Wp/ppl/Kuskatan (El Salvador)

From Wikimedia Incubator
Wp > ppl > Kuskatan (El Salvador)
< Wp‎ | ppl
Jump to: navigation, search
Ne Wikipediaj Tik Nawat

Achtu Iswat
pal Wikipediaj

Tepalewilis
Tajtaiwan
Chinamit

Kuskatan
El Salvador
Flag of El Salvador.svg Coats of arms of El Salvador.svg
Banderaj Escudoj
Himnoj Takwikalis Tutal
El Salvador (orthographic projection).svg
Chanejket 6,134,000[1]
Keski tal kipia 21,041 km²
Weytechan San Salvador
Tatuktiani Mauricio Funes
Tajtaketzalis Castilla (oficial), Nawat, Lenka (tea aka tanutza) wan Kakawira (tea aka tanutza)
Tumin dolar Americanoj, colon
Horaj UTC -6:00 (Central)
Ne tepet ipal Ijtzalku.

Kuskatan ne estadoj mas chikitik ipal ne Shiktal. Kwajtemalan, Honduras wan ne weyat itukay Nejmachat kiyawaluat. Ikman, tik ne tajtal ne ashan muilwiat Kuskatan nemituyat ne tejtechan Pipil, Lenka, Kakawira wan sejseuk. Ne Españolujmet pejket ajsit tik ne shiwit 1524, musunket iwan ne Pipilmet wan inaket ka yaja ipal España. Tik 1821, muchi ne Shiktal tea nakak ipal España, wan tik 1842 nesik ne estadoj mukwajpilua ipal "El Salvador", ne muilwia tik Nawat Kuskatan. Ikman kwak teuk ajsitiwit ne Españolujmet, Kuskatan katka itukay se wey tal ipal ne Pipilmet. Ashan ne chanejket ipal Kuskatan nemit mas que seis millones. Ne weytechan itukay San Salvador. Ne tumin ipal Kuskatan, hasta 2001 katka ne colon wan ashan yaja ne dolar Americanoj. Ina ne tajtuli ka ne taketzalis oficial ipal Kuskatan ne Castilla. Ne tatuktiani ipal Kuskatan itukay Mauricio Funes.

Kuskatan kipia 14 taltakutun (dejdepartamentoj) wan 262 chikitik taltakutun (mujmunicipioj). Ne itukay ne weytechan San Salvador (sejse kinutza Kuskatan nusan), wan sejseuk wey techan Santa Ana, San Miguel, Suyapanku, Santa Tecla (Pulamil), and Kuskatan Pal Ikman (Antiguo Cuzcatlan).

Se guerraj ishtunki 12 shiwit tamik ne 16 enero 1992, kwak ne kalpuli wan ne guerrillaj inaket ka tea yawit musumat, wan ka yawi nemi nechmachnemilis (Acuerdos de Paz) nujme ne tal.

Kanka witz ne palabraj:[edit]

Kuskatan o Kuskatan (ne tal ipal ne Pipilmet pal ikman) < kusti o kuskat 'se tay yektzin taiwan tikyawaluat ne tukechkuyu' + -tan. Tik Castilla mukwepki Cuzcatlán.

Tik ini mapaj muita tik shushuknaj ne tajtaltakutun ipal ne Kuskatan ipal ashan ne ikman nemituyat ijtik ne Kuskatan palikman kan nemituyat ne Pipilmet wan taketzat katka Nawat. Ka ajkuikpa nemituyat ne Ch'orti, se techan Maya. Ka taneshkan ne Kuskatan palikman ajsi katka hasta ne apan Lempa. Sentapal ne apan Lempa nemituya ne techan Lenka.
Se mapaj ipal ne estadoj ipal Kuskatan.

Sejseuk pal tikita tik ne Wikipediaj Tik Nawat[edit]

References[edit]

Sejse ilpika tik ne Internet[edit]