User:Qcomplex5/Sandbox/GRCDeletionRebuttal

Regarding the proposal for the deletion of the Ancient Greek Incubator

In also presenting these arguments in Attic Greek, I seek to provide a practical affirmation of the language's continued vitality and to serve as evidence that a dedicated community of users with the requisite skills not only exists but is eager to foster, improve, and consistently work on this important project.

Πρὸς τὴν πρότασιν περὶ διαγραφῆς τῆς Θερμοκοιτίδος τῶν Ἀρχαίων Ἑλληνικῶν

Σφόδρα μὲν ἀνθίσταμαι τῇ γνώμῃ περὶ διαγραφῆς τῆς Θερμοκοιτίδος τῆς Ἀρχαίας Ἑλληνικῆς γλώσσης ἐν τῇ Βικιπαιδείᾳ. Ἡ γὰρ πρότασις τοῦ καταλῦσαι τοῦτο τὸ ἐγχείρημα, ὡς ἐμοὶ δοκεῖ, μέγα ἐστὶν ἁμάρτημα, προελθὸν ἐξ ἀγνοίας τῆς τε φύσεως τῆς Ἑλληνικῆς γλώσσης διὰ τῶν αἰώνων καὶ αὐτοῦ τοῦ τέλους τῆς Θερμοκοιτίδος τῆς Βικιπαιδείας.

Πρῶτον μὲν, ἵνα γνῶτε τίς εἰμι, διδάσκαλός εἰμι γλωσσολογίας, καὶ μάλιστα τῶν παλαιῶν καὶ ἱστορικῶν γλωσσῶν ἔμπειρος. Κἂν μὴ τῆς Ἀττικῆς ἢ τῆς Κοινῆς διαλέκτου ὁ ἐμὸς λόγος συχνότατα τρέπηται, ὅμως τήνδε τὴν γλῶσσαν εὖ ἐπίσταμαι, καὶ ἐν ταύτῃ τῇ Θερμοκοιτίδι καὶ αὐτὸς νῦν συνεισφέρω.

Τὰ δὲ ἐγκλήματα καθ’ αὐτῆς τῆς Θερμοκοιτίδος—τὰ σφάλματα ἐν γραμματικῇ, συντάξει, ὕφει—οὐκ ἄνευ λόγου λέγονται· ἔστι μὲν ταῦτα. Τὸ δὲ ταῦτα αἰτιᾶσθαι ὡς ἄξια διαγραφῆς, τοῦτ’ ἐστὶ τὸ νομίζειν τὰς ἐν τῇ αὐξήσει ἀπορίας εἶναι θανασίμους διαφθοράς. Αὐτὸς γὰρ ὁ σκοπὸς τῆς Θερμοκοιτίδος ἐστὶ τὸ παρέχειν τόπον ἐν ᾧ τὰ τοιαῦτα ἐγχειρήματα δύνανται τάττεσθαι, γράφεσθαι, δοκιμάζεσθαι, καὶ ἄξια ὄντα ἀποδείκνυσθαι, ὥσπερ οἱ ἐπίσημοι κανόνες δηλοῦσιν. Ἔστι γὰρ χώρος πρὸς τὸ ἐξευρίσκειν καὶ διορθοῦν τὰ ἁμαρτήματα κοινῇ συνεργίᾳ· ἡ λύσις οὖν οὐχὶ διαγραφή, ἀλλὰ συνεχὴς καὶ πρόθυμος ζήτησις ἑτέρων τὴν γλῶσσαν ἱκανῶς εἰδότων, ἣ ἤδη ἐνεργεῖται.

Τὸ δὲ μέγιστον· τὸ ἀπαιτεῖν ἀκρίβειαν γλωσσικὴν τελείαν ἀγνοεῖ τὴν κοινωνιογλωσσικὴν ἱστορίαν τῆς Ἀρχαίας Ἑλληνικῆς. Ἐπὶ πλεῖστον χρόνον, ἀπὸ τῶν Ἑλληνιστικῶν χρόνων διὰ τῆς Ῥωμαϊκῆς ἀρχῆς καὶ ἔτι πέρα, ἡ Κοινὴ Ἑλληνικὴ ἐλειτούργει ὡς κοινὴ διάλεκτος. Ἦν γλῶσσα διοικήσεως, φιλοσοφίας, θρησκείας καὶ ἐμπορίας μυρίοις ἀνθρώποις, ὧν ἑτέρα ἦν ἡ μητρικὴ φωνή· ὁ δὲ ἀριθμὸς τῶν ἑτερογλώσσων τοὺς αὐτοχθόνας πολλῷ ὑπερέβαινεν. Διὸ ἡ Ἑλληνικὴ δι’ αἰώνων ἀεὶ ἐτύγχανεν οὖσα ἐν καταστάσει δεχομένῃ ποικιλίαν καὶ χρῆσιν μὴ αὐτοχθόνων.

Τὸ οὖν ἀξιοῦν τὴν Θερμοκοιτίδα τηρεῖν κανόνα ὃς σπανίως ποτὲ ἐν ἀληθείᾳ ὑπῆρχεν παρὰ τὴν ἱστορίαν ἄτοπον ἐστίν. Ἡ γὰρ δυναμικὴ αὕτη—τὸ τὴν κοινὴν γλῶσσαν ὑπὸ μὴ αὐτοχθόνων συντηρεῖσθαι—κοινὸν καὶ ἀναγκαῖον τῶν σπουδαιοτάτων γλωσσῶν γνώρισμα ἐστιν.

Σκέψασθε τὴν Λατινικήν, ἥτις ἐπὶ πλέον ἢ χίλια ἔτη μετὰ τὴν πτῶσιν Ῥώμης μόνη γλῶσσα παιδείας, διπλωματίας καὶ ἐπιστήμης ἐν τῇ Εὐρώπῃ ἐχρημάτιζεν. Ὁμοίως ἡ Νεωτέρα Ὁμιλητικὴ Ἀραβικὴ, ὡς ἐπίσημος γλῶσσα τοῦ Ἀραβικοῦ κόσμου, χρῆται ὀλίγοις οὖσιν ἀληθῶς αὐτοχθόσιν.

Ὁ αὐτὸς δὲ τρόπος καὶ ἐπὶ τῶν νεωτέρων παγκοσμίων γλωσσῶν θεωρεῖται. Ἡ Γαλλικὴ τὸ κύρος ἐκ τῆς ἐν Ἀφρικῇ ζωτικῆς χρήσεως κομίζεται· ἡ Ἀγγλικὴ σχεδὸν τριπλασίους ἑτερογλώσσους ἔχει ἢ αὐτοχθόνους—πλείω ἢ χίλια ἑκατομμύρια πρὸς τριακόσια ὀγδοήκοντα—καὶ αὐτὴ ἡ Ἀγγλικὴ Βικιπαιδεία τοῦτο μαρτυρεῖ· ὡσαύτως ἡ Σουαχιλικὴ πλειόνων ἑτερογλώσσων ἢ αὐτοχθόνων ἐστίν.

Ὥστε τὸ λέγειν ὅτι ἡ Θερμοκοιτίς κινδυνεύει, διότι μὴ αὐτόχθονες συνεισφέροντες ἀνάγκῃ σφάλλονται, κανόνα ἐπικίνδυνον καθίστησιν. Πᾶσα γὰρ ἑτερόγλωσσος δημιουργία παρεκκλίσεις περιέχει· ἡ δὲ διαγραφή ἀδίκως ἀφαιροῖτ’ ἂν τῆς Βικιπαιδείας μίαν ζῶσαν διανοητικὴν κοινότητα.

Τὸ διαγράφειν τὴν Θερμοκοιτίδα οὕτως βλαβερὸν καὶ ἄλογον ἂν εἴη. Ἡ ὀρθή πρᾶξις ἐστὶν οὐ διάλυσις ἀλλὰ πρόθυμος δημιουργικὴ βοήθεια· τρέπεσθε οὖν τὰς σπουδὰς εἰς βελτιώσεις, παρέχετε τὴν ἰδίαν ἐμπειρίαν, καὶ προσελκύετε φιλόπονον πλῆθος εἰδικῶν, ἵνα τὴν γλῶσσαν ταύτην τελέως εἰσαγάγωμεν εἰς τὸ οἰκοσύστημα τῆς Βικιπαιδείας, μὴ καταλύοντες τὸν πόνον πρὶν ἂν καιρὸν λάβῃ ἀναπτύξεως καὶ τελειώσεως.

χάριν ὑμῖν οἶδα ὅτι τούτοις τὸν νοῦν προσεῖχετε.

James