Wp/tdd/ᥟᥦᥙᥳ ᥞᥤᥳ ᥑᥫᥰ

ᥟᥦᥙᥳ ᥞᥤᥳ ᥑᥫᥰᥘᥭᥳ ᥙᥥᥢ ᥘᥪᥛ ᥘᥤᥢ ᥟᥢ ᥕᥬᥱ ᥔᥥᥴ ᥙᥫᥢ ᥗᥨᥢᥲ ᥔᥩᥒᥴ ᥘᥢᥳ ᥕᥝᥳ. ᥛᥢᥰ ᥛᥤᥰ ᥘᥦᥢ ᥐᥣᥒᥲ ᥖᥣᥱ 11,707,000 ᥘᥩᥐᥴ ᥘᥐᥴ ( 30,309,252 ᥘᥩᥐᥴ ᥘᥐᥴ ᥐᥤᥱ ᥘᥨᥝᥱ ᥛᥤᥱ ᥖᥫᥱ). ᥘᥛᥳ ᥑᥥᥰ ᥘᥣᥭᥰ ᥟᥢ ᥛᥤᥰ ᥖᥤ ᥟᥦᥙᥳ ᥞᥤᥳ ᥑᥫᥰ ᥘᥭᥳ ᥙᥥᥢ ᥘᥛᥳ ᥑᥥᥰ ᥟᥢ ᥕᥣᥝᥰ ᥔᥥᥴ ᥙᥫᥢ ᥖᥤ ᥔᥧᥖᥴ ᥘᥬᥰ ᥘᥧᥛᥲ ᥜᥣᥳ ᥘᥭᥳ ᥕᥝᥳ. ᥙᥣᥱ ᥞᥣᥖᥱ ᥔᥣᥭᥰ ᥘᥨᥒᥴ ᥟᥢ ᥕᥬᥱ ᥐᥣᥒᥲ ᥖᥤ ᥔᥧᥖᥴ ᥘᥬᥰ ᥘᥧᥛᥲ ᥜᥣᥳ ᥘᥭᥳ ᥟᥢ ᥙᥥᥢ ᥔᥣ ᥞᥣᥰ ᥞᥣᥰ ᥘᥢᥳ ᥐᥩᥲ ᥛᥤᥰ ᥖᥤ ᥟᥦᥙᥳ ᥞᥤᥳ ᥑᥫᥰ ᥘᥭᥳ ᥘᥒᥱ ᥐᥝᥱ ᥕᥝᥳ.

ᥟᥦᥙᥳ ᥞᥤᥳ ᥑᥫᥰ ᥘᥭᥲ ᥞᥩᥒᥳ ᥝᥣ ᥙᥥᥢ ᥘᥪᥛ ᥘᥤᥢ ᥐᥨᥢᥰ ᥘᥛ ᥑᥝᥴ ᥘᥭᥴ ᥕᥝᥳ. ᥛᥫ ᥙᥤ 1800 ᥓᥫᥰ ᥘᥢᥳ ᥐᥨᥢᥰ ᥕᥧᥰ ᥞᥨᥙᥳ ᥑᥝᥴ ᥓᥒᥱ ᥖᥥᥱ ᥜᥣᥭᥱ ᥞᥢᥴ ᥛᥣᥰ. ᥛᥫᥒᥰ ᥟᥦᥙᥳ ᥞᥤᥳ ᥑᥫᥰ ᥐᥛᥲ ᥘᥛᥴ ᥘᥛᥴ ᥐᥭᥳ ᥕᥣᥛᥲ ᥙᥥᥢ ᥛᥣᥰ ᥛᥫᥒᥰ ᥞᥣᥭᥰ ᥖᥤ ᥑᥫᥰ ᥕᥧᥰ ᥞᥨᥙᥳ ᥘᥣᥭᥴ ᥘᥣᥭᥴ ᥛᥫᥒᥰ ᥑᥝᥴ ᥖᥨᥝᥱ ᥙᥩᥰ ᥗᥪᥒᥴ 1950 ᥓᥫᥰ ᥘᥭᥳ ᥐᥩᥢᥱ ᥘᥬ ᥕᥝᥳ. ᥝᥢᥰ ᥛᥫ ᥘᥭᥳ ᥖᥥᥳ ᥓᥪᥒ ᥛᥫᥒᥰ ᥟᥦᥙᥳ ᥞᥤᥳ ᥑᥫᥰ ᥟᥢ ᥘᥩᥖ ᥘᥦᥝᥰ ᥔᥝᥰ ᥑᥨᥝᥴ ᥐᥩᥲ ᥛᥤᥰ ᥛᥣᥰ ᥖᥒᥰ ᥘᥛᥴ ᥘᥣᥭᥴ ᥖᥥᥳ ᥕᥧᥱ ᥕᥝᥳ.

ᥟᥦᥙᥳ ᥞᥤᥳ ᥑᥫᥰ ᥘᥭᥳ ᥛᥤᥰ ᥜᥤᥒᥲ ᥜᥣᥳ ᥟᥢ ᥟᥛᥱ ᥛᥫᥢᥴ ᥐᥢ ᥘᥣᥭᥴ ᥘᥣᥭᥴ ᥛᥥᥝᥰ, ᥟᥥᥐᥱ ᥛᥥᥝᥰ ᥔᥦᥢᥰ ᥘᥤᥢ ᥘᥣᥭᥴ ᥛᥥᥝᥰ ᥖᥥᥳ ᥖᥥᥳ. ᥙᥣᥱ ᥞᥣᥖᥱ ᥔᥣᥭᥰ ᥘᥨᥒᥴ ᥑᥝᥴ ᥔᥛᥳ ᥞᥦᥒᥲ ᥔᥥᥴ ᥙᥥᥢ ᥛᥧᥢ ᥔᥣᥭᥰ ᥕᥝᥳ. ᥛᥣᥴ ᥘᥤᥢ ᥘᥦᥲ ᥙᥣᥒ ᥖᥣᥭᥰ ᥟᥩᥢᥱ ᥑᥝᥴ ᥕᥧᥱ ᥖᥤ ᥘᥢᥳ, ᥖᥤ ᥟᥦᥙᥳ ᥞᥤᥳ ᥑᥫᥰ ᥙᥩᥖᥴ ᥝᥨᥒ ᥐᥣᥒ ᥔᥛᥳ ᥛᥤᥰ ᥙᥣᥱ ᥗᥫᥢᥱ ᥔᥖᥳ ᥘᥣᥴ ᥘᥨᥒᥴ ᥔᥥᥴ ᥛᥭᥲ ᥐᥩᥲ ᥛᥭᥲ ᥜᥨᥢᥴ ᥐᥩᥲ ᥘᥛᥴ. ᥘᥤᥒᥰ, ᥠᥦᥛᥰ ᥙᥦᥢᥰ ᥔᥤᥰ ᥑᥝᥴ ᥖᥒᥰ ᥛᥤᥰ ᥐᥨᥢᥰ ᥘᥨᥒᥴ ᥐᥨᥝᥰ ᥞᥤᥳ ᥘᥬᥰ ᥔᥛᥱ ᥑᥝᥴ ᥕᥧᥱ ᥖᥤ ᥘᥢᥳ ᥕᥝᥳ. ᥖᥨᥝ ᥔᥖᥴ ᥟᥦᥙᥳ ᥞᥤᥳ ᥑᥫᥰ ᥟᥢ ᥘᥣᥐᥱ ᥘᥣᥭᥰ (ᥟᥛᥱ ᥔᥧᥱ ᥘᥭᥲ ᥞᥢᥴ ᥑᥝᥴ)ᥖᥒᥰ ᥘᥛᥴ ᥘᥣᥭᥴ ᥑᥝᥴ ᥔᥛᥳ ᥕᥧᥱ ᥖᥤ ᥘᥦᥢ ᥐᥣᥒᥱ ᥙᥣᥱ ᥘᥫᥒᥰ ᥘᥨᥒᥴ ᥘᥣᥒᥴ ᥟᥢ ᥞᥩᥒᥳ ᥝᥣ ᥘᥤᥢ ᥙᥣᥒᥱ ᥙᥣᥱ ᥕᥫᥲ ᥑᥝᥴ ᥘᥢᥳ ᥘᥬ ᥕᥝᥳ. ᥖᥨᥝ ᥘᥬᥰ ᥑᥝᥴ ᥛᥣᥒ ᥓᥫᥰ ᥔᥛᥳ ᥙᥥᥢ ᥘᥒᥱ ᥐᥣᥒ ᥓᥭᥰ, ᥛᥣᥳ ᥘᥣᥭᥰ, ᥕᥤᥰ ᥘᥣᥭᥰ ᥑᥨᥝᥰ ᥕᥣᥝᥰ, ᥑᥣᥒᥱ ᥔᥤᥲ, ᥓᥣᥒᥳ ᥖᥒᥰ ᥓᥨᥒ ᥘᥨᥒᥴ ᥑᥝᥴ ᥓᥫᥰ ᥘᥭᥳ ᥕᥝᥳ. ᥛᥫᥒᥰ ᥟᥦᥙᥳ ᥞᥤᥳ ᥑᥫᥰ ᥘᥭᥳ ᥘᥦᥢ ᥞᥫᥢᥰ ᥖᥤ ᥕᥧᥱ ᥖᥣᥱ ᥖᥨᥝ ᥘᥨᥐᥳ ᥛᥣᥳ, ᥘᥦᥢᥰ ᥘᥛᥳ, ᥒᥧᥰ ᥞᥝᥱ ᥐᥣᥐᥱ ᥖᥒᥰ ᥘᥫᥛᥴ ᥘᥣᥲ ᥘᥦᥛ ᥑᥝᥴ ᥐᥩᥲ ᥓᥬ ᥕᥝᥳ. ᥐᥨᥢᥰ ᥗᥩᥒᥳ ᥗᥥᥝᥳ ᥖᥣᥱ ᥗᥭᥱ ᥞᥣᥒ ᥙᥣᥱ ᥗᥫᥢᥱ ᥑᥝᥴ ᥘᥭᥳ ᥟᥩᥢ ᥐᥢ ᥛᥣᥰ ᥗᥪᥒᥴ ᥟᥦᥙᥳ ᥘᥤᥳ ᥑᥫᥰ ᥙᥩᥖᥴ ᥐᥣᥒ ᥘᥦᥲ ᥙᥩᥖᥴ ᥓᥣᥢᥰ ᥖᥣᥱ ᥘᥭᥲ ᥖᥨᥭᥰ ᥞᥢᥴ ᥜᥤᥒᥲ ᥙᥫᥒ ᥖᥨᥝ ᥞᥢᥴ ᥜᥤᥒᥲ ᥙᥫᥒ ᥖᥨᥝ ᥓᥬ ᥙᥣᥱ ᥘᥫᥒᥰ ᥑᥝᥴ ᥕᥝᥳ.

ᥘᥦᥢ ᥛᥧᥒ ᥔᥣᥱ ᥟᥦᥙᥳ ᥘᥤᥰ ᥑᥫᥰ ᥘᥭᥳ ᥔᥛᥳ ᥘᥤ ᥟᥣᥛᥰ ᥝᥭᥳ. ᥓᥤᥐᥴ ᥘᥩᥭ ᥘᥨᥒᥴ ᥘᥩᥭ ᥐᥤᥰ ᥛᥤᥰ ᥛᥣᥢᥰ ᥓᥣᥰ ᥞᥨᥝᥰ ᥟᥢ ᥛᥤᥰ ᥖᥤ ᥖᥣᥢᥰ ᥔᥣᥢᥰ ᥢᥤᥰ ᥕᥣᥰ ᥘᥭᥳ ᥙᥥᥢ ᥟᥢ ᥘᥣᥐᥱ ᥘᥣᥭᥰ ᥗᥣᥒᥱ ᥓᥦᥒ ᥘᥨᥒᥴ ᥘᥣᥒᥴ ᥟᥢ ᥘᥫᥒ ᥕᥝᥳ. ᥛᥢᥰ ᥙᥥᥢ ᥟᥩᥒᥲ ᥖᥤ ᥟᥢ ᥔᥧᥒᥴ ᥔᥥᥴ ᥙᥫᥢ ᥖᥤ ᥔᥧᥖᥴ ᥖᥤ ᥟᥦᥙ ᥞᥤᥳ ᥑᥫᥰ ᥕᥝᥳ. ᥛᥤᥰ ᥖᥣᥒᥰ ᥔᥧᥒᥴ 19,350 ᥗᥖᥴ(5895 ᥛᥤᥱ ᥖᥫᥱ)ᥕᥝᥳ.