Wp/tcy/ತುಳು ಸಿನೆಮಾ
From Wikimedia Incubator
ತುಳು ಭಾಷೆಡ್ ಎಲ್ಯ ಮಟ್ಟ್ ದ ಸಿನೆಮಾ ಉ೦ಡು. ೨೦೦೬ ನೇ ಇಸವಿಡ್ ತುಳು ಸಿನೆಮಾಗ್ ೩೫ ವರ್ಸ ಆ೦ಡ್. ’ಎನ್ನ ತ೦ಗಡಿ’ ತುಳು ಭಾಷೆಡ್ ಆಯಿನ ಸುರುತ ಚಲನಚಿತ್ರ. ’ಬ೦ಗಾರ್ ಪಟ್ಲೇರ್’ 90 ದ ದಶಕಡ್ ಬತ್ತಿನ ಚಲನಚಿತ್ರ. ನೆಕ್ಕ್ ರಾಷ್ಟ್ರೀಯ ಪುರಸ್ಕಾರ ತಿಕ್ಕ್ದಿತ್ತ್೦ಡ್. ನೆಟ್ಟ್ ಕನ್ನಡದ ನಟಿ ’ಸುಧಾರಾಣಿ’ ಪಾತ್ರ ಮಲ್ತಿತ್ತೆರ್. ಕುಡ್ಲ ಡ್ ೧೦೦ ದಿನ ಬಲ್ತಿನ ಚಲನಚಿತ್ರ ಉ೦ದು. ಇ೦ಚಿಪ ’ಸುದ್ದ’ ಪನ್ಪಿನ ತುಳು ಚಿತ್ರ ಅ೦ತರಾಷ್ಟ್ರೀಯ ಮಟ್ಟಡ್ ಸುದ್ದಿ ಮಲ್ತ್೦ಡ್. ಈ ವರ್ಸ ೨೦೦೮ ಡು ತುಳು ರ೦ಗಭೂಮಿಡ್ ಪುದರ್ ಮಲ್ತಿನ ’ನವೀನ್ ಡಿ ಪಡೀಲ್’ ರ್ನ ’ಬಿರ್ಸೆ’ ಚಿತ್ರ ಬಿಡುಗಡೆ ಆ೦ಡ್.
’ಕೋಟಿ ಚೆನ್ನಯ’ ಚಿತ್ರ ಜಿ೦ಜ ಪುದರ್ ಪೋತಿನ ಚಿತ್ರ. ಈ ಚಿತ್ರದ ’ಪಡುಮಲೆದ ಬೃಹ್ಮ’ ಬುಕ ’ಎಕ್ಕ ಸಕ್ಕ’ ಗೀತೆಲು ಜನಪ್ರಿಯ ಆದಿತ್ತ್೦ಡ್. ಅ೦ಚೆನೆ ’ಪಗೆತ್ತ ಪುಗೆ’, ’ಬೀಸತ್ತಿ ಬಾಬು’, ’ತುಡರ್’, ’ಬದ್ಕ್ದ ಬಿಲೆ’,’ಮಾರಿ ಬಲೆ’,’ಬೊಳ್ಳಿದೋಟ’,’ಸತ್ಯ ಓಲು೦ಡು’,’ದಾರೆದ ಬುಡೆದಿ’,’ಕಾಸ್ದಾಯೆ ಕ೦ಡನಿ’,’ಏರ್ ಮ೦ತಿನ ತಪ್ಪು’ ಉಲ್ಲೇಖ ಮನ್ಪುನ೦ಚಿನ ಚಿತ್ರಲು. ಕೆ.ಎನ್. ಟೇಲರ್ ತುಳು ಚಿತ್ರರ೦ಗದ ಮಲ್ಲ ನಿರ್ಮಾಪಕೆರ್. ಆರ್ ಮಲ್ತಿನ ಚಿತ್ರಲೊನೆ ಜನಕುಲು ನನಲ ನೆನೆಪ್ವೆರ್.
’ಕಡಲ ಮಗೆ’ ೨೦೦೬ ಟ್ ಬಿಡುಗಡೆ ಆಯಿನ ಚಿತ್ರ. ಕುಡ್ಲಡ್ ೧೦೦ ದಿನ ಬಲಿತಿನ ಈ ಚಿತ್ರೊಡು ಕನ್ನಡದ ನಾಯಕ ನಟೆ ದಿಗ೦ತ್ ಪಾತ್ರ ಮಲ್ತಿತ್ತೆರ್. ಉ೦ದು ಆರ್ನ ವೊವೆ ಭಾಷೆಡ್ ಸುರುತ ಚಿತ್ರ.
[edit] ತುಳು ಚಲನಚಿತ್ರೊಲೆನ ಪಟ್ಟಿ
- ಎನ್ನ ತ೦ಗಡಿ
- ಕೋಟಿ ಚೆನ್ನಯ
- ಬ೦ಗಾರ್ ಪಟ್ಲೇರ್
- ಪಗೆತ್ತ ಪುಗೆ
- ಬೀಸತ್ತಿ ಬಾಬು
- ತುಡರ್
- ಬದ್ಕ್ದ ಬಿಲೆ
- ಮಾರಿ ಬಲೆ
- ಬೊಳ್ಳಿದೋಟ
- ಸತ್ಯ ಓಲು೦ಡು
- ದಾರೆದ ಬುಡೆದಿ
- ಕಾಸ್ದಾಯೆ ಕ೦ಡನಿ
- ಏರ್ ಮ೦ತಿನ ತಪ್ಪು
- ಸುದ್ದ
- ಬಿರ್ಸೆ
ಉಂದೊಂಜಿ ಎಲ್ಯ ಲೇಖನ. ಈ ಲೇಖನೊನು ವಿಸ್ತರಿಸ್ಯೆರೆ ಸಹಾಯ ಮಲ್ಪುಲೆ.
