Wb/nia/Huhuo Sebua: Femaoso Yesu Molohe Fa'ohahau Dödö

Femaoso Yesu Molohe Fa'ohahau Dödö

Inötö wamoröfa Yesu no numalö, hiza ira nifahaö so khöra nasa wa'ata'u ba niha Yahudi. Ata'u ira na la'alu-alui ba lagohi ira nasa. Gasa-gasa da'ö, tohare duria moroi khö Maria, Fetero, ba nifahaö ni'omasi'ö Yesu wa löhadöi Yesu bakha ba lewatö-Nia. Nomaoso Yesu. Hiza'i turia wemaoso Yesu andre lö aoha ba wanema'ö ya'ia, töra-töra ndra nifaha'ö si so ba wa'ata'u. Inönö nasa lö hadöi tandra ni'ila hörö mo'amakhaita ba wemaoso Yesu andrö. Börö da'ö, orodu ba zi sambua nahia tobali lala khöra ba wanga'aro'ö dödöra zamösana ira; lala wangeheta fa'ata'u, ba mangalui söndra ba ngawalö zinofu dödöra mo'amakhaita ba ngawalö zalua khö Yesu.

Gasa-gasa wa'owulora ba nahia sino lahaogö fokusi ena'ö tebai labokai niha, ba zilö la tötöna ba tohare Yesu ba gotaluara ba i'owai ira, "Ya'ohahau dödömi!" Aefa fa'ö, I'oroma'ö danga-Nia ba ngai-Nia si no mesokho khöra, sitobali tandra wa sindruhu Ya'ia zi so ba gotaluara.

Fa'atohare Yesu ba gotaluara, he wa'ae no lakusi mbawandruhö, lö ikhamö tödö ba era-era ndra nifahahaö. Tekoa ira sabölö-bölö. Hiza, he wa'ae tokea, atötö'u dödöra ba fe'aso Yesu andrö molohe famalali khö ndra nifahaö. Na mege fatua lö si tohare Yesu so khöra wa'ata'u, fa'abu dödö, fangiwa ba fa'aombö dödö, iada'e meno tohare Yesu ba alua khöra wa'omusö dödö. Tewu'a ira moroi ba wa'ata'u, abu dödö, mangiwa dödö tobali omuso dödö. Fa'omuso dödöra te'aro'ö ia ba halöwö fe'amöi enoni nibe'e Yesu khörra, "Simana Ama ifatenge ndra'o, semanö göi iada'a ufatenge ami."

Tika Hulu (talk) 04:01, 4 May 2024 (UTC)

Fabaliŵa lala

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö