Wp/pnb/پیرس

پیرس

2,167,994	لوک
فرانس	دیس
86.9 مربع کلومیٹر	رقبہ

پیرس شمالی وسطی فرانس چ دریاۓ سین دے اک شہر اے تے ایہہ فرانس دا راجگھر وی اے ۔

[edit] شہر پیرس

پیرس جسنوں فرانسیسی چ لکھیا "پاری" تے پڑھیا "پاغی" جاندا اے ۔ 2004ء دی مردم شماری دے مطابق اس دی آبادی 21 لکھ 444 ہزار 700 اے ۔ جدوں کہ شہر دے مضافاتی علاقے ملا کے کل آبادی 99 لکھ 3 ہزار اے ۔ ایہہ یورپ دے گنجاں آباد ترین شہراں چوں اک اے ۔

پیرس فرانس دیاں اقتصادی سرگرمیاں دا مرکز اے ۔ ایتھے فرانس دے علاوہ دنیا دے کئی وڈے کاروباری اداریاں دے دفتر وی موجود نیں ۔ پیرس عالمی ثقافتی ،کاروباری ، تے سیاسی مرکز تے عالمی فیشن تے آرٹس دے مرکز دی حثیت وی رکھدا اے ۔ شہر چ یونیسکو ، او ای سی ڈی ، تے پیرس کلب دے دفاتر قائم نیں ۔ شہر دی سب توں مشہور عمارت 324 میٹر اچا "ایفل ٹاور "اے جہڑا دریاۓ سین دے کنارے کھڑا اے ۔ پیرس نوں 19ویں صدی توں ای روشنیاں دا شہر آکھیا جاندا اے ، جدوں کہ دنیا بھر توں سب توں زیادہ سیاح وی ایتھے ای آندے نیں ، جنہاں دی تعداد 3 کروڑ سالانہ اے ۔

[edit] راجگھر

پیرس ملک دا دارالحکومت اے اس لئی ملک دے دوہاں اعلی ترین عہدےداراں صدر تے وزیراعظم دیاں رہائش گاہاں وی ایتھے نیں ۔ فرانسیسی پالیمنٹ دے دونے ایوان سینٹ تے قومی اسمبلی دریاۓ سین دی کھبے کنرے تے قائم نیں ۔ فرانس دیاں اعلی تریں عدالتاں وی ایتھے قائم نیں ۔

[edit] ذرائع نقل و حمل

عالمی تجارتی تے سیاحتی مرکز ہون دی وجہ توں پیرس دا ٹرانسپورٹ دا نظام وی دنیا دے چند بہترین نظاماں چوں اک اے تے اسنوں ہور جدید بنائیا جارہیا اے ۔ پیرس دو ہوائی اڈیاں ، تیز رفتار ریل نیٹ ورک تے سڑکاں دے جال دے زریعے دنیا بھر نال جڑیا ہوئیا اے ۔

[edit] تعلیم

پیرس تعلیم دے لحاظ نال وی نمایاں مقام رکھدا اے ، جتھے شہبہ تعلیم دے نال 3 لکھ 30 ہزار افراد وابستہ نیں ۔ جنہاں چوں اک لکھ 70 ہزار اساتذہ تے پروفیسر نیں جہڑے کہ 9 ہزار بنیادی ، ثانوی تے اعلی تعلیم دے سکولاں تے اداریاں چ تقریبا 29 لکھ طالب علماں نوں پڑھاندے نیں ۔ سال 5- 2004چ 3 لکھ 59 ہزار 749 طلباء نے پیرس دیاں 17 سرکاری جامعات چ داخلہ لئیا ، جہڑا کہ یورپ چ سب توں زیادہ اے ۔

[edit] فن وثقافت

پیرس دا لوور عجائب گھر دنیا دا سب توں وڈا تے مشہور ترین عجائب گھر اے ۔ جس چ مونالیزا تے وینس ڈی میلو دے مجسمے سمیت فن دے بہترین نمونے موجود نیں ۔

[edit] کھیڈ

[edit] جڑواں شہر

فرانس دے شہر

پیرس · شٹراسبرگ · مارسیلز · اورلینز · بورڈیکس ·

یورپی دیساں دے دارالحکومت

 · برلن · لندن · پیرس · ڈبلن · ایمسٹرڈیم · میڈرڈ · لزبن · روم · برن · کوپن ہیگن · اوسلو · سٹاکہوم · ہیلسنکی · ماسکو · وارسا · ویآنا · صوفیہ · کیف · پراگ · بلغراد · بوداپست · ساراجیوو · ایتھنز · ریگا · بلغراد · کیف · باکو · تبلیسی · برسلز · ٹالن · ولیٹا · ولنیس · بخارسٹ · ریکجاوک · انڈورا لا ویلا · نیکوسیا · سکوپ جے · لکسمبرگ (شہر)