Wp/pnb/کوسوو

کوسوو
چنڈا	نشان
راجکعر:	پرشتینا
رقبہ:	10,908 km²
لوک گنتی:	2,100,000

کوسوو یورپ دا اک نواں دیس اے ، جسنوں 17 فروری 2008ج مکمل آزادی لبھی ۔ اس توں پہلاں ایہہ 10 سال تک نیم خودمختار ملک دے طور تے رہیا ۔ ایہہ یورپ دا تیجا مسلم اکثریتی دیس اے ۔ کوسوو پہلے سربیا دا حصہ سی تے استوں وی پہلے ایہہ یوگوسلاویہ چ سربیا دے صوبے دے طور تے شامل سی ۔ اس دی آبادی دی 90 فیصد اکثریت البانوی نسل دے مسلماناں تے مشتمل اے تے سرب 10 فیصد توں وی گھٹ نیں ۔

[edit] جغرافیہ

کوسوو دیاں سرحداں سربیا ، مونٹی نیگرو ، مقدونیہ تے البانیا نال لگدیاں نیں تے آبادی 20 لکھ توں ودھ ے جنہاں چ زیادہ تر البانوی نیں تے ترک ، سرب ، بوسنیا تے رومانیہ دے لوک وی رہندے نیں ۔ کوسوو دا راجگھر پرسٹینا اے تے ایہہ دیس دا سب توں وڈا شہر تے سیاسی تے تعلیمی مرکز وی اے ۔ کوسوو دا کھیتر ول ( رقبہ) 10880 مربع کلومیٹر اے

[edit] آزادی

سنہ 1991ء چ یوگوسلاویہ دے خانہ جنکی دے بعد ٹٹن نال جتھے دوجیاں 6 ریاستاں آزاد ہوئیاں ، اوتھے کوسوو نے وی آزادی دی منگ کیتی ، پر سربیا اسنوں آزادی دین لئی تیار نئیں سی تے سربیا دیاں فوجاں نے مسلماناں نوں دبان لئی اینہاں دا قتل عام شروع کردتا ۔ ایسے دوران کوسوو لبریشن آرمی ( کے ایل اے ) ساہمنے آئی تے اس نے ابراہیم روگووا دی آگوائی چ سرب فوجاں دا ڈٹ کے مقابلہ کیتا تے اسنوں کوسوو دا کنٹرول چھڈن تے مجبور کر دتا ۔ اس دے بعد امریکا نے نیٹو دے زریعے اس علاقے چ مداخلت کیتی تے روس ولوں سربیا دی مدد دے درعمل چ اس نے کوسوو دے مساماناں دی مدد کیتی تے 1998ء چ اسنوں اقوام متحدہ دی نگرانی ہیٹھ دے دتا تے اینج ایہہیورپ دے نیم خودمختار علاقےآن چ شامل ہوگئیا تے عملی طور تے سربیا دی حکومت نا ہون دے برابر رہ گئی ۔ اقوام متحدہ دا مشن حکومت مقامی نمائندےآں دی مدد نال چلاندا رہیا تے اس دے نال نال دفاعی معاملات نیٹو دی نگرانی ہیٹھ کوسوو فورسز دے ذمے رہیا ۔ 2008ء چ 10 ورہے اقوام متحدہ دی زیر نگرانی رہن دے بعد ، روس تے سربیا دی مخالفت دے باوجود ، امریکا نے کوسوو نوں اک آزاد دیس تسلیم کر لئیا تے اپنے اتحادیاں نوں وی کوسوو دی آزادی نوں تسلیم کرن تے زور دتا ۔ ہن تک 60 توں ودھ دیس اس دی آزادی نوں تسلیم کر چکے نیں ۔ کوسوو دے موجودہ صدر فاطمیر سجدوی تے وزیر اعظم ہاشم تھاچی نیں ۔