Wp/sjd/Антонова, Александра Андреевна

From Wikimedia Incubator
< Wp‎ | sjd
Revision as of 17:31, 22 February 2017 by 129.242.115.152 (talk)
(diff) ← Older revision | Latest revision (diff) | Newer revision → (diff)

Wp > sjd > Антонова, Александра Андреевна
Jump to: navigation, search
Са̄нндрэ Антонова

Антонова Са̄нндрэ Вуэннҍтре нӣййт (*5.5.1932) (рӯшас Александра Андреевна Антонова) — са̄мь кырьйхэй, ёарркэй, са̄мь кӣл те̄дтидтӭй нызан я о̄ххпэй Луявьрэсьт. Кырьехьт Са̄мь букварь (1982), паррнэ гуэйкэ стиха кырьй Пӣрас (2004) я со̄нн ёаркса лӣ моаййнас Вӣллькэсь пуаз я пугк ко̄ллм кырьй Тарья Кукесьсуххк баяс кӣлт са̄мь кӣлле.

Биографья[edit]

Ше̄ннтма лӣ 1932 ыгь кыдтма̄н выдант пе̄йв. Со̄нн шэнтэ пуазнэгкь пӣррсэсьт Баренц ме̄р рынтэсьт, Мурман е̄мне Тырьбeрь са̄ткэсьт Куэллнэгк нёаркэсьт. Сӣн шӯрр пӣрас лӣ чӣллк са̄мь пӣрас. Са̄нндрэ ро̄дҍхель че̄д агесь лыххькенҍ пуазныннъенҍ Тырьбeрь ча̄рэсьт. Сӣнэнҍ ля̄йй шӯрр пӣрас. Са̄нндрэсьт лӣ алльк я кӯххт а̄ххкэв.

1949 ыгесьт Са̄нндрэ мэ̄нэ о̄ххпнуввэ Ленинград Таввял О̄ллмэе институдта. 1956 ыгесьт маӈӈа институт мэ̄ннмэнҍ вӯлкха ля̄й Луяввра рӯшш кӣл я литература вуэпьсеенҍ. 1976 ыгесьт Луявьресьт школа-интернат оа̄лкхэш классэнҍ оа̄лкэхьт выгкэ са̄мь кӣл.

Тӯй[edit]

1978-1993 ыгенҍ Са̄нндрэ те̄вьтэхьт алфавихьт са̄мь кырьй гуэйкэ я кырьехьт авьтмусс кӣлт са̄мь кӣл букварь оа̄лкхэж классэтҍ гуэйкэ. Букварь ля̄йй луэшштма 1982 ыгесьт. 1985 - Са̄мь-рӯшш соа̄гкнэг кырьйхей. Са̄нндрэ пые кӣлт са̄мь кӣлле кырьй Ӣисус - паррнэ ка̄ннҍц, ку выйтэ олкес 1996 ыгесьт. Карашё̄гэсьт Таввял кыррьй издателъствасьт ныдтшэ 1996 ыгесьт выйтэ Аскольд Бажанов кырьй Вӣллькэсь пуаз. Са̄нддрэ Антонова лӣ пыййма тэнн кырьй рӯшш кӣлэсьт кӣлт са̄мь кӣлле. 2003 ыгкь выйтэ моа̄ййнас "Ка̄йе ла̄йххь", 2004 ыгкь - стиха кыррьй "Кутҍк кэ̄бп" я "Пӣрас" па̄ррнэ гуэйке. 2007 ыгкь выйтэ А. Антонова стиха кыррьй рӯшас "Кӯтҍк сӯн" я со̄нн ныдтҍ шэ пые са̄мас Матрехин Эвван стихатҍ. 2008 ыгкь выйтэ Есенин стихатҍ са̄мас, кӣлтсамь кӣлле пыйенҍ Са̄нндрэ Антонова я Софья Якимович. Адтҍ вӯррьтэпь Евангеле Ма̄ххьтвэсьт кырьй выййтмуж. 2014 ы. кыдтманэстьт выйтэ со̄н ёарркмушш рӯшш кӣлэсьт кӣлт са̄мь кӣлле Astrid Lindgren ко̄ллм кырьй: "Та̄рьенч Кукесьсуххк", "Та̄рьенч копчнадт воа̄ррэ" я "Та̄рьенч Руэньсэсь ланӭсьт".

1993-2004 Са̄нндрэ Луявьрэсьт лыгкэ выгкъенҍ са̄мас са̄ррнмуж документацья я радива мӣлльтэ.

Источники[edit]

  • Са̄нндрэ Антонова. Пӣрас: стӣха кыррьй паррнэ гуэйкэ = Sandra Antonova. Bearaš: mánáid diktagirji. 2004. — Карашёгк = Kárášjohka.
  • Антонова, А. А. я С. Е. Якимович пыянт. "Сергей Есенин са̄мас стиха". Мурман кырьй луэштант 2008.