Wp/pnb/ولینتینا ترشکووا
From Wikimedia Incubator
ولینتینا ولادیمیروونا ترشکووا ریٹائرڈ سویت خلاباز نے تے 16 جون 1963ء چ وستوک6 خلائی جہاز تے خلا چ جا کے پہلی خاتون خلاباز بنی ۔
[edit] ابتدائی زندگی
ترشکووا مغربی روس دے یاروسلاول ضلع دے اک چھوٹے جہے پنڈ چ 6 مارچ 1937ء چ پیدا ہوئی ۔ اسدے والدین 20ویں صدی دے شروع چ بیلاروس توں ہجرت کرکے آئے سی ۔ ترشکووا دا والد ٹریکٹر ڈرائیور تے ماں ٹیکسٹائل مل چ کم کردی سی ۔ اوہ اپنے والدین دی چھیتی سکول نئیں جا سکی ، اسنے 1945ء چ 8 سال دی عمر چ سکول جانا شروع کیتا تے 1953ء سکول چھڈ دتا تے کارسپانڈنس[خط و کتابت]کورساں دے زریعے اپنی تعلیم جاری رکھی ۔ ترشکووا نوں چھوٹی عمرے ای پیراشوٹنگ چ دلچسپی سی ، اسنے اک مقامی ایروکلب توں پیراشوٹنگ دی تعلیم حاصل کیتی ۔ 21 مئی 1959ء چ 33 سال دی عمر چ اسنے اپنی پہلی چھلانک لائی ۔ ایہہ پیراشوٹنگ چ اسدی مہارت سی جسنے خلاباز دے طور تے اسدی سلیکشن چ مدد کیتی ۔ ترشکووا ٹیکسٹائل مل چ فٹر تے پیراشوٹر سی جدوں اسنوں خلائی پروگرام واسطے بھرتی کیتا گئیا ۔ 1961ء چ اوہ مقامی کامسومول[نوجوان کیمونسٹ لیگ] دی سیکٹری بنی تے بعد چ سویت یونین دی کیمونسٹ پارٹی دی رکن بنی ۔
