆད་ཉན་ཆ་ཚང་མཛད་དེ་ཟུང་བཞུགས་ཐོག་དཔལ་རྡོ་རྗེ་འཇིགས་བྱེད་ཀྱི་གཞི་བསྙྙེན་ཆེན་མོ་ཆ་ཚང་བ་དམ་པའི་ཕྱག་བཞེས་བཞིན་བསྐྱངས། དགུང་གྲངས་ང་དྲུག་ལ་བཀའ་འབྲེལ་སླར་ཡང་རྒྱུད་སྨད་པར་འཆད་ཉན་ལོ་གཅིག་བྱས། དགུང་གྲངས་རེ་གཉིས་ལ་བྱང་རྩེ་ཆོས་རྗེ་དང༌། དགུང་གྲངས་རེ་གསུམ་རབ་བྱུང་བཅུ་དྲུག་པའི་ཤིང་བྱི་༡༩༨༤ལོར་དགའ་ལྡན་གསེར་ཁྲིར་ལས་ཐོག་པ་མཛད་དེ་ཁྲི་པའི་མཛད་སྒོ་རྣམས་རིམ་བཞིན་བསྐྱངས། རབ་བྱུང་བཅུ་བདུན་པའི་ལྕགས་རྟ་༡༩༩༠ལོར་དུས་ཐིམ་པར་ལོ་དེའི་བོད་ཟླ་བཅུ་པའི་ནང་ཁྲི་གཤོལ་གྱིས་དགའ་ལྡན་ཆོས་སྒར་དུ་ཀུན་སྤངས་མཛད། མཐར་རབ་བྱུང་བཅུ་བདུན་པ་༡༩༩༤ལོར་དགོངས་པ་ཆོས་དབྱིངས་སུ་ཐིམ།

དགའ་ལྡན་ཁྲི་ཐོག་གོ་དགུ་པ་ཡེ་ཤེས་དོན་འགྲུབ། དགའ་ལྡན་ཁྲི་ཐོག་གོ་དགུ་པ་ཡེ་ཤེས་དོན་འགྲུབ་ནི། བདག་ཉིད་ཆེན་པོ་འདི་གང་དུ་འཁྲུངས་པའི་ཡུལ་ནི། བོད་ལྗོངས་ཆོལ་ཁ་གསུམ་ལས་མདོ་ཁམས་སྟོད་ཀྱི་ཆར་གཏོགས་ཤིང༌། དགེ་བཅུ་ཚང་བའི་ས་ཆ་ཐར་ལམ་མཛད་འབུམ་ཞེས་གྲགས་པ་སྔ་དུས་ཆོས་རྒྱལ་རྣམས་ཀྱི་ལྷ་འབངས་སུ་གཏོགས་པའི་ཡུལ་ལྗོངས་ཡོན་ཏན་ཕུལ་དུ་བྱུང་བ་དེ་ཉིད་ཡིན་ལ། ཡབ་ནི་མཛད་འབུམ་ཚང་བསོད་ནམས་དངོས་གྲུབ་ཅེས་བྱ་བ་རྒྱལ་རིགས་ཕུན་སུམ་ཚོགས་པའི་རྒྱུད་ལས་བྱུང་བ་དད་པ་གཏོང་ཕོད་སོགས་ཡ་རབས་བཟང་པོའི་ངང་ཚུལ་དང་ལྡན་པ་དེ་ཉིད་ཡིན་ལ། ཡུམ་ནི་སྐལ་བཟང་སྒྲོན་མར་གྲགས་པ་བུད་མེད་ཀྱི་སྐྱོན་དང་བརལ་བ་གཡོ་སྒྱུ་ཆུང་ཞིང་རང་བཞིན་བཟང་བ་རྟག་པར་ཡིག་དྲུག་འདྲེན་པ་སོགས་དགེ་བའི་བྱ་བ་འབའ་ཞིག་ལ་གཞོལ་བ་ཞིག་གོ། ཡབ་ཡུམ་འདི་གཉིས་ལ་སྲས་དྲུག་མངའ་བ་ལས་བདག་ཉིད་ཆེན་པོ་འདི་བཞི་པ་ཡིན། རབ་བྱུང་བཅོ་ལྔ་པའི་ལྕགས་ཕག་༡༩༡༡ལོར་ངོ་མཚར་བའི་ལྟས་དུ་མ་དང་བཅས་སྐུ་བལྟམས། མཚན་ལ་བློ་བཟང་ཚེ་རིང་ཞེས་གསོལ། གཞོན་ནུ་དེ་ཉིད་ནི་བྱིས་པའི་གནས་སྐབས་ཉིད་ནས་ཀྱང་བྱིས་པའི་སྤྱོད་ཚུལ་ལས་འདས་ཤིང༌། ཉེས་སྤྱོད་རྣམས་རང་བཞིན་གྱིས་བསྡམས། ཆགས་མེད་གཏོང་སེམས་ཅན་གཞན་ལ་སྙིང་བརྩེ་བ་སྙན་པར་སྨྲ་བ། དམ་པའི་ཡོན་ཏན་རྨད་དུ་བྱུང་བ་བདག་གིར་བཞེས་ཚུལ་དེ་ལྟར་ལ། ཁྱིམ་ནས་ཁྱིམ་མེད་པར་རབ་ཏུ་བྱུང་སྟེ་རྒྱལ་བའི་བསྟན་པ་རིན་པོ་ཆེའི་སྒོར་ཞུགས། རིམ་གྱིས་དབུས་གཙང་དུ་བྱོན། དགུང་ན་ཕྲ་བས་རབ་ཏུ་བྱུང་བའི་ནར་མ་སོན་ནའང་བསྟན་པ་རིན་པོ་ཆེར་འཇུག་པ་ལ་ཐུགས་ཧ་ཅང་རིངས་པའི་ཚུལ་ནི་སྐུ་རྩེད་གནང་བའི་སྐབས་སུའང་ཁྲི་སྟེང་དུ་བཞུགས་ནས་ཆོས་ཀྱི་འཁོར་ལོ་བསྐོར་བའི་མཛད་པ་སོགས་རྣམ་པ་ཀུན་ཏུ་ཆོས་ཀྱི་སྤྱོད་པ་བཟང་པོ་སྣ་ཚོགས་མཛད། གཟུར་གནས་ཀུན་གྱིས་བསྔགས་བརྗོད་ཀྱི་མེ་ཏོག་ལན་བརྒྱར་འཐོར་བ་སོགས་བྱིས་པ་གཞན་དང་མི་འདྲ་བའི་ངོ་མཚར་ཅན་ཞིག་བྱུང༌། དགུང་གྲངས་བདུན་དུ་ཕེབས་པ་ན་དེ་གའི་བདེ་སྐྱིད་གླིང་དུ་ཆོས་ཞུགས་ཀྱིས་བོད་ཡིག་འབྲེི་ཀློག་སོགས་ཆོས་སྤྱོད་རྣམ་བཅུའི་བྱ་བ་མཐའ་དག་ལ་བསླབས་ཤིང་མཁས་པར་མཛད། དགུང་གྲངས་བཅུ་གཉིས་སུ་ཕེབས་པ་ན་སྲིད་འབྱོར་ཕུན་ཚོགས་ལ་ཡིད་རབ་ཏུ་འབྱུང་ནས་ཐར་པ་བླ་ན་མེད་པའི་རྒྱུ་མཆོག་དང་རབ་ཏུ་འབྱུང་བ་ནི་ཤཱཀྱའི་བརྟུལ་ཞུགས་བླ་ན་མེད་པར་གཟིགས་ནས་བདག་ཉིད་ཀྱང་དེ་དག་གི་རྣམ་ཐར་གཙང་མའི་རྗེས་སུ་ཅིའི་ཕྱིར་མི་འཇུག་སྙམ་དུ་དགོངས་པ་སོགས་ཐུགས་ཤིན་ཏུ་སྤྲོ་བ་དང༌། དགྱེས་པའི་སྒོ་ནས་ལུང་རྟོགས་ཡོན་ཏན་རྒྱ་མཚོའི་མངའ་བདག་འགྲན་ཟླ་མེད་པའི་ཆོས་རྗེ་ཁྲི་འཇམ་དབྱངས་དམ་ཆོས་ཀྱི་ཡང་སྤྲུལ་ཡེ་ཤེས་དམ་ཆོས་དཔལ་བཟང་པོས་མཁན་སློབ་སྦྲགས་མ་མཛད་དེ་ཚིགས་སྔ་མ་རབ་ཏུ་བྱུང་བའི་དགེ་ཚུལ་གྱི་སྡོམ་པ་ཡང་དག་པར་བཞེས་ནས་མཚན་ཡང་ཡེ་ཤེས་དོན་འགྲུབ་ཅེས་བྱ་བ་གསོལ། དགུང་གྲངས་བཅུ་བདུན་དུ་ཕེབས་པ་ན་ངེས་པར་མདོ་སྔགས་ཀྱི་གཞུང་ལ་དཔྱད་པ་དཔྱིས་ཕྱིན་པ་ཞིག་བྱེད་དགོས་པ་ཐུགས་ལ་ནར་མར་འཁྲུངས་ཏེ་རིང་ནས་བགྲོད་པའི་ལམ་གྱི་སྡུག་བསྔལ་བཟོད་པར་དཀའ་བ་དག་ལ་ཇི་མི་སྙམ་པར་ཆོས་འཚོལ་བ་ལ་རིངས་པ་དང་དཔའ་ཞིང་རྟུལ་ཕོད་པ་བྱང་ཆུབ་སེམས་དཔའ་རྟག་ཏུ་ངུའི་ངང་ཚུལ་བཟུང་སྟེ་ཟླ་བ་གསུམ་གྱི་རིང་རྐང་བགྲོད་ཀྱིས་གདན་ས་ཆེན་པོ་དཔལ་ལྡན་འབྲས་སྤུངས་མཁས་མང་བློ་གསལ་བྱེ་བའི་གླིང་གྲྭ་ཚང་གི་སྤོམ་འབོར་ཁང་ཚན་དུ་སྒྲིགས་ཞུགས་མཛད། དེ་སྐབས་བློ་གླིང་གྲྭ་ཚང་གི་མཁན་ཁྲི་གོ་བོ་བློ་གྲོས་རྒྱ་མཚོ་མཆོག་ཡིན་པ་དང༌། ཁག་ཐེག་དགེ་རྒན་ནི་རིན་པོ་ཆེ་ཉིད་ཀྱི་ཞང་པོ་དགེ་བཤེས་ངག་དབང་ཆོས་མཛད་ནས་གནང༌། ཁོང་དགེ་བཤེས་མཁས་པ་དང་བླ་མ་གཞུང་ལས་པ་ཡང་ཡིན། གདན་སར་སློབ་གཉེར་གནང་སྐབས་དཔེ་ཁྲིད་དགེ་རྒན་གཙོ་བོ་ཡོངས་ཀྱི་དགེ་བའི་བཤེས་གཉེན་ཆེན་པོ་སྤོམ་ར་དགེ་བཤེས་ཡེ་ཤེས་བློ་ལྡན་མཆོག་ཡིན། གཞན་ཡང་ལྡན་མ་དགེ་བཤེས་སྟོང་དཔོན་རིན་པོ་ཆེ་དང༌། ཏྲེ་ཧོར་སྐྱོར་དཔོན་རིན་པོ་ཆེ་སོགས་ནས་ཀྱང་བཀའ་གནད་དོགས་གཅོད་དཔེ་ཁྲིད་མང་པོ་ཞུས། དགུང་གྲངས་ཉི་ཤུར་ཕེབས་པ་ན་དཔལ་ལྡན་འབྲས་སྤུངས་པའི་འདུས་ཚོགས་ཀྱི་དབུས་སུ་དྲང་ངེས་ཀྱི་ཚོགས་ལངས་བཞེངས་པས་དགེ་བའི་བཤེས་གཉེན་སྡེ་སྣོད་འཛིན་པ་རྒྱ་མཚོ་ལྟ་བུ་མཐའ་དག་ཀྱང་དམ་པ་འདིའི་བློ་གྲོས་ཀྱི་བང་མཛོད་ལས་འོངས་པའི་ལེགས་བཤད་གསར་པའི་དུས་སྟོན་ཉམས་སུ་མྱོང་བས་ཡིད་ཚིམས། འདུས་མང་ཡོངས་ནས་ངོ་མཚར་བའི་གཏམ་གྱི་དགའ་སྟོན་ལ་རོལ་བར་བྱས་པའི་དུས་འདའ་ཞིང༌། གདན་ས་གསུམ་ན་སྙན་པའི་བ་དན་ཆེས་ཆེར་གཡོ་བར་གྱུར་ཏོ། །དེའི་སྐབས་ཀྱི་རྩོད་ཟླ་ནི་ཕ་ར་རྒན་དཔལ་ཚོགས་ཡིན་འདུག དགུང་གྲངས་ཉེར་གསུམ་དུ་ཕེབས་པ་ན་རྩོད་ཟླ་སྤོམ་ར་རྒན་ཐུབ་བསྟན་ཚེ་རིང་དང་སྦྲགས་སྐབས་གཉིས་པ་ཚོགས་ལངས་དངོས་སུ་བཞེངས། དགུང་གྲངས་ཉེར་བཞིར་ཕེབས་པ་ན་རྩོད་ཟླ་མི་ཉག་རྒན་དཀོན་མཆོག་གྲགས་པ་དང་སྦྲགས་སྐབས་བཞི་པའི་ཚོགས་ལངས་བཞེངས་ཏེ་མཁས་པའི་སྙན་གྲགས་ཆེས་ཆེར་སོང༌། དགུང་གྲངས་ཉེར་ལྔར་ཕེབས་པ་ན་བསྟན་པའི་ནང་མཛོད་སོ་སོར་ཐར་པ་རིགས་བདུན་གྱི་ནང་ནས་ཆེས་མཆོག་ཏུ་གྱུར་པ་རྒྱལ་མཚན་གྱི་ཏོག་ལྟར་མངོན་པར་འཕགས་པ་ནི་དགེ་སློང་གི་སྡོམ་པ་ཉིད་དུ་གཟིགས་ཤིང་དགོངས་ནས་ཡོངས་འཛིན་བྱམས་པ་རིན་པོ་ཆེ་མཆོག་སྤྲུལ་རྗེ་བཙུན་ཐུབ་བསྟན་བྱམས་པ་ཚུལ་ཁྲིམས་བསྟན་འཛིན་མཆོག་གི་དྲུང་ནས་བསྙེན་པར་རྫོགས་པ་དགེ་སློང་གི་སྡོམ་པ་ཡང་དག་པར་བཞེས་ཏེ་ལྷག་པ་ཚུལ་ཁྲིམས་ཀྱི་བསླབ་པ་ཡོངས་སུ་རྫོགས་པས་ཉེས་ལྟུང་ཕྲ་མོས་ཀྱང་མ་གོས་པ་ཚུལ་ཁྲིམས་མིག་གི་འབྲས་བུ་བཞིན་དུ་སྲུང་བར་མཛད། དགུང་གྲངས་སུམ་ཅུར་ཕེབས་པ་ན་དམ་ཆོས་འདུལ་བའི་ཚོགས་ལངས་དང༌། དགུང་ལོ་སོ་བཞིར་མཛོད་ཀྱི་ཚོགས་ལངས་བཞེངས་གནང་བ་གཉིས་ཀར་ཤག་སྐོར་མཁན་རིན་པོ་ཆེ་མཆོག་ནས་རྩོད་ཟླ་གནང༌། སྐབས་དེར་འཛིན་གྲོགས་མཁས་སྙན་ཆེ་བ་ཤག་སྐོར་མཁན་རིན་པོ་ཆེ་ཉི་མ་རྒྱལ་མཚན། སྐུ་ཞབས་བ་ཀུ་ལ་རིན་པོ་ཆེ། སྐུ་ཞབས་དར་མདོ་རིན་པོ་ཆེ། སྐུ་ཞབས་དྲིའུ་ལྷས་རིན་པོ་ཆེ་སོགས་དང༌། ཁ་གཏད་འཛིན་གྲྭ་ལྟག་མའི་ནང་ཚུལ་ཁང་བླ་མ་ཞེས་ཡོངས་སུ་གྲགས་པ་ལོག་སྨྲ་ཚར་གཅོད་པ་ལ་ཕྱོགས་གླང་གཉིས་པ་ལྟ་བུ་ཁོང་ཡོད་པ་རེད། དགུང་གྲངས་ཞེ་དྲུག་ཏུ་ཕེབས་པ་རབ་བྱུང་བཅུ་དྲུག་པའི་མེ་སྤྲེལ་ལོར་སྔར་སྲོལ་ལྟར་གདན་ས་གསུམ་གྱི་དགེ་བཤེས་ལྷ་རམས་པ་རྣམས་ནོར་གླིང་དུ་རྒྱལ་བ་དོན་གྱི་བདག་པོའི་སྤྱན་སྔར་རྩོད་རྒྱུགས་འབུལ་བཞེས་ལྟར་ཕུལ། ལོ་དེར་ལྷ་ལྡན་སྨོན་ལམ་ཆེན་མོའི་གྲྭ་སྐོར་དུ་འདུ་བའི་མཁས་པ་ནམ་མཁའི་སྐར་ཚོགས་ལྟ་བུའི་དབུས་སུ་གཞུང་ཆེན་བཀའ་པོད་ལྔའི་དམ་བཅའ་འཇོག་གནང་མཛད་པར་མཁས་པའི་ཡང་རྩེར་ལྷ་རམས་ཨང་དང་པོའི་དང་པོ་མཚན་བཞེས་མཛད་ཅིང༌། གཞུང་ས་ནས་གནང་སྐྱེས་གྱ་ནོམ་པ་གསོལ་རས་བསྩལ། སྤྱིར་སྟངས་རིན་པོ་ཆེ་རང་གི་དགོངས་པར་དགེ་བཤེས་ལྷ་རམས་པའི་མཚན་རྟགས་བཞེས་གྲུབ་རྗེས་ལམ་སེང་བྱ་བརལ་དུ་ཕེབས་ཏེ་མི་ལ་གཉིས་པ་གྲུབ་ཆེན་ཏྲེ་ཧོར་སྐྱོར་དཔོན་རིན་པོ་ཆེའི་ཞབས་རྡུལ་སྤྱི་བོར་བསྟེན་ཏེ། སྒྲུབ་པའི་རྒྱལ་མཚན་སྲིད་པ་གསུམ་ན་བསྒྲེང་པའི་ཐུགས་འདུན་རིང་མོ་ཞིག་ནས་ཡོད་ཀྱང་རྒན་སྐྱོར་དཔོན་རིན་པོ་ཆེ་ནས་ནན་ཏན་ཆེན་པོས་བཀའ་སློབ་དང་འགྲེལ་རྒྱུད་ལ་སྒྲིག་ཞུགས་གནང་དགོས་པའི་བཀའ་བསྩལ་སྤྱི་བོར་ཕེབས་པར་བརྟེན། དཔལ་ལྡན་སྟོད་རྒྱུད་གྲྭ་ཚང་དུ་སྔགས་ཕྱོགས་ཀྱི་སློབ་གཉེར་མཐར་ཕྱིན་མཛད་སླད་ཆིབས་བསྒྱུར་གྱིས་སྒྲིག་ཞུགས་དང་འབྲཻལ་དགེ་བའི་བཤེས་གཉེན་ཆེན་པོ་མཁན་རིན་པོ་ཆེ་མི་ཉག་ཚེ་བརྟན་ཞབས་ཀྱི་སྐུ་མདུན་ནས་རྒྱུད་པའི་འཆད་ཉན་གྱི་གཙོ་བོ་འགྲོལ་པ་བཞི་སྦྲགས་དང༌། སྦས་དོན་ཀུན་གསལ་སོགས་གསན་བཞེས་མཛད། ཆོས་ཐོག་མ་ཟིན་གྱི་བར་རྒྱུད་པའི་བསྐྱེད་རིམ་པ་གསར་བུ་རྣམས་དང་མཉམ་དུ་ཉ་མོ་ཆུ་འདྲེས་བཞིན་ཆད་ལུས་མེད་པར་ཚུལ་བཞིན་བསྐྱངས་པར་མཛད། དགུང་གྲངས་ཞེ་དགུར་ཕེབས་པ་ན་༡༩༥༩ལོར་བོད་གངས་ཅན་གྱི་ལྗོངས་སུ་རྒྱ་དམར་གྱི་དམག་དཔུང་དྲག་པོའི་མི་བསྲུན་གདུག་རྩུབ་བཙན་པོས་རྒྱལ་བའི་བསྟན་པ་རིན་པོ་ཆེ་དང༌། དེ་འཛིན་དགེ་འདུན་སྡེ་བཅས་བཅོམ་པ་ན་ྋསྤྱི་ནོར་ྋགོང་ས་སྐྱབས་མགོན་ཆེན་པོས་རླབས་ཆེན་ཐུགས་བསྐྱེད་ཟབ་མོའི་མཐུས་ཁྱིམ་མཚེས་རྒྱལ་ཁབ་རྒྱ་གར་འཕགས་པའི་ཡུལ་དུ་ཞབས་སོར་བཀོད་དེ་ཌལ་ཧོར་སིར་བཞུགས། དགུང་གྲངས་ལྔ་བཅུ་ལྔ་གསུམ་ཕེབས་པ་ཆུ་ཡོས་༡༩༦༣ལོར་རྡ་ས་ཕོ་བྲང་རྙིང་པར་དགེ་བཤེས་དྲག་གྲས་སུམ་ཅུ་སོ་གཉིས་ཀྱི་རྒྱལ་བ་ཡབ་སྲས་གསུམ་དང༌། མཚན་ཞབས་རྣམ་པའི་དབུས་སུ་ཉིན་ཉེར་གཅིག་རིང་སྔགས་ཀྱིས་རྩོད་རྒྱུགས་འབུལ་བཞེས་མཛད་པར་སྔགས་རམས་ཨང་དང་པོའི་མཚན་བཞེས་བཀྲིན་བསྐྱངས་པ་བཅས། མདོར་ན་མདོ་སྔགས་ཀྱི་ཆོས་ཚུལ་ཀུན་ལ་ཐོས་བསམ་སྒོམ་གསུམ་གྱི་སྦྱངས་པ་ཡོངས་སུ་རྫོགས་པར་མཛད། རབ་བྱུང་བཅུ་དྲུག་པའི་ཆུ་ཡོས་༡༩༦༣ལོར་དཔལ་ལྡན་སྟོད་རྒྱུད་གྲྭ་ཚང་གི་བླ་མ་དབུ་མཛད་བསྐོ་གཞག་སྩལ་དོན་བཞིན་གཞན་ཡུལ་དུ་དབང་མེད་དུ་གྱར་དགོས་བྱུང་བ་ལ་བརྟེན་ལུགས་སྲོལ་གསར་རྙིང་དང༌། ཡུལ་ཁམས་གཤིས་ལུགས་མི་འདྲ་བ་ཚོགས་ཆོས་ཚོགས་ཡུལ་སོགས་གང་ཅིར་དཀའ་ངལ་སྣ་ཚོགས་པ་ཆུ་གཉེར་བཞིན་གཅིག་མཇུག་གཉིས་མཐུད་ཀྱིས་འཕྲད་ཀྱང་ངལ་བ་དང་དུ་བླང་སྟེ་དཔལ་ལྡན་སྟོད་རྒྱུད་གྲྭ་ཚང་གི་ཆོས་ཕྱོགས་ཀྱི་མཛད་སྒོ་ཚོགས་ཆོས་སློབ་གཉེར། ཆོ་ག་ཕྱག་ལེན། འདོན་རྟ་དབྱངས། ཐིག་རྡུལ་ཚོན། ཁྲིམས་སྒྲིག་ལམ་སོགས་གང་ཅིར་སླར་གསོ་ཚགས་ཚུད་དང་འབྲཻལ་ཐུགས་མཐུན་ཁྲིམས་གཙང་འདོད་བློ་ཚིམས་པ་མཛད། མེ་རྟ་༡༩༦༦ལོར་བླ་མ་དབུ་མཛད་ཀྱི་ལོ་དུས་གཙང་པས་ལོ་དེར་རྒྱུད་སྟོད་གྲྭ་ཚང་གི་མཁན་པོ་བསྐོ་གཞག་མཛད་ཅིང་ལོ་གསུམ་གྱི་རིང་མཁན་པོའི་ཞུ་སྒོ་གཙོ་བོ་འགྲེལ་པ་བཞི་སྦྲགས་ཀྱིས་མཚོན་པའི་ཆོས་འཆད་སྤེལ་སོགས་ཆད་ལུས་མེད་པ་མཁན་རབས་གོང་མའི་རྣམ་ཐར་སྐྱོང་བར་མཛད། ས་བྱ་༡༩༦༩ལོར་རྒྱུད་སྟོད་གྲྭ་ཚང་གི་མཁན་པོའི་ལས་དུས་གཙང་པ་དང་ཌལ་ཧོར་ནས་མ་སུ་རིར་ཕེབས་བཞུགས་ཀྱིས་ངོ་ཤེས་གཏན་ནས་མེད་པས་རྒྱ་གར་བ་ཁེ་གཙང་གི་དབུས་སུ་འཇིགས་བྱེད་ཀྱི་གཞི་བསྙེན་ལོ་ལྔ་རིང་སྐུ་མཚམས་དམ་པོར་བཅད་དེ་ཁ་སྐོང་སྦྱིན་སྲེག་དང་བཅས་པ་ལེགས་གྲུབ་དང༌། དེ་རྗེས་གང་འོས་ཀྱི་མཚམས་བསྙེན་སྒྲུབ་དང་སྤོང་བ་བསམ་གཏན་ལ་རོལ་བར་མཛད། རིང་མིན་མ་སུ་རིར་གནས་སྡོད་བོད་རིགས་རྣམས་ནས་ཇི་ལྟར་གསོལ་བ་བཏབ་པ་བཞིན། མ་སུ་རིའི་དགོན་པ་བཤད་སྒྲུབ་ཆོས་འཁོར་གླིང་གི་ཉེ་འཁྲིས་སུ་གཟིམ་ཤག་གསར་པར་གདན་དྲངས་པ་བཞིན་ཆིབས་སྒྱུར་བསྐྱངས་ཏེ། མི་མང་རྣམས་ལ་དུས་བཟང་སོ་སོར་བཀའ་ཆོས་དང༌། དེར་ཡོད་སློབ་ཕྲུག་བརྒྱ་ཕྲག་འགའ་ཤས་ལ་དགེ་ཚུལ་གྱི་དངོས་པོ་བསྩལ། རྗེས་སུ་བཤད་སྒྲུབ་ཆོས་འཕེལ་གླིང་གི་དཀོན་གཉེར་ཐུབ་བསྟན་བསམ་འཕེལ་ནས་གསོལ་བ་བཏབ་པ་བཞིན། ཡུལ་དགོན་དེའི་ནང་རྗེ་ཡབ་སྲས་གསུམ་གྱི་གསུང་འབུམ་ལྗགས་ལུང་གནད་སྨིན་བཀྲིན་བསྐྱངས། དགུང་གྲངས་བདུན་ཅུ་དོན་གཉིས། ཤིང་བྱི་༡༩༨༤ ཟླ་ ༢ ཚེས་ ༡༥ལ་ཤར་རྩེ་ཆོས་རྗེར་བསྐོ་བཞག་བཀྲིན་ཆེ་བ་བཞིན་ཆོ་འཕྲུལ་སྨོན་ལམ་ཆེན་མོ་དང་སྟབས་བསྟུན་རྒྱ་གར་བྱང་ཕྱོགས་རྒྱལ་བའི་བཞུགས་སྒར་རྡ་རམ་ས་ལར་ཆེད་བཅར་དགོས་སྐོར་ཕེབས་པ་བཞིན་སྐུ་བཅར་ཞུས་ཏེ། ༡༩༨༤ ཕྱི་ཟླ་༣ ཚེས་༡༡གཟའ་སྐར་འཕྲོད་སྦྱོར་དགེ་བའི་ཉིན་ཁྲི་འདོན་མཇལ་ཁ་དང་འབྲཻལ་རིགས་ལམ་སློབ་གཉེར་ཁང་དུ་རྟེན་འབྲཻལ་མཛད་སྒོ་གནང༌། མེ་སྟག་༡༩༨༦ལོའི་དགུན་ཐོག་འབྲས་སྤུངས་སུ་ཆིབས་བསྒྱུར་གྱིས་འབྲས་སྤོམ་ར་ཁང་ཚན་དང༌། ཏྲེ་ཧོར་བཀའ་འགྱུར་རིན་པོ་ཆེ། མཚོ་སྣ་རིན་པོ་ཆེ་ཐུན་མོང་ནས་ཇི་ལྟར་གསོལ་བ་བཏབ་པ་བཞིན་འབྲས་བློ་གླིང་སྤོམ་ར་ཁང་ཚན་གྱི་འདུ་ཁང་ནང་ཕར་ཕྱིན་བཤད་ཁྲིད་ཆ་ཚང་ཞིག་གནང༌། དགུང་གྲངས་བརྒྱད་ཅུར་ཕེབས་པ་༡༩༩༠ ཐམ་པ་ཟླ་ ༡༡ ཚེས་ ༢༦རབ་བྱུང་བཅུ་བདུན་པ་ལྕགས་རྟ་ཟླ་ ༡༠ ཚེས་ ༦ གཟའ་སྐར་འཕྲོད་སྦྱོར་ཕུན་ཚོགས་ཉིན་སྔར་སྲོལ་བཞིན་དགའ་ལྡན་རྣམ་པར་རྒྱལ་བའི་གླིང་གི་ཚོགས་ཆེན་རྟེན་དང་བརྟེན་པར་བཅས་པ་གསར་བཞེངས་ལེགས་གྲུབ་བཀྲ་ཤིས་ཀྱི་དགེ་མཚན་དང་བཅས་འཇམ་མགོན་རྒྱལ་བ་གཉིས་པའི་རྒྱལ་ཚབ་དགའ་ལྡན་ཁྲི་ཐོག་གོ་དགུ་པའི་ཁྲི་འདོན་རྟེན་འབྲཻལ་གྱི་མཛད་སྒོ་བསྐྱངས་ནས་ལམ་རིམ་ཆེན་མོའི་ཟབ་བཤད་ཀྱིས་མཚོན་ཁྲི་པའི་གནང་སྒོ་ཁག་དང༌། ལྷག་དོན་སྨོན་ལམ་ཆེན་མོའི་ཁྲི་པའི་མཛད་ཁུར་བཞེས་ཐོག སྐྱེས་རབས་སོ་བཞི་པའི་ཆོས་འབྲཻལ་བསྐྱངས་ཏེ་སྐྱེ་བོ་མང་པོར་ཐར་པའི་ས་བོན་གྱི་དགེ་རྩ་བསྐྲུན་པར་མཛད། ༡༩༩༥ ཕྱི་ཟླ་ ༥ ཚེས་ ༢༨ཉིན་ཞིང་འདིར་རེ་ཞིག་སྐུ་ཚེ་འདིའི་གདུལ་བྱ་རྫོགས་ནས་རྟག་འཛིན་ཅན་རྣམས་ཆོས་ལ་བསྐུལ་ཕྱིར་མྱ་ངན་ལས་འདས་པའི་མཛད་པ་ངོ་མཚར་བའི་ལྟས་དུ་མ་དང་བཅས་རེ་ཞིག་སྐུ་ཞི་བ་ཆོས་ཀྱི་དབྱིངས་སུ་གཞོལ་བའི་ཚུལ་བཞེས་ཏེ་ཉིན་མཚན་བདུན་གྱི་བར་ཐུགས་དམ་ལ་བཞུགས་པའི་རིང༌། དམ་པ་དེ་ཉིད་ཀྱི་བཞུགས་ཤག་དང་ཁང་ཚན་རྙིང་པའི་ར་སྐོར་དུ་གྲྭ་ཚང་དང༌། ཁང་ཚན་ཁག མཁན་བླ་དགེ་བཤེས། དད་སློབ་འདུས་མང་བཅས་ནས་ཞབས་མཇུག་མཆོད་འབུལ་རྒྱ་ཆེར་ཞུས། ཕྱི་ཟླ་ ༦ ཚེས་ ༡ ཉིན་ཞོགས་པ་ཆུ་ཚོད་ ༧ ཐོག་སྐུ་པུར་གཟིམ་ཤག་ནས་གདན་དྲངས་ཏེ་ཞུགས་འབུལ་ཞུས། དེ་ཉིན་དགོང་དྲོ་རྒྱུད་སྟོད་གྲྭ་ཚང་གི་ཕྱག་མཛོད་གཉིས་ཆེད་མངགས་མཆོད་འབུལ་ཞུ་བར་ཕེབས། ཚེས་ ༦ ཉིན་ཞུགས་འབུལ་མཆོད་རྟེན་ཁ་དབྱེ་སྟེ་སྐུ་རུས་གྲྭ་ཚང་དང༌། ཁང་ཚན། དེ་ནས་གཟིམ་ཤག་ཏུ་གདན་དྲངས་ཏེ་རང་གཞུང་སྐུ་ཚབ་ཆེད་ཕེབས་སྤྱི་འཐུས་དང༌། གཞིས་འགོ་སོགས་ཀྱིས་མཇལ་ཁ་ཞུས། ཕྱི་ཟླ་༦ ཟླ་མཇུག་ཏུ་བླ་བྲང་ནས་གདན་ས་གསུམ་དང༌། གསང་ཆེན་རྒྱུད་གྲྭ་སྟོད་སྨད་བཀྲ་ཤིས་ལྷུན་པོ་སོགས་སུ་མཆོད་སྤྲིན་རྒྱ་ཆེར་འབུལ་བཤམས་དང་འབྲཻལ་དགའ་ལྡན་ཚོགས་ཆེན། རྒྱུད་སྟོད་གྲྭ་ཚང༌། འབྲས་སྤུངས་སྤོམ་ར་ཁང་ཚན་བཅས་ལ་འདྲ་སྐུ་མི་ཚད་མ་རེ་འཇོག་འབུལ་ཞུས། གསེར་གདུང་རིན་པོ་ཆེ་དེ་ནི་བློ་གསལ་གླིང་གཙུག་ལག་ཁང་གི་རྟེན་གྲས་གཡས་པའི་ནང་བཞུགས་སུ་གསོལ། གསུང་ལས་སྐྱེས་པའི་སློབ་མ་ཡང༌། ཐར་ལམ་སྤྲུལ་སྐུ་དཔལ་ལྡན་ཡེ་ཤེས་དང༌། རྒྱལ་ཐང་རྒྱལ་ཟུར་སྤྲུལ་སྐུ་བློ་བཟང་དཔལ་ལྡན། ཟངས་འབུམ་རིན་པོ་ཆེ་སོགས་རྒྱས་སྲས་སྤྲུལ་པའི་སྐུ་དང༌། གཞུང་ལུགས་རབ་འབྱམས་སྨྲ་བའི་དགེ་བཤེས། རྩེ་གཅིག་སྒྲུབ་པའི་རྒྱལ་མཚན་སྒྲེངས་པའི་བྱ་བཏང་པ་བཅས་ཤིན་ཏུ་མང་པོ་བསྐྱངས།

དགའ་ལྡན་ཁྲི་ཐོག་བརྒྱ་པ་ཆོས་རྗེ་བློ་བཟང་ཉི་མ། བེ་རི་འཇིགས་མེད། དགའ་ལྡན་ཁྲི་ཐོག་བརྒྱ་པ་ཆོས་རྗེ་བློ་བཟང་ཉི་མ་ནི། མདོ་ཁམས་ཚ་སྨད་རུ་སྐོར་བཅུ་གཉིས་ཀྱི་ནང་ཚན་གྱང་དམར་གྲོང་དུ། ཡབ་རྡོ་རྗེ་བཀྲ་ཤིས་དང་ཡུམ་ཡེ་ཤེས་ལྷ་མོ་གཉིས་ཀྱི་སྲས་སུ། རབ་བྱུང་བཅུ་དྲུག་པའི་ས་སྦྲུལ་༡༩༢༩ལོར་འཁྲུངས། སྐུ་ན་ཆུང་དུས་ནས་གྲོང་དེའི་ནང་དུ་སྔ་འགྱུར་རསྙིང་མའི་མཁས་པ་ངག་དབང་ཡེ་ཤེས་པའི་དྲུང་ནས་ཡི་གེའི་ཕྱི་མོ་ཀ་ཁ་ནས་སྦྱོར་ཀློག་དང༌། གསང་སྔགས་རསྙིང་མའི་ཆོས་སྐོར་བཅས་ལ་བསླབས། དགུང་ལོ་བཅུ་གཉིས་པར་བར་ཁམས་ཚ་བ་བྲག་ཡུལ་དགོན་དུ་ཆོས་ཞུགས་གནང་ནས་གསང་བདེ་འཇིགས་གསུམ་བདག་མདུན་བུམ་གསུམ་སོགས་དགོན་དེའི་ཆོས་སྤྱོད་ཆོ་ག་ཁག་ཐུགས་འཛིན་དང༌།བྱཞོར་དུ་སུམ་རྟགས་དག་གསུམ། གར་ཐིག་དབྱངས་གསུམ། འབུད་རྡུང་དཀྲོལ་གསུམ་སོགས། མདོར་ན་གཞིས་དགོན་དེའི་བྱེད་སྒོ་མཐའ་དག་ལ་མཁས་པར་བསླབས། དགུང་ལོ་བཅུ་བདུན་༡༩༤༥པར་དབུས་འགྱུར་ཆོས་ཀྱི་ཞིང་སར་བསྙྙེགས། གདན་ས་འབྲས་སྤུངས་བློ་གསལ་གླིང་གི་ཁང་ཚན་དང་པོ་ཚ་བའི་ཁོངས་སུ་སྒྲིགས་ཞུགས་གནང༌། གཙང་པ་མཁན་པོ་ཡེ་ཤེས་སྦྱིན་པ་ལས་བརྩི་བཞག་གསན། རྒྱལ་རོང་མཁན་ཟུར་འཇམ་དཔལ་བསམ་འཕེལ་དང༌། ཚུལ་ཁང་མཁན་ཟུར་ཡེ་ཤེས་ཐུབ་བསྟན། ཕ་ར་མཁན་ཆེན་པདྨ་རྒྱལ་མཚན། ཤག་སྐོར་མཁན་པོ་ཉི་མ་རྒྱལ་མཚན། སྟོད་མཚམས་སྤྲུལ་སྐུ་འཇམ་དཔལ་འཕྲིན་ལས་ཡོན་ཏན་རྒྱ་མཚོ། ཏྲེ་ཧོར་དགེ་བཤེས་བསོད་ནམས་མགོན་པོ། འདན་མ་བློ་ཆོས་རིན་པོ་ཆེ། དགེ་བཤེས་འཇམ་དབྱངས་ཉི་མ་སོགས། རྒྱན་དྲུག་གཅིག་ཏུ་བསྡུས་འདྲའི་མཁས་པའི་བཤེས་གཉེན་བཅུ་ཕྲག་ལྷག་གི་ཞབས་རྡུལ་སྤྱི་བོར་བླངས་ནས། བསྡུས་ཚན་ཁག་དང་དབུ་ཕར་གྱི་གཞུང་ལ་རྩོད་སྒྲུབ་རིགས་པའི་ལམ་ནས་གསན་བསམ་རྒྱ་ཆེར་མཛད། བྱམི་ལོ་བཅུ་གཉིས་རིང་འཇང་དགུན་ཆོས་འགྲིམས་ནས་རྭ་བ་སྟོད་དུ་དམ་འཇོག་མཛད་པས་མཁས་པའི་མཚན་སྙན་འབར། རང་ལོ་ཉེར་ལྔ་པར་ཚ་བ་ཁང་ཚན་དགེ་རྒན་བྱས་ནས་ཁང་ཚན་དེའི་ཕྱི་སྤྱོད་ནང་ཡོན་གཉིས་ཀ་སྔོན་བྱོན་དམ་པའི་ཕྱག་རྗེས་བཞིན་མཇུག་སྐྱོང་རླབས་པོ་ཆེ་མཛད། ས་ཕག་དུས་འགྱུར་བྱུང་རྗེས་འབྲུག་ཡུལ་རྒྱུད་འཕགས་ཡུལ་དུ་ཞབས་སོར་འཁོད་ནས་སྦག་སར་ཆོས་སྒར་དུ་མི་ལོ་དགུ་རིང་སློབ་གཉེར་འཕྲོ་འཐུད་གནང༌། ཞོར་དུ་ཐ་སྙད་རིག་གནས་སྐོར་ལའང་སྦྱོང་བརྩོན་གནང༌། མེ་རྟ་༡༩༦༦ ལོར་ཝཱ་ཎཱ་བོད་ཀྱི་མཐོ་སློབ་ཏུ་ཞུགས་ནས་ཨ་ཙཱ་¿འི་མཚན་གནས་བཞེས། ལྕགས་ཕག་༡༩༧༡ལོར་མཐོ་སློབ་ཐོན་པའི་མཁས་པ་ཚོ་༧གོང་ས་མཆོག་གིས་རྡ་སར་བསོངས་ཏེ། གསེར་ཀོང་མཚན་ཞབས་རིན་པོ་ཆེ། རྣམ་གྲྭ་མཁན་པོ་བྱང་རྩེ་དགེ་བཤེས་བསམ་གཏན་ཆོས་འཕེལ། རྒྱུད་གྲྭ་སྟོད་སྨད་ཀྱི་མཁན་ལས་ཟུར་དང་བླ་མ་དབུ་མཛད་བཅས་ཚོགས་པའི་དབུས། ཉིན་བཅུ་གཉིས་རིང་རྩོད་རྒྱུགས་བཞེས་པའི་ཁྲོད་དུ་ཕེབས་ནས་རྒྱལ་བ་དགྱེས་པའི་མཆོད་སྤྲིན་སྤྲོས། དེ་རྗེས་གདན་ས་སོ་སོར་དགེ་བཤེས་གྲྭ་སྐོར་དམ་འཇོག་ཕེབས་ནས་བཀའ་པོད་ལྔའི་དམ་བཅའ་བཞག སྐྱེས་སྦྱངས་གོམས་པའི་ཤེས་རབ་རྩལ་གྱིས་གཞུང་དོན་བཀའ་གནད་ཕྲ་མོ་རྣམས་ཟབ་གསལ་མྱུར་བའི་ལམ་ནས་དགག་བཞག་སྤོང་གསུམ་གྱི་དབྱེ་མཚམས་མ་འདྲེས་པར་མཛད་པས་གདན་སའི་མཁས་རྒུས་བསྔགས་པའི་མེ་ཏོག་མཐོར། རྒྱུད་གྲྭ་སྟོད་སྨད་དུ་ཕེབས་ནས་ཀྱང་དམ་འཇོག་མཛད། ཕྱི་ལོ་རྡ་སར་ཕེབས་ནས་སོྨན་ལམ་ཆེན་མོའི་ནང་དམ་བཅའ་བཞག་པས་ཨང་རིམ་དང་པོའི་མཚན་གནས་བླངས། རྒྱུད་གྲྭར་སྔགས་ཀྱི་དམ་འཇོག་རྩེ་སོན་གནང༌། རྒྱལ་བའི་དབང་པོ་བསྟན་འཛིན་རྒྱ་མཚོ་དང༌། པཎ་ཆེན་ཆོས་ཀྱི་ཉི་མ། སྐྱབས་རྗེ་ཡོངས་འཛིན་རྣམ་གཉིས། ཚུལ་ཁང་བླ་མ། ནགས་ཤོད་སྟག་ཕུ། བྲག་གཡབ་ཆུང་ཚང་སོགས་སྐྱེས་ཆེན་དམ་པ་དུ་མའི་དྲུང་ནས། གསང་བདེ་འཇིགས་གསུམ་དང༌། མདོ་སྔགས་ཀྱི་ལམ་རིམ། དཔལ་དུས་ཀྱི་འཁོར་ལོའི་ཕྱི་ནང་གཞན་གསུམ་སོགས་མདོ་སྔགས་ཀྱི་དབང་ལུང་མན་ངག་རྒྱ་ཆེར་ཞུས། རྒྱུད་སྨད་དུ་ཕེབས་ཏེ་ྜྲིཀ་ལེའུ་དང་པོའི་སྐྱོར་དཔོན་གནང༌། ཊཱིཀྐ་ཐུགས་འཛིན་དང་རྒྱུད་གྲྭའི་དགེ་བསྐོས་གནང་ནས་སྒྲིག་འཛུགས་ཚུལ་བཞིན་གནང་བའི་མུར་༡༩༧༡ལོར་ཝཱ་ཎཱ་མཐོ་སློབ་རིགས་གཅིག་རྐང་འཛིན་གྱི་ཉམས་ཞིབ་པའི་མིང་ཐོ་ཐོན་ན་ཡང༌། ྋགོང་ས་མཆོག་གིས་རྒྱུད་པའི་བླ་མ་དབུ་མཛད་ཀྱི་ཕྱག་རྟགས་གནང་བར་བརྟེན་བླ་མ་དབུ་མཛད་ཀྱི་ཁྲིར་འཁོད། དཔལ་ལྡན་སྨད་རྒྱུད་གྲྭ་ཚང་གི་བླ་མའི་ཁྲིར་ཕེབས་ཏེ། གཏོར་ཆེན་དང་བདག་འཇུག་གི་རྡོར་སློབ། བསྐྱེད་རིམ་སྐྱོར་རྒྱུ། ཐབ་ཐིག་དང་དི༷ལ་འཁོར། ཐིག །རྡུལ་ཚོན། རྒྱུད་པའི་དགེ་སློང་དང་གསར་ཞུགས་བཅས་ཀྱི་རྒྱུགས་བཞེས་ཚ་ནན་གནང་བས་མཚོན། མདོར་ན་བླ་མའི་བྱེད་སྒོ་ཆ་ཚང་ཉམས་འོག་ཏུ་ཚུད་ནས་ཕྱག་བསྟར་གནང༌། ཤིང་སྟག་༡༩༧༤ལོར་རྒྱུད་པའི་མཁན་ཁྲིར་ཕེབས་ནས། རྒྱུ་གྲྭའི་འཆད་མཉན་ཀྱི་སྐོར། སྦས་དོན་ཀུན་གསལ། འགྲེལ་བ་བཞི་སྦྲགས། བསྐྱེད་རིམ་དངོས་གྲུབ་རྒྱ་མཚོ། རྫོགས་རིམ་རིམ་ལྔ་གསལ་སྒྲོན་སོགས་ཀྱི་ཁྲིད་དང་བརྩི་བཞག། རྫོགས་རིམ་དམར་ཁྲིད་ཁྲུས་ཁང་བརྩི་བཞག དེ་བཞིན་སྨད་རྒྱུད་ཁྲིད་ཆེན་བརྒྱད་ལ་སོགས་པ་ཐུགས་ཐོག་ནས་འཆད་མཉན་དགོས་པའི་རིགས་དང༌། གསང་བདེ་འཇིགས་གསུམ་ཀྱི་བསྐྱེད་རིམ། རྗེ་ཤེར་སེང་པའི་ྜྲིཀ་ལེའུ་བཅུ་གསུམ་པའི་མཚམས་སྦྱར་བར། སོ་ཐར་མདོ་རྒྱས་པ་སོགས་མདོར་ན་མཁན་པོ་མི་ལོ་གསུམ་གནང་རིང་རང་འཁྲིས་མཛད་སྒོ་ཡོངས་རྫོགས་ཕྱག་བསྟར་ཚུལ་བཞིན་གནང༌། མེ་འབྲུག་༡༩༧༦ལོར་མཁན་ཁྲི་ལས་ཟུར་བ་དང༌། ྋགོང་ས་མཆོག་གི་བཀའ་དགོངས་བཞིན་རྩེ་རྣམ་རྒྱལ་གྲྭ་ཚང་གི་མཁན་ཁྲིར་ཕེབས་ཏེ་དགོན་དེའི་གསང་བདེ་འཇིགས་གསུམ། དུས་འཁོར། ཕུར་པ་བཅས་པའི་སྒྲུབ་མཆོད་ཁག མགོན་ཆོས། ལྷ་མོ་བཅས་ཀྱི་གཏོར་རྒྱག་ཁག་གི་རྡོར་སློབ་གནང༌། གྲྭ་གསར་ཚོར་མདོ་སྔགས་ཀྱི་ལམ་རིམ་དང༌། ལྕང་སྐྱ་གྲུབ་མཐའ། བསྡུས་གྲྭ་སོགས་ལོ་འཁོར་རྒྱུགས་སྤྲོད་ཀྱི་སྒྲིག་གཞི་གསར་བཏོད་གནང༌། ཆུ་ཕག་༡༩༨༣ལོར་རྣམ་གྲྭ་མཁན་པོ་མཛད་བཞིན་པའི་མུར་བྱང་རྩེ་ཆོས་རྗེའི་ཁྲིར་ཕེབས་ཏེ་དམིགས་བསལ་དགེ་བཤེས་རྩོད་རྒྱུགས་བཞེས་སྐོར་སོགས་བསྟན་པར་སྨོན་པའི་མཛད་འགན་རྒྱ་ཆེར་བཞེས། སྔ་ཕྱི་མི་ལོ་བཅུ་གཅིག་ཙམ་མཁན་ཁྲིར་བཞུགས་ནས་ཁྲི་ལས་ཟུར། རབ་བྱུང་བཅུ་བདུན་པའི་ཤིང་ཕག་༡༩༩༥ལོར་འཇམ་མགོན་རྒྱལ་བ་གཉིས་པའི་གསེར་ཁྲིར་ཞབས་ཟུང་འཁོར་ལོའི་རེ་ཁ་མངོན་པར་བཀོད་དེ་མདོ་སྔགས་ཀྱི་བཀའ་ཆོས་རྒྱ་ཆེར་གནང༌། སྔ་ཕྱིར་ནུབ་གླིང་ཨ་རིའི་རྒྱལ་ཁབ་དང༌། ཁན་ན་ྜྲ། དེ་བཞིན་ཐེ་ཝན། སིང་ག་པུར། བལ་ཡུལ། འབྲུག་པ་སོགས་སྐུད་དང་ཤ་མདོག་མི་གཅིག་པའི་རྒྱལ་ཁབ་དང་ཡུལ་གྲུ་དུ་མར་ཞབས་སོར་འཁོད་དེ། འཇམ་མགོན་ཙོང་ཁ་པ་ཆེན་པོས། བསྟན་པ་རིན་ཆེན་མཆོག་གིས་མ་ཁྱབ་པའམ། ། ཁྱབ་ཀྱང་ཉམས་པར་གྱུར་པའི་ཕྱོགས་དེར་ནི།། སྙྙིང་རྗེ་ཆེན་པོས་ཡིད་རབ་བསྐྱོད་པ་ཡིས།། ཕན་བདེའི་བསྟན་དེ་གསལ་བར་བྱེད་པར་ཤོག །ཅེས་གསུངས་པ་དང་སྒོ་མཐུན་པར་གདུལ་བྱ་རང་རང་གི་ཁམས་དང་མོས་པ་འཚམས་པའི་ཟབ་རྒྱས་ཆོས་ཀྱི་འཁོར་ལོ་རྒྱ་ཆེར་བསྐོར། ལྕགས་སྦྲུལ་༢༠༠༡ལོར་ཝཱ་ཎཱ་མཐོ་སློབ་ཁང་ནས་རྗེ་འདི་ཉིད་དང་རྒྱ་གར་མཁས་པ་གྲགས་ཅན་གཉིས་ལ་ཆེས་སྙན་གྲགས་ཆེ་བའི་འཕགས་བོད་ཤན་སྦྱར་གྱི་ཕུལ་བྱུང་མཁས་པའི་གཟེངས་རྟགས་ཕུལ། ལྕགས་སྦྲུལ༢༠༠༡ལོར་རྡོ་རྗེ་གདན་དུ་སྨོན་ལམ་ཚོགས་དབུར་ཕེབས་སྐབས་༧གོང་ས་མཆོག་གི་ཚབ་ཞུས་ཏེ། སྐད་དང་ཤ་མདོག་མི་གཅིག་པའི་མི་རིགས་འདྲ་མིན་འབུམ་ཕྲག་བཞི་ལྷག་ཚོགས་པར་ལམ་གཙོ་རྣམ་གསུམ་གྱི་ཁྲིད་དང༌། སྒྲོལ་དཀར་ཚེ་དབང་སོགས་བཀའ་ཆོས་འཆད་པ་དང༌། ཉེ་སྔོན་ཡང་མཁས་མང་བློ་གསལ་གླིང་གི་འདུ་ཁང་དུ་བླ་སྤྲུལ་དགེ་བཤེས་དང་གྲྭ་དམངས་སྟོང་ཕྲག་ལྷག་ལ་དགའ་ལྡན་ལྷ་བརྒྱའི་ཁྲིད་ལུང་གནང་བས་མཚོན་སྔ་ཕྱིར་ཟབ་རྒྱས་ཆོས་ཚུལ་རྒྱ་ཆེར་སྤེལ། གཞན་ཡང་དགའ་འབྲས་གཉིས་སུ་སྔ་ཕྱིར་དགེ་ཚུལ་སྟོང་ཕྲག་ལྷག་སྒྲུབ་པ་དང༌། ཡོངས་རྫོགས་བསྙེན་པར་རྫོགས་པའི་དགེ་སློང་གི་སྡོམ་པའང་དུ་མར་གནང༌། དགེ་ལུགས་རྒྱུགས་སྤྲོད་ཀྱི་ཐེབས་རྩ་ཧིན་སྒོར་སུམ་འབུམ་དང༌། འབྲས་སྤུངས་ཚོགས་ཆེན་དུ་རྒྱན་དྲུག་མཆོག་གཉིས་ཀྱི་ཞལ་ཐང་དགུ བློ་གླིང་གྲྭ་ཚང་དུ་ཙོང་ཁ་བརྒྱད་ཅུའི་ཞལ་ཐང་བཅོ་ལྔ་སྤྱི་འཇོག་གནང་བ་སོགས་བཤད་སྒྲུབ་ལས་གསུམ་གྱིས་བསྟན་པ་ལ་བྱ་བ་རྒྱ་ཆེར་བྱས། གསུང་གི་ལེགས་བཤད་ཀྱང༌། རྒྱུད་སྨད་ཆོས་འབྱུང་དང༌། རྒྱུད་སྨད་ཀྱི་བླ་རྒྱུད་གསོལ་འདེབས། བླ་སྤྲུལ་ཁག་དུ་མའི་ཞབས་བརྟན་གསོལ་འདེབས་འདྲ་མིན། རིག་བྱེད་མའི་བསྟོད་པ་དང༌། གཡང་འགུག་སྲིད་གསུམ་དབང་དུ་འགུགས་པའི་ལྕགས་ཀྱུ། བྱམས་པའི་བསྟོད་ཆེན། བདེ་བ་ཅན་དུ་སྐྱེ་བའི་སྨོན་ལམ་སོགས་ཆོས་ཚན་མང་པོ་ཞིག་མཛད་པ་རྣམས་ད་ལྟར་ཕྱོགས་སྒྲིག་ཞུ་འཆར་ཡོད་པ་འདྲ། གསུང་ལས་སྐྱེས་པའི་སློབ་མ་ཡང༌། རྒྱུད་སྟོད་མཁན་ཟུར་ཚུལ་ཁང་རྡོ་རྗེ། གངས་དཀར་རིན་པོ་ཆེ། གྲགས་པ་སྤྲུལ་སྐུ་བསྟན་འཛིན་ཆོས་ཀྱི་རྒྱ་མཚོ། གླིང་ཆུང་ཚང༌། གོ་བོ་དགོན་གསར་སྤྲུལ་སྐུ། རྒྱལ་རོང་མཁན་སྤྲུལ། མགར་ཐར་སྤྲུལ་པའི་སྐུ། གཙང་གཤིས་གྲྭ་སྨད་སྤྲུལ་སྐུ། གཙང་སྤྱོད་ཕ་ར། ལྷོ་པ་རྒྱ་ར་སྤྲུལ་སྐུ། ལྷོ་པ་ཚྭ་འབྲོང༌། བྲག་གཡབ་ཆུང་ཚུང༌། བྲག་གཡབ་བླ་དགོན། ཀེའུ་ཚང༌། གླིང་གྲུབ་པ་སྤྲུལ་སྐུ། འགལ་ལ་སྤྲུལ་སྐུ། ཏྲེ་ཧོར་འཁྲུངས་སར་སྤྲུལ་སྐུ། ཆོས་གླིང་སྤྲུལ་སྐུ། ཚ་བ་ལྷ་ལྡིང་སྤྲུལ་སྐུ། བྲག་སྒོ་སྤྲུལ་སྐུ། འདན་མ་རྨུ་བཟའ་སྤྲུལ་སྐུ། ཁམས་མགྱོགས་སྤྲུལ་སྐུ། བ་ར་སྤྲུལ་སྐུ། རི་སྐུ་སྤྲུལ་སྐུ། ཕུ་ཁང་ཡར་ཁ་སྤྲུལ་སྐུ། བཤད་གླིང་སྤྲུལ་སྐུ་སོགས་བསྟན་པ་ཕྱོགས་མཐར་སྤེལ་བའི་བླ་སྤྲུལ་དང་ཉམས་ལེན་རྒྱུད་དང་འདྲེས་པའི་བྱ་བཏང་པས་མཚོན་སློབ་ཚོགས་ཤིན་ཏུའང་མང་བས་བགྲངས་པར་མི་ནུས། རབ་བྱུང་བཅུ་བདུན་པའི་ཆུ་རྟ་༢༠༠༢ལོར་ཁྲི་ལས་ཟུར་ནས་ཀྱང་ལྷ་སྔགས་ཏིང་འཛིན་གྱི་རྣལ་འབྱོར་ལ་བརྩོན་ཞོར་དོན་གཉེར་ཅན་གྱི་སློབ་ཚོགས་ཤིན་ཏུ་མང་པོར་མདོ་སྔགས་ཀྱི་དཔེ་ཁྲིད་དང༌། དབང་ལུང་མན་ངག་གི་བཀའ་ཆོས་གསུང་བཞིན་དགེ་ལྡན་བསྟན་པའི་རྒྱལ་མཚན་བླ་ནས་བླ་ན་འདེགས། མཐར་དགུང་ལོ་ རབ་བྱུང་བཅུ་བདུན་པའི་ས་བྱི་སྤྱི་ལོ་2008་ལོར་སྐུ་ཞི་བར་གཤེགས། ཐུགས་དམ་ཟླ་བ་མ་ཟིན་ཙམ་བཞུགས། དེའི་རིང་ལ་འཛམ་གླིང་ཤར་ནུབ་ཀྱི་ཚན་རིག་མཁས་ཅན་དང༌། གསར་འགོད་པ་སོགས་མང་པོས་ཞིབ་འཇུག་དང༌། ཡ་མཚན་པ་དང༌། ཧང་སངས་པའི་བཤད་པ་འདྲ་མིན་གྱིས་ནང་བསྟན་སྤྱི་དངཡང་སྒོས་དགེ་ལྡན་པའི་བསྟན་པའི་ཆེ་བ་བླ་ན་བཏེགས། ཧི་དི་དང་། ཁ་ཆེ། ཡི་ཤིས། ཇོན་སོགས་ཆོས་ལུགས་འདྲ་མིན་གྱི་བླ་མ་དང༌། མི་དམངས་དཀྱུས་མ་ཤིན་ཏུ་མང་པོ་ཉིན་མཚན་ཁོར་མོ་ཡུག་ཏུ་མཇལ་ཁ་བཅར་བ་སོགས་ཀྱི་རྨད་དུ་བྱུང་བའི་རྣམ་པར་ཐར་བ་(རྣམ་ཐར་ས་བོན་རྒྱས་པ་ཟུར་དུ་ཡོད)བདག་གིར་བསྐྱངས། གདུང་རྟེན་དངུལ་གྱི་མཆོད་སྡོང་བྱིན་རླབས་ཀྱི་མཚན་ཁ་འབར་བཞིན་འབྲས་སྤུངས་བསལ་གླིང་གྲྭ་ཚང་དང༌། ཚ་བ་ཁང་ཚན་གཉིས་སུ་བཞུགས།


དགའ་ལྡན་ཁྲི་ཐོག་བརྒྱ་དང་དང་པོ་ལུང་རིག་རྣམ་རྒྱལ་དཔལ་བཟང་པོ་ནི། རབ་བྱུང་བཅོ་ལྔ་མེ་ཕོ་སྟག་༡༩༢༦ལོར་སྤོམ་འབོར་སྒང་གི་ཉེ་འགྲམ་དུ་ཡབ་བློ་བཟང་ཕུན་ཚོགས་དང༌། ཡུམ་ནོར་འཛོམས་ཆོས་སྐྱིད་གཉིས་ཀྱི་སྲས་སུ་སྐུུ་འཁྲུངས། དགུང་གྲངས་བདུན་ལ་ཕེབས་པར་འཇོལ་བདེ་ཆེན་གླིང་གི་མཁན་པོ་བློ་བཟང་ཀུན་དགའ་འཕྲིན་ལས་དཔལ་བཟང་པོའི་དྲུང་ནས་རྒྱལ་བའི་བསྟན་པ་ལ་རབ་ཏུ་བྱུང༌། ལི་ཐང་དགོན་ཆེན་གྱི་མཁན་པོ་སྒོ་སོགས་མཆོག་སྤྲུལ་རྗེ་བཙུན་བློ་བཟང་འཇམ་དཔལ་སྙྙིང་པོ་ལུངརིགས་བསྟན་འཛིན་རྒྱ་མཚོའི་དྲུང་ནས་བསྙྙེན་པར་རྫོགས། དགུང་གྲངས་ཉི་ཤུ་རྩ་གསུམ་པ་རབ་བྱུང་བཅུ་དྲུག་ས་ཕོ་བྱི་བའི་༡༩༤༨ལོར་དབུས་སུ་ཕེབས་ཏེ་དགེ་ལྡན་རྣམ་པར་རྒྱལ་བའི་གླིང་ཤར་རྩེ་ནོར་གླིང་གྲྭ་ཚང་དུ་བཤེས་གཉེན་དུ་མའི་ཞབས་རྡུལ་སྤྱི་བོར་བླངས་ནས་མདོ་སྔགས་གཞུང་ལུགས་རྒྱ་མཚོར་གསན་བསམ་རྒྱ་ཆེར་མཛད་པས་སྙྙན་པའི་གྲགས་པས་ཕྱོགས་ཀུན་ཏུ་ཁྱབ། དགུང་ལོ་སོ་གསུམ་པར་རབ་བྱུང་བཅུ་དྲུག་ས་ཕོ་ཁྱིའི་༡༩༥༨ལོར་བསྟན་དགྲ་རྒྱ་དམར་ཀླ་ཀློའི་དཔུང་གིས་བོད་ལྗོངས་བསྟན་འགྲོའི་བདེ་སྐྱིད་རྨེག་མེད་དུ་བཅོམ་པའི་སྐབས་རྒྱ་གར་དུ་བྲོས་བྱོལ་དུ་ཕེབས། དེ་ནས་དགུང་གྲངས་བཞི་བཅུ་མ་ཟིན་བར་དུ་སྦག་ས་ཆོས་སྒར་དུ་མཁས་མང་རྒྱ་མཚོའི་དབུས་སུ་མདོ་སྔགས་ཡོངས་རྫོགས་ཀྱི་གནད་ལ་ཤིན་ཏུ་སྦྱངས་པས་མཁས་པ་ཆེན་པོར་གྱུར་ཏེ་ཀུནགྱིས་བཀུར་བའི་འོས་སུ་གྱུར། དེའི་ཕྱི་ལོར་རྒྱལ་བའི་བཀའ་དགོངསབཞིན་ཝཱ་ར་ཎ་སི་བོད་ཀྱི་མཐོ་རིམ་སློབ་གཉེར་ཁང་དངོས་སུ་གསར་འཛུགས་མཛད་སྐབས། རིས་མེད་མཁས་དབང་སློབ་གཉེར་བ་བརྒྱའི་ཁོངས་སུ་ཕེབས་ཏེ་སློབ་དཔོན་དུ་མའི་དྲུང་ནས་རྒྱ་གཞུ་གཙོ་བོར་གྱུར་པའི་གཞུང་ཆེན་ཁག་ལ་ལོ་གསུམ་བསྐྱར་སྦྱོང་མཛད་པའི་འབྲས་རྟགས་སུ་ཨ་ཙཱརྱ་ཨང་རིམ་དང་པོའི་ཕྱག་ཁྱེར་བཞེས་གནང་མཛད། དགུང་གྲངས་ཞེ་བཞི་པར་སློབ་དཔོན་རྒྱུགས་སྤྲོད་ཟིན་པའི་མཁས་དབང་ཡོངས་རྫོགས་རྡ་སར་གཟིམ་ཆུང་དུ་ྋགོང་ས་སྐྱབས་མགོན་ཆེན་པོ་མཆོག་ནས་རྩོད་རྒྱུགས་བཞེས་སྐབས་ཀུན་གྱི་དབུས་སུ་ལྷ་རམས་པའི་མཚན་གནས་བཞེས། དེ་ནས་ལྷོ་ཕྱོགས་གདན་ས་ཁག་གསུམ་གྱི་གཞུང་ལུགས་རབ་འབྱམས་སྨྲ་བ་མཁས་མང་རྒྱ་མཚོའི་དབུས་སུ་གཞུང་ཆེན་བཀའ་པོད་ལྔ་ལ་གྲྭ་སྐོར་དང༌། ལྷ་རམས་པའི་དམ་བཅའ་འཇོག་པར་མཛད། དགུང་གྲངས་ཞེ་ལྔ་པ་དཔལ་ལྡན་གསང་ཆེན་རྒྱུད་སྟོད་གྲྭ་ཚང་དུ་སྒྲིག་བཞུགས་གནང་སྟེ་ཆོས་འགྲིམ་ཆ་ཚང་དང་ཁ་གཏད་དགེ་བཤེས་ཀྱི་མཛད་འགན་བཞེས། དེའི་རིང་ྋགོང་ས་ྋསྐྱབས་མགོན་རིན་པོ་ཆེ་དང༌། སྐྱབས་རྗེ་རྣམ་པ་གཉིས་གཙོས་དགེ་བའི་བཤེས་གཉེན་དུ་མའི་དྲུང་ནས་མདོ་སྔགས་ཀྱི་ཆོས་ཇི་སྙྙེད་ཅིག་གི་དབང་ལུང་མན་ངག་རྣམས་བུམ་པ་གང་བྱོའི་ཚུལ་དུ་གསན་སྦྱངས་མཛད་ནས། དགུང་གྲངས་ཞེ་དྲུག་པར་སྔགས་དམ་བཅའ་འཇོག དེ་ནས་སླར་ཡང་ཝཱར་ཎ་ཆོས་མཐོའི་གཙུག་ལག་སློབ་གཉེར་ཁང་དུ་ཕེབས་ཏེ་རིགས་གཅིག་རྐང་འཛིན་ཉམས་ཞིབ་ལོ་གསུམ་གནང་སྟེ་ཚིག་དོན་ཟབ་ལ་གོ་བདེ་བ། སྡེབ་སྦྱོར་སྙན་འཇེབས་ལྡན་པ་ཉམས་ཞིབ་ཀྱི་ལམ་དང་མཐུན་པ་དེབ་གཞི་ཚད་ལངས་ཅན་ཚད་མ་རིག་པའི་སྐོར་གྱི་གསུང་རྩོམ་ཡང་མཛད། དགུང་གྲངས་ང་བདུན་པར་ྋསྐྱབས་མགོན་རིན་པོ་ཆེའི་བཀའ་དགོངས་བཞིན་བརྒྱུད་སྟོད་བླ་མ་དབུ་མཛད་དང་དེ་ནས་མཁན་པོ་བཅས་ཀྱི་ཕྱག་རྟགས་རིམ་སྩོལ་བཞིན་སྔར་སྲོལ་རྒྱུད་ཆེན་གོང་མའི་བཞེད་སྲོལ་རྣམས་མི་ཉམས་རྒྱུན་བསྐྱངས་ཐོག་བཀའ་འགྲེལ་གྲྭ་ཚང་འདིར་ཆོས་སྲིད་གང་ལའང་སྨན་པའི་སློབ་གྲྭའི་རྣམ་པར་གཞུངཆེན་ཁག་གི་སློབ་ཚན་གསར་བཟོས་མཛད་གནང་གིས་བཀའ་དྲིན་ཆེ་བར་སྩལ། དེ་ནས་བོད་རབ་བྱུང་བཅུ་བདུན་པའི་ཤིང་མོ་ཕག་སྟེ་༡༩༩༥ལོར་དགུང་གྲངས་དྲུག་ཅུ་རེ་དགུར་སོན་པ་ྋསྤྱི་ནོར་གོང་ས་ྋསྐྱབས་མགོན་ཆེན་པོས་ཤར་པ་ཆོས་རྗེའི་མཚན་གནས་མངའ་གསོལ་ཏེ། གཞུང་གནས་དང༌། གདན་ས་གྲྭ་ཚང་བཅས་ནས་ཁྲི་གསོལ་རྟེན་འབྲེལ་ལེགས་པར་མཛད་དེ། ཞྭ་སེར་ཅོད་པན་འཆང་བའི་རིང་ལུགས་དྲི་མ་མེད་པར་འཛིན་བའི་རག་གྲོལ་འཕགས་ཚོགས་འདུས་པ་རྒྱ་མཚོའི་དབུས་སུ་ས་ལམ་གྱི་ཉམས་རྟོགས་ཕུན་སུམ་ཚོགས་ཏེ་མཁས་ཤིང་གྲུབ་པ་བསྙེས་པའི་བསྟན་འཛིན་གྱི་སྐྱེས་ཆེན་གསེར་རིའི་ཕྲེང་བ་ལྟ་བུའི་དབུས་སུ་ལྷུན་པོ་ལྟར་མངོན་པར་འཕགས་བཞིན་བཞུགས་པ་འདིའོ། །

མི་དབང་པཎིྜཏ་སངས་རྒྱས་རྒྱ་མཚོའི་བཻ་སེར་ལས། འཇམ་མགོན་ཆོས་ཀྱི་རྒྱལ་པོའི་གསེར་ཁྲིར་ཕེབས་པའི་རིམ་པ་འདི་དག་ས་ལམ་གྱི་འགྲོས་དང་ཡང་མཐུན་ཏེ། དང་པོར་རང་ཅག་རྣམས་ཀྱི་ཆོས་ཀྱི་སྡེར་རབ་ཏུ་བྱུང་བའི་སྒོར་ཞུགས་སློབ་གཉེར་བྱེད་འདོད་སྨོན་པ། སྒྲིགས་འགྲིམ་ཞིང་ཆོས་གྲྭ་ལ་ཞུགས་པ་རྣམས་འཇུག་པ་སེམས་བསྐྱེད། བསྡུས་ར་ཆུང་འབྲིང་ཆེ་གསུམ་བརྩི་བ་ཚོགས་ལམ། །གཞུང་ལ་སློབ་པ་སྦྱོར་ལམ། དཀའ་བཅུ་རབ་འབྱམས་ཀྱི་གྲྭ་སྐོར་ཚད་ལྡན་བྱས་པས་མཐོང་སྒོམ་གྱི་ལམ་དུ་ཞུགས་ནས་འཕགས་པའི་ཁོངས་སུ་གཏོགས་པ་རྒྱུད་སྟོད་སྨད་ཀྱི་འཆད་ཉན་དུ་འཁོད་ནས་རིམ་གྱིས་དགའ་ལྡན་གྱི་གསེར་ཁྲི་ཐོབ་ངེས་པ་ས་དང་པོ་དང་ས་བརྒྱད་པར་བྱང་ཆུབ་ཏུ་ལུང་བསྟན་པ་ཐོབ་ནས་དུས་སོགས་ངེས་པའི་སངས་རྒྱས་ཐོབ་པར་འགྱུར་བ། རྩེ་ཤར་དུ་འཁོད་པ་ས་བཅུ་པར་རྒྱལ་ཚབ་ཏུ་དབང་བསྐུུར་བ་ལྟ་བུ་དང༌། དགའ་ལྡན་དུ་འཇམ་མགོན་ཆོས་ཀྱི་རྒྱལ་པོའི་གསེར་ཁྲིར་འཁོད་ནས་ཆོས་སྟོན་པ་ནི། རྫོགས་པའི་སངས་རྒྱས་ཐོབ་ནས་ཆོས་ཀྱི་འཁོར་ལོ་བསྐོར་བ་དང༌། འདི་ལས་གཞན་པའི་བླ་མའི་ཐོབ་ཚུལ་ནི་ཉན་རང་དགྲ་བཅོམ་པའི་ཐོབ་རིམ་ལྟ་བུ་སྟེ་མདོར་ན་གསེར་ཁྲི་འདི་ཉིད་དུ་རྗེ་བཙུན་འཇམ་དཔལ་དབྱངས་ཀྱིས་རྗེས་སུ་བཟུང་བའི་འཕགས་པའི་གང་ཟག་གམ་དེ་དག་རྣམས་སུ་ལས་འབྲེལ་གྱི་སྨོན་ལམ་ཐེབས་པའི་རིགས་ལས་གང་ཟག་རང་རྒྱུད་པས་ནོན་པར་མི་འགྱུར་བར་གྲགས་སོ། ཞེས་ཀྱང་གསུངས་སྣང་ངོ༌། མཇུག་རྩོམ།

དེ་ལྟར་འཇམ་མགོན་ཆོས་ཀྱི་རྒྱལ་པོ་ཙོང་ཁ་པ་ཆེན་པོ་ནས་ཁྲི་རབས་བརྒྱ་དང་གཅིག་རྗེ་བཙུན་ལུང་རིགས་རྣམ་རྒྱལ་བར་དགའ་ལྡན་བསྟན་པའི་ཁྲི་འཛིན་གསེར་གྱི་ཕྲེང་བ་ལྟར་རིམ་པར་བརྒྱུད་པ་རྣམས་ཀྱི་གསང་བ་གསུམ་གྱི་མཛད་པ་དང་འཕྲིན་ལས་བཟང་པོའི་རྣམ་པར་ཐར་པ་རྨད་དུ་བྱུང་བ་རྣམས་རེ་རེ་བཞིན་བརྗོད་ཀྱིས་མི་ལང་ཞིང༌། དེ་དག་གི་རྣམ་པར་ཐར་པ་སྤྱི་སྡོམ་ཙམ་ཞིག་བརྗོད་ན། ཆུང་གཞོན་ནུ་ཉིད་ནས་རྒྱལ་བའི་བསྟན་པའི་སྒོར་ཞུགས་ཏེ་གཞུང་ལུགས་རབ་འབྱམས་སྨྲ་བའི་བཤེས་གཉེན་དུ་མའི་ཞབས་པད་གཙུག་ཏུ་བླངས། མདོ་སྔགས་གཞུང་ལུགས་རྒྱ་མཚོ་ལྟ་བུར་དང་པོར་རྒྱ་ཆེན་ཐོས་པ་མང་དུ་བཙལ་ཏེ་དཀའ་བ་ཁྱད་དུ་བསད། བར་དུ་གཞུང་ལུགས་ཐམས་ཅད་རིགས་པས་བཅད་བརྡར་གྱིས་གང་ཟག་གཅིག་འཚང་རྒྱ་བའི་གདམས་པར་ཤར། ཐ་མར་ཉིན་མཚན་ཀུན་ཏུ་ཉམས་སུ་བླངས་ཏེ་ཐུན་མོང་དང་ཐུན་མོང་མ་ཡིན་པའི་ཉམས་དང་རྟོགས་པའི་ཡོན་ཏན་བླ་ན་འཕེལ་ཏེ་རིམ་གཉིས་ཀྱི་རྣལ་འབྱོར་ལ་གོམས་པ་ཇི་ཙམ་མཐོན་པོར་བསྐྱེད་ཀྱང༌། ཕྱིར་ཉན་ཐོས་ཀྱི་སྤྱོད་པ་ཞི་ཞིང་དུལ་བས་སྐལ་ལྡན་དང་བ་འདྲེན་པའི་མིག་རྒྱན་དང་ནང་འབྱོར་ལྡན་བསོད་ནམས་གསོག་པའི་ཞིང་ས་མཆོག་གི་རྣམ་ཐར་གཙང་མ་བདག་གིར་མཛད་པ་མ་གཏོགས་སྐྱེས་མ་ཐག་ནས་དར་ཟབ་ཏུ་སྒྲིལ་ཏེ་ཁྲི་འདོན་བྱས་པ་དང༌། གང་ཡང་མ་བསླབས་ཅི་ཡང་མི་ཤེས་ཀྱང་ཤེས་པའི་ཟོལ་གྱིས་ཆོས་ཁྲི་མཐོན་པོའི་ཐོག་ནས་བཀའ་དབང་གནང་བ། ཐོས་པའི་རྩ་བ་མེད་བཞིན་དུ་ཉམས་རྟོགས་ཀྱི་འབྲས་བུ་ཐོལ་གྱིས་བརྡོལ་བའི་གྲུབ་ཐོབ་ཀྱི་ཟོལ་བཅས་པ། རིམ་གཉིས་ཀྱི་རྟོགས་པའི་གནས་ཚད་ལ་ཁ་གཡར་ཏེ་མགོ་ལ་དོ་ཀེར་བཅིངས་པ་དང༌། བྲང་ལ་རིག་མ་སྦྱར་བ་ལྟ་བུས་གཞར་ཡང་མ་གོས་པར། ལྷ་དང་བླ་མའི་ཞལ་གཟིགས་དང༌། བྱིན་རླབས་དང་དངོས་གྲུབ་ཀྱི་མཚན་མ་ཇི་ཙམ་བྱུང་བ་དེ་ཙམ་གྱིས་སྦེད་པ་དང༌། མངོན་པར་ཤེས་པ་དང་རྫུ་འཕྲུལ་ལ་སོགས་པ་གང་བྱུང་དུ་མི་སྤྱོད་ཅིང༌། གལ་ཏེ་དགོས་དབང་གིས་སྤྱོད་ནའང་ཤིན་ཏུ་གསང་བའི་སྒོ་ནས་གནང་བ་སོགས་ཐུན་མོང་གདུལ་བྱའི་སྣང་ཚུལ་གྱི་རྣམ་པར་ཐར་པ་ཁོ་ནའང་ཤིན་ཏུ་རྨད་དུ་བྱུང་པ་སྟེ། ཐུན་མོང་མ་ཡིན་པ་གསང་བ་བསམ་གྱིས་མི་ཁྱབ་པའི་རྣམ་པར་ཐར་པའི་ཚུལ་ཕྱོགས་བཅུའི་ཞིང་ཁམས་རབ་འབྱམས་རྒྱ་མཚོའི་དཀྱིལ་འཁོར་རྒྱ་མཚོ་སྤྲོ་སྡུད་ཀྱི་རྫུ་འཕྲུལ་དང༌། ཆོ་འཕྲུལ་བསམ་གྱིས་མི་ཁྱབ་པ་དག་ནི། འཇམ་དཔལ་དང་སྤྱན་རས་གཟིགས་ལྟ་བུ་ལས་ཉན་རང་དང་ཕལ་བའི་སྐྱེ་བོ་དག་གིས་བརྗོད་པའི་ཡུལ་ལས་འགོངས་པར་སེམས་སོ།། ཕྱི་རུ་ཉན་ཐོས་སྤྱོད་པའི་རྣམ་ཐར་གཙང༌།། ནང་དུ་ལྟ་སྒོམ་སྤྱོད་པའི་ཡོན་ཏན་གཙང༌།། ཕྱི་གཙང་ནང་གཙང་པདྨའི་སྦུབས་འདྲ་བའི།། དགའ་ལྡན་གསེར་ཁྲི་རིམ་བྱོན་འདི་དག་བསྔགས།། གསང་གསུམ་ཡོན་ཏན་རྒྱ་མཚོའི་གཏིང་ལས་ཟབ།། མཛད་པ་འཕྲིན་ལས་ཀུན་གསལ་མཐོངས་ལས་ཡངས།། ཐུབ་བསྟན་རྒྱལ་མཚན་སུམ་རྩེན་དབྱིངས་ན་སྒྲེངས།། ཞྭ་སེར་ཅོད་པན་འཆང་བའི་རྣམ་ཐར་གཙང༌།། ཞེས་ཀྱང་སྨྲས་སོ།།