Wp/sty/Цым пайрам

From Wikimedia Incubator
< Wp‎ | sty
(Redirected from Wp/sty/Цым-пайрам)
Wp > sty > Цым пайрам
Цым пайрам
Ҡабул ителеү урыны Көнцығыш Татарстан
Сифат Себер татарларның пайрамы
Дата Пос ҡарау пөтөшөнтә пашланаты

Цым пайрам — Нәсел пашлыҡ исләү көн.

Үткәреү цаҡ: Цәүсә ай.

Цым пайрам — Нәсел пашлыҡ исләү көн. Үткәреү цаҡ: Цәүсә ай. Цым пайрам — себер татарларның порнаңҡы пайрамы. Цилемнең пөтөшөнтә пашланаты, цым ҡороғанта. Таң ирттәтән ауылның тораҡцылары сыйаратҡа паратылар. Ҡәберләрне тасартатылар та цатрыҡларны төсәтәтеләр. Мулла пелән пергә нәсел пашлыҡларға йетенце тубыҡҡаца ҡатымлы тыуаларны уғыйтылар. Перенце күптә түгел үлгән туғаннарға тыуаны уғыйтылар. Алттан пыйасның ҡабығына пуйалған йомортҡаларны әсерләйтеләр. Аларны әпкиләтеләр ҡалтата (атай күләцек). Йомортҡаларны ашап ҡуйатылар, та ҡабығын ҡәберләр өстөтән цацатылар. Йарым ауылларта үлгәннәрнең урыннары өстөтән көлләр цацҡан, атай пағаннарны ултысҡаннар. Аннансуң өйләртә ҡатым үткәрәтеләр. Милли ашамлыҡлар (пиш-пармаҡ, пауырсаҡ, туғац, муйыл пәрәк, иләк пәрәк, пәрәмец, пәлец тә ш.п.) та төрлө татлы ашлар әсерләйтеләр. Туғаннарны цайға цағыратылар, танышларны, мулланы йә тыуаларны пелетәгенке кешене. Палларға лампасый та пуйалған йомортҡаларны өләшәтеләр. Йомортҡаларны йолаларта ошланыу, тонйата кән ҡалыҡларта оцорашаты. Йомортҡа йаңа өмөрнөң тә тонйаның символы пулып исәпләнәте.

Үлгән нәсел пашлыҡларның исемләрен әйткәнтә, әйтәтеләр:
Йатҡан йере йарыҡ пулсын,
Оцмаҡ ишеге ацыҡ пулсын.

Цым пөтмәгәнцә йарамайты йерне сөргәле, ағацларны кисә пашлағалы.