Talk:Wp/avk/Wikipedia:Weslara va emudexo

From Wikimedia Incubator
Jump to navigation Jump to search

Undera va warzafo emudexo[edit]

@Angelalux, @Catskill Painter, @Chabi, @ClaudiaVisentini, @Katxis, @Nevatovol, @Riimsth, @Seramikya, @StevenJ81, @Zveri ke Abitibi

Va kottan kiavá.

Vonera va abdumimaks abdufickir ( ixam < 1500 teliz isu jontik dugaf ), numen roguzekat da arti abic aksat gan Langcom ke Wikimedia zo naletet. Trakú da va epura va loon keskotafo is jekuso emudexo gonundet. Va ugal ta batcoba dadit ise va weslara rotaskit. Oye uum vas opeluca is kastara va ckanefa wavduca, va manu bu ixam co tigisu dene ara WP xadola vode di malgrupet. Va winyona boyara co djuseotá ise co djuflidé.

Voxen taneon, gu gejopa va cek va sint godotrakut. Sedme jin :

  • Kotava tir dodama numen va gijarsafa coba gomeklokat iku meguzekat ;
  • mukot vas 3000 teliz arti ilana cwe nutir becaf ise co tir otacka ta tuenara gan Langcom ;
  • mukot vas 20 000 teliz arti 3 ik 5 tanda cwe nutir geltrevaf ;
  • kotavafa xadola meviele titir kulafa ik aludevafa lion dam xadolapa, ise va konak decemoy tegis webesik me daditir, numen sedme jin :
    • va avafa duga ke cekeem lasugogolat ;
    • gu ind grupecken gan kottan va int di gonavplekut, kare stinuca is gruperanya ;
    • va 5 ik 10 indany dem geltraf teliz metis opelaf kalkotavaks male ara WP xadola, vode di vonet ;
    • bu anton tisu savera va enkopaca ( bro dat "teliz" va megrupena wida dem antaf "infobox" givak inde dene jontik abdumimaks ke "avama" ok ara vegeduyuna ava ( NOV, IE, IA ) rowit, i bu tid dulapiskafu ;
    • mukot ke xadola kan vegeduyuna ava dum Kotava gotir firvira pu kotavusikeem va avaf rob is dugaf krent, melarumiltason va xadolapa ( EN, FR, DE ikz- );
    • va celesaf cek lasugogolat, i va mealokon gonusken cek, kire ta mancoba tit dik ;
    • acum va abic tamef vox kobavensen ind moekote godulapet, i ind anton sulen dene yona xadolapa, batkane noveson da kotavusik va tanuskafa giva rokosmatad ;
    • ede kotavafa xadola di tir sposafa gu duga is tanuskuca icde toloy ok baroy indap, pune mancoba en co tir kiewafa.

To. Va kota batcoba manton flidet !! Kotavon ede rotison, oke francavon ok aravon ede coba tir lodrikafa.

--Axel xadolik (talk) 12:26, 21 February 2019 (UTC)


1 : Je dois vous avertir: il n'y a aucune garantie que LangCom va accepter ce projet. Quelques membres du comité sont hostiles au sujet de conlangs. Certainement: faites tout qu'Axel a écrit ici. Mais bien que le project soit merveilleux, il n'y a aucune garantie —car c'est une conlang. StevenJ81 (talk) 14:21, 21 February 2019 (UTC)
@StevenJ81 J'ai regardé les critères demandés par le staff de Wikimedia pour accepter un projet. Je pense que nous les respectons... bien plus que beaucoup d'autres wikipedias déjà acceptés. Il suffit juste que les juges regardent objectivement le travail réalisé et la qualité globale. Mais soyons confiants. --Nevatovol (talk) 09:27, 22 February 2019 (UTC)

2 : Va bazereem is rieta ta skura va xadolanha stragá. Zolone tir askira. Adraf ugal tir toleodaf. Kottode, kobara ixam skuyuna tir cuisafa. Dakit ! Catskill Painter (talk) 17:07, 21 February 2019 (UTC)

3 : Va Axel kiavá.
Norlafa rinafa rosoana siba ta dulzera !
Va rinafa malyedara is karolareem jadion dotrakú. Dum rin, duga va tokoda cwe gonabdivodar numen aulon gonabdufit, tison valeaf gu famafa webera va amuzera va grupera, is danedison da Kotava tir ageltafa ava romuxasa va kotcoba. Ke lozolonaf uumeem, to uum vas aalkoruca ke abdumimaks is indeem tir. Re lokulaf ind tid kan vansaraja mal emudexo ise abiceke zo pluud.
Jinon, koe aryona Wikipedia xadola, va lanyono emudexo albanyá :
Edeme, to va bata telizinda ( wina koe WP:EO ) a bet xadolaf dulap vol albá : eo:Michele_Merkin
Va rin gu kotcoba grewapá. A+ --Nevatovol (talk) 09:24, 22 February 2019 (UTC)


4 : Kiavá.
Va Axel dere dotrakú. Jinon, va suterotaf ind nelkon paké ise wan askití.
Zolone tir to duga. Voxen ede kotbata kobarapa zo sulatar, mantode vode re djukugrupé kiren zegoara is ugal tid tciamaca. Vaon djumedrasú.
Va emudexo ke balgariafa xadola ( bg:Начална_страница ) albanyá. Seramikya (talk) 16:24, 25 February 2019 (UTC)

5 : Kiavá.
Va jin rozinulal, viele va abic ugal dadí... trabe goxe abicviele. Jinafo stinaxo tickir sulemopa is apton zveriopa.
Gruon wan paket !! Ta inkera va lokiewafa walaxa isu emudexo, va win dirnú. Zveri ke Abitibi (talk) 20:43, 25 February 2019 (UTC)

6 : Sielkiavá.
Va Axel koton dotrakú. Pokolé da gorasik ke Wikipedia va bata eravanya me elekatad. Batcoba titir volmalyapafa. ClaudiaVisentini (talk) 21:26, 2 March 2019 (UTC).

Dragera va warzafo emudexo[edit]

@Angelalux, @Catskill Painter, @Chabi, @ClaudiaVisentini, @Katxis, @Nevatovol, @Riimsth, @Seramikya, @StevenJ81, @Zveri ke Abitibi

Va kottan kiavá.

Remi yon daref viel va abdumimaks va warzafo emudexo ta minafa kotavafa xadola noon kobaveyé.

Va eestiavafo WP emudexo ( banliz : et:Esileht ) malgrupemeyé nume va koncoba co rotisa User:Axel_xadolik/Emudexo2 tcedé.

Batcoba tir jadifa rieta, isen va uka ik lanyon cek ikz- robetat. Voxen welidá da va seotan daneks albanyá, i va milbava ke krenteem is ewaveem, is va dalaf rudeeem is yoni direkefi tuveli, is dere va kotorafa listinda.

Va winyona boyara icdeon co jugemé, isen me klabuc da di malyopac oke va co adrafa lanyona betara iku loplekura di tiavec.

Ba bat mirdig ke vonera va abdumimaks, olegat da va giva keskoton ditoz dret ise va jadifa atoera ditoz tutantazukat ise va pomasa wimna mu warzaf webesik ditoz dulapet.

Icde gokabduneditin teliz is yona ewava moe emudexo, trakú da aksateafa nuskera co tir lokiewafa kiblara. Voxen mek vieleaxa mei tecmana fintarinda, i volrotis ravaldaks en tis dulapiskaf tove dodama.

To, va winyona boyara isu malyopara ké.

--Axel xadolik (talk) 21:36, 3 March 2019 (UTC)


1 : * Tres bon travail! Je crois qu'il est bien fait et qu'il organise l'information d'une facon facile a comprendre. --Chabi (talk) 09:50, 4 March 2019 (UTC)

2 : Kiavá.
Va kobarapa al skuyul. Va jadif grustaks albanyá. Wí da va pak icde "tuveli" al doplekul, dem ixam gluyaxa va tuveli icde Arotieva is Nuyeva jinon bokayani ( vox ixam tis remgudaks is pakapaf ). Opelon cwe, vexala dem tuvelieem rinon bazena zo gotulokiewatar ise, moekote, gu tikis teliz darpeon zo gosinkatar. Grewá. --Nevatovol (talk) 15:48, 4 March 2019 (UTC)

3 : Kiavá va kottan. It's all right for me. Grewanya. --Catskill Painter (talk) 08:45, 5 March 2019 (UTC)

4 : Va kottan kiavá ise gu inafa donafa kobarapa va Axel grewapá.
Va kotcoba vamoeon kaliyina loote dotrakú. Dugafa kobara tir benelafa numen metan romoakleter. Luxe rinaf drageks ta warzafo emudexo, muon brudá. Pintama darpeon zo maeted. Angelalux (talk) 15:06, 5 March 2019 (UTC)

5 : Arse ! Va meka culimera rotaskina ! Kotunafa ! Seramikya (talk) 16:12, 6 March 2019 (UTC)

6 : Gu winyona karolaranya grewá. Ede metan banvieli di tsuner, pune va batu bu wetce emudexo ke xadola pastatá ba bareaviel 12-e ke bareaksat. Va kottan gu inafa zegara isu webereem grewá.
Merci pour vos appréciations positives. Si personne ne s'y oppose d'ici là, je basculerai cette page comme page d'accueil de l'encyclopédie : mardi 12 mars. Merci à vous tous pour votre implication et vos contributions. --Axel xadolik (talk) 16:40, 7 March 2019 (UTC)

7 : Va Axel is kottel kiavanyá. Molto bene per me. Grazie mile! ClaudiaVisentini (talk) 10:56, 8 March 2019 (UTC)

Warzafu bu vas emudexo inkeyenu[edit]

@Angelalux, @Catskill Painter, @Chabi, @ClaudiaVisentini, @Katxis, @Nevatovol, @Riimsth, @Seramikya, @StevenJ81, @Zveri ke Abitibi

Va warzafu bu vas emudexo va kotavafa xadola su inké. Va kottan grewá.

(fr) Je viens d'installer la page d'acceuil de l'encyclopédie Kotava sur la nouvelle page. Merci à tous.

--Axel xadolik (talk) 08:07, 12 March 2019 (UTC)

Merci pour ton travail --Chabi (talk) 08:56, 12 March 2019 (UTC)
Dere grewá. Emudexo tir listafo is jekuso. Anye ! --Nevatovol (talk) 11:00, 12 March 2019 (UTC)
Kotunafa ! Va kobavera dakit !! Zveri ke Abitibi (talk) 13:41, 14 March 2019 (UTC)
Kiewafa. Abdumimaks abdufickir. ClaudiaVisentini (talk) 07:22, 16 March 2019 (UTC)
Va Axel grewá. Kas va telizeem icde suteroteem lokiewon co rogrustat ? Seramikya (talk) 17:25, 17 March 2019 (UTC)
Va Axel grewapá. Voxen ta vansara va abdiizvaf teliz ? Angela