Wp/pnb/پہلا صفحہ

اج دا چونواں مضمون:پنجابی لوک

پنجابی جنوبی ایشیاء دے ھند آریائی نسل نال تعلق رکھن آلے لوک نیں۔ اے پنجاب دے علاقے توں ایناں دا تعلق اے جیڑا دنیا دی پرانیاں رہتلاں دا مرکز اے۔ جناں وچ۔ وادی سندھ دی رہتل وی شامل اے۔ پنجابیاں دی پشان اونہاں دی بولی تے اونہں دی رہتل نال اے یعنی پنجابی اس نوں آکھی دا اے جس دی بولی پنجابی اے جیڑي کے اک ھند آریائی بولی اے۔

پنجابی پاکستان تے ھندستان توں علاوہ جگ دے ہور بے شمار دیساں چ پھیلا ہویا اے۔ پنجابی برطانیہ، فرانس، سپین، نیدرلین، جرمنی، اٹلی، یونان، ناروے، سویڈن، ڈینمارک، کینیڈا، امریکہ، سعودی عرب، متحھہ عرب آمارات، قطر،بحرین، آسٹریلیا چ پھیلے ہوۓ نیں۔

پنجابی بولن آلیاں دی گنتی 12 کروڈ دے نیڑے اے۔ اے جگ دے لوکاں دا2 ٪ بندی اے ایناں دی سب توں وڈی آبادی پاکستان دے صوبہ پنجاب چ اے تے اے پاکستان دی آبادی دا سب توں وڈا حصہ نیں۔ اس توں بعد ھندستان دے صوبے پنجاب چ ایناں دی وڈی تعداد ریندی اے۔ برطانیہ چ پنجابی دوجی وڈی زبان اے۔ باقی مضمون پڑن واسطے کلک کرو۔