Wp/pnb/چرچل

سر ونسٹن چرچل (1879ء - 1965ء) برطانوی سیاستدان لارڈ رنڈولف چرچل دا وڈا پتر سی ۔ اس نے ہیرو تے سنڈھرسٹ توں تعلیم حاصل کیتی ۔ ہندستان چ شمال مغربی سرحد تے جنوبی افریقہ چ سپاہی تے اخباری نمائندہ رہیا ۔ جنگ بوئر چ گرفتار ہوئیا پر بچ نکلیا ۔ 1901ء چ پہلی راری پارلیمنٹ دا رکن منتخب ہوئیا تے مختلف عہدیاں تے فائز رہیا جنہاں چ وزیر داخلا(1910ء-1911ء9 تے وزیر خزانہ(1924ء-1929ء) وی شامل نیں ۔

درہ دانیال مہم چ ناکامی دے بعد سیاست توں کنارہ کرگئیا ۔

[edit] سیاست چ دوبارہ آنا

سنہ 1936ء توں 1938 وزیر اعظم چیمبرلین دی ہٹلر نوں خوش کرن دی پالیسی دی شدید مخالفت کیتی جس دی وجہ توں دوبارہ سیاست چ آئیا ۔ دوجی جنگ عظیم شروع ہون دے بعد ناظم امارات بحری دی حثیت نال کابینہ چ شامل ہوئیا تے مئی 1940ء چ وزیر اعظم منتخب ہوئیا ۔ جنگ عظیم دے بعد لیبر پارٹی برسراقتدار آئی تے قائد حزب اختلاف بنیا ۔ اس دوران سویت یونین تے مغربی اتحادیاں دے وچکار غلط فہمیاں تے رنجشاں پیدا کروائیاں تے سویت یونین لئی "آہنی پردہ" دی اصطلاح وی اس دی ایجاد اے ۔ اکتوبر1951ء دیاں چوناں چ قدامت پسند پارٹی نوں دوبارہ منظم کیتا تے اینہاں انتخابات چ قدامت پسند پارٹی دی جت ہوئی تے ایہہ دوبارہ وزیر اعظم بنیا تے 1955ء چ بڑھپے دی وجہ توں ریٹائرڈ ہوگئیا ۔ " وی" یعنی وکٹری دا نشان وی چرچل دی دین اے ۔

[edit] نام روپ

چرچل اعلی درجے دا مدبر پر انتہائی قدامت پسند سیاست دان سی ۔ دوجی جنگ عظیم چ اسدی مدبرانہ سوچ نے اہم کردار ادا کیتا ۔ بہت سارے لوکاں دا خیال اے جے چرچل نا ہندا تے شاید اج جگ دی تریخ کجھ ہور ہندی ۔ دوجی جنگ عظیم دے بعد اسنے مغربی طاقتاں نوں سویت یونین نوں ختم کرن تے اکسائیا ، پر امریکی صدر روز ویلٹ نے ، عالمی رائے عامہ دے خوف توں ، اسدی سختی نال مخالفت کیتی ۔ چرچل آخری دم تک برطانوی نوآببادیاں دی آزادی دی مخالفت کردا رہیا ۔ اسنوں مصوری نال خاص لگاؤ سی تے ایہہ کئی کتاباں دا مصنف سی ، جنہاں چ "دوجی جنگ عظیم دی تریخ" 2 جلداں ج شائع ہوچکی اے ۔

[edit] نوبل انعام

چرچل نوں 1953ء چ امن دا نوبل انعام دتا گئیا( پتہ نئیں اسنوں امن دا انعام اسدیاں جہڑیاں امن لئی کوششاں تے دتا گئیا ، حالانکہ ایہہ شخص سویت یونین نوں ختم کرن لئی مغربی طاقتاں نوں اکسا رہیا سی جس نال دنیا نوں اک نویں جنگ عظیم دا ساہمنا کرنا پئے سکدا سی )۔

[edit] سوچ

چرچل اک انتہائی متعصب شخص سی ۔ ایہہ فلسطینی قوم نوں اپنے ملک توں بے دخل کرن تے امریکا دے مقامی باشندیاں (ریڈ انڈیں) تے آسٹریلیا دے مقامی باشندیاں دے قتل عام تے اینہاں دی اپنے علاقیاں توں بے دخلی دا حامی سی ۔ اس دے مطابق گور ذہین لوکاں نوں ایہہ حق حاصل اے کہ اوہ اینہاں جاہلاں دیاں زمیناں تے قبضہ کرن ۔