Wp/pnb/پعاف آلا انجن
From Wikimedia Incubator
پعاف آلا انجن اک اینج دا انجن ہوندا اے جیڑا کہ مکینکی کم پعاف دے زور تے کردا اے۔ پعاف آلے انجناں دی اک لمی تریخ اے جیڑی کہ 2000 وریاں تک پھیلی ہوئی اے۔ شروع چ اے انجن مکینکی کم کرن جوگے نئیں سی پر اک سینسدان جیمز واٹ نے اک طاقتور سٹیم انجن بنایا جیڑا کہ اینا طاقتور سی کہ اوہ مکینکی کم آستے کافی سی تے اس انجن دے آن توں 300 وریاں تک پعاف آلا انجن مکینکی کم کرن آلا اک وڈا حصہ بن گیا اے تے اس نال کم کاج دا انقلاب آگیا۔ اس دے آن توں پہلاں مکینکی کم کرن آلیاں مشیناں ہوائی چکیاں تے پانی توں چلن آلیاں چکیاں ہوندیاں سن جیڑیاں کہ صرف تیز ہوا چ یا فیر پانی چ چل سکدیاں سن۔
پعاف آلے انجن اصل چ ایکسٹرنل کمسچن انجن ہوندے نیں جیڑا کے کئی قسم دے بالن ورت سکدے نیں جیناں چ ایٹمی بالن توں لے کے کوڑا کرکرٹ ہوندا اے۔ بالن اصل چ پانی نوں گرم کردے نیں جیڑا کے پعاف بن کے انجن ٹوردا اے۔ دنیا دی 80٪ بجلی پعاف آلے انجن جمدے نیں۔
