Wp/xmf/ავსტრია

From Wikimedia Incubator

ავსტრია (გერმანულო: Österreich) რე ცენტრალურ ევროპაშ ქიანა. თიშ ნანანოღა რე ვენა. ოფიციალურ ნინა ავსტრიას რე გერმანულ. ავსტრია რე ევროკავშირიშ ართ-ართ მაკათურ. ქიანას ოხორანს 8,150,000 კოჩ. ავსტრიას უხურგანს რუო ქიანა: გემანია, ჩეხეთ, სლოვაკეთ, უნგრეთ, სლოვენია, იტალია, შვეიცარია დო ლიხტენშტაინ. ქიანაშ თავარ მაალწყარ რე დუნაი.

ქიანაშ სახელ

• ოფიციალურ (მარგალურო) -- ავსტრიაშ ფედერაციულ რესპუბლიკა.
• გერმანულო -- Republik Österreich.

ისტორია

ავსტრიაშ დო უნგრეთიშ ტერიტორიას XIX ოშწანურას არსებენდ ავსტია-უნგრეთიშ იმპერიაქ. 1918 წანაშუკულ არსეენს ავსტრიაშ რესპუბლიკაქ. ასე ავსტრია, მუჭოთ გერმანია, ფედერაციულ რესპუბლიკა რე დო თის რე ჩხორო დიხა. თე დიხეფქ რენა (მუშ დიდაშ ქალაქეფით):

• ვენა (ვენა)
• ბურგენლანდ (აიზენშტატ)
• ზალცბურგ (ზალცბურგ)
• ზემო ავსტრია (ლინც)
• კარინთია (კლაგენფურტ)
• ტიროლ (ინსბრუკ)
• ფორარლბერგ (ბრეგენც)
• ქვემო ავსტრია (სანკტ პიოლტენ)
• შტირია (გრაც)