Wp/pnb/میر
From Wikimedia Incubator
میر خلا چ سويت یونین دا[بعد چ روس دا] خلائی سٹیشن سی ۔ روسی زبان چ میر دے دو مطلب نیں دنیا یا امن ۔ میر خلا چ پہلا مسلسل انسان بردار تحقیقی خلائی سٹیشن سی تے تیجی پیڑھی[3rd genration] دا وی پہلا خلائی سٹیشن سی ۔ میر دا خلاء چ مسلسل انسان برداری دا 8 دن گھٹ 10 سال دا ریکارڈ اے تے بہت سارے ملکاں دے خلاءباز استے خلائی شٹلاں دے ذریعے آوندے تے جاندے رھے ،1991ء چ سویت یونین ٹٹن ویلے وی استے اک سویت خلاباز موجود سی ۔ سب توں ذیادہ 11 واری امریکی خلائی شٹلاں استے خلاباز تے دوجا سامان لے کے آئیاں ۔ میر خلا چ بہت سارے ماڈلاں نوں جوڑ کے بنایا گئیا، جہڑے 1986ء توں 1996ء تک اک اک کرکے خلاء چ بھجے گئے سن ۔ میر نون خلاء چ قازقستان چ واقع بیکانور دے خلائی اڈے توں 19 فروری 1986ء چ 21:28 بجے عالمی وقت دے مطابق خلاء چ بھیجیا گئیا ۔ ا؛ہہ خلائی سٹیشن 23 مارچ 2003ء تک خلاء چ رہیا تے فیر اسنوں مدار چوں کڈ کے جنوبی بحرالکاہل چ ڈیگ دتا گئیا ۔ میر خلائی سٹیشن دا وزن 124340 کلوگرام سی ۔ ایہہ زمین دوالے اک چکر 89.9منٹ چ مکمل کردا سی تے اک دن چ زمین دے گرد 16 چکر لاندا سی ۔ اسنے خلاء چ زمین دے دوالے 3،63،84،70،307 کلومیٹر دا سفر کیتا ۔
[edit] تریخ
میر سویت خلائی سسٹم دی تیجی نسل نال تعلق رکھدا اے ۔ 17 فروری 1976ء نوں سیلئوٹ DOS-17K خلائی سٹیشن نوں مذید بہتر کرن دا فیصلہ کیتا گئیا جدکہ 1771ء توں لیکے 4 سیلئوٹ خلائی سٹیشن خلاء چ بھیجے جا چکے سن
