Wp/skr/سرائیکی اکھاݨ
From Wikimedia Incubator
سرائیکی زبان دا سن٘ڑھپ اکھاݨاں ءچ ہِ==سرائیکی اکھاݨ== کاڄ(شادی) وہاݨاں(گُذرا) تےجان٘ڄیاں دا مُنہہ کُماݨاں کاریگر کُوں ݙُو بلائیں، پیٹوں بُـکھا،نِت قرضائیں کاوذ(کاغذ) دی ٻـیڑی، اَڄ ٻُݙی کے کل کالے نال بگا ٻَدھو، رنگ نہ وٹائے تاں خصلت بدلے کان٘واں دا ناں بد، سُن٘ڄ کریندے ڳیرے کاݨے کُوں مُنہہ تے کاݨا نئیں اَکِھیندا کُٻے آلی لَت لَڳی ہِس کُتا وی ڄِتھاں ٻہندے، پُوچھل وتا کے ٻَہندے کُتے تُوں نہ ݙر، اُوندی کُتائی تُوں ݙر کَچی لکِڑ سوکھی مُڑدی اے کاٹھ دی ٻِلی اتے کوݨ کرے میاوٗں کِراڑی دا ناں غُلام فاطمہ کَس نال چَس اے کُسنگ نال یاری تے سنگ نال وَیر کَکھ دی وی چوری تے لکھ دی وی چوری کَندھاں کُوں وی کَن ہوندِن کَلھا دم، ݙُکھ نہ غم یا دمّی دم ݙُکھ نہ غم کماوے کلھا تے کھاوے گلا کندھی تے ٻرُوٹا، اَڄ ڳیا کے کل کملا ڳالھ کرے، سیاݨا اِکاس(قیاس) کرے
کھا بُھسری تے کھا نِسری کھاسی ناں تاں کماسی کیا کھادا تاں رَڄ کے سُتا تاں مُن٘ہہ کَڄ کے کھاندا وی ہِے تے بھونکدا وی ہِے کھاݨا مَن پسند، باݨا جگ پسند کھاوݨ پِیوݨ کُوں چنڳی بَھلی کَم کرݨ کُوں مَنجی مَلی کھاوے گَلّا،مَرِیجے کلھا کُھٹی دا کُئی دارُو نئیں کھجی(خجی) تے چَڑھے ݙُو نظردن کَھلا پِـیر اے وِڳڑیاں تِڳڑیاں دا کھوتی لَمبردار دی، دُشمں جُن٘وار دی کھوٹے پیسے وی کَم آندِن کُھوہ دی مِٹی کُھوہ اِچ کُھوہ تَسے کولھ نئیں آندا کُھوہ چُوں نِکھتی، کھاݙے ءِ پئی کِھـیر کھنڈ پی، وَݙا پیا تھی
ساݙا لان٘جا مُکدا ویندے 1 اَساں کے تائیں رَت ورتاں خُوشبو ویڑھیاں وِچ دفناؤں اَساں کے تائیں اپݨیاں نِـسریاں نَسلاں مَس لَہندی والے ڳَبھرُو آزادی دے ہوکے ݙیندیاں بابل ڄائیاں پُھلیں دی ݙِکھ ݙیندیاں بھیݨیں تیݙے در بلِیدان کروں، قُربان کروں ساݙا لان٘جا مُکدا ویندے 2 اَساں کے تائیں اپݨی جِیجل ما کُوں کُوڑ تَرسّلے ݙیووں اَساں کے تائیں تیݙی پَت دی خاطـر کہیں قاتِل ہَتھ دی بَـیعَت دا اِقرار کَروں اِتبار کَروں ساݙا لان٘جا مُکدا ویندے 3 اَساں اپݨا ساہ بچاوݨ سانگے سِـر سُودھا پِـیو دے پَٹکے دا ٻَہہ وَݨج کَروں ما دی شال تے بھیݨ دی چادر اُچھل بُھکاؤں ہُݨ تاں اپݨی بھیݨ کُوں ڳولݨ سانگے مِٹی کُوں کُھنڈریندے ٻـیٹھوں اَساں کے تائیں ساہ دا تھورا چاؤں اَوترے ساہ وِچ لاتھا کیا ھِ بے مُرادے ساہیں وِچ اَساں کے تائیں جِـیسوں کے تائیں ساݙیاں جِھک نِوائیاں، کُوڑ کَمائیاں ساکُوں بے مُل کِیتی رَہسِن ساݙا لان٘جا مُکدا ویندے 4 اَساں کے تائیں کُوفے بانگاں ݙیووں کیا تَسبـیح پَڑھوں اَساں کے تائیں ٻُوڑی مَسنَد دے کَھڑ در درسال چُموں کے تائیں ہَن٘جُھوں ہارُوں ساݙا لان٘جا مُکدا ویندے
