Template:Wp/avk/Xadola/Nelkaf betakseem/02/2020

From Wikimedia Incubator
Jump to navigation Jump to search

Tula, kelu ke Tolteca sane

Zabduyuna az vilayana gan lorik

Tula kelu ke Tolteca gindaxo lente Mexico jumtak koe ref Hidalgo galdolk tigir. Minaf ref grupes sok nover da roruyet da Tula tir debak ke Tollan vundafa widava ( Xo dem edgarda kan Azteca ava ), i xo torigino gu diolaca gan Azteca saneik, lize berma tiyid kum aka. Nuve, Motecuhzoma Xocoyotzin Azteca gindik folkiyir volambik ke Tolteca gazik.

Rawopafa joxara razdad da Tula moni 900-e RGJ bak radimpulukugal zo zabduyur ise va vegeduropafa gundaca dum Teotihuacán atoeyer. Tula gan gelbesik to rotir zo vegeduyur, i gan gelbesik otceyes il Teotihuacán ba inafa teyvilara bak 750.

Gijafa leon dam Teotihuacán, Tula soe tir woeckesa widavapa stujeyesa va gindaxo ruldaso vas jontiko radimpulukugalafo Maya xo, tulon vas Chichén Itzá.

Tela lozolonafa cugexa ke Tula yoltkiron gu B relida zo gruper. Bata relidadopewa pu Quetzalcoatl ( Bruxakirafe Perake ) zo tarizayar. Inafe levedre tid yunkeyene gu fetinte kaatoese va djuprodilfus tukrunol isu yaxol ik kiiz vumbes va takra, i gu leca muxasa va gejanorlik ke Tolteca sane. Dye kabdue relida, omafa rebava dem moeon balumaks kaatoes va Quetzalcoatl ton Lorik va Suka tigir.

Tula
Rawopaf debak
Atlantes gulik tice B relida
DEBALA
Patecta Mexika   Flag of Mexico.svg     
Galdolk Hidalgo
Maneka OOjs UI icon mapPin-progressive.svg 20° 03′ L-, 99° 21′ T-
Welma 1 / 14 km²
KIRA
Araya Tolteca
P Parthenon 2.svg  Tuveli icde Izvopa  P Parthenon 2.svg
Zovdom va Tula