Talk:Wt/shi/Amkkirks

Ism n umskar

Azul a @FaskaUba, Ha nn "Amkkirks" iga ism n umskar, U Tunart ula nttan ɣ warra dari illan yara "الإفك والأفّاك". Ɣ tannayt inu, anamk wis sin ad iṣḥan, slawant akkʷ --Aguzul (talk) 12:00, 29 April 2025 (UTC)

Azul a @Aguzul, ɣ tunɣilt dari illan ibdr tt is tsnumk "الإفك" macc tkka jju tmslat nna ixf inw, ad iyi yujjan ad tt rnuɣ s unamk ad d tguriwin darnɣ llanin mqqar ar d ttackant s tlɣa n yism n umskar ar ttussmrisnt ula s yinumak yaḍnin. Tamaḍunt (tad ittaḍnn; aṭṭan s yixf nnsn) Anamul (wad immalan, tumla s unamk n "التهمة") ... Daɣ iwiɣ f uskkir da nssmras ɣ tclḥit tatrart ad t igan d "skark" nna mu rad ig yism n umskar nns "amskarks"(nɣ d kra t irwas).

Faggandi, acku ttuɣ ur ak nn rurɣ ɣ umḍikiṛ lli yaḍnin, aggʷ inn tasna nna ɣ bdrɣ Tuskra hati bdrɣ gis aɣbalu ittyaran ɣ tettubdar tguri(bla akk awal nnɣ akuyas). Iɣ trit tidt; ur dari kra n usrag nit izzgin fad ad ssmrasɣ tiguriwin ann ɣ yida n tid skrn wayt IRCAM nɣ d wiyyaḍ, aɣar ukan tid ssmrasɣ "snumknt" dari uggʷar n tiyyaḍ d ur tnt sɣʷiɣ i yan xlaṣ. FaskaUba (talk) 15:54, 29 April 2025 (UTC)

Man tunɣilt aynna? tada dari illan nkk (MS.88.B) illa gis "الإفك والأفّاك".

Maxx ur yad darnɣ yism n tigawt "tikrkas"? Ur nniɣ is nsɣawsa s wayyaḍ, slawant akkʷ iɣ rad niḍfuṛ affruɣ iffɣn i umata n tsnalɣa n tmaziɣt (swa taclḥiyt ula tiyyaḍ). "Amskirks" tlla ɣ Tclḥiyt aggʷ nn ɣid macc ha nn ur nsɣawsa s ad niḍfuṛ afrruɣ (zun d "tamaḍunt"), nsmata t uggar, nɣ d uhu?

Ur jjun d nkk ad isllan i "tuskra", irwas is situn tẓli ɣ Ayt Baɛmṛan... txṣṣa aɣ kra n tɣarast igan tanawayt ad sis nttmaṛkay man tantala a'ɣ illa unamk n tguri nna itturnan ɣ wikimawal, rad ẓrɣ is ufiɣ ad rnuɣ kra n ilbuḍn i mayad...

Amukris ɣ mayad ɣil-a, rad tzri tizi, kud nna d ggutn wida ttxdamnin f maya, rad irin ad daɣ urrin s irmawn nna igan imaddudn, ixṣṣi tn ad kullu daɣ snfaln tasna s tasna... --Aguzul (talk) 13:13, 30 April 2025 (UTC)