Wp/vmf/Minchn
Minchn, amtlich München (bairisch: Minga, daitsch: München) is däi Landeshabdschdadd vom Freischdood Bayan. Minchn is miid mehr wäi 1,3 Milliona Eiwohner (davo is a Väddl Asländer) däi grässde Schdadd vo Bayan un noch Berlin un Hamburch die driddgrässde Schdadd vo der Bundesrebubligg Daitschland.
Minchn is a greisfreie Schdadd und a der Verwalldungssids vom Landgreis Minchn, der wo um Minchn herum lichd un vom Landradsamd, vom Bezirrg Oberbayan un vom Regierungbezirrg Oberbayan. Minchn is a es Zendrum vo der Blanungsregion Minchn, in der wo mehr wäi 2,7 Milliona Menschn leem denna un vo der eurobäischen Medrobolregion Minchn miid zirrga 5,6 Milliona Eiwohner. Nach wäddschafdliche Gsichdsbungde zillt ma Minchn zu die Welldschdädde.
Minchn is 1255 bayrischer Herrzochsids worrn, ab 1328 wors kaiserliche Residensschdadd un seid 1506 allaniche Haabdschdadd vo Bayan. Minchn is der Sids vo ville nadionale un indernadionale Behöddn un vo wichdiche Houchscholln, Museen un Deoder. Durch däi villn schäiner Bauden, indernadionale Schboddveransdaldunga, Messn un Gongresse un es Ogdoberfesd zäichd Minchn an Haffn Durisden o. Minchn is anne vo die Schdädde in Daidschalnd, däi wou wäddschafdlich am erfolgreichsden sin un am schnellsden waxn denna un is Sids vo zohlreiche Gonzärne un Versicherunga. Däi Schdadd is nach Frangfodd des zwadwichdigste Finanzzendrum vo Daidschland un a anner vo die bedeidnsdn Finanzblädze welldweid.
Im Nedz[edit | edit source]
